АҚПАРАТТАР аєыны №245 (28723) 24 ЖЕЛТОҚСАН БЕЙСЕНБІ 2015 ЖЫЛ
Ел тўєырын бекемдеу ісіне Парламент депутаттарыныѕ ќосќан їлесі де зор
Кеше Мəжіліс Спикері Қабиболла Жақыповтың төрағалығымен палатаның биылғы жылғы соңғы жалпы отырысы өтті. Палатаның заңнамалық қызметін қорытындылаған Төраға бұл жылдың еліміз үшін қай қырынан алғанда да ерекше жыл болғандығын айта келіп, əсіресе, мерейтойларға толы жыл аясында Қазақстан өзінің тарихындағы маңызды мəселелерге қатысты үлкен жұмыстар атқарғанын ерекше атады. Асқар ТҰРАПБАЙҰЛЫ, «Егемен Қазақстан».
Мəжіліс Төрағасы осы жылы Тəуелсіз Қазақстанымыздың жылнамасында орын алған маңызды оқиғаларды тізбектей келіп, сол тарихи сəттердің барлығында Мəжіліс депутаттарының қолтаңбасы қалғанын атап өтті. Ол тек қомақты сандық көрсеткішпен ғана емес, Қазақстанның тұрақты əлеуметтік-экономикалық дамуын, халқымыздың жарқын болашағын қамтамасыз ету жолында сапасымен де ерекшеленген Мəжілістің өнімді заңнамалық қызметінде айрықша көрініс тапты. Оған Елбасының да бірнеше мəрте жоғары баға бергенін алға тартқан Мəжіліс Төрағасы алдағы уақытта да заңнамалық жұмысты жоғары қарқынмен атқару керектігін, оны уақыттың өзі жəне Президенттің мемлекет алдына қойған маңызды міндеттері талап етіп отырғанын баса айтты. «Елбасы біздің мемлекетіміз барлық жағынан бəсекеге қабілетті болуын міндеттеді. Біз де бəсекеге қабілетті заңдар қабылдауымыз керек», – деді Қ.Жақыпов. Осы мақсатта Спикердің тапсырмасымен жыл басынан бері əрбір заң
жобасына барлық кезеңдерде жекежеке талдау жасап, депутаттардың заңнамалық жұмысын қамтамасыз етуге жұмылдырылатын барлық қызметкерлерге, бөлімдерге нақты қаралып отырған заң жобасы бойынша жүйелі мониторинг жүргізумен қатар, сол сала бойынша көтерілген өзекті мəселелерді жан-жақты сараптау жүктелген болатын. Соның нəтижесінде заңдық жолмен шешуді қажет ететін көптеген мəселелер жарыққа шықты. Заң жұмысы əрқашанда біздің мемлекетіміз бен қоғамның өмірлік қажеттіліктеріне қатысты нақты жағдайға бейімделіп, біздің азаматтарымыздың негізделген мəселелерін шешуге тиіс, дей келе, Мəжіліс Спикері: «Заң шығару жұмысында біздің қандай да бір іркіліске, тоқырауға жол беруге хақымыз жоқ. Біз – Елбасының мемлекет пен ұлтты жаңғырту үдерістерін заңнамалық қамтамасыз ету жолындағы сенімді тірегіміз. Президенттік ауқымды бастамаларды жүзеге асыру, мемлекетті нығайту бағытындағы сапалы заңдық жұмыс – Мəңгілік Елге апаратын сара жол», – деді. (Соңы 2-бетте).
Сыртќы саясатта есебіміз тїгел
Кеше Президент жанындағы Орталық коммуникациялар қызметінде Сыртқы істер министрі Ерлан Ыдырысовтың қатысуымен брифинг өтті. Онда аталған министрліктің бір жылғы жұмысының қорытындысы жария етілді. Жолдыбай БАЗАР,
«Егемен Қазақстан».
Ерлан Ыдырысов бірінші кезекте Қазақстанның халықаралық аренадағы беделі өсе түскенін сөз ете келіп, мемлекетіміздің сыртқы саясаттың негізгі бағыттары біршама күшейгеніне назар аударды. Сондай-ақ, ол еліміздің сыртқы саясатының табысты болуы Елбасы Нұрсұлтан Назарбаевтың сауатты бастамаларымен тікелей байланысты екеніне тоқталды. «Биыл халықаралық қатынас саласында өте күрделі жағдайлар орын алды. Бұл біздің көпвекторлы саясатымызға үлкен сын болды. Соған қарамастан, біздің бағытымыздың дұрыстығы айқындала түсті. 2015 жыл Қазақстан тарихында аса табысты өткен Президенттік сайлаумен, сондай-ақ, бес халықтық реформа мен «100 нақты қадам» Ұлт жоспарының қолға алынуымен есте қалады. Осынау іргелі жұмыстарға отандық дипломаттар өздерінің үлесін жоғары деңгейде қоса білді. Дипломатиялық қызметке Елбасы жария еткен басымдықтар негізінде экономикалық бағытты күшейту жəне шетелдік инвесторларды тарту бойынша нақты тапсырмалар берілген болатын. Бұл міндеттерді лайықты орындау
отандық дипломаттардың басты мақсаты болып қала береді», – деді министр. Одан əрі спикер 2015 жылдың 1 қаңтарында Еуразиялық экономикалық одақтың өз жұмысын бастағанын, бұл ұйымға Армения мен Қырғызстанның қосылғанын айта келіп, Қазақстан Президентінің бас та масымен құрылған жаңа экономикалық одақтың жұмысы жүйелі жүргізіліп келе жатқанын сөз етті. «Осы жылы орын алған сыртқы экономикалық саясатқа қатысты негiзгi оқиғаға тоқталайын. Ең алдымен, 2015 жылдың 1 қаңтарынан бастап Еуразиялық экономикалық одақ туралы шарт күшiне ендi. Яғни, бiздiң кеңiстiкте ықпалдасқан экономикаға бейiмделген ұйым дүниеге келдi. Осы жылы оның жарғылық органдарын институттық ресiмдеу аяқталды, сот өз жұмысын бастады. Əрине, осы жылғы жаһандық экономикалық тұрақсыздық ЕАЭО үшiн сын-қатерлерге толы болды. Алайда, оған мүше мемлекеттердің президенттері атап өткендей, ЕАЭО-ның болашағы жарқын жəне ағымдағы экономикалық қиындықтарды жеңуде əлеуетi жоғары», – дедi Е.Ыдырысов. (Соңы 2-бетте).
Кґѕіл айту жеделхатын жолдады Елбасы Нұрсұлтан Назарбаев белгілі əнші, педагог Бекен Жылысбаевтың қайтыс болуына байланысты марқұмның туған-туыстары мен жақындарына көңіл айту жеделхатын жолдады, деп хабарлады Президенттің баспасөз қызметі.
Мемлекет басшысы ауыр қайғыға ортақтаса отырып, көңіл айтты. Жеделхатта Б.Жылысбаевтың Ұлы Отан соғысынан оралғаннан кейін Алматы мемлекеттік консерваториясын бітіріп, бүкіл еңбек жолын осы өнер ордасымен байланыстырғаны атап өтілген. «Ол өзінің жанға жағымды тенор дауысымен қазақ жəне шетел композиторларының шығармаларын шебер орындап, жұртшылықты əн өнерінің нəрімен сусындата білді», – делінген жеделхатта. Сондай-ақ, Б.Жылысбаевтың консерватория профессоры жəне кафедра меңгерушісі ретінде көптеген лайықты ізбасарларын даярлағаны айтылған. Оның еңбегі жоғары мемлекеттік наградалармен атап өтіліп, Қазақ КСР-інің халық əртісі құрметті атағы берілген. Нұрсұлтан Назарбаев əншінің шығармашылық мұрасы қазақстандықтардың əлі талай буынын шынайы өнердің шаттығына бөлей беретініне сенім білдірді.
● Ел тынысы: мың бір мысал
Екібастўздаєы еселі еѕбек
Еліміздің Тұңғыш Президенті күні «Богатырь Көмір» серіктестігі өзінің кезекті межесі – 1,5 миллиардыншы тонна көмір өндірді. Осынау айтулы оқиға алып көмір кенішінің алдағы жылы аталып өтетін 45 жылдық мерейтойымен де қатар келді. Фарида БЫҚАЙ,
«Егемен Қазақстан».
Кеншілердің қуанышына Екібастұз қаласының əкімі Алек сандр Вербняк та ортақтасты. Тарихи сəттің айтулы оқиғалармен қатар келуін жақсылыққа балап, еліміздегі көмір индустриясының алыбы – «Богатырь» кеншілеріне сəттілік тіледі. Ал жалпы, еліміздегі «Самұрық Энерго» АҚ пен ресейлік РУСАЛ компаниясының бірлескен кəсіпорны – «Богатырь Көмір» серіктестігі еліміздегі көмір өндіретін аса маңызды сала болып табылады. Кəсіпорынның үлесіне елімізде өндірілетін көмірдің 40 пайызы тиесілі. «Богатырь Көмір» серіктестігі көмір өндіру көлемі жағынан еліміздегі 30 озық кəсіпорындар қатарында тұр. Ашық əдіспен көмір өндіретін əлемдегі алып кеніш саналады. Бұл күндері кеніштің көмірін
Оќырман назарына!
Екібастұз ГРЭС-1 жəне ГРЭС-2 стансалары, Алматы, Қарағанды, Астана, Петропавл жылу-электр орталықтары алады. Сон дайақ, Ресейдің Рефтинск, Верхнетагильск, Серовск, Троицк ГРЭСтері мен Қорған жылу-электр орталықтары да тұтынушылардың қатарында. Осы қырық жыл ішінде, əрине, кеніште көп өзгерістер болды. Еңбек жағдайы, кеншілердің əлеуметтік өмірі жақсарды, өндіріс көлемі артты, технологиялар жетілді. Кеніш қырық жылғы ғұмырында, мəліметтер көрсеткендей, 1 млрд. 370 миллион тонна көмір өндіріпті. Бұл дегеніңіз, 325 мың вагон жүк болатын көлем. Соңғы екі жылда жаңа технологияның нəтижесінде өндіріс жандана бастады. Жаңа жоба толықтай іске қосылғанда кеніштің жылдық өндіріс көлемі 55 миллион тоннаға дейін жетеді. Өйткені, көмірді толассыз технология кешенімен өндірудегі
Заман талабына орай жаңарған «Егемен Қазақстан» газетінің сайтын енді əлеумет тік желілер арқылы оқу үшін мына көрсетілген сілтемелерді теру арқылы тікелей біздің сайтымызға өте аласыз.
● Бүгінге дейін Қазақстанда мемлекеттік-жекеменшік əріптестік саласында 102 жоба əзірленді. Ұлттық экономика вице-министрі Марат Құсайыновтың айтуынша, оның 8-і – республикалық, ал 94-і аймақтық деңгейде. ● Жыл басынан бері Астанада 13 мыңнан астам пəтер пайдалануға берілді. Қала əкімдігі баспасөз қызметінің мəлімдемесіне сүйенсек, баспаналардың жалпы ауданы – 1 494 592 шаршы метр. Бұл өткен жылдың сəйкес мерзімімен салыстырғанда, 56,1 пайызға артық. ● Биыл «Оңтүстік» индустриялық аймағында 8 кəсіпорын іске қосылды. Оңтүстік Қазақстан облы сы əкімдігі баспасөз қызметінің хабарлауынша, бүгінде аймақтағы өндіріс орындарының саны 35-ке жеткен. Қазіргі таңда өңірде жұмыс істейтін кəсіпорындардың инвес тициялық көлемі 80 млрд. теңгені құрайды. ● Павлодар облысын да 86 шақырымдық республикалық маңызы бар тас жол халық игілігіне берілді. «Қазавтожол» компаниясының баспасөз қызметі хабарлағандай, ол облыс орталығын Ресейдің шекаралық аумақтары мен Орталық – Шығыс дəлізіне қосады. ● Жамбыл облысында биыл 4 227 жылжымайтын мүлік жария етілді. Облыстық қаржы басқармасының басшысы Асқар Қырықбаевтың мəлімдеуінше, мүліктердің құны – 23 285,0 млн. теңгеге тең. Жалпы, өңірде жыл басынан бері жылжымайтын мүлікті жария етуге 5 022 өтініш келіп түскен. ● Ақмола облысы, Зеренді ауданындағы «АлтынтауКөкшетау» ЖШС осы жылдың 11 айында 35,6 млрд. теңгенің өнімін өндірді. Кəсіпорын басшысы Игорь Когай айтқандай, серіктестік көктемгі су тасқынының зардабын жою үшін 1,2 млн. теңге бөлген. Ал өткен жылы компания қайырымдылық пен демеушілікке 229,5 млн. теңге қаржы жұмсаған. ● Орал қаласының 2016 жылғы бюджеті 22 млрд. теңгеден асты. Қала əкімінің орынбасары Қайсар Маңқараевтың мəлім етуінше, оның 16 млрд. 2 млн.-ы шаһардың өз табысы. Келер жылы қаржының басым бөлігі тұрғын үй құрылысы мен коммуналдық желілерді тартуға жəне инфрақұрылымды жақсартуға жұмсалмақ. Хабарлар Үкімет, облыстық əкімдіктер сайттары, «ҚазАқпарат» агенттігі жəне «24kz» телеарнасының деректері бойынша дайындалды.
инновациялық шешім – ең тиімді тəсілдің бірі. Сондықтан да, үздіксіз үдеріспен, жоғары механикаландырылған жүйемен ТМД елдеріне көмір өткізуге қол жеткізбекші. Көмір өндіру технологиясын жəне əлеуметтік саланы дамытудағы үлесі үшін компания республикалық «Парыз» конкурсының, 2010 жылы республикалық «Алтын жүрек» конкурсының жеңімпазы атанды. Кеніштегі көлік сызбасы
жаңартылып, жаңадан теміржол стансасы қатарға қосылды. Дренажды шахта, электрмен қамтамасыз ету, байланыс нысандарында, жөндеу базасы мен қойма шаруашылықтарында ауқымды жұмыстар атқарылды. Бұрындары көмір кеніштен сыртқа ескі «БелАЗ» жүк көліктерімен, вагонмен тасылса, қазіргі күні оларды жапондық ауыр жүк машиналары алмастыруда.
● Оймақтай ой Уəде – құдай аты. Қазақ нақылы.
(Соңы 2-бетте).
ГЇЛДЕНСЕ АУЫЛ ГЇЛДЕНЕМІЗ БƏРІМІЗ «АУЫЛ» ХАЛЫҚТЫҚ-ДЕМОКРАТИЯЛЫҚ ПАТРИОТТЫҚ ПАРТИЯСЫНЫҢ ҚАЗАҚСТАНДЫҚТАРҒА ҮНДЕУІ Құрметті қазақстандықтар! Қазақстан Республикасының Президенті Нұрсұлтан Əбішұлы Назарбаев өзінің «Қазақстан жаңа жаһандық нақты ахуалда: өсім, реформалар, даму» атты халыққа арнаған Жолдауында еліміздің тəуелсіздік жылдарында өз тарихында бұрын-соңды жетпеген жетістіктерге жетіп, биіктерге көтерілгендігін атап өтті. Тəуелсіздіктің арқасында еліміздің экономикасы дамыды, əлеуеті артты, кəсіпкерлік өрістеп, ортамыздан бай-қуатты, тіршілігі өрге өрлеген азаматтар пайда болды. Елбасы айтқандай: «Мемлекетіміз соның барлығына жағдай жасады». Ал енді, қазіргі қиын-қыстау заманда, əлемдегі қаржы дағдарысының өршіген кезеңінде, туған елге нақты қызмет жасап, дамуына үлес қосатын кез келді ғой деп есептейміз. Осының бəрін ескере отырып, Тұңғыш Президентіміз Н.Ə.Назарбаевтың барлық бақуат азаматтар мен кəсіпкерлерге, жалпы қазақстандықтарға жасаған үндеуіне үн қоса отырып, «Ауыл» халықтық-демократиялық патриоттық партиясы «Ауылым – алтын бесігім» атты бастаманы ортаға салып отыр. Бастаманың негізгі мақсаты 2016 жылдың көлемінде кəсіпкерлер мен қызметкерлерді, зиялы қауым өкілдерін, бұқаралық ақпарат құралдарын еліміздің алтын бесігі – ауыл проблемаларын шешуге
атсалысуға шақыру, ауыл туралы жаңа шығармалар жазып, туындылар шығаруға үндеу болып табылады. Əрбір жүрегі «елім» деп соққан адамның өзінің алтын бесігі ауылына, туған жеріне деген ерекше патриоттық сезімі болатыны сөзсіз. Өзіміз төл тумасы болып табылатын ауылға деген сезім – рақымшылдықпен, шапағатпен қатар, халқымыздың əлеуметтік деңгейін дамытуға ортақ жауапкершілік сезімін дамыту, əрбір отандасымыздың жарқын болашаққа деген үмітін арттыру тəрізді өрелі сана туғызуға тікелей байланысты. Еліміздің тəуелсіздік алғанына 24 жыл болды. Мемлекетіміз көптеген жетістіктерге жетіп, биіктерді бағындырды. Халқымыз үшін Ұлы Дала дегеніміз – туған жер, туған ауыл. Демек, мемлекеттің тірегі, іргетасы да – ауылда, тамырымыз да – ауылда. Осындай кеңпейілді, дархан көңіл халық тұратын ауылымыздың мəртебесін көтеру – əрбір саналы азаматтың парызы деп білеміз! Елбасы Н.Ə.Назарбаев өзінің Жолдауында еліміздің əлеуеті жоғары азаматтарына: «Мемлекет сіздердің бизнестеріңізді дамытып, аяққа нық тұруларыңызға барлық жағдайды жасады. Бүгінгідей сын сағаттарда сіздерге үлкен жауапкершілік артылады», деп атап өтті.
Біз кəсіпкерлерді ауылдың инфрақұрылымы мен əлеуметтік саласын дамытуға, өзі туып-өскен елді мекендерге қажетті білім, денсаулық сақтау, мəдениет, спорт нысандарын салу, не жөндеу жұмыстарына қатысуға шақырамыз. Біз еліміздің зиялы қауымын ауылдың мəртебесін көтеріп, қоғамдағы орнын насихаттайтын, тəуелсіздік жылдарындағы ауылдың дамуын суреттейтін, ауылдың болашағын, ауыл еңбеккерлерін дəріптейтін қомақты əрі мазмұнды жаңа шығармалар жазуға шақырамыз. Біз барлық деңгейдегі депутаттарды, мемлекеттік орган қызметкерлерін ауыл проблемасына жіті қарап, тиянақты көңіл бөліп отыруға шақырамыз. Біз жастарымызды ауылға қажетті мамандық алып, ауылда қызмет етуге шақырамыз. Еңбек жолын ауылда, өндірісте бастаған адам ел тағдырын өз тағдырынан бөлек қоймайтын болады. Бұған Елбасы Н.Ə.Назарбаевтың өмір жолы нақты дəлел. Əлемдегі болып жатқан дағдарыстың əсері бірінші ауылға, соның ішінде, ауыл тұрғындарына, ауылдағы көпбалалы отбасыларға тиюі мүмкіндігін ескере отырып, көңілі ашық, көкірегі ояу азаматтардың барлығы осы акцияға қатысып, өскелең жас ұрпаққа үлгі көрсетуге, туған елге деген перзенттік парызды абыроймен атқаруға шақырамыз. «Ауыл» халықтық-демократиялық патриоттық партиясы.