ཨ་སྟག་ཤ་རྫོང་།

ཨ་སྟག་ཤ་རྫོང་།

Dharamsala Distt. Kangra HP 176215

ཤེས་རིག་ལས་ཁུངས་ནས་དཔར་འགྲེམས་ཞུས།

Department of Education, CTA

༄༅། །ཨ་སྟག་ཤ་རྫོང་།

༢༠༡༩

]

གླིང་སྒྲུང་དོན་བསྡུས་གཞོན་ནུའི་མགྲིན་རྒྱན།

ཤེས་རིག་ལས་ཁུངས་ནས་དཔར་འགྲེམས་ཞུས།

གླིང་སྒྲུང་ཨ་སྟག་ཤ་རྫོང་། རྩོམ་སྒྲིག་པ། ཆོས་ཉིད་སྒྲོལ་མ།

ཤེས་རིག་ལས་ཁུངས། ༢༠༡༩

རྩོམ་སྒྲིག་འགན་འཁུར་བ།

བསོད་ནམས་བཟང་པོ།

ཕྱོགས་སྒྲིག་པ།

སྐལ་བཟང་ཉི་མ།

རྩོམ་སྒྲིག་པ།

ཇུས་འགོད་པ། ཞུ་དག་པ།

ཆོས་ཉིད་སྒྲོལ་མ། ཆོས་ཉིད་སྒྲོལ་མ།

ངག་དབང་བསྟན་འཛིན།

GESAR STORY FOR CHILDREN Copyright © 2019 Department of Education All rights reserved. First Edition 2019 Published by: Education Council Office Department of Education Central Tibetan Administration Gangchen Kyishong, Dharamshala -176215 Distt. Kangra (H.P.) INDIA Email: phayulshezod@tibet.net Printed by: Sherig Parkhang Trust E-mail: shepardelhi@gmail.com

Acknowledgement Financial support from Danish International Development Assistance (DANIDA) through Centre for International Cooperation and Education (CICED)

དཀར་ཆག གླེང་བརྗོད། ���������������������������������������������������������������������������������������������������� I

ལེའུ་དང་པོ། �����������������������������������������������������������������������������������������������������༡

ལེའུ་གཉིས་པ། ������������������������������������������������������������������������������������������������༧

ལེའུ་གསུམ་པ། �������������������������������������������������������������������������������������������� ༡༤

ལེའུ་བཞི་པ། ������������������������������������������������������������������������������������������������� ༡༨

ལེའུ་ལྔ་པ། ���������������������������������������������������������������������������������������������������� ༢༢

ལེའུ་དྲུག་པ། �������������������������������������������������������������������������������������������������༢༥

ལེའུ་བདུན་པ། ��������������������������������������������������������������������������������������������� ༣༣

ལེའུ་བརྒྱད་པ། ��������������������������������������������������������������������������������������������� ༣༨ ལེའུ་དགུ་པ། �����������������������������������������������������������������������������������������������༤༣

ལེའུ་བཅུ་པ། �������������������������������������������������������������������������������������������������༥༠ ལེའུ་བཅུ་གཅིག་པ། ���������������������������������������������������������������������������������������༥༨

ལེའུ་བཅུ་གཉིས་པ། ���������������������������������������������������������������������������������������༦༨ ལེའུ་བཅུ་གསུམ་པ། ��������������������������������������������������������������������������������������༧༨

ལེའུ་བཅུ་བཞི་པ། ������������������������������������������������������������������������������������������༨༥ ལེའུ་བཅོ་ལྔ་པ། ���������������������������������������������������������������������������������������������༩༢

ལེའུ་བཅུ་དྲུག་པ། ������������������������������������������������������������������������������������������༩༨

ལེའུ་བཅུ་བདུན་པ། �������������������������������������������������������������������������������������༡༠༣

ལེའུ་བཅོ་བརྒྱད་པ། ������������������������������������������������������������������������������������ ༡༠༩ ལེའུ་བཅུ་དགུ་པ། ��������������������������������������������������������������������������������������� ༡༡༧

ལེའུ་ཉི་ཤུ་པ། ����������������������������������������������������������������������������������������������༡༢༢ ལེའུ་ཉེར་གཅིག་པ། �������������������������������������������������������������������������������������༡༢༨

གླེང་བརྗོད། ༄༅། །ས་སྟེང་གང་སར་མཚན་སྙན་ཤིན་ཏུ་ཆེ་བའི་གླིང་རྗེ་གེ་སར་རྒྱལ་པོའི་སྒྲུང་འདི་ནི་འཛམ་ གླིང་ནང་སྙན་ངག་གི་ལམ་ནས་བརྩམས་པའི་སྒྲུང་རིང་ཤོས་ཤིག་ཡིན། སྒྲུང་འདིའི་ནང་དོན་རྒྱ་ ཆེ་ཞིང་ཕུན་སུམ་ཚོགས་པ་མ་ཟད། བརྗོད་དོན་བོད་ཀྱི་གནའ་བོའི་འཚོ་བའི་གོམས་སྲོལ་དང་། ཆོས་དང་འཇིག་རྟེན་གྱི་ལྟ་ཚུལ་དང་འབྲེལ་ཆེ་ཞིང་། ལྷག་པར་དུ་སྒྲུང་དེ་ཉིད་བོད་ཡུལ་སྟོད་

སྨད་བར་གསུམ་དུ་དར་ཁྱབ་ཆེ་ལ། ཨ་སྟག་ཤ་རྫོང་ནི་གླིང་སྒྲུང་གི་ནང་ཚན་བྱེ་བྲག་པ་ཞིག་

ཡིན་སྟབས་དེ་ཉིད་ཀྱི་བརྗོད་དོན་ཡང་གོང་སྨྲས་ལས་མ་འདས། སྒྲུང་འདིའི་ནང་ཆེས་ངོ་མཚར་ ཆེ་བའི་སྒྱུ་རྩལ་ཞིག་ཡོད་པ་ནི། མི་སྣ་རྣམས་ཀྱི་ལུས་ངག་ཡིད་གསུམ་གྱི་ཉམས་འགྱུར་རྣམས་

ཚིག་གི་སྒྱུ་རྩལ་ལ་བརྟེན་ནས་ཧ་ཅང་གསོན་ཉམས་ལྡན་པ་ཞིག་ཏུ་བསྐྲུན་ཐུབ་པ་བྱུང་ཡོད་ལ། དེ་ལས་རྒྱ་ཆེའི་ཀློག་པ་པོ་རྣམས་ཀྱི་ཡིད་སེམས་རང་དབང་མེད་པར་འགུག་ཐུབ་པའི་ནུས་པ་ དམིགས་བསལ་བ་ཞིག་ཏུ་གྱུར་ཡོད།

སྒྲུང་འདིའི་ནང་དོན་གཙོ་བོ་ནི། བྱང་གི་ཨ་སྟག་ལྷ་མོ་ལ་གོང་མ་རྒྱལ་མོས་ཤ་ཆེན་རྫོང་

ཕབ་པ་ལ་གླིང་དམག་རུ་འདྲེན་བྱ་དགོས་པར་ལུང་བསྟན་མཛད་པ་བཞིན་དུ་ཨ་སྟག་ལྷ་མོས་

གླིང་གི་དམག་རུའི་རུ་སྣེ་འདྲེན་ཞིང་། ཚ་ཞང་གདན་མས་དམག་བཀོད་མཛད་དེ་བྱང་དུ་ཆས།

བྱང་དུ་ཆས་པའི་ལམ་བར་དུ་བདུན་བློན་ཁ་ཁྲ། གཟའ་བདུད་གི་དམག ངར་ཆེན་གྱི་དཔུང་། བླ་

སྤྱང་སོགས་ལས་རྣམ་པར་རྒྱལ་དེ་མུ་མཐུད་བྱང་དུ་ཆས་ཏེ། ཁྲ་མོ་གླིང་སྒར་ཁྲག་བཞིན་དཀྲུགས་

ནས་བདུད་བློན་གཉིས་པོའི་མགོ་འཕྲུ་བླངས། སྟག་རོང་དཔོན་གྱིས་ཞག་མ་བདུན་གྱི་རིང་སྒྲིབ་ ཤིང་བཙུགས་ཏེ་གླིང་གི་སྐག་ཟློག་པར་མཛད། དེ་རྗེས་བདུད་དགྲའི་ཤ་ལན་ཆེན་པོ་ཧོར་གླིང་

དུ་བྱུང་སྟེ་གླིང་གི་སོག་བློན་ཁྲ་བཙན་ཤོར། འོ ན་ཀྱང་གེ་སར་རྒྱལ་པོའི་དམག་བཀོད་ལས་དགྲ་

དཔུང་མ་ལུས་ཆམ་ལ་ཕབ་པ་དང་། ཨ་སྟག་ལྷ་མོས་ཀྱང་ཤ་ཆེན་རྫོང་ཆམ་ལ་ཕབ་ནས་དར་

ཁྲིའི་ཡུལ་དུ་དཔོན་གསར་བསྐོས། དེར་སེང་ཆེན་རིན་པོ་ཆེའི་ཐུགས་རྗེ་ཡིས་བདུད་ཀྱི་སྡེ་ལ་ ཆོས་ཀྱི་སྣང་བས་ཁྱབ། བདུད་སྡེའི་བློ་ཁ་ཆོས་ལ་བསྒྱུར་བར་མཛད་དེ་བཀྲ་ཤིས་ལོ་ལེགས་ ཀྱི་ངང་སེང་ཆེན་རྗེ་དཔོན་རང་ཡུལ་ཕྱོགས་སུ་བདེ་བར་འཁོད་པའི་སྐོར་ཡིན།

ཤེས་རིག་ལས་ཁུངས་ནས་ལོ་རེར་གླིང་སྒྲུང་དོན་བསྡུས་གཞོན་ནུའི་མགྲིན་རྒྱན་ཞེས་

ཕྱོགས་བསྡུ་དང་ཕྲན་བུ་བསྒྱུར་བཟོའི་ངང་པར་སྐྲུན་ཞུ་མུས་སུ་ཡོད་པ་དེ་ཉིད་ནི། གཙོ་བོ་འཛིན་

རིམ་བརྒྱད་པ་ཡན་གྱི་སློབ་ཕྲུག་རྣམས་ལ་བོད་ཀྱི་རྩོམ་རིག་གི་སྒྱུ་རྩལ་གོང་མཐོར་འདེགས་བྱེད་ ཀྱི་རྒྱུ་ཆ་ཞིག་ཏུ་བསྐྲུན་ཐུབ་པ་དང་། ལྷག་པར་དུ་རང་མི་རིགས་ཀྱི་སྐད་ཡིག་ལ་དུང་བ་ཟབ་པའི་ བློ་གསར་གཞོན་སྐྱེས་རྣམས་ལའང་བོད་མི་རིགས་ཀྱི་རིག་གཞུང་ལ་གོ་རྟོགས་དང་རྩོམ་རིག་ གི་སྒྱུ་རྩལ་མཐོར་འདེགས་གཏོང་རྒྱུའི་ཆེད་དུ་དམིགས་པ་ཞིག་ཡིན་སྟབས། བློ་གསར་རྣམས་

ཀྱིས་དོ་སྣང་གནང་རྒྱུའི་འབོད་སྐུལ་ཞུ་རྒྱུ་ཡིན། བོད་མིའི་སྒྲིག་འཛུགས་ཤེས་རིག་ལས་ཁུངས་ ནས། ཕྱི་ལོ་ ༢༠༡༩ ཟླ་ ༡༢ ཚེས་ ༡༦ ལ།

ལེའུ་དང་པོ། བྱང་གི་ཨ་སྟག་ལྷ་མོ་ལ།།

གོང་མ་རྒྱལ་མོས་ལུང་བསྟན་མཛད།། ཤ་ཆེན་རྫོང་གཡང་འབེབ་པ་ལ།།

གླིང་དཀར་དཔུང་དམག་རུ་གྲལ་བསྒྲིགས།།

དེའང་གེ་སར་ནོར་བུ་དགྲ་འདུལ་ཁོང་དགུང་ལོ་གཅིག་གི་གོང་རོལ་ནས་བཟུང་སྟེ་རྨ་

འབྲི་རྫ་གསུམ་གྱི་རབ་དྭངས་འཛིན་མའི་ཁྱོན་ལ་གནས་པའི་གཟུགས་ཅན་དང་གཟུགས་མེད་ཀྱི་ ནག་ཕྱོགས་འདྲེ་བདུད་ཡོད་དགུ་ཆམ་ལ་ཕབ་ཅིང་། དཀར་ཕྱོགས་ཀྱི་བསྟན་པ་དར་ཞིང་རྒྱས་ པར་མཛད་དེ། དམ་པའི་ཆོས་ཀྱི་སྣང་བས་དབུ་ནག་དགའ་སྐྱིད་ཀྱི་ཉིན་མོའི་དཔལ་འབྱེད་པའི་ དབུ་བརྙེས། དགུང་ལོ་བདུན་གྱི་དུས་སུ་རྨ་ཡུལ་མཐོང་བ་ཀུན་སྨོན་གྱི་ས་འཛིན་པདྨའི་དཀྱིལ་ འཁོར་རྫོགས་པའི་ཁྲི་ལ་མངའ་གསོལ་ཞིང་། དགྲ་ལྷའི་གནས་བདག་གཉན་པོ་གཡུ་རྩེ་དང་།

གཞི་བདག་རྨ་རྒྱལ་སྤོམ་ར། རྫ་རྒྱལ་འཕེན་ཕྱུག་དང་། རྨ་ཡུལ་སྟོད་ཀྱི་ས་ཆ་ནས་ཟོ་དོར་རྩེ་

ལྷ་བཅུ་གསུམ། གཏེར་བདག་ཇོ་བོ་ཞལ་དཀར། གཏེར་སྲུང་དགེ་བསྙེན་གདོང་ར་བཅས་པའི་

མདོ་ཁམས་སྒང་དྲུག་གི་ལྷ་སྲིན་སྡེ་བརྒྱད་རྫུ་འཕྲུལ་གྱིས་དགྲ་ལྷ་ཝེར་མ་མངོན་རྒྱུགས་ཀྱི་ལས་ མཁན་ཚུལ་དུ་དམ་ལ་བཏགས་ཏེ། བཀའ་བསྒོས་དང་གཉན་གཏད་འཕྲིན་ལས་སུ་བོད་ཁམས་ སྐྱོང་བའི་བསྟན་སྲུང་དུ་བཞག་མཛད། དགུང་ལོ་བཅུ་གསུམ་གྱི་གོང་ཐོག་ནས་རྐྱང་ཤེས་རླུང་

གི་འཁོར་ལོའི་རྩལ་བསྐྱེད་དེ་མགྱོགས་པའི་གོང་བ་བླངས་ཤིང་གླིང་དཀར་གྱི་རྗེ་དཔོན་མཛད། བར་ཞིག་ནས་སེང་ཆེན་རིན་པོ་ཆེ་ཁོང་སྐུ་མཁར་སེང་འབྲུག་སྟག་རྫོང་གི་ནང་རོལ། གཟིམ་

1

ཆུང་ཀུན་དགའ་ར་བའི་བཅུད་དུ་ཡི་དམ་གུ་རུ་དྲག་པོའི་སྐུ་མཚམས་ལ་བཞུགས་ཤིང་། སྒོ་ར་

ཕྱི་ནང་གསུམ་གྱིས་བསྐོར་བ། མཁར་ཕྱི་མཁར་ལྕགས་ནག་མཁར་སྒོ། མཁར་བར་མ་ཟངས་ དམར་མཁར་ཆེན། མཁར་ནང་མ་ཁྲོ་ཆུ་འཁོལ་རྫོང་ཡོད་དོ། །

རྫོང་ཆེན་དེ་ཡི་སྙིང་བཅུད་ལ། ཤ་རྭ་རྒྱས་བསྣོལ་བའི་ཁྲི་སྟེང་དུ། དམར་ཡག་སྟག་གི་

གདན་ཞིག་བཏིང་། སྟག་མོའི་ངར་སྐད་ཤ་ར་ར། གཡོན་ལ་གཟིག་གདན་ཁྲ་མོ་བཏིང་། གཟིག་

གྲ་ཡག་ཐིག་ལེ་ཧྲུགས་སེ་ཧྲུག རྒྱབ་ཡོལ་མི་སྤགས་གཡང་གཞི་དེར། མི་མགོའི་ཐོད་སྐམ་ཁྲ་ལ་ ལ་ཡོད་པའི་ཁྲི་ལ། བྱང་མཆིས་པའི་ཨ་སྟག་ལྷ་མོ་གཟིམས་པའི་སྐབས་དེར། གཉིད་ཨ་ཐུན་ཐུན་ གྱི་ཡང་གོང་། སྡུར་སྒྲ་རིང་མོའི་འགྲིམ་ལམ། རྫི་མ་རིབ་པའི་གསང་ལམ་དུ། མཐོ་ནམ་མཁའ་ སྤྲིན་གྱི་གཡས་ཟུར། ནམ་མཁའ་སྤྲིན་གྱི་གཡོན་ཟུར། སྤྲིན་དྲ་བ་གྲོལ་བའི་ཁང་བཟང་། འཇའ་

སྣ་ཚོགས་འཁྲིགས་པའི་གཞལ་ཡས་ནས། མ་ནེ་ནེ་གོང་སྨན་རྒྱལ་མོ་དེས་ཤ་རྫོང་འབེབ་རན་ པའི་དུས་ལ་སླེབས་པ་མཁྱེན་ནས། ཨ་སྟག་ལ་ལུང་བསྟན་གྱི་མགུར་མ་འདི་ཁུ་བྱུག་རྒྱང་གྲག་ གི་རྟ་ལ་དྲངས་ནས་གསུངས་པའི་ཚུལ་འདི་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གུ་རུ་དེ་བ་ཌ་ཀི་ཡེ། །ན་མ་སརྦ་སདྷི་ཧཱུཾ། །ཡང་དག་པའི་ཆོས་ལ་གསོལ་བ་

འདེབས། །རིགས་དྲུག་བདེ་ལ་འགོད་པར་ཤོག །ས་འདིའི་ས་ངོ་མ་ཤེས་ན། །བྱང་མུ་མེད་འཇག་ པའི་ཕ་ས་ལ། །རྐྱང་འབྲོང་གཉིས་ཀྱི་ཡུལ་ཁམས་ནས། །སྐྱ་ཁྲ་ཁྲིག་ཤ་རུ་གནམ་རྫོང་གི །སྨུག་ ཁྲ་ཁྲིག་དགོ་རུ་རྒེའུ་རྫོང་ཟེར། །སྨན་ང་འདྲའི་ང་ངོ་མ་ཤེས་ན། །གནམ་རིམ་པ་བཅུ་གསུམ་གྱི་ ཡང་སྟེང་ནས། །གླིང་སེང་ཆེན་དཔོན་གྱི་སྲུང་མ་ལ། །ནེ་ནེ་གནམ་སྨན་རྒྱལ་མོ་ཟེར། །ད་ཉོན་

དང་ཨ་སྟག་ལྷ་མོ་ཁྱོད། །མ་གཟིམ་རིག་པ་ང་ལ་གཏོད། །དོན་གལ་ཆེན་ལུང་བསྟན་འདི་འདྲ་ ཡོད། །ལྷ་ཤཱཀྱ་ཐུབ་པའི་བཀའ་ལུང་དང་། །ལྷ་ཨོ་རྒྱན་པདྨའི་ལུང་བསྟན་དང་། །མ་ནེ་ནེ་ང་ཡི་

ལུང་བསྟན་ཡོད། །བྱང་རྨ་ཁམས་རྫ་ཡི་ཁུགས་སོ་ལ། །མདུང་རྩེ་སྟག་མོའི་རི་སིལ་ལ། །བྲག་

2

དཀར་དགུ་རྫོང་ནང་ཤོད་དུ། །ཤ་ཕོ་ཆེན་གཏེར་ཁ་ལེན་རྒྱུ་ཡོད། །དེ་ལེན་མཁན་ཨ་སྟག་ཁྱེད་ལ་ བབས། །མདུང་མོ་ཁམས་གསུམ་དགྲ་འདུལ་དེ། །གཏེར་སྒོ་འབྱེད་པའི་ལྡེ་མིག་ཡིན། །མདུང་ བ་དན་གསེར་གྱི་ཝེར་མ་འཁོར། །མདུང་རྩེར་ལྷ་ཡི་སྲུང་མ་ཡོད། །མདུང་ཡུར་གཉན་གྱི་སྐྱོར་ མ་ཡོད། །མདུང་རྟིང་ཀླུ་ཡི་གྲོགས་དན་ཡོད། །དཔྱད་རིམ་མདུང་ལ་བྱས་པ་ན། །ཁྲ་ཤར་རེ་ཤ་

རྫོང་ལོན་རྒྱུ་ཡོད། །ཤ་ཕོ་ཆོན་ཁྲི་ཁྲི་འབུམ་འབུམ་ཡོད། །ཡུ་མོ་འབུམ་ཚོ་ལྔ་ཙམ་ཡོད། །ཤེའུ་ ཕྲུག་བརྩི་བརྩི་གྲངས་མེད་ཡོད། །དེ་འཛམ་བུའི་གླིང་གི་ས་ཆ་ལ། །མེད་དུ་མི་རུང་རྫོང་ཆེན་

ཡིན། །སྟོད་རྒྱ་གར་ཆོས་སྒོའི་ཚུན་ཆད་དང་། །སྨད་རྒྱ་ནག་ཁྲིམས་སྒོའི་ཡན་ཆད་དང་། །བར་སྐུ་

རྒྱལ་བོད་ཀྱི་ས་ཆ་བཅས། །ལྷོ་འཛམ་བུ་གླིང་གི་ས་སྟེང་ལ། །ཕོ་ཆེན་ཤ་བོས་ཁྱབ་ལེ་དགོས། །ཕོ་ ཆེན་ཤ་བོའི་གཏེར་གཡང་དེ། །ལེན་མཁན་ཨ་སྟག་ཁྱེད་ལ་བབས། །འགྲོ་རེས་ཨ་སྟག་ཁྱེད་

ལ་འཁོར། །ཉི་མ་སང་གི་སྔ་ཆ་ལ། །ཤར་ཁྲ་མོ་གླིང་གི་ས་ཆ་ལ། །གླིང་སེང་ཆེན་ནོར་བུ་དགྲ་ འདུལ་དང་། །བཀའ་བློན་ཚ་ཞང་འདན་མ་གཙོས། །དཔལ་རྟུལ་འདུས་པའི་གྲོས་ར་ལ། །ཁྱེད་

ཨ་སྟག་མ་འདུག་ཕེབས་རན་ཡོད། །བདུད་པོ་དར་ཁྲི་བཙན་པོ་དེས། །ཤར་རྨ་ཆེན་སྤོམ་རའི་

ཤ་རྫོང་བརྐུས། །མགོ་དུག་རྭ་སྒེར་བདག་བྱས་ནས་འདུག །ད་ལོའི་ཉི་མའི་དུས་ཚོད་ལ། །ཁོ་

བདུད་ཕོ་འདུལ་བའི་དུས་ལ་སླེབས། །ལོ་ངོ་གསུམ་གྱི་ཕྱིན་ཆད་ལ། །ཤ་ཕོ་ཆེན་གཏེར་ཁ་མ་ ལོན་ན། །དེའི་ཕན་ལ་ལུས་ན་ལོན་ལེ་མིན། །གཏེར་སྐལ་གླིང་གི་གཏེར་སྐལ་ཡིན། །གཏེར་

སྟོན་ཨ་སྟག་ཁྱེད་ལ་བབ། །གཏམ་གོ་བ་གྱིས་ནས་སེམས་ལ་ཟུངས། །མ་གོ་གླུ་ལ་ཡང་ལེན་ མེད། །སྨན་ཨ་སྟག་ཡིད་ལ་དེ་ལྟར་ཞོག །

ཅེས་གསུངས་ཤིང་མི་སྣང་བར་གྱུར་ཏོ། །དེ་ནས་བྱང་རི་བཤུ་ཨ་སྟག་ལྷ་མོ་དེ་མནལ་ལས་

སད་ཅིང་མྱུར་སྟབས་ཀྱིས་མལ་ལས་བཞེངས། ལྷ་ཡི་ལུང་བསྟན་ཡིན་པ་ཤེས་ནས། གསོལ་ ཇ་བཞེས་ཚར་བ་དང་གླིང་དཀར་སྟོད་ལ་འགྲོ་དགོས་བསམས་ནས་ཆིབས་རྟའི་རྗེས་ལ་སོང་

ངོ་། །འདོ་བ་རག་དཀར་དྲེལ་གཟུགས་དེ་རི་ཡན་དུ་མངགས་ཡོད་པས། བྱང་མཆིས་པའི་ཨ་

3

སྟག་ལྷ་མོ་དེས་རི་འབུར་ཞིག་གི་ཟེ་ནས། འོ་ཤོ་ཤོ། ཟེར་ཞིང་ལན་གསུམ་བོས་པ་ན། འདོ་བ་

རག་དཀར་དྲེལ་གཟུགས་དེས་མའི་སྐད་ཐོས་པ་ལྟར་ཁུག་འདྲོག་ཤར་རེར་མགོ་རྩེང་ལིང་ལིང་ རྒྱུགས་བྱུང་། ཉི་མ་དེ་ཡི་ཕྱི་ཉིན་དྲོས་གཞུང་ལ་ཁྲ་མོ་གླིང་གི་ས་ཆ་ཡི། བླ་མཚོ་ཁྲི་ཤོར་རྒྱལ་

མོའི་གཡོན་ཟུར། བླ་རི་རྨ་རྒྱལ་སྤོམ་རའི་གཡས་ཟུར་ནས་སོང་ཞིང་། ཕོ་བྲང་སེང་འབྲུག་སྟག་ རྫོང་གི་སྒོ་ལ་ཐོན་པ་ན། བརྒྱ་གཅེས་མི་ཆུང་ཁ་བདེ་ཡིས་ཆིབས་ཁ་བླངས། རྟ་ར་བའི་ནང་དུ་

བཏགས་ཤིང་ཨ་སྟག་སེང་ཆེན་གྱི་མདུན་དུ་སོང་སྟེ། སེང་ཆེན་མི་ཡི་ཉི་མའི་ཞལ་མཇལ་བ་དང་ མོས་གུས་ཚད་མེད་ཀྱི་སྒོ་ནས་ཕྱག་གསུམ་འཚལ་ཏེ་གདན་ལ་འཁོད། ཇ་ཆང་ཤ་ཐུད་སོགས་ ཀྱི་གསོལ་འདྲེན་དང་། ཁམས་འདྲི་གསུང་གླེང་མཛད་མཐར། ཨ་སྟག་གིས་དར་ཉིན་མོ་བདེ་

ལེགས་ཤིག་སེང་ཆེན་རེན་པོ་ཆེ་ཡི་མདུན་དུ་ཕུལ་ནས། ལྷ་ཡི་ལུང་བསྟན་བྱུང་ཚུལ་དང་། ཤ་

རྫོང་འབེབ་དགོས་ལུགས་རྣམས་རྒྱལ་མཆོག་རིན་པོ་ཆེ་ལ་སྙན་ཞུ་ཕུལ་བས། སེང་ཆེན་ནོར་ བུ་དགྲ་འདུལ་ཁོང་ཐུགས་ཤིན་ཏུ་དགྱེས་ནས་ཨ་སྟག་ལ་དར་ཉིན་མོ་བདེ་ལེགས་ཤིག་གིས་སྣ་ དྲངས་ཏེ་གསེར་སེར་པོའི་པ་ཏྲ་གཅིག་གནང་ནས་གསུངས་པར། ཡ། དཔའ་མོ་ཨ་སྟག་ལྷ་མོ་

ཁྱེད་ལ་ལྷ་ཡིས་ལུང་བསྟན་བྱུང་བ་ངོ་མཚར་ཤིན་ཏུ་ཆེ། ཤ་རྫོང་འབེབ་པའི་དུས་ལ་སླེབས་པ་

ལོས་ཡིན་གསུངས་ཤིང་། ཡར་བཞེངས་ཤིང་མདུན་ཅོག་གི་ཐོག་ལ་བསྔས། བྲིས་གཟུགས་དེ་ ནི་རྒོད་ཐང་དཀར་སྒྲོ་གཟུགས་ངོམ་འདྲ་ཞིག་བྲིས་ཏེ། གླིང་ཡུལ་སྟོད་སྨད་བར་གསུམ་ལ་བརྡ་ ཡིག་བཀྲམས། རྫུ་འཕྲུལ་གྱིས་ལྷ་མདའ་རྣམས་ཡིག་སྐྱེལ་དུ་གཏོང་རྒྱུ་མཛད་དེ། མདའ་མོ་

གནམ་ལྕགས་ཐོག་ཟེར་གྱི་མགུལ་ལ་ཕྱག་བྲིས་བཏགས་ནས་གཞུ་མོ་རྭ་རྒོད་འཁྱིལ་བའི་ནང་ བཀོད་ཅིང་ཚ་ཞང་འདན་མའི་ས་ཆ་ལ་འཕངས་པ་ན། བགྲེས་མེད་ལྷ་ཡི་སྐུ་ལུས་ཐོབ་པའི་མི་ ཕོ་དེའི་ཕོ་བྲང་གི་ཡང་ཐོག་ཏུ་ལྷ་མདའ་དེ་བབས་ཤིང་། མདའ་རྩེ་སིལ་སྒྲ་ཉིལ་ལེ། མདའ་

སྒྲོས་འུར་སྒྲ་ཤིག་གེ་བྱུང་བས། དཔའ་ཚ་ཞང་འདན་མ་བྱང་ཁྲ་དེ་མཁར་ཐོག་ལ་སོང་ཞིང་

བལྟས་པ་ན། ལྷ་མདའ་སྟོབས་རྩལ་ཅན་ཞིག་བབ་འདུག་པ་མཐོང་། མྱུར་བར་གུས་འདུད་

4

ཀྱིས་ཕྱག་གསུམ་འཚལ་ཞིང་ཕྱག་ཏུ་བླངས་ཏེ་དར་དཀར་དྲི་མ་མེད་པ་ཞིག་གིས་ལྕིབས་ནས་ ཁྱེར། མཆོད་གྲལ་ལ་བཀོད་དེ་ཕྱག་བྲིས་གཟིགས་པས་སེང་ཆེན་རིན་པོ་ཆེ་ཡི་བཀའ་ཡིག་

ཡིན་པ་ཤེས་ཤིང་སྤྱི་བོར་བླངས་ཏེ་ཞིབ་ཏུ་གཟིགས་པས་བྲིས་པ་འདི་ལྟར། གཡོ་ཟོལ་མེད་

པར་བཀའ་གསུངས་དང་ལེན་མཛད་ཅིང་དགྲ་སྡེ་བྱེ་མར་བརླག་པའི་སྟོབས་ལྡན་འདན་མའི་

ཕྱོགས་དེར། ཁམས་གསུམ་སྐྱེ་དགུའི་དབང་པོ་གེ་སར་ནོར་བུ་དགྲ་འདུལ་གྱི་བརྡ་ཡིག དེ་

གར་ཁྱེད་འདན་ཡུལ་ནོར་བུའི་ཞིང་ས་ནས་བདུད་དགྲ་བརླག་པའི་ལྷ་དམག་ཧྲག་རྟུལ་གོ་ཡིག་

ནང་འཁོད་ལྟར། མི་བོ་རྩལ་ལྡན། རྟ་ཕོ་ཤུགས་ལྡན། གོ་མཚོན་བཙན་ཞིང་རྣོ་ངར་ལྡན་པ་ བསྡུས་ཏེ། འདུ་ར་སྟག་ཐང་ཁྲ་མོ་ལ་འཛོམས་ནས་དམག་རྩིས་འབུལ་རྒྱུ་ཡོད་པ་བྱེད་དགོས།

འདི་ལོར་བདུད་རྒྱལ་དར་རྗེ་བཙན་པོ་ཆམ་ལ་ཕབ་ནས་འཛམ་གླིང་ལ་ཤ་ཕོའི་གཏེར་ཁ་འདྲེན་ དགོས་འདུག་པས་དེ་ལུགས་བཀའ་བློན་གྱིས་ཐུགས་འཇགས་མཛོད། སྟག་ཟླའི་ཡར་ཚེས་

བཟང་པོའི་ཉིན། གེ་སར་དགྲ་འདུལ་རྒྱལ་པོ་ནས་བསྐུར། ཞེས་འཁོད་འདུག དེ་མ་ཐག་འདན་ མས་རང་འོག་གི་དམག་དཔོན་བཀའ་བློན་རྣམས་བསྡུས་ཏེ་དམག་འགྲོ་གྲབས་ཀྱིས་གོ་ལུགས་ བསྒྲིགས་པ་གདའ། ཡང་ལྷ་མདའ་ནོར་བུ་སྒྲོ་གཤོག་གི་མགུལ་དུའང་དེ་བཞིན་གྱི་ཕྱག་བྲིས་

མཛད་དེ་སྟོད་གླིང་ཕྱོགས་སུ་འཕངས། མདའ་རྒོད་ངང་པ་དགྲ་འདུལ་གྱི་མགུལ་དུ་ཕྱག་བྲིས་

བཏགས་ཏེ་བར་གླིང་འོམ་བུ་ཚོ་དྲུག་གི་ས་ཕྱོགས་སུ་འཕངས། གཞན་ཡང་གླིང་ཡུལ་སྟོད་སྨད་ བར་གསུམ་དང་། །འཇང་སྟག་གཟིག་བྱེ་རི། མོན་ཨ་གྲག་ཧོར་བདུད་ཀྱི་ས་ཆ་བཅས་ལ་ཆ་དང་ འཕྲིན་ཡིག་བསྒྲགས་ཤིང་ཚང་མར་གོ་བར་བྱས་ཏེ། ཞག་བདུན་གསུམ་ནས་ཡིད་ཀྱི་དཀྱིལ་

འཁོར། འདན་སྡེ་ཁྲི་སྐོར་བཅུ་གཉིས། རྩི་ཤིང་ལོ་འདབ་རྒྱས་འདྲ་བྱས་ནས་བྱུང་བ་དང་། ད་

རུང་ཧོར་བདུད་འཇང་དང་མོན་སྟག་གཟིག་སོག་པོ་ཨ་གྲག་སོགས་གླིང་གི་ལས་དམག་འདུ་ར་

སྟག་ཐང་ཁྲ་མོ་ལ་འཛོམས་ཤིང་། དེའི་སྐབས་སུ་ཆེན་པོའི་གདན་སྟེང་དེ་ན། སེང་ཆེན་དཔོན་

བློན་དང་ཨ་སྟག་བཅས་ཀྱིས་ཚུལ་དེ་གཟིགས་ཤིང་། བྱང་མཆིས་པའི་ཨ་སྟག་ལྷ་མོ་དེ་ཐུགས་

5

ཤིན་ཏུ་དགྱེས་ཏེ་ན་རེ། ཡ། གོང་བཞུགས་ཀྱི་སེང་ཆེན་རྒྱལ་པོ་དང་དམག་དཔོན་བཀའ་བློན་ རྣམ་པ་ལགས། ཕར་གཟིགས་དང་ལྟད་མོ་ཨེ་འདྲ་གདའ་ཟེར།

དེ་ནས་རྒྱལ་པོ་ཆེན་པོ་ཕོ་བྲང་ལ་ཕེབས་ཤིང་། གསེར་ཁྲི་ལྔ་ལིང་དགུ་བརྩེགས་ཀྱི་སྟེང་དུ་

སྐྱེས་མཆོག་གེ་སར་དགྲ་འདུལ་བཞུགས། གསོལ་དཔོན་ཐང་རྩེ་གཡུ་འབྲུག་དང་། མདོ་ཁམས་ རྒྱལ་མོ་འབྲུག་མོ་བཅས་ཀྱིས་གསོལ་ཇ་ཕུལ། ཞལ་རྩེད་དང་གསུང་གླེང་ངང་དེར་བཞུགས་པ་ གདའོ། སྐབས་དེར། ཕྱོགས་སོ་སོའི་དམག་དཔོན་རྣམས་ཀྱིས་གསེར་དངུལ་དང་། སྟག་

གཟིག་པགས་རིགས་སོགས་ཀྱི་མཇལ་དར་ཁྱེར་ནས་ཕོ་བྲང་དུ་འབྱོར། གེ་སར་ལ་མཇལ་ཁ་ ཞུས་ཤིང་གཡས་གྲལ་གཡོན་གྲལ་ལྟག་གྲལ་མདུན་གྲལ་སོགས་རང་བབ་ཀྱི་གདན་ལ་འཁོད་

ཅིང་། ཤིང་ཏོག་མངར་རིགས་དང་། ཤ་ཐུད་ཇ་ཆང་སོགས་ཀྱི་གསོལ་སྟོན་ཕུལ་ནས་བཞུགས། ཉི་མ་དེ་ཡི་ཕྱི་ཉིན་རི་མཐོ་གསུམ་ཉི་ཟེར་མ་བརྒྱབ་པའི་དུས་བསང་དང་གསེར་སྐྱེམས་ཕུལ། གསོལ་ཇ་བཞེས་ཚར་བ་དང་། དགྲ་ལྷའི་གོ་མཚོན་སྣ་དགུ་ལ་ཁྲུས་དང་རབ་གནས་དག་པ་

མཛད་དེ། མདོ་ཁམས་རྒྱལ་མོ་འབྲུག་མོས་གསུང་སྐད་དམའ་མོས་ཞུས་པར། ཤར་ཁྲ་མོ་གླིང་ གི་ལྷ་དམག་དཔུང་། འདུ་ར་སྟག་ཐང་ཁྲ་མོ་ལ། པདྨའི་ཚལ་ལྟར་འདུས་པ་ལ། སྐྱེས་བུ་དཔོན་ བློན་སྐུ་འཁོར་རྣམས། ཉི་ཟླའི་མདངས་བཞིན་འཆར་ལ་རན། ཞེས་ཞུས་པ་ན། རྒྱལ་མཆོག་ རིན་པོ་ཆེ་ཡིས་གསོལ་ཇ་དཀར་ཡོལ་གང་མྱུར་བར་བཞེས་ནས། ཁྲི་ལས་བཞེངས་ཤིང་དགྲ་

ལྷའི་གོ་མཚོན་སྣ་དགུ་སྐུ་ལ་གསོལ། ཕོ་བྲང་གི་སྒོ་ན་མི་ཆུང་དང་ཐང་རྩེ་གཉིས་ཀྱིས་ཆིབས་

པ་རྐྱང་རྒོད་འཕེར་བོ་ལ་སྒ་ཆས་ཉི་མ་ཤར་འདྲ་བྱས་ཏེ་བཟུང་ཡོད་པ་དེར་ཕེབས་ཤིང་ཆིབས་

གོང་ལ་བུད། འདན་མ་དང་ཤན་པ་སོགས་འཁོར་རྣམས་ཀྱིས་བསྐོར་ནས་བརྒྱ་བྱིན་ལྷ་མ་ཡིན་ གྱི་གཡུལ་ལ་ཆས་པ་ལྟར། འདུ་ར་སྟག་ཐང་ཁྲ་མོ། གླིང་དམག་འདུས་པའི་གཞི་དཀྱིལ། ལྷ་

གུར་མཐོང་བ་དོན་ལྡན་གྱི་ནང་ཕྱགས་ཕེབས་པ་གདའོ། །ཞེས་པ་སྟེ་ལེའུ་དང་པོ་རྫོགས་སོ།། །།

6

ལེའུ་གཉིས་པ། ལྷ་ཡིས་ལུང་བསྟན་གནང་བ་ལྟར།།

གླིང་གི་དཔའ་རྟུལ་འདུ་རར་བསྡུས།།

ཚ་ཞང་འདན་མས་དམག་བཀོད་མཛད།། གླིང་དམག་ཁྲི་འབུམ་བྱང་ལ་ཆས།།

སེང་ཆེན་མི་ཡི་ཉི་མ་ཁོང་གསེར་ཁྲི་སེང་གེ་ཁ་སྤྲོད་སྟེང་བཞུགས་ཏེ་གསུངས་པར། ཡ།

དཔའ་རྟུལ་ལྷ་བློན་དམག་དཔོན་རྣམས། ད་རེབ་དམག་ལ་ཆས་དགོས་པའི་དོན་རྐྱེན་འདི་འདྲ་ བྱུང་གསུངས་ནས། ལྷ་ངག་ལྡེམ་དྲུག་གི་རྟ་ལ་དྲངས་ནས་གླུ་འདི་ལྟར་གསུངས་པའི་ཚུལ་དུ་ ཁ་ལ་ཤར་ཐལ།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །སྐྱབས་རྒྱལ་བ་རྒྱ་མཚོའི་ཞབས་ལ་

འདུད། །གནས་སྐུ་རྒྱལ་བོད་ཀྱི་ས་ཆ་ལ། །ཤ་ཕོ་ཆེན་གཏེར་གཡང་འདྲེན་དགོས་རེད། །ཕོ་ཆེན་ ཤ་བོའི་འབོག་རྭ་དེ། །ལྷ་རྗེ་བཟང་བོའི་ཕྱག་ཆ་རེད། །བཞི་བརྒྱ་ནད་ཀྱི་སྨན་མཆོག་དང་། །རྒྱུ་

ཟོག་ནོར་གྱི་གཡང་ཕུད་ཡིན། །མགོ་དུང་རྭ་ཅན་གྱི་སྲོག་ཆགས་དེ། །མེད་ན་ཐབས་མེད་སྲོག་ ཆགས་ཡིན། །དེ་སྟེ་སྔར་མིའི་དུས་ཤིག་ལ། །བདུད་དར་ཁྲི་རྒྱལ་རབས་གོང་མའི་དུས། །ཤར་

རྨ་རྒྱལ་སྤོམ་རའི་གཡང་མཛོད་ནས། །ཤ་ཕོ་ཆེན་བསྐུང་རྫོང་བརྐུས་ནས་སོང་། །སྡེ་གླིང་པ་ཉྭ་

རྩ་ཕྲ་བའི་དུས། །ཤ་ཕོ་ཆེན་ར་མདའ་མ་ཆོད་པར། །གླིང་གི་མི་ཕོ་དེ་དྲག་བསད། །ཕོ་ཆེན་ཤ་ཡི་ གཏེར་རྫོང་འཕྲོགས། །ཤ་ཤོར་ཤ་ལན་མ་ལོན་ལུས། །རྒྱུ་ཐོར་ར་མདའ་མ་ཆོད་ལུས། །ད་རེས་

འགྲོ་བའི་དུས་ཚོད་ལ། །ནོར་གཏེར་སྤྱི་ལ་བགོ་བཤའ་དགོས། །བདུད་ཡུལ་ཆོས་ལ་བསྒྱུར་དགོས་

7

འདུག །ད་གླིང་དམག་བྱང་ལ་ཆས་པའི་དུས། །དམག་སྣ་འདྲེན་མི་ཨ་སྟག་ཡིན། །བློ་བཀོད་སྤྱི་ དཔོན་རྒྱལ་པོས་གྱིས། །བཀོད་འདོམས་ཚ་ཞང་འདན་མས་མཛོད། །དེ་མིན་རྒྱལ་ཁབ་སོ་སོ་ ནས། །རང་རང་ཤོག་གི་དམག་མགོ་འཚོས། །མགོན་སྐྱབས་དགྲ་ལྷ་གློག་ལས་མྱུར། །དཔའ་

རྟུལ་ཁས་ལེན་འབྲུག་ལྟར་ལྡིར། །མདའ་མདུང་རྣོ་མཚོན་སེར་ལྟར་འབེབ། །བདུད་ཀྱི་རྫོང་བཙན་ ཐལ་བར་བརླག །ཅི་བསམ་འགྲུབ་པའི་བཀྲ་ཤིས་ཤོག །གླུ་གོ་ན་རྣ་བའི་དཀྱིལ་ལ་ཞོག །མ་གོ་ གླུ་ལ་འགྲེལ་བ་མེད། །འདིར་ཚོགས་ཐུགས་ལ་དེ་ལྟར་ཞོག །

ཅེས་གསུངས་པ་དང་། མཐོ་བ་སྤྱི་དཔོན་མན་ཆད་དང་། དམའ་ལ་རྟ་རྫི་ཐབ་གཡོག་ཡན་

ཆད་ཚང་མས་གོ་དོན་ཡིད་ལ་བཟུང་ནས་རྒྱལ་པོའི་གསུང་ལ་མངོན་པར་བསྟོད་དོ། །

སྐབས་དེར། གཡས་གྲལ་གྱི་ཟུར་ནས་གླིང་གི་མོ་སྨན་རྣམས་ཀྱིས་ཆང་འདྲེན་དང་དམག་

སྟོན་འཁྱེར་ནས་བཀྲ་ཤིས་སྨོན་ལམ་གྱི་རྫོང་བ་ཞུས། གཡོན་གྲལ་གྱི་གྲལ་མགོ་ནས། ཐེལ་ཚེ་

དར་གྱི་གདན་ཐོག་ནས། བྱང་མཆིས་པའི་ཨ་སྟག་ལྷ་མོས་རྒྱལ་མཆོག་རིན་པོ་ཆེ་ཡི་མདུན་དུ་ དར་ཉིན་མོ་བདེ་ལེགས་ཤིག་དང་གསེར་ཊཾ་བཅུ་ཕུལ་ནས་གུས་འདུད་ཚད་མེད་བྱས་ཏེ་གདན་

ལ་འཁོད་ཅིང་ན་རེ། ཡ། གླིང་གི་དཔའ་རྟུལ་དམག་དཔོན་རྣམས། ང་ཨ་སྟག་ལ་ཞུ་བ་འདི་འདྲ་ ཡོད་ཟེར་ནས་གླུ་འདི་ལྟར་གསུངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །ལྷ་ཡར་མཁྱེན་ཚངས་པ་དཀར་པོ་

མཁྱེན། །བར་མཁྱེན་གཉན་ཆེན་སྐུ་ལྷ་མཁྱེན། །མར་མཁྱེན་གཙུག་ན་རིན་ཆེན་མཁྱེན། །དེ་

རིང་གླིང་གི་དམག་སྡུད་འདི། །སྤྱིར་ན་ལྷ་ཡི་ལུང་བསྟན་རེད། །སྒོས་སུ་སེམས་ཅན་འགྲོ་དོན་ རེད། །སྒེར་དོན་གླིང་གི་ར་མདའ་རེད། །མཐོ་ལ་སྤྱི་དཔོན་མན་ཆད་དང་། །དམའ་ལ་རྟ་རྫི་

ཐབ་གཡོག་ཡན། །འཛུམ་འཁྱིལ་ལེ་ད་རེབ་འཛོམས་ནས་འདུག །སེང་ཆེན་དཔོན་གྱི་གསུང་ ཚིག་ལྟར། །ང་ཨ་སྟག་ལྷ་ཡིས་ལུང་བསྟན་བྱུང་། །ཉི་མ་ད་ལོའི་དུས་ཚོད་ལ། །བྲག་དཀར་

8

སྟོང་རྫོང་སྨུག་པོ་ལ། །ཤེལ་དཀར་བྲག་གི་ཡང་བརྩེགས་ལས། །ཤ་ཕོ་ཆེན་གཏེར་ཁ་ཡོད་

དོ་གསུངས། །གཏེར་ལེན་མི་ཨ་སྟག་ང་ཡིན་གསུངས། །ད་མ་འདུག་མྱུར་བར་འགྲོ་དགོས་

གསུངས། །མདུང་མོ་ཁམས་གསུམ་དགྲ་འདུལ་འདིས། །བྲག་དཀར་འཛེང་གཏེར་སྒོ་ཕྱེ་དགོས་ གསུངས། །ལོ་ངོ་གཉིས་ཀྱི་ཕྱིན་ཆད་ལ། །ཤ་ཕོ་གཏེར་རྫོང་མ་ལོན་ན། །དེའི་ཕན་ལ་ལུས་ན་

མི་ལོན་གསུངས། །བདུད་རྒན་དར་རྗེ་བཙན་པོ་དེ། །ལོ་གཉིས་ཀྱི་ཕྱིན་ཆད་མ་བཏུལ་ན། །ཡུན་ རིང་ལུས་ན་མི་ཐུབ་གསུངས། །འཆི་མེད་ལྕགས་སྲོག་ཐོགས་འགྲོ་གསུངས། །རྒས་མེད་བྱ་

ལུས་ལེན་འགྲོ་གསུངས། །ཤ་ཕོ་ཆེན་སྒེར་བདག་བྱེད་འགྲོ་གསུངས། །འཛམ་གླིང་ཤ་བ་མེད་དོ་ གསུངས། །ད་ལོ་ངོ་གཉིས་ཀྱི་ཕྱིན་ཆད་ལ། །ལྷོ་འཛམ་བུ་གླིང་གི་ས་ཆ་ལ། །ཤ་ཕོ་ཆེན་གཏེར་ སྒོ་འབྱེད་དགོས་གསུངས། །འཛམ་གླིང་བཞག་པ་བཟང་དགོས་གསུངས། །གསུང་དེ་ཚོ་ལྷ་ཡི་

ལུང་བསྟན་རེད། །ང་ཨ་སྟག་འདྲ་བཟོ་བྱས་ལེ་མིན། །སྒར་ཚ་འབེབ་ཨ་སྟག་བྱས་ལེ་མིན། །ལྷ་ ཨོ་རྒྱན་པདྨའི་ལུང་བསྟན་རེད། །མ་ནེ་ནེ་རྒྱལ་མོའི་གསུང་ཚིག་རེད། །དཔོན་ལྷ་མི་གེ་སར་

དགོངས་ཚུལ་རེད། །ང་བུ་མོའི་འགྲོ་དོན་དེ་འདྲ་རེད། །ད་ལོ་གླིང་དཀར་ལྷ་དམག་དེའི། །ཇུས་

འགོ་འཛིན་འདན་མ་བབས་ཡོད་གསུངས། །བློ་ཐབས་བཀོད་སྤྱི་དཔོན་ཡིན་ནོ་གསུངས། །དམག་ ལམ་སྣ་འདྲེན་མི་གེ་སར་གསུངས། །ང་བྱང་གི་ཨ་སྟག་ལྷ་མོ་ང་། །ནམ་ཡར་ལངས་ཁྲ་ཡག་རྫ་ ལ་བལྟས། །འབྲོང་བྲེ་སེར་ཁྱུ་ཚོ་གཏོར་ན་བསམས། །ཉིན་གུང་ཁྲ་མོ་གྲོང་ལ་བལྟས། །དགྲ་

གདོང་ཐུག་ཆམ་ལ་འབེབ་ན་བསམ། །དགོང་ཕྱི་དྲོ་ན་དམར་གཤོང་ལ་བལྟས། །རྐྱང་ཁ་དཀར་ ཞགས་པས་འདྲེན་ན་བསམ། །ང་གསོད་ལ་དགའ་ཞིང་ཤ་ལ་རྔམ། །ལས་སྡིག་པ་མ་གཏོགས་

ཡོད་ལེ་མིན། །བླ་མ་སེང་ཆེན་རིན་པོ་ཆེ། །ཤི་དམྱལ་བར་མ་གཏོང་བཀའ་དྲིན་སྐྱོངས། །ད་རུང་ ལུས་འདི་མ་བོར་བར། །གླིང་སྐྱེས་བུའི་འགྲོ་དོན་མཛད་པའི་ལམ། །དགྲ་མ་ཐུབ་བྱུང་ན་ཨ་སྟག་ འགྲོ། །གྲོགས་མ་ཁུག་བྱུང་ན་སེང་ཆེན་ཡིན། །དཔུང་མང་ཉུང་བྱུང་ན་ལྷ་དམག་ཡིན། །འདྲ་ ཆགས་ཏོ་ཨེ་བསམས་གླིང་དཀར་སྡེ། །འདིར་བཞུགས་ཐུགས་ལ་དེ་ལྟར་ཞོག །

9

ཅེས་གླུ་ཞུས་དེ་ལྟར་ཕུལ་ཅིང་ཇ་དཀར་ཡོལ་གང་འཐུང་སྟེ་ཁྲི་ཐོག་ལ་བདེ་འདུག་བྱས་ནས་

བཞུགས། དེ་ཡོད་རྗེ་བློན་ཚང་མས་ཨ་སྟག་གིས་གསུངས་པ་བདེན་གསུངས་པ་དང་། གཡས་

གྲལ་གྲལ་གྱི་གྲལ་མགོ་ནས། གཡུ་ཁྲི་དར་གདན་སུམ་བརྩེགས་སྟེང་། དཔའ་ཚ་ཞང་འདན་མ་

བྱང་ཁྲ་དེ་ཡར་བཞེངས་ཤིང་། དར་དཀར་པོ་ཉིན་མོ་བདེ་ལེགས་ཤིག་ལ། དར་མགོ་བཀྲ་ཤིས་ རྟགས་བརྒྱད་ཅན། དར་མཐའ་རྒྱལ་སྲིད་སྣ་བདུན། དར་སྐེད་སྒྲོལ་མ་རང་བྱོན་ཡོད་པ་ཞིག་དང་།

གསེར་སེར་པོའི་པ་ཏྲ་བཅུ། དངུལ་ཁམ་པའི་པ་ཏྲ་བདུན་འཁྱེར་ནས་སེང་ཆེན་དཔོན་གྱི་མདུན་ དུ་ཕུལ། མཇལ་དར་དང་གུས་འདུད་ཚད་མེད་བྱས། གཞན་དཔའ་རྟུལ་བཀའ་བློན་དང་། ཕྱོགས་ ཁག་སོ་སོའི་དམག་དཔོན་རྣམས་ཀྱི་མདུན་ཅོག་ཐོག་ཏུ་དར་སྣ་ལྔ་རེའི་མཇལ་དར་ཕུལ་ཏེ་ཡར་

ཁྲི་ལ་བཞུགས་ནས་ན་རེ། ཡ། གླིང་དཀར་གྱི་རྗེ་བློན་དམག་དཔོན་རྣམས། ཉོན་དང་འདྲ་མ་འདི་ འདྲ་ཡོད་གསུངས་ནས་ཀླུ་མོའི་དར་མདུད་ཀྱི་ངག་རྟ་ལ་དྲངས་ནས་གསུངས་པ་འདི་ལྟར་རོ།།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །ལྷ་ཆེན་ཚངས་པ་དཀར་པོ་མཁྱེན། །མར་

མཁྱེན་གཙུག་ན་རིན་ཆེན་མཁྱེན། །བར་མཁྱེན་གཉན་ཆེན་སྐུ་ལྷ་མཁྱེན། །དེ་རིང་འདན་མའི་གླུ་ སྣ་དྲོངས། །དེ་རིང་སྐྱིད་པའི་ཉི་མ་ལ། །གེ་སར་རྒྱལ་པོ་དཀྱིལ་ལ་བཞུགས། །དགྲ་ལྷ་སྲས་ཆུང་ གཡོན་ལ་བཞུགས། །བཀའ་བློན་དམག་དཔོན་གྲོས་ར་ཚོགས། །དམག་མང་དཔའ་རྟུལ་དཔུང་ གིས་བསྐོར། །འདི་དགའ་སྐྱིད་འཛོམས་པའི་གྲོས་ར་རེད། །རྟེན་འབྲེལ་ཕུན་སུམ་ཚོགས་ས་

རེད། །དེ་ནས་གླིང་དཀར་ཕུ་ནུ་ཚོགས། །ཚུར་ཉོན་དང་ལས་བཀོད་འདི་འདྲ་ཡོད། །དམག་སྣ་

ཨ་སྟག་ལྷ་མོས་དྲོངས། །ལས་བཀོད་སྤྱི་དཔོན་རྒྱལ་པོས་གྱིས། །སྤྱི་ཁྱབ་དམག་དཔོན་གེ་སར་ བཞུགས། །དེ་ནས་བྱང་ལ་ཆས་པའི་དུས། །ཤར་ཕྱོགས་འདན་མའི་ལས་དམག་བོབས། །ལྷོ་

ཕྱོགས་འབྲུ་པའི་དམག་སྒར་ཐོབ། །ནུབ་ཕྱོགས་བདུད་སྡེའི་ལས་དམག་བོབས། །བྱང་ཕྱོགས་

ཧོར་གྱི་འབུམ་སྒར་རྒྱོབ། །ཕྱོགས་མཚམས་ལས་དམག་སྔར་ལྟར་རྒྱོབ། །ཕུ་ལ་ཆེན་སོ་པ་འགྲོ་

10

ལུགས་དང་། མདའ་ལུང་ཁུག་ཉུལ་མ་གཏོང་ལུགས་གཉིས། །ཉིན་སོ་མཚན་ཐུན་སྔར་ལུགས་

ལྟར། །བཤད་མ་དགོས་སྒྲིག་ལམ་སྔར་ལྟར་ཞོག །དགྲ་སྡེའི་ཡུལ་ལ་སླེབས་པའི་དུས། །ཕྱི་དགྲ་ ནང་ལ་འཁྲིད་རྒྱུ་དང་། །ནང་གཏམ་ཕྱི་ལ་བཤད་རྒྱུ་དང་། །ཕྱིའི་འཆལ་གཏམ་ནང་ལ་ཁྱེར་མི་ ཆོག །མགོ་འབུལ་ཝ་བྲོས་ཆོག་ལེ་མིན། །སྡེ་གཉོམ་ཆུང་བཙན་ཐུབ་ཆོག་ལེ་མིན། །དེ་རང་

རང་ཤོག་ལ་བཀའ་བསྒོ་གྱིས། །མ་གོ་བྱུང་ན་དམག་དཔོན་ལན། །མ་ཉན་བྱུང་ན་དམག་དཔོན་ ལན། །རང་ཤོག་དམག་གི་ཡིད་ལ་ཞོག །ལན་ཁག་གཞན་ལ་བཀལ་ཟེར་ན། །ཁྲིམས་ཡིག་ཁྲ་

མོའི་ནང་འཁོད་ལྟར། །ངོ་ཆེན་མི་ཡིས་ཞུ་རྒྱུ་མེད། །འགངས་ཆེན་རྒྱུ་ཡིས་བཤག་རྒྱུ་མེད། །ཉེས་ ཆད་དྲག་པོ་གཅོད་རྒྱུ་ཡིན། །རང་རང་ཤོག་གི་དམག་རུ་ནས། །བརྩེ་དུང་བྱམས་སྐྱོང་སྤུན་ ལྟར་དགོས། །ཕར་སོང་རང་ཡུལ་མ་འཁོར་བར། །རྐུ་འཕྲོག་ནང་འཛིང་བྱེད་མི་ཆོག །གོང་

མངགས་བཀའ་ཤོག་མེད་པ་ལ། །གཞན་སྡེ་བཅོམ་འཕྲོག་བྱེད་མི་ཆོག །དམག་སྣ་ཁྲིད་འདན་

མ་ཨ་སྟག་འགྲོ། །རུ་སྐྱོར་རང་རང་དམག་དཔོན་ཤོག །མགྱོགས་པ་སྔོན་ལ་འགྲོ་མི་ཆོག །བར་ མཚམས་དམག་གི་གཞི་དཀྱིལ་ལ། །སྤྱི་དཔོན་རོང་ཚ་ཁྲ་རྒན་དང་། །སྐུ་རྗེ་སེང་ཆེན་རྒྱལ་པོ་

གཉིས། །རྒྱལ་སྲས་དགྲ་ལྷ་རྩེ་རྒྱལ་བཞུགས། །སྐུ་སྲུང་སྒ་རྗེ་བེར་ནག་དང་། །ཡ་མེད་སེང་སྟག་ ཨ་དོམ་ཡིན། །མཐོ་གསུམ་སོ་པ་འགྲོ་རྒྱུ་དང་། །ལུང་གསུམ་ཉུལ་མ་གཏོང་རྒྱུ་རྣམས། །གླིང་ གི་གོ་ཡིག་ནང་འཁོད་ལྟར། །རང་ཤོག་ལས་དམག་ཁྲིགས་སེ་གྱིས། །མ་གོ་མ་ཚོར་མ་ཟེར་

ནས། །རང་རང་ཕྱོགས་ཀྱི་དམག་མགོ་འཚོལ། །འདིར་བཞུགས་ཐུགས་ལ་དེ་ལྟར་ཞོག །ཅེས་ གསུངས་པ་དང་།

ཉིན་དེའི་ཕྱི་ནངས་ནམ་སྐྱ་རེངས་སྐྱ་མདའ་མ་རྒྱུགས་པའི་དུས་སུ། རུ་གྲལ་བསྒྲིགས་ཏེ་

ལམ་ལ་ཆས་ནས་སོང་བ་ན། སྐྱ་ཚུགས་གཅིག་གི་ས་ཆ་བྲག་རི་ཁ་མཐོ་སྨུག་པོའི་མར་གཤམ་

གྱི་ཐང་ཆེན་པདྨ་འདབ་བརྒྱད་ཟེར་བའི་ས་དེར་གླིང་ལྷ་དམག་རྣམས་ཀྱི་སྒར་བབས་ཏེ། གླིང་གི་

སྒར་དེ་ཚ་ཞང་འདན་མའི་དམག་བཀོད་ལྟར་རི་མགོར་སོ་པ་དང་། ལམ་འཕྲང་ཆུ་སོ་སོགས་སུ་

11

ཉུལ་མ་མངགས་ཏེ། ཉིན་སོ་མཚན་ཐུན་བྱས་ནས་སྒར་བབས་ཤིང་བསྡད།

དེའི་ཕྱི་ཉིན་ནམ་ལངས་པ་དང་ཨ་སྟག་དང་འདན་མ་གཉིས་ཀྱིས་རུ་སྣ་དྲངས་ནས་གླིང་གི་

དམག་དེ་ཆུ་སྣེ་རྡོལ་བ་ལྟར། སོ་ཉུལ་རིང་ཐུང་མང་པོ་སྔོན་ལ་བཏང་སྟེ་གཤར་བ་དང་། སོ་པ་ ལ་ལས་རྫ་ལ་གོང་མའི་ཟེ་ཡི་བྲག་མཐོན་པོ་མདུང་རྩེ་བརྩེངས་འདྲའི་གཡས་ཟུར་ནས་རྒྱང་སོ་ བཙུགས་ཏེ་ས་འཕྲང་ལམ་སོ་དང་ཡུལ་གྲུ་ཀུན་གྱི་བཀོད་པ། སྡེ་ཤོག་ཁའི་མགོ་དཔོན་བཙན་

ཞན། ཤ་ཕོ་ཆེན་ལྷ་རྫོང་གར་ཡོད་སོགས་ལ་བལྟས་ཤིང་དཔྱད་པས། བདུད་དར་ཁྲི་བཙན་པོའི་ ས་སྲུང་ལ། རྫ་ཆེན་འཕྲང་ལམ་གསུམ་པ་དེ་ན། འཕྲང་གཡས་རུ་རྟ་དམག་སུམ་བརྒྱ་ཙམ་དང་།

གཡོན་རུ་རྟ་དམག་འབུམ་ཚོ་ཙམ་འདུག བྲག་དམར་ལེབ་འཕྲང་བར་མ་ལ། གུར་ཆེན་གངས་ རི་དུམ་བུའི་ངང་ཚུལ། གུར་ཆུང་ས་ཁའི་རྩི་ཐོག་གི་རང་གཟུགས། དམག་བུ་རྟ་མང་བ་རྒྱ་མཚོ་ འཁྱིལ་འདྲ་བྱས་ནས་བསྡད་པ་འདུག བྲང་དམར་ལེབ་འཕྲང་འོག་མ་ལ་རྐང་དམག་འབུམ་གྲངས་ ས་ཡི་རྡུལ་བཞིན་བཀང་ནས་འདུག ས་འཕྲང་ལམ་འགག་དོག་ཅིང་ཆུ་རྡོ་རབ་སོ་བཙན་ལ།

དམག་བུ་རྟས་བགྲོད་ལམ་བཀག་ཅིང་ཡོད་པ་མཐོང་བ་དང་བང་མི་སྒར་ལ་བཏང་ཞིང་། བང་མིས་ སེང་སྟག་ལ་ས་བཙན་གྱི་གནས་ཚུལ་ཞུས་པས། སེང་སྟག་གིས་མྱུར་བར་དམག་མ་འགྲོ་ཟེར་

བའི་བརྡ་བཏང་བས་གླིང་དམག་འཕྲལ་དུ་ས་དེར་སྒར་བབ་ནས་བསྡད་དེ། ལས་གུར་མཐོང་བ་ དོན་ལྡན་གྱི་ནང་། རྒྱལ་མཆོག་རིན་པོ་ཆེ་ཡི་མདུན་སར་གླིང་གི་བཀའ་བློན་དང་དམག་དཔོན་ རྣམས་འདུས་པས། དཔའ་ཡ་མེད་སེང་སྟག་ཨ་དོམ་དེས། གཏམ་ཡར་ལན་ཚིག་གི་གཅོད་སོ། མར་ལན་གླུ་ཡི་འདྲ་མ། དོ་གལ་ཚིག་གི་འབབ་སོ་ལ། སོ་པས་ཆ་འཕྲིན་བྱུང་ཚུལ་ཞུས་པ་ན།

གཞན་དམག་དཔོན་བཀའ་བློན་རྣམས་ཀྱིས་གསུངས་པར། ཡ། ད་རེས་འཕྲང་ལམ་དེ་

བཀག་ལུགས་ངན་པ་དེ་འདྲ་བྱས་ཡོད་ན། ས་ཆ་དེ་མིན་ནས་འགྲོ་ས་ཨེ་ཡོད་ཟེར། ལ་ལས་ ཆུ་འཕྲང་འགག་གསུམ་ཚང་མ་བཀག་ཚར་དུས། ད་ས་གཞན་པ་ནས་སོང་ནའང་འདྲ་འདྲ་རེད།

ས་འདི་ནས་ཕར་ཙམ་སོང་ཚེ་རྨ་ཆུའི་ཆུ་ཁུག་ལ་ཐོན་ཡོད་པས། ས་འཕྲང་འདི་བས་ཀྱང་སྡུག་

12

པོ་ཡོད། ད་ཅི་འདྲ་བྱས་ན་དྲག་གསུངས། གཡས་གྲལ་གྲལ་གྱི་གྲལ་མགོ །དམར་ཡག་སྟག་

གི་གདན་སྟེང་ནས། ཤར་བཀའ་བློན་འདན་མ་བྱང་ཁྲ་དེ་ཡར་བཞེངས་ཤིང་། རྒྱལ་པོའི་མདུན་

ལ་དར་དཀར་སྲིད་ལ་རིང་བ་ཞིག་ཕུལ་ནས། དམག་བཀོད་ཀྱི་བསམ་ཚུལ་ཕུལ་བ་ན། འདན་ མའི་ཁ་ཤུགས་ཆེ། སེང་ཆེན་བཀའ་དབང་བཙན་པས་སུས་ཀྱང་ཡར་ཞུ་མ་སྤོབས་པར་ལགས་ སོ་ཞུས་ཤིང་། གླིང་གི་དམག་དཔོན་དང་དམག་མང་ཚང་མས་འདན་མའི་དམག་བཀོད་ལྟར་ གཤར། ཞེས་ལེའུ་གཉིས་པ་རེ་ཞིག་རྫོགས་སོ།། །།

13

ལེའུ་གསུམ་པ། ཉི་འབུམ་དཔའ་བོ་གཡུལ་ལ་ཆས།། བདུད་བློན་ཁ་ཁྲ་མདུང་ལ་འཛེར།། ལྷ་སྲས་དགྲ་དཔུང་ཆམ་ལ་ཕབ།།

འཕྲང་ལམ་གོང་མ་གླིང་བས་བླངས།།

དེ་ཡང་བྲག་དམར་ལམ་འཕྲང་གོང་མ་ལ་གཏད་དེ་དཔའ་ཡ་མེད་དགྲ་ལྷ་རྩེ་རྒྱལ་དང་།

གསེར་བའི་ཉི་འབུམ་དར་ལུ་གཉིས་ཧྲག་རྟུལ་དཔའ་རྒོད་དུ་མས་བསྐོར་ནས་དཔུང་བསྒྲིགས་

ཀྱིས་ཐང་དཀར་ཚང་ལ་བཞུར་བ་ལྟར་སོང་། དེ་ཡི་རྗེས་སུ་ཤར་བཀའ་བློན་འདན་མ་བྱང་ཁྲ་དེ།

ལྷ་མ་ཡིན་གཡུལ་ལ་ཆས་འདྲ་ཡིས་འཕྲང་ལམ་བར་མ་ཐང་དཀར་ཉི་མ་ལྡེ་འདྲ་དེར་གཏད་ནས་ བྱོན་ཐལ། ཡང་དུས་དེ་དང་མཉམ་དུ་འཕྲང་ལམ་གོང་མ་དེ་ནས་བརྒྱུད་པའི་དཔའ་ཡ་མེད་དགྲ་

ལྷ་རྩེ་རྒྱལ་དང་། གསེར་བའི་ཉི་འབུམ་དར་ཡག་གཉིས་དགྲ་བོའི་ལམ་སྲུང་དམག་དང་ཐུག་པས།

ཁོང་དཔོན་བློན་རྣམས་དགྲ་དཔུང་དེ་དང་ཐུག་མ་ཐག་ཞེ་སྤོ་གཏིང་ནས་འཁྲུགས་ཤིང་གླུ་ལེན་དང་ ཚིག་བཤད་ཅི་ཡང་མེད་པར་ངར་ཆེན་གྱིས་དམག་ཁྲོད་ལ་མཆོངས་ནས། མདའ་མཚོན་ཐོག་

རྒོད་ལྷུང་ལྷུང་བྱས་ཏེ། གདོང་སུ་ཐུག་མཚོན་ལ་དྲངས་ནས་མི་རོའི་བམ་ཐང་བཀྲམས་འདྲ་བྱས་ པ་ན། བདུད་རྗེ་དར་ཁྲི་བཙན་པོའི་དམག་དཔོན་བཙན་རྗེ་ཡ་མ་ཁ་ཁྲ་ཟེར་བ་བྱུང་བ་ན། གསེར་

པའི་ཉི་འབུམ་དར་ལུ་དེས་འདོ་བ་གསེར་སྒོང་འཕུར་ཤེས་ཀྱི་གོང་ནས་སྒ་སྔ་འགྱུར་དགུང་ལ་ མཉམ་ལེ། ཕྱི་འགྱུར་ས་ཁ་མཉམ་ལེ་ཞིག་བྱས་ཏེ། ཁོ་ཡི་གདོང་ལ་ཀྲོང་ངེར་བྱུང་། མདའ་དེ་

འུར་སྒྲ་དང་སིང་སྒྲ་ཉིལ་ལེ། མེ་ལྕེ་དང་གློག་ཞགས་འཁྱུགས་སེ་འཕངས་བྱུང་བས། བདུད་པོ་

ཁ་ཁྲའི་ཡ་ཐོད་དཔྲལ་བའི་བཞི་མདོར་ཕོག་སྟེ། ཀ་ལི་ལག་མཐིལ་ཙམ་བར་སྣང་འཕངས་ནས་

14

ཀླད་པ་རྒྱ་མཐོངས་ཁ་ཕྱེ་བ་ལྟར་བྱས་ཤིང་། རྒྱབ་ཀྱི་ལྟག་ཁུང་ནས་མདེའུ་སྔོ་རྒྱང་ངེར་བུད་སོང་ བས་དམག་མི་ལྔ་བཅུ་ཙམ་བྱ་སྒྲོ་མེ་ཡིས་བསྲེགས་པ་ལྟར་བྱས་ནས་བསད། བདུད་པོ་ཁོ་རྟ་

གོང་ནས་ནག་ཡོམ་མེར་འགྱེལ་བྱུང་ཡང་། ཁོ་བདུད་ཀྱི་བུ་དངོས་ཡིན་སྟབས་ཤི་མ་ཐུབ་པར་ ཨམ་གཙིགས་བསྡམས་ནས་གྲི་ཡིས་ལག་རྟེན་བྱས་ཏེ་དམག་ཁྲོད་ལ་མཆོངས། དམག་མི་ལྔ་ ཙམ་མཚོན་ལ་དྲངས་བྱུང་བ་ན། ཉི་འབུམ་ངར་རྒོད་གཏིང་ནས་འཁྲུགས་ཏེ་རྟེན་མདུང་གི་སོ་

ཤུབས་ཕུད། རྟ་ཁ་སྤྲུག་ཅིང་ཁོ་ཡི་གདོང་ལ་བྱུང་བས། ཁོས་ཉི་འབུམ་ལ་རལ་གྲི་ལན་གསུམ་

བཏབ་ཀྱང་ཁྲབ་ཀྱི་རྒྱུན་ཐག་ཙམ་ཡང་གཅོད་མ་ཐུབ། ཉི་འབུམ་གྱིས་རྟེན་མདུང་དེ་ཀླད་ནས་ལན་ གསུམ་བསྐོར་ཞིང་ས་ལ་ལན་གསུམ་བརྡབས་པས་ས་ཡོམ་ཡོམ་འདར་བྱུང་། ཡང་ལན་གཅིག་

བསྣུན་པས་བདུད་པོ་ཡ་མ་ཁ་ཁྲའི་བྲང་དཀྱིལ་ལ་ཐེབས་ཏེ་རྒྱབ་ཀྱི་སོག་བར་ནས་མདུང་སོ་སྔོ་

རྒྱང་ངེ་ཐོན་ནས་བསད། ཉི་འབུམ་གྱིས་མགོ་འཕྲུ་གོང་ལེན་བྱས་ཏེ་དམག་ཁྲོད་ལ་མཆོངས། ཀི་ སྒྲ་འབྲུག་སྟོང་གྲག་གྲག་གིས། དམག་ནུབ་མི་ཐམས་ཅད་ཤར་ལ་དེད། ཤར་མི་ཐམས་ཅད་ལྷོ་ ལ་དེད་དེ་ཟིང་ཟིང་ལང་ལོང་གི་སྐབས་དེར། ནུབ་ཕྱོགས་དམག་གི་སྒར་ཟུར་དུ་ཐོན། དམག་

དཔོན་དུག་ཆུ་རྔམ་ནག་ཟེར་བ་དེས་ཤང་ལང་ལག་ཏུ་ཁྱེར་ཏེ་རྟ་གོང་ལ་སྒ་མཆོངས་བྱས་ནས་ ཉི་འབུམ་གྱི་གདོང་ལ་བཅར།

གསེར་བའི་ཉི་འབུམ་དར་ཡག་དེས་འདོ་བ་གསེར་སྒོང་འཕུར་ཤེས་ཀྱི་གོང་ནས་འགྱུར་

ཙམ་ཞིག་བྱས་ཏེ། གཞུ་མོ་དུང་ལོ་གཡས་འཁྱིལ་གྱི་སྟེང་མདའ་མོ་མཚལ་ལྟོང་མ་ཞིག་བཞག་ ཏེ་འཕངས་པས། ཁོ་ཡི་གཞོགས་གཡོན་པའི་རྩིབ་གདོང་ལ་ཐེབས་ཏེ་ཁྲབ་བྱང་རྣམས་ཐར་རེ་ གཏོར། ཁོ་བདུད་ཀྱི་བུ་ཡིན་སྟབས་མཚོན་མ་སོང་། ཁོས་རལ་གྲི་ཤུབས་ནས་ཕྱུང་ཞིང་ཉི་

འབུམ་གྱི་གདོང་ལ་མཆོངས་ཤིང་། ཁོ་གཉིས་གཡག་རྒོད་ཐོད་འཁྱར་བ་བཞིན་གྲི་འཐབ་ཡུད་

ཙམ་བྱས་ཀྱང་། སུ་ཡིས་སུ་ལ་གནོད་མ་ཐུབ་པར་དཔའ་ཁ་མཉམ། སྐབས་དེར་ཉི་འབུམ་གྱིས་

མཚོན་མི་འགྲོ་བ་ཤེས་ཏེ་རལ་གྲི་ཤུབས་ལ་དྲངས། ཞགས་པ་གཡུ་འབྲུག་འཁྱུག་ཞགས་ཟེར་

15

བ་དེ་གྲུ་ནས་ཕུད་དེ། མྱུར་སྟབས་ཀྱིས་འཕངས་པས་བདུད་པོ་དེའི་བྲང་དཀྱིལ་ལ་ལྕགས་ཀྱུ་

ཐེབས། འཐེན་ཏེ་རྟ་གོང་ནས་ནག་ལྷབས་སེ་ཐང་ལ་དྲུད། ཁོས་ཞགས་པ་ལ་རལ་གྲི་ལན་མང་ བཏབ་ཀྱང་མ་ཆོད། ཉི་འབུམ་དང་ཡ་མེད་དུག་འཕྲུ་རྔམ་ནག་གཉིས་ཀྱི་ཞགས་པ་ཕར་འཐེན་ ཚུར་འཐེན་བྱེད་པའི་སྐབས། གསེར་བའི་དམག་ཤོག་ནས་གསེར་བའི་སྟོང་སེར་འབྲུག་གྲག་

ཟེར་བ་དེ་མྱུར་བར་རྒྱུགས་ཤིང་རྟ་ལས་བབས། བདུད་པོ་དེ་དང་སྦར་འཛིན་བྱས། ཉི་འབུམ་ ཁོང་ཡང་ཆིབས་ལས་བབས་ཅིང་ཁོང་གཉིས་དཔུང་རུབ་ཀྱིས་བདུད་པོ་དེ་ཕྱི་བཀྱིག་ཨ་ལོང་

འདྲ་ལེ། ཨ་ལོང་འཕལ་ག་མེད་ལེ། ནང་བཀྱིག་གྲུ་གུ་འདྲ་ལེ། གྲུ་གུ་ལ་གྲུ་སྙིང་མེད་ལེ་བྱས་

ནས་ཉི་འབུམ་རྟ་ཡི་ཚུར་ཤ་ལ་བསྡམས། དཔའ་ཚོད་བཟུང་ནས་རྒྱུག་མ་འདུར་གྱིས་སོང་སྟེ།

འགྲོ་ཞོར་འཕྲང་ལམ་བཀག་པའི་རྡོ་ཕ་བོང་ཆེན་པོ་ཞིག་འདུག་པ་དེ་ལ་མདའ་བརྒྱབ་ནས་ཆག་ ཕྱེ་ཐར་རེ་གཏོར་ནས་འཕྲང་ལམ་དུ་བུད་དེ་སོང་།

དུས་དེ་དང་མཉམ། ཉི་མ་ནུབ་ཀྱི་ས་ཕྱོགས་ནས་མདའ་སྐྱ་སེར་བ་འབབ་འབབ། མདུང་

སྐྱ་བུ་ཡུག་འཚུབ་འཚུབ། གྲི་གཡུག་གློག་འོད་འཁྱུག་འཁྱུག ཀི་སྒྲ་འབྲུག་སྟོང་གྲག་གྲག་བྱས་པ་ དང་། དཔའ་ཡ་མེད་དགྲ་ལྷ་རྩེ་རྒྱལ་དེ་འདོ་བ་རྒྱ་བྱ་སོག་དཀར་གྱི་གོང་ནས་རྣོན་པོ་ཡ་ཟི་སྐར་ ཕྲན་དེ་ཕྱུང་སྟེ། ཁ་སྤྲོ་ཁ་ནས་ལངས། ངོ་སྤྲོ་ངོ་ནས་ལངས་ཤིང་། ཡོབ་རྡེབ་བྲག་རི་ཉིལ་འདྲ།

སྡང་མིག་ཟི་ར་འཁྱུགས་སེ་དམག་ཁྲོད་ལ་མཆོངས། བདུད་དམག་རྣམས་ལུས་ལ་གྱོན་པ་གྱོན་

ལོང་མེད་པར་ཡར་འདེད་མར་འདེད་བྱས་ཏེ། མི་རོས་རྟ་ལམ་བཀག་ལེ། ཁྲག་དམར་ཡུར་ཆུ་ རྒྱས་ལེ་བྱས་བྱུང་བ་ན། བདུད་དམག་དེ་ཡི་ནང་གི་ཨ་བསེ་དུག་འཕྲུ་ནག་པོ་ཟེར་བ་དེ་རྟ་གོང་ ལ་བུད་ནས། རྒྱ་གྲི་དུག་སེར་ལོ་མ་ཟེར་བ་དེ་ཤུབས་ནས་ཕྱུང་ཞིང་། དགྲ་ལྷའི་གདོང་བཀག

ཁོ་གཉིས་གྲི་འཐབ་ཇ་ཡུན་ཙམ་བྱས་པས་སུ་ལའང་མཚོན་མ་སོང་། ཡང་རྟ་གོང་ནས་

ཁྲབ་ཆེན་སྦར་འཛིང་བྱས་ཏེ་གཉིས་ཀ་ཐང་ལ་ལྷུང་བ་ན། དཔའ་ཡ་མེད་དགྲ་ལྷ་རྩེ་རྒྱལ་དེས་

རྩེ་སག་གླག་མོའི་སྒྲོ་རྩེ་ཟེར་བ་དེ་ཤུབས་ནས་ཕྱུང་ཞིང་། དུག་ཁྲི་བུ་ལི་གོ་ཁྲབ་ཡར་བསྒྱུར་ཏེ་

16

བཙུགས་པས་རྒྱུ་མ་དམར་ཐར་རེ་ཐང་ལ་དྲུང་བྱུང་། ཁོ་ད་རུང་འཆི་མ་ནུས་པར། རལ་གྲི་སྟོང་ ཆོད་ངར་མ་དེ་གནམ་ལ་ཕྱར་ཞིང་དགྲ་ལྷ་ལ་ལན་གསུམ་བརྒྱབ་ཀྱང་། ཁྲབ་བྱང་ཁ་ཤས་སིང་

སྒྲ་ཉིལ་ལེ་གཏོར་བ་ལས་ཅི་ཡང་གནོད་མ་ཐུབ། དགྲ་ལྷས་ཕྱག་གཡོན་པས་ཁོ་ཡི་ཐོང་རྩ་ནས་

བཟུང་། ཕྱག་གཡས་པས་རྩེ་སག་ཐུར་བཟུང་བྱས་ཏེ་ཕྲག་གོང་ན་ཤེད་ཀྱིས་བརྒྱབ་པས། བདུད་

པོ་དྲུག་འཕྲུ་ནག་པོ་དེའི་མཆན་འོག་ནས་གྲུ་རྩེ་རྒྱངས་སེ་བུད་དེ་བསད། མགོ་འཕྲུ་གོང་ལེན་བྱས་ ཤིང་ཆིབས་གོང་ལ་བུད་དེ། རྣོན་པོ་ཡ་ཟི་སྐར་ཕྲན་གནམ་ལ་ཕྱར་ནས་དམག་ཁྲོད་ལ་རྒྱུགས།

བདུད་དམག་རྣམས་འཕར་བས་ར་ཁྱུ་དཀྲུག་པ་ལྟར་ཟང་ཟིང་ལང་ལོང་གི་སྐབས་དེར། ཉི་འབུམ་ ཡང་དེར་སླེབས་ཤིང་ཤི་གསོད་ཁྲག་གི་འཁོར་ལོ་བསྐོར་བས། འཕྲང་ལམ་དོག་ཆེ་སྟབས་མི་ རོ་དང་རྟ་རོའི་བར་ནས་མི་ཐར་བར་འགྲོ་དཀའ་བ་བྱུང་། བདུད་དམག་རྣམས་འཛིང་བའི་རེ་བ་

བྲལ། བྲོས་པའི་ལམ་མ་རྙེད་དེ། ལ་ལ་གཡང་ལ་ལྕེབས། ལ་ལ་གྲི་ཁར་ཤི། འཕྲོས་ལུས་སུམ་ བརྒྱ་ཙམ་གྱིས་མགོ་འབུལ་ཞུས་པ་གདའ། དགྲ་ལྷ་དང་ཉི་འབུམ་གཉིས་ཀྱིས་འཕྲང་ལམ་གོང་ མ་བླངས་ཤིང་། དགའ་སྤྲོ་ཚད་མེད་སྒོས་ལྷ་ཤིང་ཤུག་པའི་བརྡ་བསང་སྤྲིན་དཀར་ལངས་འདྲ་

ཞིག་ཕུལ། རྒྱལ་དར་སྟག་སེང་ཁྱུང་འབྲུག་ཡོད་པ་དེ་འཕྲང་ལམ་གོང་མའི་འཕྲང་མགོར་བསྒྲེངས་ ཤིང་། ཀི་བསོ་ལྷ་རྒྱལ་སྒྲ་ཡིས་ས་གཞི་གཡོལ་བ་བསྒྲགས་ཏེ། འཕྲང་ལམ་གོང་མའི་ཕར་ནང་ ཚུར་ནང་གཉིས་ཀ་དགྲ་ལྷ་དང་ཉི་འབུམ་གཉིས་ཀྱི་དམག་ཤོག་གིས་བཟུང་ནས་གུར་ཁྲ་འཁྱིལ་ ལེ་ཕུབ་ཅིང་འདུག་པ་ཤར་བྱུང་ངོ་། །ཞེས་པ་སྟེ་ལེའུ་གསུམ་པ་རྫོགས་སོ།། །།

17

ལེའུ་བཞི་པ། བྲག་དམར་ལམ་འཕྲང་བར་མ་དེ།།

གཟའ་བདུད་དམག་གིས་ཁྲིག་གེ་བཀག། ཤན་འདན་སྟག་མོ་ཁ་སྤྲོད་ཀྱིས།།

གཟའ་བདུད་དཔུང་འཁོར་ཆམ་ལ་ཕབ།།

ཡང་ཉི་མ་དེ་ཡི་ཕྱི་ཉིན་ནམ་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་རྒྱུགས།

མཛངས་མས་མེ་ཁ་མ་གསོས། རུལ་མས་མགོ་ཤིག་མ་འཕྲུགས། སྐྱ་ཀས་ཀི་ཀི་མ་ཟེར། བྱ་ ཕོ་རོག་གིས་བཟའ་ཆུ་མ་འཐུངས་པའི་དུས་དེར། བྲག་དམར་ལམ་འཕྲང་བར་མ་ན་ཤར་བཀའ་

བློན་འདན་མ་བྱང་ཁྲ་དང་། འདན་སྲས་ལྷའུ་ཞལ་དཀར། འདན་བློན་ཨ་ལོང་མཐེབ་དྲུག་བཅས་ དཔུང་རོགས་ཧྲག་རྟུལ་དུ་མས་བསྐོར་ཞིང་འཕྲང་མགོ་ལ་ཐོན་ཏེ། འཕྲང་སེར་བྲག་ལམ་སེར་ པོ་ཡི་བྲག་གསེང་ནས་བལྟས་པ་ན། ཕྱི་ནང་གསུམ་ལ་བསྐོར་ཞིང་འཕྲང་ལམ་དེ་བསྲུངས་

ནས་བསྡད་ཡོད་ལ། འཕྲང་ལམ་བར་མ་དེ་མི་རྐང་ཁེར་འགྲོས་ཀྱང་མི་ཐར་བའི་འཕྲང་ཞིག་

ཡོད་པ། འཕྲང་ལམ་དེ་ལ་རྐང་ལམ་ཁྲ་མོ་གཉིས་ཡོད་པའི་རྐང་ལམ་ལྷག་མ་དེ་དམག་རྣམས་

ཀྱིས་རྡོ་ཡིས་འཐབ་ར་བཟོས་ནས་བཟུང་འདུག རྐང་ལམ་འོག་མ་དེའི་ཕར་སྣེར་རྡོ་ཡི་འཐབ་ར་

ཕྱི་ནང་གཉིས་བཟོས་ཏེ། རྒོད་ཧྲག་དམག་མང་གིས་བཟུང་ཞིང་རྫོང་བཙན་སྒོ་མོ་བསྡམས་འདྲ་ བྱས་ནས་བསྡད་འདུག དེ་ཡི་ཕར་ཟུར་རྟ་དམག་བརྒྱད་བརྒྱ་ཙམ་གྱིས་བསྲུངས་ཏེ་ཉིན་གྱི་བྱ་ ར་དང་། མཚན་གྱི་མེལ་ཚེ་བྱས་ཤིང་། ལ་ལས་མདའ་བཟུང་དང་། ལ་ལས་རྦབ་རྡོ་བཟུང་སྟེ་

བསྡད་ཡོད་པ་མཐོང་། དེ་ཡི་སྐབས་སུ་ཆེན་པོའི་གདན་སྟེང་ན། དཔའ་ཚ་ཞང་འདན་མ་བྱང་

ཁྲ་དེས། མདའ་ཞིག་འཕྲང་ལམ་གོང་མའི་རྡོ་ལི་འཐབ་ར་ལ་གཏད་དེ་འཕངས། གཡའ་བྲག་ལ་

18

ཐོག་ཟེར་ཐོག་པ་ལྟར། རྡོ་ཟེགས་ཆག་ཕྱེ་ཐ་རེ། ཐལ་རྡུལ་གནམ་ས་སྒྲིབ་ལེ་བྱས་ཏེ་བཤིགས་ ཙ་ན། འདན་མ་དཔོན་བློན་གསུམ་གྱིས་ཀི་ཚག་ཚག་ཐོག་འབྲུག་གྲག་འདྲ། མདའ་མཚོན་སེར་ རྒོད་འབབ་འདྲ། སྡེ་བརྒྱད་དྲག་ཏུ་ཁྲོས་འདྲ་ཡིས་དམག་ཁྲོད་ལ་མཆོངས་ཏེ། དམག་ཤར་པ་

ཐམས་ཅད་ནུབ་ལ་དེད། ནུབ་པ་ཐམས་ཅད་ཤར་ལ་དེད། བྱང་གཞི་ལྷོ་ལ་བསྒྲིལ་ཏེ། མི་རོ་

རྟ་ལམ་བཀག་ལེ་ཁྲག་དམར་ཡུར་ཆུ་འཐེན་ལེ་བྱས་ནས། སེར་རྒོད་འཁྲུགས་པས་རྩི་འབྲས་

བཅོམ་པ་བཞིན། བདུད་དཔུང་དེ་ཆག་ཉལ་དུ་བཏང་བའི་སྐབས་དེར། དཔུང་དེ་ཡི་ནང་ནས་ དམག་དཔོན་རྡོ་རྒོད་ཧ་ལ་འབར་བ་དེས་འདན་མའི་གདོང་བཀག་ཅིང་། རལ་གྲི་ཀླད་ལ་ཕྱར་

ནས་ཤན་པའི་ཐད་ལ་བྱུང་བ་ན། ཤན་པས་མདའ་གཅིག་འཕངས་པས། ཁོ་ཡི་བྲང་དཀྱིལ་ལ་

གསེར་གྱི་མེ་ལོང་ཆེན་པོ་ཞིག་ཡོད་པ་དེའི་ཐོག་ཏུ་ཐེབས་ཏེ་ཁྲ་ཐར་རེ་གཏོར་ཞིང་། ནང་དུ་གའུ་ ཞིག་ཡོད་པ་དེ་ཡི་ཐོག་ལ་བྱུང་བས་གཏོར། ནང་རྟེན་ཐེའུ་རང་གི་བྱིན་རྟེན་ལྕགས་རིལ་མཐེབ་

མགོ་ཙམ་ཞིག་ཡོད་པ་དེ་ཐང་ལ་མེ་སྟག་ཐ་ར་ར་བྱེད་ཅིང་འགྲིལ་བྱུང་བ་ལས། བདུད་པོ་ཁོ་ཡི་

ལུས་ལ་གནོད་མ་ཐུབ་པས། ཐེ་ཚོམ་མེད་པར་ཤན་པའི་སྟེང་ལ་མཆོངས་ཏེ་གྲི་ལན་གཉིས་བཏབ་ བྱུང་། གྲི་སྔོན་མ་དེ་ཤན་པའི་ཕྲག་གཡོན་པའི་གོང་བར་ཐེབས་ནས་ཁྲ་བ་བྱང་སིང་སྒྲ་ཉིལ་ལེ་

གཏོར། རྨོག་གི་ཁྱུང་ཏོག་རྩེ་ལ་ཐེབས་པས་དར་འཕྲུ་ཐར་རེ་ཐང་ལ་འཕངས་བྱུང་བ་ལས། གེ་ སར་རྒྱལ་པོའི་ཐུགས་རྗེས་ཤན་པའི་སྐུ་ལུས་ལ་གནོད་མ་ཐུབ། ཤན་རྒོད་རྨེ་རུ་ང་རྒྱལ་གཏིང་ ནས་འཁྲུགས་ཤིང་། རྟེན་མདུང་དར་ཁྲ་ཕྱུག་མོའི་སོ་ཤུབས་ཕུད་ཅིང་། རྔམ་སྟབས་ཀྱིས་ཀླད་ ལ་ལན་གསུམ་བསྐོར་ནས་བརྒྱབ་པས། གཟའ་བདུད་ཧ་ལ་མིག་དམར་གྱི་བྲང་ནུ་མ་གཉིས་

ཀྱི་བར་ལ་མདུང་སོ་ཐེབས་ཏེ། རྒྱབ་སོག་གཉིས་ཀྱི་བར་ནས་མདུང་སོ་སྔོ་རྒྱངས་སེ་བུད་ཅིང་

རྟ་ལས་ལྷུང་། ཤན་པ་རྟ་ལས་བབས། མདུང་མོ་ཕར་བཞག་ཅིང་། རལ་གྲི་དུག་རལ་འབར་བ་ དེ་ཤུབས་ནས་ཕྱུང་སྟེ། ལན་གཅིག་བཏབ་པས། མགོ་རིལ་ལེ་ཐང་ལ་འཕང་། སླར་ཡང་བདུད་

པོ་དེ་ཡི་བྲང་དཀྱིལ་དུ་གྲི་རྩེ་བཙུགས་ནས་དྲན་པ་དམར་འདོན་བྱས། མགོ་ལག་བླངས་ཤིང་ཁོ་

19

ཡི་རྟ་བྱ་ནག་ལྡིང་ཤེས་ཀྱི་གོང་ལ་བསྡམས། ཆིབས་གོང་ལ་བུད་ཅིང་བདུད་དམག་རྣམས་སྤྱང་ ཀིས་ལུག་ཁྱུ་གཏོར་བ་ལྟར། ཡར་འདེད་མར་འདེད་བྱས་ཏེ་མི་རོས་འཕྲང་ལམ་བཀག་ནས་

བསད། དེའི་དུས་མཚུངས་སུ། དཔའ་ཚ་ཞང་འདན་མ་བྱང་ཁྲ་དེ་ངར་ཆེན་གྱིས་འཕྲང་ལམ་ནང་

གི་དམག་རྣམས་རལ་གྲིའི་ངར་ལ་དྲངས་ཏེ་འཕྲང་ལམ་ཕར་ཟུར་བུད། ཤི་བསད་ཁྲག་གི་འཁོར་ ལོ་བསྐོར་ཞིང་། ཤན་འདན་གཉིས་ཀྱིས་གདོང་ལ་སུ་ཐུག་གི་ལམ་སྲུང་དམག་རྣམས་མགོ་སྐེ་ བྲེགས་ཏེ་འཕྲང་ལམ་བར་མ་དེ་བླངས། ཡང་འཕྲང་ལམ་དེ་ལས་ཕར་སོང་བ་ན། ཐང་ས་ཤིག་

ལ་ལམ་སྲུང་དམག་གི་སྒར་དེ་ཡོད་པ་མཐོང་། ཁོང་གཉིས་ཀྱིས་ཧྲག་རྟུལ་རྟ་དམག་བཅུ་རེ་ཁྲིད།

གཞན་རྣམས་ལམ་སྲུང་ཏུ་བཅུག་སྟེ། ཐེ་ཚོམ་མེད་པར་དམག་སྒར་དེར་མཆོངས་ཤིང་། དམག་

དཔུང་དེ་འཕར་བས་ར་ཁྱུ་གཏོར་བ་ལྟར་བཅོམ་བྱུང་བ་དང་། དམག་སྒར་དེ་ཡི་གཡས་ཟུར་ནས་ བདུད་རྗེ་རྨི་ཁྲི་བཙན་པོ་ཟེར་བ་དེ་འདོ་བ་གླག་ནག་འཕུར་ཤེས་ཀྱི་གོང་ལ་བུད་དེ། རླུང་སྦུད་པ་ ལྟར་འདན་མའི་གདོང་ལ་བྱུང་ཞིང་། ཡ། ཁོ་རེ་མི་སྔོན་རྟ་སྔོན་ཅན། ཁྱེད་ཚོད་བཟུང་མི་ཤེས་ གླེན་པའི་རྒྱུད། ང་སུ་རེད་ངོ་ཨེ་ཤེས་འདུག་ཅེས་ཟེར་ཞིང་། མདའ་བསྐོར་དང་གཞུ་བསྐོར་ཉི་ ལེར་ཡོབ་སྔོན་ལ་བརྒྱངས་ཏེ་བསྡད་ཙ་ན།

དཔའ་ཚ་ཞང་འདན་མ་བྱང་ཁྲ་དེས་འདོ་བ་དངོས་གྲུབ་ལྡེམ་པའི་གོང་ལ་གཟུར་འདུག་ཅོ་

ག་བབ་འདྲ་བྱས་ཤིང་། གཞུ་ཆུང་དཀར་མོ་ཐེབས་ཆེན་གྱི་ནང་དུ་མདའ་མོ་ཨ་དགའ་གཟན་དེ་ བཞག་ནས། མདའ་དེ་སྤྲིངས་བྱུང་བས། གནམ་ས་བར་སྣང་ཐམས་ཅད་མེ་འོ ད་ཀྱིས་གང་ཞིང་།

འུར་སྒྲ་དང་སིང་སྒྲ་ཉིལ་ལེ་བདུད་བློན་རྨི་ཁྲི་བཙན་པོའི་ཡར་ཐོད་དཔྲལ་བའི་གཞི་མདོར་ཐེབས་ ཏེ་ཀ་ལི་རྒྱ་མཐོངས་ཁ་ཕྱེ་བ་ལྟར་བྱས་ཤིང་། རྒྱབ་ཀྱི་ཕྱོགས་ནས་བདུད་དམག་ལྔ་བཅུ་ཙམ་བྱ་ སྒྲོ་མེ་ཡིས་གཞོབ་པ་ལྟར་བྱས། ཡང་དཔའ་ཚ་ཞང་འདན་མ་བྱང་ཁྲ་དང་། དཔའ་བཟང་ཤན་པ་

རྨེ་རུ་གཉིས་དཔུང་བསྒྲིགས་ཀྱིས་ལམ་སྲུང་དམག་སྒར་དེ་ཁྲག་ལྟར་དཀྲུགས་ཏེ། བདུད་དམག་ རྣམས་དཔའ་འཁྱག་ཅིང་། འཛིང་པའི་རེ་བ་བྲལ་ཏེ་མགོ་འབུལ་ཞུས། ཤན་འདན་གཉིས་དང་

20

དཔུང་རོགས་རྣམས་ཀྱིས་འཕྲང་དེ་བླངས་ཤིང་། གཡུལ་ལས་རྒྱལ་བའི་དགའ་ཚོར་གྱིས་གསུང་ གླེང་དགའ་སྟོན་དང་བཅས་འཕྲང་ལམ་དེའི་ཕར་ཚུར་ལ་སྒར་ཕབ་ནས་བསྡད་དོ། ཞེས་པ་སྟེ་ ལེའུ་བཞི་པ་རྫོགས་སོ།། །།

21

ལེའུ་ལྔ་པ། འཕྲང་ལམ་འགག་སྒོ་དོག་ན་ཡང་།། སེང་སྟག་དང་ནི་དཔའ་སེང་གིས།།

ངར་ཆེན་དཔུང་གི་ལམ་སྲུང་བཅོམ།།

གླིང་དམག་མ་ཁོགས་མདུན་དུ་ཤོར།།

བྲག་དམར་ལམ་འཕྲང་བར་མ་ལ་འོམ་བུའི་ཨ་ནུ་དཔའ་སེང་དང་། འོ མ་བུའི་གནམ་ལྷ་

དཀར་ཆེན། འོམ་བུའི་དུང་སེང་བཙན་པོ། དཔའ་ལ་མི་སྤྱང་དཀར་པོ་བཅས་ཀྱིས་ཧྲག་རྟུལ་རྟ་

དམག་སྟོང་ཚོས་བསྐོར་ཞིང་། ལྷ་མ་ཡིན་གཡུལ་ལ་ཆས་པ་ལྟར་གཤར་བྱུང་། དཔའ་ཡ་མེད་ སེང་སྟག་ཨ་དོམ་དེ་འཁོར་གསུམ་དགྲ་དར་འཚུབས་སེ་འདོ་བ་སྟོང་རི་དར་དཀར་གྱི་གོང་ལ་

བུད་དེ། གཞི་བདག་ཆུ་ལ་རུབ་པ་ལྟར་ཧྲག་རྟུལ་རྟ་དམག་སྟོང་གིས་བསྐོར་ཞིང་། བྲག་དམར་

ལམ་འཕྲང་འོག་མར་གཏད་དེ་བྱུང་བ་དང་། མདའ་གསུམ་བསྟུད་མར་འཕངས་པས། མདའ་ དང་པོ་དེ་འཕྲང་ལམ་ལྟག་མའི་ལམ་སྲུང་བདུད་དམག་ཁྲོད་ལ་ཐེབས་ཏེ་དམག་མང་ལྔ་བཅུ་ཙམ་ གཡས་སྒྲིལ་གཡོན་སྒྲིལ་བཏང་ནས་བསད། མདའ་གཉིས་པ་དེ་ལམ་གཞུང་གི་དམག་ཁྲོད་ལ་ ཐེབས་ཤིང་། དམག་མང་བརྒྱ་ཚོ་ཙམ་ཆག་ཉིལ་དུ་བཏང་། མདའ་གསུམ་པ་དེ་འཕྲང་ལམ་སྲུང་

བའི་འཐབ་ར་ལ་ཐེབས་ཏེ། གཡའ་བྲག་ལ་ཐོག་དམར་ཐེབས་པ་ལྟར། ཐལ་རྡུལ་གྱིས་གནམ་ས་ སྒྲིབ་ལེ། འུར་སྒྲས་ས་གཞི་འདར་ལེ་བྱས་ཏེ་གཏོར། དེ་དང་མཉམ་དུ། དཔའ་ཡ་མེད་སེང་སྟག་

ཨ་དོམ་དེས་མཚོན་ལེབ་ཆེན་མི་ཡི་བཤའ་གྲི་དེ་ཤུབས་ནས་ཕྱུང་སྟེ། ཀི་ཤར་འབྲུག་ཐོང་གྲག་ འདྲ་ཞིག་བྱས་ནས། ཁྲོ་བོ་བགེག་ལ་རྒྱུགས་པ་ལྟར་བདུད་དམག་གི་ཁྲོད་ལ་མཆོངས་ཤིང་།

མི་རོས་འཕྲང་ལམ་བཀག་ལེ། ཁྲག་དམར་ཡུར་ཆུ་བབ་ལེ་བྱས་བྱུང་བ་ན། དམག་དཔུང་དེའི་

22

དཀྱིལ་ནས་དམག་དཔོན་དར་རྗེ་བཙན་པོ་དེས་འཁོར་གསུམ་ལུས་ལ་བསྐོར། དུག་གྲི་ཧ་ལ་ དགུ་ཆོད་དེ་ལག་ཏུ་ཐོགས་ཤིང་། རྟ་སྒ་སྟོད་ལོང་མ་བྱུང་བར་གཟིས་འཁྱེར་བྱས་ཏེ། མདའ་

གཅིག་སྤྲིངས་བྱུང་བ་ན། སེང་སྟག་ཁོང་རྟ་གོང་ནས་འགྱུར་ཙམ་བྱས་པས། རྒྱབ་ཀྱི་སོག་པ་ གཡས་པའི་སྟེང་ལ་ཐེབས་ཏེ་ཁྲབ་བྱང་རྣམས་ཐར་རེ་གཏོར། ནང་དུ་སེང་ཆེན་རིན་པོ་ཆེ་ཡི་

ན་བཟའ་དང་། མ་གྲུབ་པ་རྒྱལ་མོའི་ཚེ་མདུད་ཡོད་པ་དེར་བརྟེན་ནས་སྐུ་ལུས་ལ་བར་ཆད་མ་

བྱུང་། དཔའ་ཡ་མེད་སེང་སྟག་ཨ་དོམ་དེ་ངར་རྒོད་གཏིང་ནས་འཁྲུགས་ཤིང་། མཚོན་ལམ་ཆེན་ མི་ཡི་བཤའ་གྲི་དེ་ཤུབས་ཁ་སྤར། རྟ་སྟོང་རི་གོང་དུ་ཡོབ་ལངས་ཤིག་བརྒྱབ་ནས། ལམ་ཆེན་ འོད་ཟེར་འཁྱུག་གེ་གནམ་ལ་ཕྱར་ནས། རི་གཟར་གྱི་རྦབ་རྒོད་འདྲིལ་བ་ལྟར་ཁོ་ཡི་གདོང་ལ་ མཆོངས་ཏེ་གྲི་ཁ་འགྲན་པ་ན། སེང་སྟག་གི་གྲི་དེ་དམག་དཔོན་དར་རྗེ་བཙན་པོའི་སོག་ཕྲག་

ལ་ཐེབས་ཤིང་ལུས་དུམ་མེར་འཕངས་ནས་བསད། མགོ་འཕྲུ་ལེན་ལོང་མེད་པར་དམག་ཁྲོད་ ལ་མཆོངས་ཤིང་། ལམ་སྲུང་གི་དམག་རྣམས་འཕར་བས་ར་ཁྱུ་དཀྲུག་པ་ལྟར་ཡར་འདེད་མར་

འདེད་ཀྱིས་ལས་དམག་སུམ་བརྒྱ་ཙམ་ལམ་ཆེན་གྱི་ངར་ལ་དྲངས་པས། མི་རོས་རྟ་ལམ་འགོག་ ལེ། ཁྲག་དམར་གཤོང་ཆུ་རྒྱས་ལེ་བྱུང་།

གཡས་ཀྱི་ཕྱོགས་ནས་འོམ་བུའི་ཤོག་གི་དམག་དཔོན་ཨ་ནུ་དཔའ་སེང་དེས། ཤར་ངོགས་

ཀྱི་དམག་སྒར་དེར་རྒྱུགས་ཏེ། སྤྱང་ཐོང་གིས་ལུག་ཁྱུ་གཏོར་བ་བཞིན། བདུད་དམག་ལྔ་བཅུ་

ཙམ་མཚོན་ལ་དྲངས་བྱུང་བ་དང་། བདུད་ཀྱི་དམག་དཔོན་སྔོན་པོ་ཁྱུང་ཕྲུག་བཙན་པོ་ཟེར་བ་དེ་ ངར་ཆེན་གྱིས་རྟ་གོང་ལ་སྒ་མཆོང་བྱས་ཏེ། གདོང་ལ་བུད་ནས་རྟ་གོང་ལ་ཟུར་འདུག་ཅིག་བྱས། འོམ་བུའི་ཨ་ནུ་དཔའ་སེང་གདོང་ལ་མཆོངས་ཏེ། ཁོ་གཉིས་གྲི་འཐབ་ཇ་ཡུན་ཙམ་བྱས་ཀྱང་སུ་

ལའང་མཚོན་མ་སོང་པས། ཁྲབ་ཆེན་སྦར་འཛིང་བྱས་ཏེ་གཉིས་ཀ་ཐང་ལ་ལྷུང་། འོམ་བུའི་ཨ་ ནུ་དཔའ་སེང་གིས་གྲི་ཆུ་རྩེ་སག་སྦྲུལ་ལྕེ་དེ་ཤུབས་ནས་ཕྱུང་སྟེ། བདུད་པོ་དེ་ཡི་གོ་ཁྲབ་ཡར་

བསྒྱུར་ནས་གྲི་དེ་གཙགས་པས་ནང་ཁྲོལ་ཕྱི་ལ་བཏོན་ཅིང་བསད། མགོ་འཕྲུ་གོང་ལེན་བྱས་ཏེ་

23

རྟ་གོང་ལ་བུད་ནས་དམག་ཁྲོད་ལ་མཆོངས། དམག་མི་ལྔ་བཅུ་ཙམ་མཚོན་ལ་དྲངས་ཤིང་དཔའ་

ལའི་དཔུང་རོགས་ལ་བྱུང་སྟེ། ཁོ་གཉིས་དཔུང་བསྒྲིགས་ཀྱིས་ལམ་སྲུང་དམག་རྣམས་རམ་ནག་ སེར་བས་བརྡུང་འདྲ་བྱས། བདུད་དམག་རྣམས་དཔའ་འཁྱགས་ཏེ་ལ་བྲོས་ལུང་བྲོས་བྱས་པ་ན།

དཔུང་དེ་ཡི་ཁྲོད་ནས་བཙན་རྗེ་མི་དམར་སྟོང་བདུད་ཟེར་བའི་དམག་དཔོན་དེས་ཁོང་གཉིས་ཀྱི་ གདོང་བཀག་ཅིང་རྟ་གོང་ལ་ཟུར་འདུག་བྱས་ནས། མདའ་ཞིག་སྤྲིངས་བྱུང་བས། སེང་སྟག་གི་

ཕྲག་གཡོན་པའི་དཔུང་གོང་ལ་ཐེབས་ཤིང་ཁྲབ་བྱད་ཁ་ཤས་གཏོར། སེང་སྟག་ངར་རྒོད་གཏིང་ ནས་འཁྲུགས་ཏེ། མཚོན་ལམ་ཆེན་ཤུབས་ནས་ཕྱུང་ཞིང་མཆོངས། དེ་དང་མཉམ་དུ་འོམ་བུའི་ ཨ་ནུ་དཔའ་སེང་གེས་མདའ་ཞིག་སྤྲིངས་བྱུང་བ་ན། བཙན་རྗེ་མི་དམར་སྟོང་བདུད་ཀྱི་ཡ་ཐོད་ དཔྲལ་བའི་བཞི་མདོར་ཐེབས་ཏེ་ཀླད་པ་གངས་འཁྱག་གཏོར་བ་ལྟར་བར་སྣང་ལ་མཆོད་དེ་རྟ་ ལས་ལྷུང་། སེང་སྟག་ངར་ཆེན་གྱིས་དམག་ཁྲོད་ལ་མཆོངས། དམག་ནི་བརྒྱ་སྐོར་མཚོན་ལ་

དྲངས། ལས་གུར་རལ་ཤན་བརྒྱབ། ཇ་ཐབ་བཅོ་བརྒྱད་རྫོགས། ཐབ་གསུར་སྤྲིན་ནག་ལངས་

འདྲ་བྱས་ཤིང་། གདོང་ལ་སུ་ཐུག་ལམ་ཆེན་གྱི་ངར་ལ་དྲངས། དམག་ཤར་པ་ཐམས་ཅད་ནུབ་

ལ་བསྒྲིལ། ནུབ་པ་ཐམས་ཅད་བྱང་ལ་བསྒྲིལ། མི་རོས་བམ་ཆེན་བཀྲམ་འདྲ། ཁྲག་དམར་དབྱར་ ཆུ་བསྐྱིལ་འདྲ་བྱས་པ་ན། ལམ་སྲུང་བྱང་དམག་རྣམས་དཔའ་འཁྱགས་ཏེ་བྲོས་པས་ལམ་མ་ རྙེད། གབ་པས་ཁུང་མ་ཐོབ། ལ་ལ་གཡང་ལ་ལྕེབས། ལ་ལ་གྲི་ཁར་ཤི། ལ་ལ་མགོ་འབུལ་

ཞུས་ཏེ། འཕྲང་ལམ་འོག་མ་སེང་སྟག་དང་། འོམ་བུའི་དམག་ཤོག་གིས་བླངས་ཤིང་། འཕྲང་

གི་རྩེ་མོར་རྒྱལ་དར་སྟག་སེང་ཁ་སྤྲད་བསྒྲེངས། དཔའ་དེ་བྱས་ཀྱི་རྟིང་མ་དགུང་ལ་གྲགས་པ་

བླངས་ཤིང་། གཞི་བདག་ཆུ་ངོགས་བབ་པ་ལྟར་འཕྲང་ལམ་ཕར་ཚུར་ལ་སྒར་བཏབ་སྟེ་བསྡད་ པ་ཤར་བྱུང་ངོ་། །ཞེས་པ་སྟེ་ལེའུ་ལྔ་པ་རྫོགས་སོ།། །།

24

ལེའུ་དྲུག་པ། ཁྲ་མོ་གླིང་སྒར་ཡར་ཐང་སྤོས།།

གེ་སར་ཁེར་བྱོན་བླ་གནས་བཏུལ།། སྒོ་སྲུང་ཧ་ལས་མགོ་འབུལ་ཞུས།།

བླ་སྤྱང་བཏུལ་རྗེས་གླིང་སྒར་སླེབས།།

དེ་ནས་གླིང་གི་བཀའ་བློན་རྣམས་ལས་གུར་ལ་འདུས་ཤིང་། རང་བབ་ཀྱི་གདན་ལ་འཁོད་

དེ། གསུང་གླིང་ཞལ་རྩེད་དང་། ཇ་ཆང་གསོལ་འདྲེན་གྱི་ལོངས་སྤྱོད་དང་སྦྲགས། ལྡོང་ཁུ་བོ་

སྤྱི་དཔོན་ཁོང་ཁྲི་ལས་ཡར་བཞེངས་ཏེ། རྒྱལ་མཆོག་མི་ཡི་ཉི་མའི་མདུན་ལ་དར་དཀར་སྲིད་ན་ རིང་བ་ཞིག་ཕུལ་ནས་ཞལ་འཛུམ་དང་བཅས། གཏམ་ཡར་ལན་ཚིག་གི་འཇོག་སོ། མར་ལན་

གླུ་ཡི་འདྲ་མ། དོ་གལ་ཚིག་གི་བབ་ཚུལ་གྱི་གླུ་འདི་དལ་བ་རིང་མོའི་རྟ་ལ་དྲངས་ནས་གསུངས་ པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །སྐྱབས་བླ་མ་ཡི་དམ་དཀོན་

མཆོག་གསུམ། །མ་མཁའ་འགྲོའི་ཚོགས་ལ་གསོལ་བ་འདེབས། །འབྲལ་མེད་སྤྱི་བོའི་རྒྱན་

ལ་བཞུགས། །བཞུགས་ནས་ཐུགས་རྗེས་གཟིགས་སུ་གསོལ། །གླུ་ཨ་ལ་བྱང་ཆུབ་རྒྱུད་ནས་

ལེན། །བདེ་སྟོང་ཟུང་འཇུག་ཨ་ལ་འདྲེན། །ཐ་ལ་ཐར་བའི་ལམ་ནས་ལེན། །བདེན་ཚིག་ལྷ་ལ་

འབུལ་ཉིན་ལེན། །ང་ཨ་ཁུའི་གླུ་ཡི་ལེན་ལུགས་ལ། །ལྷ་གོང་མའི་ངོ་སོ་པསྟོད་ཉིན་མོར། །ངས་

གླུ་ངག་དལ་བ་རིང་མོ་ལེན། །སྡང་དགྲ་ཆམ་ལ་འབེབ་ཉིན་མོར། །ངས་མགར་བའི་ཁྲོ་གླུ་རྔམ་ཆེན་ ལེན། །གཉེན་ཉེ་དུ་གྲོས་རར་འཚོག་ཉིན་མོར། །ངས་དལ་གླུ་ཆུ་བོར་དར་ཆགས་ལེན། །ཁྲོམ་

25

ཆེན་ཚོགས་མགོ་བཟུང་བའི་དུས། །ངས་རྒྱང་གྲགས་དར་གླུ་རིང་མོ་ལེན། །དེ་སྤྱི་དཔོན་གླུ་ཡི་

ལེན་ལུགས་ཡིན། །ས་འདིའི་ས་ངོ་མ་ཤེས་ན། །གླིང་སྒར་ཁྲ་མོའི་གཞི་དཀྱིལ་ནས། །ལས་གུར་ དཀར་པོའི་ནང་བཅུད་ལ། །གླིང་རྒྱལ་བློན་འཛོམས་པའི་གྲོས་ར་རེད། །ང་འདྲའི་ང་ངོ་མ་ཤེས་

ན། །ཁྲ་སྟོད་གནམ་རྫོང་ཕྱུག་མོ་ནས། །ཁྲ་ཕས་ཀི་ཀི་འབོད་ས་ནས། །ཁྲ་མས་བསོ་བསོ་འབོད་ ས་ནས། །ཁྲ་ཕྲུག་གཤོག་རྩལ་སྦྱོང་ས་ནས། །སྤྱི་དཔོན་རོང་ཚ་ཁྲ་རྒན་ཟེར། །དེ་རིང་ཉི་མའི་

གདོང་གང་ལ། །བྱུས་ཆེན་ཇུས་བཀོད་ང་ཡིས་བྱེད། །ཆགས་ལ་ཡག་ཉེས་མི་འོང་ལེ། །མ་ནེ་

ནེ་གོང་སྨན་ལུང་བསྟན་ཡོད། །དམག་ཁྲ་མོའི་རུ་བཀོད་འདན་མས་མཛོད། །སྡང་དགྲས་དམུ་

གབ་མི་འོང་ལེ། །སེང་ཆེན་དཔོན་གྱི་ཁ་འཛིན་ཡོད། །ཉི་མ་ནང་སྔའི་སྔ་ཆ་ལ། །གླིང་གི་དམག་

དཔུང་རུ་གྲལ་སྒྲིགས། །རུ་སྣ་ཨ་སྟག་ཤོག་གིས་དྲོངས། །ཉིན་གུང་དུས་སུ་རུ་རྟིང་རྫོགས། །རི་ ཐང་པད་མའི་གཞོངས་དྲུག་ལ། །གླིང་གི་ལྷ་སྒར་འབབ་རྒྱུ་བྱེད། །སྡང་དགྲ་ཆམ་ལ་འབེབ་ལུགས་ དང་། །ཁྲ་མོ་རུ་གྲལ་སྒྲིག་ལུགས་དེ། ཚ་ཞང་འདན་མས་དམག་བཀོད་མཛོད། །ཅི་བསམས་ འགྲུབ་པ་ལག་པའི་མཐིལ། །འདི་བཞུགས་ཐུགས་ལ་དེ་ལྟར་ཞོག།

ཅེས་གསུངས་པ་ན། དེ་ཡོད་རྒྱལ་བློན་ཚང་མས་བདེན་པར་གོ་ཞིང་། དམག་གྲབས་བྱས་

ནས་བསྡད་དོ།།དེའི་ཕྱི་ཉིན་ནམ་ལངས་པ་དང་དམག་ཆས་ཀྱི་དུང་བརྡ་དང་རྒྱ་གླིང་འཁར་རྔ་ སོགས་ཀྱི་སྐད་སྒྲ་གཅིག་རྗེས་གཉིས་མཐུད་བཏང་བྱུང་བས། ཤར་ཁྲ་མོ་གླིང་གི་ལས་དམག་ དེ་དཔའ་མོ་ཨ་སྟག་ལྷ་མོས་རུ་སྣ་དྲངས་ཤིང་། རུ་སྐྱོར་ཚ་ཞང་འདན་མ་བྱང་ཁྲས་མཛད་དེ་ རྒྱ་མཚོ་རྡོལ་བ་ལྟར་བཤར་ནས། བྱང་གི་ཐང་ཆེན་པདྨ་སྟོང་ལྡན་གྱི་ཕར་གཤམ་དུ་སླེབས་

པ་དང་། སྒར་ཕབ་ཅིང་རི་ལུང་ཀུན་ལ་སོ་ལྟ་རིང་ཐུང་མང་པོ་བཏང་སྟེ་བསྡད། དཔའ་རྟུལ་བཀའ་ བློན་རྣམས་རྒྱལ་མཆོག་རིན་པོ་ཆེ་ཡི་དྲུང་དུ་བཀའ་གྲོས་སུ་འཛོམས། དཔའ་ཚ་ཞང་འདན་མ་

བྱང་ཁྲ་དེ་གཡུ་ཁྲི་སྔོན་པོའི་གདན་ལས་བཞེངས་ཏེ། གུས་འདུད་ཚད་མེད་ཀྱི་སྒོ་ནས་རྒྱལ་མཆོག་ རིན་པོ་ཆེའི་མདུན་ལ་དར་དཀར་དྲི་མ་མེད་པ་ཞིག་ཕུལ་ནས་གདན་ལ་འཁོད།

26

ཉི་མ་དེ་ཡི་ཕྱི་ནངས། ནམ་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་རྒྱུགས།

དགུ་ཚིགས་གཡས་སྐོར་མ་བརྒྱབ། སྐར་ཚོགས་གྲལ་ར་མ་ཞིག བྱ་ཕོ་རོག་ཟ་ཆུ་མ་བཏུངས།

བྱིའུ་ཅོ་ག་མཁའ་ལ་མ་ལྡིང་། མཛངས་མས་མེ་ཁ་མ་གསོས། རུལ་མས་མགོ་ཤིག་མ་འཕྲུགས་

པའི་དུས་དེར། སེང་ཆེན་རིན་པོ་ཆེ་འབྱོན་གྲབས་བྱས་ཤིང་། སེང་ཆེན་མི་ཡི་ཉི་མ་ཁོང་གསོལ་ཇ་ བཞེས་ཚར་བ་དང་། ཁྲབ་ཆེན་ཟིལ་བ་ཐོག་ཐུབ་སྐུ་ལ་གསོལ། རྨོག་དཀར་རྒྱལ་བའི་ཐོད་དཀར་ དབུ་ལ་མནབས། སྟག་དོང་གཡས་ལ་གཟིག་ཤུབས་གཡོན། བཏབ་པ་ལན་མེད་སྐེད་ལ་བསྐོར།

དགྲ་ལྷའི་གོ་མཚོན་སྣ་དགུ་སྐུ་ལ་གསོལ་ཏེ། བརྒྱ་བྱིན་ལྷ་མ་ཡིན་གཡུལ་ལ་ཆས་པ་ལྟར། འདོ་ རྗེ་རྐྱང་སྐྱིད་ཁ་དཀར་གྱི་གོང་ལ་བུད་དེ། དར་འཕྲུ་གར་སྟབས་ལིང་ངེ་།རྒོད་འཕྲུ་རྩེ་གར་ཤལ་

ལེ། བུ་འུར་དང་རྒོད་འུར་ཉི་ལེ་བྱོན་པ་ན། ཁོང་མི་རྟ་གཉིས་མིག་རྒྱང་གང་གི་ས་མཚམས་ལ་ འདན་མ་དང་སྒ་སྡེ་གཉིས་ཀྱིས་སྐྱེལ་མ་མཛད་རྗེས། འཇའ་ཡལ་བ་ལྟར་མི་སྣང་བར་གྱུར་ཏོ།།

དེ་ནས་འདོ་བ་རྐྱང་རྒོད་འཕེར་བོ་དེའི་གཞོགས་གཡས་གཡོན་ལ་གསེར་གྱི་སྒྲོ་གཤོག་དང་།

རླུང་གི་སྤུ་རིས་གཟེངས་པར་བྱས་ཤིང་། རྨིག་བཞི་རླུང་གི་འཁོར་ལོ་བསྐོར་ཞིང་སྐད་ཅིག་ཉིད་ ལ་བྱ་ལམ་བར་མར་ལྡིང་བར་གདའ། ཉི་མ་ཤར་བ་དང་རྫ་རི་བྲག་དཀར་གཡས་ཟུར་གྱི་བླ་རི་

བྲག་རྫོང་ནག་པོའི་ཀླད་ལ་སླེབས་ཤིང་། སྤང་དཀར་བལ་སྟན་བཏིང་འདྲ་ཡོད་པའི་ཐོག ། ཁོང་ མི་རྟ་གཉིས་འཇའ་འོ ད་ལམ་མེ། འོ ད་ཟེར་འཁྱུག་གེར་བབས་ཏེ། སེང་ཆེན་རིན་པོ་ཆེ་ཡིས་ལྷ་ མདའ་གཞུ་ལ་བསྒྲོན་ནས། སྤྱན་བར་སྣང་ལ་གཟིགས་ཙམ་མཛད་ཙ་ན། དགྲ་ལྷ་ཁ་བ་འབབ་

འབབ། ཝེར་མ་བུ་ཡུག་འཚུབ་འཚུབ། ཆོས་སྐྱོང་གློག་དམར་འཁྱུག་འཁྱུག་བྱས་པ་དང་། བྲག་རི་ དེའི་ལོགས་ཀྱི་ཕུག་མུན་པ་འཐིབས་འདྲ་ཞིག་ཡོད་པ་ལས། སྟག་དམར་དེ་ང་རོ་འབྲུག་སྒྲ་ལྡིར་ རེ། ཁ་རླངས་ན་བུན་འཕྱུར་བཞིན་སྒོ་ལ་ཐོན་ཏེ། ཡ་ཁ་གནམ་ལ་སྙེག་པ། མ་ཁ་ས་ལ་རེག་པ། ལྕེ་དམར་བར་སྣང་སྒྲིབ་པ། འཛོམས་དྲུག་སྐར་ཚོགས་བཀྲག་འདྲ་བྱས་ཤིང་བྱུང་བ་ན། སེང་ ཆེན་རིན་པོ་ཆེ་ཡིས་ཕྱག་མདའ་དེ་ལན་གཅིག་སྤྲིངས་པས། མདའ་མོ་དེ་འུར་སྒྲ་དང་མེ་སྟག་

27

བསྡངས་ཏེ་བྱུང་ཞིང་སྟག་གི་ཡ་ཐོད་དཔྲལ་བའི་བཞི་མདོ་ལ་འཛི་དཀར་པོ་མཐེ་མགོ་ཙམ་ཡོད་

པ་དེར་ཐེབས་ཤིང་། བསམ་ལོང་དང་བསྐོར་ལོང་མེད་པར་ཁྲ་ནར་རེ་ཐང་ལ་བསྐྱེལ་བྱུང་། རྒྱལ་ མཆོག་རིན་པོ་ཆེ་ཡིས་སྟག་གི་འཛུམ་དྲུག་བླངས་ཤིང་། ཤ་ཁྲག་དགྲ་ལྷའི་ཚོགས་ལ་མཆོད། འདྲེ་བདུད་ཐུལ་བའི་སྨོན་ལམ་བཏབས། ཡང་ཆིབས་པ་རྐྱང་རྒོད་འཕེར་པའི་གོང་ལ་བུད་དེ།

བྱ་འུར་དང་རྒོད་འུར་ཉིལ་ལེ། བྱ་འུར་གར་སྟབས་ལིང་ངེ་།རྒོད་འུར་རྩེ་གར་ཁྲིགས་སེ་ཁོང་མི་ རྟ་གཉིས་རྫུ་འཕྲུལ་གྱིས་བྱ་ལམ་བར་མར་བྱོན་ཞིང་མར་གཟིགས་པ་ན། གཡུ་ཁྲི་སྤང་དཀར་གྲུ་

བཞི། སྤང་ཁ་མེ་ཏོག་འཁྲུངས་ས། བུང་བས་འགྱུར་གླུ་ལེན་ས་དེ་མཐོང་སྟེ་མར་བབས་པ་དང་།

བྲག་རི་མདུང་མོ་བསླངས་འདྲ། གཡས་གཡོན་ཆུ་གཉིས་འབབ་ས་དེར་སླེབས། ས་དེར་བདུད་ ཀྱི་ས་སྲུང་ཧ་ལ་མི་རྒོད་གདོང་དམར་ཟེར་བ་ཞིག་གནས་ཡོད་པ་དེས་མཐོང་སྟེ། ཁོའི་བསམ་ པར། འདིར་ཡོང་སྐྱ་མི་འདི་གང་ལ་བལྟས་ཀྱང་དར་ཁྲི་དཔོན་གྱི་མངའ་འོ ག་གི་མི་ནི་མི་འདྲ།

དེ་སྟེ་མི་རྟ་འདི་གཉིས་གང་ནས་ཡོང་བ་ཡིན་ནམ་སྙམ་སྟེ། སེང་ཆེན་དཔོན་གྱི་གདོང་ལ་བཅར། མདའ་མོ་གཞུ་ལ་བསྒྲོན་ནས་འདུག་གོ །

སེང་ཆེན་རིན་པོ་ཆེ་ཡི་དགོངས་པར། མི་འདི་སྟོབས་དང་རྫུ་འཕྲུལ་ཅན་ཞིག་རེད་འདུག །འདི་

ནང་ལ་འགུག་ཐུབ་ན་རྗེས་སུ་གླིང་དཀར་ལ་ཕན་ཐོགས་ཆེན་པོ་ཡོང་བར་དགོངས་ཤིང་། འདོ་

བ་རྐྱང་རྒོད་འཕེར་བོའི་གོང་ནས་སྐུ་ཡི་གཟི་མདངས་ངོམས། ཡོབ་སྔོན་ལ་བརྒྱངས་པར་མཛད་ དེ་གླུ་འདི་ལྟར་གསུངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །ཉི་མ་དེ་རིང་གདོང་གང་ལ། །ཁྱོད་

ཐུག་པ་ང་རང་བཟང་ནས་འདུག །དེ་སྐྱེ་བ་སྔ་མོའི་ལས་འཕྲོ་རེད། །ཁྱོས་སྐྱབས་ཞུ་དཀར་པོའི་

ཆོས་ལ་བྱོས། །བསམ་པ་དགེ་བའི་རྒྱུད་ལ་དཀར། །སྔར་བྱས་འགྱོད་བཤགས་བྱས་པ་ན། །གླིང་ དཀར་སྡེ་ཡི་གྲལ་ལ་འགོད། །འཛིན་ན་ཁེ་ཁ་ལོན་རྒྱུ་མེད། །དེ་བདེན་རྫུན་ལས་ཀྱི་ཆོས་ཉིད་

28

རེད། །བྲོས་པས་སྲོག་མགོ་ཐོན་ལེ་མིན། །འདོ་བ་རྐྱང་རྒོད་འཕེར་པོ་འདི། །འཕུར་ན་ཐང་དཀར་ རྒོད་དང་འདྲ། །བར་སྣང་ཁམས་ལ་བྱ་ལྟར་ལྡིང་། །སྔོན་མོ་ཆུ་ལ་འཛུལ་བས་ན། །རྒྱ་མཚོ་གཏིང་ གི་ཉ་ལྟར་འཁྱུག །ཡངས་པའི་ས་སྟེང་གནས་འདི་ནས། །ང་རང་མི་རྟ་གཉིས་པོ་འདི། །འབྱུང་

བ་བཞི་ལ་རང་དབང་ཡོད། །རྫུ་འཕྲུལ་ཐབས་ཀྱིས་གཟུངས་སྔགས་ཐོབ། །ད་ཅི་དགའ་ཁྱོད་རང་ བསམ་བློ་ཐོངས། །ང་རང་མི་རྟ་གཉིས་པོ་དེ། །ད་ནངས་གླིང་གི་སྒར་ནས་འོངས། །འདྲེ་སྲིན་

ལམ་དགྲ་འདུལ་བར་ཆས། །གླིང་དཀར་ལྷ་ཡི་འབུམ་དམག་དེ། །ས་མདོ་ཆེན་པདྨའི་ཐང་ཆེན་

ལ། །རྒྱ་མཚོ་བཞིན་དུ་འཁྱིལ་ནས་ཡོད། །ཤ་ཤོར་ཤ་ལན་འོ ངས་ལེ་ཡིན། །བདུད་རྒྱན་དར་ཁྲི་ བཙན་པོ་དེ། །དངོས་ཡོད་རེད་དམ་དངོས་མེད་རེད། །སྒོ་སྲུང་རིམ་པ་དུ་ཙམ་གདའ། །དངོས་ ཡོད་དངོས་མེད་སུ་འདྲ་ཡོད། །ས་འཕྲང་ཆུ་རབ་རྫོང་བཙན་རྣམས། །མ་གསང་བླ་བོར་དྲང་

གཏམ་ཤོད། །ང་རང་སེང་ཆེན་རྒྱལ་པོ་ལ། །མི་གཅིག་རོགས་པ་མི་དགོས་ཏེ། །ཁྲི་གདུགས་ ཉི་མས་གླིང་བཞིར་བསྐོར། །མཐོ་གསུམ་རི་དང་སྡེབ་ཅིང་འགྲོ། །ཁེར་འགྲོས་མི་ཕེར་མ་རེད་

དེ། །ལ་དང་ལུང་པའི་ཆགས་ཚུལ་རེད། །དཀར་གསལ་ཟླ་བས་ལྷ་ལམ་བརྒྱན། །སྐར་ཚོགས་

ཁྲ་མོ་སྡེབ་ཅིང་འགྲོ། །ཁེར་འགྲོས་མི་ཕོར་མ་རེད་དེ། །རྒྱུ་སྐར་ཁྲ་མོའི་འགྲོ་ལུགས་རེད། །ང་གེ་ སར་བདུད་དཔུང་འཇོམ་ལ་བབས། །ཁྱེད་ཧ་ལ་བུ་དང་སྡེབ་ཅིང་འགྲོ། །ཁེར་འགྲོས་མི་ཕེར་མ་

རེད་དེ། །ཁྱོད་སྡིག་སྒྲིབ་སྦྱངས་པའི་ལས་བཀོད་རེད། །གཏམ་གོ་བ་ཨེ་བྱུང་ཕ་ཡི་བུ། །དེ་སྟེ་ དར་ཁྲི་བཙན་པོ་ལ། །ཞེ་སེམས་དཀར་བའི་དམག་དཔུང་ལ། །ནང་བློན་དམག་དཔོན་ཅི་འདྲ་ ཡོད། །ནང་ཟོག་གཞན་གྱིས་མི་ཚོར་བར། །རིན་ཆེན་གཏེར་མཛོད་ཅི་འདྲ་ཡོད། །མ་གསང་ གླིང་ལ་དྲང་པོར་ཤོད། །གོ་ཨེ་ཐལ་ཁོ་རེ་ཧ་ལ་བུ། །མ་གོ་གླུ་ལ་བསྐྱར་ཟློས་མེད། །

ཅེས་གསུངས་པ་དང་། ཧ་ལ་གདོང་དམར་དེའི་བསམ་བློ་ལྷོད་ལ་བབ། སྔར་བློ་དཀར་པོ་

གོས་ལྟར་བགོས། ཕྱི་བློ་སྨུག་པོ་གདན་ལྟར་བཏིང་། བློ་གཉིས་ཕེར་ཁ་བརྡབས། བྱ་བ་སྔོན་རྗེས་ བར་གསུམ་ཚང་མ་བློ་ལ་བཀོད་པས། ཁོའི་བསམ་པར། ཡ་ད་རེབ་སེང་ཆེན་རིན་པོ་ཆེ་དང་།

29

གླིང་གི་ལྷ་དམག་མངོན་སུམ་བྱོན་པ་ལ། འགྲན་དང་ལན་ཡ་སུས་ཀྱང་འོང་ལུགས་མེད། དེ་སྟེ་ གེ་སར་མངོན་སུམ་ཞལ་མཇལ་ཚེ་མགོ་འབུལ་དང་བཤགས་སྦྱངས་བྱས་ན། ང་རང་འདི་ཕྱི་

གཉིས་ཀྱི་དོན་ཆེན་འགྲུབ་འདུག ང་རང་སྐྱེས་ཡུལ་བདུད་ཡིན་ཀྱང་། ལྷ་ཞལ་དངོས་སུ་མཇལ་

བ་འདི་བསོད་ནམས་ཆེན་པོ་རེད། ད་སྐྱབས་ཞུ་བྱས་ན་དྲག་བསམས་ནས་མྱུར་བར་ཞྭ་ཕུད་ཅིང་ ཕྱག་འཚལ། གུས་འདུད་ཚད་མེད་སྒོས་ཟངས་མའི་སྒྲོམ་བུ་ཞིག་བླངས་ཏེ། དེའི་ནང་གི་དར་

དཀར་དམར་སེར་གསུམ་གྱིས་བཏུམས་པའི་ཐུམ་བུ་གསུམ་ཡོད་པ་དེ་དར་དཀར་དྲི་མ་མེད་

པ་ཞིག་གིས་ལྕིབས་ནས་རྒྱལ་མཆོག་རིན་པོ་ཆེ་ཡི་མདུན་དུ་ཕུལ་ནས། དད་གུས་དང་མོས་པ་ ཚད་མེད་སྐྱེས་ཏེ། ཕྱག་དགུ་ཕྲུགས་སུ་འཚལ། པུས་མོའི་ལྷ་ང་ས་ལ་བཙུགས་ཤིང་གསོལ་བ་

རྩེ་གཅིག་གིས་བཏབ་ནས་བསྡད་པ་ན། སེང་ཆེན་རེན་པོ་ཆེ་རྐྱང་རྒོད་གོང་ལས་བབས་ཤིང་། ཧ་ལ་བུ་ཡི་མགོ་ལ་ཕྱག་བཞག་སྟེ། གསུངས་པར། ཡ། ལྷ་བུ་ཧ་ལ་བུ། མགོ་འབུལ་ས་ཆོས་

ལས་བཟང་བ་མེད། ཕུགས་གཏད་ས་ལྷ་ལས་ལྷག་པ་མེད། འདི་ཕྱི་གཉིས་ཀྱི་དོན་ཆེན་འགྲུབ།

ཉི་མ་དེ་རིང་ནས་བཟུང་སྟེ་ཉིན་རེར་ཆོས་ཡིག་བརྒྱ་སྟོང་རེ་ཐོན་དང་ལས་སྔོན་རྗེས་ཀྱི་སྡིག་སྒྲིབ་ དག་པར་འགྱུར། ཉིན་རེར་མ་ཎི་སྟོང་རེ་ཐོན་དང་མ་སེམས་ཅན་ཐམས་ཅད་ཀྱི་སྐྱེ་སྒོ་ཆོད་འོང་ གསུངས་ཤིང་། སྤྱན་རས་གཟིགས་འཁོར་བ་དོང་སྤྲུག་གི་ལུང་དང་། རྡོར་སེམས་ཀྱི་ལུང་དང་ ཁྲིད་བཅས་གནང་། དཀར་པོ་ཆོས་ལ་འགྱུར་བའི་བྱིན་རླབས་མཛད། སྲུང་བ་ལ་ཕུ་མདུད་མི་

རྒོད་དཔུང་བ་ཙམ་ཞིག་གནང་སྟེ། ཁོང་གིས་གསུངས་པར། འདི་ཁྱེད་ཀྱི་ལུས་དང་མ་བྲལ་པ་

གྱིས། གནས་སྐབས་ཁྱེད་རང་ཕར་སོང་ལ་འཁོར་བའི་དམག་མང་རྣམས་ཁྲིད་དེ་ཞག་གསུམ་

ཕྱིན་རྗེས་གླིང་སྒར་ལ་ཐོན་པ་གྱིས་དང་། དེ་ནས་ཅི་བྱའི་བཀའ་བགྲོས་ཡོད། བདུད་ཀྱི་བླ་གནས་ འདུལ་བར་འགྲོ་དགོས་གསུངས་ཤིང་ཆིབས་གོང་ལ་བུད། གོམ་པ་གསུམ་ཙམ་ཕར་སོང་སྟེ་ འཇའ་ཡལ་བ་ལྟར་མི་སྣང་བར་གྱུར་ཏོ། །

དེ་ནས་ཁོང་མི་རྟ་གཉིས་བར་སྣང་སྤྲིན་དཀར་གྱི་ཕུང་པོ་པདྨའི་གཟུགས་འདྲ་བ་ཞིག་གི་

30

སྟེང་ནས་བྱོན་ཞིང་མར་གཟིགས་པ་ན། བྲག་རི་དམར་པོ་མདུང་རིང་གནམ་ལ་བསླངས་འདྲ་ ཞིག་འདུག་པ་དང་། རི་དེའི་རྩ་བར་གད་པ་དམར་པོ་བཙན་ཁྱི་ཉལ་འདྲའི་ལོགས་ལ་བབས་

ཤིང་། གད་དམར་དེའི་གཤམ་ན་ཕུག་པ་ཁ་བྱང་ལ་གྱུར་པ་ཞིག་ཡོད་པ་དེར་ཕེབས་ཏེ། འདོ་ རྗེ་རྐྱང་རྒོད་འཕེར་པོ་ལུག་ཁྱུ་ཞིག་ལ་སྤྲུལ་ནས་སྤང་ཁ་དེར་གནས་པར་གདའ། སེང་ཆེན་རིན་

པོ་ཆེ་ཁོང་ཕུག་པ་དེའི་ལྟག་གི་བྲག་གསེང་ནས་སྒྲིབ་ཤིང་བཙུགས་ཏེ་མདའ་གཞུ་བཟུང་ནས་བླ་ སྤྱང་དེ་ལ་སྒུག་བསྡད་པས། དགོང་ཆེན་ཉི་མ་ལ་ལ་བརྒྱབ། རི་སེ་ཡུས་གསེར་ཞུ་ཕར་ཚད་ཕུད། དགོང་མུན་ཆུ་རུབ་ཅིང་སྨག་གིས་བསྒྲིབ་པའི་སྐབས་དེར། འོག་གི་ཕུག་པ་ལས་སྨུག་རླངས་

སྤྲིན་ནག་ལངས་འདྲ་འཕྱུར་བ་དང་མཉམ་དུ། སྤྱང་ཀི་ནག་པོ་འབྲོང་གཡག་ཙམ་ཞིག་གླ་རྒྱང་

སྟོང་བཞིན་ཕུག་པའི་སྒོ་ལ་བྱུང་ཞིང་། ཡར་བལྟ་མར་བལྟ་བྱས། ཡ་ཁ་གནམ་ལ་གདང་། མ་ཁ་

ས་ལ་བགྲད། ལྕེ་བར་སྣང་ལ་གཡུག་ནས་བྱུང་བས། ཕ་རིའི་རྩེ་ལ་སོང་ནས་དགྲ་དང་རྫི་བོ་ཡོད་

མེད་བལྟས་པས་སུ་ཡང་མེད་པར་འཇམ་ཐིང་ངེར་ཡོད་པ་མཐོང་། སྤྱང་ནག་དེས་ལུག་ཁྱུའི་ཐོག་ ལ་རྔ་མ་བརྡབས་པས། བསྐལ་པའི་རླུང་འཚུབ་ལྡང་བ་ལྟར། ཐལ་རྡུལ་གྱིས་གནམ་ས་བསྒྲིབས། ངུ་ཟུག་བྱས་པས་རི་ལུང་འདར་ལེ་བྱས་པས། དེར་ཡོད་སྲོག་ཆགས་ཡོད་རྒུ་སྐྲག་ཅིང་བརྒྱལ།

སྤྱང་ནག་དེ་རི་འབུར་ཞིག་གི་ངོགས་ནས་ཁ་ཆུ་ཛར་ཛར་ལུག་ཁྱུར་བྱུང་བ་ན། སེང་ཆེན་རིན་པོ་ ཆེ་ཡིས་ལྷ་ཀླུ་གཉན་གསུམ་དང་། དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་ལ་གསོལ་

བ་རྩེ་གཅིག་བཏབ་སྟེ། ལྷ་མདའ་ཟི་ར་ཐོག་འཁྱུག་དེ་འུར་སྒྲ་དང་བཅས་སྤྲིངས་པས། སྤྱང་ནག་

དེའི་སོག་པའི་དཀྱིལ་ལ་ཐེབས་ཤིང་། ནང་ཁྲོལ་དྲན་པ་དཀར་ནག་མཚམས་ནས་ཀོ་རུ་ཕིགས་

པ་ལྟར་ཕར་ནང་དཔུང་ཟུར་ནས་མདེའུ་སྔོ་རྒྱངས་སེ་བུད་དེ། མདའ་དེ་ཕ་རིའི་བྲག་ལ་ཕོག་པས་ རྡོ་བྲག་ཆག་ཕྱེ་ཐར་རེར་གཏོར། སྤྱང་ནག་དེ་ནག་འབལ་ལེ་ཐང་ལ་བསྒྱེལ། སེང་ཆེན་རིན་པོ་

ཆེ་ཡིས་སྡེ་བརྒྱད་གྲོགས་སུ་བཀུག་ཅིང་དོང་རིམ་པ་དགུ་བྲུས། སྤྱང་ནག་དེར་སྦས་ཤིང་དུག་ ཤིང་གི་ཁ་བཅད། ས་རྡོ་རིགས་གསུམ་གྱིས་ཁ་བཀབ་སྟེ། རྡོ་ཨ་དཀར་གུར་ཙམ་ཞིག་ལ་ཡིག་

31

དྲུག་བརྐོས་ནས་དེའི་སྟེང་ལ་བཞག །བསྐལ་པ་ཇི་སྲིད་བར་དུ་བདུད་སྤྱང་ནག་པོ་འཕར་རྒྱུ་མེད་ པའི་སྨོན་ལམ་བཏབ་ཅིང་གླིང་སྒར་ལ་ཕྱིར་ཕེབས།

དེ་ནས་འཕྲང་ལམ་གོང་འོག་ནས་དམག་འཁྲུག་བྱས་རྗེས། བདུད་དམག་ཕམ་སྟེ་བྲོས་

པ་རྣམས་རྒྱལ་སར་སླེབས་པ་དང་། བདུད་ཕྲུག་དར་ནག་བཙན་པོ་དང་། བཙན་གྱི་བདུད་ཕྲུག་

སྟོབས་ལྡན་གཉིས་རྒྱལ་པོའི་ཕོ་བྲང་ལ་སོང་། རྟ་ར་བའི་ནང་བཏགས་ཏེ་རྒྱལ་པོའི་དྲུང་དུ་སླེབས། རྒྱལ་པོ་དར་ཁྲི་བཙན་པོའི་མདུན་དུ་མི་རེས་དར་རེ་ཕུལ། བདུད་ཕྲུག་དར་ནག་བཙན་པོ་དེས་ དམག་འཁྲུག་བྱས་ཚུལ་གྱི་ལོ་རྒྱུས་ཞུས་པ་ན། བདུད་རྗེ་དར་ཁྲི་བཙན་པོ་དེས་གཏམ་དེ་ཐོས་ མ་ཐག་ང་རྒྱལ་རབ་ཏུ་འཁྲུགས་ཏེ། ཞེས་པ་སྟེ་ལེའུ་དྲུག་པ་རྫོགས་སོ།། །།

32

ལེའུ་བདུན་པ། སྤྱི་དཔོན་རྒྱལ་པོའི་དམག་བཀོད་ལྟར།། གླིང་དམག་བྱང་གི་ཕྱོགས་སུ་བསྐྱོད།། དྲག་རྗེ་ཁྲི་བཙན་བཀའ་བཀོད་ལྟར།།

བྱང་སྡེས་རྫོང་བཙན་བསྲུངས་ཏེ་བསྡད།།

དེ་ནས་ཤར་ཁྲ་མོ་གླིང་གི་དམག་སྒར་དེ་བྲག་དམར་རྫ་ཡི་ཡར་ནང་གི་ཐང་གཞོངས་པདྨ་

འདབ་ཐང་རི་མོ་ལ་སྒར་བབས་ཤིང་། ཉེ་རིང་སོ་པ་རིང་ཐུང་གསུམ་རེ་བཞག་ནས་བསྡད། ཕྱི་

ཉིན་ཉི་མ་ཤར་བ་དང་། ལས་གུར་མཐོང་བ་དོན་ལྡན་གྱི་ནང་དུ་རྒྱལ་མཆོག་རིན་པོ་ཆེ་ཡི་མདུན་ སར་བཀའ་བློན་དམག་དཔོན་རྣམས་འདུས་ཤིང་བཀའ་གྲོས་བརྩམས་པ་ན། སེང་ཆེན་རིན་པོ་

ཆེ་ཡིས་གསུངས་པར། ཡ། དཔའ་རྟུལ་ལྷ་བློན་རྣམས། ངེད་ལས་དམག་རྣམས་ས་འདིར་དམག་ མལ་བསོས་ཏེ་ཞག་བདུན་ཚར་འགོར་སོང་། གཟའ་ངན་སྐར་ངན་ལས་ཡོལ་སོང་དཔུང་དམག་ བྱང་གི་ཕྱོགས་སུ་འགྲོ་རན། ད་དམག་འགྲོ་ལུགས་ཀྱི་བཀའ་གྲོས་གྱིས་གསུངས། ལྡོང་ཁུ་བོ་ སྤྱི་དཔོན་རྒྱལ་པོས་དར་ཉིན་མོ་བདེ་ལེགས་ཤིག་རྒྱལ་པོའི་མདུན་ལ་ཕུལ་ཞིང་། དགའ་བའི་

ཉམས་ཀྱིས་དཔའ་ཐུལ་འཚོགས་པའི་གྲལ་ལ་གཟིགས་ཏེ། ན་རེ། ཡ། ཨ་བུ་དཔའ་བརྟུལ་ལྷ་ བློན་རྣམས། ང་སྤྱི་དཔོན་དམག་བཀོད་འདི་འདྲ་ཡོད་ཟེར་ཞིང་། དལ་བ་རིང་མོའི་རྟ་ལ་དྲངས་ ནས་གླུ་འདི་ལྟར་བླངས་པའི་ཚུལ་དུ་ཁ་ལ་ཤར་ཐལ།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །ལྷ་ཡར་མཁྱེན་ཚངས་པ་གདོང་བཞི་

མཁྱེན། དེ་རིང་ལས་ཀྱི་ཐོག་མ་ལ། །ང་སྤྱི་དཔོན་དམག་བཀོད་འདི་འདྲ་ཡོད། །ངེད་རིགས་

33

གླིང་གི་ལྷ་དམག་དེ། །ཉི་མ་གནངས་ཀྱི་སྔ་ཆ་ལ། །མི་འདུག་དམག་སྒར་འགྲོ་རྒྱུ་གྱིས། །གཟའ་ དང་སྐར་མ་བཟང་པོ་ཡོད། །ཤན་པ་འདན་མ་ཨ་སྟག་གསུམ། །ཁྱེད་གསུམ་དམག་གི་རུ་སྣ་

དྲོངས། །རྫ་གར་ལུང་པའི་ཕར་ནང་ལ། །ཞག་མ་གཉིས་ཀྱིས་ཐོན་པར་གྱིས། །སོ་དང་ཉུལ་མ་ སྔོན་ལ་ཐོངས། །ལར་ཆེན་རྒྱལ་པོས་གསུངས་པ་ལྟར། །ས་འཕྲང་ལམ་ཁའི་གནས་ལུགས་

དེ། །ཧ་ལ་དཔོན་གྱིས་ལོས་རང་མཁྱེན། །དཔོན་ཁྱེད་རང་རྟ་དམག་བཅུ་ཡིས་སྐོར། །གླིང་དཔའ་ རྟུལ་གསུམ་དང་མཉམ་དུ་བྱོན། །དེ་འཕྲོས་ངེད་རིག་དཔུང་དམག་དེ། །རུ་གྲལ་སྔོན་མར་སུ་

བབས་ན། །མ་འདུག་ལ་མོར་འགྲོ་ཤོམ་གྱིས། །འགྲོ་འདུག་དམག་བརྡ་སྔོན་ལྟར་མཛོད། །ལམ་ དགྲ་གདོང་ལེན་བྱུང་ཟེར་ན། །དཔའ་བརྟུལ་ཁས་ལེན་སྔོན་ལ་བུད། །མདའ་མདུང་མཚོན་གྱིས་ འཁོར་ལོ་སྐོར། །གེ་སར་ཝེར་མའི་སྐྱོར་ཡ་ཡོད། །འཇིགས་པ་མི་དགོས་ཕ་ཡི་བུ། །ས་བདེ་

ཐང་ལ་སླེབས་པའི་དུས། །འཛིང་ལུགས་ཅི་དགོས་ག་ལེར་བལྟ། །འདིར་འཚོགས་ཐུགས་ལ་ དེ་ལྟར་ཞོག།

ཅེས་གསུངས་ཤིང་བཀའ་ཕབ། རྒྱལ་མཆོག་རིན་པོ་ཆེ་ཡིས་གསུངས་པར། ཨ་ཁུས་

གསུངས་པ་ཐུགས་བདེན། གནངས་ཉིན་སྔ་བར་སོང་སྟེ་རྫ་གར་ལུང་པའི་ཕར་ནང་གི་ཐང་ཆེན་ བཞི་ལིང་ཆེན་པོ་ཡོད་པ་དེ་ན་གླིང་སྒར་འབབ་དགོས། འགྲོ་ལུགས་ཨ་ཁུའི་གསུངས་བཞིན་

ཡིན། ལམ་ཁར་གནོད་འཚེ་མེད་པར་རྒྱལ་པོ་ང་ཡི་སྐྱོར་མ་ཡོད་གསུངས་གདའ། དེ་ནས་ཞག་

གཉིས་ཀྱི་མཚམས་སུ། ཤན་པ་དང་། འདན་མ། ཨ་སྟག ཧ་ལ་དཔུང་བཅས་ཀྱིས་རུ་སྣ་དྲངས་ ཏེ་གླིང་གི་འབུམ་སྒར་དེ་རྒྱ་མཚོ་བརྡོལ་བ་ལྟར་བཤར་ཏོ། །

དེ་ཡི་སྐབས་སུ། གསར་དུ་བསྡུས་པའི་བྱང་དམག་སྔོན་མ་རྣམས་དར་ཁྲི་བཙན་པོ་བཞུགས་

པའི་ཕོ་བྲང་གི་ཉེ་ལོགས་སུ་སླེབས་ཏེ། དམག་དཔོན་རྣམས་རྒྱལ་པོའི་དྲུང་དུ་འདུས་པ་ན། རྗེ་ དར་ཁྲི་བཙན་པོ་ཡིས་དམག་བཀོད་བྱས་ཤིང་། གྲོས་ཐག་ཁྲིགས་སེར་བཅད་དེ་བསྡད།

ཉི་མ་དེ་ཡི་ཕྱི་ཉིན་ཤར་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་རྒྱུགས། བྱ་

34

ཕོ་རོག་གིས་ཟ་ཆུ་མ་བཏུང་བའི་དུས་དེར། རྒྱལ་པོའི་དམག་བཀོད་ལྟར་ལས་དམག་རུ་གྲལ་

བསྒྲིགས་ཏེ་བཤར་བ་དང་། སྐྱ་ཚུགས་གསུམ་གྱི་ས་མཚམས། བྱང་རྐྱང་ཁྱུ་ཁྲ་མོའི་གཞུང་ཤོད་ ལ་སྒར་བབས་ཏེ། དེ་ནས་ས་བཙན་ལམ་འཕྲང་རྣམས་སྔར་གྱི་དམག་བཀོད་ལྟར་ཁྲིག་གེར་ བཀག་ཅིང་། རླུང་བསེར་བུ་ཡིན་ཀྱང་སྦུད་ས་མེད་ལེ། བྱ་འདབ་ཆགས་ཡིན་ཀྱང་འཕུར་ས་

མེད་པ་བྱས་ནས་བསྡད་པ་ན། རྒོད་པོ་བཙན་སྐྱ་དཔུང་དམར་ཟེར་བ་དེའི་བསམ་པར། ད་ལོར་

དགྲ་ཡི་ཚུར་འགེབ་འདི་ལས་བཟང་ངན་ཅི་ཡིན་མ་ངེས་ཀྱང་། ཁེ་ཉིན་བློན་རྒན་ཉི་མ་རང་ཤར་

གྱི་གཏམ་ལ་དཔྱད་ན་ལས་བཟང་པོ་ཞིག་མི་ཡོང་བ་ཐག་གིས་ཆོད། ད་ནི་ཅི་ཡིན་ཡང་རུང་རྒྱལ་ པོའི་དམག་བཀོད་ལྟར་རང་རང་ཤོག་གི་ས་བཙན་ལམ་འཕྲང་རྣམས་བསྲུངས་ཏེ་ཤོར་མི་རུང་ སྙམ། གཞན་གྱི་དམག་དཔོན་རྣམས་ལའང་རྒྱལ་པོའི་བཀའ་བཞིན་དམག་བགོས་བྱས་ཤིང་།

ས་བཙན་ལམ་འཕྲང་རྣམས་མ་ཤོར་བར་སྡོད་ཅེས་བསྒོས། ཕུ་ཡི་ལ་ཁ་ཐོ་བ་དང་། མདའ་ཡི་ ལུང་མདོ་ལ་ཉུལ་མ་བཞག་སྟེ་བསྡད་པར་གདའོ། །

དེ་ནས་གླིང་གི་དམག་དཔོན་བཀའ་བློན་རྣམས་རྒྱལ་མཆོག་མི་ཡི་ཉི་མའི་ལས་གུར་དུ་

འདྲ་འདུ་རར་འདུས་ཏེ། གཡས་ལ་བཀའ་བློན་རྣམས་ཀྱི་གྲལ་ཁྲི་བརྒྱབ་འདུག བཀའ་བློན་ རྣམས་ཀྱི་གྲལ་མགོ་དེ་ན། ཤར་བཀའ་བློན་འདན་མ་བྱང་ཁྲ་དེ་བསྡད་འདུག གཡོན་གྲལ་

གྲལ་གྱི་གདན་གྲལ་ལ། དམག་དཔོན་རྣམས་ཀྱི་གྲལ་ཁྲི་བརྒྱབ་གདའ། དམག་དཔོན་བརྒྱ་ཡི་ གྲལ་མགོ་དེ་ལ། དམག་དཔོན་ཤན་པ་རྨེ་རུ་དེ་བཙན་རྒོད་སྲོག་ལ་རྔམ་འདྲ་བྱས་ནས་བསྡད་

འདུག དེ་ནས་རྒྱབ་གྲལ་རྩ་གྲལ་སོགས་ལ་དམག་དཔོན་དང་ཁས་ལེན་རྣམས་སྟག་མོ་གྲ་ཁ་ རྒྱས་འདྲ་བྱས་ཏེ་བཞུགས་ཤིང་། འགྲན་མེད་སེང་ཆེན་རྒྱལ་པོས་གཏམ་ཡར་ལེན་གླུ་ཡི་འདྲ་

མ། མར་ལེན་ཚིག་གི་འབབ་སོ། གོ་དོན་འཚམ་པའི་བཀའ་གསུངས་ཀྱི་མགུར་མ་འདི་བཀའ་ སྩལ་བའི་ཚུལ་དུ་ཁ་ལ་ཤར་བྱུང་། །

35

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །ལྷ་ཆེན་ཚངས་པ་དཀར་པོ་

མཁྱེན། །གཉན་ཆེན་སྐུ་ལ་གེ་མཛོ་མཁྱེན། །ཀླུ་ཆེན་གཙུག་ན་རིན་ཆེན་མཁྱེན། །གནམ་རིམ་

པ་བཅུ་གསུམ་གྱི་ཡང་སྟེང་ནས། །ནེ་ནེ་གོང་སྨན་རྒྱལ་མོ་མཁྱེན། །མཁྱེན་གཟིགས་རྒྱལ་པོའི་

གྲོགས་ལ་བྱོན། །ས་འདིའི་ས་ངོ་མ་ཤེས་ན། །ཐང་ཆེན་པདྨའི་གཡོན་ཟུར་གྱི། །ལྷ་དམག་དཔུང་

གི་སྒར་དཀྱིལ་རེད། །ཕོ་ང་འདྲ་ང་ངོ་མ་ཤེས་ན། །འགོག་མོའི་ལྷ་སྲས་ཇོ་རུ་ཟེར། །ཚུར་གསོན་ དང་དམག་དཔོན་བཀའ་བློན་རྣམས། །ཉི་མ་སང་གི་གདོང་གང་ལ། །བཀའ་བློན་འདན་མ་བྱང་ ཁྲ་དང་། །སྒ་སྡེ་ཆོས་སྐྱོང་བེར་ནག་གཉིས། །གཡས་ཕྱོགས་དམག་གི་རུ་སྣ་དྲོངས། །སྡིག་

གཅོད་ཤན་པ་རྨེ་རུ་དང་། །འཇང་ཕྲུག་གཡུ་ལྷ་ཐོག་འགྱུར་གཉིས། །གཡོན་རུ་དམག་གི་རུ་སྣ་

དྲོངས། །དར་རྗེ་སེང་སྟག་ཨ་དོམ་དང་། །གསེར་པའི་ཉི་འབུམ་དར་ཡག་གཉིས། །དཀྱིལ་བུའི་

དམག་གི་རུ་སྣ་དྲོངས། །དཔའ་མོ་ཨ་སྟག་ལྷ་མོ་དང་། །དུང་སྐྱོང་སྟག་ལྷ་ཁྲི་དཀར་གཉིས། །མདུན་ རུའི་དམག་གི་རུ་སྣ་དྲོངས། །ཉི་མ་སང་གི་སྔ་ཆ་ལ། །མ་འདུག་ལ་མོར་སྔོན་ལ་ཆས། །དེ་འཕྲོས་

ངེད་རིགས་ལྷ་དམག་དཔུང་། །ཉི་མ་ཤར་ཆེན་དྲོ་དུས་སུ། །རྒྱ་གླིང་སྐད་སྙན་བྱུང་བའི་དུས། །གླིང་ གི་དམག་ཆེན་སྔོན་ལྟར་གཤོར། །སྔོན་རྒྱུག་རྗེས་ལུས་མ་བྱེད་པར། །རྒྱ་མཚོ་བཞིན་དུ་བརྡོལ་ ནས་འགྲོ། །ཚ་ཞང་འདན་མ་བྱང་ཁྲ་དང་། །སྡིག་གཅོད་ཤན་པ་རྨེ་རུ་གཉིས། །བྱང་མཆིས་པའི་ ཨ་སྟག་ལྷ་མོ་གསུམ། །དགྲ་བྱུང་ན་གདོང་ལེན་སྔོན་ལ་བུད། །ཨབ་མོ་ལེབ་ཆེན་གཞོངས་དྲུག་

ལ། །གླིང་གི་ལྷ་སྒར་འབབ་རྒྱུ་ཡིན། །ས་བཙན་ལམ་འཕྲང་བཟུང་ལུགས་དང་། །ལས་དམག་སྒར་ གྲལ་སྒྲིག་ལུགས་རྣམས། །ཅི་དགོས་ལེགས་པར་ཤེས་ལེ་གྱིས། །གོ་ཨེ་ཐལ་འདིར་འཚོགས་ རྒྱལ་བློན་རྣམས། །མ་གོ་གླུ་ལ་འགྲེལ་བ་མེད། །འདིར་འཚོགས་ཐུགས་ལ་དེ་ལྟར་ཞོག །

ཞེས་གསུངས་ཤིང་རྒྱལ་མཆོག་མི་ཡི་ཉི་མས་དམག་བཀོད་མཛད། དེ་ནས་མདུན་གྲལ་

གྲོལ་ཏེ་རང་རང་ཤོག་ལ་སོང་ཞིང་དམག་གྲལ་བསྒྲིགས། ཉི་མ་དེ་ཡི་ཕྱི་ཉིན་ནམ་སྐྱ་རེངས་སྐྱ་

36

མདའ་མ་རྒྱུགས་པའི་དུས་དེར། སེང་ཆེན་རིན་པོ་ཆེ་ཡི་བཀའ་ལྟར་ཁོང་དཔའ་རྟུལ་བརྒྱད་དེ་རྟ་ རྒྱུག་འདོད་ཀྱི་ཁ་གུག་ལིང་ངེ་།གྲི་གཡུག་འདོད་ཀྱི་དཔའ་ལུང་ཧྲུག་གེ །མདུང་སྣུན་འདོད་ཀྱིས་

དཔུང་པ་སོག་གོང་བརྫེ། མདའ་འཕེན་འདོད་ཀྱིས་མཐེབ་སྐོར་ཉི་ལེ་བྱས་ཏེ་ཆས་པར་གདའ། དེ་ ལྟར་སོང་བས་ཉི་མ་གསུམ་གྱི་དགོང་མོ་ཙམ་ལ་ཐང་ཨབ་མི་ལེབ་ཆེན་གཞུང་ལ་སླེབས་པ་དང་། བྱང་རི་བྲག་གར་གུར་འདྲའི་མར་གཤམ་ལ་འདན་སྡེ་ཁྲི་སྐོར་བཅུ་གཉིས་ཀྱི་དམག་སྒར་བརྒྱབ་

སྟེ་རྒྱ་མཚོ་ཐང་ལ་འཁྱིལ་འདྲ་བྱས་ནས་བསྡད་ཐལ། བྱང་ཕྱོགས་བྲག་ནག་ཁྱུང་རིའི་གཡས་ཟུར་ ལ་བྱང་རི་བཤུ་ཨ་སྟག་ལྷ་མོ་ཡི་དམག་སྒར་དེ་བབས་ཤིང་འབྲོང་ཁྱུས་རྫ་ལམ་བཀག་འདྲ་བྱས་

ནས་བསྡད་ཐལ། ཤར་ཕྱོགས་རྫ་ལིང་དམར་པོའི་སྒང་རྒྱུད་ཀྱི་རི་གདོང་དམར་པོའི་མར་གཤམ་ ལ། ཨ་ཆེན་ཧོར་གྱི་ལས་དམག་དེ་ཁྲག་མཚོ་ཐང་ལ་འཁྱིལ་འདྲ་བྱས་ནས་བསྡད་ཐལ། ཐང་ ཆེན་དེ་ཡི་དཀྱིལ་ལ་ལྷ་གུར་མཐོང་བ་དོན་ལྡན་དེ་ཕུབ་ཅིང་། ཟུར་བཞི་ལོགས་བརྒྱད་ཕྱོགས་

མཚམས་ཚང་མ་ལ་འདན་མས་སྒྲིག་བཀོད་མཛད་ཅིང་ཤར་ཁྲ་མོ་གླིང་གི་འབུམ་སྒར་དེ་བབས་ ཏེ། གནམ་ཨ་སྔོན་གྱིས་མི་ཁེབས་ཡིད་ཐང་ཆད་ལེ། ས་དོག་མོས་མི་ཁྱོག་འཁུན་པ་ཤོར་ལེ།

བུ་དཔའ་བོས་རིག་ན་སྣང་བ་སྤྲོ་ལེ། སྡང་དགྲ་བོས་མཐོང་ན་སྙིང་རྩ་འདར་ལེ་བྱས་ནས་བསྡད་ པར་གདའོ། །ཞེས་པ་སྟེ་ལེའུ་བདུན་པ་རྫོགས་སོ།། །།

37

ལེའུ་བརྒྱད་པ། ཨ་སྟག་ལྷ་ཡི་ལུང་བསྟན་ལྟར།།

ཁེར་བྱོན་དགྲ་བདུད་ཆམ་ལ་ཕབ།།

སེང་ཆེན་རྗེ་བློན་ཐུགས་དགྱེས་ཏེ།།

དགུ་ཚན་གསུམ་གྱི་དཔའ་དར་གནང་།།

དེ་ནས་བདུད་པོ་དྲག་རྗེ་ཁྲི་བཙན་གྱི་དམག་དཔོན་བདུད་པོ་བསམ་འགྲུབ་བཙན་པོ་དེའི་

བསམ་པར། ཉི་མ་སང་གི་དུས་དེར་མཐོ་རི་གསུམ་ལ་སོ་པ་དང་། དམའ་ལུང་གསུམ་ལ་ཉུལ་མ་ འགྲོ་དགོས་བསམས་ཏེ། རང་འོག་གི་དམག་དཔོན་དང་བརྒྱ་དཔོན་རྣམས་ལ་སང་ཉིན་ང་རང་

དམག་ཤོག་ནས་ཧྲག་རྟུལ་རྟ་པ་ལྔ་བཅུ་ཙམ་སོང་ནས་རི་གཤེར་བྱེད་དགོས་པས་ཁྱེད་དམག་

དཔོན་རྣམས་ནས་འགྲོ་གཤོམ་གྱིས་ཟེར་ཏེ་བཀའ་ཕབ། ཉིན་དེ་ཡི་ནུབ་མོ་བྱང་ཨ་སྟག་འཁྱིལ་

བའི་ལྷ་མོ་དེ་གཉིད་པའི་རྨི་ལམ་ནང་། མ་ནེ་ནེ་གོང་སྨན་རྒྱལ་མོ་དེ་འཁོར་དུ་མཁའ་འགྲོ་འབུམ་ གྱིས་བསྐོར་ནས་ཕེབས་ཏེ། མཁའ་འགྲོའི་ཚེ་གླུ་འགྱུར་མེད་ཀྱི་ཀླུ་རྟ་ལ་དྲངས་ནས་མགུར་མ་ འདི་གསུངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །གུ་རུ་དེ་བ་ཌ་ཀི་ཡེ། །བཀའ་དག་པའི་

ཆོས་ལ་གསོལ་བ་འདེབས། །ལམ་བྱིན་ཆེན་འཐོབ་པར་བྱིན་གྱིས་རློབས། །ས་འདིའི་ས་ངོ་མ་ ཤེས་ན། །བྱང་བྲག་ནག་ཁྱུང་རིའི་གཡས་ཟུར་ནས། །བྱང་རི་བཤུ་དམག་སྒར་མཁའ་དབྱིངས་

རེད། །སྨན་ང་འདྲ་ང་ངོ་མ་ཤེས་ན། །མ་རིག་བློ་ཡི་རྫི་བོ་ལ། །ངོ་ཤེས་ན་གནམ་སྨན་དཀར་མོ་ ཡིན། །ཚུར་གསོན་དང་ཨ་སྟག་ལྷ་མོ་ལགས། །དུས་རྒྱུན་དུ་ལུང་བསྟན་དར་ལེ་མིན། །དུས་

38

ད་ལོ་ལུང་བསྟན་བྱེད་ལེ་འདི། །སྲུ་ཨ་སྟག་འགྲོ་དོན་དུས་ལ་བབས། །བོད་སྒང་པ་ཤ་འགྱེད་

དགོས་ཞོར་ཡིན། །ཆོས་དཀར་པོའི་བསྟན་སྲུང་མཛད་ཞོར་ཡིན། །མ་མཁའ་འགྲོ་རིགས་རྒྱུད་

བཟང་པོ་ལ། །གསལ་ལུང་བསྟན་གསུང་ཚིག་མི་དགོས་ཀྱང་། །འཇིག་རྟེན་སྔ་མོའི་གཏམ་དཔེ་

ལ། །དོན་གལ་ཆེན་ཚིག་ལ་ནན་ཏན་དང་། །བྱིན་ཆེན་ཆོས་ཚིག་བརྒྱ་ཚར་ཞེས། །ད་མ་གཟིམས་ ལྷ་མོ་ཨ་སྟག་ལགས། །རག་དཀར་རྟ་ལ་སྒ་ཆས་སྤྲོད། །ཁྲབ་རྨོག་གོ་མཚོན་སྐུ་ལ་གསོལ། །མ་

འདུག་ཁེར་འགྲོས་ལ་མོར་བྱོན། །རྫ་ཆེན་ཤག་ལམ་གོང་མ་ནས། །བདུད་པོ་བསམ་འགྲུབ་བཙན་ པོ་དེ། །གླིང་ལ་སོ་པ་འོང་ཞིང་གདའ། །དཔའ་རོགས་རྟ་མི་ལྔ་བཅུ་གདའ། །དེ་ཨ་སྟག་ཁྱེད་

ཀྱི་དགྲ་སྐལ་ཡིན། །བདུད་པོ་བསམ་གྲུབ་བཙན་པོ་དེ། །དེ་མིན་སུས་ཀྱང་ཐུབ་ལེ་མིན། །དེ་

འདུལ་བའི་བསྐོ་གཞག་ཁྱེད་ལ་ཡོད། །འདྲེན་པའི་བླ་མ་གེ་སར་ཡིན། །དགྲ་དང་པོར་འདུལ་ མི་ཨ་སྟག་ཡིན། །ཤ་རྫོང་ཕབ་པའི་རྟེན་འབྲེལ་ཡོད། །བདུད་དཔུང་འཇོམས་པའི་སྨོན་ལམ་

ཐོབས། །ཅི་བསམ་འགྲུབ་པར་ཐེ་ཚོམ་མེད། །སྲུ་ཨ་སྟག་ཡིད་ལ་དེ་ལྟར་ཞོག །ཅེས་གསུངས་ ཤིང་མི་སྣང་བར་གྱུར་ཏོ། །

དེ་ནས་བྱང་མཆིས་པའི་ཨ་སྟག་ལྷ་མོ་དེ་མལ་ལས་སད་ཅིང་། ལྷ་ཡི་ཕྱོགས་སུ་ཕྱག་

མཆོད་དང་གསོལ་བ་བཏབ། མདུན་གཡོག་རྣམས་བོས་ཏེ་ཆིབས་རྟ་ལ་སྒ་རྒྱོབ་ཤོག་གསུངས། ནམ་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་རྒྱུགས། སྐར་ཚོགས་གྲས་

ར་མ་ཞིག བྱིའུ་ཅོ་ཆུང་གནམ་ལ་མ་ལྡིང་། བྱ་ཕོ་རོག་གིས་ཟ་ཆུ་མ་འཐུངས། མཛངས་མས་ མེ་ཁ་མ་གསོས། རུལ་མས་མགོ་ཤིག་མ་འཕྲུགས་པའི་དུས་དེར། གོ་ཁྲབ་འཁོར་གསུམ་སྐུ་

ལ་གསོལ་ཞིང་དགྲ་ལྷར་གསོལ་མཆོད་ཕུལ་ནས་འགྲོ་གྲབས་བྱེད་པའི་སྐབས། དམག་དཔོན་ དང་ཁས་ལེན་རྣམས་ཀྱི་དཔུང་རོགས་ལ་ང་འགྲོ་ཁོ་འགྲོ་ཟེར་ཞིང་རྩོད་པའི་དུས། ཨ་སྟག་ན་

རེ། ཁྱེད་དམག་དཔོན་དང་ཁས་ལེན་རྣམས་ཀྱིས་དམག་སྒར་སྲུང་རྒྱུ་དང་སོ་ཐུན་ལེགས་པོར་

གྱིས་དང་། ང་རང་ཁེར་འགྲོ་བྱས་ནས་དཔའ་རྟགས་ལེན་དགོས། ང་ལ་ལྷ་ཡིས་ལུང་བསྟན་བྱུང་

39

བས། ཁྱེད་རྣམས་ཀྱིས་སེམས་ཁྲལ་བྱ་མི་དགོས་གསུངས། འདོ་བ་རག་དཀར་འཕུར་ཤེས་ཀྱི་ གོང་ལ་བུད་ཅིང་། དྲག་མོ་ཁྲོས་པའི་དཔའ་ཟིལ་གྱིས་བྲག་ནག་རྫ་ཟེ་ལ་གཏད་དེ་གློག་འཁྱུག་ པ་ལྟར་ཆས་སོ། །

དེ་ནས་བྲག་ནག་རྫ་ལ་གོང་མའི་ལ་རྩེར་སླེབས་ཤིང་། ཆིབས་རྟ་ལབ་རྩེའི་ཟུར་ལ་བཏགས་

ནས་ཅུང་ཟད་སྒུག་པ་ན། བདུད་པོ་བསམ་གྲུབ་བཙན་པོ་དེ་དང་དཔུང་རོགས་རྣམས་སྒ་འཇོག་ དང་སྟན་བསྟད་དུས་གཅིག རྨེད་ལེན་དང་སྲབ་སྐོན་དུས་གཅིག་ལ་བྱས་ཏེ། སྐྱ་ཐར་རེ་བྲག་

ནག་སྒང་ལམ་གོང་མར་གཏད་ནས་ཆས་བྱུང་། བྲག་ནག་རྫ་ལམ་གོང་མའི་ལབ་རྩེ་ལ་སླེབས་པ་

དང་། བྱང་མཆིས་པའི་ཨ་སྟག་ལྷ་མོ་དེ་འདོ་བ་རག་དཀར་འཕུར་ཤེས་ཀྱི་གོང་ལ་བུད་ཅིང་། ཀི་ ཚག་ཚག་ཐོག་འབྲུག་གྲག་གྲག་གིས་ཐོག་དམར་དགུང་ནས་ལྷུང་བ་ལྟར་དམག་ཁྲོད་དུ་མཆོངས་ ཤིང་། འདོ་བ་རག་དཀར་འཕུར་ཤེས་ཀྱི་གོང་དུ་གཟུར་འདུག་ཅིག་བྱས་ཏེ་ཡོབ་སྔོན་ལ་བརྒྱངས།

རལ་གྲིའི་དཔའ་དམ་ལ་བཅངས་པ་ན། བདུད་པོ་བསམ་འགྲུབ་བཙན་པོ་དེ་རུ་སྔོན་ལ་ཀྲོང་ངེར་ བྱུང་སྟེ། ཁ་སྤྲོ་ཁ་ནས་ལངས། ཁ་ཤ་ཤ་འགུལ་ལྷོག་ལྷོག ཞེ་སྤྲོ་ཞེ་ནས་ལངས། དྲན་པ་ལྗི་

བ་འཕག་འཕག་བྱུང་ནས། རྟ་ཕོ་ཁམ་ནག་ལྡིང་ཤེས་ཀྱི་གོང་དུ་གཟུར་འདུག་དང་། ཡོབ་སྔོན་

ལ་བརྒྱངས་ཏེ་མདའ་ལྟོང་སྤྲད་དེ། ཅི་ཟེར་བལྟ་དགོས་བསམས་ནས། རྟ་ཁ་བཀག་ཅིང་བསྡད་ པ་ན། བྱང་མཆིས་པའི་ཨ་སྟག་ལྷ་མོ་དེ་ངར་རྒོད་གཏིང་ནས་འཁྲུགས་ཤིང་། འདོ་བ་རག་པ་

འཕུར་ཤེས་ཀྱི་གོང་ནས་ཡོབ་ལང་ཞིག་བརྒྱབ་སྟེ་ན་རེ། ཡ། ཁོ་རེ་བདུད་ཕྲུག་ཚེ་ཟད་རྣམས། ཚིག་ངན་པས་ཞེ་ཤ་བཅད་ནས་བྱུང་། དང་པོར་ང་ཡི་གླུ་ལ་ཉོན་ཟེར་ནས། ཕྱག་གཡོན་པས་

འགྲམ་པ་བསྐྱོར། གཡས་པས་རལ་གྲིའི་དཔའ་དམ་ལ་བཅངས་ནས་གླུ་འདི་ལྟར་བླངས་པའི་ ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །གླུ་ཐ་ལ་ལ་མོ་ཐ་ལ་ལེན། །གནས་གཡུ་ལོ་བཀོད་པའི་

40

ཞིང་ཁམས་ནས། །དུང་ལོ་འབར་བའི་གཞལ་ཡས་ནས། །མ་ཐུགས་རྗེ་སྒྲོལ་མ་དཀར་སྔོན་ མཁྱེན། །གླིང་དཀར་ལྷ་ཡི་ཞིང་བཀོད་ནས། །སེང་ཆེན་ནོར་བུ་དགྲ་འདུལ་རྣམས། །དེ་རིང་

དཔའ་མོའི་གྲོགས་ལ་བྱོན། །བདུད་ནག་འདུལ་བའི་དཔུང་རོགས་མཛོད། །ས་འདིའི་ས་ངོ་མ་

ཤེས་ན། །སྡར་མ་བྲོས་པའི་ལམ་ཁ་ནས། །མཁས་གཏམ་སྟོང་ལབ་བཤད་ས་རེད། །ང་འདྲ་ཨ་ སྟག་ལྷ་མོ་ཟེར། །བྱང་བདུད་ཤོག་གི་དཔོན་མོ་ཡིན། །ཁྱོད་སྡར་མའི་བརྙས་གཏམ་འཁུར་ལེ་

མིན། །འཇིག་རྟེན་སྔ་མོའི་གཏམ་དཔེ་ལ། །བརྙས་གཏམ་མི་ལ་མི་འགྲོ་ཟེར། །ལོང་ལྕགས་རྟ་ ལ་འགྲོ་ལེ་མིན། །ཁོ་རེ་ཚེ་ཟད་བསམ་འགྲུབ་བུ། །ཁྱོད་རྐུན་ཇག་དཔུང་གི་རུ་སྔོན་ལ། །གླིང་ གི་དཔའ་རྟུལ་དཔུང་ངོམས་དགོས་ལེ་མེད། །སེང་ཆེན་ནོར་བུ་དགྲ་འདུལ་དེར། །བདུད་ནག་ འདུལ་བའི་དཔུང་རོགས་ལ། །གོང་མ་ལྷ་ནས་མངགས་ལེ་རེད། །དགྲ་ཐུལ་ན་སྐྱེས་པ་ཕོ་མོ་

མེད། །བཏུལ་བའི་དགྲ་སྐལ་སུ་ཐོབ་ཡིན། །ཁོ་རེ་མི་གཡོག་སྣང་མཐོ་བ། །ཚུར་ཉོན་དང་འདྲ་མ་

འདི་འདྲ་གདའ། །ཚེར་ཕུང་བཟུང་བའི་བྱིའུ་ཆུང་དེས། །བྱ་ལམ་འོག་མར་མ་སླེབས་གོང་། །བར་ སྣང་གཤོག་པས་གཅོད་སྣང་ཤར། །ལུང་ཆུང་ཕུགས་ཀྱི་རྟ་གསར་དེས། །ཐང་ཆེན་འདབས་ལ་

མ་སླེབས་གོང་། །བྱང་ལམ་བང་གིས་གཅོད་སྣང་ཤར། །ཕ་མའི་གོ་ཡི་གཅེས་ཕྲུག་དེས། །རང་

ཁྱིམ་བདག་འཛིན་མ་ཕེར་གོང་། །འཛམ་གླིང་ཁ་ལོ་སྒྱུར་སྣང་ཤར། །ལྷོ་འཛམ་བུ་གླིང་གི་ས་ཆ་

ལ། །དགྲ་ཤ་ལོན་པའི་དཔའ་བོ་ལ། །སྐྱེས་པ་ཕོ་མོ་ཡོད་ལུགས་མེད། །དཔའ་རྩལ་སྙིང་སྟོབས་

སུ་ཆེ་ཡིན། །དེ་ནས་ཉོན་དང་ཁ་ཤོམ་ཅན། །དཔོན་སྡུག་དར་ཁྲི་བཙན་པོ་ཁོས། །མ་བྱས་ལས་

ལ་གཅིག་ཀྱང་མེད། །ཤིང་ཕོ་རྟ་ཡི་གནམ་ལོ་ལ། །ཇག་སྣ་རྨ་ཡུལ་སྟོད་ལ་གཏད། །རྨ་རྒྱལ་སྤོམ་ རའི་བང་མཛོད་ལས། །ཕོ་ཆེན་ཤ་བའི་ཁྱུ་སྣེ་བཅད། གླིང་རུ་སྡེ་བའི་མི་ཆེན་བསད། །བསགས་ པའི་རྒྱུ་ནོར་དཔུང་གིས་འཕྲོགས། །མ་བྱས་ལས་ལ་གཅིག་ཀྱང་མེད། །ང་བྱང་བདུད་ཨ་སྟག་ ལྷ་མོ་ང་། །ཕོ་ཆེན་ཤ་བའི་ར་མདའ་དང་། མི་བསད་སྟོང་བསྙག་འོ ང་ལེ་ཡིན། །ཁྱོད་ཇག་ཚོ་ བསད་ཀྱང་ཚིམས་ས་མེད། །བདུད་རྗེ་དར་ཁྲི་བཙན་པོ་དེ། །དམར་བསད་མགོ་འཕྲུ་ལེན་རྒྱུ་

41

ཡིན། །བདུད་སྡེ་ཆོས་ལ་མ་བསྒྱུར་ན། །ཁ་གླིང་ཡུལ་བསྐོར་ན་ཝ་མོ་ཡིན། །གོ་ཨེ་ཐལ་ཁོ་རེ་ བསམ་འགྲུབ་བུ།།

ཞེས་གླུ་དེ་ལྟར་བླངས་ཤིང་། མདུང་མོའི་སོ་ཤུབས་ཕུད་ཅིང་བར་སྣང་ལ་ལན་གསུམ་བསྐོར་

བས། འུར་སྒྲས་ས་གཞི་འདར་ལེ། ཟི་རས་བར་སྣང་འགེངས་ལེ་བྱས་ཏེ་གདོང་ལ་མཆོངས་ནས་ ལན་གཅིག་བསྣུན་པས། བདུད་པོ་བསམ་འགྲུབ་བཙན་པོའི་བྲང་ནུ་མ་གཉིས་བར་ལ་ཐེབས་ཏེ་

རྒྱབ་ཀྱི་སོག་བར་ནས་མདུང་སོ་སྔོ་རྒྱང་ངེར་བུད་ཅིང་རྟ་ཐོག་ནས་ལྷུང་ལ་ཁད་བྱུང་། བདུད་པོ་ དེ་ང་རྒྱལ་ཆེ་སྟབས། ཨམ་ཙིག་བསྡམས་ནས་རལ་གྲི་ཤུབས་ལས་བཤངས་ཏེ་ཨ་སྟག་ལ་ལན་

གསུམ་བཏབ་ཀྱང་ཁྲབ་བྱང་ཁ་ཤས་གཏོར་བ་ལས། ནང་དུ་སེང་ཆེན་རིན་པོ་ཆེ་ཡི་ན་བཟའ་དང་ མ་གྲུབ་པ་རྒྱལ་མོའི་ཚེ་མདུད་ཡོད་པ་དེར་བརྟེན་ནས་སྐུ་ལ་བར་ཆད་མ་བྱུང་། ཨ་སྟག་གིས་རལ་

གྲི་ཤུབས་ལས་བཤངས་ཏེ་ལན་གཅིག་གཡུགས་པས་བདུད་པོ་བསམ་འགྲུབ་བཙན་པོའི་ཕྲག་ གཡོན་པའི་གོང་ལ་ཐེབས་ཏེ། ཕྲག་གཡོན་གྱི་མཆན་ལོག་བར་རྡུམ་མེར་འཕངས་ནས་བསད།

མགོ་འཕྲུ་ལེན་ལོང་མེད་པར་ངར་ཆེན་གྱིས་དམག་ཁྲོད་དུ་མཆོངས་ཤིང་། དམག་མང་རྣམས་ འཕར་བས་ར་ཁྱུ་དཀྲུག་པ་ལྟར་བྱས་ནས་བཅོམ། ཁ་ཤས་ཀྱིས་པུས་མོ་ས་ལ་བཙུགས་ཤིང་ མཐེ་མོ་གནམ་ལ་ཀེར་ནས་ཨ་སྟག་ལ་སྐྱབས་ཞུ་དང་མགོ་འབུལ་ཞུས། ཨ་སྟག་ནས་བསད་

པའི་དམག་དཔོན་རྣམས་ཀྱི་མགོ་ལག་དང་རྟ་ཁྲབ་འཁོར་གསུམ་བླངས། མགོ་འབུལ་ཞུས་པའི་ དམག་རྣམས་ཁྲིད་ཅིང་། ཀི་བསོ་ལྷ་རྒྱལ་གྱིས་རི་ལུང་གང་ལེ་མཛད་དེ་ཁྲ་མོ་གླིང་གི་དམག་ སྒར་ཕྱོགས་སུ་ཁ་ལོ་བསྒྱུར་ཏོ། །ཞེས་པ་སྟེ་ལེའུ་བརྒྱད་པ་རྫོགས་སོ།། །།

42

ལེའུ་དགུ་པ། ཤན་འདན་སྟག་མོ་ཁ་སྤྲོད་ཀྱིས།།

དགྲ་དཔུང་ར་ཁྱུའི་སྲོག་རྩ་འགེམས།། ཤར་གྱི་སྟག་གཟིག་གཟན་ལ་ཆས།། བྱང་གི་ཕྱུགས་ཁྱུ་ཐང་ལ་བརྡབས།།

ཉི་མ་དེ་ཡི་ཕྱིའི་གཟའ་མིག་དམར་དང་། སྐར་མ་དབྱུ་གུའི་འགྲུབ་སྦྱོར་ཉིན་དེར། དཔའ་ཚ་

ཞང་འདན་མ་བྱང་ཁྲ་དེ། ཁས་ལེན་རྟ་དམག་བཅུ་དང་། དཔའ་རོགས་ལྔ་བརྒྱས་བསྐོར་ཞིང་ཀླུ་

བདུད་ཚང་ནས་ལངས་འདྲ་བྱས་ཏེ་ཆས། དུས་དེའི་མཉམ་དུ། ཧོར་སྡིག་གཅོད་ཤན་པ་རྨེ་རུ་དེ། ཁས་ལེན་རྟ་དམག་བཅུ་དང་། དཔའ་རོགས་དཔའ་རྒོད་ལྔ་བརྒྱས་སྐོར་ཞིང་གཤིན་རྗེ་སྲོག་ལ་

རྔམ་འདྲ་བྱས་ཏེ་ཆས། དེའི་སྐབས་སུ། བདུད་ཀྱི་སོ་པ་རྣམས་ཀྱིས་ནམ་ཉིན་མཚན་བྱས་ནས་

བལྟས་ཡོད་གཤིས། ཁོ་ཚོས་ཤན་འདན་གཉིས་ཀྱི་དམག་དེ་འོ ངས་པ་མཐོང་སྟེ། དུག་ཤིང་ནག་ པོའི་བརྡ་བསང་བཏང་བ་ན། བདུད་རྗེ་དར་ཁྲི་བཙན་པོའི་སྒར་ནས་དགྲ་འོང་བ་ཤེས་ཤིང་ཟིང་ ཟིང་ལང་ལོང་བྱེད་པའི་དུས་དེར། ཤར་གྱི་སྒར་ཟུར་དུ་དཔའ་ཚ་ཞང་འདན་མ་དེ་གཡུ་འབྲུག་

མཚོ་ནས་ལངས་འདྲ་བྱས་ཏེ། འདོ་བ་དངོས་གྲུབ་ལྡེམ་པའི་གོང་ལ་གཟུར་འདུག་ཅིག་བྱས་ནས།

གཏམ་ཡར་ལན་གླུ་ཡི་འདྲ་མ། མར་ལན་གཏམ་གྱི་ལྡེ་མིག དོན་གལ་ཚིག་གི་འབབ་སོ་ཡི་གླུ་ འདི་ཐ་ལ་དྲུག་འགྱུར་གྱི་ངག་རྟ་ལ་དྲངས་ནས་བླངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །གླུ་ཐ་ལ་ལ་མོ་ཐ་ལ་ལེན། །དེ་ནས་ནག་པོའི་བདུད་ཀྱི་སྒར། །ཉོན་

དང་ཡིན་ལུགས་ཚིག་འགའ་ཡོད། །བདུད་དགྲ་མ་བཏུལ་བསམ་པ་མེད། །འདི་འདྲའི་སྤྲང་སྒར་

43

མཐོང་མ་མྱོང་། །འདི་ཇག་པ་ཡིན་ན་ཉུང་སྐྱོན་གདའ། །རྐུན་མ་ཡིན་ན་མང་སྐྱོན་གདའ། །ཤར་ ཁྲ་མོ་གླིང་གི་ལས་དམག་ལ། །འགྲན་ཡ་འོང་བསམ་སྣང་བ་འཕྲུལ། །ཁྱི་ཕྲུག་གཟིག་ལ་ཁ་རྩེད་

དང་། །གླང་རོག་པོས་འབྲོང་ལ་རྭ་རྩེད་དང་། །བྱིའུ་ཆུང་ཁྲ་ལ་གཤོག་རྩེད་འདྲ། །བདུད་རྗེ་དར་ ཁྲི་བཙན་པོ་ཁོས། །མ་བྱས་ལས་ལ་གཅིག་ཀྱང་མེད། །ཤིང་ཕོ་རྟ་ཡི་གནམ་ལོ་ལ། །རྨ་ཡུལ་

སྟོད་ལ་ཇག་ལམ་བཏོད། །ཤར་རྨ་ཆེན་སྤོམ་རའི་བཀག་རྒྱ་བཤིག །ཤ་ཕོ་ཆེན་དགུ་སྟོང་དགུ་ བརྒྱ་བརྐུས། །ཁྲ་མོ་གླིང་གི་ས་ཆ་ནས། །བསགས་པའི་རྒྱུ་ནོར་དཔུང་གིས་འཕྲོགས། །སྐྱེས་ པའི་མི་ཕོ་མཚོན་ལ་དྲངས། །དེ་འདྲ་བྱས་པའི་ཤ་ལན་ལ། །ངེད་གླིང་གི་ལས་དམག་ཆས་ནས་

འོངས། །ད་བདུད་རྗེའི་མགོ་ལག་ལེན་རྒྱུ་ཡིན། །བདུད་སྡེ་ཆོས་ལ་བསྒྱུར་རྒྱུ་ཡིན། །ཤ་ཕོ་ཆེན་ གཏེར་གཡང་འཕྲོག་རྒྱུ་ཡིན། །ཤ་ཤོར་ཤ་ལན་དགུ་སྐོར་དང་། །ཁྲག་ཤོར་ཁྲག་ལན་བཅུ་སྐོར་

དང་། །ཇུས་ཤོར་ར་མདའ་བརྒྱ་སྐོར་ཞིག །དེ་མ་བྱས་འདན་མ་རོ་དང་འདྲ། །ཁོ་རེ་བྲག་རྗེ་བཙན་ པོ་བུ། །དོང་ནག་པོའི་ནང་ལ་མ་འཛུལ་ནས། །དཔའ་ཡོད་ན་འདན་མའི་གདོང་ལ་ཤོག །བདུད་

ཀྱི་སྤྲང་པོའི་དམག་ཉོབ་ལ། །མདའ་སྐྱེན་པོ་ཡོད་ན་ད་རེས་ཕོངས། །གྲི་རྣོན་པོ་ཡོད་ན་ད་རེས་

གཡུགས། །ད་རེས་གདོང་ལ་མ་བྱུང་ན། །ཁྱི་ནག་པོ་དགུ་ཡི་གྲལ་ལ་འཇོག །ཡང་ན་མགོ་འབུལ་ ཕྱག་འབུལ་གྱིས། །གོ་ཁྲབ་འཁོར་གསུམ་ཐང་ལ་ཞོག །སྔར་བྱས་སྡིག་ལས་བཤགས་སྦྱང་

གྱིས། །སྐྱབས་ཞུ་གེ་སར་དཔོན་ལ་གྱིས། །མགོ་འབུལ་འདན་མ་ང་ལ་ཞུས། །དེ་བྱས་ན་མི་

གསོད་ཚེ་ཐར་གཏོང་། །གལ་སྲིད་འཛིང་སྣང་ཤར་བ་ན། །ཚ་ཞང་འདན་མ་བྱང་ཁྲ་དང་། །སྡིག་

གཅོད་ཤན་པ་རྨེ་རུ་གཉིས། །དཔུང་རོགས་དཔའ་བོས་ཁས་ལེན་གྱིས། །ཐང་གཞོངས་རོ་ཡིས་

གང་ལེ་དང་། །གཤོང་གཤོང་ཁྲག་ཆུ་འབབ་ལེ་གཉིས། །དཔའ་དེ་བྱས་དགུང་ལ་གྲགས་ལེ་ གསུམ། །མ་བྱས་འདན་མ་རོ་དང་འདྲ། །གོ་ཨེ་ཐལ་ཁོ་རེ་སྤྲང་དམག་དཔུང་། །

ཞེས་ཟེར་ཞིང་རལ་གྲི་འཇང་བ་ཡུ་དམར་གྱི་དཔའ་ལུང་མཛུབ་མོར་བསྐོན། ཁོང་གི་བསམ་

པར། དང་པོ་གདོང་ལ་སུ་བྱུང་བལྟ། དེ་ནས་དམག་ཁྲོད་ལ་རྒྱུགས་ནས་དཔའ་དེ་བྱས་ཀྱི་རྟིང་མ་

44

དགུང་ལ་གྲག་པ་ལེན་དགོས་བསམས་ནས་བསྡད་པ་དང་། དཔུང་སྒར་དེ་ཡི་ནང་ནས་དམག་

དཔོན་གཟའ་རྒོད་ཡ་མེད་ཟེར་བ་དེ། འདོ་བ་སྨུག་གུ་ལྡིང་ཤེས་གོང་ལ་བུད་ཅིང་འདན་མའི་གདོང་ བཀག་ནས། མདའ་དེ་སྤྲིངས་བྱུང་བས། ཐེའུ་རང་གི་ནུས་མཐུ་ཡིས་འུར་སྒྲ་དང་མེ་སྟག་འཚུབ་

སེ་བྱུང་སྟེ་འདན་མའི་བྲང་དཀྱིལ་ལ་འཐེབས་པ་ན། ལྷ་ཨོ་རྒྱན་པདྨའི་བྱིན་རླབས་དང་སེང་ཆེན་

རྒྱལ་པོའི་ཐུགས་རྗེ་དང་ནང་དུ་དགྲ་ལྷ་ཝེར་མའི་ཚེ་གོས་སྨུག་པོ་དང་། སངས་རྒྱས་སྟོང་གི་དབུ་ ལོ། མ་གྲུབ་པ་རྒྱལ་མོའི་ཚེ་མདུད་བཅས་ཡོད་པ་དེར་བརྟེན་ནས་སྐུ་ལ་ཅི་ཡང་གནོད་མ་ཐུབ། བདུད་པོ་གཟའ་རྒོད་ཡ་མེད་དེས་རལ་གྲི་ཤུབས་ནས་བཤངས་ཏེ་འདན་མའི་ཐོག་ལ་མཆོངས་

ཤིང་གྲི་ལན་མང་བཏབ་ཀྱང་། འདན་མའི་གོ་ཁྲབ་ཁ་ཤས་གཏོར་བ་ལས་སྐུ་ལ་ཅི་ཡང་གནོད་མ་ ཐུབ། དཔའ་ཡ་མེད་ཚ་ཞང་འདན་མ་དེ་ངར་རྒོད་གཏིང་ནས་འཁྲུགས་ཏེ། འདོ་བ་དངོས་གྲུབ་

ལྡེམ་པའི་གོང་ནས་སྒ་འགྱུར་ཞིག་བརྒྱབ་སྟེ་ན་རེ། ཡ། ཁོ་རེ་སྡར་མ་གཟའ་རྒོད་བུ། ཁྱོད་གཟའ་ རྒོད་མ་རེད་ཁྱི་རྒན་རེད། ཁྱི་རྒན་སྐྱག་པས་རྒྱག་ལེ་རེད། སྡར་མས་ལག་སྔ་བྱེད་ལུགས་ལ། དཔའ་ཅི་འདུག་ང་ཡིས་ཤེས་ནས་བྱུང་། ངེད་ཁྲ་མོ་གླིང་གི་དཔའ་རྟུལ་ཚོས། མདའ་འཕེན་ན་

དེ་འདྲ་འཕེན་སྲོལ་མེད། གྲི་གཡུག་ན་དེ་འདྲ་གཡུག་ལུགས་མེད། དགྲ་མི་ཐུབ་ལག་སྔ་འཇོག་ རྒྱུ་དེ། བདུད་དར་ཁྲི་དམག་གི་ལུགས་སྲོལ་རེད། ངའི་རལ་གྲི་འཇང་བ་ཡུ་དམར་གྱིས། མི་རྟ་

ཕྱེད་གཤག་མ་བཏང་ན། ང་འདན་མ་ཤི་བའི་རོ་དང་འདྲ་ཟེར་ནས་རལ་གྲི་བར་སྣང་ལ་ཕྱར་ཏེ་ ལན་ཅིག་བཏབ་པས། གཟའ་རྒོད་ཡ་མེད་ཀྱི་རྨོག་གི་ཁྱུང་ཏོག་དཀྱིལ་དུ་ཐེབས་ནས་མི་རྟ་སྒ་

དང་བཅས་པ་གཉིས་སུ་གས་ཏེ་གཡས་གཡོན་ལ་འཕངས་ནས་བསད། མགོ་འཕྲུ་གོང་ལེན་

བྱས་ཤིང་ངར་ཆེན་གྱིས་དམག་ཁྲོད་ལ་མཆོངས། དམག་བརྒྱ་ཚོ་གསུམ་ཙམ་མཚོན་གྱི་ངར་

ལ་དྲངས་ཤིང་། དཔུང་རོགས་རྣམས་དང་མཉམ་དུ་རྒྱོབ་སོད་འབྲུག་སྟོང་གྲག་གྲག མདའ་སྐྱ་ སེར་རྒོད་འབབ་འབབ། གྲི་གཡུག་གློག་དམར་འཁྱུག་འཁྱུག་གིས་འཁྲུག་པར་གདའ།

ཡང་ཧོར་སྡིག་གཅོད་ཤན་པའི་དམག་ཤོག་དེ། བདུད་ཀྱི་དམག་སྒར་དེའི་ནུབ་ཕྱོགས་སུ་

45

སླེབས་ཤིང་། སྡིག་གཅོད་ཤན་པའི་རྒྱལ་པོ་མི་དམར་རྟ་དམར་བཙན་རྒོད་ཁྲོས་འདྲ། རྟ་དམར་

ཆུང་གི་གོང་ནས་སྒ་འགྱུར་ཞིག་བརྒྱབ་སྟེ། ཡོབ་སྔོན་ལ་བརྒྱངས། གྲི་མགོ་འཕུར་བཞིན་རྟ་དམར་ ཆུང་གི་གོང་ལ་གཟུར་འདུག་ཅིག་བྱས་ཏེ་རལ་གྲི་དུག་རལ་འབར་བ་དེ་ཕྱེད་ཙམ་ཕྱུང་། ཁོའི་

བསམ་པ་ལ། དང་པོར་གདོང་ལ་སུ་བྱུང་བལྟ། དེ་ནས་རྟིང་མ་རྒྱལ་ཁམས་ལ་གྲག་པ་ཞིག་ལེན་

དགོས་བསམས་ནས་བསྡད་པ་ན། དམག་སྒར་དེ་ཡི་ནང་ནས་དམག་དཔོན་སྟག་སྣ་ཁྲ་བོ་དེ་ཞེ་ རྒོད་གཏིང་ནས་འཁྲུགས་ཤིང་། འདོ་བ་ཁྱུང་སྒོང་རོག་པའི་གོང་ལ་བུད་དེ། རྫ་ནག་པོར་གྲིབ་

སོ་གུག་པ་ལྟར་བྱུང་བ་དང་། དེ་ཡི་རྗེས་སུ་དཔུང་རོགས་ལ་སྡིག་ཅན་མི་མགོ་ཁེར་སྐྱེས་ཟེར་ བ་དེའང་བྱུང་ཞིང་། དམག་སྒར་དེ་ཡི་ཟུར་དུ་ཐོན་ཏེ་ཤན་པའི་གདོང་བཀག་ཅིང་། རྟ་ཁ་སྤྲུག་ ཅིང་མཆོང་བྱུང་བ་ན། ཤན་པ་རྨེ་རུ་རྩེས་གེ་སར་ལ་དམའ་འབེབ་དང་མཚང་འབྲུ་བྱེད་པའི་

གཏམ་དེས་ང་རྒྱལ་ཚད་མེད་འཁྲུགས་ཤིང་། རལ་གྲི་དུག་རལ་འབར་བ་དེ་བར་སྣང་ལ་ཕྱར་

ནས་ཤོར་བྱུང་སྟེ། ཁོ་དམག་དཔོན་གཉིས་དང་གྲི་ཁ་འགྲན། ཤན་པས་ངར་ཆེན་གྱི་དམག་དཔོན་ གཉིས་ལ་གྲི་རེ་བཏབ་སྟེ་བསད་ཅིང་། མགོ་འཕྲུ་གོང་ལེན་བྱས། ངར་ཆེན་གྱིས་དམག་ཁྲོད་ལ་ མཆོངས་ནས་དམག་སྒར་དེ་འཕར་བས་ར་ཁྱུ་དཀྲུག་པ་ལྟར་བྱས་ཤིང་། གདོང་ལ་སུ་བྱུང་རལ་ གྲིའི་ངར་ལ་དྲངས་ཏེ། མི་རོ་རྟ་ལམ་འགོག་ལེ། མི་ཁྲག་གཤོང་ཆུ་འབབ་ལེ་བྱས། གཞན་གྱི་

དཔུང་རོགས་ཧོར་གྱི་དམག་དཔོན་ཐང་དཀར་རྩེ་རྒོད་གཙོར་བྱས་པའི་དཔའ་རྒོད་རྣམས་ཀྱིས་ བདུད་དམག་རྣམས་རམ་ནག་སེར་བས་བཅོམ་འདྲ་བྱས་པ་དང་། ཤན་པ་རྨེ་རུ་རྩེ་ཡིས་དགྲ་

དམག་རྣམས་རམ་ནག་སེར་བས་བཅོམ་འདྲ་བྱས་པ་དང་། ཤན་པ་རྨེ་རུ་རྩེ་ཡིས་དགྲ་དམག་ རྣམས་ཡར་འདེད་རི་བོའི་རྩེ་ལ་དེད། མར་འདེད་གཙང་ཆབ་འགྲམ་ལ་དེད། ཤི་བསད་ཁྲག་

གི་འཁོར་ལོ་བསྐོར་ཏེ། རལ་གྲི་དུག་རལ་འབར་བའི་སོ་ཁ་ལ་ཁྲག་ཤ་ཆགས་བྱུང་བས། རྟ་ཡི་ རྔོག་མར་བྱིལ་བྱིལ་ལན་གསུམ་བྱས་ཤིང་། སླར་ཡང་སྒར་ནང་དུ་མཆོངས་ཏེ་ལས་གུར་རྣམས་

ལ་རལ་ཤན་བརྒྱབ། ཇ་ཐབ་བཅོ་བརྒྱད་རྫོགས། ཐལ་གསུར་གྱིས་གནམ་ས་སྒྲིབ་ལེ་བྱས་བྱུང་

46

བ་ན། དམག་དཔོན་རྒོད་པོ་བཙན་རྒོད་འབར་བ་དེ་ངར་རྒོད་རྨེ་ནས་འཁྲུགས་ཤིང་། རྟ་ཕོ་གླག་ ནག་ལྡིང་ཤེས་ཀྱི་གོང་ལ་བུད་ནས། ཤན་པའི་གདོང་བཀག་སྟེ། སྟོང་འཇུག་མེད་པའི་གླུ་འདི་ འདྲ་ཞིག་བླངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །གནམ་ཐེའུ་ར་གྭ་ཚོ་གསུམ་མཁྱེན། །བར་

ཐེའུ་ར་ཐེའུ་དགུ་འབྱུང་མཁྱེན། །ས་ཐེའུ་དུ་བ་མགོ་དགུ་མཁྱེན། །ཡུལ་བདག་དྲེད་ལེ་སོག་དཀར་ མཁྱེན། །དེ་རིང་དཔའ་བོའི་དཔུང་རོགས་མཛོད། །ས་འདིའི་ས་ངོ་མ་ཤེས་ན། །བྲག་དམར་རི་ ཡི་མར་གཤམ་ནས། །རྐྱང་ཆུ་སྔོན་མོའི་གཡས་ཟུར་རེད། །ཕོ་ང་འདྲ་ང་ངོ་མ་ཤེས་ན། །དར་ ཁྲི་བཙན་པོའི་དམག་དཔོན་ལ། །རྒོད་པོ་རྒོད་བཙན་འབར་བ་ཟེར། །རྒྱལ་ཁམས་ཡོངས་ལ་

འབྲུག་ལྟར་གྲགས། །ཁོ་རེ་མི་དམར་རྟ་དམར་ཅན། །ངན་ལང་ཤོར་བའི་མི་ཕོ་ཁྱོད། །རྒོད་

ཚོད་ལ་ནས་མི་ཟིན་པར། །མི་བསད་ནམ་ལངས་མུན་པ་འཐིབས། །དེ་འདྲ་དགོས་དོན་ཅི་ལ་

རེད། །འཇིག་རྟེན་སྔར་མི​ིའི་གཏམ་དཔེ་ལ། །ཁྱི་བདའ་ལི་གཟིག་གིས་ཟ་ཁ་ལ། །བདག་པོ་བསྐྱུར་ ནས་ནགས་རྫོང་འགྲིམས། །བན་ཆུང་སྡོམ་པ་འཆོར་ཁ་རུ། །དགོན་ཁྲ་མོ་བསྐྱུར་ནས་དམག་ལ་

ཆས། །ཟེར་ལེའི་དཔེ་དང་མཚུངས་ནས་འདུག །རྗེ་དར་ཁྲི་བཙན་པོའི་ས་ཆ་ལ། །རང་སྡེ་འཛིང་ རྩོད་ཆོག་ལེ་མིན། །འཛིངས་ན་རྒྱལ་པོའི་ཁྲིམས་ལ་སྦྱར། །རྐུན་མས་ཧམ་པ་འཁྱེར་ཆོག་ལེ་

མིན། །བརྐུས་ན་གཟུག་བཞི་ཐག་པས་སྡོམ། །ས་ཆ་བཙན་པོ་དེ་འདྲ་ལ། །ཁྱོད་ཚོ་ཉུང་དཔུང་ འཇུག་ཅི་ལ་བྱེད། །ད་རེས་བྱུང་བའི་དམར་པོ་སྐྱ། །ཧོར་གྱི་ཤན་པ་ཡིན་རབས་ཟེར། །ངས་ རིང་པོ་རྣ་བས་ཐོས་ཚུལ་ལ། །མགོའི་ཡ་ཐོད་དཔའ་བོས་མདའ་རྟགས་བླངས། །ད་རུང་ཡིན་

མདོག་ཤ་རེ་ཚ། །ཉི་མ་དེ་རིང་གདོང་གང་ལ། །སྡིག་གཅོད་ཤན་པ་རྨེ་རུ་དང་། །དཔུང་ཐོགས་ ཁས་ལེན་དུ་ཡོད་དེ། །དམར་བསད་ཁྲག་ལ་བསྒྲེ་རྒྱུ་ཡིན། །མགོ་འཕྲུ་དཔའ་བོས་དཔའ་རྟགས་ འཁྱེར། །འདོ་དྲུག་འཁོར་གསུམ་རྟིང་མ་ཡིན། །རྗེ་རྒྱལ་པོའི་ཞབས་ཕྱི་འགྲུབ་ལེར་བྱེད། །མ་

47

བྱས་དཔའ་བོ་རོ་དང་འདྲ། །གོ་ན་རྣ་བའི་བདུད་རྩི་གྱིས། །མ་གོ་སྙིང་གི་ཚེར་མ་གྱིས།།

ཞེས་ཟེར་ཞིང་ཤན་པའི་སྟེང་ལ་མཆོངས་བྱུང་བས། མདུང་ལན་གཅིག་ཤན་པ་ལ་འཕུལ་བ་

ན། ཤན་པས་རལ་གྲི་ཚུར་གཡུག་པ་དང་ཐུག་སྟེ་མདུང་སྐེ་རྡུམ་སེ་བཅད། ཡང་རལ་གྲི་ཤུབས་ ནས་ཕྱུང་སྟེ་ཤན་པ་ལ་ལན་གཅིག་བཏབ་ཀྱང་མཚོན་མ་སོང་། ཤན་པས་ཚུར་རལ་གྲི་ལན་

གཅིག་བཏབ་པས། ཁྲབ་བྱང་དང་སྲུང་བ་གང་གིས་ཀྱང་མ་བརྟན་པར་དཔུང་པ་གཡས་པའི་ སྟེང་དུ་གྲི་རྨས་ཆེན་པོ་བྱས་པ་ན། ཁོས་ཤན་པའི་གདོང་མ་ཚུགས་པར་བྲོས་ཏེ་སོང་། ཤན་

པ་དང་ཧོར་གྱི་པཱ་དུར་རྣམས་ཀྱིས་ཁོ་ཡི་རྗེས་བཞིན་དེད་ཀྱང་རྗེས་མ་ཟིན་པར་ཤོར་སོང་། ལྷོ་ ཕྱོགས་ཀྱི་དམག་སྒར་དེ་རམ་ནག་སེར་བས་བཅོམ་པ་ལྟར། མི་རོའི་བམ་ཐང་བཀྲམ། ཁྲག་

དམར་ཡུར་ཆུ་འཐེན་པ་བྱས་ཏེ་སྒར་ཟུར་དུ་བུད། ལས་དམག་ཕྱིར་འབྱེད་འཐེན་བྱེད་དགོས་པའི་ བརྡ་བཏང་ནས། ཀི་བསོ་ལྷ་རྒྱལ་གྱི་ངང་དེར་གླིང་སྒར་ཕྱོགས་སུ་ཆས་སོང་། ལ་ཉག་ཞིག་གི་ ཕར་ལོག་ནས་འདན་མ་དང་ལས་དམག་རྣམས་དགའ་སྤྲོའི་ངང་ཀི་བསོ་ལྷ་རྒྱལ་གཏོང་བཞིན་ སླེབས་ཡོང་བ་དང་འཕྲད་དེ་ཁོང་རྣམས་མཉམ་དུ་སོང་བ་དང་། ཤན་པའི་བསམ་པར། ད་ས་

འདི་ནས་ར་མདའ་འདྲ་ཨེ་བྱུང་བལྟ་དགོས་དགོངས་ཏེ། དམག་རྣམས་སྔོན་ལ་མངགས་ཤིང་། ཁས་ལེན་རྣམས་དང་མཉམ་དུ་ཅུང་ཙམ་སྒུག་པ་ན། དམག་དཔོན་བསམ་འགྲུབ་དར་རྒྱས་དེ་ ཉིད་འདོ་བ་བྲ་ནག་ཁྲི་དཀར་གྱི་གོང་དུ་བུད་ཅིང་ར་མདའ་ལ་ཆས་ཏེ། སྒང་ཉག་དེའི་ཕར་ནང་ ནས་ཤན་པ་དང་དམག་མི་རྣམས་འགྲོ་བ་མཐོང་ནས། ཀི་ཤར་ཚག་ཚག་ཐོག་འབྲུག་གྲག་པ་

ལྟར་གྱིས་རི་གཟར་ནས་རྦབ་རྒོད་འདྲིལ་བ་ལྟར་རྒྱུགས་ཏེ་བྱུང་ལ། མདའ་རྒོད་གཞུ་ལ་བསྒྲོན་

ནས། ཤན་པའི་གདོང་བཀག་ཅིང་། མདའ་དེ་འུར་སྒྲ་དང་བཅས་མེ་བོང་བ་ཙམ་དང་མཉམ་དུ་ འཕངས་བྱུང་བ་ན། ཤན་པའི་ཁྲབ་ཀྱི་སྟོད་ཁེབས་ཙམ་ལ་ཐེབས་ཏེ་ཁྲབ་བྱང་ཁ་ཤས་གཏོར་

བ་དང་འབྲེལ། མདའ་ཡི་ཤུགས་གཟེར་གྱིས་རྟ་ཐོག་ནས་ལྷུང་ལ་ཁད་བྱུང་བ་ན། དགྲ་ལྷ་ཝེར་ མས་སྐྱོར་མ་བྱས་ནས་ལྷུང་མ་ཐུབ་པ་དང་སྐུ་ལའང་བར་ཆད་མ་བྱུང་། སྡིག་གཅོད་ཤན་པ་རྨེ་

48

རུ་དེས་སྒ་འགྱུར་ཞིག་བྱས་ཏེ། གནམ་ལྕགས་ཤེལ་གྱི་སྟ་རེ་དེའི་སོ་ཤུབས་ཕུད། རྟ་དམར་ཆུང་ གི་གོང་ལ་ཟུར་འདུག་ཅིག་བྱས་ཤིང་ཡོབ་སྔོན་ལ་བརྒྱངས་ནས། གནམ་ལྕགས་ཤེལ་གྱི་སྟ་རེ་ དེ་བར་སྣང་ལ་ཕྱར་ཏེ་ལན་གཅིག་བཏབ་པ་ན། བདུད་པོ་དེ་ཡི་རྨོག་གི་དཀྱིལ་ལ་ཐེབས་ནས། མི་དང་རྟ་ཕྱོགས་གཉིས་སུ་གས་ཤིང་ཐང་ལ་བསྒྱེལ་བ་དང་རླུང་འཚུབ་སྤུད་བསྐོར་ཞིག་བྱུང་

བས་མི་སྣང་བར་གྱུར་ཏོ། །དེ་ནས་ཤན་པ་དཔོན་བློན་རྣམས་ཀྱིས་ཀི་བསོ་འབྲུག་སྒྲ་ལྡིར་བ་ ལྟར་བྱས་ནས་གླིང་སྒར་གྱི་ཕྱོགས་སུ་ཆས་སོ། །

སེང་ཆེན་རིན་པོ་ཆེ་དང་། སྤྱི་དཔོན་ཁྲུ་ཚན་གཉིས་ཀྱིས་གསུངས་པར། དེ་རིང་ཤན་

འདན་གཉིས་ཀྱི་དཔུང་གིས་རྟིང་མ་བླངས་པ་དེ་རྟེན་འབྲེལ་ཤིན་ཏུ་ཆེ། ཁོང་གི་དམག་དཔོན་

རྣམ་གཉིས་གླིང་དཀར་པོའི་རྒྱལ་ཆུས་འཚོ་མི་རེད། དཔའ་འདི་འདྲ་མེད་ན་ཅི་འདྲ་ཡོད། ཚུར་

འཁོར་རྟིང་མའི་དཔའ་དར་ལ། རྟ་འདོ་བ་རེ་ཡིས་མགོ་བྱས་ཏེ་དགུ་ཚན་རེ་རེའི་དཔའ་དར་ཡོད།

ཁས་ལེན་ལས་དམག་གང་ཡོད་ལ་གསེར་ཏྲམ་བཅུ་རེའི་དཔའ་དར་དང་། རང་རང་ལོན་པའི་རྟ་

ཁྲབ་འཁོར་གསུམ་བཅས་རང་ཤོག་དམག་གིས་བགོས། ལས་དང་པོའི་ནང་གི་མགོ་མ་ཡིན། ད་

དགའ་སྤྲོ་བྱུང་ངམ་གླིང་གི་དཔུང་གསུངས་སོ། །ཞེས་སེང་ཆེན་རིན་པོ་ཆེ་ཡིས་ཁོང་རྣམ་གཉིས་ ལ་དར་རེ་དང་ཕུ་མདུད་རེ་ཆད་ལུས་མེད་པར་གནང་ནས། དཔའ་ཁ་གཟེངས་བསྟོད་རྒྱ་ཆེན་པོ་ བྱས་ནས་བཞུགས་པ་གདའ་འོ ། །ཞེས་པ་སྟེ་ལེའུ་དགུ་པ་རྫོགས་སོ།། །།

49

ལེའུ་བཅུ་པ། གཡུལ་ཉེས་ཤོར་བས་དོམ་ཁྲ་ཁྲོས།།

ཁྲ་མོ་གླིང་སྒར་ཁྲག་བཞིན་དཀྲུགས།། དཔའ་ལ་ཨ་སྟག་མཉམ་རུབ་ཀྱིས།།

བདུད་བློན་གཉིས་པོའི་མགོ་འཕྲུ་བླངས།།

དེ་ནས་དར་ཁྲི་བཙན་པོའི་དམག་ཤོག་དེ་དམག་ཉེས་བྱུང་བས་ཧུ་ཤི་ཁལ་རྒོད་ངུར་ངུར།

བྲང་ཁོག་རྔ་གོག་བརྡུང་བརྡུང་བྱས། དཔའ་ཆགས་ཤིང་སེམས་འཚབ་ནས། ཚང་མ་ན་རེ། དེ་རིང་ གླིང་གི་དམག་དཔོན་གཉིས་དང་ལས་དམག་དུམ་ཞིག་གིས་རང་རེའི་དམག་སྒར་འདི་རམ་ནག་ སེར་བས་བརྡུང་འདྲ་བྱས། ལས་གུར་ལ་རལ་ཤན་བརྒྱབ་ནས་དམག་ཉེས་ཆེན་པོ་འདི་བཟོས། གླིང་གི་དམག་མང་དང་དཔའ་རྟུལ་མང་པོ་ཞིག་འོ ངས་ནས་ལས་ཡག་པོ་མི་བྱེད་སེམས་ཐག་

རེད་ཟེར་ནས། སེམས་ཀྱི་གོང་ཤིང་ཆག ངུ་འབོད་དང་མྱ་ངན་བྱེད་བཞིན་བསྡད་པ་ན། དམག་

དཔོན་དར་རྗེ་བཙན་པོ་ན་རེ། ཡ། འདིར་འཚོགས་བཀའ་བློན་དམག་དཔོན་རྣམས། དམག་ཉེས་ ཅུང་ཟད་བྱུང་བའི་དུས་སྡུག་བསྔལ་བྱས་པས་ཅི་ལ་ཕན། འཐབ་འཁྲུག་ཆེན་པོ་བྱེད་པའི་སྐབས། ཁེ་ཕན་ཅུང་ཟད་འོང་བ་ནི་བསམ་མི་དགོས་པ་ཞིག་རེད། སེམས་སྡུག་དང་སྡར་གཏམ་བྱས་ པས་ཅི་ལ་ཕན། ཕྱི་རབས་མི་ཡིས་འཕྱ་རོགས་ལས་མེད། དེ་བས་དམག་མགོ་འཚོས་ནས་

སྡོད་དང་། ཞག་གཉིས་ཀྱི་མཚམས་ར་མདའ་དང་ཤ་ལན་ལ་སོང་ནས། དཔའ་དེ་བྱས་ཀྱི་རྟིང་ མ་དགུང་ལ་གྲགས་པ་རེ་མ་བླངས་ན། སྐྱེས་ཕོ་ལུས་བླངས་པ་སྟོང་པ་ཡིན་ཟེར་ཞིང་བསྡད།

དུས་དེའི་སྐབས་སུ། གླིང་སྒར་ནས་དམག་དཔོན་དང་བཀའ་བློན་རྣམས་ལས་གུར་ལ་

འདུས་ཏེ། ཟགས་ཁྲི་དམར་པོའི་ཡང་གོང་། དམར་ཡག་སྟག་གི་གདན་སྟེང་ནས། ཧོར་སྡིག་

50

སྤྱོད་ཤན་པ་རྨེ་རུ་དེས། དུ་བ་རྔུབ་རེ་འཐེན་པའི་དུས། མཚོ་ནས་སྨུག་པ་ལངས་འདྲ། སྨུག་

ཀླུང་མཁའ་ལ་འཁྲིགས་འདྲ་བྱས་ནས། ཚགས་རོ་དེ་སོག་ལྷམ་མཛེར་དཀར་དགུ་བསྒྲིགས་ ངོས་ལ་བརྡབ་སྟེ་བསྡད།

ཉི་མ་དེ་ཡི་ཕྱི་ཉིན། བྱང་དར་ཁྲི་རྗེ་ཡི་སྒར་ནང་ནས་རྒོད་པོ་དོམ་ཁྲ་སྨྱོན་པ་ཟེར་བ་དེ། འདོ་

བ་བྱ་ཁྲ་འཕུར་ཤེས་ལ་སྒ་ཆས་སྤྲས་ནས། ནམ་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་

མདའ་མ་རྒྱུགས། བྱ་ཕོ་རོག་གིས་ཟ་ཆུ་མ་འཐུངས་པའི་དུས་དེར། གླིང་སྒར་གྱི་ཕྱོགས་སུ་ཆས་ བྱུང་བ་ན། གླིང་གི་སོ་པ་རྣམས་ཀྱིས་མཐོང་སྟེ་བརྡ་བསང་སྤྲིན་དཀར་ལངས་འདྲ་བཏང་བྱུང་

བས། གླིང་གི་སྒར་ནང་ནས་དགྲ་འོངས་པ་ཤེས་ཤིང་། གོ་གྱོན་མཚོན་ཐོགས་དང་། འཐབ་ར་ རྫོང་བཙན་བཟུང་ནས་བསྡད་པའི་སྐབས། བདུད་ཀྱི་དམག་དཔོན་དོམ་ཁྲ་ཡ་མེད་དང་དཔུང་

རོགས་ཆིག་སྟོང་ཙམ་ཞིག་གླིང་སྒར་གྱི་གཡས་ཟུར་ལ་སླེབས་ཏེ། རྟ་གོང་དུ་གཟུར་འདུག་ཅིག་ བྱས་ཤིང་། མདུང་མོའི་སོ་ཤུབས་ཕུད་ནས། གླིང་སྒར་ལ་སྡིགས་མོ་བྱེད་བཞིན། ཁོའི་བསམ་

པར། དང་པོ་རྒོད་པོ་སུ་བྱུང་བལྟ། དཔའ་བོ་ཁས་ལེན་ཞིག་གདོང་ལ་བྱུང་ན། དེའི་མགོ་སྐེ་བླངས་ ཏེ། དེ་ནས་དམག་སྒར་གྱི་ནང་ནས་རྟིང་མ་དགུང་ལ་གྲགས་པ་ཞིག་ལེན་དགོས་བསམས་ནས་

བསྒུག་ཅིང་བསྡད་ཙ་ན། བྱང་སྒར་བདུད་ཀྱི་དམག་ཤོག་ནས། བྱང་མཆིས་པའི་ཨ་སྟག་ལྷ་མོ་

དེས། གླིང་ལ་དམའ་འབེབ་མཚང་འབྲུ་བྱེད་པའི་གླུ་དེ་ཐོས་མ་ཐག་ངར་རྒོད་གཏིང་ནས་འཁྲུགས་ ཤིང་། མྱུར་བར་ཁྲི་ལས་བཞེངས་ཏེ། མདུན་གཡོག་རྣམས་ལ་རྟ་སྒ་སྟོད་ཤོག་གསུངས་པ་དང་།

ཁྲ་ཤར་རེ་ལས་གུར་གྱི་སྒོ་ལ་བུད་ཅིང་། རྟ་ཕོ་དེ་འཁྲིད་མ་རྒྱུག་གི་ངང་དེར་བྱུང་ལ། རྟ་གོང་དུ་ སྒ་མཆོངས་བྱས། མདུང་མོ་ཁམས་གསུམ་དགྲ་འདུལ་གྱི་སོ་ཤུབས་ཕུད་ནས། རི་གཟར་ནས་

རྦབ་རྒོད་འདྲིལ་བ་ལྟར་བྱུང་ཞིང་སྒར་ཟུར་དུ་བུད་བྱུང་བ་ན། བདུད་པོ་དོམ་ཁྲ་ཡི་བསམ་པར། དེ་རིང་བྱུང་བ་འདི་སུ་འདྲ་ཞིག་ཡིན་ཡང་། མགོ་དཔོན་མིང་གྲགས་ཅན་ཞིག་ཡིན་ན་བཟང་། དང་པོར་འདི་ཡི་ཁ་བཤད་དང་དཔའ་གཏམ་ཅི་འདུག་ཅིག་བལྟ། དེ་རྗེས་རྟིང་མ་ལེན་དགོས་

51

བསམས་ནས་ཡོད་པ་དང་། བྱང་མཆིས་པའི་ཨ་སྟག་ལྷ་མོ་དེ་བདུད་པོ་དོམ་ཁྲ་རྒོད་པོའི་གདོང་ དུ་བྱུང་སྟེ། རྒྱུག་གྲབས་བྱེད་སྐབས། ཡ་མེད་དོམ་ཁྲ་རྒོད་པོ་དེས་རལ་གྲི་ཡི་ཕྱེད་ཕྱུང་སྟེ། ན་ རེ། ཡ། མོ་རེ་དམེ་མོ་ངོ་ནག་མ། ཁྱེད་དེ་འདྲ་དཔའ་མོ་ཡིན་ནམ་ཟེར་ཞིང་།

ཨ་སྟག་ལས་གཟུར་ཏེ། རྟ་ཁ་སྤྲུག་ཅིང་གླིང་སྒར་ལ་རྒྱུག་གྲབས་བྱེད་སྐབས། ཨ་སྟག་

མྱུར་བར་མཆོངས་ཏེ་ཁོའི་རྟ་ཁ་བཟུང་ནས། རྣོན་པོ་འབྲོང་རྭ་དགུ་ཆོད་ཕྱེད་ཤག་བྱས་ཏེ་ན་

རེ། ཡ་ཁོ་རེ་སྡར་མ་དོམ་ཁྲ་བུ། དཔའ་མོ་ཨ་སྟག་ལྷ་མོ་ངས། ཁྱོད་སྡར་མ་བྲོས་ཀྱང་མངག་

རྒྱུ་མིན། བྱང་མཆིས་པའི་ཨ་སྟག་ལྷ་མོ་ང་། མིང་ཡག་ན་ཨ་སྟག་ཀླུ་མོ་ཟེར། མིང་ངན་ན་སྡིག་

མོ་ཨ་སྟག་ཟེར། དམག་ཟོར་རྒྱལ་མོའི་སྤྲུལ་པ་ཡིན། བོད་ཁམས་སྐྱོང་བའི་བསྟན་སྲུང་ཡིན། འདྲེ་

སྲིན་འདུལ་བའི་གཤེད་མ་ཡིན། མཚོན་རྣོན་པོ་འབྲོང་རྭ་དགུ་ཆོད་འདིས། ཁྱོད་ཕ་ཤ་དུམ་བགོས་ མ་བཏང་ན། ང་ཨ་སྟག་ཤི་བའི་རོ་དང་འདྲ་ཟེར་ནས། རལ་གྲི་ནམ་མཁའ་ལ་ཕྱར་ཏེ་ངར་ཆེན་

གྱིས་ལན་གཅིག་བཏབ་པས། བདུད་པོ་དེ་ཡི་ཕྲག་གཡས་པ་ལ་ཐེབས་ཤིང་། གཞོགས་གཡོན་ པའི་མཆན་འོག་བར་རྡུམ་མེར་འཕངས། ནང་ཁྲོལ་གློ་སྙིང་རྣམས་དམར་ཐར་རེ་ཕྱི་ལ་བཏོན་ཏེ་ རྟ་ལས་ལྷུང་། ཨ་སྟག་གིས་མགོ་འཕྲུ་གོང་ལེན་བྱས་ཤིང་། དམག་ཁྲོད་དུ་མཆོངས་ནས་འཕར་ བས་ར་ཁྱུ་དཀྲུག་པ་ལྟར་བྱས་ཏེ། བདུད་དམག་དཔུང་ཚོགས་ལ་བྲོས་ལུང་པྲོས་བྱས་པ་དང་། ལ་ལ་མཚོན་ལ་དྲངས། ལ་ལ་ཆུ་ལ་ལྕེབས། ལ་ལས་མགོ་འབུལ་ཞུས་པ་ན། དཔུང་དེ་ཡི་ནང་ ནས་དོམ་ཁྲའི་བློན་པོ་དོམ་རྒོད་ཧ་ལ་ཟེར་བ་དེ་ཐེ་ཚོམ་མེད་པར་གླིང་སྒར་ལ་མཆོངས་ཤིང་།

གླིང་དམག་བཅུ་སྐོར་ཙམ་མཚོན་ལ་དྲངས་ནས་ཤན་པའི་སྒར་ལ་རྒྱུགས་པའི་སྐབས། ཧོར་པཱ་

ཐུར་རྣམས་ཀྱིས་མདའ་མཚོན་སེར་བ་འབབ་པ་ལྟར་བརྒྱབ་པས། ཁོ་སྒར་ནང་དུ་མ་ཐོན་པར། མདའ་གསུམ་གཅིག་རྗེས་གཉིས་མཐུད་ཀྱིས་སྤྲིངས་པ་ན། སྟག་རོང་ཤོག་གི་དམག་མང་ཉི་

ཤུ་ཙམ་གཡས་སྒྲིལ་གཡོན་སྒྲིལ་དུ་བཏང་། ཧོར་སྡིག་གཅོད་ཤན་པ་རྒྱལ་པོ་དེ་རྟ་དམར་ཆུང་ ཟི་རའི་གོང་ལ་བུད་དེ། གླག་ནག་གཟན་ལ་བཅུམ་པ་ལྟར་རྒྱུགས་པ་དང་། དེའི་རྗེས་སུ་ཧོར་

52

གྱི་པཱ་ཐུར་རྣམས་གཅིག་རྒྱུག་གཉིས་རྒྱུག་བྱས་ཏེ་བྱུང་བས། ཁོའི་སེམས་སུ་ད་ལན་ཡ་ཟིན་པ་ དཀའ་སྙམ་སྟེ། སྒར་ཟུར་ལ་བུད་ནས་ཐལ་བ་འཚུབ་བེར་རང་གི་སྒར་ལ་བྲོས་སོང་། ཧོར་གྱི་

དཔོན་བློན་རྣམས་ཀྱིས་ཁོའི་རྗེས་བཞིན་ཕར་ཙམ་དེད་ཀྱང་རྗེས་མ་ཟིན་པ་གདའོ། །དེ་ནས་གླིང་ དཔའ་རྟུལ་རྣམས་ལས་གུར་ལ་འཛོམས་ཤིང་བཀའ་གྲོས་བརྩམས་པའི་དུས་དེར། བཀའ་བློན་ ཚ་ཞང་འདན་མ་དེས་རྒྱལ་པོའི་མདུན་དུ་དར་ཞིག་བཞག་ནས། དཔའ་རྟུལ་དང་དམག་དཔོན་

ཚོགས་སུ་ཞལ་འཛུམ་པ་མཛད་ནས་ན་རེ། ད་མི་འདུག་གླིང་གི་དཔའ་རྟུལ་རྣམས། ནངས་སྔ་

ཉི་མའི་དུས་ཚོད་ལ། ཧོར་གྱི་ཤན་པ་རྨེ་རུ་དང་། སྒ་སྡེ་ཆོས་སྐྱོང་བེར་ནག་དང་། ཡ་མེད་སེང་

སྟག་ཨ་དོམ་དང་། གསེར་པའི་ཉི་འབུམ་དར་ཡག་དང་། བྱང་མཆིས་པའི་ཨ་སྟག་ལྷ་མོ་དང་།

ང་རང་འདན་མ་བྱང་ཁྲ་བཅས། མི་རེར་མཆན་ཁེབ་བཅུ་རེས་བསྐོར། མི་འདུག་བྱང་གི་ཕྱོགས་ ལ་འགྲོ། བྱང་དར་ཁྲི་བཙན་པོའི་དམག་སྒར་དེའི་ཕྱོགས་སོ་སོ་ནས་བསྐོར་ཏེ་འཐབ་དགོས།

གསུངས་ཤིང་བཀའ་ཕབ། འདན་མའི་བཀའ་དབང་བཙན་པས་དེ་ལྟར་བྱེད་རྒྱུའི་ཐག་བཅད། འདུན་གྲལ་ཐར་ཐར་གྲོལ་ཞིང་རང་རང་གི་དམག་ཤོག་ལ་སོང་སྟེ། ཧྲག་རྟུལ་རྟ་དམག་ལྔ་བཅུ་ རེའི་རྡེའུ་བརྒྱབ་ནས་དམག་ལ་འགྲོ་གཤོམ་བྱས་ནས་བསྡད་དོ། །

མ་ནེ་ནེ་གོང་སྨན་རྒྱལ་མོ་དེས། སེང་གེ་དཀར་མོ་འོག་ལ་བཅིབས། གཡུ་འབྲུག་སྔོན་མོ་

རོལ་དུ་འཁྲིད། མ་ཧེ་སྔོན་མོ་ཕྱི་བཞིན་རྒྱུགས། ལུང་བསྟན་མཁའ་འགྲོ་དུ་མས་བསྐོར་ཅིང་། སེང་ ཆེན་རིན་པོ་ཆེ་བཞུགས་པའི་མདུན་གྱི་བར་སྣང་ལ་བྱོན་ནས། ལུང་བསྟན་གྱི་མགུར་མ་འདི་ ལྟར་གསུངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །གླུ་ཐ་ལ་ལ་མོ་ཐ་ལ་ལེན། །གུ་རུ་དེ་བ་ཌ་ཀི་ཡེ། །ན་མ་ས་

བ་སདྷི་ཧཱུཾ། །ས་འདིའི་ས་ངོ་མ་ཤེས་ན། །བདུད་དར་ཁྲི་རྒྱལ་པོའི་ས་ཆ་ལ། །དཀར་མོ་ཐང་གི་ གཞི་དཀྱིལ་གྱི། །ལྷ་དམག་འབུམ་གྱི་ཡང་སྙིང་རེད། །སྨན་ང་འདྲའི་ང་ངོ་མ་ཤེས་ན། །གླིང་

53

སེང་ཆེན་དཔོན་གྱི་སྲུང་མ་ལ། །ནེ་ནེ་གོང་སྨན་རྒྱལ་མོ་ཟེར། །ཚུར་གསོན་དང་གེ་སར་ལྷ་ཡི་ སྲས། །ཐུགས་མ་གཡེང་རིག་པ་ང་ལ་གཏོད། །ཉི་མ་སང་གི་སྔ་རོལ་ལ། །བྱང་གི་ཨ་སྟག་ལྷ་

མོ་ལ། །ཧྲག་རྟུལ་རྟ་དམག་ལྔ་བཅུས་སྐོར། །བྱང་གི་མུག་རྫ་སྐྱ་སྒང་ལམ་ནས། །བདུད་དར་ཁྲི་

བཙན་པོའི་དམག་དཔོན་ལ། །དེ་ཡོད་ནང་གི་དེ་དྲག་དེ། །དམག་དཔོན་དར་རྗེ་བཙན་པོ་ཟེར། །ཉི་ མ་ནངས་སྔར་འོང་ཞིང་གདའ། །ཁོ་འདུལ་བའི་དུས་ལ་བབ་ནས་ཡོད། །བྱང་རི་བཤུ་ཨ་སྟག་ལྷ་

མོ་དེས། །གཏེར་མདུང་ཁྲ་མོ་དགུ་རྫོང་ཁྱེར། །དེ་མིན་མཚོན་གྱིས་ཆོད་ལེ་མིན། །སང་ཉིན་རྟིང་ མ་ལོན་ལེ་དགོས། །ད་རུང་དེ་ཡིས་མི་ཚད་པར། །ཡ་མེད་སེང་སྟག་ཨ་དོམ་ལ། །དཔའ་རོགས་ ཧྲག་རྟུལ་ལྔ་བཅུས་སྐོར། །དྲག་ནག་ལུང་པའི་སུམ་མདོ་ལ། །དོམ་ཁྲ་བུ་ལུ་ཡ་མེད་དེ། །ནངས་

སྔར་དེ་ནས་འོང་ཞིང་ཡོད། །འདུལ་བའི་དུས་ལ་བབ་ནས་ཡོད། །མཚོན་ལེབ་ཆེན་མི་ཡི་བཤའ་ གྲི་དེས། །མགོ་ལུས་དུམ་བུ་ཐུབ་ལེ་དགོས། །རྟིང་མས་ས་སྟེང་ཁྱབ་ལེ་གྱིས། །དེ་མིན་གླིང་

གི་དཔུང་དམག་རྣམས། །མ་འགྲོ་ནངས་སྔར་རང་སྒར་ཟུངས། །གཏམ་གོ་བ་ཨེ་བྱུང་གེ་སར་

དཔོན། །དེ་ནས་བྱང་ལ་ཆས་པའི་དུས། །ཁྱེད་གེ་སར་ཐུགས་ཀྱིས་ལོས་མཁྱེན་ཏེ། །ལུང་བསྟན་ རབ་དང་རིམ་པ་ཡོད། །གཏམ་གོ་ན་སྙན་གྱི་རྒྱན་ལ་མཆོད། །མ་གོ་གླུ་ཡི་འགྲེལ་བ་ཞུ། །གླིང་ གེ་སར་ཐུགས་ལ་དེ་ལྟར་ཞོག ཅེས་གསུངས་ཤིང་མི་སྣང་བར་གྱུར་ཏོ། །

སེང་ཆེན་རིན་པོ་ཆེ་ཡིས་དམག་དཔོན་བཀའ་བློན་རྣམས་ལ་ལྷ་ཡི་ལུང་བསྟན་བྱུང་།

གསུངས་པ་ན། དེ་ཡོད་ཚང་མས་སེང་ཆེན་རིན་པོ་ཆེ་ཡི་བཀའ་གསུང་དང་། གོང་མ་ལྷ་ཡི་

ལུང་བསྟན་ལ་འཁྲུལ་བ་མེད་པས་མངོན་པར་བསྟོད། རང་རང་གི་སྒར་ལ་སོང་སྟེ་བཀའ་ལུང་

ཁྱབ་བསྒྲགས་བྱས། དགྲ་གདོང་འགྲོ་མཁན་གྱི་དཔའ་རྟུལ་ཁས་ལེན་རྣམས་ལ་སྲུང་བ་དང་བྱིན་

རླབས་མཛད། དེ་ནས་བྱང་གི་དམག་སྒར་ནས། བྱང་རི་བཤུ་དམག་གི་སྒར་ཤོག་དེ། གུར་ནག་ རྫ་རི་དུམ་བུ་ལ། ཆར་སྨུག་སྟུག་པོ་འཐིབས་འདྲའི་ཀློང་ནས། བྱང་མཆིས་པའི་ཨ་སྟག་ལྷ་མོ་

དང་། ཁས་ལེན་རྟ་དམག་ལྔ་བཅུ་དེ། འབྲོང་རྒོད་རྫ་ནས་ཞོགས་འདྲ། དཔའ་ཆས་རུ་ཐུར་ཟིང་

54

ངེར། རྟ་ལྗང་གཞོན་ནུའི་ལང་ཚོ་དང་བསྡོངས་ཤིང་། རྫ་ནག་ལམ་སོ་གོང་མ་ནས་མི་བཀྲག་ ལམ་མེར་ཆས་བྱུང་།

ཡང་དེ་དང་མཉམ་པར། དཔའ་ལ་སྟག་སེང་ཨ་དོམ་དེ། རྨུ་པའི་དམག་གི་སྒར་ནང་ནས་

ཧྲག་རྟུལ་རྟ་དམག་ལྔ་བཅུས་བསྐོར་ཞིང་། མི་དཀར་རྟ་དཀར་དར་འཕྲུ་དཀར། དཀར་པོ་གངས་ རི་ཆད་འདྲ། གངས་ནས་སེང་གེ་འགྱིང་འདྲ། སེང་ལ་གཡུ་རལ་རྒྱས་འདྲ་བྱས་ཏེ། ལེབ་ཆེན་ སྲོག་གི་སྤུ་གྲི་སྐེད་ལ་བསྐོར། གོ་གྱོན་མཚོན་ཐོགས་བྱས་ཤིང་ནམ་མ་ལངས་གོང་བྲག་ནག་ ལུང་པའི་ས་འགག་ཏུ་ཐོན་ཐུབ་པ་བྱེད་དགོས་ཟེར་ནས་ཆས་པར་གདའ།

དུས་དེ་ཡི་སྐབས་སུ། བྱང་དར་ཁྲི་དམག་གི་སྒར་ནང་ནས། དམག་དཔོན་གཉིས་ལ་ཁས་

ལེན་རྟ་དམག་ལྔ་བརྒྱ་ཙམ་གྱིས་བསྐོར་ཞིང་། གླིང་ལ་དགྲ་ལན་འགྲོ་དགོས་ཟེར་ཏེ། གནམ་

སྔོན་པོ་བཞི་ལིང་ཆད་པ་ལྟར། བྲག་ནག་ལུང་པའི་སུམ་མདོ། ཆུ་གཉིས་འབབ་པའི་གཡས་ཟུར་

ནས། དོམ་ཁྲ་བུ་ཡི་དམག་དེ་བཤར་བྱུང་བ་དང་། དཔའ་ཡ་མེད་སེང་སྟག་ཨ་དོམ་གྱི་དམག་དང་ ཐུག་པས། དཔའ་ལ་མི་སྤྱང་དཀར་པོ་དེ་གངས་ནས་སེང་གེ་འགྱིངས་འདྲ་བྱས་ནས། དམག་

དཔུང་དེ་ཡི་རུ་སྔོན་ལ་བྱུང་སྟེ། མདའ་རྒྱང་གང་གི་ས་མཚམས་ནས། རྟ་གདོང་རིའི་གོང་ནས་

གཟུར་འདུག་ཞིག་བྱས་ཤིང་ཡོབ་སྔོན་ལ་བརྒྱངས་ཏེ། ཅུང་ཟད་བསྒུགས་པ་ན། བྱང་གི་དམག་

དཔོན་དོམ་ཁྲ་ཡ་མེད་དེས་གཏམ་དེ་ཐོས་མ་ཐག་ངར་རྒོད་གཏིང་ནས་ལངས་ཤིང་། སེང་སྟག་ གི་འགྲམ་ལ་ཉེ་བར་བཏུད་དེ། གྲི་མགོ་འཕུར་ཞིང་། ཐེའུ་རང་གི་བླ་མདའ་དེ་འུར་སྒྲ་དང་བཅས་

འཕངས་བྱུང་བས། སེང་སྟག་བྲང་མདུན་གྱི་མེ་ལོང་སྟེང་ཐེབས་ཤིང་རྔ་ལ་རིལ་མ་བཏབ་པ་ལྟར་ ལས། གོང་མ་ལྷ་ཡི་ཐུགས་རྗེ་དང་། སེང་ཆེན་རིན་པོ་ཆེ་ཡི་སྡོང་གྲོགས། མ་གྲུབ་པ་རྒྱལ་མོའི་ ཚེ་མདུད་སོགས་ལ་བརྟེན་ནས་ཅི་ཡང་གནོད་མ་ཐུབ། ཡང་རལ་གྲི་ཤུབས་ནས་བཤངས་ཏེ་

སེང་སྟག་གི་ཐོག་ཏུ་མཆོངས་ནས་ལན་གསུམ་གཡུགས་པ་ན། ལྷ་ཨོ་རྒྱན་པདྨའི་བྱིན་རླབས་ དང་། དགྲ་ལྷ་ཝེར་མའི་ཐུགས་རྗེ་ཡིས་བསྲུངས་ཤིང་བར་སྣང་སྟོང་པ་ལ་གཡུགས་པ་ལྟར་

55

ལས། གྲི་ཡི་སོ་འོག་ཏུ་མ་བྱུང་། དེ་ནས་དཔའ་ཡ་མེད་སེང་སྟག་ཨ་དོམ་དེ་ངར་རྒོད་གཏིང་

ནས་འཁྲུགས་ཤིང་། མཚོན་ལེབ་ཆེན་བར་སྣང་ལ་ཕྱར་ཏེ་ལན་གཅིག་བཏབ་པས། བདུད་པོ་དེ་

ཡི་རྨོག་གི་དཀྱིལ་ལ་ཐེབས་ནས་ལུས་ཕྱེད་གཤག་བཏང་སྟེ་ནག་ཡོར་རེ་ཐང་ལ་བསྒྱེལ། བདུད་

པོ་དེ་ང་རྒྱལ་ཆེ་སྟབས་དབུགས་ཆད་མ་ཐུབ་པར་མི་ཧྲིག་ཧྲིག་བྱེད་ཅིང་འདུག་ཀྱང་། དཔའ་ལས་ མགོ་འཕྲུ་ཚ་ལེན་བྱས་ཤིང་། དམག་ཁྲོད་ལ་མཆོངས་ནས་འཁྲུག་འཁྲུག་ལོང་ལོང་གི་སྐབས།

བྱང་བདུད་དར་ཁྲིའི་དམག་ཤོག་དེས་གླིང་དམག་གི་ལན་ཡ་མ་ཟིན་པར་ལ་བྲོས་ལུང་བྲོས་བྱས་ པ་ན། གླིང་དམག་རྣམས་ཀྱིས་མདའ་མཚོན་ཅི་རིགས་ཀྱིས་ཤི་གསོད་ཁྲག་གི་འཁོར་ལོ་བསྐོར། བདུད་དམག་རྣམས་ཀྱིས་འཐབ་པའི་ལན་ཡ་མ་ཟིན། བྲོས་པའི་ཁུང་མ་རྙེད་པར་རམ་ནག་སེར་

བས་བརྡུང་འདྲ་བྱུང་། དེ་ནས་དམག་མི་སུམ་ཅུ་ཙམ་བྲོས་པས་དམག་སྒར་དུ་སླེབས། དམག་

ཉེས་བྱུང་ཚུལ་དང་དམག་དཔོན་དོམ་ཁྲ་ཤོར་ཚུལ་སོགས་བཤད་པས། དམག་མང་རྣམས་ཀྱིས་ ངུ་འབོད་རྫ་རི་ཉིལ་ཉིལ། མཆི་མ་དྲག་ཆར་འབབ་འབབ་བྱས་ཤིང་། རྟ་སྡོམ་བྱེད་དང་གུར་གྱི་

ཏོག་རྣམས་ཕབ་ཅིང་མྱ་ངན་བྱས། གླིང་སྒར་ནས་སེང་སྟག་གིས་རྟིང་མ་བླངས་པའི་གཏམ་བཟང་ ཐོས་མ་ཐག ཀི་བསོ་ལྷ་རྒྱལ་བཏང་བ་དང་ཆིབས་བསུ་དར་བཏང་བྱས་ནས་བསྡད་པ་ཤར་བྱུང་།

དུས་དེ་དང་མཉམ་དུ། རྫ་ནག་བྲག་ལམ་གོང་མ་ནས་དམག་དཔོན་དར་རྗེ་བཙན་པོ་གཙོས་

པའི་ལས་དམག་ལྔ་བཅུ་ཙམ་ཞིག་མི་ནག་རྟ་ནག་དར་འཕྲུ་ནག འབྲོང་ཁྱུ་རྫ་ནས་ཞོགས་པ་ལྟར་

བྱུང་བ་དང་། གར་བྱུང་དང་འདི་བྱུང་མེད་པར་རྫ་ལམ་གྱི་འགྲམ་ནས་དཔའ་མོ་ཨ་སྟག་ལྷ་མོ་དང་ དཔུང་རོགས་རྣམས་རི་གཟར་ནས་རྦབ་རྡོ་འདྲིལ་བ་ལྟར་བྱུང་བ་ན། བྱང་མཆིས་པའི་ཨ་སྟག་

ལྷ་མོ་དེ་འདོ་བ་རག་དཀར་དྲེའུ་གཟུགས་ཀྱི་གོང་དུ། སྲིན་མོ་ཁྲོས་པའི་ཟིལ་གྱིས་དམག་གདོང་ ལ་བཅར་ནས། རྣོན་པོ་འབྲོང་རྭ་དགུ་ཆོད་ཀྱི་དཔའ་ལུང་མཛུབ་མོར་བསྐོན་ཞིང་གྲི་མགོ་འཕུར་ ནས་གནམ་ལ་ཕྱར་ནས་མཆོངས་པ་ན། བདུད་པོ་ཁོས་གླུ་ལན་ཞིག་འདེབས་དགོས་བསམས་

ནས་ཡོད་ཀྱང་། ཨ་སྟག་ཉེ་བར་སླེབས་ཤིང་གྲི་ལན་གཅིག་བཏབ་པས་ཕྲག་གོང་ལ་ཐེབས་ཏེ་

56

ལུས་དུམ་མེར་འཕངས་ནས་བསད། བདུད་པོ་དེ་ཡི་དཔུང་རོགས་རྣམས་ཀྱིས་ཨ་སྟག་གི་མཆན་ ཁེབ་ཁས་ལེན་རྣམས་དང་ཤི་འཐབ་བྱས་ཀྱང་མ་ཐུབ་པར། བྱང་མཆིས་པའི་ཨ་སྟག་ལྷ་མོ་དེས།

དར་རྗེའི་དཔུང་རོགས་རྣམས་ཡར་འདེད་རི་བོའི་རྩེ་ལ་དེད། རྫ་ལམ་ཆག་ཕྱེ་ཐ་རེ། སྤང་ལམ་རི་ མོ་ཤུར་རེ་བཏང་། མར་དེད་ཆུ་བོའི་འགྲམ་ལ་དེད། ཆབ་ཆུ་བོ་ཁ་དོག་ཁྲག་ལ་བསྒྱུར། ལྦུ་བ་

ཁྲག་དྲི་ཐུལ་ལེ་བྱས་ཤིང་ཤི་གསོད་ཁྲག་གི་འཁོར་ལོ་བསྐོར། དཔུང་རོགས་ལྔ་བརྒྱ་ལྷག་ཡོད་ པ་དེ་ལས་མི་གསུམ་གཡང་ལ་ལྡིང་ནས་བྲོས་ཤོར་བ་མ་གཏོགས་གཞན་རྣམས་གཅིག་ཀྱང་

མ་ལུས་པར་བསད། མགོ་འཕྲུ་རྟ་ཁྲབ་རྣམས་བླངས་ཤིང་། དཔའ་དེ་བྱས་ཀྱི་རྟིང་མ་དགུང་ལ་

གྲགས་པ་བླངས་ནས། དཔའ་མོ་ཨ་སྟག་ལྷ་མོ་དང་དཔུང་རོགས་མཆན་ཁེབ་རྣམས་གླིང་སྒར་ ཕྱོགས་སུ་ཕེབས་སོ། །ཞེས་པ་སྟེ་ལེའུ་བཅུ་པ་རྫོགས་སོ།། །།

57

ལེའུ་བཅུ་གཅིག་པ། གེ་སར་རྒྱལ་པོས་དམག་བཀོད་མཛད།།

བཀའ་བློན་དམག་དཔོན་དཔའ་རྡང་བསྒྲིགས།། འདན་མས་ཐོག་ཁྲི་ཞགས་ཀྱིས་བཟུང་།། ཁྲོ་ཐུང་དཔོན་གྱིས་ཉེས་ཁྲིམས་བཅད།།

བདུད་དར་ཁྲི་བཙན་པོའི་སྒར་ནང་ནས་དམག་དཔོན་གཉིས་ཤོར་བའི་སྡུག་བསྔལ་གྱི་གྲོས་

ར་འཚོགས་སྐབས། ལ་ལས་ད་ནི་གླིང་དམག་མི་ཐུབ་སེམས་ཐག་རེད། ཅི་འདྲ་བྱས་ན་དྲག་ལེ་

གདའ་ཟེར་ཞིང་བསྡད། ལ་ལས་གླིང་དམག་དེ་ཉིན་རེ་ལས་ཉིན་རེ་མང་བ་དང་། རང་སྒར་དང་

བར་ཐག་ཇེ་ཉེ། དཔའ་ངར་ཇེ་ཆེ་རེད་འདུག་པས། གནས་ཚུལ་འདི་རྒྱལ་པོ་ལ་སྙན་ཞུ་མ་ཕུལ་

ན། རང་རེ་རྣམས་ཀྱིས་གདོང་མི་བརྟན་སེམས་ཐག་རེད་ཟེར་བ་སོགས་བསམ་ཚུལ་མི་འདྲ་བ་ སྣ་ཚོགས་བཤད། སྐྱ་ཁྲ་རྔམ་ནག་ཟེར་བའི་དམག་དཔོན་དེ་ན་རེ། ཡ། འདིར་ཚོགས་དམག་

དཔོན་མགོ་བྱེད་རྣམས། ང་རང་ལ་བསམ་ཚུལ་འདི་འདྲ་ཡོད། ཟེར་ཞིང་གླུ་འདི་ལྟར་བླངས་པའི་ ཚུལ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །གླུ་ཐ་ལ་ལ་མོ་ཐ་ལ་ལེན། །གནམ་ཐེའུ་དཀར་ནག་ཁྲ་གསུམ་

མཁྱེན། །ཡུལ་བདག་དྲེད་ལེ་སོག་དཀར་མཁྱེན། །ཚུར་ཉོན་དང་འདིར་འཚོགས་དམག་དཔོན་ རྣམས། །ངེད་རིགས་འདི་ཡོད་དཔུང་དམག་དེ། །ད་འདི་མུས་བསྡད་ན་ཕན་པ་མེད། །རྗེ་དར་

ཁྲི་བཙན་པོའི་སྐུ་མདུན་ལ། །གནས་ཚུལ་ཕྲ་ཞིབ་སྙན་ཞུ་འབུལ། །རྒྱལ་པོའི་བཀའ་གསུངས་ཅི་

འདུག་བལྟ། །དེ་ཐོག་ཅི་དགོས་ལྟ་རྒྱུ་བྱེད། །ཉི་མ་ནངས་སྔའི་དུས་ཚོད་ལ། །ང་རང་སྐྱ་ཁྲ་རྔམ་

58

ཆེན་དང་། །རྩལ་ཆེན་ཧ་ལ་སྟོབས་ལྡན་གཉིས། །རྒོད་པོ་ཁྲ་ཁྲི་མིག་དམར་གསུམ། །བཙན་

བདུད་ཡ་མ་རྒོད་པོ་བཞི། །རྒྱལ་པོའི་མདུན་ལ་སྙན་ཞུ་འགྲོ། །དེ་མིན་ངེད་རིགས་དཔུང་དམག་

དེ། །གཡོ་མེད་སྒར་པ་འདི་ན་འདུག །ལ་ཁ་བཞིར་སོ་པ་དོ་དམ་གྱིས། །ལུང་ཁག་བཞི་ཉུལ་མ་

ལེགས་པར་དགོས། །ཉིན་སོ་མཚན་ཐུན་མ་བྱས་ན། །མ་ངན་འགོག་ཚའི་ཇོ་རུ་དེ། །མི་འཕྲུལ་ དགུ་འཕྲུལ་བྱེད་རབས་ཡོད། །མི་ཤེས་དགུ་ཤེས་དེ་ཡིས་ཤེས། །སྣང་མེད་ལར་ནས་བྱེད་རྒྱུ་

མེད། །རྒྱལ་པོའི་བཀའ་གསུངས་མ་བྱུང་བར། །ཕར་འགྲོ་མ་བྱེད་འདི་མུས་སྡོད། །ཚུར་འོ ངས་ འདུག་ན་གདོང་ལེན་སྤྲོད། །ཕར་དགྲ་སོང་ན་ཡག་ལེ་མིན། །ཁ་སང་དམག་དཔོན་གཉིས་པོ་

དེ། །སྡེ་འབུམ་སྡེ་རེ་དང་དགའ་ངེས་ཡིན། །དེ་གཉིས་རྗེས་མེད་གླིང་གིས་བྱས། །སྟབས་དང་

འཐབ་ལུགས་མ་བཟང་ན། །ཅི་འོང་རང་རེའི་སེམས་ལ་ཡོད། །ཁ་ཉིན་སྔར་གྱི་དང་པོ་ལ། །རྒྱལ་

པོའི་གྲོས་ར་གོང་མ་ནས། །བློན་རྒན་ཉི་མ་རང་ཤར་དེས། །གླིང་གི་གེ་སར་ཟེར་བ་ལ། །འཛིང་ ན་ལན་ཡ་མི་འོང་ཟེར། །འཐབ་ཡ་དཔའ་རྟུལ་མི་བཟང་ཟེར། །དེ་འཛམ་གླིང་བདུད་ཀྱི་སྤྱི་དགྲ་

ལ། །གོང་མ་ལྷ་ནས་མངགས་ལེ་ཟེར། །དེ་དུས་རང་རེའི་རྒྱལ་བློན་ཚོགས། །བློན་རྒན་སྟེང་ལ་

ཚིག་པ་ཟོས། །དགྲ་ལ་ངོ་བསྟོད་བྱས་བྱུང་འདོད། །དམག་ཁྲོམ་མང་གྲོས་ར་ནང་ནས་ཕུད། །བཀའ་ བཀྱོན་ཉེས་ཆད་ཕོགས་ནས་ཐལ། །ད་སྐབས་ལས་ཀྱི་འཇོག་མཚམས་ལ། །བློན་རྒན་ཉི་མ་རང་ ཤར་གྱི། །གཏམ་ཅི་བཤད་རྡོ་ཡི་རི་མོ་རེད། །སྒྲ་ཅི་བཀྲོལ་ལུང་བསྟན་གསལ་ཚིག་རེད། །དེ་

རེད་ཀྱང་སྡར་གཏམ་བྱེད་ལེ་མིན། །དེ་སྔོན་ཉི་མའི་ཕན་ཆད་ལ། །དམག་སྣ་འདྲེན་པའི་དཔོན་པོ་ བྱས། །ཝ་སྐད་སྡར་གཏམ་བཤད་མ་མྱོང་། །རང་རེའི་འབུམ་སྒར་ཁྲ་མོའི་ནང་། །མི་ཕོ་བརྒྱ་ཡི་ མགོ་སྐེ་བླངས། །རྟ་ཕོ་བརྒྱ་ཡི་ཡོབ་ཐག་བཅད། །ད་འདི་མུས་འཇོག་ཐབས་ཅི་ལ་ཡོད། །དགྲ་ ལན་པོ་མེད་ན་ཝ་མོ་ཟེར། །གཏམ་ལན་པོ་མེད་ན་ལྐུག་པ་ཟེར། །ཟས་ལན་པོ་མེད་ན་ཁྲམ་པ་

ཟེར། །དེ་ཟེར་ལེ་སྔར་མི​ིའི་དཔེ་ལ་གདའ། །འོན་ཀྱང་ཐབས་དང་བྱུང་བཀོད་ཅིག །ཅི་བྱེད་རྒྱལ་ པོར་སྙན་ཞུ་དང་། །བློན་རྒན་གྲོས་ར་འཚོགས་ན་བསམས། །དེ་ཨེ་རེད་འདིར་ཚོགས་དམག་

59

དཔོན་རྣམས། །རེད་ན་མྱུར་བར་འགྲོ་རྒྱུ་གྱིས། །མ་རེད་འདི་བྱེད་ཐབས་ཤིག་ཕུད། །འདིར་ ཚོགས་ཐུགས་ལ་དེ་ལྟར་ཞོག །གོ་ན་རྣ་བའི་དཀྱིལ་ལ་ཞོག །མ་གོ་གླུ་ལ་བསྐྱར་ཟློས་མེད། །

ཅེས་གླུ་དེ་ལྟར་ཕུལ་བ་ན། དེར་ཡོད་དམག་དཔོན་བཀའ་བློན་ཚང་མས་བདེན་པར་གོ་

ཞིང་། དེ་ལྟར་བྱེད་པའི་གྲོས་ལ་འཆམས། ཉི་མ་དེ་ཡི་ཕྱི་ཉིན་ལ། ཤར་སྐྱ་རེངས་སྐྱ་མདའ་མ་

རྒྱུགས། སྔོ་རེངས་སྔོ་མདའ་མ་རྒྱུགས། སྐར་ཚོགས་གྲོས་ར་མ་ཞིག་པའི་དུས། །དམག་དཔོན་ སྐྱ་ཁྲ་རྔམ་ཆེན་གཙོར་བྱས་པའི་དམག་དཔོན་ཆེ་བཞི་དེ་རྒྱལ་པོའི་ཕྱོགས་སུ་གློག་འཁྱུགས་པ་

ལྟར་སོང་བས། ཉིན་ཞག་ཆ་གསུམ་ཐོག དར་ཁྲི་རྒྱལ་གྱི་ཕོ་བྲང་གི་སྒོ་ལ་ཐོན་ཏེ། རྟ་ར་བའི་ནང་ ལ་བཏགས། ཁོ་ཚོ་ཡང་བརྩེགས་རྒྱལ་པོའི་མདུན་དུ་སོང་ནས། ཁམས་འདྲི་ཚར་བ་ན། དམག་

དཔོན་སྐྱ་ཁྲ་རྔམ་ཆེན་དེས་རྒྱལ་པོའི་མདུན་དུ་དར་ཕུལ་ཏེ། མགོ་དམའ་དམའ་དང་སྒྱིད་པ་ཞ་ཞ་ བཅས་གུས་འདུད་ཚད་མེད་ཀྱི་སྒོ་ནས་དམག་ལ་ཕམ་ཉེས་ཆེན་པོ་བྱུང་བའི་གནས་ཚུལ་སྙན་ ཞུ་ཕུལ་བ་ན།

བདུད་རྗེ་དར་ཁྲི་བཙན་པོ་དེས་དམག་ཉེས་བྱུང་བ་དང་། དམག་དཔོན་དར་རྗེ་བཙན་པོ་

གཙོས་པའི་དམག་དཔོན་བཙན་སྐྱ་དཔུང་དམར་སོགས་ཤོར་བའི་གཏམ་དེ་ཐོས་མ་ཐག་ཞལ་

ངོ་གངས་རི་འདྲ་བ་དེ། རྫ་ནག་པོར་ཆར་སྨུག་འཁྲིགས་པ་ལྟར་བྱུང་བ་དང་། ཧུ་ཤི་རིང་པོ་ཞིག་ བྱས་ཏེ། ན་རེ། ཡ། འདིར་འཚོགས་རུ་ཤོག་དམག་དཔོན་དང་། རྩལ་ཆེན་ཧ་ལ་སྟོབས་ལྡན་

ཁྱེད་རྣམས་འདི་མུར་བསྡད་པས་ཅི་ལ་ཕན། ད་རེབ་དམག་དཔུང་ཧྲག་རྟུལ་ལྔ་སྟོང་ལྷག་ཡོད་པ་ དེ་ཁྲིད་ལ་སོང་སྟེ། དགྲ་ངན་གླིང་བ་ལ་དེ་ལན་སྤྲོད་ཤོག ས་བཙན་ཆུ་འཕྲང་ཁོག་ནས་ཚུར་ལ་ མི་འཆོར་བའི་ཐབས་ཅི་དྲག་གྱིས་དང་། ངེད་ཚོས་འདི་ནས་ལས་དམག་ཞིབ་བསྡུ་བྱེད། ཡུན་

རིང་ན་ཟླ་གཅིག་དང་། ཐུང་ན་ཞག་མ་བཅོ་ལྔ་དང་ཉི་ཤུའི་མཚམས། དཔུང་སྣོན་ཡོང་སྟེ་དཔའ་ དེ་བྱས་དང་། དགྲ་ལན་འཕྲོད་པ་བྱེད་ཟེར་ཞིང་། གྲོས་ཐག་བཅད་དེ་འགྲོ་ཤོམ་བྱས་སོ། །

དུས་དེའི་སྐབས་སུ། ཁྲ་མོ་གླིང་གི་སྒར་ནས་ཉི་མ་གསུམ་གྱི་རིང་ལ་དམག་མལ་བསོས་

60

ཤིང་བསྡད་པ་དང་། གླིང་གི་དཔའ་རྟུལ་སུམ་ཅུ། ཡང་རྟུལ་དམ་པའི་མི་བདུན། ཞེ་རྟུལ་ཁྲ་གླག་

སྤྱང་གསུམ། སྤྱི་དཔོན་རོང་ཚ་ཁྲ་རྒན་གཙོ་བྱས་པའི་ཕྱོགས་སོ་སོའི་དམག་དཔོན་ཆེ་བཞི་བཅས་ ལྷ་གུར་མཐོང་བ་དོན་ལྡན་དུ་འཛོམས་ནས། རང་བབ་ཀྱི་གདན་ལ་འཁོད། ཇ་ཆང་གཉིས་ལ་

དབོར་འདྲེན། ཤ་ཐུད་གཉིས་ལ་གཟུག་འདྲེན། ཤིང་ཏོག་མངར་རིགས་སྡེར་འདྲེན་གྱིས་བསྒྲིགས་ པ་དང་། ཞལ་རྩེད་གསུངས་གླེང་མཛད་བཞིན་བཞུགས།

ཉི་མ་དེ་ཡི་ཕྱི་ཉིན། ཤར་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་རྒྱུགས་པའི་

དུས་དེར། ཤན་འདན་གཉིས་ཀྱིས་མི་རེས་ཁས་ལེན་དཔའ་རོགས་བརྒྱ་དམག་ཕྱེད་གཉིས་དང་།

དཔུང་རོགས་བཅུ་ཡིས་བསྐོར་ནས། ལྷ་མ་ཡིན་གཡུལ་ལ་ཆས་པ་ལྟར་ཆས་པ་ན། བྲག་དམར་

གཡའ་རིའི་གཡས་ཟུར། བྲག་ནག་ཐང་ཆེན་གཞུང་དྲུག་ལ། བདུད་དར་ཁྲི་བཙན་པོའི་ལས་དམག་ རྣམས་སྒར་བརྒྱབ་ཏེ། ཉིན་སོ་མཚན་ཐུན་བྱས་ནས་བསྡད་ཡོད་པས། སོ་པ་རྣམས་ཀྱིས་གླིང་ གི་ལས་དམག་འོངས་པ་མཐོང་སྟེ། ཆུ་ཤིང་ནག་པོའི ་ལོ་མ་དང་། སྐྱེར་ནག་གིས་བསང་དུད་

སྤྲིན་ནག་ལངས་འདྲ་ཞིག་བཏང་བྱུང་བ་དང་། དམག་སྒར་ནས་དགྲ་འོངས་པ་ཤེས་ཤིང་། གོ་

གྱོན་མཚོན་ཐོགས་དང་། འཐབ་ར་གོ་བཙན་རྣམས་བཟུང་ནས་ཁྲིགས་སེ་བསྡད། དམག་སྒར་ དེའི་ནང་ནས་དམག་དཔོན་ཐོག་ཁྲི་བུ་བཙན་ཟེར་བ་དེ། འདོ་བ་འབྲོང་འདུར་མེ་རི་ཟེར་བ་ལ་

སྒ་འཇོག་དང་སྟན་འཇོག་དུས་གཅིག་ཏུ་བྱས་ཤིང་། འཁོར་གསུམ་ལུས་ལ་བསྐོར་ནས། གློག་ འཁྱུགས་པ་ལྟར་བྱུང་བ་ན། ཤར་གྱི་སྒར་ཟུར་ནས་དཔའ་ཚ་ཞང་འདན་མ་བྱང་ཁྲ་དེ། ཀླུ་བདུད་

ཚང་ནས་ལངས་འདྲ་ཡིས་དམག་སྒར་ནང་མཆོངས་ཏེ། མདའ་གཉིས་གཅིག་རྗེས་གཅིག་མཐུད་

དེ་འཕངས་བྱུང་བས། དམག་མི་བརྒྱ་སྐོར་ཙམ་ཐལ་འཚུབ་ཉིལ་ལེ་བསྒྲིལ། འདན་མ་དཔོན་བློན་ རྣམས་ཀི་ཚག་ཚག་ཐོག་འབྲུག་གྲག་གྲག་མདའ་སྐྱ་སེར་བ་འབབ་འབབ། མདུང་སྐྱ་གློག་ཞགས་ ཆད་ཆད་བྱས་ཏེ་སྒར་ལ་རྒྱུགས་ཙ་ན། རྒོད་པོ་ཐོག་ཁྲི་རྔམ་ཆེན་དེས་འདན་མའི་གདོང་བཀག་ ཅིང་། མདའ་ཞིག་སྤྲིངས་བྱུང་བས།

61

འདན་མའི་མདུན་གྱི་མེ་ལོང་ཐོག་ཏུ་ཐེབས་ཤིང་། མེ་སྟག་དམར་ཐ་ར་ར་བྱེད་པ་ལས།

སྲུང་བར་བརྟེན་ནས་སྐུ་ལ་ཅི་ཡང་མ་གནོད། སླར་ཡང་རྒོད་པོ་ཐོག་ཁྲི་རྔམ་ཆེན་དེ་འདན་མའི་ གདོང་ལ་མཆོངས་ནས། རལ་གྲི་ཤུབས་ནས་བཤངས་ཏེ་མྱུར་སྟབས་ཀྱིས་ལན་གསུམ་བཏབ་ ཀྱང་། ཁྲབ་བྱང་ཁ་ཤས་བཅད་པ་ལས་ནང་དུ་མ་གྲུབ་པའི་རྒྱལ་མོའི་ཚེ་མདུད་དང་། གེ་སར་

རྒྱལ་པོའི་ན་བཟའ་ལ་སོགས་པའི་བྱིན་རླབས་ཀྱིས་སྐུ་ལ་ཅང་མ་གནོད། བདུད་པོ་ཐོག་ཁྲི་རྔམ་ ཆེན་དེའི་བསམ་པར། མི་འདི་གླིང་སྒར་ནས་དཔའ་ཁེར་གྲགས་ཅན་ཞིག་ཡིན་པ་ཁོ་ཐག་རེད། དེ་རིང་ལས་ཅི་ལ་ཐུག་ཀྱང་མངག་མི་ཉན་བསམས་ནས། མྱུར་བར་ཐེའུ་རང་གི་འཕྲུལ་ཞགས་ དེ་གྲུ་ནས་ཕུད་ཅིང་མཆོང་གྲབས་བྱས་པ་ན།

ཚ་ཞང་འདན་མ་བྱང་ཁྲ་དེས། གཞུ་ཆུང་དཀར་མོ་ཐེབས་ཆེན་སྟེང་། མདའ་མོ་རྒོད་སྒྲོ་མ་

ཞིག་བཞག་ནས་ལན་གཅིག་སྤྲིངས་པས། རྒོད་པོ་ཐོག་ཁྲི་རྔམ་ཆེན་དེ་རྟ་གོང་ནས་འགྱུར་ཙམ་

བྱས་པ་ན། མདའ་དེ་རྨོག་གི་ཁྱུང་ཏོག་ལ་དྲུད་ཙམ་བྱས་ཏེ། རྨོག་གི་འཕྲུ་དང་ཕོ་བྱང་རྣམས་སིང་ སྒྲ་དང་བཅས་ཐར་རེ་གཏོར། ཁོ་རེ་ཞིག་འཆི་བའི་དུས་ལ་མ་བབས་པས་མདའ་མ་ཐེབས། དཔའ་ ཚ་ཞང་འདན་མ་བྱང་ཁྲ་དེས་ཉི་ཟེར་རྡུལ་གྱི་ཞགས་པ་དེ་གྲུ་ནས་ཕུད་ཅིང་ལན་གཅིག་བཏབ་

པ་ན། ཐོག་ཁྲི་བུ་ཡི་སྐེ་ལ་ཐེབས་ནས་འཕེན། བདུད་པོ་དེས་ཀྱང་ཕར་འཕེན་ནས་གྲི་ལན་མང་ བཏབ་ཀྱང་མ་ཆོད། འདན་མ་དང་འཕེན་རེས་བྱེད་པའི་སྐབས། འདན་མའི་དཔུང་རོགས་ཁས་ ལེན་རྣམས་གླག་ནག་གཟན་ལ་བཅུམ་པ་ལྟར་དེར་རྒྱུགས་ཤིང་། རྒོད་པོ་ཐོག་ཁྲི་རྔམ་ཆེན་དེ་

འགུལ་རྒྱུ་མེད་པར་བྱས་ཏེ། ཕྱི་བཀྱིགས་ལ་ཨ་ལོང་འདྲ་ལེ། ཨ་ལོང་ལ་ཕས་ཁ་མེད་ལེ། ནང་ བཀྱིགས་གྲུ་གུ་འདྲ་ལེ། གྲུ་གུ་ལ་གྲུ་སྙིང་མེད་ལེ་བྱས་ནས་བསྡམས། རྟ་གོང་ལ་བཅིངས་ནས་ ཁས་ལེན་དཔའ་བོ་རྣམས་དང་འདན་མ་བཅས་དམག་སྒར་ནང་མཆོངས་ཏེ། ཤི་བསད་ཁྲག་གི་ འཁོར་ལོ་བསྐོར་ཞིང་། མི་རོའི་བམ་ཐང་བཀྲམ་འདྲ། ཁྲག་གི་ཡུར་ཆུ་རྒྱས་ལེ་བྱས། སྒར་ཟུར་ ལ་བུད་ཅིང་དཔའ་ཚོད་བཟུང་ནས་གླིང་ཕྱོགས་སུ་ཁ་ལོ་བསྒྱུར་ཏོ།།

62

དུས་དེ་མཉམ། ནུབ་ཀྱི་སྒར་ནང་དུ་ཧོར་སྡིག་གཅོད་ཤན་པ་རྨེ་རུ་དེ་མི་ཕོ་དམར་པོ་གཤིན་རྗེའི་ མདོག རྟ་ཕོ་དམར་པོ་བཙན་གྱི་མདོག བཙན་རྒོད་སྲོག་ལ་རྔམ་འདྲ་བྱས་ཏེ། རལ་གྲི་དུག་རལ་ འབར་བ་ཤུབས་ལས་ཕྱུངས་ནས། དམག་སྒར་དེ་འཕར་བས་ར་ཁྱུ་དཀྲུག་པ་ལྟར་ཡར་འདེད་

མར་འདེད་བྱེད་ཅིང་གསོད་པའི་སྐབས། སྒར་དེའི་གཡོན་ཕྱོགས་ནས། ཨ་བསེ་སྟོང་བདུད་ནག་ པོ་ཟེར་བ་དེ་འདོ་བ་བྱ་ནག་ལྡིང་ཤེས་ཀྱི་གོང་ལ་བུད་དེ། གློག་འཁྱུགས་པ་ལྟར་ཤན་པའི་གདོང་ ལ་རྒྱུགས་ནས། སྟོང་འཇུག་མེད་པའི་གླུ་འདི་བླངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །གནམ་ཐེའུ་ར་གྭ་ཚོ་གསུམ་

མཁྱེན། །བར་ཐེའུ་ར་ཐེའུ་དགུ་འབྱུང་མཁྱེན། །ས་ཐེའུ་དུ་བ་མགོ་དགུ་མཁྱེན། །ཡུལ་བདག་ དྲེད་ལེ་སོག་དཀར་མཁྱེན། །བླ་རི་རྡོ་རྒོད་བྲག་བཙན་མཁྱེན། །དེ་རིང་དཔའ་བོའི་གྲོགས་ལ་ བྱོན། །ས་འདིའི་ས་ངོ་མ་ཤེས་ན། །བྲག་ནག་ཐང་ཆེན་བཞི་མདོ་རེད། །ང་འདྲ་ང་ངོ་མ་ཤེས་

ན། །ཨ་བསེ་སྟོང་བདུད་ནག་པོ་ཟེར། །ཁོ་རེ་ཚེ་ཟད་དམར་པོ་སྐྱ། །མ་ངན་ཇོ་རུའི་དམག་སྒར་

ནང་། །ཡུལ་གང་གི་ཤོག་གི་དཔུང་དམག་ཡིན། །འཇིག་རྟེན་སྔར་མིའི་གཏམ་དཔེ་ལ། །བྱིའུ་ ཚེ་ཟད་ཁྲ་ཚང་ནང་དུ་འཛུལ། །ར་ཚེ་ཟད་འཕར་བའི་ཚང་སྒོ་འགྲིམས། །མི་ཚེ་ཟད་སྲིན་པོའི་

གྲོང་ལ་སླེབས། །ཚེ་ཡང་ཟད་དཔའ་བོ་ང་ལ་ཐུག །ཨ་བསེ་སྟོང་བདུད་ནག་པོ་ང་། རྗེ་དར་ཁྲི་

བཙན་པོའི་དམག་དཔོན་ཡིན། །ཕར་འགྲོ་དམག་གི་སྔོན་མ་ཡིན། །སྡང་དགྲའི་གློ་སྙིང་ལེན་མི་ ཡིན། །ཚུར་འོང་དམག་གི་རྗེས་མ་ཡིན། །དམག་བུ་རྟའི་རུ་རྟིང་སྐྱོང་མི་ཡིན། །དེ་སྔར་དགྲ་ལ་

མ་འཐབ་མེད། །ཁྱེད་འདྲ་ལེའི་བརྙས་ལས་ཁུར་མ་མྱོང་། །ཉི་མ་དེ་རིང་གདོང་གང་ལ། །དཔུང་ རོགས་སྡར་མ་ཁྱུ་གཅིག་དེ། །བྱིའུ་ཁྱུ་ཁྲ་ཡིས་བཅོམ་འདྲ་བྱེད། །རུ་སྔོན་མི་དམར་རྟ་དམར་

ཅན། །མར་མེ་རླུང་གིས་གཟིམས་འདྲ་བྱེད། །ཁྱོད་དགའ་དོ་བསམ་དོ་སྡུག་དོ་བསམ། །ངའི་ ལག་ལ་བཟུང་བའི་མདའ་མོ་འདི། །གནམ་ལྕགས་གློག་དམར་འཁྱུག་ཤེས་ཟེར། །ཐེའུ་རང་

63

འགར་བས་འཕྲུལ་བརྡུང་བྱས། །ངར་ཆུ་ཆུ་སྲིན་ཁྲག་གིས་བྱས། །བྲག་དཀར་རྫོང་ཡིན་ཀྱང་ ཐལ་ཕུང་བྱེད། །དགུང་ཉི་ཟླ་ཡིན་ཀྱང་ཐང་ལ་འཕེན། །གོ་ཨེ་ཐལ་ཁོ་རེ་དམར་པོ་སྐྱ། །མ་གོ་ གཏམ་ལ་ཡང་བཤད་མེད། །དམར་པོ་སྐྱ་ཡི་ཡིད་ལ་ཞོག །

ཅེས་ཟེར་ཞིང་གླུ་མཇུག་རྫོགས་མ་ཐག་མདའ་དེ་སྤྲིངས་བྱུང་བས། ཤན་པ་ལ་མ་ཐེབས་

པར་དཔུང་པའི་ཟུར་ནས་རླུང་སྦུད་པ་ལྟར་སོང་སྟེ། རྒྱབ་ཀྱི་ཕྱོགས་ནས་དམག་མི་བདུན་ཙམ་ཐལ་ བ་འཚུབ་བེ་བསྒྲིལ། ཧོར་སྡིག་གཅོད་ཤན་པ་རྨེ་རུ་དེ་ངར་རྒོད་གཏིང་ནས་འཁྲུགས་ཤིང་། རྟ་

དམར་ཆུང་གི་གོང་ནས་སྒ་འགྱུར་ཞིག་བརྒྱབ་སྟེ། རལ་གྲི་དུག་རལ་འབར་བ་དེ་ཕྱེད་ཤག་བྱས་ ཤིང་རྟ་གོང་ལ་གཟུར་འདུག་ཅིག་བྱས་ནས།

རལ་གྲི་དུག་རལ་འབར་བ་དེ་བར་སྣང་ལ་ཕྱར་ཏེ་ལན་གསུམ་བཏབ་པས། གྲི་སྔོན་མ་དེ་

རྨོག་གི་དར་འཕྲུའི་མཚམས་ལ་ཐེབས་ནས། དར་འཕྲུ་རྣམས་སྐྱ་ཐར་རེ་ཐང་ལ་གཏོར། གཉིས་ པ་དེའི་རྩེ་ཤད་ཙམ་གྱིས་ཁྲབ་བྱང་སྒོ་ཕྱེ་བ་ལྟར་སིང་སྒྲ་ཉིལ་ལེ་ཐང་ལ་འཕངས། གྲི་གསུམ་

པ་དེས་མགོ་སྤྱི་བོའི་གཙུག་ལ་ཐེབས་ཤིང་། མི་རྟ་སྒ་དང་བཅས་གས་གཉིས་ལ་འཕངས་ནས་ བསད། ཤན་པས་མགོ་འཕྲུ་གོང་ལེན་བྱས་ནས་དམག་སྒར་ལ་རྒྱུགས་ཏེ། དམག་སྒར་དེ་ཆག་

ཉལ་བཏང་ཞིང་། མི་རོའི་བམ་ཐང་བཀྲམ་འདྲ། ཁྲག་དམར་རྫིང་ཆུ་འཁྱིལ་འདྲ་བྱས་ནས་སྒར་ཟུར་

བུད། ཐང་གཞོངས་ཤིག་ན་རྟ་ཁྱུ་ཞིག་འདུག་པ་མཐོང་ནས། དེ་འདེད་དགོས་བསམས་ཤིང་། ཀི་ ཤར་ཚག་སྒྲ་གྲག་ལེ་ཞིག་བྱས་ཏེ། ཉིན་རྟ་ཉིན་ནས་རུབ། སྲིབ་རྟ་སྲིབ་ནས་བསྡུས། ཉིན་སྲིབ་

བར་གྱི་རྟ་རྣམས་དེད་ཅིང་ཕར་ཙམ་སོང་ནས་ན་རེ། ཡ། ཁོ་རེ་སྤྲང་སྒར་ཚུར་ཉོན་དང་། དེ་རིང་ གི་རྟིང་མ་དེ་ཙམ་ཡིན། ད་རུང་ཉིན་བཞིན་དཔའ་རྟགས་རེ་འཇོག་རྒྱུ་ཡོད། ལྟད་མོ་ལྟོས་ཨང་། ཟེར་ཞིང་། སྒ་འགྱུར་དང་གྲི་བསྐོར་ལིང་ངེར་རྟ་ཁྱུ་དེད་དེ་གླིང་སྒར་ཕྱོགས་སུ་བཞུད་དོ། །

རི་སྒང་ཞིག་གི་ཕར་ཟུར་ལ་སླེབས་ཚེ། ཤན་པས་གསུངས་པར། ཡ་དཔའ་རྟུལ་ཁས་ལེན་

ཚོ། ཁྱེད་རྣམས་ཀྱིས་རྟ་རྣམས་དེད་དེ་སྔོན་ལ་སོང་ཞིག་ངེད་དཔའ་རྟུལ་ལྔ་ཙམ་གྱིས་འདི་ནས་

64

བསྒུགས་ཏེ། ར་མདའ་བྱུང་ན་རྟིང་མ་བླངས་ནས་ཐོན་འོ ང་གསུངས་ཤིང་། དཔུང་རོགས་གཞན་ རྣམས་ཕར་མངགས། ཁོང་དཔོན་བློན་ལྔ་ཙམ་རྟ་ལས་བབས་ནས་དེར་བསྒུག་བསྡད་པ་དང་། དར་ཁྲིའི་དམག་སྒར་ནས་དེ་རིང་དམག་ཉེས་ཆེན་པོ་འདི་འདྲ་བྱུང་ཐོག ད་རུང་རྟ་རྣམས་དེད་ དེ་ཤོར་བས་བརྙས་ལས་ཚབ་ཆེན་ཞིག་རེད། ར་མདའ་ལ་ང་འགྲོ་ཁོ་འགྲོ་ཟེར་ཞིང་ཟང་ཟིང་ ལང་ལོང་གི་སྐབས་དེར། བློན་རྒན་བསོད་ནམས་གྲགས་པ་ན་རེ། ཡ་འདིར་འཚོགས་བཀའ་

བློན་དམག་དཔོན་རྣམས། ད་སྡུག་རྒྱུགས་བྱས་པས་ཕན་པ་མེད། ད་རེབ་ར་མདའ་སོང་བ་ན། འཛིང་ཁེ་ཁ་མི་ལོན་སེམས་ཐག་རེད། ད་རེས་ར་མདའ་མ་འགྲོ། ཞག་མ་གཅིག་གཉིས་སྒུགས་

དང་། རྒྱལ་པོས་འདི་བྱོས་ཞེས་པའི་བཀའ་ཞིག་ཡོད་འོ ང་། རྒྱལ་སར་སོང་བའི་དམག་དཔོན་

རྣམས་སྒར་ལ་སླེབས་དུས་ཅི་དགོས་བལྟ། དཔའ་ཡོད་ན་དཔུང་བ་ངོམ་ལོང་ཡོད། ད་རེས་འགྲོ་

མི་རུང་། ཟེར་བ་དང་། ཚང་མས་བདེན་པར་གོ་ནས་མ་སོང་། ཤན་འདན་གཉིས་ཀྱིས་ཡུན་རིང་ བསྒུགས་ཀྱང་མ་བྱུང་བས། ག་ལེར་གླིང་སྒར་ལ་ཕེབས་སོ།།

དེ་ནས་ཤར་བཀའ་བློན་འདན་མ་བྱང་ཁྲ་དང་། ཧོར་སྡིག་གཅོད་ཤན་པ་རྨེ་རུ་གཉིས་

ཀྱི་དཔུང་དམག་ཁས་ལེན་གླིང་སྒར་ལ་འབྱོར་ཞིང་། དེར་ཡོད་ཚང་མ་དགའ་དགའ་དང་སྤྲོ་

སྤྲོའི་ངང་བཞུགས། ཨ་ཁུ་ཁྲོ་ཐུང་གི་བསམ་པར། ཐོག་ཁྲི་འདི་གླིང་ལ་མི་མཁོ་བས། ཅི་བྱེད་

འདི་བྱེད་ཀྱི་གཏམ་གཅིག་ཀྱང་མ་གསུངས། ང་རང་འགྲོ་ནས་ཁྲིམས་བཤད་དང་སྡིག་མོ་ཞིག་ བྱས་ན། སེམས་རྩ་ཨེན་ཙམ་ལྷོད་ཨེ་ཡོང་། དེ་སྟེ་ཚིག་ཟུར་ཞིག་བསྟན་ནས་ང་རང་གི་དམག་

ཤོག་ལ་ཨེ་ལོན་བལྟ་དགོས་བསམས་ནས་ན་རེ། འོ་ལེགས་སོ། །ལེགས་སོ། །གླིང་གི་རྗེ་བློན་ རྣམས། ཐོག་ཁྲི་རྔམ་ཆེན། ཁྲིམས་གཅོད་མཁན་གྱི་དཔོན་པོ་ང་ཡིན་ཟེར་ནས། ཁྲི་ལས་ཡར་ ལངས་ཏེ་སོང་། རོང་གུར་ནང་ནས་ཁྲིམས་ཆས་རྣམས་གཡོག་པོ་གཉིས་ལ་འཁུར་དུ་བཅུག་

ཅིང་། འཇིགས་པའི་ཆས་སྤྲས་ཤིང་། ཐོག་ཁྲིའི་རྩར་སོང་ནས་ན་རེ། ཡ། ཁོ་རེ་ཐོག་ཁྲི་སྡར་ མ་བུ། ང་སུ་རེད་ངོ་ཨེ་ཤེས་སོ། ཞེས་ཟེར་ཞིང་། མིག་དམར་ལོག་ལོག་བྱེད་ཅིང་། ཁྲིམས་

65

ཆས་རྣམས་སིང་སྒྲ་ཉིལ་ལེ་སྔོན་ལ་འཕངས། གཡོག་པོ་གཉིས་ཀྱིས་ཐོག་ཁྲི་ཐང་ལ་བསྒྲིལ་ཏེ། རྟ་ལྕག་བརྒྱ་རེ་བརྒྱབ་པ་ན། རྒོད་པོ་ཐོག་ཁྲི་རྔམ་ཆེན་དེའི་བསམ་པར། སྡར་མ་ཁྲོ་ཐུང་གིས་ ཁྲིམས་བཤད་དང་མཚང་འབྲུ་བྱེད་པ་དེ། གཡག་བསད་ཐོག་རྔ་མས་མགོ་བྲབ། དཔོན་མེད་

ཐོག་གཡོག་པོས་ཁྲིམས་གཅོད་ཟེར་བའི་དཔེ་ལྟར་རེད། ང་རང་ཆུང་མ་ལས་སྐྱེས་ནས་བཟུང་།

སྡུག་ཁོ་ཡིས་བྱས་བྱས་བྱེད་མ་མྱོང་། ང་རང་ཉེས་ཆེན་ལ་ཆད་པ་ལོས་གཅོད་དེ། སྡུག་ཁྲོ་ཐུང་ གིས་བརྙས་བཅོས་འཁུར་བ་ལས། སྲོག་ཐེངས་དགུར་ཆད་ཀྱང་འགྱོད་པ་མེད་བསམས་ཤིང་། ཨམ་གཙིགས་བསྡམས། མགོ་བོ་ལིང་ལིང་བྱས་ཏེ་ན་རེ། ཁོ་རེ་སྟག་རོང་ཁྲོ་ཐུང་མ། བླ་མས་

ཅི་གསུང་མ་ཤེས་གོང་། བན་དེས་འདོན་སྔ་དི་རི་རི། བདག་པོས་ཅི་སྦྱིན་མ་ཤེས་གོང་། ཉིན་ གཡོག་ཟས་ཚོད་དམ་སེ་དམ། དཔོན་པོས་བཀའ་གསུངས་མ་ཕབ་གོང་། སྡུག་གཡོག་པོས་

ཁྲིམས་གཏམ་ཤ་ར་ར། སྡུག་ཁྱོད་འདྲའི་བརྙས་ལས་འཁུར་ལེ་མིན། ཁྱོད་ཀྱིས་ཅི་བྱས་ང་ཡིས་ ཤེས། ཞེས་ཟེར་ཞིང་འཆིང་ཐག་སྤྲུག་འཐེན་ཞིག་བྱས་པས། ལྕགས་ཐག་དང་རྒྱང་ཤིང་རྣམས་

ཚག་ཚག་ཟེར་ཞིང་བཅད་ནས་ཁྲོ་ཐུང་ཐོག་ལ་རྒྱུག་གྲབས་བྱས་པ་ན། ཁྲོ་ཐུང་སྐྲག་སྟེ་ཕྱི་བྲོས་ བྱས་པས། རྡོག་སྣ་ཐོགས་ནས་ཐང་ལ་འགྱེལ། འོ་དོད་འབོད་པས་རི་ལུང་པཀང་ལེ་བྱས་ཏེ་ན་ རེ། གླིང་གི་དཔའ་རྟུལ་ལྷ་དམག་རྣམས། ང་ཨ་ཁུ་བཙོན་པས་གསོད་ལེ་རེད་ཟེར་ཏེ། ཐང་ལ་ འགྲིལ་འདུག དེ་ཡོད་ཚང་མ་ཧ་རྒོད་ཉིལ་ལེ་བྱས། དཔའ་རྟུལ་དམག་དཔོན་རྣམས་གེ་སར་

ཐུགས་ལ་ཕོག་དོགས་ཀྱིས་རྒོད་མ་ཕོད། ཚ་ཞང་འདན་མ་བྱང་ཁྲ་དེའི་དགོངས་པར། བཙོན་

གཉོམ་རྡུང་བྱས་པས་ཅི་ཕན། འཇིག་རྟེན་པའི་དཔེ་ལ། དགྲ་མཆན་འོག་ཚུད་ན་བུ་ལས་བྱམས་ ཟེར་བ་དང་། ཁྲ་མོ་གླིང་ལའང་ལུགས་སྲོལ་ཡོད་པས་དེ་འདྲ་མི་རུང་བསམས་ཤིང་།

ཤར་བཀའ་བློན་འདན་མ་བྱང་ཁྲ་དེས། རྒྱལ་མཆོག་རིན་པོ་ཆེ་ཡི་མདུན་དུ་གསེར་ཊཾ་བཅུ་

དང་། སྤྱི་དཔོན་དང་། ལྷ་སྲས། ཨ་སྟག་བཅས་ཀྱི་མདུན་དུ་གསེར་ཊཾ་བཅུ་རེ་དང་། དར་རེ་ཕུལ་ ནས་ན་རེ། ཡ། དཔའ་རྟུལ་རྒྱལ་བློན་ཚུར་གསོན་དང་། བཙོན་པ་ཐོག་ཁྲི་བུ་བཙན་དེ། ཉེས་པ་

66

ཆེ་ལེ་རང་གིས་ཤེས། ད་རེབ་བཙོན་ཞབས་ཚུད་པའི་དུས། ལུས་གཟུག་དྲུག་ཐག་པས་བསྡམས་ ནས་བཞག ད་གཉོམ་རྡུང་བྱས་ན་ཤ་རེ་ཚ་ཞེས་ཞུས་པ་དང་། གཞན་དཔའ་རྟུལ་རྣམས་ཀྱིས་

རྒྱལ་པོས་ཅི་གསུངས་འོང་བསམས་ཤིང་ཅི་ཟེར་མ་བྱུང་བའི་སྐབས་དེར། རྒྱལ་མཆོག་རིན་པོ་ ཆེ་ཡིས་གསུངས་པར། ཡ། དཔའ་རྟུལ་བཀའ་བློན་དང་། སྤྱི་དཔོན་རྒྱལ་པོ་ལགས། ཡང་སྒོས་

ཚ་ཞང་འདན་མ་ལགས། བདུད་པོ་ཐོག་ཁྲི་བུ་བཙུན་འདི་ཉེས་ཆེན་ངོ་ནག་ངོ་མ་རེད། དེ་རེད་ཀྱང་ དེ་རིང་ཉི་མ་ལ། ཚ་ཞང་འདན་མས་སྲོག་བསླུ་ཞུ་བ་དེ་ལ་ངོ་བཅག་ག་ན་འོས། དཔའ་ཚ་ཞང་ འདན་མ་བྱང་ཁྲ་འདི་ཆགས་ལ་བལ་སྟན་འདིང་འདིང་རེད། ཤེས་ལ་ནམ་མཁའ་ཡར་ལངས་རེད།

འབུམ་པའི་བློན་ཆེན་དང་པོ་རེད། གླིང་ལ་བཀའ་དྲིན་ཆེན་པོ་རེད། ང་རྒྱལ་པོར་བློ་སེམས་འགྱུར་ བ་མེད། མ་སེམས་ཅན་ལ་བྱམས་དང་སྙིང་རྗེས་སྐྱོང་། དགུང་ལོ་འདི་ཙམ་སླེབས་དུས་ད་རུང་

གླིང་ལ་བཞུགས་པ་བཟང་། འདན་སྡེ་ཁྲི་སྐོར་བཅུ་གཉིས་ཀྱི་དཔོན་པོ། གླིང་འཆག་མེད་གསེར་

གྱི་ཀ་བ་ཡིན། དེ་རིང་ཁྱེད་ཀྱིས་གསུངས་པ་ལྟར་སྲོག་བསླུ་གཏོང་བ་ཡིན། དར་ཁྲི་ཡུལ་གྱི་དགྲ་ མཐའ་མ་ཆོད་བར་བཙོན་ལ་བཞག་དགོས། དེ་ནས་ཅི་བྱ་འདན་མ་ཁྱེད་ཀྱིས་ཤེས། ནམ་སྔར་

བོད་ཕྲུག་མི་ཆུང་ཁ་བདེ་ཁྱོད་ལ་དཔུང་རོགས་དམག་མི་ལྔ་བཅུ་ཙམ་གྱིས་བསྐོར་ནས། འདིར་ ཡོད་བཟུང་དམག་གླིང་ལ་བསྐྱལ་ནས་སོང་། ལབ་ཆེན་སེང་བློན་གཙོས་པའི་གླིང་གི་གཞིས་

འདུག་རྣམས་ལ། བཟུང་དམག་འདི་ཚོར་བཙོན་ཟས་ལེགས་པར་སྤྲད་དེ་བྱམས་ཀྱིས་སྐྱོང་དགོས་ གྱིས། ང་ཚོ་འདི་ནས་ལོ་གཅིག་གི་མཚམས་རང་ཡུལ་དུ་གཏེར་རྫོང་ཕབ་ནས་ཐོན་ཡོང་བས།

ཁྱེད་རྣམས་བདེ་བར་ཡུལ་གཞིས་སྐྱོངས་ལ་སྡོད་ཅེས་ཤོད་ཤོག མ་ཟད་ཕྱོགས་སོ་སོའི་དམག་

དཔོན་དང་བཀའ་བློན་རྣམས་དགྲ་ཐུབ་ཅིང་དགའ་སྐྱིད་ངང་དེར་རྗེ་བློན་མགོ་འཛོམས་བྱས་ནས་ ཡོད་ཚུལ་ཞུས་ཤོག་གསུངས་ཤིང་བཀའ་ཕབ། མི་ཆུང་གིས་ལགས་སོ་ཞུས་ཤིང་། གླིང་དཀར་ ལ་འགྲོ་བར་ཆས་སོ། །ཞེས་ལེའུ་བཅུ་གཅིག་པ་རྫོགས་སོ།། །།

67

ལེའུ་བཅུ་གཉིས་པ། འདན་མར་ལྷ་ཡིས་ལུང་བསྟན་གནང་།།

བདུད་དགྲ་འདུལ་བའི་ཞལ་བཀོད་ཐོབ།། ཨ་སྟག་ཁྲོས་པའི་དཔའ་ལམ་ནས།།

བཙན་སྐྱ་དཔུང་རིང་དུམ་བགོས་བཏང་།།

དེ་ནས་ཚེས་བཅུ་ཡི་ནུབ་མོར། ཚ་ཞང་འདན་མ་བྱང་ཁྲ་དེ་གཟིམས་ནས། གཉིད་ཨ་ཐུན་

ཐུན་གྱི་ཐུན་སྟོད། ཨ་ཐུན་ཐུན་གྱི་ཐུན་སྨད། རྫི་མ་རུབ་པའི་གསང་ལམ། སྔུར་སྒྲ་རིང་མོའི་འགྲིམ་ ལམ་ན། མཐོ་ནམ་མཁའ་མཐིང་གི་གཡས་ཟུར། ནམ་མཁའ་མཐིང་གི་གཡོན་ཟུར། ནམ་མཁའི་ སྤྲིན་ལམ་སྐྱ་མོ། འཇའ་འོ ད་འཁྱིལ་བའི་གུར་ཁང་། མེ་ཏོག་གི་སྦྲང་ཆར་སིལ་ལི་ལི་འབབ་པའི་ ཀློང་ནས། མ་ནེ་ནེ་གོང་སྨན་རྒྱལ་མོ་དེས། འདན་མ་ལ་ལུང་བསྟན་གྱི་མགུར་མ་འདི་ལྟར་ཞིག་ གསུངས་པའི་ཚུལ་དུ་ཁ་ལ་ཤར་བྱུང་།

གུ་རུ་དེ་བ་ཌ་ཀི་ཡེ། །ན་མ་སརྦ་སངྷི་ཧཱུཾ། །གླུ་ཨ་ལ་ངག་གི་འབྱུང་ཁུངས་རེད། །ཐ་ལ་ཚིག་

གི་བརྗོད་ལུགས་རེད། །ས་འདིའི་ས་ངོ་མ་ཤེས་ན། །བྲག་ནག་ལུང་པའི་ཐང་ཆེན་ལ། །གླིང་ལྷ་

དམག་འབུམ་གྱི་སྒར་ནང་ནས། །འདན་གུར་དཀར་མོའི་ནང་བཅུད་རེད། །དེ་ནས་ཚ་ཞང་འདན་མ་ ལགས། །རིག་པ་མ་འཕྲུལ་ང་ལ་གསོན། །ངོ་ཤེས་ན་གནམ་སྨན་དཀར་མོ་ཡིན། །ཚ་ཞང་འདན་ མ་བྱང་ཁྲ་ཁྱེད། །གླིང་འབུམ་པའི་རྒྱལ་རབས་གོང་མ་ནས། །བློན་དམ་ཚིག་འགྱུར་མེད་འདན་

མ་རེད། །སེམས་བརྟན་ལེ་རི་རྒྱལ་ལྷུན་པོ་རེད། །ལས་དག་པ་ལྷ་ཡི་རིགས་རྒྱུད་རེད། །དེ་སྟེ་

ང་ཡི་གླུ་ལ་གསོན། །རྒྱ་ཤོད་ཞིང་གི་རེའུ་མིག་ལ། །ཨ་འབྲུ་ནས་ཀྱི་ལྗང་ཆུང་འཁྲུངས། །བཟང་

པོའི་འབྲས་བུ་མ་སྨིན་ན། །སྐྱེ་བོང་ཆེ་ཡང་ཅི་ལ་ཕན། །ནགས་རྒྱ་རྫོང་བཀྲ་ཤིས་ར་བ་ལ། །ཤིང་

68

ཤུག་གུའི་རྩེ་ལ་ཁུ་བྱུག་བབས། །སྐད་སྙན་མོའི་དྲུག་འགྱུར་མ་བརྒྱབ་ན། །སྔོན་ཡ་ལེ་འཕུར་

བས་ཅི་ལ་ཕན། །འདན་ཡུལ་ནོར་བུའི་ས་ཆ་ལ། །གླིང་འཆག་མེད་གསེར་གྱི་ཀ་བ་དེ། །དཔའ་ ཚ་ཞང་འདན་མ་བྱང་ཁྲ་འཁྲུངས། །ལུས་རྩལ་དྲུག་དགྲ་ལ་མ་ངོམ་ན། །འཇམ་ཅག་གེར་བསྡད་

པས་ཅི་ལ་ཕན། །ཕྱི་དགྲ་བྱུང་ན་གདོང་ལེན་བུད། །ཕར་འགྲོ་དམག་གི་རུ་སྣ་དྲོངས། །བདུད་དར་ ཁྲི་བཙན་པའི་དམག་སྒར་ལ། །རྩལ་ཆེན་ཧ་ལ་ཐོག་འབེབ་དང་། །གཟའ་བདུད་དུག་ཆུ་ནག་པོ་

གཉིས། །རྩལ་ཆེན་ཧ་ལ་ནག་པོ་གསུམ། །དེའི་འཁོར་དཔའ་རོགས་དུ་མ་གདའ། །དམག་སྟོང་ དམག་ལྔ་ཙམ་དམག་སྣོན་བྱས། །བྲག་ནག་ཐང་གི་གཡོན་ཟུར་ལ། །དམག་སྒར་གོ་བསྡུ་བྱས་

ནས་ཐལ། །བདུད་དགྲ་ཚུར་ལ་འོང་ཞིང་གདའ། །གླིང་གི་དཔའ་རྟུལ་ཁས་ལེན་དང་། །རུ་ཤོག་

དམག་དཔོན་ཁས་ལེན་ཚོས། །རང་ཤོག་དམག་སྒར་ཟིན་ལེ་དགོས། །རྩལ་ཆེན་ཧ་ལ་ཐོག་འབེབ་ དེ། །རྒོད་པོ་བརྒྱ་ཡི་དྭངས་རྩེ་རེད། །རྣོན་པོ་བརྒྱ་ཡི་སོ་ཁ་རེད། །བདུད་རྒོད་ནང་གི་དཔའ་བོ་

རེད། །ལས་ཅི་མ་ཡིན་ལ་ཐུབ་ལེ་མིན། །བདུད་པོ་དེ་ཡི་གདོང་ལེན་ལ། །ཚ་ཞང་འདན་མ་བྱང་ ཁྲ་བུད། །རིང་རིང་མདའ་མོས་རྩལ་རྟགས་ཞོག །ཉེར་བཅར་གྲི་ཡིས་གདོང་ལེན་དཀའ། །ཚ་

ཞང་འདན་མ་བྱང་ཁྲ་ཁྱོད། །མ་གྲུབ་པ་རྒྱལ་མོའི་ཚེ་མདུད་དང་། །ལྷ་ཨོ་རྒྱན་པདྨའི་བྱིན་རྟེན་

དང་། གླིང་གེ་སར་དཔོན་གྱི་ན་བཟའ་ཐོགས། །ནེ་ནེ་ང་ཡིས་སྡོངས་གྲོགས་བྱེད། །འཇིགས་པ་མི་ དགོས་ཕ་ཡི་བུ། །རྩལ་ཆེན་ཧ་ལ་ཐོག་འབེབ་དེ། །འདུལ་བའི་དུས་ལ་བབ་ནས་འདུག །རྩལ་ཆེན་ འདན་མས་མདའ་ལ་སྦྱོར། །གཏམ་གོ་ན་འདན་མའི་ཡིད་ལ་ཞོག །མ་གོ་གླུ་ལ་འགྲེལ་བ་མེད།།

ཅེས་གསུངས་ནས་མི་སྣང་བར་གྱུར། འདན་མ་མྱུར་བར་མལ་ལས་ལངས་ཏེ། རྒྱལ་མཆོག་

རིན་པོ་ཆེ་ཡི་མདུན་སར་སོང་། ལྷ་ཡི་ལུང་བསྟན་བྱུང་ཚུལ་དང་། རང་ཤོག་དམག་གི་སྒྲིག་

བཀོད་རྣམས་ཞུས་པས། རྒྱལ་པོ་གེ་སར་ཐུགས་ཤིན་ཏུ་མཉེས་ཏེ། གསུངས་པར། ཡ་ཚ་ཞང་ འདན་མ་བྱང་ཁྲ་ལགས། ཁྱེད་ལ་ལྷ་ཡིས་ལུང་བསྟན་མཛད་པ་དེ་ཤིན་ཏུ་བཟང་། ད་མྱུར་བར་

གླིང་དཀར་འདུ་ར་བསྡུ་དགོས། གསུངས་ཤིང་བཀའ་ཕབ། དེ་ནས་ཤོག་སོ་སོའི་དམག་དཔོན་

69

དང་དཔའ་རྟུལ་རྣམས་ལས་གུར་ལ་འདུས་ཏེ། རང་རང་བབ་ཐོབ་ཀྱི་གདན་ལ་འཁོད། དཔའ་ཚ་

ཞང་འདན་མ་བྱང་ཁྲ་དེས་གསུངས་པར། ཡ། ཨ་བུ་དཔའ་རྟུལ་བཀའ་བློན་དང་། ཡང་སྒོས་སྤྱི་

དཔོན་ཁུ་ཚན་རྣམས། ང་ལ་ལྷ་ཡི་ལུང་བསྟན་བྱུང་། དེར་ཡོད་དཔའ་རྟུལ་དམག་དཔོན་རྣམས་

དང་། ལྷག་པར་རྒྱལ་པོ་དང་སྤྱི་དཔོན་རྣམ་གཉིས་ཀྱིས་དེ་ལྟར་བྱེད་ཟེར་ཏེ་བཀས་ཐག་བཅད་ དེ་བསྡད། དུས་དེ་ཡི་སྐབས་སུ། བྱང་བདུད་དར་ཁྲི་རྒྱལ་པོའི་དམག་སྒར་ནས། དམག་དཔོན་

རྩལ་ཆེན་ཧ་ལ་ནག་པོ་ན་རེ། ད་ངེད་རིགས་ཀྱི་དམག་སྒར་དེ་འདི་ན་འདུག་ཅིང་། ཁས་ལེན་ཧྲག་ བསྡུས་བརྒྱ་སྐོར་ཙམ་དང་དམག་དཔོན་གང་བཟང་ཁ་ཤས་གླིང་ལ་སོང་ནས། གླིང་སྒར་ནང་གི་ ཤན་པ་ཟེར་བའི་དམར་རྒྱ་བ་དེ་དང་། འདན་མ་ཟེར་བའི་སྔོ་མཆུ་མ་དེ་གཉིས་ཐུབ་ལེ་བྱེད། དེ་

མིན་གླིང་སྒར་ལ་མི་ཐུབ་པ་གཅིག་ཀྱང་མི་འདུག ཉི་མ་སང་གི་གདོང་གང་ལ་གང་ཧྲག་རྣམས་

འགྲོ་དགོས་ཟེར་ཞིང་བཀའ་ཕབ། དེ་ཡོད་སུས་ཀྱང་ཞུ་མ་སྤོབས་པར་ལགས་སོ་ཞུས་ཤིང་རང་

རང་གི་སྒར་ལ་སོང་ནས་འགྲོ་གྲབས་བྱས། ཉི་མ་དེ་ཡི་ཕྱི་ཉིན་ནམ་ལངས་པ་དང་། རྒོད་པོ་དུག་

ཆུ་ནག་པོ་དེ། ཧྲག་རྟུལ་རྟ་དམག་བརྒྱ་ཡིས་བསྐོར་ནས། འདོ་བ་སྐྱ་ཁྲ་འཕུར་ཤེས་ཀྱི་གོང་ལ་བུད་ ཅིང་། གློག་འཁྱུགས་པ་ལྟར་ཁྲ་མོ་གླིང་གི་ཕྱོགས་སུ་ཆས་པ་དང་། གླིང་གི་སོ་པ་ལ་ཁ་གསུམ་

ལ་བསྡད་ཡོད་པས། དེ་དག་གིས་དགྲ་འོང་བ་མཐོང་སྟེ། བརྡ་བསང་སྤྲིན་ལངས་འདྲ་བཏང་བྱུང་ བ་ན། གླིང་སྒར་ནས་དགྲ་འོངས་པ་ཤེས་ཤིང་། གོ་གྱོན་མཚོན་ཐོགས་དང་། རང་རང་རྟ་ལ་སྒ་

བརྒྱབ་སྟེ། གོ་བཙན་བཟུང་ནས་ཁྲིག་གེར་བསྡད། བདུད་པོ་དུག་ཆུ་ནག་པོ་དེ་སྟོད་གླིང་གསེར་ བའི་དམག་སྒར་ནང་སླེབས་ནས་གླུ་ལེན་ཚིག་བསྐོར་ཅི་ཡང་མེད་པར་དམག་ཁྲོད་དུ་མཆོངས་

ཏེ། དམག་སྒར་དེ་བྱིའུ་ཁྱུ་ཁྲ་ཡིས་གཏོར་བ་ལྟར་བྱས་ཏེ། དམག་མི་བཅོ་ལྔ་ཙམ་མཚོན་འོག་ལ་ དྲངས་བྱུང་བ་ན། གསེར་པའི་ཉི་འབུམ་དར་ཡག་དེ་འདོ་བ་གསེར་བྱ་ལྡིང་ཤེས་ཀྱི་གོང་ལ་བུད་

ནས། གླག་ནག་གཟན་ལ་བཞུར་བ་ལྟར་ཁོ་ཡི་གདོང་ལ་བརྒྱུགས་ཏེ་ན་རེ། ཡ། ཁོ་རེ་བདུད་རྒན་ ནག་པོ་སྐྱ། ཤར་ཁྲ་མོ་གླིང་གི་ལས་དམག་ལ། སྡུག་ཁྱོད་ཀྱིས་བརྙས་ལས་ཐུབ་ལེ་མིན་ཟེར་བ་

70

དང་། མདའ་དེ་སྤྲིངས་བྱུང་བས། བདུད་པོ་དེ་ཡི་གཞོགས་གཡོན་པའི་ནུ་མའི་ཐད་དུ་ཐེབས་ ཏེ། གོ་ཁྲབ་རྣམས་སིང་སྒྲ་ཉིལ་ལེ་གཏོར། ནང་དུ་ཐེའུ་རང་བླ་མའི་སྲུང་མདུད་དང་། རིལ་བུ་

བྲ་བའི་རིལ་མ་ཙམ་ཡོད་པ་དེར་བརྟན་ནས་སྲོག་ལ་གནོད་མ་ཐུབ། ཁོའི་བསམ་པར། མི་འདི་

དང་བསྡུར་ན་རྟིང་མ་ལོན་པ་མི་འདྲ་བསམས་ནས། ལས་དམག་མང་པོ་ཤི་རྨས་བྱས། གླིང་གི་ ལས་དམག་རྣམས་ཀྱིས་མདའ་སྐྱ་སེ་ར་འབབ་འབབ། མདུང་སྐྱ་བུ་ཡུག་འཚུབ་འཚུབ། གྲི་འོ ད་

གློག་དམར་འཁྱུག་འཁྱུག་བྱས་ཏེ། བདུད་པོ་དེ་ཡི་དཔུང་རོགས་མང་པོ་ཆག་ཉལ་བཏང་། བདུད་ པོ་དེས་ཤར་ངོས་སྟག་རོང་སྒར་ལ་གཏད་དེ། མདའ་གཉིས་བསྟུད་དེ་འཕངས་བྱུང་བས། སྟག་

རོང་གི་སྒར་ནས་དམག་མི་བཅུ་སྐོར་ཙམ་གཡས་བསྒྲིལ་གཡོན་བསྒྲིལ་དུ་བཏང་། ཁོའི་བསམ་

པར། དེ་རིང་རྟིང་མ་དེ་ཙམ་ཡིན། ད་རང་ཚོད་ཟིན་ན་དགའ་སྟེ། དམག་སྒར་དཀྱིལ་གཤགས་ བརྒྱབ་ནས་རང་ཕྱོགས་སུ་རླུང་སྦུད་པ་ལྟར་སོང་བ་ན། གླིང་གི་སྒར་ནས་དཔའ་རྟུལ་ཁས་ལེན་ རྣམས་གླག་ནག་བཞུར་བ་ལྟར་ཁོའི་རྗེས་འདེད་དུ་བྱུང་བས། ཁོ་ཕྱི་ལྟས་མེད་པར་བྲོས་སོང་ བས་རྗེས་མ་ཟིན་པར་གདའ།

དེ་ནས་ཁོ་དར་ཁྲིའི་སྒར་ལ་འབྱོར་ཞིང་། དམག་དཔོན་དང་དམག་མང་རྣམས་ཀྱིས་ཁོའི་

ཆིབས་ཁ་བླངས། ལས་གུར་དུ་ཡར་སོང་སྟེ་བཀའ་འདྲི་དང་བཟའ་བཏུང་བྱས། ཁྲིའི་ཐོག་ཏུ་

ཧོར་འདུག་ཅིག་བྱས། དམག་དཔོན་རྣམས་ལ་ངོ་འགྲིམ་མང་པོ་བརྒྱབ། ཇ་ཧུབ་འཐུང་བྱས་ཏེ་ བསྡད། རྩལ་ཆེན་ཧ་ལ་རྔམ་ནག་ཟེར་བ་དེས་ཟེར་བར། དེ་རིང་མ་ངན་འགོག་ཚའི་སྤྲང་སྒར་ དེ་གཏོར་ལུགས་ཤིན་ཏུ་བཟང་། བུ་དཔའ་བོ་ཟེར་བ་འདི་ཚོ་རེད་ཟེར་ནས། གསེར་གྱི་པ་ཊ་

གསུམ་དང་། དངུལ་ཁམ་པའི་པ་ཊ་བཞི་བཅས་གནང་། ཡང་དམག་དཔོན་རྣམས་ལ། ངེད་རིགས་ དམག་དཔོན་ཚོས་མ་ངན་འགོག་ཚའི་སྤྲང་སྒར་ནས། བུ་རེ་རེས་རྟིང་མ་རེ་རེ་ལོངས། དཔའ་

དར་གཟེངས་བསྟོད་རིམ་བཞིན་ཡོད་ཟེར་ཞིང་། ཇ་ཆང་ཨ་རག་ཤ་ཐུད་མངར་རིགས་སོགས་

ཀྱི་གསོལ་སྟོན་ལ་ལོངས་སྤྱོད་ཅིང་། དུག་ཆུའི་རྔམ་ནག་གི་དཔའ་ལ་ཧ་ལས་ནས་བསྡད་ཐལ།

71

ཉི་མ་དེ་ཡི་ཕྱི་ནངས་ནམ་ལངས་པ་དང་། བཙན་བདུད་ཐོག་ལྷ་ངར་མ་དེ། རྟ་མགྱོགས་

པ་མེ་རི་འཚུབ་ཤེས་ཀྱི་གོང་ལ་བུད་དེ། འཁོར་གསུམ་རུ་དར་སྤུངས་སེ་གླིང་སྒར་གྱི་ཕྱོགས་

སུ་ཆས་ཤིང་། དེ་ནས་བདུད་པོ་དེ་འཇམ་ཅག་གེར། གླིང་གི་སོ་པ་རྣམས་ཀྱིས་མ་མཐོང་བར་ འཇང་སྒར་གྱི་ནང་དུ་སླེབས་ཏེ། ཀི་ཚག་ཚག་ཐོག་འབྲུག་གྲག་གྲག་བྱས་ནས་དམག་ཁྲོད་ལ་

མཆོངས། དམག་མི་ལྔ་བཅུ་ཙམ་མཚོན་ལ་དྲངས་པ་ན། འཇང་ཕྲུག་གཡུ་ལྷ་ཐོག་འགྱུར་དེ་ངར་ རྒོད་གཏིང་ནས་འཁྲུགས་ཤིང་། འདོ་བ་གནམ་ཡག་སྔོན་མོའི་གོང་ལ་བུད་དེ་ཁོ་ཡི་གདོང་ལ།

དམར་ནག་གཤིན་རྗེའི་ཞལ་ངོ་ལ། སྔོ་ནག་དུག་རླངས་འཐིབས་སེ་བྱུང་ནས་ན་རེ། ཁོ་རེ་སྤྲང་རྒན་ ཧམ་པ་ཅན། ཁྱོད་དེ་འདྲའི་རྒོད་པོ་ཡིན་པས་ན། སུ་རྒོད་རིམ་གྱིས་བལྟས་པས་ཆོག་ཟེར་ཞིང་།

འཇང་ཕྲུག་གཡུ་ལྷ་ཐོག་འགྱུར་དེ་རི་གཟར་ནས་རྦབ་རྒོད་འདྲིལ་བ་ལྟར་གདོང་ལ་རྒྱུགས་

ཤིང་། ཁོ་གཉིས་གྲི་འཐབ་ཇ་ཡུན་ཙམ་ལ་བྱས་ཀྱང་སུ་ལའང་མཚོན་མ་སོང་། གཡུ་ལྷ་ཐོག་འགྱུར་ གྱི་བསམ་པར། དེ་རིང་གི་མི་འདི་མ་ཐུབ་ན་མི་ལོ་བསམས་ཤིང་། གནམ་ཐེའུ་འཕྲུལ་ཞགས་གྲུ་ ནས་ཕུད་དེ་ལན་གཅིག་བཏབ་པས། ཁོ་ཡི་སྐེ་ལ་ཐེབས་ཤིང་འཐེན་པ་ན། རྟ་གོང་ནས་འཕྲལ་ ལ་ཉེ་བའི་སྐབས་དེར། ཁོས་རལ་གྲི་ཀླད་བསྐོར་ཞིག་བྱས་པས། ཞགས་པ་དེ་དུམ་མེར་བཅད།

གཡུ་ལྷ་ལ་གྲི་ལན་གསུམ་བཏབ་ཀྱང་གོ་མ་ཆོད། ཁོའི་བསམ་པར། མི་འདི་ལ་ཡུན་རིང་འཐབ་

ན་ཡག་པོ་མི་བཟོ་བསམས་ནས། མྱུར་བར་རྟ་ཁ་བསྐོར་ཞིང་བྲོས། རྟ་གོང་ནས་མདའ་གསུམ་ གཅིག་རྗེས་གཉིས་མཐུད་འཕངས་བྱུང་བས། འཇང་དམག་ཉི་ཤུ་ཙམ་གཡས་བསྒྲིལ་གཡོན་

བསྒྲིལ་དུ་བཏང་སྟེ། ཐལ་བ་འཕྱུར་རེར་རང་ཕྱོགས་སུ་བྲོས་སོང་། གཡུ་ལྷ་དང་སེང་སྟག་གཉིས་ ཀྱིས་རྗེས་འདེད་བྱས་ཀྱང་། ཁོ་འདུལ་བའི་དུས་ལ་མ་སླེབས་ཕྱིར་རྗེས་མ་ཟིན། གླིང་སྒར་ནས་ དམག་ཕྱིར་འཐེན་བྱེད་པའི་བརྡ་བཏང་བྱུང་བས། སེང་སྟག་གཡུ་ལྷ་གཉིས་རང་ཕྱོགས་སུ་ཁ་

མི་སྐོར་ཀ་མེད་བྱུང་། དེ་ཉིན་ནམ་ཚད་ཉི་མས་མ་དཔོག་པས་གླིང་སྒར་དེར་བསྡད་པར་གདའ།

ཉི་མ་དེ་ཡི་ཕྱི་ཉིན་ནམ་ལངས་པ་དང་། དམག་དཔོན་དཔའ་རྟུལ་རྣམས་ལྷ་གུར་ལ་བསྡུས་

72

ཏེ། བབ་ཐོབ་ཀྱི་གདན་ལ་འཁོད་པ་དང་། ལྡོང་ཁུ་བོ་སྤྱི་དཔོན་རྒྱལ་པོ་དེའི་བསམ་པར། ད་ནི་ གཟའ་དང་སྐར་མ། སྟབས་དང་དུས་ཚོད་གང་ལ་བལྟས་ན། དགྲ་ཕར་རྒྱག་གི་རྟིང་མ་ལེན་པའི་

དུས་ལ་བབ་ཡོད་པ་འདྲ་ཞེས་བཀའ་ཕབ་པ་ན། དེར་ཡོད་དམག་དཔོན་དང་རྗེ་བློན་དམག་དཔོན་ ཚང་མས་སྤྱི་དཔོན་གྱི་གསུང་དེ་བདེན་པར་གོ་ཞིང་མངོན་པར་བསྟོད། རང་རང་གི་སྒར་ལ་སོང་ ནས་དམག་གྲབས་བྱས་པར་གདའ།

དེ་ནས་བྱང་མཆིས་པའི་ཨ་སྟག་ལྷ་མོ་དེ་ལས་གུར་གྱི་སྒོ་ལ་ཐོན་ཞིང་། འདོ་བ་རག་དཀར་

དྲེལ་གཟུགས་ཀྱི་གོང་ལ་བུད་ཅིང་། སྲིན་མོ་ཁྲོས་པའི་རྔམ་སྟབས་ཀྱིས། དཔུང་རོགས་རྟ་དམག་ ཧྲག་རྟུལ་ལྔ་བཅུས་བསྐོར་ཞིང་བྱང་གི་ཕྱོགས་ནས་ཆས་པ་དང་། རྫ་ཟེ་དང་རི་མགོ་ཡོད་ཚད་ དར་ཁྲི་བཙན་པོའི་དམག་གི་སོ་པ་ཡོད་པས། གླིང་དམག་ཡོང་བ་མཐོང་སྟེ། བསང་དུད་ཀྱིས་

བརྡ་བཏང་བྱུང་བ་ན། དར་ཁྲིའི་སྒར་ནས་དགྲ་འོང་བ་ཤེས་ཤིང་། དམག་དཔོན་རྒོད་ཧྲག་རྣམས་ ཀྱིས་རྟ་ལ་སྒ་བརྒྱབ་ཅིང་། བཙན་རྫོང་འཁོར་གསུམ་བསྐོར་ནས་བསྡད། དེ་རིང་གླིང་གི་སྒར་

ནས་དཔའ་བོ་སུ་འདྲ་ཞིག་ཐོན་འོ ང་བསམས་ནས་ཡོད་པའི་སྐབས། ཤར་ཕྱོགས་ཀྱི་སྒར་ཟུར་

དུ་དཔའ་མོ་ཨ་སྟག་ལྷ་མོ་དེ་སླེབས་ཤིང་། རྟ་གོང་ལ་གཟུར་འདུག་ཅིག་བྱས་ནས་ཡོབ་སྔོན་ལ་

བརྒྱངས། ཕྱག་གཡས་པས་གྲི་མགོ་འཕུར་ཏེ། དཔའ་མོའི་བསམ་པར། རྒོད་པོ་བཙན་སྐྱ་དཔུང་

རིང་དེ་ས་གང་གི་ཕྱོགས་སུ་ཡོད་པ་མི་ཤེས་པས། དང་པོར་གདོང་ལ་སུ་བྱུང་བལྟ། དམག་སྒར་ འདི་ཁྲག་དཀྲུག་པ་ལྟར་བྱས་ན། བཙན་སྐྱལ་ལ་དེར་ཐུག་འོང་བསམས་ཤིང་། རྟ་གོང་ལ་གཟུར་ འདུག་ཅིག་བྱས་ནས་བསྡད་ཙ་ན། སྔོན་གྱི་ལས་དབང་དང་། དགྲ་ལྷ་ཝེར་མས་སྡོངས་གྲོགས་ ཀྱིས། རྒོད་པོ་བཙན་སྐྱ་དཔུང་རིང་དེ་འདུག་བཟོད་མེད་པར་ཤར་གྱི་སྒར་ནང་ནས་རྟ་དམར་མེ་

རི་འདྲ་བའི་གོང་ལ་བུད་དེ། མེ་དམར་བཙན་རྒོད་ཁྲོས་འདྲ་བྱས་ཤིང་། ཞགས་པ་བར་སྣང་ལ་ ཕྱར་ནས་ཨ་སྟག་གི་གདོང་ལ་བྱུང་། ཁོའི་བསམ་པར། གླིང་གི་དཔའ་རྟུལ་རྣམས་ལ་མཚོན་

གྱིས་མི་ཆོད་ཟེར་སྲོལ་ཡོད་པས། དེ་རིང་ཞགས་པས་བཟུང་ནས་སྒར་དཀྱིལ་ལ་འཁྲིད་དགོས་

73

བསམས་ནས། རྟ་ཁ་བསྒགས་ཞགས་པ་དེ་གློག་འཁྱུག་པར་ལྟར་འཕངས་བྱུང་བས། ཨ་སྟག་གི་ ཕྲག་གོང་དུ་ལྕགས་ཀྱུ་ཐེབས་ཤིང་འཐེན་ཙ་ན། ཨ་སྟག་རྟ་ལས་འཕྲལ་ལ་ཉེ་སྐབས། སེང་ཆེན་

ནོར་བུ་དགྲ་འདུལ་ཁོང་ག་བྱུང་དང་འདི་བྱུང་མེད་པར་མི་རྟ་གཉིས་ཁྲ་འཁྱིལ་ལེར་ཨ་སྟག་གི་

རྩར་ཕེབས་ཏེ་རྟ་ཡི་གོང་དུ་ཨ་སྟག་ཡར་བསྐྱོར་བས། ཨ་སྟག་གིས་རལ་གྲི་ཤུབས་ལས་བཏོན་ ཏེ་མྱུར་སྟབས་ཀྱིས་ཞགས་པ་དེ་ལ་ལན་གཅིག་བཏབ་པས་དུམ་མེར་བཅད་ཅིང་། བཙན་སྐྱ་ཡི་

གདོང་ལ་མཆོངས་ནས། གེ་སར་ལ་གསོལ་བ་རྩེ་གཅིག་གིས་བཏབ་སྟེ། རལ་གྲི་ལན་གཅིག་ གཡུགས་པས། བདུད་པོ་བཙན་སྐྱ་དཔུང་རིང་གི་རྨོག་གི་ཁྱུང་ཏོག་རྩེ་མོར་ཐེབས་ཏེ། མི་རྟ་

སྒ་དང་བཅས་གས་གཉིས་སུ་འཕངས་ནས་བསད། མགོ་འཕྲུ་གོང་ལེན་བྱས་ཏེ་ངར་ཆེན་གྱིས་

དམག་ཁྲོད་ལ་མཆོངས་ནས། དམག་མང་བརྒྱ་སྐོར་མཚོན་ལ་དྲངས། དཔུང་རོགས་ཁས་ལེན་ རྣམས་ཀྱིས་ཀི་བསོ་ལྷ་རྒྱལ་གཏོང་བཞིན་ཨ་སྟག་གར་རྒྱུགས་ཀྱི་དཔུང་རོགས་ལ་རྒྱུགས་ཏེ།

ཤར་ཕྱོགས་ཀྱི་དམག་སྒར་དེ་རམ་ནག་སེར་བས་བརྡུང་འདྲ་བྱས་ཤིང་། མི་རོ་རྟ་ལམ་བཀག་ ལེ། ཁྲག་དམར་ཡུར་ཆུ་རྒྱས་ལེ་བྱས། ཀི་བསོ་འབྲུག་ཐོང་གྲག་གྲག རྒྱོབ་སོད་གཡག་རྒོད་

ངར་ངར་བྱས་ཤིང་། བདུད་པོ་བཙན་སྐྱ་དཔུང་རིང་གི་ལས་གུར་ལ་རྒྱུགས་ཏེ། ལས་གུར་རལ་

ཤན་བརྒྱབ། ས་ཐུགས་མཚོན་ལ་དྲངས་ནས། ལྷོ་སྒར་ལ་གཏད་དེ་རྒྱུགས་ཤིང་། དམག་མང་ ལྔ་བཅུ་ཙམ་ལམ་ཞོར་གཡས་བསྒྲིལ་གཡོན་བསྒྲིལ་བཏང་ནས་བྱུང་བ་ན། དུག་རྒོད་གླང་ཆེན་ སྟོབས་རྒྱལ་ཟེར་བ་དེས། དམག་དཔོན་བཙན་སྐྱ་ཤོར་བ་མཐོང་བ་དང་། ལས་དམག་ཆག་ ཉལ་བཏང་བ་མཐོང་བས། བཟོད་མེད་ཀྱི་ང་རྒྱལ་འཁྲུགས་ཤིང་། རྟ་གོང་ལ་བུད་ཅིང་། གློག་

འཁྱུགས་པ་ལྟར་ཨ་སྟག་གི་གདོང་ལ་བུད་དེ་བྱུང་བ་ན། བྱང་མཆིས་པའི་ཨ་སྟག་ལྷ་མོ་དེས་

རལ་གྲི་ཤུབས་ལ་བཅུག་སྟེ། ལྕགས་གཞུ་རི་བོ་འགུག་ཆེན་ལག་ཏུ་བླངས། ལྕགས་མདའ་ཟི་ ར་ཐོག་འཁྱུག་དེ་གཞུ་ལ་བསྒྲོན། ཡོབ་སྔོན་ལ་བརྒྱངས་ཤིང་།

མདའ་མོ་དེ་འུར་སྒྲ་དང་སིང་སྒྲ་ཉིལ་ལེ། མེ་ལྕེ་དང་གློག་འོད་འཁྱུགས་སེ་སྤྲིངས་བྱུང་བས།

74

བདུད་པོ་གླང་ཆེན་སྟོབས་རྒྱལ་གྱི་ཐོད་པའི་དཀྱིལ་ལ་མདའ་དེ་ཐེབས་ནས། ནང་གི་ཀླད་པ་གངས་ འཁྱག་གཏོར་བ་ལྟར་བར་སྣང་ལ་མཆོད། མདའ་དེ་དམག་ཁྲོད་དུ་བྱུང་སྟེ་དམག་མང་བཅོ་ལྔ་ ཙམ་གཡས་བསྒྲིལ་གཡོན་བསྒྲིལ་དུ་བཏང་། དཔའ་མོས་རལ་གྲི་ཤུབས་ནས་ཕྱུང་སྟེ་དམག་

ཁྲོད་ལ་མཆོངས་ཤིང་། དམག་ཤར་མི་ཐམས་ཅད་ནུབ་ལ་དེད། ནུབ་མི་ཐམས་ཅད་ཤར་ལ་དེད།

ཤར་ལྷོ་ཕྱོགས་བཞིའི་དམག་སྒར་དེ་ཁྲག་ལྟར་དཀྲུགས་ཏེ། མི་རོས་བམ་ཐང་བཀྲམ་འདྲ། ཁྲག་ དམར་རྫིང་བུ་འཁྱིལ་ལེ་བྱས། དཔའ་མོའི་རལ་གྲིའི་སོ་ལ་ཁྲག་གི་འབར་ཤ་ཆགས་ཏེ། ཤུབས་

ལ་མི་ཤོང་བ་བྱུང་བས། རྟ་ཡི་རྔོག་མ་ལ་ཕྱི་ཕྱི་བྱས་ནས་ཤུབས་ལ་དྲངས། ཡང་མདུང་མོའི་སོ་ ཤུབས་ཕུད་དེ་མདུང་ཡུ་ལ་མཆིལ་མ་བཏབ་ནས་དམག་ཁྲོད་དུ་རྒྱུགས་ཤིང་འཕར་བས་ར་ཁྱུ་

དཀྲུག་པ་ལྟར་བྱས། དེ་ནས་དཔའ་རོགས་རྣམས་ཁྲིད་དེ་གླིང་སྒར་གྱི་ཕྱོགས་སུ་ཁ་ལོ་བསྒྱུར་ཏོ།།

བྱང་མཆིས་པའི་ཨ་སྟག་ལྷ་མོ་དཔོན་གཡོག་རྣམས་མགོ་ཐོན་འཚམ་པོར་གླིང་གི་སྒར་ལ་

འབྱོར། ཇ་ཆང་མངར་རིགས་སོགས་ཀྱི་གསོལ་སྟོན་ལ་ལོངས་སྤྱོད་ཅིང་བཞུགས་ཐལ།

དར་ཁྲི་ཡི་དམག་དཔུང་དེ་ལ་དམག་ཉེས་བྱུང་སྟེ་སྡོད་པའི་སྐབས། དམག་དཔོན་ཧ་ལ་

སྟོབས་ལྡན་དེས་རུ་ཤོག་གི་དམག་དཔོན་པོ་རྣམས་ལས་གུར་ལ་བསྡུས་ནས། ཤ་ལན་ཞིག་མ་

བླངས་པར་འདི་ལྟར་ཐབས་སྡུག་བྱས་ནས་བསྡད་ན། གཏམ་ངན་གྱིས་ས་སྟེང་ཁྱབ་པ་ལས་མི་

འོང་། ལ་ཆེན་ད་ལོར་གླིང་ལ་འཐབ་འཁྲུག་འགྱེད་པ་ལ། ལས་ཡག་པོ་མི་འོང་ཐག་གིས་ཆོད། གླིང་གི་དཔའ་རྟུལ་ཟེར་བ་ལ། གྲི་ཕར་གཡུགས་བྲག་ལ་ཐུར་ཚུགས་དང་། ཚུར་གཡུགས་མར་

དཀར་བཅད་བཅད་རེད། འོན་ཀྱང་ལས་འདི་ཙམ་ལ་ཐུག་དུས། ཝ་བྲོས་བྱེད་པ་ལས་གཅིག་

རྒྱབ་གཅིག་ཤི་བྱ་རྒྱུ་ལས་ཐབས་མེད་བསམས་ཤིང་ལེགས་སོ་ཟེར་ཏེ། གླིང་ལ་དགྲ་ལན་འགྲོ་ གྲབས་བྱས་ནས་བསྡད་པར་གདའ།

ཉི་མ་དེ་ཡི་ཕྱི་ཉིན་གྱི་ནམ་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་རྒྱུགས།

མཛངས་མས་མེ་ཁ་མ་གསོས། རུལ་མས་མགོ་ཤིག་མ་འཕྲུགས། བྱ་ཕོ་རོག་གིས་ཟ་ཆུ་མ་འཐུངས་

75

པའི་དུས་དེ་ལ། བྱང་དར་ཁྲིའི་དམག་སྒར་དེ་ནས་གླིང་ལ་དགྲ་ལན་འགྲོ་བ་རུ། རྟ་ལ་སྒ་བརྒྱབ་

ཅིང་ཟ་འཐུང་བྱས། ནམ་ལངས་ཉི་མ་ཡར་ཤར་གྱི་དུས་དེར། རྩལ་ཆེན་ཧ་ལ་ཐོག་འབེབ་དེས།

འཁོར་གསུམ་འཚེར་འདྲ་བ་ལུས་ལ་བསྐོར། འདོ་བ་འབྲོང་འདུར་ནག་པོའི་གོང་ལ་བུད་དེ། ཧྲག་ རྟུལ་རྟ་དམག་བརྒྱ་ཡིས་བསྐོར་ནས། གླིང་སྒར་ལ་གློག་འཁྱུག་པ་ལྟར་རྟ་ཁ་བསྒྱུར་ཏོ། །གླིང་གི་

སོ་པ་རྣམས་ཀྱིས་དགྲ་འོང་བ་མཐོང་ནས་བརྡ་བསང་བཏང་བྱུང་བས། གླིང་སྒར་ནས་དཔའ་རྟུལ་ རྣམས་ཀྱིས་རང་རང་གི་རྟ་ལ་སྒ་བརྒྱབ་སྟེ་གོ་མཚོན་བཟུང་ནས་བསྡད་ཙ་ན། སྟོབས་ཆེན་ཧ་ལ་ དེ་ཤར་ཕྱོགས་གསེར་བའི་དམག་ཤོག་གི་ཐད་དུ་ཐོན་ནས། རྟ་གོང་ལ་གཟུར་འདུག་ཅོ་ག་བབ་ འདྲ་ཞིག་བྱས་ཏེ། ངར་ཆེན་གྱིས་དམག་ཁྲོད་དུ་རྒྱུགས་ནས། འཇང་གི་སྒར་ནང་ནས་དམག་

མི་བཅུ་སྐོར་མཚོན་ལ་དྲངས། དཀྱིལ་སྒར་ལ་གཏད་ནས་མདའ་གཅིག་སྤྲིངས་བྱུང་བས་ལས་

དམག་བཅུ་གཉིས་གཡས་བསྒྲིལ་གཡོན་བསྒྲིལ་བཏང་བ་ན། དཔའ་ལ་སེང་སྟག་ཨ་དོམ་དང་།

འཇང་ཕྲུག་གཡུ་ལྷ་ཐོག་འགྱུར་གཉིས་ཁོ་གར་སོང་གི་རྗེས་བཞིན་རྒྱུགས་ཏེ། མདའ་རེ་སྤྲིངས་པ་ ན། གོ་ཁྲབ་ཁ་ཤས་གཏོར་བ་ལས། ཁོ་རང་འདུལ་བའི་དུས་ལ་མ་སླེབས་པས་མཚོན་མ་སོང་།

ཁོའི་དཔའ་རོགས་རྣམས་མཚོན་ལེབ་ཆེན་གྱི་ངར་ལ་ཉི་ཤུ་ཙམ་དྲངས་པ་དང་། གཡུ་ལྷ་ཡིས་ མདུང་བརྒྱབ་ནས་དམག་མང་ཉི་ཤུ་བསད། རྩལ་ཆེན་ཧ་ལ་ནག་པོ་ཐེ་ཚོམ་མེད་པར་ལྷ་གུར་ལ་ གཏད་དེ་རྒྱུགས་པ་ན། ལས་གུར་གྱི་གཡས་གཡོན་ནས་ཤན་འདན་གཉིས་ཀྱིས་མདའ་འདོན་ གཞུ་འདོན་བྱས་ཏེ་གདོང་བཀག་པ་དང་། དམག་མང་རྣམས་ཀྱིས་མདའ་སྐྱ་སེར་བ་འབབ་འབབ། མདུང་སྐྱ་བུ་ཡུག་འཚུབ་འཚུབ་བྱས་བྱུང་བས་ལས་གུར་གྱི་རྒྱུད་ལ་མ་ཐོན། སླར་དམག་ཁྲོད་ ལ་རྒྱུགས་ཏེ་ཤི་གསོད་ཁྲག་གི་འཁོར་ལོ་བསྐོར་བྱུང་། ཁོའི་དཔུང་རོགས་རྣམས་གླིང་དམག་

གིས་བསད་དེ་བཅོ་ལྔ་ཙམ་ལས་མ་ལུས། ཁོ་གར་སོང་གི་རྗེས་བཞིན་ཤན་འདན་གཉིས་ཀྱིས་

དེད་དེ། ཉེ་མ་རིང་གི་ས་ཆ་ནས་འདན་མས་མདའ་ཞིག་སྤྲིངས་བྱུང་བས། བདུད་པོ་ཧ་ལ་ནག་ པོའི་རྟ་ཡི་སོག་པར་ཐེབས་ཏེ་ཐལ་ཚུབ་ཉིལ་ལེ་ཐང་ལ་འགྱེལ། ཁོས་ད་ཡག་མ་ཐལ་བསམས་

76

ནས། གསེར་བའི་དམག་ཤོག་ནས་རྟ་ཞིག་གི་གོང་ལ་ལྡིང་ནས་སྒར་ཟུར་དུ་བུད་དེ་སོང་བས། དཔའ་ཚ་ཞང་འདན་མ་བྱང་ཁྲ་དེ་བདུད་པོ་དེའི་རྗེས་བཞིན་རྒྱུགས་ཏེ། མདའ་གཅིག་སྤྲིངས་པས།

བདུད་པོ་དེའི་རྒྱབ་ཀྱི་སྒལ་གཞུང་ལ་ཐེབས་ནས་ཆུ་སྲིན་དུང་གིས་ཕིགས་པ་ལྟར་མདུན་གྱི་བྲང་ དཀྱིལ་ནས་མདེའུ་སྔོ་རྒྱང་ངེར་བུད་ནས་ནག་འབལ་ལེ་ཐང་ལ་ལྷུང་། ཁོ་ད་རུང་དབུགས་ཆད་ མ་ཐུབ་པར་གྲི་ཡིས་ལག་རྟེན་བྱས་ནས་ཡར་ལངས་གྲབས་བྱས་པ་ན། དཔའ་བཟང་ཤན་པ་རྨེ་ རུ་དེས་གནམ་ལྕགས་ཤེལ་གྱི་སྟ་རེ་གནམ་ལ་འཕྱར་ནས་ལན་གཅིག་བཏབ་པས། ལུས་ཕྱེད་

གཤག་ཏུ་འཕངས་ནས་བསད། དེའི་འཁོར་དཔུང་རོགས་རྣམས་ཀྱང་རམ་ནག་སེར་བས་བརྡུང་ འདྲ་བྱས། ཞེས་པ་སྟེ་ལེའུ་བཅུ་གཉིས་པ་རྫོགས་སོ།། །།

77

ལེའུ་བཅུ་གསུམ་པ། སྟག་རོང་དཔོན་པོས་སྒྲིབ་ཤིང་བཙུགས།། དགྲ་སྡེས་མ་མཐོང་གར་སོང་དཔྱད།། གེ་སར་ལྷ་ཡིས་ལུང་བསྟན་མཛད།།

བདུད་ཀྱི་བླ་འབྲོང་དམ་ལ་བཏགས།།

ཉི་མ་དེ་ཡི་ཕྱི་ཉིན་ལས་གུར་ལ་ཉི་མ་ཕོག་པ་དང་། གླིང་གི་དཔའ་རྟུལ་བཀའ་བློན་རྣམས་

ལས་གུར་ལ་འདུས་ཤིང་། བཀའ་གྲོས་བརྩམས་པའི་སྐབས་དེར། སེང་ཆེན་ནོར་བུ་དགྲ་འདུལ་

གྱིས་གསུངས་པར། ཡ། ཁྲ་མོ་གླིང་གི་དམག་དཔོན་དང་བཀའ་བློན་རྣམས། ཡང་སྒོས་ཨ་ཁུ་སྤྱི་ དཔོན་དང་ཕ་ཁུ་རྣམས་ཀྱིས་གསོན་ཅིག་གསུངས་ཤིང་། ཁྲོམ་ཆེན་ཟིལ་གནོན་གྱི་རྟ་ལ་དྲངས་ ནས་གླུ་འདི་ལྟར་གསུངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །ལྷ་ཆེན་ཚངས་པ་གདོང་བཞི་

མཁྱེན། །གཉན་ཆེན་ཟུར་ཕུད་ལྔ་པ་མཁྱེན། །ཀླུ་ཆེན་གཙུག་ན་རིན་ཆེན་མཁྱེན། །ཨ་ནེ་གོང་སྨན་

རྒྱལ་མོ་མཁྱེན། །དགྲ་ལྷའི་གཉན་སྟག་དམར་པོ་མཁྱེན། །དེ་རིང་རྒྱལ་པོའི་གྲོགས་ལ་བྱོན། །ས་ འདིའི་ས་ངོ་མ་ཤེས་ན། །གླིང་སྒར་དམག་གི་གཞི་དཀྱིལ་ན། །ཕ་ཁུ་རྒྱལ་བློན་གྲོས་ར་རེད། །ང་ འདྲ་ང་ངོ་མ་ཤེས་ན། །གེ་སར་དམག་གི་རྒྱལ་པོ་ཟེར། །བདུད་མ་རུངས་དམ་ལ་འདོགས་མི་

ཡིན། །དེ་ནས་ཉོན་དང་དཔོན་བློན་ཚོགས། །ཁ་སང་བྱུང་བའི་བདུད་རྒན་དེ། །དར་ཁྲི་བཙན་ པོའི་ནང་བློན་ལ། །དཔའ་རྩལ་དྲུག་ཅན་གྱི་དམག་དཔོན་རེད། །དཔའ་དེ་འདྲ་བདུད་ལ་ལོས་

ཡོད་རེ། །གླིང་རུ་བཞི་དམག་གི་དཔོན་པོ་དེ། །ཤན་འདན་སྟག་མོ་ཁ་སྤྲད་ཟེར། །བདུད་ཧ་ལའི་

78

སྲོག་སྙིང་བླངས་ནས་བྱུང་། །བོད་སྒང་པར་བཞག་པ་བཟང་ནས་བྱུང་། །དཔའ་དེ་འདྲ་མེད་ན་ཅི་ འདྲ་ཡོད། །དེ་རིང་རྟིང་མའི་དཔའ་དར་ལ། །ཁོང་ཤན་འདན་གཉིས་ཀྱི་དཔའ་དར་ལ། །གསེར་ སེར་པོའི་པ་ཏྲ་བཅོ་ལྔ་དང་། །དངུལ་ཁམ་པའི་ཏྲཾ་ག་སུམ་ཅུ་རེ། །བུ་དཔའ་བོ་དཔའ་བའི་དཔའ་ དར་དང་། །རྟ་མགྱོགས་པ་མགྱོགས་པའི་མགྱོགས་དར་ཡིན། །ངེད་ཁྲ་མོ་གླིང་གི་ལས་དམག་

དང་། །རང་གཞན་ཕྱོགས་གཉིས་ཤི་བོ་རྣམས། །དག་པའི་ཞིང་དུ་དྲངས་ནས་ཡོད། །ཐུགས་ནད་ ལ་ནས་དགོས་ལེ་མིན། །ད་སྟེ་འདྲ་མ་འགའ་རེ་ཡོད། །དབྱར་དུས་རྩི་ཤིང་མེ་ཏོག་དེ། །སྟོན་

དུས་སད་ཀྱིས་འཁྱེར་ཉིན་མོར། །སྐྱེ་འགྲོས་ཐུགས་ནད་ཅི་ལ་ཕན། །དབྱར་དགུན་ནམ་ཟླ་འགྲོ་ ལུགས་རེད། །དཔུང་ཆེན་དམག་དཔུང་འཁྲུག་ལམ་ནས། །དཔའ་རྟུལ་དམག་མང་འདས་ལེ་ དེ། །ཚེ་དུས་དགོངས་པ་རྫོགས་ལེ་རེད། །སེམས་ཅན་འགྲོ་བའི་དོན་ལ་རེད། །ནང་ཕུ་ནུས་

ཐུགས་ནད་མཛད་རྒྱུ་མེད། །གནས་དག་པའི་ཞིང་དུ་སྤར་ནས་ཡོད། །དེ་ནས་ངེད་རིགས་དཔོན་

བློན་ཚོས། །དགྲ་ལ་ངར་འཐབ་བྱེད་རྒྱུ་མེད། །ཉི་མ་ནངས་སྔ་མགོ་བཟུང་སྟེ། །ཞག་མ་བདུན་

ཚར་གཅིག་གི་རིང་། །གླིང་ལ་བར་ཆད་ཆེན་པོ་ཡོད། །ཨ་ཁུ་ཁྲོ་ཐུང་རྒྱལ་པོ་ཁྱོད། །མཐུ་ནུས་ པས་གནམ་ས་ཁ་སྡེབ་བྱེད། །སྔགས་ལ་བྱེ་མ་རེག་གཅོད་ཡོད། །ད་རེབ་དགོས་པའི་དུས་ལ་ བབ། །ཞག་མ་བདུན་ཚར་གཅིག་གི་རིང་། །སྒྲིབ་ཤིང་མུན་པའི་འཁོར་ལོ་ཚུགས། །སྡང་བའི་

དགྲ་ལ་དམུ་གབ་ཁོབས། །དེ་འདྲ་མྱུར་བར་མ་བྱས་ན། །ཉི་མ་གནངས་ཉིན་དུས་ཚོད་ལ། །ཧ་ལ་ ཐོག་འབེབ་ཤ་ལན་ལ། །རྩལ་ཆེན་ཧ་ལ་ནག་པོ་དང་། །སྡིག་ཆེན་ཧ་ལ་འབར་བ་གཉིས། །རྒོད་ ཧྲག་གླིང་ལ་འོང་དགོས་ཟེར། །དམག་གི་རུ་གྲལ་སྒྲིག་ཅིང་གདའ། །དེ་བྱུང་ན་གླིང་ལ་དམག་

ཉེས་འོང་། །དེ་ནས་དགྲ་ཡི་མི་མཐོང་བར། །ཨ་ཁུ་ཁྱེད་ཀྱིས་ཐུགས་རྗེས་སྐྱོངས། །གླིང་གི་སྲོག་ ཁེབས་འོང་ལེ་གྱིས། །དཔའ་དར་གཟེངས་བསྟོད་ཆེན་པོ་ཡོད། །དེ་རྗེས་ཞག་མ་བདུན་ཚར་

རིང་། །གཟའ་དང་སྐར་མ་བཟང་པོ་ཡོད། །གླིང་གི་སྐག་རྣམས་བརྒལ་བའི་རྗེས། །བུ་དཔའ་བོའི་ དཔུང་པ་ངོམ་ལོང་ཡོད། །རྟ་མགྱོགས་པའི་བང་ཁ་གཤིབ་ལོང་ཡོད། །གཏམ་གོ་བ་ཨེ་བྱུང་རྗེ་

79

བློན་རྣམས། །མ་གོ་མ་གསུང་ཕ་ཁུ་ཚོ། །འདིར་བཞུགས་ཐུགས་ལ་དེ་ལྟར་ཞོག །།

ཅེས་གསུངས་ཤིང་བཀའ་ཕབ་པ་དང་། དམག་དཔོན་དམག་མང་ཚང་མས་ལགས་སོ་

ཞུས། ཨ་ཁུ་ཁྲོ་ཐུང་ལ་དར་རེ་ཕུལ། སྤྱི་དཔོན་གྱིས་ཨ་ཁུ་ཁྲོ་ཐུང་ལ་གསེར་ཊཾ་གཅིག་དང་

དར་ཉིན་མོ་བདེ་ལེགས་ཤིག་ཕུལ་ནས་གསུངས་པར། ཡ། སྟག་རོང་དཔོན་པོ་མཐུ་སྟོབས་

ཅན། གླིང་རྒྱལ་བཀའ་གསུངས་དང་དུ་ལོངས། ད་མ་བཞུགས་སྔ་བར་བསྒྲུབ་པ་མཛོད། ཟེར་

བ་དང་། སྟག་རོང་དཔོན་པོ་ཁྲོ་ཐུང་དེས་འོ་ལགས་སོ་ཟེར་ཞིང་། མྱུར་བར་སྟག་རོང་གི་ལས་

གུར་ལ་སོང་ནས་མཆོད་བཤམས་ལ་ཁ་གསབ་དང་། ལྷ་རྟ་མགྲིན་ལ་འཕྲིན་བཅོལ་མཛད། གླིང་ སྒར་གྱི་ཕྱོགས་བཞི་ལ་སྒྲིབ་ཤིང་མུན་པའི་འཁོར་ལོ་བཙུགས། ཉི་མ་དེ་ཡི་ཕྱི་ཉིན་ནམ་ལངས་

པ་དང་། སྟག་རོང་དཔོན་པོ་ཁྲོ་ཐུང་དེས་བསྙེན་གཟུང་དང་། མཆོད་བཤམས་མེ་འོད་འཕྲོས་འདྲ་ མཛད་ཅིང་། ཙན་དན་གྱི་ཁྲི་སྟེང་ལ་རྒྱ་ར་ར་ཐམས་ཅད་གཡས་གཡོན་དུ་བྱུགས། མགོའི་རལ་ པ་བཤིགས་ཏེ་ནག་འབལ་ལེ་བསྡད། ཁྲོ་ལོ་དང་རྔ་ཆུང་གི་སྒྲ་རྣམས་དིང་སྒྲ་དང་སིང་སྒྲ་ཉིལ་

ལེ། དར་ནག་མུན་པ་རུབ་འདྲ་ཕྱོགས་བཞིར་བསྒྲེངས་པ་ན། གླིང་སྒར་དེ་དངོས་ཡོད་མིས་མ་ ཚད་དངོས་མེད་ལྷ་འདྲེ་རྣམས་ཀྱིས་ཀྱང་མི་མཐོང་བར་གྱུར། ཉི་མ་དེ་ཡི་ཕྱི་ཉིན་རྩལ་ཆེན་ཧ་

ལ་ནག་པོ་དེས་དཔུང་རོགས་ལྔ་བཅུ་ཙམ་ཁྲིད་ནས་གླིང་སྒར་གྱི་ཕྱོགས་སུ་བྱུང་བ་ན། ཁྲ་མོ་ གླིང་གི་སྒར་དེ་གར་སོང་དང་འདི་སོང་ཆ་མེད་དང་། སོང་བའི་རྗེས་ཤུལ་ཀྱང་མེད་པར་གྱུར་

འདུག རྩལ་ཆེན་ཧ་ལ་ནག་པོ་དེ་ཕྱོགས་མཚམས་ཀུན་ལ་སོང་སྟེ་ཉུལ་ཀྱང་། གར་སོང་གར་

བསྡད་མ་མཐོང་བར། ཉི་མ་དགུང་ལ་སླེབས་པས་རང་ཕྱོགས་སྒར་ལ་སོང་སྟེ། དེ་ནུབ་དགོང་

མོར་རྩལ་ཆེན་ཧ་ལ་ནག་པོ་དེས་དམག་དཔོན་དང་བཀའ་བློན་རྣམས་ལས་གུར་ལ་བསྡུས་ཤིང་

གྲོས་འགོ་བརྩམས་ནས་ན་རེ། ཡ། འདིར་འཚོགས་དམག་དཔོན་བཀའ་བློན་རྣམས། གླིང་སྒར་

དེ་གར་སོང་མེད་པར་བྲོས་ཚར་འདུག ངེད་རྣམས་ཀྱིས་ཕྱོགས་མཚམས་ཀུན་ལ་སོང་ནས་ཉུལ་ ཀྱང་། གླིང་པ་གར་སོང་གི་རྗེས་སྣེ་མ་རྙེད། ངེད་རྣམས་ཚུར་མི་ལོག་ཀ་མེད་བྱུང་། དེ་སྟེ་གླིང་

80

དམག་བྲོས་བྱོལ་སོང་བ་ཨེ་ཡིན་སྙམ། ད་ཅི་འདྲ་བྱས་ན་དགའ་ལེ་གདའ། ཟེར་བས། གཡས་ གྲལ་གྲལ་གྱི་གྲལ་མགོ་ནས། བདུད་ཆེ་སྟོབས་རྩལ་དཔའ་བོ་ན་རེ། ཡ། ཁོ་རེ་དམག་དཔོན་

འདིར་འཚོགས་རྣམས། མ་ངན་འགོག་ཚའི་སྤྲང་དམག་ལ། དེ་ཙམ་སྐྲག་དོན་ཅི་ལ་ཡིན། ཉི་མ་ སང་གི་སྔ་ཆ་ནས། ཞག་མ་བཅུ་ཡི་ཕྱིན་ཆད་ལ། ག་ཡོད་གར་བསྡད་རྙེད་ལེ་བྱེད། རྟིང་མས་ ས་སྟེང་ཁྱབ་ལེ་བཟོ། གལ་སྲིད་གར་སོང་མི་གདའ་ན། རྒྱལ་པོའི་མདུན་ལ་སྙན་ཞུ་ཕུལ། དེ་

ནས་ཅི་དགོས་ག་ལེར་བལྟ། ཟེར་ཞིང་བཀའ་ཕབ། དེར་ཡོད་བྱང་གི་ལས་དམག་རྣམས་ཀྱིས་ ཞག་མ་དྲུག་ཙམ་ལ་ཕྱོགས་མཚམས་ཀུན་ཏུ་གླིང་དམག་ག་ཡོད་གར་འདུག་ལྷ་མི་སོ་པ་དང་ ཉུལ་མ་མང་པོ་བཏང་ནས་བསྡད་པར་གདའ།

དེ་ནས་ཞག་མ་བདུན་ཚར་འགོར་བའི་ཉིན་དེར། མཐོ་ནམ་མཁའ་མཐིང་གི་གཡས་ཟུར།

ནམ་མཁའ་མཐིང་གི་གཡོན་ཟུར། ནམ་མཁའི་སྤྲིན་ལམ་སྐྱ་མོ། སྤྲིན་འཇའ་ཚོན་ཤར་བའི་དཀྱིལ་

འཁོར་ནས། མ་ནེ་ནེ་གནམ་སྨན་རྒྱལ་མོ་དེས། སེང་གེ་དཀར་མོ་འོག་ལ་བཅིབས། གཡུ་འབྲུག་

སྔོན་མོ་རོལ་དུ་ཁྲིད། མ་ཧེ་སྔོན་མོ་སྔུན་ལ་མངགས། ལུང་བསྟན་མཁའ་འགྲོ་འབུམ་གྱིས་བསྐོར་ ཏེ། རྒྱལ་པོ་གེ་སར་བཞུགས་པའི་མདུན་གྱི་བར་སྣང་ལ་བྱོན་ནས། དྲི་བསུང་སྤོས་ཀྱི་ངད་ཐུལ།

སྙན་པའི་རོལ་མོས་སྒྲ་གྲག མེ་ཏོག་གི་སྦྲང་ཆར་འབབ་བཞིན། ལུང་བསྟན་གནང་ཞིང་རིམ་བཞིན་ མི་སྣང་བར་གྱུར་ཏོ། །

སེང་ཆེན་ནོར་བུ་དགྲ་འདུལ་ཁོང་གིས་དཔའ་རྟུལ་བཀའ་བློན་རྣམས་ལས་གུར་དུ་བསྡུས་

ཏེ། གསོལ་སྟོན་ཕུལ་ནས་གསུངས་པར། ཡ། རང་ཅག་གླིང་གི་རྗེ་བློན་རྣམས། ང་ལ་ལྷ་ཡི་

ལུང་བསྟན་བྱུང་། ཞེས་གསུངས་ཤིང་བཀའ་ཕབ་པ་དང་། ཚང་མས་གེ་སར་གྱི་གསུང་འཕྲུལ་

བ་མེད་པ་ལྷ་ཡི་ལུང་བསྟན་ཡིན་པ་སྙམ་སྟེ་བཞུགས། བྱང་མཆིས་པའི་ཨ་སྟག་ལྷ་མོ་དེ་ལས་ ལངས་ཤིང་། འོ ་ལགས་སོ་ཞུས་པ་དང་། དགྲ་བོ་ཐུལ་བའི་ཁས་ལེན་བྱས་ནས་སྲུང་བ་བྱིན་ རྟེན་རྣམས་བླངས། རང་སྒར་གྱི་ལས་གུར་ལ་སོང་ནས་འགྲོ་གྲབས་བྱས།

81

དེ་ནས་ནམ་སྐྱ་རེངས་སྐྱ་མདའ་མ་རྒྱུགས། དགུ་ཚིགས་གཡས་བསྐོར་མ་བརྒྱབ་པའི་དུས་དེར།

འདོ་བ་རག་དཀར་དྲེལ་གཟུགས་ཀྱི་གོང་ལ་བུད་ནས་སོང་བ་དང་། རི་མཐོ་གསུམ་ལ་གསེར་ཞུ་མ་

མནབས་པའི་གོང་དུ་རྫ་རི་དམར་པོའི་རྫ་གསེབ་ལ་སླེབས། འདོ་བ་རག་དཀར་དྲེལ་གཟུགས་དེ་བྲག་ ཤུར་ཞིག་ལ་བརྟོད། རྫ་བར་ཞིག་ནས་བསྒུག་ཅིང་བཞུགས་མཛད་པ་ན། རྩལ་ཆེན་ནམ་མཁའ་ཐོག་

འབེབ་དེས་དཔུང་རོགས་རྟ་དམག་ལྔ་བརྒྱས་བསྐོར་ཞིང་རྫ་རི་དམར་པོའི་ལམ་ནས་འོང་བ་དང་། ཁོ་ ཚོས་ཟེར་བར། གླིང་གི་དམག་སྒར་དེ་གང་དུ་བྲོས་སོང་བ་ཡིན་ནམ། ཐུག་རྒྱུ་འདྲ་བྱུང་ན་དཔའ་དེ་ བྱས་ཀྱི་རྟི​ིང་མ་རེ་ལེན་དགོས་ཟེར་ནས། འོང་བཞིན་པའི་སྐབས་དེར། ཨ་སྟག་གིས་ཁོ་ཚོ་ཡོང་བ་

མཐོང་སྟེ་མདའ་ལྟོང་སྤྲད་དེ་བསྡད་ཙ་ན། ཁོ་ཚོ་ཉེ་བར་སླེབས་པས། ཨ་སྟག་གིས་གེ་སར་ཝེར་མའི་

ལྷ་ཚོགས་ལ་གསོལ་བ་ཡིད་ཀྱིས་བཏབ་ནས་མདའ་མོ་དེ་མེ་ལྕེ་གློག་ཞགས་འཁྱུགས་སེ་སྤྲིངས་བྱུང་

བས། བདུད་པོ་རྩལ་ཆེན་ཐོག་འབེབ་ཀྱི་ཡར་ཐོད་དཔྲལ་བའི་བཞི་མདོར་ཐེབས་ཤིང་ཀ་ལི་ཕོ་ཁ་ཙམ་ ཞིག་བར་སྣང་ལ་འཕངས། ཀླད་པ་གངས་འཁྱགས་གཏོར་བ་ལྟར་བྱས་ནས་བསམ་ལོང་བསྐོར་ལོང་

མེད་པར་ཐང་ལ་ནག་རིལ་ལེར་འགྱེལ། དཔའ་མོ་ཨ་སྟག་ལྷ་མོ་དེ་མྱུར་བར་རྟ་གོང་ལ་བུད་ཅིང་རལ་ གྲི་བར་སྣང་ལ་ཕྱར་ཏེ། རྟ་དམག་ལྔ་བརྒྱ་དེས་ལན་དང་ཨ་ཡ་བྱེད་མཁན་གྱི་གདོང་ལེན་བྱུང་ཚད་

རལ་གྲིའི་སོ་ལ་སྦྱར་བས། འཐབ་པའི་ལན་མ་ཟིན་པར་རྟ་དམག་ལྔ་བཅུ་ཙམ་གྱིས་མགོ་འབུལ་བྱས། དཔའ་མོས་དེ་དག་ཁྲིད་ཅིང་། ཀི་བསོ་ལྷ་རྒྱལ་འདོན་བཞིན་གླིང་སྒར་ལ་ཞལ་བསྒྱུར་བ་ཤར་བྱུང་།

ཡང་ཉི་མ་དེ་ཡི་ཕྱི་ནངས་ཀྱི་ནུབ་མོར། མཐོ་ནམ་མཁའ་མཐིང་གི་གཡས་ཟུར། ནམ་མཁའ་མཐིང་

གི་གཡོན་ཟུར། ནམ་མཁའི་སྤྲིན་ལམ་སྐྱ་མོ། འཇའ་འདོ་འཁྲུགས་པའི་གུར་ཁང་ནས། སྤྲིན་དཀར་ལྷ་ ལམ་གོང་མ་ནས་ལུང་བསྟན་མཁའ་འགྲོ་འབུམ་གྱིས་བསྐོར་ནས་སེང་ཆེན་རིན་པོ་ཆེ་བཞུགས་པའི་ མདུན་གྱི་བར་སྣང་ལ་བྱོན་ཏེ། ལུང་བསྟན་གྱི་མགུར་མ་འདི་ལྟར་གསུངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གུ་རུ་དེ་བ་ཌ་ཀི་ཡེ། །ན་མོ་སརྦ་སི་ངྷི་ཧཱུཾ། །བཀའ་དག་པའི་ཆོས་ལ་གསོལ་བ་འདེབས། །ལམ་

82

བདེན་སྟོང་ཟིན་པ་བྱིན་གྱིས་རློབས། །ས་འདིའི་ས་ངོ་མ་ཤེས་ན། །བྲག་ནག་ལུང་པའི་བཞི་མདོ་ ཡི། །གླིང་ལྷ་དམག་འབུམ་གྱི་སྒར་དཀྱིལ་རེད། །ང་འདྲ་ང་ངོ་མ་ཤེས་ན། །མཐོ་ནམ་མཁའ་

སྟོང་པའི་གུར་ཁང་ནས། །སྤྲིན་དཀར་འཁྲིགས་པའི་གཞལ་ཡས་ལས། །མ་གནམ་སྨན་ནེ་ནེ་

གཡུ་སྒྲོན་ཟེར། །རྗེ་གེ་སར་དཔོན་གྱི་སྲུང་མ་ཡིན། །དེ་ནས་གེ་སར་ལྷ་ཡི་སྲས། །ཐུགས་མ་ གཡེང་རིག་པ་ང་ལ་གཏོད། །ཉི་མ་སང་གི་དུས་ཚོད་ལ། །བརྒྱ་ཡར་འགྲོ་མིག་གིས་མ་མཐོང་

ལེ། །སྟོང་ཚུར་འོང་སོ་པས་མ་རིག །ཁྱེད་གེ་སར་རྒྱལ་པོ་གཙོ་བྱས་པའི། །བཀའ་བློན་འདན་ མ་བྱང་ཁྲ་དང་། །དར་རྗེ་སེང་སྟག་ཨ་དོམ་དང་། །སྒ་སྡེ་ཆོས་སྐྱོང་བེར་ནག་གསུམ། །ཁྱེད་

དཔོན་གཡོག་བཞི་པོ་མྱུར་དུ་བྱོན། །མདའ་ཟེ་བྲག་རི་དམར་པོ་ལ། །རྩལ་ཆེན་ཧ་ལའི་བླ་གནས་ ལ། །བླ་འབྲོང་བྲི་སེ་སྤུན་གསུམ་ཡོད། །དེ་ཐེའུ་རང་གསུམ་གྱི་སྤྲུལ་པ་རེད། །ད་ལྟ་མྱུར་དུ་མ་ བཏུལ་ན། །ཧ་ལ་ནག་པོ་ཐུབ་ལེ་མིན། །དེ་མ་ཐུབ་གླིང་ལ་བར་ཆད་ཡོད། །ད་རེབ་སེང་ཆེན་

ཕེབས་ལམ་ལ། །ལྷ་ཀླུ་གཉན་གསུམ་འཕྲིན་བཅོལ་མཛོད། །ལྷ་མི་ཐབས་ཀྱིས་མ་བཏུལ་ན།།

ལས་ཅི་མ་ཡིན་ལ་ཐུབ་ལེ་མིན། །དེ་ངེས་པར་ད་རེས་ཐུབ་ལེ་དགོས། །དེའི་རྗེས་རྩལ་ཆེན་ཆམ་ ལ་ཕོབས། །ཅི་བསམས་ལྷུན་གྱིས་འགྲུབ་ནས་འོང་། །སེང་ཆེན་ནོར་བུ་དགྲ་འདུལ་ལ། །མྱུར་ མགྱོགས་ཝེར་མ་གློག་དང་འདྲ། །དཔའ་རྟུལ་དཔའ་རྩལ་ཐོག་ལ་འགྲན། །དགྲ་དཔུང་རི་བྲག་ ཐལ་ཕུང་བརླག །གཏམ་གོ་བ་གྱིས་ལ་ཐུགས་ལ་ཞོག །

ཅེས་གསུངས་ཤིང་མི་སྣང་བར་གྱུར་ཏོ། །སེང་ཆེན་ནོར་བུ་དགྲ་འདུལ་གྱིས་དཔའ་རྟུལ་

བཀའ་བློན་རྣམས་བསྡུས་ཏེ་བཀའ་ཕབ། དཔའ་རྟུལ་བཀའ་བློན་རྣམས་དང་སྟག་རོང་དཔོན་པོ་ སོགས་ཀྱིས་ལེགས་སོ་ཞུས་ཏེ་མདུན་གྲལ་ཐར་ཐར་གྲོལ་ཐལ།

དེ་ནས་ཁོང་དཔོན་བློན་བཞི་པོ་ནམ་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་

རྒྱུགས་པའི་དུས་དེར་བྱོན་པས། མདའ་ཟེ་བྲག་དམར་ཉེ་འདབས་ལ་སླེབས་ཏེ་ཆིབས་པ་རྣམས་ བྲག་ཁུག་ཞིག་ལ་བཏགས། ཁོང་དཔོན་བློན་བཞི་བྲག་གདོང་ཞིག་ལ་སོང་ནས་གཟིགས་པ་

83

དང་། སེང་ཆེན་རིན་པོ་ཆེ་བྲག་དཀར་མདའ་སྒྲོ་འདྲ་བ་ཞིག་གི་གོང་ལ་ཕེབས་ཏེ། ལྷ་ཀླུ་གཉན་

གསུམ་ལ་འཕྲིན་བཅོལ་མཛད་ཅིང་སྤྱན་བར་སྣང་ལ་གཟིགས་ནས་ཡུད་ཙམ་བཞུགས་པ་ན། རི་ གདོང་དེ་ཡི་མར་གཤམ་རྫ་ཤུར་དམར་པོ་ཞིག་གི་འདབས་སུ་འབྲོང་རྒོད་འཇིགས་སུ་རུང་བ་ ཞིག་བྱུང་བ་དང་། སེང་ཆེན་རིན་པོ་ཆེ་ཁོང་གིས་གཞུ་མོ་ར་རྒོད་འཁྱིལ་བའི་ནང་དུ་ལྷ་མདའ་ ཟི་ར་ཁྱུག་གེ་བཞག་ནས། མདའ་མོ་དེ་མེ་ཞགས་གློག་གསུམ་གྱི་བར་ནས་སྤྲིངས་བྱུང་བས་

འབྲོང་གཡག་དེའི་ཡར་ཐོད་དཔྲལ་བའི་བཞི་མདོར་ཐེབས་ཏེ། ཀླད་པ་གངས་འཁྱགས་གཏོར་

བ་ལྟར་མཆོད་ནས་ཐང་ལ་འགྱེལ་བྱུང་བ་དང་། མདའ་ཟེ་རྫ་བྲག་རྣམས་ཀྱང་འུར་ལྡིར་རེ་ཉིལ་

བྱུང་། འདན་མ་དང་སྒ་སྡེ། སེང་སྟག་གསུམ་གྱིས་ཕྱག་མདའ་རེ་རེ་དུས་གཅིག་ལ་སྤྲིངས་པས།

བདུད་ཀྱི་བླ་འབྲོང་གཞན་རྣམས་ཀྱང་སྦྲ་ནག་གི་ཀ་བ་ཕབ་པ་ལྟར་ནག་འབལ་ལེ་ཐང་ལ་བསྐྱེལ། ཁོང་རྣམས་འབྲོང་རོའི་རྒྱུད་ལ་སོང་སྟེ་ཤ་ཁྲག་རྣམས་དམར་མཆོད་བྱས། འབྲོང་ཀོ་བཤུས་ཏེ་ གླིང་སྒར་ལ་ཕེབས་པ་དང་། གླིང་གི་སྒར་ནས་ཁོང་དཔོན་བློན་འོངས་པ་མཐོང་སྟེ་ཆིབས་བསུ་

དར་གཏོང་བྱས་ནས་ལས་གུར་ལ་ཕེབས་ཤིང་། ཇ་ཆང་ཨ་རག་དང་སེང་གེའི་འོ ་མ་དང་། ཤིང་ ཏོག་མངར་རིགས་སོགས་ཀྱི་གསོལ་སྟོན་ལ་ལོངས་སྤྱོད་ཅིང་། གསུང་གླེང་ཞལ་རྩེད་ངང་དེར་ བཞུགས་པར་གདའ་འོ ། །ཞེས་པ་སྟེ་ལེའུ་བཅུ་གསུམ་པ་རྫོགས་སོ།། །།

84

ལེའུ་བཅུ་བཞི་པ། གླིང་གི་དཔའ་རྟུལ་དཔུང་དམག་རྣམས།།

སྐུ་བགེགས་བྱོལ་ཞིང་དགྲ་དཔུང་བཅོམ།། དགྲ་ལྷ་ཁྲོས་པའི་དཔའ་ལམ་ནས།།

དར་ཁྲིའི་འབུམ་སྒར་ཁག་བཞིར་གཏོར།།

དེ་ནས་གླིང་གི་དམག་སྒར་དེ་བྲག་ནག་ལུང་པའི་སུམ་མདོ་ལ་བབས་ནས་བསྡད་པ་ན།

དར་ཁྲི་དམག་གི་སོ་པ་རྣམས་ཀྱིས་མཐོང་ནས། སྒར་དུ་གླིང་སྒར་བབས་ཡོད་ཚུལ་གྱི་སྙན་ཞུ་

འབུལ་མི་བང་མི་མངགས་པས། སྒར་ནས་དམག་དཔོན་རྩལ་ཆེན་ཧ་ལ་ནག་པོ་དང་། རྒོད་པོ་ སྟག་ཁྲི་བུ་བཙན་གཉིས་ཀྱིས་འདུ་ར་བསྡུས་ཏེ་གླིང་སྒར་ལ་ཇག་བསྐོར་འགྲོ་ལུགས་ཀྱི་བཀའ་

གྲོས་བྱས། རྒོད་པོ་སྟག་ཁྲི་བུ་བཙན་ན་རེ། ད་རེབ་ཇག་རེས་ང་ལ་བབས། ཉི་མ་སང་གི་གདོང་

གང་ལ། གླིང་གི་སྤྲང་པོའི་དམག་སྒར་དེ། བྱེ་མ་ཆུ་ཡིས་བཤིགས་པ་ལྟར། ཡེ་མེད་རྩ་བ་མ་ཕུད་ ན། ང་དཔའ་བོ་མིན་པའི་རྟགས་ལ་ཞོག ཟེར་ནས་བསྡད་པ་དང་། དེ་འཁོར་ཁས་ལེན་ཚོགས་ ཀྱིས་ང་འགྲོ་ཁོ་འགྲོ་ཟེར་ནས་བྱུང་།

ཉི་མ་དེ་ཡི་ཕྱི་ཉིན་ནམ་ལངས་པ་དང་། དམག་དཔོན་སྟག་ཁྲི་བཙན་པོ་ལ། རྒོད་ཧྲག་རྟ་

དམག་བརྒྱ་ཡིས་བསྐོར་ནས་གླིང་གི་སྒར་ལ་ཆས་སོང་། གླིང་གི་སོ་པ་རྣམས་ཀྱིས་དགྲ་འོངས་ པ་མཐོང་སྟེ་བརྡ་བསང་བཏང་བྱུང་བས། གླིང་སྒར་ནས་གོ་གྱོན་མཚོན་ཐོགས་དང་། ཆིབས་པ་

ལ་སྒ་བརྒྱབ་ཏེ་བསྡད་པ་ན། བདུད་པོ་དེ་ཤར་ཕྱོགས་འོ མ་བུའི་སྒར་ཟུར་ནས་ཐོན་ཏེ། རྟ་གོང་

ལ་གཟུར་འདུག་ཞིག་བྱས་ཤིང་རྟ་ཁ་བསྒགས། ཁོའི་བསམས་པར། དང་པོར་གདོང་ལ་སུ་བྱུང་ བལྟ། དེ་ནས་དམག་སྒར་ཁྲག་ལྟར་དཀྲུག་དགོས་བསམས་ནས་བསྡད་ཙ་ན།

85

འོམ་བུ་ཨ་ནུ་དཔའ་སེང་དེ་འདོ་བ་གསེར་བྱ་ལྡིང་ཤེས་ཀྱི་གོང་ལ་བུད་དེ་ཁོ་ཡི་གདོང་ལ་

བྱུང་སྟེ། རལ་གྲིའི་དཔའ་ལུང་མཛུབ་མོར་བསྐོན་ནས། རལ་གྲི་བར་སྣང་ལ་ཕྱར་ཞིང་གདོང་ལ་ མཆོངས་ཏེ་རལ་ཁ་འགྲན་པ་ན། ཁོ་གཉིས་སུ་ལའང་མཚོན་མ་སོང་། དེའི་སྐབས་སུ། དཔའ་

ལས་མདའ་ཞིག་སྤྲིངས་བྱུང་བས། རྒོད་པོ་སྟག་ཁྲི་བུ་བཙན་གྱི་རྟ་ཡི་སོག་པའི་དཀྱིལ་ལ་ཐེབས་ ཏེ་ཐལ་བ་འཚུབ་བེ་ཐང་ལ་བསྒྱེལ། ཁོས་དཔའ་ལ་མཚོན་མི་འགྲོ་བ་ཤེས་ཏེ་གོ་བཟུར་ནས་རྐང་ ཐང་དུ་དམག་ཁྲོད་ལ་རྒྱུགས་པས། འོམ་བུ་ཨ་ནུ་དཔའ་སེང་རྟ་ཁ་སྤྲུགས་ཤིང་མྱུར་བར་ཁོ་ཡི་

རྗེས་བཞིན་རྒྱུགས་ཏེ། ངར་ཆེན་གྱིས་རལ་གྲི་ལན་གཅིག་བཏབ་པ་ན། སྟག་ཁྲི་བུ་བཙན་གྱི་ཁྲབ་ རྨོག་གཉིས་ཀྱི་མཚམས་ལ་ཐེབས་ནས་མགོ་རིལ་ལེ་ཐང་ལ་འཕངས་ཏེ་བསད། དཔུང་རོགས་

རྣམས་ཀྱིས་དམག་དཔོན་ཤོར་བ་མཐོང་བས། མདའ་མདུང་ཅི་རེས་ཀྱིས་འོ མ་བུའི་ཨ་ནུ་དཔའ་ སེང་ལ་བརྒྱབ་ཀྱང་མཚོན་མ་སོང་། དེ་ནས་ཨ་ནུ་དཔའ་སེང་དང་སེང་སྟག་གཉིས་ཀྱིས་དགྲ་ དཔུང་དེར་འཕར་བས་ར་ཁྱུ་དེད་པ་ལྟར་བྱས་ནས་དམག་མི་དྲུག་ཅུ་ཙམ་ཤི་རྨས་བྱས། དམག་

མི་སུམ་ཅུ་ལྷག་ཐལ་བ་འཕྱུར་རེར་རང་ཕྱོགས་སུ་ཁ་བསྐོར་ནས་བྲོས་ཙ་ན། སེང་སྟག་གིས་

མདའ་གཅིག་སྤྲིངས་པས་དམག་མི་བཅོ་ལྔ་ཙམ་ཐལ་ཚུབ་ཉིལ་ལེ་བསྒྱེལ། འོམ་བུ་ཨ་ནུ་དཔའ་ སེང་གིས་རལ་གྲི་ནམ་མཁའ་ལ་ཕྱར་ནས་རྗེས་བཞིན་རྒྱུགས་པ་དང་། སེང་སྟག་གིས་ཨ་ནུའི་

ཆིབས་ཁ་ནས་བཟུང་སྟེ་ན་རེ། ཡ། ཨ་བུ་དཔའ་སེང་རིན་པོ་ཆེ། བུ་དཔའ་བོ་ཡིན་ཡང་དཔའ་

ཚོད་དགོས། ཚོད་མ་ཟིན་ཕམ་ཁ་ཉོ་རབས་ཡོད། ད་མ་འབྱོན་དེ་རིང་དཔའ་ཚོད་ཟུངས། སྡར་ མ་རེ་གཉིས་བྲོས་པ་ལ། རྗེས་འདེད་བྱས་ན་ཅི་ལ་ཕན། ཟེར་ཞིང་མ་མངགས། དེ་ནས་ཁོང་ གཉིས་ཀྱིས་དགྲ་དཔུང་བསད་པའི་མགོ་ལག་རྣམས་བླངས་ཤིང་སྒར་ལ་ལོག་པ་གདའ་འོ ། །

དེ་ནས་བྱང་གི་བྲོས་དམག་རྣམས་སྒར་ལ་འབྱོར་ཞིང་། དམག་དཔོན་རྩལ་ཆེན་ཧ་ལ་ནག་

པོ་དང་། གདོང་བཙན་བུ་ལུ་སྣ་ནག་གཉིས་ཀྱི་མདུན་སར་སླེབས་ཏེ། ཨ་བསེ་སྟོང་ཆེན་སྣ་ནག་ ཟེར་བ་དེས། པུས་མོའི་ལྷ་ང་ས་ལ་བཙུགས་ནས། གུས་འདུད་དང་མྱ་ངན་ཚད་མེད་ཀྱི་སྒོ་ནས་

86

དམག་ཉེས་བྱུང་ཚུལ་སྙན་འབུལ་ཞུས་ཤིང་།

ཉི་མ་དེ་ཡི་ཕྱི་ཉིན་ལ། འཇང་སྒར་གྱི་ནང་ནས་འཇང་ཕྲུག་གཡུ་ལྷ་ཐོག་འགྱུར་དེ་དཔུང་

རོགས་དཔའ་བོ་ལྔ་བཅུས་བསྐོར་ནས། འབྲོང་ཁྱུ་རྫ་ནས་ཞོགས་པ་ལྟར་བྱས་ཏེ་ཆས་བྱུང་བས།

འཇང་བདུད་གཉིས་ཀྱི་དཔོན་དམག་རྣམས་མཁར་སྒོ་གཅིག་ནས་ཐོན་པ་ལྟར་དར་ཁྲིའི་སྒར་ལ་ གཏད་དེ་ཆས་པར་གདའ། བྱང་དར་ཁྲིའི་དམག་སྒར་ནས་ཨ་བསེ་བུ་ཡི་སྣ་ནག་ཚུར་གླིང་གི་

སྒར་ལ་འོངས་པ་དང་ལམ་བར་ནས་ཁོ་ཚོ་ཐུག་སྟེ། ཨ་བསེ་བུ་ཡི་གདོང་ནག་དེས་གླུ་ལེན་ཚིག་ བསྐོར་ཅི་ཡང་མེད་པར་ཁོ་ཚོ་མཐོང་བ་དང་མདའ་འདོན་གཞུ་འདོན་བྱས་ཏེ་མདའ་ཞིག་སྤྲིངས་ བྱུང་བ་ན། འཇང་དམག་བཅུ་གསུམ་ཐལ་བ་འཚུབ་བེ་ཐང་ལ་བསྒྱེལ། འཇང་ཕྲུག་གཡུ་ལྷ་ཐོག་

འགྱུར་དེ་ངར་རྒོད་གཏིང་ནས་འཁྲུགས་ཤིང་། འདོ་བ་གནམ་ཡག་གི་གོང་ནས་སྒ་འགྱུར་ཞིག་ བརྒྱབ་སྟེ། རལ་གྲི་ཡི་དཔའ་དམ་ལ་བཟུང་ཞིང་། གཟའ་རྒོད་མཁའ་ནས་རྒྱུ་བ་བཞིན་ཁོ་ཡི་

གདོང་ལ་མཆོངས་ནས་རལ་གྲི་ལན་གཅིག་བཏབ་པས། ཨ་བསེ་བུ་ཡི་གདོང་ནག་གི་བྲང་ལ་

གྲི་ཡི་རྩེ་ཤད་བྱས་ཏེ་ཁྲབ་བྱང་རྣམས་སིང་སྒྲ་ཉིལ་ལེ་གཏོར་ནས་གྲི་རྨས་ཆེ་ཙམ་བཏང་བ་དང་། ཨ་བསེ་བུ་ཡི་གདོང་ནག་དེའི་བསམ་པར། ད་ནི་འགྲོ་ས་གཅིག་ལས་མི་འདུག་པས། ཝ་རྔ་མ་

ཤ་རེ་བྲོས་པ་ལས། སྟག་འཛུམ་དྲུག་ཤ་ལེ་ཤི་ན་དགའ་བསམས་ཏེ། གྲི་ཡུ་ལ་མཆིལ་མ་བཏབ་ ནས་གཡག་རྒོད་ཐོད་འཁྱར་བ་ལྟར་རལ་ཁ་འགྲན་པ་ན། འཇང་ཕྲུག་གཡུ་ལྷ་ངར་ཆེན་གྱིས་གྲི་

ལན་གཅིག་བཏབ་པས་ཨ་བསེ་བུ་ཡི་གདོང་ནག་གི་ཕྲག་གོང་ལ་ཐེབས་ཤིང་གཞོགས་གཡས་ མཆན་འོག་བར་རྡུམ་སེ་འཕངས་ཏེ་བསད། འཇང་བདུད་གཉིས་ཀྱི་དཔུང་དམག་རྣམས་ཀྱིས་ ཨ་བསེ་བུ་ཡི་གདོང་ནག་གི་དཔུང་རོགས་ལྔ་བརྒྱ་ཙམ་ཡོད་པ་དེ་གཡུ་ལྷ་དང་། ག་དར་བློན་ པོ་ཕྱིང་སྔོན་གཉིས་ཀྱིས་དཔུང་བསྒྲིགས་ཏེ་བདུད་དམག་བཞི་བརྒྱ་ཙམ་ཆག་ཉལ་བཏང་། རྟ་

སྒ་སྟོང་གི་རི་སྒང་གང་ལེ་དང་། མི་རོའི་བམ་ཐོང་བཀྲམ་འདྲ། ཁྲག་གི་རྫིང་བུ་འཁྱིལ་ལེ་བྱས་ པས། དགྲ་དམག་རྣམས་དཔའ་འཁྱགས་ནས་ལ་བྲོས་ལུང་བྲོས་བྱས། གཡུ་ལྷས་མདའ་རྒོད་

87

སྒྲོ་མ་ཞིག་སྤྲིངས་པས་དམག་ཉེར་ལྔ་ཙམ་ཐལ་འཚུབ་ཉིལ་ཉེ་ཐང་ལ་འཕངས། ག་དར་ཕྱིང་སྔོན་ གྱིས་རལ་གྲི་ཤུབས་ལ་དྲངས་ནས་མདའ་གཅིག་སྤྲིངས་པ་ན། དགྲ་དམག་ཉེར་ལྔ་ཙམ་ཐང་ལ་

བརྡབས། གཞན་པ་རྣམས་རང་གི་སྒར་ལ་གཏད་ནས་བྲོས་སོང་བས། གླིང་གི་ལས་དམག་རྣམས་ ཀྱིས་དཔའ་དེ་བྱས་ཀྱི་རྟིང་མ་དགུང་ལ་གྲགས་པ་བླངས། ཀི་བསོ་ལྷ་རྒྱལ་གཏོང་བཞིན་སྒར་ ལ་ལོག་པ་དང་།

དར་ཁྲིའི་སྒར་ནས་དམག་ཉེས་ཆེན་པོ་བྱུང་བ་མཐོང་སྟེ། སེམས་སྡུག་པ་དང་བསམ་པ་

ཕམ། དཔའ་འཁྱགས་ནས་ཅི་བྱ་མེད་པའི་སྐབས་དེར། རྩལ་ཆེན་ཧ་ལ་ནག་པོ་ཡིས་དམག་དཔོན་ བཀའ་བློན་རྣམས་ལས་གུར་ལ་བསྡུས་ཏེ་ན་རེ། ཡ། ཁོ་རེ་དམག་དཔོན་བཀའ་བློན་རྣམས།

གཡུལ་ཉེས་བྱུང་བའི་དུས་སྐབས་ལ། དཔའ་འདི་བྱེད་ཀྱི་སྐད་ཆ་མེད་པའི་ཁར། བློ་ཐོར་ནས་

འདུག་ཐབས་ག་ན་ཡོད། དེ་ཉིན་རྒྱལ་པོའི་སྐུ་མདུན་ནས་དཔའ་གཏམ་ཁས་ལེན་ཅི་འདྲ་བྱས།

ད་འདི་མུས་འདུག་ག་ལ་ཡོད། ཞེས་ང་རྒྱལ་གྱིས་བློན་པོ་རྣམས་ལ་སྡིགས་མོ་བྱས་པ་ན། དེར་

ཡོད་དམག་དཔོན་རྣམས་ཀྱིས་ཅི་ཞུ་དང་འདི་ཞུ་མ་རྙེད་པའི་སྐབས། གཡས་གྲལ་གྲལ་གྱི་གྲལ་

མགོ ། གཟིག་ཐིག་ལེ་ཅན་གྱི་གདན་ཐོག་ནས། དམག་དཔོན་ཤེལ་ཁྲབ་རྒོད་པོ་ཁེར་སྐྱེས་ཟེར་ བ་དེས་དར་དཀར་དྲི་མ་མེད་པ་ཞིག་དམག་དཔོན་རྩལ་ཆེན་མདུན་ལ་བཞག་ནས་ན་རེ། ཡ་

འདིར་ཚོགས་དམག་དཔོན་བཀའ་བློན་རྣམ་པ་ཚོ། ཡང་སྒོས་རྩལ་ཆེན་ཧ་ལ་ལགས། ད་ཐུགས་ ཆུང་བྱས་པས་ཕན་པ་མེད། ད་རུང་ལས་དམག་མང་པོ་གདའ། ཁྱེད་མ་འབྱོན་དམག་མང་མགོ་

འཚོས་དང་། སང་ཉིན་ཇག་རེས་ང་ལ་བབ། ང་མི་འདུག་གླིང་ལ་འགྲོ་རྒྱུ་ཡིན་ཟེར་ཞིང་། དཔུང་ བ་གླང་སྣ་བརྫེ་བརྫེ། ལག་མགོ་སུ་ལི་སྤྲུག་སྤྲུག སོ་སྒྲ་གྲོ་ཡོས་འཆའ་འཆའ་བྱས་ཏེ་བསྡད།

ཉི་མ་དེ་ཡི་ཕྱི་ནངས། ནམ་སྐྱ་རེངས་སྐྱ་མདའ་མ་རྒྱུགས། སྔོ་རེངས་སྔོ་མདའ་མ་རྒྱུགས།

སྐར་ཚོགས་གྲས་ར་མ་ཞིག་པའི་དུས་དེར། དམག་དཔོན་ཤེལ་ཁྲབ་རྒོད་པོ་དེ་འདོ་དྲུག་འཁོར་ གསུམ་བསྐོར་ནས་དཔུང་རོགས་རྟ་དམག་ཆིག་བརྒྱས་སྐོར་དེ་ཤར་ཁྲ་མོ་གླིང་གི་སྒར་ལ་ཆས་

88

པ་དང་། གླིང་གི་སོ་པ་རྣམས་ཀྱིས་མཐོང་ནས་བརྡ་བསང་བཏང་བྱུང་བས། གླིང་སྒར་ནས་གོ་

བཙན་བཟུང་སྟེ་ཁྲིག་གེར་བསྡད་པའི་སྐབས། དམག་དཔོན་ཤེལ་ཁྲབ་རྒོད་པོ་དེ་ཆེ་རྒྱུད་སྟག་ རོང་གི་དམག་སྒར་ནས་ཟུར་དུ་ཐོན་ཞིང་། རྟ་གོང་དུ་གཟུར་འདུག་ཅོ་ག་འབབ་འདྲ་ཞིག་བྱས་ཏེ།

རལ་གྲིའི་དཔའ་དམ་ལ་འཆང་ནས། ཡོབ་སྔོན་ལ་བརྒྱངས་ཤིང་། ཁོའི་བསམ་པར། དང་པོར་

གདོང་ལ་སུ་བྱུང་བལྟ་དགོས། དེ་ནས་རྟིང་མ་ལེན་ཆོག་བསམས་ནས་བསྡད་པ་ན། རོང་སྲས་ ལྷའུ་ཞལ་དཀར་དེ་འདོ་བ་དུང་བྱ་འཕུར་ཤེས་ཀྱི་གོང་ལ་བུད་དེ། ཐང་དཀར་གཟན་འཕུར་བ་

ལྟར་ཁོ་ཡི་གདོང་ལ་མཆོངས་ཤིང་། རལ་གྲིའི་དཔའ་ལུང་མཛུབ་མོར་བསྐོན་ནས། ཉེར་བཅར་

གྱིས་རལ་ཁ་འགྲན་པས། བདུད་པོ་ཤེལ་ཁྲབ་རྒོད་པོ་དེས་རོང་སྲས་ལྷའུ་ཞལ་དཀར་གྱི་དཔུང་ གཡོན་ལ་གྲི་བརྒྱབ་སྟེ་གྲི་རྨས་ཆེན་པོ་ཞིག་བྱས་ཏེ་རྟ་ལས་ལྷུང་། དེར་ཡོད་དམག་མང་རྣམས་ དེར་རྒྱུགས་ནས་མདའ་མཚོན་སེར་བ་འབབ་འབབ་བྱས་པས། ཁོ་ལ་ལྟ་ལོང་དང་སྐོར་ལོང་

མེད་པར་དམག་ཁྲོད་དུ་མཆོངས་ཤིང་། ལས་དམག་བཅུ་སྐོར་ཐང་ལ་བརྡབ་བྱུང་བ་ན། རྒོད་པོ་ ཐང་རྩེ་གཡུ་འབྲུག གཟའ་རྒོད་རྒྱུག་པ་ལྟར་ཁོ་ཡི་གདོང་ལ་མཆོངས་ནས་རལ་ཁ་འགྲན་པ་ན།

བདུད་པོ་དེ་ཡིས་ཐང་རྩེ་ལ་གྲི་ལན་གསུམ་བཏབས་ཀྱང་ཁྲབ་བྱང་ཁ་ཤས་གཏོར་བ་ལས། ནང་ ལ་གེ་སར་རྒྱལ་པོའི་ན་བཟའ་དང་། མ་གྲུབ་པའི་རྒྱལ་མོའི་ཚེ་མདུད་ཡོད་པ་དེར་བརྟེན་ནས་

སྐུ་ལ་ཅི་ཡང་གནོད་མ་ཐུབ། ཐང་རྩེ་ངར་ཆེན་གྱིས་རལ་གྲི་བར་སྣང་ལ་ཕྱར་ནས་ལན་གཅིག་

བཏབ་པས། བདུད་པོ་ཤེལ་ཁྲབ་ཀྱི་ལུས་རྡུམ་སེ་བཅད་ནས་བསད། ཁོ་ཡི་དཔུང་རོགས་རྣམས་ གླིང་སྒར་དམག་གིས་རམ་ནག་སེར་བས་བརྡུང་འདྲ་བྱས་ཏེ་གཅིག་ཀྱང་མ་ཐོན་པར་བསད།

ཉི་མ་དེ་ཡི་ཕྱི་ཉིན་ནམ་ལངས་པའི་དུས་དེར། སྲས་ཆུང་དགྲ་ལྷ་རྩེ་རྒྱལ་དེས་མདུན་གཡོག་

རྣམས་ལ་ཆིབས་སྒ་རྒྱོབ་ཤོག་གསུངས་ནས་བཀའ་ཕབ། མདུན་གཡོག་རྣམས་ཀྱིས་འདོ་བ་བྱ་ རྟ་རླུང་གཤོག་ལ་གསེར་སྒ་ཉི་མ་ཤར་འདྲ་བརྒྱབ་ནས་ལས་གུར་གྱི་སྒོ་ལ་བཏགས། སྲས་ཆུང་

དགྲ་ལྷ་རྩེ་རྒྱལ་དེས་དགྲ་ལྷ་ཚེ་གོས་སྨུག་པོ་སྐུ་ལ་གསོལ། རལ་གྲི་ཡ་ཟི་སྐར་ཕྲན་སྐེད་ལ་བསྐོར།

89

འཁོར་གསུམ་དགྲ་དར་འཚུབས་སེ་འདོ་བ་བྱ་རྟ་རླུང་གཤོག་གི་གོང་ལ་བུད་ནས་དཔུང་རོགས་ ཁས་ལེན་རྟ་དམག་སུམ་བརྒྱས་བསྐོར་ནས། དར་ཁྲིའི་སྒར་ཕྱོགས་སུ་འཆི་བདག་དཀར་ཐོག་

རྒྱུགས་པ་ལྟར་ཆས་པ་དང་། བདུད་ཀྱི་སོ་པ་མང་པོ་ཉིན་སོ་པྱས་ཏེ་ཡོད་པས་མཐོང་ནས་བརྡ་

བཏང་བ་དང་། དར་ཁྲིའི་སྒར་ནང་ནས་གླིང་གི་དགྲ་འོངས་པ་ཤེས་ནས་གོ་གྱོན་མཚོན་ཐོག་བྱས་ ཏེ། དེ་རིང་གླིང་གི་དཔའ་རྟུལ་སུ་འདྲ་ཞིག་ཐོན་འོ ང་བསམས་ནས་སེམས་འདར་ལྷང་ངེར་ཡོད་ པའི་སྐབས། དཔའ་ཡ་མེད་དགྲ་ལྷ་རྩེ་རྒྱལ་དེ་སྒར་ཟུར་དུ་ཐོན་མ་ཐག གླུ་ལེན་ཚིག་བསྐོར་ཅི་ ཡང་མེད་པར་རྣོན་པོ་ཡ་ཟི་སྐར་ཕྲན་དགུང་ལ་ཕྱར་ནས་དམག་ཁྲོད་ལ་མཆོངས་ཏེ་ལས་དམག་ བརྒྱ་ཚོ་མང་པོ་མཚོན་ལ་དྲངས། གདོང་ལ་སུ་ཐུག་ཡ་ཟིའི་ངར་ལ་དྲངས་ཤིང་། གར་རྒྱུགས་ ཀྱི་ལམ་ལ་མི་རོ་རྟ་ལམ་བཀག་ལེ། ཁྲག་གི་རྫིང་བུ་འཁྱིལ་ལེ་བྱས་ནས་བྱུང་བ་དང་། དཔུང་

རོགས་རྣམས་ཀྱིས་ཁོང་གང་བྱོན་ལ་རྒྱུགས་ཏེ་ཤི་གསོད་ཁྲག་གི་འཁོར་ལོ་བསྐོར་ནས་བྱུང་། གླིང་གི་སྒར་ནས་དགྲ་ལྷ་དམག་ལ་བྱོན་པ་འདན་མས་དགོངས་ཏེ། དཔའ་ཚ་ཞང་འདན་མ་བྱང་ ཁྲ་དེ་འདོ་བ་དངུལ་ལྡེམ་པའི་གོང་ལ་བུད་དེ། མི་རྐྱང་རྟ་རྐྱང་དགྲ་ལྷའི་དཔུང་རོགས་ལ་གླག་ རོག་པོ་གཟན་ལ་བཅུམ་པ་ལྟར་སོང་སྟེ། དར་ཁྲིའི་སྒར་གྱི་ཤར་ངོགས་ནས། རལ་གྲི་ཕྱར་ཏེ་

བདུད་ཀྱི་དམག་རྣམས་འཕར་བས་ར་ཁྱུ་དཀྲུག་པ་ལྟར་བྱས་ཏེ་བྱུང་བས། དགྲ་ལྷ་རྒྱུག་པའི་ རྗེས་ཟིན་ནས། མེ་དང་རླུང་དམར་འཕྲད་པ་ལྟར་དར་ཁྲིའི་དམག་སྒར་དེར་བསྙེག་བྱུང་བ་ན།

བདུད་པོ་ཧ་ལ་བཙན་པོའི་ལས་གུར་ལ་གཏད་ནས་རྒྱུགས་པས། ལས་གུར་གྱི་གཡས་གཡོན་

ན་རྒོད་པོ་ཁྱུང་ནག་སྡིང་ཆེན་ཟེར་བ་དེ་འདོ་བ་བྱ་ནག་མགྱོགས་པ་འཕུར་ཤེས་ཀྱི་གོང་ལ་བུད་ ཅིང་། ཀི་གནམ་ས་འགས་པ་ཙམ་ཞིག་བྱས་ཏེ་དགྲ་ལྷའི་གདོང་བཀག་ནས།

ཕར་ཕར་རྒྱུགས་པ་དང་། དཔའ་ཡ་མེད་དགྲ་ལྷ་རྩེ་རྒྱལ་དེའི་དགོངས་པར། མི་འདིས་

བརྙས་གཏམ་བྱེད་ལུགས་ལ་དཔྱད་ན། ངོ་ཚ་མོ་བྱས་ནས་གསོད་དགོས་དགོངས་ནས། འདོ་

བ་རླུང་གཤོག་གི་གོང་ནས་སྒ་འགྱུར་ཞིག་བརྒྱབ་ཏེ། ཡོབ་སྔོན་ལ་བརྒྱངས་ཏེ་ན་རེ། ཡ། ཁོ་

90

རེ། མི་གཡོག་ཨ་བ་རིགས། ཁྱོད་དེ་འདྲ་འཛིང་སྣང་ཤར་བ་ན་ཟེར་བཞིན། རལ་གྲི་ཀླད་ལ་

ཕྱར་ནས་ལན་གཅིག་བཏབ་པས། མགོའི་སྤྱི་གཙུག་ལ་ཐེབས་ཤིང་མི་རྟ་སྒ་དང་བཅས་པ་ཁག་ གཉིས་ལ་འཕངས་ཏེ་བསད་པ་དང་། ཀི་ཤར་གནམ་ས་འགས་པ་ཙམ་ཞིག་བྱས་ནས་དམག་

ཁྲོད་ལ་མཆོངས་བྱུང་། དར་ཁྲིའི་དམག་དཔོན་རྣམས་དང་དམག་མང་རྣམས་ཀྱིས་མདའ་མཚོན་ ཅི་རིགས་བཏབ་སྟེ་གདོང་བླངས་ཀྱང་། གདོང་མ་བརྟན་པར་ལས་གུར་ལ་རལ་ཤན་བརྒྱབ་ཅིང་ དམག་སྒར་དེ་ཁག་བཞིར་གཏོར། ད་རུང་དོམ་སྨྱོན་ཤོར་བ་ལྟར་རྒྱུགས་ཏེ། བྱིའུ་ཁྱུ་ཁྲ་ཡིས་ གཏོར་བ་ལྟར་བྱས་པ་ན། དཔའ་ཚ་ཞང་འདན་མ་བྱང་ཁྲ་དེ་དགྲ་ལྷའི་མདུན་དུ་རྒྱུགས་ཏེ། སྒ་

འགྱུར་ཞིག་བརྒྱབ་སྟེ་ཆིབས་རྟའི་ཁ་རུ་ནས་བཟུང་སྟེ་ན་རེ། ཨ་བུ་ལྷ་སྲས་རིན་པོ་ཆེ། ད་རང་

ཚོད་བཟུང་ལ་གླིང་སྒར་དུ་འགྲོ། དགྲ་བོར་ཡུན་གྱིས་འཐབ་ན་དགའ་གསུངས་པ་དང་། དགྲ་ལྷས་ འདན་མའི་ཞལ་ངོ་ལ་གཟིགས་ཙམ་བྱས་ཤིང་འཛུམ་དམུལ་གྱིས། ན་རེ། ཡ། ཚ་ཞང་འདན་མ་

བྱང་ཁྲ་ལགས། ཁྱེད་ཀྱིས་གསུངས་པ་ཐུགས་བདེན། དགྲ་བོར་ཡུན་རིང་འཐབ་དགོས་གསུངས་ ནས་སྒར་ཟུར་ལ་ཐོན། རང་དམག་རྣམས་ཚུར་འཐེན་བྱེད་པའི་བརྡ་རྒྱོབས་ཤིག་གསུངས་པ་ དང་། ཡང་བྱང་བདུད་དར་ཁྲིའི་སྒར་ལ། ཡ་ཁོ་རེ་སྡར་མ་བདུད་ཀྱི་དཔུང་། དེ་རིང་རྟིང་མ་དེ་

ཙམ་ཡིན། ད་རུང་གླིང་གི་དཔའ་རྟུལ་ཚོས་འདི་ལྟར་རིམ་བཞིན་རྒྱུག་རྒྱུ་ཡིན་པས་ལྟད་མོ་ལྟོས་ ཨང་གསུངས་ཤིང་། རལ་གྲི​ི་ལག་གཡུག་བྱས་ཏེ་གླིང་སྒར་ཕྱོགས་སུ་ཁ་ལོ་བསྒྱུར་ཏོ། །ཞེས་ པ་སྟེ་ལེའུ་བཅུ་བཞི་པ་རྫོགས་སོ།། །།

91

ལེའུ་བཅོ་ལྔ་པ། བདུད་དགྲས་ཤ་ལན་གླིང་ལ་བྱུང་།།

གླིང་ནས་སོག་བློན་ཁྲ་བཙན་ཤོར།།

གེ་སར་རྒྱལ་པོའི་དམག་བཀོད་ལྟར།།

དཔའ་རྟུལ་དཔུང་བསྒྲིགས་དགྲ་དཔུང་བཅོམ།།

དེ་ནས་དར་ཁྲི་སྒར་ལ་དམག་ཉེས་ཚབས་ཆེན་བྱུང་བཞིན་པར་འཇིགས་སྐྲག་དང་སྐྱོ་

སྡུག་གིས་མནར་བའི་དུས་དེར། དམག་དཔོན་འབུ་ཁྲ་བུ་ཡི་རྔམ་ཆེན་ཟེར་བ་དེ་འདོ་བ་བྱ་ནག་ ལྡིང་ཤེས་ཀྱི་གོང་ལ་བུད་དེ། དཔུང་རོགས་དཔའ་བོ་ལྔ་བཅུས་བསྐོར་དེ་ཁྲ་མོ་གླིང་གི་ཕྱོགས་ སུ་ཆས་པ་ན། གླིང་གི་སོ་པ་རྣམས་ཀྱིས་མཐོང་ནས་བརྡ་བསང་བཏང་བྱུང་བ་དང་། གླིང་སྒར་

ནས་དགྲ་འོངས་པ་ཤེས་ཤིང་གོ་གྱོན་མཚོན་ཐོགས་དང་། གོ་བཙན་བཟུང་ནས་བསྡད་ཐལ། དེ་ ནས་བདུད་པོ་དེ་སྒར་སྟོད་ཕྱོགས་སྟོད་ལ་མ་སོང་། སྨད་ཕྱོགས་སྨད་ལ་མ་སོང་། བར་ཕྱོགས་ དམག་སྒར་ཁྲ་མོ། སོག་སེར་པོའི་དམག་སྒར་ནང་ལ་སླེབས་ཏེ། གླུ་ལེན་དང་ཚིག་བསྐོར་ཅི་

ཡང་མེད་པར་མདའ་མཚོན་རལ་གྲིས་ཅི་ཆོད་ཀྱིས་སོག་དམག་ལྔ་བཅུ་ཙམ་མཚོན་ལ་དྲངས་

ཤིང་དམག་སྒར་ཟང་ཟིང་ལང་ལོང་བྱེད་པའི་སྐབས་དེར། སོག་བློན་ཟླ་བ་ཁྲ་བཙན་གྱིས་ཁོ་ཡི་ གདོང་བཀག་ཅིང་།

ཁོ་ཡི་གདོང་ལ་མཆོངས་ནས་མདུང་བཤངས་ལན་གཅིག་བསྣུན་པ་ན། འབུ་ཁྲ་བུ་ཡིས་གྲི་

ཚུར་གཡུགས་པ་དང་ཐུག་སྟེ་མདུང་སྐེ་རྡུམ་སེ་བཅད། ཡང་རལ་གྲི་ཤུབས་ནས་བཤངས་ཏེ་ལན་ གསུམ་ལ་བཏབ་ཀྱང་། བདུད་པོ་དེ་འདུལ་བའི་དུས་ལ་མ་བབ་པས་ཁྲབ་བྱང་ཐར་རེ་གཏོར་བ་

ལས་ལུས་ལ་ཅི་ཡང་གནོད་མ་ཐུབ། ཚུར་གྲི་ལན་གཅིག་གཡུགས་བྱུང་བས། ཕྲག་གོང་གཡས་

92

པར་ཐེབས་ཤིང་ཕྲག་གཡོན་པའི་མཆན་འོ ག་བར་རྡུམ་སེ་བཅད་དེ་རྟ་ལས་ལྷུང་བ་དང་། སོག་ བློན་གྱིས་ཨམ་གཙིགས་བསྡམས་ནས་གྲི་ལན་གཅིག་གཡུགས་བྱུང་བས། འབུ་ཁྲ་བུ་ཡི་རྟ་ཡི་

སོག་ཕྲག་ལ་ཐེབས་ནས་ཐལ་བ་ཚུབ་བེ་ཐང་ལ་བསྒྱེལ། སོག་དམག་རྣམས་ཀྱིས་དམག་དཔོན་ ཤོར་བ་མཐོང་སྟེ། འབུ་ཁྲ་ཡི་གདོང་ལ་གཅིག་ཤོར་གཉིས་ཤོར་དུ་བྱུང་བས། ཁོའི་ཉེ་སར་རྟ་

ཞིག་འདུག་པ་དེ་ཡི་གོང་ལ་བུད་ཅིང་། སོག་དམག་གི་གུར་གཤགས་ནས་ཧོར་བདུད་གཉིས་ཀྱི་ སྒར་ལ་གཏད་བྱུང་བ་དང་། དམག་མང་ཉི་ཤུ་ཙམ་མཚོན་ལ་དྲངས་པས། བྱང་མཆིས་པའི་ཨ་

སྟག་ལྷ་མོ་དེ་ངར་རྒོད་གཏིང་ནས་འཁྲུགས་ཤིང་། འདོ་བ་རག་དཀར་དྲེལ་གཟུགས་ཀྱི་གོང་ལ་ སྒ་མཆོང་བྱས་ནས་ཁོ་ཡི་གདོང་ལ་བྱུང་བས། བདུད་པོ་དེ་ཡི་དཔུང་རོགས་རྣམས་ཀྱིས་མདའ་ གྲི་བཟུང་ཞིང་ཨ་སྟག་གི་གདོང་བླངས་པ་ན། ཨ་སྟག་གིས་དཔུང་རོགས་རྣམས་རམ་ནག་སེར་

བས་བརྡུང་འདྲ་བྱས། དེ་ཡི་སྐབས་སུ། འབུ་ཁྲ་བུ་ཡི་བསམ་པར། ད་དེ་རིང་གི་རྟིང་མ་དེ་ཙམ་

བྱས་ན་དགའ་བསམས་ནས། ཕྱི་བལྟས་མེད་པར་རང་སྒར་དུ་བྲོས་པས། ཨ་སྟག་གིས་རྗེས་མ་ ཟིན་པར་དར་ཁྲིའི་སྒར་དུ་ཐལ་བ་འཕྱུར་རེ་བྲོས་ཤོར་བ་ཚུལ་དུ་ཁ་ལ་ཤར་བྱུང་།

དེ་ཉིན་གླིང་སྒར་ནས་སོག་བློན་ཤོར་བའི་མྱ་ངན་ཆེན་པོ་བྱས་ཏེ་བསྡད། དེ་ནས་ཞག་

གསུམ་གྱི་བར་སོག་བློན་གྱི་དགོངས་རྫོགས་མཛད་ཅིང་བཞུགས། དེའི་མཚམས་སོག་བློན་

ཟླ་བ་ཁྲ་བཙན་གྱི་སྐུ་གདུང་ལྷོ་ཕྱོགས་གཡུ་འབྲུག་བྲག་གི་གཡས་ཟུར། ནུབ་རི་གངས་དཀར་ རྩེ་རྒྱས་ཀྱི་མདུན་དུ་བཞག་ནས་བཞུགས།

ཉི་མ་དེ་ཡི་ཕྱི་ཉིན་ནམ་ལངས་པ་དང་། དཔའ་རྟུལ་བཀའ་བློན་རྣམས་ལས་གུར་ལ་བསྡུས་

ཤིང་། སེང་ཆེན་རིན་པོ་ཆེ་ཡི་ཞལ་ནས། ཡ། ཨ་བུ་དཔའ་རྟུལ་བཀའ་བློན་རྣམས། ད་ངེད་རིགས་ གླིང་གི་དཔའ་རྟུལ་རྣམས། བག་མེད་ཁེར་རྒྱུག་བྱེད་རྒྱུ་མེད། ཨ་ཁུ་སྤྱི་དཔོན་གཙོར་བྱས་པའི་ དཔའ་རྟུལ་བཀའ་བློན་ཆེ་མགོ་རྣམས་ཀྱིས་དཔུང་སྡེབ་བྱེད་ལུགས་དང་། དགྲ་དཔུང་འདུལ་

ལུགས་བཀའ་གྲོས་ལེགས་པར་བྱས་ནས། སྟབས་ལེགས་པར་བསྒྲིག་དགོས་ཞེས། གསུངས་

93

པས། དེ་ཡོད་དཔའ་རྟུལ་ཚང་མས་འོ ་ལེགས་སོ་ཞུས། སྤྱི་དཔོན་ན་རེ། ཡ་དཔའ་རྟུལ་དང་དམག་ དཔོན་རྣམས། ད་རང་སྒར་བཟུང་ལུགས་སྔར་ལྟར་གྱིས། སྡང་དགྲ་སྒར་ལ་བྱུང་བ་ན། དཔའ་ལ་ སྒ་སྡེ་འདན་མ་གསུམ། ཤན་པ་ཨ་སྟག་གཙོར་བྱས་ཏེ་དཔུང་བསྒྲིག་བྱས་ནས་གདོང་ལ་ལོངས། ཕར་དགྲ་དཔུང་དམག་འགྲོ་ལུགས་དང་། བཀའ་གྲོས་ཅི་དགོས་རིམ་བཞིན་བལྟ་གསུངས་པས།

དེར་ཡོད་དྲག་ཞན་མེད་པ་ཚང་མས་ལེགས་སོ་ཞུས་ཤིང་མངོན་པར་བསྟོད། རང་རང་སྒར་ལ་ སོང་སྟེ་དམག་གྲབས་བྱས་ནས་བསྡད།

ཉི་མ་དེ་ཡི་ཕྱི་ཉིན་ནམ་ལངས་པ་དང་། བྱང་དར་ཁྲིའི་སྒར་ནས་རྒོད་པོ་གཡུ་ཡག་ཁྲབ་

བཙན་ཟེར་བ་དེ། ཤར་ཁྲ་མོ་གླིང་གི་ཕྱོགས་སུ་ཆས་པ་དང་། བྲག་ནག་འགྱིང་རྫོང་ཉག་ལམ་

ནས་གླིང་གི་སོ་པ་རྣམས་ཀྱིས་མཐོང་སྟེ་བརྡ་བསང་བཏང་བྱུང་བས། གླིང་གི་སྒར་བས་དགྲ་

འོངས་པ་ཤེས་ཏེ། ཁས་ལེན་རྣམས་དཔུང་བསྒྲིགས་ཏེ་སྒར་ཟུར་དུ་ཁྲ་ཆིལ་ལེ་བྱུང་བ་དང་། རྒོད་ པོ་གཡུ་ཡག་ཁྲབ་བཙན་དེའང་རི་གཟར་ནས་རྦབ་རྡོ་འདྲིལ་བ་ལྟར་གླིང་སྒར་ལ་རྒྱུགས་བྱུང་

བས། ཤར་གྱི་སྒར་འགྲམ་ལ་ཤན་པ་དང་འདན་མ་གཉིས་དཔུང་བསྒྲིགས་ཏེ་ཡོད་པ་དང་ཐུག་སྟེ།

ཁོའི་བསམ་པར། མི་འདི་གཉིས་རྔམ་བརྗིད་ཆེ་བ་ལ་བལྟས་ན། མི་ཆེན་ཐོབ་ཐང་ཅན་གྱི་རིགས་ ཤིག་ཡིན་པར་ངེས། དང་པོ་འདི་གཉིས་སུ་རེད་བལྟ། དེ་ནས་མཚོན་ལ་དྲངས་ན་བསམས་ཏེ། འདོ་བ་རླུང་ནག་བྱ་འཛིན་གྱི་གོང་ལ་གཟུར་འདུག་བྱས་ཤིང་། རལ་གྲིའི་དཔའ་དམ་ལ་འཆང་

ནས་ན་རེ། ཡ། ཁོ་རེ། གླིང་གི་སྤྲང་དམག་རྣམས། ང་སུ་རེད་ང་ངོ་ཨེ་ཤེས་ཟེར་ནས་ཅུང་ཟད་

བསྡད་པ་ན། དཔའ་ཚ་ཞང་འདན་མ་བྱང་ཁྲ་དེས། བདུད་པོ་དེ་ཡི་གདོང་བཀག་ནས། ཤན་འདན་ གཉིས་ཀྱིས་དཔུང་པ་གཤིབས་ཏེ་རལ་གྲི་གནམ་ལ་ཕྱར་ནས། གླག་ནག་གཟན་ལ་བཞུར་བ་

ལྟར་མཆོངས་བྱུང་བ་ན། ཁོས་ཤན་འདན་གཉིས་ལ་ཤུགས་གང་ཡོད་ཀྱིས་གྲི་རེ་བཏབ་ཀྱང་།

ཁོང་གཉིས་ལ་གེ་སར་རྒྱལ་པོའི་ཐུགས་རྗེ་དང་། མ་གྲུབ་པ་རྒྱལ་མོའི་ཚེ་མདུད་ཡོད་པའི་དྲིན་

གྱིས་གྲི་སོར་ཐེབ་རྒྱུ་མ་བྱུང་བར། ནམ་མཁའ་སྟོང་པ་ལ་བཏབ་པ་ལྟར་བྱུང་། ཤན་འདན་གཉིས་

94

ཀྱིས་གཡས་གཡོན་ནས་གྲི་རེ་བཏབ་ཀྱང་། ཁོ་བདུད་ཀྱི་བུ་དངོས་ཡིན་སྟབས། འདུལ་བའི་

དུས་ལ་མ་བབ་པས་ཁྲབ་བྱང་གཏོར་བ་ལས་ལུས་ལ་གནོད་མ་ཐུབ། ཁོས་ཤན་འདན་གཉིས་

ཀྱི་དཔའ་གདོང་མ་ཚུགས་པར་བྲོས་མ་བཟུར་གྱིས་བྱང་ཕྱོགས་ཨ་སྟག་གི་སྒར་ལ་གཏད་ནས་

རླུང་འཚུབ་པ་ལྟར་རྒྱུགས་ཤིང་། ལས་དམག་བཅོ་ལྔ་ཙམ་གྲི་འོ ག་ལ་བཏང་བྱུང་བ་དང་། བྱང་ མཆིས་པའི་ཨ་སྟག་ལྷ་མོ་དེས་མདའ་ཞིག་སྤྲིངས་པ་ན། ཁོ་ཡི་རྨོག་གི་ཕོ་བྱང་ལ་ཐེབས་ནས་

ལྕགས་རྨོག་དེ་སིང་སྒྲ་ཉིལ་ལེ་གཏོར་ཞིང་། ཁོ་འདུལ་བའི་དུས་ལ་མ་སླེབས་པས་ཅི་ཡང་གནོད་ མ་ཐུབ། ཡང་བདུད་པོ་ཁོ་དམག་སྒར་ནང་རྒྱུགས་ཏེ་དཀྲུག་བྱུང་བ་ན། གླིང་སྒར་ནས་མདའ་སྐྱ་

སེར་བ་འབབ་འབབ། མདུང་གཡུགས་གློག་དམར་འཚུབ་འཚུབ་བྱས་ཏེ་ཟང་ཟིང་ལང་ལོང་བྱེད་

པའི་སྐབས། སྟོད་གླིང་གསེར་པའི་དམག་སྒར་ནས། གསེར་པའི་ཉི་འབུམ་དར་ལུ་དང་། འབྲུ་ སྒ་སྡེ་ཆོས་སྐྱོང་བེར་ནག་གཉིས་ཁོ་ཡི་གདོང་ལ་རྒྱུགས།

རྒོད་པོ་གཡུ་ཡག་ཁྲབ་བཙན་དེ་རྟ་གོང་ལ་གཟུར་འདུག་ཞིག་བྱས་ནས། རལ་གྲིའི་དཔའ་

དམ་མཛུབ་མོར་བསྐོན་ནས། རལ་གྲི་ཀླད་ལ་བསྐོར་ནས་ཉི་འབུམ་གྱི་ཐོག་ལ་མཆོངས་ཤིང་།

རལ་གྲི་ལན་གསུམ་ལ་བཏབ་ཀྱང་། ཉི་འབུམ་གྱི་ཁྲབ་བྱང་ཐར་རེ་གཏོར་ཞིང་། ནང་ལ་གེ་སར་

རྒྱལ་པོའི་ན་བཟའ་དང་། ལྷ་ཨོ་རྒྱན་པདྨའི་ཕུ་མདུད། མ་གྲུབ་པ་རྒྱལ་མོའི་ཚེ་མདུད་ཡོད་པ་དེར་ བརྟེན་ནས་སྐུ་ལ་ཅི་ཡང་མ་གནོད། ཉི་འབུམ་གྱིས་རལ་གྲི་ལན་མང་བཏབ་ཀྱང་ཁོ་འདུལ་བའི་

དུས་ལ་མ་བབ་པས་མཚོན་མ་སོང་། དེའི་སྐབས་སུ་སྒ་སྡེ་ཆོས་སྐྱོང་བེར་ནག་དེ་ཀླུ་བདུད་མཚོ་

ནས་ལངས་འདྲ་བྱས་ཏེ་བྱུང་བ་ན། ཁོ་ཡི་བསམ་པར། གླིང་མི་འདི་ཚོར་ཡུན་རིང་འཐབ་ན་ལས་ བཟང་པོ་མི་འོང་བསམས་ནས། ཀི་ཤར་ཚག་སྒྲ་གྲག་ལེ་ཞིག་བརྒྱབ་སྟེ། སྒར་ཕྱི་ནང་གསུམ་ གཤགས་ནས། ལམ་ཞོར་སུ་ཐུག་མཚོན་ལ་དྲངས་ཤིང་ཐལ་བ་འཚུབ་བེར་རང་སྒར་ལ་བྲོས་

སོང་བ་ན། ཉི་འབུམ་དང་སྒ་སྡེ་གཉིས་རྗེས་འདེད་བྱས་ཀྱང་། རྗེས་མ་ཟིན། གླིང་སྒར་ནས་དམག་ ཚུར་འཐེན་བྱེད་པའི་དུང་བརྡ་འུ་རུ་རུ་བྱུང་བས། ཁོང་གཉིས་གླིང་སྒར་ལ་མི་ལོག་ཀ་མེད་བྱུང་།

95

ཉི་མ་དེ་ཡི་ཕྱི་ཉིན་ནམ་ལངས་པ་དང་། གསེར་པའི་ཉི་འབུམ་དར་ཡག་དེའི་བསམ་པར།

དེ་རིང་བྱང་གི་བདུད་པོ་གཡུ་ཡག་ཁྲ་བཙན་ཟེར་བ་དེ་རྟིང་མར་མ་ལོན་ན། ཤི་ལེ་དགུ་བས་མི་

ཐུ་རེ་སྙམ་ནས། འདོ་བ་གསེར་བྱ་ལྡིང་ཤེས་ལ་སྒ་འཇོག་དང་སྟན་འཇོག་དུས་གཅིག་ལ་བྱས་

ཏེ། དགྲ་དར་ཚུབས་སེ་དར་ཁྲིའི་སྒར་ལ་རྒྱུགས་ཤིང་། དར་ཁྲིའི་སྒར་ཟུར་དུ་སླེབས་ཙ་ན། གུར་ གྱི་ཁ་དོག་ལ་བལྟས་པས། ལས་གུར་སྔོན་པོ་བྲག་རི་འདྲ་བ་ཞིག་འདུག་པ་དེར་རྒྱུགས་པས།

དམག་མང་པོ་ཞིག་གིས་ངོ་ལེན་བྱས་བྱུང་བར། དེ་དག་རལ་གྲིའི་ངར་ལ་དྲངས་ཤིང་མཆོངས་ པ་དང་། རྒོད་པོ་གཡུ་ཡག་ཁྲི་བཙན་དེས་འཁོར་གསུམ་ལུས་ལ་བསྐོར་ནས། འདོ་བ་བྱ་ནག་ ལྡིང་ཤེས་ཀྱི་གོང་ལ་བུད་ནས་ཉི་འབུམ་གྱི་གདོང་ལ་ཀྲོང་ངེར་ཐོན་བྱུང་བ་ན། ཉི་འབུམ་གྱིས་

གཡུ་ཡག་ཡིན་པ་ཤེས་ནས་གླུ་ལེན་ཚིག་བསྐོར་མེད་པར་ངར་ཆེན་གྱིས་རལ་གྲི་ལན་གཅིག་ བཏབ་པས་ཕྲག་གཡོན་པའི་གོང་ལ་ཐེབས་ནས་དགྲ་ལྷ་ཝེར་མས་སོ་ཁ་འཚོས་ཡོད་གཤིས།

བདུད་པོ་དེ་ཡི་ལུས་ཕྱེད་གཤགས་བཏང་ནས་བསད། ཉི་འབུམ་གྱིས་མགོ་འཕྲུ་གོང་ལེན་བྱས་ ཏེ་རྟ་གོང་ལ་བུད་ནས་ལས་གུར་ལ་རྒྱུགས་ཏེ་རལ་ཤན་བརྒྱབ། དམག་སྒར་དེ་ཡར་འདེད་མར་

འདེད་བྱས་ཏེ་བྱིའུ་ཁྱུ་ཁྲ་ཡིས་གཏོར་བ་ལྟར་བྱས། གདོང་ལེན་སུ་བྱུང་རལ་གྲིའི་ངར་ལ་དྲངས་

པ་ན། དར་ཁྲིའི་དམག་དཔོན་ཨ་བསེ་དོམ་ཁྲ་ཟེར་བ་དེ་གླུ་ལེན་དང་ཚིག་བསྐོར་ཅི་ཡང་མེད་པར་ ཉི་འབུམ་གྱི་གདོང་ལ་མཆོངས་ནས་གྲི་འཐབ་བྱས་པས། ཉི་འབུམ་གྱིས་སེང་ཆེན་ནོར་བུ་དགྲ་

འདུལ་ཡིད་ལ་བསྒོམས་ནས་གྲི་ལན་གཅིག་བཏབ་པས། རྒོད་པོ་ཨ་བསེ་དོམ་ཁྲའི་སྐེ་ལ་ཐེབས་

ཤིང་མགོ་རིལ་ལེ་ཐང་ལ་འཕངས་ནས་བསད། ཉི་འབུམ་གྱིས་དེའི་མགོ་འཕྲུ་གོང་ལེན་བྱས་ནས་ དམག་ཁྲོད་ལ་རྒྱུགས་ཏེ་དམག་མང་ཆག་ཉལ་བཏང་སྟེ། ཀི་བསོ་འབྲུག་ཐོང་གྲག་འདྲ་ཞིག་བྱས་ ཤིང་། དཔའ་ཚོད་བཟུང་ནས་གླིང་སྒར་ཕྱོགས་སུ་ངང་སེར་མཚོ་མོར་ཞུགས་པ་ལྟར་སོང་ངོ་། ། བྱང་དར་ཁྲི་རྒྱལ་པོའི་དམག་སྒར་ནང་ནས་དམག་དཔོན་རྩ་ཆེན་ཧ་ལ་ནག་པོ་དེ་འདོ་བ་

བྱ་ནག་ལྡིང་ཤེས་ཀྱི་གོང་ལ་བུད་དེ། དཔོན་གཡོག་གསུམ་བྱས་ནས་དར་ཁྲི་རྒྱལ་པོའི་མདུན་

96

སར་སྙན་གསེང་ཞུ་བར་སོང་ཞིང་། ཉིན་ཞག་གསུམ་གྱི་མཚམས་སུ་རྒྱལ་སར་འབྱོར། རྒྱལ་ པོ་བཞུགས་པའི་ཕོ་བྲང་ལ་སོང་བས་མདུན་གཡོག་རྣམས་ཀྱིས་རྟ་ཁ་བླངས། ཁོ་རང་རྒྱལ་

པོའི་མདུན་དུ་བཏུད་དེ། རྒྱལ་པོར་མཇལ་མ་ཐག མགོ་དམའ་དམའ་དང་ལུས་སྒུར་སྒུར་བྱས་ ཏེ་གུས་འདུད་ཚད་མེད་བྱས། དར་ཁྲི་རྒྱལ་པོ་ན་རེ། ཡ། དམག་དཔོན་རྩལ་ཆེན་ལགས། ད་

རེབ་འོང་དོན་ཅི་ཡིན། དགྲ་འདྲེ་གླིང་རུ་ལ་གདོང་ལན་སྤྲོད་ལུགས་ཅི་འདྲ་བྱས་ཡོད་གསུངས་

པ་དང་། རྩལ་ཆེན་ཧ་ལ་ནག་པོ་དེས་རྒྱལ་པོའི་མདུན་དུ་དར་ཉིན་མོ་བདེ་ལེགས་ཤིག་གིས་སྣེ་ དྲངས་ཏེ་གསེར་སེར་པོ་བཅུ་ཞུ་རྟེན་ལ་ཕུལ་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ་ སྙན་ཞུ་ཕུལ་བ་དང་། དཔོན་ཆེན་དར་ཁྲི་བཙན་པོ་ན་རེ། ཡ་རྩལ་ཆེན་ཧ་ལ་ནག་པོ་ཁྱོད། དོ་

ནུབ་ངལ་གསོ་མཛོད། ནངས་སྔ་བར་སོང་སྟེ་ཆུ་འཕྲང་འགགས་བཙན་བསྲུངས་ལ་སྡོད་དང་། ངས་དམག་དཔོན་བཀའ་བློན་རྣམས་བསྡུས་ཏེ། ཞག་མ་ཁ་ཤས་མཚམས་ནས་དགྲ་བོར་འཐབ་

ལུགས་དང་། དེར་ལན་སྤྲོད་ལུགས་སོགས་བཀའ་གྲོས་བྱས་ནས་སྐད་ཆ་ཡོད་ངེས་བྱེད་ཡོང་། ཞེས་བཀའ་བསྩལ། །ཞེས་ལེའུ་བཅོ་བལྔ་པ་རྫོགས་སོ།། །།

97

ལེའུ་བཅུ་དྲུག་པ། གོང་སྨན་རྒྱལ་མོའི་ལུང་བསྟན་ལྟར།།

གེ་སར་རྒྱལ་པོས་བཀའ་བསྒོས་མཛད།། ཧ་ལའི་བློ་ཁ་ལྷ་ཡིས་བསྒྱུར།།

སྒ་སྡེའི་རྩལ་གྱིས་རྡོ་ལ་བརྡབས།།

དེ་ཡང་མཐོ་ནམ་མཁའ་སྤྲིན་གྱི་གུར་ཁང་། འཇའ་འོ ད་འཁྲིགས་པའི་གཞི་དཀྱིལ་ནས།

མ་ནེ་ནེ་གོང་སྨན་རྒྱལ་མོ་ཁོང་། རྒྱལ་མཆོག་མི་ཡི་ཉི་མ་བཞུགས་པའི་མདུན་གྱི་ནམ་མཁའ་ ལ་བྱོན་ཏེ། ལུང་བསྟན་གྱི་མགུར་མ་འདི་བཀའ་སྩལ་ཐལ།

ཨ�་མ་ཎི་པདྨེ་ཧཱུཾ་ཧྲཱིཿ

གུ་རུ་དེ་ཝ་ཌ་ཀི་ཡེ། །ན་མ་སརྦ་སིདྷི་ཧཱུཾ། །གནས་འོག་མིན་བདེ་ཆེན་ཕོ་བྲང་ནས། །རྒྱལ་

བ་རྡོ་རྗེ་འཆང་ཆེན་མཁྱེན། །མཐའ་ཡས་འཇིག་རྟེན་སྐྱོབ་པའི་མགོན། །སྤྲུལ་སྐུ་ཤཱཀྱ་ཐུབ་པ་

མཁྱེན། །ས་འདིའི་ས་ངོ་མ་ཤེས་ན། །གླིང་དཀར་ལྷ་དམག་གཞི་དཀྱིལ་ནས། །ལྷ་གུར་དཀར་མོའི་ བར་སྣང་རེད། །ང་འདྲ་སུ་ཡིན་མ་ཤེས་ན། །རྒྱ་གར་ཡུལ་གྱི་ཚུར་ནང་ནས། །ལྷོ་མོན་ཡུལ་གྱི་ཕར་ ནང་ནས། །མུ་ལེ་མཐིང་མཚོའི་ཕོ་བྲང་ནས། ལེགས་ཉེས་ལུང་བསྟན་བྱེད་མི་ལ། །གེ་སར་སྲུང་ མ་ནེ་ནེ་སྒྲོན། །བུ་གེ་སར་མ་གཡེང་ང་ལ་གསོན། །འཇིག་རྟེན་གནའ་མིའི་གཏམ་དཔེ་ལ། །ལེ་

ལོ་རྣམ་གཡེང་གཏི་མུག་གསུམ། །འཇིག་རྟེན་མི་ཡི་དགྲ་གསུམ་ཡིན། །དོན་ཆེན་འབྲས་བུ་སྨིན་ ལེ་མིན། །དེ་ནས་གེ་སར་ལྷ་ཡི་སྲས། །གླིང་དཀར་སྡེ་བའི་འབུམ་སྒར་ལ། །བདུད་ཀྱི་བར་ཆད་

རྩོམ་ཉེན་གདའ། །ཞག་མ་གསུམ་གྱི་ཕྱིན་ཆད་ལ། །བདུད་པོ་ཧ་ལ་ནག་པོ་དེ། །གླིང་གི་སྒར་ལ་ རྒྱུག་རྒྱུ་རེད། །བདུད་ཀྱི་དཔའ་སྙིང་དགུ་སྐོར་གདའ། །ཐེའུ་རང་གསུམ་གྱི་བུ་སྐལ་རེད། །གླིང་

98

གི་དཔའ་རྟུལ་རྒོད་ཞན་འདྲ། །གསོད་པའི་དུས་ལ་མ་སླེབས་བར། །ལུས་ལ་མདའ་མཚོན་འགྲོ་

ལེ་མིན། །ནམ་ཟླའི་དུས་ལ་མ་བབ་ན། །སོ་ནམ་བྲེལ་ཀྱང་ཅི་བྱ་ཡོད། །ཆར་ལྡན་དུས་ལ་སླེབས་ པ་ན། །ཤ་མང་སློན་པས་སྤང་དཀར་རྟོལ། །ཟེར་ལུགས་སྔ་མོའི་དཔེ་ལ་གདའ། །རྩལ་ཆེན་ཧ་ ལ་ནག་པོ་ཁོ། །བདུད་རྒོད་དཔའ་སྙིང་ཆེ་ཞན་འདྲ། །ལུས་ལ་རྣོ་མཚོན་མ་སོང་ཡང་། །འདུལ་

བའི་དུས་ལ་བབ་ནས་ཡོད། །བློ་ཁ་ལྷ་ཡིས་བསྒྱུར་ཞིང་ཡོད། །ཁོ་གླིང་གི་སྒར་ལ་སླེབས་ནས་ འོང་། །དཔའ་རྟུལ་ངར་རྒོད་ཆེ་ནའང་། །རྩལ་ཆེན་ཧ་ལའི་དཔའ་གདོང་ལ། །བཅར་ན་ཡག་

པོ་བྱེད་ལེ་མིན། །རྩལ་ཆེན་ཧ་ལའི་སྲོག་བདག་དེ། །སྒ་སྡེ་ཆོས་སྐྱོང་བེར་ནག་ཡིན། །མདའ་ མཚོན་རལ་གྲིས་ཆོད་ལེ་མིན། །གྱད་ཆེན་དཔུང་པས་ཐུབ་ལེ་དགོས། མ་ཐུབ་ཧ་ལ་ཤོར་ཟེར་ ན། །ཕྱིན་ཆད་གླིང་ལ་བར་ཆད་ཡོད། །གཏམ་གོ་བ་ཨེ་ཡོད་གེ་སར་རྒྱལ། །མ་གོ་གླུ་ལ་ཡང་ ལེན་མེད། །བུ་གེ་སར་ཐུགས་ལ་འདི་ལྟར་ཞོག །ཅེས་ཟེར་ཞིང་མི་སྣང་བར་གྱུར་ཏོ།།

རྒྱལ་མཆོག་མི་ཡི་ཉི་མ་ཁོང་གིས་གླིང་གི་དཔའ་རྟུལ་བཀའ་བློན་རྣམས་ལྷ་གུར་ལ་བསྡུས་

ཤིང་གདན་ལ་འཁོད་པ་དང་། རྒྱལ་མཆོག་ནས་གསུངས་པར། ཡ་ཨ་བུ་བཀའ་བློན་དམག་དཔོན་ རྣམས། ང་ལ་ལྷ་ཡི་ལུང་བསྟན་བྱུང་། གསུངས་པ་དང་། སྒ་སྡེ་ལ་ལྷ་ཡི་ལུང་བསྟན་བཞིན་སྲུང་

བ་བྱིན་རྟེན་གནང་། སྒ་སྡེ་ན་རེ། འོ་ལགས་སོ། ཁོ་བདུད་པོ་རྩལ་ཆེན་ཧ་ལ་དེ། སྒོ་ང་བྲག་ལ་ བརྒྱབ་འདྲ་ཞིག མ་བྱས་སྒ་སྡེ་མིན་རྟགས་གྱིས། རྒྱལ་མཆོག་ཐུགས་བློ་བདེ་བར་བཞུགས།

ཟེར་ཏེ་ཁས་བླངས་སོ། །དེ་མིན་གླིང་གི་དཔའ་རྟུལ་གང་བཟང་རྣམས་ཀྱིས་དཔུང་སྡེབ་བྱེད་ཀྱིན་ གདོང་ལ་འབུད་རྒྱུ་བྱས་ཏེ། གོ་བཙན་བཟུང་ནས་བསྡད་དོ།།

རྩལ་ཆེན་ཧ་ལ་ནག་པོ་རྒྱལ་པོའི་མདུན་སར་སོང་སྟེ་དམག་སྒར་ལ་ཕྱིར་སླེབས་ཤིང་།

དམག་དཔོན་རྣམས་ཀྱིས་བྱོན་ཞུ་དང་ཁམས་འདྲི་བྱས། དེ་ནས་ཁོ་རང་ཁྲི་ལ་འཁོད་དེ་ན་རེ།

ཡ་དམག་དཔོན་བཀའ་བློན་རྣམས། ང་ཚོའི་རྒྱལ་པོས་གསུངས་པར། ཞག་མ་བཅུ་ཡི་བར་ལ་

ངེད་རང་རྣམས་ཀྱིས་ལམ་འཕྲང་བཟུང་ནས་སྡོད་དང་། བཀའ་བློན་ཆེ་བ་རྣམས་དང་བཀའ་གྲོས་

99

བྱས་ཏེ། དགྲ་ལ་གདོང་ལེན་སྤྲོད་ལུགས་ཀྱི་བཀའ་ཡོད་ངེས་བྱེད་འོ ང་གསུངས་འདུག ད་ནི་

ནམ་ཡིན་ཡང་དགྲ་འདྲེ་གླིང་གི་ལག་ལ་མ་གཏོགས་འགྲོ་ས་མི་འདུག་ཟེར་ཞིང་ཇ་དཀར་ཡོལ་ གང་ཧུབ་ཀྱིས་བཏུང་སྟེ། ཁྲིའི་ཐོག་ཏུ་བདེ་འདུག་བྱས་པར་གདའ། དེའི་སྐབས་སུ། ཡུལ་ལྷ་རྨ་

རྒྱལ་སྤོམ་ར་དེ་ཁོ་ཡི་སེམས་ལ་ཞུགས་པས། ཁོ་གློ་བུར་དུ་ང་རྒྱལ་དྲག་ཏུ་འཁྲུགས་ནས་ན་རེ།

ཡ་དམག་དཔོན་བཀའ་བློན་རྣམས། ད་འདི་མུར་བསྡད་པས་ཅི་ལ་ཕན། ཉི་མ་སང་གི་དུས་ཚོད་

ལ། ང་མི་འདུག་གླིང་གི་སྒར་ལ་འགྲོ། ང་རྩལ་ཆེན་མི་འདུག་སེམས་ཐག་ཡིན། དཔུང་རོགས་ ཁས་ལེན་བརྒྱ་ཙམ་འགྲོ། ཟེར་ནས་གྲོས་ཐག་ཁྲིགས་སེ་བཅད་པ་དང་། ཕྱི་ཉིན་དཔུང་རོགས་ དཔའ་བོ་བརྒྱ་ཡིས་བསྐོར་ནས་གླིང་གི་ཕྱོགས་སུ་ཆས་སོ།།

གླིང་གི་སོ་པ་རྣམས་ཀྱིས་ཁོ་ཡོང་བ་མ་རིག་པར་སྐད་ཅིག་གི་དུས་དེར་གླིང་སྒར་གྱི་ཤར་

ངོས་སུ་སླེབས་ཤིང་། བར་གླིང་འོ མ་བུའི་དམག་ནང་དུ་གླུ་ལེན་དང་ཚིག་བསྐོར་ཅི་ཡང་མེད་

པར་དོམ་སྨྱོན་ཤོར་བ་ལྟར་མཆོངས་ཏེ་དམག་མང་པོ་རལ་གྲིའི་ངར་ལ་དྲངས། ཡང་གཡོན་རུ་ ཧོར་བདུད་གཉིས་ཀྱི་སྒར་ལ་སོང་སྟེ། དམག་མང་རྣམས་རམ་ནག་སེར་བས་བརྡུང་འདྲ་བྱས་ ཤིང་དམག་བརྒྱ་སྐོར་མཚོན་ལ་དྲངས། ཡང་ངར་ཆེན་གྱིས་འཇང་སྒར་ལ་རྒྱུགས་ནས་འཇང་

དམག་མང་པོ་རལ་གྲིའི་ངར་ལ་དྲངས་པ་ན། འཇང་ཕྲུག་གཡུ་ལྷ་ཐོག་འགྱུར་དང་བྱང་མཆིས་

པའི་ཨ་སྟག་ལྷ་མོ། དཔའ་བཟང་ཧོར་གྱི་ཤན་པ་གསུམ་ཁོའི་རྗེས་བཞིན་རྒྱུགས་ཏེ། གླག་ནག་ གཟན་ལ་རུབ་པ་ལྟར་བྱས་པ་དང་། དམག་སྒར་ནས་མདའ་སྐྱ་བུ་ཡུག་འཚུབ་འཚུབ། མདུང་སྐྱ་

སེར་བ་ཡར་ཡར། གྲི་འོད་གློག་དམར་འཁྱུག་འཁྱུག་བྱས་ནས་གདོང་བླངས་ཀྱང་། ཁོ་བདུད་

ཀྱི་བུ་དངོས་ཡིན་པས་གཤིས་མཚོན་མ་སོང་། དཔུང་རོགས་བཅུ་སྐོར་ཙམ་ལས་མ་ལྷག་པར་

བསད་པ་དང་། ཤི་བསད་ཁྲག་གི་འཁོར་ལོ་བསྐོར་ཞིང་གནམ་ས་ཆ་ལང་བརྡབ་པ་ལྟར་བྱེད་པའི་ སྐབས། རྩལ་ཆེན་ཧ་ལ་ནག་པོ་དེ་ངར་ཆེན་གྱིས་དམག་སྒར་དཀྱིལ་གཤགས་བརྒྱབ་ནས་བྱུང་

བས། འཇང་ཕྲུག་གཡུ་ལྷ་དང་། ཨ་སྟག་གཉིས་ཀྱིས་མདའ་རེ་སྤྲིངས་བྱུང་བས། ཁོ་ཡི་རྒྱབ་ཀྱི་

100

སོག་པའི་སྟེང་ཐེབས་ནས་ཁྲབ་བྱང་རྣམས་ཐར་རེ་གཏོར། བདུད་པོ་ཁོ་ལ་ཅི་ཡང་གནོད་མ་ཐུབ་ པས། སླར་ཡང་གསེར་པའི་སྒར་ལ་གཏད་དེ་རྒྱུགས་པ་དང་། ཚ་ཞང་འདན་མ་བྱང་ཁྲ་དེས་ལྷ་

མདའ་མཚལ་ལྟོང་མ་ཞིག་གཞུ་སྟེང་ལ་བཞག་ནས་སྤྲིངས་བྱུང་བས། ཁོ་ཡི་བྲང་དཀྱིལ་མེ་ལོང་

དབུས་སུ་ཐེབས་ཤིང་། མེ་ལོང་དེ་སིང་སྒྲ་ཉིལ་ལེར་གཏོར། ཁོ་ལ་གནོད་མ་ཐུབ་པས་སླར་ཡང་ དམག་ཁྲོད་ལ་མཆོངས་ཏེ་ལས་དམག་བརྒྱ་ཚོ་ཙམ་མཚོན་ལ་དྲངས་ཤིང་། གསེར་པའི་དམག་

དང་འབྲུ་སྒ་སྡེ་དམག་དང་ཐུག་སྟེ་མི་མང་མཚོན་ལ་དྲངས། སླར་ཡང་ལས་གུར་ལ་གཏད་དེ་

ཤོར་བྱུང་བ་དང་། ལས་གུར་གྱི་གཡས་ཟུར་ནས་འབྲུ་སྒ་སྡེ་ཆོས་སྐྱོང་བེར་ནག་དེས། འདོ་བ་

འབྲོང་ནག་འཕུར་ཤེས་ཀྱི་གོང་ནས་དཔུང་པ་འཕུར། ཁུ་ཚུར་འཕྱར་ཞིང་། རྫ་རི་ལ་ཆར་སྨུག་ འཁྲིགས་པ་ལྟར་ནག་འབལ་ལེ་བྱུང་བ་དང་། རྩལ་ཆེན་ཧ་ལ་ནག་པོས་མཐོང་མ་ཐག ཁོའི་

བསམ་པར། མི་འདིའི་རྔམ་བརྗིད་དང་ཕོ་ཚོད་ཆེ་ལུགས་ལ་བལྟས་ན། མ་ངན་འགོག་ཚ་ཇོ་རུ་ ཡིན་པ་འདྲ། དེ་རིང་རྟིང་མ་དགུང་ལ་གྲག་པ་ཞིག་ལེན་དགོས་བསམས་ནས། སྒ་སྡེའི་གདོང་ ལ་ཀྲོང་ངེར་བྱུང་བ་ན། སྒ་སྡེ་ཆོས་སྐྱོང་བེར་ནག་དེས་འདོ་བ་འབྲོང་ནག་འཕུར་ཤེས་ཀྱི་གོང་ ནས་སྒ་འགྱུར་ཞིག་བརྒྱབ་སྟེ་ཡོབ་སྔོན་ལ་བརྒྱངས་ནས་ན་རེ། ཡ་ཁོ་རེ་བདུད་ཕྲུག་ནག་ངན་ མ། རྩལ་ཆེན་ཧ་ལ་ཨེ་མ་ཡིན་ཞེས་དྲིས་པ་ན།

རྩལ་ཆེན་ཧ་ལ་ནག་པོ་དེས་རལ་གྲི་བར་སྣང་ལ་འཕྱར་ནས་སྒ་སྡེ་ལ་ལན་དགུར་བཏབ་ཀྱང་།

བར་སྣང་སྟོང་བའི་འཇའ་ལ་བཏབ་པ་ལྟར་ལས་གྲི་སོའི་འོ ག་ཏུ་མ་བྱུང་། ཁོས་རལ་གྲི་ཕྱིར་འཕེན་ བྱས་ཏེ་བདུད་ཞགས་ནག་པོ་རླུང་འཛིན་དེ་གྲུ་ནས་ཕུད་ཅིང་ལན་གསུམ་བཏབ་ཀྱང་། ཞགས་ཀྱི་

ཨ་ལོང་སྟོང་པ་ལས་ཐེབ་རྒྱུ་མ་བྱུང་། ཁོས་ཞགས་པ་ཕར་འཕངས་ནས་མདུང་རིང་གི་སོ་ཤུབས་ ཕུད་དེ་ལན་གསུམ་ལ་བསྣུན་ཀྱང་། བར་སྣང་སྟོང་པ་ལ་ལག་སྙོབ་བྱས་པ་ལྟར་ལས་འཛིན་རྒྱུ་མ་ བྱུང་། སྒ་སྡེ་ཆོས་སྐྱོང་བེར་ནག་གིས་ཧ་ལ་ནག་པོའི་རལ་བ་བཟུང་སྟེ། བྱིའུ་ཁྲ་ཡིས་ཁྱེར་འདྲ་

བྱས་ཏེ་བར་སྣང་འཕྱར་ཏེ་རྡོ་ལ་ལན་གསུམ་བརྡབས་པས། ཤ་རུས་ཁྲག་དང་ནང་ཁྲོལ་ཐམས་

101

ཅད་ཕྱིར་གཏོར། སྒ་སྡེའི་ཕྱག་ཏུ་མི་ལྤགས་གཡང་གཞི་འདྲ་བ་ཞིག་བྱུང་བས། དེའི་ནང་དུ་ཁོ་ ཡི་རྣམ་ཤེས་བཟུང་ནས་ཁ་ཕར་བསྐོར་ཏེ་ལས་གུར་གྱི་སྒོ་ལ་ཆིབས་གཞོལ་ཏེ་ཁྲི་ལ་འཁོད།

རྩལ་ཆེན་ཧ་ལ་ནག་པོ་དམ་ལ་བཏགས་པ་དང་། མི་ལྤགས་གཡང་གཞི་དང་ཁོ་ཡི་རྣམ་ཤེས་ སེང་ཆེན་རིན་པོ་ཆེ་ཡི་མདུན་ལ་བཞགས་ནས་གསུང་གླེང་ཞལ་རྩེད་ངང་དེར་རྣམ་ཤེས་ནུབ་

ཕྱོགས་བདེ་བ་ཆེན་པོའི་ཞིང་དུ་སྤར་ནས་བཞུགས། དེའི་དཔུང་རོགས་རྣམས་གཅིག་ཀྱང་མ་

ལུས་པར་གླིང་དམག་གིས་ཚར་གཅོད་བྱས། ཉིན་དེར་དེ་ལྟར་གཡུལ་འཁྲུག་དྲག་ཏུ་བྱས་ནས་ ཉི་མ་ནུབ་རིའི་ཕག་ཏུ་ཡོལ་བའི་ཚུལ་དུ་ཁ་ལ་ཤར་བྱུང་།

དར་ཁྲིའི་དམག་སྒར་ནས་དམག་དཔོན་རྩལ་ཆེན་ཧ་ལ་ནག་པོ་ཤོར་བ་ཤེས་ཤིང་། ས་

མ་ཟིན་པར་ཉིན་མཚན་ལྟོས་མེད་ཀྱིས་རང་མགོ་གང་ཐོན་བྱས་ནས་རྒྱལ་སར་གཏད་དེ་བྲོས་ སོང་ངོ་། །ཞེས་ལེའུ་བཅུ་དྲུག་པ་རྫོགས་སོ།། །།

102

ལེའུ་བཅུ་བདུན་པ། སྤྱི་དཔོན་བཀའ་བཞིན་བྱང་ལ་ཆས།། གླིང་གིས་དར་ཁྲིའི་ཕོ་བྲང་བསྐོར།།

ལྕགས་རི་དཔའ་རྟུལ་དཔུང་གིས་བཟུང་།། ཉི་མ་རང་ཤར་མགོ་འབུལ་ཞུས།།

ཉི་མ་དེ་ཡི་ཕྱི་ཉིན་ལས་གུར་ལ་ཉི་ཟེར་ཕོག་པའི་དུས་དེར། གླིང་གི་དཔའ་རྟུལ་བཀའ་བློན་

དམག་དཔོན་དང་། མཐོ་ལ་སྤྱི་དཔོན་མན་ཆད། དམའ་ལ་རྟ་རྫི་དང་ཐབ་གཡོག་ཡན་ཆད་ཚང་

མ་གྲོས་རར་འཚོགས་ཤིང་། དགྲ་བོ་ཐུབ་པའི་དགའ་སྤྲོ་ཡིས་དམག་སྟོན་རྒྱ་ཆེན་བསྒྲིགས། ཇ་ ཆང་གཉིས་ལ་སུམ་འདྲེན་དང་། ཤ་ཐུད་གཉིས་ལ་གཟུག་འདྲེན། དཀར་གསུམ་མངར་གསུམ་

རི་ལྟར་སྤུངས་ནས། དགའ་སྤྲོའི་ངང་དེར་བཞུགས་པའི་སྐབས། ལྡོང་ཁུ་བོ་སྤྱི་དཔོན་རྒྱལ་པོ་ན་ རེ། ཡ། གླིང་གི་དམག་དཔོན་བཀའ་བློན་རྣམས། གསོན་དང་ཞུ་རྒྱུ་འགའ་རེ་ཡོད་གསུངས་ནས། དལ་བ་རིང་མོའི་ངག་རྟ་ལ་དྲངས་ནས་གསུངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །སྐྱབས་བླ་མ་ཡི་དམ་དཀོན་མཆོག་

གསུམ། །སྐུ་མི་འབྲལ་སྤྱི་བོའི་རྒྱན་དུ་བཞུགས། །ཅི་བསམས་ལྷུན་གྱིས་འགྲུབ་པར་ཤོག །མ་ནེ་

ནེ་གོང་སྨན་རྒྱལ་མོ་མཁྱེན། །བློ་བྱ་བ་ལམ་ལ་འགྲོ་བར་ཤོག །ས་འདིའི་ས་ངོ་མ་ཤེས་ན། །བྲག་ ནག་ལམ་འཕྲང་གཞོངས་དྲུག་ལ། །ལྷ་དམག་འབུམ་གྱི་སྒར་ནང་ནས། །ལས་གུར་མཐོང་བ་རང་ གྲོལ་ནང་། །རྒྱལ་བློན་འཛོམས་པའི་གྲོས་ར་རེད། །མི་ང་འདྲ་ང་ངོ་མ་ཤེས་ན། །ལྡོང་ཁུ་བོ་སྤྱི་ དཔོན་རྒྱལ་པོ་ཟེར། །ཆགས་ལ་བལ་སྟན་འདིང་འདིང་ཡིན། །བལ་ལ་འདབ་སྙིགས་ཡོད་ལེ་

103

མིན། །བློ་ཤེས་སྐྱ་རེངས་རྒྱུག་རྒྱུག་ཡིན། །ནམ་སྐྱ་རེངས་སྤྲིན་གྱིས་བསྒྲིབས་དོགས་མེད། །དེ་ནས་ གླིང་གི་རྒྱལ་བློན་རྣམས། །གསོན་དང་ཞུ་རྒྱུ་འགའ་རེ་ཡོད། །ཉི་མ་སང་གི་དུས་ཚོད་ལ། །མིག་ དམར་དབྱུ་གུའི་འགྲུབ་སྦྱོར་ཡིན། །སྡང་དགྲ་འདུལ་བར་གཟའ་སྐར་ལེགས། །དགྲ་ལྷ་ཝེར་མས་

ཁ་འཛིན་ཡོད། །མི་འདུག་དར་ཁྲིའི་རྒྱལ་སར་འགྲོ། །ཕོ་བྲང་ཕྱོགས་བཞི་སྐོར་ལུགས་དེ། །ཤར་ ལ་འདན་གླིང་དམག་གིས་སྐོར། །ལྷོ་ནས་མོན་འཇག་དམག་གིས་སྐོར། །ནུབ་ནས་སོག་སྟག་ དམག་གིས་སྐོར། །བྱང་ནས་ཧོར་བདུད་དམག་གིས་སྐོར། །དེའི་བྱིངས་ལས་དམག་སྔར་ལྟར་

སྒྲིགས། །ནུབ་ཀྱི་ས་བཙན་ཐང་ཡངས་ལ། །རྒྱལ་པོ་ཆེན་པོའི་ལས་གུར་ཕུབས། །སྐུ་སྲུང་ལས་ དམག་སྔར་ལྟར་སྡོད། །ཞུ་འཕྲིན་བོང་མི་སྔར་ལུགས་ལྟར། །སྒྲིག་ས་དམག་ལུགས་སྔར་ལྟར་

སྡོད། །སང་ཉིན་ལས་དམག་གཤར་བའི་དུས། །འདན་མ་ཨ་སྟག་རུ་སྣ་དྲོངས། །རུ་སྐྱོར་ཤན་

པ་གཡུ་ལྷ་བྱོན། །དུས་ཚོད་དུང་བརྡ་སྔར་ལྟར་ཡིན། །དེ་ནས་རང་ས་ཟིན་པའི་རྗེས། །འཛིང་ ལུགས་ཇུས་བཀོད་ཅི་དགོས་དེ། །ལྷ་ཡི་ལུང་པཞིན་བསྟུན་ཞིང་འགྲོ། །དེ་ཨེ་རེད་རྒྱལ་བློན་

ཐུགས་ཀྱིས་དཔྱོད། །ཅེས་གསུངས་པ་དང་། རྒྱལ་མཆོག་རིན་པོ་ཆེ་ཡི་ཞལ་ནས། འོ་ལགས་སོ།།

ཨ་ཁུས་གསུངས་པ་ལྟར་ཡིན་པས། འགྲོ་གྲབས་ཁྲིགས་སེ་གྱིས་གསུངས་ཤིང་བཀའ་བསྩལ།

ཉི་མ་དེ་ཡི་ཕྱི་ཉིན་ནམ་སྐྱ་རེངས་སྐྱ་མདའ་མ་རྒྱུགས་པའི་གོང་དེར། དུང་དང་རྒྱ་གླིང་འཁར་

རྔའི་སྒྲ་སོགས་འུ་རུ་རུ་བྱུང་བ་དང་། གླིང་གི་ལྷ་དམག་དེ་རྒྱ་མཚོ་བརྡོལ་བ་ལྟར་བཤར་ནས།

སྤྱི་དཔོན་རྒྱལ་པོའི་དམག་བཀོད་ལྟར་དར་ཁྲི་རྒྱལ་གྱི་ཕོ་བྲང་གི་ཕྱོགས་སོ་སོ་ལ་གླིང་དམག་

ཁ་བ་འབབ་འབབ། བུ་ཡུག་འཚུབ་འཚུབ་བྱས་ཏེ་བབས་ཤིང་། ཁྲ་ཆེམ་ཆེམ། འོ ད་མེར་མེར་

གྱིས་བར་སྣང་དར་གྱིས་གང་ལེ། ས་གཞི་རྟ་ཡིས་གང་ལེ། ལྟ་བ་མིག་གིས་མི་བཟོད། ཉན་པ་ རྣ་བས་མི་ཚུགས། བསམ་པ་སེམས་ཀྱི་མི་ལོང་བྱས་ནས་དམག་སྒར་བརྒྱབ་བྱུང་བ་ན། དར་

ཁྲི་རྒྱལ་པོས་དེར་ཡོད་དམག་དཔོན་བཀའ་བློན་རྣམས་ཕོ་བྲང་ལ་བསྡུས་ཏེ་གདན་ལ་འཁོད་པ་ དང་། དར་ཁྲི་རྒྱལ་པོས་དམག་དཔོན་བཀའ་བློན་རྣམས། ཇུས་བྱ་བར་ཅི་འདྲ་བསམ་ཞིང་ཡོད།

104

ཅེས་ཟེར་ཞིང་མདུན་ཅོག་ཐོག་ལ་ཁུ་ཚུར་ཞིག་བརྒྱབ། སྤྱན་མིག་དམར་གོར་གོར་བྱས་ནས་

བསྡད་པ་དང་། དེ་ཡོད་དམག་དཔོན་དང་བཀའ་བློན་རྣམས་དྲན་ཚུལ་རེ་ཡོད་ཀྱང་རྒྱལ་པོའི་

ཐུགས་ཁྲོས་ཡོད་པས་སུས་ཀྱང་ཡར་ཞུ་མ་ཕོད་པར། ལགས་སོ་ཞུས་ཤིང་། མཁར་གྱི་སྒོ་མོ་

དང་འཐབ་ར་རྣམས་ཁྲིགས་བཟུང་བྱས་ནས་བསྡད། ཤར་ཁྲ་མོ་གླིང་གི་ལས་དམག་རྣམས་ཀྱིས་

སྤྱི་དཔོན་རྒྱལ་པོའི་དམག་བཀོད་ལྟར་ཕྱོགས་སོ་སོའི་མཁར་སྒོ་རྣམས་བསྲུངས། ཉི་མ་དེ་ཡི་ཕྱི་ ཉིན་ཉི་ཤར་འབྲུག་གི་དུས་དེར། ཤར་བཀའ་བློན་འདན་མ་བྱང་ཁྲ་དེས་ཁས་ལེན་དཔུང་རོགས་ ལྔ་བཅུས་བསྐོར་ནས་ཤར་གྱི་སྒོ་ཐད་དུ་དོམ་སྨྱོན་ཤོར་བ་ལྟར་བྱུང་བ་དང་། མཁར་ཐོག་ནས་ དར་ཁྲིའི་དམག་རྣམས་ཀྱིས་མདའ་སྐྱ་སེར་བ་འབབ་པ་ལྟར་འཕངས་བྱུང་བས། དཔའ་ཚ་ཞང་

འདན་མ་བྱང་ཁྲ་རང་རྒོད་གཏིང་ནས་འཁྲུགས་ཤིང་། གཞུ་ཆུང་དཀར་མོ་མཐེབ་ཆེན་གྱི་ནང་ལྷ་ མདའ་གསེ་ལྟོང་མ་ཞིག་བཞག་སྟེ། གླུ་ལེན་ཚིག་བསྐོར་ཅི་ཡང་མེད་པར་འདོམ་གང་བརྒྱངས་ ཤིང་སྤྲིངས་པས། ཤར་གྱི་མཁར་སྒོའི་ཀླད་ཀྱི་མེ་ལོང་དཀྱིལ་ལ་ཐེབས་པས། ཚག་སྒྲ་དང་འུར་

སྒྲས་གནམ་ས་འདར་ལེ། ཐལ་རྡུལ་གྱིས་བར་སྣང་སྒྲིབ་ལེ་བྱས་ནས་སྒོ་སྲུང་དམག་སུམ་ཅུ་ཙམ་ བསད། དཔའ་ཚ་ཞང་འདན་མ་བྱང་ཁྲ་ནང་དུ་མཆོངས་ཏེ་དམག་མང་འཕར་བས་ར་ཁྱུ་དཀྲུག་ པ་ལྟར་བྱས་ནས། གྲི་ཡི་སིང་སྒྲ་དང་། རྟ་ཡི་རྨིག་སྒྲ། རྒྱོབ་སོད་ཀི་ཤར་གྱི་སྒྲ་ཡིས་གནམ་

ས་ཆ་ལང་བརྡབ་པ་ལྟར་བྱས་པ་དང་། དར་ཁྲིའི་དམག་རྣམས་རམ་ནག་སེར་བས་བརྡུང་འདྲ་

བྱས་ཤིང་། མི་རོས་རྟ་ལམ་བཀག་ལེ། ཁྲག་དམར་ཡུར་ཆུ་བབ་ལེ་བྱས་ནས་བསད། ལྷོ་སྒོའི་

འགྲམ་དུ་འཇང་ཕྲུག་གཡུ་ལྷ་ཐོག་འགྱུར་དེས། ས་དམ་རྒྱལ་པོའི་གོ་མཛོད་ལས་བླངས་པའི་ཐོག་ རྡེའུ་དེ་བར་སྣང་ལ་ལན་དགུ་བསྐོར་ནས་སྲ་ཤིང་བེར་གྱི་སྒོ་ལ་ལན་གཅིག་བརྒྱབ་ཙ་ན། ཤིང་

ཕྱེ་རྣམས་བར་སྣང་དུ་གཏོར། ནང་ཡོད་དམག་མི་ལྔ་བཅུ་གཡས་བསྒྱེལ་གཡོན་བསྒྱེལ་གྱིས།

ཁོང་རྣམས་ནང་དུ་མཆོངས་ནས་དར་ཁྲིའི་དམག་རྣམས་བྱིའུ་ཁྱུ་ཁྲ་ཡིས་དེད་པ་ལྟར་ཡར་འདེད་ མར་འདེད་བྱས་ཏེ་གདོང་ལ་སུ་བྱུང་མཚོན་འོག་ལ་དྲངས་ཤིང་། མི་རོས་བམ་ཐང་བཀྲམ་འདྲ།

105

ཁྲག་གིས་རྫིང་བུ་འཁྱིལ་འདྲ་བྱས་ཏེ་བསད།

ནུབ་སྒོའི་ཐད་དུ་སྟག་བློན་ཞལ་དཀར་ལྡན་པ་དང་། སོག་བློན་སྟག་དམར་སྟོབས་ཆེན་

གཉིས་ཀྱིས་ཁས་ལེན་བརྒྱ་ཡིས་བསྐོར་ནས་བྱུང་ཞིང་། སོག་གི་སྟག་དམར་སྟོབས་ཆེན་དེས།

གྱད་ཀྱི་ཤུགས་རྡོ་ལུག་རོ་ཙམ་ཞིག་གིས་སྒོ་ལ་ལན་གཉིས་བརྒྱབ་པས། སྲ་མཁྲེགས་ཁྲོ་ཡི་སྒོ་ མོ་དེ་རྫ་མ་ལ་རྡོ་ཕོག་པ་ལྟར་ཆག་ཕྱེ་ཐར་རེ་གཏོར། ནང་ཡོད་དམག་མི་ཉི་ཤུ་ཙམ་བརླགས་ཏེ་ མཆོངས་བྱུང་བས་སྤྱང་ཀིས་ར་ཁྱུ་དཀྲུག་པ་ལྟར་ཤི་བསད་ཁྲག་གི་འཁོར་ལོ་བསྐོར།

བྱང་སྒོའི་ཐད་དུ་ཧོར་སྡིག་གཅོད་ཤན་པའི་རྒྱལ་པོ་དེ་ཁེར་རྒྱུག་གིས་རྟ་དམར་ཆུང་གི་གོང་

ནས་སྒ་འགྱུར་ཞིག་བརྒྱབ་སྟེ། གནམ་ལྕགས་ཤེལ་གྱི་སྟ་རེ་བར་སྣང་ལ་འཕྱར་ནས། ཙན་དན་ སྒོ་མོའི་ངོགས་ལ་ལན་གཅིག་བརྒྱབ་པས། ཤིང་ཕྱེ་ཐར་རེ་བར་སྣང་ལ་གཏོར། འུར་སྒྲས་ས་

གཞི་འདར་ལེ། ཐལ་འཚུབ་ཀྱིས་ཉི་ཟླ་སྒྲིབ་ལེ་བྱས་ནས་ནང་དུ་མཆོངས་ཏེ། དམག་མང་བརྒྱ་ཚོ་ ཙམ་སྟ་གྲིའི་ངར་ལ་དྲངས། ཡང་དཔའ་མོ་ཨ་སྟག་ལྷ་མོ་དེར་རྒྱུགས་ཏེ། འདོ་བ་རག་དཀར་དྲེལ་ གཟུགས་ཀྱི་གོང་ནས་རྣོན་པོ་འབྲོང་རྭ་དགུ་ཆོད་དེ་འཕྱར་ཏེ། འཆི་བདག་སྲོག་ལ་རྔམ་པ་ལྟར་

དམག་ཁྲོད་དུ་མཆོངས་ཤིང་། བྱང་དར་ཁྲིའི་ལས་དམག་རྣམས་བྱིའུ་ཁྱུ་ཁྲ་ཡིས་བཅོམ་པ་ལྟར་

ཡར་འདེད་མར་འདེད་བྱས་ནས་བསད་དེ། མི་རོས་འགྲོ་ལམ་བཀག་ལེ། ཁྲག་གི་རྫིང་བུ་འཁྱིལ་ ལེ་བྱས་ནས་ཤི་གསོད་ཁྲག་གི་འཁོར་ལོ་བསྐོར་བ་དང་། ཟང་ཟིང་ལང་ལོང་གིས་འཁྲུགས་པའི་ སྐབས། དར་ཁྲིའི་ལས་དམག་རྣམས་འཛིང་བའི་ལན་མ་ཟིན། གབ་པའི་ཁུང་མ་བརྙེད། བྲོས་

པའི་ལམ་མ་ཐོབ་པའི་དུས། འབྲུ་སྒ་སྡེ་ཆོས་སྐྱོང་བེར་ནག་དེ་འདོ་བ་འབྲོང་འདུར་ནག་པོའི་གོང་ ལ་བུད་ཅིང་། རྫ་སྨུག་པོ་ལ་ཆར་སྤྲིན་འཁྲིགས་པ་ལྟར་བྱུང་སྟེ། སྨིན་མ་དང་སྨ་ར་ཐམས་ཅད་ མེ་རིའི་ཐད་ལ་མཆེད་འདྲ་བྱས་ནས། རི་གཟར་གྱི་རྦབ་རྒོད་འདྲིལ་བ་ལྟར། ནུབ་བྱང་ཕྱོགས་

མཚམས་སུ་གཏད་དེ་རྒྱུགས་ཤིང་། རྟ་གོང་ནས་སྒ་འགྱུར་ཞིག་བརྒྱབ་སྟེ་རྡོ་འབྲོང་སོ་དྲུག་གི་ རོ་ཙམ་ཞིག་བླངས་ཏེ་མཁར་གྱི་རྩིག་ངོས་ལ་ལན་གཅིག་བརྒྱབ་པས། མཁར་གྱང་ལིང་གཅིག་

106

ཐར་རེ་གཏོར་ཏེ། ཕོ་བྲང་ཡོམ་ཡོམ་འཁྱོམ་འཁྱོམ་བྱེད་པ་དང་། སྒ་སྡེའི་ནང་ལ་མཆོངས་ནས་

ནུབ་བྱང་གི་མཚམས་དེར་རྫོང་ཞིག་ཡོད་པར་རྒྱུགས་ཏེ། ཉེ་མ་འགྱང་གི་ས་མཚམས་ནས་རྟ་ཁ་ བསྒགས། ཡོབ་སྔོན་ལ་བརྒྱངས་ཏེ་རྔམ་སྟབས་ཀྱིས། རལ་པ་གསིག དཔུང་པ་འཕུར། ཁོང་ གི་བསམ་པར། དེ་རིང་གསོད་རེས་མ་དགོས་ཙམ། མགོ་འབུལ་བྱེད་མཁན་བྱུང་ན་ཅི་མ་རུང་།

གལ་སྲིད་འཛིང་སྣང་ཤར་མཁན་ཤ་སྟག་ཡིན་ན། རྫོང་མཁར་འདི་རྫ་མ་རྡོ་ལ་བརྒྱབ་འདྲ་ཞིག་ བྱེད་པ་ལས་སླ་བསམས་ནས། རྟ་ཁ་བསྒགས་ཏེ་ཨེན་ཙམ་བསྒུག་པ་ན། རྫོང་མཁར་དེ་ཡི་ནང་

གི་བློན་རྒན་ཉི་མ་རང་ཤར་དེའི་བསམ་པར། ད་ནི་གང་ལ་དཔྱད་ཀྱང་གླིང་གི་དཔའ་རྟུལ་རྣམས་ ཀྱི་ལན་ཡ་ཟིན་མཁན་ཞིག་ནི་སྟོད་རྒྱ་གར་མན་ཆད་དང་། སྨད་རྒྱ་ནག་ཡན་ཆད། བལ་བོད་

སྒང་གསུམ་གང་ནའང་མེད་པ་དང་། གེ་སར་ནོར་བུ་དགྲ་འདུལ་ཟེར་བ་དེ་ལྷ་ཨོ་རྒྱན་པདྨའི་ཕོ་ ཉ་དང་། ཆོས་སངས་རྒྱས་ཀྱི་བསྟན་པ་སྐྱོང་མཁན། གསོན་པོ་མི་ཡི་སྐྱབས་མགོན། དབུ་ནག་ བོད་ཀྱི་དཔའ་བོ། ཤི་བོ་འདྲེན་པའི་བླ་མ་ཡིན་པ་ནི་གདོན་མི་ཟ་བར་ཀུན་གྱིས་ཤེས་ཐུབ། ད་

རེབ་མགོ་བཏགས་ན་དམག་མང་འདི་ཚོའི་སྲོག་འཚམ་པ་དང་། ང་མི་རྒན་འཆི་ཁར་ཆོས་ལ་

འཕྲད་པ་ཞིག་འོང་བསམ་ནས། དེ་མ་ཐག་དེར་ཡོད་དམག་དཔོན་དང་དམག་མང་རྣམས་ལ་ཟེར་ བར། ད་ནི་གླིང་གི་འགྲན་ཡ་བྱེད་མི་དགོས། མགོ་ཐོག་ཟེར་ཞིང་། མྱུར་བར་ཉིད་དུ་རྫོང་མཁར་ གྱི་སྐར་ཁུང་ནང་ནས་དར་དཀར་སྲིད་ལ་རིང་བ་ཞིག་འཕྱར་ནས་མགོ་འབུལ་ཞུས། གོ་མཚོན་ རྣམས་རྫོང་སྒོ་ལ་ཁྱེར་ནས་བཞག ཞུ་སྣ་བློན་རྒན་ཉི་མ་རང་ཤར་གྱིས་བྱས་ཤིང་། གཞན་གྱི་

དམག་དཔོན་དྲག་ཚད་རྣམས་པུས་མོ་གཅིག་བཙུགས་གཉིས་བཙུགས་བྱས་ཏེ་མགོ་འབུལ་བྱས། སྒ་སྡེའི་དཔུང་རོགས་ལ་ཉི་འབུམ་དང་། སེང་སྟག་གཉིས་ཀྱང་གཅིག་ཐོན་གཉིས་ཐོན་དུ་བྱུང་

བས། ཁོང་དཔའ་རྟུལ་གསུམ་ནས་དེ་རྣམས་ཀྱི་མགོ་བླངས་ནས་རྫོང་མཁར་དེ་ཡི་ནང་སྐྱིད་དུ་

ཡར་སོང་། མཁར་ཐོག་བདུད་ཀྱི་དར་ནག་བསྒྲེངས་ཡོད་པ་དེ་མགོ་མཇུག་རྫོགས། དེའི་མལ་

ལ་གླིང་གི་རྒྱལ་དར་སྟག་སེང་ཁྱུང་འབྲུག་ཡོད་པ་དེ་ཡར་བསྒྲེངས། དེ་ནས་ཁོང་རྣམས་ཕོ་བྲང་

107

གི་ནང་བཅུད་ལ་བཞུགས་པ་ན། བློན་རྒན་ཉི་མ་རང་ཤར་གྱིས་ཁོང་རྣམས་ལ་གསོལ་སྟོན་ཕུན་ སུམ་ཚོགས་པ་བསྒྲིགས། དེར་ཡོད་དར་ཁྲིའི་དམག་ཤོག་གླིང་ལ་མགོ་འབུལ་ཞུས་ཤིང་། ཅི་

གསུངས་བཀའ་བཞིན་སྒྲུབ་པའི་དམ་བཅའ་ཕུལ། བང་མི་རྒྱལ་པོ་གེ་སར་གྱི་མདུན་དུ་བརྫངས་ ཤིང་ཁོང་རྣམས་དགའ་སྤྲོའི་ངང་དེར་གནས་པ་དང་། གླིང་གི་སྒར་ནས་འབྲུ་བའི་དམག་ཤོག་དང་། གསེར་པའི་དམག་ཤོག དར་ཡུལ་གྱི་དམག་ཤོག་བཅས་ནས་མཁར་རྫོང་བཟུང་སྟེ། མཁར་ རྫོང་དེ་ཡི་ནང་དུ་དམག་སྒར་སྤོས། སྒོ་སྲུང་རིམ་པ་གསུམ་གྱིས་བཟུང་ནས་བསྡད་པ་གདའོ།།

ཉིན་དེར་ཕྱི་ཡི་ལྕགས་རིའི་སྒོ་རྣམས་གླིང་གིས་བཟུང་ཞིང་། ཤར་སྒོ་མཁར་གྱི་ཀླད་ལ་

ཤར་བཀའ་བློན་འདན་མ་བྱང་ཁྲའི་དཔུང་གིས་བཟུང་ཞིང་རྒྱལ་དར་བསྒྲེངས། ལྷོ་སྒོའི་མཁར་

གྱི་ཀླད་ལ་འཇང་ཕྲུག་གཡུ་ལྷ་དང་། དུང་སྐྱོང་དམག་གིས་བཟུང་ཞིང་རྒྱལ་དར་བསྒྲེངས། ནུབ་ སྒོའི་མཁར་གྱི་ཀླད་ལ་སོག་པོ་སྟག་གཟིག་གཉིས་ཀྱི་རྒྱལ་དར་བསྒྲེངས། བྱང་སྒོའི་མཁར་གྱི་

ཀླད་ལ་ཧོར་བདུད་གཉིས་ཀྱི་དམག་གིས་བཟུང་ཞིང་རྒྱལ་དར་བསྒྲེངས། ཉིན་དེར་གླིང་གིས་རྟིང་

མ་བླངས་ནས་ཕྱོགས་བཞིའི་སྒོ་ཆེན་བཞི་པོ་ལ་སྒོ་སྲུང་རིམ་པ་མང་པོ་བཞག་སྟེ་བསྡད། དེ་ལྟར་

ཕྱིའི་ལྕགས་རི་གླིང་དམག་གིས་བཟུང་བ་དང་། ནང་ཕོ་བྲང་གི་ཉེ་ལོགས་དར་ཁྲི་ལས་དམག་གིས་ བཟུང་ནས་བསྡད་པ་ཞིག་ཚུལ་དུ་ཁ་ལ་ཤར་བྱུང་ངོ་། །ཞེས་ལེའུ་བཅུ་བདུན་པ་རྫོགས་སོ།། །།

108

ལེའུ་བཅོ་བརྒྱད་པ། དར་ཁྲི་རྒྱལ་པོའི་བཀའ་ཁྲིམས་བཞིན།།

དམག་དཔོན་རྣམས་ཀྱིས་རྫོང་བཙན་བསྲུངས།། ཚེའི་དུས་སླེབས་པས་བདུད་རྒྱལ་ཁྲོས།། གེ་སར་རྒྱལ་པོས་དམ་ལ་བཏགས།།

དེ་ནས་བདུད་རྒྱལ་དར་ཁྲི་བཙན་པོ་དེས་མདུན་གཡོག་རྣམས་བོས་ཤིང་། དམག་དཔོན་

དང་བཀའ་བློན་རྣམས་སྡུས་ཤོག་གསུངས་ནས་བཀའ་ཕབ། འདུན་གཡོག་རྣམས་ཀྱིས་ཕྱོགས་

སོ་སོའི་དམག་དཔོན་དང་བཀའ་བློན་རྣམས་རྒྱལ་པོའི་དྲུང་དུ་འདུས་དགོས་པའི་བརྡ་སྦྱར་བ་ན།

དམག་དཔོན་བཀའ་བློན་རྣམས་མདུན་གྲལ་ལ་འཛོམས་ཤིང་རང་རང་བབ་ཐོབ་གདན་ལ་འཁོད་དེ། རྒྱལ་པོ་ལ་མཇལ་ཁ་ཞུས་ཐལ། དེའི་སྐབས་སུ། དཔོན་ཆེན་དར་ཁྲི་རྒྱལ་པོས་དམག་དཔོན་དང་

བཀའ་བློན་ཚོགས་ལ་བཀའ་བསྒོ་བྱེད་པའི་གླུ་འདི་འདྲ་ཞིག་བླངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །ལྷ་ཡར་མཁྱེན་གནམ་ཐེའུ་དཀར་

པོ་མཁྱེན། །གནམ་ཐེའུ་ར་གྭ་ཚོ་གསུམ་མཁྱེན། །བར་མཁྱེན་བར་ཐེའུ་ཁྲ་བོ་མཁྱེན། །བར་

ཐེའུ་ར་ཐེའུ་དགུ་འབྱུང་མཁྱེན། །མར་མཁྱེན་ས་ཐེའུ་ནག་པོ་མཁྱེན། །ས་ཐེའུ་དུ་བ་མགོ་དགུ་

མཁྱེན། །མཁྱེན་གཟིགས་རྒྱལ་པོའི་ཇུས་ལ་གཟིགས། །བླ་རི་བྲག་ནག་མདུང་རྩེ་མཁྱེན། །མ་

གཡེལ་རྒྱལ་པོའི་གྲོགས་ལ་བྱོན། །ས་འདིའི་ས་ངོ་མ་ཤེས་ན། །རྒྱལ་རབས་གོང་མའི་ཕོ་བྲང་

ལ། །ཤེལ་དཀར་རྒྱང་གྲག་མིང་དུ་འབོད། །དར་ཁྲི་རྗེ་ཡི་ཕོ་བྲང་རེད། །མི་ང་འདྲ་ང་ངོ་མ་ཤེས་

109

ན། །ལྷ་རིགས་ཐེའུ་རང་རྒྱུད་པ་ལ། །རྗེ་བཙན་པོ་དར་ཁྲི་རྒྱལ་པོ་ཟེར། །རྒྱ་དཀར་ནག་ཆགས་

པའི་ཁ་ཡ་ཡིན། །རྒྱུ་ལོངས་སྤྱོད་རྣམ་སྲས་བང་མཛོད་འདྲ། །དམག་བུ་རྟ་ནམ་མཁའི་སྐར་ཚོགས་ འདྲ། །ཕོ་ང་འདྲ་འཛམ་གླིང་ཡུལ་ལ་མེད། །མེད་ཀྱང་ད་ལོར་གློ་དགྲ་བྱུང་། །འཇིག་རྟེན་གནའ་ མིའི་ཁ་དཔེ་ལ། །ནགས་རྒྱ་རྫོང་དབང་བསྒྱུར་རི་བཀྲ་སྟག །དེས་སྡེར་ཅན་མགོ་འདྲེན་བྱས་པ་

འདྲ། །ད་ལོར་མེ་ལྕེ་གློ་དགྲ་བྱུང་། །བྲག་དམར་པོ་དབང་བསྒྱུར་ཐང་དཀར་རྒོད། །དེ་འདབ་ཆགས་ མགོ་འདྲེན་བྱས་པ་འདྲ། །ད་ལོར་གནམ་ལྕགས་བར་ཆད་བྱུང་། །བྱང་སྡེར་དབང་བསྒྱུར་དར་ཁྲི་

རྒྱལ། །འོག་སྡེ་མགོ་འདྲེན་བྱས་ན་ཡང་འདྲ། །ད་ལོར་གླིང་དགྲས་བར་ཆད་བྱུང་། །དམག་དཔོན་ མང་པོའི་དར་ཁྲི་ཤོར། །དམག་མང་ཁྲི་ཚོ་ཁྲག་ལ་བསྒྲེས། །མཁར་རྫོང་ལྕགས་རི་དམག་གིས་

བསྐོར། །བརྙས་ལས་ཆེ་བ་མཁའ་དང་མཉམ། །ཁོ་རེ་འདིར་ཚོགས་དམག་དཔོན་རྣམས། །ད་ མ་འདུག་ལ་མོར་རྫོང་མཁར་ཟུངས། །མ་ངན་འགོག་ཚ་ཇོ་རུ་ལ། །དཔའ་སྙིང་ཅི་འདུག་ད་རེས་

བལྟ། །དར་ཁྲི་རྒྱལ་པོའི་ཕོ་བྲང་ལ། །རྫོང་བཙན་དཔུང་དམག་འཁོར་གྱིས་སྐོར། །ཉི་མ་ནུབ་ཀྱི་

རྫོང་བཙན་ལ། །སྟོང་ཆེན་སྨུག་པོ་མཆོང་རྫོང་ཟེར། །རྔམ་ཆེན་བུ་ཡིས་གཙོར་བྱས་པའི། །རྟ་དམག་ ཆིག་སྟོང་བདུན་བརྒྱ་ཡོད། །ཕྱི་བཙན་ཨ་ལོང་བཀུག་འདྲ་གྱིས། །ནང་བཙན་སྒོ་མོ་བསྡམས་འདྲ་ གྱིས། །དགྲ་གླིང་རུ་བྱུང་ན་དེར་ལན་སྤྲོད། །དཔའ་རྟིང་མ་ལོན་པའི་ཁས་ལེན་དགོས། །མ་ཐུབ་

ཝ་བྲོས་ཆོག་ལེ་མིན། །ཉི་མ་ལྷོ་ཡི་རྫོང་ཆེན་ལ། །སྨུག་པོ་སྟོང་རྫོང་རིང་མོ་ཟེར། །གྱད་ཀྱི་རྡོ་རྒོད་ ནག་པོ་དང་། །ཨ་དཔལ་གྲུ་གུ་ངོ་ནག་གཉིས། །དཔལ་གྱི་རྒོད་པོ་ཐང་རྒྱལ་གསུམ། །རྟ་དམག་

ཉིས་སྟོང་བདུན་བརྒྱ་ཡོད། །ཕྱི་བཙན་ལྕགས་རི་བསྐོར་འདྲ་གྱིས། །ནང་བཙན་བྲག་རིས་མནན་ འདྲ་གྱིས། །དགྲ་གླིང་རུ་བྱུང་ན་དེར་ལན་སྤྲོད། །དཔའ་རྟགས་ལོན་པའི་ཁས་ལེན་དགོས། །མ་ ཐུབ་ཕྱི་བྲོས་ཅི་ལ་ཆོག །ཕོ་བྲང་ཤེལ་དཀར་རྒྱང་གྲག་ནང་། །དམག་དཔོན་ཀུན་གྱི་དྭངས་རྩེ་ ལ། །བཙན་གྱི་རྒོད་པོ་ཁ་འཐམ་དང་། །བཙན་གྱི་ཨུཏྤལ་ངོ་ནག་གཉིས། །ངར་རྒོད་དཔའ་བོ་

གྲངས་ལས་འདས། །ད་རུང་དེ་ཡིས་ག་ན་ཚད། །ཤར་བྲག་གར་རྡོ་རྫོང་གོང་མ་ལ། །ཕུག་བཞི་

110

བྲག་གར་ཤེལ་རྫོང་ལ། །ཤ་ཕོ་ཆེན་གཏེར་ཁ་དེ་ན་ཡོད། །ཤ་ཕོ་སྣ་སྒྲ་ལྡིར་རེ་ཡོད། །ཡུ་མོས་ ངུར་སྒྲ་ཉིལ་ལེ་ཡོད། །ཤེའུ་ཕྲུག་རྩེ་གར་ཤ་རེ་ཡོད། །ནོར་བུ་སྨན་རྫོང་ཁྲིགས་སེ་ཡོད། །རྟ་

དམག་ལྔ་སྟོང་དགུ་བརྒྱ་ཡོད། །ཕྱི་བཙན་གནམ་ལྕགས་ར་བ་འདྲ། །ནང་བཙན་ཁྲོ་ཡི་ཕ་བོང་

འདྲ། །རྒྱལ་པོ་ང་ཡིས་གཙོར་བྱས་པའི། །མ་ངན་འགོག་ཚ་ཇོ་རུ་ལ། །ཤ་ལན་དགུ་སྐོར་ལེན་ པར་བྱེད། །དེ་མ་བྱས་རྒྱལ་པོ་རོ་དང་འདྲ། །ཁོ་རེ་འདིར་ཚོགས་དཔོན་བློན་རྣམས། །ད་མ་

འདུག་ལ་མོར་རྫོང་བཙན་ཟུངས། །དགྲ་མང་པོ་བྱུང་ན་ཆམ་ལ་ཕོབས། །ཉུང་ཉུང་བྱུང་ན་རྩ་མེད་

ཐོངས། །དཔའ་ཁ་མ་ཞན་ཕ་ཡི་བུ། །རྒྱལ་པོ་ང་ཡི་མདུན་འདུག་དང་། །ཕྱོགས་ཀྱི་དམག་དཔོན་ རྒོད་ཧྲག་རྣམས། །ད་རེས་མ་འཕྱུག་ཕ་ཡི་བུ། །འཇིག་རྟེན་སྔ་མིའི་གཏམ་དཔེ་ལ། །འབུ་དུང་

ཕྲུག་འོ་མས་གསོས་ལེ་དེ། །དགྲ་ཆུ་སྲིན་བྱུང་དུས་མཁོ་འོང་བསམས། །ད་རེབ་ཆུ་སྲིན་གློ་དགྲ་ བྱུང་། །འབུ་དུང་ཕྲུག་མཁོ་བའི་དུས་ལ་བབ། །རྗེ་རྒྱལ་པོས་བུ་རྟ་བསྐྱངས་ལེ་དེ། །དགྲ་ནག་པོ་

བྱུང་ན་མཁོ་འོང་བསམས། །ད་རེབ་དཔུང་ཆེན་གློ་དགྲ་བྱུང་། །དཔའ་རྩལ་དྲུག་ངོམ་པའི་དུས་ལ་ བབ། །ད་མ་འཕྱུག་མ་འཕྱུག་ཕ་ཡི་བུ། །རྨ་སྨད་ཇོ་རུ་ནག་ཙོག་ཁོ། །དགྲ་ངན་ལང་ཤོར་བའི་མི་

ཞིག་རེད། །བྱུང་བདུད་སོད་པའི་ངན་ལང་གཅིག །ཧོར་བདུད་སོད་པའི་ངན་ལང་གཉིས། །འཇང་ བདུད་བརླགས་པའི་ངན་ལང་གསུམ། །མོན་བདུད་བཅོམས་པའི་ངན་ལང་བཞི། །ད་ལོར་བྱང་

ལ་འོངས་ལེ་རེད། །ངན་ལང་ཤོར་བའི་བྱེད་སྟངས་དེ། །ང་དར་ཁྲི་རྒྱལ་ལ་འགྲོ་ལེ་མིན། །འཇིག་ རྟེན་སྔར་མི​ིའི་གཏམ་དཔེ་ལ། །བྱིའུ་ཆུང་འགུག་གིས་བཟུང་ལོབ་དེ། །བྱ་རྒྱལ་ཁྱུང་ལ་འགྲོས་

ལེ་མིན། །ཁྱི་འཁྱམ་རྡོ་ཚགས་བྱེད་ལོབ་དེ། །དམར་ཡག་སྟག་ལ་འགྲོས་ལེ་མིན། །ཟེར་ལེ་སྔ་ མིའི་དཔེ་ལ་གདའ། །ད་ལོ་བྱང་ལ་འོང་རྒྱུ་དེ། །ཇུས་ཆག་སྒོས་རྗེས་ནས་དེད་ལེ་རེད། །འཆི་

བདག་ཞགས་པས་ཁྲིད་པ་འདྲ། །ང་དར་ཁྲི་བཙན་པོའི་དཔའ་ལམ་ནས། །སྡུག་གླིང་དམག་ཙམ་ ལ་ཨའུ་ཙི། །དཔའ་ཁ་མ་ཞན་དམག་དཔོན་རྣམས། །གོ་ན་རྒྱལ་པོའི་དམག་བཀོད་ཡིན། །མ་ གོ་གཏམ་ལ་ཡང་བཤད་མེད། །

111

འདིར་ཚོགས་ཡིད་ལ་དེ་ལྟར་ཞོག ཅེས་ཟེར་ཞིང་ཁྲིའི་ཐོག་ལ་ཧོར་འདུག་ཞིག་བྱས།

མདུན་ཅོག་ཐོག་ཏུ་ཁུ་ཚུར་ཞིག་བརྒྱབ་ནས། ང་རྒྱལ་བྲག་རི་ཉིལ་བ་ལྟར་བྱས་པས། དེ་ཡོད་ དམག་དཔོན་དང་བཀའ་བློན་རྣམས་ཀྱིས་ཡར་ཞུ་མ་སྤོབས་པར་ལགས་སོ་ཞུས་ནས་དེ་ལྟར་ བྱེད་པ་ཁས་བླངས།

ཉི་མ་དེ་ཡི་ཕྱི་ཉིན། མཐོ་རི་བོས་གསེར་ཞུ་མནབས་པའི་དུས་དེར། ཤར་ཁྲ་མོ་གླིང་གི་

སྒར་ནང་ནས། འཕྲུ་ནག་རུ་ཐུར་གཟིངས་འདྲ་བྱས་ནས་བཤར་བ་དང་། གེ་སར་ནོར་བུ་དགྲ་ འདུལ་ཁོང་། རྐྱང་རྒོད་འཕེར་པོ་ཆིབས་སུ་བཅིབས། དགྲ་ལྷ་ཝེར་མའི་འཁོར་གྱིས་བསྐོར།

གླིང་ཁྲ་གླག་སྤྱང་གསུམ་དཔུང་དང་བཅས་རྒྱ་བྱིན་ལྷ་མ་ཡིན་གཡུལ་ལ་ཆས་པ་ལྟར་མཛད་ཅིང་ ཁྲ་སྤུངས་སེ། འོད་ཁྱུག་གེ་བྱོན་པ་དང་། ལྕགས་རིའི་ནང་དུ་གླིང་གི་དཔུང་དམག་སྔོན་མ་ཐོན་

ཏེ། རྒྱོབ་སོད་འབྲུག་སྟོང་གྲག་གྲག མདའ་སྐྱ་སེར་བ་འབབ་འབབ། མདུང་སྐྱ་བུ་ཡུག་འཚུབ་ འཚུབ། གྲི་འོད་གློག་ཞགས་འཁྱུག་འཁྱུག རྟ་ཡི་རྨིག་སྒྲ་དང་། གྲི་ཡི་སིང་སྒྲ། མདའ་ཡི་ཤུར་

སྒྲ། མདུང་གི་འབིགས་སྒྲ་བཅས་ཀྱིས་གནམ་ས་ཆ་ལང་རྡེབ་པ་ལྟ་བུའི་འཁྲུག་འཁྲུག་ལང་ལོང་ བྱས་ཏེ་ཤི་གསོད་ཁྲག་གི་འཁོར་ལོ་བསྐོར་ཞིང་། བདུད་ཀྱི་དམག་དཔོན་རྒོད་ཧྲག་རྣམས་ཀྱང་ དེ་ཉིན་རེ་རེ་བཞིན་མར་དཀར་གྲི་ཡིས་བཅད་པ་ལྟར་བྱས་ནས་བསད་པ་ན། བདུད་རྗེ་དར་ཁྲི་ བཙན་པོ་དེ་འདུག་མ་ཚུགས་པར། བདུད་རྟ་རླུང་ནག་འཚུབ་ཤེས་ལ་སྒ་བསྟད་ཉི་མ་ཤར་འདྲ་ ཞིག་བྱས་ཤིང་། ཕོ་བྲང་གི་སྒོ་ནས་གློག་འཁྱུགས་པ་ལྟར་རྒྱུགས་ནས་གླིང་དམག་གི་ཁྲོད་དུ་

མཆོངས་ཏེ། གླིང་དམག་བརྒྱ་ཚོ་ཙམ་རལ་གྲིའི་ངར་ལ་དྲངས་ནས་ཡར་འདེད་མར་འདེད་བྱས་

བྱུང་བ་ན། གར་བྱུང་དང་འདི་བྱུང་མེད་པར་འཛམ་གླིང་གེ་སར་རྒྱལ་པོ་མི་རྟ་གཉིས་དགྲ་དར་

ཚུབས་སེ་ཁོ་ཡི་གདོང་ལ་བྱུང་བས། ཁོས་གེ་སར་ཡིན་པ་ཤེས་ནས་རལ་གྲི་ཤུབས་ལ་དྲངས། ཞགས་པ་སྤྲུལ་ནག་འདོམ་དགུ་གྲ་ནས་ཕུད་དེ་བཏབ་བྱུང་བ་དང་། གེ་སར་མི་རྟ་གཉིས་ཀྱི་སྐུ་ ལུས་ལ་ཐེབ་རྒྱུ་མེད་པར་བར་སྣང་སྟོང་བ་ལྟར་བྱུང་ཞིང་། ཁོ་དེ་མ་ཐག་མདུང་མོའི་སོ་ཤུབས་

112

ཕུད་དེ་ལན་གསུམ་བཏབས་ཀྱང་། མདུང་སོ་ལ་ཐེབ་རྒྱུ་དང་འཁེལ་རྒྱུ་གང་ཡང་མ་བྱུང་། ཡང་

མདུང་མོ་དེ་ཚུར་འཕེན་བྱས་ཤིང་རལ་གྲི་ཤུབས་ནས་བཤངས་ཏེ་ལན་དགུ་བཏབ་ཀྱང་། བར་ སྣང་འཇའ་ལ་བཏབ་པ་ལྟར་ལས། ཐེབ་རྒྱུ་དང་འཛིན་རྒྱུ་ཅི་ཡང་མ་བྱུང་། ད་རུང་ཁོས་གེ་སར་

ལ་དད་གུས་ཀྱི་སེམས་མ་སྐྱེས་པར་མྱུར་བར་ཁ་ཕར་འཁོར་ནས་བྲོས་པ་ན། སེང་ཆེན་རིན་པོ་

ཆེ་མི་རྟ་གཉིས་ཀྱིས་ཁོ་གར་སོང་གི་རྗེས་བཞིན་དེད་ནས་སོང་བ་དང་། དེ་ཡི་རྗེས་སུ་སྲས་ཆུང་ དགྲ་ལྷ་རྩེ་རྒྱལ་དཔོན་གཡོག་རྣམས་ཀྱང་བྱ་རྒོད་གཟན་ལ་བཅུམ་པ་ལྟར་རྒྱུགས་ནས་བྱུང་ཞིང་། བདུད་རྗེ་དར་ཁྲི་བཙན་པོ་ཁོ་ཡར་བྲོས་གངས་དཀར་ཟེ་ལ་བྲོས། གངས་དཀར་ཡག་ཤེལ་སྒོ་

ཤས་ཤས་བྱས། བྲོས་པའི་ལམ་ཞིག་མ་རྙེད་ཐལ། མར་བྲོས་ཆུ་ཆེན་འགྲམ་ལ་བྲོས། ཆབ་ཆུ་ བོ་རྒྱུ་མ་བདའ་བདའ་བྱས། གབ་པའི་ཁུང་ཞིག་མ་རྙེད་ཐལ། ཕར་བྲོས་རྫ་རིའི་གསེབ་ལ་བྲོས། རྫ་ཁྲ་ཡག་ཤོག་སྐྱ་སྒྱུར་སྒྱུར་བྱས། འདུག་པའི་གནས་ཤིག་མ་རྙེད་ཐལ། ཁོས་ཕྱི་བལྟས་ཞིག་

བྱས་པ་ན། གེ་སར་མི་རྟ་གཉིས་ཀྱིས་རྗེས་ཟིན་ལ་ཁད་དུ་ཡོད་པ་མཐོང་སྟེ། ཁོ་བྲག་ནག་འགྱིང་ གི་ཤུར་དུ་བྲོས་པ་དང་། བྲག་དེར་ཐེའུ་རང་བླ་མའི་སྒྲུབ་ཁང་ཞིག་ཡོད་པ་དེ་ཡི་ནང་དུ་ཁོ་མི་རྟ་ གཉིས་ཐལ་བ་འཚུབ་བཞིན་འཛུལ་སོང་བས། གནམ་ཐེའུ་དཀར་ནག་ཁྲ་གསུམ་གྱི་གྲོགས་དན་

དང་། ཐེའུ་རང་བླ་མ་རྐང་གཅིག་གི་ཐུགས་རྗེ་ཡིས། བྲག་ཕུག་དེ་མཁར་སྒོ་བསྡམས་པ་ལྟར་བྱས་ བྱུང་བས། གེ་སར་མི་རྟ་གཉིས་དང་དགྲ་ལྷ་དཔོན་གཡོག་བཅས་དེར་སླེབས་ཤིང་། གེ་སར་

ནོར་བུ་དགྲ་འདུལ་གྱིས། སྟར་ཆེན་བྲག་རི་ཧར་གཤག་སྐེད་ནས་བླངས་ཏེ་བར་སྣང་ལ་འཕྱར།

སྤྱན་བར་སྣང་ལ་གཟིགས་ཙམ་མཛད་པས། སྟར་ཆེན་བྲག་རི་ཧར་གཤག་གི་སོ་ཁ་ནས་

དགྲ་ལྷ་ཝེར་མའི་སྡོང་གྲོགས་ཀྱིས་ཟི་ར་གློག་ཞགས་ཆད་ཆད། འུར་སྒྲ་འབྲུག་ཐོང་གྲག་གྲག་

བྱས་བྱུང་བ་དང་སྦྲགས། ལན་གཅིག་བཏབ་པས་བྲག་ཕུག་དེར་ཕོག་སྟེ་རྫ་མ་ལ་རྡོ་ཕོག་པ་ལྟར་

ཆག་ཕྱེ་ཐར་རེར་གཏོར། དེའི་ནང་ནས་དར་ཁྲི་དང་ཐེའུ་རང་བླ་མ་གཉིས་རྒྱ་རིལ་ལེ་འགྲིལ་བྱུང་ བས། རལ་གྲི་བཏབ་པ་ལན་མེད་ཀྱིས་ལུས་ཕྱེད་གཤག་བཏང་ནས་བསད། རྣམ་ཤེས་དག་པའི་

113

ཞིང་དུ་སྤར། བདུད་རིགས་རྩ་ནས་ཆོད་པའི་སྨོན་ལམ་བཏབ་སྟེ། ཁོང་ཁུ་ཚན་དཔོན་བློན་རྣམས་ གླིང་སྒར་ལ་ཆིབས་ཁ་བསྒྱུར་ནས་བྱོན།

དེ་ནས་གླིང་གི་ལས་དམག་ཁས་ལེན་རྣམས་དར་ཁྲིའི་ཕོ་བྲང་གི་ཉེ་སར་བཅར་ནས་མདའ་

སྐྱ་སེར་བ་འབབ་འབབ། མདུང་སྐྱ་བུ་ཡུག་འཚུབ་འཚུབ། གྲི་གཡུག་གློག་འོད་འཁྱུག་འཁྱུག་ བྱས་པ་དང་། རྟ་ཡི་རྨིག་སྒྲ་དང་། གྲི་གཡུག་སིང་སྒྲ། མདའ་ཡི་ཤུར་སྒྲ། མདུང་གི་འབིགས་

སྒྲ། མི་ཡི་ཀི་སྒྲ་བཅས་ཉན་པ་རྣ་བས་མི་ཚུགས། ལྟ་བ་མིག་གིས་མི་བཟོད། བསམ་པ་སེམས་ ཀྱིས་མི་ལོངས་པ་བྱས་ཏེ། འཁྲུག་འཁྲུག་ལང་ལོང་གིས་གནམ་ས་ཆ་ལང་བརྡབ་པ་ལྟར་བྱས་

པ་དང་། དེའི་དུས་སུ། དར་ཁྲིའི་ལྷོ་ཡི་རྫོང་སྒོ་ལ། དཔའ་ཚ་ཞང་འདན་མ་དེ་ཐོན་ནས། གླུ་ལེན་ དང་ཚིག་སྐོར་ཅི་ཡང་མེད་པར་ལས་དམག་མང་པོ་ཆག་ཉིལ་བཏང་བ་ན། གྱད་ཀྱི་རྡོ་རྒོད་ནག་

པོ་དེ་བཙན་རྟ་དམར་པོ་རླུང་གཤོག་གི་གོང་ལ་བུད་དེ་འདན་མའི་གདོང་ལ་མཆོངས་ཤིང་། ཁོ་ གཉིས་མདུང་ཁ་འགྲན་པས། འདན་མས་རྟེན་མདུང་ཀླད་ལ་ལན་གསུམ་བསྐོར་ནས་བསྣུན་པས།

བདུད་པོ་དེ་ཡི་བྲང་ནུ་མ་གཉིས་ཀྱི་མཚམས་ལ་ཐེབས་ནས་རྒྱབ་ཀྱི་སོག་བར་ནས་མདུང་སོ་སྔོ་

རྒྱང་ངེར་བུད་དེ་བསད། འདན་མས་མགོ་འཕྲུ་གོང་ལེན་བྱས་ཏེ་དམག་ཁྲོད་ལ་མཆོངས། དམག་ མང་ཆག་ཉིལ་ལེར་བཏང་སྟེ། མི་རོས་རྟ་ལམ་བཀག་ལེ། ཁྲག་དམར་རྫིང་བུ་འཁྱིལ་ལེ་བྱས་

པ་དང་། དེར་ཡོད་དམག་མང་རྣམས་ཀྱིས་འདན་མའི་གདོང་མ་བརྟན་པར་མགོ་འབུལ་ཞུས།

འདན་མ་དཔོན་འཁོར་རྣམས་ཀྱིས་ལྷོ་ཕྱོགས་སྨུག་པོ་སྟོང་རྫོང་བླངས་ཤིང་མཁར་ཐོག་ཏུ་བདུད་ ཀྱི་དར་ནག་ཡོད་པ་དར་ཕབ། གླིང་གི་དར་ཁྲ་སྟག་སེང་ཁྱུང་འབྲུག་དེ་བསྒྲེངས་ཤིང་། ཀི་བསོ་ ལྷ་རྒྱལ་གྱིས་གནམ་ས་གང་ལེ་བྱས་ནས་བསྡད་དོ།།

དེའི་དུས་མཚུངས་སུ། ནུབ་རྫོང་སྨུག་པོ་མཆོང་རྫོང་གི་སྒོ་ལ་བྱང་མཆིས་པའི་ཨ་སྟག་

ལྷ་མོ་དེ་ཐོན་ནས། རྣོན་པོ་འབྲོང་རྭ་དགུ་ཆོད་བར་སྣང་ལ་འཕྱར་ཞིང་། ནུབ་དམག་གི་ཁྲོད་དུ་ མཆོངས་ནས་དམག་མང་བརྒྱ་ཚོ་ཁྲག་ལ་བསྒྲེས། སྟོང་ཚོ་མང་པོ་ཆམ་ལ་ཕབ་ནས་བྱུང་བ་དང་།

114

དམག་དཔོན་རྔམ་ཆེན་བུ་ཡི་གདོང་ནག་ཟེར་བ་དེ། འདོ་བ་བྱ་ནག་ལྡིང་ཤེས་ཀྱི་གོང་ལ་བུད་ ནས། ཨ་སྟག་གི་གདོང་དུ་མཆོངས། ཁོ་གཉིས་རལ་ཁ་འགྲན་པས་བྱང་མཆིས་པའི་ཨ་སྟག་

ལྷ་མོ་དེས། རྣོན་པོ་འབྲོང་རྭ་དགུ་ཆོད་ཀླད་ལ་ཕྱར་ནས་ལན་གཅིག་བཏབ་ཙ་ན། རྔམ་ཆེན་བུ་ ཡི་གདོང་ནག་གི་ཕྲག་གོང་ལ་ཐེབས་ཤིང་ལུས་ཕྱེད་གཤག་བཏང་སྟེ་བསད། དམག་ཁྲོད་ལ་

མཆོངས་ནས་དཔུང་རོགས་ཁས་ལེན་ལྔ་བཅུ་ཙམ་གཡས་སྒྲིལ་གཡོན་སྒྲིལ་བཏང་བྱུང་བ་དང་།

འཕྲོས་ལུས་དམག་མང་རྣམས་འཐབ་པའི་རེ་བ་བྲལ་ཞིང་། བྲོས་ཀྱང་ལམ་མ་ཐོབ་པར་གླིང་ལ་ མགོ་འབུལ་ཞུས། ཨ་སྟག་དཔོན་འཁོར་རྣམས་ཀྱིས་ནུབ་རྫོང་དེ་བླངས། ཁང་ཐོག་ཏུ་བདུད་ ཀྱི་དར་ནག་ཡོད་པ་མགོ་མཇུག་རྫོགས་ནས་ཐང་ལ་འཕངས། གླིང་གི་དར་ཁྲ་དེ་ཁང་ཐོག་ལ་ བསྒྲེངས་ཤིང་ལྷ་བསང་ཕུལ་ཏེ། ཀི་བསོ་ལྷ་རྒྱལ་འབྲུག་སྟོང་ལྡིར་བ་ལྟར་བྱས་སོ།།

ཡང་དེའི་སྐབས་སུ་ཕོ་བྲང་ཤེལ་དཀར་རྒྱང་གྲག་གི་སྒོ་ནས་ཧོར་གྱི་ཤན་པ་རྨེ་རུ་དང་། ཤན་

ཚ་རླུང་ལྷ་མགྱོགས་ལྡན་གཙོས་པའི་ཨ་ཆེན་ཧོར་གྱི་ལས་དམག་རྣམས་འབྱོར་ཞིང་། ཤི་གསོད་

ཁྲག་གི་འཁོར་ལོ་བསྐོར་ཞིང་ཕོ་བྲང་གི་སྒོ་ལ་སླེབས་པ་དང་། དཔའ་ཚ་ཞང་འདན་མ་བྱང་ཁྲ་དེས་ ཤན་པ་རྒྱུགས་པ་མཐོང་ནས་མྱུར་བར་དཔུང་རོགས་ལ་བྱུང་ཞིང་། ཤན་འདན་གཉིས་ཀྱིས་ཕོ་ བྲང་གི་སྒོ་ལ་རྟ་པབས་ནས་ཕོ་བྲང་ནང་ལ་འཛུལ་ཏེ། གདོང་ལ་སུ་བྱུང་རལ་གྲིའི་ངར་ལ་དྲངས་

ནས་བྱུང་བ་ན། དམག་དཔོན་བཙན་རྒྱལ་རྒོད་པོ་ཁ་འཐམ་དེས་འདན་མ་ལ་རལ་གྲི་ལན་གཅིག་

བཏབ་བྱུང་བས། འདན་མ་ལ་གེ་སར་རྒྱལ་པོའི་ན་བཟའ་དང་། སློབ་དཔོན་པདྨའི་སྲུང་མདུད་ཡོད་ པ་དེར་བརྟེན་མཚོན་གྱིས་མ་ཆོད། འདན་མས་རལ་གྲི་འཇང་བ་ཡུ་དམར་ལན་གཅིག་བཏབ་

པས། བདུད་པོ་དེ་མགོ་རིལ་ལེ་ཐང་ལ་འཕངས་ནས་བསད། ཡང་ཤན་འདན་གཉིས་ཉམས་ང་ མེད་པར་དཔུང་བསྒྲིགས་ནས་མཆོངས་བྱུང་བས། དམག་དཔོན་རྒོད་ཧྲག་རྣམས་ཀྱིས་གདོང་ བཀག་ཀྱང་མ་བརྟན་པར་རལ་གྲིའི​ི་ངར་ལ་དྲངས་བྱུང་བ་དང་། དམག་དཔོན་ཨུཏྤལ་ངོ་ནག་

གིས་གདོང་བཀག་བྱུང་བས། ཤན་འདན་གཉིས་ཀྱིས་གཡས་གཡོན་ནས་རལ་གྲི་རེ་རེ་བཏབ་

115

སྟེ་ལུས་ཕྱེད་གཤག་བྱས་ནས་བསད་ཅིང་། འཕུང་རྒན་དེ་ནག་འབལ་ལེ་རབ་གསལ་དེའི་ནང་

ནས་ཐང་ལ་འཕངས། དེ་ཡོད་རྒོད་ཧྲག་རྣམས་ཀྱང་མཚོན་ལ་དྲངས་པས། འཕྲོས་ལུས་དམག་

མང་རྣམས་ཀྱིས་གདོང་མ་བརྟན་པར་མགོ་འབུལ་ཞུས། ཤན་འདན་གཉིས་ཀྱིས་ཕོ་བྲང་བླངས་ ཤིང་། ཕོ་བྲང་དེའི་ཐོག་ཏུ་བདུད་ཀྱི་དར་ནག་དང་ཐེའུ་རང་གི་བསྟན་ཐུག་རྣམས་མགོ་མཇུག་

རྫོགས་ཏེ་ཐང་ལ་འཕངས། གླིང་གི་དར་ཁྲ་སྟག་སེང་ཁྱུང་འབྲུག་བར་སྣང་ལ་བསྒྲེངས། ལྷ་བསང་ སྤྲིན་དཀར་ལངས་འདྲ་བཏང་། ཀི་བསོ་ལྷ་རྒྱལ་གནམ་ས་འགས་པ་བཏང་སྟེ། དེ་བྱས་ཀྱི་རྟིང་

མ་དགུང་ལ་གྲག་པ་བླངས་སོ།།

དུས་དེའི་སྐབས་སུ་སེང་ཆེན་ནོར་བུ་དགྲ་འདུལ་དང་ལྷ་སྲས་དགྲ་ལྷ་རྩེ་རྒྱལ། སྡོང་ཁུ་བོ་

སྤྱི་དཔོན་རྒྱལ་པོ་གཙོར་བྱས་པའི་རྒྱལ་བློན་རྣམས་དང་། དཔུང་རོགས་རྒོད་ཧྲག་འཁོར་དང་

བཅས་པ་བརྒྱ་བྱིན་ལྷ་མ་ཡིན་གཡུལ་ལ་ཆས་པ་ལྟར་མཛད་དེ། ཕོ་བྲང་ཤེལ་དཀར་རྒྱང་གྲག་ལ་

བྱོན། ཕོ་བྲང་གི་ཡང་ཐོག་རབ་གསལ་ཉི་འོད་བདེ་གླིང་དུ་གསེར་ཁྲི་ལྔ་ལིང་དགུ་བརྩེགས་སེང་ གེ་བསྣོལ་བའི་ཁྲི་ལ་བཞུགས་ཤིང་། གཡས་གཡོན་ལ་གླིང་གི་ཕ་ཁུ་ལྷ་སྲས་རྣམས་བཞུགས་ ཏེ། དེ་ནས་གྲལ་རབ་དགུ་བཅུ་གོ་དགུ་བརྒྱབ་པའི་གདན་ལ་རྒྱལ་ཁབ་སོ་སོའི་དམག་དཔོན་

རྣམས་བཞུགས། དགའ་སྐྱིད་ལྷ་ལས་ལྷག་པ། ལོངས་སྤྱོད་ཀླུ་ཡི་ཟླ་བོ། ཇ་ཆང་གཉིས་ལ་དབོར་ འདྲེན། ཤ་ཐུད་གཉིས་ལ་གཟུག་འདྲེན། ཤིང་ཐོག་མངར་རིགས་གསུམ་འདྲེན་མཛད་ནས། གླུ་ གར་བྲོ་གཞས་གསུམ་དང་། ཞལ་རྩེད་གླུ་དབྱངས་ཀྱི་དགའ་སྟོན་ལ་ལོངས་སྤྱད་ནས་བཞུགས་ པར་གདའ་འོ ། །ཞེས་ལེའུ་བཅོ་བརྒྱད་པ་རྫོགས་སོ།། །།

116

ལེའུ་བཅུ་དགུ་པ། ཨ་སྟག་ལྷ་མོས་ཤ་རྫོང་ཕབ།།

གེ་སར་འཕྲུལ་གྱིས་ནོམ་བགོས་མཛད།།

བཀའ་གཏད་སྨོན་ལམ་ཐུགས་སྐུལ་གྱིས།། དར་ཁྲིའི་ཡུལ་དུ་དཔོན་གསར་བསྐོས།།

དེ་ཡང་དཔའ་ཡ་མེད་སེང་སྟག་ཨ་དོམ་དེས། རྟ་ཕོ་དཀར་པོ་གངས་རིའི་མདོག གངས་ལ་

ཉི་ཟེར་ཕོག་འདྲ། མི་ཕོ་དཀར་པོ་གངས་སེང་མདོག སེང་ལ་གཡུ་རལ་རྒྱས་འདྲ་བྱས་ཤིང་། འཕྲུ་ དཀར་ཅན་གྱི་དཔུང་རོགས་བརྒྱ་ཡིས་བསྐོར་ནས་བྱུང་བ་དང་། དེའི་རྗེས་སུ་འཇང་ཕྲུག་གཡུ་ ལྷ་ཐོག་འགྱུར་དེ། རྟ་ཕོ་སྔོན་པོ་རྒྱ་མཚོའི་མདོག རྒྱ་མཚོར་རྦ་རླབས་འཕྱུར་འདྲ། མི་ཕོ་སྔོན་

པོ་གཡུ་འབྲུག་མདོག གཡུ་འབྲུག་མཚོ་ནས་ལངས་འདྲ་ཞིག་བྱས་ཤིང་། དཔུང་རོགས་འཕྲུ་

སྔོན་ཅན་ལ་བརྒྱ་ཡིས་བསྐོར་ནས་བྱུང་བ་དང་། དེའི་རྗེས་སུ་སྡིག་གཅོད་ཤན་པ་རྨེ་རུ་དེ་རྟ་ཕོ་ དམར་པོ་མེ་རིའི་མདོག མེ་ལྕེ་རླུང་གིས་བསྐྱོད་འདྲ། མི་ཕོ་དམར་པོ་བཙན་གྱི་མདོག བཙན་ རྒོད་སྲོག་ལ་རྔམ་འདྲ་ཞིག་བྱས་ཤིང་། དཔུང་རོགས་འཕྲུ་དམར་ཅན་ལ་བརྒྱ་ཡིས་བསྐོར་ནས་ བྱུང་བ་དང་། དེ་ཡི་རྗེས་སུ་བྱང་རི་བཤུ་ཨ་སྟག་ལྷ་མོ་དེ་འདོ་བ་རག་དཀར་དྲེལ་གཟུགས་ལ་

སྒ་ཆས་ཉི་མ་ཤར་འདྲ་བྱས། ཀླད་ལ་རྨ་བྱའི་གདུགས་ཤིག་ཕུབ། འཁོར་དུ་བདུད་དམག་བརྒྱ་ ཡིས་བསྐོར་ནས། ལྷ་མོ་དགའ་བའི་ཚལ་དུ་ཆས་པ་ལྟར་བྱས་ནས་བྱུང་བ་དང་། གླིང་དམག་

སྔོན་རྣམས་ཤར་བྲག་གར་རྒོད་རྫོང་གོང་མའི་འདབས་ལ་སླེབས་ཤིང་། ས་དེར་རྫོང་སྲུང་དམག་ དཔོན་ཨ་དཀར་སྤྱང་ཕྲུག་རྔམ་ནག་ཟེར་བ་དེས། རྒོད་ཧྲག་ཁས་ལེན་བཅུ་ཡིས་བསྐོར་ནས་གླིང་ དམག་གི་གདོང་དུ་ཀྲོང་ངེར་བྱུང་སྟེ། རུ་སྔོན་མདའ་རྒྱང་གང་གི་ས་མཚམས་ནས་རྟ་ཁ་བསྒགས་

117

ཤིང་གཟུར་འདུག་ཅིག་བྱས་ཏེ་གླུ་འདི་ལྟར་བླངས་པའི་ཚུལ་དུ་ཁ་ལ་ཤར་བྱུང་།

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་ལ་མོ་ཨ་ལ་ལེན། །ཐ་ལ་ལ་མོ་ཐ་ལ་ལེན། །གནམ་ཐེའུ་ར་གྭ་ཚོ་གསུམ་མཁྱེན། །བར་

ཐེའུ་ར་ཐེའུ་དགུ་འབྱུང་མཁྱེན། །ས་ཐེའུ་དུ་བ་མགོ་དགུ་མཁྱེན།། ཐེའུ་རང་གསུམ་གྱིས་སྡོངས་ གྲོགས་མཛོད། །ས་འདིའི་ས་ངོ་མ་ཤེས་ན། །བྲག་གར་རྒོད་ཚང་གོང་མ་རེད། །མི་ང་འདྲ་ང་

ངོ་མ་ཤེས་ན། །དར་ཁྲི་རྒྱལ་པོའི་ནང་བློན་ལ། །ཨ་དཀར་སྤྱང་ཕྲུག་རྔམ་ནག་ཟེར། །ཕར་འགྲོ་ དམག་གི་སྔོན་མ་ཡིན། །རྟིང་མ་དགྲ་དཔུང་འཇོམས་མི་ཡིན། །ཚུར་འོང་དམག་གི་རྟིང་སྐྱོང་

ཡིན། །རྗེས་ར་མདའི་མགོ་ལག་ལེན་མི་ཡིན། །ཁོ་རེ་མི་དཀར་རྟ་དཀར་ཅན། །ས་འདི་ན་འོང་

དོན་ཅི་ལ་ཡིན། །འཇིག་རྟེན་སྔ་མའི་གཏམ་དཔེ་ལ། །དོན་མེད་ཡུལ་ལ་མི་གཅིག་བྱུང་། །དགྲ་ རྐུན་ཇག་པ་མིན་པ་ཡིན་ལུགས་མེད། །མཚན་མུན་པའི་སྨག་ནས་བྱ་ཞིག་འཕུར། །ཐན་འུག་ པ་མིན་པ་ཡིན་ལུགས་མེད། །ཟེར་བ་འཇིག་རྟེན་དཔེ་ལ་གདའ། །བྲག་རྒོད་ཚང་གི་གོང་མ་ འདི། །རྒྱལ་པོ་ཆེན་པོའི་རྩྭ་བཀག་ཡིན། །བཙུན་མོ་ཆེན་པོའི་ཁྲུས་ར་ཡིན། །སྲས་ཆུང་སྣང་

ངུའི་རྩེད་ར་ཡིན། །ནང་སྡེའི་མི་རྐྱང་འགྲོ་ས་མེད། །སོང་ན་རྒྱལ་པོའི་ཁྲིམས་ལ་སྦྱར། །ཨ་ཙི་

འདིར་ཚོགས་ཧམ་པ་ལ། །ཁྱོད་ལམ་ནོར་རེད་དམ་རྐུན་མ་རེད། །ལམ་ནོར་ཡིན་ན་བཤགས་ པ་གྱིས། །ཨ་དཀར་སྤྱང་ཕྲུག་རྔམ་ནག་ངས། །གཉོམ་ཆུང་བརྙས་བརྡུང་བྱེད་མ་མྱོང་། །རྐུན་མ་ ཡིན་ན་ཁས་ལེན་གྱིས། །འགྲོ་མི་ཆོག་རྒྱལ་པོའི་མདུན་ལ་འཁྲིད། །ཁྲིམས་ཅི་གཅོད་དཔོན་ལ་

བཀའ་འདྲི་བྱེད། །དེ་མིན་དགྲ་ཞིག་ཡིན་སྲིད་ན། །ངའི་རལ་གྲི་སྟོང་ཆོད་ངར་མ་འདིས། །ལས་ དམག་ཆག་ཉིལ་མ་བཏང་ན། །ང་ཨ་དཀར་རྔམ་ནག་རོ་དང་འདྲ། །གོ་ན་རྣ་བའི་དཀྱིལ་ལ་ཞོག མ་གོ་གླུ་ལ་འགྲེལ་བ་མེད།།

ཅེས་ཟེར་ཞིང་ཇེ་ཉེར་བྱུང་བ་དང་། དཔའ་ཡ་མེད་སེང་སྟག་ཨ་དོམ་དེ། ཁ་སྤོ་ཁ་ནས་ལངས།

ཁ་ངོ་ཤ་འགུལ་ལྷོག་ལྷོག ཞེ་སྤོ་ཞེ་ནས་ལངས། དཔུང་བ་གླང་སྣ་བརྫེ་བརྫེ་བྱས་ཏེ། མཚོན་ལེབ་

118

ཆེན་གྱི་གྲི་མགོ་འཕུར་ཞིང་། རྟ་སྟོང་རིའི་གོང་དུ་གཟུར་འདུག་ཅིག་བྱས་ཏེ་ན་རེ། ཡ། ཁོ་རེ་སྤྲང་ རྒན་ཧམ་པ་ཅན། ང་ཡིན་རྒྱུ་དཔའ་བོ་འདི་འདྲ་ཡིན། གསུངས་པ་དང་། ཁོང་གི་དགོངས་པར།

དམག་མང་འདི་ཙམ་གསོད་མི་དགོས་པར་མགོ་འབུལ་བྱེད་རོགས་ཨེ་བྱེད་བསམས་ཏེ། རྟ་ཁ་ བསྒགས་ཤིང་བསྡད་པ་ན། དམག་དཔོན་སྤྱང་ཕྲུག་རྔམ་ནག་དེ་བདུད་ཀྱི་བུ་དངོས་ཡིན་སྟབས།

ཚེའི་དུས་ལ་སླེབས་ཡོད་པས། གློ་བུར་དུ་ང་རྒྱལ་བཟོད་མེད་ལངས་ཤིང་། སེང་སྟག་གི་གདོང་ ལ་རལ་གྲི་ཀླད་ལ་འཕྱར་ནས་རྦབ་རྒོད་འདྲིལ་བ་ལྟར་མཆོངས་ཏེ། དཔའ་ལ་དང་རལ་ཁ་འགྲན་ པ་ན། དཔའ་ལའི་ལེབ་ཆེན་རྣོ་དབལ་ཆེ་སྟབས། ཁོ་ཡི་གཞོགས་གཡོན་པའི་ཕྲག་གོང་ལ་གྲི་ ཐེབས་ཏེ། གཞོགས་གཡས་པའི་མཆན་འོག་བར་རྡུམ་སེ་བཅད་ནས་བསད། དཔའ་ལ་སེང་ སྟག་ཨ་དོམ་དེས་མགོ་འཕྲུ་གོང་ལེན་བྱས་ཏེ། བདུད་དཔུང་དེའི་ཁྲོད་ལ་མཆོངས་ནས་འཕར་

བས་ར་ཁྱུ་དཀྲུགས་པ་ལྟར། ཡར་འདེད་མར་འདེད་བྱས་ནས་འཁྲུག་པ་དང་། གླིང་དམག་རྗེས་

མ་རྣམས་དེར་གཅིག་ཐོན་གཉིས་ཐོན་དུ་བྱུང་བས། འཕྲོས་ལུས་བདུད་དམག་རྣམས་ཀྱིས་འཐབ་

པའི་ལན་མ་ཟིན། འབྲོས་པའི་ལམ་མ་ཐོབ། གབ་པའི་ཁུང་མ་རྙེད་པར་དཔའ་འཁྱགས་ནས་གླིང་ ལ་མགོ་འབུལ་ཞུས་པར་གདའ། ས་དེར་རྫོང་མཁར་ཆུང་ཆུང་ཞིག་ཡོད་པ་དེ་དཔའ་ལའི་དམག་

གིས་བླངས་ཤིང་མཁར་ཐོག་ཏུ་ལྷ་བསང་སྤྲིན་དཀར་ལངས་འདྲ་ཞིག་བཏང་བ་དང་སྦྲགས། གླིང་

གི་རྒྱལ་དར་སྟག་སེང་ཁྱུང་འབྲུག་ཅན་དགུང་ལ་བསྒྲེངས། ཀི་བསོ་ལྷ་རྒྱལ་གྱིས་ས་གཞི་ལ་འུར་ སྒྲས་ཁྱབ་པར་བྱས་ནས་བཞུགས་པ་ན། གླིང་དཔུང་གི་རུ་སྣ་ཨ་སྟག་གིས་དྲངས་ཏེ། ཡང་རྟུལ་ དམ་པའི་མི་བདུན། ཞེ་རྟུལ་ཁྲ་གླག་སྤྱང་གསུམ། གླིང་གི་དཔའ་རྟུལ་སུམ་ཅུ། ཕྱོགས་ཀྱི་དཔའ་ བོ་བརྒྱད་ཅུ་འབྱོན་པའི་གྲལ་ལ། སེང་ཆེན་ནོར་བུ་དགྲ་འདུལ་དང་། སྲས་ཆུང་དགྲ་ལྷ་རྩེ་རྒྱལ། ལྡོང་ཁུ་བོ་སྤྱི་དཔོན་རྒྱལ་པོ། སྟག་རོང་དཔོན་པོ་ཁྲོ་ཐུང་བཅས་ཀྱི་སྐུ་འཁོར་རྣམས་བྱོན་ནས་

བྲག་དཀར་ཤེལ་གྱི་འགྲམ་ལ་སླེབས་པ་ན། ཁོང་རྣམས་ཀྱིས་ཉིན་གྱི་རི་ནས་ཤུག་པ་བཏུས།

སྲིབ་ཀྱི་རི་ནས་བ་ལུ་བཏུས། ཉིན་སྲིབ་བར་ནས་འོམ་བུ་བཏུས། རི་སྲིབ་མཚམས་ནས་མཁན་

119

དཀར་བཏུས་ཏེ་ལྷ་བསང་སྤྲིན་དཀར་ལངས་འདྲ་ཞིག་མཆོད། བྱང་མཆིས་པའི་ཨ་སྟག་ལྷ་མོ་ དེས་རྒོད་མ་རག་དཀར་འཕུར་ཤེས་ལ་རིན་ཆེན་རྒྱན་ཆའི་སྒ་ཆས་སྤྲས། སྐུ་ལ་དར་སྲབ་སྣ་

ཚོགས་ཀྱི་ན་བཟའ་གསོལ། ཀླད་ལ་རྨ་བྱའི་གདུགས་ཕུབ། ཕྱག་གཡོན་པས་གཏེར་གཞོང་ནོར་ བུའི་རིགས་ཀྱིས་བཀང་བ་ཞིག་བསྣམས། ཕྱག་གཡས་པས་གཏེར་མདུང་དར་གྱིས་བརྒྱན་པ་

ཞིག་བསྣམས་ནས། གཡང་འབོད་གཏེར་འགུག་བྱས་ཤིང་། གཏེར་རྟགས་དུང་དཀར་གཡས་

འཁྱིལ་སྟེང་དུ། གཏེར་མདུང་གི་རྩེ་མོ་རེག་པ་ཙམ་གྱིས། ཚེ་སྔོན་ལས་དང་སྨོན་ལམ་དང་། ཨ་

སྟག་མཐུ་རྩལ་ཆེ་བའི་སྟབས་ཀྱིས། བྲག་རི་དེ་འུར་སྒྲ་དང་བཅས་མཁར་སྒོ་ཕྱེ་བྱུང་བ་ན། བྲག་ བར་ནས་ཆུ་སྣེ་བརྡོལ་བ་ལྟར། ཤ་བ་རིགས་མི་འདྲ་བ་སྣ་ཁ་བཅུ་གསུམ་བྱུང་ཞིང་། ཤ་ཕོའི་རི་ རྩེད་ཤར་སེ། ཡུ་མོས་སྣ་སྒྲ་དི་རེ། ཤེའུ་ཕྲུག་རྩེད་གར་འཁྱུགས་སེ་བྱས་ནས་རི་ལུང་ཐམས་

ཅད་ཤ་བས་གང་ལེ་བྱུང་བ་དང་། སེང་ཆེན་རིན་པོ་ཆེ་དེར་བྱོན་ནས་གཏེར་སྲུང་གཞི་བདག་

ཀླུ་གཉན་གྱི་ཆོ་འཕྲུལ་དང་ཕྲག་དོག་མེད་པར་མཛད། བསང་དང་གསེར་སྐྱེམས་ཕུལ་ཏེ་ངོ་སོ་ བསྟོད་ཅིང་། ཨ་སྟག་གི་ཤ་ཁྱུ་དེད་པའི་སྔོན་ནས་མདུང་དར་གཡབ་གཡབ་མཛད་ཅིང་བྱོན།

དཔའ་རྟུལ་ཕུ་ནུ་རྣམས་ཀྱང་རུ་གྲལ་བསྒྲིགས་ནས་བྱོན་པ་དང་། ནམ་མཁའ་བར་སྣང་ས་གཞི་

ཐམས་ཅད་ལས་ལྷ་ཀླུ་མི་གསུམ་དང་། ཤ་བ་དང་རྟ་དྲེལ་སོགས་ཀྱིས་གང་སྟེ་བྱུང་ལ། ཉིན་དེའི་ ལྟད་མོ་ལ་ལྟ་བ་མིག་གིས་མི་བཟོད། བསམ་པ་སེམས་ཀྱིས་མི་ལོང་བ་མཛད་ཅིང་སྒར་ལ་ཁྲ་ ཆེམ་ཆེམ། འོད་འཁྱུག་འཁྱུག་བྱས་ནས་རི་ལུང་ཀུན་ལ་མི་རྟ་དང་། ཤ་བ་ཡིས་གང་བ་བྱུང་། ཚུལ་དེ་དར་ཁྲིའི་སྡེ་འབངས་དང་མགོ་འབུལ་བྱས་པའི་དམག་མང་ཚང་མས་མཐོང་སྟེ། གླིང་ གི་དཔོན་བློན་རྣམས་ཀྱི་མཛད་པ་དང་རྫུ་འཕྲུལ་ལ་ཧ་ལས་ཤིང་། ལ་ལས་གླིང་གེ་སར་རྒྱལ་

པོ་ཟེར་བ་སངས་རྒྱས་སྟོང་གི་ཐུགས་སྲས། མུ་སྟེགས་བོན་གྱི་གཉའ་གནོན། འགྲན་ཟླ་བྲལ་ བའི་མི་ཞིག་ཡིན་པ་གྲགས་པས་འདི་འདྲ་མེད་ན་ཅི་འདྲ་ཡོད་ཟེར་ཏེ་བསྡད།

སེང་ཆེན་རིན་པོ་ཆེ་དང་དཔོན་བློན་རྣམས་སྒར་ལ་འབྱོར་ཏེ་གཏེར་ནས་བླངས་པའི་རྫས་

120

ལ། ཤ་བའི་གཡང་ལ་ཤ་དམར་བཀྲ་ཤིས་རྭ་ལེབ། བྱུ་རུའི་རྣ་རྒྱན་ཧྲུག་གེ ཤ་སྐྱ་ནོར་བུ་རྭ་ཅོ། དུང་གི་རྣ་རྒྱན་ཧྲུག་གེ ཤ་ཁྲ་པདྨ་བརྒྱ་ཤར། གཟི་ཡི་རྒྱན་ཆ་ཧྲུག་གེ ཤ་སེར་དབང་པོ་ལག་པ།

གསེར་གྱི་འོད་མདངས་ཁྱུག་སེ། ཤ་དཀར་གཡང་ཆེན་ཨོག་ལུག དུང་གི་རྭ་ཅོ་ཤར་རེ། དུང་ དཀར་ཁ་སྤྲོད་འགྲིག་གེ། ཤ་བའི་རིགས་བཅོ་བརྒྱད་ཡོད་པ་དེ་སྒར་དཀྱིལ་ལ་བཀག དེ་ལ་

འཁོར་བའི་ཤ་རིགས་མི་འདྲ་བ་བརྩིས། བརྩི་གྲངས་མི་ལོན་པ་ཕྱོགས་བཞི་མཚམས་བརྒྱད་

ན་གང་། ད་རུང་དེ་ཡིས་མི་ཚད་པར་དར་ཁྲི​ི་རྒྱལ་པོའི་ས་ཆ་ལ་ཡོད་པའི་ནོར་བུའི་རིགས་ཀྱི་

གཏེར་ཁ་ལ། གཟི་ཡི་ཨོ་ཡོ་ཟུག་ཤེས། གཟི་ཡི་གནམ་ལྕགས་བྲང་སྒོར། གཟི་ཡི་ནོར་བུ་དགའ་ འཁྱིལ་སོགས་གཟི་རིགས་མི་འདྲ་བ་དུ་མ་ཡོད་པ་དེ་སྒར་དཀྱིལ་དུ་བཀོད་པ་དང་། ད་རུང་སྐུ་

གསུང་ཐུགས་ཀྱི་གཏེར་ནོར་ལ། བྱུ་རུའི་ཚེ་དཔག་མེད་མགོན། གཡུ་ཡི་སྒྲོལ་མ་རང་བྱོན། དུང་ གི་སྤྱན་རས་གཟིགས་དབང་། མཆོང་གི་ཕྱག་ན་རྡོ་རྗེ། གསེར་སྐུ་ཤཱཀྱ་ཐུབ་པ་སོགས་རིན་

ཆེན་གྱི་རིགས་ལས་གྲུབ་པའི་ལྷ་སྐུ་རྣམས་དང་། རིགས་མཐུན་རིན་ཆེན་འདྲ་མིན་སྣ་ཚོགས་

སྒར་དཀྱིལ་དུ་ཁྲ་ཆེམ་ཆེམ་འོད་ལམ་ལམ་བྱས་ནས་སྤུངས། གླིང་གི་ཕྱོགས་སོ་སོའི་རྗེ་དཔོན་ དམག་མང་རྣམས་ཡུལ་དེར་ལྟད་མོར་ཕེབས་པས། ལུས་གོས་མི་གཅིག་ས་ཁའི་མེ་ཏོག་འདྲ་ ལེ། མགོའི་ཞྭ་རིགས་མི་གཅིག་ནམ་མཁའི་སྐར་ཚོགས་འདྲ་ལེ། རྐང་ལྷམ་རིགས་མི་གཅིག་

བར་སྣང་འཇའ་ཚོན་འདྲ་ལེ། ཡུལ་སྐད་མི་གཅིག་ཤིང་མགོའི་བྱིའུ་ཁྱུ་འཚོགས་འདྲ་བྱས་ནས་

བྱུང་བ་ན། སེང་ཆེན་རིན་པོ་ཆེ་ཁོང་གསེར་ཁྲི་ལྔ་ལིང་དགུ་བརྩེགས། སེང་གེ་བསྣོལ་བའི་ཁྲི་ལ་ བཞུགས་ཤིང་། གསུང་གླེང་ཞལ་རྩེད་མཛད་བཞིན་པའི་སྐབས། གླིང་གི་དཔའ་རྟུལ་ལྷ་དམག་ རྣམས་ཀྱིས། ཀི་བསོ་ལྷ་རྒྱལ་བསང་མཆོད་ཀྱིས་གནམ་ས་བར་སྣང་སྦྲེལ། ཀི་བསོ་ལྷ་འབོད་ སྒྲ་ཡིས་ལས་གཞི་འདར་ལེ་བྱས་པ་ན། ལྷ་ཀླུ་གཉན་གསུམ་དང་། ཡུལ་ལྷ་གཞི་བདག་དགྲ་ལྷ་

ཝེར་མ་རྣམས། ཁ་བ་འབབ་འབབ། བུ་ཡུག་འཚུབ་འཚུབ་བྱས་ནས་བྱུང་བ་དང་། ཉིན་དེར་ངོ་ མཚར་ལྟད་མོ་དང་། རྩེད་འཇོ་དགའ་སྐྱིད་དཔལ་ལ་ལོངས་སྤྱོད་ཅིང་གནས་པར་གདའ་འོ ། ། ཞེས་ལེའུ་བཅུ་དགུ་པ་རྫོགས་སོ།། །།

121

ལེའུ་ཉི་ཤུ་པ། སེང་ཆེན་བླ་མའི་ཐུགས་རྗེ་ཡིས།།

དར་སྡེ་མུན་པ་ཆོས་ཀྱིས་གསལ།།

དབང་བསྐུར་སྨོན་ལམ་བྱིན་རླབས་མཛད།། བདུད་སྡེ་བློ་ཁ་ཆོས་ལ་བསྒྱུར།།

དེ་ནས་སེང་ཆེན་རིན་པོ་ཆེ་ཡིས་ལྷ་ཀླུ་གཞི་བདག་རྣམས་ལ་བཀའ་གཏད་དང་། བཀྲ་

ཤིས་ཀྱི་གཡང་འབོད་བྱེད་པ། དར་སྡེ་ཤོག་ཆེན་བཅོ་བརྒྱད་ལ་བྱིན་རླབས་སྨོན་ལམ་མཛད་

ཅིང་། མདའ་དར་མེ་ལོང་བརྒྱན་པ་དེ་བར་སྣང་ལ་གཡུག་གཡུག་མཛད་པས། སྟོད་མངའ་རིས་

སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་སོགས་ཀྱི་ལྷ་ཀླུ་གཞི་བདག་ གནས་དེར་བྱོན་ནས། རང་རང་ཐོབ་པའི་གཏེར་རྫས་བཞེས་ཤིང་། གཡང་ཁུག་ཁ་བསྡམས།

གཡང་སྒམ་གྱི་སྒོ་རྒྱབ། གཡང་ཁུག་ནོར་བུས་གང་ལེ། གཡང་སྒམ་གཏེར་གྱིས་གང་ལེ། གཡང་ ཟོ་འོ་མས་གང་ལེ། གཡང་མདའ་དར་གྱིས་གང་ལེ། གཡང་ཐབ་ཇ་ཡིས་གང་ལེ་བཅས་ཏེ་སྨོན་ ལམ་རྒྱ་ཆེན་བཏབ་པས། གངས་རི་བཞིན་དུ་ཆགས་ལེ། རི་བོ་བཞིན་དུ་བརྟན་ལེ། རྒྱ་མཚོ་

བཞིན་དུ་འཁྱིལ་བ་ལ། བཀྲ་ཤིས་པའི་ལྟས་མང་པོ་བྱུང་སྟེ། གནམ་ལ་བལྟས་པའི་ཉི་མ་བཟང་

བ་ཡིས། མེ་ཏོག་གི་སྦྲང་ཆར་བསིལ། བར་ལ་བལྟས་པའི་སྐར་མ་བཟང་བ་ཡིས། དྲི་བཟང་སྤོས་ ཀྱི་ངད་ཐུལ། ས་ལ་བལྟས་པས་དུས་ཚོད་བཟང་བ་ཡིས། རྩི་ཤིང་ལོ་ཏོག་འཁྲུངས་པ་སོགས་ བྱུང་བ་དང་། ལྷ་དམག་འབུམ་གྱིས་མདའ་དར་དང་། ཕྱེ་མ། གཡང་ཁུག་རྣམས་གཡུག་གཡུག་

མཛད་ཅིང་། ལྷ་འབོད་ཀླུ་སྐུལ་དང་། ཀི་བསོ་ལྷ་རྒྱལ་བཏང་བས། གནམ་ས་ཡོམ་ཡོམ་འགུལ་ བ་ལྟར་བྱུང་ངོ་།།

122

དེ་ནས་དར་ཁྲི་རྒྱལ་པོའི་ཕོ་བྲང་ནང་། བཙུན་མོ་དར་ལྕམ་མཛེས་མ་དང་། རྒྱལ་སྲས་དར་

ལུ་ཉི་མ་གྲག་པ་གཉིས་ལུས་ཡོད་པས། བཙུན་མོས་བུ་ཆུང་གི་ལག་མགོ་ནས་བཟུང་སྟེ། ཕྱག་

གཡས་པའི་ནང་དར་དཀར་སྲིད་ལ་རིང་བ་ཞིག་ཕྱར་ནས་གླིང་གི་སྒར་ལ་སོང་། རྒྱལ་མཆོག་མི་ ཡི་ཉི་མའི་དྲུང་དུ་རིན་ཆེན་ནོར་གྱི་འབུལ་བ་ཕུལ་བ་ལ། མཐོན་པོ་ཁྲི་ཡི་རྒྱབ་ཡོལ་དང་། འོག་ སྡེ་གྲངས་ཀྱི་བཀའ་ཤོག་རྣམས་ཕུལ། གླིང་རྒྱལ་བློན་འདུས་པའི་གྲལ་གཤམ་དུ། ཁོང་མ་བུ་ གཉིས་ཀྱིས་པུས་མོའི་ལྷ་ང་ས་ལ་བཙུགས་ཤིང་། མོས་གུས་ཚད་མེད་ཀྱི་སྒོ་ནས། སྲས་པོ་ དར་ལུ་གྲག་པས་སྐྱབས་ཞུས་པ་ན།

རྒྱུ་ཡོད་མེད་རང་གི་བསོད་ནམས་རེད། །སྐྱིད་ལོངས་སྤྱོད་སྔོན་ལས་སྦྱིན་པ་རེད། །ང་དྭ་

ཕྲུག་མ་ཤི་གསོན་པ་ན། །ཨ་མའི་དྲིན་ལན་འཇལ་རྒྱུ་ཡིན། །ལ་ཆེན་ད་ལོའི་དུས་ཚོད་ལ། རྒྱལ་

བློན་བྱ་བྱེད་མང་ལེ་དང་། གླིང་དཀར་བསྟན་པ་དར་ལེ་གཉིས། །ཕ་དར་ཁྲིའི་དབུ་ཉེས་ཤོར་ནས་ བྱུང་། ང་བུ་གཅིག་དྭ་ཕྲུག་ལུས་ལེ་རེད། །ངེད་མ་བུ་སྐྱབས་མེད་མགོན་མེད་ཡིན། །སྐྱབས་ཀྱི་

མགོ་འབུལ་གླིང་ལ་ཞུ། །རེ་ཞིག་ལས་ཀྱི་བཞག་སོ་ལ། །ཅི་མཛད་གེ་སར་རྒྱལ་པོས་དགོངས། །གླུ་ གོ་ན་དོན་གྱི་ཞུ་འབྲས་ཡིན། །མ་གོ་གླུ་ཡི་འགྲེལ་བ་ཞུ། །གླིང་རྒྱལ་བློན་ཡིད་ལ་དེ་ལྟར་ཞོག ། སེང་ཆེན་རིན་པོ་ཆེ་ཞལ་འཛུམ་དང་བཅས་ཏེ། དར་དཀར་ཞིག་ལ་མདུད་པ་བརྒྱབ་ནས་

རྒྱལ་སྲས་ལ་གནང་ཞིང་། རྒྱལ་སྲས་ཀྱི་མགོ་ལ་བྱིལ་བྱིལ་མཛད་དེ་གསུངས་པར། ཡ་དར་ལུ་

མ་བུ་གཉིས། ད་སྐྲག་མི་དགོས། ངེད་ཁྲ་མོ་གླིང་གི་ལུགས་སྲོལ་ལ། གཞིས་ལུས་དྭ་ཕྲུག་ཡུགས་ ས་ལ། རྡུང་རྡེག་བརྙས་དམོད་བྱེད་སྲོལ་མེད། ལ་ཆེན་མ་བུ་ཁྱེད་གཉིས་བསོད་ནམས་ཆེན་པོ་

རེད། ཤི་ཁ་ཆོས་ལ་འཕྲད། བསམ་པ་བདུད་ལ་གཏད་ཀྱང་བསྐོས་པ་གླིང་ལ་བསྐོས། དེ་ནི་སྔོན་ གྱི་ལས་འབྲས་རེད། གསུངས་ཤིང་། ཕྱག་དབང་བྱིན་རྟེན་གནང་བས། རྒྱལ་སྲས་མ་བུ་གཉིས་

དད་པ་སྐྱེས་ཏེ་ལུས་ཀྱི་བ་སྤུ་གཡོ། མོས་གུས་ཀྱི་མཆི་མ་འཁྲུགས། ཕྱིན་ཆད་གེ་སར་རྒྱལ་པོས་ ཅི་གསུངས་ཀྱི་བཀའ་སྒྲུབ་པ་དང་། བསམ་པ་ཆོས་ལ་གཏད་པའི་དམ་བཅའ་ཕུལ་ནས་བསྡད།

123

དེ་ནས་དར་ཁྲིའི་སྡེ་འབངས་ཀུན་དང་། གླིང་གི་རྒྱལ་བློན་རྣམས་ཀྱིས་འདུ་ར་ལ་འཛོམ་

དགོས་པའི་བརྡ་བཏང་བ་དང་། ཉིན་དེ་ཡི་ཕྱི་ཉིན་དར་ཁྲི་ཡུལ་གྱི་སྡེ་འབངས་རྣམས་ཐང་ཆེན་ པདྨ་བཞི་ལིང་དུ་འཛོམས་བྱུང་། ཉིན་དེ་ནས་བཟུང་ཁྲ་མོ་གླིང་གི་མངའ་འོ ག་ལ་གཏོགས་པ་

དང་། གླིང་གི་ཁྲིམས་སྲུང་དགོས་ཟེར་ནས། ཁྲིམས་ཡིག་ཞལ་ལྕེ་བཅུ་གསུམ་གྱི་བཀའ་རྒྱ་བཀྲམ།

དགེ་བཅུ་ཆོས་ཀྱི་འདུལ་ཁྲིམས་གདམས་ནས་སེང་ཆེན་རིན་པོ་ཆེ་ཡིས་བདུད་ཡུལ་སྡེ་འབངས་ ལ་སྤྱན་རས་གཟིགས་འཁོར་བ་དོང་སྤྲུག་གི་དབང་གནང་། སྡིག་སྒྲིབ་བྱང་བའི་རྡོ་སེམས་སྒོམ་

བཟླས་ཀྱི་ལུང་དང་ཁྲིད་གནང་། ཚང་མར་བྱིན་རླབས་མཛད་པས་དགེ་སྡིག་གི་སྤང་བླངས་ཤེས་ པ་བྱུང་། ཕྱིན་ཆད་གེ་སར་རྒྱལ་པོས་ཅི་གསུངས་ཀྱི་བཀའ་སྒྲུབ་པའི་ཁས་བླངས། དགེ་བཅུའི་

ཁྲིམས་སྲུང་བའི་དམ་བཅའ་བཞག དེ་ནས་དར་ཁྲིའི་སྡེ་འབངས་དཔོན་ལ་རྒྱལ་སྲས་དར་ལུ་ཉི་

མ་གྲག་པ་བཞག་སྟེ་ལོ་ཚོད་མ་ཟིན་གྱི་བར་དཔོན་ཚབ་ལ་བློན་རྒན་ཉི་མ་རང་ཤར་བཞག ཕོ་ བྲང་གི་རྒྱུ་ནོར་ཁོང་མ་བུ་གཉིས་ལ་བཞག བྱིན་རླབས་མཛད་པས་རྒྱལ་སྲས་དར་ལུ་ཉི་མ་

གྲག་པས་སྔོན་མའི་སྐྱེ་མཐའ་དྲན་ཤེས་བྱུང་བས། གེ་སར་ལ་དད་གུས་ཚད་མེད་སྐྱེས། སྔོན་ བྱས་འགྱོད་བཤགས་དང་། ཕྱིན་ཆད་གེ་སར་རྒྱལ་པོས་ཅི་གསུངས་ཀྱི་བཀའ་བཞིན་བརྩི་བ་

དམ་བཅས་ཏེ། སངས་རྒྱས་ཆོས་སྒོ་ལ་ཞུགས་ཤིང་། དགེ་སྒྲུབ་སྡིག་སྤོང་མཛད། ཁོང་མ་བུ་

གཉིས་ཀྱིས་རང་གཞིས་རང་བདག་དང་། རང་ཆོས་རང་སྲུང་བྱེད་བཞིན་བློན་རྒན་དང་མཉམ་ དུ་རྒྱལ་སྲིད་བསྐྱངས་ནས་བསྡད།

ཡང་ཉི་མ་དེ་ཡི་ཕྱི་ཉིན་ལ། ཐང་ཆེན་ལ་ཉི་མ་ཤར་བ་དང་མཉམ་དུ། གླིང་གི་རྒྱལ་ཁབ་དྲུག་

གི་ལས་དམག་དང་། དར་ཁྲི་སྡེ་བའི་དྲག་ཞན་ཚང་མ་འཛོམས་པའི་སྐབས། སེང་ཆེན་རིན་པོ་

ཆེ་ཡིས། དར་སྡེའི་མགོ་དཔོན་བསྐོས་ཚུལ་དང་། སྨོན་ལམ་ཁྲིམས་བསྒྲགས་བྱེད་པའི་གླུ་འདི་ འགག་མེད་རྡོ་རྗེ་རང་སྒྲའི་ངག་རྟ་ལ་དྲངས་ནས་གསུངས་པའི་ཚུལ་དུ་ཁ་ལ་ཤར་བྱུང་།

124

ཨ�་མ་ཎི་པདྨེ་ཧཱུཾ་ཧྲཱིཿ

གླུ་ཨ་ལ་གླུ་ཡི་ལེན་ལུགས་ཏེ། །ཐ་ལ་ངག་གི་འགུག་ལུགས་རེད། །སྟེང་ཕྱོགས་ལྷ་ཡི་ཕོ་

བྲང་ནས། །ལྷ་ཆེན་ཚངས་པ་དཀར་པོ་མཁྱེན། །བར་མ་གཉན་གྱི་ཞིང་ཁམས་ནས། །གཉན་ཆེན་ སྐུ་ལྷ་གེར་མཛོ་མཁྱེན། །འོག་མ་ཀླུ་ཡི་གདན་ས་ནས། །ཀླུ་རྒྱལ་གཙུག་ན་རིན་ཆེན་དང་། །མི་

མགོན་དཀར་པོ་འཁོར་དང་བཅས། །དེ་རིང་སྐྱེས་བུའི་གྲོགས་ལ་བྱོན། །འོག་མིན་ཆོས་དབྱིངས་

ཕོ་བྲང་ནས། །ཆོས་སྐུ་ཀུན་ཏུ་བཟང་པོ་མཁྱེན། །རི་བོ་ཏ་ལའི་ཞིང་ཁམས་ནས། །ལོངས་སྐུ་ཐུགས་ རྗེ་ཆེན་པོ་མཁྱེན། །པདྨ་འོད་ཀྱི་གཞལ་ཡས་ནས། །སྤྲུལ་སྐུ་པདྨ་འབྱུང་གནས་མཁྱེན། །དེ་རིང་

རྒྱལ་པོའི་གྲོགས་ལ་བྱོན། །ས་འདིའི་ས་ངོ་མ་ཤེས་ན། །དར་ཡུལ་བཀྲ་ཤིས་དར་ཐང་ནས། །དར་ སྡེ་འབུམ་གྱི་གཞི་དཀྱིལ་ནས། །དར་བའི་ཆོས་ཁྲིམས་སྒྲོག་ས་རེད། །དར་ཞིང་རྒྱས་པའི་སྨོན་ ལམ་ཞུ། །ང་འདྲ་ང་ངོ་མ་ཤེས་ན། །གླིང་གེ་སར་ནོར་བུ་དགྲ་འདུལ་ཟེར། །བདུད་དཔུང་བརླག་ གི་གཤེད་མ་ཡིན། །ཆོས་དཀར་ཕྱོགས་སྐྱོང་བའི་གཉེན་པོ་ཡིན། །དབུ་ནག་བོད་ཀྱི་ལྷ་སྐལ་ ཡིན། །དེ་ནས་ཉོན་དང་སྡེ་འབངས་ཚོགས། །ང་རྒྱལ་པོར་བཀའ་བཀོད་འདི་འདྲ་ཡོད། །དེ་

སྔོན་དམག་འཁྲུག་ཆེན་པོ་དེ། །རྩོད་གཞི་དར་ཁྲི་རྒྱལ་པོས་ལས། །བཀའ་བཙན་སྡེ་དམངས་

དམག་ལ་དེད། །གླིང་དཀར་ཞོ་བཞིན་ཆགས་པའི་དུས། །ཁོ་དར་ཁྲིས་ཁྲག་བཞིན་དཀྲུགས་

ནས་བྱུང་། །ལྷ་གཉན་བཀག་རི་གཏོར་ནས་ཐལ། །ཉེས་མེད་གླིང་གི་སྡེ་དམངས་བསད། །དོན་ མེད་རྒྱུ་ནོར་དཔུང་པས་འཕྲོགས། །དགོས་མེད་རྩོད་གཞི་བསླངས་ནས་བྱུང་། །ངེད་ཁྲ་མོ་གླིང་

གི་ལས་དམག་དེ། །རྒྱུ་ཤོར་རྩད་ར་འོ ངས་ལེ་ཡིན། །ཟོག་ཤོར་ར་མདའ་འོ ངས་ལེ་ཡིན། །རྩོད་ དོན་དར་ཁྲིའི་རྒྱལ་བློན་རེད། །ཉི་མ་ད་ལོའི་དུས་ཚོད་ལ། །དར་ཁྲི་རྒྱལ་པོ་ཆམ་ལ་ཕབ། །དར་ སྡེ་དཀར་པོ་ཆོས་ལ་བསྒྱུར། །དར་ཞིང་རྒྱས་པའི་ཁྲིམས་སྡོམ་བྱས། །ད་རེབ་ཉི་མ་འདི་ནས་

བཟུང་། །སྡེ་ལ་བདེ་སྐྱིད་རྒྱས་དང་གཅིག །དཔོན་པོས་སྡེ་བ་སྐྱོང་དང་གཉིས། །འབངས་ཀྱིས་

དཔོན་ལ་བཀུར་དང་གསུམ། །དེ་སྒང་པ་བོད་ཀྱི་ལུགས་སྲོལ་ཡིན། །སྲོལ་བཟང་ཡུན་རིང་གནས་

125

ལེ་དགོས། །གོང་མ་ལྷ་ཡི་བཀའ་དང་གཅིག །ཨོ་རྒྱན་པདྨའི་ལུང་དང་གཉིས། །སེང་ཆེན་རྒྱལ་

པོའི་འགྲོ་དོན་གསུམ། །སེམས་ཅན་བདེ་བའི་དོན་ལ་མཐུན། །དེ་རིང་ཉི་མའི་ཕན་ཆད་ལ། །བྱང་ ཡུལ་དར་སྡེ་ཕྱུག་མོ་ཟེར། །དཀར་པོ་གླིང་གི་འོག་སྡེ་ཡིན། །ཡུལ་ཁམས་དེ་ཡི་མགོ་དཔོན་

ལ། །རྒྱལ་སྲས་དར་ལུ་གྲག་པ་ཡིན། །ཐབས་ཤེས་བློ་ཡི་གྲོས་རོགས་ལ། །བློན་ཤེས་ཆེན་

ཉི་མ་རང་ཤར་སྡོད། །དཔོན་དང་རྒྱལ་པོར་ཁྱད་མེད་དགོས། །ཞི་དྲག་གཉིས་ཀྱི་ཐབས་ཤེས་

ཡོད། །བསམ་པ་དཀར་པོའི་བློན་རྒན་ཡིན། །རྒྱལ་སྲས་མ་བུ་འཁོར་དང་བཅས། །བྱང་ཡུལ་སྡེ་

བའི་དཔོན་པོ་ཡིན། །ཆོས་ཁྲིམས་དར་གྱི་མདུད་པ་སྡོམས། །རྒྱལ་ཁྲིམས་གསེར་གྱི་གཉའ་ཤིང་ ཟུངས། །ལས་བདེན་རྫུན་གོ་ལྡོག་ཤོར་མི་རུང་། །ཁྲིམས་ཡིག་ཞལ་ལྕེ་བཅུ་གསུམ་འདི། །དཀར་ པོ་གླིང་གི་རྒྱལ་ཁྲིམས་ཡིན། །དེ་བཞིན་ཀུན་གྱིས་བརྩི་འཇོག་དགོས། །ཕྱི་དགྲའི་གནོད་འཚེ་

བྱུང་སྲིད་ན། །གླིང་དཀར་དམག་གི་རྒྱབ་རོགས་ཡོད། །སྙན་ཞུ་ཆ་འཕྲིན་ཡར་ཞུ་དགོས། །ནང་ མི་ཁ་མཆུ་བྱུང་བ་ན། །རང་རང་ཡུལ་གྱིས་ཁྲིམས་ཐག་གཅོད། །གླིང་རུས་བྱང་སྡེ་བྱམས་པས་

སྐྱོང་། །བྱང་ཡུལ་སྡེ་པས་གླིང་ལ་བརྩི། །རྒྱལ་ཁམས་བདེ་བའི་ཐབས་ལ་བརྩོན། །ད་སྔའི་བདུད་ ཀྱི་མུན་ཡུལ་ལ། །དེ་ནི་ཆོས་ལུང་དཀར་པོ་ཡིན། །ཡུལ་ལ་འཁྲུག་རྩོད་མི་འོང་བའི། །ལྷ་དམག་ འབུམ་གྱིས་བཀྲ་ཤིས་ཤོག ། ལོངས་སྤྱོད་ཟད་པ་མེད་པ་ལ། །རྣམ་ཐོས་སྲས་ཀྱིས་བཀྲ་ཤིས་ ཤོག །མི་ལ་ན་ཚ་མི་འོང་ལེར། །སངས་རྒྱས་སྨན་བླའི་བཀྲ་ཤིས་ཤོག ། ཕྱུག་ལ་གོད་ཁ་ མི་འོང་ལེར། །ཛམྦྷ་ལ་ཡི་བཀྲ་ཤིས་ཤོག །ཞིང་ལ་ཚ་སད་མི་འོ ང་ལེ། །ཀླུ་རྒྱལ་འཁོར་གྱིས་

བཀྲ་ཤིས་ཤོག །བྱང་ཡུལ་དར་སྡེ་ཕྱུག་མོ་ལ། །བདེ་སྐྱིད་ལྷ་ལས་ལྷག་པར་ཤོག །ལོངས་སྤྱོད་ ཀླུ་དང་མཉམ་པར་ཤོག །བདུད་དགྲའི་གནོད་འཚེ་མི་འོ ང་ལེ། །གླིང་དཔའ་རྟུལ་སུམ་ཅུའི་བཀྲ་

ཤིས་ཤོག །ཧོར་བདུད་གནོད་པ་མི་འོ ང་ལེ། །ནོར་བུ་དགྲ་འདུལ་ཁ་འཛིན་ཡོད། །དགྲ་བླ་ཝེར་ མས་སྡོངས་གྲོགས་ཡོད། །བཀྲ་ཤིས་ཀྱིས་ནམ་མཁའ་གང་བར་ཤོག །བྱིན་རླབས་ས་གཞི་ ཁྱབ་པར་ཤོག།

126

ཅེས་གསུངས་ཤིང་མེ་ཏོག་གཏོར། བྱིན་རླབས་དང་རབ་གནས་མཛད་པ་ན། ནམ་མཁའ་

ནས་མེ་ཏོག་གི་ཆར་བབ། བར་སྣང་ནས་འཇའ་འོ ད་ཀྱི་གུར་ཕུབ། ས་ནས་རྩི་ཤིང་ལོ་འདབ་རྒྱས་ ཤིང་བཟང་པོའི་ལྟས་བརྗོད་ཀྱིས་མི་ལོང་བ་བྱུང་བ་དང་། དེར་ཡོད་དར་ཡུལ་སྡེ་བའི་འབངས་

མི་ཆེ་ཆུང་རྒན་གཞོན་ཚང་མས་སེང་ཆེན་རིན་པོ་ཆེ་ལ་བཅོས་མིན་གྱི་དད་པ་ཚད་མེད་སྐྱེས། མཇལ་ཞུ་དང་འབུལ་བ་རྒྱ་ཆེར་བྱས་ཏེ། དགའ་སྤྲོའི་ངང་རྟ་རྒྱུགས་མདའ་འཕེན་དང་། གཞས་

བྲོ་གླུ་གར་སོགས་ཀྱིས་དམག་སྟོན་དཔག་མེད་བྱས་ནས་ཉིན་བཅོ་ལྔ་ཙམ་ལ་བསྡད་པར་གདའ་ འོ། །ཞེས་ལེའུ་ཉི་ཤུ་པ་རྫོགས་སོ།། །།

127

ལེའུ་ཉེར་གཅིག་པ། སེང་ཆེན་རྗེ་བློན་དཔུང་དམག་རྣམས།། རྒྱལ་ཁའི་ངང་ནས་རང་ཡུལ་བྱོན།།

གཞིས་སྡོད་རྣམས་ཀྱིས་བསུ་མ་བྱས།། བཀྲ་ཤིས་ཤ་རྫོང་ཕབ་ཚུལ་རྫོགས།།

ལྷ་གུར་ལ་ཉི་ཟེར་ཕོག་པ་དང་། གླིང་རྒྱལ་ཁབ་དྲུག་གི་དམག་དཔོན་དང་། དཔའ་རྟུལ་

བཀའ་བློན་རྣམས་ལས་གུར་ལ་འཛོམས་ཤིང་། རང་རང་བབ་ཐོབ་ཀྱི་གདན་ལ་འཁོད་པ་ན།

དར་ཁྲི་ཤོག་གི་བློན་རྒན་ཉི་མ་རང་ཤར་དང་། དར་ལུ་ཉི་མ་གྲག་པ་བཅས་དེར་བྱུང་ཞིང་རང་ བབ་ཀྱི་གདན་ལ་འཁོད། ཇ་ཆང་མངར་རིགས་སོགས་ཀྱི་གསོལ་སྟོན་བཞེས་ནས། གསུང་

གླེང་དང་རྩེད་འཇོར་རོལ་བའི་སྐབས། གཡས་གྲལ་གྲལ་གྱི་གྲལ་མགོ། དམར་ཡག་སྟག་གི་

གདན་སྟེང་ནས། ལྡོང་ཁུ་བོ་སྤྱི་དཔོན་རྒྱལ་པོ་དེས་གསུང་པར། ཡ། གླིང་གི་རྒྱལ་བློན་དཔའ་

རྟུལ་རྣམས། ད་དགའ་པོ་ཨེ་ཤེས་འབུམ་དམག་དཔུང་། ང་མི་རྒན་གྱི་བསམ་པ་འདི་འདྲ་ཡོད་ ཟེར་ནས། དལ་བ་རིང་མོའི་ངག་རྟ་ལ་དྲངས་ནས་རང་གི་བསམ་ཚུལ་གསུངས་ཤིང་། ཁྲི་ལ་ བདེ་འདུག་མཛད། དེར་ཡོད་གླིང་གི་དཔོན་དམག་མཐོ་དམན་དྲག་ཞན་ཚང་མས་ལགས་སོ་ ཞུས་ཤིང་མངོན་པར་བསྟོད།

དེའི་སྐབས་སུ་དར་ལུ་ཉི་མ་གྲག་པ་མ་བུ་གཉིས་དང་། བློན་རྒན་ཉི་མ་རང་ཤར་བཅས་ཀྱིས་

རིན་ཆེན་གཟི་ཡི་སྣ་དྲངས་ཏེ། རིན་ཆེན་རིགས་ཀྱི་དགུ་ཚན་གཅིག སྟག་ལྤགས་གཅིག་གིས་

སྣ་དྲངས་ཏེ། གྲ་ཡག་པགས་པའི་དགུ་ཚན་གཅིག སྨན་ཚེ་དར་གྱིས་སྣ་དྲངས་ཏེ། དར་གོས་

རིགས་ཀྱི་དགུ་ཚན་གཅིག ཨ་འབྲུ་ནས་ཀྱིས་སྣ་དྲངས་ཏེ། འབྲུ་སྲན་སྣ་ལྔའི་དགུ་ཚན་གཅིག

128

རྟ་འདོ་བ་ཞིག་གིས་སྣ་དྲངས་ཏེ། རྟ་དྲེལ་རིགས་ཀྱི་དགུ་ཚན་གཅིག མཛོ་ཁྱུང་དཀར་གཅིག་

གིས་སྣ་དྲངས་ཏེ། རྐང་བཞི་ཕྱུགས་ཀྱི་དགུ་ཚན་གཅིག ཤིང་ཏོག་ཨ་མྲས་སྣ་དྲངས་ཏེ། མངར་ རིགས་ཤིང་ཏོག་གི་དགུ་ཚན་གཅིག སེང་གེའི་འོ་མས་སྣ་དྲངས་ཏེ། དཀར་གསུམ་རིགས་ཀྱི་

དགུ་ཚན་གཅིག འབྲུ་བཅུད་ཆང་གིས་སྣ་དྲངས་ཏེ། ཨ་རག་རིགས་ཀྱི་དགུ་ཚན་གཅིག་བཅས་ དགུ་ཚན་དགུ་ཡི་འབུལ་བ་ཕུལ་ཏེ། གུས་འདུད་ཚད་མེད་སྒོས། སྲས་ཆུང་དར་ལུ་ཉི་མ་གྲག་

པས་སེམས་རྩེ་གཅིག་ཏུ་བསྡུས་ཤིང་། ཕྱག་དགུ་མྱུར་མོར་འཚལ་ནས་གསོལ་བ་བཏབ་པ་ན།

སེང་ཆེན་རིན་པོ་ཆེ་ཡིས་ཁོང་ལ་ཕུ་མདུད་མི་རྒོད་དཔུང་བ་ཙམ་ཞིག་དང་། ལྷ་མདའ་གསེར་ ལྟོང་མ་ཞིག་གནང་སྟེ་གསུངས་པར། ཡ། དར་ལུ་ཉི་མ་གྲག་པ་ལགས། བྱིན་རླབས་ཀྱི་རྩ་བ་

དད་གུས་ཡིན་པས། སེམས་དད་གུས་ཡོད་ན་བྱིན་རླབས་འབྱུང་། ལུས་སྡིག་བཤགས་ཀྱི་རྩ་

བ་འགྱོད་སེམས་ཡིན་པས། ལུས་འགྱོད་བཤགས་བྱས་ན་སྡིག་སྒྲིབ་དག སེམས་བྱང་ཆུབ་ཀྱི་ ལམ་རིམ་གཞན་ཕན་ཡིན། ལས་གཞན་ཕན་ཤེས་ན་སངས་རྒྱས་འགྲུབ་པ་ཡིན་གསུངས་ཤིང་།

གདམས་ངག་གནང་། སེམས་རྣམ་པར་དག་པས་ལྷ་མིར་འགྱུར། ད་ཁྱེད་རང་དར་ཁྲིའི་རྒྱལ་པོ་

ཡིན། བློ་གྲོས་རོགས་བློན་རྒན་ཉི་མ་ཡོད། དཔུང་སྡེབ་རོགས་ཨ་སྟག་དམག་ཤོག་ཡིན། གཏམ་ གོ་བ་གྱིས་ལ་ཡིད་ལ་ཟུངས། མ་རྒན་དར་ལྕམ་མཛེས་མ་ཁྱེད། སེམས་རང་སྡུག་མ་གསོག་དམ་

ཆོས་སྒྲུབས། ལྟོ་གོས་ཀྱི་སྡུག་བསྔལ་ཁྱེད་ལ་མེད། ཆོས་དཀར་པོའི་ཡང་སྙིང་མ་ཎི་རེད། ཡིག་

དྲུག་མ་ཎི་ཅི་ཐོན་གྱིས། སེམས་རྣམ་རྟོག་ཕྲག་དོག་ངན་སེམས་སྤོངས། ལུས་ཕྱག་སྐོར་སྒྲིབ་སྦྱོང་ ཅི་འདོན་གྱིས། ལས་ཀྱི་སྒྲིབ་པ་བྱང་ནས་འོང་། མཐར་ཐུག་བདེ་ཞིང་འགྲོ་བས་ཆོག གསུངས་ ཤིང་། སྤྱན་རས་གཟིགས་ཀྱི་ཁྲིད་དང་། སྒོམ་བཟླས་གནང་། བྱིན་རྟེན་ཤོག་སྒྲིལ་ཞིག་དང་།

སྤྱན་རས་གཟིགས་ཕྱག་བཞི་པའི་ཐམ་ག་གནང་སྟེ་བྱིན་རླབས་མཛད། ཁྱོད་ཀྱིས་དུས་ནམ་ཡང་ ཐམ་ག་འདི་ལ་ཕྱག་གྱིས་དང་། སངས་རྒྱས་གྲུབ་པར་ཐག་མི་རིང་གསུངས། ཡང་བློན་རྒན་ཉི་

མ་རང་ཤར་ལ་སེང་ཆེན་རིན་པོ་ཆེ་ཡིས་ལྷ་མདའ་དངུལ་ལྟོང་མ་ཞིག་དང་། རྡོར་སེམས་ཀྱི་སྐུ་

ཞིག་གནང་ནས་གསུངས་པར། ཁྱེད་ཀྱིས་རྒྱལ་སྲས་འདི་ན་ཚོད་མ་སླེབས་བར་རྒྱལ་སྲིད་བཟུང་

129

ཆོག དམག་གི་འགྲོ་འདུག་གྲོས་འདྲ་བ་དགོས་ཚེ། བློའི་གྲོས་རོགས་ཨ་སྟག་ལྷ་མོ་ཡོད། བྱང་ བདུད་དམག་དང་བསྡོངས་ནས་ཤོག ཁྱེད་རང་དུས་རྟག་ཏུ་ཡིག་བརྒྱ་ཆད་མེད་ཐོན་དང་སྡིག་

སྒྲིབ་བཤགས་ཏེ་ཅི་བསམས་འགྲུབ་གསུངས་ཤིང་། རྡོ་རྗེ་སེམས་པའི་སྒོམ་བཟླས་གནང་ནས་དེ་

ཉིན་ཁོང་དཔོན་སློབ་རྣམས་འབྲལ་མི་ཕོད་པའི་ངང་དེར་བཞུགས། ཉི་མ་དེ་ཡི་ཕྱི་ཉིན་གླིང་དམག་ རྣམས་གླིང་གི་ཕྱོགས་སུ་ཞལ་བསྒྱུར་ནས་བྱོན། དར་སྡེའི་དཔོན་བློན་རྣམས་ཀྱིས་ཚུགས་ལམ་ གཅིག་གི་བར་དུ་སྐྱེལ་མ་མཛད་དེ་རང་གི་ཡུལ་དུ་ལོག དེ་ནས་བྱང་གླིང་གཉིས་ཀྱི་མཚམས་

སུ་ཞག་བརྒྱད་ཀྱི་ཐོག་ནས་སླེབས་ཏེ། བོད་ཕྲུག་མི་ཆུང་ཁ་བདེ་ལ་དཔུང་རོགས་རྟ་དམག་བཅུ་

ཡིས་བསྐོར་ནས་གླིང་ཕྱོགས་སུ་བཏང་། ཕོ་བྲང་སེང་འབྲུག་སྟག་རྫོང་ནང་བཅུད་ཀྱི་སྒ་སྐྱ་ལོའི་ སེང་ལྕམ་འབྲུག་མོ་ཁོང་གཟིམས་པའི་རྨི་ལམ་ངོ་མཚར་ཅན་མང་པོ་རྨིས་ཤིང་། ཕྱི་ནངས་སྔ་

བར་མལ་ལས་ལངས། ཁོང་གི་དགོངས་པར། ད་ནི་རྒྱལ་པོ་གེ་སར་དང་གླིང་གི་ལས་དམག་རང་ ཡུལ་དུ་འཁོར་བ་འདྲ་བསམས་ནས། མཁར་ཐོག་ཏུ་སོང་ནས་བསང་མཆོད་སྤྲིན་དཀར་ལངས་

འདྲ་ཞིག་ཕུལ། མེ་ཤེལ་རྒྱང་མཐོང་ཚིགས་གསུམ་དེ་ཚུར་བླངས་ཏེ་ཕྱོགས་ཀུན་ལ་བལྟས་ཙ་ན།

ཐང་ཆེན་ཉི་ཟེར་ཕོག་པ་དང་ལྷན་དུ། བོད་ཕྲུག་མི་ཆུང་ཁ་བདེ་ལ་དཔུང་རོགས་རྟ་མི་བཅུ་ཡིས་ བསྐོར་ནས། རྟ་ཕོ་འགྲོས་གོམ་ཤར་རེ། མི་ཕོ་རྒོད་མགོ་འཕྲུ་སྤུངས་སེ། ཁྲབ་འབུམ་མེའི་འོ ད་ མདངས་ལམ་སེ། དོན་ཆེན་འགྲུབ་པའི་ཁ་དགོད་ཤིགས་སེ་བྱུང་བ་མཐོང་བས། མྱུར་བར་ཕོ་

བྲང་ནང་གདན་ཞུས་བྱས་ཏེ། ཇ་ཆང་ཤ་ཐུད་སོགས་ཀྱི་གསོལ་འདྲེན་ཕུལ། མི་ཆུང་གིས་རྒྱལ་ པོ་གེ་སར་གྱི་ཕྱག་བྲིས་དང་ཆ་འཕྲིན་རྣམས་གཞིས་འདུག་ཕ་ཁུ་མ་སྲུ་རྣམས་ལ་ཞུས། དབྱར་

ཟླ་ར་བའི་ཚེས་བཅུ། གཟའ་ཕུར་བུ་དང་སྐར་མ་རྒྱལ་བཅས་རྒྱལ་ཕུར་འགྲུབ་སྦྱོར་ཤར་བའི་ཉིན་ དེར། ཤ་ཁྲ་མོ་གླིང་གི་དམག་རྣམས་དེར་འབྱོར་ཞིང་། སེང་ཆེན་ནོར་བུ་དགྲ་འདུལ་སྐུ་འཁོར་

དེ་དགུང་ནས་སྦྲང་ཆར་བབ་འདྲ་བྱས་ཏེ་བྱུང་བ་དང་། ཉིན་དེར་གླིང་དཀར་གཞིས་བྱེས་གོ་རུ་ འཛོམས་པའི་རྟག་རྟེན་འབྲེལ་བཟང་། གཟའ་དང་སྐར་མ་བཟང་བས། གནམ་ནས་མེ་ཏོག་གི་

ཆར་བབ། བར་ནས་འཇའ་འོ ད་ཀྱི་གུར་ཕུབ། ས་ནས་བཟང་དྲུག་དྲི་བཟང་གི་ངད་ཐུལ། བླ་མ་གྲྭ་

130

ཚང་རྣམས་ཀྱིས་དུང་དང་རྒྱ་གླིང་སོགས་བྱས་ཏེ་བསུ་མ་དང་། ཕ་ཁུ་མ་སྲུ་རྣམས་ཀྱིས་བསང་

མཆོད་དང་གླུ་དབྱངས་སོགས་བྱས་ཏེ་མདུན་བསུས་ཤིང་། ལས་གུར་མཐོང་བ་དོན་ལྡན་གྱི་སྒོ་ ལ་ཆིབས་གཞོལ་ནས་གདན་ལ་འཁོད། ཇ་ཆང་ཤ་ཐུད་མངར་རིགས་སོགས་ཀྱི་གསོལ་སྟོན་

བཞེས་ཤིང་། གསུངས་གླེང་ཁམས་འདྲི་ངང་དེར་བཞུགས་པའི་སྐབས། སྒ་སྐྱ་ལོའི་སེང་ལྕམ་

འབྲུག་མོས་རྟེན་འབྲེལ་སྨོན་ལམ་དང་ཇ་འདྲེན་ཞུ་དགོས་བསམས་ནས། ལུས་རྒྱན་སྲམ་བསྐོར་ ཁྲབ་ཆེན་དེ་ལ། སྲམ་ཕོ་སྲམ་བརྒྱ་ཡིས་སྒང་བཟོ་བྱས། མོ་སྲམ་བརྒྱ་ཡིས་གཤོང་བཟོ་བྱས།

སྲམ་ཕྲུག་བརྒྱ་ཡིས་སྲུབས་ཟིན་བྱས་པ་སྐུ་ལ་གསོལ། སྐེད་ལ་དུང་གི་ཆ་ཁྲ་བཅིངས། མགོ་ལ་ སྤོས་ཤེལ་གཡུ་བྱུར་བརྒྱན་ནས། མཐོང་བ་ཙམ་གྱིས་ཡིད་དབང་འཕྲོག་པ་ཞིག་བྱས་ཏེ། ཞལ་

ཏ་མ་བརྒྱད་ཀྱིས་བསྐོར་ཞིང་། ཇ་ཆང་འདྲེན་ནས་གླིང་གི་རྒྱལ་བློན་ཚོགས་ལ་ཕུལ་ཞིང་། བཀྲ་ ཤེིས་སྨོན་ལམ་བཏབ། གླིང་གི་དཔའ་རྟུལ་དཔུང་དམག་ཚང་མ་ལ་མཇལ་དར་དང་། ཇ་འདྲེན་ ཆང་འདྲེན་བྱས་ཏེ། འདུ་ར་སྟག་ཐང་ཁྲོ་མོ་ལ་དམག་སྟོན་ཞག་མ་བཅོ་ལྔ་ལ་བྱས་ནས། དགའ་

སྐྱིད་ལྷ་ཡུལ་དང་འདྲ་བ། ཟས་ནོར་ལོངས་སྤྱོད་ཀླུ་ཡུལ་ལས་ལྷག་པ་བྱས་ཏེ། རྟ་རྒྱུགས་མདའ་ འཕེན་དང་། གཞས་བྲོ་གླུ་གར་རྩེད་འཇོ་ལ་ལོངས་སུ་སྤྱད་ནས་བསྡད།

དེ་ནས་ཕྱོགས་ཀྱི་རྒྱལ་ཁབ་སོ་སོའི་དམག་དཔོན་དང་དཔུང་དམག་རྣམས་དང་། གླིང་གི་

དཔའ་རྟུལ་ཚང་མ་ལ་སེང་ཆེན་རིན་པོ་ཆེ་ཡིས་སྲུང་བ་བྱིན་རྟེན་ཆད་ལུས་མེད་པར་གནང་ནས། བཀྲ་ཤིས་སྨོན་ལམ་གྱི་རྫོངས་བ་མཛད་ཅིང་རང་རང་ཡུལ་དུ་ལོག་སོང་ངོ་།།

རྒྱལ་མཆོག་མི་ཡི་ཉི་མ་ཁོང་སྐུ་མཁར་སེང་འབྲུག་སྟག་རྫོང་ནང་། གཟིམ་ཆུང་ཀུན་དགའ་

ར་བའི་ནང་བཅུད་ལ་བཞུགས་ཤིང་། མ་སེམས་ཅན་ཡོངས་ཀྱི་འགྲོ་དོན་དུ་སྐུ་མཚམས་དམ་པོར་ བཞུགས་པར་མཛད་དེ། ནང་མི་མ་གཏོགས་འགྲོ་ས་མེད་པ་བྱས་ཤིང་། ཐུགས་དམ་གཡེལ་ མེད་མཛད་ནས་བཞུགས་པར་གདའ་འོ །། །།

131

ཨ་སྟག་ཤ་རྫོང་།

Dharamsala Distt. Kangra HP 176215

ཤེས་རིག་ལས་ཁུངས་ནས་དཔར་འགྲེམས་ཞུས།

Department of Education, CTA

༄༅། །ཨ་སྟག་ཤ་རྫོང་།

༢༠༡༩

]

གླིང་སྒྲུང་དོན་བསྡུས་གཞོན་ནུའི་མགྲིན་རྒྱན།

ཤེས་རིག་ལས་ཁུངས་ནས་དཔར་འགྲེམས་ཞུས།