SUSANA GUDÍN

¿Quién nun reconoz la pose d’echar un culín?

Susana Gudín ye una artista multidisciplinar ñacía en Xixón, cantante, ballarina y actriz que venceya tola so vivencia artística al raigañu recibíu pola tradición. Nel so pregón nagural de la Primer Sidre l’Añu 2022, tando a piques de ser ma, recalcó la emportancia de conocer, vivir y tresmitir esa tradición, de la que la cultura sidrera y la llingua asturiana son partes perimportantes.

Tu yes artista. ¿Qué tienen que ver l’arte, la música y la sidre?

Tou ye cultura. Tou ye una manifestación de la to forma de ser, de la to manera d’entender la vida y de comunicar al mundu. Quien ama’l mundu la sidra, ama la so hestoria, la so tradición, el so progresu y ama’l resultau, que bien pue considerase manifestación artística amén de cultural. En cualquier tipu d’arte compártense los mesmos procesos y sentimientos.

¿Sabes echar sidre? ¿Diríes qu’hai dalgo de baille o d’actuación n’echar la sidre?

Sé echar sidra y sí, considero qu’hai parte de puesta n’escena nello. Per un llau ayúdate a echala meyor. Per otru, la pose en sí ye mui artística y mui representativa. Ye como ponese un uniforme y yá ta, tol mundu reconoz el to oficiu. ¿Quién nun reconoz esa pose?

Cuála ye la to rellación personal cola cultura de la sidre?

La mio relación entamó pol final. Digamos que cola parte más prestosa, la de socializar con ella.. la xunta familiar y social... col tiempu tuvi la suerte de conocer xente cola qu’averame a la sidra más cerca al so orixe y conocer los pumares, ver les variedaes de mazana, visitar llagares. Ye daqué que tamién pasóme gracies al mi oficiu. Nunca se sabe a quién vas conocer...

Echando’l culete nagural de la XII PSLA, al llau de Juan Roza, del Llagar de Roza.

elli que-y llegue’l llegáu cultural asturianu?

Pa min ye importante y más qu’eso, ye indispensable. La cultura asturiana forma parte de quién soi yo y también la mio pareya. Caún a la so manera y na so zona vivió somorguiáu nella y amás intentamos ca vegada deprender más y empapanos de los nuesos raigaños. Ye la mio intención que poder tresmitir tou eso a la xeneración viniente, forme parte del mio legáu. Si nun sabes d’ónde vienes cómo saber a ónde dir... Pa ello tamién viaxar ye importante. Pero viaxar pa enterate de qué ye lo que ves, qué tien que cuntar la tierra que pises... entrugar, interesate... en definitiva trátase de crear alcordances. Creo que fomentar la curiosidá ye imprescindible y por supuestu, ufiertar ferramientes. Nel nuesu casu va ser dende un puntu de vista artísticu y creativu gracies a los nuesos oficios. Espero que seyamos quién a amosa-y les maravilles de la nuesa cultura y que finalmente seya él mesmu’l que quiera saber más