Storie de Pitosto Fighe – Personagem humorista EL PAION DE SCATOSSE E LÀ COSINA

“Chi no gà fato l’amore su el paion de scartoce? E giera rumoroso anca, pedo ancora se el leto fosse meso sgherlo”.

Le cosine (primas), sempre me gà fato girar la testa! In fati giera tutte belle tose!

Na volta una bela cosina gera a spasso su la nostra casa e anca, più che bela, belíssima la cosina, propio de farme girar la testa.

Un giorno, se pensava que la mama non gera casa (ma la gera), lora con penceri profani, gavemo verdá uno al antro de soto in su, e anca vardà el paion de scartosse che gera darente. Imaginate coza gavemo fato suvito? Su el paion in secondi, madona!!! In fra le scartose e el leto un pô sgherlo, el rumore ze deventá grando.

Dio santo, la mama gá scoltá e nantri non se savea che gera nel’altro quarto! Finito el pecato, son dato fora… e la mama gera in piê in meso la sala come una statua de marmo, e la me gá veradá de soto in su, sensa dir gnete e ze data via. Mi son deventá come la statua de sale in Sodoma i Gomorra, e com una facia de imbambio, tutto invegogná cufá un can spaurá.

Son scapá fora e me gó sconto nel mato, fina la note. Nel silensio dela note, son ritorná e ndato dormir in cantina, sora i sachi de formento. Mi gavea una gran fame e gó visto um tochetto de lardo, picá via en lá stangheta, go ciapá una messoreta de segar formento e gó segavia un toco e lo gó magna come formaio. Bonora, ciapo su i boi e son’dá in colônia arar, ancora pien de paura. Verso le nove riva el pupá com un toco de pan com butiro e na caneca de café com late. Dise: ciapa cuá!!! Pien de paura lo gò ciapà e el pupà ze dato via.

Morale de la storia: pora mama!!! La mama en su infinita sapiência, no la gà dito ghente al pupá. Cosi la tempesta se svania. E l’ora la storia se gá finio in pace e la cosina me gá fato promoso e no la gò mai più vista. – Mà me vien su i sgrìsoli ancora, quando me ricordo de questa stória d’amore proibito e paura. I taliani ama a Dio, má profana tutto par l’more!

Obs: não podemos esquecer que o Talian (Vêneto brasileiro) é nosso idioma de origem. É um complemento da etnia, por isso insisto em escrever em Talian. Além disso é o idioma mais falado no Brasil depois do português. Ah! Perdão aos puritanos pela explicitude do relacionamento. Mas assim foi.