Indicacións do Departamento de Matemáticas Matemáticas Aplicadas e Académicas de 3º de ESO
sobre
as
Tal como indica o anteproxecto de currículo da LOMCE, as Matemáticas orientadas ás ensinanzas aplicadas teñen un enfoque fundamentalmente práctico, para proporcionar as competencias necesarias para continuar con estudos de Formación Profesional. Polo contrario, as Matemáticas orientadas ás ensinanzas académicas afondan no desenvolvemento das habilidades matemáticas, aportando competencias para continuar con estudos de Bacharelato. En 3º da ESO, as diferenzas entre ambas opcións son relativamente pequenas no que refire aos contidos. Así, nas Matemáticas Aplicadas non se desenvolve un bloque de probabilidade nin un par de conceptos relativos a polinomios e ecuacións, contidos estes que si figuran nas Matemáticas Académicas. Non obstante o anterior, si que hai diferenzas importantes nos estándares de aprendizaxe e criterios de avaliación, nos que predomina un enfoque práctico para as Matemáticas Aplicadas, fronte a un afondamento nos contidos e pensamento matemático propio das Matemáticas Académicas.
Sendo importante a elección en 3º da ESO, esta non é irreversible. Con esforzo persoal e asumindo as eivas debidas a un enfoque práctico, parece factible superar as Matemáticas Académicas en 4º da ESO tendo cursado as Aplicadas en 3º, posto que eses contidos que non recibiu nas Matemáticas Aplicadas en 3º, son obxecto de estudo nas Matemáticas Académicas en 4º.