GAZETA NIE TYLKO DLA TYCH KTÓRZY DEKLARUJĄ NARODOWOŚĆ ŚLĄSKĄ
CZASOPISMO GÓRNOŚLĄSKIE
Historia, przyroda
W
poprzednim numerze Cajtunga była polityka, polityka, polityka. I styknie! Tera ni ma jij wcale! Momy za to kupa historie i trocha przīrody. PrzIrody, bo je wele nos. I miynio sie, je coroz mynij ślůnsko a coroz barżyj światowo. „Gorole raus” pado chopek na ȏbrozku. Ale niŷ rozchodzi mu się ȏ goroli z Kielec abo Warszawy. Rozchodzi mu sie o szpetnego ślimoka ze Hiszpanie, ȏszkliwego żółwia ze Ameryki a papagajůw, kiere cisnom się do naszych lasůw, kaj niỳskoro weznom plac sujkom, dziamblom a inakszym naszym ptokom. Takim, a ino takim, gorolom, Cajtung tyż pado raus! Poczytocie o tym na zajcie 13 a 14. Zaś na przodku mocie historio, abo jak inksi padajom, geszichta. Niŷ szło ȏ ni zapomnieć, po przeca we siŷrpniu momy rocznice wojny domowyj, kiere Poloki mianujom „Powstania Śląskie”, a zaś 1 września zaczła sie wojna, skirz kieryj na pora lot cołki Ślůnsk boł w Niỳmcach. To trza spominać. Jednako nojważniejszy tekst numera je niŷ ȏ tym, co sie dzioło na Ślůnsku, ino ȏ tym, co sie w 1920 roku dzioło kole Warszawy. Poloko pobiły bolszewikůw. Radzi ȏsprawiajom, co zretowali niŷ ino sia, ale tyż Ojropa. Co je psinco prowda, bo kiej by bolszewiki sprały Polokůw a poszły dali, to Niỳmce pod jakoimś Breslau abo Danzig rozbiliby bolszewicko armio do imyntu! Ino ůwdy Ślůnsk na zicher by do Polski niŷ przīszoł. Bestuż wele nos ta bitwa do Ojropy znoczŷnio niŷ miała żodnego, ale do Ślůnska – jak nojbarży. O tym poczytocie na zajtach 7-10. A zaś na zajtach 3-6 momy II wojna światowo. Toć, jak rok, abo dwa roki nazod piszŷmy, co mocka Ślůnzokůw witała Wehrmacht radośnie. Klarujŷmy czamu. Ale tyż profesor Sulik tuplikuje, jak sie ślůnsko gospodarka miała we II RP. To tyż ȏbjaśnio, czamu we 1939 nasze opy mieli Poski za tela. Bo jak padajom marksisty „byt kształtuje świadomość”. A byt na Ślůnsku nimieckim a polskim boł blank inakszy. I to tela. Czytejcie! Za miesiąc będzie znów sporo polityki, ale bo kampania wyborcza do samorządów pójdzie pełną parą. Pokożymy, fto je richtig ślůski a fto ino ślůnskoś udowo. Ale, eli wom się spodobo, przīroda już we Cajtungu ȏstanie. Bo my hajmat momy radzi. A hajmat to nŷ ino godka, niŷ ino werki. Hajmat to tyż nasze ptoszki, nasze gemizy, nasze krzoczki. Szef-redachtůr
NR 6/7 7 (76) 2018r. 2015r. ISSN 2084-2384 NR INDEKSU 280305 CENA 3,00 ZŁ (8% VAT) (42)sierpień CZERWIEC/LIPIEC
Gorole raus!