Kaja pech kuk saina

Kekeri chita’ma wajama chaen kiraruri, wajama kataskerturi añama pechwarwacher, rasu. Asobriñama kataskerturi ana’ma paiña asowara akata’kuras uca, siña cherras. Kuk saina arñanaiwa añamu pechwakwa ucha iwa cher ruri. Añama pechma techkerturi pechwakwa iwa kasukujerkwara. I kuksainamalerwa: waku, chokwa, wawata achkita peji sapusti ika perspersko, Achkitapejima kwemis’aso uruña chertape ii bonaruri. Unta katorama ñalerwa: yojra ika saki asken katichbarwa tibiwa sonkwari asken katichbarwa. Warka patakipira ichkerwa Pai intaskuruña tasbara atuk untakiruwa, akari ima unta aria tichbirpipera chaa aa pera, akarike ubraus barturi. Ubrarsi katasrima pechwakwa tonchkipakerwa. Awechku pata kuk chain kaa chaparwa ekama patakarikas.