Tatus takaki mani ta’koskwa

Kaki, tatus mani ye mai kakachii ye korta asri ajchiwich ejñas kawichkri. Ikanki cherpis ka’chiwichkri ai mani kaja cherña. A asri kaki tusri chreachiri pech yeyo kawichkri ira kachiwichkris. Atus mani tikakii maniayera ailermakaki, tus, apa’cha aok, awawa asuwa, kore ka’para; takore ika takapa ayerina taorki tapachalerwa. Tatus mani tikakii taima ta’chiwichkri kawarka respetakaa mani chuara suarani kaki mani kaichki, akaki atus we katuch keruri. Pech kukchera pechwakwa akwayorina cher ruri. Tibitichkra sak, repollo tichker ruri aakukachipira. Kaki mani kaichki, yeri ña ajchiwichki atus mani kan. Takaki atus mani pakuri kaja akuña ajchiwichpira ikan cherwasre. Mani aye ajchiwichkri pech archa we kachenruwa.