№13 (28237) 21 ҚАҢТАР СЕЙСЕНБІ 2014 ЖЫЛ
Нұрсұлтан НАЗАРБАЕВ: Біз өзгенің қателігінен, өткеннің тағылымынан сабақ ала білуге тиіспіз. Ол сабақтың түйіні біреу ғана – Мəңгілік Ел болу біздің өз қолымызда. Бұл үшін өзімізді үнемі қамшылап, ұдайы алға ұмтылуымыз керек. (Қазақстан халқына Жолдауынан).
Ќазаќстан – Катар:
ƏРІПТЕСТІКТІЅ ЖАЅА БЕЛЕСІ Жексенбі күні Қа зақс та н ғ а ресми сап ар мен Катар мемлекетінің Əмірі шейх Тамим бен Хамад əлТани келді. Бұл – Əмірдің Катар тағына отырған уақыттан бергі шетелге алғашқы сапарларының бірі. Себебі, дəстүрлі монархия орнаған мемлекеттің шейхы бұл таққа 2013 жылдың 25 маусымында ғана мұрагерлік жолмен келген болатын.
МƏЅГІЛІК ЕЛ – ЌАЗАЌСТАННЫЅ ЎЛТТЫЌ ИДЕЯСЫ ЖƏНЕ МЕМЛЕКЕТТІК ИДЕОЛОГИЯСЫ Парламент Сенатыныѕ Тґраєасы Ќ.К.ТОЌАЕВ Елбасы Жолдауы туралы ой толєайды
Лəйла ЕДІЛҚЫЗЫ,
«Егемен Қазақстан».
Катар – Парсы шығанағындағы 2 млн.-ға жуық халқы бар, əлемдегі ішкі жалпы өнім мөлшері жағынан қарқынды дамып келе жатқан мемлекеттердің бірі. Сұйытылған газдың ірі тасымалдаушысы саналатын бұл ел табиғи газ қоры жөнінен дүниежүзі бойынша үшінші орынға тұрақтаған. Бұл мұсылман мемлекетінде мұнай қоры да орасан. Оның мұнай мен мұнай өнімдерін экспорттаушы елдердің көш басында тұруы – осының айғағы. Қазақстан мен Катардың экономикалық құрылымында ұқсас тұстар болғандықтан, екі ел арасындағы дипломатиялық байланыстар əр бағытта жақсы жолға қойылған. Мəселен, екіжақты ынтымақтастықтың маңызды тетігінің бірі ретінде жоғары деңгейдегі Қазақстан – Катар бірлескен үкіметаралық комиссиясын атауға болады. Бүгінгі күнге дейін бұл комиссияның 3 отырысы ұйымдастырылса, соның біреуі Дохада, екеуі Астанада өткен екен. Қазақстан Катардың Орталық банк секторымен де айтарлықтай уағдаластықтарға қол жеткізген. Қос мемлекет мұнай жəне газ, ауыл шаруашылығы, көлік, құқық қорғау салалары бойынша өзара ықпалдастыққа ынта танытып
Ќасым-Жомарт ТОЌАЕВ:
келеді. Қазақстан ЭКСПО-2017 ха лықаралық көрмесін өткізу үшін Катардан инвестиция тарту мəселесін де жолға қойған. 2013 жылдың қараша айында Дохада «Астана ЭКСПО-2017» ҰК» АҚ басқарма төрағасы Т.Ермегияевтің «Qatari Diar» компаниясының
басшысымен кездесуінен де осыны айқын аңғаруға болады. Екі ел мəдени-гуманитарлық салалар бойынша да өзара əріптестік байланыс орнатып үлгерген. Ақордада өткен екіжақты кездесуде Нұрсұлтан Назарбаев пен шейх Тамим бен Хамад
Бірќатар наќты тапсырмалар берді
əл-Тани Қазақстан мен Катар арасындағы ықпалдастықтың даму қарқынын одан əрі ілгерілететін бірқатар салалар жөнінде əңгіме қозғай отырып, екіжақты ынтымақтастықтың, атап айтқанда, инвестициялық жəне сауда-экономикалық
салалардың негізгі бағыттарын талқы таразысына салды. Сондайақ, екі елдің өзара ықпалдастығын бірлескен жобаларды іске асыру арқылы жандандыруға болатынын атап өтті. (Соңы 2-бетте).
Қазақстан Республикасы Президентінің Жарлығы
Ќазаќстан Республикасыныѕ ќўќыќ ќорєау жїйесін одан əрі дамыту шаралары туралы
Қаулы етемін: 1. Қазақстан Республикасының құқық қорғау жүйесін одан əрі жаңғыртудың 2014-2020 жылдарға арналған мемлекеттік бағдарламасы (бұдан əрі – Бағдарлама) бекітілсін. 2. Қазақстан Республикасының құқық қорғау органдарының кадр саясаты тұжырымдамасы мақұлдансын. 3. Қазақстан Республикасының Үкіметі, Қазақстан Республикасының Президентіне тікелей бағынатын жəне есеп беретін мемлекеттік органдар: 1) Қазақстан Республикасы Президентінің Əкімшілігімен келісім бойынша Бағдарламаны іске асыру жөніндегі іс-шаралар жоспарын бір ай мерзімде əзірлесін жəне бекітсін; 2) «Қазақстан Республикасындағы мемлекеттік жоспарлау жүйесінің одан əрі жұмыс істеуінің кейбір мəселелері туралы» Қазақстан Республикасы Президентінің 2010 жылғы 4 наурыздағы №931 Жарлығымен айқындалатын мерзімде жəне тəртіппен Бағдарламаның іске асырылу мониторингінің нəтижелерін Қазақстан Республикасы Президентінің Əкімшілігіне ұсынсын; 3) Осы Жарлықты іске асыру жөніндегі өзге де шараларды қабылдасын. 4. Осы Жарлықтың орындалуын бақылау Қазақстан Республикасы Президентінің Əкімшілігіне жүктелсін. 5. Осы Жарлық қол қойылған күнінен бастап қолданысқа енгізіледі. Қазақстан Республикасының Президенті Н.НАЗАРБАЕВ. Астана, Ақорда, 2013 жылғы 31 желтоқсан. №720 -----------------------------------------------
– Құрметті Қасым-Жомарт Кемелұлы! Біз сізбен сенбіде, Елбасының дəстүрлі Жолдауы жария етілген күннің ертеңінде əңгімелескелі отырмыз. Жедел сұхбат беруге уақыт тапқаныңыз үшін алғыс айтамын. Сіз ұзақ жылдар бойы Сыртқы істер министрі болып жұмыс істедіңіз, Үкіметті, Парламенттің жоғарғы палатасы – Сенатты басқардыңыз, осы заманның көрнекті қайраткерлерімен кездестіңіз, сөйлестіңіз, ал кейінгі жылдарда Біріккен Ұлттар Ұйымы Бас хатшысының орынбасары ретінде, былайша айтқанда, Қазақстанға сырт көзбен де қарай алдыңыз. Біздің еліміз бүгінгі əлемде қалай бой көрсетеді екен? – Иə, Қазақстанда жұмыс істеген кезімде де, шетелдегі қызметімде де менің ірі мемлекеттік қайраткерлермен кездесуге, сөй лесуге жəне келіссөздер жүргізуге мүмкіндігім болды. Біріккен Ұлттар Ұйымындағы жоғары лауазымда мен, əрине, туған елімдегі оқиғаларды ықыласпен қадағалап отырдым, Отанымның Президент Нұрсұлтан Əбішұлы Назарбаевтың беделді басшылығымен қол жеткізген табыстарына қуандым. Жа сыратыны жоқ, осынау күрделі де кереғар əлемде ықпалды мемлекетке айналған Қазақстанның
азаматы екендігім үшін мақтаныш сезіміне талай бөлендім. Шетелде Қазақстан қысқа ғана тарихи кезең аясында мемлекет құру мен экономикада қайран қаларлықтай табыстарға жеткен ел ретінде қаралады. БҰҰ-да Қазақстанға «жедел дамып келе жатқан мемлекет» деген ерекше мəртебе берілген. Көптеген мемлекеттер «жолы болмаған мемлекеттер» деген таңбаны арқалап жүрген кезде мұның өзі ең алдымен əлемдік қоғамдастық жаһандық ауқымдағы саясаткер деп таныған Президент Нұрсұлтан Назарбаевтың талассыз табысы. Қуатты, тұрақты жəне серпінді Қазақстан қазірдің өзінде жаһандық жəне өңірлік қауіпсіздіктің елеулі факторы болып отыр. Қазақстанның дамуы əлемдік оңды үрдістердің аясына толықтай сай келеді. Біздің елімізге осы заманның барлық көкейкесті мəселелері бойынша сенімді əріптес деп қарайды. Қазақстан əлемдік қоғамдастықтың ажырағысыз бөлігіне айналды. Мем лекетімізді ядролық қарусыздануға, халықаралық қауіпсіздікті, интеграция мен көпқырлы экономикалық ынтымақтастықты нығайтуға қосқан үлесі үшін құрмет тұтады. (Соңы 3-бетте).
Заѕнамалыќ ќамтамасыз ету – басты назарда
Кеше Қасым-Жомарт Тоқаевтың төрағалық етуімен Қазақстан Республикасы Парламенті Сенаты бюросының отырысы болды. Сенат Төрағасы Парламенттің басты міндеті – Мемлекет басшысының Жолдауын іске асыруды заңнамалық тұрғыда қамтамасыз етуге назар аударды, деп хабарлады осы палатаның баспасөз қызметі.
Осыған байланысты Қ.Тоқаев Президент Жолдауын іске асыру жөніндегі депутаттардың ұсыныстарын ескере оты рып, арнайы жоспар əзірлеуге тапсырма берді. Президент айтқан басымдықтар мен тапсырмалар аясында депутаттар палата жұмысының биылғы жоспарын нақтылау бойынша ұсыныстар енгізді. Сенат Төрағасы атап өткендей, алдағы уақытта аймақтарға сапары барысында парламентшілер Мемлекет басшысының Жолдауын түсіндіру бойынша елеулі жұмыстар атқаруы тиіс жəне жергілікті жерлерде Президент алға қойған міндеттерді орындау мəселелерін жұртшылық арасында талқылау қажет.
Бюрода Сенат комитеттеріне Мəжілісте мақұлданған заң жобалары бөлініп берілді. Сондайақ, бюро мүшелері Сенаттың 23 қаңтарда болатын отырысының күн тəртібін де қарады. Палата отырысына үш заң жобасын шығару ұйғарылды. Ғылымды жəне ғылымға негізделген экономиканы дамыту мəселелеріне Президент Жолдауында баса назар аударылуына байланысты Əлеуметтікмəдени даму комитетінің мүшелері Сенаттың осы салалық комитетінің атауын Əлеуметтік-мəдени даму жəне ғылым комитеті деп қайта атау туралы ұсыныс жасады. Бұл мəселе палатаның алдағы отырысында қаралатын болады.
Жарлықтың түсіндірмесін 6-беттен оқисыздар
Қазақстан Республикасы Президентінің Жарлығы Қазақстан Республикасының Президенті Нұрсұлтан Назарбаев Мұнай жəне газ министрі Ұзақбай Қарабалинді қабылдады, деп хабарлады Президенттің баспасөз қызметі. Мемлекет басшысына Ұ.Қарабалин министрліктің 2013 жылғы қызметінің қоры тындылары, қазіргі кезеңдегі жоспарлар жəне саладағы Президенттің Қазақстан халқына Жолдауынан туындайтын стратегиялық міндеттер туралы баяндады. Нұрсұлтан Назарбаев инвестиция тартудың жəне саланы инновациялық дамыту жөніндегі жұмысты күшейтудің маңыздылығын атап өтті, сондайақ, ірі мұнай-газ кен орындары мен нысандарының төңірегінен өндірістік кластерлер құру
қажеттігіне ерекше назар аударды. Кездесу барысында министр Мемлекет басшысына Қазақ мұнай жəне газ институтының жетекшілігімен ғылыми-зерттеу ұйымдары тобы əзірлеген Қазақстанның перспективалық мұнай-газы бар бассейндері атласын таныстырды. Атлас өңірлік геологиялық барлауда одан əрі перспективалық жұмыстарды қарастыруға мүмкіндік береді. Бұған қоса, министр Қазақстанның 15 шөгінді алабына кешенді зерттеулер жүргізу жөніндегі жұмыс қорытындылары, сондай-ақ,
елімізде отандық геологиялық барлаудың перспективалары мен мұнай-сервистік кластерлерін қалыптастыру туралы баяндады. 2013 жылдың қорытындысы бойынша республикада 81,8 млн. тонна шикі мұнай өндірілді, яғни 2012 жылмен салыстырғанда, 103,2%-ға жетті. Өңделген газ көлемі өткен жылы елімізде 42,3 млрд. текше метр, ал өңделген мұнай көлемі 14,3 млн. тонна болды. 2014 жылы 83 млн. тонна мұнай жəне 41 млрд. текше метр газ өндіру, 14,7 млн. тонна мұнай өңдеу жоспарланып отыр. Кездесу қорытындысында Мемлекет басшысы қаралған мəселелер бойынша бірқатар нақты тапсырмалар берді.
Ќазаќстан Республикасы Президентініѕ 2009 жылєы 24 тамыздаєы № 858 Жарлыєымен бекітілген Ќазаќстан Республикасыныѕ 2010 жылдан 2020 жылєа дейінгі кезеѕге арналєан ќўќыќтыќ саясат тўжырымдамасына ґзгерістер мен толыќтырулар енгізу туралы
Қазақстан Республикасы құқықтық жүйесінің бəсекеге қабілеттілігін арттыру мақсатында қаулы етемін: 1. Қоса беріліп отырган Қазақстан Республикасы Президентінің 2009 жылғы 24 тамыздағы № 858 Жарлығымен бекітілген Қазақстан Республикасының 2010 жылдан 2020 жылға дейінгі кезеңге арналған құқықтық саясат тұжырымдамасына өзгерістер мен толықтырулар бекітілсін. 2. Осы Жарлық қол қойылған күнінен бастап қолданысқа енгізіледі. Қазақстан Республикасының Президенті Н.НАЗАРБАЕВ. Астана, Ақорда. 2014 жылғы 16 қаңтар. №731 -----------------------------------------------
Жарлықтың түсіндірмесі жəне өзгерістер мен толықтыруларын 6-беттен оқисыздар
(Еуразия интеграциясы институты сарапшылар тобының пайымымен 2-беттен танысасыздар).