Mapo 8 tetor ok by Gazeta Mapo

Faqe 2

Afër / larg

Një telenovelë që në fillim, Adnan Januzaj apo Xhorxh Besti ynë Vladimir Karaj

Themelues Henri Çili - Kryeredaktor Arion Sulo - E martë, 8 tetor 2013. Numër 1032. Viti IV botimit. Çmimi 30 lekë. 1.5 euro. www.mapo.al e-mail: gazetamapo@gmail.com. Adresa: BLV "Gjergj Fishta"

në brendësi

Zbardhet vendimi

Opozita bojkot komisioneve, miratohet ndalimi i importit të plehrave Bojkoti i opozitës ka penguar për disa minuta nisjen e punës së komisionit të Ligjeve. Mazhoranca arrin kuorumin e duhur falë pjesëmarrjes së Tahir Muhedinit të PDIU FAQE 4

Obama letër Berishës: Shqipëria ka nevojë për një opozitë efektive Presidenti amerikan i shkruan ish-kryeministrit Berisha. “Shqipëria ka nevojë për një opozitë efektive dhe konstruktive, që fokusohet në zhvillimet e vendit" FAQE 4

Shkurtohen fondet për makinat e deputetëve dhe zv.ministrave Qeveria nis “shtrëngimin e rripit” nga shpenzimet për transport të funksionarëve publikë. Miratohet vendimi që kursen 165 milionë lekë të reja, përmes heqjes së bonuseve për transport të deputetëve, zv.ministrave, 12 krerëve të institucioneve të pavarura dhe sekretarëve të përgjithshëm. Nuk preken ministrat dhe institucioni i Presidentit

Grabitje me armë në oborrin e spitalit, dyshime edhe mbi stafin Libri i ri

Mustafa Nano provokon: Unë jam gegë!

FAQE 13

op-ed / 10,15

Tre persona të armatosur kanë grabitur 3,1 milionë lekë të një spitali privat, të cilat po transportoheshin në bankë. Policia shoqëron punonjësit e sigurisë dhe ngre dyshime për skemën

NgërÇ

NGA bujar kapexhiu

Shkodranë të llastuar

blog Gilman Bakalli

Për shkodranët meritokracia në rangje të larta të drejtimit të shtetit është një stomak që njeh dhe bluan...

koment

Alma Lama

7 kronikë

mbi njerëz që mund të kenë bashkëpunuar me stafin e brendshëm të spitalit, apo të punonjësve të sigurisë. Për këtë shkak, menjëherë pas ngjarjes policia shoqëroi në ambientet e saj një grup personash, pjesë e personelit të spitalit, si dhe një kamerier të një lokali aty pranë. Një burim i policisë i tha MAPO-s se janë shoqëruar... Faqe 7

Rama: Korrupsioni nuk zgjidhet për 100 ditë, kam frikë vetëm nga financat Kryeministri Edi Rama komenton emërimet dhe vendimet e para të tij. Nuk jep një datë për statusin e vendit kandidat dhe pohon se prokuroria nuk është në lartësinë e duhur dhe gjykatat janë faltore për korrupsionin.

Këmishëziu Vulin dhe Lady Ashton Këmisha e zezë, kur në të ka ndonjë simbol politik, i fut dridhmat botës sepse i kujton...

Zoti Rama, cili është shqetësimi i parë që ju vjen ndërmend sapo ju zgjoheni në mëngjes, aq më tepër në

mëngjesin e një të hëne? Shqetësimi i parë që më vjen ndërmend është sa shpejt kalon koha. Zoti Rama, Ministër Kulture, Kryetar i Bashkisë së Tiranës, më pas lider i opozitës dhe tashmë Kryeministër i Shqipërisë. Mision i përmbushur? Për sa i përket të tjerave po, për sa i përket kësaj të fundit, gjithçka mbetet për t’u parë. Drejtoresha e re e QSUT-së... Faqe 5

financat

Mbas pilafit

Vdekja e Denisit, dy mjekët irlandezë nën akuzë Prokuroria shqiptare cilëson përgjegjës dy mjekët irlandezë për vdekjen e 11-vjeçarit pas operacionit në sy

Borxhi ndaj biznesit, ‘pjesa e luanit’ ndaj bankave dhe CEZ

FAQE 6

koment / 11

Faqe 16

Alfred Lela

Shërbimi që na bëri mbrëmë Rudina Xhunga Një burokrat nuk është domosdoshmërisht një njeri i fjalës; artikulimi, nëse e ka, është një plus. Kërkohet prej tij ose saj një njohje ose ekspertizë e fushës në të cilin ai ose ajo ka marrë përsipër të menaxhojë, mbikqyrë, drejtojë e të tjerë. Kjo është domosdoshmëri. Mbrëmë për fatin e keq tonin, publikisht, në një emision televiziv të kohës prime time kemi parë mungesën arbitrare të së parës dhe së dytës: të artikulimit dhe ekspertizës. Kolegia Rudina Xhunga kishte të ftuar të mbrëmjes dy drejtoret e reja të sapozgjedhura nga kryeministri Rama, ose dy dama të çelësave të Thesarit të Shtetit: tatimeve dhe doganave. Briseida Shehaj dhe Elisa Spiropali, e para e panjohur, ndërsa e dyta një aktiviste sociale...

afër/larg

politikë / Opozita

bojkoton, mazhoranca ndalon importin e plehrave

Faqe 4

intervista/ Rama: Korrupsioni

nuk zgjidhet për 100 ditë, kam frikë vetëm për financat Faqe 5

kronikë / Grabiten 3.1 mln

në furgonin e blinduar, dyshime mbi stafin e spitalit

Faqe 7

Sekretari i Përgjithshëm i FSHF-së, Ilir Shulku, në një intervistë tha se 8 muaj më parë ai, trajneri italian De Biasi dhe presidenti i FSHFsë, Duka kishin takuar babain e talentit dhe kishin marrë prej tij një përgjigje negative.

Shqipëria nga ana e saj ngurroi të afrohej për shumë kohë. Hera e parë që u tha diçka serioze në lidhje me Januzaj ishte kur babai i tij në një intervistë për KTV mohoi të kishte pasur kontakte nga Federata Shqiptare e Futbollit, madje la të kuptohej se ishte i hidhëruar me FSHF-në (arsyet të paqarta), por edhe me median në Shqipëri që sipas tij gënjente

Një telenovelë që në fillim, Adnan Januzaj apo Xhorxh Besti ynë

Vladimir Karaj

ta e quajnë që tani rimishërim i Xhorxh Best. Saktësisht një nga lojtarët më të mirë të historisë së Manchester United. Një nga 100 më të mirët në listat e famshme të FIFA-s dhe heroi i Irlandës së Veriut, e cila i vuri pas vdekjes emrin e tij aeroportit të Belfastit. The Independent shkruan se fiks 50 vjet pas deputimit të Best, dikush përcolli në fushë të njëjtën frymë, siguri përballë kundërshtarëve dhe zgjidhje elegante. Në ‘The Mirror’ thonë se ngjan me Krojfin në fytyrë dhe lëvizje dhe ndryshojnë vetëm se holandezi i mbante flokët si hipi. Adnan Januzaj, (shqiptari-belgu-kroati-serbi-turku?!) që debuton në një prej kampionateve më të ashpra dhe më të mira të futbollit dhe merr përsipër peshën e ekipit. Nuk është nga ata që emocionohen shpejt dhe as nga ata që vuajnë prej arrogancës, por ka një besim dhe siguri të atillë me topin sa shokët e ekipit edhe veteranë si Patrice Evra (me të cilin luan në krah) ia lëshojnë topin apo e lejojnë të marrë përsipër goditjet e dënimit. Iniciativa është ajo që e bëri të dallonte në ndeshjen me Sunderlandin dhe të shpallej “Lojtari i ndeshjes”, pas dy super golave (dhe shih një me të majtën dhe një me të djathtën) në të cilat ishte njëkohësisht pjesë e aksionit. Kjo ndoshta është edhe pse ja ka fituar zemrën Wayne Rooneyt, i cili thotë se shpreson që Federata Angleze do të bëjë lëvizjet e duhura për ta përfshirë atë në “kombëtaren e luanëve”. Shumë shqiptarëve mund t’iu thyhej zemra nga kjo dhe disa anglezë si Martin Samuel i Daily Mail besojnë që kombëtarja e Anglisë nuk i jep më shumë shanse suksesi të riut sesa belgët apo kuqezinjtë. Këtu fillon edhe telenovela Januzaj dhe kombëtareve që e duan atë. Vendi i fundit që deklaroi se kishte një copë të origjinës së Januzaj (një gjyshe, gjysmë gjyshe a diçka e tillë) dhe se për këtë ai duhej të vishte pikërisht atë bluzë kombëtareje ishte Kroacia. Më herët Turqia, Serbia, Belgjika dhe Shqipëria gëlonin nga lajmet se talenti do të zgjidhte një prej këtyre kombëtareve, me anglezët që duket se po bënin gati letrat. Dy të parat në listë, Belgjika vendi ku ai u rrit si pjesë e Anderlehtit dhe Shqipëria, vendi me të cilin ka lidhjet e gjakut, thuajse kanë hequr dorë. Në të dy federatat ka pasur sinjale të qarta refuzimi. Belgjika është refuzuar në të gjitha nivelet e

moshave dhe, edhe pse ekipi thuajse është kualifikuar për në botërorin e radhës, nuk duket se ka ndonjë sinjal që Januzaj të pranojë të veshë fanellën e tyre. Oferta e fundit, që ka dhe një biletë për në Brazil, duket se i është bërë këtë javë, por shanset për një përgjigje pozitive nuk duken shumë të mëdha. Shqipëria nga ana e saj ngurroi të afrohej për shumë kohë. Hera e parë që u tha diçka serioze në lidhje me Januzaj ishte kur babai i tij në një intervistë për KTV mohoi të kishte pasur kontakte nga Federata Shqiptare e Futbollit, madje la të kuptohej se ishte i hidhëruar me FSHF-në (arsyet të paqarta), por edhe me median në Shqipëri që sipas tij gënjente dhe se nuk duhej besuar shumë. Por ajo që duket do ta bëjë edhe më shumë telenovelë historinë janë qëndrimet pak të çuditshme të palëve të përfshira në këtë histori (dhe nuk është ky rasti i parë Berhami vëllezërit Xhaka dhe mjaft të tjerë kanë një histori të ngjashme). Sekretari i Përgjithshëm i FSHF-së Ilir Shulku në një intervistë tha se 8 muaj më parë ai, trajneri italian De Biasi dhe presidenti i FSHF-së Duka kishin takuar babain e talentit dhe kishin marrë prej tij një përgjigje negative. Përkundër kësaj babai i të riut thoshte se nuk kishte pasur asnjë ofertë zyrtare nga FSHF. Po përsëritet ndoshta e njëjta skemë e mjegullt negociatash që mbaron me akuza, me sharje për tradhtarë dhe britma për heronj?! Diçka që do të përjetohet e gjallë ditën kur Zvicra dhe të 5 apo 6 shqiptarët e saj do të zbresin në fushën e Qemal Styafës për të luajtur jo vetëm kundër 11-shes së Shqipërisë por edhe kundër një stadiumi që edhe pse i admiron për atë që kanë arritur tashmë në futboll (Xherdan Shaqiri është i pari shqiptar që ka fituar tri trofe të rëndësishme, përfshi Ligën e Kampioneve), do të turfullojë kundër tyre për shkak të bluzës që do mbajnë veshur.

Belgët nga ana tjetër janë tashmë të kualifikuar për në Brazil. Kanë një brez lojtarësh fantastikë, por sigurisht nuk do ta fitojnë botërorin. Kjo sidoqoftë është më shumë sesa ç’mund të japë Shqipëria. Duartrokitje dhe dashuri e pakushtëzuar tifozësh (të paktën për aq kohë sa mund të fitojmë dhe kjo nuk ndodh shpesh) që janë angazhuar në fushatë pro tij dhe e kanë ftuar vetë në kombëtare.

Mund të bëjë si i ngjashmi i tij Xhorxh Best dhe të luajë për Shqipërinë ( Ai luante për Irlandën e Veriut). Ashtu si Best me shumë gjasë s’do të luajë dot në asnjë kompeticion me rëndësi dhe as do i afrohet kupës së botës por në fund; një rrugë, një stadium apo diçka tjetër do të mbajë emrin e tij.

Përtej gjithë kësaj trajneri i Shqipërisë, italiani De Biasi mbetet njëfarësoj optimist. Krejt ndryshe nga deklarata e Shulkut, ai thotë se do bëjnë të pamundurën, por më herët përmendi edhe diçka tjetër: “Nuk kam çfarë t’i ofroj”. Pikërisht këtu historia lidhet me Xhorxh Bestin sërish. Kombëtaret e tjera që pretendojnë Januzaj (Turqia, Serbia apo Kroacia) nuk duket se do të kenë ndonjë peshë në këtë histori. Ata kanë pak shanse të përfitojnë shërbimet e tij. Por në tri ekipet pretendente shqiptarët janë ata që mund të ofrojnë më pak. Anglezët janë një biletë për në evropian, botëror dhe lojë në nivele të larta, por ata do të jenë edhe për një kohë siç thonë vetë të këqijtë e më të mirëve edhe pse përherë dy hapa larg trofeve më të mëdhenj në botë... Belgët nga ana tjetër janë tashmë të kualifikuar për në Brazil. Kanë një brez lojtarësh fantastikë, por sigurisht nuk do ta fitojnë botërorin. Kjo sidoqoftë është më shumë se sa ç’mund të japë Shqipëria. Duartrokitje dhe dashuri e pakushtëzuar tifozësh (të paktën për aq kohë sa mund të fitojmë dhe kjo nuk ndodh shpesh) që janë angazhuar në fushatë pro tij dhe e kanë ftuar vetë në kombëtare. Dhe ndoshta-ndoshta nëse gjërat shkojnë mirë një vend heroi në podium. Januzaj vetë nuk ka folur asnjëherë për këtë. Ka një thashethem që thotë se ai ka thënë se nuk e di ku bie Shqipëria, por askush nuk ia ka dëgjuar deri tani zërin dhe askush nuk e ka pyetur për vendimin e tij. (Njerëzit sidoqoftë po e komentojnë me nge këtë thënie që mbërrin prej të tretësh dhe përcillet si e vërtetë në media, ndoshta arsyeja pse babai i lojtarit i ka marrë zët ato) Ai sidoqoftë është tashmë mes dy zgjedhjeve. Mund të bëjë si i ngjashmi i tij Xhorxh Best dhe të luajë për Shqipërinë ( Ai luante për Irlandën e Veriut). Ashtu si Best me shumë gjasë s’do të luajë dot në asnjë kompeticion me rëndësi dhe as do i afrohet kupës së botës por në fund; një rrugë, një stadium apo diçka tjetër do të mbajë emrin e tij. Ose do presë dhe një dy vite dhe do të luaj për Anglinë në Europianin e radhës. Nëse fitojnë me siguri do të jetë ndër heronjtë, por nëse humb penalltinë, do jetë një tjetër “anglez”, me të cilin ‘The Sun’ apo ndonjë tabloid tjetër do të merret gjatë duke ia kujtuar se më mirë do kish bërë të kishte shkuar në Shqipëri...

kryesore

Gazeta MAPO

www.mapo.al / gazetamapo@gmail.com

08.10.2013

Qeveria shkurton shpenzimet për deputetët e zv.ministrat Qeveria ka miratuar projektin për shkurtimin e shpenzimeve për transport të funksionarëve publikë. Preken deputetët, zëvendësministrat, krerët e institucioneve të pavarura dhe sekretarët e përgjithshëm Fejzi Braushi Ashtu si edhe paraardhësi i tij, kryeministri i ri Edi Rama një nga reformat e para që ka ndërmarrë është ajo e uljes së shpenzimeve qeveritare dhe në mënyrë të veçantë ato që kanë të bëjnë me transportin e nëpunësve të lartë publikë. Në mbledhjen e fundit, atë të ditës së premte, qeveria e majtë e kryesuar nga Rama mori një vendim për miratimin e një projektligji, i cili në thelb ka disa ndryshime në ligjin “Për rregullimin e shërbimit të transportit për funksionarët publikë dhe nëpunësit civilë” dhe që nëpërmjet të cilave parashikon reduktimin e shpenzimeve të transportit për një pjesë të funksionarëve të lartë, duke nisur nga deputetët, zëvendësministrat e për të vazhduar me krerët e një sërë institucionesh të pavarura. Masë kjo, e cila arrin t’i kursejë buxhetit të shtetit jo pak, por plot 1.53 milionë dollarë ose 165 milionë lekë të reja. Por ndërhyrja e qeverisë ka lënë jashtë listës së funksionarëve që preken nga ky vendim, hierarkinë më të lartë shtetërore, duke nisur nga

Presidenti, vetë Kryeministri, kryetari i Kuvendit, ministrat apo edhe krerët e institucioneve të pavarura kushtetuese. E pajustifikueshme mosprekja në këtë rast e masës financiare që marrin ministrat sa i përket transportit, kur dihet që tashmë anëtarët e këtij kabineti qeveritar do të kenë vetëm detyra ekzekutivi dhe nuk do të kenë detyrime që lindin nga të qenit edhe deputet, pasi do të heqin dorë nga mandati i të zgjedhurit të popullit. Në total, nga reforma në fjalë preken 12 krerë institucionesh të pavarura, si dhe të zgjedhurit në Kuvendin e Shqipërisë, zëvendësministrat, por dhe sekretarët e të gjitha institucioneve shtetërore që deri më sot trajtohen me bonuse financiare për shkak të detyrës që kryenin. Më konkretisht masa e përfitimit financiar mujor për deputetët për shërbime transporti, në përmbushje të detyrave të tyre funksionale, pëson një ulje mesatare me vetëm 5 mijë lekë të reja. Sipas ligjit, masa e përfitimit financiar mujor për çdo deputet miratohet me

Por ndërhyrja e qeverisë ka lënë jashtë listës së funksionarëve që preken nga ky vendim hierarkinë më të lartë shtetërore, duke nisur nga Presidenti, vetë Kryeministri, kryetari i Kuvendit, ministrat apo edhe krerët e institucioneve të pavarura kushtetuese.

vendim të Kuvendit, në bazë të distancës me zonën që ai përfaqëson, por në nivelin mesatar, kjo masë nuk mund të jetë më shumë se 40 000 lekë nga 45 000 që është tani. Ndërkohë që pjesë e kategorisë që preken nga kjo masë shtrënguese e qeverisë janë dhe krerët e disa institucioneve të pavarura, si kryetari i AMF-së, KQZ-së, ILDKP-së, nënkryetar i KLD-së, KSHC-së, EREs, AKEP-së, KKRT-së etj., të cilëve masa e bonusit që u jepet për transport shkon nga 35 000 në 20 000 lekë të reja. Nga ndryshimet që i janë bërë ligjit bazë që trajton financimin e funksionarëve për transport, preken edhe zëvendësministrat, të cilët nga 35 mijë lekë që marrin, tani me miratimin e ndryshimeve që janë propozuar do të marrin vetëm 10 mijë lekë për karburant. Siç mësohet, ndërhyrje radikale është bërë sa i përket masës së shpërblimit që përfitonin deri tani sekretarët e përgjithshëm të institucioneve shtetërore. Kjo pasi ata nuk do të përfitojnë më asnjë lek si bonus për transport.

Rama: Do kthejmë autonominë spitalore TIRANË Kryeministri Edi Rama zhvilloi dje një takim me mjekë dhe infermierë të Qendrës Spitalore Universitare “Nënë Tereza”, duke kujtuar se dikur QSUT ka qenë qendra më e rëndësishme mjekësore në vend, ndërsa sot “shëmbëlltyra e rrënimit të vendit. Për të ilustruar qëndrimin e tij, Kryeministri solli ndërmend një eksperiencë të tij shumë vite me parë. “Dikur, shumë vite më parë, vija rregullisht këtu se bëja vaksina për alergjinë. Atëherë kishte vetëm hije pishash dhe njerëz që lëviznin në këmbë. Në korridore kishte vetëm pastërti. Kur në korridor shfaqej ndonjë nga profesorët e mëdhenj, të gjithë përuleshin me respekt. Atëherë buxheti ishte më i vogël se sot..." - tha

ai. Rama shtoi se QSUT-ja ka 22 milionë dollarë detyrime të prapambetura. “Detyrimet e prapambetura ndaj furnizuesve të barnave janë 30 milionë dollarë, 22 i ka vetëm ky spital. Borxhi ynë është 600 milionë dollarë në total dhe kriza aktuale e ka vendosur buxhetin e shtetit dhe ekonominë në vështirësi shumë të madhe. Megjithatë, unë hyj tek ata që mendojnë se ky spital nuk ka nevojë për më shumë lekë, por për një tjetër sistem. Nuk mungojnë kapacitetet, por sistemi”, - tha ai. Më tej Rama u angazhua për shlyerjen e borxheve të QSUT-së. “…Kjo është barra jonë, e ne nuk do të justifikohemi se kush na e vuri këtë barrë, e as nuk do të justifikohemi para jush që keni 22 milionë dollarë

borxhe dhe nuk japim më. Jo, ne do i lajmë të gjitha borxhet e sistemit shëndetësor dhe të QSUT-së, që do të hyjë në sezonin e ri pa borxhe”,- theksoi Rama. Ai solli dje edhe përgjigje të tjera: “Autonomia spitalore është përgjigjja. Spitalet,

ndërmarrje me pjesëmarrjen direkte të trupës mjekësore dhe të personelit shëndetësor janë përgjigjja. Por ne të gjithë e dimë se për të shkuar tek kjo përgjigje, duhet të hedhim një sërë hapash. Objektivi ynë është që, në harkun e këtyre viteve që kemi mandatin për të qeverisur, ne t’i plotësojmë të gjithë këta hapa dhe autonomia spitalore të jetë e garantuar dhe e pacenueshme më në planifikimin e buxheteve dhe në administrimin e buxheteve, nga politika apo nga ministri i radhës”. Rama premtoi gjithashtu se qeveria “nuk do të blejë më barna me çmime të larta dhe nuk do të lejojë më që barnat të shiten 3 herë më shtrenjtë se vendi i origjinës. Do të heqim TVSH-në mbi ilaçet, për të ulur çmimin e tyre”.

ndryshimet Tabela e shkurtimeve të shpenzimeve për transportin e funksionarëve publikë Kryetar i Komisionit të Konkurrencës 35 000 - 20 000 Kryetar i Komisionit të Mbrojtjes së të Dhënave Personale 35 000 - 20 000 Kryetar i Komisionit të Shërbimit Civil 35 000 - 20 000 Kryetar i Komisionerit për Mbrojtjen nga Diskriminimi 35 000 - 20 000 Kryetar i Këshillit Kombëtar të Radios dhe Televizionit 35 000 - 20 000 Kryetar i Autoritetit të Komunikimeve Elektronike dhe Postare 35 000 - 20 000 Kryetar i Entit Rregullator të Energjisë 35 000 - 20 000 Kryetar i Entit Rregullator të Furnizimit me Ujë 35 000 - 20 000 Kryetar i Inspektoratit të Deklarimit të Pasurive 35 000 - 20000 KryetariKomisionitQendrortëZgjedhjeve 35 000 - 20 000 Zëvendëskryetar i Këshillit të Lartë të Drejtësisë 35 000- 20 000 Zëvendësministri 35 000 - 15 000 Sekretar i Përgjithshëm në Presidencë/Kuvend/Kryeministri 35 000 - 0 Sekretar i Përgjithshëm/drejtor Kabineti në ministri 15 000 - 0

intervista

ngjarje e ditës

Sot Komisioni i Ligjeve pritet të diskutojë aktin normativ për shtyrjen e afatit të hyrjes në fuqi të ligjit për Statusin e Nënpunësit Civil

Opozita bojkoton, mazhoranca ndalon importin e plehrave Bojkoti i opozitës ka penguar për disa minuta nisjen e punës së komisionit të Ligjeve. Mazhoranca arrin kuorumin e duhur falë pjesëmarrjes së Tahir Muhedinit të PDIU Kuvendi ka nisur dje punën e tij në komisionet parlamentare duke miratuar edhe dy projektligje të rëndësishme, por pa praninë e opozitës. Deputetët e djathtë pas seancës plenare kanë vijuar edhe me bojkotin e komisioneve parlamentare, si shenjë revolte ndaj vendimit të mazhorancës së re për të prishur konsensusin e majit të shkuar, duke shtyrë për në prill hyrjen në fuqi të ligjit ”Për Statusin e Nëpunësit Civil”. Pavarësisht kësaj, mazhoranca e majtë ka patur numrat e duhur për të kaluar në mënyrë të njëanshme projektligjin që ndalon importin e mbetjeve dhe projektligjin që parashikon masa shtesë në parandalimin e financimit të terrorizmit. Ligji i mbetjeve

Projektligji i parë që kaloi qeveria e re e të majtëve ishte ai për ndalimin e importit të plehrave, i cili dje ka kaluar në komisionin e Integrimit Europian dhe në komisionin e Veprimtarisë Prodhuese. Gjatë diskutimit të këtij projektligji në komisionin e Integrimit, përfaqësuesi e ekzekutivit, megjithëse ishin thuajse të njëjtët me ata që kanë qenë edhe në qeverisjen e shkuar, kanë theksuar rëndësinë e pezullimit të importit, në mënyrë që të nxitet riciklimi në vend. Ndërkohë që pyetjes së deputetes Monika Kryemadhi nëse është lejuar më parë importimi i mbetjeve të dëmshme në vend, përfaqësuesi i qeverisë, Pëllumb Abeshi deklaroi se fatkeqësisht, për-

faqësuesit e Ministrisë së Mjedisit konstatuan se ka precedentë të futjes së mbetjeve të rrezikshme në vend. Më pas projektligji në fjalë ka kaluar edhe në komisionin e Veprimtarisë Prodhuese, ku Aleanca kundër Importit të Plehrave, e cila ka lobuar për këtë çështje, përshëndeti vendimin duke theksuar se me të “mbyllet një dritare e madhe për të futur në Shqipëri mbetje të rrezikshme për qytetarët dhe vendin, si pasojë e mungesës së kapaciteteve administrative e kontrolluese të shtetit”. Ndërsa përfaqësuesit e Shoqatës së Ricikluesve kanë theksuar nevojën e zbatimit të legjislacionit sipas standardeve të BE-së. Komisioni i Ligjeve

Ndërkohë dje ka mbajtur mbledhjen e tij të parë zyrtare edhe komisioni i Ligjeve, i cili ka miratuar projektligjin e lënë nga qeveria demokrate “Për disa shtesa në ligjin për parandalimin e financimit të terrorizmit”. Edhe komisioni i Ligjeve është përballur me bojkotin e opozitës, i cili në fakt ka penguar zhvillimin normal të mbledhjes, pasi të majtët nuk arritën fillimisht të bënin kuorumin e nevojshëm për nisjen e mbledhjes. Është dashur ardhja e deputetit të PDIU-së, Tahir Muhedini, që të majtët të bënin 15 deputetë në sallë, duke arritur kështu kuorumin e nevojshëm për nisjen e punimeve dhe shqyrtimin e projektligjit. Por prania e Muhedinit duket se ka qenë e rastësishme dhe nuk ka

“Projektligji ka ardhur nga qeveria ‘Berisha’, por që nuk ishte miratuar për shkak se komisioni i Ligjeve e pezulloi në atë kohë me argumentin se ai nuk respektonte një vendim të Gjykatës së Strasburgut dhe se detyronte avokatët që të deklaronin në Agjencinë e Parandalimit të Pastrimit të Parave të gjitha aferat e dyshimta të klientëve të tyre”

patur të bëjë me thyerje të bojkotit të opozitës. Ai ka qëndruar vetëm pak minuta në komision dhe më pas i është dashur të largohet, ndërsa ka sqaruar për mediat se nuk ka arritur të merret vesh me drejtuesit e grupit dhe partisë së tij, pasi ata nuk i ishin përgjigjur në telefon, ndërkohë që nuk kishte asnjë njoftim për bojkot. Pavarësisht largimit të Muhedinit, mazhorancës i kanë ardhur më pas deputetë të tjerë, të cilët kanë bërë të mundur arritjen e numrit të duhur të pjesëmarrësve për të miratuar projektligjin në fjalë. Kujtojmë këtu se bëhet fjalë për një nismë, e cila ka ardhur që në pranverën e shkuar në parlament nga qeveria “Berisha”, por që nuk ishte miratuar për shkak se komisioni i Ligjeve e pezulloi në atë kohë me argumentin se ai nuk respektonte një vendim të Gjykatës së Strasburgut dhe se detyronte avokatët që të deklaronin në Agjencinë e Parandalimit të Pastrimit të Parave të gjitha aferat e dyshimta të klientëve të tyre.

Obama letër Berishës: Shqipëria ka nevojë për një opozitë efektive “Shqipëria ka nevojë për një opozitë efektive dhe konstruktive, që fokusohet në zhvillimet e vendit dhe punon me qeverinë e re për të prodhuar rezultate të prekshme për popullin shqiptar” TIRANË Në një kohë kur opozita ka bojkotuar

pa afat punimet e Kuvendit, ish- kryeministri Sali Berisha publikoi dje një letër që i ka dërguar Presidenti amerikan, Barack Obama. Në letrën e postuar dje në faqen e tij në Facebook shprehen falënderime për punën që Berisha ka bërë për ruajtjen e stabilitetit në rajon, ndërsa nënvizohen edhe disa këshilla. “Ka qenë nder dhe kënaqësi që kam punuar me Ju gjatë mandatit Tuaj si Kryeministër i Shqipërisë. Shqipëria është një aleat dhe mik i Shteteve të Bashkuara të Amerikës dhe ne gëzojmë një partneritet të fortë në shumë fusha. Si Kryeministër, Ju keni ndihmuar në

thellimin dhe forcimin e lidhjeve midis dy vendeve tona. Unë dua t’Ju falenderoj për mbështetjen Tuaj ndaj përpjekjeve tona në Afganistan dhe Siri, si dhe për punën Tuaj në ruajtjen e stabilitetit në Ballkan. Do të doja gjithashtu të rikonfirmoj mirënjohjen time për bashkëpunimin e qeverise suaj në lehtësimin e transferimit të të burgosurve të Guantanamo Bay dhe banorëve të Hurriya Camp. Këto janë çështje të rëndësishme dhe ne e vlerësojmë mbështetjen e fortë të Shqipërisë”,- thuhet në letër. Më tej Presidenti amerikan nënvizon: “Ndërsa Ju kaloni në rolin Tuaj si një anëtar i rëndësishëm i opozitës, unë e di se Ju do të mbeteni i angazhuar pozitivisht në procesin e ndërtimit të kauzës së Shqipërisë për anëtarësim në Bashkimin Europian. Shqipëria ka nevojë për një opozitë efektive dhe konstruktive, që fokusohet në zhvillimet e vendit dhe punon me qeverinë e re për të prodhuar rezultate të prekshme për popullin shqiptar. Me lejoni t’Ju përcjell urimet e mia më të mira për sukses të madh dhe lumturi në të gjitha përpjekjet tuaja në të ardhmen”.

projektet

“Punësimi”, Basha takon Bordin e Fondit ShqiptaroAmerikan TIRANË Kryetari i Bashkisë së Tiranës, Lulzim Basha u takua dje me anëtarët e Bordit të Fondit Shqiptaro-Amerikan të Ndërmarrjeve dhe kryetarin e tij, Michael Granoff. “… Diskutuam për thellimin e bashkëpunimit midis Bashkisë së Tiranës dhe Fondacionit, në fusha me rëndësi të veçantë për prioritetet tona dhe qytetarëve të Tiranës, siç janë zhvillimi ekonomik dhe shanset për punësim, si dhe për një sërë projektesh të tjera të Fondit dhe Fondacionit, të cilat përbëjnë pa dyshim dy shembuj shumë frymëzues, jo vetëm për njësi të ngjashme që kanë operuar apo vazhdojnë të operojnë në Shqipëri, nga donatorë europianë dhe euro-atlantikë por edhe për vetë shoqërinë shqiptare, botën e biznesit dhe organizime të ngjashme, qëllimi i të cilëve është i njëjtë me ato të Fondit dhe Fondacionit dhe është zhvillimi, mirëqenia dhe konsolidimi i vlerave të një shoqërie të lirë e demokratike,”- tha pas takimit Basha. Ndërsa kryetari i Bordit të Fondit Shqiptaro – Amerikan, Michael Granoff theksoi se “përmes partneritetit shumë të mirë që ekziston mes Fondit e qeverisjes në nivel qendror dhe lokal, janë hedhur hapa të rëndësishëm në përmirësimin e jetës për mjaft qytetarë shqiptarë”. Me rëndësi në suksesin e projekteve të Fondit Shqiptaro-Amerikan, Granoff vlerësoi partneritetin me z. Basha.

Gazeta MAPO

www.mapo.al / gazetamapo@gmail.com

08.10.2013

“Qeveria nuk është as prokurori, nuk është as gjykatë. Qeveria ka objektiv të vetin modernizmin dhe modernizimi në raport me korrupsionin, do të thotë ngushtim i hapësirave për korrupsion” konsultimet

Nishani nis negociatat për kreun e Kushtetueses Presidenti Bujar Nishani pritet të takojë sot krerët e grupeve parlamentare, Gramoz Ruçin, Edi Palokën, Petrit Vasilin, Shpëtim Idrizin dhe Fatmir Mediun, për konsultime për zgjedhjen e kryetarit të ri të Gjykatës Kushtetuese. Burime nga Presidenca bëjnë me dije se nisin kështu konsultimet me partitë parlamentare për të zgjedhur kryetarin e ri të Gjykatës Ku s h t e t u e s e . S i p a s njoftimit të Presidencës, bëhet e ditur se nesër në orën 10:00, Presidenti Nishani takimin e parë e ka me kreun e Grupit të PS-së, Gramoz Ruçi. Më pas, në orën 10:45, Presidenti Nishani do të presë në takim kreun e Grupit të PD-së, Edi Paloka. Ndërsa në orën 12:30 do të zhvillohet takimi me kreun e Grupit parlamentar të LSI-së, Petrit Vasili. Ndërsa takimin e fundit, Nishani do ta kryejë me kreun e Grupit të PR, Fatmir Mediu, në orën 14:30. Takimet vijnë në kuadër të zgjedhjes së kreut të ri të Gjykatës Kushtetuese, pas mbarimit të mandatit 3-vjeçar të kryetarit Bashkim Dedja.

Rama: Korrupsioni nuk zgjidhet për 100 ditë, kam frikë vetëm për financat Kryeministri Edi Rama komenton emërimet dhe vendimet e para të tij. Nuk jep një datë për statusin e vendit kandidat dhe pohon se prokuroria nuk është në lartësinë e duhur dhe gjykatat janë faltore për korrupsionin. Zoti Rama, cili është shqetësimi i parë që ju vjen ndërmend sapo ju zgjoheni në mëngjes, aq më tepër në mëngjesin e një të hëne? Shqetësimi i parë që më vjen ndërmend është sa shpejt kalon koha. Zoti Rama, Ministër Kulture, Kryetar i Bashkisë së Tiranës, më pas lider i opozitës dhe tashmë Kryeministër i Shqipërisë. Mision i përmbushur? Për sa i përket të tjerave po, për sa i përket kësaj të fundit, gjithçka mbetet për t’u parë. Drejtoresha e re e QSUT-së, që ju do të takoni sot, po ashtu e ka nisur nga pastrimi i kioskave. “Bisturia” duhet të niste punë për operacionin kozmetik, apo në ndonjë organ tjetër të rëndësishëm dhe më problematik të Shqipërisë? Meqë po flasim për spitalin, ma thoni ju: A mund të bëhet operacion në një sallë operacioni të mbushur me plehra?! Apo në radhë të parë duhet pastruar salla e operacionit dhe pastaj të fillojë operacioni?! E drejtë! Zoti Rama, qeveria e parë me kaq shumë gra në përbërje, por duket se edhe në nivel drejtorësh keni zgjedhur femra dhe mbi të gjitha, të reja në moshë. Pse kjo zgjedhje? Femrat janë më të përkushtuara, më pak të korruptueshme, më ambicioze, përse kjo zgjedhje? Apo të gjitha nga pak? Janë të vërteta të gjitha këto. Por përtej këtyre, besoj se në këto pika kyçe, që janë edhe pikat ku ndodhen gjëndrat më të mëdha tumorale të korrupsionit, është shumë e rëndësishme të ndërthurim profesionalizmin, që unë ju siguroj që të gjitha këto vajza e kanë, me luajalitetin ndaj misionit të marrë dhe me ambicien profesionale që po ashtu, të gjitha e kanë, sikundër edhe domosdoshmërinë që jo vetëm për vajzat, por edhe për djemtë, t’i jepet mundësi gjeneratës së re që të marrë në dorë përgjegjësi më të mëdha. Për të mbetur te gjenerata e re, zoti Rama, përveç egos personale, por edhe profesionalizimit që nuk ju mungon, është edhe çështje eksperience paksa. A

e kanë këta drejtues të rinj përvojën apo….? Edhe këshilltarët janë të rinj në moshë, zoti Rama. Më duket se edhe ju që po bëni pyetjet jeni shumë të rinj në moshë. Mesa unë di, kur ju kanë dhënë përgjegjësinë të uleni në atë banak të mëngjesit, nuk është se keni pasur më shumë eksperiencë se sa të tjerë, që mund të kenë pasur më shumë eksperiencë sesa ju, por jam i sigurt se nuk do ta kishin bërë dot aq mirë se sa e bëni ju punën. Zoti Rama, keni deklaruar se do të keni një qeveri me pak shpenzime, më pak se ajo paraardhëse. Vazhdoni t’i qëndroni zotimit se do të bëni publik, online, çdo shpenzim? Absolutisht po! Po përgatisim mekanizmin që do të bëjë të mundur filtrimin e të gjitha të dhënave drejtpërdrejt, pa asnjë reduktim apo redaktim online , të të gjitha shpenzimeve të brendshme, të Kryeministrisë dhe me radhë pastaj të të gjitha ministrive. Lidhur me çështjen e ndarjes së mandatit të deputetit, keni një marrëveshje koalicioni me LSI-në, ku ata që kanë pranuar detyrën e ministrit, janë të detyruar të lënë mandatin e deputetit, përveç Kryeministrit. Kur do të ndodhë kjo? Do të fillojë së shpejti. Është çështje procedurash dhe është çështje e një organizimi të brendshëm, për të bërë të mundur që të mos ndihet për asnjë moment në Kuvend mungesa e votave, sepse po të shikoni edhe Kodin Zgjedhor, ka disa afate dhe ka disa procedura për zëvendësimin e një deputeti me një tjetër. Kështu që, kjo nuk mund të bëhet menjëherë dhe nuk Zoti Rama, nuk keni frikë se pas këtyre muajve të parë të ‘mjaltit’ do të keni edhe shumë të pakënaqur në rreshtat e partisë e ndoshta dhe të militantëve? Nuk kam frikë nga asgjë, përveçse nga çfarë do të gjejmë përpara në kuptimin e shifrave, të të dhënave të ekonomisë dhe të financave, në kuptimin e të papriturave që mund të na ndodhin dhe mund të na vënë në kushte emergjencash kombëtare. Edhe për të gjitha

Nuk kam frikë nga asgjë, përveçse nga çfarë do të gjejmë përpara në kuptimin e shifrave, të të dhënave të ekonomisë dhe të financave, në kuptimin e të papriturave që mund të na ndodhin dhe mund të na vënë në kushte emergjencash kombëtare

këto, frika ka vetëm një emërues, që të mos gjendemi të papërgatitur në kushtet kur realisht, këtë gjendje dhe këtë kapacitet shumë të ulët të shtetit ne e kemi të trashëguar dhe nuk kemi asnjë përgjegjësi tonën. Për të tjerat, nuk kam asnjë frikë. Për të qenë më konkretë, cilat do të jenë sfidat e ekzekutivit “Rama” në këto 100 ditë të para, të paktën? Zgjimi i një shteti tërësisht të përgjumur, me pjesë të tëra të trupit të tij që janë të paralizuara dhe me një pjesë shumë të madhe të trurit të vet që është jashtë funksionit. Zoti Rama, përballja e parë do të jetë shumë shpejt me Brukselin. Sa shanse ka Shqipëria të marrë statusin e vendit kandidat në muajin dhjetor? Nuk është çështje date dhe, për mua, e kam thënë më parë në opozitë, e përsëris sot si Kryeministër, rruga e integrimit europian nuk është një rrugë që do të thotë ne të shkojmë drejt Brukselit, por është një rrugëtim brenda nesh, për të ndërtuar Shqipërinë europiane këtu, në vendin tonë. Një detyrë e rëndësishme, e lënë nga Brukseli, është dhënia fund e kulturës së pandëshkueshmërisë në Shqipëri. Do të kemi diçka konkrete në këto 100 ditë që kemi para? Ju e dini shumë mirë që kultura e pandëshkueshmërisë është një kulturë që i ka rrënjët sa tek një shtet, në tërësi, i kapur prej korrupsionit, tek një qeveri e paaftë për të luftuar sëmundjen që e ushqen vetë korrupsionin. Tek një prokurori, e cila deri më sot nuk është treguar në lartësinë e duhur përballë korrupsionit dhe tek një gjykatë që, deri më sot, më shumë ka qenë faltore e korrupsionit sesa ndëshkimore për korrupsionin. Nuk besoj se ka mendje të arsyeshme që të gjitha këto t’i kërkojë të zgjidhen brenda 100 ditësh. Zoti Rama, duke qëndruar sërish tek Brukseli, duket se filozofia juaj qeverisëse synon më shumë modernizimin sesa ndëshkimin. Qeveria nuk është as prokurori, nuk është as gjykatë. Qeveria ka objektiv të vetin mod-

ernizmin dhe modernizimi në raport me korrupsionin, do të thotë ngushtim i hapësirave për korrupsion. Por, sigurisht që qeveria, teksa modernizon, nuk mund të bashkëjetojë me korrupsionin, përkundrazi, duhet që organizmi i saj ta jashtëqitë korrupsionin. Dhe është shumë e qartë që, përmes modernizimit, mekanizmat e bëjnë të mundur edhe këtë. Çfarë mendoni për një deputet që ndërron krahun politik, zoti Kryeministër? Pyesni deputetin, unë nuk e kam ndërruar ndonjëherë krahun. E bëjmë këtë pyetje sepse para pak ditësh u bëtë me 84 vota, me mazhorancë absolute në Kuvend, për shkak të një deputeti i cili ndërroi krahun... Në një moment të caktuar ne mund të kemi më shumë, por kjo nuk do të thotë që për këtë duhet të na pyesni ne. Duhet të pyesni ata që vendosin që të ndërrojnë krahun, apo të votojnë për një ligj, ose një tjetër, që lidhet me vullnetin e shumicës. Megjithatë, do keni dëgjuar që opozita ka bojkotuar seancën e fundit plenare dhe ka paralajmëruar një bojkot edhe më të gjatë. Cili do të jetë reagimi juaj në rast se ndodh një gjë e tillë? Është e drejta e saj. Zoti Rama, ndoshta jeni e vetmja qeveri, për të qenë i sigurt që nga viti 1991, që përbëheni nga 2 parti, një koalicion i fortë. Megjithatë, si ndihen aleatët e tjerë? Keni pasur marrëveshje parazgjedhore me ta për të ndarë poste, ose për të ndarë pushtetin në rast fitoreje. A ka kontakte me ta? Duhet të pyesni ata. Unë kam qenë shumë i përqendruar në këtë periudhë fare të parë, për të sistemuar disa aspekte të mekanizmit qeverisës, që nuk kanë të bëjnë me marrëveshjen me aleatët. Pra, do të zbatohet kjo marrëveshje më vonë, në një periudhë të dytë? Për të gjitha çfarë jemi marrë vesh, do të vazhdojmë të merremi vesh. Marrë nga emisioni “7 pa 5” në Vizion Plus

Kronika e ditës

ditari

Inflacioni 1.7%, rritja e çmimeve e përqendruar tek ushqimet Inflacioni qëndroi në nivele të ulëta edhe gjatë muajit shtator. Sipas të dhënave të publikuara dje nga INSTAT, inflacioni vjetor ishte 1.7%, në rritje nga vlera 1.2% e muajit gusht, por ndjeshëm poshtë objektivit prej 3% të Bankës së Shqipërisë për stabilitetin e çmimeve. Dobësia e kërkesës së brendshme vazhdon të përcaktojë rritje modeste të çmimeve të konsumit. Po të shohim struk-

turën e inflacionit, vërejmë se edhe gjatë muajit shtator ai u shkaktua në masën 90% nga grupi “Ushqime dhe pije joalkoolike”. Inflacioni në këtë grup për shtatorin u rrit në 3.9%, nga 2.8% që kishte qenë në gusht. Produktet me rritjen më të lartë të inflacionit ishin frutat dhe zarzavatet, çka ndoshta lidhet me një rënie stinore të ofertës për to. Të gjitha grupet e tjera të mallrave

dhe shërbimeve regjistruan rritje të papërfillshme ose rënie të inflacionit. Fakti që inflacioni vjen në masën dërrmuese nga grupi i ushqimeve tregon se kërkesa dhe shpenzimet konsumatore janë kryesisht të përqendruara pikërisht te mallrat më të domosdoshme. Inflacioni pranë zeros në shumicën e grupmallrave të tjera dëshmon një kërkesë të dobët për to.

Borxhi ndaj biznesit, "pjesa e luanit" ndaj bankave dhe CEZ Detyrimi i artikuluar në vlerën e 600 milionë dollarëve ndaj biznesit në gati 400 mln USD përbëhet nga vonesat në pagesat e interesave të bonove të thesarit ndaj bankave dhe faturat e papaguara të CEZ Blerina Hoxha

Borxhi i “fshehur” që qeveria e re ka gjetur si të padeklaruar biznesit, në një pjesë të madhe të tij nuk i përket kompanive të ndërtimit dhe atyre të shërbimeve, por bankave dhe kompanive të tjera që i ka në pronësi shteti. Burimet në Ministrinë e Financave pohojnë se detyrimi i artikuluar në vlerën e 600 milionë dollarëve në shumicën e tij përbëhet nga vonesat në pagesat e interesave të bonove të thesarit ndaj bankave. Ndërsa faturat e papaguara ndaj biznesit në total nuk i kalojnë të 200 milionë USD. Manipulimi

Komuniteti i biznesit ka mbetur gojëhapur kur ka mësuar shifrën e re nga Ministria e Financave se ka për t’iu kthyer 600 milionë euro. Të kontraktuara veç e veç, shoqatat pohojnë shifra që nuk i kalojnë të 200 milionë dollarët. Po ku është pjesa tjetër? Ekspertët e Canit pohojnë se pjesa tjetër është detyrim ndaj bankave dhe kompanisë CEZ. Ndërsa ekspertë të njohur të opozitës, si ish-ministri i Financave, Ridvan Bode dhe ish-këshilltari për ekonominë i kryeministrit Berisha, Petraq Milo, vlerësuan këto ditë se qeveria e re nuk po jep re-

alitetin për gjendjen e buxhetit dhe të borxheve. Ministri Bode tha se shifra 600 mln USD është fryrje e paqenë, dhe ka pohuar se situacionet e papaguara në buxhet nuk janë më shumë se 100 milionë dollarë. Gjithashtu, ish-këshilltari i ish-kryeministrit Berisha, tani anëtar i Këshillit të Mbikëqyrjes së Bankës së Shqipërisë, nuk i vlerëson serioze deklaratat e qeverisë për borxhet. Milo thotë se përpara se të bëhen këto deklarata, duhet bërë ballafaqim me buxhetin e shtetit, ku të ballafaqohen institucionet përgjegjëse si Ministra e Financave, se si e ka realizuar apo cila është vijueshmëria e treguesve fiskalë për vitin 2013. Ai vlerëson auditin nga ndërkombëtarët, por thotë se qeveria nuk duhet të nxitohet në deklaratat e saj se Shqipëria është në krizë, pasi më parë duhen parë rezultatet që do të dalin nga auditi. FMN

Misioni i fundit i Fondit Monetar Ndërkombëtar ka sugjeruar tri faza për administrimin e borxhit që shteti ka ndaj biznesit privat. E para është vetëdeklarimi i borxhit nga biznesi dhe kjo tashmë ka nisur. Faza e dytë është kontabilizimi i këtij borxhi dhe pas faza e tretë është nisja e shlyerjes dhe përcaktimi i një afati për këtë qëllim. Gjithashtu FMN lajmëron se, nëse këto propozime të tij nuk zbatohen, borxhi do të kthehet në një rrezik serioz për stabilitetin e vendit, veçanërisht nëse normat e interesit vijë në rritje pasi ato tani kanë prekur fundin. “Një kthim në qëndrueshmërinë e borxhit do të kërkonte një angazhim të fortë për

Ministri Bode tha se shifra 600 mln USD është fryrje e paqenë, dhe ka pohuar se situacionet e papaguara në buxhet nuk janë më shumë se 100 milionë dollarë

konsolidimin e qëndrueshëm fiskal në periudhën afatmesme, duke filluar me buxhetin 2014, të përforcuara nga politikat e prekshme dhe reformat strukturore që adresojnë shkaqet rrënjësore të deficiteve të larta”,- sugjeron Fondi. Rikthimi i borxheve biznesit, sipas Fondit do të krijonte premisa për rritje ekonomike dhe hapjen e vendeve të reja të punës, pasi biznesi do të synojë t’i riinvestojë këto vlera.

HEC-et, bllokohen edhe 5 koncesione Shfuqizohen vendimet e mëparshme të qeverisë për miratimin e bonuseve për 5 HEC-e dhe anulohen procedurat e koncesionit për tre prej tyre. Sipas një njoftimi zyrtar, me propozim të ministrit të Energjetikës, Damian Gjiknuri, Këshilli i Ministrave ka shfuqizuar vendimet e mëparshme të Këshillit të Ministrave për miratimin e bonusit në procedurën përzgjedhëse konkurruese për dhënien me koncesion të disa hidrocentraleve. Kështu janë anuluar bonuset për HEC-et “Selca 2, Mesmal”, “Gjergjovinë”, “Viliq”, “Kolosjan” dhe “Kalivar”. Ndërkaq, bazuar në Kodin e Procedurave Administrative, ligjin “Për koncesionet dhe partneritetin publik-privat”, ashtu sikurse edhe shkresat e Agjencisë së Prokurimit Publik, në të cilat janë evidentuar një tërësi shkeljesh materiale dhe procedurale nga ana e Autoritetit Kontraktor gjatë realizimit të procedurave, ministri i Energjetikës dhe Industrisë, Damian Gjiknuri ka urdhëruar anulimin e procedurës së koncesionit me objekt “Ndërtimi i hidrocentralit Viliq”, anulimin e ndër-

timit për HEC, Kolosjan” dhe anulimin e procedurës së koncesionit për HEC-in Kalivar”. Të njëjtat burime bëjnë me dije se anulimet e procedurave të këtyre koncesioneve janë kryer për shkak të aplikimit të gabuar të bazës ligjore, mosrespektimit të afatit kohor për dorëzimin e ofertave dhe mosrespektimin e afatit të ankimimit të operatorëve të pakënaqur. Për tri rastet e mësipërme, ministri Gjiknuri ka urdhëruar analizimin e përgjegjësisë dhe marrjen e masave disiplinore ndaj personave përgjegjës. Kjo prishje e kontratave vjen si një premtim i mbajtur i qeverisë socialiste, e cila pat deklaruar se do të rishohë të gjitha kontratat koncesionare të dhëna në prag dhe pas përfundimit të zgjedhjeve. Por më vonë ministri i Energjetikës, Damian Gjiknuri ka pohuar se do të rishohë të gjitha procedurat e koncesioneve. Ndërkohë, në terren shumë prej tyre kanë nisur nga puna dhe tashmë gjenden të investuara miliona dollarë. Nga ana tjetër, bizneset koncesionare të HEC-ve kanë pohuar se do t’i drejtohen gjykatës.

takimi

Gjiknuri: Biznesi vendas të marrë pjesë në investimet e TAP Zhvillimi i mëtejshëm i gazsjellësit TAP është bërë shkak për një takim ndërmjet ministrit të Energjisë dhe Industrisë, Damian Gjiknuri, me ambasadorin e Azerbajxhanit, Rahman Mustafayev. Gjiknuri ka shprehur angazhimin për krijimin e një sektori të veçantë pranë kësaj ministrie me specialistë për çështjen e gazit, ashtu sikurse në nivel ndërministror do të funksionojë një Task-Forcë për të shtyrë përpara projektin TAP. Burimet zyrtare pohuan se ministri Gjiknuri ka deklaruar se duhen parë me shumë përparësi investimet në kuadër të gazifikimit, ndërsa kompanive vendase duhet t’u krijohet mundësia për t’u përfshirë në këtë fazë të projektit. Nga ana e tij, ambasadori Mustafayev ka vlerësuar se “ Shqipëria ka potenciale të mëdha për të tërhequr investitorët e huaj, ndërsa projekti i gazsjellësit TAP do t’i sigurojë përfitim të madh ekonomik në këndvështrimin e gazifikimit dhe diversifikimit të burimeve energjetike”. Gjithashtu, ambasadori Mustafayev ka shprehur gatishmërinë për të ndihmuar palën shqiptare dhe veçanërisht në aspektin teknik e në trajnimin e specialistëve të fushës së gazit”, përfundon njoftimi i Ministrisë së Energjetikës dhe Industrisë.

Gazeta MAPO

www.mapo.al / gazetamapo@gmail.com

08.10.2013

Vrasja në market, analiza e ADN gjen autorin Tiranë Pas më shumë se një vit hetimesh, Prokuroria e Tiranës akuzon si autor të vrasjes së pronarit të një minimarketi, shtetasin Jashar Meta, person i njohur me precedentë penalë. Ngjarja që mbeti për disa kohë e pazbardhur, sipas hetimit mban autorësinë e Metës, i cili ishte liruar nga burgu vetëm pak kohë më parë. Zbulimi është bërë nga kamerat e sigurisë së marketit dhe analiza e ADN-së së një cope bluze që viktima Petrit Kurti ka mundur

t’i shkëpusë autorit në përleshje e sipër. Ngjarja ka ndodhur më 23 gusht të vitit 2012, në Yzberisht, kur një person i armatosur dhe me kapele në kokë ka sulmuar pronarin e marketit dhe në tentativë grabitjeje e ka qëlluar atë dy herë me armë zjarri duke i shkaktuar vdekjen. Sipas dëshmisë së bashkëshortes së viktimës rezulton se autori ka hyrë në dyqan dhe iu është drejtuar atyre me fjalët: “Mos lëvizni se ju vrava!” dhe ka hyrë nga brenda

banakut duke u drejtuar për tek sirtari i lekëve. “Në këtë moment, shtetasja M. Kurti është shtrirë përtokë, ndërsa bashkëshorti i saj Petrit Kurti është drejtuar për tek ky person dhe ka filluar të përleshet me të. Pas disa momentesh përleshjeje autori, i cili kishte armë në dorë, ka qëlluar dy herë në drejtim të shtetasit Petrit Kurti në distancë shumë të afërt dhe është larguar me vrap, duke e lënë të plagosur këtë të fundit”,- thotë prokuroria.

Grabiten 3.1 mln në furgonin e blinduar, dyshime mbi stafin e spitalit Tre persona të armatosur kanë grabitur paratë e një spitali privat, të cilat po transportoheshin në bankë. Policia shoqëron punonjësit e sigurisë dhe ngre dyshime për skemën e grabitjes Dashamir Biçaku

Tre persona të maskuar dhe të armatosur sulmuan makinën e blinduar të një spitali privat, duke grabitur rreth 3.1 milionë lekë të reja. Skena e grabitjes ndodhi sa hap e mbyll sytë në ambientet e Spitalit Ushtarak, ndërsa autorët u larguan që andej me shumën e parave. Dyshimet e para të hetuesve të Drejtorisë së Policisë së Tiranës bien mbi njerëz që mund të kenë bashkëpunuar me stafin e brendshëm të spitalit, apo të punonjësve të sigurisë. Për këtë shkak, menjëherë pas ngjarjes policia shoqëroi në ambientet e saj një grup personash, pjesë e personelit të spitalit, si dhe një kamerier të një lokali aty pranë. Një burim i policisë i tha MAPO-s se janë shoqëruar 3 nga punonjësit e sigurisë që ishin duke përgatitur transportin e parave nga administrata e spitalit privat drejt një banke të nivelit të dytë, me të cilën punon spitali, si dhe një kamerier në cilësinë e dëshmitarit të ngjarjes. Ky i fundit po u shërbente klientëve vetëm pak metra larg grabitësve në mo-

mentin e sulmit. Ngjarja ndodhi dje pasdite, rreth orës 16:00, kur policia u njoftua se një grup personash të armatosur kishin mësyrë në pjesën e parkingut jugor të Spitalit Ushtarak, ku është e vendosur administrata e Spitalit Amerikan. Në këtë moment, makina e blinduar sapo kishte mbërritur në hyrjen e administratës dhe shuma e parave po transportohej me një thes. Sipas policisë, makina u sulmua nga persona të armatosur me automatikë, të cilët u shfaqën aty me një motor. Sipas burimeve të policisë, referuar dëshmive të ndryshme, dy persona nxorën dy armë të shkurtra ndërsa ishin me kokore motori në kokë. Pa mundur të bënin asnjë kundërshtim, efektivët e rojës së sigurisë dorëzuan thesin me një shumë prej rreth 3.1 milionë lekësh. Burimet thonë se në këtë moment, një person tjetër i tretë është shfaqur duke ndihmuar agresorët. Në pak momente personat u larguan nga vendi i ngjarjes, duke marrë rrugën “Don Bosko”, në drejtim të fabrikës së këpucëve. Policia ka patrulluar dhe ka kryer disa kontrolle banesash pas fabrikës së këpucëve si dhe pas rrethimit të Spitalit Ushtarak, në drejtim të hekurudhës, për të zbuluar gjurmë të agresorëve. Pak momente pas krimit efektivat blu mbërritën në vendin e ngjarjes dhe nisën hetimet për grabitjen. Nga deklarimet e marra policia ka vërejtur informacione kontradiktore nga personat e shoqëruar, të pyetur prej saj në lidhje me rrethanat e grabitjes, apo të

Furgoni që u grabit dje në Spitalin Ushtarak

Ndërkaq hetuesit dje kanë kërkuar të verifikojnë pamjet e një kamere të vendosur në hyrjen e Spitalit Ushtarak, por është vënë re se ajo nuk punonte. Më tej është siguruar një kamera tjetër në një distancë më të largët nga spitali, e cila tashmë është duke u analizuar nga hetuesit e policisë.

mënyrës se si po transportoheshin paratë. Kjo ka bërë që policia të dyshojë për faktin se grabitësit kanë qenë të lidhur me njerëz të brendshëm që i kanë ndihmuar ata në grabitje. Po kështu, hetuesit kanë kërkuar të dinë nga personeli dhe nga punonjësit se kush kishte informacion për transportimin e parave, si dhe me personat të cilët është komunikuar. Informacione të tilla pritet të verifikohen nga policia në vazhdim. Ndërkaq hetuesit dje kanë kërkuar të verifikojnë pamjet e një kamere të vendosur në hyrjen e Spitalit Ushtarak, por është vënë re se ajo nuk punonte. Më tej është siguruar një kamera tjetër në një distancë më të largët nga spitali, e cila tashmë është duke u analizuar nga hetuesit e policisë.

Vdekja e Denisit, dy mjekët irlandezë nën akuzë Prokuroria shqiptare cilëson përgjegjës dy mjekët irlandezë për vdekjen e 11-vjeçarit pas operacionit në sy Tiranë Prokuroria shqiptare ka vënë nën akuzë dy mjekë irlandezë, të cilët janë përgjegjës për vdekjen e 11-vjeçarit Denis Alimadhi në sallën e operacionit. Gerald Fahy dhe Kevin Clarkson akuzohen nga prokuroria për “mjekim të pakujdesshëm”, pasi nuk kanë marrë të gjitha masat për t’i shpëtuar jetën 11-vjeçarit, i cili iu nënshtrua një ndërhyrjeje kirurgjikale në sy më 9 nëntor të vitit të shkuar. Ekspertët mjekoligjorë kanë arritur në përfundimin se 11-vjeçari ndërroi jetë si pasojë e hipertermisë malinje, e cila mund të ishte shmangur nëse në sallën e operacionit do kishte Dentrolen. “Në rastin e viktimës D. Alimadhi, sëmundja e hipertermisë malinje është shfaqur në prag të përfundimit të operacionit, që duhet të ketë qenë shkaktuar nga narkoza e përdorur për daljen nga gjendja e komës. Në këtë moment duhej përdorur sa më shpejt si mjekimi specifik me Dentrolen, i cili nuk u krye për shkak të mosgjetjes së tij, ashtu

edhe mjekimi simptomatik që në përgjithësi është aplikuar”,- thuhet në dosjen e prokurorisë. Sipas konkluzionit të grupit të ekspertëve rezulton se përgjegjësia bie mbi dy mjekët irlandezë, të cilët kanë neglizhuar me detyrën në lidhje me sigurimin paraprak të të gjitha medikamenteve të nevojshme për të siguruar një operacion të sigurt nga pikëpamja jetësore. “Këta mjekë, me veprimet e tyre neglizhente dhe mosvepruese, duke vepruar me pakujdesi nuk i kanë dhënë mjekimin e duhur në ko-

hë sipas protokolleve mjekësore pacientit në fjalë, duke i shkaktuar atij vdekjen e menjëhershme”, - thotë prokuroria. Sipas aktakuzës thuhet se ishte detyra e mjekëve që kryen operacionin për të parashikuar çdolloj komplikacioni, si dhe të garantonin ekzistencën e mjekimit të duhur për çdo rast përpara se pacienti të futej në sallën e operacionit. “Për këtë rast, të dy të pandehurit duhet të mbajnë përgjegjësi penale sipas ligjit penal shqiptar për këtë pasojë të pakthyeshme, humbjen e jetës së një fëmije 11-vjeçar, atë të D. Alimadhit në sallën e operacionit, i cili hyri më datë 08.11.2012 për një ndërhyrje estetike në sy dhe doli prej saj i pajetë”,- thotë prokuroria. Dy mjekët irlandezë, kirurgu okulist Gerald Fahy dhe mjeku anestezist Kevin Clarkson kanë kryer operacionin e 11-vjeçarit në kuadër të një marrëveshjeje dypalëshe mes shtetit shqiptar dhe shoqatës “Miqtë Irlandezë të Shqipërisë”. Dy të pandehurit janë hetuar në gjendje të lirë nga prokuroria shqiptare, ndërsa tashmë ata duhet të përballen me akuzën e “mjekimit të pakujdesshëm” në Gjykatën e Tiranës. L.Bakillari

hetimi

Ryshfeti, arrestohet nënkomisari i Pogradecit Një nënkomisar i policisë së Pogradecit ka përfunduar në pranga me akuzën e korrupsionit. Operacioni është realizuar nga Shërbimi i Kontrollit të Brendshëm, i cili po hetonte prej disa kohësh Agustin Cinarin, specialist në zyrën e parandalimit të krimit në këtë komisarit. Burime nga Ministria e Brendshme bënë me dije se Cinari, me gradë nënkomisar, i kishte kërkuar para një personi në këmbim të premtimit se do t’i mbyllej çështja e hapur në polici. SHKB organizoi operacionin për kapjen e tij në flagrancë, në çastin që nënkomisari ishte duke marrë lekët. Shërbimi i Kontrollit të Brendshëm vuri në pranga nënkomisarin e policisë së Pogradecit, mbi të cilin rëndon akuza e “shpërdorimit të detyrës dhe mitmarrjes”. Lidhur me këtë rast materialet i kaluan Prokurorisë, ndërsa vijojnë hetimet intensive për zbardhjen e plotë të rrethanave të ngjarjes.

CMYK

8 08.10.2013

Gazeta MAPO

www.mapo.al / gazetamapo@gmail.com

NJOFTIM / REKLAMA

CMYK

NJOFTIM / REKLAMA

faqe 9

Gazeta MAPO

www.mapo.al / gazetamapo@gmail.com

08.10.2013

Opinione & Editoriale

Blog & Ide

OpEd

Nga Bujar Kapexhiu

Opinione dhe Editoriale

Turisti shqiptar qytetar i botës apo qytetar i Shqipërisë? N isur nga historia e hershme e tij, rajoni i Ballkanit ka qenë gjithnjë rajoni ku kryqëzoheshin perandoritë, luftonin për territoret e tyre, duke formuar kështu kaleidoskopin e një kulture unike në Europë. Ndikimi i kulturave të ndryshme sikurse ajo romake, veneciane, turke, austro-hungareze, sllave dallohen në shumë fusha si: arkitektura, gatimi, muzika, traditat, gjuha e rajonit. Patjetër, që të gjithë këta faktorë bëjnë që ky rajon të shndërrohet në një atraksion, në një vend tërheqës për t’u vizituar. Kufizimet rrugore, konfliktet politike bënë që ky rajon para 20 vitesh të ishte i izoluar nga pjesa tjetër e botës, por turizmi filloi të zhvillohej me hapa të shpejtë më pas. Sipas statistikave të World Tourism and Travel Council, gjatë vitit 2012, industria e turizmit zë 27.7% në GDP e Kroacisë, 22% në GDP e vendit tonë dhe 17.3% në GDP e Malit të Zi. E me këtë hov të shpejtë të zhvillimit të turizmit, në Shqipëri vihen re dy rritje, ajo e turistëve të huaj në Shqipëri dhe ajo e turistëve shqiptarë jashtë vendit. Me liberalizimin e vizave dhe lëvizjen e lirshme të qytetarëve, një faktor pengues për shumë vite, vihet re një rritje në lëvizjet turistike të shqiptarëve jashtë vendit. Izolimi i vendit për 50 vite, ka bërë që etja për të parë vende të reja, kryesisht në Perëndim, të jetë e madhe. Kjo shpjegohet dhe me faktin se Perëndimi ka qenë ajo “molla e ndaluar” për popullin shqiptar. Ndërkohë që vihet re një përbuzje e lehtë nga ana jonë kur bëhet fjalë për një vend të Lindjes, duke bërë direkt analogjinë me një vend komunist. Megjithë rritjen e udhëtimeve turistike në vendin tonë, do ende kohë që të kultivohet kultura e mirëfilltë turistike në popull. Do të ndalesha në disa veçori: - Ajo çka më bën përshtypje në udhëtimet turistike të shqiptarëve jashtë vendit është dëshira e madhe për të gjetur “diçka që nuk shkon” në atë vend që vizitojnë, çka besoj se lidhet me nevojën e brendshme për të “ngushëlluar”

koment

Etleva BAZI

Interesante është gjithashtu mënyra e përzgjedhjes së destinacionit ku shkohet. Në përgjithësi rezervohet një destinacion, i cili është bërë “modë”, dhe këtu mbizotërojnë destinacione tradicionale, shumë pak preferojnë destinacione ekzotike. Ecet me moton: “Nëse ai/ajo ka shkuar atje, pse të mos shkoj unë?”. Trendi është drejt vendeve që kanë atraksione antropogene si muzeume, statuja të ndryshme, qytete të lashta....një pjesë më e vogël preferon t’i përkushtohet dhe bukurive natyrore në destinacionin ku shkon. Kuptohet, këtu përjashtojmë destinacionet bregdetare që preferohen gjatë verës.

vendin e tyre dhe për të thënë që “nuk jemi dhe aq keq”. - Në përgjithësi udhëtohet në mënyrë individuale, ose në grupe të vogla, kjo dhe për shkak të diferencave të mëdha financiare që ekzistojnë në klasat e ndryshme në shoqërinë tonë. Kryesisht ata që udhëtojnë janë të rinjtë, një moshe

25-35 vjeç dhe një përqindje e vogël që përbën elitën e vendit. Grupmosha 25-35 vjeç janë më aventurierë dhe preferojnë të arranxhojnë vetë udhëtimin e tyre, duke rezervuar vetë biletat dhe hotelin pa marrë një paketë të plotë nga agjencia turistike. Mosha mbi 35 janë kryesisht individë që shkojnë për të parë të afërmit e tyre dhe janë të ashtuquajtur “turistë pasivë”, pra preferojnë të mos shpenzojnë dhe të qëndrojnë në ambiente familjare. - Nëse në vendet perëndimore është bërë tashmë kulturë që pushimet të rezervohen disa muaj më parë, në Shqipëri është ende e modës të jenë në ditët e fundit, duke harruar kështu avantazhet e mëdha që ka rezervimi i hershëm i pushimeve: çmime më të lira, disponibilitet të hotelit në datat e dëshiruara, mundësi për një planifikim më të mirë financiar e të tjera. - Interesante është gjithashtu mënyra e përzgjedhjes së destinacionit ku shkohet. Në përgjithësi rezervohet një destinacion, i cili është bërë “modë”, dhe këtu mbizotërojnë destinacione tradicionale, shumë pak preferojnë destinacione ekzotike. Ecet me moton: “Nëse ai/ ajo ka shkuar atje, pse të mos shkoj unë?”. Trendi është drejt vendeve që kanë atraksione antropogene si muzeume, statuja të ndryshme, qytete të lashta....një pjesë më e vogël preferon t’i përkushtohet dhe bukurive natyrore në destinacionin ku shkon. Kuptohet, këtu përjashtojmë destinacionet bregdetare që preferohen gjatë verës. Të vizitosh një vend është një pasuri më shumë, është dije më shumë, qytetari më shumë. Pak rëndësi ka nëse është një vend perëndimor, një ish-vend i regjimit komunist, më shumë ose më pak i zhvilluar se vendi ynë, sepse nëse një vend si Shqipëria vizitohet nga grupe të mëdha turistësh gjermanë e anglezë, përse ne nuk duhet të ndjekim hapat e tyre dhe të bëhemi pjesë e turizmit global. NE JEMI QYTETARË TË BOTËS DHE MË PAS QYTETARË TË NJË VENDI TË CAKTUAR!

Mbas pilafit

Meritokracia e kapur në rrjetë Klementin Mile

doshta gabojmë po t’i lidhim bashkë dy çështje të kohëve të fundit: projektin e kryeministrit Rama për të mbledhur CV-të e qytetarëve shqiptarë që kërkojnë të punësohen dhe qëndrimin e qeverisë aktuale për t’i bërë ndryshime ligjit për statusin e nëpunësit civil. Sidoqoftë, të paktën në artikulimin publik të eksponentëve të qeverisë, të dyja çështjet lidhen me marrjen në punë të më të mirëve, më të zotëve, më të talentuarve dhe largimin nga administrata të të paaftëve dhe të korruptuarve. Kemi të bëjmë, pra, me aplikimin e meritokracisë. Pa dashur të hyjmë në labirinthet ligjore të këtyre çështjeve, ku janë pozicionuar fort qeveria dhe opozita, dhe për të gjithë ata që kanë kujtesë të dobët, le të kujtojmë se termi ‘meritokraci’ u përdor për herë të parë në ligjërimin politik shqiptar nga kryeministri Nano në 1997. Që prej asaj kohe ka vazhduar të përdoret majtas dhe djathtas, nga Tirana dhe Brukseli, si parim ideal për të rregulluar funksionimin e administratës publike. Megjithatë, që prej asaj kohe nuk kanë reshtur raportet kombëtare dhe ndërkombëtare që akuzojnë qeveritë shqiptare për keqtrajtim dhe keqpërdorim të administratës, për rekrutime politike dhe nepotike, dhe për mungesë të sistemit të karrierës. Dështimet e deritanishme me meritokracinë i sigurojnë këtij parimi një vend të merituar në programin e qeverisë, pasi vetëm kështu mund të realizohet politika e re apo rilindja shqiptare. Tashmë shqiptarët kanë arsye të shpresojnë dhe besojnë se talentet e tyre do të vihen re, se shkollimi i tyre nuk do të injorohet dhe se etika dhe integriteti më në fund do të shpërblehen. Kështu do të ishte, po të mos jetonim në një shoqëri rrjetesh. Teoricienë të mirënjohur si Manuel Castells dhe Harrison White na kujtojnë që në shoqërinë e rrjeteve nuk ka rëndësi thelbi i njeriut, esenca e tij. Kjo është një shoqëri post-ontologjike, ku nuk ka vlerë çfarë je në të vërtetë, çfarë talentesh të fshehura mbart, çfarë potenciali zotëron. Në shoqërinë e rrjeteve mund të kesh vlerë, mund të llogaritesh, vetëm nëse i shërben ekzistencës dhe funksionimit të rrjetit. Prandaj nuk duhet të habitemi kur njerëz që i konsiderojmë të patalentuar, të pazotë, apo të paskrupullt arrijnë në pozicione prestigjioze, ndërkohë që të talentuarit dhe të moralshmit mbeten pa punë. Nuk duhet të habitemi nëse prej CV-ve dërguar kryeministrit, si përgjigje do të kemi vetëm një mesazh standard falenderimi për interesimin. Nuk duhet të habitemi nëse pas ristrukturimit të administratës publike do të ruajnë postin ca nëpunës që vetëm punë administrative nuk kanë bërë, apo që do të rekrutohen ca të tjerë që vetëm shtetit nuk do t’i shërbejnë. Ata, eprorët dhe vartësit, që të gjithë së bashku do t’i shërbejnë rrjetit dhe nuk ka kuptim t’i fajësosh për këtë. As t’i gjykosh moralisht. As t’i zëvendësosh me të tjerë dhe të presësh mrekullira. Ashtu si rrjeta e merimangës që ka nevojë për nyjet dhe fijet, edhe rrjeti krijon pozicione dhe kanale komunikimi të nevojshme për ekzistencën e tij. Këto pozicione janë aty për t’u zënë nga kandidatët e përshtatshëm, nga ata që e meritojnë më shumë. Fatkeqësisht, ata që e meritojnë më shumë mund të jenë ata që e respektojnë ligjin më pak. Kjo sepse ligji nuk është rrjet, por lëndë e parë për rrjetin, është insekti që dikur do të bjerë në rrjetën e merimangës. Kryeministri Rama ka pasur intuitën e duhur kur u shpreh se rilindja do të vijë nëpërmjet ndryshimit të sistemit, pasi është sistemi që i bën njerëzit dhe jo e kundërta. Por edhe sikur të mos vëmë aspak në dyshim sinqeritetin dhe vullnetin e tij për reforma sistemike, a nuk është edhe vetë kryeministri një pozicion i krijuar prej rrjetit? Si mund të lejojë rrjeti krijimin e një pozicioni që i rrezikon ekzistencën? Si mund të lejojë merimanga formimin e një nyjeje që i shkatërron rrjetën? *Pedagog në Universitetin Europian të Tiranës.

op-ed

Blog / Shkodranë të llastuar

Gazeta MAPO

www.mapo.al / gazetamapo@gmail.com

Kulturë / Mustafa Nano është gegë

Universitet / Studentët marrin urime nga Rama, Berisha, Basha dhe Nikolla

koment Alma Lama

Të kujtojmë se asnjë kontroll për armë nuk ka pasur në këtë pjesë që prej pasluftës, ndërkohë që pjesa tjetër e Kosovës i është nënshtruar çarmatimit, kontrolleve të KFOR-it e policisë shumë herë. Natyrisht armë që mbahen në mënyrë të paligjshme ka ende, por jo në përmasat e kazermave si në veri, ku spitalet kanë pak të sëmurë por shumë armë. Dhe së fundi nuk do të ketë ripajtim, sa kohë që Nazi Aleksandër Vulin, vjen e llomotit për rikthimin e Kosovës në Serbi, ushqen fantazinë e sëmurë prej shekujsh me përralla të tilla dhe nxit urrejtje dhe vetëm urrejtje ndërmjet shqiptarëve dhe serbëve, serbëve në jug dhe serbëve në veri. me jetë të gjithë ata qytetarë serbë që guxojnë të takohen me ndonjë kandidat tjetër që nuk i përket listës; këmishëzinjtë ndjekin e persekutojnë qytetarët e thjeshtë, si natën ashtu edhe ditën; përçajnë komunitetin serb që jeton në Kosovë, duke mos i konsideruar serbë ata që nuk votojnë për listën “Serbia,” por që tani u ndryshua dhe u bë lista serbe. Pasi e kontrollojnë serbët në veri, duan t’i shtrijnë tentakulat edhe në jug dhe këtë ia mundëson e çfarë tjetër veç asociacionit të komunave, pjesë e marrëveshjes së arritur në Bruksel. Pse jo, ndonjë polic apo doganier i vrarë qoftë edhe i EULEX-it, vetëm sa do t’i ndihmonte kauzës së tyre të presionit e destabilizimit. Nga këto lloj krimesh, unë nuk e përjashtoj mundësinë që do ketë edhe gjatë zgjedhjeve. Sa për të tjerat, që do t’i quaja manipulimet demokratike, aty janë të jashtëzakonshëm. Po përpiqen me çdo kusht që t’i fusin rreth 40 mije votues nga Serbia. Për fat KQZ dhe zyrtarët e EU-së kanë kontrolluar aplikacionet dhe e dini çfarë kanë gjetur. Mijëra aplikacione me firma të njëjta. Nuk e kanë marrë mundimin që falsifikimi të jetë së paku më i sofistikuar. Pra ten-

Në një përpjekje për të eliminuar mundësinë e rritjes së çdo rivali, disa monopolistë do të sakrifikonin edhe vetë demokracinë. - Henry A. Wallace

Shërbimi që na bëri mbrëmë Rudina Xhunga

Këmishëziu Vulin dhe Lady Ashton ëmisha e zezë, kur në të ka ndonjë simbol politik, i fut dridhmat botës sepse i kujton krimet e tmerrshme të nazizmit. Mirëpo këto dridhma nuk e pengojnë zyrtarin e Serbisë Aleksandër Vulin, që të vishet në këtë mënyrë. Përkundrazi, me këmishën e zezë, me simbolin e flamurit serb në krah, me pantallona të zeza, me një fjalor urrejtjenxitës, ai i përmbush të gjitha kushtet për t’u dukur një nazist. I tillë, me paraqitjen provokuese, ministri pa portofol në qeverinë e Serbisë nuk pengohet nga askush për të hyrë në territorin e Kosovës, territori i një shteti që para 5 vitesh ka shpallur pavarësinë, e që para 14 vitesh NATO e nxori nga kthetrat e regjimit serb. Vulin, krejtësisht i lirë për të vazhduar axhendën e tij naziskine, vjen me një mision të definuar në Beograd, destabilizim, stagnim, përçarje. Kjo është mënyra e implementimit të marrëveshjes së arritur në Bruksel, nën shkathtësitë e zonjës numër një të politikës së jashtme të BE-së, ledy Ashton. Nuk di a do t’i kalonin dridhma më të mëdha nëpër trup kësaj zonje nëse do t’i shkonte informacioni se Serbia dërgon zyrtarë NAZI në Kosovë, apo kur të sillte nëpër mendje se çmimi Nobel për Paqe nuk është një ëndërr e largët. Sido që të jetë, dridhmat nuk kanë si të jenë të ngjashme, dhe kjo na ngushëllon ne këtej nga Prishtina… T’i kthehemi temës. Me një vendim që doli të jetë personal, (nuk dija që ministrat marrin vendime personale për shtetin) u tentua të disiplinohej pak kjo puna e hyrjes së zyrtarëve serbë në Kosovë, së paku gjatë zgjedhjeve. Hashim Thaçi, kryeministri i zgjedhur me njëmijenjë akrobacira, kur i thanë se je nxituar e treguar i pamatur u dorëzua menjëherë, edhe pse i bindur në vetvete se vendimi i tij ishte i drejtë. Si të mos ishte? Edhe një analfabet e di se kur je shtet i pavarur nuk mund të lejosh kryeministra të tjerë të hyjnë pa lejen tënde në shtetin tënd, e lëre më të bëjnë fushatë. Por Thaçi, siç duket, ka harruar se në fjalorin politik ekziston edhe fjala Jo. Me hallet e tij të mëdha për ta mbajtur pushtetin me çdo çmim e çdo kusht, ai tërhiqet me presionin e parë. Pasi ia kanë blerë mendjen, dhe matur pulsin prej kohësh, Daçiçi dhe pas tij, diktatori i ri i Serbisë, Vuciç, i mëshojnë politikës shtetërore në Kosovë, tamam si hekurit të nxehtë në kudhër. Si pasojë ajo përkulet dhe merr formën që ata dëshirojnë; iu jep atyre liri absolute që ta trajtojnë Kosovën si pjesë të territorit të tyre. Si pasojë ata bëjnë presion në çdo shtëpi serbe në veri që të votojnë për listën “Serbia”, shpikja më e fundit antidemokratike e Beogradit. Ndjekin, kërcënojnë me vende pune, por edhe

08.10.2013

denca është që serbët jashtë Kosove, të vendosin rezultatin zgjedhor, për komunat në veri, por edhe për ato në jug. Me një fjalë, nëpërmjet një palë zgjedhjeve të ligjshme të përfitohet në mënyrë të paligjshme, të zgjidhen ata që do t’i shërbejnë Beogradit, po këtë herë jo si të emëruar direkt prej tyre, por në mënyrë perfide të zgjedhur si pjesë e sistemit demokratik. E ku ka lojë më të hollë për ta destabilizuar një vend, për ta mbajtur atë në krizë të përhershme, për t’ia shtrënguar lakun në fyt për shkak të presioneve që t’i ushtron në qendrën e cila mund të ushtrojë presion te pala tjetër? Kjo do të thotë ta luftosh Kosovën me duart e veta. E kupton vallë zonja Ashton në Bruksel këtë lojë? Po i dërguari i saj në Kosovë, z. Zhbogar, i cili paska thënë se vendimi për të ndaluar zyrtarët serbë në Kosovë është i nxituar? A e kuptojnë këtë diplomatët e shteteve të mëdha e të vogla në Prishtinë, se Serbia nuk do të ketë kurrë vullnet për të zgjidhur çështjen e për rregulluar raportet me Kosovën, e si pasojë vetëm se po ndërron taktikat por nuk po ofron asnjë zgjidhje? Këta diplomatë të nderuar jetojnë me iluzione më duket, ose nëse e jo kështu, nuk kanë shumë fantazi për të gjetur zgjidhje. Nuk do të ketë zgjidhje sa kohë që kufiri në veri të Kosovës është i shpartalluar, zyrtarë e kriminelë serbë mund të hyjnë e të dalin kur të duan, e të bëjnë çfarë të duan. Nuk do të ketë zgjidhje, dhe as implementim të çfarëdo marrëveshje që nënshkruhet pa i çliruar qytetarët e zakonshëm serbë nga bandat kriminale, e këtë mund ta bëjnë forcat e EULEX-it të cilët komandohen në Bruksel. Prandaj është më se e nevojshme një “Bruksel Calling” e një natyre krejt tjetër. Nuk do të ketë zgjidhje sa kohë që armët qarkullojnë lirshëm në duart e formacioneve paraushtarake. Të kujtojmë se asnjë kontroll për armë nuk ka pasur në këtë pjesë që prej pasluftës, ndërkohë që pjesa tjetër e Kosovës i është nënshtruar çarmatimit, kontrolleve të KFOR-it e policisë shumë herë. Natyrisht armë që mbahen në mënyrë të paligjshme ka ende, por jo në përmasat e kazermave si në veri, ku spitalet kanë pak të sëmurë por shumë armë. Dhe së fundi nuk do të ketë ripajtim, sa kohë që Nazi Aleksandër Vulin, vjen e llomotit për rikthimin e Kosovës në Serbi, ushqen fantazinë e sëmurë prej shekujsh me përralla të tilla dhe nxit urrejtje dhe vetëm urrejtje ndërmjet shqiptarëve dhe serbëve, serbëve në jug dhe serbëve në veri. *Autorja është deputete e pavarur në Kuvendin e Kosovës

koment

Alfred Lela

Ndoshta duhet të mos tregohemi të ashpër me zonjushën Shehaj. Ndoshta kështu po të takoheshim me të në një pab të Tiranës kur edhe mund t’ia falnim shprehjet e gjymta para një gote birrë. Por, jo në një hapësirë publike, jo në orën e një takimi publik, jo një nëpunëseje që paguhet me taksat e shqiptarëve. Aq më pak kur ajo vjen nën purpurin vezullues të Edi Ramës për Rilindje.

jë burokrat nuk është domosdoshmërisht një njeri i fjalës; artikulimi, nëse e ka, është një plus. Kërkohet prej tij ose saj një njohje ose ekspertizë e fushës në të cilin ai ose ajo ka marrë përsipër të menaxhojë, mbikqyrë, drejtojë e të tjerë. Kjo është domosdoshmëri. Mbrëmë për fatin e keq tonin, publikisht, në një emision televiziv të kohës prime time kemi parë mungesën arbitrare të së parës dhe së dytës: të artikulimit dhe ekspertizës. Kolegia Rudina Xhunga kishte të ftuar të mbrëmjes dy drejtoret e reja të sapozgjedhura nga kryeministri Rama, ose dy dama të çelësave të Thesarit të Shtetit: tatimeve dhe doganave. Briseida Shehaj dhe Elisa Spiropali, e para e panjohur, ndërsa e dyta një aktiviste sociale dhe politike aktive, u futën mbrëmë në atë që mund të quhet ‘sprova e drejtoreshave’. Për të cituar titullin e emisionit të mbrëmshëm të Xhungës. Spiropali, sigurisht e zotëronte cilësinë bazike të komunikimit publik, falë edhe përvojës së saj: ajo që i mungonte në ekspertizë dhe njohuri të lëmit të doganave, të cilat ajo mund edhe t’i mësojë shpejt, i kompensonte me nivelin politik apo propagandistik të komunikimit. Atentatin e madh me pisqollën e papërvojës por edhe paaftësinë e komunikimit e kryente drejtorja tjetër, zonjusha Shehaj, e cila kishte aq barut në ngecjet e saj sa të hidhte në erë edhe çdo barazim apo plus që siguronte Spiropali. Beteja me opinionin e opinionit publik u humb gjithsesi. Nuk ishte vetëm një humbje personale që Shehaj ia dha Spiropalit, nga ato humbje që me një gotë verë nga pas kapërdihen. Jo. Atentati iu bë politikës së emërimeve të kryeministrit të ri, një lloji qesëndie të madhe që ai i bën administrimit publik duke katapultuar çupëlina amatore në krye të punëve të shtetit. Më e dhimbshme bëhet kjo kur dihet se mazhoranca është në rrugë e sipër për të futur duart me anë të ndryshimit të ligjit të nëpunësit civil të miratuar me konsensus në maj. Përpjekja për të futur debatin te medemek revolucioni gjinor ose një lloj diskriminimi pozitiv, është një tezë e pavend ose edhe një lloj spekulimi i natyrës së spektaklit. Në kohë krize ekonomike teoria ‘me këmbë në tokë’ është më e sigurt sesa të rënit në pozicionin ‘me këmbë përpjetë’ siç sugjeron emërimi në fjalë. Kolegia Xhunga u ndje ngushtë mbrëmë dhe ndoshta ardhja në studio e gazetarit të ekonomisë të Top Channel dhe më vonë mbërritja e Nikolin Jakës qenë përpjekje për të mbushur atë hon të madh ku dëgjohej lirshëm përplasja anë më anë e jehonës së budalliqeve. As feminiteti dhe as rinia nuk janë asete me sa duket. As një arrogancë e fshehur pas titullit ‘drejtoresha’. Nëse zonjusha Shehaj është portreti i ri i administratës së re shqiptare, që po na prezantohet si risi: vajmedet! Ndoshta duhet të mos tregohemi të ashpër me zonjushën Shehaj. Ndoshta kështu po të takoheshim me të në një pab të Tiranës kur edhe mund t’ia falnim shprehjet e gjymta para një gote birrë. Por, jo në një hapësirë publike, jo në orën e një takimi publik, jo një nëpunëseje që paguhet me taksat e shqiptarëve. Aq më pak kur ajo vjen nën purpurin vezullues të Edi Ramës për Rilindje.

arsim & punësim

universitet

Urime për 162 mijë studentët që janë ulur në auditorë kanë ardhur nga kryeministri Rama, ish- kryeministri Berisha, kryetari i PD-së, Lulzim Basha dhe ministrja e Arsimit Lindita Nikolla.

Viti i ri akademik, 162 mijë studentë në auditor Dita e djeshme shënoi nisjen e vitit të ri akademik në universitetet publike në të gjithë vendin. Ministrja e Arsimit, Lindita Nikolla tha para studentëve të Fakultetit Ekonomik: "Epoka pa censurë dhe pa nënshtrim politik i auditorëve studentorë sapo ka filluar. Nga sot, në çdo universitet, jashtë orëve të mësimit mund të bëhen lirisht bashkëbisedime edhe me politikanë e përfaqësues të opozitës, përveç se me përfaqësues të qeverisë. Ajo premtoi gjithashtu që nëse gjykata do ndihmojë, oborri i Fakultetit Ekonomik do lirohet nga ndërtimi pa leje.

yert e universiteteve në të gjithë Shqipërinë janë hapur dje për 162 mijë studentë që kanë nisur vitin e ri akademik 20132014. Udhëzimi i fundit i Ministrisë të Arsimit dhe Sporteve ka përcaktuar se data 7 tetor shënon fillimin zyrtar të vitit të ri akademik për studentët e ciklit të parë të studimeve, si dhe ata që do të vazhdojnë studimet master profesional e shkencor në universitetet publike. Studentët që ndjekin programet me kohë të pjesshme do të ulen në auditorë më 21 tetor. Ministrja e Arsimit, Lindita Nikolla ka zgjedhur Fakultetin Ekonomik për të uruar studentët. Në fjalën e saj ajo i inkurajoi ata duke thënë se e ardhmja e vendit varet nga përpjekjet e gjeneratës së re. “Zgjodha të jem këtu me ju për të ndarë një mesazh, mesazhin e qeverisë së re. Ne presim shumë nga ju, vendi gjendet përballë sfidave të mëdha që mund të kapërcehen nëpërmjet një bashkëpunimi mes gjeneratash. Ju nesër do të merrni frenat e ekonomisë”,deklaroi ministrja, duke shtuar se do të luftojë për cilësinë e arsimit. Studentët që kanë nisur vitin e ri akademik i ka uruar edhe kryeministri Rama, i cili në faqen e tij zyrtare në facebook shkruan se realizimi i ëndrrave të studentëve është mision i kësaj qeverie. “Në këtë fillimvit të ri akademik dua t’u uroj studentëve forcë ëndrrash, synimesh dhe kurajë për të ecur drejt të nesërmes pa u tërhequr nga vështirësitë. Jetësimi i ëndrrave dhe realizimi i synimeve të tyre është jetësimi i Shqipërisë së Gjeneratës tjetër. Është misioni i qeverisë sonë”, shkruan Rama ndërsa shton se qeveria është partnere me stafin akademik në këtë mision. Edhe ish-kryeministri Berisha ka zgjedhur rrjetet sociale për t’iu përçuar urimin e përvitshëm pedagogëve dhe studentëve që dje iu drejtuan auditorëve. “Nga viti 2005 deri në vitin 2013 numri i studentëve, investimet në arsimin universitar u rritën mbi tri herë. Ndaj, të dashur miq, le t’u përcjellim ne atyre urimet tona më të mira për suksese gjithnjë e më të mëdha në këtë vit akademik. Shqipëria e dijes do të jetë vepra e tyre e ardhshme. Suksese!!!”,shkruan Berisha. Ndërsa kryetari i Partisë Demokratike, Lulzim Basha ka zgjedhur Universitetin “Aleksandër Xhuvani” në Elbasan për të bërë urimet e rastit. Ai iu drejtua studentëve duke thënë se përkushtimi në universitet nuk duhet të ndikohet nga emërimet politike, pa meritë. “Diploma e merituar, nëpërmjet përkushtimit, dijes, punës dhe investimit tuaj personal ndodhet nën kërcënimin e vazhdueshëm të diplomës false, të

diplomës së blerë, të emërimeve nepotike apo politike, mbi baza jotransparente. Ky është një sulm frontal ndaj shkollimit, si vlerë, ndaj duhet dhe do të qëndrojmë fort, për të lartësuar vlerën e përkushtimit të studentëve tanë, për të lartësuar vlerën e diplomës që merret me meritë, për të lartësuar meritën“ - u shpreh kryetari Basha. Ndërkohë që viti akademik ka nisur në universitetet publike të mbarë vendit, Fakulteti i Historisë dhe Filologjisë në Tiranë do të shtyjë edhe një javë nisjen e vitit akademik për studimet master. Shkak i shtyrjes së afatit, sipas Dekanit Shezai Rrokaj, është bërë fluksi i kërkesave për të vazhduar studimet në këtë fakultet.

Sondazhi, të rinjtë europianë gjithmonë e më larg punësimit Rritet periudha dhe numri i aplikimeve para se të gjesh punë. Të diplomuarit në Europë sot pritet të bëjnë 60 aplikacione para se të gjejnë punën e tyre të parë dhe koha mesatare e pritjes mes diplomimit dhe punësimit po shkon gjashtë muaj

Sondazhi më i madh europian i të diplomuarve deri tani zbulon shpresat dhe frikërat e të rinjve europianë. Është rritur numri i aplikacioneve dhe koha që kalon sa një i diplomuar fiton punën e parë.

Më shumë se gjysma e të diplomuarve europianë janë të shqetësuar për karrierën e tyre, një shifër që shkon në më shumë se 80% në Greqi, Itali, Portugali dhe Spanjë, sipas sondazhit më të madh të Europës të të diplomuarve. Sondazhi, i udhëhequr nga instituti i trendeve në Berlin, sjell panoramën e një rinie të arsimuar që bën aplikime që humbasin në hiç, që pret muaj të tërë punën e parë dhe gjithmonë e më shumë e përgatitur për të kryer praktika të papaguara sa për të futur këmbën në botën e punës, të tjerët emigrojnë. Nuk vjen si surprizë fakti që në Greqi, ku shifra e papunësisë ka arritur 62.5%, më shumë se 90% e të diplomuarve në Biznes janë të shqetësuar për karrierën e tyre. Perspektiva e punësimit duket kaq e zymtë sa pothuaj gjysma e grekëve dhe spanjollëve thonë që janë gati të emigrojnë për të gjetur punë. Numri i aplikimeve që studentët pritet të çojnë para se të fillojnë punën e parë është rritur gjithashtu– nga 28.5 aplikime në 2012-ën, në 38 për të diplomuarit e shkollave të biznesit. Shifrat janë përsëri të larta në Greqi dhe Spanjë, ku të diplomuarit mund të presin të dërgojnë më shumë sesa 60 aplikime para se të fitojnë pu-

nën e parë. Mesatarisht, të diplomuarit në Europë pritet të harxhojnë 5.5 muaj duke kërkuar për një punë. Megjithatë, disa nga të dhënat janë ndryshe nga ç’mund të merreshin me mend. Britania e Madhe është ende shteti më popullor, ku studentët emigrojnë në kërkim të pozicionit të parë profesional. Gjermania, e cila ka një nga ekonomitë më të qëndrueshme në Evropë dhe vetëm papunësinë e të rinjve vetëm 7.5%, vjen menjëherë pas saj. Sondazhi i pothuaj 320 000 njerëzve gjithashtu nxori disa preferenca për kompanitë e punësimit. Google ngelet numri një, por kompanitë gjermane shfaqen gjithashtu shumë mirë me “Volkswagen Group”, “Siemens” dhe “Bosch”, që kanë fituar të gjitha popullaritet në sondazhin e këtij viti. Porsche është ngjitur në preferencat e të diplomuarve të inxhinierisë dhe IT, ndërsa popullariteti i BMW-së, mes studentëve të biznesit. Rezultatet gjithashtu tregojnë një zhvendosje drejt sektorit publik mes të diplomuarve të biznesit të etur për një punë të sigurt. Komisioni Europian, OKB dhe deri Banka Qendrore e Europës kuotohen lart, ndërsa

asnjë bankë tregtare nuk shfaqet në top 20-ën e kompanive ku do dëshironin të punonin të diplomuarit në Biznes. Në të gjithë Evropën, sondazhi ka gjetur një trend të studentëve që kanë gjithmonë e më pak iluzione me ditët e gjata të punës dhe nivelin e lartë të përgjegjësisë. Një rrogë e lartë, statusi dhe përgjegjshmëria sociale e korporatës u renditën njëlloj të parëndësishme kur zgjidhej punëdhënësi. Paga e lartë, megjithë klimën e ashpër ekonomike, ka humbur rëndësinë kur zgjidhet punëdhënësi dhe puna e sigurt ka marrë përparësinë ndaj rrogës së lartë. Ecuria e mirë në karrierë dhe zhvillimi personal konsiderohen si faktorët më të rëndësishëm nga studentët e biznesit, që sugjeron një lëvizje drejt roleve sfiduese në krahasim me pozicionet e paguara mirë. Më shumë se gjysma e të diplomuarve belgë dhe spanjollë pranuan që ata të punonin falas për të pasur një praktikë të mirë pune. Përqindja e studentëve që janë dakord me këtë në Belgjikë, Irlandë, Itali, Holandë, Rumani dhe Poloni, është gjithashtu më e lartë nga mesatarja europiane.

kulturë

Gazeta MAPO

www.mapo.al / gazetamapo@gmail.com

08.10.2013

Primo Shllaku: Thyemja e tabusë, shkatrrimi i heshtjes dhe guximi me risjellë në aktualitet problemet e ekuilibrave të mbrendshëm të botës shqiptare janë akte të mirëfillta ndershmënie intelektuale që i bajnë nder M. Nanos dhe librit të tij të ri...

Mustafa Nano

është gegë Libri “Unë jam gegë” me autor publicistin Mustafa Nano, promovohet sot në Universitetin Europian të Tiranës

Ekspertë europianë për të shpëtuar Amfiteatrin e Durrësit Mbërrin sot në Durrës grupi i ekspertëve, të cilët do të vlerësojnë Amfiteatrin e Durrësit si një nga shtatë sitet më të rrezikuara, të shpallura të tilla vetëm pak kohë më parë nga “Europa Nostra”. Raporti i grupit të ekspertëve europianë pas kësaj vizite është mjaft i rëndësishëm për të ardhmen e këtij monumenti, ndërsa vendimi përfundimtar për të mbështetur financiarisht ndërhyrjet në Amfiteatrin e Durrësit do të merret në 5 dhjetor të këtij viti, në Konferencën Europiane për Politikën e Trashëgimisë, që do të mbahet në Bruksel. Aplikimi për ta përfshirë Amfiteatrin e Durrësit në listën e monumenteve të rrezikuara të Europës u krye nga Shoqata për Zhvillimin e Turizmit Kulturor në muajin mars të këtij viti dhe u mbështet nga Ministria e Turizmit, Kulturës, Rinisë dhe Sporteve. Përzgjedhja e këtij monumenti u bë duke marrë në konsideratë nevojën emergjente për konservim, ruajtje dhe gërmime të mëtejshme për zbulimin e plotë të këtij objekti me vlera unikale historike, arkitekturore dhe kulturore. Rreziku më i madh amfiteatrit i vjen nga ndërtimet urbane, që duket se kanë dëmtuar një pjesë të tij, por edhe nga mungesa e vëmendjes. Tashmë ky amfiteatër është përzgjedhur nga “Europa Nostra” për të qenë pjesë e një plani shpëtimi që do t’i paraqitet Organizimit të Ruajtjes së Trashëgimisë Europiane gjatë konferencës që do të mbahet në dhjetor. Nëse ekspertët raportojnë se Amfiteatri i Durrësit është në rrezik, atëherë hartohet në detaje plani i shpëtimi si një ndër 7 monumentet më të rrezikuara. Për 50 vjet, ‘Europa Nostra’ ka qenë aktive në mbrojtjen e trashëgimisë së rrezikuar në të gjithë Europën, duke filluar që nga Delfi i lashtë në Greqi, në fillim të viteve 1980, deri në qytetin historik të Akuilas në Itali, në vitin 2010. Këtë vit, për herë të parë kjo organizatë ka nisur një program mbrojtës dhe veprues në partneritet me një institucion prestigjioz financiar si Banka Europiane e Investimeve. Programi “7 Monumentet më të rrezikuara” do të inkurajojë të tjerë për të mbështetur përpjekjet për shpëtimin dhe promovimin e trashëgimisë unike europiane. I tillë është klasifikuar edhe Amfiteatri romak në Durrës. Gjatë qëndrimit dyditor në Durrës ekspertët do të zhvillojnë takime me ministren e Kulturës, Mirela Kumbaro, kryetarin e Bashkisë së Durrësit, Vangjush Dako dhe drejtuesit e institucioneve përgjegjëse. Në axhendë është parashikuar dhe një tryezë e rrumbullakët, ku do të ketë diskutime me grupe ekspertësh vendas për të parë gjendjen dhe mundësitë reale për investim në Amfiteatrin e Durrësit.

E ka pohuar në librin e fundit që promovon sot në orën 18:00 në Universitetin Europian të Tiranës. “Unë jam gegë” shkruhet me të më madhe në kopertinën e librit me autor publicistin Mustafa Nano. E si për t’i dhënë peshë më shumë këtij qëndrimi, Nano zgjedh të pozojë me qeleshe dhe një çifteli në dorë. Një libër që provokon që në kopertinë, e në thellësi të tij, me idetë, kritikat dhe qëndrimet prej gazetari e që herë-herë thyhet dhe me rrëfimet në vetën e parë të autorit. Libri ka qenë cytës dhe provokues edhe për Primo Shllakun, për t’u ulur e për të shkruar parathënien e librit, jo vetëm sepse tema që trajton Nano janë dhe sfidat e tij të studimit dhe të jetës publike, por mbi të gjitha sepse ai provokon duke folur e shkruar për një temë tabu. “Jam i sigurt se ka njerëz sot në Tiranë, që titulli i këtij libri ‘Unë jam gegë’ ka për t’i çuditë e tronditë ma fort se sikur ky libër i M. Nanos ta kishte titullin ‘Unë jam gay’. Për një pjesë të madhe të autoriteteve ‘misterioze’ binomi “gegë-toskë” ose edhe kufizat e tij të marra veç e veç, janë fjalë pa ndonji kuptim, janë “historizëm”, fjalë të kohës së Nuhit, gjithsesi pa landësi e përmbajtje. Kto fjalë si dhe derivatet e tyne që përskajojnë sektorët e mdhej përkatës të shqipes, janë fjalët tabu që askush ma nuk duhet me i përmendë. Dhe deterrentin e tabusë, fuqinë e tij shkatrruese e përban pohimi se ai që i përmend, automatikisht mund të dyshohet për “përçarës i kombit”. Fjalë e madhe kjo... Pra tabuja ka edhe sfinksin rojtës që e mban të gjallë tmerrin para tundimit. Jemi në terren tansisht mitologjik. Kultura shqiptare e tranzicionit e mbërthyeme në çatallat e mitit!?! Mozotmakeq! Për ata që kanë njoftuni sado fillestare mbi teorinë e sistemeve qenia prej pjesësh e nji së tane âsht gjâja ma normale e botës. Edhe na, pra, kombi ose fara shqiptare âsht e përbame prej pjesësh. Bile na jemi të përbamë prej dy pjesësh dhe struktura e jonë kombtare âsht hemisferike. Dy pjesë dhe vetëm dy: gegë e toskë. Siç e përshkruen me imtësi edhe autori ky hemisfericitet ishte i pranishëm në jetën mendore dhe vetdijesore të shqiptarëve dhe shpesh kishte luejte rolin e poleve që prodhojnë shkëndija, energji, por nganjiherë edhe diatriba. Autori thekson me vërtetësi se deri në mbarimin e Luftës së Dytë Botnore kta dy lobe të mdhej funksiononin mirë, se mes tyne kishte njifarëlloj konkurrence që përkthehej në garë përparuese dhe në rezultate që kishin mbrendë edhe prirjen e përsosjes. Por ajo që bie në sy dhe që Nano nuk i ka rezistue tundimit pa e theksue, âsht se gegët e toskët kanë respektue fort njeni tjetrin, kanë ruejtë njeni tjetrin, kanë pasë masën e proporcionit dhe marrdhaniet mes tyne kanë qenë shum të përkujdesuna që të

mos i binte asnjenës palë “fija e qerpikut mbi sup”. Zbulimi i ksaj të vërtete para publikut në terma të tilla dhe, aq ma tepër nga ana e nji toske natyral, ngjan paksa e çuditshme, kur kjo e vërtetë e mshefun me kujdes dhe e zhdukun nga qarkullimi, përban nji nga pikat e nxehta të kryetabuve që shkenca jonë mbasdiktatoriale e kalon me heshtje dhe që ruhet me kujdes prej rrezikut se mund të zgjohen “demonët e përçamjes”(!). Atë që ndodhi mbas vjetit 1944, Nano nuk e cek sepse, me gjasë i duket, se i ka heqë mjaft gurë themeli nji tabuje të rrezikshme. Por pohimi i drejtpërdrejtë dhe pa dykuptimsh se gegët e toskët kanë ardhë si vllazën të mirë deri më 1944, âsht nji e vërtetë që e prisnim të thuhet kaq kjartë dhe kaq pastër sa na e thotë Nano në pjesën e parë të ktij libri. Thyemja e tabusë, shkatrrimi i heshtjes dhe guximi me risjellë në aktualitet problemet e ekuilibrave të mbrendshëm të botës shqiptare janë akte të mirëfillta ndershmënie intelektuale që i bajnë nder M. Nanos dhe librit të tij të ri.”- shkruan Primo Shllaku. Libri që vjen si pjesë e kolanës së “Monografi, esse Studime” nga UET Press, është një vështrim analitik mbi argumentin gjithherë të debatueshëm toskë e gegë e sidomos mbi debatin aktual të standardit të gjuhës. Në libër nuk mungojnë referimet nga autori në burime historiografike nga autorë shqiptarë dhe të huaj.

Ekspozohet koleksioni i rrallë ihartografisë së hershme të Europës Në kuadër të 1700-vjetorit të Ediktit të Kostandinit, Konferenca Ipeshkvnore e Shqipërisë në bashkëpunim me Caritas-in Shqiptar çelin sot në Qendrën e Studimeve Albanologjike një ekspozitë hartografike. E veçanta e kësaj ekspozitë e prezantuar më parë në qytetin e Shkodrës është harta e rrallë ‘Tabula Militaris’, ku shfaqen rrugët e vjetra në Perandorinë Romake në shekullin IV dhe shënon rrugët e ndryshme në Perandorinë Romake me tri qendra të njohura e të famshme të kohës së lashtë: Romën, Kostandinopojën e Antiokinë. Në ekspozitë prezantohet edhe harta e Evropës e shekullit XVI, e cila tashmë është ekspozuar edhe në tavolinën e Kryeministrisë, si dhe shumë të tjera si pjesë e koleksionit të hartografisë së hershme mbi historinë e Evropës.

zbavitje

lojra të ndrsyhme

Fjalëkryqi klasik 1

Zmadhon gjoksin për të shkolluar fëmijët 4

11 15

10 14

23 29

Fjalëkryqi klasik është një nga lojërat enigmatike më të përhapura në botë. Fjalëkryqet e para filluan të botoheshin që në shekullin e XVIII dhe vazhdon të jetë e preferuar edhe në ditët e sotme.

40 41

45 49

Koha e fillimit ____:____

Koha e mbarimit ____:____

Horizontalisht:

1. Vizatim a pikturë që paraqet një pamje nga natyra ose pamjen e një vendi a mjedisi. 5. Një nga gjinitë e emrit. 11. Hekura të kthyera në formë L. 12. Maja e mprehtë e shiringës. 13. Moore e kinemasë amerikane. 15. Dhunim a cenim i gjërave që mbahen si të shenjta e të paprekshme. 20. Sektori Monetar. 22. Sinemati, gazetar i njohur sportiv. 23. Burim. 24. Një lloj sallami pikant. 27. Reparti Lindjeve. 28. Agjensi Grumbullimi. 29. Në fillim të fundit. 31. Skuadër futbolli e kampionatit italian. 33. Vend i ulët midis malesh a kodrash, nëpër të cilin zakonisht kalon një lumë. 36. Dyqan ushqimor. 37. Notë muzikore. 39. Shalqi në dialekt. 40. Çdo njeri. 41. Tregu Ushqimor. 42. Gjitar brejtës me gëzof të çmueshëm. 44. Institut Studimesh. 45. Ëmbëlsirë si qull i trashë. 47. Veprimtaria e njeriut në kërkim të së bukurës. 48. Kilometra, shkurt. 49. Markë pistolete. 50. Këpucë sportive. 51. Është shenjë e horoskopit.

Vertikalisht:

1. Od'hise, skulptor i famshëm shqiptar. 2. Fanku i kinemasë shqiptare. 3. Demi, lagje e famshme e Tiranës. 4. Dëshirë e zjarrtë dhe kujdes i madh që tregon dikush për të kryer me durim dhe sa më mirë një punë. 5. Zog grabitqar. 6. I ka dega në mes. 7. Byrek me copa mishi e me petë të pjekura në mes. 8. Dhoma e miqve. 9. Kthimi prapa në një gjendje të pazhvilluar. 10. Zola i letërsisë franceze. 14. Përemër pronor. 16. Arsyetim që përdoret për të vërtetuar ose për të kundërshtuar një mendim. 17. Kukësi në makina. 18. Njësi vlerësimi për shahistët. 19. Garnizon Ushtarak. 21. Një shtet i SHBA-së. 25. Vendi se ku banon dikush. 26. Kafshë brejtëse. 30. Përputhje e plotë e anëve të ndryshme ngjashmëri e plotë. 32. Copë dheu. 34. Koka e gomarit. 35. Ujë i ngrirë. 36. Modeli i një vepre arti i zvogëluar. 38. Mal i lartë në Greqi. 43. Sigla e Tiranës. 45. Pjesëz mohuese. 46. Tregu Europian. 48. Unë kam, ti ...

Sudoku | nivel mesatar 5 6

3 2

6 9 9

3 9

4 3

1 9

2 6 9

4 5

3 4

7 2 1 8

5 3 2 2 9 3

1 2

8 4

6 6

3 5 4 4 5 6

7 3 6 8 3 2

3 6

Plotësoni vendet bosh në mënyrë që çdo rresht e kolonë të ketë numrat nga 1-9.

2 5 Koha e fillimit _____:____

5 8 1 3

Koha e mbarimit ____:____

Numërkryq

Lacey Wildd ka filluar të zmadhojë gjoksin që nga mosha 20-vjeçare. Ajo tash është 45 vjeçe dhe nuk planifikon të heqë dorë nga kjo traditë. Mirëpo, gruaja nga Miami thotë se nuk e bën këtë për të fituar famë, por për një gjest shumë fisnik – që të shkollojë fëmijët e saj. Pasi ka fituar një shumë të parave (prej 23.000 dollarësh) ajo mendon që në vitin e ardhshëm të bëjë edhe një operacion kirurgjik në mënyrë që të bëhet gruaja me gjoksin më të madh në botë. Gjoksi i saj aktual peshon 9.5 kilogramë, ndërsa madhësia e tij pritet të shkojë deri në 19 kilogramë. Kirurgët plastikë mendojnë se një gjë e tillë është e rrezikshme dhe mund të jetë me pasoja për të. Megjithatë, ajo mendon ta bëjë këtë për t’u siguruar fëmijëve të mira materiale. “Unë dua një jetë të mirë për fëmijët e mi, të kenë një arsimim universitar, mundësi të cilën nuk e pata unë”, ka thënë gruaja, e cila përkundër rrezikut nga operacionet, ka arritur të përfitojë para nga paraqitjet televizive dhe rolet filmike. Lacey është nënë e gjashtë fëmijëve me mosha nga gjashtë deri në 29 vjeç.

Horoskopi i ditës DASHI (20/III-20/IV)

DEMI (21/IV-20/V)

Jeta juaj ne çift do jete me e kënaqshme gjate kësaj dite. Do keni me tepër kohe te lire dhe do qëndroni me tepër me atë qe dashuroni. Ambienti do jete romantik. Beqaret do takojnë rastësisht një person për te cilin do iu rrahe zemra shume fort. Ne planin financiar duhet te reflektoni me kujdes para se te hidhni çdo lloj hapi.

Keqkuptimet ne çift do jene te shumta gjate kësaj dite dhe për pasoje debatet nuk do kenë te ndalur. Do trishtoheni se tepërmi nga atmosfera qe do krijohet dhe nuk do dini çfarë te bëni me pare. Beqaret do jene me te qarte për atë qe duan te bëjnë dhe do ia plotësojnë dëshirat vetes. Fale ndikimit te Diellit ne planin financiar situata do filloje te përmirësohet.

BINJAKET (21/V-20/VI)

GAFORRE (21/VI-22/VII)

Do jeni mjaft sensuale gjate kësaj dite dhe do e bëni partnerin te ridashurohet me ju. Ne mbrëmje emocionet do jene akoma me te forta sesa mendonit. Beqaret duhet ta heqin turpin dhe te bëjnë ato qe ndiejnë pa menduar se çfarë do thonë te tjerët. Ne fund te fundit është jeta juaj. Financiarisht do keni goxha ndryshime. Dikush do iu ndihmoje me një shifër te konsiderueshme.

Partneri ka shume mundësi t’iu beje një propozim serioz gjate kësaj dite dhe gjithçka do ndryshoje për ju. Mendohuni mire para se te jepni përgjigjen përfundimtare. Beqaret duhet te mos nxitohen te krijojnë menjëherë një lidhje, por te njihen mire me personat qe do takojnë. Ne planin financiar asgjë nuk do shkoje ashtu si keni dëshiruar, kështu qe bëni kujdes.

LUANI (23/VII-22/VIII)

Dite shume e qete dhe pa asgjë te veçante kjo e sotmja për te dashuruarit. Shfrytëzojini për te folur seriozisht mbi disa tema qe iu kane shqetësuar prej kohesh sepse partneri do jete me i gatshëm për te bashkëpunuar. Beqaret do kenë dashuri me shikim te pare. Ne planin financiar do kryeni operacione te rëndësishme financiare.

PESHORJA (23/IX-22/X)

Dite e mire për te sqaruar te gjitha mosmarrëveshjet me partnerin gjate kësaj dite.Te dy do i kuptoni gabimet qe keni bere dhe do premtoni qe nuk do i përsërisni kurrë me. Beqaret duhet te ndryshojnë pamjen e tyre nëse duan te bien ne sy. Ne planin financiar do rrezikoni shume po kryet investime te pamatura. Situata ka rrezik edhe t’iu dale jashtë kontrollit.

Gjeni figurën duke bashkuar pikat 2

Plotësoni tabelën me numrat e dhënë!

Numra me 3 shifra:

032, 144, 147, 154, 201, 236, 472, 541, 555, 598, 632, 700, 789, 825, 852, 903.

Numra me 4 shifra:

0215, 1023, 1612, 1963, 2002, 4478, 5014, 5552, 5174, 5884, 6325, 8059.

Numra me 5shifra:

Ngjyrosni pjesën me pikë dhe zbuloni figurën

14072, 33282, 44345, 45043, 47896,

51551, 51756, 52333, 55547, 62393, 84841, 85650.

Numra me 6 shifra:

103156, 147845, 152632, 194054, 232659, 257282, 288281, 358340, 532557, 528077, 565127, 642533, 659280, 963302.

SHIGJETARI (22/XI-21/XII) Nëse jeni ne një lidhje duhet te prisni edhe disa dite para se te merrni vendime te mëdha. Sot nuk është momenti i duhur, kështu qe bëni gjerat e zakonshme. Beqaret do ndeshen me një person joshës, por qe ne te vërtetë nuk vlen aspak. Mos shikoni vetme pamjen e personave. Ne planin financiar duhet te reflektoni njëqind here para se te bëni çdo shpenzim.

Gjeni 10 ndryshimet

UJORI (20/I-19/II) Dite harmonike dhe e mbushur me gëzim kjo për gjithë te dashuruarit. Askush nuk do arrije ta prishe atmosferën e ngrohte dhe ju do dashuroheni ashtu si do e ndjeni. Beqaret nuk duhet t’i besojnë askujt sot sepse do lëndohen pa mase. Financat nuk do kenë asnjë problem. Situata do jete përgjithësisht e qëndrueshme...

VIRGJERESHA (23/VIII-22/IX)

Çiftet do shkojnë neper festa te këndshme te organizuar nga miqtë dhe do kalojnë momente me te këndshme ne krahët e partnerit. Nëse jeni beqare do filloni aventura kalimtare gjate kësaj dite, por emocionet do jene me te vërtetë te papërshkrueshme. Financat nuk do jene te mira. Do iu duhet shume mund she sakrifica për ta stabilizuar situatën.

AKREPI (22/X-21/XII)

Beni shume kujdes me xhelozinë e tepruar gjate kësaj dite sepse atmosfera ne çift mund te ndërlikohet se tepërmi. Tregohuni me tolerante dhe te kuptueshëm. Beqaret do pëlqejnë shume persona, por asnjeri nuk do interesohet për ta. Ne planin financiar nuk duhet te ndërmerrni rreziqe te mëdha vetme për ta përmirësuar situatën sepse mund te humbni me shumë.

BRICJAPI (22/XII-20/I) Edhe gjate kësaj dite do përballeni me vështirësi te shumta ne jetën tuaj ne çift dhe debatet nuk do kenë te sosur. Si ju ashtu edhe partneri do tregoheni kokëfortë dhe nuk do toleroni aspak. Beqaret do kenë vetme takime pa te ardhme. Financat do kërkojnë me tepër përkujdesje dhe maturi. Nëse nuk zbatoni disa rregulla do keni probleme serioze.

PESHQIT (20/II-19/III) Marsi do jete planeti me i favorshëm gjate kësaj dite për jetën tuaj ne çift. Ai do iu nxite te tregoheni me tolerante me partnerin dhe t’i pranoni edhe gabimet qe do bëni. Nëse jeni ende beqare duhet te mos iu besoni te gjithë personave qe do iu vijnë rreth e rrotull. Ne planin financiar mos bëni sakrifica te mëdha.

blog

1001

ditë që formësuan botën

Gazeta MAPO

www.mapo.al / gazetamapo@gmail.com

tetor

1541

08.10.2013

Kureshtja është, në mendjet e mëdha dhe bujare, pasioni i parë dhe i fundit.

- William Samuel Johnson

Mirazhi apokaliptik Në vitin 1534 Mikelanxhelo u ftua nga papa Klementi të rikthehej në Romë për të pikturuar një afresk për murin e madh të Kapeles Sistine. Klementi vdiq pak më vonë dhe ishte pasuesi i tij Papa Pali III, një adhurues i madh i Mikelanxhelos, që e cyti artistin për të filluar nga puna për projektin. Thuhet se kur Pali III e pa afreskun e përfunduar në vitin 1541, ai ra në gjunjë duke iu lutur Zotit që t’i harronte mëkatet e tij Ditën e Gjykimit, kaq të tmerrshëm e shihte ai dëshpërimin e atyre të dënuar për të shkuar në ferr dhe intensitetin emocional të kompozimit. Në një të katërtën e shekullit që kish kaluar qysh-

kur Mikelanxhelo kish pikturuar kulmin e katedrales, papati ish tronditur nga sfidat ndaj autoritetit të tij nga Martin Luter King dhe nga sundimtarë si Henry VIII. Papa i ri, që shpesh është konsideruar si shpirti udhëheqës i Kundër-Reformës, ishte i vendosur për të rikonfirmuar autoritetin e Kishës. Për bashkëkohësit tema e afreskut Gjykimi i Fundit do të ishte argumenti më i fortë se shpëtimi vjen vetëm nëpërmjet Kishës së Romës. Në qendër të afreskut, i cili mbulon të gjithë murin, është figura e Krishtit, me krahun e djathtë të ngritur për të shenjuar shpirtrat e shpëtuar në para-

jsë, e majta poshtë duke drejtuar të mallkuarit drejt ferrit. Figurat janë impozante dhe të gjalla, me gjymtyrë të shtrembëruara-madje edhe martirët që mbajnë veglat e torturave ndaj tyre duken të frikësuar dhe të paqetë. Disa ishin të zemëruar me elementët e nuditetit që ngërthente afresku, gjë të cilën e konsideronin si sakrilegj. Papa e mbrojti fort Mikelanxhelon nga këto sulme, por një papë i mëvonshëm urdhëroi Daniele de Volterra, një ish-nxënës të Mikelanxhelos, të pikturonte veshje përmbi pjesët fyese duke i dhënë artistit të pafat emrin e turpshëm Il Braghettone (kilotëbërësi).

Blitz

Flickr

+100

Është ndryshimi në përqindje që nga viti 1979, sa i takon pjesës së punëtorëve me paga të ulëta që kanë një diplomë katërvjeçare universiteti.

Është përqindja e papunësisë aktuale që i atribuohet pasigurisë rreth politikave ekonomike federale.

Numri i shteteve amerikane ku është e paligjshme të pushosh dikë nga puna për shkak të orientimit seksual.

Për qind e popullsisë amerikane beson se është kundër ligjit federal të pushosh dikë nga puna për orientimin e tij seksual.

Titulli: Pazari i së dielës në çërrik Foto: pinocchio7_11

Në Facebook Irena Shabani

Studentëve të mirë iu uroj suksese, studentëve të këqij nuk ua kam merakun. Ata do të jenë shefa në të ardhmen!

Gilman Bakalli

Mand Bajrami

Mirë që u vodh spitali, po një gjë nuk kuptoj. Si mund të vidhet amerikani para grekut?! Albana Nexhipi

@ Woila në botën shqiptare: kur kanë interes dhe n’terr po t’shofin, kur s’kanë, as n’dritë s’të njofin. Aldona Luari

Lexova një shprehje të ngjashme me situatën dje. “Ky që bie nuk është shi. Është ilaç gjumi”. Gimi Fjolla

Seç kam një përshtypje që po të mos kishte “like” në facebook, s’do kishte më as statuse.

gazetamapo@gmail.com cel: 068 20 55 477

Shkodranë të llastuar Për shkodranët meritokracia në rangje të larta të drejtimit të shtetit është një stomak që njeh dhe bluan vetëm një ushqim lokal tradicional me tre përbërës kryesorë: "shkodran", "antikomunist" dhe "familje e madhe". Përbërësit e tjerë si, profesionalizmi dhe arritjet individuale pavarësisht origjinës biologjike apo sociale, trupi i shkodranit i jashtëqet vrullshëm. Natyra qibare e këtij stomaku shpaloset me gjithë madhështinë e saj sa herë diskutohet niveli i përfaqësimit politik të Shkodrës në rang ministror. Kakofonia e pretendimeve, pakënaqësive apo hatërmbetjeve ndaj kandidaturave të propozuara merr përmasa komike dhe groteske. Sidomos nëpër rrjete sociale. Atje ku shkodranë 24 karatesh me vendbanim brenda apo jashtë Shkodre diskutojnë herë buzëpërdredhur e herë gjithë pezm mbi kandidaturat e shpallura. E vështirë ta kënaqësh stomakun e shkodranit të llastuar, i cili, herë kërkon thjesht përfaqësim sasior në qeveri dhe, sapo kjo arrihet, (aktualisht kemi 2 ministra dhe 3 zv.ministra nga Shkodra) ia behin gjykimet me përbërësit e lartpërmendur. Ministrat Bushati dhe Beqja janë shkodranë, janë profesionistë, por duhen hedhur poshtë si bij komunistësh; zv.ministri Çuni është shkodran, është profesionist, por nuk rrjedh nga një "familje e madhe"; zv.ministri Radovani është shkodran, është antikomunist, është familje e madhe, shkurt: i ka të gjithë përbërësit

që kërkon stomaku delikat i shkodranit, por, aimè, është lidhur me "të gabuarit". Natyrisht, kjo frymë puritane që verifikon gjithçka nën emrin e atij kodi të lashtë zakonor, të pashkruar e sugjestionues të ngulitur brenda nesh si "qytetaria shkodrane" e bën të pamundur shijimin e një kandidature. Natyrisht, nën emrin e kësaj forme bashkëjetese që nuk bazohet në ligj e kontratë, por në mirëbesim, nën emrin e këtij kodi shpirtëror për të cilin klani dhe farefisi kanë më peshë se individi, zor se mund t'i meritojë njeri postet e larta që shkodranët nazelí aspirojnë për bashkëqytetarët e tyre. Ndoshta, as që duhet kërkuar një përkitje e tillë. Sepse sa herë që politika është përplasur me qytetarinë shkodrane, ajo (politika) ka dalë fitimtare duke i shkërmoqur të gjitha cilësitë e mira të këtij kodi të brishtë dhe efemer. Edhe sa vite duhej të rrinte në pushtet znj. Topalli për të na bindur se "qytetaria shkodrane" nuk ishte virtyti i saj në këtë politikë? Ende s'e kanë kuptuar shkodranët e llastuar se sa imune është real-politika ndaj vlerave që mbart ky kod? Mesa duket, kriteri i profesionalizmit dhe përkushtimit në punë do të duhet kohë të rrënjosen si kritere të vetme për të gjykuar përshtatshmërinë e një individi në rangjet e larta të administratës së një shteti. Ndoshta po aq kohë sa ç'është dashur për të krijuar kodin e pashkruar të qytetarisë shkodrane.

Themelues: Henri Çili. Kryeredaktor: Arion Sulo. Zv/kryeredaktor: Alfred Lela, Aleksandra Bogdani. Politika: Nevila Përndoj, Fejzi Braushi. Kronika: Leonard Bakillari, Dashamir Biçaku. Speciale: Vladimir Karaj. Ekonomia: Blerina Hoxha. . Kultura: Aida Tuci. Suplement: Arta Çano. Karikatura: Bujar Kapexhiu. Faqosja: Florenc Elezi. Ilir DRIZARI, Kujtim Bisha. Korrektore: Lila Plasari, Brunilda Meno. Adresa: Bulevardi Gjergj Fishta pranë UET

Marketing / Drejtore: Fiziana Bora Cel: 068 20 55 437 E-mail: fiziana_bora@yahoo.com Menaxhim / Dhimitraq Hido Cel: 068 20 55 440

CMYK

16 08.10.2013

Gazeta MAPO

www.mapo.al / gazetamapo@gmail.com

NJOFTIM / REKLAMA