Aguraindarron bizitzak hobetzeko proposamenak

Alokairu

Pertsona orok du etxebizitza duina izateko eskubidea, eta badakigu Agurainen hori ezinezkoa dela gaur egun.

Etxebizitza eskuragarrien kopurua handitze aldera, kultura berri baterantz egingo dugu aurrera, non lehentasuna emango baitzaie etxebizitza hutsak erabiltzeari, alokairu publikoa sustatzeari eta birgaitzeari.

Agurainek 2025ean estreinatuko du alokairu sozialeko etxebizitzen udal parke publikoa, alde zaharrean 11 etxebizitza dituena, eta gure udalerriko benetako beharrizanetan oinarritutako etxebizitza plan bat egingo dugu.

Urbideri eskatuko diogu Aguraingo eta

Ergoienetako uraren hiri-zikloaren kudeaketa berriz udalaren esku uzteko, gure eskumena berreskuratzeko. Uraren kudeaketak publikoa eta gertukoa izan behar du.

Urbideri eskatuko diogu, kudeaketari eusten dion bitartean, jarduketen kronograma bat egin dezala edateko uraren hornidura- eta banaketa-sarean dauden arazoak konpontzeko (fibrozementu-sarea, ur-galerak, "lapurretak", etab.).

Kontsumoen murrizketa eta energia berriztagarrien bultzada publikoa

Energia-premia publikoak asetzeko plan espezifiko bat egingo dugu, bai kontsumoak murrizteko eta baita berriztagarriak ezartzeko. Herriekimenak sustatuko ditugu, energiakomunitateak sortzea sustatuz.

Gure ingurune berdeak eta errekak zainduko ditugu

Aguraingo eta inguruko ibai eta errekak garbitzeko plan bat garatuko dugu, eta Pedroko, Galzar, Zubi Gorria, Hilerriko Bidea eta Siloak garbituko ditugula bermatuko dugu, besteak beste.

Pertsonentzako seguruak izango diren bide ezmotorizatuak egingo ditugu

Motorizatu gabeko bide seguruak sortuko ditugu pertsonentzat udalerrian zehar, Agurain, Ergoienen eta industrialdeen artean dauden hesiak gaindituz.

Zerbitzu publikoen eta kontratu berrien jarraipena

Kontratazio guztien jarraipena egingo dugu, eta kontratazio berrietan gizarte-, ingurumen- eta berdintasunklausulak sartuko ditugu. Beharrezkoa da gure bide publikoak behar bezala mantentzea.

Eraikin publikoen kudeaketa eta berrantolaketa

Udal espazio edo eraikin batzuk, gaur egun abandonatuta daudenak, erabilera kultural eta sozialerako egokituko ditugu, irisgarritasunneurri egokiak bermatuz.

Aguraingo beharrekin bat egiten duen kirol eremua

Gaur egungo kirol-instalazioak zaharberritu eta hobetuko ditugu. Azpiegitura berrien obrei egingo diegu aurre, dauden beharretara egokituko direnak eta herritar eta klubekin adostuko direnak.

Merkatari eta enpresen alde egin ditzaketen neurriak bultzatuko ditugu

Aguraingo sektore desberdinetako enpresen eta Udalaren artean mahai bat sortuko dugu, interes orokorretik lankidetza estuagoa bultzatzeko.

Osasun-zentroa indartzea, osasun mentalari lekua eginez

Eusko Jaurlaritzarekin bitartekarilana egingo dugu, psikiatria-zerbitzu iraunkor bat eskatzeko, prozesu terapeutikoen jarraipena egiteko leku eta maiztasun egokiekin.

Sexualitateei arreta eta aholkularitza emateko zerbitzu bat jarriko dugu martxan.

Zerbitzu honen bidez, pertsona orok bere sexualitatea modu aske eta positiboan bizitzeko behar duen informazioa, arreta eta laguntza eduki ahal izatea bermatuko dugu.

Javier Argote Urzelai

Batzar Nagusietarako

Lur Jareetako hautagaia

Gustavo Fernández

Villate

Arabako Lautadako

Kuadrillako lehendakarigaia

AGURAIN, DULANTZI, ASPARRENA, BARRUNDIA, DONEMILIAGA, IRURAIZ-GAUNA, ELBURGO ETA ZALDUONDO

Raúl López de Uralde Agurainen, Tito Lasarte Dulantzin, Txelo

Auzmendi Asparrenan, Igor Medina

Barrundian, Erika Letamendi

Donemiliagan, Iratxe del Barco

Iruraiz-Gaunan, Mónica Cuesta

Burgelun eta Lurdes Lekuona

Zalduondon dira, Arabako

Lautadako Kuadrilla osatzen duten zortzi udalerrietako EH Bilduren zerrendaburuak.