MedCare faldari

Ítróttarviðgerð Ítróttarskaðar eru serligir skaðar, har overving fer fram í sambandi við ítrótt.

akupunktur Kosmetisk akupunktur

Útgreinan og viðgerð av pínu og skaðum í øksl alboga (tennis-/golfalboga) lærkreppingi (lyske) knæi (menisk, springerknæ) fótliði vøddum/sinum (hælspora, achilles tendinit)

Giktaviðgerð Orthokine viðgerð PRP-viðgerð Ítróttarviðgerð

Orthokinviðgerð Viðgerð av slitgikt við lekingarmøguleikum, sum eru í manna­ kroppinum. Slitgikt er ein pínufull niðurbróting av bróskinum millum liðini og orsøkirnar kunnu vera fleiri. Tað kann vera arvaligt ella skyldast vekt ella overving av liðunum orsaka av arbeiði ella í samband við íðkan av ítrótti. Sjúkueyðkennini eru pína og rørslutarnan. Í fyrstani er pínan bert í samband við rørslu, men við tíðini er pínan eisini, meðan sjúklingurin er í hvílustøðu.

Orthokineviðgerð hevur stórt árin: Pínan í liðunum verður niðursett í eina helvt Stirvni hvørvur og smidleikin í liðunum gerst størri Niðurbrótingin av liðunum verður steðga Viðgerðin er við til at útseta tørvin á eini møguligari skurð­ viðgerð. Av tí at orthokineviðgerð bert nýtir lekingar­møgu­ leikar, sum eru í kroppinum frammanundan, er lítil møguleiki fyri hjáárinum.

PRP-viðgerð Í blóðinum eru blóðplátur og í hesum blóðplátum eru eggja­hvítaevni, ið virka sum vakstrarhormon hjá kyknum og vevnaði. T.v.s. at tá vit skursla okkum, so verða blóðpláturnar aktiveraðar og immunverjan byrjar at bøta um skaðan.

PRP-viðgerð við blóðpláturíkaðum serum skundar undir lek­ing­ina, sum kroppurin sjálvur tekur sær av við hjálp frá vakstrarhormonum og øðrum regenereringsproteini frá egnum blóðplátum. Ein kann siga at kroppurin lekir seg sjálvan við tað at hann fær eina innspræning við úrdrátti av egnum vakstrarhormonum, júst har, sum brúk er fyri tí.

Vakstrarhormonini eru í blóðplátunum, sum verða skildar frá og sprændar inn í sjúku sinuna, eftir at sjúklingurin hevur fingið lokala doyving.

Innspræningin verður gjørd við ultraljóðvegleiðing, soleiðis at hon neyvt rakar staðið, har skaðin er.

Pero Sore Serlækni í giktasjúkum og internum medisini

Siri Sore Akupunktørur og sjúkrarøktarfrøðingur

Medcare · Suðurstíggjur 10 · FO-160 Argir T e l . + 2 9 8 2 2 3 0 2 1 · w w w . m e d c a r e . fo

Akupunktur

Akupunktur er mest útbreiddi og viðurkendi alternativi viðgerðarháttur í Vesturheiminum í dag.

Akupunktur, sum er ein partur av TCM (Traditional Chinese Medicine) er ein viðgerð, sum við at aktivera orkuna í kroppinum, er við til at skapa javnvág, soleiðis at kroppurin kann byrja at lekja seg sjálvan. Akupunktur verður nýtt bæði viðgerandi, fyribyrgjandi og linnandi.

Viðgerðin hóskar seg væl í samband við m.a brátt íkomnar og kroniskar ítróttarskaðar, vøddaspenningar, migrenu og ovurviðkvæmi. Eisini verður akupunktur nýtt í samband við roykiavvenjing, at minka um matarhugin og í samband við fertilitetstrupulleikar.

Viðgerðin kann harumframt linna um hjáárin av heilivági, t.d. kvalma, pínu og hitatúrar í samband við kemoviðgerð.

Vesturlendsk gransking vísir, at akupunktur fær kroppin til at økja um framleiðsluna av endorfin og serotonin, sum er pínustillandi og lættir um lyndið.

Kosmetisk akupunktur

Ein virkin viðgerð, ið kann yngja um andlitið, uttan at knívur ella innspræning verður nýtt. Viðgerðin er laga til tann einstaka og er bygd á meginreglur í siðbundnum kinverskum medisini. Hetta merkir at støði verður tikið í øllum kroppinum.

Kosmetisk andlitsakupunktur betrar um blóðrenslið í vevnaðinum og gevur eina sunna og strálandi húð. Sjálvt prikið av nálini økir um framleiðsluna av kollagen í húðini.

Viðgerðin minkar um posar og myrkar rendur um eyguni og yvirskotsvætu í andliti.

Hevur sera góðan virkna í samband við sonevndu mimisku rukkurnar ímillum eygnabrýr, á pannu, við eygu og munn.

Viðgerðin virkar við at teir veiku vøddarnir verða stimbraðir og teir vøddarnir, sum arbeiða mest, verða umlættir.

Viðgerðin umfatar akupunktur, andlitsmassagu og aðrar siðbundnar viðgerðarhættir. Smáar sterilar einnýtisnálir verða settar í andlitið og ymsa staðni á kroppinum. Viðgerðin umfatar eisini gua sha massagu, sum í samband við kosmetiska akupunktur er ein mild massaga, tillagað andlitið.

Giktaviðgerð

Orsøkinar til giktasjúkur, ella reumatologiskar sjúkur, sum tað eisini verður nevnt, eru broytingar í immunverjuni, ið hevur við sær at bruni (inflammation) kemur í kroppin.

Brunin leggur seg eftir vevnaðinum hjá sjúklinginum (autonom sjúka). Brunin rakar sum oftast liðir, sinur og húð, men kann eisini raka eygu, lungur, tarmar, nýru og kør.

Reumatologiskar sjúkur eru sjúkur sum liðagikt, reaktiv gikt, Bechterev sjúka, psoriasisgikt og vøddagikt, umframt systemiskar bindivevnasjúkur. Undir giktasjúkur hoyra eisini urinsýrugikt og beinbroyskni.

Overving / slit Pína av overving í frítíð ella í arbeiði. Tað kann snúgva seg um pínu í herðum, mjadnum og aðra pínu av overving ella í samband við aldur ella broytingar í bindivevnaðinum av t.d. slitgikt, bruna í slímsekkum (bursitis) og bruna í sinum (tendo-synovitis).

Ryggsjúkur Sjúkueyðmerking og viðgerð av sjúkum í ryggi orsaka av bruna og vegleiðing í samband við viðgerð av degenererandi ryggsjúkum og trupulleikum við diskus.