Samoan - Second and Third John

Lua Ioane MATAUPU 1 1 O le toeaina i le tama‘ita‘i filifilia ma lana fānau, o ē ‘ua ‘ou alofa i ai i le fa‘amaoni; e lē gata fo‘i o a‘u, a o i latou uma fo‘i o ē ‘ua iloa le ‘upu moni; 2 Ona o le upu moni, o loo nofo i totonu ia te i tatou, e faatasi foi ma i tatou e faavavau.

3 ‘Ia ‘iā te ‘outou le alofa tunoa, ma le alofa, ma le manuia mai le Atua le Tamā, ma le Ali‘i o Iesu Keriso, le Alo o le Tamā, i le fa‘amaoni ma le alofa.

4 Na ‘ou matuā ‘oli‘oli lava ‘ina ‘ua ‘ou iloa nisi o lau fānau o sāvavali i le ‘upu moni, fa‘apei o le poloa‘iga ‘ua tatou maua mai i le Tamā.

5 O lenei fo‘i, ‘ou te ‘ai‘oi atu ‘iā te oe, le tama‘ita‘i e, e lē peiseaī ‘ua ‘ou tusi atu se poloa‘iga ‘iā te oe, a o le poloa‘iga na ‘iā te i tatou talu le amataga, ‘ia tatou fealofani.

6 O le alofa foi lenei, ia tatou savavali e tusa ma ana poloaiga. O le poloaiga lenei, e pei ona outou faalogo i ai talu le amataga, ia outou savavali ai.

7 Auā e to‘atele o ē fa‘asesē ‘ua ō mai i le lalolagi, o ē lē ta‘uta‘u atu ‘ua maliu mai Iesu Keriso i le tino.

O le taufaasesē lea ma le anetikeriso.

8 ‘Ia ‘outou va‘ai ‘iā te ‘outou lava, ‘ina ne‘i māumau mea na matou galulue ai, a ‘ia maua le taui ‘atoa.

9 O sē solitulafono ma lē tumau i le a‘oa‘oga a Keriso, e lē ‘iā te ia le Atua. O lē tumau i le a‘oa‘oga a Keriso, ‘ua ‘iā te ia le Tamā ma le Alo. 10 ‘Āfai e sau se tasi ‘iā te ‘outou ma ‘ua lē ‘aumai lenei a‘oa‘oga, ‘aua tou te talia o ia i lo ‘outou fale, ‘aua fo‘i ne‘i fa‘apea atu ‘iā te ia.

11 Auā o lē fai atu ‘iā te ia, ‘ua tofusia o ia i ana amio leaga.

12 ‘Ua ‘iā te a‘u le tele o mea e tusi atu ai ‘iā te ‘outou, ‘ou te lē fia tusi atu i se pepa ma le vaitusi; 13 O lo‘o alofa atu ‘iā te oe le fānau a lou uso filifilia. Amene.

Tolu Ioane MATAUPU 1 1 O le toeaina ‘iā Kaio le pele, o lē ‘ou te alofa i ai i le fa‘amaoni.

2 Le pele e, ou te manao i mea uma lava ia manuia ma maloloina, e pei ona manuia o lou agaga.

3 Auā na ‘ou matuā ‘oli‘oli lava ‘ina ‘ua ō mai le ‘au uso ma molimau i le ‘upu moni o lo‘o ‘iā te oe, fa‘apei ‘ona e savali i le ‘upu moni.

4 E leai so‘u fiafia e sili i lo le fa‘alogo atu ‘ua savavali la‘u fānau i le ‘upu moni.

5 Le pele e, ‘ua e faia ma le fa‘amaoni mea uma ‘e te faia i le ‘au uso ‘atoa ma tagata ‘ese; 6 O ē na molimau i lou alofa i luma o le ekalesia; 7 Auā ‘ua ō atu i latou ‘ona o lona suafa, e aunoa ma se mea na ‘aveina e tagata o Nu‘u ‘ese.

8 O le mea lea e tatau ai ona tatou talia tagata faapena, ina ia tatou fesoasoani faatasi i le upu moni.

9 Na ‘ou tusi atu i le ekalesia; 10 O le mea lea, afai ou te alu atu, ou te manatua ana galuega na ia faia, o loo fai mai ai o ia ia te i matou i upu leaga; 11 Le pele e, aua le mulimuli i le leaga, a o le lelei. O lē fai mea lelei e mai le Atua ia; 12 ‘Ua ta‘uleleia Temetiu e tagata uma lava, ‘atoa ma le ‘upu moni lava; ua outou iloa foi e moni la matou mau.

13 E tele mea ou te tusi atu ai, ae ou te lē fia tusi atu iā te oe i le vaitusi ma le peni.

14 ‘Ae ‘ou te fa‘amoemoe ‘ua lata ona ‘ou feiloa‘i ma oe, ‘ona ta fetautalatala‘i ai lea. ‘Ia ‘iā te oe le manuia. E alolofa atu a matou uo ia te oe. Fa‘afeiloa‘i atu i au uō i o latou igoa.