Eskola bidea
UDAL ALDIZKARIA
Eskola Bidea
A clase de forma
autónoma y segura El Camino Escolar facilita al alumnado, a través de unos itinerarios planificados y señalizados, acudir a los centros educativos en grupo y a pie. En la actualidad hay tres centros de la ciudad que han puesto en marcha esta iniciativa que, además de promover la movilidad sostenible, favorece la responsabilidad y el crecimiento personal de los menores.
E
skola Bidea Danimarkan sustatutako esperientzia bat da, XX. mendearen bukaera aldean mundu osoan barrena hedatzen hasi zena. Hirian, duela hamarkada bat sortu zen, eta lehenengo erreferentzia Hiriko Mugikortasun Iraunkorreko Plana izan zen, 2009koa. Motordun ibilgailuek mugikortasunaren esparruan gero eta protagonismo handiagoa zuten testuinguru batean, horrek trafikoan eta kutsaduran zituen ondorioak eta beste faktore negatibo batzuk ikusirik, Irungo Udalak hirian oinezko herritarren protagonismoa berreskuratzeko eta bizi kalitatea hobetzeko abiarazi zuen jarduketetako bat izan zen ekimen hau. Funtsean, haurren mugikortasuna eta autonomia hobetzea da Eskola Bidea proiektuaren ardatza, eta toki administrazioa, hezkuntza komunitatea eta inguruko gizartea sartzen ditu tartean. Are gehiago, ikastetxe bakoitzaren behar eta ezaugarrietara egokitzen da, haurrak eskolara modu autonomoan joan ahal izatea bermatzen duten ibilbide seguruak diseinatzeko.
10
Esan bezala, Irunen, duela hamarkada bat eman ziren lehenengo pausoak. 2009-2010 ikasturtean, Udaltzaingoko Bide Segurtasuneko Hezkuntzako Departamentuak proba pilotu bat egin zuen, baina ez zion eman jarraipena. 2013-2014 ikasturtean, berriz, ikusita Eguzkitzan bazirela artean proiektuan parte hartzen zuten ikasleak, ekimena sustatzea erabaki zen, ikastetxe horrekin elkarlanean. Proiektua askotariko jarduera eta ekintzen bidez hasi zen lantzen ikasgeletan, eta, horrela, ikasleek zein familiek xehekiago ezagutu ahal izan zuten. 2016tik, guztiz ezarrita dago, ikastetxeak barneratuta dauka, eta ikasleak leku jakin batzuetan elkartu eta eskolara elkarrekin eta oinez joateko gelditzen dira. Eskolako komunitatea inplikatzea funtsezkoa da programa garatzeko. “Udalak prozesu osoan laguntzen du, eta proiektua sustatzeko laguntza ematen du, baina ikastetxeek parte hartzea ezinbestekoa da; bestela, zentzugabea litzateke”, azaldu du Mónica Barroso Mugikortasuneko teknikariak.
Eguzkitza, Elatzeta y Dunboa ya tienen fijados sus recorridos, mientras que este curso ha comenzado a trabajar en ello La Salle Azken bi ikasturteetan, Elatzeta eta Dunboa ikastetxeetan ere eraman dute aurrera prozesua. Horrela, parte hartzaileak eskolara joateko “autonomoak izateko” bideak zehazten dira. Hain zuzen ere, horixe da ekimenaren balioetako bat: mugikortasun jasangarriarekin batera, maila pertsonalagoan, adingabeen erantzukizuna eta hazkunde pertsonala sustatzen ditu.
ABENDUA 2019
