Eystrahorn 23. tbl. 32. árgangur
www.eystrahorn.is www.eystrahorn.is
Fimmtudagur 12. júní 2014
Landsbyggðarvinir verðlauna Öræfakrakkana Í vetur hafa fjórir nemendur á miðstigi og unglingastigi Grunnskólans í Hofgarði unnið verkefni á vegum Landsbyggðarvina, en þetta félag kallar á vinnu unglinga í grunnskólum landsins. Unnin eru verkefni þar sem áhersla er lögð á að draga fram hugmyndir um framfarir í heimabyggð. Fjórmenningarnir, þeir Stefán Freyr Jónsson, Gissur Gunnarsson, Ísak Einarsson og Styrmir Einarsson unnu til fyrstu verðlauna í hugmyndavinnu fyrri hluta verkefnisins, og í seinni hlutanum deildu þeir fyrstu verðlaunum með Grunnskólanum á Hólmavík . Síðari hluti verkefnisins var nánari útfærsla á því hvernig hugmyndirnar úr fyrri hluta gætu komist í framkvæmd. Þetta voru peningaverðlaun og voru þau afhent við hátíðlega athöfn í Norræna húsinu í Reykjavík 22. maí s.l. Nemendur gerðu þar grein fyrir verkefnunum og útfærslu. Grunnskólinn í Hrísey og Víðstaðaskóli í Hafnarfirði fengu einnig viðurkenningar. Allir verðlaunahafar fengu viðurkenningarskjöl og boli sem merktir voru Landsbyggðarvinum. Sigurður Ingi Jóhannsson ráðherra ávarpaði samkomuna ásamt fleirum, m.a. frá stjórnsýslu heimabyggða þeir Eiríkur Björn Björgvinsson bæjarstjóri Akureyrar, og Kristján Guðnason bæjarstjórnarmaður á Höfn. Sú hugmynd sem kom frá Grunnskólanum í Hofgarði um að byggja sögusafn með veitingastað var þyngst á metunum að tryggja fjórmenningunum verðlaunin en hinar hugmyndirnar voru að auka fullvinnslu afurða í heimabyggð þar sem ferðamenn ættu kost á fjölbreyttum heimaunnum réttum og svo voru útfærðar hugmyndir um útitafl og aðstöðu til að iðka
F.v. aftari röð: Pálína Þorsteinsdóttir, Stefán Freyr Jónsson, Gissur Gunnarsson, Kristján Guðnason og fyrir framan eru þeir Styrmir Einarsson og Ísak Einarsson
bogfimi, eða útbúa bogfimigarð. Markmið þeirra félaga var að skapa fleiri störf og fjölga íbúum. Skólinn hefur nú á stefnuskrá að halda verkefninu vakandi næsta vetur með upplýsingasöfnun. Í samstarfi við Einar og Matthildi á Hofsnesi er áformað að byrja á því að gera ýmislegt úr sögu sveitarinnar sýnilegt í kaffiaðstöðu sem þau eru að undirbúa í kaupfélagshúsinu
á Fagurhólsmýri en þar munu þau einnig hafa aðstöðu fyrir sitt ferðþjónustufyrirtæki, Öræfaferðir. Landsbyggðarvinir stuðla m.a. að verndun náttúrulegra og menningarlegra verðmæta, svo og sögulegra minja. Vonandi á þetta verkefni skólans eftir að vaxa og dafna í framtíðinni með aðkomu margra; að varðveita sögu sveitarinnar ásamt því að njóta matarmenningar og afþreyingar í Öræfum.
Kvennahlaup
Sjóvá og ÍSÍ 14. júní Hlaupið verður frá Sundlauginni kl. 11:00. Þátttökugjald 1000 krónur fyrir 12 ára og yngri en 1500 krónur fyrir 13 ára og eldri Bolur fylgir gjaldinu og frítt í sund
www.hornafjordur.is - samfélagsvefurinn okkar
www.eystrahorn.is
Fimmtudagur 12. júní 2014
Hjólum út í sumarfríið með hjálm á höfði Börn 15 ára og yngri eiga samkvæmt lögum að nota reiðhjólahjálma. Allar rannsóknir sýna fram á að þeir verja höfuð vel, jafnvel í alvarlegum umferðarslysum. Á dögunum voru krakkar í 1. og 5. bekk svo heppin að fá afhenta hjálma frá Kiwanis og Slysavarnarfélaginu og er það frábært framtak. En nú eru börnin okkar komin út í vorið á hjólunum sínum en því miður er áberandi hversu fá börn nota hjálma þrátt fyrir þrotlausan áróður og er ég þá að tala um mjög unga krakka sem hjóla um á umferðargötum án reiðhjólahjálms. Sem er ólöglegt! Við foreldrar erum fyrirmynd barnanna okkar og þurfum að líta í eigin barm með þetta eins og svo margt annað. Auðvitað eigum við öll að nota hjálma og kannski ekki síður þegar við eldumst. Til að reiðhjólahjálmur verji höfuðið þarf hann að vera rétt stillur. Hann þarf að verja enni og hnakka og sitja þétt að höfðinu. Ekki má nota húfu undir hjálmi, því ef barn dettir af hjóli getur hjálmurinn færst til þegar það lendir í götunni og veitir hann þá síðri eða enga vörn. Best er að nota þunna lambhúshettu eða eyrnaskjól sem fest eru á bönd hjálmsins. Vonast ég til að allir hjóli út í sumarfríið með hjálm á höfðinu, börn og fullorðnir með því getum við komið í veg fyrir alvarleg slys. Kær kveðja, Ragnheiður skólahjúkrunarfræðingur
Atvinna
Okkur á Kaffi Nýhöfn vantar stafsmann í sal og eldhús í sumar. Kjörið fyrir fólk sem vill vinna í alþjóðlegu umhverfi og æfa tungumálakunnáttu sína á lifandi tilraunadýrum. Upplýsingar veitir María í síma 865-2489 eða á ot@nyhofn.is
Eystrahorn
Leikir á hverjum degi
Mynd: Gunnar Stígur Reynisson
Fótboltavertíðin er komin á fulla ferð. Leikir allra flokka Sindra í Íslandsmótum eru samtals um 130 og leikir Mána 12. Þar fyrir utan er þátttaka yngri flokka í ýmsum mótum víða um land og 3.fl. drengja og stúlkna fara í keppnisferð til Spánar. Samkvæmt þessu þá er að meðaltali einn leikur á dag í Íslandsmótum frá 10. maí til 20. september. Það eru fleiri leikir spilaðir að heiman en heima og fyrir keppendur héðan eru ferðalög yfirleitt lengri en hjá öðrum liðum. Þátttökufjöldinn sem æfir og keppir fyrir Sindra og Mána er hátt í 200. Þessi upptalning sýnir hversu gífurlegt umfang er í kringum þetta æskulýðs- og félagsstarf og mikil sjálfboðavinna liggur hér að baki, öðruvísi gengi þetta ekki upp. Það hefur gengið á ýmsu nú í upphafi móts og þegar svona margir flokkar eru sendir á mótin þá verða úrslit leikja á alla vegu. Meistaraflokkur karla hefur byrjað ágætlega, unnið tvo heimaleiki, tapað tveimur útileikjum og gert jafntefli á heimavelli. Leikirnir hafa verið spennandi og skemmtilegir. Meistaraflokkur kvenna hefur átt ágætis leiki þrátt fyrir tap í þremur fyrstu leikjunum en fyrsti sigurinn kom gegn Fjarðabyggð á þriðjudaginn. Það er óhætt að segja að úrslitin hafa ekki fallið með liðinu og ekki alltaf í samræmi við gang leikjanna. En svona er fótboltinn, óútreiknanlegur og þess vegna er hann vinsæll. Það hefur gengið á ýmsu hjá Mánaliðinu eins og við mátti búast. Fjórir útileikir og einn heimaleikur hafa tapast. Mikilvægt er að Gunnari Inga takist að halda liðinu saman til loka mótsins. Nú eru fjórir útileikir búnir og aðeins ein ferð eftir í tvo útileiki. Svo á liðið fimm heimleiki eftir. Yngri flokkarnir hafa staðið sig vel og það er afrek útaf fyrir sig að halda úti öllum þessum flokkum með ekki fjölmennara samfélag á bak við þá. Nú er bara að leggja fast að fólki að mæta á leikina og hvetja unga fólkið til dáða. Það er þeim mikilvægt að sjá og finna stuðning og það hvetur þau til að stunda heilbrigðar tómstundir.
Fylgis með á umfsindri.is og sindrafrettir.is
Íslandsmótið í knattspyrnu Sindravellir miðvikudaginn 11. júní kl. 17:00 5. flokkur karla A-lið C
Sindri – Álftanes
Sindravellir laugardaginn 14. júní kl. 16:00 2. deild karla
Sindri – Reynir Sandgerði
Eystrahorn Eystrahorn Vesturbraut 25 • Sími: 862-0249 Útgefandi:............ HornafjarðarMANNI Ritstjóri og ábyrgðarmaður:.. Albert Eymundsson Netfang: .............. albert@eystrahorn.is Prófarkalestur..... Guðlaug Hestnes Ljósmyndir:......... Maríus Sævarsson Umbrot: .............. Heiðar Sigurðsson Prentun: .............. Litlaprent ISSN 1670-4126
Vildaráskriftina má greiða í Landsbankanum HornafjarðarMANNI Rnr. 0172 - 26 - 000811 Kt. 240249-2949
Sindravellir sunnudaginn 15. júní kl. 14:00 3. flokkur karla C2
Sindri – Breiðablik 2
Sindravellir sunnudaginn 15. júní kl. 13:00 3. flokkur kvenna 7B
Sindri – Völsungur
Sindravellir sunnudaginn 15. júní kl. 16:00 3. flokkur kvenna 7B
Sindri – Einherji
Eystrahorn
Fimmtudagur 12. júní 2014
www.eystrahorn.is
Fjörugt félagslíf í grunnskólanum
þau og hefur þeim tekist það heldur vel. Svo eitthvað sé nefnt þá er haldinn haustfagnaður, rósaball, pakkaball og lokaball. Það er oftast 9. bekkur sem sér um að skipuleggja þessa viðburði. Lokaballið er talið vera flottasta ballið en þar er verið að kveðja 10. bekk og þá er oftast fengnir flottir tónlistarmenn og Sindrabær er alltaf vel skreyttur og oft er margmenni á lokaböllunum, það er líka fyrsta ballið sem 7. bekkur fær að koma á.
Þorrablót Selma Björt Stefánsdóttir.
Skóli er ekki bara lestur, skrift og reikningur. Ýmislegt annað er gert hér í Grunnskóla Hornafjarðar og ætla ég að tíunda helstu atriðin hér.
Árshátíð Á hverju ári er haldið árshátíð í skólanum. Það er stór viðburður og allir nemendur skólans bíða spenntir eftir að skipuleggja hana. Árshátíðin er fyrir alla nemendur skólans en aðeins hluti af honum skipuleggur hana. Í ár var þemað Óvitarnir, leikrit sem var sýnt í Borgarleikhúsinu. Í ár var það þannig að maður valdi sér hvað maður vildi gera t.d. búningahönnun, smíði á leikmunum, leiklist og svo matur en hér áður fyrr var það bara einn bekkur sem kom með skemmtiatriði. Leikritið heppnaðist mjög vel og það komu í kringum 500 manns að horfa á leikritið hjá krökkunum og yfir hundrað nemendur voru á sviðinu.
Skólaböll Það eru haldin nokkur skólaböll yfir árið og eru það nemendurnir sem skipuleggja
Þorrablót hefur alltaf verið haldið af 10. bekk. Þá sér hann um skreytingar, mat og skemmtiatriði. Oft hefur það tíðkast að fá smá útrás á kennurum og gera mikið grín að þeim. Þorrablótið er líka haldið í Sindrabæ eins og öll önnur böll sem eru á vegum skólans og er Sindrabær tilvalinn í svona hluti. Því miður hefur mætingin á Þorrablótið minnkað heldur mikið og er talið að ástæðan sé vegna þess að fáir borða hinn sí vinsæla þorramat lengur.
að skoða margt og fara með krakkana á marga staði. Yngsta kynslóðin hefur verið að fara í lambaskoðun, berjamó og fara i Bergárdal en eldri nemendurnir hafa oft fengið að fara á skíði á Neskaupstað og svo eru það líka hinar sí vinsælu skólabúðir Reykir og Laugar sem nemendur í 7. bekk og 9. bekk fá að fara í.
Skólahreysti Skólahreysti er árlegur viðburður á milli allra skóla landsins. Okkar skóli fer alltaf til Egilsstaða og keppir við skóla á austurlandi. Íþróttakennarar sjá um að þjálfa nemendur og passa að þeir séu tilbúnir í keppni. Okkur hefur gengið mjög vel síðustu ár í þessari keppni t.d. í fyrra voru við með besta tíman í hlaupabrautinni og í ár lendum við í annað sæti en til að komast í aðal keppnina þarf maður að vinna keppnina. Unnið af Selmu Björt Stefánsdóttur í starfskynningu hjá Eystrahorni.
Leikir í frímínútum Í skólanum eru einar langar frímínútur og hafa þær oft verið notaðar í íþróttakeppnir á milli bekkja. Bekkir velja sér þá lið til að keppa í hinum ýmsu íþróttum. Meira að seigja kennara hafa sitt eigið lið. Það er verið að keppa í hinum klassísku íþróttum; fótbolta, körfubolta og handbolta svo eitthvað sé nefnt. Svo þegar líða fer á sumarið þá er keppt úti en oftast eru keppnirnar inni í íþróttahúsi.
Skólaferðalög Það hefur tíðkast í flestum skólum að fara með nemendur í skólaferðalög og við hér á Hornafirði erum mjög heppin því það er hægt
Aron Þormar Thomasson var líka í starfskynningu á Eystrahorni en hér er hann plötusnúður á balli í skólanum.
Bifreiðaskoðun á Höfn 23., 24. og 25. júní.
17. júní á Höfn
Tímapantanir í síma 570 9090 fyrir kl. 16:00 föstudaginn 20. júní. Næsta skoðun er 14., 15. og 16. júlí. Þegar vel er skoðað
Félagsmót Hornfirðings Sparisjóðsmótið og úrtaka fyrir landsmót
Mótið verður haldið 14.-15. júní á Stekkhóli
• Pollaflokkur (skráð á staðnum) • Barna-, unglinga- og ungmennaflokkur • A- og B- flokkur gæðinga • Tölt • Unghrossaflokkur 4 og 5 vetra hross • 100 m skeið og 300 m stökk Skráning er hafin á www.sportfengur.com. Skráningargjald er 2500 kr. og skal senda kvittun á tobbagunn@gmail.com þegar það hefur verið greitt. Skráningum lýkur á miðnætti fimmtudaginn 12. júní. Athugið að aðeins skuldlausir félagar hafa keppnisrétt. Nánari upplýsingar um tímasetningar birtast á Facebookarsíðu Hestamannafélagsins Hornfirðings þegar nær dregur.
13:00 14:00 14:15
Forsala á blöðrum við N1 á Vesturbraut Skrúðganga frá N1 Lúðrasveitin leikur nokkur lög Hátíðarræða Ávarp Fjallkonunnar Ræða Nýstúdents Fimleikasýning Andlitsmálun Grillaðar pylsur Hoppukastalar Leikir; m.a. kassaklifur og sápukúlufótbolti og fleira Candyfloss og popp
Ef veður verður slæmt þá færast hátíðarhöldin í íþróttahúsið