Lengua Zoque San Miguel Chimalapa, Oaxaca. Segundo grado

Portada 4399.indd 1

Lengua zoque de San Miguel Chimalapa, Oaxaca

Segundo grado

Oaxaca

Lengua zoque San Miguel Chimalapa, Oaxaca Segundo grado

Bin angmaykuy toto angpønjo'

OLGA COSTA (1913 - 1993) Obra: Vendedora de frutas, 1951 Óleo sobre tela, 195 X 245 cm Museo de Arte Moderno, INBA, CNCA

Bin angmaykuy toto angpønjo'

11/7/07 1:10:37 PM

NOMBRE DEL ALUMNO (A) ESCUELA

GRUPO

POBLACIÓN ENTIDAD FEDERATIVA

Este libro de texto ha sido elaborado por el Gobierno de la República y se entrega en forma gratuita a los niños de las escuelas primarias del país.

Los juicios y opiniones de los maestros, de los padres y de los alumnos son muy importantes para mejorar la calidad de este libro. Sus comentarios pueden ser enviados a la siguiente dirección:

COMISIÓN NACIONAL DE LIBROS DE TEXTOS GRATUITOS Rafael Checa núm. 2 col. Huerta del Carmen C.P. 01000, México, D.F.

Las obras de arte que ilustran las cubiertas de los libros de texto gratuitos son representativas de las grandes etapas del arte mexicano. Constituyen un valioso respaldo educativo y son motivo de orgullo nacional.

4399 pags 1-32

1

13/2/05, 18:30

4399 pags 1-32

2

13/2/05, 18:30

Bin angmaykuy toto angpønjo' Lengua zoque San Miguel Chimalapa, Oaxaca Segundo grado

4399 pags 1-32

3

13/2/05, 18:30

Libro de texto en lengua zoque de San Miguel Chimalapa, Oaxaca.

Elaborado en la Dirección General de Educación Indígena de la Subsecretaría de Educación Básica de la Secretaría de Educación Pública

Autor Enrique Cruz Lorenzo

Asesor Rafael Gamallo Pinel

Colaboradores Elidio Jiménez Gutiérrez, Raúl Sánchez Domínguez, Cuauhtémoc Martínez Gutiérrez, Adelaido Jiménez Cruz, Andrés Cruz Pérez, Gelasio Sánchez Morales, Evodio Miguel Cruz y Aristeo Cruz Sánchez

Fotografía Archivo de la Dirección General de Educación Indígena y Humberto Pacheco

Diseño de Portada Comisión Nacional de Libros de Texto Gratuitos, con la colaboración de Luis Almeida

Ilustración de portada “Vendedora de frutas”, Olga Costa (1913-1993) Óleo sobre tela, 1951, 195 x 245 cm.

Museo de Arte Moderno, INBA, CNCA Reproducción autorizada por el Instituto Nacional de Bellas Artes y Literatura

Fotografía de Portada Javier Hinojosa

D.R. © Ilustración de portada: Olga Costa/INBA D.R. © Secretaría de Educación Pública, 1995 Argentina No. 28 Col. Centro, C.P. 06029 México, D.F.

ISBN - Obra general Parte 2 Primera reimpresión Segunda reimpresión Tercera reimpresión Sexta reimpresión Impreso en México

2003 2006 2008 2012

978-968-29-7413-7 968-29-7413-5 978-968-29-7414-4 968-29-7414-3

PRESENTACIÓN E

l libro de texto en lengua indígena, está pensado para que los niños dominen la lectura y escritura en su lengua materna. La enseñanza a partir del lenguaje del educando garantiza el aprendizaje, debido a que se facilita la comunicación y como resultado se obtiene la comprensión y un mayor aprovechamiento escolar El libro está elaborado por profesores indígenas con experiencia frente a grupo y conocimientos profundos de su lengua y cultura. La elaboración se hizo a partir del enfoque pedagógico que recomienda el Programa Nacional para la Educación Primaria 1993, de esta manera se cuenta con materiales actualizados que dan respuesta a las necesidades de aprendizaje de los educandos acorde a los avances del conocimiento educativo, propósito del Acuerdo Nacional para la Modernización de la Educación Básica.

Este libro es una propuesta para ser enriquecida en forma permanente; con los resultados que se obtengan de la aplicación en el presente ciclo escolar, se realizarán las adecuaciones necesarias correspondiendo a las necesidades de aprendizaje y a las perspectivas lingüísticas y culturales del niño.

Los comentarios de los profesores, padres de familia, comunidades y organizaciones civiles, indígenas serán de gran valor para su actualización.

Agradecemos a los profesores bilingües, supervisores escolares, jefes de zonas de supervisión y padres de familia por su entusiasmo y participación en la revisión de la primera redacción del libro en lengua indígena para primer ciclo, cuyas recomendaciones enriquecieron los contenidos temáticos.

4399 pags 1-32

5

13/2/05, 18:30

4399 pags 1-32

6

13/2/05, 18:30

Okmangkuy Bi angmaykuy toto angpønjo, tsøki winjok amintø, bi unedøkaygo’ øy jowanxukpa y jayoxukpa biy angpøng tsamejo. Bi angmaykuy une iy angpønjo muxoba, dexe nømoba tsame iy yøktø’øba.

Bi angmaykuy toto tsøkø muxobak angpøng pøng, yoxampø unedøkay jønang, øy muxpa bi tsame y bi jejkuy pøngdøkay øyti.

Yø toto tsøki ney dexe junan tumødøkay angmaykuy toto 1993, dexe øn angitampa yejaama’ xeje angmaykuy toto en tedampa muxoxukpago’ bi unedøkay.

Yø angmaykuy toto, yø tum winjok jae nømoba øn yak wøjødamø jemji jaama’, øn amadampa wøjø nøkoba bit yoxkuyjo yø’ amintø, øn yak wøjtsøktampa, muxoyxukpago’ angpønjo unedøkay.

Bi tsame muxobadøkay øyti, jaatongdøkay øyti, kumkuy øyti, øn matonjadampa yak wøjødampago’ yø’ toto.

Yøxkomtsøkpa angpøng muxobak pøngdøkay, ankimobadøkay, jaatongdøkay øy nømø iy joixø yø jae toto angpøng tsamøjo bi winjok amintø.

4399 pags 1-32

7

13/2/05, 18:30

PUEBLA

GUERRERO

4399 pags 1-32

8

13/2/05, 18:31

GOLFO DE MÉXICO

VERACRUZ

TABASCO

OAXACA Sta. María Chimalapa San Miguel Chimalapa Cieneguilla Santa Inés Benito Juárez

Emiliano Zapata

GOLFO DE TEHUANTEPEC

OCEANO PACÍFICO

4399 pags 1-32

9

13/2/05, 18:31

CHIAPAS

4399 pags 1-32

10

13/2/05, 18:31

Í N D I C E TÍTULO

UNIDAD

4399 pags 1-32

PÁGINA

1

Angmaykuy tøk

13

2

Bin Tsøktampak yoxkuy yuj kuyjo y Tøkjo.

63

3

Bi tuj Takpa Jømjiyok, dexe nø’ Jowa Tsøkpa Kumkuydokayjo.

117

4

Bi ney nax.

149

11

13/2/05, 18:31

4399 pags 1-32

12

13/2/05, 18:31

Angmaykuy tøk Jømji bi unedøkay anmayxukpa yø tøkjo.

Deji muxoxukpa.

13 4399 pags 1-32

13

13/2/05, 18:31

Unedøkay angmaykuy tøk jonjo.

Unedøkay møtsøxukpa angmaykuy tøk winjon.

14 4399 pags 1-32

14

13/2/05, 18:31

Unedøkay yoxukpa.

Unedøkay jøyø penxukpa.

15 4399 pags 1-32

15

13/2/05, 18:31

Angmaykuy tøk Bi angmaykuy tøk dø yak muxodampa, gaji nømjadampa junang jøjtampa, neydexe tí bin yoxtampa. Unedøkay tøkøxukpa wakxin gaji, biy jaatongdøkay yoxukpa, øy juyxukpa go’ nijaydøk.

Ixtentan bi angmaykuy tøk, uwi jaytamø.

16 4399 pags 1-32

16

13/2/05, 18:32

Wane jømjiyok tsajin pøndøk.

Kumkuyjok pøngdøkay tukxi wejxukpa bi wajtenkuy oktsøkpa tentsøyokuy, yønyønnøba kukjo bi nax tujkuydøkay møjmø angjøypa.

Kumkuy watpakø døm kopakjo nantsum jøyø ya tukxinømø bit maxan pøng ankimoba, bi tsapkojapjo jaypa bim nixøn maxan pøng wikijønang øy jayø.

Yetspa bit tum eat tuxipøng øy pøktøba bim peene okox nax, nijamine mix tøbat kumkuy bi tsapkojap tum kotsonkuy manakjo’ mi tsiwø.

Kumkuy kumkuy døm manakdøkay mix yak majaxpa jexpekxukpa ey je’døkay, xawa xempe wejankukapa tukxiapa mangnøba.

Mixgo’ bi xejketjeyø nantsum jøyø tum nijaminokay de’ døkay go’, tum kuy jøyø øm tsøkmuxø mixgo’ tum wøjø tsotøk de’døkag go’.

17 4399 pags 1-32

17

13/2/05, 18:32

Tsøkø junang bim angmaykuy tøk.

Jayø tíyanja’ tøba øm angmaypa.

18 4399 pags 1-32

18

13/2/05, 18:32

toto jayokuy jayokuy

kuadernu

lapis

køngokuy

yakowakuy

kolor

borador

wøkoba utsokuy

sakapunta

regla 19

4399 pags 1-32

19

13/2/05, 18:32

gayu

jaypiyu

bejcha

tsømipøn

kafé

tam nø’

santu

komaxan

marimba

xempe

koneju

jøng koya

puerta

angkøykuy

sumbreyu

køjap

jacha

wøtokuy

machete

tøng’okuy

kamisa

yøkwij

moso

jaktukø

20 4399 pags 1-32

20

13/2/05, 18:32

Bi bejcha tsampa kurujønang.

Bi kuru nøy pakxukøwø bi bejcha jønang kuyjo. Bi bejcha Laxu tsømwikpa øy wintujo.

Bi kuru øy nømjayø bi bejcha nøki bim tøkjo, gaja gay dø mok øyø øm køxpago’. Øy oknøkøyø øy patø tum legu.

Jayø bi tsamedøkay okmanpa b, l, r.

b

l

r

21 4399 pags 1-32

21

13/2/05, 18:32

bi

Bi nu’ nø’ ukpa.

bin

Bin tøkjo xøng’anømpa.

bejcha

Bi bejcha køxoba yujkuyjo.

kuru

Ap kuru kuy ankax køxi wikpa.

laxu

Jak pøji bi laxu.

chimalapiya

Chimalapiya tsuxpa bi tsamkuy.

chimalapa

Bi nax mønøjø iy nøji chimalapa.

bim

Nøki bim tøkjo.

22 4399 pags 1-32

22

13/2/05, 18:32

Jayø xejø tsame øy tsøkpa.

oraytanøk

tomøbam

lego

kuru

kømang’øba

angkimoba

køxoba 23 4399 pags 1-32

23

13/2/05, 18:32

Meke tsame.

Tum jama’ tsamxukpa bi unedøkay, tijxukø jøytijø yoxkuy møtsxuki, øy møtspa wikxukø biy tsetse tøk y yay pakjaxukø. Øy tsonxukø tum apu pøng, øy ontsøkøxukø jutøn patømpa bi jøytijøk maxantøk, ga’ angtsong’oyø gaja bi tun øy nøji takxi jøyø.

Bi unedøkay yay møtsxukam bi tun ya muxoxukø. Pitsko mixja angmaytama, dexe øm nøktampa eyak kumkuyjo, øm muxtampa ju’ bim nøktompa.

24 4399 pags 1-32

24

13/2/05, 18:32

Antsoa bim ontsøkøba y jayø.

Nømø junang bim angmaykuy tøk.

Tí yoxkuy øm tsøkpa bi angmaykuy tøkjo.

Jutsøn une øm angmaytampa gaji.

Tiyø øm møtsødampa okjejkuyjo.

Tí yoxkuy øm tsøkpa angmaykuy tøkjo.

Tíyanja øm muxø bim angmaykuyjo.

Tigo’ jemji une angmaypa.

25 4399 pags 1-32

25

13/2/05, 18:32

Møtsi.

Bi okjejkuy tsøki angmaykuy tøkjo, tø’ømpa bi unego’ øy tsøkpa eyak yoxkuy. Ga yoxkuy øy tsøksukpa møtsøba y yoxpa, bi une øy jam’okuy wikpa bi møtsijo, poynøn øy okjon’øba biy angmaykuy. Pitsko tøji une yay tøkøtø angmaykuy tøkjo jonjo.

26 4399 pags 1-32

26

13/2/05, 18:32

Nømø y jayø tí bim tøba døm okjejkuyjo.

27 4399 pags 1-32

27

13/2/05, 18:32

Møtsi wane. ama winjonan, ama jøxjonan, ama tsapjønan, ama køjønan, ama yøjøn, ama gajan tenwitudama, ney nuktamtaja døm tsamkuyja’.

Tsøkøta eyak møtsi wane.

28 4399 pags 1-32

28

13/2/05, 18:32

Øn tsøba tsangkuy. Øn tsøba tsangkuy angnamtsu. Øn tsøba tsangkuy oraytanøk. Øn tsøba tsangkuy tsayjiyam. Øn tsøba tsankuy tsujiyam Øn tsøba tsangkuy jemji jaama’. Øn tsøba tsangkuy wøkpajakjo.

Ixø tsapjøk jayø, tsøkø mix eya.

29 4399 pags 1-32

29

13/2/05, 18:32

Yujkuy yoxkuy.

Bi angmaykuy tøkjo dø okox pøntampa, biy tøm øn tukjadampa, in køxjadampa.

Jemji bi angmaypay unedøkay yoxukpa. Gaji in muxtampa junang dø pønodampa, junang øn yukpøktampa. Degaji in pønøktampa ney tøkjo.

30 4399 pags 1-32

30

13/2/05, 18:32

Umø nøkxukø jøytijø.

Yan muxe tí biy tsøkxukpa joji maxangtøkjo.

Nømxukpa yetsam bi xenpe.

Pøkø dø tsamø tsapjø y jayø.

31 4399 pags 1-32

31

13/2/05, 18:32

32 4399 pags 1-32

32

13/2/05, 18:32

Unedøkay yoxukpa.

Bi angmaykuy tøkjo, tsøkøba eyak yoxkuy, gaji angmayxukpa junang møtsøba unedøkay, yote tsøkxukpa, bi muxoba øy nømjaba wanin unedøk, yak tøm pønxukø. Neydexe iy win etsokmanxukpa. Gay nø angmayoba, junan in tsøkpa bi xempødøkay.

33 4399 pags 33-64

33

25/1/05, 20:49

Angmaypa unedøkay Bi muxobadøkay nømø øy angmayø bi unedøkay bi angpøn.

Junang tsøkømø

Juxtixa pøktson’oba 34 4399 pags 33-64

34

25/1/05, 20:49

mø

Køtsux tukpa bi une

pøtøk xepe, bi muxoba tsøkø tum yoxkuy bi unedøkay jønang. øy kotukjayø biy køtsuxdøkay

bi kumkuy.

Une møtsøba 35 4399 pags 33-64

35

25/1/05, 20:50

Bi une yake øy jayø iy tsøkpa tum tsajnøbak toto køxi, tí biy jaytøba.

36 4399 pags 33-64

36

25/1/05, 20:50

37 4399 pags 33-64

37

25/1/05, 20:50

Yoxkuy angmaykuy tøkjo.

Deguinjowam kumunyoxpa ney jatongdøkay, gaxe tsøkxukø bi maxantøk, tun wøjtsøkxukpa, angmaykuy tøk øy pajxukø.

Biy yoxkuydøkay øy xøje tsøkxukpa.

Ney dexe dey kumunyoxukpa bi angmaykuy tøkjo, mooso køjpago’, nøntiy tsamø, køwinam, jømji jak tukø øy amaba.

38 4399 pags 33-64

38

25/1/05, 20:50

Nømjaokuy.

Mix nømjadampa jømji bi uney jaatongdøkay joji tsaji tsøkømpa tum tsame, dø bim manakja’, junang wikxukpa angmaykuyjo.

Ney dexe mintampago’ øm kumunyoxtamø bi angmaykuy tøkjo.

Jayø tum nømjaokuy toto mix.

39 4399 pags 33-64

39

25/1/05, 20:50

Nøki angmaykuy tøkjo muxodampago’ tsintampa nøktampago’ xønjo.

Yoxtampa mok jøxpøktampago’ køyujtampa bi mok tømago’ bi yooma’ anetsampa køxodampago’.

Tsøkøta eyak yoxkuy tsamø mix.

40 4399 pags 33-64

40

25/1/05, 20:50

Santuyjaama’.

Tumpon tijtamø bin awin iy tøkjo, biy santuyjama’, yoxtamø døxja xøjødamø, nømø biy mama minodama øm køxodamø, piyu xix, xukø ga’ tsiguetamøwø pajakpø, poytsøntamø, xejø une yetse. Degaji dø nømø døx, dexe tsøkpa bin tøkjo.

41 4399 pags 33-64

41

25/1/05, 20:50

Jayø tiyanjak xøn tsøkømpa døm angmaykuy tøkjo.

42 4399 pags 33-64

42

25/1/05, 20:50

Bi ok piyu øy angmaypa biy manakdøkay junang køxoxukpa.

Yøji nømø angmayø yakø øy køyukpoyøxukø bi powi.

Ok piyu y bi jaya piyu øy anmayxukpa biy manakdøkay, junang wanxukpa.

43 4399 pags 33-64

43

25/1/05, 20:50

Angtsoa biy ontsøk’okuy y tsøkø mix øm nømpa.

Tí biy angmayø bi ok piyu biy manakdøkay.

Jutsøn manak øy angikpa bi ok piyu.

Tí bi yakø poyukpoyø bi ok piyu biy manakdøkay jønang.

44 4399 pags 33-64

44

25/1/05, 20:50

kopak wintu

tsøk

tsankuy

tunu’ wiki

kømøng

mangkuy

45 4399 pags 33-64

45

25/1/05, 20:50

Jayø winaka øy nøjidøkay.

køpak

kinøk

tatsøt

jøp

witøm

kopak

46 4399 pags 33-64

46

25/1/05, 20:50

Jayø bi nøy win iy nøji.

tsokoy pat pujuk pak nøpin 47 4399 pags 33-64

47

25/1/05, 20:50

Tsuxne une.

Jak wøyø øm muxtampa biy nøjidøkay biy angikpa ney win.

Dexe øn muxtampa junango’ øn ixtentampa. Wøyøgo’ dø jøjtampa, ya dø toyødama, witampa wøjø, ya dø nitoytama yakju’ 48 4399 pags 33-64

48

25/1/05, 20:50

49 4399 pags 33-64

49

25/1/05, 20:50

Yam tsiwø bit, øm awatpoba.

Tujo øm møtsøba bit, øm toyøba. Øm pajakpø køxpa bit, øm tøts toypa. Øm møtsøba nu’jønang bit, øm waxpa.

Wøkpajak nø’ øm ukpa bit, øm tsøktoypa.

Jayketa eyak tsamedøkay.

50 4399 pags 33-64

50

25/1/05, 20:50

Tsuxnø une.

Tum ap pøng øy oktsamøba, ga’døkay øy wakxingø ya toyøxukø, biy mamadøkay yakø nømjaoxukø, uy køxukø yakti biy pinxukpa tunjo.

Nuxpa nøn’uki biy ukxukpa, ya pajak nø, iy jopinxukpa bi mok ya putse.

Pitsko ya toyøxukø.

51 4399 pags 33-64

51

25/1/05, 20:50

Nømø junang øm ixø bi winjok angmøk tsame.

52 4399 pags 33-64

52

25/1/05, 20:50

Deguinjo ja’ bi ney jaatongdøkay, øy wøjtsøkpa iy windøkay ney biy kumkuyjo. ya nøkxukø eyajon.

Ga’ amintø ya møjmø øy yojxukø wøjøxukpa. Yøtspa bi wøjtsøkoba pøn, yak ixoba ti biy angikpa y wøjø’aba. Øy ukpa nutspa tsamø nø, yak matspa iy win.

53 4399 pags 33-64

53

25/1/05, 20:50

Bi poj nø øy wøjtsøkpa tsøktoya, øm yumpa biy naka, degaji im ukpa tsimajo.

Tsøwi ay øm waxpa øm wøjtsøkpa, øm tuxpa bit tum tsajin.

Ayjøyø tøømpa yak wøjø’abago’ kopak toya, øm yak motpa ojopit, øm watpa bim Kopak.

Bi mokø øm pokpa tsajo, degaji øm ukpa, øy yak wøjø’aba tsøkyumi.

54 4399 pags 33-64

54

25/1/05, 20:50

Toya wøjtsøkokuy.

Bi ayjøyø øy wøjtsøkpa bi kopak toe. Yak mujpa bi ay ojopit, degaji øy watpa biy kopakjo tum yotepit, angtsaji y tsuji iy pøkwikpa biy kopakjo. Joypit ya wøjø øy tsingø.

Jayø eyak tsamokuy ay wøjøtsøkoba.

55 4399 pags 33-64

55

25/1/05, 20:50

Toya pøng Tum toya pøn øy oktsamøba junang wøj’awø, bi toya wøjtsøkpa øy nømpa, ga’ yoxpa tsamøjønang, nøpujoba øy witø antsaji, øy møtsxukpaji.

Bi jaatedøkay toyøxukpa mangkuy toya, kopak toya. Gaxe ya jayø øy wøjtsøkpa, teji key tseke junang døx øm nømjaba, yay yøktø bi Ya wøjø. Tumpon øn wøjtsøkø tum pøn ya jayø, øn ixø gay yoxpam øy wite.

56 4399 pags 33-64

56

25/1/05, 20:50

57 4399 pags 33-64

57

25/1/05, 20:50

De tsoy uktampa wøjødampago’.

Bi tsoy øy wøjtsøkpa bi toya.

Kømøng toypak pøn yak matspa øy win.

Tsøts naka øm uktampa tsøktoyago’.

Bi moke nø’ yak wøj’aba tsøkmokokuy.

Jayketa mix eyak tsame toya wøjtsøkpa.

58 4399 pags 33-64

58

25/1/05, 20:50

witøm

tatsøk

kinøk

tots

Bi witøm tøømpa ixmuxudampago’, øn muxtampa jutiya tsuji y kukjaama’.

Matong’odampa junang angjøypa tun tønkuy, yak pan’oba, ponji y yajø.

Øn muxtampa jøyjøy wøjpa bit, putswøkpa bi køxkuy y bi jøyødøkay.

Bi tømdøkay øn køxkipxtampapajak bi, tam, nutspa ywayay.

Pintampa ney tsangkuypit komi bit, wakxin, woywoy y pøji tum tsima’.

59 4399 pags 33-64

59

25/1/05, 20:50

Jowane bi wanedøkay. Øn angikpa møtsan witøm, dø amaba go’ ti bin jaypa angmaykuyjo.

Bin tatsøk pit dø maton’oba, ti dø nømjaxukpa bin chik wit awindøkay.

Kinøkpit øn xukpa jøyjøy wøjpa bit bi patanux y pajak wøjpa bi jøyø.

Teji tots, dexe in muxpa pajak bit bi anaxa u tum bit bi imunix. Øn muxtumpa bi tsima’ bi komi, wakxin, pøji y kono.

60 4399 pags 33-64

60

25/1/05, 20:50

Jowane anwantsame.

Bi ney witøm jejpa kopakjo, ixmuxoba kukjaama’ ixmuxoba tsuji, dø winøktampa tunjo, pankuktsu monxøn kejpa, øy ixpa tewanømpam bit, xønkøj nømitin yuktenpa, kukjaama’ yoxokmanpa.

Ney tots øy muxpa ti biy køxpa, teji tøm pajak, tam.

Nø tsømwikpa tumøkjaama’, Ya okjeja, ya potsa otonpa jemji jønang, gay jopiwø jaate y yooma’.

61 4399 pags 33-64

61

25/1/05, 20:50

Jayø eyak tsame bim jowananpø.

62 4399 pags 33-64

62

25/1/05, 20:50

Bin tsøktampak yoxkuy yujkuyjo y tøkjo.

63 4399 pags 33-64

63

25/1/05, 20:50

nax notspa

nipkuy

pung øyø bi mok

yaumok

64 4399 pags 33-64

64

25/1/05, 20:51

chik mok

mok ekpa

køyujpa

mok økxpa 65

4399 pags 65-96

65

25/1/05, 21:04

Bi mok dø yak jejtampa Bi mok niipi tøømpa nenjago’ bi pøngdøkay, bi mok dø yak jejtampa.

Møjmø amintøam øy nipxukpa bi mok ney tatbidadøkay, ney jatongdøk.

Winjo øy pakxukø junang øy nipxukpa bi mok, degaji eyak tømdøkay.

Pitsko øn niptampanam y dø yak køxodampa. Bi ane iy tsøkxukpa dø mok, degaji øn køxtampa y dexe dø jøjtampa.

66 4399 pags 65-96

66

25/1/05, 21:04

Junang yetsø bi mok.

Nømxukpa bi apøngdøk, nukudøkay tsøminoyø bi mok puj. Yajijon øy pøkminxukø, jayxukø møjmø jaama’ tungaxukø, okjejpay minxukø tunjo, yøtsxukø tum kumkuyjo. Gaji øy tsakxukø y nøkxukø eyajonang.

Dexe iy nipokmanxukø bi pøndøkay.

67 4399 pags 65-96

67

25/1/05, 21:04

Tsøkø junang øm yoxpa mok yujkuyjo.

Jayø junan øm yoxpa mok yujkuyjo.

68 4399 pags 65-96

68

25/1/05, 21:04

Apøng øy tsamtøkaba nax koyumi.

Xøjø tsampøn nøkpay tsame tsamkuyjo. Øy nømjaba bi nax iy koyumi, uy kinkawø øy ok yujøxukpa bi kuydøkay. Gaji nipa’ bi pøngdøkay, yakø iy nømja bi xawa y bi tuj uy tsøkxukø yakti nena’, yak tøma bi mok.

69 4399 pags 65-96

69

25/1/05, 21:04

Jayø jutsøn pon iy tsøxukpa bi tsame.

Nømø eyak winyawa tsamø øm muxpa.

70 4399 pags 65-96

70

25/1/05, 21:04

Matumu yak kumunyoxpa.

Matumu anji kumunyoxukpa bi pøngdøkay, nøkpay xaoxukø, nipxukpa y køyujxukpa. Yø kotsonkuy iy tsøkxukpa bi jaate’døkay y bi yooma’døkay. Nøkxukpa øy mok økxukø, øy tsøminxukpa, ney gaxe iy øtsxukpa.

71 4399 pags 65-96

71

25/1/05, 21:04

mok

yaumok

mok pak

xojok

ane

xox’ane

wayø

anejaxe

yo’

ukjeyø

uki

72 4399 pags 65-96

72

25/1/05, 21:04

Jowayø bi muxobajønang.

73 4399 pags 65-96

73

25/1/05, 21:04

Jayø køxkuy iy tsøkxukpa mokpit.

Nømø junang øy tsøkxukpa.

74 4399 pags 65-96

74

25/1/05, 21:04

Bi nipa’ Tumøk jaama’, kuyjo yoxpa atspa jaama’ ga’ tej’awø, jamay wøwiti witupa y ya nømø døx dø potspa.

Jamatin teokuy tsøkpa øy tøkjo nøntí tiy køxø waykaxukpa biy manakdøkay, ney dexe túmøk jaama’ yoxpa.

Bi ankimoxukpa nømxukpa ¡mixja’ yoxtama!, døxja’ mix tsidampa jemji, dey ya mix angunødamam.

Bi øy wøjø tsøki nipa’ wøjø niipi øy yukpøkpa, pitsko døm wøjø wit awin tsøkø wøjø tsøki, um pakeke.

75 4399 pags 65-96

75

25/1/05, 21:04

Junang yøtsø bi mok puj.

Tum pøn wikpa yujkuyjo, iy ixpa iy witø tí biy pakpa, yuk’ixe tsapjønang kuy ankax anji, tsene møjmø akxi ney kotukxukøba. Øy nømjaxukø bi pøng tim møtspa, døxja’ yøji mok puj edamø, øm niptøba bit. Nekue bi pøng biy tøkjonang, joypit tijketø yujkuyjo, gay patam møjmø mok puj. Gaxe nipokmangø.

76 4399 pags 65-96

76

25/1/05, 21:04

Bi mok nipkuy.

Pøngdøkay mok nipxukpa, komi mok y wanin nakmok øy ixtukxukpa bi tuj takokmanpa bi.

Yay muxe jutiya okmanpa ki tuj u xikxpaxta, juuba bi møyø, ga’ nømpa joji nipokmanpa.

Teji amintø ya takø tuj, tsokoy tøkøba y nømpa yø amintø ya tøma bin mok, ney gaxe iy tsøkpa.

77 4399 pags 65-96

77

25/1/05, 21:04

Jayø tun angmøk tsame bi mok øyti

78 4399 pags 65-96

78

25/1/05, 21:04

Mok nipkuy.

Mok niptan jemji øn køxtampago’, jaatongdøkay wikxukpa yujkuyjo angnamtsu.

Mok pintan øn patampa un puntamø tunjo, yukpoypa eyajonang, degaji yam patam.

Yamtø bi mok bi neytsi eya ga’ iy tøba biy tøkgo’ øy nipa’ joypit.

79 4399 pags 65-96

79

25/1/05, 21:04

Jayø wanødøkay eyak yoxkuy øyti.

80 4399 pags 65-96

80

25/1/05, 21:04

Bi tømdøkay Tømdøkay in køxtampa, ney tøkjo ney dexe bi mok, xøk, mono, jemji tøm nipa’ biy yujkuyjo.

Bi møng iy pønxukpa tsamkuyjo Y nø’ aka, ya tøma yøjkaja.

81 4399 pags 65-96

81

25/1/05, 21:04

Jayø bi tømdøkay iy naji.

82 4399 pags 65-96

82

25/1/05, 21:04

Muxokuy.

Bi xøk øy xoxukpa, winjo øy koxujpa, døgaji øm pøba tum tsiba nøjo yak ponago’. Bi xuyu øm yøkjupøba jukutøjo møtsang tsima’ nø’ jønang, yøkpakøxukpa bi xøk. Yumpa ora øm pøjaba kana, kixawa y bi yoya yewe.

83 4399 pags 65-96

83

25/1/05, 21:04

Jayø ti køxi øm køxtøba.

Jayø junang øy tsøkxukpa tun køxi.

84 4399 pags 65-96

84

25/1/05, 21:04

Dø yoxokmanpa jutiya takpa bi tuj.

Kanadan bi xøk jutiya yumpam.

Nøktampa xønjo jutiya okmanpa bi xenpe.

Dø angmaypa jutiya minpa muxoxukpa.

Dø yoteyojpa jutiya tsian.

Tsøkøta mix eyak tsamedøkay.

85 4399 pags 65-96

85

25/1/05, 21:04

wakaxdøkay.

Bi wakaxdøkay yoxukpanø’ ney komo junang nønja. Nax notsxukpa.

Neydexe bi tsømipøn en nitsønwitampa, dexe nøktampa yajø u eyak kumkuyjo.

Yoxkuyjo wikmokpa nønja jønang, tøm tsømwikxukpa.

86 4399 pags 65-96

86

25/1/05, 21:05

Jayø ti bin jøxpøktampa wakax anji.

87 4399 pags 65-96

87

25/1/05, 21:05

Junang øy tsøxukpa bi tøpxi.

Bi jepe winjo øy wøkxukpa, øy pønøkxukpa biy tøkjo, døgaji iy jøpxukpa biy tsani, øy yak tøtsxukpa kuy wøkø køxi.

Bi apøng øy tsokpay nøkø y tum chik jay’une øy wikpay nøkø tum ankax kuypit.

Gaxe tukpa bi tøpxi. Degaji øy okmanpa bi xuwi takuy, ney gaxe øy tsøkpa bi kajtsay.

88 4399 pags 65-96

88

25/1/05, 21:05

Nømø junang øy tsøkxukpa eyak yoxkuydøkay.

89 4399 pags 65-96

89

25/1/05, 21:05

Niptampa jaatong.

junang

Xuyu tsøktampa mambida.

angmaytamø junang

ney

nømjadamø

chik nu’ wojpa kom junang biy awindøkay.

Dø yaxtampa kom junang iy tsøkpa bin jaatong.

Dø mok tsømpa kom junang bin atsi.

90 4399 pags 65-96

90

25/1/05, 21:05

Matsøkuy.

Matsøknømpaji teji jømji øm tøba, gaji im pakpa yote, kanka, tøm køxkuy y yøkjap.

Gaji matsøknømpa y juyonømpa iy maøxukpa yam patø yøji iy yuyxukpa in pønøktampa tømdøkay, ney dexe xøk y yoya.

91 4399 pags 65-96

91

25/1/05, 21:05

4399 pags 65-96

92

25/1/05, 21:05

4399 pags 65-96

93

25/1/05, 21:05

Møtsan tsa’ øy kungøxukpa utsoxukpago’.

Bi tsimapit utsoxukpa ney dexe juyoxukpa.

Juyoba maktaxan pon, tanpago’ tum juykug.

Bi xix øy utsxukpa tsankuy wikipit.

94 4399 pags 65-96

94

25/1/05, 21:05

Nømø junang iy utsxukpa y jaytseye.

95 4399 pags 65-96

95

25/1/05, 21:05

Patanux pøntampa ju’ tøji nø’mumu.

Wakaxdøkay nøkxukpa ju køxkuynømø.

Ju’ tøji kokø nøki maktan.

Nøki kuy pøktan ju’ tøji tsin.

Ju’ wøjpa mixta, jaya møxtøba.

Jaye eyak tsame øy pønøk paji ju’.

96 4399 pags 65-96

96

25/1/05, 21:05

Matsøknømpaji Bin tsetse tijøy xix juyi matsøknømpaji, øy pønøkø biy chik yomanak. Yetse øy ontsekøyø junang øy maøxukpa.

Degaji yak juytsioyø bi matsøkpa, biy chik yomanak møtsøokmangø xixmaøbaji, mine biy mama. Chik yom’une yuk’ixe nøntiwam yaki, jøyok mangø.

Tum yooma’ yetse, ga’ yak jukminoyø biy tøkjonang. Yetse biy mama yak yukø’oyø.

97 4399 pags 97-128

97

25/1/05, 21:16

tsømipøn mok pøkminpa nøkpa nøjo nubiyudøkay

køxoxukpa yoyadøkay

nu’døkay wikxukpa

piyudøkay mok pinxukpa tujtan mane’wikxukpa 98 4399 pags 97-128

98

25/1/05, 21:16

wøxtujtan patanux

tudujtan

maxtujtan patanux

makan anaxa

makan ko moxon axux 99 4399 pags 97-128

99

25/1/05, 21:16

+ Tum pøng øy juyø metsang piyu.

Tum pøng øy maypa tuang piyu.

Tsekø jutsun piyu øy angikpa bi pøng.

Tsekø eyak yoxkuy neytuman bi tsapjøxø.

+

100 4399 pags 97-128

100

25/1/05, 21:16

Tum yooma’ øy maøyø tumø biy chik okox.

Tum yooma’ nømøy mayø metsang chik okox.

Jayø jutsøn chik okox tsakømjayø.

Tsekø ney komo junang tsapjø.

-

101 4399 pags 97-128

101

25/1/05, 21:16

Bin yomø’awin tijø iy juyoye matsøknømpaji: tum

mono

metsang

pataja’

tuang

møng

maktaxang

tøtse

moxang

tajwin

tujtang

koke

wøxtujtang

axux

tudujtang

pojok

maxtujtang

ane

makang

jayokuy

Jayketa mix eyak tømdøkay.

102 4399 pags 97-128

102

25/1/05, 21:16

$10.ºº Øn pøktsongø bi Pedro Miguel iy jamatin makan pesu, bi nø’ iy yojkuy winjok xepe.

Tøk’anjø 10 de enero de 1995.

Santiago Solano

Tsøkøta eya mix.

103 4399 pags 97-128

103

25/1/05, 21:16

Bi jamatin.

Bi tenkuy jamatin tøømpa angyojgo’.

Tum tumin iy nøji bi winjok jamatin.

Makang pexu xix juyø.

Ipxan pexu yoja bi møng.

Bi kanka øy pøkø metsang ipxang ko makang.

104 4399 pags 97-128

104

25/1/05, 21:16

Tum chik jay’une yak angkimoyø biy mama, yakø nøko iy xix juyø, yøtsø bi matsøkpa anji, tsøkø biy xix y yojobam mayø yay patø biy jamatin. Øy møtsokmangø biy kankajo, ti biy tøkjo tsakømø bi jamatin.

Tijkøtø iy juyi biy xix.

Jayø bi angmøt tsamø øy noji.

105 4399 pags 97-128

105

25/1/05, 21:16

Jayø tun angmøk tsamø.

Chik jay’une jamatin maypa.

106 4399 pags 97-128

106

25/1/05, 21:16

Bin jaatong

Bi xuyu øy

kuy wøkpa

tøxukpa xøk

tsamkuyjo.

xoxkuy

Ekenjo ane

pøngdøkay

tsanpa bi

xaoxukpa

yooma’

yujkuyjo.

Bi xøk øy

Niwaytsa køxi

køyujxukpa pitsi japa

jetapitjønang.

yooma’døkay

Bi tsimapit

Nipkuypit yoxukpa

nø’ jøpxukpa.

chikxadøkay.

107 4399 pags 97-128

107

25/1/05, 21:16

Jayø bim tsøkjaba køjø. tømdøkay patanu x

nipi’ mok

jopøokuy xuyu

Jayø øy tsøkpaxø. anmaldøkay piyu

mayokuy tumø

køxi xøkøxi

108 4399 pags 97-128

108

25/1/05, 21:16

kuyjok’anmal

nipkuy

yote

tsajin

xøk

mø’a

mok

kuyoya

mono 109

4399 pags 97-128

109

25/1/05, 21:16

Møtsi jøxtsøki yø tot pit.

110 4399 pags 97-128

110

25/1/05, 21:16

Ap nuku Tsukumo jokoxto koya nikoteka tsipa’a jukuto maja.

Natsi natsí.

Kemba eya jaama’ jomepaja jayapá mimpa moxang yooma’- jaga kaxlapojon.

Jayø eyak wane.

111 4399 pags 97-128

111

25/1/05, 21:16

bin awin bim awin biy awin døy awindøkay døm awinja’ dedøkay awin Jayketa mix eyak tsamedøkay.

112 4399 pags 97-128

112

25/1/05, 21:16

Yotejuykuy.

Tum jaama’ tijtamø jøytijø øn yote juytamø, kanka, yøkwij, køak.

Degaji øn yojtamø jamatinpit. Makan pexu in tsidamø bi kanka, bi køak moxan pexu. De mintampam in ixtamø tøm maønømpa tun aka, gaja jøytijø. Gaja jak yoja y maøxukpa bi tøm, bi yote nøti.

113 4399 pags 97-128

113

25/1/05, 21:16

Antsoa bi ontsøk’okuy tsame.

Ju’ bi tijøy yote juyxuki.

Bí tijxukø jøytijø tiyanja øy juyxukø.

Jutsøy pøkxukø bi kanka.

Øy nøkxukpak uy minxukpak tøm juyxukø.

Yojaøyø bi tøm gaja u nøti.

114 4399 pags 97-128

114

25/1/05, 21:16

TØJØK TIJØN TØM JUYTAMØ.

Tøjøk tijøn tøm juytamø.

BIN ATSI ANAXA TUKØ YØJAAMA’. bin atsi anaxa tukø yøjaama’.

YOTE MA’DØKAY JAK MINXUKPA. yote ma’døkay jak minxukpa.

YOYADØKAY MAKAN PEXU BIY YOJA. yoyadøkay makan pexu biy yoa.

JAK

TØM

NØ’

AKA.

jak

tøm

nø’

aka.

115 4399 pags 97-128

115

25/1/05, 21:16

Jaytsoa bi winjok komijaye wakxinpøjønang.

mok Ana

tøk

Mama

jon

Tatbida

Juxtixa

ay

116 4399 pags 97-128

116

25/1/05, 21:16

Bi tuj takpa jømjiyok, dexe nø’ jowa tsøkpa kumkuydøkayjo.

117 4399 pags 97-128

117

25/1/05, 21:16

bi tuj

bi møyø

bi uxøwex

kotsøk

118 4399 pags 97-128

118

25/1/05, 21:16

møyø tuj

nø’ jowa

jaama’tøma

nø jowa 119

4399 pags 97-128

119

25/1/05, 21:16

Nø’ jowa Møjmø takpa bi tuj, tejinam bi tsamkuy yay wøkxukø iy nøkxukø pøngdøkay. Yay yøktøxukø bi ya takam bi tuj, okmanpa bi jamatema. Pitsko ixtentan bi wøt kuydøkay un yakxuktamø.

120 4399 pags 97-128

120

25/1/05, 21:16

Jaama’ y xepe.

Tsamxukpa bi ney tatbidadøkay junang tsøkømø bi jaama’, ga’døkay øy matonxukø, nømøy tsamø biy jatondøk. Winjo tsøkømø bi nax, Bi jaama’ ga’ tum jukutøk, pitsko yaki ya nømo iy tomøyø gaji, biy mø’ bi xepe y biy manakdøkay matsadøk.

121 4399 pags 97-128

121

25/1/05, 21:16

Bi xepe ga’ tum yooma’ gaji teji nax, nømoba íy jejnømø, tøji pøng wikpa, yoxnømpa gaji nømxukpa jak tukø.

Xepe biy jaya bi jaama’ tukxixukpa bit pøkoba bi xepe, bi pøn tijam iy jejpaji.

Matsadøkay ga’ bi manakdøk, gaji nønti jukutøk, ni yøma, tsuji tatspa, okmanxukpa antsaji, xønkønømitøn nøkpay monxukø biy tøkjo.

Gaji yaki ya tøkø, teji powø y nø’.

122 4399 pags 97-128

122

25/1/05, 21:16

Bi

jaama’

Bi xepe bi

dø

bi jaate tejiwø

yooma’ pitsko

nax iy kopak

tukxixukpa bi pøkoba bi xepe

jaama’

xepe

matsadøkay

Bi matsadøkay

Witxukpa yøjøng

dø manakdøk

kajan

xejeyxukø

matsadøkay.

bi

komi

chik matsadøk

nøjo bi xepe 123 4399 pags 97-128

123

25/1/05, 21:16

Tsøkø y jayø nax iy kopakjo tejixukø

124 4399 pags 97-128

124

25/1/05, 21:16

Jukxukpa bi xepe.

Bi yooma’døkay jumoyxukø bit, ya wøjø iy amaxukpa bi xepe iy wakxukpa bi. Oraytanøk kinøk okmanpa bi tukxi, jaama’ xepejønang.

Bi jaama’ øy wakpa bi xepe. Jumoyø bit bi yooma’, yakø øy watø biy mankuy wiki, tum tsapats yotepit, ya powago’ biy une xøta notso.

125 4399 pags 97-128

125

25/1/05, 21:16

Tsiwø angnamtsu wøkpajak nø’, jak tukø angwayay øm yoxpa tsinjo.

Øm amaba jaama’ bit, oraytanøk kinang bim une poba jøp tsawiaba.

Jayø eyak tsamøtsi.

126 4399 pags 97-128

126

25/1/05, 21:16

Tøjøk tun’adamø neydexe jaamakukjo.

Yoxtamø yujkuyjo neydexe tujo.

Yøjaama’ maktamø neydexe jinin nøjo.

Køpi jotentamø neydexe oktsajo.

Angmaytamø tøkjo neydexe wanømø.

Jayø eyak tsame øy pønøkpa neydexe.

127 4399 pags 97-128

127

25/1/05, 21:16

Bi jaama’ pjtsønpa bi nø’ køxi.

Tsøkømpa bi inø taktøbam bi tuj.

Takokmanpa bi tuj.

Pitsønpa bi naktøma pøtampø bi tuj.

128 4399 pags 97-128

128

25/1/05, 21:17

Tuj øy koyumi Bi tuj tøjiy koyumi, yak angkimopa, ya witø nøytumø, ga’ yak nømjaoba jutiya wanakpa nax iy kopakjo.

Nømxukpa øy yak kinkaxukpa bit, tum nøkpa ya poy mine.

Pitsko ya poy takø, tum nøkpa gaxe minpa bi jaama’tena.

129 4399 pags 129-160

129

25/1/05, 21:34

Jaykøta eyak tsame øm muxpa.

Møyø nømpa bit y bin tøk angxa tøkøba jonjo, wanakpa tsapjøng.

Nømoba øm yakawø.

130 4399 pags 129-160

130

25/1/05, 21:34

Takpa bi tuj wøjpa bi najak, glo, glo, glo wanpa biy unedøkay, gli, gli, gli tsoko nøjo møtsøxukpa.

Bi chik tun jak tukø. wikpa unedøkay minxukpa, nøkxukpa y jemji møtsøxukpa.

Jayø møtsan chikwane mix øm muxpa

131 4399 pags 129-160

131

25/1/05, 21:34

Yoxtampa okmangø bi tuj, degaji mujtamø.

Yøxtamø

xokijo

okmangø

tukxi

degaji

witudamø.

Mintampa

kotsøkjo

tsongtamø

kujang,

degaji jukpoyø.

Ankukaxukø møjmø inø degaji okmangø bi tuj.

Yooma’ pøkpa mayø jøyø big une degaji nøkø.

Jayø eyak tsame øy pønøkpa degaji.

132 4399 pags 129-160

132

25/1/05, 21:34

133 4399 pags 129-160

133

25/1/05, 21:34

Nøjowa Tum amintø møjmø takø bi tuj, jayø moxan jaama’, kukjaama’ y tsuji takø. Bi mokdøkay møjmø tømawø jøknøkxukø, yak pønøkoyø bi xøkpajak. Neydexe wakaxdøkay øy pøtøxukø tsinkuy pajak yak pønøkoyø, bi tundøkay øy yak jumø, ya pøtin.

Jømji nømpa jayam yampa takø døxø bi møyø tuj.

134 4399 pags 129-160

134

25/1/05, 21:34

Tsøkø jutiya tiyø nø jowa bim kumkuyjo

Jayø jutiya tijø nø jowa døm kumkuyjo.

135 4399 pags 129-160

135

25/1/05, 21:34

Tøk’anjø tuang de mayo de 1995.

Pøndøkay Øn wøjtampa jemji bi pøngdøkay, nøkxukpago’ joji iy kumunyoxukø, gaja waynøjik tun.

Bi Juxtixa.

Jayø tum toto tsame wejpa pøngdøkay.

136 4399 pags 129-160

136

25/1/05, 21:34

Bi uxøwøx Jømji oktsam’oba bi uxøwøx okmanpa kuandu bi ap tsajin pitsømpa biy tøkjon iy okwanakøba bi wøkpajak. Ga tsøkømpa kuandu jowaaba bi wøjpajak. Dexe yøtxpa bi nax y bi tøkdøkay. Bi ap tsajin jaypa wituba møajon.

137 4399 pags 129-160

137

25/1/05, 21:34

Matontama.

Dexe kuandu okmanpa bi uxøwøx, um yukpoytamø xøjøjo, pitsømtama ponji y tunja. Nømoba bi kojom køtøkjø u nøa køtøkjø nømoba in tempøtø bi uxøwøx.

Bi unedøkay ya wøjø im winyukpoytamø xøjø pønjo.

138 4399 pags 129-160

138

25/1/05, 21:34

Tsøkø tum toto junang nømoba yak okxø bi jukukøk

139 4399 pags 129-160

139

25/1/05, 21:34

Tøjøk yøkxø uxøwøx ya jumø tøkdøkay.

Ju’uwø bi møyø ya takø bi tuj.

Pøtø bi jukutøk eyak yujkuyjon, ya køngø.

Angmayø bin awin ya muxoyø. Øn juyø in kanka ya dø minja.

Jayø eyak tsame øm pøba bi ya.

140 4399 pags 129-160

140

25/1/05, 21:34

jamtena

tuj jaama’ 141 4399 pags 129-160

141

25/1/05, 21:34

Bi minpak xepe okmanpa bi xawa, yoba bi okox iy aydøkay, bi jondøkay jukxukpa y akxidøkay jonøntsøkxukpa. Pøkpa ga’ xepe yøtspa tuj jaama’, mok niipi nømpa go’ bi pøndøkay.

Tsøkø tum tsame bim wit awinjønang.

142 4399 pags 129-160

142

25/1/05, 21:34

Døx yukpoypa yey tunjo.

Døx yukpoyø tøjøk tunjo.

Døx yukpoypanam joji tunjo.

Yukpoypanam bin awin angmaykuy tøkjo.

Yukpoyø bin awin angmaykuy tøkjo.

Yukpoypa bin awin angmaykuy tøkjo.

143 4399 pags 129-160

143

25/1/05, 21:34

Tøjøk yoxtamø yujkuyjo.

Yøjaama’

yujkuyjo. yoxtampan yujkuyjo.

Yøjaama’ yunpa wøkpajakjo.

Tøjøk

wøkpajakjo. yunpanam wøkpajakjo.

144 4399 pags 129-160

144

25/1/05, 21:34

døx

yoxpa

mix

øm yoxø

de’

yoxe

nenja’

yoxtamø

døxja’

yoxtamø

mixja

øm yoxtamø

de’døkay

yoxukø

Yaktane bi tsame. døx mix de’ nenja’ døxja’ de’døkay 145 4399 pags 129-160

145

25/1/05, 21:34

Tsøkømpa mayø.

Ya jaama’tena bit tømawø bin mono yujkuy, gaxe bi møjmø matsøkam yey. Øn juyø pinøk bim tsømipøn. Yan tsøman bin kopakjo bi mokdøkay.

In pønøkpa pinøk jøytijø maøyø jemji, gaja øy juyxukpa.

Ya nømo.

Bi uxøwøx ya yøkxø bit, ya jowa awø bi wøkpajak bi.

Dexe ya jøknøkø bi yoyadøkay, ni bi mokdøkay. Møjmø mok pinøk yey angitampa.

146 4399 pags 129-160

146

25/1/05, 21:34

Tsame bim jowanampø y nemø junang jowane.

Jayø angmøk tsame.

Døx tijam xepe anji møjmø yaji, gaja jak tukø. In ixø bi popo pøn gaja jejpa.

147 4399 pags 129-160

147

25/1/05, 21:34

Nøktampa nike øy takø bi tuj.

Yukpoytan nike øy toyø døm mangkuy.

Mintampa nike øy oktsutøkønøman.

Xaodampa nike yay takø bi taj.

Møtsødampa nike yay mine tumødøkay.

Jaykøta mix eyak tsame øy pønøkpa nike.

148 4399 pags 129-160

148

25/1/05, 21:34

Bi ney nax.

Tø nax nøy tatbidadøkay juyø, nøkpam møjmø amintø, yøji jøjtampa bi angpøng pøngdøkay.

149 4399 pags 129-160

149

25/1/05, 21:34

Bi nitsønwiti.

Nøy kumkuyjo bi bejcha dø tsømwitampa.

Ga bin nitsønwitampa kuandu nøktampa, tum kumkuyjo. Tøm maødampa bit, bi bejcha tsømnøkoba. Bi nubiyudøkay dø pøkwitampa nø. Neydexe teji wanpak tønkuy øy matonxukpa ney awindøkay.

150 4399 pags 129-160

150

25/1/05, 21:34

Eyak kumkuydøkay angpøng tsampa.

Tøji eyak kumkuydøkay øy tsampa tum angpøng, neydexe nenja.

Makan ko maktaxan angpøng øy tsamxukpa xøjø kumkuyjo.

151 4399 pags 129-160

151

25/1/05, 21:34

Bi angpøngdøkay.

Xeje angpøng øy tsamxukpa yø nax dø jøjtampa, dexe bi jøytiwaydøkay,bi ayukdøkay. Biy tsøkidøk, ney komo nenja in tsøktampa.

152 4399 pags 129-160

152

25/1/05, 21:34

Wintsamokuy Øm tsamtøkaba eyak pøn im muxpa jome tsame, yampam matoa yakju. Ga’døkay iy muxukpa, møjmø jøjxukamgo’.

Mix yam muxø, yampam kømatongø ni bim awindøkay jønang. Ga’døk iy muxukpa. Nøkpam tsamtøkawø im nømjaxukpa.

153 4399 pags 129-160

153

25/1/05, 21:35

Bin Atsi Maxantøkjo Tuang junio de 1995

¿Tí amintø tsøkømo bi maxantøk?

Yø maxantøk jayam øy tsøkxukø, døx wakxinmam, yø ney pajnøyam, nømxukpa pajø kuandu yowø bi tsa jam yøji.

¿Øm wøjtsøktaman døxøø kø tsøki?

Møtsan poam øy niwanyojxukpa, ney dexe øy kønyoxukpa.

154 4399 pags 129-160

154

25/1/05, 21:35

Tsamteka tumø bim wit awin y jayø.

155 4399 pags 129-160

155

25/1/05, 21:35

Bi tsømipø øn angitampa yøji, en yak yoxtampa, neydexe dø tsømwitampa.

Bi juuba, yukpoypa ney kumkuyjo, pøn tsømwikpa, tømdøkay, nøkpay maøxuko jeytijø.

Wanpan tønkuy øy angixukpa bi jøjxukpa bi kumkuyjo.

Bi jayøk toto tej’eya øy jowanpa, dø yak muxtampa tí bi tsøkømpa eyak kumkuyjo.

156 4399 pags 129-160

156

25/1/05, 21:35

157 4399 pags 129-160

157

25/1/05, 21:35

Yø kumkuy øy tsampa iy tsame iy otonxukpa.

158 4399 pags 129-160

158

25/1/05, 21:35

eyak tsame, neydexe bi yøki 159 4399 pags 129-160

159

25/1/05, 21:35

Xokijo, makang dø mayo dø 1995.

Mix tøbak kumpanjatong.

Yø jaama’ mix jayjaba yø toto, øn tøba patømdama wøjø, døxja’ wøj tejidamø yøjønang.

Døy ga’ pøtøk xepe tijø bin santuyjaama’, dø xøadamø, køxi tsøktamø tijø dø ixuki bin wit awindøkay, angmaypa døxjønang. Døxja nømtamø øm mintampa mixja’, dø ixtukodamø yaki ya yøtsø.

Dey eyak jaama’ mix ixtuktampa.

Bin kumpanmanak.

160 4399 pags 129-160

160

25/1/05, 21:35

Jayø tum toto bim atsi go’.

161 4399 pags 161-184

161

25/1/05, 21:31

Rmte.

Pedro Sánchez Morales Calle Independencia Núm. 15 San Miguel Chimalapa, Oax. C.P. 70155 Sr. Joel Cruz Pérez Morelos Núm. 120 Juchitán, Oax. C.P. 70000 Jayø tun toto mone

162 4399 pags 161-184

162

25/1/05, 21:31

Bi witkuy Tum yooma’ biy jaaya’ jønang, jak wikxukpa eyak kumkuyjo iy angwikxukø. Tøji jaama’ nøkpay juyoyxukø yajijo y minpay matsøkxukø yøjik kumkuydøkayjo.

Nømxukpa tumpon tijxukø tum kumkuyjo møjmø yaji.

163 4399 pags 161-184

163

25/1/05, 21:31

164 4399 pags 161-184

164

25/1/05, 21:31

165 4399 pags 161-184

165

25/1/05, 21:31

tsøkøm win

166 4399 pags 161-184

166

25/1/05, 21:31

Xøjø pøngdøkay

Yø naxjo in jøjtampaji teji bi pøngdøkay xeje kønpa: tsapatspø, popo, yøki neydexe teji yone, wixki jopeji y xeje angpøn iy tsamxukpa.

167 4399 pags 161-184

167

25/1/05, 21:31

168 4399 pags 161-184

168

25/1/05, 21:32

169 4399 pags 161-184

169

25/1/05, 21:32

Tsøkø junang bim kumkuyjo watay u topa.

Jayø ti køxi bim witampa døm kumkuyjo.

170 4399 pags 161-184

170

25/1/05, 21:32

Yø’ pøng tøm tukpa de’ une tøm pimpa ga’ yooma’ tøm jopinpa.

Jaykøta mix eyak tsame komo junang tsapjø.

171 4399 pags 161-184

171

25/1/05, 21:32

Tsame tukuy.

Mix tsidampa yø toto tsame døm tsankuyjo, in tødampa yakøm jowane y nømø junang øm amaba. Øn tsøktamø mixgo’, øm muxodampa jowantamø im jayodamø.

Tøji tsame bi ya tukø, mix øm nømpa wøjtsøktampago’, nømja’ bi muxoba, ga’ dø nømjadampa døxja’.

172 4399 pags 161-184

172

25/1/05, 21:32

Kumkuy øy xøn

173 4399 pags 161-184

173

25/1/05, 21:32

Bi tenneyø unedøkay makang ko tuang de septiembre de 1847.

Nøkpam møjmø amintø, bi popo pøngdøkay eyak kumkuyjo tøkøyø ney kumkuyjo.

Ga’ amintø, bi tenneye øy kotukxixukø ney kumkuy. Tukxixukø y kaxukø bi komi tøkjo aju’nømøji bi makan ko tuan de septiembre de 1847.

174 4399 pags 161-184

174

25/1/05, 21:32

Bi kumkuy pøn tsaji neywin awø. makang ko tujtang de septiembre de 1810 Møjmø amintø ney kumkuy tej’awø pøn popo tsankuyjo.

Miguel Hidalgo y eyak pøndøkay ga’ amintø yay yak ankimtøwam iy windøkay.

Bi pankuktsu dø makang ko tujtan de septiembre de 1810, Miguel Hidalgo yankukawø bi pøndøkay bi kumkuy øy nøji Dolores, iy nømjayø nøkpan tukxidamø. Dexe okmangø bi tukxi.

175 4399 pags 161-184

175

25/1/05, 21:32

Okmangø bi tukxi metsang makang de noviembre de 1910.

Yø kumkuyjo ankimotijø tum pøn iy nøji Porfirio Díaz, ankimoyø tuan makan amintø Møjmø pøndøkay nømxukø yaki ya nømo iy angkimoyø møjmø amintø.

Francisco I. Madero, møjmø pøndøkay yak oknøk’oyø, okmangø bi tukxi y Porfirio Díaz ya ankimoyam yukpoyø.

176 4399 pags 161-184

176

25/1/05, 21:32

Bi toto tsøkømø 1917 moxang de febrero de 1917.

Bi toto tsøkømø 1917 jayø junang dø tsidamawø y junang yoxtampa bi pøndøkay.

Bi toto nømpa mix y bi unedøkay yø kumkuyjo tøji køy nøkø angmaykuyjo.

177 4399 pags 161-184

177

25/1/05, 21:32

Bi powi yote iy jama’ metsang ko makang maktaxang de febrero.

Bi powi yote øy pøkwikpa ney kumkuy, bi pøndøkay, bi nax, bi wøkpajakdøkay, pitsko nømtampa bi ney nax øy win.

Bi møtsan ko makan de febrero bi ney awindøkay xøadampa.

178 4399 pags 161-184

178

25/1/05, 21:32

Bi niwakokuy dø nø’ makang ko wøxtujtang de marso de 1938.

Bi makang ko wøxtujtan de marso in tsøktampa bi jaama’ bi juxtixa Lasaro Kardenas, yak nøykotsonoyø bi pøndøkay yø kumkuyjo, iy tsøkmuxø bi nøy nø’ yak tsakømø ney yø kumkuyjo, bi pøndøkaygo’.

179 4399 pags 161-184

179

25/1/05, 21:32

Bi Benito Juares iy poan metsang ko makang tumø de marzo de 1806.

Bi metsang ko makang tumø de marzo øn tsøktampa biy poan bi juxtixa ney kumkuyjo: Benito Juares.

Benito Juares øy nømø kø jemji bi kumkuydøkay y bi pøndøkay ya nømoy yøkjotøkøyø yan kumkuy.

180 4399 pags 161-184

180

25/1/05, 21:32

Yoxkuy jaama’ tumø de mayo Bi yoxukpak pøngdøkay tøjiy okjejkuy.

Bi toto tsame nømpa ya nømo øy yoxø tudujtan ora ga’ jaama’, tejiy key okjejø tum jaama’ ga’ xømana.

Bi tumø de mayo øy koxøaxukpa bi yoxkuy pøngdøkay xøjø kumkuyjo.

181 4399 pags 161-184

181

25/1/05, 21:32

Bi tukxi Puebla moxang de mayo de 1862.

1862 bi tukxibat pøngdøkay popo yøtsxukø ney naxjo.

Bi ney tukxi pøngdøkay øy kotenxukø ney kumkuy iy yakxukø bi eyajokanpøk pøngdøkay Puebla.

182 4399 pags 161-184

182

25/1/05, 21:32

Bi win kumkuy oyti.

Bi powi tsajin nax, de ney kumkuy.

Bi win, bi yote kumkuy y bi wane, de neyti jejtampa yøji. Øy yøkjoixøba bin tødampa ney nax øyti y ney naxja.

183 4399 pags 161-184

183

25/1/05, 21:32

Lengua zoque de San Miguel Chimalapa, Oaxaca Segundo grado Se imprimi贸 por encargo de la Comisi贸n Nacional de Libros de Texto Gratuitos, En los talleres de

4399 pags 161-184

184

25/1/05, 21:32

NOMBRE DEL ALUMNO (A) ESCUELA

GRUPO

POBLACIÓN ENTIDAD FEDERATIVA

Este libro de texto ha sido elaborado por el Gobierno de la República y se entrega en forma gratuita a los niños de las escuelas primarias del país.

Los juicios y opiniones de los maestros, de los padres y de los alumnos son muy importantes para mejorar la calidad de este libro. Sus comentarios pueden ser enviados a la siguiente dirección:

COMISIÓN NACIONAL DE LIBROS DE TEXTOS GRATUITOS Rafael Checa núm. 2 col. Huerta del Carmen C.P. 01000, México, D.F.

Las obras de arte que ilustran las cubiertas de los libros de texto gratuitos son representativas de las grandes etapas del arte mexicano. Constituyen un valioso respaldo educativo y son motivo de orgullo nacional.