UKIUP AFFAANUT NALUNAARUT
Ukiup affaanut naatsorsuutit ukiumullu naatsorsuutigineqartut
Una ukiup affaanut ilisimatitsissut 1. april 2022-miit 30. september 2022-mut tunngavoq.
Ukiumoortumik nalunaarut 2021/22-moortoq pingaarutilinnik kukkuneqarpoq kiisalu nalikilliartortoqarneranik misissuereernerup kingorna nalikillileeqqittoqartariaqarnikuulluni. Naatsorsuuserinermi malittarisassat naapertorlugit iluarsisassat nammineq aningaasaatinut toqqaannartumik sunniuteqartumik kukkunerit kiisalu nalikilliliisimanerit ukiut siuliini suliarineqarsimasunut tunngapput. Taamatut iluarsiisoqarnerata kinguneraa kisitsisit pingaarnerit kisitsillu tunngavissat sanillersuusiorfissaasut allanngortinneqarnerat. Ukiup affaanoortunik naatsorsuutit iluarsiivigineqartunut ilaanikuunngimmata naatsorsorneqarnikuunatillu ukiup affaanut naatsorsuutit kisitsisitai ukiunut siusinnerusunut sanillersuussinertaqanngillat. Tassungalu tunngatillugu kisitsisit pingaarnerit kisitsisillu najoqqutassat ukiumut naatsorsuiffiusumut 2021/22-mut tamarmut tunngasut assersuusiorfissatut ilanngunneqarput.
Aqutsinermi eqqumaffigisaq
Aqutsisut naliliipput ukiup affaanut naatsorsuutit ukiuni kingullerni marlunni naatsorsuutinik saqqummiussisarnermi naatsorsuutini pissusissamisuunngitsunik inissitanit pingaarutilinni siusinnerusukkut pisimasunit sunnerneqarsimanngitsut nalinginnaasumillu ingerlatsinermi anguneqartut. Nukiit aqutsinermi atorneqartut ukiup ingerlanerani ingerlatsinerup saniatigut siunissami ingerlanneqartussanut atorneqarput.
Inuit nutserarnerisigut nioqquteqarnermik ingerlatsivimmi isertitassaagaluit annaaneqartut matussuserniarlugit siunissaq qaninnerusoq eqqarsaatigalugu pitsanngorsaatissanik pisariaqartunik KNI A/S ingerlatsivoq.
Polaroilimi suliat ingerlanneqartut ingerlanneqaannassasut naatsorsuutigineqarpoq, ikummatissaasiviillu nutarterneqarnerisa nutaanillu ikummatissaasiviliornissat pingaartinneqarnerat allanngussanani, nutaanillu ikummatissaasivinnik pilersitsinissaq siunissami timmisartukkut angallannermut iluaqutaasussaavoq.
Aningaasaqarnerup nikerarnera
Ukiup affaani angusat 172 mio. DKK-nik sinneqartoorfiuvoq, ukiumi naatsorsuiffiusumi siuliani 2021/22-mi 90 mio DKK-nik sinneqartoorfiusimalluni.
Ukiumi affaani naatsorsuusiorfiusumi kaaviiaartitat 1.603 mio. DKK-pput, ukiumi siuliani ukiup affaanut naatsorsuiffiusumut sanilliussigaanni 362 mio. DKK-nik qaffariaateqarlutik. Taamatut qaffariaateqartorqarnera Covid-19-ip pititsereernerata kingorna inuiaqatigiit ammaanneqaleriartorneranni ingerlatat amerleqqinnerini nioqquteqarnermik ingerlatsiviup
Suliffeqarfik pillugu paasissutissa
Ingerlatseqatigiiffiup taaguutaa: KNI A/S
Taaguutaai allat: Pilersuisoq - Polaroil
Najugaq: J.M.Jensenip Aqq.2, Postboks 319 3911 SIsimiut
CVR-nummer: 16607398
Kommune najugaq: Qeqqata Kommunia
Ukioq naatsorsuiffik: 1.april - 31.april
6 %-imik kiisalu ikummatissaqarnermik ingerlatsiviup 65 %-imik kaaviiaartitaqarnerulernerannit pivoq. Ikummatissaqarnermik ingerlatsiviup kaaviiaartitaasa amerlinerat ikummatissap tunisap 25 %-imik qaffariaateqarneranit pivoq. Kaaviiaartitat sinnerisa qaffariaataat nunarsuarmi ikummatissap akiata nikerarneranit pivoq.
Piginnittumut nammineq aningaasaatit
Nioqquteqarnermik ingerlatsivimmi isertitat pitsanngorsarniarlugit suliaqarsimanerup sunniuteqarsimanera ukiup affaanut naatsorsuutini malunnarpoq kiisalu nioqquteqarnermik ingerlatsivimmi angusat siornamut sanilliullugit pitsaanerupput. Nioqqutissarsiniartarnermi nassiussinermilu akit nikerarnerat tunngavigalugit pisiniarfinni akigititat naleqqussarnissaat qanimut malinnaavigineqarluinnarput.
Ikummatissaqarnermik ingerlatsivimmi angusat siornamut naatsorsuutigineqartunullu sanilliullugu assut annertunerupput. Angusat qaffasinnerunerinut ingerlatat amerlanerunerinik aammali ikummatissap pisiarinerani akit kiisalu ikummatissap nunarsuarsuami nikerarnerannit pivoq.
Siunissami pisiniarfiit, quit ikummatissaasiviillu aningaasaliiviginissaannut nioqquteqarnermik ingerlatsivimmi ikummatissaqarnermilu ingerlatsivimmi isertitat pitsanngoriaataat tunngavissiilluartussaapput.
Ukiup affaata matuma naatsorsuiffiusup naalernerani KNI-p akiitsorsinnaanermini 842 mio. DKK-nik akiitsorpoq ukiumi siuliani 840 mio. DKK-usoq – akiitsorsinnaanermik atuisinnaanerup iluani 2 mio. kr.-inik amerleriaateqarlutik. Aningaasaatit nikerarnerat isertitat amerlinerinik pitsaasumik sunnerneqarput aammali aappaatigut ingerlatat amerlanerulermata aningaasaatit tigoriaannaat pitsaanngitsumik sunnerneqarlutik. Siornamullu sanilliullugu ukiussamut nioqqutinik eqqanaarsarneq siusinnerusukkut ingerlanneqarnikuuvoq. Suliffeqarfik 1.100 mio. DKKnik akiitsorsinnaanermik atugassaqartinneqarpoq. Suliffeqarfik ukiup affaanut 64 mio. DKK-it nalinganut aningaasaliissuteqarnikuuvoq, aningaasaliissutit siorna piffissap taama ilineranut sanilliullugu 8 mio. DKK-t missaannik ikinnerupput.
Aningaasalersuinermi suleqatigisartakkanut pisussaaffiit ukiup affaanut naatsorsuutini eqquutsinneqarput..
Suliffeqarfiup ineriartornissaanut ilimagisat
KNI ukiup naatsorsuiffiusup 2022/23-p affaani kingullermi ukiup affaanut siullermut sanilliullugu angusassani ikinnerussasut naatsorsuutigaa.
Piginnittut: Kalaallit Nunaanni Namminersorlutik Oqartussat, Postboks 1015, 3900 Nuuk - (piginneqataassutit 100 %) Aktiatigut aningaasaatit: 310 mio. DKK
Ukiup affaanut nalunaarut 2022-23 2
Aningaasaatit tigoriaannaat aningaasaatinilu upalungaarsimaneq
