Eystrahorn
www.eystrahorn.is
Miðvikudagurinn 9. maí 2018
17. tbl. 36. árgangur
Humarhátíð 2018 með breyttu sniði Humarhátíð verður að þessu sinni í höndum áhugahóps sem stóð m.a. fyrir Heimatjaldinu og Morávekpallinum á Humarhátíð 2017. Hópurinn sóttist eftir að fá tækifæri til að endurskoða og færa hátíðina yfir til okkar Hornfirðinga. Þessir viðburðir á síðastliðinni Humarhátíð heppnuðust með eindæmum vel, mikil gleði ríkti hjá íbúum sem vildu gjarnan taka þátt, mættu margir til að leggja sitt af mörkum og enn fleiri til að njóta góðs af. Mikil stemmning var á báðum stöðum og allir jákvæðir um að svona ætti Humarhátíð að vera; haldin af Hornfirðingum fyrir Hornfirðinga og gesti. Humarhátíð 2018 var þó í upphafi í höndum Ungmennafélagsins Sindra, eins og síðustu ár, og
mættu fulltrúar þessa nýskipaða hóps einir á auglýstan fund þar sem íbúar fengu tækifæri til að segja sína skoðun og deila hugmyndum um Humarhátíðina nú fyrr í vor. Við sögðum Sindra frá okkar upplifun sumarið áður, hversu vel hefði gengið að fá hornfirska listamenn til liðs við okkur og tekið var vel í allar okkar hugmyndir. Fljótlega bauð Sindri okkur að taka við skipulagningu hátíðarinnar að gefnu samþykki bæjarstjórnar og stjórnar Sindra. Málið hefur verið tekið fyrir hjá báðum aðilum og hefur hópurinn nú formlega tekið við sem Humarhátíðarnefnd 2018. Knattspyrnudeild Sindra mun þó áfram sjá um dansleik í íþróttahúsi Hafnar á laugardagskvöldi Humarhátíðar. Vonumst við til að
Lifandi tónlist á Morávekpallinum
sem flest félagasamtök, fyrirtæki og einstaklingar leggi sitt af mörkum til að gera Humarhátíð 2018 sem besta. Humarhátíðarnefnd 2018 skipa: Emil Morávek, Guðrún Ásdís Sturlaugsdóttir, Heiðar Sigurðsson, Jónína Kristín Ágústsdóttir, Júlíus Sigfússon, Kristín Gestsdóttir, Kristín Vala Þrastardóttir, Kristjón Elvarsson, Steinunn Hödd Harðardóttir, Tjörvi Óskarsson og Vilhjálmur Magnússon Við viljum leggja áherslu á að dagskrá verði í boði við allra hæfi og að heimamenn fái að njóta sín.
Vilt þú vera með skemmtiatriði, viðburð eða sölubás? Áhugasamir eru hvattir taka þátt á einn eða annan hátt. Hafið samband á humarhatidarnefnd@ gmail.com og leyfið okkur að heyra ykkar hugmyndir. Fylgstu með á facebook undir hópnum “Humarhátíð í Hornafirði 2018“ og taktu dagana frá 29. júní - 1. júlí 2018. Humarhátíðarnefnd 2018
Fjölbreytt dagskrá hornfirskra tónlistarmanna var í Heimatjaldinu
Sólsker ehf. vinnur til verðlauna
Þann 10. mars síðastliðinn á Hótel Natura var haldin Fagkeppni Meistarfélags kjötiðnaðarmanna. Ómar Fransson trillukarl og margverðlaunaður framleiðandi á gæðamatvælum úr fiski vann þar til verðlauna fyrir vörur sínar. Alls voru 17 keppendur í sama flokki og Ómar en hann fékk gullverðlaun fyrir grafinn lax og brons fyrir reyktan lax.
Sundlaug Hornafjarðar auglýsir.
Fimmtudaginn 10. maí, uppstigningardaginn, er sundlaugin opin frá kl.10:00 til 17:00 Starfsfólk sundlaugar