Caith Vóta Leis an nGaeilge! Eagrán 6.4
Tá Conradh na Gaeilge ag lorg deimhniú ó gach páirtí polaitíochta ag dul don olltoghchán ar an 25 Feabhra 2011 go bhfágfaí an Ghaeilge mar chroíábhar Ardteiste a mhúintear do gach mac léinn. Tá an Conradh ag cur tábhacht mhúineadh na Gaeilge; tábhacht Straitéis 20 Bliain don Ghaeilge 2010 - 2030 a chur i bhfeidhm ina hiomláine; agus tábhacht sholáthar dóthanach Gaelscolaíochta do phobail uile na tíre agus suímh do scoileanna nua á roghnú ag an Roinn Oideachais agus Scileanna, ina luí ar gach iarrthóir freisin. Tá sé deimhnithe ag an gComhaontas Glas, Páirtí an Lucht Oibre, Fianna Fáil agus Sinn Féin nach ndéanfaidh na páirtithe polaitíochta s'acu aon athrú ar éigeantacht na Gaeilge don Ardteiste má thoghtar chun na Dála iad, ach tá sé
mar bheartas oideachais Fhine Gael go fóill go ndéanfaidh an páirtí an Ghaeilge roghnach don Ardteist i ndiaidh chomhairliúcháin. De réir shuirbhé a rinne Ipsos MRBI ar mheon an phobail i leith na Gaeilge sa chóras oideachais, measann 61% de dhaoine óga san aoisghrúpa 15-24 bliana d'aois gur chóir an Ghaeilge a mhúineadh go leibhéal na hArdteiste. Is gá an tslí go múintear agus go bhfoghlaimítear an Ghaeilge a athrú go suntasach amach anseo, ach creideann Conradh na Gaeilge gur ghá an cúrsa Ardteiste a athrú seachas é a dhéanamh roghnach. Tacaigh leis an bhfeachtas trí labhairt leis na hiarrthóirí áitiúla i do dháilcheantar agus sínigh an achainí ar-líne ag www.petitiononline.com/ gaeilge/ inniu!
18 Feabhra 2011 SAN EAGRÁN SEO:
1. Caith Vóta Leis an nGaeilge!
2. Agóid Chiúin AMLÉ 2. Cruinnithe Poiblí 3. Nuacht Áitiúil
4. CLG na Gaeilge
4. Raidió Rí-Rá Ag Ceol Arís! 5. Aiséirí
5. Barrliosta na Leabhar 6. Cruinniú Chill Dara
6. Gradaim Ghlór na nGael 7. Scléip 2011
7. Pearsan Spóirt SnaG
8. Fondúireacht Ollscoil Éireann Cheanada
8. Dún Mhuire
9. Folúntais Phoist
9. Buntáistí Ballraíochta sa Chlub
10. Aisteoirí an Lochrainn
10. Aighneachtaí
11. Scrúduithe TEG
11. Saor-Chomhairle Dlí 12. Is Leor Beirt
12. Comórtas Ceoil
Is féidir scéalta a chur chuig nuacht@cnag.ie
Le cabhair ó:
1
Agóid Chiúin AMLÉ
D'eagraigh Aontas na Mac Léinn in Éirinn (AMLÉ) agóid chiúin i gcoinne iarrachtaí an Ghaeilge a dhéanamh roghnach ag leibhéal na hArdteistiméireachta i gcomhar le cumainn Ghaelacha tríú leibhéil ar Lá Fhéile Vailintín 2011. D'fhreastail na céadta ar an agóid a d'imigh ón Dáil go Ceann-Áras Fhine Gael le hachainí sínithe ag 15,000 duine a bhronnadh ar ionadaí Fhine Gael, achainí ag éileamh ar an bpáirtí a bheartas oideachais a athrú agus seasamh leis an nGaeilge mar chroí-ábhar Ardteiste a mhúintear go gach scoláire. Labhair mic léinn leis na mílte daoine an mhaidin chéanna freisin, agus bhronn cárta Vailintín orthu le heolas maidir le seasamh na bpáirtithe éagsúla i dtaca le múineadh na Gaeilge ag leibhéal na hArdteiste air.
Tuilleadh eolais: Aodhán Ó Deá +353 (0)86 3102691 / gaeilge@usi.ie
Cruinnithe Poiblí gcoitinne. Beidh Pobal Raghnallach
Bhí os cionn 200 i láthair ag cruinniú poiblí i nGaillimh a d'eagraigh CONCOS, eagraíocht na gcoláistí samhraidh, faoi bheartais Ghaeilge na bpáirtithe don toghchán ag tús na míosa agus léiríodh míshástacht láidir maidir le beartas Fhine Gael ábhar roghnach a dhéanamh den Ghaeilge san Ardteist. Tionóladh tuilleadh cruinnithe i nGaoth Dobhair, Co. Dhún na nGall ag Guth na Gaeltachta agus Coiste na mBan Tí, agus ins An Daingean, Co. Chiarraí ag Conradh na Gaeilge, Todhchaí na Gaeltachta agus go leor grúpaí eile leis. Tugadh cuireadh do na hiarrthóirí áitiúla ar fad sa toghchán a bheith i láthair d'fhonn deis a thabhairt dóibh a ndearcadh air seo a roinnt le pobal na Gaeltachta agus leis an bpobal i
2
i mBaile Átha Cliath ag teacht le chéile ag an Triantán ar an 18 Feabhra 2011 ag 10.00rn lena mhíshástacht a léiriú le beartas Fhine Gael don Ghaeilge chomh maith. Beidh cruinniú poiblí eile in Ionad Dhobhair i nGaoth Dobhair, Co. Dhún na nGall, ar an 21 Feabhra 2011 ag 8.00in, agus níos luaithe an Luan chéanna, beidh mórshiúl ar Shráid Uí Chonaill sa phríomhchathair do Lá Idirnáisiúnta na Máthar Teanga de chuid UNESCO, ag teacht le chéile ag 11.30rn ag Cearnóg Pharnell agus ag tosú ag meánlae. Beidh bileoga Chonradh na Gaeilge An Ghaeilge san ArdTeist á scaipeadh ar lucht an mhórshiúil agus ag Ardoifig an Phoist ina dhiaidh. Tacaigh leis an nGaeilge i do cheantar!
Cuir na scéala chugainn roimh 09 Márta 2011
Nuacht Áitiúil
Áth Cliath Seoladh club nua scannánaíochta Blas ag ionad ealaíne CityArts, 15 Siúlán Bhaitsiléir, Baile Átha Cliath 1 chun blas de scoth na scannánaíochta mionteanga a thabhairt do phobal na príomhchathrach le déanaí. Taispeánfar an mórscannán Gaeilge Cré na Cille, Martha Jac a Sianco agus Seperados as an mBreatain Bheag, Seachd as Albain agus scannán faisnéise i gCorn na Breataine, Skath. Beidh caint ghairid ó stiúrthóirí, aisteoirí, agus scríbhneoirí scripte ón earnáil i ndiaidh gach léirithe, mar aon le ceol agus sólaistí. €5 atá ar bhallraíocht lae le Blas agus is féidir ballraíocht bhliana a cheannach ar €50. Tuilleadh eolais: blas@cityarts.ie / +353 (0)1 9022414 / www.cityarts.ie/gaeilge
Ceatharlach Reáchtálfar coláiste samhraidh do dhéagóirí i gCeatharlach arís an samhradh seo. Beidh an cúrsa lonnaithe i nGaelcholáiste Cheatharlach arís i mbliana agus leanfaidh an cúrsa ar feadh coicíse ón 4 - 15 Iúil 2011. €195 táille an chúrsa a bheidh ar siúl ó 9.30rn - 1.00in gach lá den tseachtain. Cuirtear fáilte roimh dhaltaí ó Rang 6 go leibhéal Ardteiste agus bíonn ranganna, cluichí cainte, díospóireachtaí, amhránaíocht, cluichí, spórt agus rince céilí ar an gclár do rannpháirtithe. Is féidir clárú le Glór Cheatharlach anois díreach! Tuilleadh eolais & clárúchán: Glór Cheatharlach +353 (0)59 9158105 / +353 (0)85 1340047 / eolas@glorcheatharlach.ie
An Dún Tá grúpa nua tuistí agus leanaí bunaithe ag Comhluadar i gCo. an Dúin agus bíonn siad ag bualadh le chéile in Ionad Pobail Caisleán Uidhilín gach maidin Aoine ó 9.30 – 11.30rn. Chomh maith leis sin, tá An tIonad Chnoc na Feola ag eagrú imeachtaí trí mheán na Gaeilge le linn mhí an Mhárta 2011. Is brú óige i gcroílár na mBeanna Boirche é an t-ionad seo agus chuir siad tús leis an bhféile shiúlóide Ghaeilge don chéad uair an bhliain seo caite. Tá lóistín dhá oíche, bricfeasta, lón pacáilte agus béile um thráthnóna san áireamh sa phraghas agus beidh céilí, damhsa seit agus tráth na gceist ar siúl leis. Gach eolas: www.mournehostel.com / +44 (0)28 41765859 / info@mournehostel.com Trá Lí Cuireadh tús le club nua Óg-Ógras i dTrá Lí, Co. Chiarraí le déanaí sna sála ar champa samhraidh maith anuraidh. D'fhreastail 16 ógánach idir 8 – 12 bliain d'aois ar an chéad oíche den chlub, ach baineadh siar as lucht stiúrtha an chlub nuair a bhuail 38 isteach ar an dara oíche den chlub! Tagann an club le chéile ag Club Aibhistín de Staic, Páirc Uí Chonghaile ó 6.30 - 7.30in gach Aoine. Beidh seisiún eile ar siúl ó 7.30 - 8.30in anois freisin, toisc an tóir a bhí ar an chéad cheann. Teagmháil: Risteárd Ó Fuaráin +353 (0)87 2194992
Is féidir scéalta a chur chuig nuacht@cnag.ie
3
CLG na Gaeilge
Tá Cumann Lúthchleas Gael na Gaeilge faoi lánseol anois! Tháinig Gaeilgeoirí spórtúla Átha Cliath le chéile i mí Eanáir chun Cumann CLG nua le Gaeilge á bhunú, agus chun foireann a chlárú le dul san iomaíocht i gcomórtais pheile Átha Cliath i mbliana. Tá Cumann CLG na nGael Óg ag dul ó neart go neart ó shin, ag traenáil i bPáirc an Fhionnuisce go n-aimsíonn siad páirc thraenála dóibh féin.
Tá geansaithe nua deartha acu, tá tús curtha le himirt na gcluichí agus déanfar an cumann a sheoladh go hoifigiúil go luath. Más spéis leat imirt leo, nó club Gaeilge a bhunú i do cheantar áitiúil féin, déan teagmháil le Ciarán Mac Fhearghusa ag +353 (0)85 7314847. Tuilleadh eolais: Daithí de Buitléir +353 (0)83 3058326 / cumannclg@gmail.com
Ag iarraidh do cheol a chur ar chluasa breis agus 1,500,000 daoine? Cláraigh le Cath na mBannaí ar Raidió Rí-Rá inniu! Tá an t-aon chairtstáisiún Gaeilge in Éirinn ag lorg na bannaí is fearr le liricí Gaeilge chun iad a chur ag ceol ar aerthonnta na tíre agus Raidió Rí-Rá ag craoladh beo ar an gcóras FM i mBaile Átha Cliath, (92.1 FM), Corcaigh (106.7 FM), agus Gaillimh (99.1 FM) arís do Sheachtain na Gaeilge ón 5 – 17 Márta 2011. Chaith éisteoirí Raidió Rí-Rá vóta ar son an bhanna ab fhearr leo anuraidh agus bhuaigh an banna Mo Hat Mo Gheansaí Cath na mBannaí 2010 lena n-amhrán Ní Tú Mo Ghrá. Mar dhuais ar an gcomórtas, beidh amhrán Mo Hat Mo Gheansaí le cloisteáil ar albam ceoil Raidió Rí-Rá 2011 i dteannta leithéidí The Coronas, The Rubberbandits agus eile nuair a eiseofar an t-albam in aisce san Irish Daily Star ar an Satharn, 5 Márta 2011. Beidh deis ag buaiteoir chomórtas Cath na mBannaí 2011 amhrán a chasadh ar albam Raidió
Rí-Rá an bhliain seo chugainn freisin. Tabhair seans do do bhanna poiblíocht a dhéanamh ar bhur gcuid ceoil go náisiúnta i mbliana trí mp3 de cheol an bhanna le liricí i nGaeilge (nó i mBéarla agus i nGaeilge) a sheoladh go gina@rrr.ie faoin Aoine, 25 Feabhra 2011. Tuilleadh eolais & clárúchán: Gina Ní Chathasaigh +353 (0)85 7058122 / +353 (0)1 4757401 / gina@rrr.ie
Raidió Rí-Rá Ag Ceol Arís!
4
Cuir na scéala chugainn roimh 09 Márta 2011
Aiséirí
Foilsíodh an leabhar Aiséirí le Alex Hijmans le déanaí agus beidh sé ar fáil ins An Siopa Leabhar ar €16 go luath. Baineann an túrscéal le caifelann i gcathair na Gaillimhe. Nuair a théann ealaíontóir óg,
Barrliosta na Leabhar
Seo na hearraí is mó díolta i Siopa Leabhar Chonradh na Gaeilge le mí anuas:
anamúil darbh ainm Rebekka as an Ísiltír ag obair ann, athraíonn a saol féin ó bhonn. Is trí shúile Rebekka a fhaighimid spléachadh úr ar shaol na Gaillimhe. Rugadh an t-údar féin in Heemskerk san Ísiltír, agus bhog sé go hÉireann nuair a bhí sé 20 agus d’fhoghlaim na Gaeilge. Chaith sé tréimhse 12 bhliain i nGaillimh, 5 bliana go leith de sin ag déanamh espresso d’andúiligh chaife Chathair na dTreabh sa teach caife dátheangach s'aige, Bananaphoblacht. Tá cónaí ar Alex agus a fhear céile i Salvador anois ach beidh sé ag dul faoi agallamh poiblí leis an gcraoltóir Cathal Póirtéir in Halla na Cathrach, Baile Átha Cliath ag 3.00in Dé Sathairn, 5 Márta 2011 mar chuid d'Fhéile na Leabhar. Tuilleadh eolais: www.dublinbookfestival
Daoine Óga: 1. Tom Crean: Fear san Oighear – Michael Smith –€8 2. Cé Chomh Mór Is Atá An Ghealach – Heather Henning - €9 3. Cócó an Colgán Cairdiúil – Ailbhe Nic Giolla Bhrighde - €9.95 4. Scrabble – Glór na nGael - €20 5. Cathal: Mo chéad leabhar focal – Tadhg Mac Dhonnagáin €10.95 Daoine Fásta: 1. Dialann Dúlra – Tony McNally - €8 2. Re-embracing Irish – Colm Ó Torna - €4 3. Cliúsaíocht as Gaeilge – Rossa Ó Snodaigh - €8 4. D’imigh Sin Agus Tháinig Seo – Séamus Mac Séain - €12 5. Trasna na Machairí – Michael Mullen - €7.50 Eolas & orduithe: siopa@cnag.ie / +353 (0)1 4783814 / 4785428 (facs) / www.cnag.ie/siopa
Is féidir scéalta a chur chuig nuacht@cnag.ie
5
Cruinniú Chill Dara
Tá Sult na Sollán agus Glór na Ríogh tar éis cruinniú poiblí maidir le todhchaí na Gaeilge i gCo. Chill Dara a eagrú le tacaíocht ó Chomhluadar, Conradh na Gaeilge agus Glór na nGael. Bhí an cruinniú ar siúl sa Bridgewater Inn, Na Solláin, Co. Chill Dara, ar an, 17 Feabhra 2011. Bhíodar ag tabhairt aghaidhe ar na chéad chéimeanna i dtreo Cultúrlainne Gaeilge a fhorbairt do phobal an chontae ag an gcruinniú i measc
rudaí eile. Bhí ionadaithe ann ó na heagraíochtaí agus grúpaí deonacha Gaeilge sa cheantar agus tugadh cuirí d’iarrthóirí an Olltoghcháin an dá dháilcheantair sa chontae, ach cruinniú oscailte a bhí ann agus bhí fáilte roimh phobal uile Chill Dara freastal air. Tuilleadh eolais: Daithí de Faoite +353 (0)87 2249756 / sultnasollan@sallins4u.com
Fógraíodh buaiteoirí chomórtais Ghlór na nGael 2010 ar chlár Sheáin Bháin Bhreathnaigh ar RnaG ar an 11 Feabhra 2011 comhghairdeas leo uile! Bhuaigh Comharchumann Forbartha Ghaoth Dobhair Teo. i gCo. Dhún na nGall agus Conradh na Gaeilge san Aonach, Co. Thiobraid Árann an dá dhuais de chuid an Chonartha i mbliana. D'éirigh le Craobh Mhaigh Cuilinn de chuid Chonradh na Gaeilge i gCo. na Gaillimhe áit a bhaint amach ar ghearrliosta na gCoistí gan cúnamh fostaíochta freisin, áit go bhfuil duaischiste €10,000 ag dul dó. Bhuaigh An Clár as Gaeilge, togra an Chonartha in Inis, Co. an Chláir, duais €1,000 Gaeleagras na Seirbhísí Poiblí, bhain pobal An tSrátha Bháin, Co. Thír Eoghain duais Chomhluadar de €1,500 amach agus tá
duais €750 Ógras ag dul do Bhaile an Chaistil. Ghlac Comharchumann Ráth Chairn, Co. na Mí duais an Irish Independent leo an babhta seo, fad agus a bhain Glór Bhréifne, Co. an Chabháin; Glór na Ríogh, Co. Chill Dara; agus Conradh na Gaeilge Boirche Íochtair, Co. an Dúin, duaiseanna IarGhaeltachta amach. Luadh Conradh na Gaeilge, Glaschú i measc bhuaiteoirí an ghradaim Global Gaeilge, agus bronnfar na duaiseanna ar na buaiteoirí ar fad ag searmanas speisialta i gCarlingford House i gCo. Lú ar an 16 Aibreán 2011. Cuimhnigh gur ghá clárú le Glór na nGael roimh 28 Feabhra 2011, más mian le do choiste áitiúil comórtas na bliana seo a bhuachaint! Gach eolas: www.glornangael.ie / +353 (0)46 9430974 / eolas@glornangael.ie
Gradaim Ghlór na nGael
6
Cuir na scéala chugainn roimh 09 Márta 2011
Scléip 2011
Tá tallann úr á léiriú trí Ghaeilge mar chuid den chomórtas seó stáitse Scléip 2011! Tháinig an iliomad mac léinn iarbhunscoile le chéile ag na réamhbhabhtaí i gcúigí Laighean, Mumhan, Uladh agus Connacht le déanaí agus beidh géariomaíocht idir buaiteoirí na réamhbhabhtaí sin sa chraobh ceannais san Amharclann Axis, Baile Munna, Baile Átha Cliath ar an 02 Aibreán 2011. Tá an comórtas á reáchtáil ag Gaelscoileanna le 5 bliana anuas. 'Sí príomhaidhm an chomórtais ná
daltaí na n-iarbhunscoileanna a spreagadh le Gaeilge a úsáid i réimsí éagsúla de na healaíona – rince cruthaitheach, drámaíocht, amhránaíocht agus ceol traidisiúnta, clasaiceach agus nuaaimseartha ina measc - trí dheis a thabhairt dóibh páirt a ghlacadh sa chomórtas spreagúil, spraíúil seo. Tuilleadh eolais: Clare Spáinneach +353 (0)1 8535193 / +353 (0)87 9724020 / www.gaelscoileanna.ie
Tá an fhéile bhliantúil Ghaeilge is mó ar domhan ar ais ón 5 – 11 Márta 2011! Tugann Seachtain na Gaeilge deis do gach duine a gcuid cúpla focal Gaeilge a úsáid, sa bhaile agus thar lear, trí pháirt a ghlacadh sna himeachtaí eagraithe ar fud na cruinne, agus tá Bernard Dunne agus Craig Doyle tagtha ar bhord mar phearsan na féile i mbliana. Is iardhornálaí gairmiúil as Baile Átha Cliath é Dunne atá i ndiaidh neart suime a chur sa teanga le cúpla bliain anuas, go háirithe tar éis dó tosú ag foghlaim na Gaeilge arís in iarthar Bhaile Átha Cliath. Is láithreoir teilifíse agus raidió é Craig Doyle as Baile Átha Cliath freisin. Tá clú air mar fhear spóirt ón am caite aige leis an BBC. Tá sé féin ag tabhairt faoin teanga a fhoghlaim
faoi láthair i ndiaidh na blianta, agus déanann sé gach iarracht í a úsáid lena chuid pháistí sa bhaile. Tá liosta iomlán na nimeachtaí atá ag tarlú timpeall an domhain ar fáil ar www.snag.ie. Seolfar Seachtain na Gaeilge Mhaigh Eo 2011 in Aerfort an Iarthair, Cnoc Mhuire le Séamus Mac Cormaic, Uachtarán Chomhaltas Ceoltóirí Éireann ar an 02 Márta 2011 ag 8.30in mar shampla, agus is iomaí rang tonnmharcaíochta nó scóráil sciobtha a bheidh ar siúl trí Ghaeilge mar chuid den tSeachtain i mbliana! Tuilleadh eolais: Orla Nic Shuibhne, +353 (0)1 4757401 / +353 (0)87 9845760 / orlaceol@gmail.com
Pearsan Spóirt SnaG
Is féidir scéalta a chur chuig nuacht@cnag.ie
7
Fondúireacht Ollscoil Éireann Cheanada
Tá Fondúireacht Ollscoil Éireann Cheanada ag cur fáilte roimh iarratais do chlár dámhachtainí Gaeilge in Ollscoileanna Cheanada don bhliain acadúil 2011 – 2012 anois. Cuireann an Fhondúireacht líon áirithe dámhachtainí ar fáil chun tacú le teagasc na Gaeilge in ollscoileanna áirithe i gCeanada, le maoiniú ón gCrannchur Náisiúnta agus ón Roinn Gnóthaí Pobail, Comhionannais agus Gaeltachta. Bronnfar dámhachtain d'ollúnacht chuairte St Mary’s
University, Halifax, Nova Scotia; agus do chúntóireachtaí do theagasc na Gaeilge i 6 ollscoil éagsúla, áit go dtabharfar deis do mhúinteoirí barr feabhais a chur ar a gcuid scileanna múinteoireachta agus cur lena neolas faoi shochaí agus faoi chultúr Cheanada. Tréimhse 9 mí ó Mheán Fómhair 2011 go Bealtaine 2012 atá i gceist leis an dá dámhachtain seo. Spriocdháta: 01 Márta 2011. Tuilleadh eolais & foirmeacha iarratais: www.icuf.ie/clar-gaeilge/
Tá an-áthas ar an gcoiste áitiúil go bhfuil Dún Mhuire, áras Chonradh na Gaeilge san Aonach i gCo. Thiobraid Árann, athchóirithe agus ar oscailt don phobal arís ó mhí na Nollag 2010, buíochas le deontas 80% a bhfuarthas ón Roinn Gnóthaí Pobail, Comhionannais agus Gaeltachta. Tá an t-áras suite ar Shráid an Phiarsaigh i gceartlár an bhaile agus aithnítear Dún Mhuire mar lárionad na Gaeilge don Aonach agus don cheantar máguaird. Tá 3 urlár ann le 9 seomra éagsúla ina mbíonn cruinnithe, ranganna, drámaí, oícheanta ceoil agus ócáidí nach iad á reáchtáil ar bhonn rialta. D'éirigh leis an gcoiste áitiúil Scéim Phobail Ghaeilge 2011 – 2013 de chuid Fhoras na Gaeilge a chinntiú don ionad agus fearann siad fáilte Uí Cheallaigh
anois roimh Kim Ní Mhaolchatha, Oifigeach Forbartha Gaeilge nua atá ag obair i nDún Mhuire ó thus mhí Eanáir 2011. Is as an gceantar áitiúil d'Ard Cróine do Kim agus d’fhoghlaim sí a cuid Gaeilge ag freastal ar Ghaelscoil Aonach Urmhumhan. D’fhreastail sí ar Choláiste Pobail, Buiríos Uí Chéin don Ardteist ina dhiaidh sin, agus tá an-suim ag Kim i gcúrsaí Gaeilge. Tá suim mhór aici freisin sa cheol agus cabhraíonn sí leis na ceoldrámaí éagsúla ar an mbaile. Tá díospóireachtaí iarbhunscoileanna, ranganna, agus cruinnithe faoin nGaeilge eagraithe aici cheana féin, agus tá sí ag ullmhú do Sheachtain na Gaeilge i mí an Mhárta agus do theacht John Spillane go Dún Mhuire ar an 17 Feabhra 2011 faoi láthair.
Dún Mhuire
8
Cuir na scéala chugainn roimh 09 Márta 2011
Folúntais Phoist
Tá riarthóir oifige á lorg ag an gCoimisiún le Rincí Gaelacha ar chonradh 6 mí. Tá oifig CLRG lonnaithe i mBaile Átha Cliath 7 agus beidh líofacht sa nGaeilge agus scileanna oifige bhunúsacha riachtanach don phost seo. Is féidir CV a sheoladh chuig maire@clrg.ie roimh 01 Márta 2011. Tá go lár Feabhra ag iarrthóirí cur isteach ar phost mar Bhainisteoir Forbartha Gnó leis an nuachtán náisiúnta Gaelscéal freisin.
Beidh Gaeilge líofa, ghairmiúil de dhíth don phost seo agus beidh eolas domhain ar phobal agus ar shaincheisteanna na Gaeilge ag teastáil ón té a cheapfar. Beidh sé de dhúshlán roimh an té sin ciorclaíocht an nuachtáin a mhéadú agus www.gaelsceal.ie a fhorbairt. Ba chabhair í taithí sna meáin; ní mór d'iarrthóirí CV agus eolas cúlra ábhartha a sheoladh chuig: patricia.nichonghaile@gaelsceal.ie.
Le tithe tábhairne ar fud na príomhchathrach ag dúnadh le déanaí, agus an lag trá geilleagrach buailte orainn ar fad, tá bliain chinniúnach amach roimh Chlub Chonradh na Gaeilge i mbliana. Toghadh coiste nua ag an gcruinniú cinn bhliana i mí na Nollag chun an Chlub a stiúradh i 2011 agus tá siad uile ag tabhairt faoin dúshlán le díograis cheana féin. Tá féilire úr imeachtaí seolta acu don mhí seo agus sa bhreis ar na himeachtaí rialta dá leithéid chiorcal comhrá an Luain, Oíche na Mac Léinn gach Máirt, Cearcall Comhraidh Ghàidhlig na hAlba, rincí Briotánacha, agus cluichí Beiriste, tá idir sheoltaí leabhar, Tráth na gCeist, léiriú ar chluichí spóirt, sheó cabaret agus fiú ranganna salsa tosaithe sa Chlub! Beidh Rónán Ó Snodaigh ag casadh ceoil ar an 23 Feabhra agus beidh
torthaí Olltoghchán 2011 á léiriú ar an scáileán mór ar an 26 Feabhra 2011. Chomh maith leis sin, beidh córas lascaine i bhfeidhm ag deireadh mhí an Mhárta do bhaill an Chlub. Beidh lascaine 10% ar fáil do bhaill ar dheochanna sa Chlub, ar earraí ón Siopa Leabhar, agus ar chúrsaí Chonradh na Gaeilge. Beidh ceithre ócáid Oíche na mBall ar siúl le linn na bliana leis, an chéad cheann Dé Sathairn, 26 Márta 2011, agus cuirfear tús le Crannchur na mBall gach mí ó Aibreán ar aghaidh freisin. Tá an táille bhallraíochta laghdaithe ó €50 go dtí €35, agus go €15 do mhic léinn, daoine scothaosta, agus daoine dífhostaithe. Mar sin ní raibh riamh am níos fearr le ballraíocht a ghlacadh leis an gClub! Tuilleadh eolais & foirm bhallraíochta: http://anclub.ie/ballraiocht.php
Buntáistí Ballraíochta sa Chlub
Is féidir scéalta a chur chuig nuacht@cnag.ie
9
Aisteoirí an Lochrainn
Tá Aisteoirí an Lochrainn ar ais! Bunaíodh an compántas drámaíochta amaitéarach i gCeatharlach sa bhliain 1993 le drámaí a léiriú trí Ghaeilge, rud a rinneadar go rathúil ar feadh breis 's 10 mbliana. D’imigh an compántas i léigh sa bhliain 2003 ach le meascán d’iarbhaill an ghrúpa agus daoine nua, tá Aisteoirí an Lochrainn ar ais ar an saol agus táthar ag súil le dráma aon-ghníomh a léiriú roimh theacht an tsamhraidh.
Cuireadh tús leis na seisiúin léitheoireachta agus cleachtais le déanaí ach tá fáilte roimh rannpháirtithe nua páirt a ghlacadh go fóill. Tá ballraíocht oscailte anois do Chairde Aisteoirí an Lochrainn ar tháille €20 chun tacú leis an gcompántas. Tacaigh le haisteoireacht na Gaeilge i mbliana! Tuilleadh eolais: eolas@glorcheatharlach.ie / +353 (0)59 9158105
Tá An Roinn Forbartha Réigiúnaí ó Thuaidh ag lorg aighneachtaí maidir le moltaí a bheidh á bplé mar chuid de chomhairliúchán pobail go luath i dtaobh comharthaí bóithre dátheangacha. Tá dualgas ar an Roinn de réir na Cairte Eorpaí um Theangacha Réigiúnacha nó Mionlaigh, mionteangacha a chaomhnú agus deir an tAire Forbartha Réigiúnaí, Conor Murphy, go bhfuiltear ag súil go mbeidh comharthaí áirithe dátheangacha ann i nGaeilge agus in Albainis Uladh. Is féidir teacht ar an gcáipéis comhairliúcháin ar-líne ag www.drdni.gov.uk agus is féidir aighneachtaí a sheoladh chuig Transportation & Engineering Policy Unit, Room 3-29, Clarence Court, Adelaide Street, Béal Feirste BT2 8GB roimh 11 Márta 2011. Tá comhairliúchán tosaithe ag Translink, an tseirbhís iompar poiblí ó thuaidh,
maidir le comharthaí dátheangacha a chur ar scáileáin cheannscríbe bus in Iarthar Bhéal Feirste freisin. Cuireann Translink réimse eolais ar fáil do phaisinéirí i nGaeilge agus i mBéarla ar feadh iarthar na cathrach faoi láthair - cláir ama, eolas faoi na bealaigh Metro agus foilseacháin dhátheangacha san áireamh. Tar éis dóibh iarratais a fháil ó Ghaeil áitiúla, bheartaigh Translink fáilte a chur roimh mholtaí ón bpobal faoi eolas Gaeilge a chur ar fáil dá gcuid seirbhísí bus ar líne Metro 10. Is féidir aischothú nó aighneacht a chur isteach ar ríomhphost chuig feedback@translink.co.uk nó é a sheoladh chuig Marketing Department, Translink, Central Station, East Bridge Street, Béal Feirste, BT1 3PB, roimh Dé Luain, 28 Feabhra 2011. Tuilleadh eolais: www.translink.co.uk
Aighneachtaí
10
Cuir na scéala chugainn roimh 09 Márta 2011
Scrúduithe TEG
Is córas scrúdaithe é Teastas Eorpach na Gaeilge (TEG) d’fhoghlaimeoirí fásta Gaeilge. Is cáilíocht í atá aitheanta go hidirnáisiúnta agus tá baint aici leis an bhFráma Tagartha Comónta Eorpach do Theangacha. Scrúdaítear na 4 scil sna scrúduithe labhairt, cluastuiscint, léamhthuiscint agus scríbhneoireacht na Gaeilge. Beidh scrúdú á dhéanamh ar leibhéal B2 ar an 02 Aibreán; B1 ar an 16 Aibreán; A2 ar an 07 Bealtaine; agus A1 ar an 21 Bealtaine 2011. Beidh scrúdú C1 ar siúl in Ollscoil Mhá Nuad ar an 18 - 19 Feabhra 2011 agus tá gach eolas faoi na scrúduithe, ábhar teagaisc, páipéir scrúdaithe shamplacha agus eile ar fáil ag
www.teg.ie. Is féidir foirmeacha iarratais a líonadh agus táillí na scrúduithe a íoc arlíne freisin. Spriocdháta d'iarratais: 11 Márta 2011. Tuilleadh eolais: www.teg.ie
Is féidir scéalta a chur chuig nuacht@cnag.ie
11
Is Leor Beirt
Níl slua i gcónaí de dhíth le daoine a chur ag labhairt i nGaeilge i ngach cearn den tír - is leor beirt! Tá ábhar an leathanaigh seo dírithe ar chabhrú leat ciorcal comhrá neamhfhoirmeálta a reáchtáil i d’áit oibre féin nó i
mbialann áitiúil. Cuir fáilte roimh Ghaeilgeoirí nua tríd na ceisteanna seo a leanas a ghearradh amach agus lig do gach duine ceist a roghnú nuair a éiríonn an comhrá gann.
Olltoghchán 2011:
An bhfuil spéis agat i gcúrsaí polaitíochta?
An raibh tú ag an agóid ar Lá Fhéile Vailintín?
An dtacaíonn tú le beartas oideachais na bpáirtithe éagsúla?
Cé acu de cheannairí na bpáirtithe a thaitníonn leat?
Cad é do mheas faoi bheartas cánach na bpáirtithe?
Cé a bheidh ina Thaoiseach amach anseo, dar leat?
An mbeidh ort taisteal abhaile le vóta a chaitheamh ar an 25 Feabhra?
Cén dáilcheantar lena mbaineann tú?
Comórtas Ceoil
Cé hiad na hiarrthóirí atá ag dul don olltoghchán i do cheantar?
Ceoltóir ar a bhfuil an-
ceolchoirmeacha seo agus
hÉireann air is é Carlos
dhéanamh ar Fhéile Pádraig
an gCeoláras Náisiúnta i
Seol do shonraí teagmhála
mheas ag lucht féachana na Nunez agus filleann sé ag
mBaile Átha Cliath le seó nua oíche Mháirt, 15 Márta
chun
ceiliúradh
a
2011!
agus freagra na ceiste seo
a leanas chuig Comórtas
2011, ag 8.00in. 102 bhliain
an Cheoláráis Náisiúnta, 6
beidh The Kilfenora Céilí
Átha Cliath 2 roimh 09
agus iad fós ar an mbóthar,
Band ag casadh sa Che-
oláras ón 16 - 17 Márta 2011 ag 8.00in
freisin agus tá péire ticéad againn do
Sráid
Fhearchair,
Baile
Márta 2011: Cén t-ainm
atá ar an albam ceoil is déanaí de chuid Carlos Nunez?
Chonraitheoirí ádhmhara freastal ar chugainn na Freagra & tuilleadh eolais: Cuirlena scéala roimh 09 Márta 2011www.nch.ie 12