UDAL ALDIZKARIA
Obrak
HEGO INGURABIDEKO LANAK, AURRERA Biribilgunea berrurbanizatzeko lanen barruan, ekipamendua instalatu da, eta, horrela, nabarmen hobetu da Palmera-Montero ingurua. Zehazki, haurrentzako parke estali bat, adinekoentzako gimnasia aparatuak, berdeguneak eta egonlekuak instalatu dira, zati bati teilatua emanda.
L
ehenengo fasean, zeina 2021 hasieran bukatuko den, bide berriak Oñaurre eta Txenperenea komunikatuko ditu. Mugikortasunaren ikuspegitik, proiektua funtsezkoa da Irunentzat, hirian sartzeko beste aukera bat emango baitu; izan ere, Oñaurre parean autobidean eraikitzen ari diren lotune erdiarekin komunikatuta egongo da bide berria. Hego ingurabidea aurrera doa, bide berria kokatuko den lekuan beharrezkoak diren lur mugimenduak eginda, eta, lehenengo fasean, batetik, Oñaurre eta, bestetik, Larreaundi eta Lapitze auzoak lotuko ditu. 2021ean da zabaltzekoa, eta inguru horretan Irunera sartzeko beste aukera bat emango du, Elizatxo hiribidekoaz gain. Lehenengo fasean eraikitzen den errepide berria 700 metro inguru luze izango da, eta hiru errei izango ditu, baina
6
errepidea zabaldu eta lau errei erabiltzeko aukera izango da. Errepide berria Txenpereneko bideekin komunikatzeko eta Euskal Herria hiribidean sartzeko lotunea, berriz, 200 metro inguru luze izango da, eta noranzko bakoitzeko errei bat izango du. Gipuzkoako Foru Aldundia Oñaurre parean autobidean eraikitzen ari den lotune erdiarekin lotuta egongo da hego ingurabidea. Horrela, hirian sartzeko beste aukera bat sortuko da, mugikortasuna eta zirkulazioa hobetu nahian. Azken hilabeteotan, bi leku nagusitan egiten ari dira lanak. Batetik, mugimendu nagusi baina ez oso bistakoak autobidearekiko paraleloan egiten ari dira: bideak irekitzea eta lurrak kentzea eta, lanek aurrera egin ahala, Oñaurre eta Txenperenea artean bideari eutsiko dioten hormak eraikitzea.
ABENDUA 2019
