Eystrahorn 39. tbl. 36. árgangur
www.eystrahorn.is
Fimmtudagurinn 1. nóvember 2018
Jöklamælingar FAS á Heinabergsjökli
Síðastliðin 27 ár hefur Framhaldsskólinn í Austur – Skaftafellssýslu sinnt rannsókn þar sem kannaðar hafa verið breytingar á ástandi Heinabergsjökuls frá ári til árs. Áfanginn INGA1NR05 – Inngangur að náttúru – og raunvísindum tók að sér að rannsaka Heinabergsjökul í ár, og var það þeirra framlag til Vísindadaga skólans. Vísindadagar, sem eru nýafstaðnir, felast í því að brjóta kennsluna upp með ýmissi rannsóknartengdri vinnu. Nemendum er þá boðið upp á nokkra hópa með mismunandi áherslum, og afraksturinn er kynntur þegar vinnu þeirra er lokið. Það var miðvikudagsmorguninn 24. október sem nemendahópur frá FAS hélt af stað að Heinabergsjökli ásamt skólameistara, Eyjólfi Guðmundssyni, Hjördísi Skírnisdóttur kennara og þeim Lilju Jóhannsdóttur og Snævarri Guðmundssyni starfsmönnum Náttúrustofu Suðausturlands. Hópurinn gekk frá gömlu brúnni yfir Heinabergsvötn að Heinabergslóni, þar sem mælingarnar voru framkvæmdar. Notast er við hornafræði til þess að mæla stöðu jökulsins, sem felst í því að gráður á tveimur hornum og lengd einnar hliðar er fundin. Með þessu fæst gráðufjöldi horns, og fjarlægð að punkti sem liggur í jöklinum. Nemendur skiptu með sér hlutverkum til þess að auðvelda vinnuna. Hluti hópsins fann út gráður
þríhyrningsins með byggingakíki, aðrir mældu vegalengd milli mælipunkta með málbandi, og enn aðrir tóku að sér ljósmyndun og upptöku af framkvæmdinni. Ekki má gleyma hópnum sem sá um að halda latta, þ.e. mælistiku, uppréttri svo allt yrði örugglega beint. Í ljós kom að jökullinn hafði hopað um það bil 20 metra, og hafði auðsjáanlega þynnst mikið frá fyrri árum. Seinni hluti Vísindadaga var síðan nýttur til útreikninga og skýrsluvinnu nemenda. Almennt voru rannsakendur ánægðir með ferðina, enda heppnaðist hún mjög vel. Ferðin gaf nemendum tækifæri á aðkomast út fyrir
Inngangur að neyðarvörnum Þriðjudaginn 6. nóvember næstkomandi kl. 18:00-21:00 verður haldið námskeiðið Hornafirði “Inngangur að neyðarvörnum” í Hafnarskóla. Námskeiðið er ætlað sjálfboðaliðum í neyðarvörnum á vegum Rauða krossdeildar Hornafjarðar. Þeir sjálfboðaliðar sem ætla að koma á námskeiðið geta haft samband við Eyrúnu Axelsdóttur í síma 892-1527 eða í e-mailið eyraxe@ simnet.is. Einnig er hægt að skrá sig hjá Rauða krossinum á aðal skrifstofunni. Nýir sjálfboðaliðar eru alltaf velkomnir, þeir sem hafa áhuga á að gerast sjálfboðaliðar geta haft samband við Eyrúnu. Látum gott af okkur leiða. Eyrún Axelsdóttir Rauða kross deild Hornafjarðar
skólastofuna, kynnast námsefninu í eigin umhverfi og njóta náttúrunnar á öðruvísi hátt. Slíkt eru forréttindi sem eru ekki á færi allra skóla á landinu. Þessi upplifun fer beint í reynslubankann, og gerir námið mun líflegra. Áhugasömum er bent á slóðina nattura.fas.is þar sem þeir geta nálgast frekari upplýsingar um rannsóknir nemenda í FAS. Arndís Ósk Magnúsdóttir, Ingunn Ósk Grétarsdóttir og Wiktoria Anna Darnowska, nemendur í INGA1INR05 við FAS
Keyrslumót fimleikadeildar Sindra Næstkomandi laugardag 3. nóvember ætlar fimleikadeild Sindra að halda keyrslumót. Mótið er liður í að undirbúa keppendur undir haustmót í hópfimleikum. Á haustmótinu munu 4 lið keppa frá deildinni. Strákalið, 1.flokkur, 3.flokkur og 4. flokkur mix. Við ætlum að leyfa 5. flokk og 3. bekk að vera með á keyrslumótinu til að undirbúa þau fyrir keppni, en þau keppa eftir áramót í hópfimleikum. Mótið er í Mánagarði, byrjar kl. 12:40 til 13:00. Við hvetjum alla til að koma og sjá okkar flotta fimleikafólk leika listir sínar.