Medi 2004
P A P UR B R O D I N AS CA ER DY D D A ’ R CYL CH
HWYL A LLWYDDIANT YR EISTEDDFOD Roedd Eisteddfod Casnewydd yn llwyddiant ysgubol mewn llawer ffordd ac enillwyd llu o wobrau gan yr ardal hon. Ond mae’n siŵr mai pobl Casnewydd a’r cylch sy’n haeddu’r brif wobr am gynnal gwledd o Eisteddfod ar garreg ein drws. Trwy gydol yr wythnos roedd y maes yn fwrlwm o weithgareddau ar gyfer plant a phobl o bob oed. Cafwyd gwledd o ganu, dawnsio, trafod, cystadlu, sgwrsio a dadlau mewn môr o Gymreictod. Roedd trefniadau y bariau ar y maes wedi ychwanegu at y lluniaeth o fwyd a diod heb amharu dim ar yr awyrgylch. Y tristwch nawr yw bod yr Eisteddfod yn dioddef yn ariannol oherwydd y cam dewr o fynd i Went ac oherwydd y gostyngiad yn y grant craidd oddi wrth y Cynulliad a Bwrdd yr Iaith. Mae Llywydd Llys yr Eisteddfod, R. Alun. Evans, wedi lansio apêl i holl garedigion yr Eisteddfod wneud cyfraniad hael i gefnogi a sicrhau parhad ein Prifwyl. Danfonwch eich sieciau i Swyddfa’r Eisteddfod, 40 Parc Tŷ Glas, Llanisien, Caerdydd. CF14 5WU.
MERCHED Y WENALLT
Lusa Glyn a Sian Powis yn dathlu ar ôl i Merched y Wenallt ennill y gystadleuaeth Côr Llefaru dros 16 o leisiau
Rhif 291
BUSNESAU CYMRAEG YN DATBLYGU Yn ystod y flwyddyn ddiwethaf mae nifer o fusnesau newydd wedi cychwyn yn yr ardal a’u perchnogion yn siarad Cymraeg ac am i’r Gymraeg fod yn rhan bwysig o’r gwasanaeth. Yn ddiweddar agorwyd siop goffi ffa yn Radyr gan Kevin Davies. Mae’r siop yng nghanol y pentref, yn cynnig dewis o fwydydd poeth ac oer ac yn ddeniadol a chyfforddus i ymwelwyr a phobl leol. Hefyd yn y rhifyn hwn gallwch ddarllen am gwmni newydd Am Sbr i sydd yn c ynn i g gwasanaeth i drefnu popeth ar gyfer parti i’ch plant.
Kevin Davies,
siop goffi ffa
Os ydych chi’n gywbod am wasanaeth Cymraeg newydd rhowch wybod i’r Dinesydd. Erbyn hyn mae lefel uchel o arbenigedd gwasanaeth i’w gael ymhob maes drwy gyfrwng y Gymraeg.
Tocynnau’n Gwerthu’n Gyflym Mae tocynnau ar gyfer un o atyniadau newydd Caerdydd yn gwerthu’n gyflym Bydd Canolfan Mileniwm Cymru yn agor ym mis Tachwedd ac mae tocynnau ar gyfer rhai perfformiadau o dymor cyntaf Cwmni Opera Cenedlaethol Cymru yn ei gartref newydd wedi gwerthu i gyd. Hefyd mae’r Urdd yn agor canolfan newydd yn yr adeilad fydd yn darparu llety i dros 150 o bobl. Yn ôl Alun
Owens, Cyfarwyddwr Canolfan yr Urdd, bydd 10,000 o blant yn dod i aros am wyliau byr a rhai wythnos o hyd bob blwyddyn. Yn ystod yr amser yma fe fyddan nhw’n creu perfformiadau, yn ymuno â gweithdai gaiff eu cynnal gan gwmnïau preswyl celfyddydol eraill gan gyflwyno’u gwaith i’r cyhoedd. Yn 2005 cynhelir Eisteddfod Genedlaethol yr Urdd yno
Y Cwpan yn nwylo Delyth Medi, Arweinydd Côr Canna