---------------[ EL CONDALISTA ]-------------Númberu 5 | Xornada 10 | A.C. InfoNoreña en colaboración col Condal Club
CD Covadonga 0-0 Condal Club |
La mala puntería impide traer los 3 puntos.
C.D. COVADONGA: Gabri, Piero, Checho, Clemente, Negredo, Jorge, Fran Mexy (David ‘66), Pablo, Allyson (Carlos ’70) Porto y Chamorro (Pelayo ’85). CONDAL CLUB: Jesús, Joaquín Peña, Fofi, Patón, Mori, Rueda, Langarica, Carlos Peña (Jabuto ’68), Carlinos (Yeray ’79), Javi Álvarez (Marcos Iglesias ’36) y Aitor Hervás. Arbitru: Peláez Fernández, de la delegación del Nalón del Colexu Asturianu. Partíu de debut de José Alberto López nel bancu del Cova, que pese al buen arranque de partíu, el pasu los minutos fizolu sacar a relucir les carencies del equipu carbayón. Anque los primeros minutos del alcuentru foron pa los llocales, nun supieron crear ocasiones de pelligru verdaderu y, mientres, el Condal Club diba asentándose nel terrén de xuegu. Con Javi Álvarez dirixendo dende’l centru a los de Noreña, los d’Aníbal empicipiaron a llegar con pelligru. Llamentablemente, la mala suerte volvió a cebase col xoven centrucampista del Condal y, nun choque con Piero, salióse-y l’hombru como nel Ganzabal, xugando’l partíu de Copa Federación. Asina les coses, Marcos Iglesias tuvo qu’ocupar el llugar de Javi. A partir d’equí, el Condal volcóse sobre la meta de Gabri con llegaes continues, de Langarica pela banda y de Carlinos pel centru, que xeneraron varies ocasiones clares que nun pudo aprovechar Marcos Iglesias pa naugurar el marcaor y poner perenriba al equipu de Noreña. La segunda parte parecía un calcu de la primera, otra vez el C.D. Covadonga mandando nel empiezu y con dalguna llegada peligrosa, pero sin mayores problemes pa la defensa condalista, mui segura durante tol partíu. Entós, Aníbal movió ficha y dio entrada nel campu a Jabuto qu’apuntaló el mediucampu y el Condal volvió a tomar el mandu del xuegu. Langarica volvió a ser un cuchillu pela banda y punxo balones buenos a Marcos, qu’estrelló unu nel llargueru y mandó fuera otra perbona ocasión de gol. Al final, repartu de puntos ente Cova y Condal na xorná matutina del J.A.Á. Rabanal. Déxanos con bones sensaciones sobre’l xuegu del equipu, pero la rabia de nun acertar nenguna de les ocasiones tan clares que tovimos, una pizca más o menos lo que nos pasó na anterior xorná en Noreña frente al Unión Popular de Langreo, tamién con resultáu final de 0-0. Nin marcamos, nin nos marquen. Hai qu’afinar...
VISÍTANOS...
ROPA DEPORTIVA DEL CONDAL C.F.
ATLETICO LUGONES - CHANDAL - SUDADERA entreno - POLO - 1ª CAMISETA - 2ª CAMISETA - CAMISETA entreno
50€ 35€ 25€ 30€ 30€ 25€
A LA VENTA LA NUEVA LÍNEA DE ROPA DEPORTIVA AUSTRAL
LLUGAR: LLUGONES CONCEYU: SIERO ESTADIU: Santa Bárbara (Yerba sintético). PRESIDENTE: José Luis Álvarez Álvarez AÑU DE FUNDACIÓN: 1957 TEMPORAES EN 3ª: 7 CLASIFICACIÓN 12/13: 17º ENTRENADOR: Cesar Suárez (1ª temporá) EQUIPOS INSCRITOS: 3ª División, 2ªJuvenil, 3ª Juvenil 3ªCadete (2), 3ª Infantil (2), 2ªAlevin, 3ªAlevín (2), 3ª Benjamín (3) y 3ª Prebenjamín (3). UEB: www.atleticodelugones.com
CARNET DE CONDALISTA El Condal Club ofrece a sus simpatizantes la posibilidad de tener el carnet de condalista por sólo 30€. Este carnet de condalista da derecho a 4 entradas para los partidos del Condal en Tercera División y la entrada a todos los encuentros del Condal B de 2ª Regional, del juvenil de Primera y del resto de los equipos de las categorías inferiores durante toda la temporada. Además, se tendrá en cuenta en las posibles campañas o descuentos que desde el club se puedan realizar a lo largo del año.