4464b

Cuarto grado Cuarto grado Lengua pame norte de San Luis Potosí Lengua pame norte de San Luis Potosí

HUAPANGO, 4.04 X 5.79 ELEL HUAPANGO, 4.04 X 5.79 m.m.

Pintado niños huastecos Pintado porpor niños huastecos Comunidad: Tanute, Aquismón, San Luis Potosí.

Comunidad: Tanute, Aquismón, San Luis Potosí.

Njiöxi'iuy xi'iuy Njiö Lengua pame Lengua pame nortedede San Potosí norte San LuisLuis Potosí

Cuarto grado Cuarto grado

Njiö xi'iuy Njiö xi'iuy

SanLuis LuisPotosí Potosí San

port 4464.indd 1

27/06/12 14:47

NOMBRE DEL ALUMNO (A)

ESCUELA

GRUPO

POBLACIÓN ENTIDAD FEDERATIVA

Este libro de texto ha sido elaborado por el Gobierno de la República y se entrega en forma gratuita a los niños de las escuelas primarias del país.

Los juicios y opiniones de los maestros, de los padres y de los alumnos son muy importantes para mejorar la calidad de este libro. Sus comentarios pueden ser enviados a la siguiente dirección:

COMISIÓN NACIONAL DE LIBROS DE TEXTOS GRATUITOS Rafael Checa núm. 2 col. Huerta del Carmen C.P. 01000, México, D.F.

Las obras de arte que ilustran las cubiertas de los libros de texto gratuitos son representativas de las grandes etapas del arte mexicano. Constituyen un valioso respaldo educativo y son motivo de orgullo nacional.

Libro de texto en lengua pame norte de San Luis Potosí.

Elaborado en la Dirección General de Educación Indígena de la Subsecretaría de Educación Básica de la Secretaría de Educación Pública.

Autores J. Jesús Olvera Chávez, Hilario González, Rosa Ma. Estrada, Eulalia de la Cruz G., Victorino Hernández C., Alejandro Olvera Ch., Félix Martínez E., Javier Olvera y Patricia de la Cruz G.

Ilustración Laura Castillo

Diseño y Formación Antonio López Ramírez, Guillermo Reyes Talavera, Ma. Dolores Hernández y Joaquín Castelán Mondragón.

Diseño de Portada Comisión Nacional de Libros de Texto Gratuitos, con la colaboración de Luis Almeida

Ilustración de Portada “El huapango”, 4.04 x 5.79 m.

Pintado por los niños huastecos de la comunidad Tanute, Aquismón, San Luis Potosí.

Valentín Martínez Santos, Susana Cruz Cipriano, Cecilia Martínez Santos, Martha Prisciliano Echeverría, Edgar E. de la Rosa Feliciano, Valeriano Pérez Cesárea, Margarita Lorenzo Modesto, Rosalino Santiago Bernardino, Jeremías Santos Rosendo, Guadalupe Gabino Epifanía, Margarita Alberto Martínez, Gaudencio Venico Alvarado, Inocencia Martínez Santos, Leticia Reyes García, Rocío Hernández Nicolás, Ana Lidia Martínez Cruz, Cidronio Santiago Santos, Aurora Martínez Alberto, Lorenzo Modesto Carmelo y Gabriela Gabino Santiago

D.R. © D.R. ©

Colorín colorado. El arte de los niños indios. México, 1993 Reproducción autorizada por el Fideicomiso para la Salud de los Niños Indígenas de México, A. C. Secretaría de Educación Pública, 1995 Argentina No. 28 Col. Centro. C.P. 06029 México, D.F.

ISBN 978-970-18-3814-3 ISBN ISBN 970-18-3814-9 978-970-18-3814-3 Primeraedición edición 1999 Primera 1999 Primera reimpresión edición 19992013 Octava Primera reimpresión 2000 Sexta reimpresión 2012 Segunda reimpresión 2001 Tercera reimpresión 2003 Impreso en México.

Cuarta reimpresión 2005 Impreso en México.

Quinta reimpresión 2006

Impreso en México. pl 4464-13.indd 2

26/07/12 12:26

4464 pame 1-51

2

9/5/05, 2:14 PM

Njiö xi'iuy

Lengua pame norte de San Luis Potosí

Cuarto grado

4464 pame 1-51

3

9/5/05, 2:14 PM

PRESENTACIÓN

E

ste libro de texto está dirigido a las niñas y niños indígenas que cursan la educación primaria con el propósito de favorecer el

aprendizaje de la lectura y escritura de la lengua indígena que se habla en su comunidad.

Podrá ser utilizado en forma creativa por los maestros y los niños, este ciclo escolar o los subsecuentes, para dar respuesta a los problemas particulares que se presenten en el desarrollo de la expresión escrita y la comprensión lectora.

En el libro se encuentran diferentes escritos, algunos hablan de cosas que hay en la comunidad, otros relatan las costumbres, fiestas y leyendas.

Su elaboración estuvo a cargo de profesores indígenas con experiencia en la enseñanza de la lengua que el libro aborda, así como con conocimiento de la cultura de las comunidades que hablan dicha lengua. Los autores consideraron el enfoque comunicativo propuesto para la enseñanza de las lenguas en el Plan y Programas de Estudio para la Educación Primaria 1993.

El libro podrá ser enriquecido a partir de los observaciones y consideraciones que profesores, padres de familia, comunidades y organizaciones civiles indígenas, realicen acerca del lenguaje utilizado, los contenidos, las ilustraciones, el formato y la presentación.

4464 pame 1-51

5

9/5/05, 2:14 PM

Xalk’antsixtalab Je' an ajumtalab tenek bijtsidh abal an kwitoltsik ani an tsidhantsik xi exom in wat'naI an jidhtal exoblomtalab abal ki tolmiy kin wita' ti ajum ani ti dhutsum xantu kaw in kwentsalil.

Ne'ech ki ejto ki eyna alwa' lejkintsidh ani chalpantsidh k'al an ok'tsixtsik abal an chakamtsik xu exobal je' an tamub, ani' xin ontsal kin cho'obna' kin took'oy an kaw xi tojlab xu wa'chinal tam exom i t'ajal an kaw xi dhutsadh ani kin exbay xin ajyal.

Je' ban ajumtalab ne ki ela' yan ke'etsik i dhutslab, juntsik in t'ilal xowa' ja' wa'ach al an kwentsal, k'ejtsik xowa' ja' in t'ajam ti wat'enek an k'ij an ajib xu wat'el ala kwentsal ani an t'ilab xi wa'ach ban kuentsaltsik.

Je' an ajumtalab t'ajan k'al i oktsixtsik tenek, xin ko'ol yan i chalap ani an chalap k'al an wit'omtalab xin ko'ol an kwentsal.

Xin t'aja je' an ajumtalab in chalpay an yejtalab wat'bantsidh an ti kaw, xan ti kwaj lejkidh abal an okitsixtalab kaw tenektsik ban Iej kidh an buk'uts t'ojlab, k'al an jidhtal exoblomtalab 1993.

An ajumtalab neki ejto ki t'okoy, ki tek'bantsi, tam kin ch'i'kiy kin chu'u an oktsixtsik, in tata' an kimadhtsik, an kwentsaltsik ani xin junkunek ti buke' an tenektsik xin tajal i t'ojlab xontin eynal, xin ko'oI, in xalk'al je' ban jidhtal uw.

4464 pame 1-51

7

9/5/05, 2:14 PM

O FIC OCÉ

ANO

PAC Í

OCÉANO ATLÁNTICO

OCÉANO PACÍFICO OCÉANO ÍNDICO

4464 pame 1-51

8

9/5/05, 2:14 PM

5 4 6

4464 pame 1-51

9

3

9/5/05, 2:14 PM

2 1

4464 pame 1-51

LO KE LIMII

NXII

1.- JING Y RU' RJàIMBàT

12

2.-

DàKYW AJAMBàT

20

3.-

RU' CHJIàJàIMBàT XI'IUYàT

28

4.-

PàKJ XINCHJIA' BIU' N'MPU'’

36

5.-

Bà RU'UY RIÑJ- XI'IUY

44

6.-

GàMAJAIÑ NMPU' XI'IUY

52

7.-

GIÑKYU

60

8.-

RU' NMBIAIAYàT N'MPU'UNàN XI'IUY

68

9.-

BàNDWA MàRU'UY

76

10.- Tûû GàNU'

84

11 .- RU' LJIû' û MA' AKY NMPU' XI'IUY

92

10

9/5/05, 2:14 PM

4464 pame 1-51

12.- LO KE TàJU'UDàN

100

13.- LO KE Tà'UINàN M'EK' àT NKYàJà

108

14.- BIU' STàBEUS

116

15.- RU' KYAJAONàN

124

16.- NEPJ KYAGON Tà' à' àYàN

132

17.- LJIAJABàT KYWANDàT Y NKJIUYàT

140

18.- PàKJ LI'I NDà'àUDàN

148

19.- NMJAO TUNG NJË L'E

156

20.- TIÑJIAONG

164

21.- RU' RIÑJIË XI'IUY

172

22.- KICHJIAO' XI'IUY

180

23.- RU' XI'IUYàT Y KRA PIU' XI'IUY

188

11

9/5/05, 2:14 PM

JING Y RU' RÌPIMBÌT Kra gnu'bàt bu' xikyà' Jesus de la Rosa gama gàpadàt ru' njàedàt kwajadàt biu' kàmpu' njàiu' kèntàe gants'à, bà libiay kàm'us Tamasopo, y kwando gàjwa' al biu' kàmpu' gama dà'wa't bu' ntjuy n'dày Juana maat n'kao' y n'nudàt ru' bànjàing porke desde ky'àyàt ya npj dà'kjwepj n'piudàt, bàjài bu' maeu' Juana gama gà'a'dàt maat n'nudàt ru' banjàindàt y bu' ntjuy n'dày.Nipj dàguu ntjaju n'kàjàt pàkj kwajadàt,

1

12 4464 pame 1-51

12

9/5/05, 2:14 PM

kwando gàjwa'al dà'k'wa'bàt biu' knàe nt'us y jûy gulàijing bu' ntoy n'dày y dànuu es bu' maeu' jûy dà'jui' y dà'kwa'bàt ru' bàn'jàindàt, bàjài kT jûy dà'wajanp bu' ntjuy n'dày ke kjwa nipj maa ljàl', tûû dà'wãû ke ndu gwejep nipj tju'u maa gànjû'û porke ru' ri'piayàt ndu gwa kwajadàt biu' ki'chjiau'.

13 4464 pame 1-51

13

9/5/05, 2:14 PM

Ya niriajau ru' riñjie chiñi riajau k'ànt ru na'audàt tily'ajaw y nàepj riñjie mjang.

1.- ¿ Nàepj njàiu' bu' xikyà' ?

2.- ¿ Kjwa Jesus gama ga'a't ru' ràjàmbàt ?

3.-¿ Nàepj njàiu' biu' kàmpu' pàkj kwajadàt ru' ràjàim bàt Jesus ?

4.- ¿ Kjwa gwejepj nipj maa njû'u bu' njàindàt ?

5.- ¿ Na'ao mas gama maa ga'tàjà bu' jing ?

14 4464 pame 1-51

14

9/5/05, 2:14 PM

Riajaut chiñi rae' riñjie baru'uy.

Dàmàg limi nda i xkyà' y majau i ñyu'uy pero u majau u' baru' uy riñjie u Iàijing maa juà'yàt ru' lyedàt mas gadàiu'dàt y maa Ià'kwajanbàt n'wadàt maat ndu gà'chjiau kjwandi rae' rinjie: sàibat pàkj gi'k'T la kajadàt, gi'chiedàt ru' mas batãyat, kjwandi nàep gànu'bàt ntû'udàt y balài rinjie baru'uy mas, bu' xkyà' nimià y chiñi ru' riñjie baro'uy na'amp lichjiau.

It biu' n'xiaung ru' riñjie niriajau.

Riàts'àt kywa ru' riñjie nirajau ke paeje ñ'ia' nt'wet “k”

15 4464 pame 1-51

15

9/5/05, 2:14 PM

Riajaut rae'riñjie

Kyuy màiju kàjwãû Bu' kyuy màiju nda kam'us njàiu' kàjwãû, dàtaeu', dàtaeu' maa wa'aung kàntàe u mjau kuà' biu' kàntàe maat nàepj n'tãã biu' kàndàus, porke u sa'bàt ru' bànjàndàt ke gim'ji ru' ri'ibàt bàt mjau ba'tàijimp y nkjwandi ke ni n'jia't bàkàit gutae.

Ya n'gwajañ' niriajau ru' ts' Ti'pj ru' riñjie chiñi riàts'àt riñjie kun “kà”

Riajanbàt jià' kyuyk' pàk t'àT kjwajambàt n'wadàt ru' njàimbat ru' kradat ri'piayàt. ¿ Ru' riñjie dàm'ae y chiñi na'amp ndujuy ?

16 4464 pame 1-51

16

9/5/05, 2:14 PM

Riàts'àt ru' riñjie dam'ae Iimiang y ru' chiñi.

Ñu'ut kjwandi niñ'iã' kantapj. kantapj Damàiing nju'u pàkj t'àT ntû'ûdàt

chiñi chiñi bae xiau' nuu mikye.

Riajaut rae' riñjie, ia'dàt ndukj chiñi Iimiang, riwesàt kun sàI'we skjã't da'wa.

- kyao Ipaeje kra basaa.

- Jing dà'uT lyjiö'ö nm'ao' lyjiö'ö.

- Kyagun tixiaun'àn ky'wet.

- Ndudat ntû'ûdat njiwa - Jiàk'i ni miujuk'i ki'chjiau'.

Chiñi riàts'àt riñjie gànu'pj I chjiau; kantapj, chiñi y na'añ.

gnupj Ichjiau: kwando kyagun tànàiun'àn tàmaàn riñjie ke Ià'ju't lo ke li'T, kàntapj, chiñi y na'añ.

17 4464 pame 1-51

17

9/5/05, 2:14 PM

Riajaut rae' kra riñjie

N'MAE'PJ Jing u Ia'mài nda k'i n'mie'pj, gwa mjau xñi'u Iiñjias pay bu' n' dày maa paeje kàntàe. Uye Ia'màiyi nda k'i ñyubi, kjwandi nda Iyumbi, ru' kyao maeje Ia'maej'edgi n'tundàt ru' m'bia'ayat.

chiñi ñiapj riàts'àt ndukj ndujuy Ii'chjiau ñjiu' pay.

1.2.

3.

4.

5.

6.

7.

Ii'chjiau riñjie pay: Ndu ji'ipj maat n' mång na'ao nàepj pay.

18 4464 pame 1-51

18

9/5/05, 2:14 PM

Ya nà'gwajañ' k'àxiau' ru' riñjie, chiñi iãut rae' kra riñjie.

1.- ¿ Nàepj njàiu' maeu' Juana ?

2.- ¿ Nàepj njàiu' biu' kàmpu' pàkj màiju Juana ?

3.- ¿ Na'audàt ndujuy nte'enàt biu' riñjie maru'uy ?

4.- ¿ Riàts'àt riñjie ke paeje rae' ky'wet “kà”

5.- ¿ Nàepj mang biu' n'jie maru'uy ?

6.- ¿ Riàtsàt kra riñjie nduk tàsàibàn riñjie gnupj Ichjau.

7.- ¿ Kywendàt datsàik' ru' jindat y kradat njaenàn.

19 4464 pame 1-51

19

9/5/05, 2:14 PM

20 4464 pame 1-51

20

9/5/05, 2:14 PM

DàKYWAJAMBàT Y TREBàT RU' XI'IUYàT Ru' Iyedàt mas ñyiu'uyàt kwajadàt kam'us xi'iuy ndudat bayàt skwel, nkjwandi gim'biay ki'kjiûû maat n'jiudat ru' lyedat si nipj n'àinat.

Ru' lyedat Ian'du'udat y m'jài dikywajambàt n'kjiu'u n'k'iT nàepj Iyjiajau limi kTndàiusàt gim' biaky gily'jiajau lyjiajau, lyjlajau, tûû ru' Iyedat Ijá xily'jia, I'iung kibia, I'ànat m'bia'ayàt, madat we'dat, uà'yet, kjwandi bayàt maa Ijaung chjiàjàñ.

2

Ru' ñkjiuyàt ly'àyàt diriaja'dàt t'àT xich'ià', ch'à', stwe'eng, rae' nàepj ndu i'àky pake n'lyjiaung chjiàjàñ.

Kjwandi n'dàu'dat m'bia'ayàt, talundat, pagasat, xikyàI'àt pake taba'aky ru'tikyà'dàt. Ru' m'bia'ayàt I'à'yàt Ijaung rà'kjui',salju'tj, dankjui' y balài nàepj mas ke Iimiàt kàndàiusàt.

21 4464 pame 1-51

21

9/5/05, 2:14 PM

Ru' ky'wet ke ya niriajau, chiñi kywenbàt bu' gsau' y riàts'àt kun riñ'jiëk' ru' dikywajamp y traebàt ke m'jài ru' Iyedàt xi'iuyàt.

Miant ndukj ndujuy jià' dikywajank' k'àmài, riàtsàt ñiapj.

1.2.3.4.

5.6.7.-

22 4464 pame 1-51

22

9/5/05, 2:14 PM

DIKYWAJAMPJ L ’IÌY Nda gànu' bu' I'ae pay bu' ndày lamaj ki'chjao', bu' Iy'ày gamaa i kwando ñywa rwa dakwàjàdàt ru' mbia'ay, pagasat y xikià'Iat u juii da tumbàt, gamaa dandwajadàt da'jwa'Iàt kandàius, bu' meo' Iy'ày dàsàipj ke la'mudàt kàntae Iankwe'sbàt skjats', Kwando ya stamajaiñ stàkwepj y tsàma kichjao mat ni ntae'pj.

Gàjwa'al nt'us Id'chjao', bu' gàsao' da'wajanpj kjwa datee'pj? bu' Iy'ày damang ke pa'aipj bu' maeo' tunat mbia'ay.

Bu' gàsao' dàsàipj bu' Iy'ày la'muu manàis Iasao' ru' rik'àx sànu nin majaiñ' nlàijing nkààjà, Datãy bu' Iy'ày, da'màidat balàidat mbia'ay daju'u datunat mjao.

Miant ru' dikwajampj nda, si nà'àmpj kjwande nda ly'ày ntjuy y kywang. ntiuy

kywang

23 4464 pame 1-51

23

9/5/05, 2:14 PM

Riajak'un kun ru' njanàn kjwabiu' nip lykjiande ru dikywajamp ru' Iy'àyet kywandàt i ru' kyuyet.

BU' L'IÌY Maejedat ru' Iy'àyet mjài dikywajanbàt ndudat kjwande mjài traebat maejedat ru' Iy'àyet lamài nk'iu' naejpj Idu'dat nk'ii kià'dat.

Maejenan ta'màinan nkyajanan maejenan ta'màinan nepj n'win ntjuy i kywang lamàyi ki'miay mjae ru' kyajaunan nip Iamày ki'mia'ay.

Pàk xinchja niru' ru' rinjie, chiñi it nda kiTt rae' danweje'.

24 4464 pame 1-51

24

9/5/05, 2:15 PM

BU' L'IÌY BANE'E

Nimi nda ganu' nibiju nda k'i ly'ày, bu' meo' nip mang àng tsu, dateo' u maa waiñ mjao kajwai, bu' maeo' Ianjumpj i maa lanjae mjao kajwai i bu' ndày u la'kwejp ñyius. Xiñi'u bu' xikià' u maa tajao ntjajao bàjài u njwa'a kandàins bu' Iy'ày kwando nip màijiu bu' maeo' njwa'a ndw'a paeje nda ntsài' ntjwa, nda nkjà', i bu' tsû juts' I'uii ntjàjàiñ uàng bu' ndày.

Nda ganu' bu' maeo' dakuàjà màijio xàjàñ, datsu bu' ndày maa njiujuts'i; -dàxiip bu' ndày- pàk sk'ikijimp jià' más chiñu'u. Maa nkiejöyi, kantap bu ly'ày nimiajan', da'uà'à balày Iyjiwa, chimiajan' bu' xikià' u sta' uà'à ndaja damaeo'.

25 4464 pame 1-51

25

9/5/05, 2:15 PM

Miant nda njie maru'uy ke jià' k'i'iu', na'aiñ ibat nxiaung.

Chiñi ibat rinjie bi nixiaung ke jià' n'iì.

26 4464 pame 1-51

26

9/5/05, 2:15 PM

Miant naep mjao Ii'iajaun' ru' dikywajambàt.

Iaut rae' kra rinjie

¿Kjwabiu' li'iajaun' ru' dikywajamp Iandiu' nt'us ki?

¿Nduk lyjajao I'uì ntjuy Iy'ày?

¿Naepj kimbiay Iandu'dat ru' nkjuyit?

¿Nduk ndujui dikywajambàt ru' Iy'àyet kywandàt y nkjuet?

¿Na'ao Iandu'u Iantunat ru' Iy'àyet?

Miant naepj dikywajampj Ia'mài bu' I'ae?

27 4464 pame 1-51

27

9/5/05, 2:15 PM

RU' CHJÌJÌMBIT XI'IUYET Ru' xi'iuyet kwajadat kwa ne nmpu' xi'iuy, tju'ut njaung mjie ba'kwa'ant skant'ay bajao batã' ru chjàjàñ mjujutpj kjià', miujui', Sankjài', mbiuu, xixiung.

Kjwande kimjiampj njaung pagas talung, rinkias pagas, sa'pats', rikjiai'ky pagas, rinkias ga' ung. Maejedat ru' kwajadàt kat'us tibiaky t'ài ntsjàjàiñ mat njiaung maejedàt.

Bi' ntà' nmpiei' ru' xikià'dat, gadàu'dàt, mjiu'dàt, Iy'àyet, Iipiudàt kam'us xijiang madat Ijaung ri'pieje't, stakajt, dapai, lyjwã, lyjiu, nmpûi', kjià', balài naep Ijaung.

Driajadàt njaen madàt riat mpãadàt, maa Ijaiñ naepj limi.

3

28 4464 pame 1-51

28

9/5/05, 2:15 PM

29 4464 pame 1-51

29

9/5/05, 2:15 PM

Timiensk'ant, riajak'un rae rinjie naepj ru' wajaun'.

¿ Pàk t'àT kwajadàt ru' xi'iuyet? ¿ Naep njaung ru' Iy'iedà kwajadàt kat'us? ¿ Pàk t'àì kwajadàt kat'us? ¿ Pàk madat bi' ntà' nmpiei'? ¿ Naep k'iñaung jià'?

Ñia kiñjiupj ìt naepj chjàjàmbit k'iñaung jià'i na'aimpj kada nda Iandajao naepj da'uàts' mat ru' giky'u' ru kradat.

Miant pàk li'ì li'ìì.

30 4464 pame 1-51

30

9/5/05, 2:15 PM

Xibant gàsau' Ia'maik'an mat k'in nda k'iky'ajaun' njie k'iñu'un naepj mas Iinaung nipiu'.

Ñu'unt pàk Ii'ì

Naep Imang n'nuu?

Kampu'bat: ganu': Njiu' bu' ma'ajaunpj: Rinkyàjà i malepj:

¿Naepj chjàjàñ k'inaung? ¿Pàk k'ikyàjà ru' chjàjàiñ? ¿ Kà'sao' ganu' maa k'inaung?

Iint nk'àxàn mat k'iriajaunan kandusan o pàk jià'k'an mank'an.

K'iky'ajaun' njie: Ndu ji'ipj mat nda man n'naepj mas limi, kà'sao' kwajadàt o kra xa'aõ, nduk k'imiang ndàiu'.

31 4464 pame 1-51

31

9/5/05, 2:15 PM

Riajaat rae' rinjie dipia mat k'iriu' pàk tài'.

Jià'k'i ta'kwa'ank'i mjie rimies. kyao lagwa kataung dapai, stakajt.

Uye mayi ga'tûye nda xijiajao.

Kyagun ta'uinan chjàjàñ.

Tat u maa gatu'û njiwa.

Jià' k'’imiang ntaung nda talung, kûy u pa'aiky ikwa'ant mjie.

Kyaugi tamayi kasàjànchi kat'us.

Ndudat Ijà'àiky nda masat.

Rià' sbat ru' rinjie lichjao njiu' mat k'ipiapj rae' rinjie dipia.

mayi gapayi xijiang. naung basaa. niriway tanaejebi nkie' nmpàiì. madat tamjTng. lagwayi tamaints'. na xijiang.

Lichjao ñjiu: Kyagun bi' njiegan, limi rinjie ke kuà'ànat o tiriajanan i kuande nda njiu' I'ae ta'gwajaunbat i kà'nan rae rinjie Ii'chjao ñjiu': kyao, kyaugi, jià, jiàk'i, u, uye kyagun, jiàk'an y ndudat.

32 4464 pame 1-51

32

9/5/05, 2:15 PM

BI' NMAE'PJ Bi' nmae' pj kjwande chjàipj ribiul, driajadàt njaenan bàjài t'àT tju'ut, bi' nm'a'ay nà mandiu' k'at'us, mjao nà Iimiang; nà Ia'màì giriui bakwa, nuye xikyaõ, ji'impj mat nda n'maeje'tpj mbieje', kjwande nda Ia'maeje'tpj chjàjàñ, Iyjwa balài naepj Iykià' kat'us.

Pàk xinchja': Nda rinjie mang pàk xinchja' nmpu', nm'a'ay, n kwang o kra xa'aõ naepj.

33 4464 pame 1-51

33

9/5/05, 2:15 PM

DÌLJWA Kyagun kakwa nmpu'nan xi'iuy ta'ju'dan naunan dàIjwa. Ya ganu'pj basaa, kyagun nangàn maa paeje basaa, njwa'a tà't, jûts', Ia'majuipj miujui' nkyejen' ri'xli kipis.

Ya tã' majeJedat njaung ru' mjiàng,

la'dat naepj mas chàjàñ limi jià' nipiu'.

Kjwabiu' nan ujuy llûii ntsjàjàñ.

34 4464 pame 1-51

34

9/5/05, 2:15 PM

NAN Nan, gwa kyao gatûû riaungàt kankaû kantwek' Mat k'ikywa'ant ru' mjie bàjài k'imia'ak i kagway.

Xi na'ao landajaunk' ¿Kjwabiu' jià' k'ibiai?

Chi'piumbat, Ru' kywang ndu gwa nkyàjily, bàjài uink' kyaao.

Nan, kyao lmank' laempj tama'ak' jià ma ñyiu'kj bàjài kyao Ixài'unk'.

It kra rinjie kjwande rae', ia'dàt naep n'àipj rinjie.

35 4464 pame 1-51

35

9/5/05, 2:15 PM

PÌKJ XINCHJIA' BIU' N'MPU' Ru' ly'iedàt xi'iuyit y skriunàt kwajadàt nkao kàmpu' Ijajao Ijiajao, Ijû'û I'jiwã, kjià', miûjuy, Ijiû y balà nepj mas. Ru' Iy'iedàt kwajadàt balà rànkyàjà xiao' skra kàmpu', màiajao ljië'ë, t'jããu kalus, kjwajaos ntjûng, najayit ñjiajay nmpajal' y kra nepj más. Kjwande limidat ly'iedàt ke njû'û balà stikywang nmpài y chjàijàiñ.

Ru' ly'iedàt ke kwajadàt nkapj, nipj mjài bajao dànweje'.

Ru' ly'iedàt ndudàt meje kàñkye' tibia'akji ru' Ijiã jao, tjao biu' nmpiu'udàt pàkj kwajadàt.

4

36 4464 pame 1-51

36

9/5/05, 2:15 PM

Biu' nkapj nmpu' gwa limià balà nepj y biu' ntjaonàn gwa nipj njû'u, pero kwajanàn mjao, nipj limi sànegan ya ke biu' kàm'us li”ii balà sànegan.

Ru' Iy'iedàt ràm'usàt ndu Ijaong y l'à'àlkjà rik'ià'àikji, Limi kàm'us mas ntà' y li'ii balà ljiajao y balà sànegan en donde kiwã nkapj nmpu' nipj I'nu'unàn.

37 4464 pame 1-51

37

9/5/05, 2:15 PM

Ya niriajao kàntapj ru' riñjië'ë, chiñi tikywenkàn kon ru' bimiujukàn pàkj xiñchjia' kàntap biu' nipiu' y chiñi pàkj xiñchjia'. it y kyal'at biu nil

Kàntapj

Chiñi

Chiñi iaot re' riñjië'ë lo ke wajaon 1.- ¿ Pàkj kwajadàt ru' ly'iedàt xi'iuyit y skriunàt ?

2.- ¿ Nepj Ijû'û ru' Iy'iedàt xi'iuyit y skriunàt ?

3.- ¿ Nepj Ijiajao t'ài ru' ly'iedàt ?

4.- ¿ Nepj li'ii ru' ràm'us ?

38 4464 pame 1-51

38

9/5/05, 2:15 PM

MBIAJAO LJIË'Ë Biu' nmpu' pàkj Iàmàjeo gwa nang t'ài ru' mbiajaoljië'ë, y t'ài meje ru' ly'iedàt, kada kien I'wà komo Ijû'û, y kwando t'ài bà'a dàt meje ru' ly'iedàt mat' ma gànjaung ru' Ijië'ë y balà nepj mas, nàjàiña' gànu' bà' adàt ru' gàxåsàt' y kjwajaos ru' Ijië' ë m'ëë dagujun', kwando là'à ru' Ijië'ë ijent gàmpiu', tàiñkji kàntil skimià segun ru' batudàt ke mjà, ru' gàxaxàt tsjas nuebebinuetes y kwando pajaiñ ru' nuebe Ijiao

39 4464 pame 1-51

39

9/5/05, 2:15 PM

Miant pàkj xiñchjia' ru' Ijiajao y mbiajao ke t'ài biu' nipiu' pàkj kàmijào.

Kiwendàt kon ru' bimiuju kàn lo ke nirià ts kuts'à', y iaot re' riñjië'ë lo ke wajaon.

1.- Miant kjwa biu' nipiu' nà mas ntà' o nkiày kon kra piu'

Miant nepj t'ài ru' Iyedàt biu' nipiu'y ru' kwajadàt kàm'us.

NKAPJ NMPU'

KÌM'US

Pàks xiñchjia'.- Ña' riñjië'ë mang pàks xiñchjiã' nmpu', nm'a'ay, nkwang y kra xao nepj.

40 4464 pame 1-51

40

9/5/05, 2:15 PM

PIA BÌT' NEPJ Ñ'IA' Kyñkiepj ntus li'ii nda ntung ni'iats, aunke nipj nu' mikie siempre mjao nkia'aI.

Xigàt nepj nàjài Biu' nàna' Chiñi it kra riñjië'ë, kàpiapj nepj biu'.

41 4464 pame 1-51

41

9/5/05, 2:15 PM

TÌKWENT N'MPU' Biu' kàmpu' Vicente Guerrero, mpio. de Rayón, S.L.P., dàm'ëë njàu' La Conoayita, ña' kàmpu' era puro nmpà, li'iibalà dàxàà, dàn'tsà', y nipj li'ii kius, xao' ndendàt pagasàt, ru' nmjiu' dàt de re' nmbiayit dàtài ndaxàntse'dàt pagasàt kipiusàt, poreso bàjàilempj dàgweje balà riñkjiàjà biu' La Canaayita por biu' xàntse' dàt pagasàt. Biu' nkjiàjà 1963 njiujuñ biu' dànweje ke kiñ'ie de kàm'us nkie mbiu y ke ma kàm'us Tampico, nàjài ña' nkjiàjà gàjwaye nuye I'éyi ke njàuye Damian Olvera chi ya mtu' y Juan Resendiz gwa mejeo, ujuye xao' kàntap gàjwaye, wá nauyeuye I'ñie ye biu' kàmpu' Querétaro y n'aiñ gànjwadàt mas lyedàt, Chiñi ya mjao balàdàt lyedà kwajadàt, komo 120 a 150 njedàt y komo ya dàtay ña'ranch' chiñi limi skwelàt desde Educ. inicial, preescolar, primaria y telesecundaria; kjwende ma'ay ndu nt'us kàtsjao stà kiwang, nda telefono, rikjià kàntil y Ijia'ao.

42 4464 pame 1-51

42

9/5/05, 2:15 PM

Riàts'àt ru' ñjiu kra piu' ràpià nipiu'

SKÌJWA'A Re' k'iwet ke peje riñjie ke sàikj pàk xinchjia' biu' kàm'us.

Tàmài nda nts'ukj ke màjàu kuna xijiang, u pe'et pjiji, stjweng, ru' skàjwa'a ma beje' kuts'ài kàmpiay nt'we, ru' ripiayàt mas kià'àdàt ba'aiky ma beje' ru' skàjwa'a, kwando ru' skàjwa'a tjwa'a bu' kàt'us, bu' nmbie'eukj juy ma lijwajan' ru' skàjwa'a, ya kwando rào y li'ii jã dàjwajan, bàjày ya bu' nts'ukj malí mainch, sú'ut ru' skàjwa'a y ma pe'et ru'pjiji porke bàjày ya mas dru'un Nkjwende limi skàjwa'a kià'àt y njàu gàiwa'a, kra k'iày njiu' skàjwa'a sàIukj.

Riajaot ru' k'iwet y kuniu y riàsàt ndukj riñjié mas Ii'iajaon' o màng.

PÌKJ XINCHJIA'.- Re' riñjie ndu ji'ipj para nda nepj n'mang: ntà', nk'iày, dàjwajan', dàmpu.

43 4464 pame 1-51

43

9/5/05, 2:15 PM

BÌRU'UY RIÑJIÉ XI'IUY Ru' xi'iuyit de kyñkiepj nmpu' nkie' mbiu, ndujuyit xiao' nàljaiñ de ru' kiàdàt xi'iüyit chichimecas ke kwajadàt dàm'ëë antes ke Iànjwadàt ru' skriundàt, ru' xi'iuyit ke gàkwajadàt ru' piu' Hidalgo, Querétaro y Guanajuato ndu'ya dàljundàt.

Nipj Inu'unàn pàkj liñiedàt re' xi'iuyit kotee Iàjàmpj ni xie'epj gànjwadàt, pero kra tàidàt ke re' xi'iuyit ya kwando gànjwajadàt iu' skriundàt dàpe'elpj' ña' njàu' pami ke biu' njie skriung mang “m'ë” (NO), ña' njàu ' Ieempj' dàpelgàn y stà tsàigàn komo kjwende dàmaunàn, njiuñ komo ru' mayas de yucatan ke kwando dàI'aumbàt nepj njàudàt y ndudàt stàt'aó yu'utan y biu' ñjië skriung mang ke nipj I'nüü “No se” y poreso chiñi biu' nmpu' pàiq kwajadàt njàu' yucatan porke bàjài stilàjàpj ru' ñgiat' skriundàt.

5

44 4464 pame 1-51

44

9/5/05, 2:15 PM

Re' xi'iuyit nmpu' ñkie' mbiu, Chiñi kwåjadàt ru' kikiay municipios de ru' 56 municipios ke limi ña' nmpu' nkië' mbiu', ña nmpu' kwajadàt rnudàt xi'iuyit, pame, tenek y nahuas, chiñi kwajadàt re' xi'iuyit kote'e Iàjimpj ru' piu' kàm'us kàntjwåp y Alaquines y biu' l sur li'ii ru' piu' Sta. Catarina y ràbia y kuna Iàjàng gànu' li'ii ru' piu' tamasopo, mejedàt ru' xi'iuyit kwajanàn ña' nmpu' komo 10,000 xi'iuyit pames.

Re' xi'iuyit ndu' Ijû'û Ijiwã, kjià', miujuy y Ijû'û kon nkwang ñkiàs y Ijwã kon biu' sàdun y guingaro porke meje ru' njiwã t'ài kuchà' kimpiepj ntwë' y snudàt lyedàt mjà bàjao piu'.

Re' lyedàt xi'iuyit ndu mjang ke ru' ma'ay jiajao ndu' nipj mjao nda nàgwail porke si Iàgwail nda, Ià'ài xi'chao y biu kànté nà tsë porke nà es komo kikji Dius.

45 4464 pame 1-51

45

9/5/05, 2:15 PM

Jià' kon bu' gàsau' tàkwenkàn pàkj xiñchjia' ru' riñji ke niriajao kàntaapj, chiñi riàtsàt ru' riñjié bàru'uy de re' xi'iuyit.

Riàtsàt ru' ñjiu' piu' ke kyñiu'u y ke nenàt xi'iuy njié y kjwende ru' piu' pàkj tibiay.

RIÑIJIE BARU'UY.- Kwando tàriajaunàn de nepj nàjài o nepj nimiipj nda na'ao, tànenàn ru' riñjié'ë baru'uy.

46 4464 pame 1-51

46

9/5/05, 2:15 PM

LMANG PÌKJ XIÑCHJIA' Nma' n'nuunàn ru' riñjië baru'uy de re' xi'iuyit pames, dàm'ee nda liày xi'iuy gulàjàn biu' ñgi'us I'wat' nda ñgiuy mat ma ndajaumpj pàkj t'ài kwajadàt ru' xi'iuyit y dàkwàjà bu' ràjàimpj y dànkwao' y bu' rjàimp dà'wajaompj bu' I'iày ¿ Nao kàjià' ? nipj I'nuukj, porke ya nipj lpajau', solo Iàuk' ke jià gwa kànee', wa' Iiày dà'wajao y dàsàpj kiau ndàyk' Tomas Castillo Navarro ke nejeo biu' cuesta Blanca, municipio de Tamasopo, S.L.P., bu' rjàmpj dàwajaompj bu' liày ¿ Nepj kitsjao kiwa ang kàjià ? puede de ke Iàmàitkj nda sànegan, komo kjwende dàm'ee limibàt ru' na'audàt ke gàkwajadàt kàntaapj kiwá kàmpu', y bu'I'iày dà'uu ke bu njàin Iàma'a ru' ràñkiàjà dàm'àng y stàwajaompj ¿ Nau nduyit gàkwajadàt kàntaapj ña' nmpu'unàn? ¿ De pàkj liñiedàt ? ¿ kjwa' gàwajadàt kiwá ? y bu' njàng dàwajao y dàsàpj kàmiang ke kiau i'sautk' ru' riñjië'ë baru'uy, ntus k'un'ee mas jwày nekà paakj ya ke bu taatk nipj ne'e pa'akj, ntus jià' kun'eet, para ke gàsautk ru' riñjië baru'uy y kwando ya kuntay gi'iembàl ru' liàyàt lo ke kiagun ru' ñgiuyit lnu'unàn'.

47 4464 pame 1-51

47

9/5/05, 2:15 PM

Riàtsàt nduk riñjié'e peje lo ke niriajao kintaapj para ndajaon nepj.

Nduk riñjié'e xi'iuy kiñiu'u para nda nepj ndajaon y kon ndujuy it lo ke kàmiang n'nu'u.

Signo wajaon.- Nà nt'wet nà kà'ànàn para nda nepj wajaunàn.

48 4464 pame 1-51

48

9/5/05, 2:15 PM

RIÑJIË' SPAJAUTS' Kiau xi'iuy, Jià ujuy kàmiang ke kiao nipj tàjTipj.

Jià' kàdnwa, K'ixikj ke kon biu' nimiu' kiao tà' màà Kiao xi'iuy Jià' kàmiang ke biu' nmpu' nipj kiao I'pay, kiao Iàntu'u biu' kàmpu' y jià solo kyñ'naong lo ke kiao Iswëjët.

Kiao xi'iuy Kiao Iàmejeo nkie nàkwang, jià kon lo ke kiñ'ñiuu kada gànu' kikiwalkj, nipj kàjwijio lo ke biu' kàmpu' I'mjà y ru' ljiu'u wàts para jià kiñiaong.

Kiao xi'iuy asta xie'epj kiñ'ñiu ke kiao xi'iuy, miaakji ru' ràmiaat, biu' tàwã' biu' nmpaay biu' kàtee na'ampj kiao I'pay. aunke jià aipj kimiang.

Chiñi mia'aikj nda ñjié'é spajaots ke kàiu'

49 4464 pame 1-51

49

9/5/05, 2:15 PM

RU' XIKIÌDÌT KÌNTAAPJ GÌKWAJADÌT Ru' njenàn ñgiuyit ndu' kàntaapj gànjwajadàt kiwa piu', ndudàt dàtjaigan balà snu lo ke ndu dànjuu, poreso chiñi gwa na'ampj li'idàt gànjàudàt ru' gàwendàt ndu' I'jào kon stikiwang y mbiayit komo kjwende ru' talundàt d'àwã o dàmpu', kjwende kjwà' xàljwas y Ijië'é. Ñ'ia'a kàmpu' gwa nipj tjung ru' gàwendàt, prueba de ello gwa na'ampj mejeo bu' nau' Rufino Medina ke liñie de Sta. Maria Acapulco kàmpu' nmiay otro nda nao njàu' Rodrigo Chávez, wa' u mejeo biu' Vicente Guerrero, wa' nauye uye mjao liñuye por lyedàt de kra piu'.

Riàtsàt ru' ñjiu' de lyedàt ke njuju ru' riñjie'e baru'uy de re' xi'iuyit de biu' nipiu pàkj kàmijio y kra piu' ke nenàt xi'iuyit ru' lyedàt.

50 4464 pame 1-51

50

9/5/05, 2:15 PM

ti kywentk'àn kon ru' bimiujuk'àt y iãot ru' riñjié lo ke wajaon'.

¿ Pàkj liñiedàt ru' xi'iuyàt ?

¿ Kjwa kyaogon stàpeigàn xi'uyàt ?

¿ Pàkj gàkwajãdàt ru' xi'iuyàt ?

¿ Nepj Ijû'û ru' xi'iuyàt ?

¿ Pàkj t'ài Ijû'û ru' Ijiwã ?

¿ Nepj t'ài ru' Iiedàt kywa nipiu' ?

51 4464 pame 1-51

51

9/5/05, 2:16 PM

6 GÌMAJAIÑ NMPU' XI'IUY Kiagun ru' xi'iuyin tàmènan ru' gàjudgan pàkj tiwinàn tibiayen, bu' gàmajaiñ nmpu' xi'luy, u lwejet' ru' riñjië'ë y wajaon ru' nepj limià biu' kàmpu', kjwende lwejet' ru' riñjië'e n'às n'àng y balà nepj mas, biu' xàmpejet nà liblay nda nkiàjà, y re' Stabejet ndu kjwàjà por lyedàt ya ñgiuyàt entre 40 a 50 riñkiàjà ke I'u'u ru' riñjië'e baru'uy, o lyedàt ke dàtàà nepj bàjao o lyedàt bàtsedàt, komo kjwende ngiuy Faustino de la Cruz, liñie tëë nmpiu ntwë de Ramirez, ñgiuy Jesus Castillo ke liñië kinte' sàmpjày, otro nda ñgiuy Benito Castro, ke liñie biu' Sabinito Tepeguajal, meje re' plu' fibiay bid Tamasopo, S.L.P. , li'iidàl kra yedàt mjao tiñjiu komo kjwende ngiuy Juan Montero ya matu' y nda ñgiuy Juan Mata, uye u' liñieye de kàmpu' nmiay (Sta. María Acapulco) libiay blu' kàm'us Sta. Catarina, kàm'us nkie mbiu'.

52 4464 Pame 52-101

52

9/5/05, 2:17 PM

Kwando nda gàmajaiñ tjû'ût, biu' xànang gimay tàiñmpj komo snu' biu' stàbejet ke tajach bu' dàjiu gàmajaiñ asi komo kjwende tajach biu' sànti'i k'iàix, y ru' kwet ke peje biu' sàntàà k'iàix mang, gàmajaiñ xi'iuy, segun ru' riñjië'e bàru'uy ke biu' sànti'i kiàx Imà balà riñkiàjà.

Kjwande re' gàmajañgàt madat tàmjianch kotëë skriumpj y mas kra piu', ma tikwen dàt pàkj ntjà' nkjiàt ru' xi'iuyit, re' gàmajañàt ndu beje kra kredencial ke tàjàn biu' Consejo Nacional de Pueblos Indígenas ke mejeo kotee skriumpj.

53 4464 Pame 52-101

53

9/5/05, 2:17 PM

Tàkwenkàn kon ru' bimiujukàn de ru' gàmajañàt piu' xi'iuy, chiñi riàtsàt de ru' gàmajañàt ke jià' kiñiuu.

Gimajañyit

pàkj Iiñië

lajiutsàt njàu' gàmajaiñ de biu' nipiu' pàkj kàmijio y si kàmië nda njeyi ke peje stàbejet njàutsàt kjwende.

RIÑJIE BARU'UY.- Kwando lmanàn nepj ni'à o nepj nimiàpj nda na'ao, tànenàn ru' riñjie'e baru'uy.

54 4464 Pame 52-101

54

9/5/05, 2:17 PM

BIU' SÌL 'ANG GÌMAY Biu' sàl'ang gimay, nàjài snu' biu' sàmpejet ke beje ru' gàmajaiñàt xi'iuyit, segun ru' riñjië'e bàru'uy ke biu' sàI'ang gàmay nà ya I'me balà riñkiàjà, bu' dàjiu gàmajaiñ ke tajach ña' sàI'ang es komo si tajach biu' ntajao, lime ma ntung ke ni mau nmajapj, si por sàmjujuñ' Imajapj nda na'ao o I'màà ña' sàI'ang, gàkiàjàpj biu kimiay ru' mismo njedàt.

Riàtsàt lo ke jià niriu' ch'T' kàmpiepj

Ñjiutsàt nepj riñjië kà'iu mas biu' sàl'ang gàmay.

55 4464 Pame 52-101

55

9/5/05, 2:17 PM

Balài riñkiàjà kintaapj, t'ài nda timanch pàkj ba'adàt balàdàt Iyedàt para nkiàñ biu' sàI'ang gàmay.

Miant y ñjiutsàt pàkj ru' tàmanch'.

GÌTÌIÑ SÌL'ANG Kwando nkiàñ biu' sàI'ang ba'adàt meje ru'liedàt y tàmjianch para ma nkiàñ ña' sàI'ang, nàjày ñ'ia' gànu' beje kipiànt, Ijie'ë y chjiàñ y bali nepj mas t'ài komo nda nmbiajao, bàjài t'àà kiwa nmpu'unàn kon bu' dàjio gàmajaiñ.

Riajaonàt y rààtsàt kon nepj kra tàà biu' kàm'us xi'iuy o pàkj kàmijiu.

56 4464 Pame 52-101

56

9/5/05, 2:17 PM

Limi kra pàkj xi'nchjia' para nda njwal nda njië mas banài, Ipia y sàntsjao.

GÌPÌUN NKÌX Kiit kon nda kalus biu' nepj kimiang spajàipj njwal

Nàis Ii'iajaon

pikj làñië: Kiajaut, kinkle mbiu' A nuye DE nm'ao ljië'ë DE 1997 Na'ao ma ntajach

Izahud Olvera Olvera

Pàkj mejeo

Abasolo No. 42,

Pàkj ma

Skriump' D.F.

Kwet riñjië,

Kun'et pia kikiay nm'ao Ijië'ë, Jing nà'à gàmajaiñ xi'iuy.

Na'ao pay

Luis Fernando Olvera Hernández

Pàkj mejeo

Mariano Hidalqo No. 6 Kiaiaut, kiñkie mbiu' Firma Luis Fernando Olvera Hdez.

Biu' pà'un nkàx nà Ià'iao nda larajaoye nip linkiande biu karta, Biu pà'un nkàx mas àkwe porke lmjà sànu' riñjië, nipj Injuñ lo riñjië.

Biu' pà'un nkàix kjwende peje na'ao ma ntajach y pàkj ma komo kjwende ch'i' kwal.

Ñjiutsàt ñia' nda pà'un nkàix y iambàt el ke na'ao jià' kàmiang

BIU' PÌUN NKÌX.- Nà mas banà na'au nirajaoye con ru' ly'iedàt ke kwajadàt kàjway, ru riñjië Ipia y banài.

57 4464 Pame 52-101

57

9/5/05, 2:17 PM

BIU' PUNTO Kwando tàne'enàn y tà kwenàn lo ke Inunàn, Imanan spajàpj ma. Kwando tàwinàn lo ke Imanan, Lkànàn balà signos; meje lo ke Imanan Imjà pàkj ma tài', biu' punto seguido Ikànàn komo kjwende gwa nipj tài biu' nepj njië.

Biu' punto nà mjao Iijiajaon, no nàijulàn tsa'anàn.

Komo kwando tàwànàn nda nk'àix.

Kjende re: Kwando mjejeo bu' gàmajaiñ xi'iuy balidàt /y'iedàl madat biu' tàmanch. Wa' na'ao ujuy ma gàmay ru' piu' xi'iuy.

Riàts'àt kra rinjië ña kimpiu'pj, kiàt biu' punto ke Iànkû'ûspj.

Biu' punto ke Iànku'uspj l kiutse- Ndu xia'aoye, pero paygàn ma nnunàn ru' riñjië.

58 4464 Pame 52-101

58

9/5/05, 2:17 PM

Jià kon bu' gàsao', riàtsàt pàkj t'ài mjejeo bu' gàmajaiñ piu' xi'iuy y bu' gàmay kàmpu' nkie mbiu.

1.- Gàmajaiñ xi'iu

2.- Gàmajaiñ kàm'us nkie mbiu'

59 4464 Pame 52-101

59

9/5/05, 2:17 PM

GIÑKYU Nda gnu' nda Iàe grwa niriwa Iàn'dwaja'dàt tiria mie'bàt, nuye nmae'bi dànwayi paeje'yi lyjwå, nda nuye dàmpuyi paejey'i kjit', nda nmae'pj sàswa' paeje' nchiau' tj y biu' nda skà' wak' paeje' miujui', niriwa maejedàt tikjiu'unt, kradat niriwa wach'àt y kim' jiampj niriwa Iilyjiëje', bu na'aw niriwa Iàn'dwaja'dàt niriwa pa'anbàt, juàsbàt y kim'jiampj Ia'ma'ayàt, datae'bàt trwa y nda npiu n'twe bàjài biu'naljanky, niriwa n'wë'ëts'’ bàjài gà'wë nda mikye mujuyi giñ'kyu y nda ga'mao mjao manàis, tûû

7

60 4464 Pame 52-101

60

9/5/05, 2:17 PM

bu' Iàe dàtài'un biu' mikye, porke u nixie'epj nû'û kuàky balài giñ'kyu, tûû maa dà'màipj snuu kjwa kuàky nju i gado y na'añ mu'u y Ii'T kàntàe. Kàba'ao gànu mikye tûû àT dàjwaai, àeje 'pj gnwe'tj maeje ru' chia'pj, danja y ru' riñkywamp gnwe't bakàit gudàe, maeje rae' gudae njwa'aI kiñ'kye'p ntà' kàntàe, dàtsja'aut ts'ài'’gnu' na'amp Ijàjàn' ru' danja njiets' n'piu npai', nxing kantao npai' y ñi'i mjao npa, bàjài kT gama nimjiànt nmpu', bàjài ki kwe gama gan'wa bu' na'au.

61 4464 Pame 52-101

61

9/5/05, 2:17 PM

Kun ru' bimiujuk'àt kywendànt y riàts'ànt nàepj tà'uk'àn de ru' giñ'kyu.

Riàts'àt nàepj mas li'T kim'jiamp libiajaun' npai' y Ii'T sànàegàn.

1.2.3.4.5.6.-

sànàegàn; nà es sànàe skwa limipj biu n'pu'nàn

62 4464 Pame 52-101

62

9/5/05, 2:17 PM

LIÑJIAS MÌRU'UY Maat n'pu'nàn gànuu mikye kàntapj nàe Iiñjia'at kra ranja kiñ'kye biu' kàntà' kàntàe bàjài kT njujuñ nda gà'mao nàe paejent ru' ranja y ya kwando liñjiwa'at tsjau Iasau'tj npu' bàjài kT ya nuu mikye, na'añ kwe Iàijing gnu' y paal' biu' npu', bàjài kT ITmiàng biu' kampu' pjung kwe Ii'T ranja, rae' ranja ndu es n'jià kàntàe maat kwe gànuu mikye.

Maeje rae' riñjie gwa kasàibàn libiajawn kàntàe.

Kywendàt pàkj Ii'T kwando njujuñ mikve y li'T maru'uy.

Riàts'àt ru' ñjiu' kra danja o riñ' kywamp ke jià' k'iñû'û.

1.-

3.-

2.-

4.-

63 4464 Pame 52-101

63

9/5/05, 2:17 PM

Riñjie ki' pjiapj

Bàn'dwa jwañ piu' paejent xch'iai' juik' ràn kauk' y nip k'iñu'u nàepj biu

’,

gà'mao Riajaut ru' riñjie ki' piapj y chjTaut nda jià' nkjwandi y pa'añ biu' ni'xiaung.

(

) Pa nàepj Iikyà' biu mikye nuu; ñ'jwã, mpàii, y k'àt'us.

Ràñjie ki'piapj: Rae' riñjie ndu ji'Tpj pa nda mjao Ià'maapj nàepj mang n'mang kra riñjie..

64 4464 Pame 52-101

64

9/5/05, 2:18 PM

Biu' kàntàe la'mài kàrnu' pàkj xiñ'chjia' maa libiajaun'.

Kiñiel': bàjài kwa xiñ'chjia' biu' nàkj nuu y pàkj tàjaun'àn.

gusàii: Nà nkjwandi es kàntàe, riatj mpa'an y li'T mi'kya.

n'jià: bàjài bu' Ii'T porke Ià'jujump paal', pjung y maa li'T ranja.

NTAÒ KÌNTÌE Nàjài niñ'ia' ntaõ biu' kàn' tàenàn, maejenàn kuàn'àn y maejenàn jaun'àn, biu' kàntàe kiñiel' biu' kàntàe kiñiel' ni na'au Ià'ju'u màiju si nip limi kiñiel.

Kàntàe, kàntàe, maejenàn tàmanàn kun jià' maeje ru' ràm'jà'dàn tatajan'an sàe kàjway y kàjwai' k'imiu' kyagun gwejel' tàgwanàn tàpaejenàn.

Libiajaun' kàntàe:

(Autor: Felix Estrada)

Bàjài bu' ta'àijà'bàn ru' karnu' xchjia' ma Ibiajaun biu' kàntàe; kiñiel' gusàii y n'jià.

65 4464 Pame 52-101

65

9/5/05, 2:18 PM

KI'KJIAJAI' XI'IUY Ru' xi'iuyàn tà'màinàn balài ki'kjiajai', kjwandi biu' kàntàe, tài'dàt ru' lyedàt ke si kyagun ti'i'ìudàn ru' gutàe y ni n'jwembàn gily'jiau' ru' mas lyedàt tûû gàtsweng biu' n'upj kàntàe y Ia'Iàiji' y ni xie'epj nàmài mas kàntàe, y nkjwandi si Iichjiau nda ki'pius nipj mjaw maa ganûû nda ntjuy porke ximi lama biu' kàntàe y ni xie'epj n'kjiàjà.

Ru ch'T' riñjie kuàch' ia'dbàt y riàsbàt ru' ñjiû' maat k'ipiapj rae' riñjie dipia.

Ru'

m'jài n'Iyjiung biu' kàntàe.

Ru'

m'jài balài ki'kjiajai'.

Bu'

nipj mjau maa ganuu I'we'et ki'pius.

Biu'

si ni n'tunàn guràiuil.

Ia'dàt mas lyjiû' y chjiaujt mas riñjie dipia.

Njàiu': bàjài gwa kàn'àijà'bàn biu' n'jie de na'au Ijiuutj kiñ'kye' ru' riñjie dipiã.

66 4464 Pame 52-101

66

9/5/05, 2:18 PM

STABAU' NTUNG Kàjway stsja'au nda ntung nda ntung mjau spajauts' la'mài ri'xi mjau nkyjàIy' nju sàikj ru' ri'xi; ru' rà'sàii nkyàjàly ndu Ià'ju'tj ru' banàisbàt Iyedàt, ru' Iyedàt xi'iuyàt.

Biu' dà'wã kyao tà'mài nà Ià'jutj n'ñiung, biu' n'ñiung xi'iuy pero bu' xi'iuy, ke Ià'kuà'àtpj biu' n'jiëpj xi'iuy, maat Ia'T spajauts' spajauts' kjwandi kyao kyao ntung stabau'.

Victorino Hdez. C.

Ya' niriajau ru' riñjie spajauts', chiñi chiaujt chjiaut nda nkjwandi.

67 4464 Pame 52-101

67

9/5/05, 2:18 PM

68 4464 Pame 52-101

68

9/5/05, 2:18 PM

RU' NMBIA'AYÌT N'MPU'UNÌN XI'IUY Nda gnu' nimjianch' maeje ru' naebàt Iimidat npu' nimjianch' nduk ndaja Iiñ'kjiandàt y dam'jàiju nda xikyà'bàt, bàjài kT gama ni'kywendàt maejedàt, nàepj nàepj njaung kjgwandi ru' gutàndàt, pàkj à'àT kwajadàt, pàkj à'àT Iixiwel'àt, kjwandi biu' talung, biu' xilyakj o skalu', ndukj ndujuy m'jài biñkywang y ndukj nipj m'jài, maeje nàepj kjwent.

Xiñ'kywanpj gnuu mjao makài mi kye maejedàt nk'ia'aI xiau' sà'nu'dàt naljañ, ru' m'jài san'jwadàt kjwandi biu' gàjwão, gutsajaundàt, ru' mjài giriuy ba'kjwabàt kjwandi biu' nmae'pj, biu' pakas, biu' masat ndu danjeje'p, ru' naebàt kjwandi biu' gijiàs, skju', gà'puu miujuy, y biu' skan'ae nkjàñ ndu nanjàjràt kyau gadu y ru' kyàyàt naebàt kjwandi biu' gamàes, njuu, biu' gutsjài' skakã' y biu nt'às, ndu bàjài bu' n'madàt tabaeng ru' ri'xi kywang. Ya kwando njiujuñ biu' mikye maeje kwe gànjwa'adàt y dà'pajan' biu' tamanch' y maeje na'au gama ñyius.

8

69 4464 Pame 52-101

69

9/5/05, 2:18 PM

Kywendàt kun ru' bimiujuk'àt y riàts'àt nàepj k'i'iu' de kra naebàt ndukj kwa'anàt biu' ni' xiaung ru' riñjië niriajau.

Mianch'àt ru' ñjiu' ru' naebàt ke nikyàjà kuàch' ru' riñjië kantapj niriajau, k'imianch' ndukj xkra niriajau.

Riàtsàt kra ñjiu'dàt de nàebàt ke jià' k'iñu 'udàtay ke nip kuàch' ru' riñjië pàkj ninajau.

Ki'chjia'ãunt m'bia'ay: bàjài ta'àijàbàn kwando tà'sa'aunàn ru' naebàt y tà'à'sbàn ru' ñjiu' pàkj tsjau Ian'du'u.

70 4464 Pame 52-101

70

9/5/05, 2:18 PM

RU' MBIA'AYÌT Maejenàn kyagun tànû'unàn Iimidàt m'bia'ayàt, ban'dàu'dàt, mbia'ayàt mpàTdàt y nkjwandi, tànû'unàn ke nipj maejedàt ru' naebàt m'jài riñ'kywandàt y bàjài kra maa n'sàTbàn: MjàI biñkywang y kra ndu nipj m'jài biñkywang.

Riajaut rae' riñjië.

PANJÌE'E Tài'dàt xikyà'àdàt, dàmàing ru' Iyedàt li'Tdàt panje'edàt, ti'ky'ì balidàt naebàt y dàgujun' maa t'atj naepj ñjiaung, ndudat mas nju'un riñkias ntjuy, ya tjwa'a ka't'us bàjài tjå'ky ru' pakas y t'à ì lyjië'ë y biu' kàkjài nà à'àT ki'piëi', rae' Iyedàt ndu tju'u ti'ky'T nda gutàng, nmàis xihrjian, xijiajau, dàn'u gutsjài' y baliàdàt nàebat mas. Chiñi tàI'dàt ke ya nip Iimidàt panjàe'edàt porke ya nip àng ndàejendàt.

71 4464 Pame 52-101

71

9/5/05, 2:18 PM

Riàts'àt kra riñjië ke Ia'jut nda maru'uy Ii'kjiandi kjwandi ru' riñjië Ià'kwent biu' panjàe'ë

Tàjàt biu' n'jieyi kun nàkj tsjau Ian'du'u, kjwandi nTñ'ia'.

masaat ska'pa'ã

Mjài biñ’kywang Nipj m’jài biñkywang

snàà nkjwe' gipiëng gutsjài' skakã' gàpjài ska'àT gàpaets'

Ru' naebàt ndu kanuye maa ta'sa'aunàn porke nipj paeje Iiñ'kjiandàt bàjài kra tasàibàn; mjài biñkywang y nipj mjài biñkywang.

72 4464 Pame 52-101

72

9/5/05, 2:18 PM

Rie'eut nàepj kywa nkwa'ant

Biu' talung naung lyjiwã.

Bu' Iy'iày wee nda nkàx

Riàts'à kywa kra riñjië ki'chjiau ke jàà k'iñu'u.

chjiaut kra riñjie dipib y chieu'jt biu ñië ki'chjiau. Kjwandi blu' kantapj.

Biu' npajal' nàeje'p

xibia

Riñjië k'ichjiau: Bàjài ta'à Tjibàn biu' njië nàkj nûts' kiñkye' riñjië dipiã, nàkj Ià'kwent nàepj Ià'tsjau nda naepj o nda na'au.

73 4464 Pame 52-101

73

9/5/05, 2:18 PM

BIU' GUSALY' Biu' gusaly' es nda xilyjiañ ntañ tsajaung i ntañ ntãã, maa kantàe sàmpjài y maa xijiang maa taung lyjiwã maat n'nwe nmao taung Iyjiu maat maa n'naung u nip libia'aly porke u n'mia'au.

(Autor: Victorino Hdz. Castro)

Mia'at ru' riñjië ke niriajau salar ndukj paeje niñ'iã' nt'wet ly y riàts'àt ñia kim'piu'upj.

It kra riñjië liñ'kjiandi, pàkj k'ikyà' biu' nt'wet ly.

74 4464 Pame 52-101

74

9/5/05, 2:18 PM

N'KWÌ'DBÌN MBIA'AY Ru' naebàt ke limidat biu' npu' pàkj kwajadàt ru' Iyedàt xi'iuyàt balàidat ya daljundàt, ndu es kra naebàt ke ta'màinàn ke n'tsaenàt porke ndu nkjwandi m'jài manûbàt y kjwandi ru' lyjiû'û ta'màinàn ke n'tunàn porke ndu bugàn biu' n'jànàn y ba'aigàn maat ni niñ'indàn.

Riajaun'àt y riàts'àt pàkj t'àT ru' Iyedàt baru'uy Ijung ru' nàebàt y ru' lyjiû'û.

Riàts'àt kun jià' riñ'jiëkj pàkj n'uinàn ngà'tunàn ru' naebàt y ru' Iyjiû'û.

75 4464 Pame 52-101

75

9/5/05, 2:18 PM

BÌN DWA MÌRU'UY Nda gnu' bu' maeu' Juan dà'Iàñ biu' n'mài'i y nibiju maa dà'u' nàepj ru' Ià'kwent, xiñ'kywamp gunjas y dàsàibit maeje ru' biu' kwajadàt; nun'ànt maejek'àn sau' bàn'dwa Iiñjias kiñ'kye' kàntae nda maru'uy mjau ntà' y kàkwa sau' bàn'dwa nàe. Tûû bu' Juan gàma dànàeje'pj kàndàus bu njàing maa grajan'pj nàepj biu' tsjàipj maru'uy, gàjwa'aI jûûy dà'wajanpji ¿jing nàepj biu' tsjàipj maru'uy? y bu' njàing dà'wãu; jià' nipj k'iñu'u nàep biu' maru'uy, tàT' Juan kyao nip Iànu'u niep biu' njàu' maru'uy; tûû bu' njàing dàsàipj; k'àguijut n'kwenk' nàepj biu'tsjàipj maru'uy, nibiju npjuju bàjài kT maa dà' kwenpji.

Biu' maru'uy es nda gàm”ju Iiñjias kiñ'kye' kàntae, nà mujuyi kàntae kun gà'mao bàjài nà mjau sàljus porke nà mjau manàis jû't, kwando njwa'al pàkj li'TT kàmpu' nuu mjau makài mikye mujuyi gà'mao, Ià'tàu't balài kywang, tà'àI ri'kjià kantàil, Ipiajañky ky'we y pa'añ Ià'tûdit kra iyedit. Chi kàsài ya na'u' nàepj biu' njàiu' maru'uy uiji'pj Juan bu' njàing, paentsi dà'majañ'i niriajauyi juuy gà'wë nda mikye kun nda gà'mao mjao manàis, bàjài kT tàI' Juan; kyao Imapj ya gàjwa'a nda maru'uy.

9

76 4464 Pame 52-101

76

9/5/05, 2:18 PM

77 4464 Pame 52-101

77

9/5/05, 2:18 PM

Kywendàt kun ru' bimiujuk'àt ru rinjie mas Ii'iajawn' ru' riñjie Bàn'dwa maru'uy y iåut ràe' riñjie ki'ky'ajawn'

¿ Nae'o ndujuy nae'nat ru' rinjie maru'uy ?

Riàts'àt kywa njiu' ru' wets'at na'enat.

Ñjiàsbat njiu' nae'eo matipa ru' rinjie dipia.

niriwa Iààiut kywang.

màijiu u' rinjie.

gamá ganu' njàing.

da'u' nepj biu njàiu' maru'uy.

Njiu: Nà Ikià' mat la'u nae'o naepj I'ui, Ia'a'au nma njiu', njiu' kam'us, mbia'ay, Iyedt y nepj skwa.

78 4464 Pame 52-101

78

9/5/05, 2:18 PM

Nipj àng daba'ao njiujuiñ bi kampu' kantae gajwaû, nda maru'uy, da'tàiut balài kywang, k'us, dagwejenat mbia'ay dàtsà'tàky k'iwe n'mci'a.

lit nxiaung pàk k'imiapj xinchja' ya kwando njujuiñ bi maru'uy.

Riàsbat ma riñjië dipia ru' nxiaun-wets' n'TT

79 4464 Pame 52-101

79

9/5/05, 2:18 PM

I a'dàt nda bimiujuk' y xibàt tim'jink'i k'ia'dà biu' ñjie xpie'eI de kada nda ràe' riñjie y riwesit at pàkj nà nuts', niñ'ia' tàmjàing njàiu' “gàm'pàipj nmiis”

malàe

m'aws

ma'jañ

kàdàxiant

spajawts

npãi'

ñky'ài

màsàing

kiñiel'

sTT

sàntjump

kàmpiujun'

ma'ts'eu'

kintap

m'tis

ma'suts'

ntà'

matu

l a'dat bi' spie'elpj rae' rinjie.

Pia'a bandwa mikie.

Nda maru'uy sày

Juan u mjao banae'e

Riàtsàt n'kyày kra riñjie dipia y k'iatpj ru' rinjie xpie'ent

Riñjie xpie'ent; Ndu riñjie ke nàepj Ià'jût y luego Ià'gwe'el.

80 4464 Pame 52-101

80

9/5/05, 2:18 PM

RIÑJIE SPAJAUTS' NANUU MIKYE Bàndwa Iibiajang npai' bàndwa Ipji'dàt ñwe nàisbàt n'wadàt lyjiañ tiljàung nkjwandi ru' m'bia'ayit tàljàung pa'añ ru Iyedàt porke ya bàn'dwa libia'yit.

Bàn'dwa ya biu' mikye Ii'ch'il'àt ru' m'bia'ayit mpàidàt bàe ya nanuu mikye maat n'mji nàepj n'jiaung Ii'ch'il'àt ru m'bia'ayàt mpàidàt bàe' ya nanuu mi kye.

(Autor: Victorino Hdz. Castro)

Chiñi jià' chiaujt chjiaut kra riñjie spajawts ke Ià'kwent de biu' mikye, gà'mao o maru'uy.

Riñjie spajauts': Ràe' riñjie ndu Ià'jû't riñjie spajausts' ke nda maapj o tsao'.

81 4464 Pame 52-101

81

9/5/05, 2:18 PM

Riajaut ru' riñjie “BÌN'DWA MARU” y la' dàt ru' riñjie ndukj paeje ràe' ky'wet wa y we y kywa riàts'àt. wa

we

Riwesàt biu' pàkj nuts' wa, we at pàkj nuts' biu' ñ'jië nàkj paeje nda de niñ'ia'yi nt'wedi, kjwandi niñ'ia'. mikywe tswe'eng nkwang xie'epj sàI'we nkjwa dàtweng dàgwa'a

wa we

Si k'iñjiuts nda ñ'jië paeje ua tûû k'iñjiuts' wa y si paeje ue tûû k'injiuts' we

82 4464 Pame 52-101

82

9/5/05, 2:18 PM

Iaût ràe' ki'ky'ajaun' riñjië.

1.- Miant kun riñjiëk' nàepj biu' tàsàibàn maru'uy.

2.- ¿ Nàepj tà'màinàn ke n'tsjawnàn si gun'àë nda maru'uy ?

3.- ¿ Kywendàt pàkj i'uT liñjids y pàkj nàe Iiñjias nda maru'uy.

4.- ¿ Ndukj ndujuy njàiû' riñjië xpie'ent ?

5.- ¿ Xie'epj bàjài maa n'juts'àn wa y we ?

6,- ¿ Riàtsàt riñjië ke paeje wa y we. ?

7.- ¿ Nàkj nàjài biu' xpie' eipj ràe' riñjië ?

Kadampu Kiñiel' kà'wãus

npåi' ma'tseu' ma'jañ

83 4464 Pame 52-101

83

9/5/05, 2:18 PM

10 TUU GÌNU' Kyagun xikià'dgan tsàigan damàing ke kwando tûû ganu', tsàigan ke bi' mpa'ao ntsà' nàjày kwa maa libiajayi.

Si nda mang nda la'nûû tû nda I'wa't nda xilyjia majal' lankwe'espj kantae i bàjài li' chja'aun kwa nmaa bi' mpa'ao ntsà' naung bi ganu' asta maeje Ijung.

Ya li'ii kimpiujun tû ru' Iy'iedat maa dat'at dimiut xipia mat nchint bàjà pài ki bi xiñ'ing mat ya Ianjae bi ganu', kwe ki maa nchjia'aun bi ganu'. Tjay ru' xipia ntsàint Kwando ya mjao li'chja'aun bi ga nu'.

Kjwàjà bi kama'ai tû bi tat rague'en jui nda I'wa't skamjà'àt da'wa mat nda nsu't ru' lyjiu'u la'mài rinkwe', nda ntjuy mieje, t'àe ni nka' ndày.

84 4464 Pame 52-101

84

9/5/05, 2:18 PM

85 4464 Pame 52-101

85

9/5/05, 2:18 PM

Riaja'k'un kon ru' njanan, naepj mang ru' rinji kantapj kuàts' y iaot ru' riñjie ke kuà'àx. ¿ Naepj tsjàigan ru' xi kià'dgan xie'epj tûû nmaû' ?

¿ Kjwa tsigan ke tûû nm'ao' ?

¿ Naepj naung biu' nmpa'ao ntsà' ?

¿ Naepj t'ài ru' lyiedàt kwando tûû nm'ao ?

lit pàk k'iñu'u Pul tûû gnu'.

86 4464 Pame 52-101

86

9/5/05, 2:18 PM

Tµµ GàNU' Chiñi mant ta'u'ut pàk kweje I'uT bi' xàiban tüü ganu'. Ya u'nan ke bi npunan nà dàmbiaul' mjao ntà' y biu' ganu' nà kinkie'pj nae'eng bi pàk kantao npai' kajanant.

Tû kyagun nu'nan kjwande ta'màinan nda nm'a kute'e kwajao la'jajumpj biu' nmpu'nan, tû kuàjà ganu'pj biu' nmao' chjao tikyu'unt ru' rnu'dat ganu', nmao' y biu nmpunan, tsjao kinkie'pj njujuiñ biu' nm'ao' pàjà' biu ganu' bijài xàiban tûû ganu' pero nipj kjweje tûû mài riat kyagun nipj pajaun biu' ganu' por biu' nm'ao' pàjài.

Ñu'ut lo ke nkwa'ant pàkj yinchjia' kwando tûû gànu' y nm'ao' miant pàkj li'i

87 4464 Pame 52-101

87

9/5/05, 2:18 PM

NAEPJ NMPIEI' Biu' kyagun nmpu'nan i maeje biu' kimpie'pj nmpu', kjwajadàt balàidàt naebat kradat la'mài nmpiei' i kradat nda mài; kjwande ru' gadu', ga'mao nda nipj la'mài inmpiei'; ru' lyjiu'u' mbia'ay y ru' lyedat maeje raedat nda la'mài nmpieyàt.

Maeje rae' naepj la' mài nmpiei'yit kjwande li'a'aû ma'sa'aung, kradat ndu kywandàt, kradat nda nkyuyàt ira kradat nda nipj Ii'i'á'aû masa'unt maa malepj. Mat maeje ru' kra nipj la' mài nmpiei' nà'àmpj kjwande I'kià'.

Riàts'àt rinjië dipia kimiang malepj.

RINJIE GA'PAAPJ: Nda laju't lo ke la'ebjao biu'ngàiû.

88 4464 Pame 52-101

88

9/5/05, 2:18 PM

Bi' nm'ao' Biu' nm'ao' nà kjwande nà'àmpj bàjài li'ii kwande biu' ganu', kwando tûû, kjwande lagua n'àindàt ru' Iyjiu'u. Nda ntjuy nipj mjao n'majao' bà là'ka' ndày.

Chiñi jàà miant naepj mas Iagwan'àing kwando biu' nma'ao' tûû.

Miant jià' k'ijià naepj nipj linkjiande biu' tûû nm'ao' y biu' ganu' o kara xa'aõ.

89 4464 Pame 52-101

89

9/5/05, 2:18 PM

Kwando kyagun nàe'enàn tàk'àn'àn riñjie dipiã maat Ià'u' nàepj ru' limiang.

Sàibàn rinjie dipiã porke tà'ju'dàn ñjiu' m'bia'ai, nàepj, lyedàt y kam'us y Ipiãpj nàepj ru' t'àT y pàkj xin'chjia' ru' nàepj tà'judàn. Kjwande rae' riñjie kui'ch'.

1.- Ru' nkjiuyàt madat Ijawng chjiàjiñ.

2.- Ru' kywandàt ndudat madat Ijaju lyjiaju.

3.- Biu' nkywang talung Ia'najan' biu' nkjiuy talung.

4.- Biu' nkywang I'aañ jT'Tpj lan'dàent ganao.

Riàts'àt ru' riñjie gà'pããpj ke Iimià'

1 .- Biu' talung

2.- Bu' na'aw

3.- Biu' gnu'

4.- Biu' n'mao'

5.- Kyao

RINJIË GÌ'PÃ Ã PJ ; Ndu Ià'ju'tj lo ke Ià'tsjawbiu' n'jàiu'.

90 4464 Pame 52-101

90

9/5/05, 2:18 PM

Riajaut y iãut ràe' rinjie.

Kyagun kwa nàe n'pu'nàn xi'iuy nu'unàn pàkj li'i tûû gànu', sàibàn nawng mpa'ao tsà' bàjài t'àT tsjàigàn ru' xikyàdàt.

Chiñi kyagun kwa nàe gnu' tixiau'nàn ky'àx niriwa nû'ûnàn ke nipj kweje' biu' mpa'ao ntsà' libiayeyi biu' gnu'.

1.- ¿ Kjwa biu' s+ibàn tûû gnu' ?

2.- ¿ Xie'epj niñu'û tûû gnu' ?

3.- ¿ Nàepj biu' pàjàts' biu' gnu' ?

4.- ¿ Kjwa tsjuts' dà'wã ru' lyjiû'û kwando tûû gnu' ?

91 4464 Pame 52-101

91

9/5/05, 2:18 PM

11

RU' LYJIU'U MA'AKY NMPU' XI'IUY

Kywa nmpu' xijiuy limi balài iyjiû'û y bapài, limi balài ke ya nimià o ximi kyagun nip tanû'ûàn, porke chiñi kyagun ya kasi nip takà'nàn, bàjài nip ta'màibàn snûû ndukj ndujuy mas likyà'.

Ru' baru'uyàt ndu mjau njû'û ndukj ndujuy ru' lyjiû'û mas likyà', bàjài kra daljû'û ky'iusbàt y chiñi gwa na'ampj niriwa tatû'ûnàn porke gwa na'ampj tànû'û mas likyà', pero nkjwandi limi lyjiu'u bapài ke kweje'pj li'lajaun' para balài nàepj, kjwandi ru' rinkyung spajal' y ru' ri'xi ganjwa' kun kra ri'xi da'twa y ky'iày kiñ'ky danas gandài bàjài nda gatjump najae.

92 4464 Pame 52-101

92

9/5/05, 2:19 PM

Pa'añ limi balài lyjiû'û bapài y ba' tû'û ke uàts' riñ'kywe' ban'jaung kjwandi: datweng, sts'àà, ri'miujui' xichie'eng, datsà, datsà'à, stàbà', damaiñ, dapai dan'u, spai, gaju', dampa'a, dakwai y balài mas.

Si nga'màibàn snûû, kywa npu' xi'iuy limi balài lyjiû'û ke ji'Tpj maat nda gàjwepj dan'àing, kra maat nda la'tsjau ki'chjiàjàñ, y kra ndu mjài rinkywe' t'ài nda la; naung riat ba'ãû; y nkjwandi tatû'ûnàn kra lyjiû'û porke' ndu mjaw spajauts' riñkyung.

93 4464 Pame 52-101

93

9/5/05, 2:19 PM

Kywendàt nàepj niriu' mas li'iajaun' de ru' riñjië ndukj niriajau.

¿ De nàepj Ià' kwent mas ru' riñjie niriajau ? ¿ Nàepj ji'Tpj ru' lyiû'û ke limi kywa npu' xi'iuy ? ¿ Kjwa Ii'ajaun' ke kyagun n'màibàn snûû ru' lyjiû'û ke limi kywa npu' xi'iuy ? ¿ K'i'iu' kra ñjiu' lyjiû'û maat nda gàjwepj dan'àing ? ¿ Nàepj lyjiû'ûbàt limi nipiu' ?

Chjiaut kra ri'xiaung de kra lyjiû'û ke limi jià nipiu'.

94 4464 Pame 52-101

94

9/5/05, 2:19 PM

Piãbàt rae' riñjie

1.- ¿ Ndukj ndujuy ru' lyjiu'û mjao stiyiwang ?

2.- ¿ Ndukj ndujuy ru' lyjiû'û mjài riñ'kywe' banjaung ?

3.- ¿ Ndukj ndujuy ru' lyjiû'û mjài riñkyung spajauts' ?

95 4464 Pame 52-101

95

9/5/05, 2:19 PM

ÑJIWÃ Krabat kà'gwanàn' ñjiwã kra bimiujugàt, gwa kanaunàn' basaa, stàbà', dàtweng y kra naepj mas, maeje bu' tatk' gà'maa kun kyagun' Rnu'dàt Iy'iàky nkjiuyàt ndujuy dà'tàT ñkywe, y griuyàn' kyandàt ndujuy gwa kamaejenàn basaa, kwando n'kwebàn', nda bimiujukj dà'wajanpj bu' tatk, ke kjwa kra rim'piu lyjiwã ndu nip Ia'mài basaa y kra rim'piu stàbà', ndu nkjwandi nip Ià'jwejt stàbà', y bu' tat da' wãu ke ru' Iyjiû'û nkjwandi Iimi kra rikywang y kra riñkjiuky.

’

Ya niriajau ru' riñjie, chiñi ia'dàt ndukj ndujuy Ià'ju'tj malàepj

1.2.3.4.-

Malàepj: Niñ'ia' ñjie nà Iàjû'tj si nda Iàe o nda n'ma'ai o nda ntjû'û si kjiuy o nkywang.

96 4464 Pame 52-101

96

9/5/05, 2:19 PM

Kyagun biu' njiegàn bà ta' màinàn riñjie ke Ia'ju'tj nda, nuye y balài de lo ke kyagun ta'ju'dàn, kjwandi rae':

Nda

Nuye

balài

Iy'iày

Iy'iàye

Iy'iàyàt

nmujui'

nmujû'yi

miujui'

chiñi riàts'àt ru' riñjie ke limià maat maeje la'ju't; nda, nuye y balài

Nda

Nuye

ba Iài

nmae'pj drudàt nmàisi nkwang basaa mk'àxi

Nda, nuye y balài: kyagun ru' xi'iuyàn takà'nàn rae' riñjie maat nda n'jiu't kra riñjie pàkj nda mang si balài o sà'nû', kjwandi; talung, taluntse y talundàt

97 4464 Pame 52-101

97

9/5/05, 2:19 PM

Njiau't xkipis y gàjwaiky dpài, m'aeuk' mpao o k'ilyjiàdàt ràkwão

Ya niriajau biu' ñjië kiky'ia'añ, Chiñi jià it kra pàkj k'ijiu't nàepj ji'ip ru' lyjiû'û mjau stikywang, m'jài riñ'kywe' ban'jaung o m'jài kyung spajauts.

ÑJIË KIKY'IA'AÑ: es nda nk'àx o nda skamjà'àt kuich' kywet ke là' kwent nàepj k'imiang gi'kyu' ru' mas Iyedàt.

98 4464 Pame 52-101

98

9/5/05, 2:19 PM

It nda n'piu ntjû'û y ri àsàt kun xki'iwe de biu' pàkj nu'ts' biu' njàiu' at pàk tsjau Iàn'du'u.

kyaao

riñ'kywe

n'xi

skamu

N'piu

n'kywang

Riñ'kyung

ri'xiempj

99 4464 Pame 52-101

99

9/5/05, 2:19 PM

LO KE TÌJU'UDÌN Ru' Iyedàt xi'iuyet ke chiñi gwa nà'àmpj kwajadàt ru' piu' kam'us kantjwapj, Alakines, xijiang, kàjwão, n'mia'ãy y kimk'a', nda gwa na'aimpj t'ài lo ke ru' baru'yet dà'tsjao, kjwande ñjiajai', l'à'àà k'ieng, lyjië'ë, mjie st'añt, ki'piei', kàdà'wã; kjwande pàk t'ài lilyjiu' kun nmpàii stikywang, Ijeunt saljwas, tily'iang, tilyjiajaünt kun skjwits', sànts'àts', Ijaenit talunat i kjwande tsjãs mbi'i kut'its', najayàt mbiajao skajwa'a, mbiajao lyjiaiñ maeje lo ke chiñi Iàlkwent, ru' na'aimpj kwajadàt Iyedàt xi'iuyet gwa nà'àmp nae'nat njiebàt, ntaudàt,

12

100 4464 Pame 52-101

100

9/5/05, 2:19 PM

Ru' Iyedàt de kada kam'us ke t'ài mbiajao ndu nipj mjang mjià ñjiajai'. Bàjài kàjwaipj ganu' maa tichjao', Ijaundàt gà'undàt, st'we'dàt, xikià'Iat, talandat i gapjàidàt mat nkjià'dàt ru' ganajayàt.

Kada nm'ajao madat balàidàt Iyedàt skriunat y xi'iuyet kle naedàt, maa nju'u pàkj t'àTT ru' mbiajao kada kam'us.

Chiñi kyagua landu'gan nixia'aun i nxa'ban ru kradat.

101 4464 Pame 52-101

101

9/5/05, 2:19 PM

Griajaunàn gi kywendàn kun bu' gàsaõ i ru' bimiujuk'àt naepj mang ru' rinjie kuàch' nk'àx.

Riàts'àt lo ke li'T kywa nipiu', kjwande ru' mbiajao, ñjiajai', lo ke mas Ii'T i nae'dàt najayàt.

102 4464 Pame 102-151

102

9/5/05, 2:20 PM

NTJÌJÌ'T Ru' gadiu'dà y mjiu'dàt ndudat Ii'kyàjà'dàt tsjao ganu'pj matsae i kradàt t'àT ntjàjà't dimiut ganu'. Kwa nae ru' piu' xi'iuy kwando nda gadàiu' mang ntàjà't, bu' gadàiu' pay bu' maeo' maa wajaun' bu' mju'û ukj mang; kwando bu' mju'û taja'ts' bi' njie, bàjài ki ru' xkià'dàt bu' gadiu'yà Ijusp kà'sao ba'kjwa maa nk'T. Kada gandà. ru' gan'ajaudàt baeje chjàjàiñ, pi'int. Bu' gadiu' u maa taeje' tamà in mat n'àT ntjàjà't. Ñiapj riàts'àt rinjie dipia nduk niriu' ra' njie niriajao. Kjwande ñ'ia'.

Bu' gadàiu' taeje' tamàn mat ntàjà't.

103 4464 Pame 102-151

103

9/5/05, 2:20 PM

PÌK NAE KANTAE Pàk Iàijing bi kantae i ni xie'epj ràiul' ru' ri'pius, ru' ranja ndujui kT ràiu't i bi' pàk mo' bi' kantae bà nip ràiui'.

Bàjài ki kuàjà ganu'pj 15 nm'aõ' kalus ru' baruyàt t'àipj ntsjàjàiñ biu' kantae mat ni xie'epj nariul'. Chiñi ru' ganu ya nip t'ài, chiñi kimjiampj riat tàijing ntjung San Isidro i ndwa' da'nweje', ñjiwa, i tjwa'al nda kat'us mat nkjiajauts.

Riàts'àt ñjiu'dàt piu' pàk gwa nà'àmpj gwa t'ài naepj kjwajai' Miant nduk ndujui.

Chiñi riàts'àt rinjie mba'aut o dipia ñjiu' piu' nduk ndujuy k'iñu'u.

Njiu' piu': Nà xie'epj nda Ia'ju't o mang njiu' piu', ky'ài i kià't pàk kwajadàt !yiedàt, kjwande xijiang.

104 4464 Pame 102-151

104

9/5/05, 2:20 PM

GÌSA'BÌT ÑJIAJAI' Faustino de la Crus ujuy nda nae'eo nàiun' xi'iuy u nà'àmpj ntaiñ nsa'abàt ñjiajai' ke u gwa nû'û i ru' mas piu' njû'û, ujuy kwa ma nà'àmpj sa'bat. La'mants'it balàidàt, ly'àyàt, kyà'dàt, kywanàt, nkjuyàt, kwando ya tju'u madàt najayit nm'ajao lyjiaiñ, kada kam'us xi'iuy pàk kwajadàt kjwande Bàjài t'àT. Faustino uj nda I'ae nip mãjãT ru' naep nû'û, bàjài mjao mjang ru' Iyedàt.

Si jià' k'iñu'û nae'eo sa'abàt ñjiajai', Iyjiaõ, ntsjås, rià'sbàt ñiapj ñjiu' na'aõ sa'abàt y naepj sa'abàt.

105 4464 Pame 102-151

105

9/5/05, 2:20 PM

RINJIE GANJUNG Màijiu nda gadàu' ke ru' mie'edàt ndu kjwajai' ke kwando Iàijing xpijing y na'ao la' nu'û gàkwa't sna'û'û. Pero bu' gadiu' u nip da'kwajai' y da'û'û bi' spijing, njiujuiñ ru' ganu' gamaa gakwa't snà'û'û, l nipj nàjày xiao' sna'u'û ximi maeje bi' skan'e gakwb't. Bàjài nipj mjao nda n'nuu bi' spijing.

Riàts'àt kra rinjie ganjung ke jià' k'iñu'u y chjiaut ni'xiaung pàk kimiapj nàxinchja'.

Rinjie ganjung: Kra rinjie ke naepj Ia'ju't naepj spajauts' u mang kra rinjie nda la'kwajai'.

106 4464 Pame 102-151

106

9/5/05, 2:20 PM

Iaõt ru' rinjie lo ke wajaon'

Miant kà'sao' piu' nae'nat xi'iuy.

¿ Naepj njàiu' ru' njiajai' ke limi kam'us kantjwapj ?

¿ Naepj njàiu' kam'us pàk kwajadàt rimia'ayàt ?

¿ Naep njàiu' ru' rinjie linkjiande ?

¿ Limi ñjiajai' kywa nipiu' ?

¿Miant naepj njàiu' ru' ñjiajai' ?

¿ Xe'epj bàjài li'T mbiajao kywa nipiu' ?

107 4464 Pame 102-151

107

9/5/05, 2:20 PM

13 LO KE TÌ'UINÌN M'EK'ÌT NKYÌJÌ Kwando kuàjà gnu'uj nmbiajao kada kàm'us, o ranch ru' nkjiuyàt, lyiedàt y ly'iàyàt madat Ijaiñ nmbiajao, kradàt madàt uà'àyàt, ntaonàt, najayàt jwã'ãodàt ru' Iy'iedàt ke nmjài tàmàin. Limidat Iy'iedàt kàjwepj gnu' ma nmpàidàt gpjàidàt tû dàt y I' à’àiky pagas gpjài, ru' njiuyàt l'à'àiky Ijië'ë, kradat I'à'àyàt talunàt y balí nepj mas I'à'àiky ru' liedàt.

Dàgujun' ne'et kàntàil bu' nkye'epj kàm'us Ipiunàt balidat Iy'iedàt ke nedàt xia'ao ranch. Limi ranch, si ru' nmbiajao tsjao kuàjà kànkye'epj nmpiay ru' ly'iàyàt ya nipj madàt skwel.

Kywa nmpu'unàn limi bali piu', kada nmpu' kwajadàt ly'Iàyàt, nkjiuyàt, ly'iedàt, Ijãjão Ijiajao meje kànkye' tàbiaky kada kàmpu' ru' ly'iedàt nmjài xia'ao kàmjia'aibit limidad Iyiedàt nmjao gàtajaodàt lyjiajao y kradàt nmjao dàma'aodàt.

Nkjwende kada nkyàjà kànuye o kàrnu' ma t'ài nmbiajao, kada kàmpu' o kàm'us, ru' ly'iedàt kon'ma be'e ru' gnu' kada nm'ão', nju'u xie'epj kuàjà ru' gnu' dijiu nkyàjà, nmbiajao San José, Nts'ejen, tànàint skàjwã'ã, ma'ai Ijiajao, nmbiajao kàlus, nmbiajao Ijiaiñ, ntjun jwao' kànte, nmbiajau kolas, nmbiajao xis, nmbiajao nm'ão' ljië'ë, nmbiajao mung gne'.

108 4464 Pame 102-151

108

9/5/05, 2:20 PM

109 4464 Pame 102-151

109

9/5/05, 2:20 PM

Ñu'ut ru' miao' y Taot ru' riñjié lo ke wajaon'

¿ Ksao' miao' peje nda nkyàjà ? ¿ Ksao' gnu' peje nda nm'ão' ? ¿ Nàkj nm'ão' nàjày peje mas sànu' gnu' ? ¿ Ksao' gnu' peje m'ek'àt nkyàjà ? ¿ Ksao' ràmpiay peje nda nm'ão' ? ¿ Ksao' gnu' peje nda nmpiay' ? ¿ Ksao' ràmpiay peje nda nkyàjà ?

110 4464 Pame 102-151

110

9/5/05, 2:20 PM

Riajaot biu' nk'àix y griu' nepj mang kon bu' gsao' y bàmiujutk'ànt tàkywenk'int. ¿ Nepj nmbiajabàt nipiu' ? ¿ Xie'epj bàjày t'ài nmbiajao ntjun ? ¿ Nepj ntjumbàt nàjày kywa nipiu' ? ¿ Pàkj bàjày madàt ntjun kada nkyàjà ? ¿ Nepj njàu' biu' nm'ajao más ntà ke t'ài kywa nipiu' ?

Chiñi riajaot biu' nk'àix y ñia riàsàt ru' riñjië ke mas Ii'iajaon'.

Ñia ìt nda ntjão y si nipj kju'u ia'adàt.

111 4464 Pame 102-151

111

9/5/05, 2:20 PM

Ñu'ut nm'ao' nkyàjà y ia'adàt ndukj miao' ndujuy li'ii nmbiajao loma nipiu' y miant.

Chiñi ru' miao' piãbàt nepj gnu'ubàt bàjày t'ài nmbiajao y pàkj kàmpu'ubàt o piu' ke kñiu'u.

MIAO' RIÑKYÌJÌ

NM'AO' LIMIJINÌT PAGASAT

GNU'UPJ KON RÌMBIE'E 1 4 6

PÌKJ BÌJÌY T'Ìll

XIJIANG

NM'AO' KÌNTÌL NM'AO' GÌMPIU NM'AO' SKÌJWA'A NM'AO' KÌLUS NM'AO' SÌNJWAN NM'AO' XILJIAIN NM'AO' SÌNTIEGO NM'AO' KOLAS NM'AO' XIS NM'AO' LJIE'E NM'AO' MUNG GNE'

112 4464 Pame 102-151

112

9/5/05, 2:20 PM

Riajaot biu' nk'àix ma'an'.

Kàmpu' kàdà'wapj, Ribia, nkye' nmbiu' kyky'ai, nm'ão xis 1998.

L'e GREGORIO OLVERA C. VICENTE GUERRERO RIBIA, NKYE' NMBIU. Njeye, kyao Imang nsàik juy antes de ke gichjiao kiljiaong kle, kja' gàjiu'u k'un'e ne kàsãs pia'a kàntapj gnu' nm'ao Ijië'ë, gwa xñi'iu nm'ek'àt gnu' lo ke ntejetkj kyao ngàjui'iuk y nkjant n'wa'at na'aodàt mas ntàkyà'àsk'àn nàjày biu' gnu'.

Si ntsjaokj nmjao, gi'iankj ñjie kon nda I'iày, juy re' gnu'.

Xàjàutkj juy xiriajaoye.

Santos Olvera Castillo

NK'ÌIX MA'AN'.- Nà ji'ipj para nda na'ao nàrajaoye kàjway. Kanuye ma limi, nda dàmiujut na'ao n'ampj ni tsjao pànkja'at, y nda nà nmjao nm'ài y para gmayàt kyà'àdàt.

113 4464 Pame 102-151

113

9/5/05, 2:20 PM

Chiñi jià' ìt nda nk'àix ma'an y iambàt nda bàmiujukj, nju, Iiaiky, o na'ao xia'ao.

(Njàu' na'ao mapj bid nk'àix)

Kàmpu' y gnu'

(Riñjië)

(Njàu' na'ao I'wan' biu' nk'àx)

114 4464 Pame 102-151

114

9/5/05, 2:20 PM

Ñu'ut y rajaot ru' riñjië y iãot lo ke wajaon'.

¿ Ksao' ma t'ài nmbiajao kywa nipiu' ?

¿ Nepj I'à'àiky kywa nipiu' kwando li'ii nmbiajao ?

¿ Nepj nm'a'abàt bàjày li'ii kyà'àt nmbiajao ?

¿ Xie'epj bàjày li'ii nmbiajao ntjun ?

¿ Nepj njàu' biu' ntjun ke t'àipj nmbiajao?

Jiày ñjiu' mião ximi miant ¿ Nàkj nàjày nipj jiày njàu' y tsjao ibat ?

115 4464 Pame 102-151

115

9/5/05, 2:20 PM

BIU' STÌBEUS Ru' nkjiuyàt xi'iuyàt ndudàt Ijàjà stàbeus sàkjuy nmba'aot làmài sàntût, skànjàbàt nmba'aot, nmjài nmbie bàt (be'et gànjabàt) kon ganao spje dàkjia'aix y stàbeus dàmpu là'mài kyàI'.

Ru' nkjiuyàt xkyàdàt bàtàjàdàt, bàmba'añàt ndudàt Ijàjà stàbeus dàmpu Iàmài kyàI' o ràkwa'at. Ru' nmjiu'udàt ndu mas Ijaiñ ru' stàbeus dàkjia'aix; nkjwende ru' sàkjui' nmba'aot o majat y bàkjwa st'à'àt dànwa, dàjwajan', xi'ia'ax, swa' o nkyàjàiI'.

14

116 4464 Pame 102-151

116

9/5/05, 2:21 PM

Ru' nkjiuyàt ndudàt tàbajan stàbeus dàmiut gnu', libiajan, nmpa, nmtse, dàmiànts ndudàt ni nepj tumbàt, nda ly'iày mas nk'iày asta ukj mas ntà'.

Nda ntjuy ke nipj Iàgwajan stàbeus es kjwende rwa ndaja gàpiang, Ru' nkjiuyàt xi'iuyàt ndudàt kwajadàt piu' kànte sàmpjày, kàgàjuàjàpj mànao, la Manzanilla, Kàm'us Xijiang, Alakines, Kàntjwapj, kàm'us nmia'ay, La Parada, San Diego, Kànte guntsà, kànte gàka, kànte kyuy, dànwa dànweje, nkye' gàkyung y Vicente Guerrero,

117 4464 Pame 102-151

117

9/5/05, 2:21 PM

Riajaot biu' texto y griu' nepj mang, kon ru' bàmiujuk'àt, gsao' tàkywenk'ànt y mianànt pàk xinchjia' ru' nkjiuyàt kywa nipiu'. (Ru’ rimjiàdàt y stàbesbàt) ¿ Pàk xinkjia'adàt ru' njiuyàt kywa nipiu' ? ¿ Pàk xinkjia'adàt ràkjuibàt ru' nkjiuyàt kywa nipiu' ? ¿ Gwa na'ampj Ijàjà stàbeus ru' nkjiuyàt kywa nipiu' ? ¿ Ndukj nkjiubit ndujuy gwa na'ampj Ijàjà stàbeus ? ¿ Ru' nmjiu'udàt ndu pàkj xinchjia' stàbesbàt ?

Chiñi kon kjià riñjiekj kiwenàt pàkj xiñkjia' ru' njiuyàt kywa nipiu'.

118 4464 Pame 102-151

118

9/5/05, 2:21 PM

Ă‘iu'ut lo ke nkwa'ant y miant nepj t'Ă i.

119 4464 Pame 102-151

119

9/5/05, 2:21 PM

Riajaot ru' ràñjië y riwesbàt kàmpiu'upj kada dànweje ru' ñji'iudàt na'aodàt.

Estela y Juana bàndwaye tsjao pia'a nmbiajao.

Alicia Peje Spàja'aots' Stàbeus.

Lucía, Blanca y Benita Spàja'aos ràmjià'àdàt.

Chiñi Tbàt nda rwaja' njàu' kada ñjië nmpa'ao ke Iimiàpj.

Kjwende ñ'ia' : Kyagon tà'uinàn tregan.

Ià'wet nk'àix

gwa kàmeye

tàjà stàbeus

nàis kriwa

pejeye ntà' stàbàjàs

ne'enk'e

dàljao' kànte kàmpia'an

nmpa'aoye sàkuy'

Ñu'ut ru' riñjië kuna kàmpiu'upj y kupjài kàntapj ìbàt rwaja' ñjit

Vicente y Carlos Sàjànche

uye sàjànche

Nju nu'u Televisión.

Petra, Juana y Sofía wejedàt Rosa y Kyao tàgwaye' Rnu'udàt ly'iàyàt gamadàt skwel Ru' rwaja' ñjiu'.- Ndu riñjië ke ji'ipj para nda na'ao n'ju'ut sin ke n'mampj njàu' kjwende kyao, jià', u, kyaogwe, kyagon, jiàk'e, jiàk'àn, uye, ndudàt.

120 4464 Pame 102-151

120

9/5/05, 2:21 PM

SPAJAOTS NTJUY

Màijàu nda ntjuy ke u nmjau nàispj n'waa kada ke Iàijàing Iàgwajan stàbeus spajaots y dàkjia'aix, mas kwando maa kàm’us bà mas lijiau.

Kra bàjày nkyàjàye bu' nkye' dànweje' nda na'ao y dà' wajao, y u dàtajaixpj ñjiëpj, gàma ñjiunde y ne'empj bàjày ya dàsàipj; “ . . Jià' gàchjiao ntsa' diñiu gàbiajaokj pàkj Iàmàijàu y kon gàbiajaokj ke gulàijàing ke ma kre', kyao tàgwajan biu' stàgwes y si kyao Iàpajaokj ke k'àmia'ai bu' kànkão kàndus, tunts kyao gulàijàing kà'us,Iàpeje stà'e' y kàme'e Iàpe'es biu' stàgwes es snuuke jià' k'àmia kàme'e gàgwa y tàkyàjàye kàpius”.

JEOLCHA.

Riajaot y griu' lo ke mang biu texto “ spajaots ntjuy “.

Kon ya gàgwajaiñ' nda kuna ìt nda.

121 4464 Pame 102-151

121

9/5/05, 2:21 PM

RU' NKJIUYÌT GÌTEJEDÌT Chiñi ru' nkjiuyàt xi'iuyàt ndukj kwãjadàt nmpiu'udàt y ni xie'epj Ijiàdàt kàjwãy piu' gwa na'ampj tàbajang stàbeus, skànjàbàt, sàkju'uibàt nmba'aot, bàkjwa kut'à'àt dàkjia'aix, bàjàul nmbijiul', gànao spje spajaots.

Pero ru' nkjiuyàt y nmjiu'udàt ke Ijiàdàt madat kàjway piu', aunke ni tsjao pàtju'u ne'enàt xkriung y kwando tjàu' nda rnu' miao', kànkye'epj nkyàjà o nda nkyàjà.

Kon ya liñjiwa'adàt bu' k'iusbàt ya kle xinchjia' rimjià'àdàt, ya ne'enàt xkriung, Ijàiñ' gànjabàt, ràkju'uibit majat, pja'as bàjao pjia'as, tjà'àiky bàkjwabàt bàkjwa st'à'àt bàjao ràmies y xñie'et, tje'en rixi'idàt bàjao kutan y kle ndwa'anàt, tjà'àiky skànt'aibit bàjao snu gnu', kjwa'at xikyumbàt, skàm'ubàt, tàban' bàjao piûy' y ya nipj Ijàjà stàbeus, nipj man n'ne'enàt xi'iuy. Bàjày bu' t'ài ru' nkjiuyàt y bàjày kwajao nm'a limià ru' riñjië y lo ke ru' xkyà'àdàt tsjao kàntapj.

122 4464 Pame 102-151

122

9/5/05, 2:21 PM

PTãbàt ru' riñjië lo ke wajaon'

¿ Pàkj xinchjia' ru' nmjiu'udàt kywa nipiu' ? ¿ Gwa na'ampj tàbajan stàbeus ru' nkjiuyàt kywa nipiu' ? ¿ Pàk bàjày kwajadàt ru' nkjiuyàt xi'iuyàt ? ¿ Miant nepj njàu' ru' piu' pàkj kwajadàt ru nkjiuyàt xi'iuyàt ? ¿ Nepj es ru' rwaja ñjiu' ? ¿ Ndukj ndujuy ru' riñjie rwaja' ñjiu' ?

Chiñi riajaot kada nda texto y ìt kra rinjië ñia kàmpiu'upj lo ke mas li'iajaon'.

123 4464 Pame 102-151

123

9/5/05, 2:21 PM

15 RU' KYAJAONÌN Tat mjao gwa xiñi'u linjias maa paeje kantae at na ki'pius, njwa maa tsài' k'i nmie'pj, uàspj piuju, Iajwetpj santajao lyjiajao, lajwe' empj manjàiu', Ialeung y maa njTua'pj gatajao ntjajao.

Bu' tat njiu' Banae'e mjao nae'enpj tajao lyjiajao ñjwa, u nû'û bàJài bu' kwàjà ntsjàjàiñ.

Ru' lyjajao kyagun nmpu'un ndu maeje tibiaiky Ijû'û bi' njiwa, Ijû'û kjwande

124 4464 Pame 102-151

124

9/5/05, 2:21 PM

miûjûi', kjài' gamaets', kjià' spjiàI', kjià dajwajan. Kwàji ganu'pj njüa maejedàt kwe tibiaiky.

Banàis basaa, bu' nkjiuy Banae'e maa sta'kwa'ant mjie basaa bajao ba'aõ.

Ya gunàs ru Iyjwa Banae'e maa stagwe nm'ao gunàs tûû stagwajats' ru' rinkjwa, sta'maints' ya na'aiñ maa tsaswe y stakjwat' ru' rilkjwa mat nagwa'aik m'ae'k'at nkyàjà.

125 4464 Pame 102-151

125

9/5/05, 2:21 PM

Riajak'un kun ru' kradat bimiujutk'an mat giriajak'un naepj nibia'an bi' kimbia'an njiu' ru' kyajaun kyu'uts'an rae' rinjie.

-¿ Naepj njiu' ru' rinjie niriajao ?

-¿ Na'ao maa njiwa ?

-¿ Pàk gànu' linjias tat ?

-¿ Nae'eo mujuyi maa njiwa ?

-¿ Naepj njiu' bu' tat ?

-¿ Pàk ma'ay nm'ao' bàjài mjao ntswe ?

Riàts'àt ñapj nduk ndujuy miau' mjao nda gantû'û.

126 4464 Pame 102-151

126

9/5/05, 2:21 PM

Riajaut Ñ'ia' nk'àx ma'an.

Kantae kyuy, Tamasopo, S.L.P. nm'ao' kalus 31 nkyàjà 1998.

Juiuk': Jacinto Hernández González.

Niñ'ia nkàx ta'wank' mat k'ikiajats' skjao' ta' wank. Kyao Imang nxàik' k'imia'a rae' ganu' bandwa mjao ntsjwe, xiao' k'ibie gunàs biu' nm'ao' mat ni na jà'ài ru' lyjwa maa nsweje't, lanjajaiñ pia'a ganu'pj tju'û.

Nàjài xiao' Imang nxàik'.

Soledad Hernández G.

Iaut rae' rinjie.

-¿ Naepj mang bi' nk'àix ?

-¿ Xe'epj ni'iàts' ?

-¿ Pàk bà'jài ni'iàts' ?

-¿ Nae'eo t'anpj ?

-¿ Nae'eo da'uan' ?

-¿ Naepj ganu'pj ni'iì ?

Nk'àx ma'an': Limi kanuye xinchjia' nk'àx ma'an', nda nà maãpj nda dimiujt lae i nda nà maapj nda gamay, ji'ipj ma'an' kajwai nda ñjië.

127 4464 Pame 102-151

127

9/5/05, 2:21 PM

lit nda nk'àx ma'an, na'aiñ ia'dat nae'eo n'anpj, Ya k'ikày, mieñsk'an, mijiunt nda ga'tàiñ k'àx mat pàk I'ui njwa'al' ru' k'àx.

Ga'tàiñ : Tan, tan Iy'ày

: ¿ Na'ao ?

ga'tàiñ : ga'tàiñ k'àx ly'ày

: ¿ k'i 'piejetk nk'àx ?

ga'tàiñ : Lapaeje, nae k'amaejet.

Kada nda Iy'ày gi'kàimpj nda nk'àx ma'an' mat Iajujuñ kinkie'pj la'ma'an bid nkàx mat gi'kyu' ru' kradat.

128 4464 Pame 102-151

128

9/5/05, 2:21 PM

RU' MBIA'AYÌT NJAUNG BASAR Ru' lyjwa, nimi nda ganu' nteo skwa nibiju nda I'e dJuan la'mài kanjwapj mjao spajauts', mjao bankwe biu' kanjiapj de basaa.

D'anjaspj gunàs ru' basaa, ru' mbàa'ay maa stal'àT' iõ bio' kanjwa maa dabaepj kantao kwa maa njaung. Bu' mjiu' gantsweng maa datudat ru' mbàa'ay, xiñi'u, xiñi'u bàjày maa da'ui at nda ganu' stampai' da'a' nda I'e gutwe'e daxiipj: Nu nkiûdat ru' mbia'ay banjwe'dat ndudat kjwande mjang ntsjàjàiñ. Juan sta'uaû si njwayàt gikjunt biu' njiwakj tû naepj kyagun, tsanaunan. Stasàipj kwe no k'iwa niriajank ru' mbia'jay ndu ni ma nkjunk ru' rikjûa. Juan da'kwajai' y danjujuimpj danjae bilkanjwa, kwe kra' maa ganu dakwàjà ba'ek'at ru' ri'kjwa, gwejepj damja'ay pàk niriwa baejepj kantao.

Rià'ts'àt nae'o ru' nae'ndat y naepj ru t'ài.

129 4464 Pame 102-151

129

9/5/05, 2:21 PM

Kiaugun ne'aan njie xi'iuy, ta kà'nan rinjië dàpia kwando kyagun tiriajaun, riat nda giriajaunan nipj Iichja'aun pàk bàjài Ikià' ru' njiu' y ru naepj I'ui; ya maa kariuts'àn nk'àx ru' rinjie bàjài ki Ii'iajaun nu'un pàk bi xinchja', kimjiaampj lichja'aun biu' ñjiu' y kimjiampj màt Ñiu'ut kjwande rae'.

Maa gataung kra pjiats'.

Juan gamaa gapãã xijiang.

Lagwa kamajai' nda talung.

Chiñi jàà' it kra rinjie pàk ni nmaeje ñjiu' pero Ia'u' naepj I' uìi.

130 4464 Pame 102-151

130

9/5/05, 2:21 PM

Iaut rae' rinjie nduk niriaju.

-¿ Naepj la'a'ao nda lantu'u nipiu' ?

-¿ Naepj ji'ipj nda nkàx ma'an' ?

-¿ Nae'eo Iandu'u ujuy maa ga'tàiñ ru' k'àx ma'an' ?

-¿ Li'iajan n'nun pàk li'ii I'kjia't biu' njiegan ?

131 4464 Pame 102-151

131

9/5/05, 2:21 PM

16 NEPJ KYAGUN TA'ÌYÌN Ru' nkjiuyet t'àì bàIài nàepj kandàsbàt, kjwande maa bae'je' skajwa' mja'u kajwai teskwa kampie' pj nt'we balàdat madat limbi'nat, kon kara mas nikjiuyet kamalpj, naeng, kuy y kra xia'aodàt kjwande madat baeje skajwa, tjwajan' ka'impj kibia balià ganu'u ya ke mjao' bajao ba'jajan' tsju'ut, tjeet ru' skajwa mas bajao, t'àii ru' pji'ji y I'àkj kam'us kajuai: Ribàa, kjiajat', kante kinkijil y ru' tamàin, Ijaung gan' dàis, dapay, stakat, danas, kampu gusà, skwa'an, pjàa'ats y balài naepj mas. Kjwande kon ru' eskojwa, t'àii: Stài, marral, estweng y kapuut.

Kwande t'àii xichi'à, ch'ià' y skjãas nkwang, dri'aja't rae' rik'ii paeje'tpj nm'ae'pj kajwai ma I'à'ky at kam'ws ki'kyaung, ru' tamàin Ijaja'ch', kjuà' mat nlyjauna ri'piejat.

Kradat maa l'à'à ru' ri'k'i nkie' kik'à'kj bàjài t'ài timjients' nkie'pj. Bàjài kwa li'ìì ru' kik'à'ky.

132 4464 Pame 102-151

132

9/5/05, 2:21 PM

133 4464 Pame 102-151

133

9/5/05, 2:21 PM

Niriajao ru' rinjie kuàts' chiñi riàts'àt ru' ri'k'iì li'ià'ky.

Chiñi chimiant naepj rink'ii li'ià'ky jià' nipiu'. Kwando jià taatkj o nankj ni nepj wà'àiky nepj taong o kon lo ke I'ui mpj Ià'majaon' .

134 4464 Pame 102-151

134

9/5/05, 2:21 PM

KIPIAJAON' Limidàt Iy'edàt kyagun nmpu'un ti'piajuun ra' ri'k'i pajaun' kra chjàjàiñ, nda mpuju' pajaun' nda stsjao' lyjiwa, nda mpjàiji nda stsjao kjià', nda xits'à' nda skwa'an; kjwande rae' li'ii kim-

Chiñi ñu'ut ru' rinjie ke niriaju l'kià' biu' nda maa nku'unpj bàIài ñjiu' kjwande rae'.

Taat, nan, kyuy y kra I'àedat I'jaung pagas.

Danas, k'ias, sàpuut y datueng ndu banjaung.

Chiñi jià njiusbat pàk maa kuà' biu' sàma'ai koma ,

Ru' talunant ga'unat gajuyàt y taguànat ndu mjài sanjwa.

Danas dapay kjài' y stakajt ndu banjaung. kyao ta'mài lyjiu'u ganjwa danas dapay stabà' y datsi.

Sàma'ay: Niñ'ia' sàma'ai ( , ) nà ji'ipj mat nda nkà' kwa ma Iku'unpj ru' naepj ñjiu' laju't.

135 4464 Pame 102-151

135

9/5/05, 2:21 PM

NKYU'UY RINJIÉ MASAA Nda gànu' bu' ntjiuy tsü'dàt ru' ly'àyit gamaa ñjiwa maa gamaeje basaa nkiejan, ya gagwa'a kandius nda ru' ripieyit daxàipj nan kyao Imang nda masaa, bu' tsû daxàipj: igwayegat njuts' kjant guta' . .

Bu' ly'ày kjant tsamaa gamjàing kun ru' njaedat.

Bu' kwajao Iimjing mjao kabáao ya ndwa nteo, kwe nae sgarajaun bi' masaa. Stasàipj t'sû gwa kamuuk'an ru' basaa, nda masaa ti'iejek'an maa ran'uik'i y bu' mas ntà u nipj dakwajai' kunjë stama'ao nda m'ae'k'an masaa jià sta naung, nipj tsa' ejeyi kunda njiu, ru' kradàt ndujuy ki ta'ejedat nda masaa. Bu' t'su' dasàibat ru' ri' piayit nae'eo Ia'naung nda m'aek'an masaa maa nmpài kie' jiwa, u nip dakwajai'. Njiujuiñ ru' ganu' bu' Iy'ày ntà' gama gapaëë ru' basaa mat ndà'ky, tsao kin kiepj kanjwa bàjài maa ga'at ru' basaa. Tû da'u' mjao balàidat Iy'edàt Ijàispj, da'pài i maa da'wa't nae'eo ru' ba'an i ntsài'inat. Nàjài biu ganu' kwa ne maa da kjwajai' lo ke dàxàipj nanpj.

Ya niriajao rae' riñjië, chiñi miant nda xia'aõ nkyu'uy riñjië.

Nkyu'uy riñjie: Ei kwando ru' lyiedàt baru'yàt kwento riñjië bàru'uy

136 4464 Pame 102-151

136

9/5/05, 2:21 PM

Ñu'ut y riajaut ru' riñjië gamay ru' kywa kuàts'.

k'amajet kantae.

Yugat ntsjàjàiñ

Yugat masaa.

Chiñi it kun jià' riñjiëk' kra rinjie gamay

Chiñi it kjwanbàt kun ru bimiujuk'an ru' riñjië ke n'in.

Riñjië Gamay: Rae' riñjië gamay kuà' o I'kià' xie'ep nda nae'eo nmang nda ñjië mat nda gimbiay.

137 4464 Pame 102-151

137

9/5/05, 2:21 PM

NK'ÌY KI'KYAUNG Dam'ae danjas kywa nimi nda' ki'kyaung mjao bàIài naepj mjài, dujul ra' ganu' mjao li'à'ky, chiñi kwa maa ndàiu' kam'us niriwa li'ii mas rikyaung, kjwa ya ni àng li'ià'ky. Nipj nu'un pàk bàjài maa na'ài rae' ganu' band ua

Riu't rae' riñjië kra mang naepj nichjao nteo', chiñi y pia'a

- Da' ta'aiñk ntajao ntjajao bi kampu'.

- Chiñi ntaung ru' lyjiwa.

- Pia'a lagwa kataung rinkias talung.

- Da't'a'aink n'uà'ky pan.

- Kyao latu'u ru' lyjiwa - Pia'a lagwa katajao lyjiajao - Nteo' kyao gwa kamaeje dikyaiì.

- Chiñi Itwejel' mbiu'.

Chiñi it kra' kjwande rae' pàk Imang loke ntaeo', chiñi y pia'a ma na'ài.

138 4464 Pame 102-151

138

9/5/05, 2:21 PM

Iãut ru' rinjie kunap lo ke wajaun.

¿ Pàk n'Tj niriu' I'uT kik'à'kj ri'k'iT ?

¿ Pàk xinchja' niriu' ru' kimbiajaun' chjàjàiñ ?

¿ Pàk k'imiang na'ài na'àà'kj ru' ri' ki'iT ke lichjao jià' nipiu' ?

139 4464 Pame 102-151

139

9/5/05, 2:21 PM

LYJIAJABÌT KYWANDÌT Y NKJIUYÌT Ru' ñyu' yàt lyedàt xi'iuyet damàing gakwajadàt kwa ma datjaigan ru' kiñjiû at chiñi rae' ganu'.

17

Dat'a'aiñgan ntajaon ntjajao kinkie' gibiayen mat nju'un n'uin ru' Iyjiajao, bàjài chiñi nu'nan ke ta'màinan nsau'nan bi' k'i ntajaonan. Kradat kjwande ru' kywandàt ndu landu'dàt ma nlyjiajao Iyjiajao ñjiwa, tatû'û Iyjiwa, tajwents' lyjiûa, ta'tiT k'ius, ta'àT chjài, rae' lyjiajao ru' kywandàt ndujuy t'ài.

140 4464 Pame 102-151

140

9/5/05, 2:21 PM

Ru' nkyuyet ndudat kjwande Ijajao lyjiajao, ndudat landu'dat nk'TT lyjiajao kat'us, nk'TT ntsjàjàiñ, nk'iung kibia, nljiunat ru' Iy'àyet, ntsia'abàt tatung mbia'ay i si es ntjuy Iy'ày maa tsja'pj ta'àTT ntsjàjàiñ, mat ya gandàiu' Iaju'u' i bu' kywang kjwande riwa ndàiu' kwa maa tsja'pj. Ru' kinjiû, ke niriwa tichjao', kjwande kwa maa nju'û nljiung, nkià'àt ru' naep limi bi' kimpiei' npu'. Ru kywang ndujui ru' mas Ikià' mat nk'ii k'ius, bakwa kjiãjãu't.

Rae' kywang mjao ba'tung mat ni namàà, i ni ntjung jûi.

141 4464 Pame 102-151

141

9/5/05, 2:21 PM

Ya niriajao ru' riñjie kuàts', riajak'un kun ru' njan naep ru' Iyjiajao ta'uin.

Kyagun xikià'dgan nju'û t'ài balài Iyjiajao kat'us o kle piu'. Ru' Iyjiajao ke t'àì nju'û tibiaiky maejedàt o kjwande Ii'jià o ti kjiàà.

Iaûrt rae' rinjie

¿ Nae'odàt datsja'bat ru' chiñi naepj taju'un ?

¿ Naepj lyjiabat Iandu'dàt ru' kywandàt ?

¿ Naep Iyjiajabàt landu'dàt ru' nkjuyàt ?

¿ Mjao skwa bàjài bu' t'àT ?

142 4464 Pame 102-151

142

9/5/05, 2:21 PM

Chiñi iaut rae' rinjie.

Miant nduk ndujui lyjiajao landu'dàt ru' kywandàt i naepj t'àì.

Miant nduk ndujui lyjiajao landu'dat ru' nkluyet.

143 4464 Pame 102-151

143

9/5/05, 2:21 PM

Riajaot rae' riñjie Kyagun nae'nan, kà'àn ke mang xe'epj naep li'TT. Kjwande rae'.

Kyao ta'uT pjiuju bajao spajauts'.

Juan xài' nmpiajal' kun saljajan'.

Bi' nmpajal' nà ma'ay tsao' kjwe'espj kantae.

Juan wajao nmpiajal' mat mjao landàiu' njie.

Niriajao ru' ch'T'pj kantapj rinjie dipia, chiñi riàts'àt ru' rinjie kywa nduk ndujuy mang xe'epj naepj li'TT. ¿ Ndukj ndujuy rinjie mang xe'ep naepj ni'ii ?

Riàts'àt kywa pàk k'iiji'pj kwando gwa paens chiñi li'ii, Kjwande ñ'ia'.

Nan taung kra danas.

Chiñi: Ma'xàipj chiñi maeje ru' rinjie ke mang xie'epj njujuiñ ru' rinjie.

144 4464 Pame 102-151

144

9/5/05, 2:21 PM

TAT Tat u tajao ntjajao, I'uì balài naepj kandius; maa paeje lyjiwa, basaa, chjài mat nkjià' kat'us. Tat u landu'u n'àì ru' Iyjiajao mas bajàiu.

Ru' ri'pieyàt kjwande xa'abàt ntjajao, mjao gwa xiñi'u maa da'wa'audàt mat ta't'ài banae'dàt.

Jià' ñyus, miant pàk t'ài Ijajo Iyjajao.

145 4464 Pame 102-151

145

9/5/05, 2:21 PM

Riajaut ñ'ia' ntjaõ, na'aiñ nkyak'un maejek'an

ÑJIWA Gwa k'i xiñi'u kyao bàjài tañjias Iagwa la'e' kantae kiñiel'.

Jûi kyao Ianjwa'a Iagwa Itsàà' k'i nmae'pj la'àspj k'i piuju bàjài kii Iagwa njiwa.

Chiñi chaot Tt nda ntjaõ jià' kjwande, iã'dàt naepj ntaõ n'àipj.

146 4464 Pame 102-151

146

9/5/05, 2:21 PM

Iaut naepj wajaun' rae' rinjië.

Miant nduk ndujui lyjiajao más Ii'iajaon'.

¿ Kweje' ru' Iyjiajao xikywang ni nkyu'u ru' nkjuyet.

¿ Pàk ki'kà' jià' ru' Iyjiajao ke. Tibiaky i ti kjiàjà ru' nkyuyet y ru' kywandàt ?

147 4464 Pame 102-151

147

9/5/05, 2:22 PM

PÌKJ LI'I NDÌ'ÌUDÌN Kyagun kwa nae nmpu'un ru' nkjuyàt ndudat mjàidàt ri'pieyàt nipj kjuà' gakàjàts' skiriung, ndudat maa tsài' nda gakàjàts' xi'iuy mat ñjiû.

Kuàjà ganu'pj maa namung nda gane' maa nju'u bu gakàjàts mat n'nuû bu dan'àing, tû maa Ijung ba'e'k'at nueve ganu' mat kjat la'ma'ao banàispj bu' tsûû Iyày.

Jià' y maejedat ru kradat kjwande gampunat y chiñi jià kjwande niriwa k'iñyiu', gwa kjwande k'a'àTT k'adiu', si ntjuy bà maa na'àii mju'u.

Nda nip tsao' Tba niriwa ndiu' pero niriwa liyajaun bi nda njae kwa maa spajàipj.

Tûû bàjài Ii'iajaun jià' k'iriu' y k'iñu'u pàk n'ài k'atung mat mjao k'andiu', ni àng k'an'àing i k'ipia balài ganu', o rinklàjà ik'aguijiu mjao.

18 148 4464 Pame 102-151

148

9/5/05, 2:22 PM

149 4464 Pame 102-151

149

9/5/05, 2:22 PM

Ya niriajao ru' rinjie kuàts', chiñi riajak'on kun ru mãsat njan mat k'iri'un naep biu mang.

¿ Kjwa' biu' maa nju'u gakàjàts' xi'iuy ?

¿ Kjwabiu' nda nip tsao ìba niriwa ndàiu'. ?

¿ Si nda ni ntung mjao, naepj skwa lamàipj ?

150 4464 Pame 102-151

150

9/5/05, 2:22 PM

Riajaot ñ'ia' ntjão nkyaotk'àn kon ru' bàmiujutk'àt.

BU' LY'IÌY Biu' nje nda k'i ly'iày nipj libia'aly kon sàIjajan' kwajadàt nmbia'ay sànegan ntãodàt nda ntjão.

Bànjwe'e bu' ly'iày dàn'àng gampajaiñ', gampajaiñ', gampajaiñ', jià danuu pàkj da'uà gàma ganuu gà'weng y u nmjao gà'weng nu'u balí stikywang nomas kra danuu y bàjày dàsàipj.

Gikyaong sàIjajan mat k'àgwa'aly xi mi kon'àing Iànts'àikj sànegan.

Miant chiñi kjwa Ii'iajaon' ke nda dàñiu Iigwa'aly.

151 4464 Pame 102-151

151

9/5/05, 2:22 PM

Ñu'ut pàkj li'i mundàn, ntayàn, ndà'àudàn, tikyàjàdàn y tûdàn.

Jià' miant pàkj li'ii nda ndàu'

152 4464 Pame 152-200

152

9/5/05, 2:23 PM

Riajaun n'ia' kwent.

NDA NTJUY Krapj nibiju nda ntjuy, ni xie'epj da'màidàt ripieyet, nda dagujun' dajuai ke da'mài nda ly'ày, mjao najàiung bu ntjuy skier maa ntung bu k'i ly'ày, danuu kjwande daràiu' bu' Iy'ày mjao banae'e, ni'ii gadiu' mjao gatajao ntjajao.

- Da'ma'a bu gàdiu' - daxàipj bu' Iy'ày bu' tsuu; kyao lagwa katunig mant ni naep Iamàtk. kwando ganûj bu' ntjuy mjao nkiàjàn' porke nip kjueje' naep dajwai.

Chiñi jià' chiaut it nda kwer'lt

153 4464 Pame 152-200

153

9/5/05, 2:23 PM

Li'íajaun kyagun gwa kanun ga'uin skiriung y ga'uing xi'iuy mat la'xàigan pàk n'uin nkyajan, ru' kwa ma gnu'.

Nu'ut rixiaung lo ke nkwa'ant y miant nepj t'ài.

154 4464 Pame 152-200

154

9/5/05, 2:23 PM

Riajaot i iãut rae' rinjie lo ke wajaun'.

¿ Kyagun xi'iuiñ na'ao ujuy juigun ?

¿ Ñaepj n'uin mat t'ài ni nda n'àing ?

¿ Kjwa biu' nda niriwa ndiu' niriwa libiajaun' nda bi' njae ?

155 4464 Pame 152-200

155

9/5/05, 2:23 PM

NMJAO N'TUNG NJË L'E Nda një I'e nà nmjau dàchia'aot, desde ke nda mung asta ke ntãy nda nmjao Ikyung, si nda k'iày Iàpupj ni tsjao ntung nda nepj Iàmàipj.

Balidad ly'iedàt nepj Iàmibàt porke tàpia'aiky pujun skànt'aibàt, bà'kjwabàt, o si nda na'ao nepj Iàjents bàjiu, Iànkàjàt gàmpàipj, Iàndejen kà'ieng.

Li'iajaon ke nmjao Iàntung nmpiay si nda gà'wempj gànao, m'epj nmao, n'waa n'ñe'epj, juy nda Iàtsjao stikywampj.

19 156 4464 Pame 152-200

156

9/5/05, 2:23 PM

Ximi nda xinkywampj gàtûû, nmjao li'iajaon' ke kàmjiampj nda iànuu gàtsjao stikywang mat I'Ià'àixpj ñjë y Iànsàipj nepj Ià'mài.

Nkjwende nmjao nda kon'ma Iijià Itung nda nu nàjwao', nàjuà'àiñ, nu nepj nàgu ntsjàjàiñ por ke nkwende biu' nmao nda Iàgwa n'àing; nda gusàjàiñ nmjao, por ke si nda àn Ià'ejel' nda Iàmajay' nà'àis o Iàgwa n'àin nmao.

157 4464 Pame 152-200

157

9/5/05, 2:23 PM

Riajaot kume'e ru' k'iwet lo ke mang, tàkywentk'ànt kon bu' gsao' y ru' bàmiujutk'àt. ¿ Kjwa nda I'e li'iajaon' ke Itung ? ¿ Nepj Iàmàipj si nda ni ntung ? ¿ Nepj Iàtsjao si nda gun'àing ? ¿ Nda nmjao Iàgu ntsjàjàiñ o mài ? ¿ Nepj dàn'àimbàt Iàndu'u si nda na'ao àng juà'àiñ ? ¿ Nepj dàn'àimbàt Iàndu'u si nda na'ao àn jwão' kàpi'int ?

Ñu'ut lo ke nkwa'ant y bu' kànkapj riàts'àt lo ke tsjao nmjao o mài.

158 4464 Pame 152-200

158

9/5/05, 2:23 PM

Chijiàjàiñ ke Iàtàiñ nda nm'a'ay.

Chjiàjàiñ ke Iàmài nchia'aot y piûy'

Chjiàjàiñ rinkywe' kywang y stikywang.

RU' CHJIÌJÌIÑ Ru' Iiedàt ke nju'u chjiàjàiñ ndudad kàrnu' nm'a dàtsa'aont, kàntapj ru' chjiàjàin ke Iàmài nchia'aot y piûy; ne'empj stàt'ài ru' chjiàjàin ke Iàtàiñ nda nm'a'ay y sàntjumpj ru' chjiàjàiñ rinkywe kywang y stikywang.

Ru' chjiàjàiñ ke Iàmài nchla'aot y piûy.- ndu ji'ipj para nda n’aong mat nda Iàmài nmpapj y ni ntsao nmtsee, kjwende si nda Iàntajao IjiaJao nintsao' dànk'àiñ' y gune'empj nepj ntsjao.

Ru' chjiàjàiñ ke Iàtàiñ nda nm'a'ay.- ndu nmjao nda Iànaong mat nda nmjao gundàuo', nda ni n'àing y nda gàjwao nje.

Ru' chjiàjàiñ rinkywe kywang y stlkywang.- Re' chjIàjàIñ ndujuy kwe mas bàjao II'Ia'ao nda Iànaong pàkj gnu' mang y nda ni nepj ntsjapj, Iàmàipj manispj Iàjapj kàntao, nmbiajan, skànjàpj, skàmuu, ràñkywang kyao, chll', n'waa, nmao y meje nepj nda Iàtsjapj nmjao.

159 4464 Pame 152-200

159

9/5/05, 2:23 PM

Riajaot y ñiu'ut biu' nk'àix, griu' ndukj ndujuy chjiàjàiñ Iimii.

Ne'empj iãot re' riñjie lo ke wajaon'.

¿ Ksao' chjiàjàiñ ma Iimii ? ¿ Ndukj ndujuy chjiàjàimbàt ke Iàmài nchia'aot ? ¿ Ndukj ndujuy chjiàjàimbàt ke Iàmài piûy' ? ¿ Ndukj ndujuy chjiàjàimbàt ke Iàtàiñ nda nm'a'ay ? ¿ Ndukj ndujuy riñkywe' kywang nmjao nda Iànaong ? ¿ Ndukj nmpài bàjao nda Iànaong ?

Miant nepj i'ui kada nda na'ao y nepj naong.

160 4464 Pame 152-200

160

9/5/05, 2:23 PM

GÌNE' Kwando nda gne' mung u nmjao gmuu ntjao kwando nàu' nmao bu' tsû, nmjao Ijung diñiu nju'u gàtsjao stikywang, bu' ntjuy gusàjàiñ nmjao Iàpjiànt mat gàmung nmjau bu' I'iày.

Kwando mung nda I'iày, juy nju màtsàipj gàtsjao stikywang mat Iànuu nepj Iàmài, nmjao o mài, ne'empj nju mà'jàtpj ru' rich'iàix y gàmbiu' biu' kartilla y nju m'àipj meje ru' sàl'wee mat nu n'àing. Ñu'ut nepj nkwa'ant y nepj t'ài ru' na'aodàt kuna, miant o riàsàt bu' kàmpiu'upj.

161 4464 Pame 152-200

161

9/5/05, 2:23 PM

Ñu'ut biu' aparato làtujul' chia y nepj njàu nkye' ñjë

162 4464 Pame 152-200

162

9/5/05, 2:23 PM

Chlñi ñiu'ut biu' aparato Iàtujul' chia y riàbàt njiu' nkye' nje.

Ya ni ñiu'u nepj njàu' nkye' nje; chiñi riajaombàt gsao', nankj, taatkj, mat gàchjikj pàkj n'ài nda Iàntung.

163 4464 Pame 152-200

163

9/5/05, 2:23 PM

164 4464 Pame 152-200

164

9/5/05, 2:23 PM

TIÑJIAONG Ñ'ia' kimpiei' nmpu' Iimidàt mjao balàidàt naebat mbia'ay, Iyjiû'û i kajan kyagun kjwande Iyedàn.

20

Maejedàt rae'dàt Ia'mài naxiñat mat la'aiau gandiu'dàt. Nu'un kradat mbia'ay njaung pagas, kradat ndaja stikywang i kradat ndu maeje kanuye. Diriajat mbia'ay njaung nda pagas, kjwande nda dan'u, xijiajao, gutàng, gusaly', i ru' njaung stikywang, xinkyaû, xikiàI' masajt, kradàt kjwande kyagun naunan stikywang y pagas, maeje kanuye.

Maejedàt rae'dàt kada nm'a'ay limi nduk ndujuy nsàjàimpj, o nduk ndujuy tiñjiaung, kjwande nda xijiajao naung nda talung,bi talung naung nda gutsi' y biyutsài naung stikywang, kjwande rae' sàiban tiñjiaung, nda naung bu' nda'.

165 4464 Pame 152-200

165

9/5/05, 2:23 PM

Ya niriajao ru' riñjië riajak'un con ru'njan rae riñjië.

¿ Ndukj ndujui mbia'ay njaung stikywang ?

¿ Ndukj ndujui njaung pagas ?

¿ Ndukj ndujui njaung maeje kanuye ?

Chiñi ìbat nxiaung ru' mbia'ayàt, ru' kantapj niriajao.

166 4464 Pame 152-200

166

9/5/05, 2:23 PM

NDUJUY CHJÌJÌIÑ NJAUNG Ru' mbia'yàt, kjwande kyagun limí naepj njaung, kwa maa tiñjiaung, limi nàk nàjày naung, i niñ'ia' kwande naung nda xi'au.

Nda gusaly' nà naung gutsài', i bi' gutsài' nà stanaung bi' silyjiaiñ, bi' silyjiaiñ naung gutsài' i niñ'ia' naung stikjwang, Kjwande rae'dàt, limidàt kra kjwande njaung' kra naebat xia'audàt.

Chiñi jià' riàts'àt kra xia'ao njìu mbia'ay naep naung

167 4464 Pame 152-200

167

9/5/05, 2:23 PM

Kyagun kjwande ru' mbia'ayàt, kjwande ta'màin nduk ndujui naunan i rae' naepj naunan ta'màn kyagun ntan mjao, njuts'an mjao gutã' mat ntunan mjao kyagun bi' njaenan, t'ài ni ñ'àinañ àng. Nipj kjuande nda nm'a'ay nà naung maeje naep banui'.

Ya niriu' pàk xinchjia' ru' rinjie niriajao, chiñi chimiant pàk k'i'iu' wajaun' rae rinjië.

Miant naepj naung nda I'ae ?

Chiñi miant nda njàTu' nm'a'ay y naepj naung.

168 4464 Pame 152-200

168

9/5/05, 2:23 PM

PIABÌT ÑJIE Naung stykywang i nipj nmaepj nà nkyàjàI' y nipj nmpài La mài balài rijie' y nipj nm'u tûu nepj biu'.

SKAKA' NKYÌJÌLY Nju druu ndàu' nmpài nkuà'à dagujun' y nipj I'e Iàtûdàt nmbia'ay y nipj kuà' nwe tû nepj bid.

DAN'UU

Chiñi it kra xia'ao gàpãpj riñjië

169 4464 Pame 152-200

169

9/5/05, 2:23 PM

Kyagun nae'nan njieyan, ta'ju'dan naep njiû'. skra lkià, bàjài kwa taxàiban rae' porke ma'ju't mbia'ay maeje linkjiande o kra xia'aõ.

Kjwande rae' xiàban mbia'ay mjàT Sanjwa: talung, ga'ung, xiñki', gajuy, pato, maejedàt rae'dàt linkjiande; kjwande rae' kra: kat'us: pjiuju, lamães, nm'aej, mbia'ay, ts'à'.

Chiñi jiu'dàt nduk ndujuy skra Ikià' o kjwande.

Pagas

Talung

ga'ung

masajt.

170 4464 Pame 152-200

170

9/5/05, 2:23 PM

Riaja'k'un kun ru' njan i iaût naep ru' wajaun'.

Nduk ndujuy mbia'ay njaung stikywang ?

Nduk ndujuy mbia'ay njaung ndaja pagas ?

Kyagun naepj naunan ?

Pàk n'uin nkuà'dàt mat ntunan ru' chjàjàiñ naepj naunan y ru' kradàt mbia'ayàt njaung mat kwa maa ganu' IamàT.

171 4464 Pame 152-200

171

9/5/05, 2:23 PM

21

RU' RIICIJIÉ XI'IUY Biu' ñjië xi'iuy nà mjao Ii'iajaon entre kiagun ru' xi'iuyit, ru' riñjiegàn ndu ya ndua limià porke ru: Iyedàt skriunàt ndu kutsà' kwasbàt, porke ndu mjapj mas ntju'u ke kiagun ru' xi'iuyit, wejepj bàjài tà'àdàt ndudàt, pero xinjàn'àt; kiagun kjwende tàju'unàn, chiñi lo ke ma winàn es ke gàpaadàn ru' njenàn para ke ma tà'tsjao ru' riñjië xi'iuy, mat gàmjìpj jiipj, ke no nijul' ntsa', kiagun ru' gàsaudàt xi'iuyit tàm'mànàn tàregàn de sa'abàn ru' lyàyit skwelàt y gàdàudàt para ke ne nimià ru' xi'iuy, chiñi ru' dàjiu gàdàudàt ndu ya nipj mjang nen'at, tsajanat', porke ru' skrinàt tsàigàn ke ru' riñjiegàn nipj ji'ìpj, ke nipj u'unàn, nipj nu'unàn, nip ta'màinàn ga'uìngan, gàkadàt; pero nipj kjweje', tûû pàkj dat'àiT damja'aiky ru' k'ius kimpiei' nts'àt ru' kantap Iyedàt yi'iuyet gàkwajadat.

Dam'ae skwa gakwajadàt xi'iuyet sànta njie nae'nàt, kwa nae rae' ganu' ru' naep limibàt ru' lyiedàt, niriwa tichja'aung ru' rinjie at chiñi ya limidàt mjao balàidàt. Kyagun ta'ñedan kantap njie o nmpiuu otopame, Iàijimpj oto li'nie de otomí, Pame nà njiö mangue bi kantap njie Otomangue.

Chiñi kyagun bi' ñjiegan kanuye maa nixia'auntsi, kra maa gakwajadà kam'us ri'mia'ay, kradàt kam'us xijiang. Kradàt ndu xia'aõ ñjiu', komo Otomí, Chichimeca Jonas.

Ru' k'ius dat'ài ru' njaenan xi'iuy maeje daljwat ru' skiriunat ganjwa'adàt kywa nmpu'un.

172 4464 Pame 152-200

172

9/5/05, 2:23 PM

173 4464 Pame 152-200

173

9/5/05, 2:23 PM

Iaut rae' rinjie lo ke wajaon'.

Miant pàk nae'nat njie xi'iuy.

¿ Naepj mas k'i'iu' kyagun bi' nJiegan ?

¿ Kà'sau'dàt xi'iuyet Iimidàt nipiu' ?

¿ Kà'sau' riñjie xi'iuy maeje nmpu' kie' mbiu ?

¿ Naepj dat'àT ru' skiriundàt kwando ganjwa'adà kywa nmpu' xi'luy.

Gimbiaiky ru' xikià'dàt y gasao', miant ma's I'u' bi' njiegan xi'iuy.

174 4464 Pame 152-200

174

9/5/05, 2:23 PM

RU' KANTAPJ KWENDÌT BARU'UY Dàmàing ru' nyuyàt ndu kjwent ke kantapj ganjwa'adàt ru' skiriundàt kywa nmpu'nàn y na'aimpj ganjwa'a dàt ru' kagwe'endàt gamaa datsja'-bat ru' lyjiaõ xil'we rae' xi'iuyet ke maa datsja'abàt, tûû gamaa danjàis rae' lyjiao xàl'we ke ru' xi'iuyet ke nip nju'û, ndu kjwajai' xia'au xikià'bàt, kjwande, nwej, gànu' nm'aõ' xikià'àdàt kantao nmpai'.

Kwando tsja'abàt ru' Iy'àyàt xi'iuyet yjiao salme i nip tju;u tûû ru' xagwe'endàt wa rantswjendàt i cjàjàIàt ximbiajang.

Ya niriajao rae' rinjie y niriu' pàk tài' ru' kwendàt, chiñi riàts'àt kra rinjie pàk ni'ii, nimiang bi' njiegan.

175 4464 Pame 152-200

175

9/5/05, 2:23 PM

RIMPIUPJ RIÑJIÉ Bi' ñjie xi'iuy Ii'ñie njiebàt ru' kantabàt xi'iuyet Otomangue ke gàkwajadàt kywa nmpu' xi'iuy, kwa maa ñjiujuiñ ru' ganu', mjao balài rinkiàjà nixia'aung kwe. Stat'ipj njàiu' otopame, ñ'ia' ma sta'mài ri'xiambit.

Nu'ut.

Otomí (nañu) ni'miã'ãy xi'iuy xijiang Mazahua Otomange Otopame Matlazinca Ocuilteca Jonas Chichimeco

Ya niriajao ru' rinjie baru'uy chiñi iaut rae' rinjie.

¿ Pàk gutàijin bi' njie xi'iuy ?

¿ Nàkj njie nae'nat nipiu', xi'iuy o skiriung ?

¿Kjwabiu'?

¿ Pàk nmpu' k'ixao' njiek' xi'iuy ?

¿ Na'ao jià' dasau'tk ñjië xi'iuy ?

176 4464 Pame 152-200

176

9/5/05, 2:23 PM

LIEDAT XI'IUYÌT Kàntapj ke gàkwajadàt ru' xkriunàt, kywa nmpu' xkriung gàkwajadàt ndaja xi'iuyàt, aunke cada nda na'au nàin' xia'ao ñjiëpj komo ya nu'unàn ke kywa nmpu'unàn nkye' nmbiu, li'i rnu' riñjië xi'iuy ke ne'enàt I'iedàt y njàudàt Nawas, tenek y kyagon.

Biu' ñjiegan kwa ma nàxia'aantse, ya dàba'ao nipj diñiu tàriajaonàn bàjày ya ni tsjao pà tà'iu'unàn nepj manan. Chiñi riàts'àt kra riñjie ke k'i'iu', pero kàntapj gàniu'u ru' rixiaong.

RIÑJIÉ XI'IUY

RIÑJIË XI'UY RIMIA'AY

Ia'adàt kra, riàsbàt rixiaong y ñjiu'.

177 4464 Pame 152-200

177

9/5/05, 2:23 PM

Ia'adàt biu' nxiaong nmpu' nkye' nmbiu y ñu'ut pàkj bàjày kwajadàt I'iedàt xi'iuyàt nawas, tenek y kyaogon xi'iuyàn.

Na'aiñ ke jià' ya niriu' y niñiu'u pàkj kwajadàt ru' I'iedàt xi'iuyàt y pàkj t'ài kwajadàt, chiñi miant ¿ ndukj ndujuy njen xi'iuy mas ripià kwajadàt ?

178 4464 Pame 152-200

178

9/5/05, 2:23 PM

laût rae' rinjie.

¿ Naep njàiu' bi' kyagun njiegàn ?

¿ Nàkj ñjie kjwande ky'ài linkjiande bi' njiegàn ?

¿ Pàk nae linjias kyagun bi' njiegàn ?

¿ Pàk skwa ni'i nxia'aung bi' ñjiegàn ?

¿ Iinkjiande bi' ñjiegàn nae'nan xijiang y bi njie nmia'ay ?

179 4464 Pame 152-200

179

9/5/05, 2:23 PM

KI'CHJIAO' XI'IUY

22

Kwa nae kyagun ru' xi'iuyàn bugàn ki'chjiau' desde gwa ky'iàyàn, porke ru' tadgàn mjang ke kyagun ginyiu'dàn mjau ta'un'àn riñjie nda n'àT mjau nàguiju.

Ru' xi'iuyàn desde ke takajanàn ka' t'us ya ndwa bugàn nda ki'chjiau' ru' tadgàn, jingàn, mbie'gun o ximi ru' jiudàn mas kyà'dàt; ndu tsjàigàn ke ta'màinàn ke n'tsaenàn ru' mas kyà'dàt, ke n'gwayàn lyjiajau ka't'us o ñjiwå y ke tamanàn nt'us ki'chjiau' maat gi'chjiau'd' gàn ntsjaunàn ky'iwet y wajaunàn ky'iàx maat ni n'mugàn ntjajau kwando tàgwanàn tilyjiàdàn kàjway.

180 4464 Pame 152-200

180

9/5/05, 2:23 PM

Chiñi ru' Iy'iàyàt xi'iuyàt ndu madat nt'us ki'chjiau' pàkj bu' gsau' sa'bàt ky'iwet, sa'bàt xi'iuy nkjwandi, porke chiñi ru' Iy'iàyàt xi'iuyàt nkjwandi m'jài ky'iàx kuàch' riñjie xi'iuy ndukj kweje' mjau Ii' iajaun' t'ài ni nàmà biu' ñ'jiegàn.

Biu' nt'us ki'chjiau' bà tsjaud'gàn ky'iwet y pàkj n'uinàn mjau tikyajanàn, per si ni n'ju'unàn nàepj ru' tsjaud'gàn tûû ni n'kjiujuñgàn mas ts'ài' san'jàipj n'gwanàn.

Tûû ru' xi'iuyàn to'màinàn kanuye ki'chjiau' nda nà ki'chjiau'. Kat'us y nda nà tsja'audgàn nt'us ki' chjao' Nip nda chiñi maa ntsjãjan' nàiun xi'iuy kjwande I'àijigan ru' skiriundat nipj mjang, chiñi bu' gàsau' nàiun kanuye njie mat Ia'sau'dgan majae kanuye.

181 4464 Pame 152-200

181

9/5/05, 2:23 PM

Ya niriajao ru' riñjië chiñi kywen dàtkon ru' bàmiujutk'àt nepj niriu' mas Ii' iajaon', ru' nepj tsja'aotk' kàndus

1.- ¿ Na'au ujuy saud'gàn biu' ka' t'us ?

2.- ¿ Kjwa ru' tadgàn tsjau'dgàn pàk n'uinàn tikyajanàn ?

3.- ¿ Naep tsawd'gàn ru' tadgàn ?

4.- ¿ Kjwa Ii'iajawn' ru' ky'iàx kuàch' riñjie xi'iuy ?

5.- ¿ Nàepj tsja'audgàn biu' nt'us ki'chjiau ?

Riàts'àt lo ke jià' k'imiang ke gàchjia'aotk' bu' kàndus o bu' nkye' Ijiajao.

182 4464 Pame 152-200

182

9/5/05, 2:23 PM

PÌKJ KYAGON TÌXIA'AONÌN Kyagun maeje pàkj ta'ju'unàn naep tixiaun'àn, si ta kajanàn ka't'us limi naepj tixiaun'àn y si kwajau tandwa'anàn dànweje' o ntja'ao y tikyàjànàn nda na'au o nda biñujun'gàn y la' sàigàn pàk n'uTnàr tikyajanàn, tûû u nkjwandi saud'gàn lo ke ta' màinàn ke n'tsjaunàn.

Biu' nt'us ki'chjiau' nkjwandi tsjaud'gàn naep Ii'iajaun' riat ndu mas tsjau jieT y mas bolài.

Riajaut ru' rinjie y iãut lo ke wajaun'

1. ¿ Naepj tsjau'tk' ñyius o bu' ntja'ao ?

2. ¿ Naepj nda tsja'pj biu' nt'uj ki'chjiau' ?

3. ¿ Pàkj más kjwande jià' kàsao' mat k'iñu'u pàkj n'ài k'arwa.

183 4464 Pame 152-200

183

9/5/05, 2:23 PM

K'ILY'ÌY Jià' ke gwa ndwa kiñyiu' jià ke gwa njaspj n'nu'u biu' nmpu', kjià krajaot y miabàt pàkj n'ài nk'àguijiu y pàk ma nk'ànjwa;al nu nchjiao meje lo ke ndwa kñiu'u o lo ke tjao ru' I'iedàt; chjiaot lo ke mas Ii'iajaon', nu nkyu'uts ru' dànweje ke nipj bajao, ru' I'iedàt ke nipj tsjao kwãjadàt.

Chiñi ke gwa k'ànk’iày gàñjiaspj tsjao k'àguijiu, gikyu'uts ru' dànweje ke mas li'iajaon' y kon ru' liedàt ke gàñjiukj ke tsjao k'àmijiu ndudàt nkjwende gàkjiu'uskj.

Riajaot rut'sài' k'iwet y griu' lo ke mang. Na'aimpj ìãot runa riñjië lo ke wajaon'. ¿ Na'ao ujuy bàndwa ndàu' ? ¿ Na'ao ujuy I'uàmpj nkye' gànao, mat tsjao nàguijàu ? ¿ Nepj Iànku'us bu' l'iày mat tsjao nàguijàu ? ¿ Kànkyaiñ lo ke mang ?

Chiñi ya niriajao y niriu' pàk xinchjia' jià it nda kwent, nda verso o lo ke jià' kmiang.

184 4464 Pame 152-200

184

9/5/05, 2:24 PM

Kwando kyaogon tàmàinàn n'uinàn mas sànu' ru' riñjië y nda Iàndàu' lo ke tàmànàn n'manàn, limi kabali pàk ma n'uinàn mat la'u' tsjao jàky y ni ntsjaonàn o ni n'uinàn àng bali k'iwet.

KANTAPJ NJÌU'

KÌCHJIAO'

KÌCHJIAO' KÌT'US

Kàchjiao kàt'us KÌCHJIAO'

NT'US SKWEL

Riñjië buru'uy

-K'iwet

gikyajao ntjajao

-Pàk n'ài nju'u mat griu' k'iàix

gàchiedàt ru' buru'uyàt

-Rimbie'e

Nt'us skwel - - - - - - - - - - - -- - - - ->

Ru' riñjië kut'sài' kuà'àich kuna riàsàt pàk tsjao Iàndu'u.

KÌCHJIAO' KÌT'US

KÌCHJIAO' XI'IUY

NT'US SKWEL

185 4464 Pame 152-200

185

9/5/05, 2:24 PM

KICHJIAO' XI'IUY Biu' nt'us skwel kàchjiao' xi'iuy bà tsja'aodgàn bali nepj kwe'epj li'iajaon', kjwende nda Iàndajao k'iwet, Iàme'e ràmbie'e, tsjao jiày gijiu'ut ru' ràñjië y bali nepj mas.

Biu' kàchjiao' xi'iuy nà chiñi ya làmài k'iwet kuà'àx nk'àix mat bu' I'iày ni n'mu ntjajao nàsao' y nju'u k'iwet.

Kyagun ru' ly'iàyàt xi'iuyàt kàntapj tà'we'embàn pàkj t'ài n'ne'enàt y na'aimpj pàkj nk'i nà'wedàt.

Chiñi riajaot ru' riñjie kuniu kuà'àix y jià' gi'i kra riñjië y gàñu'u pàkj gi'ii biu sàntài (punto)

SÌNTÌI (PUNTO).- Nà ji'ipj kwando nda Iàmajaiñ' o làtlà nda ñjië tà'àmpj y Iànjaspj nda.

186 4464 Pame 152-200

186

9/5/05, 2:24 PM

Iaot ru' riñjië lo ke wajaon ?

¿ Pàkj bàjày kmiang ke mas nda gnàin' ñjië xi'iuy bu' kàndus o skwel ?

¿ Nepj kñiu'u y kju'u bu' kàndus y nepj kmiang nju'u o n'nu'u bu' nt'us skwel ?

Lo ke I'wa'aiñky bu' gsao. ¿ Na'ao mas kmiang ke I'a'aiñky ?

¿ Nepj tàmàinàn ntsjaonàn mat ngwajaonàn biu' kàchjiao' xi'iuy ?

Chiñi kywa'alàt nxiaong ru' Ijiajao ke jià' k'à'uii bu' kàhdus, skwel o xia'ao kàmpu'.

Kywa'albàt nxiaong ru' Ijiajao.

187 4464 Pame 152-200

187

9/5/05, 2:24 PM

RU' XI'IUYÌT Y KRA PIU' XI'IUY Kiagun ru' xi'iuyit kwajanàn kywã kiñkiepj nmpu' nkie mbiu y Iiyutse kon biu' kutë'ë Iàijàmpj nmpu' Querétaro. Kjwende kwajanàn nkie mpà y bànjwe de biu' ntwë mpiji o San Juan del Rio Querétaro.

23

Kiagun ru' xi'iuyit tàkjiànàn de xiñkjupj a xiñkywampj ru' piu' Sta. Catarina, Rayón, Tamasopo, Alaquines y ciudad del maíz, re' piu' meje tibiay biu' nmpu' kàm'us nkie mbiu'.

Así komo kjwende kiagun tàkjiànàn kywã kiñkie'pj nmpu' kàm'us nkie mbiu, kjwende Iimidàt kra njenàn xi'iuyit ke njudàt Nahuas y Tenek y ke kwajadàt kuna ne Iàjàmpj ganu' biu' zona Huasteca, mejenàn

188 4464 Pame 152-200

188

9/5/05, 2:24 PM

kiagun ru' rnudàt njenàn xi'iuyit tàmianchin para ma tiriajaonàn pàkj ma winàn wajaonàn ru' nepj limiàgdàn y tàwinàn nda plan nepj ñjiu' etnodesarrollo de kàm'us nmpu' nkie mbiu'. Bueno así komo kjwende kiagun kwajanàn ña' nmpu' nkie mbiu', kjwende limidàt kra njenàn ke kwajadàt nm'ekàt npu' skriung y nà'ànat' aserka de 56 rinjië xi'iuyit, meje re' xi'iuyit liñiedàt de rnudàt kiàt xi'iuyit, ru' mayense, otomange y ru' yuto azteca.

Nà'àmpj rae' 56 Iimidàt masat balàidà riñjiëbàt.

Kradat mjao balàidàt lyiedàt nae'nat, kradàt sa'nu'dàt krada mas sa'nu'dàt kjwande ru' purepecha 'limidàt 111614 lyiedàt y ru' kilwa ndudat 90 xia'audàt y ru' mayas ndudàt 655,357 Iyiedàt.

189 4464 Pame 152-200

189

9/5/05, 2:24 PM

Ya niriajao kàntap ru' riñjië'ë, chiñi tikywenkàn kon ru' bimiujukàn y luego it y miant pàkj xiñchjia' biu' nipiu' y pàkj bàjài kwajadàt ru' Iy'iedàt xi'iuyet.

Chiñi iaot re' nñjié'ë lo ke wajaon 1.- ¿ Pàkj tsajao kwajadàt ru' Iy'iedàt xi'iuyit ?

2.- ¿ Kàsa'ao' njenàn xi'iuyit limi kywa nmpu'unàn?

3.- ¿ Kàsa'ad njenàn xi'iuyit limidàt nm'ekàt' nmpu' skriung ?

4.- ¿ Si kiñiu'u kra njenàn xi'iuyit, miant nduk ndujuy

MIANT PÌKJ XI'ÑCHJIA'.- Re' riñjië'ë ndu ji'ipj para mang pàkj xi'ñchjia' ru' nepj piu'.

190 4464 Pame 152-200

190

9/5/05, 2:24 PM

PÌKJ XINCHIIA KÌMPU' XI'IUY Kiagun ru' xi'iuyit kwajanan biu' kàm'us nkie mbiu', kute'e làjàmpj biu' nmpu' Querétaro chikànkapj xiñkjiup biu' nmpu' Tamaulipas, ñ'a' kàmpu' pàkj kwajanàn nà mjao ntà' y mpa'ao: biu' kute'e Iàjàmpj era ligiutse kon biu Real del Infante (chiñi njàu' Armadillo de los infantes).

Biu' njàu' xi'iuy pame nà dàpelgàn ru' skriunàt ke gànjwadàt dàm'ë porke segun ndujuyit ke kiagun gwejepj tàjûdàn màe' y bàiài lempj stàpelgàn biu' pames y stàtsjàgàn ke sàmaunàn. Kiagun ru' xi'iuyit pames lempj kwajanàn kywa kiñkiepj nmpu' nkie mbiu' y Iànjaspj kuna Santa María Acapulco y likiutse por Rayon, Tamasopo, Alaquines y ciudad del maíz, y Inaunàn ru' lywã' xichia'ach, kiujwa, kiàt kiujwadàt xi'chao mbaot, masat, dàn'uu; ru' riñwedàt era tà ntjaa'.

Ru' lyedàt ndu ntjàjà biu' stàkjaul' y tsujuts biu' sàntebàt y ru' nkjiuyit ndu' ljàjà biu' stàkjuuy' dànwa y mpa'ao; chiñi kasi ya ndua limiàdàt ru' xi'iuyit pames solo ke biu' kuna Sta. María Acapulco bàjài gwa na'ampj lichjaon li'Tidàt y kwando mbiajao kjwà' biu' tà si'jàikji, m'àà st'eàts y tambor y njajai' biu' ntjaa'.

TAMAULIPAS SAN

ZA

CA

LUIS

POT

OSÍ

TEC

Kàn

AS

Kjiã

Tsu ia

hú

K àm

'kàn

te

k a 'a '

Ja lp an

S a n L upisa z d e la ió n L a M is

RO

TA

É

R UE

Q

j

e

Ja

Z

N

A GU

Xic

Rib

kin

RU

UA

G

AJ

T UA

t

ãp

AC

O

L A D

Ala

R VE

A AJ

s ya n i de g u iro L a C ta n s Sa co A

RA

jao

tjw

ca

la

O

G AL

D

HI

191 4464 Pame 152-200

191

9/5/05, 2:24 PM

Ya niriajao kàntap ru' riñjië'e, chiñi kiàyàt y riàtsàt kra riñjië ña kimpiupj. O ia'dàt kra naep njiu' xia'aõ miant pàk ma'àiji'pj mat n'àip nk'ài. Ñjiu'

K'ài ñjiu'

CHiñi rwesbàt kuna kimpiupj de kada riñjië'e mbaot.

1.- biu' k'i kàm'us pàks Iàmejeo bà mjao k'ispajaots.

2.- biu' nmpu' nkie mbiu' Ià'àdàt k'i xi'iuyit.

3.- biu' nmpu'unàn pàkj kwajanàn nà njàu' k'i kàm'us nkie mbiu'.

4.- k'i Iyiyet nenàt xi'iuy

Chiñi jià' ia'dat kra xia'ao naep jiû' xibat pàk k'i'Tji'pj k'ajû't nk'ài.

RIÑJIE BÌ'T'EI.-

Es kwando ru' ñjiu' nebàt, lyedàt, piu', o nepj, tànjasbàn biu' ñjië k'i'

192 4464 Pame 152-200

192

9/5/05, 2:24 PM

Chiñi it nda nxiaung biu' nipiu' pàkj kimijio pàk mca lajaiñ i pàk k'i'ijà'p jià'

N

S

CHiñi riàtsàt meje ru' ñjiu' lo ke limi biu' nipiu y kiànàt ru' riñjië'e bà't'ài.

GÌN'U'U NPIUU NMPAY' la'adàt nda sàI'wee, sànma'ao xpia sàntseo' bàtay xiñjiënts (corcho) y kànte Iànkwe'es muu.

Biu' sàI'wee nda lànkàà s à n m a 'a o x p i a y n e 'e m p j Iàmampj kànkye' biu' sàntseo' bàtay xiñjiönts y nda Iànjàul' biu' muu ke mu' kànte, gàñiu' pàkj maa û'û.

193 4464 Pame 152-200

193

9/5/05, 2:24 PM

Riàsbàt ru' ñjiu' de kada nxiaung y miant nduk ndujuy xi'iuyet dat'àT y pàkj kwajadàt.

Gatsajaunat xi'iuyet na papantla.

Nt'us áat'àT njaen xi'iuyet Zapotecos y Mixtecos.

Nt'us dat'àì ru' xi'wyet mayas.

Dat'jai i chiñi mjài ru' xi'iuyet purepecha.

194 4464 Pame 152-200

194

9/5/05, 2:24 PM

Iaut re' rinjië ke kuna wajaon.

1.- ¿ Kàsa'ao' njenàn xi'iuyit limi kywa nmpu'unàn ?

2.- ¿ Kàsa'au njenàn xi'iuyit I'midàt nm'ekàt nmpu' skriung ?

3.- ¿ Kiñiu'u kra nienàn xi'iuyit, miant nduk ndujuy ?

4.- ¿ Pàkj' xiñchjia' ru' jiaung biu' pàkj k'mijio ?

5.- ¿ Pàk jià' k'ui k'imiang ru' pàkj ta'uinan kajan kyagun xi'iuy ?

195 4464 Pame 152-200

195

9/5/05, 2:24 PM

4464 Pame 152-200

196

9/5/05, 2:24 PM

4464 Pame 152-200

197

9/5/05, 2:24 PM

4464 Pame 152-200

198

9/5/05, 2:24 PM

4464 Pame 152-200

199

9/5/05, 2:24 PM

Lengua pame, norte de San Luis Potosí Cuarto grado Se imprimió por encargo de la Comisión Nacional de Libros de Texto Gratuitos, en los talleres de Trazo Binario, S.A de C. V., con domicilio en Calle Campesinos No. 223-E, Col. Granjas Esmeralda, C.P. 09810, México, D.F., el mes de noviembre de 2004.

El tiraje fué de 1,600 ejemplares.

4464 Pame 152-200

200

9/5/05, 2:24 PM

NOMBRE DEL ALUMNO (A)

ESCUELA

GRUPO

POBLACIÓN ENTIDAD FEDERATIVA

Este libro de texto ha sido elaborado por el Gobierno de la República y se entrega en forma gratuita a los niños de las escuelas primarias del país.

Los juicios y opiniones de los maestros, de los padres y de los alumnos son muy importantes para mejorar la calidad de este libro. Sus comentarios pueden ser enviados a la siguiente dirección:

COMISIÓN NACIONAL DE LIBROS DE TEXTOS GRATUITOS Rafael Checa núm. 2 col. Huerta del Carmen C.P. 01000, México, D.F.

Las obras de arte que ilustran las cubiertas de los libros de texto gratuitos son representativas de las grandes etapas del arte mexicano. Constituyen un valioso respaldo educativo y son motivo de orgullo nacional.