Lengua Purépecha, Michoacán. Tercer Grado

Tercer grado Lengua purépecha, Michoacán

DIA DE MUERTOS, (fragmento) 1.96 X 12.40 m.

Pintado por niños purépechas Comunidad: San Isidro, Los Reyes, Michoacán.

P urhepecha jimpo Lengua purépecha Michoacán Tercer grado

Michoacán

port_4438-12.indd 1

08/03/12 16:31

NOMBRE DEL ALUMNO (A) ESCUELA

GRUPO

POBLACIÓN ENTIDAD FEDERATIVA

Este libro de texto ha sido elaborado por el Gobierno de la República y se entrega en forma gratuita a los niños de las escuelas primarias del país.

Los juicios y opiniones de los maestros, de los padres y de los alumnos son muy importantes para mejorar la calidad de este libro. Sus comentarios pueden ser enviados a la siguiente dirección:

COMISIÓN NACIONAL DE LIBROS DE TEXTOS GRATUITOS Rafael Checa núm. 2 col. Huerta del Carmen C.P. 01000, México, D.F.

Las obras de arte que ilustran las cubiertas de los libros de texto gratuitos son representativas de las grandes etapas del arte mexicano. Constituyen un valioso respaldo educativo y son motivo de orgullo nacional.

Libro de texto en lengua purépecha, Michoacán.

Elaborado en la Dirección General de Educación Indígena de la Subsecretaría de Educación Básica y Normal de la Secretaría de Educación Pública.

Coordinación Estatal Néstor Dimas Huacuz.

Autores Hermilda Andrés Neri, J. Jesús Felipe Sebastián, Néstor Dimas Huacuz y Valente Soto Bravo.

Diseño Gráfico José A. Bernechea Iturriaga.

Ilustración Taller de Investigación Plástica A.C. José Luis Soto, Isabel Estrella Campos, Juan Olivos Campos y Vladimir Soto Campos.

Fotografía Juan Bautista Ramírez.

Diseño de Portada Comisión Nacional de Libros de Texto Gratuitos con la colaboración de Luis Almeida.

Ilustración de Portada “Día de muertos”, 1.96 x 12.40 m.

Pintado por los niños purépechas de la comunidad San Isidro, Los Reyes, Michoacán.

Jesús Ruíz Méndez, Silvino Ruíz Diego, María del Carmen Alonso Martínez, Zenaida Diego Ruíz, Camilo Diego Cortés, Sergio Cruz Ruíz, José Luis Martínez Lázaro, Domitila Diego Ruíz, María del Carmén Lorenzo Ascencio, Adelaida Martínez Diego, Alfonso Flores Martínez, José Luis Márquez Martínez, Felisa Martínez Cruz, Josefi na Alonso Francisco, Flora Martínez Diego, Angélica Diego Cortés, Jesús Tello Bernabé, María Cruz Ruíz, Arnulfo Martínez Ruíz, María Guadalupe Diego Bernabé, Alberto Martínez Alonso, Azucena Lorenzo Ruíz, Luis González Francisco, Fidencio Molina Molina y Rafael González Francisco.

D.R. © D.R. ©

Colorín Colorado, El arte de los niños indios. México, 1993 Reproducción autorizada por el Fideicomiso para la Salud de los Niños Indígenas de México. A.C. Secretaría de Educación Pública, l997 Argentina No. 28 Col. Centro, C.P. 06029 México, D.F.

ISBN 978-970-18-0955-6 Primera edición 1997 Décima sexta reimpresión 2013 Impreso en México

pl_4438-13.indd 2

20/07/12 18:15

4438 pags 1-70 global 1.indd 2

11/11/06 11:12:59 AM

P’urhepecha jimpo Lengua purépecha Michoacán Tercer grado

4438 pags 1-70 global 1.indd 3

11/11/06 11:13:00 AM

PRESENTACIÓN

E

ste libro de texto está dirigido a las niñas y los niños indígenas que cursan la educación primaria, tiene el propósito de favorecer el aprendizaje de la lectura y la escritura de la lengua indígena que se habla en su comunidad.

Se espera que este libro sea utilizado en forma creativa, tanto por el profesorado como por las niñas y los niños, en este ciclo escolar y los subsecuentes, para dar respuesta a los problemas particulares que se presenten en el desarrollo de la expresión escrita y la comprensión lectora.

En el libro se encuentran diferentes textos, algunos hablan del entorno físico de los alumnos, objetos y cosas que hay en la comunidad, y otros se refieren al entorno social y cultural, pues relatan las costumbres, fiestas y leyendas de la región.

Su elaboración estuvo a cargo de profesores indígenas bilingües con experiencia en la enseñanza de su lengua materna así como con profundo conocimiento de la cultura de sus comunidades. Para la redacción, los autores consideran el enfoque comunicativo propuesto en el Plan y Programas de Estudio para la Educación Primaria 1993.

Este libro de texto podrá ser enriquecido a partir de las observaciones y consideraciones que profesores, padres de familia, comunidades y organizaciones civiles indígenas realicen acerca del lenguaje utilizado, los contenidos, las ilustraciones, el formato y la presentación.

4438 pags 1-70 global 1.indd 5

11/11/06 11:13:01 AM

MITPITARAKUA Ari takukata unasti eratsiparini eskaksi sapicha uĂĄka uĂŠnatarani jorhenkua p'irani, karani ka arhintani juchari uantakua jimpo.

Uatiksi sesi marhuatani jurhentpiricha ka jorhenku rhiricha i uexurhini jimpo, ka isi unati kurhankuntani ka karantani iamintu ampe.

I takukata iamu ampe karanarhikutini jatsitsi juchari iretecharhu, juchari mimixekua, ka kuinchikuecha ka mamaru uantanskuecha ka pirekuecha ampe.

Isi unantasti ini takukata, tsima jorhentpiricha enka p'orhepecha jimpo karak'a ka arhintani, ka juchari mimixekuechani enka mantani iretarhu janaka.

Isi ukatesti jimpani jorhenkuani jinkoni ekakkuntaparani enka ukata jaka. Ka marhuaka iamentu jorhenkuecharhu ima uratini uexurhini 1993 jimpo.

I takukata sateru sesi marhuanti, enka materu jorhentpiricha, o juchari tatiicha ka iretarhu anapu kunkurhikuecha, uekaaka juchari uantakuani anchitani, ka istu arhintani ka p'urhepecha jimpo kurani.

4438 pags 1-70 global 1.indd 7

11/11/06 11:13:02 AM

Huandacarco Tangamandapio Tangancicuaro

Etucuaro

Purepero

Copandaro

Chucandiro

Alachoen Ichan Tacuaro Tanaquillo Cararan Tarejero Eréndira Tarecuato Chilchota Zacapu Huancito San José Uren Zipiajo Zopoco Patamban Sto. Tomás Naranja Tirindaro Ocumicho Tingüindín Comanja Tanaco Capula Quiroga Cheranatzticurín Santiago Azajo Sn. Andres Cherán Aranza Sta. Fé Sn. Jeronimo Ahuiran San Isidro Pacanda Nahuatzen Paracho Ichupio Sevina Yunen Puacuaro Tzintzintzan Arautepacua Erongarícuaro Camachea Cucuchucho Los Reyes Quinceo Zacan Uricho Pichataro Zirosto Ihnatzio Turícuaro Tzcuen Tocuaro Capacuaro Janitzio Sta. Ana Zirosto Jaracuaro Huecario Patzcuaro Tingambato Periban Angahuan San Lorenzo Cuanajo Ajuno San Juan Caltzontzin Nvo. San Juan Uruapán Parankaricutírio Jucutacato Pareo

Copandaro

Tirimbaro

Morelia

Tincítaro

4438 pags 1-70 global 1.indd 8

11/11/06 11:13:08 AM

Estado de Michoacรกn

4438 pags 1-70 global 1.indd 9

11/11/06 11:13:12 AM

INDICE MA ARHINSKUA MA JOKUKUA JUCHARI K'UMANCHIKUARHU ANAPUECHA 12 13 TSIMANI ARHINSKUA MA JOKUKUA NA ENKA JAKA JURAMUKUA MARKU K'UMANCHIKUARHU ANAPU P'ORHEECHERI 20 21 TANIMU ARHINSKUA MA JOKUKUA IRETECHA ENKAKSI JUCHARI JIMPO UANONDANI JAKA 26 27 MA ARHINSKUA TSIMANI JOKUKUA UANTANSKUA JUCHARI IRETERHU ANAPO 34 35 TSIMANI ARHINSKUA TSIMANI JOKUKUA JARHUAJPERATA ANCHIKURHITA IRETERI 42 43 TANIMU ARHINSKUA TSIMANI JOKUKUA ERAKUNTSI JURAMUTICHEERI 50 51 T’AMU ARHINSKUA TSIMANI JOKUKUA JUKSKAKUA 58 59 MA ARHINSKUA TANIMU JOKUKUA JUCHARI K’ERI ECHERIO 66 67 TSIMANI ARHINSKUA TANIMU JOKUKUA MARUTERU ANAPU SAPIRHATICHA 76 77 TANIMU ARHINSKUA TANIMU JOKUKUA K’UMANCHIKUA JORHENKURHIKUARHU 82 83 T’AMU ARHINSKUA TANIMU JOKUKUA K’UILICHI CH’ANAKUA 90 91 10 4438 pags 1-70 global 1.indd 10

11/11/06 11:13:12 AM

MA ARHINSKUA T’ÁMU JOKUKUA JUCHARI ECHERI 98 99 TSIMANI ARHINSKUA T’ÁMU JOKUKUA JUCHARI K’ERI ECHERI 106 107 TANIMU ARHINSKUA T’ÁMU JOKUKUA TSIPITICHA 114 115 T’ÁMU ARHINSKUA T’ÁMU JÓKUKUA SAPIRHATI MATERU JASI UANTARICHA 122 123 MA ARHINSKUA IÚMU JÓKUKUA JUCHA P’ORHEPECHECHA 130 131 TSIMANI ARHINSKUA IUMU JOKUKUA T’IREKUECHA 140 141 TANUMU ARHINSKUA IUMU JOKUKUA JUCHARI UANTAKUA 148 149 T’AMU ARHINSKUA IUMU JOKUKUA JUCHARI ANATAKUARHIKUA 156 157 MA ARHINSKUA KUIMU JOKUKUA JUCHARI IONIKI ANAPUECHA 164 165 TSIMANI ARHINSKUA KUIMU JOKUKUA JUCHARI IONTKI ANAPU JURAMUTICHA 172 173 TANIMU ARHINSKUA KUIMU JOKUKUA ENKAKSI JANOPKA TURHISICHA 180 181 T’AMU ARHISKUA KUIMU JOKUKUA UATAPERA O IURHIXEO 188 189 11 4438 pags 1-70 global 1.indd 11

11/11/06 11:13:12 AM

MA ARHINSKUA MA JOKUKUA JUCHARI K'UMANCHIKUARHU ANAPUECHA

lámintu k'uripuecha ixu parhakpeni anapuecha táchani irenasti, k'erati ka sapirhatl iretecha jimpo, ká táchahi k'umanchikuarhi jimpo irekanasti tatita, nanita, táati, náanti, tatachicha, mimicha ka jinkonikuicha, lámintuecha enkaksi ma ik'umanchikuanijimpo jaka irekani, táchani ampe úsintiksi ka iámintuecha ánchikuarhisinti ka isi jarhuajperasinti lámina ampe úni.

Tatitecha nirasinti iuini nimakuechani jinkuni, ka isiksi jorhendaasinti sapirhatichani.

Nana k'ericha tsipku jaurasinti kurhijpantani ka k'arhatani k'umanchikuechani.

4438 pags 1-70 global 1.indd 12

11/11/06 11:13:18 AM

Náanti nirasinti urhurani ka uachicha itsi p'itani nirasinti, ka tatachicha tsipitichani jirinantaani nirasinti ka páani t'ireraani.

Táati nirasinti ánchikuarhini, máruksi nirasinti tarheni pákua isi, ka máruksi chkáari ampakerasinti enkaksi ch'kari jinkoni ánchikuarhijka, jorhenastiksi iámintu ampe úkatechani úani.

Nanaka sapirhaticha kakakua ampe jupanarhikuntasinti ka enka sánteru sapichuuka jarhuajpesinti pipichu t'ireraani ka isiksi iámintu ima k'umanchikuarhu anapuecha jarhuajpisinti mámaru jási ánchikuarhitani úni.

4438 pags 1-70 global 1.indd 13

11/11/06 11:13:22 AM

Náksini jorhendasini cháari jorhentpiri.

Jarhasti ma jási jurhentperakua, enka úranajka jimajkani enka uekaaka ampe jorhentpeni ka i jinteesti ima enka jorhenaka, uantasinti ka eiankpeni mámaru jási ampe jorhenakua, ka ima enka jorhenkuarhirika kurhajtsitani ka jánkurhintani kurhankuni iámindu ampe enka jorhenati uantantani jauaka. ¿Tsitisinkiri i jasi jorhentperakuani? ¿O nari jási jorhentperakua tsitisini? ¿Nári uekapirini eskakini chári jorhentpiri jorhendapirinka? ¿Uantonskurhi je iámintuichani jinkuni ini jurhentperakua sánteruri tsitiaka?

K'urhankuarhi ampe ka ampe úsini mándani k'uripu enka chiiti k'manchikuarhu jaka irekani: Tatita Nanita Táati Náanti Chiiti pirentsicha o jinkunikuecha ka t'u 14 4438 pags 1-70 global 1.indd 14

11/11/06 11:13:23 AM

Kunkurhitsi je iuchani o kuichani, ka uantantsi imeri ampe enkatsi k'umanchikuarhu ampe uk'a imecha enkatsi chinio jaka irekani.

Karantsi ixu imeri ampe enkari uantantaka ka enkajtsi uantonskuarhika lรกmintuecha.

15 4438 pags 1-70 global 1.indd 15

11/11/06 11:13:24 AM

Uantakua antankuticha enkaksi marhoak'a kurhamarhpini, no isiuaka ka tsipikua o chérperakua ampe uantani.

P’urhe uantakua jimpo enkaksi uekaka kurhamarhpini ampe uantakua niatakuecharhu kuturhutanasini ima enka uantak’a kurhamarhperakua ampe, isi eski ariicha.

Uantakua niatakua t'ireni ch'anani pireni

Na emanka uranak'a kurhamarhperatarhu ¿ji t'iresini? ¿t'u ch'anaski? ¿jucha pirea?

¿ima t'iresini? ¿imecha ch'anaski? ¿cha pirea?

Ka materuksi jarhasti uantakuecha enkaksi kurhamarhek'a ka ariksi jintesti NANI, KANI, NA, NAMUNI ka ixuksini karachentauaka ma uantakua antankutichani enkaksi kurhamarhipik'a.

Naniri pireski iáasi Ne ch'anaa pauani Urhuapani Káni k'uinchisini cháari táati Uantakua antankuticha enkaksi jarhuk'a imani ampe enka no isiuaka NO o ÁAMPE jatsikunasinti isi eski arlicha. áampe niua ánchikurhini láasi no niuaka jorhenkurhini pauani sapi áampe niua anchikurhini.

16 4438 pags 1-70 global 1.indd 16

11/11/06 11:13:25 AM

Máteruksi jarhasti uantakua antankuticha enkaksi tsipikueri o cherpikueni ampe uantak'a isi eski arlicha. ¡ Xáni sési janini jaka ! ¡ chérastirini akuitse !

Karantsi uantakua antankutichani enka mak'u k’umanchikuarhu anapueri ampe kurhamarhpiaka

Karantsi uantakua antankutichani enka mak'u k’umanchikuarhu ananpueri ampe uantaka eski no isiika

Karantsi uantákua antankuticha enka tsipikueri ka chérpekueri ampe uantaaka

17 4438 pags 1-70 global 1.indd 17

11/11/06 11:13:25 AM

Uantakua niátakuecha, enka iáasi nitamakia ka enka jurhani jaka interi ampe uantakua.

Mitiskiri na k'amarhukusinki uantakuecha enkaksi iáasi anapueri ampe uantak'a. Uantakua niátakuecha enkaksi iáasi anapueri ampe uantak'a SINKA, ka sinti jimpo, k'amakurhisinti isi eski ariicha: Ji úsinka T'u úsinka Ima úsinti

Jucha ánchikuarhisinka Cha ánchikuarhisinka Imeecha ánchikuarhisinti

Uantakua niátakuecha enka imeeri ampe uantak'a enka nitamakia, k'amarhukusinti AKA ka ATI, isi eska ariicha: Ji ch'anaska T'u t'ireska Ima jurhasti

Jucha t'ireaka Cha niraska Imeecha ch'anasti

Ka uantakua niátakuecha enka imaeri uantak'a enka jurhani jaka k'amarhukusinti aka ka ati, isi eska ariicha: Ji jorhenaaka T'u jorhenaaka Ima jorhenaati

Jucha kurhaauaka Cha kurhaauaka Imaecha kurhaauatl

18 4438 pags 1-70 global 1.indd 18

11/11/06 11:13:26 AM

Karaanta uantakuechani enkaksi uanta'ka imaeri ampe enka iáasi úkuarhika, enka nitamakia ka enka jurhani jaka, uantakua niátakuaechani úraapariani enka t'u erakuantauaka: iáasi niátakua ji t'u ima/inde jucha cha/t'ucha imaecha/ts'ima niátakua enka nitamakia ji t'u ima/inde jucha cha/t'ucha imaecha/ts'ima niátakua enka nótki ukurhik'a ji t'u ima/inde cha jucha/t'ucha imaecha/ts'ima

19 4438 pags 1-70 global 1.indd 19

11/11/06 11:13:27 AM

TSIMANI ARHINSKUA MA JOKUKUA NA ENKA JAKA JURAMUKUA MARKU K'UMANCHIKUARHU ANAPU P'ORHEECHERI P'orhecheri k'umanchikuarhu irekastiksi taati, naanti ka uajpecha ka isi k'epasinti ma k'umanchikuarhu anapuecha.

P'orhechaksi kanikua jananarhisinti taati k'eri ka naanti k'erini ka istu taati sapichuni ka uaua j empecha ka iamintu no iauanikuarhu anapuechani.

Ka enkaksi uรกjpecha tempuchaaka jimaksi pakarasinti taati jempechani jinkoni ioni jamperi, ka jima taati jempa juramusinti.

Ka uajpecha enkaksi tatakeeka, taati jempani jarhuatasinti anchikuarhini, tsipitichani ampe erankuani ka iuni ampe.

Enka nanakeeka,ima naati jempani jarhuatasinti uni ampe.

Taati jurhamusinti ma k'umanchikuarhu ka imasi anchikuarhijti ka iamintuechani t'irerani ka xukutani.

Ka naati ima usinti iamu ampe k'umanchikuarhu, t'irekua untani, jupani ka mamaru jasi ukua ampe k'umanchikuarhu anapu.

Ka tamu usinti sirikukua ampe ka meni jarhuatasinti uampani juatarhu anapu anchikurhita uni, ch'kari ukata o ampe enka jurhamuminaka manteru k'uiripuecha enkaksi kanikua jananarhinajka imasi jintesti: padrinu jempa itsi atajtsiperakuarhu anapuecha, iniksi isi exesanti eska materu taati jempa ka materu tempuchakuarhu anapu padrinu jempa, jindesti enka arhijtsikuajka ka isi uni sesi jananarhiani.

4438 pags 1-70 global 1.indd 20

11/11/06 11:13:32 AM

4438 pags 1-70 global 1.indd 21

11/11/06 11:13:37 AM

Uanta ampe arhikuekasini enka ixu karakata jaka ka chájtu jirinantsi maru ka k'urhankurhie ampeeski.

Chekamiparhasinti ka teruk'ani k'éri ma tupu jatarhaasti, ¿ampeski ?

Xunapiparhasinti ka turhipiti o urapiti korhati sapirhati jatarhasti ka kanikua aspisinti enka chankaki jinkoni niniranak'a, ampeski.

Nakiri miteaski t'ú, karaanta ixu.

Miteskiri máteru jarhati uantakuechani.

22 4438 pags 1-70 global 1.indd 22

11/11/06 11:13:39 AM

K'urhankurhi je na enka japka juramukua tu anapu mak'u k'umanchikuarhu anapu ka mรกteru iasi anapu.

Karantsi ka terukutantsi.

Jarhasti ampe enkaksi arhinak'a na emanka jaxika ampe ma, ka tatsikua kurhamarhinani eski uantaaka ampe emankeaka no exeparini.

Inte marhuachisintitsini juchantsini paraksi eratsiaka isi uni uantani ampe emanka ukuarhiaka ka p'enojchakuarhini imani ampe enka no xarharani jauaka.

23 4438 pags 1-70 global 1.indd 23

11/11/06 11:13:40 AM

Kurhamarhikua ka mokuntskua Uantonskurhita enka ma kurhamarhik'a ka materu mokuntani ampe emanka kurhamarhinajka.

I kurhamarhikua marhuasinti, uni mitini ampe emanka uekaka kurhamarhikuechani uraparini isi eska ari: Pari uni jukskani tsiri ampe uetarhisinti?

Ampe kutsi jimpo jukskanasini juatarhu?

Na xani ioni jimpo antarasinti pirani?

Jorhentpirini arhi eskakini jarhuataaka ka uni je i jasi uantonskurhita chรกari iretarhu anapu k'uiripuecheri ampe, ka imaeri jankuecha ampe ka karantsi ixu.

Eiamperakua imeri ampe enka uk'a uantonskurhini uantakua uraparini ka t'antsirakua ampe.

Juchaksi usinka uantonskurhini, uantakua uraparini ka t'antsirakua eskua, jajki, k'esichani uraparini ka karata ampe.

Jarhasti eiamperakuecha enka uetarhijka uantonskurhini, ka jarhastiteruksi enkaksi uk'a eiampini.

Uantonskurhi je inteni uraparini uantakua ka t'antsirakuechani ka exe je naki santeru sesi jarhaski uantakua uraparini, t'antsirakua o karakata jimpo.

24 4438 pags 1-70 global 1.indd 24

11/11/06 11:13:41 AM

25 4438 pags 1-70 global 1.indd 25

11/11/06 11:13:43 AM

4438 pags 1-70 global 1.indd 26

11/11/06 11:13:49 AM

TANIMU ARHINSKUA MA JOKUKUA IRETECHA ENKAKSI JUCHARI JIMPO UANONDANI JAKA

l

lamintu ireta p'urhepecharhu sesi jarhatl k'uinchekuecha ukuarhisinti, ka iamentu k'uiripuecha uanondani anapuecha nirasintiksi' k'uinchini, ima jurhiatikua enka k'uinchikuaukurhijka ma iretani jimpo, jima uanondani anapuechaksinirasinti p'orhempiani in iamintu k'uiripuechani enkaksi mitperaka ka jiniksi sesi eronasinti, churhipu jinkoksi t'irerasini, ka simitu ka kurhinta ampeksi inspiasinti, ka enkaksi iamintuecha k'uinchikua jatsiaka istuksi eronantasinti.

Juchari ireta p'urhepecha jima uanondani anapuecha jarhuajperasinti enkaksi uetarhinchak'a ampe isi eski ma ireta enka no jatsiaka tsakapu enka ne ma uekaka k'umanchikua ampe uni enka ireteriuaka insperasintiksi istu enka ma ireta no jatsiaka kanikua itsi ka materu ma jima uanondani anapu kanikua jatsini imajtuksi insperasinti nakiru jakaksi maru iretecha enkaksi no sesi kamperak'a, jimpokaksi no usinkapakatperani nani emanka jamperi jaka echericheri jamekua materu ka materuri, najtukaksi ioni jimpo puatspentauaka jimpoka exesintiksi eskaksi iamintuecha uetarhisinka jarhuajperani ka isi jimpoksi uni sesi irekani ka unksi p'orhemperani na emanka jatini k'uaniaka.

4438 pags 1-70 global 1.indd 27

11/11/06 11:13:56 AM

Mokutsi Kurhamarhikuechani Na jatini o kani santeru p’orhemperasini p'orheecha

Naksi eronasini enkaksi k'uinchikuarhu niuaka p'orhempeni

Ampeksi intsinasini enkaksi niuaka k'uinchikarhu p'orhempini

Nenaksi jimpo jarhuajperasini iretecha jima uanondani anapuecha

28 4438 pags 1-70 global 1.indd 28

11/11/06 11:13:57 AM

Antisi maru iretecha no sesi kamperak'i

Kurhankuarhi mani emanka jamperika echeri chiiti iretarhu anapu, ka naki iretecha jarhaski jima uanondani, ka unarhikutsi ixu.

Uantonskurhi chari jorhempiri jinkoni ka enkaksi t'unkini jinkoni jakaksi jorhenkorhini, jankuecheri, uantekueri ka anchikurhitere ampe, imani ireteri enkaksi chari uanondani jaka.

29 4438 pags 1-70 global 1.indd 29

11/11/06 11:13:57 AM

Karantsi na imanka jantika iretecharhu enkaksi chari iretani uanondani jimpo jaka.

30 4438 pags 1-70 global 1.indd 30

11/11/06 11:13:59 AM

P’orhe uantakuani jimpo, jarhasti kararatarakuecha enkaksi úrakurhikia pari turhisi jimpo karani, isi istuksi jarhasti enkaksi erankunantaka pari karani ka úni p'itamuni iman kusimikuechani enka turhisi jimpo no jaka ka i jintesti enka jucha p'orhecha no uni jarhajka p'orhe jimpo karani, ka ariksi jintestiksi:

ch'

ch'apani ch'anani ch'piri

t'

t'atsini t' ireni t'arhechu

k'

k'ani k'amukua k'eni

ts'

ts'ame ts'ima ts'ipani

p'

p'atamu p'imani p'intenarhini

31 4438 pags 1-70 global 1.indd 31

11/11/06 11:14:00 AM

Karantsi imeri ampe enkatsi arhintaka ka enkakini jorhentpiri arhieka eskari karaaka.

Jarhastiksi materu kararatarakuecha enka uetarhijka p'orhe jimpo uandani tsi jindesti: rh

purhĂş arhani p'orhe

x

xanini xanaru xakua

32 4438 pags 1-70 global 1.indd 32

11/11/06 11:14:01 AM

Uantonskurhi je jurhieteri miiukueri ampe enka chari iretarhu uranak'a:

Arhintsi ini uénikuani jantiak'u ka tasikua iamintuechani jinkoni.

JUCHARI UANONDANI ANAPU IRETECHA Ireta uanondani anapuecha ju je sesi eratsintani ka noteruksi uarhiperani echerichani jimpo Ju ia je mianta eski jucha mintsiperaaka ka eska santeru sesiuaka sesiksi arhijperani ka jarhuajperani Ju ia je miantani eska jucha sesi pajperata jimpo úaka kuap'erani enkats'ini juramuticha uékaaka euakurhini ampe, Asi mirikurhi je eski sesi p'ikuarherakurhisinka enkaksi p’orhemperaaka ka sesiksi uandajperani ka miantani eskaksi jimajku eratperani jarhasinka.

Untasti: Tata Jesus Felipe Sebastianu.

Untsi ma uenikua enka chiiti ireteri ampe uandaaka 33 4438 pags 1-70 global 1.indd 33

11/11/06 11:14:03 AM

MA ARHINSKUA TSIMANI JOKUKUA UANTANSKUA JUCHARI IRETARHU ANAPO Imani iretani jimpo enka arhinajka Paranarhikutirhu jimajkani uaxastanaspti iumu uexurhini tanimu irepiti tempeni kuimu ekuatse ka tempeni iumu, 1535 enka ima acha tata Juanu San Migueli uaxastasti.

Jimajkani i tata obispo Vasco de Quiroga jarhuatasinti jima anapu k'uiripuni, enkaksi koricha arhikata 'uanka. Jimajkani ueratini menteru uenaspti jimpani jakankurhikua jatsikuntani ka isi arhini San Juan de las Kolchas o San Juan Parankarikutiro.

4438 pags 1-70 global 1.indd 34

11/11/06 11:14:09 AM

Ireta jimajkani enka uarhiperakua japka, ima enkarhikurhipka mojtakua kristeruecheri茅, Revoluci贸n Cristera, jakankurhintasptiksi k'erati ima jasi jakajkukuani, enka imecha jatsikurhipka enka jindepka tata kristu, ka jini anapu k'uiripuechaksi no kurhankutsperasti ka kuajpistiksi imecheri jakankukuani.

Ka ima jurhiatani ma ekuatse febrero kutsini, t'amu irepita tempeni iumu tsimani ekuatse ka tanimu uexurhini jimpo, 1943 jima uetsispti charatskua Parhikutini, ka imani jurhiatikua iumu tsimani maiuiri, t'amu irepita tempeni iumu tsimani ka t'amu uexurhini, 1944 jima kutsari ka tsakapuni jasi niarakuspti jima jamperi enka uarhiricha jatsinantamka jimposi imecha kejtakupti jima imani jurhiatikua iumu t'amu uexurhini jimpo. Ka pastiksi imecheri tata kristuni ka jimaksi niarani enka arhikurhianka auani itsirhu, ka tatsikua arhikurhispti, San Juanu jimpanki Parhanarhikutirhu.

4438 pags 1-70 global 1.indd 35

11/11/06 11:14:16 AM

Mokuntsi Kurhamarhikuechani Kani uaxastanaski Parhanarhikutirhu

Ne uaxajtaspti

Necha jankurhintaspti sesi jak'untani imecheri jakankurhikuani

Nasi iretani jimpo eutsispi chararakua

Ampe uexurhini kejtakurhispi San Juan Parhanarhikutirhu

Karantsi chiiti iretarhu anapo uantanskua sesi jasi ampe enka ukuarhika.

36 4438 pags 1-70 global 1.indd 36

11/11/06 11:14:17 AM

Uantakua júrhendakuecha, uantanskuechesti enka k'uiripu uantak'a enka imecheri jimpo uéjka sáni jorhempini ampe, isi eska ariicha.

Enka nanakecha turhumpu uarharauaka, nóksi úati sési jarhati echuskuta úni, iámintuksi p'orhoauati.

Nanaka enka sétimu kústaaka no úsinti nakatamai ninirantani.

Karantsi ixu ini jarhati uandanskuechani enka p'orheecheri uantantak'a.

37 4438 pags 1-70 global 1.indd 37

11/11/06 11:14:17 AM

Jarhasti uantakuecheri ampe enkaksi no uni jarhak'a sesi kurhankutsperani, jima uetarhisinti uantonskurhini ka jojkuni materu ka materuechani enkaksi uandaaka ka enkaksi tatsekua kurhankutsperaaka ka sesiksi pakatperaka ka sesi jatsirantaani uandakua kurhankutsperatechani.

Kunkurhintsi je t'ĂĄchani, iĂşchani o kuichani, ka erakuntsi je uantakuechani o uantanietechani enka cha exek'a eskatsi materuechani jinkoni no uni jarhak'a sesi kurhankutsperani ka uantonkurhi je ka sesi jajkuntsi iamintuechani jinkoni

38 4438 pags 1-70 global 1.indd 38

11/11/06 11:14:18 AM

Enka ma úaka jankuarhintani karani, jarhasti máru mindaecha enka k'uanik'a jatsikuantani karakatarhu. Ima jintesti enkaksi turhisi jimpo arhik'a, punto punto ka koma, tsimani puntuecha.( ; : ) P'urhe jimpoksi arhirauaka Anaxustakua, MINTSIKURHITARAKUA, ANAXUSTAKUA KA MINTSIKURHITARAKUA KA TSIMANI ANAXUTAKUECHA. Anaxustakua k'uanisinti jatsikuntani enka k'amakurhiaka ma uantakua k'eri.

Mintsikurhikua jima k'uanisinti enka k'uaniaka jiret'antani.

Anaxutakua ka mintsikurhitarakua jarharitasinti uantakuechani ka isi jarhuajpisinti ka no xáni kánikua isi eska ari uantakua.

Juchiiti karakata ampakisti jo peru uékasini eskarini t'u sani arhiaka isiski o no isiski.

Tsimani anaxurhitarakuecha jima jatsikunantasinti enka ma uekaaka karantani ampe isi eska ari.

Anatapu jukasti tsirankua ch'kariri ma, ch'kurhi, tsipata ka en jukak'a.

Uantantsi ka karantsi jukaparhakua nitamakuecheri chini iretarhu anapu ampe.

39 4438 pags 1-70 global 1.indd 39

11/11/06 11:14:18 AM

lámintu uantakuecha ampakiti ka no ampakiticha p'orhecheeri kánikua jukaparhasti, jimpoka imani ampe kurhaaparini mitisinkaksi lámintuecha sapirhati ka k'eraticha, na emenka nitamakurijkaksi iámintu p'orheecha.

Enka uékaaka uantantani ampe, pasinti arini ampe.

Na emenka jatini úkurhipka Nani emanka úkurhipka Ne ka ne emanka jámapka o uantapka Karantsi ma uantanskua ampakiti unarhikukatani exeparini.

40 4438 pags 1-70 global 1.indd 40

11/11/06 11:14:20 AM

Uantantsi, karantsi ka Ăşnarhikuntsi p'orhecheeri ampe

41 4438 pags 1-70 global 1.indd 41

11/11/06 11:14:21 AM

TSIMANI ARHINSKUA TSIMANI JOKUKUA JARHUAJPERATA ANCHIKURHITA IRETERI Jucha p'orhecha isi jorhentanaskaksi jarhuajperani anchikurhita uni ampe, isi jimpo enka juramuticha eratsiaka ampe ma uni ireteri ampe, iamintu k'uiripu sapirhati ka k'eraticha, tankurhintasinti k'erati achamsichani jinkoni ka jima uantonskurhinani ampe emanka anchikurhita santeru uetarhini jauaka uni, isi eski itsi ampamantani, xanaru ma sesi jantskani o k'umanchikua ampe uni enka iretani marhuauakua.

42 4438 pags 1-70 global 1.indd 42

11/11/06 11:14:24 AM

Istu enka ma k'uiripu uetarhinchaka anchikurhita uni, instuksi jarhuajperasinti, p'intekuesti jucha p'orhecheeri enka jauaka jarhuajperakua uetarhinchakua.

Eiamperasinkaksi iamintu jimajku isi anapuecha ka nirasinkaksi jarhuajpini, ka jima t'irerperanasinti churhipu ka kurhunta jinkoni. Ka isiksi iamintu jimajku isi anapuecha ka nirasinkaksi jarhuajpini, ka jima t'irerperanasisti churhipu ka kurhunta jinkoni. Ka isiksi iamintuecha tsipikua jinkoni isi jamasinka jimpokaksi sesi p'ikuarherasinka enkaksi isi jarhuajperark'a ka enkaksi isi iamintuecha jima jamani jarhajka.

43 4438 pags 1-70 global 1.indd 43

11/11/06 11:14:27 AM

Ma karakatarhu nirasinti k'eri ma eiankperata ka tatsikua santeru sapirhatichani, ka isiksi santeru sesi kurhankusinka ma karakatani.

Mókuntsi kurhamarhikuechani táchani jarhati eiankperakuechani, imeri enkari arhintaka.

Nets'ini jorhentaski jarhuajperani ánchikurhita úani.

Antisi no xáni kuetsapik'i ánchikuarhita p'orhecheeri.

Ampe jinkoni t'irerperanasini jarhuap'eratarhu.

44 4438 pags 1-70 global 1.indd 44

11/11/06 11:14:27 AM

Kurhankurhi chini iretarhu, n'eechaksi eratsisini ka na uéenaski kúnkurhikua unantani enkaksi ánchikurhita ma uékaaka úni ka enka ireta jarhuap'eraka ka lámintuechani marhoauaka.

Kúnkurhintsi je táchani o iúchani ka uantantsi je imeeri ampe enkats'ini kúrhankurhika, uantakua ka karakata jimpo.

45 4438 pags 1-70 global 1.indd 45

11/11/06 11:14:28 AM

P'orhe jimpoksi jarhasti uantakuecha enkaksi ma kararatarakua jimpo jukaka eiankperata eski a, u, i, ka istu jarhasti uantakuecha enka ma uantakuak'u turhisi jimpo uani uantakua arhikueka eski ari: Uantontskurhipunkuasiramkaksi Karantsi tĂĄnimu uantakuechani enka turhisi jimpo uĂĄni uantakua arhikuek'a enkaksi arini kararatarakuechani jimpo uĂŠnak'a karakurhini. a e i

46 4438 pags 1-70 global 1.indd 46

11/11/06 11:14:29 AM

P'orhe uantakua jimpo jarhasti emankaksi uantantak'a ampe enkaksi k'uripu ma uekaka uantantani, imeri ampe enka ukurhiaka ma k'uinchikuarhu o ampe emanka exeaka nitamani jarhani, turhisi jimpo arhinasinti, Narraci贸n.

Istu jarhasti emankaksi arhits'pik'a ampakiti ampe, enkatsini marhuachik'a juchantsini sesi irekani, ka sesi nitamakuarhini, turhisi jimpo arhikurhisti, texto explicativo.

Isi eska sapichuni ma arhijtakuni na emenka uaka ampe ma ka na enka jukskaaka ka materu ampe.

Istuksi jatsiaska na emankaksi eiamperajka ampe ma, isi eski ari: Eiankusinkaksini eski pauani tankurhikua ma jauaka, k'umamanchikua jorhemperakuarhu, iamintu taati jempecha ka naanti jempecha enkaksi uajpechani inteni jorhentperakuarhu axani jaka t茅mpeni atakuarhu tsipa, ueenakuarhiati.

47 4438 pags 1-70 global 1.indd 47

11/11/06 11:14:29 AM

Karantsi ma uantanskua k'uinchikueri o ampe emankari uĂŠkaaka uantantani.

Karantsi arhits'perakua ma enka t'u uĂŠekaaka.

Karantsi ma eiankperakua.

48 4438 pags 1-70 global 1.indd 48

11/11/06 11:14:29 AM

Kurhankurhi na emanka arhinak'a juchari ananajtakueri jakankurhikuecha ka karantsi ini unarhikukatarhu.

49 4438 pags 1-70 global 1.indd 49

11/11/06 11:14:31 AM

TANIMU ARHINSKUA TSIMANI JOKUKUA ERAKUNTSI JURAMUTICHEERI

lamintu ireta p'orheecha jatsikuarhiasti juramutichani enka k'uripu erakuantak'a ka mamaru jarhati juramukuechaksi jarhasti.

50 4438 pags 1-70 global 1.indd 50

11/11/06 11:14:36 AM

Enka ma k'uripu erakunantaaka ka uekani ma k'eri juramukua jupikani, uetarhisinti mamaru jarhati juramukuechani nitamani ka xarhatani sesi jasi juramukua.

Ne emanka sesi juramuaka kanikua jananarhinasini ka ima jintsti enka uk'a k'eri juramukua intsinani.

Ka ariistiksi juramukuecha: Priosti orhepati, tumini tansti, jefe de tenencia, juesi de tenencia ka comisariado de bienes comunales.

Ne emanka nitamak'a ini juramukuechani ka xarhatani sési jási juramukua, ima pakarasinti imani xarhatani sési jási juramukua, ima pakarasinti imani kúnkurhikua jimpo enka jindeeka achamasi k'eraticha t'arhepencha, enkaksi arhijtsikuak'a, ka inte jintesti enkaksi juramitichani jarhuatak'a, ka johendak'aksi na emenkaksi juramuaka, ka jimposi iámintu juramuticha ma iretani anapu, imechani narasintiksi kurhamarhiani imani ampe enka kanekua ts'uanamu jauaka.

51 4438 pags 1-70 global 1.indd 51

11/11/06 11:14:39 AM

Mokuntsi arini kurhamarhikuechani: Ampe jarhati juramukuecha jarhaski chiiti iretarhu:

Ampe uétarhisini úni ma k'uripu ka isi úni k'éri juramukua jupikani:

Nechaksi arhijtsikpesini ma iretani jimpo:

Juramuticha nechani kurhamarhisini inteni ampe enka kánikua ts'unamu jarhak'a:

52 4438 pags 1-70 global 1.indd 52

11/11/06 11:14:39 AM

Juchari uantakua p'orhe jimpo, uánekua uantakuechaksi jarhasti enkaksi nóteru uranak'a iási jamperi, ka kánikua sési japirinti enkaksi jucha iámintu p'orhecha jarhuajperapirinka ka miauantani imani uantakuechani enka jucha iási anapuecha nóteru uranajkaksi, isiksi mitipirinka na emenkaksi uandaamka tua anapuecha.

Ka istuksi mitipirinka ampe jarhaspi tua jimpo, ima ampe enka jucha nóteru mitikia.

Ari jintestiksi máru uantakuecha enkaksi nóteru mitiaka: Uspi Kuirusi K'uiruni Ch'urhinkua Xananketa iupinu ts'enankua Kurhankurhi je ka karantsi uantakuechani enkaksi noteru uaranak'a iasi jamperi, enka tata k'eri ka nana k'eri mitiaka:

53 4438 pags 1-70 global 1.indd 53

11/11/06 11:14:39 AM

Na enkaksi erakuntak'a juramuti iretarhu anapuechani: Eka tata jefe de tenencia erakunantak'a, tánkurhinasinti iámintu achaaticha enkaksi sési irekani jaka, ka jimaksi tánkurhikuarhu erakuntasinti tsimani k'uiripu, ka tatsikua, k'uiripuecha mák'u kúnkurhintasinti enkaksi uékaaka ma k’uiripuni jarhuatani ka materu istu enkaksi máteru k'uiripu jinkoni jauaka, ka jima miiuperanasinti ka ne emanka sánteru uáni k'uiripu jukaraaka ima jintesti juramuti orhepati ka materu enka no xani uani k'uiripu jukaraaka, ima chúxapaati.

Juramusinti ka mojtsitanasinti mándani uéxurhini, jimak'ani enka jimpani uéxurhini uénaaka miiukurhini.

Tata Comisario comunal arhikata, imat'u isi erakunantasinti iichaksi motsitanasinti tanimu uexurhini jimpo o menchani santeru iontani enka sesi juramuni jauaka.

Acha Juesichani, k'uiripu erakuantasinti imechani enkakasi santeru kaxunpitika. Representante arhikata kuasinti ireteri ampe, echerichani, juatechani, anatapuechani ka istu orhekuasinti k'uiripuechani enka anchikuxhita ireteri ampe jauaka.

Jefe de tenencia ima jintesti enka kuajka ka exeni eska no uarhiperanaaka.

Juesi tenesieri, ima jintestiksi enkaksi sesi jak'untak'a mamaru jarhati uantanietechani k'uiripuecheri ka istuksi jintesti enkaksi jarhuajpik'a arhukutspintani k'umanchikuarhu anapuechani.

54 4438 pags 1-70 global 1.indd 54

11/11/06 11:14:39 AM

Kurhamarhia chรกri tรกatichani na emenka erakunantak'a juramuticha chiiti iretarhu anapuecha ka karanta ixu jรกsi ka na jรกsi juramuticha enka jaka:

55 4438 pags 1-70 global 1.indd 55

11/11/06 11:14:41 AM

Eiankperakua na emanka uéenaka únantaani pirekuechani ka náksi jarhaski tua anapu ka iasi anapuecha.

Uantasintiksi imecha enkaksi jamani jaka jirinantani tua anapu ampe, eski uénaspka pirerani kuerap’irini ampe ka tatsikua úntaspti pirenani mámaru jasi ampe, jimak'ani uératini, úndaspti pirenani inte enkaksi jucha mitiaka pirekuachani.

Uáni pirekuecha tua anapuecha jarhasti enkaksi no káni mitikurhika ka ne emenka úantaka.

Tua anapu ka iasi anapu pirekuechani kurhaaparini xarharasinti eski tua anapuecha. Uantasiamtiksi eratskueri ka materu ampe isi eski pirekua T'amu Joskua.

Materu jarhastiksi pirekuecha enkaksi úntaka t'amu irepita ka tempeni tanimu ekuatse, 1860. imakiksi untaka p'ikuarherakueri ampeksi uantasinti, ka maruteru tsitsikicheeri ampe, mitikaksi iamintuecha enka arhikurhika Tsitsiki Urapiti, turhisi jimpo, Flor de Canela. istuksi pirekuecha uantasinti nanakecheri ampe isi eski Josefinita, Franciskita, ka tatsikuaksi úntaspti pirekua turhisi uantakua jinkoni, ka iumu irepita uexurhinichani jimpo úntaspti kurhaakurhini pirekua eiankukueri, ka uantanietecheri ampe isi eski ima pirekua enka arhikuarhika “A que kanaia este gringo”

56 4438 pags 1-70 global 1.indd 56

11/11/06 11:14:41 AM

Eiankperakua uantakua úraapariani: P’orhe jimpo istu eski máteru jarhati uantakua jimpo usinkaksi jucha eiankperani ampe, uénikua, pirekua ampe jimpo arhip'erani na enkaksi p'ikuarherak'a, ne emanka jinkonksi uantonskurhini jauaka. latuksi úsinka eiamperani, arhip'erani ampe ma uantakua úraparini, jimpokaksi úsinkat'u t'antsirakua ka únarhikakata jimpo arhip'erani ampe.

Isi eski tua anapuecha, eiamperasiramtiksi únarhikukata jimpo isi enkaksi uekanka eiamperani nani emenka úankaksi uáni tsiptichani uantikuani, jiminsi únarhikusiamti anatapurhu, tsakapurhu o nani emenkaksi úamka únarhikuntani ka istuksi úsiamka arhip'erani ampe karakata jimpo.

Eiankpini je ka uantonskurhi uantakua ka t'antsirakua uraparini chaari pámpirichani jinkoni.

57 4438 pags 1-70 global 1.indd 57

11/11/06 11:14:41 AM

T’AMU ARHINSKUA

TSIMANI JOKUKUA JUKSKAKUA

Tua isi p'orheecha tsiri jukskakua jimpo k'uiripesti, jimpokaksi usinka mamaru jasi akua ampe ukuarhita tsiri urapitiri, unasinti kamata urapitiri ka putsutiri, situniri, uanitaeri, ka istu uanita ch'ankaki jukariri, japomata ka maskuta, isi jimpoksi jucha p'orhecha tsitik'a jukskani. Enka jucha uekaka antakutani juchari t'irekuani, jukskasintiksi t'atsini ka jasi, triu ka maruksi k'auasi ampe, istuksi jukskasini sebada ka abena pari uakasi ka xanchakichani ampe t'irerani.

Jucha p'orhecha sapirhati untasinka jorhenkuarhini jukskani mamaru jasi anchikurhita ampe uni enka uetrhik'a jukskakuarhu tahreni, tsirini ka t'atsini ampaatani, k'ani t'atsini ampe, ka istu uni anchikurhini enka uetarhik'a pari materu ampe jukskani isi eska triu o sebada.

Jucha p'orheecha ampakiti usinka jukskani jimpoka inteni jimpo nitamakuarhisinkaksi mentku ma uexurhini, ka enkaksi jatsikorheaka tsiri ka uakasicheri t'irekua noteruksi uantanesinka mentku ma uexurhini.

Tua isi echericha santeru amparhaspti, iasi noteru xania, jo Peru jamaxakaksi utasi jukskani.

58 4438 pags 1-70 global 1.indd 58

11/11/06 11:14:42 AM

4438 pags 1-70 global 1.indd 59

11/11/06 11:14:46 AM

Uantonskurhi ka unarhikuntsi interi ampe enkari arhintaka.

Karantsi ixu ampe emankari kurhankuka ka enkari arhintaka.

60 4438 pags 1-70 global 1.indd 60

11/11/06 11:14:47 AM

Mitiskiri nani k'uanisini k'eri kararatarakua jimpo uéenani Karani: Enkaksi jucha uéenaaka karani k'uanisinti k'eri kararatarakua jimpo karani, Enka ma karakatarhu anaxutakua jukaaka jima t'u kuanisnti tatsikua k'eri kararatarakua jimpo karani, ka jakankurhikua k'uiripuecheri ka iretecheri jimat'u k'uanisinti k'eri kararatarakua jimpo uéenani karani isi eski ariicha: Juanu Tsitsiki Ramoni

P'urhenchikuarhu Karapani P'amatakuarhu

Karantsi ini jarhati karakatechani, k'érati kararatarakuechani úraparini, jima enka k'uaniaka.

Anaxustakua ka mintsikurhitarakua.

Ma karakatarhu k'uanisinti jatsikuntani ma anaxujtakua enka k'amakurhiaka ma k'eri eratsikua; ka istu k'uanisinti jatsikuntani ma mintskurhikua; jima enka k'uaniaka mintsikurhini ma karakatarhu.

Karantsi ma karakata chiiti karanarhikukata enka k'uaniaka inteni úrani enka jindeaka anaxustakua ka mintsikurhikua.

61 4438 pags 1-70 global 1.indd 61

11/11/06 11:14:47 AM

Arhintsi jantiak'u ka lámintuechani jinkoni ini karakatani.

Kúmu juásti tsiríni Jarhasptina meni enka k'uiripuecha iorhekuarhu k'erina japka anarhukuni, noksi uni parhikuni, jimpoka kanikua k'espti, ka jimajkani niaraspti kumu ka isina arhíani.

Ch'atsi no uaka parhikuni, ka jikoruni uaka parhikuni, ka nirani tsiri p'irani jiniani parhikutini.

Jimak'anina kumu xanaru ma uspti, k'eri iorhekuarhu ketsikua inchatsikurhini isi, ka usptina jiniani parhikutini niarani, ka tsiri p'ikunina ka juakuanina tsiri xuani parhikutini.

Kumuna juakuaspti tanimu jasi tsiri, ka istuna niaraspti jeiaki, imani xanaruni jimpo, enka kumu upka, ka juakasptina k'auasiri ka tomeri jukskakua o ikarakua, jimak'ani ueratini k'uiripuecha jatsikurhistina, tsiri, k'auasi, ka toma kuaraki enkaksina jima iorhekua k'erirhu uanamukuni jukskapka.

62 4438 pags 1-70 global 1.indd 62

11/11/06 11:14:47 AM

Jucha p'urheecha karaasinka uĂŠnikuechani ka jimaksi uantasinka na emenkaksi p'ikuarherk'a juchari kĂĄskukua, pirekua, uarhakua ka materu ampe jimpo.

Male Lichita Antitkirisi tantiarik'i uampuchani male Lichita o t'u no tsipesinki male menteruni uexurhini k'uinchikua erontania Xanik'a sesi janaskurhik'a male agostu ka septiembri jimpo mamaru jasi tsitsiki tsipasintia.

TAKI P'ORHE Nori tsipesini taki kuinchikuechani eroantani jimpani xukuparhakua jukantani pirekua ka kustakua kurhantini materu iretarhu anapuechani miteani ka p'imarhiani ka paani t'irerani churhipu ka k'urhunta jinkoni ka miantani nani emanka marhuak'a xanini Xani sesi jarhati p'intekuechani jatsikorhaaka jucha p'orheecha tsipi tsipi taki p'orhecheri uap'eani.

63 4438 pags 1-70 global 1.indd 63

11/11/06 11:14:47 AM

Karantsi uĂŠnikua, pirekua, uantanskua o uarhakueri ampe enka tsiriri ampe uantak'a.

64 4438 pags 1-70 global 1.indd 64

11/11/06 11:14:48 AM

65 4438 pags 1-70 global 1.indd 65

11/11/06 11:14:51 AM

MA ARHINSKUA TANIMU JOKUKUA JUCHARI K’ERI ECHERIO

I echeri arhinasinti Méjiku, ixu irekaxati uánikua k’uiripu enka mamaru jasi uantak aksi isi eski Pai pai, Maia, Maio, Ñahñu, Nahuatli, Mixteku, Sapoteku, Mije, Chontali, Masaua ka materu jarhati uantariecha. iamintuecha isi irekasti eski jucha p’orheecha ka imat’uksi jimak’ani isi janasti irekani ixu enka jinteeka iáasi M’ejiku enka p’orheecha janokaksi, ka ixu enka p’orhecha jaka irekani arhinasinti Michoakani.

Méjiku k’éri echristi ka Michoakani ixu jarhasti uaxastakata, eskiri na exeni jaka ‘unarhikujatarhu, ka p’urhepecheo jiministi enka xunapiti jimpo atantskata jaka.

4438 pags 1-70 global 1.indd 66

11/11/06 11:14:55 AM

Inteni echeri jimpo jarhasti juátecha, pákuecha, japuntecha, iorhekuecha ka k’uiripu enkaksi ixu jaka irekani.

Anchikurhinasinti chkariri ampe úni, tsiri júkskani ka máru japuntarhu anapuecha kurucha p'imanasinti. Eraxamani anapuecha anatapuechani ikaraasinti enka akua ampe jukaaka ka kakakua ampe únasinti.

4438 pags 1-70 global 1.indd 67

11/11/06 11:15:01 AM

Mókuanta k'urhamarhikuechani, jarhuatakuarhiparini enkari arhintaka.

Néecha irekaski Méjiku

Kánksi janoski imecha enkaksi ixu Méjiku jaka irekani

Na arhinasini ixu enka p'urhepechecha irekani jaka

Nani jarhaski uaxastakata Michoakani

Ampeksi ánchikuarhisini p'urhepechecha

68 4438 pags 1-70 global 1.indd 68

11/11/06 11:15:01 AM

Uanda ka karanta na enka jĂĄntika uanondani enka t'u irekaka.

Unarhikuntsi chĂ­iti iretani eska na jantika ka na enkaksi arhikuarhika echari mĂ­ndaecha.

69 4438 pags 1-70 global 1.indd 69

11/11/06 11:15:01 AM

Jirinantsi chíiti táatichani jinkoni jakankurhikueri chíiti iretarhu anapuechani ka karaanta ampe enka arhikuekak’aka antsi isi arhinak’i.

Karhakua

Isi arhinasinti jimpoka iótakuarhu jarhaska irenani o jarhukutini jarhaska

70 4438 pags 1-70 global 1.indd 70

11/11/06 11:15:01 AM

Uénikua jintesti “tsitsiki uantakua” enkaksi sési ampe uantak’atsitsikicheri, juáatecheri, iurhiskiricheri ka máteru ampe eska ari enka ixu jaka karakata.

Echeri Asi jama uarhiperani echeri jimpo inte iamintu chariisti ka nomeniri iamintuecheristi jimpokaksi ixu jarhaski ka nomeniri jucha ampe pa enkasi uarhiaka Ju ia je iamintuecha tsipikua jinkoni anchikurhini parakatsini nana echei inskuakua parisi t’ireni Ju jucha sesi anchikurhini pauani pauani acha kuerajpiritsini miamunte nana echeri enkatsini t’irerani jaka pauani ka pauani.

Untasti: Tata Benjaminu Gonzalesi Urbina achaati no ampe úkua jatsiri.

71 4438 pags 71-141 global2.indd 71

10/26/06 2:31:07 PM

Uantakua antankuti: K’urhamarhikuecha, no ísiikuecha ka ísiikuecha, Uantakua antankuti, jintesti uantakuecha enkaksi úraak’a pariksi úni eiankpini o uandani ma eratasekuani.

Uandakua antankuti k’urhamarhikuecha: jintestiksi uantakuecha ka ertsikua enkaksi úrak’a pariksi k’urhamarhpeni ampe.

Exe arini eranarhikuani:

¿Táati chíiti niraski juátarhu ch'kari p’irani ?

Pariksi úni mítentani uantakua antankuti k’urhamarhikuechani úrasinkaksi ari jasi mindechani; ¿?

Uandakua antankuti no ísikuecha, jinteesti eratsikuecha enka no isi ukuarhikua ampe. Exe arini eranakuani: Táati juchiti no nirasti juátarhu ch'kari p’irani.

Pariksi úni míteantaani uantakua antankuti no ísiikuechani úrasinkaksi arini uantakuani; NO Uandakua antankuti ísiikua, jintesti eratsikua ka uantakuecha enkatsi úraak’a pariksi eiankpini eska úkuarhiska sesi jimpo ampe ma.

Exe arini eranakuani: p’irani.

Táati chíiti nirasti juátarhu ch’kari

72 4438 pags 71-141 global2.indd 72

10/26/06 2:31:07 PM

Unarhikuntsi uapatsikua chíiti iretarhu anapu

Karaa uantakua antakuti úraaparini uantakuecha enkari únarhikukatarhu karaaka.

K’urhamarhikuecha

ísiikuecha

No ísiikuecha

73 4438 pags 71-141 global2.indd 73

10/26/06 2:31:07 PM

Ts’éritakuecha Ts’éritakuecha, jintestiksi míndecha enkasi úraak’a pariksi úni ts’éritani, kuetsaperani ka miiuni, ch'kari, itsi ka tsiri ampe.

K’urhamarhie chíiti táatini ampe enka ixu kétsikua k’urhamarhinani jaka.

Náksi mítisini na xáni kóskaski ka ióskaski cháari k’umanchikua

Na ts’éritasini itsukua ka itsi

Na ts’éritanasini tsíri

74 4438 pags 71-141 global2.indd 74

10/26/06 2:31:08 PM

K’urhamarhie chíini anapuechani na enka xanika ari miiukuecha enkaksi ixu karakuarhika, karaanta juchari anapu jimpo.

7 8 9 11 12 13 14 16 17 18 19

75 4438 pags 71-141 global2.indd 75

10/26/06 2:31:09 PM

TSIMANI ARHINSKUA TANIMU JOKUKUA MARUTERU ANAPU SAPIRHATICHA Máteru iretecharhu jarhastiksi irekani sapicha enkaksi nirak’a jorehnkuarhini jorhentperakuarhu, máruksi turhisi o utusi uantasinti ka máteruecha p’urhepecha uandasinti. lámentu sapiicha turhisi uantaricha ka p’urhe uantaricha, mák’u jasiksi ch’ananchasinti ka jorehnastiksi mámaru jarhati ch’anakuechani, isi eska turhumpu ch’anakua, kanikua ch’anakua, papaloti katatakua, ka tua jimpo uárhukukua ch’ananasinti, ka máteru ch’anakuechani enka jinteeka tarhantukua ch’anakua, ka mámaru jarhati ch’anakuechani.

4438 pags 71-141 global2.indd 76

10/26/06 2:31:14 PM

Máteru iretarhu anapu sapiicha uékapirintiksini mítini, parikatsi úpirinka mák’u jási ch’anani, ka jorhentperantsi mámaru jarhati ch’anakuechani istuksi úpirinka jorhenkuarhini mámaru jarhati ch’anakuechani úani, parakatsi no piauaka, sánteru sési japirinti enkats’i cha úkuarhiapirinka cháari ch’anarakuechani.

4438 pags 71-141 global2.indd 77

10/26/06 2:31:18 PM

Uantonskurhi chíiti pámpirichi jinkoni ka kara jurhentpirini jinkoni imeeri ampe enkari arhintaka.

Unarhikuntsi ma ch’anakua enkari t’u sánteru tsitiaka ch’anani.

78 4438 pags 71-141 global2.indd 78

10/26/06 2:31:18 PM

Jarhasinti méni enkaksi uékaka tarhinchak’a jirinantani ampe ma takukatarhu, ka méni isi kurhamarhinasinti nani emankaksi jirinantaaka imani ampe enkaksi no sési mítika o jorhenaaka, ka uétarhisinti karantani sapichu ma isi eska ari: Ini karakata sapichuni uétarhisinti arini ampe karantani ka isi úni mítini nani emanka jirinantaaka ka arhintaaka.

Ne emanka karantaka takukukatani, urheta apeiudu karaantani.

Na emenka arhikurhika arhinskua.

Náki ireta jimpo uantaski.

Nani emenka únantaka takukukata Ampe uéxurhini jimpo.

Námuni niiukua jimpo karakuarhiski.

Ari jinteesti ma eranakua: Garsia Marselinu, Ismaeli. Uakasi úkuarhini. P’urhe Uantskueri Juramukua, A.C. Uruapani, Mich., 1993. 34 karanarhisti.

Jirina ma takukukata ka jarhuatakuarhiparini chíiti jurhentperini jinkuni karanta na enkari k’amakuka arhintani.

79 4438 pags 71-141 global2.indd 79

10/26/06 2:31:18 PM

Ini unarhikukata jimpo xarharaxati nani emenka pakaraka ireta p’orheecheri, jirinata nani pakaraski chiiti ireta ka atantsi charhapiti jimpo.

80 4438 pags 71-141 global2.indd 80

10/26/06 2:31:20 PM

Karanta ma pirekua enka chiiti ireteeri ampe uantaaka.

Uantanskuarhi je iámintuechani jinkuni ka jirinantsi naniksi na úpirini eiankperani ka ch’anani sapiichani jinkuni enkaksi máteru ireta jimpo anapueka. Axu únarhikunta náki iretechani jimpori uékaprini nirani p’urhempiani o miiuni.

81 4438 pags 71-141 global2.indd 81

10/26/06 2:31:21 PM

TANIMU ARHINSKUA TANIMU JOKUKUA K’UMANCHIKUA JORHENKURHIKUARHU Juchari jorhentperakua sési jaxisti, iámintu sapiicha jima jorhenkuarhisinti karani, ka arhintani, ch’anani, pireni ka uarhani ampe.

Juchari jorhentpirits’ini tsípikua jinkoni jorehntasinti i ámintu sapiichani, ka pasintits’ini juátarhu isi t’irhintsitani.

Jucha kanikua tsípisinka enkats’ini inte juchari jorhentpiri páaka ch’anani, enka jucha kuataraakia jorhentpikuarhu incharini jarhani.

4438 pags 71-141 global2.indd 82

10/26/06 2:31:26 PM

Kanikua sési jarhasti enka iámintu sapiicha niuaka tsípikua jinkoni k’umanchikua jorhenkurhikuarhu sési jorhenkurhini ka kaxumpini, no jámani uarhipini, ka isi jorhenkuarhini sési ampe ka úni sési jarhati karani. Ka enka ma t’arhexeaka o k’eriuaka, úni jarhuaatani máteruechani sési ampe úni; jarhoap’ini sési janskani iretani, ka méntku isi kaxumpikua jinkoni jámani, ka ístu jarhuap’ini kuáni k’umanchikua jorhentperakua, no jiaratpini eskaksi kuirunarhitaaka ka kakanarhitani.

Uétarhisinti jarhuap’ini eska méntku isi sési jási jauaka juchari k’umanchikua jorhenkurhikua.

4438 pags 71-141 global2.indd 83

10/26/06 2:31:30 PM

Uantonskurhi iámintuechani jinkoni na enka jáxika cháari k’umanchikua jorehntperakua ka axu únarhikuntsi.

Karanta axu na enka jáxika chíiti k’umanchikua jorhentperakua.

84 4438 pags 71-141 global2.indd 84

10/26/06 2:31:30 PM

Eskari na mítini jaka, kánikua sésisti jorhenani karani ka arhintani, jimpokachi ísi úsinka eiankperani mámaru ampe, máteru k’uiripuechani jinkoni karakata jimpo, nak’irukaksi iauani isi jauaka irekani karakata jimpoksi úsinka mítini ampe emanka úkurhini jarhak’a márutaru ísi. Sapiicha enkaksi jorhenaka karani ka arhintani, no jamasintiksi kurhankurhini, ampe emankaksi uékaaka mítini, jimpokaksi úsinti arhintani eiankperakuani enka sirantarhu jarhak’a karakata.

Axuksi karasinka ma karakata axatsperakua: T’urhikuarhu, 10 jurhitikua febreru kutsi, 1998 uéxurhini jimpo.

Pámpiri Jose Bautista Kumachuen anapu Erokasinka eskari sési jamani jaka, istu eska chinio anapuecha no ma ampe ukuarhinchaka.

Uékasinkakini eiankuni eska jucha kánikua sési jurhenkuarhixaka karani ka arhintani p’urhepecha ka utusi jimpo, pariksi úni sánteru kánikua ampe mítini. Istuksi chánasinka uárhukua pariksi ma jurhiani nirani andaperakuarhu Ch’erani.

Kurhachisinkakini eskari juuaka k’uínchini juchari iretarhu, enkani no íondani úkuarhiaka juchinio.

Xani ampekini uékasinka arhini arini karakata jimpo, máteru jimpokini karachiaka máteru karakata.

Chíiti pámpiri: Rafaeli Jimenesi Neri. T’urhikuarhu anapu.

85 4438 pags 71-141 global2.indd 85

10/26/06 2:31:30 PM

Eratsintsi na emanka xáni jukaparhakueka jurhenani karani ka arhintani, arini k’urhamarhikuechani arhiansparini. ¿ Ampe marhuasini jorhenkuarhini karani ka arhintani ? ¿Ne jorhenaski karani ka arhintani chiiti k’umanchikuarhu anapuecha ka naksi marhuatasini ?

Karanta ma karakata axatsperakua chíiti pámpirini o chíino anapuni enka máteru irekani, kurhaku jurhentperini eskakini jarhuataaka.

86 4438 pags 71-141 global2.indd 86

10/26/06 2:31:30 PM

Jucha p’urhepechecha sési jarhati pirekuechani ka uénikuechani úantaasinka, ka jimaksi uantasinka na emenkaksi p’ikuarherak’a iámintu ampe jimpo enkaksi ini parhakpini jimpo jatsikurhika.

Tsitsikecheri, uachicheri, jóskuecheri, juátecheri ka materu ampe, ka ini ampe kurhantiparinksi juchaksi mintsitechani tsiperaasinka.

Ka ixuksini nirasinka karachini ma pirekua, arhintsi ka pire iámintuechani jinkoni. Untasti Tata Jasinto Brabu, Angauani anapu.

MALE ROSITA Sapichitu eratankinisi, ji no uékamka t’u Rosita sapichitu eratankinisi ji no uékamka eskari kompromisu jatsipirinkia tumpichani jinkoni sikierakari eskuela primaria kumpliripirinka arini uéxurhinia seksto anio kumplirini luego luego sekuntariarhu ia Asirini k’uratsitia ijita mia, ai, ai, ai sikierakari eskuela primaria kumpliripirinka arini uéxurhinia no enkari t’u lapisi kuadernu ka libruechania isi jurak’uakia.

87 4438 pags 71-141 global2.indd 87

10/26/06 2:31:31 PM

Kurhankurhi ka karantsi ma pirekua ióntki anapu.

Karantsi ma uénikua enka chíiti jurhentperakueri ampe uantaaka.

88 4438 pags 71-141 global2.indd 88

10/26/06 2:31:32 PM

Kánikua sési jarhasti juchari mimixekueri karantani takukukatecharhu, karantani juchari uantakueri ka etsikueri ampe, ka úni isi jorehndaani sapi p’urhepecha uantarichani, jimpoka juchaksi kurhankuntasinka tsimani uantakua jimpo, turhisicheeri ka p’orheecheri, isi jimposi uétarhit’i jorhenkuarhini karani ka arhintani juchari anapu jimpo, ka úni sési jorhenkuarhini juchari píntekuechani ampe.

K’urhamarhia chíinio anapuichani, náksi eratsisini inteni ampe enkari k’amakuka arintani ka axuri karantaaka.

Arhinta inteni karakatani, pariksi iámintu jurhenkuarhiricha úaka uantantskuarhini ménteru, enka jukaparhakueka o no ampe, jurhenkuarhini mítini juchari ampe.

89 4438 pags 71-141 global2.indd 89

10/26/06 2:31:32 PM

T’AMU ARHINSKUA TANIMU JOKUKUA K’UILICHI CH’ANAKUA

4438 pags 71-141 global2.indd 90

10/26/06 2:31:37 PM

K’uilichi jintesti ma sési jási ch’anakua, k’uilichi tua anapu ch’ananakuesti ji jorhenaska k’uilichi ch’anani k’uilichi Ankauani ka Parhikutini anapu achaaticha ch’anasinti Ankauani utasi mandan uexurhini ch’ananasinti Nana uarhi agostueri k’uínchikuarhu t’erunchiticha ch’ananasinti.

Jima jorhenkuarhinasinti tumpicha na enka ch’ananaaka ka na enka miiukuarhika ch’kari ch’anarakuecha ji mítiska ne enka xaniiika siki, k’uilich jerjpatse, katari ka ikuasi, jaue jucha jorhenkuarhini k’uilichi ch’anani jimpoka k’uilichi ch’anakua jinteska p’orheecheritua anapu ch’anakua

Karasti: Valente Soto Bravo Ankauani anapu

4438 pags 71-141 global2.indd 91

10/26/06 2:31:41 PM

K’uilichi atakuarhu úsini ch’anani, támu ka kuimu k’uiripu jamperi, tsimoru jakaandani úkuarhiparini mándani tsimartuni ka táchani jamperi, márku úkuarhiparini enkaksi márku ch’anaaka.

Ménchani jarhasinti enka jauaka tanimu o iúmu ch’anaricha, jimak’ani úsini tsimoru úkuarhini, enkasi tanimuuaka ch’anaricha mapuru ch’anasinti tsimani ka máruteru jakaandani úsini ma ch’anarik’u tsimani ch’anariri ch’anani.

Ekats’i uékaaka k’uilichi ch’anani uetarhissinti k’uilichi ch’anarakua kuirutsikata, materu ampe enka uetarhik’a jintesti t’ámu chkári arhakukata kupamueri ka ima enka móskunak’a úsini úrani t’atsini, tsíri, tsakapu sapirhati o máteru ampe.

Xarhatakua na emenka miiunak’a k’uilichi ch’anakua

92 4438 pags 71-141 global2.indd 92

10/26/06 2:31:41 PM

Enkats’i uékaaka k’uilichi ch’anani, úkurhini k’uilichi ch’anarakuani, uétarhisini: siranta, k’ereri o tsakapu kósti ma, ka jima kuirutsitani úni enka miiunantaaka enka xáxika eski na únskata jaka ini arhinskuani jimpo.

Máteru ampe enka uétarhik’a, jintesti t’ámu chkári arhakatecha kupamu p’atamueri, tsimani kutukua uarhoarakata teruk’ani arhakukata tsimani chkári kuiruparhakuanasinti, ma matsiriparhitanani, ka máteru jurhimtku uanopamakuanani, isi eski na jaka narhikukata ini arhinskuani jimpo.

Karanta uantakuechani enkari no úk’a sési kurhankuntani ka kurhankurhia ampe emankaksi arhikuek’a.

93 4438 pags 71-141 global2.indd 93

10/26/06 2:31:42 PM

Jonhenkuarhi na emenka miiunak’a p’orhe jimpo únarhikukatechani exepariani:

94 4438 pags 71-141 global2.indd 94

10/26/06 2:31:43 PM

Miiunta iúmu ekuatsi uéenani ka ma irepitarhu k’amarani, uanoch’akuparini ma ekuatsi, tsimani ekuatsi ka ma irepitarhu k’amarhukuni.

95 4438 pags 71-141 global2.indd 95

10/26/06 2:31:44 PM

UARHUKUKUA CH’ANAKUA Uárhukukua jintesti máteru p’orhepecheri ch’anakua, uárhukukua ióntki anapu ch’anakuesti, útasiteruksi ch’anasinti máru ireta p’orhepecharhu, uárhukukua ch’anakuarhu nompema andaperasinti nompema euakuarhperasitni, ampakiti ch’anakuesti kánikua tekaantskua uétarhisinti.

Ini ch’anakuarhu úatiksi iámintuecha ch’anani sapirhati, tumpicha ka k’eraticha.

Ch ‘anakuarhu no uétarhisinti tumina úrani sánteru úranasinti iamu ampe enka juatarhu isi jukak’a eski uarhakutarakuecha ka tarhantikua enka xananketeri o takusiri úak’a.

Karanta ampe ka ampe emanka ch’anak’aksi iási anapu sapiicha.

Kurhankurhi ampe emankaksi ch’anamka cháari táaticha.

96 4438 pags 71-141 global2.indd 96

10/26/06 2:31:45 PM

Unarhikuntsi ch’anakuechani enka cháari táari táaticha ch’anamka.

Karanta ma ch’anakua ixu imani enka t’u kurhankurhika na enkari sánteru tsitika:

97 4438 pags 71-141 global2.indd 97

10/26/06 2:31:46 PM

MA ARHINSKUA T’ÁMU JOKUKUA JUCHARI ECHERI

Sapirhaticha, marhuasinti, Eska ementa iorhekua no Késkuaka echeri, ima Chopentskasinti ka isi Juchari echericxha no k’amakurhisinti xani kókani

4438 pags 71-141 global2.indd 98

P’urheecheri echeri jimpo jarhasti juátecha, jimasi tsikisinti p’ukuricha, urhikuecha, pananksinicha, xararicha ka mámaru jási uitsakuecha istu anhatapu k’eraticha ka uitsakua

10/26/06 2:31:51 PM

Istuksi jarhasti pákuecha enka jucha p’urheecha tsíri jatsika, t’atsini, purhu, pipinasi ka sáni jáasi ampe.

Enkaksi na p’ikuntakia i ampe p’urheecha marhuataati nitamakuarhirani.

Jarhastiksi ístu iórhkuecha enka p’urheechani marhuakuk’a pariksi ikaraani ka t’eparaani anatapuechani enkaksi akua ampe jukak’a isi eska enanti, kupanta, k’auasi ka mámaru jási xaka ampe.

Jucha p’urheecha jatsiska juchari echerini jimpo japunta enka marhoak’a pari kuruchecha jatamini ka k’uiripu enka jima irekaka kurucha jupiasinti ka p’atsimu ampe p’ikusinti pari k’uírakua úani ka mámaru ampe úkatechani ka atarantaasintiksi k’érati iretechachu.

4438 pags 71-141 global2.indd 99

10/26/06 2:31:55 PM

lámintu iretecha jatsisti ampe, ini parhakpeni jimpo enka nitamakurhitaraka ka nóksi k’arhimani ka sési xukuparhani, jimpoka jucha p’urheecha no sáni xépiska, jucha kánikua ánchikuarhisinka.

Karanta ampe enkari kurhankuka ini arhinskuani jimpo enka arhikuarhika “Juchari echeri”

P’urheecheri echeri mínkurhikua Enka uéenapka irekanani p’ureheecha ixu Michoakani, iámintu echericha iretespti ka ne emanka uétarhinchamka echeri irekakua o júkskakua intsinasirenti ka imani jinkoni nitamakurhitarasirenti. láasi jamperi iápuru iretecharhu jarhasti útasi intsimpenak’a ka imani iretechani jimpo enka turhissicha niáraka irekani, imaksi piákurhisinti sanititu eskaksi xani úreeka ka imeecha imani mínkurhisinti ka nóteruksi úsinti ireteri echerini jimpo inchaakuni ka p’oreheechani no nema piákusinti jimpoka imechaksi jima anapueska ka echeri imecheristi.

100 4438 pags 71-141 global2.indd 100

10/26/06 2:31:56 PM

Uantanskuarhi je iámintuechani jinkuni na enka mínkuarhinaka echeri cháari iretarhu.

Uénikua P’orhe P’orhe, mitixakiria ampe marhuasini Chiiti uandakua?

P’orhe, mitixakiria ampe uétarhinchasini chiiti japonda?

P’orhe, asi mirikurhi chiiti uinapikuani p’orhe tsinarhi ia chiitisti iámindu ambe, P’orhe uétarhixati eskari sesi anchikuarhiokari p’orhe asi mirkurhi chiitichani p’orhe asi jurajkutakuarhi ka míanta eska ióntki anapuecha nómeni jurak’utakurhispkaksi. úntasti: I. Sïkui Uxuajpa

101 4438 pags 71-141 global2.indd 101

10/26/06 2:31:59 PM

lámintu juchari uantakuecha juchari anapu jimpo uéenakurhisintiksi maru kúsimukua jimpo ka máruksi arhimukutarakaua jimpo, ka iámintuksi arhimukutarakua jimpo k’amarhusinti.

Karaanta uantakuechani enkaksi kúsimukua jimpo uéenakuarhik’a.

Karaanta uantakuechani enkaksi arhimukutarakua jimpo uéenakuarhik’a

102 4438 pags 71-141 global2.indd 102

10/26/06 2:31:59 PM

Karaanta mĂĄmaru jĂĄsi uantakuechani anatapuecheri, akuecheri ka terekuecheri jimini enkakini arhini jaka ka ma akandani Ăşnarhikuuanta.

Anatapuecha

terekuecha

akuecha

103 4438 pags 71-141 global2.indd 103

10/26/06 2:32:00 PM

Karaata mámaru jási uantakuechani enkaksi pitakatecharhu jaka, jimini enkakini arhini jaka. káraticha

jáxekuecha

tsípiticha

104 4438 pags 71-141 global2.indd 104

10/26/06 2:32:02 PM

Kara ampe enka arhiani jaka tatita sapirhatichani

105 4438 pags 71-141 global2.indd 105

10/26/06 2:32:04 PM

TSIMANI ARHINSKUA T’ÁMU JOKUKUA JUCHARI K’ERI ECHERI Juchari k’éri echeri arhinasinti Méjiku, ixuani ka ixuani jakandani jarhasti tsimani k’érati juátechani ma enka arhinaka Sierra Madre Oriental ka máteru Sierra Madre Occidental, jimaksi irakasti mámaru jarhati tsípitiecha, uitsakua ampe ka k’érati anatapueecha.

Juchari Méjiku kánikua sési jantisti jimpokach’iiámintu ampe jatsikuarhiska noksi t’sunamu nitamakuarhisinka jimpoka kánikua ampakiska juchari echeri.

4438 pags 71-141 global2.indd 106

10/26/06 2:32:09 PM

Istuchi jatsikuarhiska k’érati úkua ampe, uantakuechani táchani jarhati, uarhakuechani táchani jási jakak’ukua ampe.

Juchari Méjiku táchani jási uántanasinti, turhisi jimpo, náhuatl, masaua, p’orhe ka uánikua ampe.

Uékasinkach’i, juchari k’éri echerini jimpoka jucha ixu andap’inuska ka jimpoka juchari táaticha ka juchari echericha ka iámintu ixu anapuk’uiripuecha mák’ueskachi Mejikanu arhikaticha.

Uétarhisinti sési kánkurhini ka nóksi jurak’uni eskaksi no sési kamaaka juchari Méjikuni.

4438 pags 71-141 global2.indd 107

10/26/06 2:32:12 PM

Jánkuarhintsi kurhankuntani inteni karakatani enkari k’amaraka arhintani ka uantanskuarhi je iámintu jorhenkuarherichani jinkuni, enkats’i mák’u jási jaka jorhenkuarhini ka únarhikuntsi ixo inteni ampe enkari uantonskuarhika iámintuechani jinkuni.

Karaanta uantakuechani enkari no úka sési kurhankuantaani, ini arhinskuani jimpo enka arhinak’a “Juchari k’éri echeri”, jarhuatakuarhi chíiti jorhenkuarhirini jinkuni.

108 4438 pags 71-141 global2.indd 108

10/26/06 2:32:12 PM

lámintu jucha p’urhepechecha kurhankutsperasinkaksi, jóperu jarhastiksi máru uantakuecha enkaksi ménteruni arhik’a ma ireta jimpo, ka nóchkaksi mák’ueni antamuerasinka uantani.

Ariksi jintesti máru uantakuecha enkaksi no iámu mák’ueni arhik’a.

Cherani

purhu

K’ápakuarhu

pulu

Ch’erani

itukua

Játs’kurini

etukua

Ch’erani

k’umanchikua

Tarekuatu

K’uta

Ch’erani

karani

Anaani

karrani

Nóksi iámintuecha mák’ueni petamusinka uantani, jo peru iámintuechachi mák’ueni karaaka.

Kara kastia anapu jimpo, ampe enka arhikukuek’a

xexakua, xaxakua, k’uiritsi jiúmatakua, xumatakua ts’ame, jiuatsi xupakata, k’uetexkurhata ichuskuta, kurhinda atache, k’uanintikua, kobijoni tánarhikua, tatsunarhikua, k’uanarhikua t’ontasi, téxkurhita, tuntukusi atachi, mantelasi, irhinarhi 109 4438 pags 71-141 global2.indd 109

10/26/06 2:32:13 PM

Juchari echeri Méjiku jatsiasti mámaru móparhikua anapu, k’érati echerichani, enka karhakua jaka arhinasinti Estados Unidos de Norteamerika ka enka kétsikua jaka arhinasinti Guatemala ka jiniani ka jiniani k’érati japontecha jarhasti, ma jurhiati uérakuarhu jarhasti enka jakankurhinak’a Oseano Atlantiku ka máteru jurhiata inchakuarhu Oseano Pasifiku.

Isiksi jati juchari echeri ma uanondani enka jinkoni pínkurhika.

EUA

GOLFO DE MÉXICO

TROPICO DE CANCER

QR

GTO.

O JALISC

O.

N

N

CÁ OA

MEX.

CH

MI

GUE

RRE

RO

BELICE

.

CO L

OCEANO PACÍFICO

GUATEMALA

110 4438 pags 71-141 global2.indd 110

10/26/06 2:32:14 PM

lápuru iretecharbu jarhasti k’uiripu enka no jatsika ánchikurhita o jatsikurhikua ampe, ka ekaksi sanitku andak’a ka nóksi andankutani uáp’echani t’ireraani, imaksi nirasinti jiniani parhikuni Estados Unidos ánchikurhita jirinani, ka máruksi no parhikusinti jiniani jo peru uéakusintiksi imeecheri iretarhu ka k’érati iretecharhu jimpoksi nirani ánchikurhini.

K’urhankurhi namuni k’uiripu chíiti iretarhu anapu norti isi jarhaski ánchikurhini ka namuni k’uiripu jarhaski ánchikurhini máteru k’érati iretecharhu, ka na eratsesini juchari táaticha imani k’uiripuecheri enkaksi uérakua isi nirak’a ánchikuarhini.

Ixu karanta:

111 4438 pags 71-141 global2.indd 111

10/26/06 2:32:14 PM

Karaanta máru pirekuechani enkaksi imani ampe uantaaka, enkaksi uérakua isi nirak’a ánchikuarhini jorhentpirikini jarhuataati.

Ixu únarhikuntsi na enkari eratsik’a eska na ninak’a ka na enka irenaka k’érati iretecharhu.

112 4438 pags 71-141 global2.indd 112

10/26/06 2:32:14 PM

Cháari jorhentpirini jinkuni jarhuatakurhiparini k’urhankuarhi náksi nitamakuarhisini ima k’uiripuecha enkaksi norti ka máteru k’érati iretecharhu jimpo nirak’a ánchikuarhinksi ¿ts’unamu jarhaski o no sáni?

Ixu karantsi:

113 4438 pags 71-141 global2.indd 113

10/26/06 2:32:16 PM

T’ÁMU JOKUKUA

4438 pags 71-141 global2.indd 114

TANIMU ARHINSKUA TSIPITICHA

10/26/06 2:32:20 PM

Juchari echeri jimpo kánkurhiasinkaksi iámintu jarhati tsipitichani.

Enkaksi utusicha o turhisicha juka jucharini jimpo ima’tuksi juáspti máteru jarhati tsipitiechani.

Imaksi juáasti karichichani, kúchichani, uakasichani, tekechuechani ka chanchakichani.

Inteksi tsipiti k’érati Marhuasinti ka jarhuasinti achamasichani k’uetsapiti ampe móskuani.

Juatarhuksi jarhasti tsipiticha k’érati ka Sapirhaticha, enkaksi kárak’a ka no káratiecha.

Imankaksi urapenarhicha juáaka, marhuasintiksi enka jucha jarhuatataraka nitamakuarhitarani.

Tsípiti juátarhu anapuecha chérikurhisti, imaksi máru t’inapisinti ka máruksi katsarhpini ka jarhastiksi máru sési jarhaticha enkaksi no ampe ma útspik’a, eska axuni,

ima no t’inap’isinti ka no tatsarhpini ka ne emanka exka tsitisinti eska auani isi sési jáxiska, ka mítiskaria eska uánekua ampe jarhaska ini parhakpeni jimpo.

4438 pags 71-141 global2.indd 115

10/26/06 2:32:24 PM

Karaanta tsípiticheri jakankurhikuechani enkaksi ixu anapueka ka enkaksi turhisicha juáaka.

Ixu anapuecha

juákatecha

Unarhikuntsi ixu tsípitichani ka ts’éntakuantsi na emankaksi uerak’a ka na enkaksi jámka.

116 4438 pags 71-141 global2.indd 116

10/26/06 2:32:24 PM

Na emankaksi eiankperak’a ampe, k’uiripucha ka tsipiti manakurhiricha. lamintu manakurhiricha ini parhkpini jimpo utarhinchasinti arhp’erani o mítini nani jarhaski t’irekua ampe o sani eiankperani p’ikuarherakua ampe.

K’uiripuecha eiamperasinti máteruchani jinkoni, uantakua jimpo, karakata jimpo, nik’urhakuni o nínarhikuni, ístuksi úsinka iáasi úrani imani iauani uératini arhintikoerakuani jimpo.

Manakurhirichaksi no uantasinti, imechaksi eiankpesinti o eiankperasintiksi kutsikua manatani, p’untsurani, tsankuarani o uantsikuarhini ampe.

Isi eski uíchu enka tsípini jauaka tsánkuaratspisinti ka ch’éti manatani.

Uantontskurhi je enkaksi eiankp’ik’a o eiánkperaka mámaru jarhati manakurhiricha ka karanta ixu.

117 4438 pags 71-141 global2.indd 117

10/26/06 2:32:24 PM

Mámaru jarhati karakatecha jarhasti enkaksi k’uiripuecha úrak’a, eiankperatarani o uantap’eratarni, ka ixuksi nirasinka eiankuni na emankaksi karanantak’a: KARAKATA AXATSPERAKUA Uéenani karanasinti; nani enka uératini karakuni jaka ka ampe juriatikua jimpo karakuxaki, isi eska ari: Nani uératini ka jurhiata: K’apakuarhu, Mich., ma jurhiatikua febreru kutsi 1995.

Uantap’erakua: Juchiti náandi kánikuakini jirinantasinka, ixukini axachisnkaka ini karakatani ka uantontskurhikua, eiankunkini eskani intsinantasksa enkarini t’u axachika, ka ási uantanie, kánikua tsípiska enkarini míaka ka tata kuerap’irikini meiamuntaati.

K’amarhukukua: Chíiti uátsi enkakini kánikua míak’a ka uékankini.

Jakankurhikua ne emanka axani jaka karakatani.

Juan Pérez Tzintzun.

UANTAKUA AXATSPERAKUA Uéenani karanasinti: Jakankurhikua neemankani axakuaka.

Uantakua: ampe emanka uékaka uantakua axakuni.

Jakankurhikua: ne emanka axani jaka uantakua.

EIANKPERAKUA Eiankperakua: karantani ampe emanka uékaaka eiankpeni.

Jakankurhikua: ne emanka eiankpeni jaka

118 4438 pags 71-141 global2.indd 118

10/26/06 2:32:24 PM

Karanta ixu ma karakata axatsperakua:

Karanta ma uantakua axatsperakua

Karanta chĂ­iti sirantarhu ma karakata eiankpekua.

119 4438 pags 71-141 global2.indd 119

10/26/06 2:32:24 PM

lápuru iretecharhu jimpo úrasinkaksi mámaru jarhati karakaka enkats’ini marhuachik’a eiankpeni ampe.

Ariksi jinteesti máru enkaksi jucha urak’a eíankpitarani ampe.

KARAKATA JUKANARHIKUA ima jintesti enka mánarhitanak’a jimaesi enka úaka arhintani ka isi mítinani ampe, isi enka nani iretecharhu ma niárani jauaka ma k’uínchekua únantasinti ma karakata jukanarhikua ka iápuru iretecharhu axanani ka isi úni eiankpini ampe ka ampe enka úkuarhini jauaka iretecharhu.

EIANKPERAKUA. Jarhasti máteru karakata enka marhuak’a pari eiankpini ampe, ka etsakuni karakatani ka isi úni mítitarpeni. Enka ma iretani jimpo niáraaka ma tsinap’iri úsinti ma karakata eiankperakua úni ka etsakuni iápuru iretani jimpo ka jima uanondani iretecharhu ka isi únasinti arhintani ampe enka karakata arhiaka.

JANARHIKUA KA NIK’URHAKUA AMPE: Istuksi úsinka uantanskuarhini nínarhitsperaparini o nik’urhaparini ka sánkani arhini eiankpeni ampe.

120 4438 pags 71-141 global2.indd 120

10/26/06 2:32:25 PM

P’ureechari Ch’anakua

TIEKU K'UILICHI TS'EKPERAKUA TSAKAPU UARHUKUKUA

Diseño: José Bernechea /Ilustración: José Luis Soto

Jauati Angahuani iretarhu Tsimani ka tanimu jurhiatikua noviembreri kutsi jimpo 1996

Unta je máru karakata jukanarhikuaechani, uantantskua ka únarhikuanta janrhikua ka nik’urhakua enka marhuauaka eiankpeni na emankaksi úaka sési kuách’akuni, tarhetani, juátechani, itsini, tsípiti manakurhirichani ka no manakurhirichani ka iámintu juchari iretechani.

121 4438 pags 71-141 global2.indd 121

10/26/06 2:32:27 PM

T’ÁMU JÓKUKUA T’ÁMU ARHINSKUA SAPIRHATI MATERU JASI UANTARICHA Ixu k’éri echeri jimpo enka arhikuarhika Méjik, jarhastiksi irekani tataka sapirhaticha enkaksi máteru jási uantak’a ka ménteruenksi xukuparhani. Karhakua isi anapuecha uantasinti Maio, láki, Uicholi, Raramuri ka máteru jarhati uantakuechani, Istuksi jarhasti uantaricha enkaksi terupeni isi irekaka ini k’éri umpaakukua enkaksi arhinak’a Ñahñu, Masaua ka Nauatl uantaricha. Irekastiksi máteru uantaricha kétsikua isi anapuecha enkaksi arhinak’a Sapoteku, misteku, Mije, Chontali, Tsotsil, Maia ka máteru jarhati uantakuaecha. lámintu tataka sapirhaticha máteru isi anapuecha, ménteruenniksi xukuparhasinti ka ménterueniksi irekasti, jimpoka nani kánikua t’inamintisti o aparhikurhisinti ka máruteru isi kánikua ts’irakuarhisinti, ístuksi máteru jasi ampe ánchikuarhisinti.

4438 pags 71-141 global2.indd 122

10/26/06 2:32:32 PM

lamintu k’érati ka sapirhati k’uiripuecha enkaksi ixu Méjiku irekaka, enkaksi máteru jasi uantarini jorhenastiksi sesi jasi ampe úkata úani ka ístu sapirhatkuksi úntanasinti sési jási ampe úni, istuksi jarhasti irekani ixu Méjiku tataka ka nanaka sapirhaticha enkaksi jorhenaka sesi jási ch’anarakuechani ampe úani ka imat’uksi nirasinti jorhenkorhekuarhu, jorhenkurhini karani ka arhintani ka mámaru ampe janaskati. ¿ Nóri tsitisini mítiani ?

4438 pags 71-141 global2.indd 123

10/26/06 2:32:35 PM

Mókuntsi inteni k’urhamarhikuechani enkari ixu kurhamarhinani jaka ka karanta inteni kuirutsekatani jimpo.

Na arhinasini arhinskua enka jukanarhika t’ámu arhinskuarhu:

Ampe jási uantakua uantanasini imeecha enkaksi karhamani isi irekaka:

Ampe jási uantakua uantanasini imeecha enkaksi kétsikua isi irekaka:

Ampeksi jorhenaski ánchikuarhini máteru jási uantaricha:

124 4438 pags 71-141 global2.indd 124

10/26/06 2:32:35 PM

P’urhe uantakua jimpo jatsiaskaksi uantakuechani enkaksi míntaak’a iámintu ampe enkaksi ini parhakpeni jimpo jaka, ístuksi jarhasti uantakuecha enkaksi k’uiripu jakankurhitarak’a ka íksi jinteesti: ji t’u ima jucha cha o t’ucha imeecha o ts’ima Arhintsi ini karakata sapichuni: Juánu ka Pánchu jinteestiksi tsimani tataka sapirhaticha, imaksi tsimaarhani ch’anasinti.

Pánchu arhisinti Juanuni, t’u jua chíiti turhumpuni ka ji juáaka juchiiti piruakuani ka ch’anakachi tsimaarhani ka cha ka imaechats’ini exeati.

Jirinantsi ini arhinskuani jimpo jakankurhikuechani ka jakankurhitarperakuechani ka axu karaanta: Jakankurhikuecha

Jakankurhitarperakuechani

125 4438 pags 71-141 global2.indd 125

10/26/06 2:32:36 PM

Isi eski máteru arhinskuecharhu na jaka karakata, uantakua niátakuecheri ampe p’urhe jimpot’u jarhasti máteru uantakua niátakueri ampe, enka marhuak’a uantani imáni ampe enka sánteru iónika enka niátanaka, enkaksi karaaka ini jarhati uantakuechani k’amarhukusinti: SIRAANKA ka SIRAANTI jimpo, isi eska ariicha: ji ánchikuarhisiraanka t’u ánchikuarhisiraanka ima ánchikuarhisiraanti cha ánchikuarhisiraanka jucha ánchikuarhisiraanka imeecha ánchikuarhisiraanti Karanta uantamukuechani isi eski ixu na karakata jaka, arini uantakua niátakua úrapariani.

Pireni

ch’anani

126 4438 pags 71-141 global2.indd 126

10/26/06 2:32:36 PM

Jurhenkuarhikuarhu jarhasti enka takicha ka jorhentpiricha úk’aksi k’éri siranta enka arhikuarhik’a eiankpekueri manarhikukata.

Jima únantasinti karakata enka ampe na úkurhini jarhak’a, pirekua, ch’anakuecheri ampe, sési xukuparhakua ka tsípikuarhikua ampe ka ima enka sánteru sési jasi úntaaka jima jatsinarhikunantasinti, ka iámintuecha exesinti, jimpoka uérakua jarhasinka.

Jorhentpiricha íni eiankpekueri mánarhikukuani úrasinti imani jurhiatekuecharhu enkaksi míauantak’a k’érati k’uiripuechani enkaksi sési marhuakuak’a Méjikuni ka jimaksi mánarhitasinti karakatechani enkaksi imani k’uiripuiri ampe uantaaka inki imani jurhiatikua míanantaaka.

Ari jasi ma únantasinti enka ixu únarhikukata jaka: EIANKPERATARAKUA ORHEPATI

127 4438 pags 71-141 global2.indd 127

10/26/06 2:32:36 PM

Míantsi mámaru jarhati arhinskuechani ka ampe enkari jorhenkuarhika iáasi jameri, ini takukukatani jimpo ka karanta ixu na enkari eratsika íicheri ampe.

Karanta ixu ampe enkari karakata uékak’a t’u karantani, enkari úaka eiankperatakuarhu manarhitani:

128 4438 pags 71-141 global2.indd 128

10/26/06 2:32:37 PM

4438 pags 71-141 global2.indd 129

10/26/06 2:32:41 PM

MA ARHINSKUA

IÚMU JÓKUKUA

JUCHA P’ORHEPECHECHA Jucha p’orheecha irekaska iapuru iretecharhu enkaksi jaka, eraxamani, juatarhu japontarhu ka tsirontarhu.

Jatsikuarhiaskaksi juatehcani pakuechani, iorhakuechani ka japontechantu.

4438 pags 71-141 global2.indd 130

10/26/06 2:32:46 PM

Jucha p’orheecha mítiska ánchikurhini, iámintu k’uripuecha, sapirhaticha ka k’eratiecha jarhoapa’ erasinkaksi iámintu anchikuarhita ampe úni.

Japuntarhu anapu tatakecha Kurucha jupiasinti ka nanakecha úmasinti t’irekua ka uarhiiticha ínspikuarhisinti úkata máteru iretecharhu.

4438 pags 71-141 global2.indd 131

10/26/06 2:32:50 PM

Tsirontarhu o siénega arhikata anapuecha júkskasinti tsiri ka t’atsini, t’arhexerasintiksi uákasichani ka máteru jási manakurhiricha.

Eraxamani anapu k’uripu anatapueecheri ikarasinti enkaksi akua ampe jukskak’a, ka isiksi marhuatasinti itsi iorhekuani enka nitamani jaka tempeni ma iretechani jimini anapu.

Juátarhu anapuecha chkari ka tsakapueri úkata ampe ánchikuarhinasinti ka tsiriksi ampe júkskasinti.

Jucha p’orheecha sési jási kústakua jatsiaska, ka istu pirekua ka uarhakuechani jamperi ka úasinkaksi k’erati k’uichikuechani jimpoka jucha jarhoap’erasinka iámintuecha k’uíchikua ka ánchikurhita úani juchari iretecharhu.

Jatsinarhuku eska na isiuaka Ireta eraxamani anapuecha ( ) ( ) ( ) ( )

Ireta japuntarhu anapuecha ( ) ( ) ( ) ( )

Ireta juátarhu anapuecha ( ) ( ) ( ) ( )

l.- Ichan, 2.- Tarejero, 3.- Pamatakuaro, 4.- Chilchota, 5.- Jarakuaro, b.- Charapan, 7.- Tsintzuntzan, 8.- Naranja 9.- Ankauani, 10.- Azajo, 11.- Akachueni, 12.- Cheran 13.Tirintaro, l 4.- Ihuatzio, l 5.- Purenchekuaro 132 4438 pags 71-141 global2.indd 132

10/26/06 2:32:50 PM

Atanta xunapiti jimpo juátarhu, eraxamani tsipanpiti jinkoni, tsirontarhu tsiranki jimpo ka japuntarhu chupipiti jinkoni.

Kara na enka úkuarik’a k’eri kuinchikua chiiti iretarhu.

133 4438 pags 71-141 global2.indd 133

10/26/06 2:32:51 PM

Exe ka uantonskurhi chiiti jorhentpirini jinkoni ka mĂĄteru jorhenkurhirihca ampe enkari exeni jaka Ăşnarhikukatecharhu.

134 4438 pags 71-141 global2.indd 134

10/26/06 2:32:53 PM

Enkaksi uantonskurhiaka úrasinkaksi mámaru járhati uantakuechani, ka sapirhatichani ka ma k’ératichani, ka méntku isi jarhasinti ne enkari uantaaka, ka máteru jarhasti enkari uantak’a ampe emenka úaka.

Uantakuakuecha enka uantak’a ampe enka uní jaka Nirasinti tata Juánu ampaatani pákua isi Tumpi niuati iuini Axuni uiriasinti juátarhu karhamani Kurucha japuntarhu p’imanasinti Sési jási tsiri p’ikuanasinti tsirontarhu.

135 4438 pags 71-141 global2.indd 135

10/26/06 2:32:54 PM

Arhintsi Michoakani anapu echerini ka jatsikuntsi nani emenka isi uékaaka náuatl, masahu ka p’orhe uantaricha ka karanarhikuntsi inteni únarhikukata Michoakani echerini jimpo, uantonskurhi cháari jorhentpirini jinkoni ka sési úntee.

136 136 4438 pags 71-141 global2.indd 136

10/26/06 2:32:57 PM

Uantoskurhi ampe enkari mítika ch’anani p’orhecheeri ampe ka karata ixu.

Papaloti Kanikua ch’anakua Turhumpu k’ulichi k’insa abioniri ampe t’ itatakua

137 137 4438 pags 71-141 global2.indd 137

10/26/06 2:33:00 PM

Kara miiukueri p’orhe jimpo. turhumpu

tsakapuecha

xanicha

uaxantsikuecha

kuruchecha

tsikatecha

tsuntsuecha

tsitsikicha

kanikecha

p’ukuricha

138 4438 pags 71-141 global2.indd 138

10/26/06 2:33:01 PM

139 4438 pags 71-141 global2.indd 139

10/26/06 2:33:03 PM

TSIMANI ARHINSKUA

IUMU JOKUKUA T’IREKUECHA

Enka nanaecha umantak’a t’irekua pauani ka pauani méntku isi áspiti ampe úmanantasinti.

Enka táati niuaka juátarhu isi ima juasinti terekua, o purhu tsipataka tiriapu.

Ka náanti úntasinti ka kánikua áspini enka ima úmantak’a ampe ma, isi jimpo jucha m’intku isi t’iresinka iámintuechani jimpoka tata k’ériisi kókani k’uiripini ka iámintu ampe arhani enka náanti na intskuaka parakatsi no p’amenchaaka, ka sési uinapini ka kókani jorhenkurhini arhintani ka karani juchari anapu jimpo ka turhisi o utusi jimpo.

Ka enka k’uinchikua úkurhinak’a juchiiti iretarhu, jucha tsipisinka jimpoka jimak’ani náanti k’ekua jatsikusinti ka kurhinda úsinti, ka churhipu ka k’urhunda jinkoni t’iresinkaksi.

Ka enka táati k’uinchik’a náanti máskuta úsinti ka úmantasinti atapakua, ka iámintuechaksi tánkurhintasinti t’ireni.

Uétarhisinti iámintu sapiicha jorhenkurhini sani júkskani mámaru ampe eski: xakua, t’atsini, purhu, jáasi, xakua, ka máteru ampe, ka isi jarhuatani náantini sési ásperani akua ampe, isiksi kókani k’uripiaka ka kókani jarhuatani táatini ka náantini ánchikuarhini.

4438 pags 71-141 global2.indd 140

10/26/06 2:33:07 PM

4438 pags 71-141 global2.indd 141

10/26/06 2:33:11 PM

Arhinta arhinskuani “T’irékuecha” ka jatsikunta ini k’urhamarhikuarhu.

1.- Ne úmantasini chinio t’irekua.

2.- Ampe jási t’irekua mitiski umantani náanti

3.- Káni úsinti náanti churhipu ka k’urhunta

4.- Antisi uétarhik’i sési t’ireni

5.- Naki t’irekuechani ts’emuaskiri t’u

142 4438 pags 142-200 global 3.indd 142

10/26/06 2:39:51 PM

Enkaksi arhintaaka ma karakata ka exeni ma uihipiti sapichu (;) ima arhikuekasinti eska jima k’amarhusinka eratsikua sapichu ma ka jiret’antani ka mintsikurhini sáni ka isi úni ménteru uéentani arhintani, inte arhikurhisinti k’amarhutakua.

Ka jarhasti máteru kanikurhi sapichu (,) enkaksi marhuatak’a ekaksi arhukunta’a uantakua sapirhatichani eska ari: Enka táati k’amataka tsíri jatsini iámintu echerinchani, náanti úntasinti kamata situniri, xarhi k’urhunda japomata, churhipu, k’urhunda arrosi ka t’atsini.

Nana Rosa nirasinti itsi p’itani, nirasinti iurhitskirichani jinkoni Ana, Teresa, Flora, Asusena ka Tsitsiki.

Karanta t’irekueri ampe ka jatsikuantani k’amarhutakua ka arhukutanskua.

143 4438 pags 142-200 global 3.indd 143

10/26/06 2:39:52 PM

Jatsikuakaksi uantakua ma, enka marhuauaka, eskaksi mitiaka na jáxiski k’uripu, uitsakua, manakurhiricha, anatapu ka iámentu úkata ampe jakankurhikueri.

Inte uantakua sési jak’uantasinti jakankurhikuechani ka inte jintesti JAXIKUA arhikata ka ariksi jinteesti maru uantakua jaxikuecha: Urapiti, turhipiti, charhapiti, chupipiti, tsipampiti, xunapiti, sési jási, k’eri, sapichu, t’arhepiti ka máteruecha.

Jatsikuntakari ma uantakua jakankurhikua jáxikua jinkoni: auani

jóskua

iurhitskuri

tumpi

tsitsiki

tirhintikua

auanta

janikua

juáta

uichu

Jatsikuntsi témpeni jakankurhikua jáxikua jinkoni, chiiti kararakuarhu.

144 4438 pags 142-200 global 3.indd 144

10/26/06 2:39:52 PM

Arhinta jantiak’u ka ménteru iámintuechani jinkoni inteni uénekuarni enk echeriri ampe uantak’a.

JUCHARI ECHER! Juchari echeri xánikari sési xarharak’a enka chíiti juátecha jukarhiekurhika anatapuechani ka méntku xuxunasi xarharani Juchari echeri xáni sési xarhak’a enkari uéskuk’a ampe ka isits’ini sési t’irerani Juchari echeri kómku p’ikuarherakurhisti enkaksi k’uripuecha anatapuechani ch’apachek’a ka kómkuksini jurak’uni Ju je jucha jánkurhintani juchari echerini kuách’akuni ka imeri anatapuechani ka isiksi sánteru Ióni sési marhoatani.

Untasti: Jesusi Felipe Sebastianu

4438 pags 142-200 global 3.indd 145

10/26/06 2:39:56 PM

K’urhamarhia chári nántini ka chiiti uauaechani namuni ampe úsini úntani jinkoni akua tsirini jinkoni ka jatsikuntsi ma ampe enkari t’u uékaaka ka enkari karantaka jatsikuakari mintsikurhikuechani ka anaxurhikuechani, istu jakankurhikuechani ka jáxikuechani.

Unarhikunta imani enkari karantaka axu karhakua.

146 4438 pags 142-200 global 3.indd 146

10/26/06 2:39:56 PM

Enka jutiecha nótki januamka juchari echerio jimpo, jarahaspti uápuru jási uitsakua ka anatapuecha ka akua ampe. Tua anapuecha jorhenaspti, tsiri jatsini, akampa ka pare, toma xunapiti ka tsipampiti ka ixu uératini pánasti máteru k’eri iretecharhu. Utusicha o turhisicha, juáasti uánikua anatapu ka manakurhirichani, eska uákasinchani, kabaiuechani, uéesichani. Uitskua o amanenchakua ampeksi juásti eska: trigu, arrosu, garbansa, jáasi, lentejasi ka máteru ampe.

K’urhankuarhi, jirinantsi ka karantsi na enka jasi juáka turhisicha anatapuechani ka manakurhirichani ka máteru ampe enka Amerika no jápka.

America anapuecha

Europa anapuecha.

147 4438 pags 142-200 global 3.indd 147

10/26/06 2:39:57 PM

IUMU JOKUKUA JUCHARI UANTAKUA

P’orhe uantakua jintesti enka uantanak’a ixu Michoakani, juátarhu, eraxamani, japuntarhu ka tsirontarhu isi.

P’orhe uantakua kánikua jukaparhasti mák’ueni eski kastia anapu uantakua.

Jucha p’orhe uantarachaksi marhuatasinka ini uantakuanipariksi uantonskurhini, eiankpini ampe ka jorhentperani mámaru jási ampe enka jucha p’urhepechecha uétarhinchak’a.

Jucha p’orhechaksi kánikua sési p’ikuarherasinka enkaksi k’erati iretechani jimpo exe’perantak’a ka únksi p’orhe jimpo uantonskurhini, jimpoka uánikua k’uripu jarhaskateru enkaksi no káni sési uk’a kastia anapu jimpo uantani, nanki jóni jankurhintakaksia kastia anapu uantaricha tsitstsrani p’orhe uantakuani ka noksi ústi iási jamperi, jimpoka imecha nóksi ústi jorhenkuárheni p’orhe uantani, jimposi uétarhit’i eski jucha p’orhepecha jánkurhintaka no mirikurhini p’orhe uantani, jmpoka jucha úsinka uantonskurhini ka sési eratsini juchari uantakua jimpo.

Istuksi úsinka sési jarhati uénikua ka pirekua ampe úantaani ka isi úni ini jarhati uraparini sani tsipikurhini, ka úni uantani na emenkaksi p’ikuarherak’a imani ampe jimpo enk’a, kurhaak’a ka iámintu ampe enkaksi ini parhakpini jimpo jatsikurhika.

4438 pags 142-200 global 3.indd 148

10/26/06 2:40:02 PM

Ka iámintu k’uripu p’orhechao anapu, johenastiksi sési járhati ampe úkatechani úani, ka k’erati iretecharhuksi pásinti atarantani, jimaksi úrasinti p’orhe uantakuani ka kastia anapu uantakuani, nak’iruksi no úni jarhak’a sési uantani, ka jimaksi nirasinti piáni iámintuksi turhisi uantaricha ka grinkuecha ampe.

4438 pags 142-200 global 3.indd 149

10/26/06 2:40:06 PM

Ixu karanta na enkari eratsik’a juchari uantakueri, ampe marhuasini o na xáni marhuasini.

Axu karanta na enkari eratik’a uantakua kastia anapueri, ampe enka xáni marhuak’a.

Uantanskuarhi ka arhinte ampe enkats’i karaka, cháari eratsikua uantakuecheri p’urhe ka kastianapu, na xani enka marhuak’a uantakuecha.

150 4438 pags 142-200 global 3.indd 150

10/26/06 2:40:07 PM

Juchari uantakua p’orhe, jantiak’uisti, jimpoka no ma uantakua jimpo enka Méjiku o máteru isi uantanak’a sani mak’ueni jáxisti, uantasintiksi imeecha enkaksi jirinantak’a uantakuecheri ampe, jánkurhintasintiksi jirinantani, náki uantakuarhu uératini jurhaski, ka no nani xarharasti.

P’orhe uantakua jimpo, istu eski máteru uantakua jimpo, jatsikurhiasti kararakuechani enkaksi marhuak’a pari karani uantakuechani, uantakua antankuticha enkaksi uk’a eiankperakua ampe karani ka sési jasi eratsikua ampe.

P’orhe uandakua jimpo jarhastiksi uandariecha enkaksi kastia anapu jimpo uandakua arhikuek’a, ka p’orhe jimpo ma uandakua jimpoksi arhini, isi eska aricha: Uiriapunkuasiramtiksina apoparhapunkuasiramtiksina

151 4438 pags 142-200 global 3.indd 151

10/26/06 2:40:08 PM

P’urhepecha uandakua jimpoksi úsinka uandani sési jarhati uénikuechani ka pirekuechani isi eski turhisi jimpo na unantak’aksi ka uénikuarhu ka pirekuechantuksi uandasinka na emenkaksi p’ikuarherak’a exeparini ka no exeparini ampe, ka ixu karanskata jarhasti tsimani pirekuecha.

T’AMU JOSKUECHA

Súmakua Tsitsiki

Juchiti mintsita mámaru ampe miontasinti t’ámu joskuechani erankuaparini enka ts’ima meremerenarhipak’a

Xeparini, xeparini, xeparini, xeparini kámukua tsitsikini jinkoni asiksini máteru, asiksini máteru ka jimini uékani tsipani ka tsitsiki urapini ikiauati ka tsitsiki tsipampiti k’arhioti xeparini, xeparini,xeparini, xeparini súmakua tsitsikini jurk’uni.

ka ménteruksi méntku isi andarooti ka ji ekini niuaka mentku k’amarooka ka no meni kuanatsiaka nirani, nirani, jinatini niraxaka.

152 4438 pags 142-200 global 3.indd 152

10/26/06 2:40:10 PM

Arhianta uantakuechani enkaksi karakata jaks Xánchkari sési jáxika nona mirikurhi ia tsitsiki urápiti k’arhachintasinka ka chánksini xánchkari sési jáxika K’arhanchintasinka ka chánksini ka pauani ka pauani nona mirikurhi ia chánksini erontani chúskuni jarhani.

Karanta sési p’irekuani na enkari t’u mitika, arhikurhisti Tsitsiki Urapiti.

153 4438 pags 142-200 global 3.indd 153

10/26/06 2:40:11 PM

Jarhoatakuarhiparini chiiti johentpirini jinkoni úntsi je ma uénikua.

Ixu únarhikuntsi ampe enkari karaka karhakua.

154 4438 pags 142-200 global 3.indd 154

10/26/06 2:40:11 PM

Kurhamarhia chiiti táatichani na enka eratsik’a p’orhe uantakueri ampe ka kastia anapueri, karanta ixu: P’urhe uantakueri:

Kastia anapueri:

155 4438 pags 142-200 global 3.indd 155

10/26/06 2:40:13 PM

T’AMU ARHINSKUA IUMU JOKUKUA JUCHARI ANATAKUARHIKUA

156 4438 pags 142-200 global 3.indd 156

10/26/06 2:40:14 PM

lámintu k’uripu úsinti uánekua ampe úni, eska ch’anani, t’ireni, ánchikurhini, pireni o uiriani ampe.

Istuksi úsinka p’ikuarhernani, ikiani, uerani, terekuarhini ka máteru ampe úni.

Enka ma sapi o tataka sapi k’uiripini jarhak’a, úsinti sánkani arhini jurhenkuarhini ampe eska uiriani, karani, iuini ka ch’anani.

Enkari uékaaka iámintu ampe úni uétarhisinti eskari sési t’ireaka chíiti anatakuarhikuani sési ampakiti k’uiriperani.

Enkaksi no t’ireaka ka nóksi itsimani, k’uiripuecha k’arhimasinti ka k’arhichani, ka iámintu ini ampe juchari anatakuarhikua korhokasinti.

Enkaksi p’amekuarhini jarhak’a: E’p’u p’amerani, sini karhasksini akuchini, matsiarhani, teruamani, pátskani o t’inani, nóksi sési korhokasinka ka nóksi sési p’ikuarherasinka.

Enka k’uanit’i eskari mítiaka sési chíiti anatakurhikua. lámintu juchari anatakuarhikua, siturhi jukarhikurhisti. Istu jukarhikurhisti k’uiripeta ka inchanikua jataarhasti mintsita ka uánekua ampe.

Istu anatakuarhekuarhisti úniichani jimpo, isi mitekata jarhasti eskaksi témpeni ekuatse úniiska, máruksi iórhasti ka máteruecha sapirhasti.

157 4438 pags 142-200 global 3.indd 157

10/26/06 2:40:14 PM

Uantonskuarhi máteruechani jikuni ampe ka ampe jasits’i p’amanchaski ka axu karaata:

Nari p’ikuarherasini ka amperi úsini enkari ampe ma ukurhinchak’a t’u o chinio anapuecha.

Amperi úpirini enkari no mintsitapirinka ióni jimpo, jánkuarhi sani no mintsitani ka axu karanta na enkari p’ikuarheraka.

Ni uiriani chíiti johentperakuarhu terunukua ka junkuakari ka p’áneakari pariri kurhaneni mintsitani. Nári korhokasini ka nári p’ikuarherasini. Ixu kara.

158 4438 pags 142-200 global 3.indd 158

10/26/06 2:40:15 PM

Tskik’u ka p’irak’u ják’ini ka manataa ják’ichani. Ják’ini jurhinskuarhu jatsi ka manata jantsirini. ¿ nári p’ikuarheraski?

Arisi jáxisti juchari anatakuarhikua úniiri.

Jarhastiksi úniicha enkaksi no manakuarhik’a ka máteruecha enkaksi manakuarhik’a íichaksi arhikuarhisti kutukuecha. Ep’urhu jarhasti ma úni enka kamatsitani kaskuku’a ka tsirini mintsitani káskusinti. lámintu úniicha enkach’i jukaaka arhinasintiksi katsakata.

159 4438 pags 142-200 global 3.indd 159

10/26/06 2:40:15 PM

P’amenchakuecha

Eka jucha sési jamani jauaka, jucha sési p’ikuarherasinka, iámentu ampe áspemuni arhani, sési p’ikuarherasinka ánchikuarhini jamani, ka ístu ch’anani ampe, k’uimuni pireni ka uarhani jamperi eka k’uinchikua ampe úkuarhiaka, jimpoka juchari iretarhu ma uéxurhini jimpo mámaru ampe úkuarhiaka, jimpoka juchari iretarhu ma uéxurhini jimpo mámaru ampe úkuarhisinka, enka no sésiuaka, jiak’anisinti eka nema no sési p’ikuarherani jarhak’a, eka p’amenchakua p’iuaka.

Jarhasti mámaru jasi p’amenchakuecha maru sapirhatiristiksi ka máteru p’amenchakuecha k’eratiricheristi. Ka istu juchari iretarhu jarhasti máru k’uiripuecha enkaksi tsinapiticheka, inteksi mitesti sapirhatichani ka na enka uetarhik’a kámani p’amenchatichani.

Jarhasti máteru tsinapiti turhisicha ts’ima kámsinti máteru jasi sipiatechani ka máteru jasi tsinapikua ampe mítini.

160 4438 pags 142-200 global 3.indd 160

10/26/06 2:40:16 PM

Kara ixu maru p’amenchakuechani enka jupiak’a sapirhatichani.

Kara ixu maru p’amenchakuechani enka jupiak’a k’érati k’uiripuechani

Kara na enka paxika ka na enka p’ikuerherak’a mi p’amenchakua enkari mítika, ka anti o ampe jimposi kúripu ma p’irak’i p’amenchakua.

161 4438 pags 142-200 global 3.indd 161

10/26/06 2:40:16 PM

Juchari echerio jarhasti uánekua uitsakuecha enka k’uiripuni ampakerantak’a.

Juchari tatitecha o nanitehca mámara ampeksi mítisti umantani eka sapirhaticha o k’ératicha p’amenchak’a.

Uánekua uitsakuecha, ka anatapuecha marhuasinti pari k’uiripuni tsinaperantani.

162 4438 pags 142-200 global 3.indd 162

10/26/06 2:40:18 PM

Kurhamarhi náantini o táatini ka tatitechani tsinapekueri ampe.

Kara uitsakuechani jakankurhikuechani enkaksi marhuatanka tsinapekuarhu.

Kara máteru ampe enka úranak’a tsinapekuarhu.

Kara ampe jasi sipiatecha jarhaski enka jinteka p’amenchakua erokuarhitarakua.

Kara sipiatechani enkari míteaka ka na enka marhuatanak’a.

163 4438 pags 142-200 global 3.indd 163

10/26/06 2:40:18 PM

MA ARHINSKUA KUIMU JOKUKUA JUCHARI IONTKI ANAPUECHA

Ima uésurhini jimpo enka jindepka 1200 siran kamaro, jintespti ma k’éri irecha enka juramukua jini jatsipka uaxastakata Tsakapu ka Naraxani.

Jimak’ani isi niárapti máteru achamasi Ireti Tikatame arhikata. imat’u k’éri juramitsipti Uakusicheri ka jima isi niáranasti irekani imani juata jimpo enka arhinanka Urhinkuarhani pexu.

P’orhepechacha imani tata kuerap’irini jananrhisiranti enka arhikurhianka kurhikaueri, ima jintespti tata jurhiata ka istu chpiri.

Siran sirankamaro ménku mindasirenti kets’itakua tata kurikauerini, ka Ireti Tikatame, Siran-sirankamarueri pirempani jinkoni tempuchaspti.

4438 pags 142-200 global 3.indd 164

10/26/06 2:40:23 PM

Eka ts’ima Uakusecha nóteru sési pap’erapkia Sisambanechani jinkoni, Naranxani anapuecha, Tsakapu ka K’umanchini anapuecha kúnkurhinaspti ka IretiTikatameni úsptiksi uántikuni ka kurhirakusptiksi ireteempani.

Jimposi imeri uap’a Sikuirancha arhikata, tatsikua urets’ikuaspti Uakusechani, ka jini móskuspti Kurhikauerini Sichaxukuarhu orheta, ka tatsikua uaastaspti ma iákatani japuntarhu jima enka arhinanka Ueamuo, enka iáasi isi mitenaka eska Santa Fe. Imani ireta jimpo Ueamuo, juramusti Sikuirancha, ka imaeri uáp’a ka nimakuecha enkaksi arhinapka, Uápeani, Pauákume ka kuratame, k’erati Irechecha.

4438 pags 142-200 global 3.indd 165

10/26/06 2:40:28 PM

Mókuntsi k’urhamarhikuechani 1.- Na arhinasiampi Tsakapu ka Naranxani anapuechani 2.- Na arhinasiampi imeri juramuti enka Tzakapu uaxastapka 3.- Ne urhekuasirampi Uakusichani 4.- Náksi niáraspi Uakusicha jimini Tzakapu 5.- Na arinasiamki p’orhecheri tata diosi 6.- Nani anapuespi Skikuirancheri amampa 7.- Naniksi mótsispi p’ orhecha enkaksi Sisambanecha jinkoni uarhipipkia 8.- Nécha jarhuataspi Sisambanecha Ireti Tikatameni uántikuni.

9.- Naniksi mótsispi orheta pórhecha 10.- Ne juramuspi enka Sikuirancha uarhipka

a).- Ueamuo b).- Uápeani ka Pauacume c).- K’umancheni j).- Sisampanecha ka k’umanchini anapuecha d).- Sichaxukuarhu e).- Tsakapu f).- Kuerp’iri g).- Sisambanecha h).- Ireti Tikatame i).- Siran sirankamaro

( ( ( ( ( ( ( ( ( (

) ) ) ) ) ) ) ) ) )

166 4438 pags 142-200 global 3.indd 166

10/26/06 2:40:28 PM

Kuirunarhiku naniksi mótsispi Uakusecha ka náksi niáraspi japuntarhu irekani.

Uánekua k’uiripu irékaxapti tsakapu ka Pátsekuarhu isi enka tsima Uakusecha niárapka Ireti Tikatameni jinkoni.

167 4438 pags 142-200 global 3.indd 167

10/26/06 2:40:30 PM

Arhinta ka uantonskurhi iamintuechani jinkoni ampe enka jintepka tua anapu iรกkatecha

168 4438 pags 142-200 global 3.indd 168

10/26/06 2:40:32 PM

Nitamakua amparhati ireteri Uani k’uripu jankurhintasti jirinani ampe enka arhikuekak’a Lienzo de Jucutacato, ka isi uantanasinti eski ióntki anapu p’orhecha nani enkaksi uératini juka, ka isi xarharasinti eska imecha echerio anapuechani jinkoni jurhaspka Chalchihuapanzco uératini ka teparini anatapurhuksi niáraspti, orheta Berakrusi pariksi tátsikua echerio niárani ka tátsekua Tsakapu, Uruapani, Pátsakuarhu, ka máteru iretecha isi eska na kuirunarhikata jaka inteni jimpo kuirutsekata. iámentu k’uirutsekata jiniksi exentasti ireta Xucutacato arhikata jini Uruapani isisti. Tua anapuecha úspti enka turhisicha niarampka ixu michoakani ka isi aiankunasti juchari ióntki anapueri ampe.

169 4438 pags 142-200 global 3.indd 169

10/26/06 2:40:33 PM

michoakani ka isi aiankunasti juchari ióntki anapueri ampe.

Sési Uantonskurhini lontki anapu p’orhecha enkaksi iakatechani ka k’uamanchikuechani o k’uínchikua ampe uekamka úni, tánkurhinasamti ka sési eratsini uantonskurhiparini, ka mák’u jási’unantani uantakua ka isi uétenani úni ampe. láasi útasi uánikua iretecharhu isi úasinti ka máruteru isi ts’ínchixati i jási jarhuap’erata.

Uantonskurhi je iámintuechani jinkoni nena enkaksi jarhoap’erak’a juchari iretechani jimpo.

170 4438 pags 142-200 global 3.indd 170

10/26/06 2:40:35 PM

Náksi jarhoap’isini juchari ánchikorhetecha jimpo.

171 4438 pags 142-200 global 3.indd 171

10/26/06 2:40:37 PM

TSIMANI ARHINSKUA KUIMU JOKUKUA JUCHARI IONTKI ANAPU JURAMUTICHA

Uánikua uéxurhini jimpo enkaksi nótki janoanka juticha, lámento echeri enka arhinamka Michoakani, menterueni jarhaspti.

K’éri irecha, achamasi enka juramutipka uánikua k’uiripuni jatsispti enka imani jinkoni juramuanka. Jarhaspti ma enka arhinanka Anat’akuri (gobernador) ka máteru Petamuti (k’eri tata kura), ka ístu achaecha enkaksi iápuru chuxapanka Kasonsini.

T’ápuru arhukunskata jarhaspti juchari juramukua, jimposi uánikua Okampecha enka iamintu ampe tanaanka, ka uarhuricha, tarhericha, úkata úricha, iápuru isi mámaru ampe mot’akuamka.

Tarheta uaxastatí, jankurhintasianti eska iámintuecha júkskanapirinka ka isi k’eri juramutnini ka nana kuerap’irini ka kurikauerini k’ets’itakua pákuani.

Jarhasptiksi máteru achamasi enka orhekupanka k’umanchikua ka Turhixeo úrichani, ka máteru enka tsakapu ka kantera kararichani juramukuanka.

Ka jarhaspti juramuti imecheri enkaksi arhinak’a kuru-hapinti, jimpoka kuirisi ka karátichani jupiasiranti.

Jarhaspti p’unkuari patsaricha, tiripiti patsaricha, kurhinkua úricha, kústaticha, ka iámintu ampe enka k’uiripu ánchikorheanka.

172 4438 pags 142-200 global 3.indd 172

10/26/06 2:40:37 PM

Kara ka kuirunarhiku na enka japka juchari juramukua uretakua anapu

173 4438 pags 142-200 global 3.indd 173

10/26/06 2:40:39 PM

Kuirunarhita ka kuntantaa nani enka jinteaka 1.- Tzintzuntzan

( ) Kúntasianti iámintu k’uripu enca tarheta júkskanaanka.

2.- Kasonsi

( ) Tsi arhukunku jarhaspti juchari echeri.

3.- Ana’takuri

( ) isi arhinasamti k’éri irechani.

4.- Kuru-japinti

( ) Ireta enka jápka iámintu juramukuecha.

5.- Okampecha

( ) Achamasi enka tumina kúntaenka.

6.- T’apuru arhuskata ( ) Jintespti isi eska gobernadori.

7.- Tarheta uaxastati

( ) káratichani jupiasiranti.

Mókuntsi k’urhamarhikuechani.

1.- Chíiti iretarhu néecha juramusini

2.- Ampe ka ampe juramunasini

3.- Namuni uexurhini jurhamunasini

174 4438 pags 142-200 global 3.indd 174

10/26/06 2:40:39 PM

Okampecha Okampecha iápuru iretecharhu nirasiraanti mámaru ampe tanapani enka k’uirpu axakuamka kasonsini ka tata diosichani. jimposi ts’ima achamasicha jistespti k’éri miiuricha, mítesptiksi miiuntani ampe ka na enka jaxianka; enka uirhipianka, enka ióskaenka o enka kóskaanka Urasiantiksi uantakuechani: irhakua, ichakua ka ichukua.

Iumu irhakua kupanta enka uirhipitiuanka, tanimu ichakua k’erechi, enka ioskaenka, tánimu ichukua kurhinda enka kóskaenka. Okampecha mitspti uáni ampe kutusitani, ka arhukuani o p’ikunarhikuani iámintu ampechani.

Uanta maru miiukuechani na enkari t’u uékaka arhunarhikuani iámintu ampechani, kututs’itakua, p’ikunarhikua. irhakua, ichukua ka ichakua.

175 4438 pags 142-200 global 3.indd 175

10/26/06 2:40:39 PM

lóntki anapu juramuticha ka iámintu p’ohecha uétarhisptiksi uantakua ka karakatechani jatsiani. Uantakua sani isi motsistia jo peru kararakuecha kastia anapuestiksi, nak’i p’orhe jatsikorheaka máru enka turhisicha no uantak’a.

Ari jintesti maru: tsi, ts’i enkaksi arhik’a tsipata o tsipa ts’iueri, ts’ima.

Karanta t’u iámu uantakuechani enka (tsi) ka (ts’i) jimpo arhinak’a

176 4438 pags 142-200 global 3.indd 176

10/26/06 2:40:41 PM

Kararakuecha Imentu iretecha jatsikuarhiasti kararakuechani eska na uantanak’a iápuru isi, turhisicha, ka máteru jasi k’uiripu eska, rusoecha, italianuecha, china anapuecha ka máteru isi.

177 4438 pags 142-200 global 3.indd 177

10/26/06 2:40:42 PM

Kánikua ampakisti juchari mimixekua, jimpokaksi jucha iámintuecha jarhuap’erasinka, ka kánikua sésisti enkaksi jucha marhoakoaka juchari iretechani ampe ma ánchikurhita úni, ka juchari ireta isi sánteru ampe jatsikurhini.

Jarhuap’ini juramuni ka ánchikurhita ampe úni, inte jintesti enkaksi iámintuecha ireta p’orhecha.

Isi jimpo jucha jananarhiaka iámintu k’erati k’uiripuechani, jimpoka imechats’ini marhuachisinti enkaksi juramuni jápka, ka mámaru jarhati xanaruechani o kopekuechani úani.

Istu jurak’uchitits’ini imecheri jorhentakua ka jorhentastits’ini imecheri jorhentakua, ka juchari simxekuani ka p’intekuechani, ka uantakua p’orhecheri, jimposi jucha iasi jamperi jorhenakaksi mámaru ampe jasi jorhenakuechani ka uantakua juchari tua anapu jinkoni.

178 4438 pags 142-200 global 3.indd 178

10/26/06 2:40:43 PM

Karanta ma uénikua, mianskua o ampe enkari uekaaka Karani.

Krusi únarhiku nákiri kararatarakuechani úraaski.

a ch ch' e g i ï j k k' i m n o p p' r rh s t t’ ts ts' u x 179 4438 pags 142-200 global 3.indd 179

10/26/06 2:40:43 PM

TANIMU ARHINSKUA KUIMU JOKUKUA ENKAKSI JANOPKA TURHISICHA

! Ambech’esi úkuarhinchani nirak’ia’, isi uandasiraandi juchari k’éri irecha enka arhinanka Zuangua 1519 uéxurhini jimpo, enka miteaka eska utusicha o truhisi arhikatecha janopka juchari echerichani jimpo.

Turhisicha k’éri japonda isi jurhaspti, Hernán Cortéz urhekupuasianti, niáraspitksi uheta ireta Veracruz arhikata jimpo ka tátsikua Echerio, xanchakichanksi jataapani, jimaesiksi uanat’akusti juátani en m’enku siraata uéts’ini jaka volcán Popocatéptl arhikatani. Xanaru jimpoksi uarhipispti Tlaxcaltekechani kinkuni ka tátsekuaksi mák’u kúnkuarhispti pariksi Aztekechani jinkuni uarhipini; arhisintiksi karakakatecha eska 1521 jimpoksi inchaspka Echerio ka isiksi úni k’uanitamaani Aztekechani.

Utasi jarhasptiteru juramuni P’urhepecheo Zuangua ka Hernán Cortéz axaspti k’uiripuni enka Cristobal de Olid arhikatani uhekupauanka eska jupirinka miiuni ka exeni na enka jandipka P’urhepecheo ka ampe jasi k’uiripu irekaspi, ístu eska xépirinka enka jatsinapka tiripiti ka teiakata ka eska pákupirinka Echerio exerani.

4438 pags 142-200 global 3.indd 180

10/26/06 2:40:49 PM

Urhetaksi Taximaroa niaraspti, enka iási mitenaka eska Ciudad Hidalgu, jimaksi kuperaspti p’urhepechechani jinkuni ka tátsikuaksi niáraspti Tzintzunizan jimanka irekapka juchaari Irecha.

Jeánkani isi kánikua no sési jandespti, uánikua k’uripu uarhixapti p’amenchakua jimpo enkaksi turhisicha juáapka, ima jasi jimpo p’amenchakua uarhispti juramuti Zuangua. Tátsikua juramutiini Tanaxuani pakaraspti, arini juramutinkstu mitespi eska Tsintsicha ka tátsikuaksi tat kuraecha itsi ataspti ka Tata Fransisku Huitzimengari jakankurhinaspti.

Jurhaspti máteru turhisi enka arhinanka Nuño de Guzmán, ari achamasi kánikua no sési ampe úspti, jimpoka kánikua tsitisianka tiripiti ka teiakata, uékasianti eskaksi íntskupirinka iámintu tiripiti ka teiakata. Uantasianti eska p’urhepecheo uápuru isi jarhaspka tiripiti ka teiakata p’itakuaecha. K’ataspti juchari juramutini Irecha Tananxuani ka páspti máteru iretaechani jimpo parikana intskupirinka iámintu tiripiti ka teiakata, jimpokaksi nonani exepka tumina, uandikuspti Tananxuani iurhekuarhu isi enka arhinaka irea Konkurhipu, 14 jurhitekua febreru kutsi 1530 uésurhini jimpo.

4438 pags 142-200 global 3.indd 181

10/26/06 2:40:53 PM

Mókuanta k’urhamarhikuechani, jarhuatakuarhiakari karakatani jinkuni enkar kámakuka arhintani.

Enka mitenapka eska turhisicha janoni jápkia juchari echerichani jimpo, ne jindeespi irecha ka na uantaspi:

Nani naksi jurhaspi utusicha ka naniksi niáraspi:

Ampe jimpo uarhispi Zuangua ka ne pakaraspi juramukuarhu:

Néespi Nuño de Guzmán ka ampe uékasiampi:

Ne uandikuspi irecha Tananxuani ka nani uandikunaspi:

Ampe jurhitekua ka kutsi ka uéxhini jimpo atanaspi Tananxuani:

182 4438 pags 142-200 global 3.indd 182

10/26/06 2:40:53 PM

Jarhastiksi uantakuecha p’urhepecha jimpo enkaksi marhuk’a jakankurhiani o arhinani ampe, máruksi jinteesti pariksi jakankurhinaani k’uiripuechani, juatechani ka iretechani eska: Juanu, Petu, Irepani, Maria, Tsitsikika T’ansitarhu, K’uiiusi, Tsirati ka máteruecha, ístu eska Uruapani, Tzakapuo, Morelia, P’arhachu, Chérani, Ichani, Takuru ka uánekua iretecha.

Máteruksi jarhasti enkaksi jakankurhitaranak’a manakuarhirichani, uitsakuaechani, anatapuechani ka iámintu imani enka jaka ixu parhakpeni, eska: manakurhiricha: uichu, auani, xanchaki, axuni kurucha ka máteru uánekua manakuarhiricha.

Uitsakuecha: takari, terendapu, akarhini, jirikua, ka máteruecha.

Uantanskuarhi máteru jorhenkuarhirichani jinkuni na jasiksi jakankurhikueski p’itakateecha.

183 4438 pags 142-200 global 3.indd 183

10/26/06 2:40:54 PM

Jirinanta jakankurhikuecha karakatarhu enka arhikuarhika “Enkaksi janopka turhisicha” ka axu karaanta: Jakankurhikua K’uiripuecheri:

Jakankurhikua iretecheri:

Jakankurhikua tsipiticheri o manakuarhiricheri, uitsakuecheri, anatapucheri ka máteru ámperi:

184 4438 pags 142-200 global 3.indd 184

10/26/06 2:40:55 PM

Jucha p’urhepechecha jatsiska ma karakatani enka arhikuarhika “Relación de Michoacán” enka juchari anapu jimpo karanapka urhetakua anapuecha, ankaksi arhinanka “Petamuticha”, k’uripuecha enkaksi iámintu ampe mítepka ka Tata kura Fray Jerónimo de Alacalá karantaspti kastia anapu jimpo. Ima karakata iámintu ampe uantantasinti ióntki anapu irekua, mimixekua ka na enka irenapka ixu p’urhepecheo enka nótki janoanka truhisicha. Arisi uantasinti mápuru: Imani uéxurhini jimpo 1519 enka juramuni jápka juchari irehca Zuangua, niárasptiksi Tzintzuntzani máru achaaticha Ukareo anapuecha, enka tata Uikixu axaapka paraksi Kasonsisni o Irechani eiankuni, na enka imaeri irete jimpo ma uarhiiti tsanarhipka, eska tata diosicha arhipka eska máteru k’uiripu jupirinka juchantsini juramucheni. Jimposi ts’ima achaeticha uanteanti: ¿Néechats’ini juua juchantsini juramuchini, Otomiecha, Echerio anapuecha o Chichimekecha?

Irecha Zuangua arhiaspti achaechani, eska no p’amontakuarhisianka jimpoka ióni juramuspkia ka eska uánekua uáp’echani jatsiaspka enkaksi úpirinka juramuni enka ima uarhipirinka: Tsintisicha, Tarimarasco, Coyni, Sirangua, Chacinati, Timas, Taquani, Patamu ka Chuyzico.

185 4438 pags 142-200 global 3.indd 185

10/26/06 2:40:56 PM

NAKSI UANDIKUSPI TANANXUANI Nuño de Guzmán pápti Tananxuanini Konkuripu jameri parikana ínskupirinka iámintu tiripiti ka teiakata enka p’itanaenka imani iretechani jimpo ka jimpoka no ínskupka, urheta jantsiri kurhindukuaspti, atasptiksi ka tirhipanksi ma anatapurhu.

Táta Fray Martin de Jesus, mitispti eskaksi no sesi kamasianka Irechani, niraspti turhisichani kuák’utaani ka imecha arhisti tátani eska íma Tananxuani o Tsintsicha, no uékasianti jarhuataani utusichani pariksi nirani uarhipeni máteru k’uiripuechani jinkuni, Jak’iksi jók’uaspti ka isiksi korokuni kabaiuni játarini, tátsikuaksi uándikuspti ka kurhiranksi.

Jimposi p’urhepechecha imeri turhiri etsakupti iápuru isi, karhamani, kétsimani, juthiata uérakuarhu ka jurhita inchakuarhu isi.

186 4438 pags 142-200 global 3.indd 186

10/26/06 2:40:58 PM

Karanta ma uenikua o ma pirekua Tananxuanini mindaparini, jurhentpirikini jarhuataati.

Unarhikunta ma p’itakatani imaeri ampe enkari karhakua karaka, pirekueri o uÊnikueri.

187 4438 pags 142-200 global 3.indd 187

10/26/06 2:40:59 PM

T’AMU ARHISKUA KUIMU JOKUKUA UATAPERA O IURHIXEO lámintu k’uripu P’urhepecha enka mitepka eskaksi Irecha Tananxuanini uandikupka, uánikuaksi niraspti sipakuarhini juátecharhu isi, ka náteru ne pakaraspti juramukuarhu, iámintu ampeksi utusicha mitesiranti.

Jimpoka xáni no sesi jántini jápka, jurhasptiksi máru Tatecha enkaksi arhiauanka Frailecha, imaecha axanaspti pariksi jarhuap’ini ka kuáp’ini p’urhepechani ka isi únksi táantani ka ireraantani mák’u ireta jimpo.

Jimposi iási jamperi isis mitenasti eska tata kuraecha jinteeska enkaksi úaka iretechani ka ístuchu’i míteska eskats’ini imaechasi jurhendaka úni úkatechani ampe. No iámintu ampe isi úkuarhispti, jimpka urhetakua anapuecha t’uini ióni irekaspkia uápuru isi Takatecharhu ka istu ánchikuanrhinasiraanti uánekua ampe, jarhaspti úkati uricha, uarhuricha, tarheta uaxatati, piruakua uandari, k’uanikukua uricha, kararicha, tekaricha, p’ukuri kuaricha ka máteruecha.

Enka tátecha janopka p’urhepecheo, úsptiksi sési miteni ampe enka áchikuarhiananka ka na enka únanka, jimpoksisi úpti k’uiripuni tántani ka irerantani iretechani jimpo ka arhustaanksi uapatsekua jimpo ka úaasptiksi Uataperechani o lurhixeo arhikata jimankaksi jurhentpeanka katesismu ka jimat’uksi ts’inaasiani

4438 pags 142-200 global 3.indd 188

10/26/06 2:41:04 PM

p’amenchatichani ka jarhuatasiantiksi úkata urichani sánteru sési jak’uni áchikuarhita.

Istuksi jarhuatakuarhispti pariks i jurhentpeni katesismu, uarhakua ampe jimpo, pirekuechani ka kústakuechani jimpo ka iurhixeochanksi maruks iákatarhu karhakua úaspti ka máteruechanksi moskuaspti uiramu ka xanamu ka iámentu tskapuni pariksi máruteru úani tiosioechani, ariksi jinteesti máru Tátecha: Fray Jacobo Dacianu irerasntaspti Tzkapuo ka Tarekuatu, arini iretechani jimpoksi kánikua jananarhisinti.

Máteru jinteespti Fray Juan de San Miguel enka irerpepka eska Santa Fe. Jarhaspti máteruecha eska Fray Sebastian de Trasierra enka Zirosto ka Zacán jápka.

4438 pags 142-200 global 3.indd 189

10/26/06 2:41:08 PM

Kara ixu na enkari eratsik’a, iámintu ampe enka na úkuarhipka ióntki, jarhaspi sési o no ampe, ka andi:

K’urhankuarhi o jirinanta karakatecharhu káni uaxastanspi chiiti ireta ka néecha úpsi, námuni uapatsekuecha jarhaski ka náksi arhinasini ka neka jaka iurhixeo ampe únasini imani k’umanchhikua jimpo.

190 4438 pags 142-200 global 3.indd 190

10/26/06 2:41:09 PM

Uantakua niátakuecha: láasi, Nitamakueri ka Niatakua enka jurhani jaka. P’urhe uantakua jimpoch’i úraasinka uantakua niátakuechani, enkach’i iáasi niátani jauaka o iáasi úni jauaka isi eska aricha: ji ch’nasinka t’u ch’anasinka ima ch’anasinti jucha ch’anasinka cha ch’anasinka imecha/tsima ch’anasinti

ji ch’anaxaka t’u ch’anaxaka ima ch’anaxati jucha ch’anaxaka cha ch’anaxaka imecha/tsima ch’anaxati

Máteruksi jinteesti niatakuecha enka nitamakia úkua ampe, isi eska tsimi: Ji t’ireska t’uri t’ireska ima t’iresti jucha t’ireska cha t’ireska imecha/tsima t’iresti

ji t’irespka ji t’ irespka ima t’irespti jucha t’ irespka cha t’irespka imecha/tsima t’irespti

Máteru jinteesti uantakua niátakuaecha enka uantak’a imani ampe enka nótki úkuarhik’ o imani enka jurhani jaka pari úni, isi eska aricha: ji t’u ima

uantaaka uantaaka uantaati

jucha uantaaka cha uantaaka imaecha/tsima uantaati

191 4438 pags 142-200 global 3.indd 191

10/26/06 2:41:09 PM

Exeskaria ka erankueraskari eska uantakua niátakueri isi k’amarhusinka -sinka ka máteru k’uiripuni jimpo -sinti ka enkari jeiankani úni jauaka ampe arisiksi k’amarhusinti: xaka ka -xati.

Nitamakua niátakua k’amakurhisinti arisi: -ska ka -sti ka enka niátakua sánteru urhetakua ukuarhipka arisi: -SPKA ka -SPTI. Ka uantakua niátakuecha enka nótki úkuarhini jarhak’a, arisiksi k’amarhusinti: -akaka-ati. karaanta uantakua niátakuechani, enka iáasi ukuarhini jaka ka enka nitamakia ka enka nótki úkuarhik’a, arini uantakua úkua jimpo, karani: láasi niátakua

Enka nitamakia

Ji t’u ima jucha cha imacha/tsima Enka nótki úkuarhik’a Ji t’u ima jucha cha imecha/tsima 192 4438 pags 142-200 global 3.indd 192

10/26/06 2:41:09 PM

cha imecha/tsima Karanta ampe enka anchikuarhinak’a chíit ireta jimpo ka na enka únak’a:

193 4438 pags 142-200 global 3.indd 193

10/26/06 2:41:10 PM

Arhinta urheta pirekuani ka tátsikua jánkuarhinta pireni iámintu jurhenkuarhirichani jinkuni.

GLORIA KA HONOR Piresinti: Trio Purepecha Tirindarhu anapu: Gloria ka honor tata vasko jinteesti pari t’u chéti mintsita jinkuni inskusti fe ínskusti uekua juchiti patriani ka Michoakani isi uantasinti eski t’u jinteskia uantakua ampakiti ia.

Ka Morelosini t’urena jurhendaskia t’uri ínskuska chéti arini antorchani ka uitsintekua chiiti balori etsakorhesti patriani premiarini uékaka inskuni t’ueskari clarin selestial sánteru k’éri juncheti patriani, ka Michoacani isi uantasinti esli t’u jinteskia uantakua ampakitia.

194 4438 pags 142-200 global 3.indd 194

10/26/06 2:41:12 PM

Kurhaku chíiti táatini eskakini jarhuataaka karantani imani ampe enka tua anapu ampe úkuarhipka chíiti iretarhu o máteru ireta jimpo ka úakari ma unarhikukata.

Unarhikukata únta ma ixu.

195 4438 pags 142-200 global 3.indd 195

10/26/06 2:41:13 PM

196 4438 pags 142-200 global 3.indd 196

10/26/06 2:41:14 PM

197 4438 pags 142-200 global 3.indd 197

10/26/06 2:41:16 PM

198 4438 pags 142-200 global 3.indd 198

10/26/06 2:41:18 PM

199 4438 pags 142-200 global 3.indd 199

10/26/06 2:41:20 PM

Lengua pur茅pecha Michoac谩n Tercer grado Se imprimi贸 por encargo de la Comisi贸n Nacional de Libros de Texto Gratuitos, en los talleres de con domicilio en el mes de de El tiraje fue de ejemplares

4438 pags 142-200 global 3.indd 200

10/26/06 2:41:20 PM

NOMBRE DEL ALUMNO (A) ESCUELA

GRUPO

POBLACIÓN ENTIDAD FEDERATIVA

Este libro de texto ha sido elaborado por el Gobierno de la República y se entrega en forma gratuita a los niños de las escuelas primarias del país.

Los juicios y opiniones de los maestros, de los padres y de los alumnos son muy importantes para mejorar la calidad de este libro. Sus comentarios pueden ser enviados a la siguiente dirección:

COMISIÓN NACIONAL DE LIBROS DE TEXTOS GRATUITOS Rafael Checa núm. 2 col. Huerta del Carmen C.P. 01000, México, D.F.

Las obras de arte que ilustran las cubiertas de los libros de texto gratuitos son representativas de las grandes etapas del arte mexicano. Constituyen un valioso respaldo educativo y son motivo de orgullo nacional.