Eagrán 6.10
Oíche Chultúir 2011
Tá lárionad cultúir Cheannáras Chonradh na Gaeilge ag cur réimse iontach imeachtaí Gaeilge ar siúl don Oíche Chultúir arís i mbliana! Tosóidh an spraoi Dé hAoine, 23 Meán Fómhair 2011, le tráthnóna spóirt eagraithe ag Ógras do pháistí idir 5 - 11 bliana d'aois ó 3.30 - 4.30in agus seisiún scéalaíochta ar siúl ins An Siopa Leabhar ó 5.00 - 6.00in. Beidh ceardlann scileanna raidió leis an gcairtstáisiún óige Raidió Rí-Rá (11 - 18 bliana d'aois) ar siúl ó 5.00 - 6.00 freisin agus tá rang d'fhoghlaimeoirí fásta eagraithe ag Conradh na Gaeilge ó 6.00 - 7.00in. Tá ceardlann dátheangach ar bhuntáistí an dátheangachais luath, dar teideal Dátheangach Ó Thús / Bilingual Beginnings, á reáchtáil ag Comhluadar do thuismitheoirí ó 7.00 8.00in agus tá ceardlann
ghiotáir eagraithe ag an bhféile Seachtain na Gaeilge ó 8.00 - 9.00in chun an slua a ullmhú don seisiún ceoil i gClub Chonradh na Gaeilge ag tosú ag 9.00in! Chomh maith leis sin, beidh sladmhargadh ar earraí G a e i l g e , seastán eolais ShaorChomhairle Dlí, agus turas treoraithe dátheangach ar stair an Cheannárais gach 20 nóiméad ó 5.00 -11.00in ag 6 Sráid Fhearchair, Baile Átha Cliath 2. Níl costas ar bith ag baint le haon cheann de na himeachtaí, ach is gá áiteanna a chur in áirithint. Tá gach eolas faoi imeachtaí ar siúl in áiteanna eile timpeall na tíre ar fáil ó w w w. c u l t u r e n i g h t . i e freisin. Áirithintí: eolas@cnag.ie / +353 (0)1 4757401
23 Lúnasa 2011 SAN EAGRÁN SEO:
1. Oíche Chultúir 2011 2. Gaelú an Aonaigh
2. 25 Bliain Ar An bhFód 3. Nuacht Áitiúil
4. Gaeilge na Cruinne 4. Dea-scéal
Gaelscolaíochta
5. Féile Phléaráca
5. Barrliosta na Leabhar 6. Aistear.ie
6. Dúchas Thiobraid Árann 7. Damhsa sa Chathair 7. Agóid Ard Mhacha 8. Seimineár APG
9. Leabhar Frásaí FNT 9. Brící na Gaeilge 10. Aighneachtaí
10. Samhradh na Gaeilge 11. Ard-Dioplóma
Dlí-Chleachtadh
11. Oidhreacht &
Oideachas Mhaigh Eo
12. Is Leor Beirt
12. Comhghairdeas Ó
Is féidir scéalta a chur chuig nuacht@cnag.ie
Chroí
Le cabhair ó:
1
Gaelú an Aonaigh
Bíonn Aonach na bhFeirmeoirí ar siúl i gcroílár an mhargadh i mbaile na hInse gach Aoine ó 8.00rn - 2.00in le breis agus 7 mbliana anuas anois. Ba gnách le Breandán Mac Fhionnghaile, Oifigeach Forbartha An Clár as Gaeilge, a chuid glasraí, arán álainn agus cáis ón gceantar a cheannach ann agus thug sé faoi deara go raibh Gaeilge ag a lán de na daoine a bhí ag díol ann. Labhair sé le Dominic Ó Liatháin, Cathaoirleach na Díoltóirí, mar gheall ar infheiceacht na Gaeilge a láidriú ann agus tá 4 mhórchomhartha lánGhaeilge le feiceáil ar gach bealach isteach chuig an margadh anois. Tá gnó le Gaeilge ar fáil ag breis agus leath de na
seastáin agus is deis iontach í do chustaiméirí agus do dhíoltóirí úsáid a bhaint as a gcuid Gaeilge mar theanga caidreamh go rialta, go neamhfhoirmiúil agus go nádúrtha!
Cár cheannaigh Harry McGee, comhfhreagraí polaitíochta The Irish Times, a chéad cheaig Guinness? Cár chuir Hector barr feabhais ar a scileanna beáir? Cár chuir lucht scannánaíochta TG4 a gcuid smaointe trína chéile thar cúpla pionta ag tús ré an stáisiúin? Cén áit atá ag tabhairt dídine d’amhránaithe, ealaíontóirí, ceoltóirí, aisteoirí, lucht liteartha, lucht na meáin, pobal na Gaeilge, na Gaeltachta agus lucht foghlamtha na teanga le 25 bliain anuas? Club Áras na nGael ag 45 Sráid Doiminic, Gaillimh dar ndóigh! Tá comóradh mór beartaithe sa Chlub don Satharn, 10 Meán Fómhair 2011, chun ceiliúradh a dhéanamh ar bhunú an Chlub 25 bliain ó shin agus ag seoladh an chomóraidh le déanaí, dúirt Eibhlín Uí Bhairéad agus Catherine Ní
Ghuairm, beirt den lucht eagraithe, go raibh siad thar a bheith sásta leis an spéis a bhí léirithe ag seanchairde an Chlub san ócáid go dtí seo. Tá ticéid ar fáil ar €20 don ócáid anois, agus in ainneoin go mbeidh marquee feistithe i gclós Áras na nGael, tá an lucht eagraithe ag comhairle do dhaoine ticéid a chur in áirithint láithreach toisc go bhfuil teorainn le líon na dticéad atá ar fáil agus gur iomaí ticéad atá ceannaithe cheana féin. Tá comhcheangal déanta ag Club Áras na nGael leis an gcarthanacht Jack and Jill freisin agus tá súil go mbeidh síntiús breá ag dul chucu mar thoradh ar an gcomóradh 25 bliain. Gach eolas & áirithintí: www.facebook.com/clubaras25 / +353 (0)91 567824
25 Bliain Ar An bhFód
2
Cuir na scéalta chugainn roimh 09 Meán Fómhair 2011
Nuacht Áitiúil
An Clár Bhí an campa samhraidh Súgradh le Chéile á rith i mBaile Uí Bheacháin agus Lios Dún Bhearna i gCo. an Chláir don dara bhliain as a chéile an samhradh seo. Bhí breis agus 40 páiste páirteach sa spraoi i mbliana, ag déanamh ceoil, drámaíochta, ealaíon, cluichí, tóraíocht taisce agus eile. Chomh maith leis sin, bhí Scléip an tSamhraidh ar siúl in Inis, agus Campa Chill Mhichíl agus Charraig an Chabhaltaigh in iarthar an chontae - is iomaí deis a bhí ann do pháistí bhunscoile a bheith ag spraoi agus ag foghlaim trí Ghaeilge ar fud an Chláir!
An tAonach Tosóidh ranganna Gaeilge do dhaoine fásta i nDún Mhuire arís i mí Mheán Fómhair, mar aon le ranganna do dhaltaí ag lorg cabhrach ag ullmhú don Teastas Sóisearach agus don Ardteist. Chomh maith leis sin, tá cúpla spás fós fágtha sa naíonra Ríocht na nÓg ag Cúl an Tí a thabharfaidh bliain réamhscolaíochta trí Ghaeilge in aisce do pháistí idir 3 – 5 bliana d'aois. Gach eolas: Kim Ní Mhaolchatha +353 (0)67 41570
Áth Cliath Beidh saothar Bob Dylan á cheiliúradh ag ócáid in Amharclann an Pavilion, Dún Laoghaire, ar an 3 Meán Fómhair 2011. Tionólfaidh scoth na n-amhránaithe agus ceoltóirí aitheanta chun tionchar Dylan ar an gceol a léiriú ag an ócáid, arna stiúradh ag Liam Carson, stiúrthóir na féile litríochta IMRAM. Steve Cooney a léireoidh an cheolchoirm, áit a bheidh Liam Ó Maonlaí, Ciara Sidine, Bill Shanley, Rod McVey, Martin Brunsden agus
Robert Harris le cloisteáil, agus beidh scéalta Gaeilge á léamh ag Gabriel Rosenstock agus Colm Breathnach le híomhánna ón ealaíontóir Margaret Lonergan á léiriú. Cosnaíonn ticéid €15 (€12 ar lascaine). Gach eolas: +353 (0)1 2054868 / www.mountainstosea.ie
Béal Feirste Tá Raidió Fáilte ag lorg Gaeilgeoirí cruthaitheacha le páirt a ghlacadh i gcúrsa nua traenála atá á reáchtáil i gcomhar le Ciste Craoltóireachta na Gaeilge le tacaíocht ó Northern Ireland Screen. Dianchúrsa i scileanna raidió agus craoltóireachta atá i gceist, áit go bhfoghlaimeoidh na rannpháirtithe conas clár raidió a ullmhú, a chur i láthair, a thaifead agus a chur in eagar, chomh maith le scileanna agallaimh, modhanna taighde agus scríbhneoireacht scripteanna. Spriocdháta iontrála: 02 Meán Fómhair 2011. Teagmháil: Dónall Chaoimhín Mac Murchaidh +44 (0)28 90310013 / donall@raidiofailte.com
Manchain Tá an Manchester Irish language Group ag iarraidh ar scríbhneoirí na Gaeilge peann a chur ar phár do chomórtas úr scríbhneoireachta speisialta. Bronnfar duais ar an tsliocht is fearr sa chomórtas le linn Fhéile Ealaíon Mhanchain. Glacfar le hiarratais i réimse an fhicsin, neamhfhicsin nó i bhfoirm dánta ar níos lú ná 3,000 focal iad. Is é an 13 Meán Fómhair 2011 spriocdháta an chomórtais. Tuilleadh eolais : www.milg.ork.uk
Is féidir scéalta a chur chuig nuacht@cnag.ie
3
Gaeilge na Cruinne
Tá suíomh idirlín úrnua seolta ag Conradh na Gaeilge, Páras le déanaí agus tá teacht air ag www.paris-gaelique.com. Cé nach bhfuil an suíomh críochnaithe ina iomláine fós, tá tús iontach curtha leis an obair agus tá an chraobh ag lorg smaointe, moltaí, ailt scríbhneoireachta nó aon rud eile gur mian le daoine a chur leis. Chomh maith leis sin, beidh Lá Fhéile Fiachra á cheiliúradh ag an
gcraobh ar an 30 Lúnasa 2011 agus beidh Oíche Comhrá agus Craic á reáchtáil sa teach tábhairne The Quiet Man ag 5 rue des Haudriettes, 75003 Paris an Mháirt dheireanach den mhí ó 8.00 - 10.00in ón 27 Meán Fómhair 2011 ar aghaidh. Buail isteach ar an mbuncar s'acu! Teagmháil: Ciarán Mac Guill +33 (0)6 82 87 07 10 / comhraparas@hotmail.fr
Fáiltíonn an comhfheachtas Aitheantas roimh fhógra na Roinne Oideachais agus Scileanna go mbeidh ar a laghad trí Ghaelcholáiste i gCo. Átha Cliath agus i gCo. Chorcaí i measc na 14 iarbhunscoil nua a osclófar as seo go ceann trí bliana. Éilíonn Aitheantas go mbeidh Coláiste Ghlór na Mara i mBaile Brigín, Co. Átha Cliath, san áireamh sna hiarbhunscoileanna lánGhaeilge sin freisin, áit go bhfuil An Foras Pátrúnachta ina phátrún air agus coiste bunaithe ag obair le haitheantas a bhaint amach don mheánscoil le 5 bliana anuas. Rinneadh iarratas oifigiúil ar aitheantas don mheánscoil dhá bhliain ó shin; tá sé faoi bhráid na Roinne Oideachais agus Scileanna go fóill. Aithnítear go forleathan go bhfuil gluaiseacht na nGaelscolaíochta ar cheann de na rudaí is fearr agus is tábhachtaí i
gcur chun cinn na Gaeilge i measc an phobail le 20 bliain anuas, mar sin is dea-scéal don Ghaelscolaíocht trí chéile é fógra na Roinne Oideachais agus Scileanna. Tá súil ag Aitheantas gur tús é seo a léiríonn tiomantas fadtéarmach an Rialtais le freastal ar mhianta tuismitheoirí ag lorg oideachas dara leibhéal lánGhaeilge dá bpáistí, agus go dtabharfaí aitheantas do Ghaelcholáistí eile fud fad na tíre amach anseo. Éilíonn Aitheantas freisin go núsáidfí soláthar an Ghaeloideachais mar chritéir agus áiteanna nua á roghnú acu do gach cineál scoile amach anseo freisin, idir bhunscoileanna agus iarbhunscoileanna, chun freastal mar is cóir a dhéanamh ar an éileamh náisiúnta don oideachas lánGhaeilge. Tuilleadh eolais: www.aitheantas.com
Dea-scéal Gaelscolaíochta
4
Cuir na scéalta chugainn roimh 09 Meán Fómhair 2011
Féile Phléaráca
Ní fada anois go mbeidh Máire Fhada le
feiceáil thimpeall ar Chill Chiaráin…agus
Barrliosta na Leabhar
Féile Phléaráca Chonamara 2011 faoi lán
seoil! Tá siamsaíocht, scléip, ceol,
craic, amhránaíocht, damhsa, ealaín
agus réimse imeachtaí bríomhara eile ar chlár na féile don 2 - 4 Meán Fómhair i mbliana. Áine Lally a osclóidh an 21ú
Féile Phléaráca in Ionad Pobail Chill
Chiaráin oíche Aoine ag 8.00in. Lean-
faidh bronnadh Ghradam Phléaráca 2011 agus an–oíche cheoil agus chraic leis Na
Ceannabháin Bhána agus Máirtín Tom Sheáinín Mac Donncha ina Fhear an Tí. I
gcaitheamh an chuid eile den deireadh
seachtaine, seolfar taispeántas ealaíne
le Bernie Seoige, ealaíontóir as Ros Muc, agus
Cuasnóg,
cnuasach
scríbh-
neoireachta chruthaitheach ó scríbh-
neoirí óga an Chiorcail; beidh ceardlann
damhsa ar an sean-nós agus ceardlann
Óra Mhíle Grá Dé Sathairn; tabharfar
cuairt ar Thobar an Dúchais; agus reáchtálfar Comórtais na nÓg agus
Comórtas Damhsa ar an Sean–Nós Dé Domhnaigh.
Clár iomlán:
www.plearaca.ie
Seo na leabhair is mó díolta i Siopa Leabhar Chonradh na Gaeilge le mí anuas:
Daoine Óga: 1. Bhí Ocras ar Oisín - Nicola Moffatt - An Gúm - €4 2. Niamh Amuigh Ag Siúl - Nicola Moffatt - An Gúm - €4 3. Cinnín Óir agus na Trí Bhéar – Treasa Ní Ailpín - An Gúm - €4.50 4. Céard Atá Sa Bhosca? – Áine Ní Ghlinn – An Gúm - €6.50 5. Labhraidh Loingseach – Máire Nic Mhaoláin - An Gúm - €5.50
Daoine Fásta: 1. Scoil an Chnoic – Jacqueline de Brún – An Gúm - €8.50 2. An tAthair Pádraig Ó Duinín: Bleachtaire - Coiscéim - Biddy Jenkinson - €10 3. Rogha Scéalta - Pádraic Ó Conaire - Cló Iar-Chonnachta - €18 4. 1916: Seachtar na Cásca - Aindrias Ó Cathasaigh - Coiscéim - €10 5. Harry Potter agus an Órchloch - JK Rowling, aistrithe ag Máire Nic Mhaoláin - Bloomsbury - €13 Eolas & orduithe: siopa@cnag.ie / +353 (0)1 4783814 / 4785428 (facs) / www.cnag.ie
Is féidir scéalta a chur chuig nuacht@cnag.ie
5
Aistear.ie
Is suíomh nua é www.aistear.ie a chuirfidh áiseanna oiliúna ar fáil d’aistritheoirí, d’eagarthóirí, do mhúinteoirí, d'fhoghlaimeoirí agus do gach éinne a bhíonn ag scríobh i nGaeilge. I measc na n-ábhar atá ar an suíomh, tá cleachtaí aistriúcháin agus eagarthóireachta, téacsanna tábhachtacha a bhaineann leis an nGaeilge scríofa, agus bunachar de na botúin agus de na pointí deacrachta is coitianta sa Ghaeilge dar teideal Cruinneas. Deir
An Dr Antain Mac Lochlainn, eagarthóir an tsuímh: "Táimid ag iarraidh ar phobal na Gaeilge dul i bpáirt linn san obair seo, go háirithe sa chuid sin den suíomh a dtugtar Cruinneas air. Má thugann duine faoi deara go núsáidtear focal sa chiall mhícheart go minic, nó go bhfuil focal éigin ann a mhílitrítear an t-am ar fad, bheimis an-bhuíoch as na samplaí sin a sheoladh isteach chugainn le cur sa bhunachar." Teagmháil: eolas@aistear.ie
Beidh Dúchas - éigse eagraithe ag Coiste Contae Thiobraid Árann de Chonradh na Gaeilge don chontae - ar siúl i nDún Mhuire, 50 Sráid an Phiarsaigh, An tAonach ón 9 - 11 Meán Fómhair 2011. Tabharfaidh An Dr Mary Harris ó Ollscoil na hÉireann, Gaillimh, léacht ar Tomás Mac Donncha i diaidh an tseolta oifigiúil ar 7.30in oíche Aoine. Cuirfear an-spéis go háitiúil sa léacht ó ba as Cloch Shiúrdáin do Thomás agus thar aon rud eile, ba dhuine de laochra 1916 é. Beidh An Dr Séamus Ó Flaithimhín ón ollscoil chéanna ag caint ar an ábhar An Monsignor Pádraig de Brún: Scoláire ildánach, Gael agus Eorpach Dé Sathairn ar 2.00in; ba as Tiobraid Árann Theas don Mhonsignor de
Brún, a oileadh in Éirinn agus i bPáras. Sna sála ar cheardlann filíochta do dhaoine óga a stiúradh Dé hAoine, beidh Áine Ní Ghlinn, file, i láthair chun a cuid filíochta a léamh ag Crois an Ghúlaigh ar 3.30in Dé Sathairn. Ansin seolfar úrscéal nua dar teideal Sna Flaithis go hArd le Liam Prút, údar eile ó Thiobraid Árann Thuaidh, ar 5.00in. Labhróidh An Dr Nóirín Ní Riain faoi Sheán Ó Riada oíche Shathairn ar 8.00in, sula rachaidh Buíon Phádraig, Luimneach chun stáitse leis an dráma Mangairí le Murray Shisgal a léiriú. Is dáta don dialann é Dúchas agus is ann a bheidh caint, ceol agus comhluadar trí mheán na Gaeilge daoibh a chairde Gaeil! Gach eolas: +353 (0)67 41570
Dúchas Thiobraid Árann
6
Cuir na scéalta chugainn roimh 09 Meán Fómhair 2011
Damhsa sa Chathair
Beidh Cairde Rince Céilí na hÉireann ag cur tús le ranganna rince céilí seachtainiúla do dhaoine fásta ar fud na tíre i mí Mheán Fómhair 2011. Seo eagraíocht náisiúnta dheonach atá ag obair chun an rince céilí neamhchomórtasach a chur chun cinn agus tá gach eolas faoi na ranganna ar fáil ó www.ceilidancing.com nó trí ghlaoch ar Eilís Ní Mhearraí, Rúnaí, ag +353 (0)87 2770873. I measc na n-ionad i mBaile
Átha Cliath, beidh Cnoc Mhuirfean, Tamhlacht, Raghnallach, Domhnach Bat agus Naomh Maighréid. Chomh maith leis sin, beidh Sibéal Davitt ag cur tús le ranganna damhsa ar an sean-nós i gClub Chonradh na Gaeilge ar Shráid Fhearchair an mhí seo chugainn, sna sála ar cheardlanna do thosaitheoirí ar an 22 agus 25 Lúnasa 2011. Tuilleadh eolais: www.sibealdavitt.com
Bhí scaifte breá, bríomhar, dathúil i láthair ag picéad a eagraíodh lasmuigh de chruinniú de Chomhairle Ard Macha an tseachtain seo. Ba fhreagra é an agóid ar thuairimí déistineacha, ciníocha a nocht an Comhairleoir Jim Speers (iar-mhéara Ard Mhacha) agus roinnt comhghleacaithe leis faoin teanga i mí Iúil, tráth dá raibh díospóireacht ar siúl faoi chomharthaí dátheangacha ag Ionad Oidhreachta Eamhain Mhacha, atá faoi chúram Chomhairle Ard Mhacha anois. Thionóil teaghlaigh agus páistí ó Ghaelscoileanna an cheantair, ceoltóirí agus gníomhaithe teanga ó Ard Mhacha féin, ó Bhéal Feirste, ó Mhuineachán, ón Iúr agus ó Nua Eabhrac fiú chun seasamh a ghlacadh ar son na Gaeilge agus ar son an chomhionannais. Bhuail toscaireacht ón agóid leis an Uasal
John Briggs, Cléireach agus Príomhfheidhmeannach na Comhairle, agus chuir seisean in iúl go ndéanfadh sé cinnte de go gcuirfí litir agus fearg phobal na Gaeilge in iúl d'ionadaithe tofa na Comhairle. Dúirt Seán Ó Maoilsté, Oifigeach Forbartha Gaeilge le Cairde Teo.: "Tá an Ghaeilge á labhairt sa cheantar seo le breis agus 2000 bliain agus tá earnáil na Gaelscolaíochta faoi bhláth i dtuaisceart na hÉireann. Is léiriú d’fhéiniúlacht chultúrtha, náisiúnta agus stairiúil na ndaoine atá i dteanga ar bith – níl sé ina bhagairt do dhuine ar bith agus níor chóir do pholaiteoirí mar an tUasal Speers an Ghaeilge a úsáid le deighilt, eagla agus leithcheal a chruthú i bpobal Ard Mhacha." Gach eolas: sean@cairdeteo.com / +44 (0)28 37515229
Agóid Ard Mhacha
Is féidir scéalta a chur chuig nuacht@cnag.ie
7
8
Cuir na scéalta chugainn roimh 09 Meán Fómhair 2011
Leabhar Frásaí FNT
Sheol Forbairt Naíonraí Teoranta leagan nua den leabhrán BunGhaeilge do Thuismitheoirí agus Feighlithe Leanaí ag ócáid speisialta in Institiúid Oideachais Marino i mBaile Átha Cliath le déanaí. Is athchló agus uasdátú ar an leabhar frásaí BunGhaeilge do Thuismitheoirí atá sa bhfoilseachán seo, leabhrán atá dírithe ar theaghlaigh gur mian leo cúpla focal a úsáid agus gnásanna agus gníomhaíochtaí an lae ar siúl acu. Tá CD ag gabháil leis an leabhrán ar mhaithe le
cabhrú le foghraíocht, agus tá 4 leagan den CD ar fáil, ceann do gach canúint - Connacht, Mumhan, Uladh agus canúint chaighdeánach. Tá BunGhaeilge do Thuismitheoirí agus Feighlithe Leanaí ar díol ar €10 agus tá raon leathan áiseanna Gaeilge eile ar fáil ó Fhorbairt Naíonraí Teoranta freisin. Tuilleadh eolais: www.naionrai.ie / +353 (0)1 8535101 / eolas@naionrai.ie
Mar is eol duit faoin am seo, tá gairdín á thógáil sa chlós ar chúl Cheannáras Chonradh na Gaeilge agus tá deis agat do chuid a dhéanamh le cabhrú leis an bhforbairt! Tá foireann dheonach tar éis anjab a dhéanamh ar an áit, idir phéinteáil agus ghlanadh, le cúpla seachtain anuas agus tá na tógálaithe tar éis an obair leis an deicre ar chúl a chur i gcrích le déanaí. Mar a luamar cheana, cuirfidh an gairdín seo go mór le féidearthachtaí an Chlub agus an Cheannárais trí chéile, ag déanamh an áit i bhfad níos tarraingtí ar lá breá grianmhar go háirithe. Tá costas mór ag baint leis an tionscnamh seo áfach, agus mar sin tá tús curtha le scéim a thugann deis duit bríce a
cheannach ar mhaithe leis an ngairdín ar €100. Beidh plaic bhuan á crochadh ar bhalla sa ghairdín ar a mbeidh ainmneacha na ndaoine na ngrúpaí ar fad a cheannaigh bríce. Má tá tú in ann, bheimis fíorbhuíoch díot as uchta do thacaíocht a thabhairt don togra speisialta seo. Is féidir leat bríce a cheannach trí sheic a sheoladh chuig An Rúnaí, Club Chonradh na Gaeilge, 6 Sráid Fhearchair, Baile Átha Cliath 2; ar-líne le do chárta creidmheasa ar shuíomh an Chlub ag www.anclub.ie nó ag an mbéar sa Chlub. Tapaigh leis an deis seo chun bríce a cheannach agus do rian buan a chur ar an gCeannáras! Orduithe: www.anclub.ie
Brící na Gaeilge
Is féidir scéalta a chur chuig nuacht@cnag.ie
9
Aighneachtaí
Tá plean straitéiseach 3 bhliana nua á ullmhú ag An tSeirbhís Chúirteanna faoi láthair, le cur faoi bhráid an Aire Dlí agus Cirt agus Comhionannais i mí na Samhna 2011. Fáilteofar roimh aighneachtaí ón bpobal maidir leis an Ráiteas Straitéise 2012 - 2014, ach iad a sheoladh chuig strategicplan@courts.ie. Tá aighneacht shamplach réitithe ag Craobh na gCeithre Chúirt, agus tá béim ar leith curtha acu ar struchtúr chóras dlíthiúil na
gCúirteanna sa Ghaeltacht a athrú chun riachtanais teanga an phobail ann a aithint agus a fhreagairt. Tá siad ag moladh go mbeadh na ceantair Ghaeltachta eagraithe in aon chuaird amháin freisin agus athleagan amach á dhéanamh ar na dúichí de chuid na Cúirte Dúiche faoi láthair. Is féidir cóip den aighneacht seo a lorg ón Ard-Oifig ag dli@cnag.ie. Tuilleadh eolais: www.courts.ie
Sna sála ar Oíche Scéalaíochta le Eddie Lenehan sa cheantar le déanaí, tá Baile Locha Riach á ullmhú féin don bhféile bia a bheidh ar siúl i gCarrchlós Bhóthar an Stáisiúin ar an mbaile ó 12.00 - 5.00in Dé Sathairn, 27 Lúnasa 2011. Cuirfidh seo críoch le samhradh lán le himeachtaí Gaeilge, ní do mhuintir Oirthear na Gaillimhe amháin, ach do Ghaeilgeoirí ar fud na tíre! D'éirigh thar cionn leis an saoire Gaeltachta a reáchtáil Comhluadar do theaghlaigh ag tús na míosa seo, áit gur thug breis agus 80 duine aghaidh ar Ghaeltacht álainn Chiarraí do sheachtain spraoi agus spóirt le páistí agus tuismitheoirí eile le Gaeilge. Is iomaí imeacht a bhí ar bun ag Glór Cheatharlach le cúpla mí anuas freisin, nó bhí Campa na nÓg,
Campa Samhraidh agus Coláiste Samhraidh ar siúl ar an mbaile chun freastal ar gach aoisghrúpa le suim sa Ghaeilge le linn mhí Iúil. Mar chuid d'Fhéile na hÉigse i gCeatharlach i mbliana, chabhraigh Gael-Linn le comórtas Spraoicheist a eagrú do dhaltaí sna hardranganna i mbunscoileanna an cheantair leis. Ghlac 37 bhfoireann páirt sa spórt ach bhí an bua ag Scoil Naomh Bríd, Muinebheag comhghairdeas leo! D'fhreastail slua breá daltaí ar chúrsa samhraidh sa Ghaelscoil áitiúil ar an Aonach i gCo. Thiobraid Árann chomh maith. Thug siad faoi shnámh agus chluichí sa pháirc chomh maith leis an amhránaíocht, ceol, ealaín agus drámaíocht, agus léirigh siad 4 dhráma éagsúil ag deireadh an chúrsa.
Samhradh na Gaeilge
10
Cuir na scéalta chugainn roimh 09 Meán Fómhair 2011
Ard-Dioplóma Dlí-Chleachtadh
Reáchtálfaidh Óstaí an Rí cúrsa Ard-Dioplóma sa Dlí-Chleachtadh trí Ghaeilge an bhliain acadúil seo chugainn 2011 - 2012 a chumasóidh cleachtóirí dlí le feidhmiú trí Ghaeilge. Tá an cúrsa seo ar oscailt d’aturnaetha agus d’abhcóidí a bhfuil líofacht Ghaeilge acu gur mian agus leo seirbhísí dlí a chur ar fáil as Gaeilge dá gcuid client, agus reáchtálfar é tráthnóna Aoine agus Shathairn uair sa mhí thar 8 mí, ó mhí Dheireadh Fómhair 2011 – Bealtaine 2012. Cuimseofar cúrsaí sibhialta agus
coiriúla, dréachtú, abhcóideacht, comhchomhairle agus idirbheartaíocht, agus reáchtálfar scrúduithe ar an 26 Bealtaine 2012. Tá foirmeacha iarratais ar fáil ó www.kingsinns.ie agus ní mór iad a sheoladh isteach roimh 4.00in Déardaoin, 8 Meán Fómhair 2011. Tuilleadh eolais: Dáithí Mac Cárthaigh, BL +353 (0)87 2368364 / daithi.maccarthaigh@kingsinns.ie
Tá an dealramh ar an scéal go mbeidh Seachtain Náisiúnta na hOidhreachta 2011 ar an gceann is mó fós agus breis agus 1,300 imeacht ar siúl ó cheann ceann na tíre ón 20 – 28 Lúnasa 2011! I gCo. Mhaigh Eo mar shampla, beidh Gráinne Mhaol agus an Bhanríon Éilís I ag tabhairt aghaidh ar a chéile arís. Na céadta bliain i ndiaidh dóibh bualadh ar a chéile i Londain, beidh an bheirt bhan ag troid in aghaidh a chéile arís - ach an uair seo is ar an gclár fichille a mbeidh siad! Is é an Clár Fichille Amuigh Faoin Spéir an t-ionad siamsaíochta úrnua ar Lána an Mhargaidh i gCathair na Mart agus beidh sé á oscailt go hoifigiúil ar 5.00in Dé Sathairn, 27 Lúnasa 2011. Beidh an tráthnóna lán le siamsaíocht i ndiaidh nochtadh na fir fichille
adhmad, lámhdhéanta ag Craobh Eo. Beidh deis ag an bpobal ar fad sult a bhaint as taispeántais fhichille, deileadh adhmaid, ceachtanna fichille, pictiúrlann faoin spéir, comórtas don duine is fearr gléasta in éadaí ríoga, ceol agus cluichí cláir. Beidh fáilte agus ‘fichille’ roimh cách! Chomh maith leis sin, tá céim nua BA sa Ghaeilge Fheidhmeach ag tosú ar-líne i mbliana, i bpáirt le hOllscoil na hÉireann, Gaillimh, agus tá seisiún eolais faoin gcéim ar siúl san Ionad Traenála i gCaisleán an Bharraigh ar 7.30in Dé Céadaoin, 7 Meán Fómhair 2011. Tuilleadh eolais: www.heritageweek.ie / www.gnomhaigheo.ie / www.nuigalway.ie/gaeilge
Oidhreacht & Oideachas Mhaigh Eo
Is féidir scéalta a chur chuig nuacht@cnag.ie
11
Is Leor Beirt
Níl slua i gcónaí de dhíth le daoine a chur ag labhairt i nGaeilge i ngach cearn den tír - is leor beirt! Tá ábhar an leathanaigh seo dírithe ar chabhrú leat ciorcal comhrá neamhfhoirmeálta a reáchtáil i
d’áit oibre féin nó i mbialann áitiúil. Cuir fáilte roimh Ghaeilgeoirí nua trí na ceisteanna seo a leanas a ghearradh amach agus lig do gach duine ceist a roghnú nuair a éiríonn an comhrá gann.
Grá agus Pósadh:
• An thit tú i ngrá nuair a bhí tú óg? • Ar phós tú riamh? • An bhfuil tú scartha / i do bhaintreach (mná)? • An bhfuil tú ag siúl amach le duine faoi láthair? • An bhfuil tú singil /geallta / i gcaidreamh / pósta / i bpáirtíocht shibhialta? • Cá háit gur bhuail tú le do chailín / do bhuachaill / do bhean chéile / d'fhear céile? • An bhfuil aithne agat uirthi / air le fada? • Cén fhad a bhí tú ag siúl amach léi / leis sular phós sibh? • An raibh an searmanas agaibh in oifig chláraithe nó in eaglais? • Cén áit gur phós sibh? • Cé a sheas libh? • An raibh slua mór i láthair? • Cá raibh an bhainis agaibh? • Ar mhair an chóisir go maidin?! • Cá ndeachaigh sibh ar mhí na meala?
Searmanas: brídeog, grúm, ag seasamh le, finnéithe, fáinní pósta, sagart, beannacht Bainis: óstán, cáca bainise, óráidí, béile, céilí, ceoltóirí, banna ceoil, damhsa, ceapairí
12
Cuir na scéalta chugainn roimh 09 Meán Fómhair 2011