1
Vrede en liefde vir julle!
Liewe Vriende in Christus,
“Die sand het gespoel oor die spore van 2010.” Kyk ons terug op die lewensstrand waarlangs ons in 2010 geloop het, is ons voetspore nog net op enkele plekke sigbaar. Dit sê vir my iets! Ons kan nie in die verlede leef nie. Voor ons strek 2011 amper eindeloos uit. Wonderlik is die wete dat ons elke dag kan leef deur die genade, krag, liefde en wysheid van Christus in ons. Hy is God se Triomf in ons. Hierdie BvB (Brief van Bemoediging) het ‘n ligter aanslag. Ons Woordgidse breek Geestelike dieptes oop wat jou sal motiveer om soos ‘n Paulus die lewenswedloop met volharding te hardloop.
AFGESKAKEL Gedurende Desember het ek iets eienaardig beleef. Om af te skakel is glad nie so maklik nie. Om die werksdrang in my af te kamp is moeilik. Dit is asof die besef dat die tyd wat vir my voorlê baie korter gaan wees as die jare wat reeds verby is, my tot aktiwiteit wil dwing. Vir my is die dae te kort, vlieg die weke onkeerbaar vinnig onder my verby. Dit laat my met die gevoel dat geleenthede verlore gegaan het. Ek het soos ‘n bul met ‘n seer kop in die huis rondgeloop. Geliefdes, ek is nie in die wieg gelê vir ‘n niksdoen bestaan nie. Wat jaag ons? Is dit die tempo van die lewe in die 21ste Eeu? Is dit die onbekende eise van die moderne lewe wat ons voortstu? Om te lewe beteken verandering; verandering veroorsaak dikwels krisisse. Spanning en frustrasie is die gevolg. 2011 is ‘n paar dae oud. Die afsetter se pistool se knal het ons uit die wegspringblokke laat wegvlieg. Alreeds is die rotte met sentimeters voor! Waarom is dit so moeilik om werklik in die Here tot ruste te kom? Lê die probleem nie dalk by die idee dat “ek moet dit maak” nie? Individualisme. Ware Christenskap is ‘n “spansport!” God het elke spanlid se uniekheid, vaardighede, passie en lojaliteit baie nodig.
2
CHRISTENE IS DIE CHRISTUSLIGGAAM Met dit wat in Suid-Afrika en die wêreld gebeur, het ons mekaar nodig – meer as ooit tevore. ‘n Netwerk van Vriendskap in Christusverhoudings. Om voortdurend ons lot te bekla of deur herinnering in die “goeie ou verlede” te leef, baat ons nie hedendaags veel nie. Om net te kritiseer is dodelik. Kritiek grawe twee grafte – joune en ook dié wie jy kritiseer. Kritiek skep duisternis – die dimensie waarin die vyand kan funksioneer. Dieselfde kan van skinder en kwaadpraat gesê word. ‘n Kollektiewe inspanning sal ons oor enige grense heen mekaar sterk laat bemoeding. In Rom. 14:19 sê Paulus: “Laat ons dan najaag wat tot vrede en onderlinge stigting dien.” “So let us then definitely aim for and eagerly pursue what makes for harmony and for mutual upbuilding (edification and development) of one another.” - Amplified Bybel.
In Rom. 15:2 lees ons, “Let each one of us make it a practice to please (make happy) his neighbor for his good and for his true welfare, to edify him (to strengthen him and build him up Spiritually).” Die woord “stigting” is in Grieks “oikodomē.” Hierdie naamwoord kom van “oikos” wat ‘n huis beteken en “domeō” wat om te bou beteken. Die sterkste betekenis van “oikodomē” is om mense deur bemoediging te stig en op te bou. “En nou, broeders, dra ek julle op aan God en aan die Woord van Sy genade, wat magtig is om julle op te bou (oikodomē) en julle ‘n erfdeel te gee onder al die heiliges.” - Hand. 20:32. “En die gemeentes deur die hele Judéa en Galiléa en Samaría het vrede gehad; en terwyl hulle opgebou is (oikodomē) en gewandel het in die vrees van die Here en die vertroosting van die Heilige Gees, het hulle vermeerder.” - Hand. 9:31.
3 “Alles is my geoorloof, maar nie alles is nuttig nie; alles is my geoorloof, maar nie alles stig (oikodomē) nie.”- 1 Kor. 10:23. “Hy wat in ‘n taal spreek, stig (oikodomē) homself; maar hy wat profeteer, stig (oikodomē) die gemeente.” - 1 Kor. 14:4. “Daarom, bemoedig mekaar en bou (oikodomē) die een die ander op, soos julle ook doen.” - 1 Thes. 5:11. Let op die dinamika van woorde in bogenoemde Skrifte. Humanisme maak van jou (die eie-ek) ‘n “god” in eie reg. Christenskap maak van jou ‘n ledemaat van die liggaam van Christus en ook ledemate van mekaar. Aldus is ons die Geestelike huis, gebou of tempel van die Here (a).
Kritiek en negatiewe gesprekke ontstig. Ontstig beteken om aanstoot te gee – veral op godsdienstige gebied. Ons duisende verskillende geloofsoortuigings is ontstigtend. Wat is die gevolg? Die gebou van die Here, Sy liggaam, val uitmekaar.
Eenstemmigheid oor leerstelling is nie die antwoord op Jesus se gebed in Joh. 17:1-26 nie. Eenheid is slegs in Christus moontlik. Ons gemeenskaplike lewe – Jesus Christus – verenig ons as familie.
My hande se funksie verskil totaal van my hart se funksie. Die verskil tussen ‘n hand en ‘n hart is hemelsbreed. Die hand kan glad nie sonder die hart funksioneer nie. Die hart kan wel sonder ‘n hand fisies funksioneer. Psigies is dit ook moontlik maar baie moeilik. As die liefde in my hart deur my hand wil aanraak en koester, sal daar probleme wees sonder ‘n hand.
Ons glo of doen nie dieselfde nie – tog verenig die Lewe van God, Jesus Christus in ons, ons in ‘n liggaam wat mekaar deur woorde en dade kan bemoedig, stig en opbou.
“Now the very first thing that is due to a fellow man in the Christian life is sympathy and consideration; the moment we become a Christian the feelings of the other man become more important than our own; Christianity means putting others first and self last. We cannot give a man what is due to him and do what we like.” William Barclay.
4
LEEF PRO-AKTIEF Geliefdes, kom ons leef as Christene pro-aktief. Ons weier om in reaksie te leef. Dit verg oneindig baie moed vir die “hand” om positief te leef sonder om die “hart” te kritiseer. Slegs die Heilige Gees kan ons help om volgens ons uniekheid en plasing in die liggaam van Christus te leef en om nie die slawe van godsdienstige menings of metodes te wees nie. Die Heilige Gees bekragtig elkeen van ons om daagliks maksimaal volgens ons persoonlike uniekheid te leef sonder om toe te gee aan blinde agterdog en kritiek(b).
Dit is dikwels baie moeilik om die fyn lyn van balans te handhaaf as jy die funksie en salwing wat jy in die liggaam het, verkondig. “Eenheid van die geloof” in Ef. 4:13 het absoluut niks te make met een leerstellige ingesteldheid nie. Dit verwys na kinderlike geloof in Jesus Christus as Saligmaker (c). Ons het dus die reg om dit wat die Heilige Gees vir ons ‘n Rhema – Lewende Woord – gemaak het, onverskrokke in sagmoedigheid te verkondig. Dit noodsaak om van tyd tot tyd op die gevaar van “kortpaaie” en “afdraaipaaie” te wys. Ons het net een Hoof-Weg in die Godstad – Jesus Christus. “EK IS ... WEG” Joh. 14:6. “As you have therefore received Christ, (even) Jesus the Lord, so walk (regulate your lives and conduct yourselves) in union with and conformity to Him.” - Kol. 2:6 – Amplified Bybel. “Want daar is een God en een Middelaar tussen God en die mense, die mens Christus Jesus.” - 1 Tim. 2:5.
IN LIEFDE DIE WAARHEID BEDIEN Wanneer ons Geeswerklikhede uitlig wat dikwels met teologiese sienings bots, verwerp ons nie mense nie. Ons bid vir die hele familie van God. Die Christus in ons wil as Profeet, Priester en Koning uitvloei na almal met wie ons in aanraking kom. Ons begin weer van ons “ouer” Woordgidse beskikbaar stel. Daarin mag julle opmerk dat ek nie altyd die waarheid in liefde bedien het nie! Vergewe my asseblief!
5 “Rather, let our lives lovingly express truth in all things, speaking truly, dealing truly, living truly. Enfolded in love, let us grow up in every way and in all things into Him Who is the Head, even Christ (the Messiah, the Anointed One). For because of Him the whole body (the church, in all its various parts), closely joined and firmly knit together by the joints, and ligaments with which it is supplied, when each part (with power adapted to its need) is working properly in all its functions, grows to full maturity, building itself up in love.” Ef. 4:15-16 – Amplified Bybel. Die inhoud van hierdie Woordgidse is egter so belangrik dat ons dit graag met mense wil deel. Julle sal ook my eie Geestelike groei in die Nuwe Woordgidse raaklees. Dit bevestig wat die Heilige Gees al vir jare sê – Christenskap is ‘n groeiproses. Christus “groei” in my; ek “groei” in Christus. “My little children, for whom I am again suffering birth pangs until Christ is completely and permanently formed (molded) within you.” - Gal. 4:19 – Amplified Bybel. Geen mens word Geestelik volwasse weergebore nie! Deur ons Boeke, Woordgidse en CD’s asook die Webwerf bereik ons baie mense. Ons wil vir elkeen wie geloof in Jesus Christus bely sê dat ons vir jou bid. Ons bid vir die hele familie van God. Ons maak nie verskoning vir dit wat die Heilige Gees gesê het of tans sê nie; ons bid net vir die oordrag daarvan in liefde.
VEDUUR JY OF GENIET JY DIE LEWE? Kennis is baie belangrik. “Kennis is mag.” Omgee vir mense is een van die bewyse Wie werklik in ons harte regeer. Mathys Roetz, die sanger wat vanweë ‘n motorfiets ongeluk tot ‘n rolstoel beperk word, se lewensingesteldheid is vir my ‘n groot seën.
Niks kry dié man onder nie! Marco, ons kleinseun is ‘n baie goeie atleet. Ons het hom al dosyne kere sien hardloop. ‘n Goeie wegspring verseker ‘n goeie eindpoging; ‘n swak wegspring laat jou swak eindig. Die lewe is ‘n wedloop. Geniet of verduur jy die lewe? Paulus sê vir ons: “Weet julle nie dat die wat op die baan hardloop, wel almal hardloop, maar dat een die prys ontvang nie? Hardloop só dat julle dit sekerlik kan behaal. En elkeen wat aan ‘n wedstryd deelneem, onthou hom in alles – hùlle nogal om ‘n verwelklike krans te ontvang, maar ons ‘n onverwelklike.
6 Ek hardloop dan soos een wat nie onseker is nie; ek slaan met die vuis soos een wat nie in die lug slaan nie. Maar ek kasty my liggaam en maak dit diensbaar, dat ek nie miskien, terwyl ek vir ander gepreek het, self verwerplik sou wees nie.” - 1 Kor. 9:24-27. “Maar een ding: ek vergeet die dinge wat agter is en strek my uit na wat voor is, en jaag na die doel om die prys te verkry van die hoë roeping van God in Christus Jesus.” Fil. 3:14.
GOEIE RAAD Daar is bittermin mense wat hedendaags nie met spanning as ‘n probleem worstel nie. Ons doen amper enigiets vir spanningverligting. Baie dinge is goeie dinge. Hier is goeie raad: gaan uit op straat, vind mense wat werklik in nood is, en begin om hulle sinvol te help. Geliefdes, ‘n lewe wat vir ander mense geleef word, is ‘n lewe wat vervulling bied (d). Laat die Christusweelde in jou in dade sigbaar word. ‘n Selfgesentreerde lewe is soos ‘n leë blik – dit maak ‘n groot lawaai sonder inhoud. ‘n Christussentriese persoon is ‘n erdekruik “vol” Christus. “Maar ons het hierdie Skat in erdekruike, sodat die voortreflikheid van die Krag van God mag wees en nie uit ons nie.” – 11 Kor. 4:7. Ja, Hy is God se Skat, Sy kosbare Nardussalf in ons (e). Laat die Here jou “breek” sodat Hy as die kosbare Nardussalf op mense uitgegiet kan word. Het jy Watchman Nee se uitstekende boek – THE RELEASE OF THE SPIRIT? Koop dit en bestudeer dit onder die salwing van die Heilige Gees.
SAAIERS OES! Soveel mense in Suid-Afrika is ontevrede met hulle lewenslot. Geliefde, is jou lewensboot aan een of ander kaai vasgemeer? Solank jy vasgemeer lê kan die Heilige Geeswind jou nie in enige rigting voortdryf nie. Span jou seile! Lig die anker! Vaar uit in die oop lewensee. Jy is ‘n reddingsboot onder die Kapteinskap van Koning Jesus. Daar is geen beter manier om van jou eie probleme te vergeet as om te begin om ander mense te help nie. Dit is die wen-wen beginsel. Help ek jou om te wen, is ek self ook ‘n wenner. “Your own soul is nourished when you are kind; it is destroyed when you are cruel.” - Spreuke 11:17 – Living Bible. Om ‘n helper te word is om ‘n saaier te wees. Jy stig mense – met woorde en dade. Saaiers is ook oesters (mense wat die oes insamel). Dit is ‘n beginsel. Ons werk vir bykans 40 jaar volgens hierdie beginsel. Die bediening van Jesus Christus in en deur ons is ‘n Bediening van Bemoeding en Lering. Ons onderrig mense in Christus (Ef. 4:20-21)
7 Deur ons stig of bou die Heilige Gees mense op. Ja, van tyd tot tyd ontstig dit godsdienstiges! Maar in die meeste gevalle dien dit tot bemoediging, opbouing of dan die formasie van Christus in mense (f). Steeds verkoop ons NIKS nie. Ons gee alles, alles waarmee die Here ons seën en geseën het, verniet weg. Dit is ‘n Heilige Gees geskenk aan die ontvanger. “Julle het dit verniet ontvang, verniet moet julle dit gee.” Matt.10:8.
‘n BvB soos hierdie sal slegs positiewe resultate oplewer as dit saam met ons ander geskrifte gelees word. God se Wysheid is veelkleurig. Aktiwiteit vervang nie ‘n liefdesverhouding nie. Die kleure van die reënboog ding nie met mekaar mee nie – dit vul mekaar aan.
“EK IS ... WAARHEID.” - Joh. 14:6. Alle Waarheid emaneer vanuit Jesus Christus; alle Waarheid lig Hom toe en ook kulmineer alle Waarheid weer in Hom. Die deïfikasie van een waarheidsfaset lei maklik tot dwaling en selfs afgodery.
Vervalsings is hedendaags volop. Van huweliksertifikate tot R200 note – jy kan vervalsing kry. Omdat dokumente vervals word hou ons nie op om die regte dokumente te gebruik nie. New Age Ideologie word wêreldwyd verkondig. “’n Nuwe wêreldorde” noem ‘n Astroloog dit op ‘n Nasionale TV program.
Astrologie is totaal en al vals. Die Nuwe Orde wat humanisme verkondig is ook vals. Net egte dinge kan vervals word! Regte bestuurslisensies kan vervals word. Die volgende wêreldwye regering – ‘n “Nuwe Orde” – is die Koninkryk van God! Lees Dan. 2:28-45 saam met Matt. 6:9-10.
‘n Dame sê, “Ek bid net.” Dit klink wonderlik vroom. Het Jesus net gebid? Nee! Gebed was opgevolg met dade. Om vir ‘n siek dame haar huis netjies skoon te maak is dalk veel meer werd as om vir haar te bid.
Onder geen omstandighede verslaaf ons onsself aan enige organisasie of instansie om sodanige instelling se belange te bevorder nie. Dit maak nie saak of die belange godsdienstig of maatskaplik is nie. Ons volg die leiding van die Heilige Gees. Ons leef deur verhouding met Jesus Christus, ons inherente Lewe.
Ons redeneer of debatteer nooit oor die Bybel nie. “Let’s talk about Jesus, the King of kings is He ...” Lees gerus 1 Kor. 1:10-13 en 3:1-8. Dit sê nie dat ons nie ons spesifieke oortuigings soos deur die Heilige Gees vanuit die Skrif aan ons geopenbaar, het nie.
Ons leef die antwoord op Jesus se gebed in Joh. 17:1-26. Ons aanvaar die diversiteit wat daar in God is. Derhalwe aanvaar ons die diversiteit van die Christusliggaam. Eenheid in veelledigheid. “Christ is a Corporate Body”.
8
MENSE WAT ANDER HELP WORD SELF OOK GEHELP “Daar is mense wat baie weggee en tog altyd meer bykry. Maar daar is ook mense wat suinig is, en dan op die ou end self gebrek ly. ‘n Mens wat aan ander goed doen, sal self ook voorspoedig wees, want as jy vir ander help, word jy self ook gehelp.” - Spreuke 11:24-25 – Lewende Bybel. “It is possible to give away and become richer! It is also possible to hold on too tightly and lose everything. Yes, the liberal man shall be rich! By watering others, he waters himself.”- Spreuke 11:24-25 – Living Bible. Pragtige Skrifgedeelte. “By watering others, he waters himself.” Selfsugtigheid is een van die dodelikste siektes van ons tyd. Selfbelang is ‘n verwoestende vuur wat alles om jou verbrand voordat dit jou ook ‘n vlammedood laat sterf. Paulus beskryf die Christusgesindheid baie duidelik:
Feitlik alle ongelukkigheid waarmee mense worstel is die gevolg van selfsugtigheid.
“As daar dan enige troos in Christus is, as daar enige vertroosting van die liefde, as daar enige gemeenskap van die Gees, as daar enige innige tederheid en ontferming is, maak dan my blydskap volkome deur eensgesind te wees en dieselfde liefde te hê, een van siel, een van sin. Moenie iets doen uit selfsug of uit ydele eer nie, maar in nederigheid moet die een die ander hoër ag as homself. Julle moet nie elkeen na sy eie belange omsien nie, maar elkeen ook na die ander s’n.” – Fil. 2:1-4. “Let this mind be in you, which was also in Christ Jesus.” – Fil 2:5 – KJV. Lees Fil. 2:1-13. Jy kan nie ander mense help sonder om ook jouself te help nie! Sukses in die Woordsin is direk gekoppel aan hoe hulpvaardig jy leef. Enige hulpverlening moet die gevolg van die direkte leiding van die Heilige Gees wees. So, bid en wag op die Here gaan aktiwiteit vooraf. “Maar jy, wanneer jy bid, gaan in jou binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde.” – Matt. 6:6. “For all who are led by the Spirit of God are sons of God.” Rom. 8:14 – Amplified Bybel.
9
“EK IS .... DIE WEG!” Lewenssukses is slegs in die Weg te vind! Niemand bereik werklike funksionele nuttigheid in die Koninkryk van God op ompaaie van selfbelang nie. Die Straat van Vrede, Vreugde, Geluk, Vervulling, Sukses, se Naam is “SERVICE!” In Matt. 20:28 sê Jesus van Homself: “Net soos die Seun van die mens nie gekom het om gedien te word nie, maar om te dien en Sy lewe te gee as ‘n losprys vir baie.” Hy het van Homself gesê, “EK IS ... DIE WEG.” Joh. 14:6. In die omgee vir mense, die dien van mekaar, het ons geen verskuilde agendas van selfbelang nie. Ons dorp wemel van bedelaars. Party is “professioneel.” Ander word deur omstandighede gedwing tot ‘n “hande uithou” leefstyl. Vir ‘n bedelaar het ek by ‘n geleentheid by die George Oos Poskantoor gesê: “As ek jou net een dag besig gevind het om die terrein rondom die Poskantoor skoon te maak, sou ek vir jou iets gegee het. Jy doen absoluut niks – wil net hê. Jy doen niks en dus kry jy niks nie.” Ons mag nie ons hand uitsteek om te ontvang as ons nie bereid is om met dieselfde hande te werk nie.
JOU LEWE ‘N DONASIE Hoe oud ‘n mens word is nie so belangrik as die donasie wat jy van jou lewe tot dié lewe maak nie. Grootheid in die Koninkryk van God word deur ‘n dienskneggesindheid bepaal. Lees gerus weer Fil. 2:1-13. Die wortels van jou lewensboom, jou lewensvreugde en sukses beide Geestelik en tydelik, groei die diepste in die vrugbare grond van ware liefde en omgee vir mense.
Om ‘n mislukking te wees is baie maklik – doen net niks nie!
“Brethren, be great believers. Little faith will bring your souls to heaven, but great faith will bring heaven to your souls.” - Charles Spurgeon.
Verloorders kyk na en struikel oor mense. Wenners se oë is op Jesus Christus gevestig; hulle soek God. “En sonder geloof is dit onmoontlik om God te behaag; want hy wat tot God gaan, moet glo dat Hy is en ‘n beloner is van die wat Hom soek.” - Heb. 11:6.
Wat beïndruk mense? Ons aktiwiteite en nie ons bedoelings nie! Dagdrome word nagmerries wat jou nêrens bring nie – hulle voltooi of wen nooit enige resies nie.
10 Wil jy weet of jy werklik suksesvol as mens en Christen leef? Vra jouself af of mense jou ‘n dienskneg noem. Paulus wissel sy bekendstelling van homself in sy briewe af met “dienskneg van Jesus Christus” en “’n geroepe apostel van Jesus Christus.” (g). Geliefdes, die lewe skuld ons niks nie; ons skuld die lewe alles. Die kern van die saak is dus nie wat ‘n mens uit die lewe kan kry nie maar oor watter bydrae my lewe tot dié lewe maak! God het jou lewe as ‘n donasie tot dié lewe gemaak. Allereers leef ons vir Sy genot en plesier. Ons liefde vir Hom word sigbaar in ons liefde en omgee vir die hele familie van God en ook vir diegene wie Hom nog nie ontmoet en aanvaar het en as Christene leef nie. Ons liefde vir die familie van God is ongeag hulle Geestelik stand, status, oortuiging, sukses, metodes, insig of wat ook al. Dit sê nie dat ons met alles wat mense leerstellig glo en doen identifiseer of saamstem nie. Die ledemate van die liggaam het verskillende funksies. Ons aanvaar die hele liggaam van Christus maar bepaal ons by ons salwing, plasing en funksie. Op voetsoolvlak getuig ons leefstyl dus kragtig van Hom. Jesus Christus is ons uitstraling, die lieflike aroma van Lewe, die geur van duur parfuum. Ons is dikwels onbewus van hierdie lieflike lewensgeur. Dit gee mense moed, dit stig of bou op. Ons is óf “stigters” óf “ontstigters.” “Are we builders or demolishers?” Is ons “bouers” of “slopers?” Woorde is die vrugte van ons hart (h). Is ek ‘n Woordkunstenaar of ‘n woordterroris? Baie dankie vir die lekker kuier en gesels. Vriend in Christus, jy is spesiaal en baie waardevol vir Vader, jou geliefdes, vir ons, die liggaam van Christus en die gemeenskap buite die familie van God. Ons bid vir jou – aan ons bekend of onbekend. Baie dankie vir jou omgee, liefde en gebede. “Maar laat hom wat in die Woord onderwys ontvang, meedeel van alle goeie dinge aan hom wat onderwys gee.” – Gal. 6:6. Christusgroete Jannie en Lena van Zyl Posbus 5023 GEORGE OOS 6539
E-pos:
jannievz@iafrica.com admin@woordfokus.co.za
Webwerf:
www.wordfocus.co.za
Tel: (044) 874-6609 Sel: 083 454 3458 Bankbesonderhede: J B VAN ZYL, ABSA GEORGE, REK.NO. 01 00082 0276, KODE 630 114
11
ONS WONDERLIKE OORSPRONG – VOLUMES 1 EN 2. Ons bied hierdie twee puik Woordgidse gratis aan. Skryf en vra daarvoor. Dit is ook op die Webwerf beskikbaar.
SKRIFTE EN NOTAS a) Joh. 14:1-23; 1 Kor. 3:9-17; 6:19-20; 11 Kor. 6:16; Ef. 2:18-22; 1 Pet. 2:1-9; Matt. 16:13-18; Heb. 3:6; 1 Tim. 3:15; Ef. 1:20-23; 2:18-22; 3:6; 1 Kor. 12:12-31 b) 1 Kor. 12:1-31; 13:1-13; Rom. 12:1-21; Ef. 4:11-16; Matt. 7:16-29; 16:13-18 c) Joh. 1:1-18; 3:1-19; Rom. 10:6-17 d) Joh. 21:15-17; 1 Joh. 4:1-21 e) Mark. 14:3-9; Matt. 26:6-13 f) Rom. 8:19-39; Gal. 4:19; Rom. 1:16 g) Rom. 1:1; 1 Kor. 1:1 h) Matt. 7:16-29; 12:33-37; Spreuke 18:20-21; Deut. 30:19-20; Jes. 50:4; 58:1-14; 55:813; Joh. 7:37-39; 1 Pet. 4:11; Eseg. 47:1-12; Joh. 6:48-68; Jak. 3:1-18
Maak tyd vir mekaar
Ek lees verlede week hierdie treffende stukkie. Dit is ‘n uitknipsel wat iemand vir my gegee het. “A teacher from a primary school asks her students to write an essay about what they would like God to do for them. At the end of the day, while marking the essays, she read one that made her very emotional. Her husband, who had just walked in saw her crying and asked her what happened. She answered: ‘Read this. It is one of my students’ essays.’ ‘O God, tonight I ask you something very special: Make me into a television, I want to take its place. Live like the TV in my house. Have my own special place and have my family around me. To be taken seriously when I talk. I want to be the centre of attention and be heard without interruptions or questions. I want to receive the same special care that the TV receives when it is not working. Have the company of my dad when he arrives home from work, even when he is tired. I want my mom to want me when she is sad and upset, instead of just shouting at me or ignoring me. I want to feel that my family just leaves everything aside, every now and then, just to spend some time with me. Lord I don’t ask You for much. I just want to live like every TV.’ At that moment the husband said, ‘Poor child. What horrible parents.’ She looked up at him and said, ‘That essay is our son’s.’” In Efesiërs 5 en 6 skryf Paulus indringend oor die verhouding tussen mans en vroue, ouers en kinders en werkgewers en werknemers. Nou is dit belangrik dat hy dit voorafgaan deur in die vorige hoofstuk te skryf, “Maak die beste van elke geleentheid.” ‘n Vorige Afrikaanse vertaling het gelui, “Koop die tyd uit.” Tyd is kosbaar. Maak vandag tyd vir mekaar. Maak die tyd saam spesiaal. Sonder dit is geen ware verhouding moontlik nie. (Die Engelse artikel word deur ‘n Dr Johan in sy artikel Stiltetyd in ‘n onbekende tydskrif aangehaal).
12