Eystrahorn
www.eystrahorn.is www.eystrahorn.is
Fimmtudagur 19. mars 2015
11. tbl. 33. árgangur
Sólmyrkvinn 20. mars 2015
Myndin er samsett til að sýna atburðarás sólmyrkva sem sást m.a. frá Tyrklandi 29. mars 2006. Tunglið fór að hylja sólina hægra megin frá svo horfa ætti á myndina frá hægri til vinstri. Meðan tunglið hylur einungis hluta af sólinni er myrkvinn svonefndur deildarmyrkvi. Í almyrkvanum sjálfum birtist sólkórónan og ýmis önnur fyrirbrigði. Séð frá Höfn í Hornafirði hylst 99,4% sólar svo það munar einungis hársbreidd að um almyrkva sé að ræða. Ljósmyndir Snævarr Guðmundsson.
Sólmyrkvi verður sjáanlegur frá Íslandi, að morgni þann 20. mars 2015. Á þeim tíma á sér stað almyrkvi í hafinu austan Íslands, og sem verður sjáanlegur m.a. frá Færeyjum og Svalbarða. Eins og heitið gefur til kynna hylur tunglið sólina alla í almyrkva. Skugginn er hins vegar afmarkaður og utan hans sjá athugendur svonefndan deildarmyrkva. Þá hylst sólin ekki öll að baki tunglinu. Litlu munar þó og frá Hornafirði séð mun 99,4% sólar verða hulinn þegar myrkvinn nær hámarki. Greinargóðar skýringar á þessum atburði og sólmyrkvum almennt finnast í Almanaki Háskóla Íslands og vefsíðu þess, http://almanak.hi.is/myrk2015. html, og Stjörnufræðivefnum, http://www. stjornufraedi.is. Atburðarásin er sú, séð frá Höfn í Hornafirði, að kl. 8:39 fer tunglið að ganga inn á skífu sólar hægra megin. Myrkvinn er mestur um klukkustund síðar,
kl. 09:40 og síðan lýkur myrkvanum um kl. 10:43. Við hvetjum fólk til að fylgjast með. Búast má við nokkru rökkri um tíma, jafnvel þó myrkvinn sjáist ekki vegna skýja. Fólk er þó
Almyrkvi 29. mars 2006. Sólkórónan og sólstrókar frá yfirborði sólar sjáanlegir. Ljósmynd Snævarr Guðmundsson.
varað við að horfa beint á sólina án sérstakra gleraugna, vegna mikillar hættu á alvarlegum augnskaða. Í tilefni þessa atburðar ákvað Náttúrustofa Suðausturlands í samstarfi við Stjörnuskoðunarfélag Seltjarnaness að gefa nemendum og öllu starfsfólki í Grunnskóla Hornafjarðar og Kirkjubæjarskóla svokölluð sólmyrkvagleraugu. Rafsuðugler er einnig nýtilegt eða filma en vissa þarf að vera fyrir að það hleypi ekki hættulegum geislum í gegn. Fyrir utan gleraugun sem allir í grunnskólunum fá er Náttúrustofa Suðausturlands með 50 gleraugu til sölu á 500 kr. stykkið. Áhugasamir geta komið og keypt gleraugu á Náttúrustofu Suðausturlands í Nýheimum 18. og 19. mars. Fyrstur kemur fyrstu fær. Svo vonum við öll að það verði léttskýjað þegar sólmyrkvinn á sér stað.
Stóra upplestrarkeppnin Lokakeppni Stóru upplestrarkeppninnar var haldin 11. mars sl. í Hafnarkirkju. Þetta er fimmtánda árið sem Stóra upplestrarkeppnin er haldin hér en keppnin hefst á degi íslenskra tungu, 16. nóvember ár hvert. Kynnir á hátíðinni var Fanný Dröfn Emilsdóttir, sigurvegari árið 2014. Keppendur í ár voru þrettán talsins og komu frá Grunnskóla Djúpavogs, Grunnskóla Hornafjarðar og Grunnskólanum Hofgarði. Dómarar höfðu það vandasama verk að velja þrjá nemendur í fyrstu þrjú sætin en þeir voru Baldur Sigurðsson, formaður dómnefndar, Agnes Þorsteinsdóttir, Halldóra Dröfn Hafþórsdóttir, María Gísladóttir og Zophonías Torfason. Kunnum við þeim bestu þakkir. Á meðan þeir réðu ráðum sínum fluttu nemendur úr 6. bekk Grunnskóla Hornafjarðar söngatriði og Oddleifur Eiríksson frá Tónskóla AusturSkaftafellssýslu lék tvö lög á harmonikku. Að lokum voru úrslit tilkynnt en sigurvegarar þetta árið voru Ingunn Ósk Grétarsdóttir úr Grunnskóla Hornafjarðar í fyrsta sæti, Styrmir Einarsson úr Grunnskólanum í Hofgarði í öðru sæti og Alexandra Jónsdóttir úr Grunnskóla Djúpavogs í þriðja sæti. Keppendur stóðu sig öll með prýði og við óskum sigurvegurum hjartanlega til hamingju með sigurinn.
Samfélagsvefurinn www.hornafjordur.is