Akatuk, titulo ira twas awikawa

Awechku ñaju ira ñewas titulo

Titulo 1 : Uriri akatipar. Titulo 2: Kuk kri chaa chapra. Titulo 3: O chaawa akapechkan.

Piara ñewas titulo as as akamanasku.

Ke kiwape mil kwi, arwama o chewa akapechyo. Arwa aspokma amenchkri. Iken kira kwas akapechkerwas. Cherapekira kwas awich apechri. Amechkra makina we kiri.

Kiratape nebonra avion kiri.

Urima tonchki pakerwa unwaña i kukñama. Uri awak akitiparyo arwara a’pichewa’ke kiwape kakiwa. Urima chua pia piarina kuk kriña: Hondurasñama kaiman tikakirua urira cherma aso uya ika laguñari ekama asoña’pe cherwa. Kaiman o uri cherma departamento del norte, atlantico, ika surñari urima tonchkalerwa, cherña warkache par ras.

Taman akatichkwa makina kayo. Iña warkakiwa. Akachkwa awarkwa wechwa. Ikitama makina a’raña awiwa. warkwa au tunji, aña chana patakiwa. Makina katunchpima combustible achajparwa. Eñarichkwa combustible tis unkatichpra kaa petrolio chii apaskuras. Ika petrolioma a as tonchpe. Kaja naunma combustible aunkatichkertwa.

Titulo 3

Titulo 1

Ajchuwichpra ñapra Kadejo

Kuk atensña (Roatan) kwi we kiwa. Kwasa warki cherruri. Tawawa ta ichki kakañas kadejo as arpaski. Tawawa kadejo arpaskumakwi ukwa tach kii, awayo wi apaskri. A kakañama krira misonra apairi. Tawawa ke wiña chii apaskuma a echkinei foco asyo, ta´ya chuchu ayes arparski. Tawawa arechkuma chuchu awa akari ika piwari. Chuchu awa chei akatii trokki, apichewa opirichki, sa as sukuji chuchura kipirichki. Akachkwa chuchuma akatichkwa chei, achen tawawa oji apaski uwari neboni akaoña. Toki achewama tamuchewakiri awakiña asukri. Chrepichkwa a’taki awawa tiki i kakirema tajña techkuti. Achen warki mistokki techti apari awayo.