楊振寧堂宿生會第四屆編輯委員出版《心電圖》2018/05
目錄 總編輯
何灝文（Kison）
副編輯
梁琬禎（禎仔） 杜國滔（阿滔）
美術設計
葉詩詠（Flora） 伍昱錚（Albert） 劉曉旻（Joyce） 梁詠珊（Chole）
編輯
文智輝（Fai） 王裕鑫（Amy） 丘前朗（朗） 叶釗穎（Victoria） 吳卓霖（Toby） 吳嘉怡（嘉怡） 林祖童（Derek） 侯秀文（Sabrina） 孫銘蔚（Kathrine） 張芷穎（Stephanie） 梁琛穎（Freya） 符嘉怡（Kayi） 許頌言（Doris） 陳偉亷（威廉） 黃千真（千真） 黃熙喆（喆） 楊宏 （宏狗） 廖淑怡（Suey） 劉峻岳（Wayne） 黎天惠（Skylar） 蕭煜培（Jeff） 戴俊華（Chun） 羅雅芳（芳芳）
01
01 目錄 02 編者的話 03 Quit Hall 後遺症 05 YANG 文 YANG 武－隨筆一則 06 See You Again 07 上原亞 2 09 關我諗 Three 11 五良耶唔耶 13 Exact7ly 15 嘩！九之里 17 有病拾一劑 19 衣衫不整十三妹 21 一五小心嗲親你 23 膠友 17Q 25 楊堂六種人
編者的話 這期《心電圖》，於匆忙間，順利推出，非常感 謝有投稿的宿生，你們為 Yang Hall 寫下了回憶。 亦要感謝編委在考試期間仍不忘寫稿，多謝宿生 在百忙中抽空寫下感言，請原諒我「冤魂式」追稿，有 了你們，才有一份完整的《心電圖》。 這一期的《心電圖》是踐別號，載下多位宿生在 舍堂生活的樂與苦，一起吃宵夜、聊天、溫習 ...... 但當 想起這一切將在 Quit Hall 後一併帶走，不少回憶都顯 得特別珍貴、動人。 不 知 道 在 Quit Hall 後， 能 否 再 與 floormates, roommates, hallO-mates...... 再次相聚。 不知自己會否習慣沒有 roommates, floormates 三更半夜出去吃宵、聊天；不能忘記那些心事台、一起 食層飯、一起四圍遊玩的 Hall Life....... 緊握剩下的時間，和最愛的宿生一起享受 Hall Life 吧！ 在此送上本年度最後一期《心電圖》......
總編輯 何灝文
02
文／陳偉亷
毒食宵夜 Quit 咗 hall 之後，你夜晚一肚餓無得再喺走廊大嗌「出去食宵啦 喂！」又或者喺 whatsApp Group 問「有無人想食糖水？」。點解？ 因為你已經 quit 咗 hall 啦。你已經唔係再同 floormates 住喺一齊， 而係返咗屋企同返屋企人一齊住。但係往好嘅方面嚟睇，你已經慳 咗好多錢，的士錢、食宵嘅錢。嗰啲錢我諗你夠食幾餐放題又或者 買多幾件衫嚟著。
自己通頂啦 喺 hall 嘅時候，你要通頂一定會揾到同路人同你通，佢哋一係就打 機打通宵，一係就好努力趕緊聽日嘅 deadline。你會發現原來自己 並唔係得一個通頂，而係有好多人，通完頂仲可以一齊食個靚靚早 餐添。但係返到屋企，想通頂嘅時候就得返自己一個，屋企人瞓哂， 你諗住同你隻寵物玩，佢都瞓埋。你唯有嘆一口氣，然係默默坐返 低，帶返嗰耳機，自己一個通頂。
-2，-2
03
「突發，-2」一場神奇、頂級、超卓嘅鬥智 game 又要準備開始啦。 呢個運動不但令你無老人痴呆，仲可以賺返啲洗費返嚟。唔洗玩手 機 game，一入到房就有得玩。成班人睇住你哋一齊玩都係一件幾 fun 嘅事嚟。但 quit hall，你無得隨時隨地再玩，亦無得喺 group 再嗌負幾負幾，因為屋企未必有枱同牌，又或者開出嚟好麻煩，所 以都係自己喺到玩下手機版，過下癮就算。
瞓咁耐，今晚唔洗瞓啦 呢樣嘢通常關你通頂事，你一通頂就會有排瞓。係 hall 瞓你想瞓到 第二日嘅夜晚都得，甚至可以同 floormate 挑戰訓幾多嗰鐘。但你 喺屋企，哈哈哈哈哈！你瞓到晏晝你屋企人就一定鬧你「做咩瞓咁 耐，今晚唔洗瞓啦！！！」瞓得一陣嘅你起個身，然後喺房到 Hea 下打下機。
有無人今晚想飲？ 當你失意時，無聊時，梗會有人問「有無人今晚想飲？」你就知道 今晚可能會醉到死貓咁，要人抬返房。成班人玩下，飲下酒，忘 記啲唔開心嘅嘢，第二日又係一條好漢，即日吹雞就有人同你玩酒 game，飲愁酒。但係 quit hall 之後，人又難約，又唔知去邊到飲好， 好鬼麻煩，所以你都係自己一個人飲下愁酒算，或者選擇唔飲。
其實講咁多嘢都係想大家記住喺 hall 嘅日子同埋日常事， 因為你 quit 咗 hall，返番屋企住真係未必做得返以上嘅嘢， 希望大家唔好因為 quit hall 而傷心流淚，反而係記住做過 呢啲癲嘢，將佢變成一個美好嘅回憶！！
珍重 ‧ 再見
04
YANG 文 YANG 武
文／曉語
美麗的東西，好像都有限期吧？
流星只有劃破天際的一剎那，煙火只有光芒綻放的幾秒鐘，曇 花只有醉人心弦的一現。大概是這個世界默默運行著一條規則，凡是 美麗的東西，都該有個限期。這大半年住在宿舍的生活，好像也要完 結了。眼看限期將至，卻有股寧願這大半年的生活不要太美麗的古怪 念頭。 好像要離別了，好像會很難受。起碼在這等待離別的十數天， 已經有點難受。難受在於，要讓自己接受原本在身邊的一切漸漸的變 成一幀幀只能回味的記憶：那個同房的賤人、那些朝夕相處卻讓人哭 笑不得的傢伙、那群埋首於書海中奮鬥的戰友、那段日夜顛倒飲食不 定時的日子、那股異常吵耳卻經常聽到的聲音、那句無聊得不想接下 去的對白……有一天會全部消失了，就像這個地方向大家表演了一個無 法看出破綻的魔術，但誰也沒有為表演者拍掌的力氣。 小時候愛玩線上遊戲，興高采烈卻笨手笨腳的進入了虛擬的新 世界，花了好長好長的時間去探索周遭的事物與環境，然後再了解它 的整個世界觀。玩著玩著，好像習慣了。小孩好像已經成為了那個世 界的一個勇者，身邊的一切彷彿是再熟悉不過的東西。然而遊戲不再 營運的一天，那個世界不再存在，勇者也要醒過來變回一個坐在寢室 中的小孩。小孩那時候覺得，房間中的東西明明很熟悉，卻又覺得很 陌生。 從這個地方，回到原本的那個家，大概又要再感受一次那股錯 亂的感覺了吧。
不過，離別也好像不是一齣難以接受的悲劇。
遇到了那些人，經歷了那些事，過上了那種生活，於是成就了 這美麗的大半年，雖然也因此孕育了離別的日子。只是，若然那些人 05 跟那些事物是生命中的一點幸福，那麼這次的離別也是快樂的吧。
06
h
上原亞 2
Dear 2/F 傻 9 SSSSSSSS 「大家好，我係你哋今年 hall tutor 阿倫……希望你哋今年喺二樓會玩得開心……」呢個開場 白，我到而加睇返到覺得尷尬。實不相瞞，我由你哋 check-in 第一日就諗緊點打呢篇野， 但到呢一刻，我都唔知點樣將所有嘢講晒出黎。呢一年，其實好多時間都好氣餒同好攰，好 想快啲完咗呢一年。去到呢一刻，我真係好想由 check-in 再嚟過，再同你哋一齊住多一年， 玩多一年，hea 多一年，fing 多一年。呢一年入面，同你班 7 頭經歷嘅話多唔多，話少唔少， 但每一分每一秒我都會好好收藏。我自問真係唔係一個好嘅 ht，又懶訓，又懶，又唔打機， 唔游乾水。但點都好，好多人一生人可能得一次 hall life，希望我今年無浪費到你哋呢一年 嘅 hall life，亦都希望你哋會記得你哋人生入面有過一個 ht 叫呂天倫。都係果句啦，阿叔走 啦，下年喺 BU 見我唔到架啦，無得再 L 你班 PK 仔 / 比你哋 L 同拖數，但記住，你哋每一 個對我都好重要，所以生生性性啦 DIU ！ 阿叔
07
話咁快就住咗一年 Hall，想趁呢個機會同 2 樓咁多位講聲 多謝。由一開頭唔熟到而加咁 fd，I Love U All <3。今年做 咗好多好 7 嘅嘢 :o)，好多謝一眾 floormates 接納咗呢個咁 on9，日日派膠同做低能嘢嘅我。我好珍惜呢一年每次一齊 食飯、9 hea、打機、做 9 屎嘢、玩 hall functions 嘅時間， 希望 quit 咗 hall 之後仲有機會再見咁多位啦。 阿喆
嘩！估唔到咁快就 quit hall 啦，由第一日唔夠膽出房玩去到 而家日日出嚟玩，真係過得好快呀。望住張枱， 發現我已經 將屋企間房嘅所有嘢搬晒返 hall，真係當咗 hall 係自已屋企 咁樣。一諗起遲啲無得入倫倫間房聽金剛圈就好唔捨得了。 我相信大家一定會好掛住我啲歌聲，好掛住聽我嘅爛 gag 㗎！！ 有無得賴死唔走㗎！ Albert
08
關我諗 Three3 其實湊你哋真係比想像中易好多！ 你哋易埋堆，又鍾意玩、又唔會好麻煩好 多小圈子嘈嘈嘈 ！ 呵挑寶寶表示安慰，對住你班煩煩人， 我都無咩好講了～ 唔知篇幅睇上去同其他層會唔會好大對比 ^^ hehe btw I hate 3/f :) Kai
對 足 你 哋 一 年 終 於 可 以 quit hall 啦， 唔 洗 凌 晨兩點同你哋去食宵，唔洗晚晚不如食糖水， 唔 洗 再 同 Sarah 打 交！ anyways 萬 大 事 有 三 樓 (Hoi, 2017) ！ Btw anyone dinner (drink) tn? # 左手尾指手勢 #123123 # 防蜂衣 # 要着 襪 # 我部手機都係咁震，全部都係層 gp…(Hoi, 2018) # 招 fd 子聽日去買 bra # shutuplahro9 # 唔好笠 Joyce
到 quit hall 前八日了。大家仲喺考試入面忙碌緊，好似一啲離別嘅氣氛都無。唯有忙裡偷 閒嘅時候，大家又拎起酒杯發癲，先真真正正聽到大家講 :「我唔想 quit hall 呀！我會好掛 住你哋㗎！」然後第一滴眼淚之後，大家嘅眼淚都再忍唔住。 當刻我心諗，如果我 grad 咗之後回望 U-life，最最記得，一定會係你哋好大陣酒氣咁攬住 我喊到豬頭嗰個 7 樣。 希望大家 quit hall 都要掛住我，多啲覆 gp update 下大家做緊咩，因為我無得再行入 你哋房嘈住你哋㗎喇。少啲做廢青，唔好再做睡魔，因爲無人肉鬧鐘喇，唔好阿叔 style DLLM，唔好 lup 成兩個鐘先食到 tea，唔好幾日唔洗頭，唔好再做 pk 磁石，唔好再飲酒 碌馬路。 今年生日想浪費一個愚蠢願望比你班仆街：「希望三樓一直陪住我。」應承我 quit hall 唔 好喊，我哋會一直再見㗎嘛 pika ！ 老人
咁就住咗一年，今年識咗個鬧鐘，一班酒鬼同一班真係鬼。 希望大家無比三樓鬧鐘 speaker 嘈到聾咗，冇因為日日食 tea 食泰仔食 mms、deliveroo 飽到嘔，肥到好似波咁。希 望大家唔會再聽到 123123 就跳，飲醉唔會再拍手大笑講 英文瞓馬路。最後最後，希望大家記得喺三樓每分每秒啦 haha~ 如果之後想聽我講粗口，$5/ 次 ;) Roxanna/ 3f speaker
時光荏苒，269 日 hall life 迎接尾聲。好慶幸自己 入咗 3 樓，認識到一班瘋癲嘅女人。由一開始大家 靦靦腆腆，到而家見到人會係走廊大叫、衝入人哋 房 9 fing、半夜一齊叫 mms、無嘢做 hea 到天光， 仲有好多，真係會幾唔捨得。最後，多謝你哋呢年 嘅陪伴，擁有你哋係我嘅確幸。有可能彼此都係過 客，但希望你哋會記得 Anne 同麻疹阿 Jer。 Anne bb
想像唔到之 quit hall 無你哋嘅日子會係點 ! 聽唔到 ts 半夜 飲醉係到 123，睇唔到多比瞓教伸手喺 x 到，數唔到 7con 幾多日無沖涼，無得隨時入隔離房揾火腿 9 fing，聽唔到 ro 狗嘅 DLLM，無咗 Anne 嘅 Cal 機，見唔到有床氣嘅沙華， 食唔到 Kai 半夜整嘅甜品，見唔到 Ari 落 club 舞，無得半 夜衝入 Hoi 房 9up，無咗 lupmean 嘅串 ! 有好多嘢由唔慣 變到一個習慣，但我哋就算 quit 咗 hall 都要瘋狂酒 / 食 / 聚 ! Love # 關我諗事 Sharmaine
10
五良耶唔耶 5
「你好呀！我叫 Jason 係你哋今年嘅 hall 挑。或者你哋可以叫我做呀達都得。」 唔知道你哋仲記唔記得一開始有個人逐間房門敲，同你哋打招呼呢？ 一年 hall life 話咁快就過 出年就再無津領短褲 出年就再無 Left4dead 補血包 出年就再唔會見到呀達練吉他 出年就再唔會見到呀達做 gym 出年就唔會再有你哋喺到開火啡 9 我 .... 但係希望你哋會覺得住到五樓係開心，希望出年仲有你哋陪我出嚟食餐飯探下我呢個摺西， 陪我玩下食雞，得閒就去唱下 K，野下餐咁。 我層嘅 returnings Hiuman Carter 程先生 頎仔 Derek 守業 Kenson 多謝你哋接受咗我今年嘅任性，多謝你哋永遠喺我最需要人嘅時候走出嚟，多謝你哋為我付 出咗咁多。 李老母，多謝你每次喺我最不知所措嘅時候，一直集火我、幫我。 禿頭，成為寵物小精靈大師呢段路唔易行，你要加油。 幫主，多謝你喺我每晚失眠夜都陪住我，下年無人同妳爭女㗎喇。 浸大第一人，雖然你成日 gut 我，但係我出年都會買煙比你。 毒 L 高達，我一直好想睇你 solo 一次 Apink 同埋變多次幪面超人 .... Kenson，我會一直記住香港只不過係你嘅中轉站，去外國做 intern 要順利喔！ 守業 Baby，你要同盛愉開心快樂喔！ 仲有特別多謝廖小姐出現喺我大學最後半年，一直陪住我，一直照顧我 ... 多謝我層嘅你哋所有人今年成就咗 39 牙達、摺達、Kamyo 達。 多謝你哋為我嘅 U-life 畫上一個完美嘅句號。 多謝 ....... 我真的很愛你們 好啦，我 grad 喇，走先喇 bye ！ 突發！紫色警報紫色警報！ 達達
11
其實我入 hall 之前真係有啲擔心我會融入唔到呢度，但好感恩地比 我識到五樓嘅呢班人，首先好多謝 Carter 呢個 roommate，佢一開 頭入 hall 講咗好多關於 Yang Hall 嘅嘢比我知，雖然我哋成日笑阿 達，但其實佢真係一個無得彈嘅呵挑。呢一年喺 Yang Hall 因為唔 同原因好似 Miss 咗好多嘢咁，但最好彩嘅係，認識五良耶唔耶嘅每 一位，我愛你哋！ Hinson
點解會 Reg Yang Hall? 因為我真係好鍾意藍色 好彩，我鍾意嘅係藍色，先可以喺呢到見到你哋 有你哋陪我過呢年先可以過得咁開心，係你哋令我覺得四年都 很 美 好 ! 好記得一開始未入到 U 已經話一定要住 hall 估唔到，一住就住咗四年 ... 更估唔到呵 life 等於咗我嘅 U-life 喺呢個呵度經歷過好多嘢，雖然都失去唔少但都得到好多 遇上過好多人，明白到有啲關係唔努力維繫就會慢慢無咗 ... 經歷過好多事，亦都明白事過境遷，但唔代表件事冇發生過 ... 好多謝呢個地方、多謝大家 令我呢 4 年都過得好開心，有一段美好嘅回憶 呢 4 年，呢個地方都唔同咗好多 如果大家繼續鍾意呢個地方會好好珍惜呢度 希望大家都可以記住喺到經歷過嘅快樂回憶 希望大家都記得 Hall with a Heart 唔係得個講字 如果可重遇你最快樂時 ... 好想返番去第一日重頭嚟多一次 過多一次同大家相處美好嘅日子 希望大家 quit hall 之後唔好唔記得我，都仲會搵我玩啦
曉雯
12
Exact7ly7 「人有悲歡離合」呢句說話看似簡單， 但當到真正感受時先會明白箇中無奈同不捨。 同咁多位朝夕相對、掏心掏肺咗一年， 呢年嘅點滴都深深咁刻喺腦海中，要割捨真係唔容易。 雖然一齊生活嘅日子不再，但可以經常相聚，大家要赴約啊！
一年容易又 quit hall，呢個五月象徵住我 year 1 同 hall life 嘅完結。 我嘅 hall life 入面，同中同 part 房之後認清咗佢究竟有幾 垃圾、識咗 Exact7ly 一班令人又愛又恨嘅女人、不幸做咗 dram Becky 嘅層女、試莊遇到一日比一日智障嘅 1718 食物 組，仲曾經對「Hall 易啲出 pool」呢個講法深信不疑。經歷 過種種後，先發現八個月可以改變咁多嘢。多謝你哋每一個 見證住宋佳恩由一個毒 L 變成一個大毒 L。 最後，我會話我真係好愛你哋㗎！ Ther9
13
Becky
眨下眼，原來咁就二百幾日。如果要用一個字去形容 7 樓，我會話係 dram，你睇 Badky 就知。唔知你 get 唔 get，播歌永遠有告白氣球， 影相永遠要 Boomerang，出門永遠都 lup，實屎狗永遠都讀唔岩音， 呢種迷之親切感真係搞唔掂。如果你問我有幾鍾意呢度，十個蘋果我會 比廿個；有幾唔想 quit hall，十個唔想我會話，可唔可以比二千個。雖 然呢班 girl 真係好奇怪好 kam，quit hall 之後，你有你嘅生活我有我繼 續嘅忙碌，但係假如有一日我哋偶然咁撞到，我會點下頭然後問一句 : ching，你今日又無洗頭呀。 最後有請新層歌 :「能同渡多少春與秋 一千歲亦自覺不夠。」 搖搖
由今日一入呵到而家，都係一位長期病患者。真係多得 7 樓班食屎狗唔 少，病都死埋一堆，搞到 7 樓成個復康院咁。但喺呢個復康院入面，多 度進行酒精療法而渡過唔少時候，希望咁多位大大療法失敗想嘔時，可 以到中醫藥大樓草地進行灌溉，保持返 7 樓整潔。諗返成年做咗啲咩， 真係唔記得，但又好開心。可能住呵就係一班無聊人做無聊嘢都已經好 開心 >< 人無法走過每天，為求沒有帶著遺憾活到終點 (Supper Moment,2010） 希望我哋不斷玩到最後，遲下諗返起住呵唔係只係到此一遊過，而真係 好開心咁住過呵。 Sinman
14
嘩！九之里 9 春秋有時，往往在彷神間踏中落葉才能意會到頭上的櫻花不再艷麗無瑕。 若果人一生代表著用一輩子的時間去經歷所身處的時代， 這胡同裏所盛載的雲淡風輕彷彿已經成為我們的時間軸。 當我們用雙手在轉盤上嘀㗳嘀㗳地向前行， 存於髮絲下的都足夠發酵成清酒，加粒冰，再於櫻花樹下細味品嚐。 樂之
煙花，叻哥，假處女同埋 kol 女神，相信呢啲稱號九樓嘅大家都唔會陌生。 雖然九樓嘅大家都有好多惡習，但係同你哋聚埋一齊嘅時候真係好開心好 多笑聲好無壓力。 話咁快就到 quit hall，呢一年真係學咗好多嘢，最重要嘅就係，喺樂之嚴 厲嘅督促底下，大家都學識咗食嘢要合埋把口食，唔好食到 Jarp Jarp 聲 （表示而家食嘢次次都有把聲叫我合埋把 x 咀）。希望九樓嘅大家出到去 食嘢唔好再失禮人啦！ 最後最後，希望大家可以幫到我家 Martin 喺 quit hall 之前出池啦，雖然 佢啲屁真係好臭好臭。 Anchor
15
唔講唔覺，原來 hall life 已經開始悄悄倒數 ... 好開心亦都好幸運可以住喺 9 樓，好鍾意 9 樓，係一個我生活得好舒服嘅地方。 hall Life 令我明白 「知人口面不知心」 呢個大道理。只有同呢班人住落，你先會發 現呢班人，平時望落正正常常，但人後原來係可以咁痴線，佢哋就好似一舊包住糖 衣嘅屎。舉個例子，同 Martin 住同一層嘅後果，就係每日忍受佢對住你塊面放大 臭屁，呢一年辛苦晒大家吸左咁多廢氣 ( 希望大家可以認清佢嘅真面目 )。邊個會知， 平時望落成熟穩重嘅 Hall Tut，瞓覺竟然會攬住一碌大香腸瞓，同埋會啜住手指瞓。 9 樓總有令人想像唔到嘅事，9 樓嘅傳家之寶係陳政崑脫落嘅整塊大灰腳甲 ( 將於本 月喺 Lok Chi 房公開展覽，公眾人士可以入場欣賞下 )。仲有，呃咗大家咁耐唔好意 思，9 樓係楊堂市集出售聲稱係士多啤梨味竽圓，只係落咗粉紅色色素嘅普通味竽 圓 hehe (9 樓商人謹向各位致以萬分歉意及謝意 ) 慢慢發現，原來我鍾意嘅唔係 9 樓，係 9 樓嘅你哋 ( 比啲尊重，唔好嘔 )。希望大家 都過咗開心嘅一年～ Josee
一年容易又 quit hall，望住呢個住咗咁多年嘅地方，今次係真 ‧ 講 byebye 啦。 # 想同 9 樓嘅大家講：好開心識到你哋嗚嗚！希望去 exchange 風流快活嗰兩個 唔好唔記得我～希望長駐 Hall Tut 房幾隻小貓會記得我嗚嗚！ # 想同大奔走，J 圖，oppa 講：好開心有你哋做我組仔女嗚嗚！ # 想同扑扑講： 無嘢同你哋講因為之後會見太多次！ 要 quit hall 了，希望大家唔好喊啦 Wakaka ！ 想自認一次係 9 樓傻仔嘅估下我係邊個
啱啱入嚟都唔覺得時間過得咁快，由一開頭初相識到而家 好似一家人咁，雖然唔係成日都得閒同大家玩，但我好珍 惜好愛大家。同大家一齊玩嘅時候、一齊食飯嘅時候、一 齊 9 fing 嘅時候、一齊溫書嘅時候 ...... 每一刻都好唔捨得， 好多謝身邊嘅 hallmates 同 9 樓居民，而家講呢啲都無 用，希望好好珍惜剩低嘅時間同大家一齊大玩特玩，要記 住我呀 quit 呵之後都要一齊玩！ Thomas
16
有病拾一劑 11
終於過咗一年，呢一年都過得辛苦，又屠龍又要睇你班契弟，一直都諗緊幾時可以 quit hall。而家就 quit 喇，你哋唔洗再同個 on9 Hall Tut 住喇！ 上年入嚟 BU 諗住安安定定喺 BU 做個摺毒 L 就算數，估唔到今年唔知痴咗邊 9 條線走去 做 Hall Tut，到而家都唔明我份人咁 L hea 做咩會走去做 Hall Tut，ocamp 可以淨係睇戲、 生日又唔係點慶、又成日唔係層、完全唔 L 似一個 Hall Tut，但原來而家諗返，我同大家 呢一年都經歷左唔少嘢。 Cho 做返個好男人 Cw 係狗公 比軌嘉日日直播沖涼 暴君去咗跳舞 Abby 跳舞好開心 JJ9 唔再係 Fdzone 狗 腦細仔仔一堂 Bosco 教人做呂布 繼續同蕭西培插 J Jerjer 繼續射落海 陳豪阿嫲好叻 帶爺喺我房阻住我刷牙
Bobby 做咗大媽 梁嘉明 準備 Quit U 搵表妹 Jason 成日比我哋嘈聲。。 煜持有 Yuki Benj 派 100 蚊 皓然同 Peter Skylounge Busking Paul 爺做明星 Hello my Frank Chris 背龍咁威 Max 係街頭邱比特 Walker 日日去 cva 做功課
阿彬去 CVA 好靚仔 Karl 打飛機 鋒哥晚晚做監躉 Ronald 駐層 Designer 馬撚駿踢波好英俊 Derek 鎖門睇風景 中汛鎖門。。。 黑人愛黑柴 差 Jurgen 100 蚊 Angus 喺屋企訓教 Boris 比人 Diu 屎忽
仲有好多好多。。打唔晒 原來一年就係咁樣過咗，記得一開始我成日講「Hi 我係肥浩呀 有咩可以搵我」 感覺 好似琴日嘅事嚟。原來我唔想咁快完，原來我仲想同你班契弟住耐啲。雖然成日叫 你地食 tea 又求又西咁真係好累。但我都仲好賤格，但我都好想貪多一點無聊日子。 我唔似一個 hall Tut ，因為由一開始我就無當過你哋係我層仔，因為你哋每一位係我 LHH 嘅屋企人。 最後，雖然我唔似個 Hall Tut，但希望大家之後有咩事都撐住大家，相親相愛 ...... 火牛佬子 「其實 我最想貪多一點是無聊日子。」 這句歌詞最好形容 Quit Hall 前嘅感想。還記得一年前有個一事無成嘅傻小子咩都唔知 就 Reg 咗 Yang Hall，開始咗一年嘅藍色 Hall Life。中間發生咗好多好難忘嘅事情，有 Floormate 同行嘅日落日出、有上次講到一半的心事台、有邊個同邊個嘅傳聞、有現在 已夜深比人投訴太嘈嘅夜晚、有 Roommate 唔係到你總想搵人填補嘅雙人床的空位、有 你終於遇到、近在千里嘅真命天子 / 女。我哋每日露出嘅 Smiley Face，都印證住我哋或 許 Imperfect 嘅 Hall Life。臨別在即，其實我最想同十一仔講，可能我哋一齊住嘅日子 已經完結，但係我都係想你哋知道，其實最高的賞賜，就是彼此相安無事…… Karl
17
文／康煜馳 一年 Hall Life 話咁快就嚟到尾聲，諗返起呢一年，最令你留戀嘅嘢係乜？層飯？ High table sinner ？定係嗰個成日偷你紙巾用嘅 roommate ？其實我相信每一個睇緊嘅你，都好 難喺一時三刻諗到答案。畢竟呢一年經歷太多，留戀自然都多。 Check In 當日，對於大部分人嚟講係不安、緊張嘅一日。由你拖住行李入電梯嗰刻開始，你 嘅腦海已經不停幻想嚟緊呢一年要朝見口晚見面嘅 roommate 到底係一個點嘅人呢？如果 遇到一個痴線佬 roommate 又應該點算呢⋯⋯ 一切嘅胡思亂想，都隨住電梯嘅開門聲而消散。你拉住行李去到房門前，推開佢，第一眼見 到嘅，可能係一個刷緊牙、換緊衫，又或者係執緊行李嘅 roommate。無論點都好，你哋嘅 故事，就隨住彼此嘅一聲「你好。」而揭開序幕。 喺你往後嘅一年 Hall Life，佢就好似充斥住你生活每個角落咁，無論係食層飯、過三飯甚至 乎係 High Table 嗰陣，佢都一定係坐喺你嘅右手邊，呢樣嘢好聽啲叫「形影不離」，難聽 啲嘅叫「陰魂不散」。 但無可否認嘅係，隨住日子過去，你見佢嘅時間分分鐘仲多過見屋企人，有時就算阿媽叫你 返去飲湯，你都會唔想返去。可能你都唔知點解，純粹就係想留喺 Hall 唔走。但當你放低 電話擰轉身，望到你 Roommate 食淨嘅蘋果、著到臭曬嘅衫四圍放嘅慘況之後，又會好後 悔點解要留喺呢個不堪入目嘅房入面。諗起一陣執房又要幫佢執埋啲爛攤子嗰陣，你心入面 就會好似我 Roommate 成日講咁：「好辛苦呀！」 雖然你對呢個人又愛又恨，但正因為有佢存在，先可以令你呢一年嘅生活變得咁精彩。當你 試莊壓力大到崩潰爆喊個陣，佢嘅一個擁抱，一個鼓勵，令你搵到繼續奮鬥落去嘅動力；當 你忙住趕 Deadline 嗰陣，係佢為你送上愛心外賣，等你可以食完有力再去打文；當你失戀 有心事嗰陣，係佢通頂陪你傾計，令你可以重新企返起身。有時候佢會長氣過你阿媽，但有 時候又會比你另一半更加了解你諗咩，一切嘅喜怒哀樂，或者只有身為你 Roommate 嘅佢 先可以做到。 隨住 Quit Hall 嘅日子漸近，你開始發覺自己好唔捨得呢一年 Hall Life 遇到嘅人同事、食過 嘅每一次層飯，而最唔捨得嘅，當然係見咗成年嘅 Roommate。雖然「天下無不散之筵席」， 但你始終唔想面對將來無咗佢煩你、陪你、笑你嘅日子。 「其實，我最想貪多一點是無聊日子。」 呢一刻嘅你可能好想同你 Roommate 講：「雖然你好煩，但我好鍾意呢種比你煩嘅日子。」 有佢嘅日子雖然好煩好無聊，但亦都可能係你人生其中一段最難忘嘅時光。趁最後呢段時間， 快啲同你 Roommate 食多幾餐飯，又或者同佢哋出多幾次街，唔好去到 Quit Hall 個刻先 嚟後悔愛得太遲呀！
18
衣衫不整十三妹 13 五月，可以話係最難捱嘅一個月。 當大家趕完 paper，考晒所有試，正式完 sem，就意味住我哋嘅 hall life 淨返幾日就完結了。 quit hall 後返到屋企，半夜肚餓就無人陪我食宵啦，失眠嗰時又無人陪 我傾計，諗下都覺得好陰公。 到時候我會好掛住大家，希望大家都可以好掛住我啦。 呢九個月，唔知你哋喺十三樓玩得開唔開心呢？ 無論開唔開心，想多謝你哋比咗我最難忘嘅一年。 最後，我愛大家 !!! 應承我 Quit 咗 Hall 都要嚟食樓飯好嗎？ :) 洪曉琳 一年容易又 quit hall... 點解今年好似過得特別快？好唔捨得我最 愛嘅十三妹，唔知 Quit Hall 之後你哋仲會唔會記得一齊食雞、食 串燒、食……全部都係食……嘅日子呢 >.< 就算唔記得都好…都要 記得充滿電同我玩 Tetris Battle! 多謝你哋比咗一年咁開心嘅 Hall Life 禾，真心嘅，希望你哋都咁覺得 La，不過有我嘅出現都難啲 唔開心嘅 Kuku~~ 祝大家 Quit Hall 嗰日喊到變豬頭～ 楊堂碧基
19
今年做十三妹做得超開心，見識到班好癲嘅癲婆，同佢哋玩落覺得佢哋 好鬼正 ~ 估唔到我嘅 Hall Life 係同呢班癲婆一齊過，呢年要成日對住佢 哋搞到我咩形象都無晒，但係我覺得 Hall 嘅人都係好 Warm 嘅 :P 可以識到班咁嘅人覺得好幸福 Natalie
唔經唔覺原來已經住咗成年 Hall，仲記得啱啱入 Hall 咩都唔識好陌生， 但好彩嘅係：遇上你哋－十三妹！呢年你哋帶比我嘅歡樂真係好多，一齊 食宵通 K 吹水飲酒 mms，睇住你哋每人都肥到成隻豬咁 >< 距離 quit hall 仲有唔係好多日咋，所以 quit hall 前我哋一齊製造更多回 憶，做埋我哋嘅 quit hall 願望清單，唔好等時間白白流走，好無啊？！ 最後最後想同十三妹講：因為你哋，我嘅 Hall Life 先變得完整，一日 floormate，一世 floormate。 Evelyne 最後一年讀書生涯，仲要 Sem2 先嚟住老人院，其實本來打算平淡地體驗下老 人院嘅生活，點知遇上班好 yo 得嘅 13 院友～ 可惜 Final Year 要兼顧嘅嘢太多，無得去晒所 有中心活動。 但每一次都覺得好有愛，尤其係打自己最後一 場籃球比賽。唉，好似住咗無耐就要走，我會 好掛住 13 院友 :( Alyson 20
一五小心嗲親你 15 一年真係過得好快 ... 由決定做 Hall Tut 到而家就快 quit hall 眨下眼就過去，我 並唔係一個善於辭令嘅人，但真係好想多謝一班 floormates。 多謝你哋每一個都幫我，鼓勵我，同愛我！ 我並唔係做得好好，有時自己都好小朋友要你哋照顧返我，多謝你哋咁包容我。 可能我只係一個過客，點都好，希望我哋仲可以得閒飲茶啦！ 暴龍
住 hall 生活真係好開心，同 floormate 煮下飯、傾下計，咁就過咗一年。 作爲一個住喺尾房、roommate 又好早就瞓嘅人，我自認我好少 yo hall。 呢個係我住 hall 最大嘅遺憾，下年一定要多啲 yo hall。15 樓層女個個都靚 爆鏡，多謝各位靚女嘅關照。 Yuki
嗚啊……話咁快就就嚟要 Quit Hall 啦，同時間亦都代表我份安棵都就嚟要交 啦！我呢隻安棵狗日日寄居喺頭房到瘋狂 diu 安棵，仲 diu 到侵佔埋人哋張 枱個層架添！有時做到攰，或者夜返，又有人餵食，好似媽咪咁貼心！好唔 捨得你哋啊！最後想問 Call 邊間 Van 搬嘢返屋企最平？ Tamara
21
話咁快就要 Quit 呵啦好多謝包容我咁污糟間房咁亂嘅 roommates ！希望 可以食多次 roomate 飯！好多謝 15 樓陪咗我成年！仲要好多謝我床上面嗰 十幾廿隻公仔陪我瞓咗一年！大家一齊飲酒飲酒飲酒 wow~ Lulu
話咁快就 Quit Hall，我呢年除咗識咗好多 Hallmates 之外，就係做 咗個神婆，希望呢年揾過我占卜嘅人可以繼續幸福快樂開開心心！ 15 樓！好多謝你哋今年照顧咗我呢個小薯仔。1524 ！我愛你哋呀！ PS 嚟緊占卜一人收 5 蚊！ Haha 大 Ki
22
膠友 17Q17 距離 quit hall 得返幾日時間，真係好唔捨得你哋每一個。 每次諗返起第一日見到你哋嘅時候，都會覺得難以置信， 明明初初識你哋嗰陣唔係咁㗎⋯⋯ 乜原來咁就一年啦！一年可以好長，亦可以好短。讀一年 書住一年呵時間過得好慢，但同你哋一齊玩足一年 hea 過 一年時間就過得好快。無論點都好，喺呢一年入面我都覺 得好開心。 因為喺呢一年，我有 17 樓 :) Andy 咁快又到 quit hall 嘅時間，入左嚟住一陣又要離開。雖然相處時間好短， 但已經感受到 17 樓嘅男仔有幾 lup。去到呢一刻都唔明男仔可以 lup 啲咩！！而我家呵挑同貓頭鷹一樣。晏就入親佢房都係見到佢擘大個口 咁瞓，夜晚就做保安咁巡房睇下我哋做乜。女 wing 嗰邊就長期有人尖 叫，真 係 好 嘈。喺呢幾個月入面，我哋試過北上、BBQ、上浸大橋、 玩 show hand。。。有時對住你哋班 lup 友係好忟，但所有嘅回憶都係 開心嘅。17 樓，我哋嘅 to do list 仲係好長，拿拿臨留時間喺 quit hall 前做晒去！呀，仲有嘅係我諗我會好掛住你哋。所以 quit hall 都要繼續 留名食樓飯呀 :) 唔 Lup 嘅人上
23
記得上年 quit hall 前睇心電圖睇到喊…話咁快又一年啦，雖然同你哋相處 嘅日子只係得一個 sem，但係一齊經歷嘅都唔少。 一齊去郊遊，好成功咁準備咗好多嘢食，同埋照顧咗我呢個傷殘人士； 一齊返大陸食好西，玩咗個好殘舊但我哋玩到好開心嘅遊樂場； 一齊去浸大橋餵蚊，就係為咗影張相； 一年的確好快過，雖然無得再日日見，無得一齊 fing ，但係我哋會一齊經 歷更多㗎，係咪呀？ 呀，比我喺到同我 roommate 講返幾句先，多謝你忍到我嘅脾氣，成日 話你蠢，接受到我成日唔肯開燈，同要日日都聽同一個歌手嘅歌 hehe ～ 最後，多謝你哋容忍我嘅笑聲同尖叫聲，特別喺住尾房嘅都避免唔到，哈 哈。 17 樓層女
一年呵拉乎，話長唔長，話短唔短，能夠同一班人走到最 後，相信係宿位難求嘅 BU 入面嘅小幸運。一年入面經歷 過嘅事、認識過嘅人，都值得我哋將佢哋好好記低。同大 家經歷過太多太多，秋季旅行玩水玩到濕曬嘅大家，after party 醉曬嘅大家，sing con 練舞嘅大家，一班傻鳩住埋 一齊，咁就一年。真的就快走到最後，我愛 17Q，我愛 陀陀擰，我愛裂縫！ Coey 24
楊堂六種人 文／宏 DEE
楊堂大悲咒
唔知大家有無聽過大悲咒，但係如果你遇到楊堂大悲咒嘅話，You are in deep trouble, son. 快樂嘅係，如果有楊堂大悲咒喺到唔會驚無話題！佢 哋會好似電台咁講下近排自己發生咗啲咩事，食咗乜嘢乜嘢好好食，見到 咩仔／女好正好想識，又或者係買咗唔知乜乜乜 Pokemon 遊戲卡。上知 天文，下知地理，適逢考試季節更加可以聽佢講自己讀個 Course 入面嘅 內容，真係諗起都開心呀！當你踏入楊堂大悲咒嘅房個一刻，佢就會開始 不停噏噏噏噏噏噏 ...Floormates 如果唔想聽佢哋講嘢，或者想佢快啲收 嗲，可以嘗試用極 Hea 嘅問題去繼續對話：乜係咩？下係呀？咁癲？
我今日乜乜乜 ...
楊堂社工 情傷又好，同朋友鬧交都好，楊堂嘅駐層社工總係可以喺你失落嘅時候去 陪你，聽你呻下自己有乜唔開心，喊嘅時候比個大力擁抱你。根據非正式 統計，可以比到一啲人生建議 ( 尤其係愛情 ) 嘅人都係未拍過拖又或者係 好少拍拖嘅經驗，但係佢哋就可以好容易咁提供到解決方法比你，令你有 安心同被愛嘅感覺。不過，一旦呢類人自己開始拍拖嘅話，佢哋都係會同 樣地咁混亂，到時記得要做翻佢哋嘅社工呀！
做咩咁灰呀？
楊堂學霸 黑色嘅粗框眼鏡，洞悉一切嘅眼神，加上 GPA 3.0 以上嘅成績，楊堂嘅神 出現了。讀緊 Stat 唔識問佢兩三句，明晒（講笑喳 Stat 咁叉難點會有人識 吖，大 佬 ）！寫緊 paper 無靈感？問佢，佢即刻會答到你，再同你講邊個 學者同個 Topic 有關，可以寫落去。學術範圍內嘅嘢佢哋同神真係無分別， 同樣地全知全能，係你哋考試同死亡週嘅救星！不過，千其唔好覺得佢哋淨 係識得一味讀讀讀讀讀，其實佢哋喺讀書之外都有好多唔同嘅嗜好㗎，除咗 搵佢哋問功課之外，仲可以多啲搵佢哋玩添！ 25
你想學呀？ 我教你呀 !
楊堂筋肉人 做 Gym 啦喂！楊堂筋肉人嚟講，佢哋通常會好勤力咁去鍛煉自己，會見 到佢哋喺自己房舉鐵舉到身水身汗，比佢哋周到嘅 Floormate 會好似去咗 Physical 門口咁比佢哋慫恿去做 Gym... 而當你跟佢哋做咗一兩次之後放 棄，就會比佢哋由頭房追到尾房，Sem 頭講到 Sem 尾。天下間解決唔到 嘅嘢，對於佢哋嚟講，肌肉都可以解決。無女？做 Gym 啦！無自信？做 Gym 啦！唔夠靚？做 Gym 啦！雖然呢一班做 Gym 嘅煩膠好麻煩，但係 其實佢哋咁辛苦，都係為咗個 Hall 出一分力，打好堂際，所以其實佢哋都 有 Charm 嘅一面架！
做 GYM 啦喂！
楊堂暖爐 遇到楊堂暖爐嘅人應該真係會感受到 Hall with a Heart 嘅感覺。佢哋會喺 落雨嘅時候幫你攞多把遮，喺你肚餓嘅時候買外賣或者煮嘢你食。無錢嘅 時候更加可以搵佢借。多數當你要拜託佢哋做任何野嘅時候，佢哋會一路 口中念念有詞地話幫埋呢一次唔幫 ... 但係搵得佢哋幫手嘅人都知 ... 奴性重 嘅佢哋邊有最後一次吖 ... 大家搵佢哋幫手記得要講返聲唔該同埋請佢哋食 嘢呀！
幫埋你呢次啦 ...
楊堂騎師 騎師嚟講，絕對就唔係嗰啲喺馬場 un 下 un 下嘅騎師，而係唱片騎師。有 喇叭，就有佢哋。無論係咩情況之下，佢哋都會控制住你部 Notebook 播 緊乜歌。一個好嘅 DJ 會令你對於唔同嘅音樂類型都加深認識，亦都會令 你識多咗啲自己鍾意嘅歌。好似天氣預報咁，你聽到開心嘅歌代表住佢今 日成日過得都幾好。如果你聽到嘅係唔開心嘅歌，Be Ready Man，因為 你嚟緊呢一粒鐘都應該會聽同一首頹歌，間接將你情緒綁架。更想令人喊 嘅係，如果佢播嘅係動漫電音歌 (No offense?)，God Bless You。而當你 問佢可唔可以轉歌嘅時候，佢會答：" 下首，下首比你 "，然後你等到化灰 都未有得聽第二首歌。"DJ，唔該播一播戒菸吖。"
Yo! Check it out!
唔知你哋有無遇過呢幾類人呢？有嘅話趁住呢幾日好好珍惜佢哋啦！ 26
總編輯：何灝文（Kison) 電郵：kison.yangmony@gmail.com 鳴謝：每一位投稿的宿生 （非賣品）