SportMalta - Issue 8

JANNAR 2016

EDIZZJONI 8

WATERPOLO

STEVIE CAMILLERI TOP SCORER FIL-KAMPJONAT EWROPEW

MAFA

MOTOCROSS

VALLETTA ST PAULS REBBIEHA TALCHRISTMAS CUP

4 SEWWIEQA JIEĦDU SEHEM FL-AMM RACE FOR THE MEDITERRANEAN BASIN FI FRANZA

NICKY CARABOTT JIRBAĦ L-MSSF TRAP EVENT

SPORTMALTA

Sport Malta Awards Għażliet Sportivi Nazzjonali Il-Kumitat Organizattiv ta’ Sport Malta Awards l-Għażliet Sportivi Nazzjonali ħabbar uffiċjalment il-ħames finalisti tal-edizzjoni ta’ din is-sena li se ssir nhar is-Sibt 13 ta’ Frar 2016 f’Dar il-Mediterran għall-konferenzi. Għal sena oħra l-edizzjoni ta’ din is-sena se tkun organizzata flimkien bejn SportMalta u l-Għaqda Ġurnalisti Sports.

Fl-edizzjoni ta’ din is-sena, li se tkun qed tippremja l-kisbiet sportivi tas-sena 2015, se jkunu preżentati xejn inqas minn 11 il-kategorija li jinkludu: Sportiv tas-Sena, Sportiva 1

JANNAR 2016

EDIZZJONI 8

tas-Sena, Żagħżugħa tas-Sena, Żagħżugħ tas-Sena, Tim tas-Sena, Kowċ tas-Sena, Uffiċjal tas-Sena, u l-People’s Choice Award. Jingħataw wkoll ir-rikonoxximent għall-atleta f’Għawdex u l-Avveniment tas-Sena flimkien ma’ żewġ rikonoxximenti lil Special Olympics Malta; wieħed fil-kategorija tan-nisa u l-ieħor tal-rġiel.

F’Konferenza Stampa, fejn fiha ġew ippreżentati ċ-ċertifikati lis-semi finalisti kollha, kienu preżenti s-Segretarju Parlamentari għar-Riċerka, l-Innovazzjoni, ż-Żgħażagħ u lIsport Chris Agius, iċ-Ċermen tal-Kumitat Organizattiv Mark Cutajar, il-President talGħaqda Ġurnalisti Sports Charles Camenzuli u ċ-Ċermen ta’ SportMalta Luciano Busuttil.

Il-Finalisti tal-edizzjoni ta’ din is-sena huma dawn: Sportiv tas-Sena Camilleri Stevie - Waterpolo Chetcuti Andrew – Għawm Moore Kevin – Atletika Pulis Rodmar - Weightlifting Spiteri Mark – Ten Pin Bowling Vella Adam – Lotta Sportiva tas-Sena Abela Sue – Ten pin Bowling Bonello Spiteri Danica – Triathlon Camilleri Rebecca– Atletika Dalli Peppijna – Ġinnastika Wingfield Charlotte – Atletika Uffiċjal tas-Sena Caruana Curran Joe – ASA Caruana Jesmond – Weightlifting Muscat Joseph – Basketball Pace Johan - ASMK Pisani Clayton - MFA Kowċ tas-Sena Chun Albert - Ġinnastika Giordimaina Jesmond – Lotta Izzo Karl – Waterpolo Vella Silvio - Football Vogelesang Rickard – Ten Pin Bowling 2

JANNAR 2016

EDIZZJONI 8

Żagħżugħ tas-Sena Attard Kurt – Ten Pin Bowling Camilleri Luke – Atletika Cassar Kurt - Basketball Giordimaina Gary – Lotta Mifsud Kieran – Weightlifting Plumpton Ben – Waterpolo Żagħżugħa tas-Sena Dalli Peppijna – Ġinnastika Micallef Amy – Għawm Richard Janet – Atletika Xuereb Sara – Ten pin Bowling Zammit Nina – Triathlon Tim tas-Sena Ġinnastika : Tim Nazzjonali ‘A’ GSSE Snooker : Tim : Tony Drago – Brian Cini Ten Pin Bowling : Tim : Mediterranean Cup Waterpolo : Tim Nazzjonali Irġiel – ‘ A ’ Waterpolo : Tim Nazzjonali Under 17 Ta’ min jinnota li hemm żewġ kategoriji, dawk tal-Isportiv tas-Sena u ż-Żagħżugħ tas-Sena, li fihom sitt finalisti flok ħamsa dan minħabba l-fatt li fil-votazzjoni tal-ġurnalisti membri tal-Għaqda Ġurnalisti Sports kien hemm żewġ individwi li spiċċaw bl-istess ammont ta’ punti.

Intant waqt il-Konferenza tal-aħbarijiet tħabbru wkoll il-finalisti tal-People’s Choice Award, liema kategorija se tkun missielta bejn il-lista t’hawn taħt fejn hemm in-numru talSMS marbut ma’ kull finalista ta’ din il-kategorija.

50616721 - Hannah Pace - Malta Triathlon Federation 50616722 - Steven Fenech - Malta Wheelchair DanceSport Association 50616723 - William Vella - Malta Shooting Sport Federation 50616724 - Joseph Borda - Malta Rugby and Football Union 50616725 - Matthew Zammit - Aquatic Sports Association of Malta Il-mistieden speċjali għall-edizzjoni ta’ din is-sena ser ikun Simone Farina, l-ex player talfootball li huwa simbolu kontra l-korruzzjoni fl-Italja.

3

JANNAR 2016

EDIZZJONI 8

Ħajr imur għall-isponsors tas-serata li huma Bank Of Valletta (BOV), Maltco Lotteries, MSV life p.l.c., Bajada new energy group Ltd., Charles Grech & Co. Ltd, General soft drinks Co. Ltd., Mediterranean Conference Centre (MCC), Public Broadcasting Limited (PBS), The Knot u Vascas Jewellers.

Il-preżentatur ta’ din is-serata, li ser tkun mxandra live fuq TVM2, ser ikun il-ġurnalista Clinton Buhagiar.

HISTORY THROUGH SPORT Għall-ewwel darba din is-sena skolastika, SportMalta permezz tal-Sport Promotion Unit qegħda torganizza attivitajiet sportivi innovattivi għall-iskejjel Maltin taħt t-tema ‘Teaching History through Sport’, għall-istudenti tat-tieni klassi tal-iskejjel sekondarji. L-għan ta’ attivitajiet bħal dawn, minbarra li jiċċelebraw cross-curricular teaching fejn l-isport jingħaqad mal-istorja f’attivita’ waħda, jiżviluppa lill-istudent b’mod ħollistiku. Din l-attivita’ turi fil-prattika kif l-attivita’ fiżika u l-iżvilupp akkademiku jistgħu faċilment jintegraw flimkien, bit-tagħlim isir wieħed pjaċevoli.

Waqt l-attivita’ l-grupp tal-istudenti jkunu maqsuma fi gruppi zgħar sabiex tingħata aktar attenzjoni diretta lill-istudenti. Ilgrupp jittieħed fit-toroq tal-Imdina sabiex isegwi rotta, jieqfu f’postijiet speċifiċi ta’ interess bħall-Banca Giuratale u lMużew tal-Istorja Naturali u jwieġbu mistoqsijiet relatati malistorja filwaqt li jagħmlu sessjoni ta’ attivita’ fiżika. Parti oħra tal-attivita’ ssir fil-foss tal-Imdina fejn l-istudenti jkunu esposti għal-logħob tradizzjonali bħall-tlielaq biċ-ċrieki, qbiż bil-ħabel, logħob bil-boċċi, it-tiġieġa l-għamja, gwerra franċiża u ħarba fost l-oħrajn. L-attivita tħarreġ lill-istudenti f’ħiliet varji fosthom l-qari ta’ mappa, teamwork, u t-taħbil ilmoħħ.

4

JANNAR 2016

Ritratt 3: Pool

EDIZZJONI 8

Attivitajiet Sportivi oħra

Qormi FC jirbħu lChristmas Cup.

It-

Ritratt 5: Bowling Senior Championships jintrebħu minn Mark Spiteri u Josephine Borg Ritratt 9: Bowling Shadon Psaila jirbaħ ilMini Junior and Youth Championships

Ritratt 1 u 2 Atleta u Starlites jirbħu lKompetizzjoni Knock Out tal-1 u 2 diviżjoni rispettivament

Ritratt 6: Bowling FINA għat-tieni sena konsekuttiva reġgħu rebħu l-MSV life National league Ritratt 3: Pool Qormi FC jirbħu lChristmas Cup.

Ritratt 4: Football Malta ser tkun qed tospita bosta timijiet talfutbol barranin li ser jkun qed juzaw ilfaċilitajiet Maltin għal kamp ta’ taħriġ.

Fosthom PSV li lagħbu logħba ta’ ħbiberija , liema logħba tilfu kontra Hibernians.

Ritratt 10: Bowling Junior Championships – Sara Xuereb u Matthew Magro jeċċellaw Ritratt 7: Bowling Platinum Cup mirbuħa minn Kenneth Arpa u Sara Xuereb

Ritratt 8: Suċċess fillogħob ta’ ħbiberija.għallMalta

Ritratt 11: Bowling Youth Championships – Sara Xuereb u Philip Gruppetta jirbħu t-Titlu għat-Tielet Sena Konsekuttiva

5

JANNAR 2016

EDIZZJONI 8

JINTEMM PROĠETT IEĦOR RELATAT MALPIXXINA NAZZJONALI Illum saret l-inawgurazzjoni uffiċjali tal-Proġett tal-ERDF 339 li huwa proġett għall-aktar enerġija effiċjenti fil-Kumpless talPixxina Nazzjonali tal-Qroqq.

Id-dettalji dwar dan il-proġett ingħataw mill-project leader Dermot Galea li qal li dan il-proġett sar b’investiment totali ta’ €1,156,008, bl-għan jkun li nieħdu ħsieb l-ambjent billi nużaw enerġija alternattiva, kif ukoll qed jgħin biex il-Pixxina fiżżmien li ġej ma tibqax tagħmel telf u tkun ta’ piż fuq il-Gvern u SportMalta. Huwa elenka l-erbgħa fażijiet tal-proġett li kienu: 1.

L-installazzjoni ta’ heat pumps għall-pixxini, 2.

L-installazzjoni ta’ Variable Refrigerant Flow airconditioning system għall-West Stand, fejn jinsabu luffiċini.

3.

L-installazzjoni ta’ solar collectors li ser jkunu użati biex jissaħħan l-ilma tax-xowers fil-kumpless.

4.

L-installazzjoni ta’ pool covers għaż-żewġ pixxini.

Is-Segretarju Parlamentari għar-Riċerka, l-Innovazzjoni, żŻgħażagħ u l-Isport Chris Agius beda billi feraħ lit-tim talwaterpolo li kien għadu kif rebaħ il-logħba kontra t-Turkija waqt il-Kampjonati Ewropej tal-Waterpolo u semma kif ilGvern diġa qed jagħti sostenn kbir lill-isport tal-waterpolo u lisport akkwatiku ieħor anke bil-bini ta’ pixxina f’Għawdex u bil-pitch tal-waterpolo f’Birżebbuġa. Huwa semma kif ilpolitika m’għandha qatt tkun mħallta mal-isport u kollha għandna niġbdu ħabel wieħed għal dan il-għan.

6

JANNAR 2016

EDIZZJONI 8

Huwa semma kif wasal wkoll fil-fażi ta’ aġġudikazzjoni l-għażla tal-perit li ser ikun qiegħed jagħmel il-pjanti tal-pixxina indoor fil-Kottonera.

Minbarra dan aċċenna għall-miżuri tal-budget relatati mal-isport li qed ikomplu jaġevolaw lill-komunita’ sportiva. Huwa kompla jgħid li din hija ħolqa oħra mill-katina ta’ wegħdi elettorali li qed jitwettqu fejn qed niġġeneraw il-kumpless tal-pixxina tal-Qroqq. Filleġislazzjoni li għaddiet, kien iktar important li jinbnew faċilitajiet ġodda li mhux dejjem kienu sostenibbli u lfaċilitajiet eżistenti tħallew fi stat dilapidat.

Waqt din l-inawgurazzjoni, s-Segretarju Parlamentari Ian Borg spjega li dan il-proġett ikkwalifika taħt ilFond Ewropew għall-Iżvilupp Reġjonali u ser ikun ibbenefika minn madwar €400,000.

Is-Segretarju Parlamentari Ian Borg ħabbar ukoll li għall-ewwel darba ser ikun hemm madwar €5M Fondi Ewropej li ser ikunu allokati għall-iżvilupp ta’ infrastruttura sportiva f’żoni hekk meqjusa bħala żvantaġġjati. Dawn il-fondi għandhom l-għan li jikkumbattu problemi ta’ esklużjoni soċjali kif ukoll ikomplu jtaffu l-problemi relatati mal-obesita’, spejga Dr. Borg.

Dr. Borg temm jgħid li bl-istess mod, permezz talinvestiment ġewwa l-Pixxina Nazzjonali, aktar klijenti ser jkunu qed jirċievu servizzi ta' kwalità aħjar – anki b'rati sussidjati lil dawk kollha li huma membri - hekk kif il-parteċipazzjoni fl-isports mistennija li tkompli tiżdied.

Iċ-ċermen ta’ SportMalta, Dr. Luciano Busuttil tkellem dwar ir-relevanza ta’ fondi Ewropej. Huwa ħabbar li SportMalta fetħet dipartiment relatat max-xogħol tal Unjoni Ewropeja sabiex l-entita’ tkun iżjed relevanti f’dan il-qasam.

7

JANNAR 2016

EDIZZJONI 8

Il-kap Eżekuttiv ta’ SportMalta Mark Cutajar qal li fl-2016, l-entita’ ser tkun qed iżżomm ir-ritmu tas-sena li għaddiet. Huwa ħabbar li diġa s’issa ġew konklużi numru ta’ proġetti filwaqt li l-proġetti l-kbar jinsabu diġa f’fażi ta’ aġġudikazzjoni.

Huwwa semma wkoll li fit-23 ta’ April ser issir konferenza nazzjonali għall-għaqdiet sportivi kollha u NGOs u anke ħabbar li f’Novembru SportMalta ser tkun qed tospita aktar minn 300 delegat minn universitajiet differenti għall-assemblea ġenerali tal-ENAS.

MILJUN EWRO KIENU MQASSMA F’SENA LILLASSOĊJAZZJONIET SPORTIVI SportMalta

ppreżentat

l-aħħar

sett

ta’

għajnuniet

finanzjarji lill-assoċjazzjonijiet u atleti individwali biex b’kollox, matul is-sena 2015, tat madwar miljun ewro f’assistenza finanzjarja. Fl-aħħar ċerimonja kien preżentat total ta’ ’l fuq minn €300,000, li kien jinkludi għajnuna għall-10 proġetti relatati ma turiżmu sportiv.

B’kollox kienu 214 atleta u assoċjazzjoni li bbenefikaw minn assistenza finanzjarja matul is-sena li għadha kemm spiċċat. Dawn kienu maqsumin f’erba’ ċerimonji, bl-aħħar waħda tkun dik tal-bieraħ filgħaxija. SportMalta torganizza erba’ ċerimonji sabiex l-assoċjazzjonijiet sportivi u l-atleti ma jkollhomx jistennew żmien twil għall-assistenza finanzjarja. Dawn huwa parti mir-riforma ta’ SportMalta għall-benefiċċju tal-assoċjazzjonijiet u federazzjonijiet, biex b’hekk tagħtihom aktar ċertezza biex jippjanaw finazjarjament.

Is-Segretarju Parlamentari Chris Agius aċċenna għall-fatt li fil-ġimgħat li ġejjin ser ikun qiegħed jitnieda l-abbozz tarriforma tal-kummerċjalizzazzjoni tal-faċilitajiet sportivi, sabiex l-assoċjazzjonijet ma jibqgħux jiddependu biss fuq SportMalta, imma jibdew jkunu awto-suffiċjenti. Huwa

8

JANNAR 2016

EDIZZJONI 8

semma’ wkoll li fil-ġimgħat li ġejjin se titnieda għall-konsultazzjoni din ir-riforma, u ħeġġeġ lillpubbliku sabiex jibgħat ir-rimarki tiegħu.

Mark Cutajar, l-Kap Eżekuttiv ta’ SportMalta, semma’ li x-xewqa tas-Segretarjat Parlamentari u ta’ SportMalta hija li s-sena 2017, is-sena tal-Presidenza tal-Unjoni Ewropeja, tkun is-sena talisport għal pajjiżna. Huwa ħeġġeġ lill-assoċjazzjonijiet preżenti biex jorganizzaw attivitajiet internazzjonali f’pajjiżna tul dik is-sena. Cutajar fakkar li, SportMalta, flimkien mal-Għaqda Ġurnalisti Sport, se tkun qiegħda għal darb’oħra torganizza serata waħda ta’ għoti ta’ unuri li ser issir nhar it-13 ta’ Frar, u ħeġġeġ lill-assoċjazzjonijiet sportivi sabiex jinnominaw l-aħjar atleti tagħhom. Cutajar semma li fiż-żmien li ġej se jibda x-xogħol biex ikunu preparati serje ta’ emendi sabiex il-Liġi tal-Isport tkun konforma mal-kuntest preżenti. Semma’ wkoll li l-proġetti li tħabbru f’Novembru diġà bdew jitlestew u li fil-11 ta’ Jannar ser ikun aġġudikat it-tender biex jiġu identifikati il-periti għad-disinn tal-estensjoni tal-Kottonera u tal-Youth Village f’Santa Venera.

Iċ-Ċermen ta’ SportMalta, Luciano Busuttil, saħaq fuq l-importanza li SportMalta u lassoċjazzjonijiet jiġbdu ħabel wieħed għall-ġid tal-isport f’pajjiżna. Huwa aċċenna għall-bosta proġetti li imbarkat fuqhom SportMalta, bl-għan li aktar assoċjazzjonijiet jutilizzawhom.

PRIMARY SCHOOLS BASKETBALL COACHING CLINIC Sitt mitt tifel u tifla tal-raba’, ħames u sitt klassi taliskejjel primarji minn madwar Malta ħadu sehem filPrimary Schools Basketball Coaching Clinic li kien organizzat mill-Sport Promotion Unit, fi ħdan Sport Malta, b’kollaborazzjoni mal-Assoċjazzjoni Maltija tal-Basketball. Kowċes mill-klabbs ta’ Hibernians, Siġġiewi u Floriana kienu preżenti biex jagħtu ssostenn lil din l-attivita’. L-enfasi ta' din l-attività kien li tagħti lill-parteċipanti l-opportunità li jtejbu laġilita’, l-bilanċ u l-koordinazzjoni (ABCs) permezz tal-logħba tal-basketball. L-iSport Promotion Unit jorganizza bosta attivitajiet bbażati fuq l-ABCs talisport għaliex jemmen li dawn huma essenzjali biex 9

JANNAR 2016

EDIZZJONI 8

jgħinu lill-istudenti jilħqu livelli aħjar fil-fiżika tagħhom.

Matul din l-attività t-tfal kellhom l-opportunità li jtejbu l-ħiliet fundamentali permezz ta' workshops varji taħt is-superviżjoni ta' kowċes ta’ esperjenza fil-faċilitajiet tal-basketball f’Ta' Qali u fil-Kumpless Sportiv ta’ ĦalKirkop.

Il-Basketball Coaching Clinic huwa biss wieħed millcoaching clinics li l-SPU jorganizza għall-istudenti.

Filfatt sa issa diġa saru coaching clinics fid-dixxiplini tal-handball, ġinnastika u anke tal-volleyball

STEVIE CAMILLERI TOP SCORER TAL-KAMPJONAT EWROPEW It-tim Nazzjonali Malti, immexxi minn Karl Izzo u assistit minn Anthony Farrugia, sġiċċa l-impenji tiegħu fil-Kampjonat Ewropew li saru f’Belgrad b’rebħa fuq t-Turkija. Rebħa li biha Malta temmet din l-esperjenza fil-15-il post. Stevie Camilleri irnexxielu jsir l-aktar plejer li skorja gowls f’din il-kompetizzjoni, b’total ta’ 21 gowl. Is-Segretarju

Parlamentari Chris Agius feraħ lill-iskwadra u l-amministrazzjoni għal dan irriżultat.

Din kienet rebħa storika għall-isport Malti u dan jikkonferma li linvestiment li għamel il-Gvern, permezz ta’ SportMalta u entitajiet oħra, ġie msarraf f’riżultat tajjeb. Dan jawgura għall-futur sabiħ sewwa għall-waterpolo kif ukoll għall-isport Malti inġenerali.

10

JANNAR 2016

EDIZZJONI 8

15-IL SENA TA’ KOLLABORAZZJONI BEJN KELLOGG’S U SPORTMALTA Għal ħmistax-il sena konsekuttiva Kellogg’s qed jagħtu is-sostenn tagħhom lill-programm #OnTheMove Skolasport, biex b’hekk din saret l-itwal kollaborazzjoni ta’ sponsorship fil-qasam sportiv f’Malta.

Kellogg’s jemmnu bis-sħiħ li sa minn eta’ żgħira t-tfal għandhom ikunu imħeġġa biex jagħmlu attivita’ fiżika, u għalhekk anki b’mod internazzjonali Kellogg’s, minn dejjem tagħti appoġġ lill-inizjattivi sportivi.

32,000 parteċipant matul dawn il-ħmistax il-sena ħadu sehem fil-porgramm #OnTheMove Skolasport u trawmu bil-kunċett ta’ għejxien b’saħħtu permezz talezerċizzju u dieta bilanċjata.

Kelliem għal Kellogg’s stqarr li l-kumpanija tinsab kburija li dejjem tat is-sostenn lil SportMalta, permezz tal-programm #OnTheMove Skolasport u li qed tagħti kontribut biex tgħin fl-iżvilupp ta’ atleti ċkejknin.

Permezz ta’ dan l-isponshorship, Kellogg’s qed ikompli jikkonferma l-impenn tiegħu biex jippromwovi ħajja sana fil-komunita’ Maltija. #OnTheMove Skolasport toffri 55 dixxiplini sportivi mmexxija minn madwar 200 kowċ professjonali, fosthom dixxiplini popolari mal-parteċipanti bħaż-żfin, il-ġinnastika, il-basketball, u l-għawm flimkien ma’ sessjonijiet ‘FUNdamentals’ u ‘Mini-Games’ immirati għat-tfal bejn l-4 u l-10 snin li għandhom l-għan li jintroduċu diversi ħiliet sportivi bażiċi fost it-tfal. Din is-sena ġew ntrodotti wkoll dixxiplini ġodda fosthom lFutsal u l-Ġinnastika Ritmika li diġa kellhom suċċess kbir fil-programm Summer On The Move. Din is-sena #OnTheMove Skolasport qed toffri servizz ieħor, dak tal-għawm għallġenituri u trabi tagħhom sal-eta ta’ tliet snin.

11

JANNAR 2016

EDIZZJONI 8

Qegħdin jitwaqqfu tlett akkademji ġodda talVolleyball, tal-Basketball u tal-Ġinnastika bilkollaborazzjoni tal-assoċjazzjonijiet rispettivi bil-għan li aktar tfal ta’ talent ikomplu jimxu l’quddiem fl-isport.

Dawn l-Akkademji jingħaqdu mal-Akkademji tat-Triathlon u tażŻwiemel li kellhom riżultati positivi fis-snin li għaddew.

On The Move Skolasport 2015-2016 mhux sempliċiment post fejn il-ġenituri jħallu t-tfal u jkomplu bil-qadi tagħhom, iżda huwa post fejn it-tfal jitgħallmu u jikbru flimkien. Dan ilprogramm huwa l-ewwel tarġa biex iħeġġeġ lit-tfal ikunu attivi biex ikollna socjetà b’saħħitha fiżikament u mentalment.

L-ISPORT F’GĦAWDEX Diskuss f’Business Breakfast organizzat mill-Gozo Sport Board.

L-isport u l-avvanzi tiegħu fil-gżira Għawdxija kienu ttemi diskussa f’Business Breakfast li kien organizzat mill-Gozo Sport Board. Attenda għal dan il-Business Breakfast il-Ministru għal Għawdex Anton Refalo li semma l-ħolma ta’ ħafna Għawdxin, iġifieri l-proġett ta’ pixxina f’Għawdex, li se ssir realta’ fi żmien li ġej. Pixxina li mhux biss se tkun utli għaż-żgħażagħ u għall-isport tal-waterpolo u l-għawm imma wkoll se tintuża mill-anzjani li jkollhom bżonn tip ta’ rijabitazzjoni.

12

JANNAR 2016

EDIZZJONI 8

Ingħataw wkoll dettalji dwar l-konsultazzjoni li saret qabel tnediet is-sejħa t'interess għall-bini u l-opertat ta' pixxina f'Għawdex. Dawk li ser jwieġbu għas-sejħa t'interess iridu jippreżentaw pjanti għall-pixxina kbira 33.3m x 20m u pixxina terapewtika 10m x 5m, flimkien ma' stand tal-ispettaturi u changing rooms. Is-sejħa t'interess tagħlaq fid-29 ta' Jannar 2016.

Il-Ministru qal li l-ħidma li qed issir mill-Gozo Sports Board qed tħalli l-frott. L-isport f’Għawdex qed jitkattar b’ritmu mpresjonanti fejn din is-sena għall-ewwel darba giet organizzata Skola Sajf u #OnTheMove Skolasport b’kollaborazzjoni ma’ SportMalta. Żdiedu ukoll xi dixxiplini ġodda fosthom l-ibburdjar.

Il-Ministru semma kif fi ftit xhur oħra se terġa’ tittella sserata tal-għoti tal-unuri għall-aħjar atleti Għawdxin u se tkun akbar mis-sena li għaddiet. F’April se jerġa jkun hemm il-weekend sportiv Għawdxi b’aktar parteċipazzjoni minn sportivi Maltin li se jkunu milqugħa f’Għawdex għal weekend sħiħ.

Is-Segretarju Parlamentari Chris Agius faħħar l-ħidma interministerjali li qed issir bejn is-segretarjat tal-isport u l-ministeru t’Għawdex permezz tal-Gozo Sports Board u SportMalta. Huwa spjega kif l-Gvern qed jagħmel lalmu tiegħu biex itejjeb l-infrastruttura ta’ faċilitajiet eżistenti kemm f’Malta u anke f’Għawdex, pero qiegħed wkoll jtejjeb il-programmi li joffri liċ-ċittadini. IlGvern qed jara li jifrex l-finanzi nvestiti fl-isport anke għall-gżira Għawdxija li għal bosta żmien kienet minsija. Huwa ħabbar li l-Gvern alloka ftit inqas minn kwart ta’ miljun ewro bħala għajnuna finanzjarja sabiex ikompju jittejbu l-faċilitajiet sportivi fil-gżira Għawdxija.

13

JANNAR 2016

EDIZZJONI 8

L-Kap Eżekuttiv ta’ SportMalta, Mark Cutajar spjega kif ir-riżultat ta’ din ilkollaborazzjoni huwa #On the Move SkolaSport fejn għall-ewwel darba sar programm speċifikament għall-Għawdex. Aktar minn 250 parteċipant qed jieħdu sehem, taħt ilgwida ta’ diversi kowċis Għawdxin li kienu mpjegati minn SportMalta u dan biex iżomm mal-politka tal-Gvern li jkun ġenerat xogħol minn Għawdex għall-Għawdxin.

Għall-ewwel darba wkoll SportMalta mhux talli involviet lill-gżira Għawdxija flattivitajiet organizzati waqt il-European Week of Sport imma wkoll tat għajnuna finanzjarja sabiex l-attivitajiet isiru. Fil-bidu ta’ dan ix-xahar Għawdex kien inkluż wkoll f’assistenza diretta minn SportMalta biex tkun mibnija tinda f’shooting range.

L-Isport Promotion Unit (SPU) saħħaħ wkoll il-programm tiegħu fl-iskejjel Għawdxin b’iktar attivitajiet fl-iskejjel u anke b’festivals għall-iskejjel Primarji u kompetizzjonijiet fi skejjel Sekondarji.

Il-Kap Eżekuttiv tal-Gozo Sports Board, Alvin Grech spjega minn fejn beda il-ħidma tiegħu l-bord inqas minn sena u nofs ilu, fejn fi żmien daqstant qasir irnexxielu jerġa jnibbet diversi dixxiplini li ma kienux għadhom jiġu prattikati bħall-volleyball, ilbasketball u l-motocross kif ukoll nieda diversi dixxiplini ġodda bħas-soft ball, iċ-ċess u libburdjar.

Alvin Grech spjega l-viżjoni tal-bord għall-isport f’Għawdex għal futur, fejn enfasizza li sabiex l-isport jimxi l-quddiem iridu jissaħħu l-għaqdiet sportivi għax dawn huma lbenniena tal-atleti. Huwa saħaq li kwalunkwe investiment kemm dirett kif ukoll indirett f’dawn l-għaqdiet huwa investiment sabiex uliedna jkollhom futur sportiv aħjar.

Huwa l-ħsieb li din il-publikazzjoni tibda’ tintbagħat kull xahrejn. Dawk l-assoċjazzjonijiet li jixtiequ li xi attivita’ li għamlu tidher fuq din il-pubblikazzjoni għandhom jibagħtu ritratt wieħed u informazzjoni dwaru lil janet.debrincat@sportmalta.org.mt. SportMalta u s-Segretarjat Parlamentari jirriserva d-dritt talgħażla tar-ritratti li jkunu ppublikati.

14