XIRBAWI KIJTJU BOTÕUBEMENI
PORTADA (Archivo anexo)
Xirbawi kijtju bot’ubɆmeni
Instituto de Transparencia, Acceso a la Información Pública y Protección de Datos Personales del Estado de México y Municipios Instituto Literario Pte. No. 510, Col. Centro, C.P. 50000, Toluca, Estado de México Teléfono: (722) 2 26 19 80 Lada sin costo: 01 800 821 04 41 www.infoem.org.mx Primera edición: octubre de 2014 Diseño editorial y cuidado de la edición: DCCS Traducción al matlatzinca: Consejo Estatal para el Desarrollo Integral de los Pueblos Indígenas del Estado de México Impreso en México
5
Xirbawi kijtju bot’ubɆmeni
Yomukjakja nexu Josefina Román Vergara Webe’ori Eva Abaid Yapur Webets’ijti Arlen Siu Jaime Merlos Webets’ijti Javier Martínez Cruz Webets’ijti Zulema Martínez Sánchez Webets’ijti
7
Xirbawi kijtju bot’ubɆmeni
T’ani muyɇ 1. Bɇmeni ki man’ori
13
2. ¿Wantejɇ ka nechajmu ki romantu’obligadu?
17
3. ¿T’ani kan bot’ubɇmeni? 3.1. Nibɇmeni tesojɇ Nechajmu ki Romantu’obligadu 3.2. Nibɇmeni ‘Akajte 3.3. Nibɇmeni Nechajmu ki Ronyɇ Neribajɇ 3.4. Robɇmeni Ninunijanjɇ Pintojuati
21 22 27 28 29
4. ¿T’ani tatuyɇjɇ nechajmu ki romantu’obligadu pi bot’ubɇmeni?
33
9
Bɇmeni ki man’ori
Xirbawi kijtju bot’ubɆmeni
1
Bɇmeni ki man’ori
ronturijyo nipɇya pi beteparikuenta ‘ixta ki romanturijyo nipɇya pimpi nunijani ‘ixta pi ne’akajte. Pukja‘ini Ribawi ki Kumpakjowi Bot’ubɇmeni be Pintojuati ‘ixta Ninunijanjɇ, bot’ubɇmeni kutepari pi mamupɇkjɇ nexirbawi ki tenawi taronchjori yakja tarorejɇjya teso nejeabi, naga piwe’e, pi nemaani ki rontemet’ani ninji t’ani, o naga pi netosu, pu tajochjori meyopojti ki rontemet’ani ninji t’ani.
Pi t’ani putebajya nitenu teso bɇmeni, Bot’ubɇmeni ku tepari nan kjana xirbawi, pu kumpakjowi mamupɇkjɇ nebɇmeni ‘ixta nexirbawi meyotunajɇ, pu xatare’ati ninji bɇmeni pi nan xirbawi pu ta’ini t’ani mujnawi. Pɇpji, pu tarepari bɇmeni ‘ixta taresots’i teso nejeabi ninji bɇmeni pu tatuje nechajmu ‘ixta mu tesokjowi pukja nechajmu ki romatu’obligadu, pu romanitepari nekuenta, mu ki
Mu, Ribawi ki Kumpakjowi Bot’ubɇmeni be Pintojuati ku’ini ki tatu’importaru tarepari nibet’ani netosu pu tarepari bot’ubɇmeni meyojpojti ki tejɇjya, pu mamupɇkjɇ nechajmu taromanu ‘ixta, pɇpji, tarepakjowi bot’ubɇmeni, ki kapji, ki tit’i, yakja kutejɇya ‘ixta tatusiti. Mu ki tenawi tare’ini, yakja tenawi tarekjananpari t’ani mu’ini ribawi tenawi ki, nechajmu ki romantu’obligadu tatupakjowi ninjijɇ nebɇmeni yakja tarorement’ani t’ani ki roman’ati bɇmeni. 13
¿Wantejɇ ka nechajmu ki romantu’obligadu?
Xirbawi kijtju bot’ubɆmeni
2
¿Wantejɇ ka nechajmu ki romantu’obligadu?
• Nit’ani ‘akajte, nemaani ‘ixta nemaani ki rontetent’ani, nemaani ki kjuenbet’ani ‘ixta pi Maabaani ne Rextu.
• Nit’ani newebeye neribawi, nech’atomaani pi ninji maani ‘ixta munitjɇ nemaani ki rontubet’ani.
• Nit’ani nerextu ‘ixta be Maani ki Rontutent’ani Nerextu. Tenawi tare’ini, ki tu’importaru rukjuetatia ki nechajmu ki romantu’obligadu ka tesojɇ nemaani ki ronbet’ani pi nunijani pintojuati ki tatubet’anjɇ, pu xatarepari nankjabɇmeni, ko nimandaru ki ku’ini Ribawi ki Kumpakjowi Bot’ubɇmeni be Pintojuati ‘ixta Ninunijanjɇ. Meyotukja’ini bɇmeni 7 pi ninji ribawi, ka nechajmu ki romantu’obligadu:
17
• Nenunijani, nemaani ‘ixta nenunijani ki rontebet’ani pi bot’ununijani.
• Nemaani ki ronbet’ani njanirajɇ.
• Romaani nerextu.
Mu, nepartido polítiko ka nechajmu ki romantu’obligadu nirawi ki xateso nibɇmeni, pu taronjori tesojɇ net’ani ki rontejɇjya ‘ixta tatupakjowi kuenta Maani pu Tekajbemeni be Pintojuati (MATEPI).
18
¿T’ani kan bot’ubɇmeni?
Xirbawi kijtju bot’ubɆmeni
3
¿T’ani kan bot’ubɇmeni?
Pɇkji, kutepari nan ch’atobɇmeni para 23 nexirakuati pin bɇmeni 12 be Ribawi ki Kumpakjowi Bot’ubɇmeni be Pintojuati ‘ixta Ninunijanjɇ, ki roma’ini t’ani kijtju pi bot’ubɇmeni. ‘Ixka ijnawi munitjɇ net’ani pi ninji bɇmeni, mu t’it’ijɇ ki rontuts’ijti, mu t’it’ijɇ ki romankuentu bot’ubɇmeni, tarenu nixirbawi be www.infoem.org. mx/sipoem/ipo_juridico/pdf/3.pdf.
Pukja ‘ini bɇmeni 12 be Ribawi ki Kumpakjowi Bot’ubɇmeni be Pintojuati ‘ixta Ninunijanjɇ, nechajmu ki romantu’obligadu tenawi tarosots’i robɇmeni, meyojpojti tarekjananu naga piwe’e ‘ixta pi netosu, pu tachjori ‘ixta taresots’i tesojɇ nejeabi, pu tarekjananpari, mu kitare’opijna, nexirbawi ki romatemet’ani bot’ubɇmeni.
21
3.1. Nibɇmeni tesojɇ Nechajmu ki Romantu’obligadu
Bot’ubɇmeni tenawi tajorepari pi ninjijɇ nexirbawi: • Neribawi, nech’aribawi, netemɇti, nete’opijna, netemɇti pi nexirbawi, nexirbawi ki ron’ini yomukjakja kuteyɇ ‘ixta nebɇmeni ki ronte’ini pi t’ani nechamju ki romantu’obligadu.
• Roxu nechajmu ki ronbet’ani be Pintojuati naga newebe’ori ‘ixta t’it’ijɇ ki romants’ijti, ki taromexirbawi pi t’ani, pu ronbet’ani, nitepoki ‘ixta munitjɇ net’ani ki rontumjindi.
22
Xirbawi kijtju bot’ubɆmeni
• Net’ani ki ron’awi tesonkjɇche ‘ixta, yakja tenawi, bɇmeni ki kutemet’ani pi net’ani pu romantubet’anjɇ ‘ixta ki romatemɇti ko nechajmu ki romantu’obligadu.
• Nebɇmeni ki kutemet’ani net’ani, pi beteye, mjɇxi kutukostaru, pi nemaani, pu chjori ‘ixta nechajmu ki rontemet’ani tatutentijɇ nexirbawi ki ron’ati tarepari nebɇmeni, mu nitewe’e nexirbawi ki ronjori ‘ixta ki rontupatikuenta t’it’ijɇ ne chajmu ki romatu’obligadu.
• Netemɇti ‘ixta nexirbawi ki ronyɇ nechajmu ki romantu’obligadu. • Mjɇxi meriu ki reparɇ nechajmu ki romatu’obligadu ‘ixta pojti ki romabet’ani.
• Wantejɇ ki reparɇ net’ani be pintojuati ‘ixta pi ninunijanjɇ por nechajmu ki romatu’obligadu, mu mjɇxi ki tuparɇ, t’ani ki tu’atjɇ, yomukjakja ‘ixta nibet’ani ninjijɇ net’ani ki romapanta.
• Nixu, pu ronchjori, niteléfono íxta t’ani mu ‘ora tatupakjowi bɇmeni newebe’ori pi t’it’ijɇ romaani nechajmu ki romantu’obligadu.
23
• Yomukjakja nimeriu nechajmu ki romatu’obligadu ‘ixta, yakja kutejɇjya, teso bɇmeni pu te’ini mjɇxi rontunta pi nenunijani.
• Bɇmeni ki ronpari nepartido polítiko pin ‘akajte pu tekajbɇmeni.
• Net’ani pu te’ini yomukjakja tarenjori ‘ixta yomukjakja tarebet’ani pi bete’esti ‘ixta betetani netosu ‘ixta net’ani ki ronyɇ nechajmu ki romatu’obligado. • T’it’ijɇ nexirbawi ki tuyejɇ nechajmu ki romatu’obligadu ko munitjɇ newebet’ani be pintojuati, naga pa tesokjowi ‘ixta t’unirajɇ.
24
• Yomukjakja tare’uxti nechajmu pi net’ani ki ronteyɇ, ki tenawi ‘ixta nibetenu net’ani ki kjuenye ‘ixta nitepari bɇmeni nechajmu ki romatu’obligadu.
• Yomukjakja tareyɇ, yomukjakja tarebet’ani ‘ixta t’ani bɇmeni tarepari pi net’ani ki rontewe’e ‘ixta pi netosu por nechajmu ki romatu’obligadu.
Xirbawi kijtju bot’ubɆmeni
• Tarewe’e pi nan xirbawi yakja tarorepanti ronas’ori pi nemaani pu ronchjori nechajmu ki romatuobligadu.
• Taresiti t’it’i bɇmeni ki kutekjanapajchji pu chjori bot’uxirbajɇ pu tarejanti ‘ixta tatubet’anjɇ nechajmu ki romatu’obligadu.
• Nexirbawi ki ro’ini ki nan t’ani retachi, ni’ati lisensia, tarepari t’ani, nexirbawi ki rontunjori por kjanabet’ani ‘ixta nexirbawi pu ron’ini ki tepari nant’ani.
• Nexirbawi ki rontju nebɇmeni ki tujabi nibetenujɇ nechajmu ki romantu’obligadu por Maani ki Manu Net’ani, Maani ki Man’ori be Temet’anta Meriu, ninjijɇ nebenuta ‘ixta netoch’atomaani ki ronchjori pimpi ‘ixta nech’atomaani ki ronbet’ani ninji t’ani, mu t’it’ijɇ nekjanabɇmeni ki rontejɇjya.
• T’ani tarobet’ani ‘ixta t’ani kjuatuxipi pi rakjɇch’e para teso net’ani ki tatuyɇjɇ nechajmu ki romatu’obligadu.
• T’ani taresiti ki romatemɇti nechajmu ki romatu’obligadu, pu tareparikuenta t’ani ronawi ‘ixta t’ani mu’ini Nixirbawi pu Ronturojyo Pintojuati ‘ixta munitjɇ nexirbawi ki rontebet’ani.
25
• Ne’tani ‘ixta nebɇmeni ki ronpanta nechajmu ki romatu’obligadu, mu t’it’i bɇmeni ki ku’ini ‘ixka ronawi munitjɇ ne chajmu tareparibɇmeni.
• Nibɇmeni ‘ixta nibetesiti nechajmu ki romantu’obligadu, meyatukja’ini Nixirbawi ki kutemet’ani Pintojuati.
• Nibetesiti meriu be Pintojuati ‘ixta pi ninunijanjɇ.
26
Xirbawi kijtju bot’ubɆmeni
3.2. Nibɇmeni ‘Akajte
• Bɇmeni ki tan’ari pi T’ani pu Roma’ini T’antareye be Pintojuati.
• Meriu ki te’uxti, meriu ki kun’ari ‘ixta mjɇxi kutetunta meyotukja’ini neribawi ki rontupatikuenta.
Tareparikuenta, ‘in bɇmeni 13 be Ribawi ki Kumpakjowi Bot’ubɇmeni be Pintojuati ‘ixta Ninunijanjɇ ku’ini kin ‘akajte nunijani, nemaani ki kutemet’ani ‘ixta munitjɇ nemaani, netosu ki kan niye ‘akajte ’ixta pi Maabaani ne Rextu tarowe’e, pi bot’ubɇmeni, ninjijɇ nexirbawi ki kjuen’ini pɇkji:
• Net’ani pu mate’ini yomukjakja tarebet’ani, ki tatuyejɇ Newebe’ori pi Maani ne Rextu ‘ixta pu Ront’ari be Pintojuati ‘on pu Ront’ari pu Tareparibɇmeni Teso Nejeabi be Pintojuati.
27
3.3. Nibɇmeni Nechajmu ki Ronyɇ Neribajɇ
Pukja ku te’ini makuts’i, ‘in bɇmeni 14 be Ribawi ki Kumpakjowi Bot’ubɇmeni be Pintojuati ‘ixta Ninunijanjɇ ku’ini ki pi Maani Nechajmu ki Ronyɇ Neribajɇ, munitjɇ nemaani ki rontemet’ani Nechajmu ki Ronyɇ Neribajɇ ‘ixta romaanjɇ ki tatupakjowi bɇmeni pi ninjijɇ nexibarwi:
• Nebɇmeni ‘ixta nitesiti meriu ki kumpare nemaanunijani ‘ixta nech’anunijani pi Maani Nechajmu ki Ronyɇ Neribajɇ, pu tenawi tatunujɇ pi Maani Nechajmu ki Ronyɇ Neribajɇ.
• T’ani neribawi rontejɇjya, nebɇmeni, nebetexipi, nemandaru, netemɇti ‘ixta munitjɇ net’ani ki tareparikuenta, t’ani mujeabi renjori, wantejɇ nechajmu ki tatunujɇ ‘ixta t’ani tare’ini ‘ixta yomukjakja taroremɇti, naga ki, romatekats’i ret’ejɇ.
• Xirbawi ki kujtju t’ani tatuyejɇ Nechajmu ki Ronyɇ Neribajɇ.
• Nexirbawi pu tesots’i wantewi kuchjori ‘ixta nitekajbɇmeni puwerawi net’ani ki tuyejɇ.
28
Xirbawi kijtju bot’ubɆmeni
3.4. Robɇmeni Ninunijanjɇ Pintojuati
Pa tarijtachi, meyotukja’ini bɇmeni 15 be Ribawi ki Kumpakjowi Bot’ubɇmeni be Pintojuati ‘ixta Ninunijanjɇ, nenunijani, nemaani ‘ixta munitjɇ nemaani ki ronbet’ani pi nenunijani tenawi tarowe’e, pi bot’ubɇmeni, ninjijɇ nexirbawi:
• Net’ani ki tuyejɇ pi beteyoki roru pi nenunijani; nibet’ani kjanatawi, pu matechoki pjowi ‘ixta nitosu nemu’u; nitebet’ani ‘ixta nitenu nekjatawi; net’ani pu matejoki nunijani, nitepanti, romatupa murakuati ‘ixta nibet’ani nekjatosu; pu ronchjori nematenta ‘ixta netumjatenta pu te’uri teso; ne kamisantu, pu rontuxiki ne’anima, pu rontebajya nechajmu, pu ronchjori netoteni ‘ixta yomukjakja tarebet’ani.
• Net’ani ki tareye pi Xirbawi ki Turijyo Ch’anunijani; nitepajchji meriu pimpi jani; nimeriu ki kumpari maa’akajte ‘ixta nimeriu ki kutubet’ani pi maani; mjɇxi kutepari pi ne’impuesto, nitebajya puwerawi, nipanta meriu ‘ixta nexinsa pu taresots’ibɇmeni pu tare’ini mjɇxi ki tarepari ‘ixta tarenjori meyantewi t’ani ki tejɇjya.
29
• Bɇmeni ki kumpakjowi nebetemet’ankjowi tesokjowi; nexirbawi pu te’ini t’ani tareye pu tarijyo nunijani; nebɇmeni ki romatupatikuenta nunijani ‘ixta nibet’ani bot’uru meyopjti kjanpaxalu.
Tare’ini ‘ixta tarenu tesojɇ nejeabi ninji bɇmeni ki kumpakjowi bot’ubɇmeni pu rukjɇnpɇya t’ani kuteyɇ murakuati. Pɇpji, kjuempari nan kjanat’ani ki ka nit’ani nechajmu ki romatu’obligadu. Pu tenawi, rukjanapatijɇkuenta ki kan bot’ut’ani tareparibɇmeni meyantewi tunawi.
Kakjanji, kin bot’ubɇmeni kutenupi pukja nan kjanat’ani pi nemaani ki kutemet’ani ‘akajte nunijani, por ki yakja, kumpakjowi bɇmeni meyatukja’ini Ribawi ki Kumpakjowi Bot’ubɇmeni be Pintojuati ‘ixta Ninunijanjɇ, net’ani ki romatemɇti ninji t’ani putepari bɇmeni ka rontepari njachji ‘ixta meyantewi ki tatunawi tajonjori puwerawi. 30
4
¿ T’ani tatuyejɇ nechajmu ki romantu’obligadu pi bot’ubɇmeni?
Xirbawi kijtju bot’ubɆmeni
4
¿ T’ani tatuyejɇ nechajmu ki romantu’obligadu pi bot’ubɇmeni?
Pu tarekjanamet’ani bot’ubɇmeni pu tatunujɇ nechjmu, Nimaani pu Ronpantabɇmeni nechajmu ki romatu’obligadu ka nit’ani tesojɇ nejeabi tatunjorɇ, tatupantijɇ ‘ixta tatuwe’e nexirbawi meyotukja’ini Ribawi ki Kumpakjowi Bot’ubɇmeni be Pintojuati ‘ixta Ninunijanjɇ ki kjobumejyu makuts’i. Ninji tarewe’e be Nibɇmeni Pintojuati (Ipomex), ki ka nan tosu ki kutebet’ani pu tepanti teso nebɇmeni ki kumpakjowi pi netosu ki rontejɇjya, pu tatunu por wantewi ki tunawi ‘o ki tujɇjya. Murakuati, nibet’ani ki tu’importaru pi nechajmu ki ronbet’ani pi nunijani ‘akajte ki ronpakjowi bot’ubɇmeni, ninjijɇ tatuparɇ nexirbawi pu tenu ki ka ronkjanabet’ani pi Nemaani ki Ronpantabɇmeni teso nejeabi, pu tarijyo nibetapari nikjanabɇmeni.
33
Pa tarijtachi, tenawi ki tare’ini ki ninjijɇ net’ani tarorepari yakja nechajmu ki romatu’obligadu romatekjanamet’ani nexirbawi pu rontukjanapɇnejti ‘ixta ki ronkjananu pi maani puwerawi. Kan Nibemeni Pintojuati kubet’ani tesojɇ nejeabi pa tarepari bot’ubɇmeni ‘ixta nitepajchji bot’uxirbawi ‘Ixka ‘itujɇjya rukjuetentank’i, xanjojya rixinkjɇbi:
Maani pu Teparikuenta, Nipɇya Bot’ubɇmeni Tesokjowi ‘ixta Nitemet’ani Bot’uxirbajɇ be Pintojuati ‘ixta pi Nunijanjɇ Instituto Literario Pte. No. 510, Col. Centro, C.P. 50000, Bomaani, Pintojuati
Teléfono: (722) 2 26 19 80
Lada sin costo: 01 800 821 04 41
www.infoem.org.mx 34