Koob Tshuaj Tiv Thaiv Tus Kab Mob

KHAUS VIV-19 (COVID-19) pov thaiv tau leej niam thiab tus me nyuam mos

Ua duab qhia los ntawm Jiemei Lin

Tsev neeg Bao cia siab tias yuav tau ib tug me nyuam mos tshiab!

Leej Niam Bao tab tom taug kev mus txhaj nws Koob

Tshuaj Tiv Thaiv Tus Kab Mob KHAUS VIV-19 (COVID-19).

Tus Kab Mob KHAUS VIV-19 (COVID-19) puas yuav ua rau nchuav me nyuam tau?

Kev hais tias koob tshuaj tiv thaiv kab mob ua rau nchuav me nyuam los sis muaj me nyuam tsis taus yog qhov kev xav uas muab nthuav tawm thoob plaws hauv online los ntawm cov hauv paus uas tsis nyob hauv fab kev tshawb fawb li. Tsis muaj pov thawj tias koob tshuaj tiv thaiv kab mob twg yuav cuam tshuam rau kev muaj me nyuam taus, suav nrog cov koob tshuaj tiv thaiv Tus Kab Mob KHAUS VIV-19 (COVID-19) no. Koob tshuaj tiv thaiv kab mob muaj kev nyab xeeb thiab ua hauj lwm tau zoo.

Lub Chaw Tswj Hwm thiab Tiv Thaiv Kab Mob (The Centers for Disease Control and Prevention, CDC), Asmeskas Lub Tsev Kawm Qib Saib txog Cov Kws Phais Mob thiab cov Kws Kho Mob Txog Chaw Mos (American College of Obstetricians and Gynecologists, ACOG), thiab Zej Tsoom rau Tshuaj Kho Leej Niam-Me Nyuam Mos Hauv Plab (Society for Maternal-Fetal Medicine, SMFM) pom zoo rau koob tshuaj tiv thaiv Tus Kab Mob KHAUS VIV-19 (COVID-19) rau cov neeg uas muaj cev xeeb tub, tab tom pub me nyuam mis, los sis npaj yuav muaj me nyuam. Thaum koob tshuaj tiv thaiv kab mob nkag mus rau koj lub cev lawm, nws ua hauj lwm nrog koj lub lab npauv keeb tiv thaiv kab mob hauv lub cev los tsim cov keeb tiv thaiv kab mob hauv lub cev los tawm tsam rau tus kab mob khaus lauv nam vais lav. Qhov txheej txheem no tsis cuam tshuam nrog koj cov khoom nruab nrog txog kev tsim noob neej.