me Aücheani
Sam me In
Kopwe akaiti ngeni eman semirit ewe
al epwe fetal won, nge lupwen epwe
chinlap, esap likitala.
Än Salomon Fos 22:6
Ren Sam me In
Nengeni, ekewe semirit eu alemwir me ren ewe Samol mi Lapalap, nge ekewe nau ra nöüniir, iei liwinin. Kölfel 127:3
Eman esap tümwünü nöün we wok a oput nöün, nge eman mi tongei nöün a fokun apwüngü nöün. Än Salomon Fos 13:24
Ach niuokusiti ewe Samol mi Lapalap a wor apilükülük mi pöchökül, nge nöün kana epwe wor ar lenien op. Än Salomon Fos 14:26
Kopwe apwüngü noum we, lupwen a chüen wor om apilükülük, nge kosap achika ngünum ren an siö. Än Salomon Fos 19:18
Tiparoch a riri lon leluken eman semirit; nge ewe wokun apungupung epwe asueno towaw seni i. Än Salomon Fos 22:15
Kosap aücheani ewe semirit om kopwe apwüngü, pun are kopwe wichi ngeni
ewe wok, esap mäla. En kopwe wichi ngeni ewe wok, kopwe angasa manauan seni lenien sotup. Än Salomon Fos 23:13-14
Efoch wok me kapasen fön ra awora tipachem, nge eman semirit mi likitala fän püsin a asäwa inan. Än Salomon Fos 29:15
Kopwe apwüngü noum we, pwe epwe asösö ngonuk. ewer, i epwe awora pwapwa ngeni ngunum. Än Salomon Fos 29:17
Iwe, noum kewe meinisin repwe kaiö me ren ewe Samol mi Lapalap. iwe epwe watte kinamwein noum kewe semirit. Aisea 54:13
Emon mi tongei noun we at a fori fan chommong an epwe mefi ewe wok, pwe epwe wor an pwapwa ren i non soponon. Eman mi apwüngü nöün mwän epwe meseik ren, epwe meseik ren me lein chiechian kewe. Eman mi aiti ngeni nöün a asonga chon oputan, nge chiechian epwe meseik ren. Inamwo ika saman we a mäla, nge a usun itä nge esap mäla, pun a likiti eman mi usun chök i. Lupwen a chüen manau, a küna o pwapwa ren, nge lupwen a mäla, esap lolilen. A likiti ngeni eman chon liwini ngeni chon oputan, eman epwe liwini ngeni chiechian kewe an kirikiröch. Eman mi fokun föföringau ngeni nöün mwän epwe finiti kinasan kewe. iwe, letipan epwe uren song ren iteiten puchor meinisin. Eman oris esap föföringau a wiliti eman mi pöchökül, nge eman semirit mi likiti ngeni püsin i epwe chök äpilükülüküngau. Kopwe solani noum ät, pwe epwe eniwokusuk, kopwe äpilükülüküngau ngeni, nge epwe afeiengauok. Kosap eti i le takir, pwe kosap eti i lon an letipeta, kosap pwal akarüngi le sopolan. Kosap ngeni an ngasala lon an alüal, kosap pwal ässäwa an kewe föförün tiparoch. Kopwe chapetiu üan lupwen a chüen kükün o wichi lepekin lupwen a chüen kükün, pwe esap tipeförea o aleasolap ngonuk, epwe pwal atoto letipeta lon lelukom. Kopwe apwüngü noum ät o amwöchü pwe epwe angang weires, pwe an föför mi fokun ngau esap afeiengauok. Sira 30:1-13
Ren Semirit
Kopwe asamolu semom me inom, pwe ränin manauom repwe chomongola won ewe fanü ewe Samol mi Lapalap om Kot üpwe ngonuk.
Ekistos 20:12
Nei, kosap turunufasei än ewe Samol mi Lapalap emirit. kosap pwan netipengaw ren an apungu: Pun ion ewe Samon a tongei a apungu; usun chok emon sam noun at a pwapwa ren. Än Salomon Fos 3:11-12
Än Salomon kewe mwiitun. Eman ät mi tipachem a apwapwai saman, nge eman ät mi tiparoch a ariaföüü inan. Än Salomon Fos 10:18
Kopwe aüselinga alon semom mi nöünuk, nge kosap turunufasei inom, lupwen a chinlap. Än Salomon Fos 23:22 Ämi nau kana, oupwe aleasochisi sememi me inemi lon ewe Samol, pun iei met a pwüng. Kopwe asamolu semom me inom; iei ewe aewin annuk fiti pwon; Ren ei kopwe feiöch o manauatam won fanüfan. Efisus 6:1-3
Kopwe asamolu semom ren unusen lelukom, nge kosap manlükala riaföün inom. Chechemeni pwe ka uputiw seni ir; Iwe, ifa usun, kopwe tongeni aliwini ngeniir ekewe föför ra föri fän itom? Sirak 7:27-28
küna tümwün. Pun ewe Samol a ngeni ewe sam an nemenem won ekewe nau, nge a anüküchara nemenemen ewe in won ekewe mwän. Eman mi asamolu saman a föri asoren amusamusen an tipis, nge eman mi asamolu inan a usun chök eman mi achufengeni pisek aüchea. Eman mi asamolu saman epwe pwapwa ren püsin nöün kana. iwe nupwen a fori an iotek, epwe rongorong. Eman mi asamolu saman epwe manauatam; iwe i ewe a aneasochis ngeni ewe Samon epwe ew aururu ngeni inan we. Eman mi niuokusiti ewe Samol mi Lapalap epwe asamolu saman, epwe angang ngeni seman me inan usun chök a angang ngeni nöün masta. Kopwe asamolu semom me inom lon om kapas pwal lon om föför, pwe feiöch epwe torikemi seniir. Pun ewe feiochun ewe sam a aueta imwen ekkewe semirit; nge anumamauen ewe in a atai ekkewe nongonong. Kosap lamalamtekia ren föförün turunufas semom. pun an semom we turunufas esap eu minen ling ngonuk. Pun iteüöchün eman mwän a pop seni än saman meniniti; Iwe, eman in mi turunufas a eu turunufas ngeni ekewe nau. Nei, kopwe alisi semom lon an chinlap, nge kosap ariaföüü lon ükükün fansoun an manau. Iwe, are a apwangapwangelo lon an mirit, kopwe mosonottam ngeni. me kosap turunufasei i nupwen ka nom non unusen om pochokun. Pun än semom we alilis esap manlükala, nge tipis epwe apacha ngeni om alilis pwe epwe apöchökülok. Lon ewe ränin om riaföü epwe chechemeni; om kewe tipis repwe pwan morono, usun ewe ice non ewe fansoun pwichikar mi murino. Eman mi likitala saman a wewe ngeni eman chon turunufasei Kot.
Ika sipwe apwungu nouch kewe, repwe kechiu iei nge repwe pwapwa lon mwach kkan. Ika sisap apwúngú néúch kewe, repwe pwapwa iei nge repwe kechiw lón mwachkkan.
Semirit ir ewe fansoun mwach non fonuach. Nge ika repwe chinnap nge ese wor discipline, iwe epwe ne ifa usun nonomun fonuwach?
Meinisin ekkewe féffér mi ngaw emén watte a eáni, ina ekkewe féffér rese apwúngú are apwúngú atun a chék kúkkún. Mi lamot sipwe ámááraatá semirit mi niwokkusiti, tongei, me álleasochisi
Kot.
Ua angei eu kinikinin ewe pwul mi manau
Iwe, a mosonoson le forata ran me ran
Ua feito sefan nupwen ier ra no
Ina emon mwan ua nenengeni
I a chúen ina usun me mwan
Iwe, ua tongeni siwili i fän eü