Gure DBHko Curriculum Proiektua

DBHko Curriculum Proiektua IES AIALA KANTZELARIA-GREGORIO MARAÑÓN BHI

DBHKO CURRICULUM PROIEKTUA

1 Aiala Kantzelaria-Gregorio Marañón BHI

Aurkibidea 1.- Lerro Orokorrak 1.1. Sarrera.............................................................................................3 1.2. DBHko gaitasun orokorrak, oinarrizko gaitasunak eta helburuak.........................................................................................................4 1.3. Metodologia didaktikoa...............................................................12 1.4. Ikasleen ebaluazio, promozio eta titulazio irizpide orokorrak.............................................................................................22 1.5. Ikastetxearen hizkuntz planteamendua.................................37 1.6. Zehar lerroak sartze prozesua.......................................................

1.7. Ikasleen aniztasunari erantzuna emateko antolakuntzaren prozedurak eta irizpideak: a) Sarrera...................................................................................... b) Hezkuntza-premia bereziak dituzten ikasleentzako Norbanako Curriculum Egokitzapenak egiteko irizpideak orokorrak............................................................................................

1.8. Curriculum Proiektuaren eta irakaskuntzaren ebaluazioa..... a) Zer ebaluatu behar dugu?.................................................. b) ICP eta irakaskuntza ebaluatzeko prozedura...................

2.- Tutoretza eta orientazio akademikoa eta profesionala Plana......

DBHKO CURRICULUM PROIEKTUA

2 Aiala Kantzelaria-Gregorio Marañón BHI

1.- LERRO OROKORRAK 1.1.

SARRERA

Derrigorrezko Bigarren Hezkuntzarako Ikastetxearen Curriculum Proiektua proposatzen duen dokumentu honen helburua ondokoa da: hausnarketa egiten lagunduko duen eta Euskal Autonomia Erkidegoko bigarren hezkuntzako ikastetxeek Curriculum Proiektua (ICP) osatzen duten alderdi desberdinei buruz hartu behar dituzten erabakiak hartzeko lagungarri izango den tresna eskaintzea.

Dokumentuak, legeak ezarritako betebeharrekin bat etorrita, Curriculum Proiektu batean kontuan izan behar diren gai guztiak aztertzen ditu eta, zehazki, indarrean dauden arau desberdinen arabera, bertan agertu behar duten erabakiak.

Irakasleek beren praktikari buruz egindako analisiaren emaitza izan da eta une bakoitzean koherenteagoa egiteko eta ikasleen ezaugarrietara eta gure hezkuntzaelkartearen eskaeretara hobeto egokitzeko irakasleek hartutako erabakiak biltzen ditu.

Curriculum Proiektua Eskola Elkarte ororen oinarrizko erreferentzi puntu dela uste dugu eta, bestalde, gure hezkuntza-ekintza hobetzeko eta berritzeko tresna eraginkorra. Beraz, irakasle guztiek onartu behar duten dokumentua da eta kontuan izateko eta ikasleekin eguneroko lanean aplikatzeko konpromisoa hartuko dute.

Curriculum Proiektua ikastetxeko zereginean eraginik gabeko dokumentu burokratiko hutsa izan ez dadin, gure hezkuntza-ekintza inspiratu eta dinamizatuko duen tresna eragile bihurtzeko konpromisoa hartzen dugu eta, bestalde, etengabe hobetu eta berrikusi beharreko tresna izango da, gure errealitatearekin, esperientziarekin eta prestakuntzarekin kontrastatu beharko baita uneoro. Horretarako, dokumentu honetan Curriculum Proiektuaren etengabeko ebaluazio eraginkorra egiteko mekanismo batzuk finkatu dira, desorekak bilatu ahal izateko eta etengabe hobetzeko aldaketa egokiak egiteko.

Curriculum Proiektu honen atal guztietan Hezkuntza Proiektuan definitutako Institutuaren printzipioak eta helburuak kontuan hartuko da. Aldi berean gure ikasleen eta Laudioko ezaugarriak ezin ditugu ahaztu. Esate baterako, soziolinguistikoki gehiengoa erdalduna da, horrek esan nahi du gure ahaleginak handiak izan behar direla ikasleak elebidunak izatearren.

Dokumentu hau irekia da.

DBHKO CURRICULUM PROIEKTUA

3 Aiala Kantzelaria-Gregorio Marañón BHI

1.2.

DBHKO GAITASUN OROKORRAK ETA OINARRIZKO GAITASUNAK.

Curriculumaren planteamenduak ikasleek eskuratu beharreko gaitasunak ditu oinarri. Hori finkatuta, agerian jarri nahi da curriculumak, gauzak egiten jakiteko prestatu behar ditu ikasleak. Ez dira jakintza-arloak elkarrengandik bereizi behar; aitzitik, teorian jakin eta egiten jakin behar da, jakintza eta ekintza uztartu behar dira, eta teoria eta praktika batera landu.

Heziketa oso baterako erreferentziazko ardatzak dira hezkuntza-gaitasun orokorrak, bai oinarrizko hezkuntzarako, bai bizitza osoan zehar ikasteko prozesurako.

Ezin dira zuzenean ebaluatu; izan ere, hezkuntza-prozesu osoko plangintzaren eta haren gauzapenaren loturazko eta bitartekaritzako lanak egiten dituzten aldagai konstanteak dira. Horien bidez, hezkuntza-planteamendu integrala egiten da, eta askotariko gaitasunak eskuratzeko modua dute ikasleek.

Hauxe jotzen du 175-2007 dekretu berriak oinarrizko gaitasuntzat: jakintzen, trebetasunen, jarreren eta balioen elkarrekintza bateratua eta testuinguru bakoitzera egokitua, Oinarrizko Hezkuntzak ikasle guztiek xedetzat izan eta lortu beharrekotzat dituztenak, pertsonaren errealizazioa eta garapena lantzeko eta herritartasun aktiboa eta gizarte-integrazioa lortzeko. Hezkuntza-gaitasun orokorrak erreferentzia-ardatz nagusiak direla esan dugu; aldiz, ikasleek lortu beharreko helburuak adierazten dituzte oinarrizko gaitasunek, giltzarriak eta beharrezkoak jotzen baitira ikasleentzat. Hala, ebaluazioaren erreferentzia dira oinarrizko gaitasunak.

Ez dira jakintza-arloak elkarrengandik bereizi behar; aitzitik, teorian jakin eta egiten jakin behar da, jakintza eta ekintza uztartu behar dira, eta teoria eta praktika batera landu.

Aipatu beharrekoa da Oinarrizko Gaitasunetan lan eta ekimen pertsonala garatzeaz gain, lan kooperatiboa (bost gaitasunetan argiro aipatzen da eta beste hiruretan nola edo hala ere topatu ahal dugu) ere azpimarratzen dela. Hau da, ikasleak, pertsona bezala, bere prestakuntzarako, bere garapenerako eta bere ekimenetarako autonomia izan behar du, baina kolektibo baten zatia izanda bere ardura hartu behar du gizaki bezala. Honetarako proiektu indibidualak zein talde-proiektuak aurrera eramateko gaitasuna izatea garrantzitsua da. Talde-proiektuetan edo, beste era batean esanda, gizarte-alderdi horretan, ikasleak bere buruan konfiantza izateaz gain, enpatia, elkarrizketatzeko eta lankidetzan aritzeko trebetasuna eta eskubideak baieztatzeko eta defendatzeko ahalmena izan behar du.

Honekin lotuta, oinarrizko gaitasunetan somatzen da gure kultura eta gure hizkuntza, kultura-aniztasuna, elkarbizitza, gizonen eta emakumeen arteko berdintasuna eta balio eta ezaugarri demokratikoak ikasleek nola garatu eta zaindu behar dituzten.

Horrek badauka bere alderdi etikoa, beraz, ikasleak ulertu behar du jarrera pertsonal 4 DBHKO CURRICULUM PROIEKTUA Aiala Kantzelaria-Gregorio Marañón BHI

guztiak ez direla etikoak, baldin eta jarrera horiek ez badituzte printzipio eta balio unibertsalak errespetatzen (esaterako, Giza Eskubideen Deklarazioan jasotakoak).

Jarraian gaitasun orokorrak aipatzen eta oinarrizko gaitasunak zertan dautzan labur-labur deskribatzen dira. Azken hauetan sakondu nahi izanez gero, ikusi 175/2007 dekretua, urriaren 16koa, Euskal Autonomia Erkidegoko Oinarrizko Hezkuntzaren curriculuma sortu eta ezartzekoaren III. Eranskina.

HEZKUNTZA GAITASUN OROKORRAK 1.– Arduraz eta autonomiaz bizitzen ikastea, eta, zehazki, nork bere burua ezagutzen ikastea, norberaren buru-osasuna eta osasun fisikoa zaintzen ikastea eta ohitura osasuntsuak hartzea. Izadiaz eta natura-baliabideez arduraz gozatzen ikastea, gizadi osoaren eta egungo nahiz geroko belaunaldien ondarea diren aldetik.

2.– Ikasten eta pentsatzen ikastea, eta informazioa interpretatzea, sortzea eta ebaluatzea.

Erabakiak hartzen eta arazoak konpontzen ikastea, ikasteko eta lan egiteko ohiturak eta ikasteko estrategiak eskuratzea, eta jakintza zientifikoko eta matematikoko metodoak aplikatzen ikastea, jakintza teorikoaren eta praktikoaren alorrek planteatzen dituzten arazoak identifikatzeko eta konpontzeko.

3.– Hizkuntza ofizialetan, eta, gutxienez, atzerriko hizkuntza batean hitz egiten ikastea, eta, berariaz, komunikabideak eta informazioko eta komunikazioko teknologiak irizpide kritikoz erabiltzen eta interpretatzen ikastea. Irizpide hori bera jarraitu behar dute ikasleek hizkuntza artistikoarekin, musika-adierazpenarekin eta gorputzaren, plastikaren eta ikusizko alorraren adierazpenekin.

4.– Elkarrekin bizitzen ikastea, eta, berariaz, harreman positiboak izaten eta, gatazkaegoeretan, elkarrizketara eta negoziaziora jotzen ikastea. Halaber, gogoz eta demokratikoki parte hartzen ikastea, lankidetzan jarduten eta taldean lan egiten ikastea, eta aniztasuna errespetatzen ikastea.

5.– Pertsona gisa garatzen ikastea, norbera izanda, eta emozio negatiboak kontrolatzea eta nork bere burua modu positiboan eta errealistan balioestea. Pertsona autonomoa izatea, norberak hartutako erabakien ardura hartzea, eta printzipio etikoei jarraitzea.

6.– Egiten eta ekiten ikastea, erabakiak eta ardurak hartzeko ekimena izatea, esfortzua eta zailtasunak gainditzeko ahalegina balioestea, eta ekintzailea izatea, bizitzaren alor guztietan.

DBHKO CURRICULUM PROIEKTUA

5 Aiala Kantzelaria-Gregorio Marañón BHI

OINARRIZKO GAITASUNAK 1.– Zientzia, teknologia eta osasun kulturarako gaitasuna.

Hauek dira gaitasunaren funtsezko alderdiak: pentsamendu zientifikoa eta teknikoa garatzea eta hura erabiltzea jasotzen den informazioa interpretatzeko, aurreikuspenak egiteko eta erabakiak ekimenez eta autonomia pertsonalez hartzeko; izan ere, eremu zientifiko eta teknologikoko aurrerapenek eragin erabakigarria dute pertsonen, gizarteen eta naturaren bizi-baldintzetan.

Halaber, gaitasun hau dela eta, jakin behar da jakintza zientifikoa beste jakintza modu batzuetatik bereizten eta balioesten, eta zientziari eta teknologiaren garapenari lotutako balio eta irizpide etikoak erabiltzen.

Zerrendatutako trebetasun eta abileziekin bat etorriz, oinarrizko gaitasun honen ezaugarri dira: natura-baliabideen erabilera arduratsua; ingurumenaren zaintza; kontsumo-jarduera arrazional eta arduratsuak; eta, pertsonen bizi-kalitatearen elementu giltzarriak diren aldetik, norberaren eta gizartearen osasunaren zaintza.

2.– Ikasten ikasteko gaitasuna.

Ikasten ikasteak esan nahi du norberak eskuratuak dituela jada zenbait trebetasun, ikasteari ekiteko eta gero eta eraginkortasun eta autonomia handiagoz ikasten jarraitzeko, betiere, ikaste-jarduera hori norberaren helburuei eta premiei egokitzen bada.

Gaitasun honek bi alderdi nagusi ditu. Batetik, norberaren gaitasunen (intelektualak, emozionalak eta fisikoak) kontzientzia hartzean eta gaitasun horiek garatzeko prozesuaz eta estrategiez jabetzean datza gaitasuna, bai eta nork bere buruari laguntzeko egin daitezkeen jarduerez eta beste pertsona edo baliabide batzuen laguntzaz egin daitezkeenez ohartzea ere. Bestetik, gaitasun honek eskatzen du norbera gauzak egiteko gai dela sentitzea, eta horrek bultzatu egiten ditu motibazioa, nork bere buruan duen konfiantza eta ikasteko grina.

Ikasleak jakin egin behar du zer dakien, zer ikasi behar duen, nola ikasten den, eta nola kudeatzen eta kontrolatzen diren modu eraginkorrean ikaskuntza-prozesuak.

Hala, ikasleak gai izan behar du azken prozesu horiek optimizatzeko eta helburu pertsonalak lortzeko erabiltzeko. Ikasleek jakin egin behar dute zer ahalmen eta gabezia dituzten, eta lehenez baliatzen jakin behar dute; halaber, bigarrenak gainditzeko motibazioa eta borondatea izan behar dute, eta helburu hori lortzeko aurreikuspena.

Hala, ikasleak gero eta segurtasun handiagoa izan behar du bere buruan, ikasketa-erroka berriei ekiteko.

Bi alderdi horiek lantzeko, ikasleak jakin egin behar du zer ahalmen izan behar dituen gauzak ikasteko; besteak beste, arreta, kontzentrazioa, memoria, hizkuntza DBHKO CURRICULUM PROIEKTUA

6 Aiala Kantzelaria-Gregorio Marañón BHI

ulertzeko eta adierazteko ahalmena, eta helburuak lortzeko motibazioa. Horiek horrela, ikasleak ahalik eta etekin handiena eta pertsonalizatua atera behar die ahalmen horiei, askotariko estrategiez eta teknikez baliatuta. Teknika eta estrategia horien artean hauek ditugu: ikastekoak; gertakariak eta harremanak sistematikoki behatzekoak eta erregistratzekoak; lankidetzakoak eta proiektuen bidezkoak; arazoak konpontzekoak; jarduerak eta denbora modu efektiboan planifikatzeko eta antolatzekoak. Halaber, bere ahalmenei etekina ateratzeko, informazioa lortu, aukeratu eta tratatzeko baliabideak (teknologikoak barne) eta iturriak baliatu behar ditu ikasleak.

Laburbilduz, ikasleak ikasten ikas dezan, norberaren gaitasunen eta jakintzen jabetza, kudeaketa eta kontrola izan behar du, bere burua pertsona trebe eta eraginkortzat hartuz; orobat, ikasleak pentsamendu estrategikoa izan behar du, lankidetzan jarduteko ahalmena eta bere burua ebaluatzekoa; eta lan intelektuala egiteko teknikak eskuratu behar ditu. Hori guztia ikasketa-esperientzia kontziente eta atseginen bidez garatzen da, bai banaka, bai taldean.

3.– Matematikarako gaitasuna.

Matematikaren bidez arrazoitzeko, arrazoibide matematikoak ulertzeko eta matematika hizkuntzan adierazteko eta komunikatzeko trebetasunak eta jarrerak aplikatzea da matematikarako gaitasuna izatea, betiere, laguntza-tresna egokiak erabiltzen badira, eta matematika-jakintza beste jakintza mota batzuekin batera erabiltzen bada, eguneroko bizitzan ager daitezkeen askotariko egoera konplexuei irtenbide egokia emateko.

4.– Hizkuntza komunikaziorako gaitasuna.

Euskara, Euskal Herriko hizkuntza propioa den aldetik, eta gaztelania dira Euskal Autonomia Erkidegoko hizkuntza ofizialak, eta, ondorioz, EAEko biztanle guztiek dute horiek jakiteko eta erabiltzeko eskubidea derrigorrezko eskolaldia amaitzean. Horrenbestez, euskal hezkuntza-sistemako ikasleek, hizkuntzakomunikazioko gaitasunaren bidez, euskararen eta gaztelaniaren jakintzako B2 maila eta lehen atzerri-hizkuntzaren jakintzako B1 maila eskuratu behar dute, ALTE sailkapeneko mailei jarraituz. Horrek guztiak aintzat hartu beharko du Eusko Legebiltzarrak horri buruz araututakoa, Hizkuntzak Ikasteko eta Irakasteko Marko Berria ezarriko duen Legearen bidez.

Gaitasun honen funtsa hizkuntzaren erabilera da, bai ahozkoa zein idatzizkoa, bai errealitatea adierazi, interpretatu eta hura ulertzeko egindakoa, bai jakintza eraikitzeko eta komunikatzeko egindakoa, bai eta pentsamoldea, emozioak eta jarrerak antolatu eta norberak erregulatzeko egindakoa.

Euskara, gaztelania eta frantsesa dira, ingelesarekin batera, hizkuntza erabilienak. Euskararen kasu zehatzari erreparatuta, adierazi behar da guztioi dagokigula ondare unibertsal hori hizkuntza moderno eta erabilgarri bihurtzea eta hurrengo belaunaldiek hura jakingo eta erabiliko dutela bermatzea. Azken urteotan nabarmen handitu da euskaldunen kopurua; hala ere, eguneroko bizitzako egoeretan euskararen erabilera ez da neurri berean hazi. Faktore askok dute eragina hizkuntzen 7 DBHKO CURRICULUM PROIEKTUA Aiala Kantzelaria-Gregorio Marañón BHI

ikaskuntzan, hala nola pertsonalak, emoziozkoak, afektiboak eta harremanezkoak.

Eragina du, halaber, pertsonek zer-nolako ikuspegia duten hizkuntza horren erabilgarritasunaz.

Laburbilduz, derrigorrezko eskolaldiaren amaieran hizkuntzarako gaitasuna behar bezala eskuratua izateko, ahozko eta idatzizko hizkuntza menderatu behar da era bateko eta besteko testuingurutan, eta atzerriko, gutxienez, hizkuntza baten erabilera funtzionala izan.

5.– Informazioa tratatzeko eta teknologia digitala erabiltzeko gaitasuna.

Teknologia digitala erabiltzeko gaitasuna eta informazio tratatzeko gaitasuna eskuratzeko, baldintza hauek bete behar ditu ikasleak: autonomiaz, eraginkortasunez, arduraz, ikuspegi kritikoz eta zuhurtasunez hautatu, tratatu eta erabili behar ditu informazioa, informazio-iturriak eta baliabide teknologikoak; eskura duen informazioa jarrera kritikoz eta zuhurtasunez baloratu behar du, eta, beharrezkoa bada, egiaztatu egin behar du informazio hori; eta, halaber, bete egin behar ditu gizarteak informazioko eta informazio-iturrietako euskarrien erabilerarako adostu dituen jokabide-arauak.

6.– Gizarterako eta herritartasunerako gaitasuna.

Hauek dira gizarterako eta herritartasunerako gaitasunaren ezaugarri nagusiak: gizarte-errealitatea ulertzea; balio eta jardunbide demokratikoetan oinarritutako irizpide etikoak erabiltzea bizikidetzari eta gatazkei aurre egiteko; eta herritartasunaren jardueraesparrua irizpide propioz erabiltzea, hala, bakea eta demokrazia eraikitzen laguntzeko, eta herritarren eskubide eta betebeharrak jarrera eraikitzailez, elkartasunez eta arduraz erabiltzeko eta betetzeko.

7.– Giza eta arte kulturarako gaitasuna.

Gaitasun honek trebetasun multzo bat izatea eskatzen du, eta, trebetasun horien artean daude artea eta bestelako kultura-adierazpenak balioetsi eta horiez gozatzeko trebetasunak, eta, arte-adierazpeneko zenbait baliabide erabilita, arte-sorkuntza propioak egitekoa. Baita ere, kultura- eta arte-adierazpenen oinarrizko ezagutza izan behar da, pentsamendu dibergenteko eta elkarlaneko trebetasunak aplikatu behar dira, jarrera irekia, begirunezkoa eta kritikoa izan behar da arte- eta kultura-adierazpenekiko, norberaren ahalmen estetiko eta sortzailea lantzeko gogoa eta borondatea izan, eta interesa adierazi bizitza kulturalean parte hartzeko eta norberaren komunitateko nahiz beste komunitate batzuetako kultura- eta arte-ondarea kontserbatzen laguntzeko.

8.– Norberaren autonomiarako eta ekimenerako gaitasuna.

Gaitasun honek eskatzen du, alde batetik, elkarrekin lotutako zenbait balio eta jarrera pertsonalen kontzientzia izatea eta horiek aplikatzea. Hona balio eta jarrerok: ardura; irmotasuna; nork bere burua ezagutzea eta auto-estimua izatea; sormena; autokritika; kontrol emozionala; hautatzeko, arriskuak kalkulatzeko eta arazoei aurre egiteko ahalmena izatea; eta berehala asebetetzeko premia atzeratzeko, akatsetatik ikasteko eta arriskuak hartzeko ahalmena izatea.

8 DBHKO CURRICULUM PROIEKTUA Aiala Kantzelaria-Gregorio Marañón BHI

Bestalde, norberaren autonomiarako eta ekimenerako gaitasunak barnean hartzen du hautuak irizpide propioei jarraituz egiteko gaitasuna, proiektuak sortzeko gaitasuna, eta norberak egindako hautuak eta norberaren planak, proiektu indibidualetan nahiz talde-proiektuetan jasoak, aurrera eramateko ekintzak egiteko gaitasuna izatea.

Hori guztia arduraz egin behar du ikasleak, bai bizitza pertsonalean, sozialean nahiz lanesparruan.

Laburbilduz, norberaren autonomiarako eta ekimenerako gaitasuna izateko, ikasleak sormenez, konfiantzaz, arduraz eta sen kritikoz sortu, abian jarri, garatu eta ebaluatu behar ditu ekintza edo proiektu indibidualak nahiz kolektiboak.

OINARRIZKO HEZKUNTZAREN HELBURUAK Hezkuntza-gaitasun orokorrak oinarri hartuta zehazten dira Oinarrizko Hezkuntzako helburuak, betiere, oinarrizko gaitasunei erreparatuta: 1.– Arduraz bizitzen ikastea: a) Giza gorputzaren eta sexualitatearen funtzionamenduaren alderdi guztiak ezagutzea, ulertzea eta onartzea, eta norberaren eta gainerako pertsonen gorputzarekin lotutako ekintza eta erabaki pertsonalek norberaren eta giza taldeen osasunean dituzten ondorioez jabetzea. Gorputza zaintzeak eta osasuntsu mantentzeak, ariketa fisikoa egiteak eta elikadura orekatu bat eramateak bizitza pertsonalari eta sozialari dakarzkion onurak garatzea, finkatzea eta balioestea. b) Ingurune naturala balioestea eta hura arduraz gozatzea. Izadiaren funtzionamenduaren oinarrizko mekanismoak aztertzea, giza jarduerek izadian duten eragina ulertzea, eta hura babesten, zaintzen eta hobetzen laguntzea, gizakien eta gizakien hurbileko animalien bizi-kalitatearen nolakotasuna baldintzatzen duen elementua den aldetik. c) Kosmoseko eta lurreko partaidetzat identifikatzea eta izaki bizidun eta giza espeziearen kidetzat hartzea nork bere burua. Horren xedea da norberaren izaera eta gizaki guztien izaera komuna ulertzea eta ekosistema osasungarri bati eusteko ardura hartzea.

2.– Ikasten eta pentsatzen ikastea: a) Modu koherentean eta kritikoan pentsatzen ikastea, eta ohiturak hartzea diziplina, esfortzua, erantzukizuna eta lan eta ikasketa indibidualerako eta taldekakorako teknikak lantzeko, hala, ikasketarekin lotutako eginkizunak eraginkortasunez egiteko eta norberaren garapenerako bitartekoak eskuratzeko.

Horrek guztiak bultzatu egin behar du nork bere buruan konfiantza izatea eta ikaslearen sen kritikoa, ekimena, jakin-mina, interesa eta sormena. b) Problema zientifikoak eta matematikoak identifikatzea, planteatzea eta ebaztea, kalkulu-eragiketez, geometriari buruzko jakintzaz eta zenbatespenez baliatuta, eta azken horiek eguneroko bizitzan aplikatzeko gai izatea. Problemak sormenez

DBHKO CURRICULUM PROIEKTUA

9 Aiala Kantzelaria-Gregorio Marañón BHI

eta autonomiaz ebazteko, eskura dituen jakintzak eta baliabide materialak erabili behar ditu ikasleak; esaterako, beste pertsona batzuen lankidetza edo laguntza. c) Zientziaren eta teknologiaren garapena, aplikazioak eta haiek ingurune fisikoan eta sozialean zer eragin duten jakitea eta balioestea. Zenbait diziplinatan egituratutako jakintza integratutzat hartu behar dute ikasleek jakintza zientifikoa, eta metodo zientifikoak aplikatu eta baliabide teknologikoak erabili behar dituzte, jakintzaren eta esperientziaren eremuetako problemak identifikatzeko eta ebazteko.

3.– Komunikatzen ikastea: a) Zuzen, egoki, autonomiaz eta sormenez ulertzea eta adieraztea euskarazko eta gaztelaniazko ahozko eta idatzizko testuak eta mezuak, eta horiek erabiltzea komunikatzeko, norberaren pentsamenduak antolatzeko, errealitatea interpretatzeko eta hitz egiteko bete behar diren prozesuei buruzko gogoeta egiteko. Literatura irakurtzeari, lantzeari eta aztertzeari ekitea. Hizkuntzetarako Europako Marko Komuneko B2 maila izango da esparru horretako erreferentzia. b) Zuzen, egoki eta oinarrizko autonomiaz ulertzea eta adieraztea atzerri-hizkuntza bateko edo gehiagoko ahozko eta idatzizko testuak eta mezuak, eta horiek erabiltzea komunikatzeko, norberaren pentsamenduak antolatzeko, eta hitz egiteko bete behar diren prozesuei buruzko gogoeta egiteko. Hizkuntzetarako Europako Marko Komuneko B1 maila izango da esparru horretako erreferentzia. c) Ikaslearen bizi-inguruneko errealitate soziolinguistikoa ikuspegi kritikoz interpretatzea, eta hizkuntzak sortzeko eta garatzeko eta hizkuntzen arteko harremanak finkatzeko faktoreak zein diren jakitea. Hizkuntzen aniztasuna errespetatzea eta aniztasun hori herrien eta gizabanakoen aberastasun eta eskubidetzat hartzea, interesa eta errespetuzko jarrerak izateko eskubide horren erabilerarekiko eta hizkuntza-normalizazioko prozesuekiko. d) Informazioko teknologiak eta komunikabideak erabiltzea ikasteko eta jakintza berriak eskuratzeko prozesuan, betiere, hartutako eta sortutako mezuekiko ikuspegi kritikoa izanda. e) Arte-sorkuntza ulertzea, ezagutzea eta balioestea; arte-hizkuntzaren mezu zuzenak eta iradokitakoak identifikatzea eta ikuspegi kritikoz aztertzea; eta arteadierazpenez eta obrez gozatzeko ahalmena, sentikortasun estetikoa eta sormena garatzea, eta arte-hizkuntzak erabiltzea gauzak adierazteko eta komunikatzeko. f) Hitzezko hizkuntza eta arte-, matematika- eta zientzia-hizkuntzak interpretatzea eta modu aktiboan eta kritikoan erabiltzea, komunikazio-ekintza zehatzak egiteko, azalpenak eta arrazoiak emateko, eta norberaren, gizartearen eta izadiaren errealitatea egoki irudikatzeko.

4.– Elkarrekin bizitzen ikastea: a) Talde-jarduerak planifikatzen eta egiten laguntzea, eta, berariaz, bizikidetzaarauak eta demokratikoki ezartzen diren gainerako arauak ezagutzea eta betetzea, norberaren helburuak eta interesak taldeko gainerako kideenekin uztartuz, norberarenak ez diren ikuspegiak errespetatuz, elkarrizketa landuz eta

DBHKO CURRICULUM PROIEKTUA

10 Aiala Kantzelaria-Gregorio Marañón BHI

b)

c)

d)

e) f)

g)

norberari dagozkion ardurak hartuz. Hori guztia giza eskubideak errespetatuz egin behar dute ikasleek, herritar aktiboa izateko prestatuz.

Auziak prebenitzeko eta haiek modu baketsuan konpontzeko trebetasunak eskuratzea; esaterako, entzute aktiboa, enpatia, asertibitatea, emozioen erregulazioa eta kontrola, eta negoziazioa eta bitartekaritza. Horien xedea ikasleak lankide-giroko testuinguru batean bizitzea da, hala nola eskolan, familian, etxean eta ikasleak bizikide dituen gizarte-taldeetan.

Ikasleak arduraz onartzea bere betebeharrak eta zer eskubide dituen jakitea eta horiek erabiltzea, gainerako pertsonak errespetatuz. Ez onartzea jaiotzagatik, arrazagatik, sexuagatik, erlijioagatik, iritziagatik eta bestelako ezaugarri indibidual edo sozialengatik egiten diren diskriminazioak. Tolerantea izatea eta lankidetza eta elkartasun-jarrerak izatea pertsonekiko eta taldeekiko.

Gizarteko arauak eta ohiturak betetzea pertsonekin harremanak izatean eta gizarte-jardueretan parte hartzean; besteak beste, bide-hezkuntzako arauak eta nork bere burua babesteko hezkuntzari dagozkionak. Errespetuzko jarrerak izatea, trafiko-istripuak eta bestelako istripuak prebenitzeko.

Sexuen arteko diferentziak eta pertsona guztien arteko eskubide- eta aukeraberdintasuna balioestea eta errespetatzea, eta, horrekin batera, gizonak nahiz emakumeak diskriminatzea eragin dezaketen estereotipoak baztertzea.

Euskal herritartzat izatea norberaren burua, kultura askotariko ingurunean, eta balioa ematea euskal hizkuntza eta kulturari edota norberak berezko eta erreferentziazko dituenei; hala, ikasleak, identitate anizkunei erreparatuta, nortasun propio bat eraiki behar du, modu inklusiboan. Horrek guztiak erreferentziazko marko komun bat eraikitzeko bide eman behar du, pertsonen arteko diferentziak errespetatu eta bizikidetza erraztuko duena.

Euskal Herriko kulturaren eta historiaren oinarrizko alderdiak eta arte- eta kultura-ondarea ezagutzea, balioestea eta errespetatzea, eta xede horiek betetzea gainerako kultura eta gizarteekiko. Kultura eta sozietateen funtzionamenduko mekanismoak eta balioak aztertzea, batik bat, herritarren eskubideei eta betebeharrei dagozkienak, haiek ikuspegi kritikoz aintzat hartzeko eta haiekiko iritzi eta irizpide pertsonalak izateko.

5.– Ikaslearen giza alderdiak garatzen ikastea: a) Bizi-ibilbidea gainerako pertsonekin batera eraikitzen duen subjektu autonomotzat ikustea norberaren burua, eta pertsonek ekintzak zer irizpide eta baliori jarraituz egiten dituzten jakitea. Kritikoa eta arduratsua izatea norberaren buruarekin eta gainerako pertsonekin, norberaren garapen osoa, gizartearen garapena eta izadiarekiko oreka lortzeko. b) Auto-estimua eta gaitasun emozionalak lantzea eta horiek adieraztea nortasunaren esparru guztietan eta gainerako pertsonekiko harremanetan; betiere, indarkeria eta aurreiritziak alde batera utzita. c) Ikasleak modu egokian ikustea bere burua eta bere ezaugarriak eta aukerak, jarduerak autonomiaz eta orekaz egitea, eta balioa ematea helburuak lortzeko esfortzuari eta zailtasunak gainditzen joateari.

DBHKO CURRICULUM PROIEKTUA

11 Aiala Kantzelaria-Gregorio Marañón BHI

6.– Egiten eta ekiten ikastea: a) Izaera ekintzailea garatzea, norberarenganako konfiantza-jarreren, partaidetzaren, sen kritikoaren eta ekimen pertsonalaren bidez, eta konpromisoa hartzea plangintzak egitea eta erabakiak nahiz ardurak hartzea eskatzen duten proiektuekin. b) Norberaren jarrerak identifikatzea eta ikasteko nahiz lan egiteko aukeren alderdi onak eta txarrak balioestea, norberaren proiektu akademikoa eta profesionala zehazteko, ikuspegi errealista batetik eta norberaren gaitasun eta balioekin bat etorrita.

1.3.

METODOLOGIA DIDAKTIKOA.

Metodologia diogunean irakasle-taldeak ikasgelako praktika osatzen duten eta beren artean lotura duten aldagai desberdinei buruz hartzen dituzten erabaki-multzoa esan nahi dugu; erabaki horiek nola irakatsi behar dugun adierazten digute. Bakoitzak egindako aukerak errespetatuz, aldagai metodologiko horiei buruz hartzen diren erabakien helburua ikastetxean planteatutako helburuen eta ikasgelako zehaztapen didaktikoaren arteko koherentzia bermatzea da.

1.3.1. IRIZPIDE METODOLOGIKO OROKORRAK Ez dugu uniformetasun metodologikoa bilatzen. Aniztasun metodologikoa justifikatzeko arrazoiak badira: ikasleen estilo kognitiboa, ikasi behar den curriculumaren berariazko ezaugarriak eta irakaslearen estilo berezia. Beraz, metodoen aniztasuna egokia dela uste dugu, ikaskuntzarako helburuek eta edukiek, askotan, irakasteko modu desberdinen konbinazioa beharrezkoa baitute eta, bestalde, ikasleek ikasteko dituzten estilo desberdinek erantzun desberdinak eskatzen baitituzte, uneen, arloen, edukien eta abarren arabera bereizitako estrategia metodologikoen bitartez.

Hala ere, irizpide metodologiko orokorrak erabakitzea komeni dela uste dugu, gure prozesu didaktikoan parte-hartze desberdinen koherentzia eta koordinazioa bilatu ahal izateko eta, gure Hezkuntza Proiektuarekin bat eginez.  Ikaskuntza prozesu jarraitua dela ulertzen dugu eta ikaslea izango da bere ikaskuntzaren protagonista. Ez dizkiogu gauzak eginda eman behar, baizik eta ikertu, erlazionatu, ondorioak atera etab. egin beharko du, bere ikaskuntza berezia eraikitzen joateko. Kontuan hartu ikasleek konpetentziak eskuratu behar dituela. Konpetentziaren definizioari “Egoera anitzetan, konplexuetan eta aurretik sumatu ezin denetan jarduteko gaitasuna; ezagueretan oinarritzen da, baina baloreetan, trebetasunetan, eskarmentuan,... ere bai” (Eurydice, 2002) men egiten badiogu, argi dago ikasleak parte aktiboa dela bere ikasketa prozesuan.

12 DBHKO CURRICULUM PROIEKTUA Aiala Kantzelaria-Gregorio Marañón BHI

 Ikasle bakoitzari bakarkako arreta eskaintzeko oinarria hartuko dugu abiapuntutzat, horretarako ikaslearen aurrerakuntzaren eta beharren jarraipen indibidualizatua eginez.  Aplikatutako metodologia aktiboa izango da, ikasleak hartzaile pasibo hutsa izan ez daitezen eta behatu, hausnartu, egin, parte hartu, ikertu eta eraikitzeko gai izan daitezen, ahal den heinean, ikertzeko eta aurkitzeko metodologia bat garatzeko ardura hartuz eta azalpena gaietarako edo beharrezkoa den unetarako soilik utziz.  Ikasten ari direnaren ulermena sustatuko dugu ahal beste, “ulertzen” den neurrian ikaskuntza esanguratsuak egiten baitira; horrek ez du esan nahi “ulermenean oinarritutako memoria” alde batera utzi behar denik, hori ere oinarrizkoa eta beharrezkoa baita ikaskuntzarako.  Zentzurik gabeko ekintzak ez egiteko ahalegin berezia egingo dugu, ikasleek jarduerak pentsatu gabe eta mekanikoki egin ez ditzaten. Ildo beretik, jardueren bitartez egiten ari garen lanaren analisia eta ondorioen lanketa sustatuko dugu.  Etapako irakasle guztiok ikasturte bakoitzaren hasieran, gutxienez, hasierako ebaluazioa egiteko konpromezua hartuko dugu, irakaskuntza ikasle bakoitzaren eta taldearen ezaugarrietara egokitzeko. Aurreebaluaketan mintzagai izango da.  Egoki eta komenigarri denean hasierako ebaluazio desberdinak egingo dira ikaskuntza-unitate bakoitzaren hasieran edo kontzeptu berriak sartzen direnean.  Akatsa ikaskuntza-iturri gisa erabiliko da, ez bakarrik zigortzeko arrazoi moduan, eta akatsa ikusiz, aztertuz eta zuzenduz hobe daitekeela izango dugu kontuan.  Ikasleen talde-lana ikaskuntzarako metodo garrantzitsu moduan erabiliko dugu, parekoen arteko elkarreragina ezagutzak eskuratzeko eta gaitasunak garatzeko baliabide boteretsua dela ohartzen baikara.  Edukiei proiekzio praktikoa emango diegu, ikaskuntzen funtzionaltasuna bi zentzutan bermatzeko: beranduago beste ezagutza batzuk eskuratzeko gaitasunak garatzeko eta horiek eguneroko bizitzan aplikatzeko.  Irakasle-taldearen jardueraren helburuetako bat ikasleen autoestimua eta oreka pertsonala eta afektiboa sustatzea izango da, alderdi positiboak sendotuz.

Horregatik, taldean norbait marjinatzen, banatzen edo barregarri uzten duten egoerak saihestuko ditugu eta, oro har, diskriminaziozko edozein jokabide baztertuko dugu, neska-mutilen artean berdintasunean oinarritutako lan-giroa sustatuz.

1.3.2. CURRICULUMAREN EDUKIAK. Edukiek ikasleei ikasteko proposatzen zaizkien jakintzak adierazten eta zehazten dituzte, hala, ikasleen gaitasunak garatzeko eta kulturaren oinarrizko elementuak bereganatzeko.

a) Edukien aukeraketa.

Euskal Autonomia Erkidegoko Derrigorrezko Bigarren Hezkuntzako curriculuma ezartzen duen Dekretuan proposatutako derrigorrezko edukiak oinarritzat hartuta, ikastetxe honetako irakasleek curriculum hori garatzeko honako puntu hauek izan dituzte kontuan: 13 DBHKO CURRICULUM PROIEKTUA Aiala Kantzelaria-Gregorio Marañón BHI

 Ikastetxearen Hezkuntza Proiektua eta bertatik ondorioztatzen den hizkuntza proiektua.  Zehar-lerroetan islatutako eskaera sozialak.  Ikasleen bilakaeraren unea eta dituzten behar bereziak.  Arlo bakoitzaren ikuspegia, helburu orokorrekin bat etorriz, eta etapako testuinguru eta helburu orokorren artean duen kokapena.  Ikasleen prestakuntza Batxilergora igarotzeko.  Erdi-mailako Prestakuntza Zikloetara igarotzeko dimentsio profesionalizatzailea.  Eguneroko bizitzarako prestatzea eta bizimodu aktibo eta heldurako trantsizioa.

Irakasleek Curriculum Proiektu honetan proposatzen diren edukiak irakatsiko dituzte:  Arloko eta etapa osoko helburuak lortzeko ikuspegi egokiarekin.  Ebaluazio-irizpideetan adierazten diren garapen- eta sakontasun-mailarekin eta loturekin.  Ikasleek eduki horiek ikasiko dituzte, baina curriculumaren oinarrizko edukiak ikastea nahikoa izango da, ebaluazio-irizpideekin bat etorriz.

Eduki berrien ikaskuntzan ondokoak izango ditugu kontuan:  Ikasleek proposatzen zaizkien edukiei buruz dituzten aurretiazko ezagutzak.  Ikaskuntza berriei aurre egiteko beharrezkoak diren ikaskuntzak bereganatu dituzten ala ez.

b) Edukien antolamendua.

Eduki curricularrak arloka banatuta ageri dira. Edukiak egituratzeko, antolatzeko eta aukeratzeko modu egokia den arren, ikasleek arlo desberdinetako edukien artean dauden loturak ezagutzea garrantzitsua izango da, arlo guztien ekarpenen bidez errealitatea ezagutzeko aukera izango baitute.

Arlo desberdinetako edukiak ikasgelan landuko dira:  Curriculuma ezartzen duen 175/2007 eta 97/2010 Dekretuetan ageri diren arloka.  Eremuka, antzekoak diren hainbat arlo elkartuz eta irakasle bakar batek irakatsiz (Aniztasun Curriculumean):  Arloen artean diziplinarteko proiektuak garatuz.  Arlo desberdinek komunean dituzten gai-multzoak identifikatuz, ikasleei horien ikaskuntza beste arlo batzuetan ikasten dutena kontuan edukiz egiteko proposatzeko.  Arlo desberdinetako programak koordinatuz, elkarren artean loturaren bat duten edukiak ikasiz.  Ikaskuntzarako egoerak edo lan-proiektuak planteatuz eta horien inguruan jarduera didaktikoak proposatuz, ikaskuntzen esanguratsutasuna eta funtzionaltasuna errazteko.

DBHKO CURRICULUM PROIEKTUA

14 Aiala Kantzelaria-Gregorio Marañón BHI

c) Eduki-motak.

Curriculumaren barnean ikaskuntza-mota desberdinak ageri dira eta horien artean oreka egon behar du, ikasleen gaitasun guztiak sustatzeko eta hezkuntza-behar desberdinei erantzuteko.

Curriculuma aukeratzerakoan eta ikasgelako programa zehazterakoan, edukimoten balioaren arabera, ondoko irizpide hauek izango ditugu kontuan:  Eduki-moten ikaskuntzak erlazioa izan behar du eta, beraz, ez zaizkie modu berezituan aurkeztuko ikasleei eta ez da ebaluazio berezia egingo.  Unitate didaktiko bakoitzean eduki-mota bat edo beste bat erabiltzeko garrantzia proposatuko diren helburuen eta planteatuko den ikaskuntza-egoeraren mende egongo da.  Edukien irakaskuntzak, batez ere izaera abstraktuagoa dutenenak, horien esanahia ulertzea eskatzen du eta ikasleek heldutasun-maila nahikoa dutenean baino ezingo dituzte ulertu; hasieran gertaera eta esperientzia zehatzak landuko dira eta gero beste egoera batzuetara eramango dira, gero eta proposamen abstraktuagoak eginez.  Sailek dagozkien arloetako programak aztertuko dituzte eta eduki-mota desberdinen garrantzia zehaztuko dute ikasturte bakoitzean.

1.3.3. PROGRAMAZIO DIDAKTIKOAK. ♦ Curriculum Proiektu honetan hartutako erabakietan oinarrituta, Sail didaktiko bakoitzean irakasleek edukien banaketa eta ebaluazio-irizpideak zehaztuko dituzte ikasturte bakoitzerako edo ebaluazio-garai bakoitzerako eta ikasturte hasieran argitaratuko dira. ♦ Programazio hori oinarritzat hartuko da ikasleek kalifikazioei egindako erreklamazioetan. ♦ Departamentu bakoitzak programazio didaktikoa eta denbora jakin batean irakatsi nahi dituen edukiak zehaztuko ditu eta, horrekin batera, bete nahi dituen helburuak eta ebaluazio-irizpideak. Irakasle bakoitza helburu horiek betetzeko iharduera didaktikoez arduratuko da ♦ Klaustroak edo ikastetxeko ordezkaritza-organo gorenak programazioak berrikusi ahal izango ditu, dagozkien gaitasunen barruan.

Iharduera-motak eta, bereziki, ikasgelan iharduera horiek garatzeko moduak dira proposamen didaktikoen arteko desberdintasunak. Ez dugu sekuentzia zehatz eta uniforme bat nahi ikastetxe osorako ez eta metodo didaktiko bakar bat, baina ikaskuntzak oztopa ditzaketen eta kontraesanean eror daitezkeen ikuspegiak saihesteko egoki deritzogu irizpide orokor batzuk definitzeari, ikastetxeko irakasle guztiontzat gidari izan daitezen sekuentzia didaktiko desberdinak garatzeko garaian.  Jarduera-motak sekuentzia didaktiko bakoitzean: ahal den neurrian eta sekuentzia didaktiko bakoitzaren ezaugarriak kontuan izanik, gure esku-

DBHKO CURRICULUM PROIEKTUA

15 Aiala Kantzelaria-Gregorio Marañón BHI

hartzean erabiliko ditugun jarduera-mota komunak honako hauek izango dira (komunak direnak aukeratu eta lehentasuna eman):  Sarrerako eta motibaziorako jarduerak: ikasi beharreko elementuarenganako ikaslearen interesa pizteko helburua dute jarduera hauek.  Aurretiazko ezagutzei buruzko jarduerak: jarduera hauen helburua ikasleek garatu behar diren edukiei buruz dituzten kontzeptuzko ezagutzak, iritziak eta ideia zuzen edo okerrak ezagutzea da.  Garatzeko jarduerak: kontzeptuak, prozedurak edo jokaera berriak lantzeko eta ezagutzeko jarduerak dira eta, bestalde, besteei egindako lanaren berri emateko baliagarriak dira.  Sintesirako/laburtzeko jarduerak: ikasitako eduki desberdinen arteko lotura errazteko eta ikuspegi globalizatzailea sustatzeko jarduerak dira.  Sendotzeko jarduerak: ideia berriak eta ikasleek lehendik zituztenak kontrastatzeko jarduerak dira eta, horrez gain, ikaskuntza berriak beste egoera batzuetara aplikatzeko egokiak izango dira.  Indartzeko jarduerak: landutako ezagutzei buruzko oinarrizko mailak lortu ez dituzten ikasleei zuzendutako jarduerak dira.  Edukiak zabaltzeko jarduerak: proposatutako jarduerak ongi egin dituzten eta sekuentzian oinarrizkotzat jotzen diren mailak gainditzen dituzten ikasleei ezagutzak eraikitzen jarraitzea ahalbidetzen dieten jarduerak dira.  Ebaluaziorako jarduerak: hasierako, prestakuntzazko eta azken ebaluaziora zuzendutakoak barne hartuko dituzte eta aurreko ikaskuntza-jarduerek biltzen ez dituzten jarduerak izango dira.  Sailek, programazioak ezartzen dituztenean, lehentasuna duten metodologiak proposatuko dituzte gai-multzo bakoitzean: azalpenezkoak, ikerketari edo aurkikuntzari dagozkionak; lantegika, proiektuka, problemaka, zereginka...

1.3.4. HEZKUNTZA-ELKARRERAGINAK a) Irakaslea  ikaslea  Irakaslearen rola Irakasleek, hezkuntzan duten parte-hartzean, ikasleek aurrera egiteko baldintza egokiak sortuko dituzte, ikaskuntza proposatutako helburuak lortzera zuzenduz. Beraz, irakasleen zereginen artean honako hauek izango ditugu:  Konfidantzan, segurtasunean eta errespetuan oinarritutako harremanerako giro afektibo eta emozionala sortzea.  Talde edo gelarekin batera ikasgelako funtzionamendu-arauak prestatzea.  Ikasleei helburuen, planen, ikaskuntza-prozesuaren eta ebaluazio-prozesuaren berri ematea (beren ezaugarri berezietara egokituz).  Ikasle bakoitzari laguntza berezia eskaintzea.  Bere buruarenganako kontzeptu egokia sustatzea.  Ikasgelan erabiltzen den hizkuntza zaintzea eta hizkuntza argia eta esplizitua izateko ahaleginak egitea; aurreiritzi arrazistak, klasistak edo sexistak inplikatzen dituzten adierazpen estereotipatuak saihestea.

DBHKO CURRICULUM PROIEKTUA

16 Aiala Kantzelaria-Gregorio Marañón BHI

b) Ikaslea  ikaslea  Parekoen arteko ikaskuntza Ikaskuntza ez da soilik irakaslearen eta ikaslearen arteko harremanetan gertatzen, baita ikasleen arteko harremanetan ere. Beraz, ikastetxe honetan, ikasgelan parekoen arteko elkarreragina sustatzeko asmoa dugu ondorengo egoera hauek garatuz:  Talde txikietako lana, ikasle aurreratuenek zailtasunen bat duten ikasleekin lan egin dezaten.  Ikuspuntu desberdinak dituztenen arteko trukea, norberaren ikuspuntua besteei adieraziz, rolak eta lanak koordinatuz eta trukatuz.  Laguntzeko jarduerak: ikasle aurreratuenek zailtasunak dituztenei laguntzeko jarduerak.

1.3.5. HEZKUNTZA-INGURUAREN ANTOLAMENDUA a) Ikasleen taldekatzeak Curriculum Proiektu honetan kontuan hartutako taldekatzeen helburua hezkuntza-prozesu osatuak bermatzea da, irakaskuntza muinbakarreko etapa honetako prestakuntzazko eta txertatzeko helburuak eta hezkuntza-erlazioko intentsitatearen optimizazioa kontuan hartuko dituztenak.

Ziklo bakoitzeko ikasleak taldetan antolatuko dira. Ikasle bakoitzak erreferentzia-talde bat izango du eta tutore bat izango da talde horren buru. Ikasleen taldekatzeak antolatzeko ondoko irizpideak erabiliko ditugu: a) b) c) d) e) f) g)

Maila (eta modalitatea batxilergoaren kasuan) Eredu linguistikoa.

Ratioa Errepikatzaile kopurua.

Matematika mota (A edo B) 4. mailan.

Ereduz aldatzen diren ikasle kopurua.

Maila bereko eta eredu bereko arloetan eta ikasgaietan ikasleen taldekatzea egiterakoan ikasleen heterogeneotasuna errespetatuko da, taldeetan sexua, gaitasuna, etekin akademikoa, aukera erlijiosoa, etnia... kontuan izan gabe.

Taldez aldatzeko eskaerak edo irakasgaiz aldaketak (modalitatekoak, hautazkoak, erlijioa,...) beti egingo dira ikasketa burutzan, eta honek onespena emango dio eskaerari, hala balegokio.

Ikasgelan ikasleak taldekatzeko modu desberdinak erabiliko ditugu:  eduki-mota desberdinen, ezaugarrien eta ikasleen ikaskuntza-erritmo desberdinen arabera;  irakaslearen eta ikasleen arteko elkarreragina, ikasleen autonomia nahiz parekoen arteko laguntzan oinarritutako ikaskuntza sustatzeko;  taldeen osaketa malgua izango da ikasturtean zehar.

DBHKO CURRICULUM PROIEKTUA

17 Aiala Kantzelaria-Gregorio Marañón BHI

Taldekatze horiek egiteko ondoko irizpideak hartuko ditugu oinarritzat:  erreferentzi taldea: ikasgelako ikasle guztiek osatuko dute eta beste ikasgelaren bateko ikasleek ere osa dezakete. Azalpenezko irakaskuntza-metodoetan oinarritutako jarduerak garatzeko erabiliko da: hitzaldiak, azalpen orokorrak, filmen edo bideoen emanaldiak, lanaren aurkezpenak eta plangintzak etab. eta, oro har, irakasleen eta ikasleen arteko elkarreraginak sendoegia izan behar ez duen kasuetan;  erdi-mailako taldea: talde hauen partaide-kopurua zortzitik hamabostera bitartekoa izango da eta eztabaidak egiteko, lan-proiektuak baloratzeko eta aztertzeko, proposamenak egiteko etab. erabiliko dira, baina beti irakasleak zuzendu eta koordinatuko ditu;  talde txikia eta bikotea: talde hauen partaide-kopurua hirutik zazpira bitartekoa izango da eta lan-proiektu zehatzak eta ikerlanak egiteko erabiliko dira; taldekatze hauek, oro har, ikasleen interesak kontuan hartuz egingo dira eta borondatezkoak izango dira, lortu nahi diren helburuen ezaugarrien arabera eta egin behar den lan-motaren arabera;  bakarkako lana ikaskuntza instrumentaletarako edo zeregin bereziak egiteko erabiliko da;  taldekatze horiek denbora jakin bat iraungo dute, ikasleek taldekatze-mota desberdinetan lan egiteko aukera izan dezaten.  Irakasle taldean baloratu ahal da aulkien kokapena U eran. Kokapen hau bere abantailak eta eragozpenak ditu. Nabaria da ikasleen zein irakasle eta ikasleen arteko hurbiltasuna. Talde batzuetan oso egokia da.

b) Irakasleen antolamendua Irakasleen antolamendua irakaskuntza eta ikaskuntzako prozesuan oinarrizko alderdia dela uste dugu eta, beraz, gure praktikan lagungarri izango den hezkuntzaelementutzat hartu behar da eta horren arabera erabiliko dugu, ikasleek ikaskuntza hobea izango baitute. Kontuan izango ditugun irizpideak ondorengoak dira:  Taldearen tutorea ziklo osoan bera izango da.  Hezkuntza-talde berberak lan egingo du talde bakoitzarekin urte osoan zehar, arlo edo ikasgai berberak edo desberdinak emanez.

Tutoretzak esleitzeko irizpideak honako hauek izango dira: a) b) c) d) e)

Irakasgai amankomuneko edo modalitateko irakaslea izatea.

Iaz tutorea ez izana, posiblea bada.

Tutorea gehi mintegi-burua izatea ekiditen saiatzen da.

Talde horretan bi ordu gutxienez edukitzea.

Ahal den neurrian institutuko behin-betiko irakaslea izatea.

DBHKO CURRICULUM PROIEKTUA

18 Aiala Kantzelaria-Gregorio Marañón BHI

d) Espazioaren antolamendua Espazioaren antolamenduak irakaslearen ikuspegi metodologikoa adierazten du eta ikasleen ezaugarri berezietara, proposatuko diren iharduera-motetara eta ikaskuntzaerritmo eta interesen aniztasunera egokitu behar da.

Espazioen nahiz denboren banaketa ikasleen ohituretan eta ikastetxearenganako jokaera positiboen garapenean eragina duen faktorea da, ikasleak ikastetxearekin identifikatzen baititu, ikaskuntzarenganako jokaera positiboak garatzen baititu eta autonomiazko ohiturak bereganatzen laguntzen baitie.

Ikasleak gelaz ahalik eta gutxien aldatzen saiatuko da. Bikoizketen kasuetan, ordea, ikasle batzuk gelaz aldatu behar dute derrigorrez. Kasu hauetarako, ahal den neurrian, mugitu behar duten ikasleak gela berberara joaten saiatuko da. Esate baterako, DBH-ko 4. mailako hautazko baten orduan, erreferentzi gelatik aldatu behar diren ikasleak beti bikoizketa gela zehatz batera joatea. Gainera, erreferentzi gela eta bikoizketa gela ahalik eta hurbilen izaten saiatuko da. Honela, ikasleek egin behar duten gela batetik besterako ibilbidea laburrena izango da.

Ikastetxeko espazioen antolaketan ondoko irizpide hauek izango dira kontuan: Maila:  DBHko eremuek unitate berezia hartuko dute eta ikastetxeko beste etapa batzuetako taldeetatik bereizita egongo dira, baina, hala ere, etapen arteko koordinazioa ahalbidetuko da.  Maila bereko taldeak elkarren artean hurbil kokatuta egongo dira eta, ahal izanez gero, batasun espaziala izango dute, iharduera komunetarako tokiekin.

Ikasgelak:  Arloak eta ikasgaiak ikasgela berezietan emango dira eta ikasgela horietan dagozkien baliabide didaktikoak jarriko dira.  Talde bakoitzak erreferentzia-ikasgela bat izango du eta bertan emango dituzte arlo eta ikasgai gehienak, nahiz eta iharduera batzuk horretarako prestatutako toki berezietan egingo dituzten, hala nola, laborategian, gimnasioan, informatika-gelan, teknologia-lantegian....  Ikasgelek bakarkako lana, talde txikietakoa nahiz talde handikoa ahalbidetuko dute.  Ikasgela bereziak jarriko dira hezkuntza-premia bereziak dituzten ikasleekin lan egiteko.  Ohiko taldetik kanpo beste iharduera batzuk egiten dituzten ikasleak horretarako prestatutako gela berezietan egingo dituzte eta ez dira inoiz gainerako taldea dagoen ikasgelatik urrunduko.  Ikasgeletako altzariak arinak eta funtzionalak izango dira, antolatzeko modu desberdinak egituratu ahal izateko.

Eremu komunak:

DBHKO CURRICULUM PROIEKTUA

19 Aiala Kantzelaria-Gregorio Marañón BHI

 Eskolako ordutegia egiterakoan talde desberdinek erabiltzen dituzten eremu komunak erabiltzeko aukera kontuan izango da.  Kanpoko fatxadak, jolastokiak eta barneko eremuak estetikoki zainduko dira; edozein pintada, zikin edo kalte garrantzitsu... berehala garbitu edo konpondu behar da.

Irakasleak:  Irakasleek eremu bereziak izango dituzte, lan pertsonalerako eta sail nahiz klaustroaren bileretarako ekipamenduak izango dituztenak.

e) Denboraren eta ordutegien antolamendua Denbora antolatzea ere funtsezkoa da irakaskuntza eta ikaskuntzako prozesua garatzeko eta ikasleek hezkuntza-helburuak lortzeko. Besteak beste, ikasleen autonomia sustatu behar du eta aniztasunaren arreta ahalbidetuko du. Denboraren plangintza talde zehatzaren arabera, ikasleen ikaskuntza-erritmo desberdinen arabera, eduki-motaren eta horien antolamenduaren arabera eta proposatuko diren ihardueren arabera egingo da eta planteatutako helburuak lortzeko aukera eman behar du.

Denbora antolatzeko ondoko irizpideak izango dira kontuan:  Ikasle taldeen ordutegiak irakasgai bereko saio lektiboak txandakako egunetan (Heziketa Zikloetako modulu batzuetan izan ezik; izan ere, modulu hauetan bi, hiru, lau eta bost orduko blokeak eskatzen dira eta) izaten saiatuko da. Bestalde, saio lektibo hauek muturreko orduetan (1. eta 6. orduetan), eta arrats bat baino gehiagotan ez izaten ere saiatuko da.  Arlo jakin batzuk emateko denborak maila bereko taldeetan bateratzea, jakintzaren arteko iharduerak, laguntzazkoak, taldekatze malguak etab. egin ahal izateko.  Talde berean arlo bat baino gehiago ematen duten irakasleen ordutegien antolamendua kontuan izatea, denbora jarraitua eskatzen duten iharduerak egiteko aukera izan dezaten (egun batean ematen dituzten orduak elkarren ondoan ematea…).  Ikasgaiak zailtasun-mailaren arabera banatzen saiatzea eskola-egun batean (energia gehien duten uneak aprobetxatzea zailtasun handiagoa duten lanak egiteko).  Ohikoa baino denbora luzeagoa behar duten iharduerak egiteko arlo batzuk izan ditzaketen beharrak kontuan izango dira (laborategia, lantegiak…).

f) Ikastetxetik kanpo zeregin akademikoei eskainitako denbora Ikasleek ikasteko ohitura bereganatzea eta beren lan pertsonala modu autonomoan antolatzen ikastea komeni da. Helburu horrekin −eta ikasgeletan egiten duten lanaren osagarri gisa−, ikastorduetatik kanpo hainbat iharduera egitea proposatuko zaie.

Zeregin horiek antolatzeko ondoko irizpideak izango ditugu kontuan.

DBHKO CURRICULUM PROIEKTUA

20 Aiala Kantzelaria-Gregorio Marañón BHI

 Ariketak eta lanak, oro har, lan osagarriak edo errepasatzeko ariketak izango dira; horregatik, ez dira eskolan egin beharreko iharduerak izango, denbora faltaren ondorioz etxera bidaltzen direnak.  Talde bakoitzeko irakasle-taldearen koordinazio egokia lortzeko eta ikasleak estutu ez daitezen, irakasle bakoitzak gutxi gorabehera ikasleek zeregin hori egiteko zenbat denbora behar duten kalkulatuko du, zereginaren egokitzapena eta zentzua baloratuz.  Tutoretzaren bitartez, arlo eta ikasgaietan proposatutako lanak eta zereginak koordinatuko dira epe motzetan (astero, hamabostean behin...).  Eskolaz kanpoko iharduerak ikaslearen denbora-multzoaren barnean aztertuko dira eta, horretarako, tutoretzatik informazio hori bilduko da eta gainerako irakasleei jakinaraziko zaie.  Arlo guztietan eta tutoretzan gidatutako ikasketarako uneak ezarriko dira; bestalde, etxean erabiltzeko, denboraren plangintza egiteko tresnen (agendak, kronogramak, zereginen zerrenda, egutegien erabilera...) irakaskuntzarako uneak eta ikasketa-ohitura sistematiko eta antolaturako uneak ezarriko dira.  Talde-lana edo hainbat ikasleren garapen bateratua eskatzen duten etxeko lanetan, lan horiek ikastetxean bertan, horretarako prestatutako eremuetan, egiteko aukera kontuan izango da (liburutegian, adibidez), hala, lan horiek egiteko behar dituzten baliabideak erabili ahal izango baitituzte.

DBHKO CURRICULUM PROIEKTUA

21 Aiala Kantzelaria-Gregorio Marañón BHI

1.4.

IKASLEEN EBALUAZIO, PROMOZIO TITULAZIO IRIZPIDE OROKORRAK.

ETA

1.4.1.- Kontzeptua, helburuak, izaera eta ebaluatu beharreko alderdiak.

Ikasleen ebaluazioa ikaskuntzari buruz egiten den hausnarketa-prozesu sistematikoa da. Hau da: - planteatutako helburuen arabera ebaluazio-irizpideak zehazten ditugu; - ikaskuntza-prozesuari eta horren emaitzei buruzko informazioa biltzen dugu; - honako hauei buruzko iritzia emateko eta erabakiak hartzeko: - ikasleen ikaskuntzen balorazioa, - hezkuntzako esku-hartzearen plangintza, - ikasleen beharretara egokitzea, - indartzeko neurriak eta maila igarotzeko prozesuak.

- Multikulturalitatea. ♦ Ikasleen ebaluazioa etengabea izango da eta jarduera, berriz, sistematikoa eta iraunkorra, irakaskuntza eta ikaskuntzako prozesuan integratuta egongo dena:  Ebaluaziorako jarduera desberdinak egingo dira sekuentzia didaktikoetan.  Ikasleei beren egoeraren berri emango zaie modu informalean ebaluaziogaraiaren une desberdinetan.  Gutxienez, …… datu dokumentatuko dira ikasle baten ikaskuntza-prozesuari buruz ebaluazio-garaian. ♦ Ikasleen ebaluazioa integratzailea eta inklusiboa izango da, arlo eta ikasgai guztietan etaparako ezarritako gaitasun orokorrak eta oinarrizkoak kontuan izanik eta, beraz::  Arlo bakoitzeko ebaluazio-irizpideetan gaitasun orokor eta oinarrizko horiek kontuan izango dira.  Ebaluazio-bilkuretan erreferentzia orokor hori gogoratuko da. ♦ Ikasleen ebaluazioa banakatua eta curriculumeko irakasgai, arlo eta moduluetan bereizia izango da oinarrizko gaitasunak aintzat hartuta eta, ikasle bakoitzarentzat prestakuntza-funtzioa izango du; beraz:  Ikasleei beren ikaskuntza-prozesuari buruzko orientabideak emango zaizkie, hobetu behar dituzten alderdiak adieraziz.  Ikasleei beren ikaskuntzaren emaitzak hobetzeko moduari buruzko informazioa emango zaie.  Sekuentzia didaktiko guztietan ikasleak ikasten ari direnaz kontzientzia hartzeko eta beren ikaskuntza-prozesuaz ohartzeko denbora eskainiko da.

Hezkuntza-prozesuaren etengabeko hobekuntza lortu nahi duen ebaluazioak irakaskuntza eta ikaskuntzako prozesuaren alderdi guztiak sakondu behar ditu eta, beraz, ikastetxe honetan ebaluatu nahi duguna honako hau da:  Ikasleen gaitasunen garapen-maila, etapako eta arloetako helburu gisa proposatutakoena.

22 DBHKO CURRICULUM PROIEKTUA Aiala Kantzelaria-Gregorio Marañón BHI

 Ikasleek proposatutako edukiak bereganatzeko duten maila.  Ikasleen garapen pertsonala.  Norberaren orientabide egokian, eskolakoan eta lanekoan eragiten duten alderdiak.  Ikasle baten ikaskuntza-prozesua hobetzeko aplikatutako neurrien baliagarritasuna.  Proposatutako jardueren baliozkotasuna eta eraginkortasuna.  Gelako giroa, gelako elkarreraginak, taldearen egoera.

Ikastetxearen Curriculum Proiektu honetan ezarritakoetan oinarrituta, sekuentzia didaktiko bakoitzean zer ebaluatu behar dugun jakiteko jarraibideak izango dituzten ebaluazio-irizpideak landuko ditugu, oinarrizkoa baita irakasleentzat nahiz ikasleentzat, beren lana antolatzeko. Ebaluazio-irizpide horiek definitzerakoan honako hauek izango ditugu kontuan:  Irakasleok ebaluazio-irizpideak finkatuko ditugu eta ikasturtearen hasieran horien berri emango diegu ikasleei edo edozein momentutan ikasleek beraiek edo euren gurasoek eskatuta.  Ebaluazio-irizpideak horiek aplikatuko zaizkien ikasleek ulertzeko moduan landuko dira  Sekuentzia bakoitzean irakatsi diren edukiak ebaluatuko dira, ez gure ustez ikasleek jakin behar dituztenak (esate baterako, aurretiazko ezagutzak eta trebetasunak).  Posible denean, ebaluazio-irizpidean mota desberdineko edukiak bilduko ditugu, euren artean loturaren bat dutenak.

1.4.2.- Ebaluazioaren uneak.

Ebaluazioa prozesu etengabea da eta hezkuntza-prozesuarekin batera garatzen da; ikastetxe honetan honela egituratuko dugu: Hasierako ebaluazioa (Aurre-ebaluaketa) DBHko maila bakoitzaren hasieran irakasle-taldeak hasierako ebaluazioa egingo du, irakaskuntza eta ikaskuntzako prozesuaren abiapuntua zehaztu ahal izateko. Hori lortzeko Lehen Hezkuntzako Ikastetxeak edo aurreko mailako irakasle-taldeak bidalitako Ebaluazio Indibidualizaturako Txostena kontuan izango da.

Hau da, DBHko kurtso guztietan aurre-ebaluazioa burutuko da. Maila honetako irakasle guztiek Inika programan dagoen dokumentua bete beharko dute. Honela konpon daitezke ikasle batzuek irakasgai batzuetan dituzten heziketa-beharrak, jarrera edo familia arazoak, zeintzuk eragina duten klasearen erritmoa.

23 DBHKO CURRICULUM PROIEKTUA Aiala Kantzelaria-Gregorio Marañón BHI

Aurre-ebaluazioan irakasle-taldea bilduko da. Ondoren, tutoreak sortutako orrialdeetan bildu den informazioa familiei bidaliko die.

Orientatzaileekin burutuko diren bileretan zehaztuko da nola egin aipatutako aurreebaluazioak.

Ebaluazio negatiboa izan duten arloetako edo gaietako helburuak eta gaitasunak gainditzea.

Aurreko ikasturte(eta)ko irakasgaiak irailaren amaieran edo urriaren hasieran egingo diren proba batzuen bitartez errekuperatuko dira. Departamentu bakoitzak beren probak egingo ditu eta azterketa datak Zuzendaritzari jakinaraziko dizkio.

Euren programazioetan honela ezarriko duten Departamentuek ondoko prozedura erabili ahal dute: Negatibo ebaluatutako arloekin edo gaiekin igarotako ikasleek ondorengo kurtsoan arlo edo gai horietako irakaskuntzak jaso badituzte, helburuak eta gaitasunak lortu direla ulertu behar da arlo horretako ebaluazio-saioetako edozeinetan balorazioa positiboa izan bada.

Etengabeko edo prozesuko ebaluazioa.

Irakaskuntza eta ikaskuntzako prozesuaren garapenean prozesuak aldatzea, egokitzea eta hobetzea ahalbidetuko duen jarraipena eta etengabeko ebaluazioa egingo dugu.

Ikasleen ikaskuntzen etengabeko ebaluazioa honako hauek kontuan hartuz egingo da:  Arloetako ebaluazio-irizpideak.  Etapako helburu orokorretan adierazitako gaitasunen garapena.  Ikasle bakoitzaren baldintza bereziak, ondorengo hauekin lotutako alderdiak azpimarratuz:  Taldean integratzea (ikaskideen arteko harremanak, irakasleekin dituztenak …).  Jokaera eta lanerako ohiturak (ekimena, antolatzeko gaitasuna, jarraipena, orijinaltasuna, garbitasuna…).  Lan-metodoak erabiltzeko trebetasunak eta abileziak, banaka zein taldeka.  Arlo guztietan ikasteko prozedurak erabiltzea.  Hezkuntza sustatzeko beharrezko neurriak.  Ikasleek beren ikaskuntza erregulatzeko dagoen aukera.

Irakasleek planifikatutako irakaskuntza-prozesuaren aldagaiei dagokienez, besteak beste, ondorengo alderdiak ebaluatuko dira:

DBHKO CURRICULUM PROIEKTUA

24 Aiala Kantzelaria-Gregorio Marañón BHI

 Sekuentzia didaktikoaren programazioa talde bakoitzeko ikasleen egoeraren eta beharren arabera egokitzea.  Gelako giroa (ikasleen arteko harremanak eta elkarreraginak).  Proposamen didaktikoen eraginkortasuna.  Ikasleen inplikazio eta motibazio handiagoa eskatzen duten jarduerak.  Ikaskuntzaren jarraipena.  Eguneroko lanean hezkuntza sustatzeko erabiltzen diren proposamenak.  Taldearen dinamikarekin lotutako neurri bereziak.

Etengabeko ebaluaziorako prozesu hauen garapenerako:  Programatutako sekuentzia didaktiko bakoitzean ebaluaziorako jarduera bereziak erabiliko ditugu, goian adierazitako informazioa jasotzeko.  Ikastetxean etengabeko ebaluazio hori erraztuko duten tresnak izango ditugu.

Azken ebaluazioa Azken ebaluazioak ikasleen ikaskuntzaren emaitzak egiaztatzeko balio du eta baita ondorengo prestakuntza-sekuentzia planifikatzeko eta egokitzeko ere.  Programatutako sekuentzia didaktiko bakoitza amaitzean jarraitutako prozesua eta ikasleen egoera baloratuko ditugu.  Ebaluazio-garai bakoitza amaitzean jarraitutako prozesua eta ikasleen egoera baloratuko ditugu eta horretarako honako alderdi hauek izango ditugu kontuan:  Jarduera-programa taldeko ikasleen aurrerapenaren arabera egokituko dugu.  Beharrezkotzat jotzen ditugun hezkuntza sustatzeko neurriak hartuko ditugu.  Taldearen dinamikarekin lotutako beharrezko neurriak hartuko ditugu.  Maila bakoitza amaitzean ikaskuntzaren emaitzak egiaztatuko ditugu eta ikasle bakoitzaren gaitasunak eta beharrak zein diren zehaztuko dugu. ♦

Maila bakoitzaren amaieran jarraitutako prozesuaren eta lortutako emaitzen balorazio globala egingo da eta balorazio hori egiteko oinarrizko erreferentzia arlo bakoitzeko ebaluazio-irizpideak eta etapako globalak izango dira.

Ebaluazio horretan oinarrituta, hurrengo mailara igarotzeko, titulua emateko edo maila berean beste urte bat geratzeko erabakia hartuko dugu.

Ikasleak behin bakarrik errepikatu ahal izango du ikasturte bera, eta gehienez bi maila errepikatu ahal izango ditu etaparen barruan. Salbuespenez, bigarren aldiz errepika dezake ikasle batek laugarren maila, hezkuntza-etapako aurreko mailak errepikatu ez baditu.

Bigarren maila-errepikapena Derrigorrezko Bigarren Hezkuntzako azken mailan egin behar badu ikasleak, urtebetez luza daiteke (19 urtera arte), baina, horretarako, irakasle-taldeak uste izan behar du ikasleak Derrigorrezko Bigarren Hezkuntzako graduatu-titulua eskura dezakeela, eta horrek bat etorri behar du ikaslearen jarrerarekin eta asmoekin.

DBHKO CURRICULUM PROIEKTUA

25 Aiala Kantzelaria-Gregorio Marañón BHI

1.4.3.- Ebaluazio saioak. ♦ Ebaluazio-bilkurak irakasle-taldearen bilerak dira eta taldearen irakasleak/tutoreak koordinatzen ditu eta, hala dagokionean, orientatzailearen laguntza izaten du.

Eztabaida kolegiatua egin ondoren, bilkura-egunera arte egindako ebaluaziojardueren emaitzak biltzen dituzte dokumentuetan.

Ebaluazio-saioen lehenengo minutuetan, taldea ordezkatzen duten ikasleak bertan egon litezke, taldean eragina duten auziei buruz jarduteko.

Ebaluazio-saio bakoitzean, ikasgai bakoitzaren hasierako kalifikazioa hura irakatsi duenaren eskumen eta ardurakoa izango da, eta irakasle-taldeak batera jardungo du prozesu horren ondorioz erabaki orokorrak hartzeko orduan; aipaturiko prozesua ikasleen irakasle edo tutoreak koordinatzen du, halakorik denean ikastetxeko orientaziozerbitzuaren aholkupean. Erabakiak aho batez onartuko dira, eta, erabateko adostasunik ezean, irakasle-taldearen bi herenen akordioz.

Urte akademikoan zehar honako hauek egingo ditugu:  Ebaluazioko bi bilkura arrunta gehi ohiko eta ez ohiko ebaluazioak.  Aipatutako bilkurez gain, hasierako ebaluazioko edo aurreebaluazio bilkura bat egingo da, taldean esku hartzeko alderdi orokorrak eta hezkuntza-sustapenerako neurriak planifikatzeko.  Ebaluazio-bilkuren artean taldearen irakasle-taldea bildu ahalko da, tutoreak hala eskatzen badu behintzat, ikasleen aurrerapenak aztertzeko, batez ere behar edo premia bereziren bat duten ikasleenak, edo taldean sor daitezkeen bestelako arazoak aztertzeko. ♦ Ebaluazio-bilkuretan emaitza akademiko globalak aztertuko dira, egoera ezagutzeko eta alderdi hauek sakontzeko edo hobetzeko neurriak proposatzeko:  Ikasle jakin batzuei buruzko arazoak.  Arlo bateko edo batzuetako arazoak.  Irakasle bati edo batzuei buruzko arazoak. ♦ Ebaluazio-bilkuretan taldearen egoera eta arazoak aztertuko dira eta, hala dagokionean, horiek konpontzeko neurriak hartuko dira. ♦ 1., 2. eta 3. mailako azken ebaluazio-bilkura (ez ohiko) bilkura guztietan hartu ohi diren erabakiez gain, guztien artean eztabaidatu ondoren, ondoko erabaki hauek hartuko dira: ♦ Ikasgaietan lortutako kalifikazioak erabakiko dira. ♦ Ikaslea hurrengo mailara igaroko den ala hurrengo urte akademikoan maila berean geratuko den erabakiko da. ♦ Ebaluazio indibidualizatuari buruzko txostenen edukia erabakiko da.

DBHKO CURRICULUM PROIEKTUA

26 Aiala Kantzelaria-Gregorio Marañón BHI

♦ Hamasei urte beteta dituzten ikasleak direnean eta derrigorrezko hezkuntza utzi nahi dutenean, irakasleak/tutoreak irakasle-taldeak etorkizun akademiko eta profesionalari buruz kontseilu orientatzailearen bidez dioena entzungo du. ♦ Laugarren mailako azken bilkuran (ez ohikoa) bilkura guztietan hartu ohi diren erabakiez gain, guztien artean eztabaidatu ondoren, ondoko erabaki hauek hartuko dira: ♦ ♦ ♦ ♦

Ikasgaietan lortutako kalifikazioak erabakiko dira.

Bigarren Irakaskuntzako Graduatu titulua emateko edo hurrengo ikasturte akademikoan kurtso berean jarraitzeko proposamenak erabakiko dira.

Irakasleak/tutoreak irakasle-taldeak etorkizun akademiko eta profesionalari buruz kontseilu orientatzailearen bidez dioena entzungo du, hurrengo ikasturtean ere maila bera errepikatzen ez badu behintzat.

Ebaluazio indibidualizatuari buruzko txostenen edukia erabakiko da.

Zer nolako informazio biltzen da ebaluazio saioen aktetan?

Ebaluazio-bilera bakoitzeko Ebaluazio-akta bana idatziko da eta bertan ondoko gaiak jasoko dira gutxienez: a) Bertaratutako irakasleen zerrenda eta guztien sinadura. b) Irakasgai desberdinetan lortutako emaitzen eta sortu izan litezkeen arazoen analisia. c) Taldearen egoera orokorraren analisia, errendimendu akademikoaren eta jarreren nahiz arazoen arabera. d) Izan litezkeen banan-banako arazoen analisia eta hartu beharreko heziketaerrefortzuko neurriak edo bestelako jarduerak.

1.4.4.- Ebaluazio-prozesuaren egutegia Unea Etaparen eta kurtsoaren

Ekintzak Hasierako ebaluazioa edo aurreebaluazioa.

DBHKO CURRICULUM PROIEKTUA

Dokumentuak Ikaslearen ikasketa-espedientea eta aurreebaluazio txostena.

27 Aiala Kantzelaria-Gregorio Marañón BHI

hasieran Ikasturte bakoitzean zehar

Bi ebaluazio-bilkura

Lehen bigarren eta hirugarren mailaren amaieran

Azken ebaluazioaren bilkurak (ohikoa eta ez ohikoa)

Etaparen amaieran

Etapan zehar

Hala dagokionean, indartzeko edo curriculuma egokitzeko neurriak

Ikaslea hurrengo mailara igarotzen den ala ez erabakitzea Hala dagokionean, indartzeko neurriak Bigarren Hezkuntzako Graduatu titulua emateko erabakia Kasu bereziei buruzko txostena

Kalifikazio bilketa

Gurasoei eta ikasleei informatzeko txosten laburrak (boletinak) Ebaluazio-aktak Ebaluazioko txosten indibidualizatuak Azken ebaluazioko txostenak Familiei eta ikasleei informatzea Bigarren Hezkuntzako Graduatu titulua emateko proposamena.

Titulurik ez duten ikasleei mailen eta kalifikazioen akreditazioa ematea. (Eskola-ziurtagiria) Kontseilu orientatzailea.

Historial akademikoa

1.4.5.- Ebaluaziorako prozedurak eta estrategiak.

Arloko mintegietako irakasle-taldeak egoki iruditzen zaizkion estrategiak diseinatuko ditu eta horiek aplikatzeko erabakiak hartuko ditu. Irakasle-taldearen konpromisoak ondoko hauek dira:  Ebaluazio-garai bakoitzean informazioa biltzeko tresna desberdinak erabiliko ditugu.  Eduki-mota desberdinei buruzko informazioa bilduko duten tresnak diseinatuko ditugu.  Ikasgelan akats nagusiak landuko ditugu eta ez ditugu zigorren bidez konponduko, zailtasunak eta ikaskuntzako gabeziak antzemateko erabiliko ditugu. Batez ere, ebaluazioak puntu ahulak detektatzeko eta, ebaluazio prozesuan eragina negatiboa izan duten alderdiak zuzentzeko eta hobetzeko balio du. Agerian denez, puntu indartsuak mantentzeko eta sakontzeko ere balio du.  Ikasleek beren aurrerapenak ezagutzeko eta beren ikaskuntza-prozesua erregulatzeko, auto-ebaluatzeko jarduerak erabiliko ditugu. Ikasleen ikaskuntzaz gain, irakaskuntza-prozesua eta beraiek egindako lana ebaluatuko dute irakasleek, curriculumak araututako oinarrizko gaitasunak eskuratu diren ala ez aztertzeko.  Gure esku ditugun tekniken bidez, ebaluazio baten emaitza negatiboen arrazoiak bilatuko ditugu.

1.4.6.- Ikasturteko ebaluaziorako txosten indibidualizatuak.

Ebaluaziorako Txosten Indibidualizatuek 3 atal izango dituzte: DBHKO CURRICULUM PROIEKTUA

28 Aiala Kantzelaria-Gregorio Marañón BHI

Lehenengoa deskriptiboa da eta ondorengo alderdiak bereiziko ditugu: ♦ ♦ ♦

Etapako gaitasun orokorren garapen-maila.

Arlo eta ikasgaietako helburuak lortzeko maila.

Arlo eta ikasgaietako edukiak bereganatzeko maila.

Bigarren atalak hezkuntza-neurriak definitzen ditu: ♦ ♦

Orain arte hartu diren hezkuntza-neurri osagarriak.

Hartu behar diren hezkuntza-neurri osagarriak.

Hirugarrena ikaslea hurrengo urtera igaroko den ala ez arrazoitzeko da.

Txosten hauek sekretupekoak izango dira, gainerako dokumentu ofizialak bezala.

Eredua honako hau izango litzateke:

DBHKO CURRICULUM PROIEKTUA

29 Aiala Kantzelaria-Gregorio Marañón BHI

Txosten Indibidualizatua Ikaslearen izena___________________________________________________ Maila__________ Taldea_______ Irakasgaia___________________________ Ohiko deialdiko nota______ Ez Ohiko deialdiko nota______

1. Atala: Alderdi batzuen deskribapena Irakasgaiko gaitasun orokorren garapen maila eta edukien bereganatzeko maila:

DBHKO CURRICULUM PROIEKTUA

30 Aiala Kantzelaria-Gregorio Marañón BHI

2. Atala: Hartu diren eta hartu behar diren hezkuntzaneurriak Orain arte hartu diren hezkuntza-neurri osagarriak.

Hartu behar diren hezkuntza-neurri osagarriak.

3. Atala: Ikaslea hurrengo urtera igaroko den ala ez arrazoia.

(Atal hau Tutoreak soilik betetzen du ebaluazio saioan informazioa jaso ostean)

Laudion, 200...ko ekainaren .......(e)an

............................................. Tutoreak sinatua 31 DBHKO CURRICULUM PROIEKTUA Aiala Kantzelaria-Gregorio Marañón BHI

1.4.7.- Ebaluazioaren objektibotasuna.

1.- Ikasleen ebaluazio jarraituko prozesuan, beharrezkoa da ikasleak eskoletara eta dauden etapako ikasketa-plana osatzen duten ikasgaietan programatutako jardueretara erregulartasunez agertzea.

2.– Ikasleek beren eskola-errendimendua objektibotasun osoz baloratua izateko duten eskubidea bermatze aldera, ikaskuntzak ebaluatzeko, hurrengo mailara igarotzeko edo titulaziorako baliatzen diren irizpide orokorrak ezagutzera eman beharko dira.

3.- Ikasleek eta, bestela, haien guraso eta legezko ordezkariek errendimenduaren ebaluazioan eragina izango duten lan, proba eta ariketa guztiak gainbegiratu ahal izango dituzte, eta hala eskatuz gero horien kopia bat ere eskuratu ahal izango dute, behin zuzenduak izan ondoren.

Zuzenketa ez da kalifikazio kualitatibo edo kuantitatibo hutsa izango; horrez gain, ikasleak egindako akatsak edo hutsegiteak zein kalifikazioaren azalpen arrazoitua ere jaso beharko ditu.

Lan, azterketa, etab horien kopia horiek eskuragarri izateko, honako eredu honen bitartez eskatuko da:

DBHKO CURRICULUM PROIEKTUA

32 Aiala Kantzelaria-Gregorio Marañón BHI

Ikaslearen eskaera/Solicitud del alumno/a Ikaslearen izen-abizenak/Nombre-apellidos alumno/a: Taldea/Grupo: Data/Fecha: Eskatutako azterketaren irakaslea eta irakasgaia/Profesor/a y asignatura del examen solicitado: Irakaslea/Profesor/a:

Irakasgaia/Asignatura:

Azterketen kopiak egin ondoren, irakaslearen eta eskatzailearen sinadurak Despues de hacer las copias firmas del profesor/a y del solicitante Irakaslearen sinadura Firma profesor/a

Eskatzailearen sinadura Firma solicitante

Laudion, .............ko ............................aren .......(e)an Laudio, ........de ........................... de .............

OHARRA: Sinatu ondoren, irakaleek plantila hau Idazkaritzan utzi behar dute Despues de firmar se deja esta plantilla en Secretaria

Eredu hau bete ostean, Idazkaritzan utziko da, eta eskaria dagokion irakasleak hartzeko eta eskatutako kopiak emateko eskaleari.

33 DBHKO CURRICULUM PROIEKTUA Aiala Kantzelaria-Gregorio Marañón BHI

1.4.8.- Familiei zuzendutako informazioa.

Talde-bilerak Talde bateko ikasleen gurasoekin edo arduradun legalekin egiten diren bilerak dira. Bilera hauen helburua familiei interes orokorreko gaien berri ematea da:  Ikasturtearen hasieran bilera bat egingo da, helburuei, oinarrizko edukiei eta ebaluazio-irizpideei nahiz taldearen egoera orokorrari buruzko informazioa emateko. Halaber, hezkuntza-asmoei, egingo diren jarduerei, ebaluaziorako prozesuei, antolatzeko eta funtzionamendurako arauei eta, bereziki, gurasoek prozesu horietan guztietan eskaini dezaketen laguntzari buruzko hausnarketa batzuk planteatuko dira.

Gurasoekin eta pertsonalak.

ordezkari

legalekin

egin

beharreko

elkarrizketa

Ikasle bakoitzaren gurasoekin edo ordezkari legalekin egin beharreko bilerak, ikastetxeak hala proposatuta, honela egingo dira:  Ikasturtean behin gutxienez.  Ebaluazio-garai bakoitza amaitzean. (1. eta 2. mailan)  Tutoreak egoki deritzonean.

Bilera horiek helburu hauek izango dituzte:  Gurasoei beren seme-alaben hezkuntza-prozesuaren, egin dituzten aurrerapenen, lortu dituzten gaitasunen eta ikusten dituzten beharren berri ematea.  Beren seme-alabei etxean eman diezaieketen laguntza adieraztea, batez ere ikasteko ohiturei, lana antolatzeko moduari, erantzukizunei eta abarri buruz.  Ikasleak etxean egiten duen ahaleginari, ikaskuntza zailtzen duten arazoei, ebaluazioak ikaskuntzan dituen ondorioei eta abarri buruzko informazioa jasotzea, hala, ikastetxean izan behar dugun esku-hartzea egokitzeko.

Familiei bidalitako txosten idatziak.

Ebaluazio-bilkura edo aurreebaluazio-saio bakoitzaren ondoren bidaliko dizkiegu txosten idatziak familiei (boletinak).

Ikasturte bakoitzaren amaieran, ikasturteko azken ebaluazioko txosten indibidualaren kopia bat emango zaio familiari.

DBHKO CURRICULUM PROIEKTUA

34 Aiala Kantzelaria-Gregorio Marañón BHI

1.4.9.- Ebaluazioaren ondorioak.

Hezkuntza-errefortzua hezkuntza-neurri indibidual edo kolektiboen multzoa da eta neurri horiek irakasleek diseinatuko dituzte, ikasleei beren hezkuntza-prozesuan ebaluazioren bat (hasierakoa, prozesukoa edo azkena) egin ondoren, ikasturtean zehar mailan proposatutako helburuak lortzeko zailtasunak erakusten dituzten ikasleei zuzentzen zaizkielarik.

Proposamenaren helburu diren ikasleak ♦ Arlo batean kalifikazio negatiboa izaten duten ikasleei hezkuntza-sustapenerako neurri osagarriak aplikatuko zaizkie. Neurri horiek taldeko irakasle-taldeak erabakiko ditu ebaluazio-bilkuretan, dagozkien irakasleek hala proposatzen dutenean.

Esku-hartzearen azterketarako irizpideak: Edozein erabaki hartu aurretik zailtasuna non dagoen aztertu beharra dago:  Taldeko ikasle-kopuru handiari edo ikasle jakin batzuei eragiten dien ikusi behar da.  Oinarrizko ikaskuntzetako gabeziak diren, arlo zehatzen bat hartzen duten edo zailtasun puntualak diren ikusi behar da.  Ikaskuntzako estrategiak bereganatu ez dituztelako gertatu diren edo ikasteko ohitura eta teknikarik ez dutelako edo abstrakziorako gaitasun txikia dutelako sortu diren aztertu behar da.  Jarduera-mota jakin batzuetan gertatzen diren edo jarduera horien esanguratsutasun faltarengatik gertatzen diren.  Motibazio faltarekin, taldeko integrazioarekin edo eskolako bizitzaren kontrako jarrerarekin erlazionatuta dauden aztertu behar da.

Hezkuntza-sustapena prozesu didaktikoan integratu behar dela uste dugu, eta, horregatik, sustapenerako ondorengo moduei lehentasuna emango zaie:  Prebentziozkoa: ikasleengan zailtasunak sortu aurretik erantzuteko helburua du, izaera orokorreko prozedura didaktikoen bidez.  Pixkanakakoa: sekuentzia didaktikoen garapenean sortutako arazoei erantzuteko helburua du, taldean-ikasgelan erabil daitezkeen barneko baliabideak aprobetxatuz (denborak, espazioak, materialak, taldekatzeak...).  Zuzentzailea: curriculumaren oinarrizko alderdietan sortutako eta irakasle-talde osoaren neurri koordinatuak behar dituzten akats garrantzitsuak zuzentzeko helburua du.

DBHKO CURRICULUM PROIEKTUA

35 Aiala Kantzelaria-Gregorio Marañón BHI

Hezkuntza-errefortzurako plana.

Aurkitutako zailtasunen arabera, gure ikastetxeko sustapen-plana diseinatuko da eta ondorengo alderdi hauek bilduko ditu:  Hezkuntzako esku-hartzea hobetzeko neurri orokorrak.  Arlo batzuk sendotzeko neurriak.  Neurri osagarriak, kalifikazio negatiboak izan dituzten ikasleei aplika daitezkeenak.  Etorkinentzako Hizkuntza-errefortzurako neurriak.

Hurrengo mailara igarotzea.

Derrigorrezko Bigarren Hezkuntzako maila bakoitza amaitu ondoren, ikasleak hurrengo mailara igaroko diren ala ez erabakiko du irakasle-taldeak, ebaluazioprozesuaren emaitzari erreparatuz. Ikasle-taldeetako irakasle guztiek osatuko dituzte irakasle-taldeak, eta erabakiak irakasle guztien artean hartuko dituzte; koordinaziolanak irakasle-taldeetako tutoreek egingo dituzte.

Ikasleak hurrengo mailara igaroko dira ikasitako irakasgaien helburu eta gaitasunak lortu badituzte edo gehienez ere bi irakasgaitan ebaluazio negatiboa izan badute; hiru ikasgaitan edo gehiagotan ebaluazio negatiboa izan badute, aldiz, osorik errepikatu beharko dute dagokion maila.

Hurrengo mailara iragotzeari eta titulazioari begira, gainditu gabeko ikasgaiak zenbaterakoan kontuan hartuko dira bai dagokion ikasturteko ikasgaiak bai aurreko ikasturteetakoak. Horri dagokionez, Biologia eta Geologia, batetik, eta fisika eta Kimika, bestetik, elkarrekin joango dira.

Ikasgai guztiak gainditu gabe hurrengo ikasturtera igarotzen direnek, ikaskuntzaprozesua indartze aldera irakasle-taldeak ezarriko duen programa egin beharko dute ikasi gabekoa ikasteko, eta programa horri dagokion ebaluazioa gainditu beharko dute.

Maila berean beste urtebete ematea.

Ikasleak behin bakarrik errepika dezake du maila bera, eta gehienez birritan Derrigorrezko Bigarren Hezkuntzan. Salbuespen gisa, laugarren maila bigarren aldiz errepikatu ahal izango da, aurrez Derrigorrezko Bigarren Hezkuntzan beste mailarik errepikatu ez bada.

Curriculum Desberdineko Programa amaituta, ikasleren batek ez baditu Derrigorrezko Bigarren Hezkuntzako graduatu-titulua eskuratzeko baldintzak bete eta adinari buruzko baldintza orokorrak betetzen baditu, urtebete gehiagoz jarraitu ahal izango du programa horretan.

Ikasleak bigarren errepikapena Derrigorrezko Bigarren Hezkuntzako azken mailan egin behar badu, urtebetez luzatu ahal izango da araututako adin-muga. (18 urte) DBHKO CURRICULUM PROIEKTUA

36 Aiala Kantzelaria-Gregorio Marañón BHI

Maila errepikatu ondoren, Derrigorrezko Bigarren Hezkuntzako ikasleak ez baditu betetzen hurrengo mailara igarotzeko baldintzak, irakasle-taldeak, orientaziotaldeak aholkatuta eta familiarekin hitz egin ondoren, dauden aukeren artean erabakia hartuko du, beti ere ikaslearen premiei erreparatuta: 1.- Lehen maila: Bigarren mailara igarotzea erabakiko da, heziketa indartzeko neurriak hartuz edo, bestela, Hezkuntza-arloko Berariazko Eskuhartze Proiektu batean txertatzea.

(HBEHP) 2.- Bigarren maila: Hauen artean aukeratuko da: hirugarren mailara igarotzea, Hasierako Lanbide Prestakuntzako Programa batera igarotzea, edo bi ikasturteko Curriculum Desberdineko Programa batean sartzea. Azken bi aukeretako bat hautatuz gero, ikasleak 15 urte beteak izan beharko ditu ikasturtea hasten den urte naturalean.

3.- Hirugarren maila: Hauen artean aukeratuko da: laugarren mailara igarotzea, Hasierako Lanbide Prestakuntzako Programa batera igarotzea, edo Curriculum Desberdineko Programa batean sartzea.

Derrigorrezko Bigarren Hezkuntzako graduatu-titulua.

1.– Derrigorrezko Bigarren Hezkuntza amaitzean oinarrizko gaitasunak eta etapako helburuak lortu dituen ikasleak Derrigorrezko Bigarren Hezkuntzako graduatu-titulua jasoko du. Hau da, Hezkuntza-etapa horretako irakasgai guztiak gainditzen dituzten ikasleek Derrigorrezko Bigarren Hezkuntzako graduatu-titulua jasoko dute.

2.– Bat edo bi suspentso izanda titulua eman daiteke, ikasleak ebaluazio negatiboa dauka(te)n ikasgai hori edo horiek abandonatuta ez badau(z)ka. Irakasle taldeak ikaslearen etorkizuneko aukerak kontuan hartuko ditu. Dena den, ikasleari irakasten dion Irakasle-taldearen bi herenez osatutako gehiengoaren erabakia da.

3.- Curriculum Desberdineko Programak egiten dituzten ikasleek Derrigorrezko Bigarren Hezkuntzako graduatu-titulua jasoko dute, baldin eta programako jakintza-arlo eta ikasgai guztiak gainditzen badituzte.

4.- Halaber, titulu hori lortu ahalko dute ikasturtea amaituta ikasgai batean edo bitan ebaluazio negatiboa jaso duten ikasleek, jakintza-arloak gaindituta badute eta bigarren puntuan agertzen diren baldintzak betetzen baditu.

1.5.

IKASTETXEAREN HIZKUNTZ PLANTEAMENDUA.

1.5.1. OINARRIZKO PRINTZIPIOAK. Alde batetik, gure ikasleen egoera soziolinguistikoa eta, bestetik, eskolatutako ereduaren ezaugarriak eta Ikastetxearen Curriculum Proiektuan Eskola Elkarteak proposatutako helburuak kontuan izanik, gure jokabidea ondorengo printzipioetan oinarritzeko asmoa dugu: 37 DBHKO CURRICULUM PROIEKTUA Aiala Kantzelaria-Gregorio Marañón BHI

 Hizkuntz helburuak lortzea, bi hizkuntz ofizialei dagozkienak bereziki; ikastetxearen eta ikastetxeko irakasle guztien ardura nagusietakoa da hori.  Hizkuntz garapena oinarrizko faktorea da gure ikasleen garapenerako eta ikasteko duten gaitasuna baldintzatzen du curriculumaren arlo guztietan.  Hizkuntza desberdinen irakaskuntza koordinatu egingo da, batetik bestera ikaskuntza-transferentziak bermatzeko eta batak bestea indartzeko.  Euskararen egoera diglosikoa instituzioetan nahiz ikasleen eta irakasleen arteko harremanetan euskararen erabilera sustatzeko neurrien bidez konpentsatuko da.  Urtero, HNP taldeak Ikastetxearen Hizkuntz Proiektua aztertuko du, horretarako proposatutako helburuak kontuan izanik, eta hizkuntz eremuan jokaeraplana proposatuko du; plan horretan ondorengo espazioetan euskara erabiltzeko neurriak hartuko dira kontuan:  administratiboan: administrazioko dokumentazioa, dokumentazio akademikoa eta ekonomikoa...  pedagogikoan: proiektuak eta programazioak, ekipoen eta sailen dokumentazioa, buletinak, espedienteak...  harremanetan: irakasleen artekoetan, irakasle eta ikasleen artekoetan, familiekin, administrazioarekin, komunikabideekin...

Irakasle guztiek, dagokigun arloan, ikasleen hizkuntz garapenean dugun erantzukizuna onartzen dugu. Horregatik, ondorengo jarraibideetan oinarrituz jokatzeko asmoa dugu:  Diskurtsoko trebetasunak (testuak ulertzea eta sortzea eta berariazko hizkuntz kodeak erabiltzea) eskuratzeko arreta berezia jartzea eta hizkuntz adierazpen desberdinen aurrean errespetuzko jokaerak hartzea.  Ikasgelan erabiliko diren testuak modu egokian aukeratzea, ikasle guztientzat ulergarriak izan daitezen eta horien aurrerapena susta dezaten.  Ikasleen ahozko adierazpena nahiz adierazpen idatzia erraztea, zuzen, zehaztasunez eta garbi idazten dutela egiaztatuz, eta elkarrizketarako eta kritikarako gaitasuna ikustea.  Irakurtzeko ohitura sustatzea.  Ikasleek informazioa bilatzen eta aukeratzen jakitea, horretarako iturri desberdinak erabiliz, eta ikaskuntza hobetzeko probetxu ateratzea.  Irizpide komunetan oinarrituta, ortografiari garrantzia ematea.

Oinarrizko ezagupenak (euskara eta gaztelania batez ere) irakasgai guztietan lan egin behar dira. Edozein irakasgaitan landu eta zaindu daiteke adierazpena, hiztegia, ortografia, etab.

Laudio Institutu BHIan Derrigorrezko Bigarren Hezkuntza irakasten da B eta D ereduan. D ereduan irakasteko hizkuntza euskara da Gaztelera Hizkuntza eta Literatura eta Ingelesa irakasgaietan izan ezik, dagozkien hizkuntzetan irakatsiko da eta. B ereduan irakasteko hizkuntza euskara da, Gaztelera Hizkunza eta Literatura gazteleraz eta Ingelesa dagokion hizkuntzan irakatsiko da. Matematika talde bakoitzak duen euskara mailaren arabera euskaraz ala gazteleraz irakatsiko da. Dena den, euskara irakasteko hizkuntza bezala sartzen joango da poliki-poliki.

DBHKO CURRICULUM PROIEKTUA

38 Aiala Kantzelaria-Gregorio Marañón BHI

Ikastetxean erabiltzen diren hizkuntzak ezagutzen ez dituzten ikasle etorkinekin izan beharreko hizkuntz jokaera:  Curriculumean nagusi den irakas-hizkuntza ikasteko laguntza berezia eskaintzea.  Ikasle hauen sinesmenak, ohiturak, erabilerak... ezagutzeko ahalegina egitea, elkarren arteko ulermena sustatzeko eta ikaskuntzarako beharrezkoa den enpatiazko giroa sortzen laguntzeko.  Ikasle horien hizkuntzaren oinarrizko ezagutzak eskuratzea (agurrak, esaldi esanguratsuak...), beraien errealitatera hurbiltzeko eta baloratu ahal izateko.  Ikasle horren taldean haren kultura ezagutzeko jarduera batzuk prestatzea, berorrekin zubiak ezarri ahal izateko.

1.5.2. HIZKUNTZA EREDUA ETA ORIENTABIDEA. Laudio Institutua BHIko ikasle guztiek eskubidea dute aurreko etapako ikasitako hizkuntza-ereduan jarraitzeko, B ereduko DBHtik Batxilergoko 1. mailara igarotzeko garaian izan ezik, zeren kasu honetan A eta D ereduen artean aukeratu behar baitute.

Lanbide Heziketaren kasuan aukera bakarra A eredua da.

Bestalde, ikasleriak hizkuntza eredua aldatzeko eskabidea egin dezake, edozein maila bukatutakoan. Horrelakoetan, ikasle horien irakas-taldeak, tutorea eta euskara irakaslearen iritzia aintzat hartuta, ikasleari zein honen familiari aldaketa horri buruzko bere iritzia azaldu eta orientabidea emango die.

1.5.3. IKASTETXEAREN ESKU-HARTZEA. Derrigorrezko Bigarren Hezkuntzaren helburuetariko bat Euskal Autonomi Erkidegoko hizkuntza ofizial bietan ahalik eta elebiduntasun mailarik handiena (Euskal Eskola Publikoaren Legea) lortzea denez, Laudio Institutua BHIak helburu hori lortzeko hoberen ahalbidetzen duen hizkuntza-eredua D eredua dela uste du.

Beraz, irakasle-talde batek ikasleren batek eredu horretara joateko baldintzak betetzen dituela uste duenean, ikasle horri eta bere familiari zentzu horretan orientabidea emateari ekingo dio. Irakasleriak horrelako esku-hartzea ikasturtearen amaieran egingo du.

DBHKO CURRICULUM PROIEKTUA

39 Aiala Kantzelaria-Gregorio Marañón BHI