Laerskool stellenbosch 1 2014

SKOOLKOERANT van LAERSKOOL STELLENBOSCH

EERSTE KWARTAAL 2014

Stellies het mev. Charné de Kock, mev.

Suid-Afrika 2013/2014, se uitreikprojek vir die Rooikruis Kinderhospitaal ondersteun.

Ouers en leerders het hulle harte oopgemaak en mildelik bygedra om kinderharte gedurende Valentynsdag gelukkig te maak. Geskenke en ‘n kontantbedrag was ingesamel.

Baie dankie aan almal wat hierdie poging en dag spesiaal gemaak het. Almal se ondersteuning en goedhartigheid word opreg waardeer.

Stellies het ook Valentynsdag op ‘n unieke wyse, met die tema “Crazy feet”, gevier. Was dit nou vir jou ‘n interessante tema.

Leerders, sowel as die opvoeders, het met unieke idees na vore gekom. Vanaf geverfde voete tot Spar plastieksakke was tentoongestel. Daar was ook temawenners vir die dag aangekondig.

Die graad 5B-klas het ‘n kreatiewe poging aangewend en almal in die klas het ‘n letter op hul voet geverf en aan die einde van die dag die woord Valentynsdag uitgebeeld.

Baie geluk aan juf. Carlien Fourie en die leerders van graad 5B.

REDAKSIONEEL ONS SPAN Redaktrise : Greteli Fincham Redaksielede : Jakob Holm Marina Schoeman James Bekker Elmarie Swanepoel Clara Dudley Lize du Toit Lisa Viljoen Mayan Stegmann Talyah Greyling Paul Ellis Inge van Heerden Alwo Dercksen Jan-Dirk Randewijk Redaksionele Assistente: Koördineerder : Marlene van der Westhuizen Jolande Botha Ilze-Marié Götze

BOODSKAP bl. 2 & 3 Uit die kantoor Redaktrise se brief

ONNIES EN HUL DINGE bl. 4 & 5 Personeelspanbou naweek.

Nuwe onnies Trouklokkies lui.

NUUSBROKKIES bl. 6 & 7 Nuwe Boschpraatjies redaksie 1ste semester leerderraad Stellies is twee seuntjies ryker.

Stellies is tops Nuwe Klaskamers

SENIORFASE bl. 8 & 9 Buitelugopvoedingskampe

MIDDELBLAD bl. 10 & 11: Interkleure Atletiek GRONDSLAGFASE bl. 12 & 13 Welkom aan Graad 1’s Bugz uitstappie Wie is wie?

Wat wil ek eendag word?

Bak-en-Brou

Renika Stramrood Bladuitleg : Lelanie van der Berg Foto’s : Digital Image Warehouse Die BOSCHPRAATJIES word kwartaalliks deur Laerskool Stellenbosch uitgegee en word deur Minuteman Press Somerset West gedruk.

Advertensie-navrae : Jolande Botha en Lelanie van der Berg E-pos: lelanievdb@gmail.com

Baie dankie aan

AKTUEEL: bl. 14 Stapklub Boekresensie Fliekresensie

VAKANSIEPRET: bl. 15 KULTUUR: bl. 16 & 17 Stellies vier kultuurweek

SPORT bl. 18 & 19 Neelsie Prestige atletiek Swartland swemgala Fanie Theron atletiek Joe Grindlay swemgala Eikestad Dubbelstoernooi Boland Atlete

AGTERBLAD bl. 20 Interkleure Swemgala

vir al die kwaliteit foto’s wat julle tydens skoolbedrywighede neem en ook jul onbaatsugtige diens aan ons skool.

Ons waardeer dit opreg!

2.

BOSCHPRAATJIES EERSTE KWARTAAL 2014

Daar is tans gedurig kritiek in die media oor die onderwysstelsel in Suid-Afrika. Dit is egter ‘n verwronge beeld en ‘n growwe veralgemening. In Laerskool Stellenbosch word deurlopend ‘n baie hoë akademiese standaard gehandhaaf. Die onlangse uitslae van die sistemiese evaluering wat by die gr.3- en gr.6-leerders gedoen is, getuig juis van ‘n baie hoë standaard. Laerskool Stellenbosch het pas ‘n toekenning van die Minister van Onderwys, mnr Donald Grant, gekry vir die uitstaande resultate wat in Wiskunde behaal is.

Daarmee saam ‘n kontantprys van R20 000. Die onderstaande tabel dui ons leerders se uitstekende prestasies aan.

Vak en graad

L/S Stellenbosch

Distrik

Provinsie

Wiskunde: graad 3

98,7%

46,6%

55%

Wiskunde: graad 6

93,8%

19,1%

28,3%

Die jaarlikse eksterne eksamens : Annual National Assessments (ANAS) wat elke jaar afgeneem word, onderskei ons ook van die res, soos die onderstaande tabel aandui.

Vak en graad Graad 1: Wiskunde Afrikaans Graad 2: Wiskunde Afrikaans Graad 3: Wiskunde Afrikaans Graad 4: Wiskunde Afrikaans Graad 5: Wiskunde Afrikaans Graad 6: Wiskunde Afrikaans

L/S Stellenbosch

Distrik

Provinsie

98,81 98,84 99,98 99,98 93,84 91,34 97,93 97,81 93,17 98,86 97,76 97,87

66,93 62,80 63,72 62,15 63,83 56,27 31,17 58,09 25,70 56,29 30,98 68,33

73,27 74,60 74,61 73,46 64,92 53,75 36,51 57,17 31,37 55,23 37,28 67,36

Buiten die eksterne evaluering van die Departement van Onderwys is ons deel van vyf skole regoor Suid-Afrika wat vir die afgelope 10 jaar reeds saam standaarde stel. Die skole is Paarl Gimnasium, C & N Primêre Meisieskool Oranje (Bloemfontein), Laerskool Constantiapark (Pretoria), Laerskool Pietersburg-Oos en Laerskool Mooirivier (Potchefstroom). Dit behels onder andere die uitruil van vraestelle en gereelde gesprekke onder mekaar.

Sjoe julle! Wat ‘n opwindende kwartaal propvol wonderlike prestasies in tennis, swem, krieket en nog vele meer! Ons leerders is ook vreeslik bederf met heerlike graadkampe en ‘n interessante kultuurweek. Alles is in ‘n oogwink verby!

Ons almal het lekker uitgerus tydens die Desember vakansie en ‘n paar van ons mis sekerlik die sand tussen ons tone! Daarna was dit weer tyd vir skouer aan die wiel sit! Julle weet seker nou nie veel van die nuwe Boschpraatjies se redaksielede nie, maar ek glo julle sal vinnig uitvind en die Boschpraatjies net so geniet soos wat ons dit geniet om dit te skryf en bymekaar te sit.

ONTHOU: Moenie die kwartaal beskou as net nog ‘n kwartaal wat verby is nie. Elke dag is ‘n geskenk van God en ‘n geleentheid om mooi ʺmemoriesʺ te maak. Gryp die dag en leef voluit!!!

BOSCHPRAATJIES EERSTE KWARTAAL 2014

3.

Vrydagmiddag, 24 Januarie 2014, na ‘n heerlike groen oorwinning, het ons hardwerkende onnies na Swellendam vertrek vir ‘n welverdiende breuk. Moenie vir een oomblik dink dat hulle net in die son gaan lê en lees het nie. Nee, wat. Ons Stellies - onnies is propvol energie en sal vir ‘n paar van ons atlete ore aansit. Die Vrydagaand het met die nuwe onnies se gebruiklike konsert afgeskop, waar karakters soos Nataniël, Flooz van Witbank, Hilda van 7de Laan, ens. nagemaak was. Lekker man, lekker! Die Saterdag is allerhande watersportaktiwiteite soos kano, ski en ʺfoefie slideʺ aangedurf waartydens meneer Hawkie se span die wenners was. Die manne het weer met hul heerlike potjiekos beϊndruk, terwyl die juffrouens mekaar met ʺbowlsʺ aangevat het. Ook hier is nuwe talent ontdek!

Die aand is op ‘n hoë noot afgesluit waar hul musiekkennis uitgedaag was. Almal was weer Sondagmiddag veilig tuis en vol nuwe moed en ywer vir 2014! Juffrou Lelanie was, soos gewoonlik, paraat agter die lens! Gaan kyk gerus op die kommunikeerder na die spanboufoto’s.

Greteli Fincham

4.

BOSCHPRAATJIES EERSTE KWARTAAL 2014

Stellies is 4 nuwe onnies ryker. Hier is die nuwe onderwysers wat by ons aangesluit het.

Ons Onnies het aan die jaarlikse Gino’s wedlooop deelgeneem.

Baie geluk met jul puik prestasie.

Vlnr: Noeline Southey (Gr.1), Marlene Bouwer (Gr. R), Tiaan Ellis (Gr.7), Shani Visagie (Gr.R) en Rozelle Koch (Eekh.)

Vlnr: Renika Stramrood, Renaldo Payne, Dawie de Vries, Carine Mocke, Elmarie Stoeder Afwesig: Rozelle Koch en Lise Viljoen

Waar en wanneer het julle getrou?

6 Desember 2013, in Stellenbosch Moederkerk en die onthaal was by Watervliet in Jonkershoek.

Was daar ‘n tema?

Ons was nie aan ‘n tema gebonde nie. Ons wou net ‘n mooi wit troue hê, so als was omtrent wit gewees, met so ’n bietjie mintgroen waaroor ons altwee baie mal is.

Wat was vir julle die hoogtepunt van die dag?

Die hele dag was een groot hoogtepunt. Dit is nie elke dag wat ‘n mens so mooi en perfek voel nie. Daar was baie spesiale oomblikke: die instap en mekaar sien, die “ja”- woord, die graad 4-leerders wat ons met ‘n liedjie verras het, die twee wit duiwe (ons twee engele) wat ons laat vlieg het, die opening van die dansvloer en nog vele meer.

Hoe was dit om ‘n paar kinders van die skool daar te hê?

Dit was wonderlik om al die vriendelike gesigte in die kerk te sien.

Het julle ‘n spesifieke troukar gehad? ‘n Mercedes CLK 500S (‘n vinnige kar vir mnr. Dawie, maar tog ook stylvol).

Waar was julle op wittebrood?

Ons het in Sodwanna gebly en ook daar gaan skubaduik.

BOSCHPRAATJIES EERSTE KWARTAAL 2014

5.

Agter (vlnr): Jakob Holm, Marina Schoeman, Lize Viljoen, James Bekker, Talyah Greyling, Lize du Toit, Inge van Heerden.

Voor (vlnr): Elmarie Swanepoel, Mayan Stegmann, Greteli Fincham (Redaktrise), Paul Ellis, Clara Dudley.

Agter (vlnr): Pierre de Wet, Maya van Aswegen, Elise le Roux, Kara Barnard, Jana Liebenberg (Onderhoofdogter), Paul Ellis (Onderhoofseun), Arno Heenop, Greteli Fincham, Johann Mocke, Wynand Neethling.

Voor (vlnr): Madeleine Basson, Clara Dudley, Ruan Hanekom, Talyah Greyling (Hoofdogter), Jan-Hendrik La Cock (Hoofseun), Jeannie Jooste, Christiaan van Lamp, Tjaart Esterhuyse.

6.

BOSCHPRAATJIES EERSTE KWARTAAL 2014

Tydens die Wes-Kaapse Onderwysdepartement se sistemiese toetse vir Graad 3 en 6 van 2013, het ons skool besonder goed presteer. Daar was op Dinsdag, 18 Februarie ‘n provinsiale prysuitdeling en ons het ‘n toekenning vir uitnemendheid van uitkomste in Wiskunde en ‘n kontantbedrag van R20 000,00 ontvang. Om hierdie toekenning te ontvang is ‘n geweldige eer. Dit reflekteer die onderwysers se ywer en toewyding waarmee hulle ons kinders al die nodige vaardighede aanleer. Die Agbare Minister van Onderwys, mnr. Donald Grant, het die toekenning, tydens die baie deftige geleentheid, aan ons oorhandig. Baie geluk aan ons leerders met hul puik prestasies, maar ook aan die onderwysers vir hul wonderlike werk in die klaskamer.

Ek wonder wie van julle het agtergekom dat ons ‘n nuwe gebou by die grondslagfase het? Indien nie, moet julle ‘n draai by ons graad 1’s, waar ons nou vier klasse het, gaan maak. Die bouwerk het einde verlede jaar begin en is gedurende die somervakansie voltooi. Ons het ‘n rekordgetal graad 1’s wat ingeskryf het. Juffrou Noeline is die nuwe klasonderwyseres. Dankie, meneer Hawkie, dat ons die voorreg het om nog ‘n klaskamer te hê en dat Meneer raaksien wat ons skool nodig het!

Op die foto (vlnr): me. Penny Vinjevold (WKOD) , juf. Adiska du Preez, mnr. Jacques Horne (adjunkhoof), juf. Renika Stramrood en mnr. Donald Grant (minister van Onderwys Wes-Kaap).

Luca James Such is op 17 Februarie 2014 gebore. Sy gewig was 3,775kg by geboorte. Hy drink en slaap goed en ons geniet elke oomblik saam met hom! Ons is baie dankbaar vir hierdie wonderwerkie.

BOSCHPRAATJIES EERSTE KWARTAAL 2014

James Richard Horne (die 5de JR), gebore 11 Desember 2013 om 14:50 te Stellenbosch Mediclinic. Hy was 3.12kg by geboorte envandag weeg hy al 6.9kg. Elizabeth is baie lief vir haar boetie. Hy het al klaar rugby as sy gunsteling sport gekies, want hy gaan vir die Springbokke speel en hy hou van Brandi Carlile se musiek.

7.

Die graad 4’s het die 6de en 7de Februarie op hul jaarlikse graad 4kamp gegaan. Dit het met ‘n lieflike oggend by die Simonsberg kampterrein, by Kanonkop, afgeskop. Die leerders was baie opgewonde en die ouers op hulle senuwees! Gelukkig het die aktiwiteite vinnig begin en almal het dit vreeslik geniet. Vir aandete is heerlike roosterkoeke gemaak en almal het lekker geslaap. Dag 2 se hindernisbaan het vir hope opwinding gesorg. Almal was hartseer toe die ouers kom, want 2 dae is hopeloos te kort vir so ‘n lekker kamp!

Volgens die graad 5’s is daar net een woord om hulle kamp te beskryf, AWESOME! Met aktiwiteite soos rotsklim, hindernisbane en kussinggevegte kan mens glo hulle het die kamp so geniet. Hulle kon ook diere soos kamele, alpakkas, donkies, koeie, ystervarke en nog ‘n hele klomp ander diere voer. Vandat hulle by die huis gekom het kon hulle nog nie daaroor ophou praat nie! Volgens hulle is die SOS kampterrein, naby Villiersdorp, die beste kampplek ooit!

8.

BOSCHPRAATJIES EERSTE KWARTAAL 2014

Bergkroon kampterrein sal nooit weer dieselfde wees nie. Die graad 6-groep het hierdie jaar baie opwinding en avontuur op hul jaarlikse kamp ervaar.

Die leerders het baie geleer van Fynbos en die verskillende bome en plante wat ons in hierdie tipe plantegroei kry. ‘n Naguitstappie was onderneem, waar die leerders na die naggeluide moes luister. Van die graad 6-leerders erken dat dit nogal “scary” was. ‘n Hindernisbaan onder die brug het groot pret verskaf en die leerders was aan die einde vol modder. Wellington is bekend vir sy hitte, maar ons graad 6-groep kon lekker in die swembad van die kampterrein afkoel. Natuurlik was die slangvertoning een van die hoogtepunte wat die leerders die meeste geniet het.

Volgens die graad 6-leerders was dit ’n wonderlike ervaring.

Hierdie jaar het die nuwe graad 7-groep, van 28 tot 30 Februarie, by Melkbosstrand gaan kamp. Ons was gelukkig om die hele tyd perfekte somerweer te kry. Alhoewel daar nie 'n swembad op die kampterrein was nie, het ons 'n yskoue see tot ons beskikking gehad. Met kletterende tande en gevriesde tone was dit 'n koel lafenis. Mnr. Deon, ons kampfasiliteerder, het ons baie van seediere en plante geleer. ’n Fantastiese slangvertoning was baie leersaam.

Van Kaapse kobras tot ’n luislang was deel van die vertoning. Leerders het heerlike roosterbrood op die kole gemaak en gesellig om die kampvuur gekuier. Die ekskursie was ook 'n tyd van lag en danspassies wat “Step Up” tot skaamte sou dwing. Party kinders se kamp is ongelukkig 'n bietjie kortgeknip deur ‘n tennistoernooi en dan ook nog 'n maagvirus wat 'n paar van ons fynbesnaardes getref het.

Die graad 7-kamp kan definitief as een van die hoogtepunte vir 2014 opgeskryf word.

BOSCHPRAATJIES EERSTE KWARTAAL 2014

9.

Op julle merke… gereed… WEG! Stellies se 2014 Interkleure atletiek was ‘n reuse sukses. By die grondslagfase byeenkoms het Lukas Heyns briljant gehardloop. Die hitte tydens die velditems was ondraaglik, maar ons word nie verniet Stellies genoem nie; ons gee nie sommer moed op nie! Die massadeelname van die leerders, asook die ondersteuning wat leerders vir mekaar gegee het, was fantasties om te sien.

Die groot dag het gekom!

INTERKLEURE: Groenes wen uiteindelik! Die geesbeker gaan aan: Wit. Sjoe! Hulle het sonder ophou hul atlete ondersteun. Baie geluk! Julle verdien dit. Rooispan, volgende jaar is julle tops! Dis so spesiaal om te sien hoe elke Stellie deelneem en sodoende die maksimum punte vir hul span aanteken. Die sterre van die dag was Jana Liebenberg, Emma Bekker, Anouk Heuer, Carl Roodtman en Wynand Neethling. Aan elke personeellid, ‘n groot dankie vir u harde werk. Almal het die dag vir Stellies opwindend gemaak!

Daar was 101 splinternuwe Stellies op die eerste dag van skool. Dit is natuurlik ons graad 1’s. Hulle het tog te pragtig in hulle splinternuwe skoolklere gelyk en ons was beïndruk met hoe hulle uit volle bors die Volkslied kon sing. Daar is vanjaar vier graad 1-klasse en ons leerders het sommer dadelik aan die werk gespring. Geniet julle graad 1-jaar. Ons is seker julle sal baie gelukkig hier by ons skool wees.

Ivana Skinnir: ‘n Haarkapster, want dit is lekker om met iemand se hare te speel.

Wat is jou gunsteling ding om in die klas te doen?

Simon van der Merwe: ‘n Dokter, want dit is lekker om mense beter te laat voel.

Marcel: Om te skrywe.

Sophia: Om te werk.

Charl: Om te speel.

Milla: Om te teken.

Michael Sperling: ‘n Dokter, want mense moet beter voel as hulle siek is.

Wat dink jy is die werk van die leerlingraad?

Kelsi Paulse: ‘n Dokter, want hulle gee inspuitings en stroop.

Zita: Om dinge te bou.

Mortie: Om voor te staan.

Mieke: Te kyk of ons soet is.

Simon: Huiswerk te doen.

Wie dink jy is ons onderhoof?

June: Mnr Visser.

Talula: Mnr Hawkie.

Christof: Mnr Dommonique.

Adriaan: Mnr De Villers.

Wie dink jy is ons skoolhoof?

Ivanna: Mnr. De Villiers Gith: Mnr. De Villiers Louw: Mnr. Dommo Kiara: Mnr. De Villiers

12.

Tatum Wentzel: ‘n Plaasmeisie, want ek hou van diere.

Jacobus Steenkamp ‘n Boer, want ek hou van skape, koeie en hoenderhane.

Anouk Theron: ‘n Ma, want ek hou van babas.

Hanno Janse van Rensburg: ‘n Professor, want ek hou baie van kinders.

Ons gr.1’s was Donderdag, 27 Februarie op ‘n uitstappie na Bugz speelpark. Ons het die hitte trotseer deur lekker in die waterbootjies te trap. Die hoogtepunt van die dag was die treinrit. ‘n Springkasteel en trapkarre het ook groot opgewondenheid verskaf. Dit was ‘n heerlike uitstappie en elke leerder het dit baie geniet.

BOSCHPRAATJIES EERSTE KWARTAAL 2014

Een van die dae gaan Stellies met ‘n bekende sjef spog.

Die Graad R-leerders hou elke Vrydag ‘n Bak-en-Brou. Die kleintjies geniet dit verskriklik om hul eie produkte te maak.

BBB skep ‘n veilige, positiewe leer ervaring vir kinders van die ouderdom 5 en ouer. Die volgende word aangebied: 1) * Ekstra klasse vir alle vakke graad R – graad 7 * Studie metodes en eksamen voorbereiding gr 3 – 9 * Skoolgereedheid programme vir graad R leerders @ R150 per uur vir 1 leerder, R100 per uur elk vir 2 leerders 2) * Geïntegreerde Leer terapie – ‘n Program vir leerders met leer probleme (gebruik as alternatief tot medikasie) * Berading (CCSA geregistreer) – angs, selfbeeld - en identiteits probleme, sosiale en gedrags probleme, trauma @ R250 per sessie 3) * “Sound Therapy” – bevorder ouditêre prosessering, hiperaktiwiteit, konsentrasie en fokus, klank- en ander sensoriese sensitiwiteit @ Pryse verskil volgens behoeftes van individuele leerders Vir meer inligting kontak Deerdré Gouws by 078 080 1521 of reach@bigbrightbrains.co.za.

BOSCHPRAATJIES EERSTE KWARTAAL 2014

13.

Die Stapklub gaan elke jaar, in die warm somermaande, na die Tweede Waterval in Jonkershoek. Dit is een van die heel mooiste klowe in die Boland en baie gewild onder stappers. Ons trek vroegoggend by die Witbrug weg en stap met ‘n pragtige voetpaadjie tot hoog in die Tweede Waterval se kloof. Die bergwater is kristalhelder en dit lyk regtig asof die Hobbit daar kan bly. Ons stap met die rivier op tussen die grasgroen varings en min sonskyn, tot by ‘n waterval. Daar swem ons in die yskoue bergpoel.

Diary of a Wimpy Kid

Outeur - Jeff Kinney Die heel nuutste, “Hard Luck” van “Diary of a Wimpy Kid”, is ‘n fantastiese boek wat jy nie sal kan neersit as jy eers begin lees het nie. Hierdie boek is definitief die moeite werd om te lees en dit word sterk vir enige boekwurm aanbeveel.

Rowley, Greg se beste vriend, het ‘n meisie gekry en wil niks meer van Greg hoor nie. Terwyl Greg sukkel om ‘n nuwe vriend te kry, sit hy met heelwat ander probleme en moeilike keuses! Intussen het hy ‘n wonderbal opgetel wat vir hom sy vrae beantwoord. Sal die bal dalk iets vir hom beteken?

14.

“As jy Sing” is definitief ‘n fliek wat ek sal aanbeveel. Dit is ‘n spanningsvolle, romantiese komedie wat jou sommer lekker sal laat lag! Dit is propvol liedjies, interessante danspassies en grappige gebeurtenisse.

Die fliek gaan oor ‘n sanggroep wat oefen vir ‘n wêreldwye sangen danskompetisie. Die rugbymal skoolhoof het egter ander planne met die sanggroep en reël agteraf dat hul by Kamp Kanniedood moet gaan oefen. Sal hierdie sanggroep uiteindelik aan die kompetisie kan deelneem? Gaan kyk self; ek is seker jy sal dit geniet en weer en weer wil sien.

BOSCHPRAATJIES EERSTE KWARTAAL 2014

BOSCHPRAATJIES EERSTE KWARTAAL 2014

15.

Vir die eerste groot hoogtepunt van hierdie jaar se definitiewe uitstaande kultuurweek het ons drie spesiale dansers van “Swade Dance Production Company” gehad. Hierdie drie ervare dansers is: Mcebisi, Ndzondelelo en Buyile wat uit die Kaap na ons toe gekom het. Die drie dansers het baie verskillende maniere en tegnieke om briljant op te tree, maar een groot dansstyl wat hulle beoefen is die myners se tradisionele “Gumboot dance”. Tydens hulle optrede het jy die gevoel gekry dat jy in ‘n donker myn onder die grond is.

Dit was wel nie die enigste fantastiese styl wat hulle uitgebeeld het nie. Die tweede dans was ‘n mengsel van ballet, kontemporêre dans en tradisionele Afrika dansstyl. Die mengsel het dit ‘n unieke styl gemaak wat ander mense moeilik sou kon uitbeeld. Vir ‘n afsluiting het elke fantastiese danser vir ons ‘n vinnige en opwindende Gumbootstyl gedans. Dit was waarlik ‘n groot belewenis.

Tannie Sonja Heroldt het ons op Dindag, 4 Maart kom besoek en ons heerlik by “ons show”, soos wat sy dit genoem het, vermaak. Met haar kreatiewe liedjies, snaakse danspassies en Tjokker se bydra tot al die chaos was daar nie een, soos die Engelsman sê, “dull moment” nie.

Ons het lekker saam gedans en gesing en 6 van ons eie lawwe “Stellieworse” (hansworse) het ook ‘n paar grappige toertjies uit die mou geruk. Tannie Sonja het nie ‘n oomblik gemors nie en kry toe sommer een van ons nuwe mansonderwysers, mnr. Tiaan Ellis, in ‘n japtrap op die verhoog waar hy sommer vinnig ‘n fopspeen in die mond gestop was!!!

Ons het almal aan die einde die wonderlike voorreg gehad om ons fantastiese onnies hier by Laerskool Stellenbosch te bedank vir al hul harde werk deur met tannie Sonja se hulp, vir hulle lekker te sing. Dit was natuurlik nadat sy hul eers gehelp het om hul stres af te skud!

16.

BOSCHPRAATJIES EERSTE KWARTAAL 2014

Dit was weer tyd vir Storieskip en ek glo die hele skool kon nie wag om ons bekende akteurs: Koejawel, Ouma en “Die simpel meisiekind” weer te sien nie. Vanjaar se “show” was oor ruimtewesens wat die wêreld wou bekyk, ondersoek en ook nog kattekwaad wou aanjaag. Die stories is elke jaar anders en verbeter jaarliks. LAG. Dit is die woord wat mens kan gebruik om te beskryf wat elke jaar gebeur het. ‘n Mens wil nie sien hoe die akteurs vir jou waai omdat die opvoering klaar is nie en ook dat ons dit vir ‘n tyd lank nie sal sien nie. Ons almal kan nie wag om weer vir Storieskip te sien nie. Ons sê namens die skool: “Baie dankie en ons hoop ons sien julle weer.”

Dink gou aan ‘n saal vol gees, 2 pragtige swart en wit vleuelklaviere, ‘n klomp kreatiewe musiekonderwysers met ‘n plan EN die krag om dit uit te voer. Dan benodig jy nog net ‘n groot klomp talent en instrumente. Nou het jy ‘n resep vir een van die beste kultuurweekoptredes ooit!

Op Donderdag, 6 Maart het Stellies ons heerlik vermaak met die hulp van net 30 koppies, hul instrumente en die wil om musiek te maak. Die middag het begin met die junior orkes wat vir ons 2 liedjies gespeel het. Daarna het die senior orkes en die gr 3-dromgroep wat ooral oor die saal versprei was die bekende “America” van Neil Diamond gespeel.

Ons was aangenaam verras toe Maja van Aswegen en Anouk Heuer, saam met juf Marelise en juf. Riana, die fantastiese nuwe uitvindsel van ‘n dubbele klavierduet foutloos gespeel het. Mnr. Wayne het ‘n demonstrasie van al die kitaar se versteekte talente gegee. Wie sou nou kon dink dat ‘n gewone kitaar nes ‘n klomp klokkies of ‘n waterval kon klink?

Die kultuurweek is met die Intergraad Redenaarskompetisie afgesluit. Altesaam 18 seuns en dogters het hiervoor ingeskryf. Die interessantste onderwerpe en praatjies is gelewer. In elke graad is daar 1ste, 2de en 3de plekke aangewys en die wenners het elkeen met ‘n lekker kontantprys weggestap. Ons is trots op al die deelnemers.

Agter (vlnr): Jané Louw (gr.6, 1ste plek), Jan-Hendrik La Cock (gr.7, 2de plek), Anouk Heuer (gr.6, 2de plek).

Voor (vlnr): Madeleine Basson (gr.7, 1ste plek), Ziya Wessels (gr.

5, 1ste plek), Dirkie Aldrich (gr. 4, 1ste plek), Angela Schindehütte (gr.5, 2de plek), Cara Kilian (gr.4, 2de plek).

BOSCHPRAATJIES EERSTE KWARTAAL 2014

17.

Stellies se topatlete het onlangs aan die Fanie Theronprestigebyeenkoms deelgeneem. Op die foto verskyn die skool se medaljewenners.

Voor (vlnr): Carla Kriel, Iané Marx, Myron-Lee Jonkerman, Carl Roothman, Carl Bekker, Chad-Lee Wenn en Zoë Hartogh.

Agter (vlnr): Greta Malan, Azrea Sylvester, Jana le Grange, Lana Prins, Bronwin Lee en Pippa Theron.

Ons het weer eens een van ons beste atletiekjare gehad.

Stellies spog met 10 atlete in die Bolandspan.

Agter (vlnr): Mila Olivier, Wynand Neethling, Jana Liebenberg, Azrea Sylvester, Bronwin Lee. Voor (vlnr): Greta Malan, Carla Müller, Anouk Heuer, Carl Roothman, Helena Swart.

Die atlete was opgeneem vir: Helena Swart o/10 – hoogspring (2de) Mila Olivier o/11 – gewigstoot (4de) Carl Roothman o/11 – 1200m (4de) Greta Malan o/11 – verspring (2de) Bronwin Lee o/12 – 1200m (1ste) Carla Müller o/12 – 75m- en 150m Hekkies (1ste) Azrea Sylvester o/12 – 1200m (2de) Anouk Heuer o/12 – spiesgooi (2de) & verspring (4de) Jana Liebenberg o/13 – gewigstoot (1ste) Wynand Neethling o/13 – 800m (2de) Baie geluk aan ons atlete met hierdie puik prestasie. Ons is baie trots op julle.

Laerskool Stellenbosch se swemspan het 20 ander skole uitgestof om die gesogte Superspar Topskole Swemgala op Malmesbury te wen. Hier is die span met die trofee.

Voor (vlnr): Louis Fourie, Anne-Marie Celliers, Elle Olivier, Kiara Noades, Marise Kriel, Carla Kriel, Catrien Müller en Christi Noades.

Middel (vlnr): Robert van Eeden, Carla Müller, Mia van der Merwe, Iané Marx, Carl Bekker, Johan van der Merwe, Dirkie Aldrich en Willem van der Westhuyzen.

Agter (vlnr): Hanna Holm, Berno van der Berg, Luke Burger, Müller Fischer, Mila Olivier, Paul Ellis, Jana le Grange.

18.

Daar het 45 swemmers aan die Joe Grindlay gala deelgeneem en hulle het altesaam 63 plekke behaal (21 eerste-, 21 tweede- en 21 derde plekke). Al ons bane was vol, so ons swemmers se deelname en ouers se ondersteuning was fantasties! Kiara Noades het die vryslagrekord vir o/14-dogters verbeter en Reuben van der Merwe het twee rekords vir vryslag en borsslag o/7-seuns verbeter. Ons seuns- en dogter aflosspanne het albei die Ope aflosse gewen.

BOSCHPRAATJIES EERSTE KWARTAAL 2014

Die o/13 en o/11 seuns- en dogterspanne het op 28 Februarie en 1 Maart aan Laerskool Eikestad se dubbelstoernooi, waarby die 12 beste tennisskole in die Boland betrokke was, deelgeneem.

Die o/13-span het in die semi-finaal met Laerskool De Hoop afgereken en hul plek in die finaal teen Laerskool Eikestad se A-span bespreek. Na ‘n tawwe stryd en ‘n reuse spanpoging het Stellies met 1 enkele pot geseëvier! Stellies BO! Die o/11-span het in die semi-finaal teen Laerskool Eikestad verloor en die derde plek verower deur af te reken met Laerskool De Hoop. ‘n Blink toekoms lê vir Stellies se tennis voor. Baie dankie aan mnr. Tiaan en mnr.

Cornel vir hul leiding en ondersteuning.

Tydens ons jaarlikse Neelsie Prestige atletiekbyeenkoms, wat in ’n stormsterk suidoostewind plaasgevind het, het ‘n hele paar rekords gespat. Die skole wat deelgeneem het is: Bridge House, Totius, Hugo Rust, Weber Gedenk, Worcester-Noord, Mikro en Laerskool Stellenbosch. Dit was die 19de Neelsie Prestige atletiekbyeenkoms. Geluk aan al die atlete met hul goeie sportmangees en prestasies op die veld.

BOSCHPRAATJIES EERSTE KWARTAAL 2014

19.

Die 2014 Interkleure swemgala is vir die eerste keer as ‘n middagaand-gala aangebied. Baie ouers het die swemmers kom ondersteun en ‘n rekord aantal leerders het aan die gala deelgeneem.

Kiara Noades was die sterswemmer van die dag en het 5 goue medaljes verower asook 5 rekords verpletter. Sy word aangewys as Victrix Ludorum en Paul Ellis is Victor Ludorum. Berno van der Berg en Willem van der Westhuyzen deel die beker vir die 2de beste seunswemmer van die dag, terwyl Iané Marx die 2de beste dogterswemmer was. Die beste grondslagfase swemmers was Ruben van der Merwe en Shayna Truter. Teen die einde van die dag kon niemand meer wag vir die puntetellings nie. Wit het gewen! Baie geluk!

BOSCHPRAATJIES EERSTE KWARTAAL 2014

20.