xwm yeem ntawm Tus Kab Mob

KHAUS VIV-19 (COVID-19)

Qhov Chaw Kuj Muaj Feem Xyuam.

Chaw nyob ib puag ncig uas koj nyob tuaj yeem txiav txim tau ntau yam sib txawv txog koj lub neej. Cov kev paub dhau los no tuaj yeem muaj kev cuam tshuam tau mus ntxiv hauv lub sij hawm muaj kev sib kis kab mob thoob plaws no.

Cov xwm txheej tsev nyob tsis zoo tuaj yeem ua rau muaj cov kev tshwm sim txog kev noj qab haus huv tsis zoo, xws li cov teeb meem kev ua pa, xws li hawb pob thiab muaj kuab lom los ntawm kuab txhuas.

Nws tuaj yeem cuam tshuam rau qhov uas lub tsev kho mob uas nyob ze tshaj palws ntawd... thiab qhov chaw uas lub khw muag zaub uas ze tshaj plaws nyob rau...

Qee cov chaw tau txais kev cuam tshuam los ntawm kev hloov pauv ntawm huab cua ntau dua, piv txwv li cov theem ntawm dej hiav txwv nce siab, dej nyab, thiab cov cua daj cua dub loj heev.

Nws yog qhov tseem ceeb rau peb kom nco ntsoov tias peb cov pej xeem uas nyob rau tom ntug kawg nkaus tab tom tau txais kev cuam tshuam siab tshaj plaws los ntawm kev sib kis kab mob thoob plaws no. Cov kev nyuaj uas lawv tau ntsib no, xws li kev tsis ruaj kho rau fab nyiaj txiag, kev poob hauj lwm, nrhiav ib hnub noj ib hnub, thiab tsis muaj kev them nyiaj rau kev muaj mob los sis kev tuav pov hwm kev noj qab haus huv yuav yim huab nyuaj ntxiv tuaj rau lub sij hawm no.

Cov neeg uas raug kev ntxub ntxaug thiab saib tsis taus haiv neeg saib zoo li yuav ntsib kev ntxhov siab uas tsis paub zoo li, zoo ib yam li cov neeg uas tau muaj kev nyuaj rau fab nyiaj txiag rau lub sij hawm ntev los lawm. Txhawm rau los txo qis cov teeb meem ntawm cov pej xeem no, peb yuav tsum tsim kom tau cov lab npauv uas muaj kev sib luag thiab tuaj yeem nkag tau rau sawv daws hauv peb lub zej tsoom.