Avatangiiseq silallu pissusia

AVATANGIISIT SILALLU PISSUSIA

Nukimmik atuinitsinnik ilaatigut annikinnerulersitsinikkut avatangiisinut sunniinerlunnerit appartinniarlugit siunnerfilimmik suliniuteqarpugut, kiisalu teknologi nutaaliaanerusoq avatangiisimullu mianerinninnerusumik atuisinnaanerput misissortuakkatta ilagalugu. Suliatsinnut tunngatillugu mingutsitavut suulluunniit sulisut pisisartuvullu suleqatigalugitigit annikillerusuppavut, nioqqutissanillu pitsaanerusumik eqqornerusumillu piniartarneq, qaammarsaaneq ingerlatallu ataasiakkaat eqqarsaatigalugit sumiiffinni saligaannerutitsinissaq peqataaffigerusullutigu.

NALAANNERLUNNEQAATAASINNAASUT

Nioqqutissiornermi, nioqqutissanik ikummatissamillu assartuinermi kiisalu pisiniarfinni ikummatissaasivinnillu ingerlatsinitsinni silap pissusaanut avatangiisitsinnullu sunniuteqartarpugut. Silap pissusaata sunnerneqarsinnaanera avatangiisinullu tunngatillugu ajornartorsiortitsisoqalersinnaanera eqqarsaatigalugit sunniuteqarsinnaanitta annikillisinnissaa KNI-mi akisussaaqataaffigaarput.

SULINIUTIT ANGUNIAGASSAT/ TAKUSSUTISSAT UKIOQ KILLIFFIK

Nerisassanik maangaannartitsineq

Nerisassanik maangaannartitsinnginnissaq ulluinnarni sulinitsinnut ilaajuaannarsimavoq. Nerisassanik maangaannartitsinnginnissami pineqartoq tassaavoq nerisassat akikillilluarneqaraluaraangamilluunniit suli nerineqarsinnaasartut suli annerusumik saqqumilaartinneqarnerunissaat. Pilersuisup pisiniarfiini nerisassanik sapinngisamik maangaannartitsinnginnissaq anguniarlugu aalajangersimasumik periuseqarnissarput anguniassavarput. 2023

10%

Naalagaaffiit Peqatigiit nunarsuaq tamakkerlugu anguniagaat

Avatangiisinut akuersissut

Neqi A/S avatangiisinut akuersissummik assigiinngitsunik piumasaqaatitalimmik Pinngortitamut Avatangiisinullu Naalakkersuisoqarfimmut isumaqatigiissuteqarpoq, isumaqatigiissuteqarnerullu siunertaraa suliffeqarfiup ingerlanneqarnerani mingutsitsinerup minnerpaamiitinneqarnissaa Neqi A/S-ip toqoraareernermi sinnikut igitassat qanoq suliarisassanerai isumaqatigiissummi annertuumik piumasaqaateqarfigineqarput.

Isumaqatigiissut naapertorlugu toqoraanermi sinnikut igitassat 2020-mi 100 tonsinik annikillisinneqarput. Ingerlaavartumik

100%

Polaroilimut puukunik utertitsisarneq

´KNI avatangiisimik mianerinninnerusoq´ qulequtaralugu perrassaatit Texacomeersunut Polaroilimi PIlersuisumilu pisiarineqarsimasut puukui utertinneqartillugit KNI 2019-imi puukumut ataatsimut 3 kr.-inik akiliuteqartarpoq. Nunatsinni illoqarfiit nunaqarfiillu sorliit dunkinik plastikkiusunik amerlanerpaanik katersisinnaanersut Nunarput tamakkerlugu unammisitsineq 2021-mi aallartipparput.

Nunarput tamakkerlugu 2021-mi plastikkinik amerlanerpaanik katersisunut unammisitsivugut, amerlanerpaanillu katersisut illoqarfimmiunut nunaqarfimmiunulluunniit tamanut kaffillersinnissamik eqqungassaqartinneqarput. Dunkit qanoq amerlatigut tunniukkiartorneqarsimanersut qaammatit tamaasa nalunaarutigineqartarpoq. Ukiumi naatsorsuiffiusumi Texaco-dunkit 23.350-it utertinneqarput 52.950-illu tunineqarlutik.

Utertitsitsisarnitsigut unammisitsinitsigullu Texaco-dunkit pinngortitamut igiinnarneqartartut 2023-mi assut ikilisivissorniarpavut.

2020-mi utertitat/tunisat 44 %-iupput, anguniagaavorlu 2023-mi 90 % sinnissagaat. 2023

44%

SULINIUTIT

Polaroil ISO 14001-imik akuersissutaateqarnera

Akuersissut tassaavoq avatangiisinut tunngatillugu mianerinnilluni aqutsinermi nunarsuarmi tamarmi atorneqartartoq nersorneqarnerpaaq. Avatangiisit pillugit politikkikkut pisussaaffigineqartut naapertorlugit Polaroil ukiut tamaasa avatangiisimut pitsanngorsaataasussanik angusaqartarpoq. Polaroil 2013-imi akuersissummik nutaamik aamma allamik peqalernikuuvoq; ISO 14001:2004 (maannakkut ISO 14001: 2015-inernisaasoq). Avatangiisimik mianerinnittumik aqutsinikkut avatangiisimut tunngasunik pingaarutilinnik KNI suliniuteqartarpoq, tassalu eqqagassalerineq aamma kemikaliat.

Plastikkimik atuinikinneruneq

Suliniummi ´KNI avatangiisimik mianerinninnerusoq´ suliniutit ilagaat ataasiartakkat plastikkinik sanaat Pilersuisup atortagaasa avatangiisimut sunniuteqannginnerusunik taarserneqarnerat. Ataasiartakkat nutaat 100 %-mik plastikkitaqanngivipput pinngortitallu nunguillugit arrortissinnaasarai. Ataasiartakkat bambusimit sanaajupput nerillunilu atortut orpimmit avaalaqiakuluumit sanaajullutik. Plastikkiunissaanik pisariaqanngitsut KNI-miit atorneqarunnaariartornerat. Nerilluni atortut avatangiisimik innarliineq ajortut nereriaannarnik tuniniaanermi atorneqartarput pisiniarfinnilu nioqqutigineqarlutik. Nerinermi atortut plastikkiusut ataasiartakkat suli uninngasuutigineqartut nungunniarsarineqarput nioqqutissarsiniarnermilu pisiarineqartarunnaareerlutik. Ataasiartakkani avatangiisinik innarliineq ajortuni ukiumi naatsorsuiffiusumi kaaviiaartitat 91 %-iupput, taavalu nerinermi atortuni ataasiartakkani kaaviiaartitat 9 %-iullutik.

Avatangiisimik mianerinninnerusumik nukissiuuteqarneq

Pisiniarfitta illuutittalu avatangiisimik mianerinnittumik nukissiuuteqarnissaat pitsanngorsaavigalutigu suliniutigiuarparput. Qaammaqqutit tamarmik nutaaliaanerusunik taarsersorneqarput kiisalu nillataartitsivinnik/qerititsivinnik taarsersuineq ilutigalugu avatangiisimik innarliinnginnerusunik taarsersuisoqartassalluni. Tamannalu sarfamik atuinermut siuliinut sanilliullugu sipaarut 50 - 60 %-iuvoq.

Nunarput saligaannerusoq

Nunarput alianaalluinnartuuvoq, alianaattuaannarnissaanullu KNI-mi ataatsimoorluta akisussaaqataaffigaarput. Sinerissatsinni sumiiffigisatsinni tamani ukiumoortumik torersaaqataanissarput eqqagassanillu katersueqatigiinnissarput pingaartillutigu aaqqissuuttarparput.

Eqqakkanik suliaqarneq

Nunaqarfinni sumi tamaani eqqagassarpassuaqartarpoq, tamakkulu ilarpassui Pilersuisuminngaanneertarput. Eqqagassaatitta naleqqunnerusumik suliarisarnissaat anguniarlutigu qanoq iliuuseqarfigisarparput. Eqqagassallu qanoq suliarineqartarnissaannut Qassiarsuk aamma Kangaamiut siulliullutigit misileraavigaavut. Nunaqarfinni taakkunanni igitassat poorsuarnut angisoorsuarnut poortorneqartarput. Poorsuit igitassanik immerneqareeraangata eqqaavissuarmut tunniunneqartarput assartoqqinneqarnissaallu qulakkeerneqartarluni. Poorsuit qassit atorneqarsimanersut sapaatit akunneri tamaasa nalunaarsorneqartarput, suliniullu tamanna misilittagaqarfiginiarneqarpoq, taamalu ililluni sumiiffinni allani periuseq atorlugu iliiortoqartalernissaa anguniarneqarluni. Siunertarineqartoq tassaavoq eqqiluisaarnermi torersuutitsinermilu allatut isiginnittariaaseqartoqalernissaa, taamalu ilillutik pisiniarfiit tamarmik 2023-mi taamatut eqqagassanik suliaqartalernissaat anguniarneqarluni. 2023

ANGUNIAGASSAT/ TAKUSSUTISSAT UKIOQ KILLIFFIK

Ingerlaavartumik

100%

Naalagaaffiit Peqatigiit nunarsuaq tamakkerlugu anguniagaat

Ingerlaavartumik

Ingerlaavartumik

Ukiut tamaasa 91%

Nillataartitsiviit/qerititsiviit: 40% Qaammaqqutit: 20 %

100%

5 %