АҚПАРАТТАР аєыны №209 (28687) 31 ҚАЗАН СЕНБІ 2015 ЖЫЛ
Маѕызды мəселелер ќаралєан отырыс
Кеше Қазақстан Премьер-Министрі Кəрім Мəсімов Душанбе қаласында өткен ТМД Үкімет басшылары кеңесінің кезекті отырысына қатысты, деп хабарлады ПремьерМинистрдің баспасөз қызметі.
Кеңейтілген құрамдағы отырыста сөйлеген сөзінде Кəрім Мəсімов аталған іс-шарамен Қазақстан ТМД-ға төрағалығын аяқтайтынын атап өтті. «Жақында ғана ТМД Үкімет басшылары кеңесінің аясында төрағалық эстафетасы ресми түрде біздің қырғызстандық əріптестерімізге тапсырылған болатын. Осы орайда қазақстандық төрағалыққа қолдау көрсеткендері үшін, көп жақты ынтымақтастықты тереңдету бойынша сындарлы ұсыныстар жасағаны үшін Достастық бойынша əріптестеріміздің бəріне алғыс білдіремін», деді К.Мəсімов. Бұдан өзге, Үкімет басшысы Қырғызстанға 2016 жылы ТМДға төрағалық етудің құрметті міндетін атқаруда сəттілік тіледі. «Жалпы, бүгінгі отырыстың күн тəртібі көп қырлы болды, біздің ынтымақтастығымыздың түрлі салалары қозғалды жəне қабылданған құжаттарды жүзеге асыру Достастықты дамытуға қосымша серпін берері сөзсіз», деп атап көрсетті Кəрім Мəсімов. Отырысқа қатысушылар ТМДға мүше елдердің əлеуметтікэкономикалық, гуманитарлық жəне құқық қорғау салаларындағы өзара іс-қимылды одан əрі дамытуға қатысты шамамен 40 мəселені қарады.
Сол сияқты Душанбеде ТМД Үкімет басшылары кеңесі отырысының қорытындысы бойынша Қазақстан Республикасының Премьер-Министрі Кəрім Мəсімов баспасөз мəслихатын өткізді. Онда сөйлеген сөзінде К.Мəсімов Қазақстан Достастықтағы төрағалығын аяқтайтынын тағы бір еске салып өтті. «Біздің жұмысымыздың өзегі сабақтастықты сақтау жəне бұған дейін қабылданған шешімдерді жүйелі жүзеге асыру болды», деді Қазақстан Премьері. Ағымдағы жылдың айтулы оқиғаларының ішінде К.Мəсімов Ұлы Отан соғысындағы Жеңістің 70 жылдығын мерекелеу бойынша іс-шаралардың табысты жүзеге асырылғанын атап өтті. ТМД елдеріндегі Ардагерлер жылы аясында ондаған салтанатты іс-шаралар өткізілді. Мəде ниет саласындағы маңыз ды оқиға – Астанада ғылыми жəне шығармашылық интел ли генцияның Х мерейтойлық форумын өткізу болды. «Бұл іс-шаралардың барлығы өте пайдалы, себебі олар елдеріміздің арасындағы игі қарым-қатынасты сақтауға мүмкіндік береді», деп атап көрсетті К.Мəсімов. (Соңы 2-бетте).
Ўлттыќ музей жўмысымен танысты Қазақстан Республикасының Мемлекеттік хатшысы Гүлшара Əбдіқалықова Ұлттық музейде болды, деп хабарлады Президенттің баспасөз қызметі. Мемлекеттік хатшы музейді аралау барысында «Археология», «Тарих», «Алтын», «Қазіргі заманғы өнер» залдарымен, сондай-ақ, Қазақ хандығының 550 жылдығына орай ұйымдастырылған «Тарихи жады жəне тағылым» жəне Қазақстан халқы Ассамблеясының 20 жылдығына арналған «Ұлттық натюрморт» көрмелерімен танысты. Г.Əбдіқалықоваға, сондайақ, музейдің əлемдегі қазіргі заманғы музей ісін дамытудың жаһандық трендтеріне сай келетін Ұлттық музей қызметінің негіз гі бағыттары баяндалды. Қазіргі кезде музей Жорж Помпиду (Франция) атындағы Ұлттық өнер жəне мəдениет орталығымен, Амброзиана (Италия) кітапханасымен, Тан династиясы тұсындағы (Қытай) ежелгі Батыс базарының Сиань музейімен, Ресейдің Мемлекеттік Эрмитажымен жəне басқа да мұражай орталықтарымен ынтымақтастық туралы меморандумдар жасаған. Музейді аралап көргеннен кейін Мемлекеттік хатшы Ұлттық музейді одан əрі дамытуға қатысты бірнеше нақты тапсырма берді. Ұлттық музей Қазақстан
Президентінің тапсырмасы бойынша 2013 жылы құрылды. «Алтын Адамның» ғылыми реконструкциясы жəне ежелгі аң кейіптес стильде жасалған скиф-сібір алтын бұйымдары музейдің басты жəдігері болып саналады. Ұлттық музейдің басты ерекшелігі – мұнда бірегей имек экран, медиа еден, Астана қаласының қазіргі орталық бөлігінің макеті, бірнеше медиа экрандар, голограммалар, диод шамдар мен LEDтехника, сенсорлық киоскілер, мультимедиялық гид сияқты заманауи инновациялық музей технологиялары қолданылады. Бүгінгі таңда музей қорындағы жəдігерліктердің жалпы саны 188 мыңнан асады. Биыл Қазақстан халқы Ассамблеясының 20 жылдығы, Қазақстан Конституциясының 20 жылдығы, Ұлы Отан соғысындағы Жеңістің 70 жылдығы жəне Қазақ хандығының 550 жылдығына арналған 26 халықаралық жəне республикалық көрме, соның ішінде «Тарихи жады жəне тағылым», «Ортақ Жеңіс», «Қазақ құқығының тарихы», «Мəңгілік Ел» жəне басқа да көрмелер ұйымдастырылды.
Ынтымаќтастыќтыѕ басым баєыттары белгіленді
Кеше Үкімет үйінде Премьер-Министрдің бірінші орынбасары Бақытжан Сағынтаев Airbus Group компаниясының вице-президенті (ТМД) Сильвер Дэлонэмен кездесті, деп хабарлады Премьер-Министрдің баспасөз қызметі. Кездесу Қазақстан Рес публикасының Президенті Нұрсұлтан Назарбаевтың Францияға сапары қарсаңында өтіп отыр. Келіссөздер барысында тараптар Airbus Group-пен əріптестікте қазірдің өзінде бар жобаларды жүзеге асыру жолдарын талқылады, сондай-ақ, болашақ ынтымақтастықтың басым бағыттарын белгіледі. Airbus Group аэроғарыштық жəне қорғаныс салаларындағы, сондай-ақ, қызмет көрсетуге
қатысты саладағы əлемдік көшбасшы болып табылады. Қазақстанда Топ төмендегі жобалар бойынша жұмыс істейді: «Еурокоптер Қазақстан Инжиниринг» бірлескен кəсіпорны (ЕС145 тікұшақтарын құрастыру, қызмет көрсету жəне тікұшақ мамандарын қайта даярлау), «Қазақстан Ғарыш Сапарымен» ынтымақтастық (Құрастыру-сынақ кешенінің негізі жəне Жерді қашықтықтан зондтау жəне байланыс жер серіктерімен жұмыс).
Өмірдің өзегі – өндіріс
«Ерінбеген етікші болады» Ќараєанды аяќ киім фабрикасы аяєынан тік тўра ала ма? «Балам деген ел болмаса, елім деген бала қайдан шығады» деген екен Алаштың Ахаңы – Ахмет Байтұрсынов... Біз бүгін отандық өнімді жаратайық деп жаһанға жар салып жатырмыз. Жөн. Ал енді, отандастарымыздың қолы нан шыққан өнім олақ б о л са , о н ы к і м г е а п а р ып тықпалап, жапсырғандайсың? Иə, отандық өнім «өзі құтты, өзі сүтті» дегендей, сапалы һəм əдемі болса, бағасы да көкейден шықса оны тұтынатын ел қашанда табылады. Яғни, Ахаңның сөзін сəл бұрмалап айтар болсақ «Сапа дейтін тауар болмаса, отандық өнім дейтұғын тұтынушы қайдан шықсын»... Қайрат ƏБІЛДИНОВ, «Егемен Қазақстан».
Бір кездері жеңіл өнеркəсіп саласы дегенде Қарағанды аяқ киім фабрикасының тасы өрге домалаған заман болып еді. 1965 жылы фабриканың жылдық қуаттылығы 3 миллион жұп (!) аяқ киімге жеткен екен. Кəсіпорында екі жарым мыңнан астам адам еңбек етіпті. Сөйткен фабрика атышулы тоқсаныншы жылдардағы тоқыраудың қыспағына шыдас бере алмай, ақыры 1995 жылы жабылып тынған болатын... Қирату – оңай, қайтадан қалпына келтіру – қиямет-қайым. Аты бар да заты жоқ аяқ киім фабрикасын қайтадан аяғынан тік тұрғызам деген кəсіпкер Серік Ыдырысұлы Таласбековтің жүрегінің түгі бар екен. Өзі бұл кəсіптің отымен кіріп, күлімен шыққан адам. Досы Ғосман Арынғазинов екеуі сонау 1982 жылдан осы мамандықтың қыр соңынан келеді... 2011 жылы фабриканы қайта
түлетем деген ой келгенде алдымен кеңес заманынан келе жатқан байырғы мамандарды жатпай-тұрмай іздепті. «Іздеген жетер мұратқа» демеуші ме еді, жүгірген еңбегі зая кетпей, қол астына қолының ебі əлі кете қоймаған біраз маманды жинап алған. Бүгінгі күнде осы кəсіби етікшілер кəсіпорынның негізін құрайды. Оң қолы – цех бастығы Ғосман Арынғазинов, бас механик Владимир Терре, зертхана басшысы, модельер Морис Ахматханов, тігіншілер бригадирі Елена Шамшурина, пішушілер Нина Рунц, Ольга Буйло кезінде фабриканың мақтанышы болған. Ал бүгінгі күнде олар мол тəжірибесін жастармен бөлісіп жүрген тəлімгерлер. Айтқанға бəрі оңай. Фабриканың өшкенін жағам деп
жүргендегі алғашқы қадамын еске алса жүйке тамыры солқылдайды. Кəсіпорынға деп арнап алған үлкен цехтың қаңыраған төрт қабырғасы ғана болатын. Су, жарық дегенді
атай көрмеңіз, қыл аяғы істен шыққан тігін машинасының өзі жоқ-тын.
(Соңы 11-бетте).
● Еңбегімен еленген
Шаєын бизнестіѕ шапаєаты Темір ҚҰСАЙЫН,
«Егемен Қазақстан».
Былтырғы жартыжылдықта Бөкей ордасы ауданында 780 шағын кəсіпкерлік субъекті болса, ағымдағы жылдың осы кезеңінде ол 837-ге жетіп отыр. Бұл 2014 жылғы тиісті кезеңмен салыстырғанда 7,3%-ға көп. Олардың 445-і шаруа қожалығы, 349-ы жеке кəсіпкер, 43-і жауапкершілігі шектеулі жəне несие серіктестіктері. Бүгінгі таңда шағын бизнес субъектілері 1520,0 млн. теңгенің өнімін өндіріп, қызметін көрсетуде (ол өткен жылғыдан 16%-ға артық). 2014 жылы ауданда 23 адамды жұмыспен қамтыған 8 шағын цех жұмыс істесе, ағымдағы жылы қосымша 5 шағын цех (наубайхана, дəнекерлік, керамзитоблок жəне 2 пластикалық терезе өндірісі) іске қосылып, қосымша 11 жұмыс орны ашылған. Жалпы, шағын кəсіпкерлік саласында 1486 адам жұмыс істейді (өсім 9,1%). Былтыр «Жұмыспен қамтудың жол картасы-2020» бағдарламасы бойынша 32 адам
67 млн. 200 теңгенің, биыл 6 айда 18 адам 30 млн. теңгенің несиесін алуға қол жеткізіпті.
Аталған несиелер тұрмыстық қызмет жəне өндіріс орындарын ашуға бағытталған. Сауда саласын дамытуға арналған «Кəсіпкер» бағдарламасымен 2014 жылы 15 адам 64 млн. 750 мың теңге, 2015-те 9 адам 26 млн. 570 мың теңге несие иеленген. Бұл қаржылар «Ауыл шаруашылығын қаржылай қолдау қоры» АҚ арқылы берілгенін де айта кетелік. Мемлекет тарапынан берілген осынау қаржылай көмекті иеленген Хан Ордасы ауылының тұрғыны Рахметолла Ғұмаров («Ғұмаров Р.Ш.» ЖК) 1 млн. теңгеге пластик терезе өндірісіне құрал-жабдықтар алса, оның ауылдасы Назымгүл Оразгелдиева («Нəзік» ЖК) кəдесый жасау үшін 870 мың теңгенің, сайқындық Асылғаным Молдашева тұшпара өндірісіне қажетті 500 мың теңгенің грант иегерлері атаныпты. Иə, қазіргі күні кəсіпкерлік саласы өміріміздің күре тамырына айналып отырса, бұл бағыттағы жұмыстар Бөкей ордасында көңіл қуантарлықтай. Батыс Қазақстан облысы. –––––––––– Суретте: ордалық ісмер Назымгүл Оразгелдиева жұмыс үстінде.
● Жыл басынан бері Қазақстанның ауылдық жерлерінде 18 дене шынықтырусауықтыру кешені салынды. Бұл жөнінде Мəдениет жə не спорт вице-министрі Сəкен Мұсайбеков мəлім етті. Оның айтуынша, 2017 жылға дейін осындай 42 кешен пайдалануға беріледі. Аталған жоба республикалық жəне жергілікті бюджеттен қаржыландырылады. ● Осы жылдың соңына дейін Алматыда 10 бірыңғай динамикалық ақпараттық навигациялық құрылғы орнатылады. Бүгінде жобаның тестілік үлгісі əл-Фараби мен Фурманов көшелерінің қиылысында жұмыс істеп тұр. «Billboardvideo LED Engineering» ЖШС директоры Жанат Мальбековтің сөзіне қарағанда, алдағы екі жылда осындай 150 құрылғы орнату жоспарда бар. ● Шымкентте кернеуі 220 жəне 500 кВт болатын электр трансформаторларын шығаратын зауыт салынады. «Alageum Electric» АҚ Директорлар кеңесінің төрағасы Еркебұлан Ілиясовтің мəлімдеуінше, жоба «Ұлттық чемпиондар» бағдарламасының шеңберінде жүзеге асады. ● Қызылорда облы сындағы Арал ауданының орталығы көгілдір отынға қосылды. Облыс əкімдігі мен «ҚазТрансГаз» АҚ арасында жасалған меморандумға сəйкес, биыл Жаңақорған, Шиелі, Қазалы жəне Арал аудандары мен Байқоңыр қаласын газдандыруға қаражат бөлінген. Келесі жылы Еуропалық қайта құру жəне даму банкінің қаржыландыруымен облыстың қалған аудандары газбен қамтылады. ● Ақтөбе облысындағы Хромтау моноқаласының жолдарын жөндеуге соңғы үш жылда 500 млн. теңге бөлінді. Қала əкімі Асқар Нұртазиннің сөзіне сүйенсек, бұл қаржы орталық көшелермен қатар, қосалқы тас жолдарды жөндеуге жұмсалған. Соның ішінде бірнеше көшенің жолына күрделі жөндеу жұмыстары жүргізіліп, ені бір метрге кеңейтілген. ● Солтүстік Қазақстан об лысында индустриялықинновациялық даму мемлекеттiк бағдарламасы аясында биыл 12 жоба жүзеге асып, 370 жұмыс орны ашылды. Облыс əкімдігі баспасөз қызметінің хабарлауынша, бұл жобалардың жалпы құны – 4,7 млрд. теңге. Жыл соңына дейiн 2,7 млрд. теңгені құрайтын тағы 4 жоба жүзеге асырылады. ● Тараздағы «Əулиеата» халықаралық əуежайының жаңа терминалы желтоқсанда пайдалануға беріледі. Əуежай басшысы Анатолий Нестеренко «SKAT» əуе компаниясы қалпына келтіру жұмыстарына шамамен 650 млн. теңге бөлгенін айтты. Енді ұзындығы 3,5 мың м, ені 60 м. болатын ұшу-қону жолағы кез келген ұшақты қабылдай алады. ● Павлодар облысында ауыл шаруашылығы өнімдерінің бағасы жыл басынан бері 2,3 пайызға төмендеді. Сондай-ақ, көкөніс – 16,3, мал шаруашылығы өнімдері 3,5 пайызға арзандаған. Керісінше азық-түлік бағасы 1,2 пайызға қымбаттады. Бүгінде өңірде ең төменгі күнкөріс деңгейінің көрсеткіші 18 289 теңгені құрайды. Хабарлар Үкімет, облыстық əкімдіктер сайттары, «ҚазАқпарат» агенттігі жəне «24kz» телеарнасының деректері бойынша дайындалды.