GAZETA NIE TYLKO DLA TYCH KTÓRZY DEKLARUJĄ NARODOWOŚĆ ŚLĄSKĄ
CZASOPISMO GÓRNOŚLĄSKIE
NR 6/7 10 (42) (67)CZERWIEC/LIPIEC październik 2017r.2015r. ISSN 2084-2384 NR INDEKSU 280305 CENA 3,00 ZŁ (8% VAT)
Zaś zniŷskorzŷni
T
rocha mi gańba, skirz tego, co my zaś znieskorzīli nasz Cajtung. Data mo ze października a we kioskach je 2 listopada. Ale… Ale kożdy wiŷ, co Gajtung we 90% wisi na mojij gowie. A mie bajtel festelnie dostoł krzīpoty. Pociepołech wszyjsko – jak to fater –ach sie bajtlŷm zajon. Je terozki (30 listopada) we ligockim lazarecie, a jo mogą Cajtung zrychtować. I powiŷm wom, coch rod. Rod, iże jak co mo Górnośląski we mianie, to funguje jak noleży. Skuli tego, co Górnośląskie Centrum Zdrowia Dziecka to je lazaret piŷrszo liga! Ale styknie już o lazaretach, Wszyjscy blikomy na Szpanijo, co sie hań ze Kataloniom wynokwio. Jo winszuja Katalonie niŷpodległości. I spominom se, co pora lot nazod Alojz Lysko pedzioł „Wierza w ślůnsko republika”. Iże jij doczko, a chop je stary. Jo se ůwdy miarkowoł, co sie Alojz poszkopił, a eli ŏn mo recht? Eli doczkomy, niŷ ino autonomie, ale tyż republiki? Ojropa sie wartko miynio, tuż możne… O Katalonie a Ślůnsku piszymy na zajtach 8-10. Som te regiony podane na sia, ale tyż ȏoni som we swyj starości ŏ autononomio sto lot dali. Bes tuż piszymy tyż kupa o Polsce. Czamu ona się tak boji naszŷj starości. I czamu (zajta 4) fajruje hań, kaj żodnego fajra ni ma. Zaś na zajcie 5 (a 6) momy text o tym, kaj je Gůrny Ślůnsk. Bo już nom się mierznie klarować to każdŷmu. Kiej hajerowi, idzie pomiarkować, ale kiej historykowi, to pieron człowieka biere! Na zajcie 3 trocha szpasu. Ale tyż wiela idzie blikać, co „Ruda” a „Ryżo” to niŷ je jedno. Kiej nom z Rudy robiom Ryżo, to niŷskoro u nos niŷ bydzie nic po ślůnsku. I skuli tego redakcjo ogłaszo konkurs! Bo po naszŷmu polski żyto mianuje się reż. A zaś polsko pszenica to u nos boło żyto. Tuż eli fto powiŷ „żytni czŷrstwy chlyb” a podadzą mu świeży, pszeniczny – my płacimy za to pieczywo! Bo po ślůnsku gŷnau to se zawinszowoł! Szef-redachtůr
Porównują nas do Katalonii. Nie do końca słusznie, bo my chcemy tylko autonomii a nie niepodległości. Ale jeśli będą nam to uparcie wmawiać, może pomyślimy i o niej. Czytaj str. 8-10