Wata

Kekeri patakajaña asatama, watarii. Kiwape u’kwa u’kwa, kiwa tonchkipe, i patasatama. Watama pata satari patakaja krira. Pechchuara ñerururi pech as Wata tichka’pima, kortaa arwaa saejna richkwa. Kajka manas kerma korta arwaa Wata tich kerpima, kawaker ruri kuk taya asña; kao askira kacheraruri. Pech sirama, asee kaku, takach asowachita, yuku ikis kari. Kacherape akatichkerwa kajaña warki kaweke ruri ke wata ker.

Watama amankira turi aunatani aschuri.

Katok aka askira ruri arñerapira watara. I katokñama pech akape sira aira tokkra ichkerruri, sirama. yuku iriska, munia kaku. Watama suasukuturi sainariras katunpe ichkururi akajayo. Wata ñachuma ekaña chei ariruri, pech apairuma, pechwakwyo kamas wakikariruma kaach tapakururi. Pech apairuma ekaña c h e i airuri, pech apairuma, pechwakwyo kamas wakakiruma kaach tapakururi.

Watama untachuichki au chaen karachua turi (sainaras) wata ariruri