Andidan
On kapitalis sé on moun ki ka mété-y épi dòt moun pou séparé sa ki tini antrè li épi yo. Sa pé rivé yo ka gadé ka ki rété pou ba yonn dé adan titak. Men byen souvan sé onsèl ki ka pwan tout pou-y dèpi o komansman.
On kominis sé on moun ki ka mété-y épi dòt moun pou vwè kijan yo ka séparé sa ki tini pou toutmoun trapé.
Men sa ka rivé, yonn pé kaché lòt… Ka ou pé konpwann adan sa ?
An tan-la nou adan-y-la lowizon kout pou enpé moun.
An menm tan, pou 2-o-3 dòt, yo ka viv konsi pa tini limit pou yo.
Pou rivé fè sa, yo ka kenbé yo, é yo ka apiyé asi lézòt.
On bon enpé moun ka mété énèwji adan sa ki yo ka touvé « bon » pou yo-menm tousèl.
Pannansitan, pa ni onlo, men i tini, ki ka mété fòs-lanmou-é-kè adan sa ki « mérité » pou toutmoun.
Pou ki len, ki lòt, sa ki ka gidonnè, mannyè yo pé aji, sé édikasyon yo trapé épi sa ki yo touvé disponib alantou a yo pou yo « lévé » timoun a yo é ta lézòt osi.
Ouvè-zyé, ouvè-zorèy, men kenbé kè, asi sa ki alantou a-w é véyé sa ki adan-w...
Yo ka di i té popilè toubònman.
I fè dépité osi an 1965 é an 1971 adan asanblé nasyonal a fwansé.
Lapen dèd
Épizòd Niméwo 2
(Pouvwèkakipaséanprèmyéépizòd,klikéla-menm)
Adan Téritwa Inifyé é Fédérasyon Inité Gwadloup (Territoires In- dépendants & Fédérés des Îles de Guadeloupe), yo tchouyé on moun.
Kapitenn Chyen mété Détèktiv Bouk épi kolèg a-y asi ankèt-la.
Apwé yo alé an véyé a mò-la, yo trapé on prèmyé « fil » pou kenbé : yo kalé aka bopè-la...
Lespwisavann Luk Gama 2024
On moman apwé, douvan kaz a « Bopè-la »...
Musueu LOUWA, ès ou byen déklaré ou péké a-y an véyé a « bouwo » a fi a-w ?
Sé sa-menm ? Pouki « BOUWO » ?
KOMAN ?
TI « MAKRÈL-LA » KI DI ZÒT SA-LA ‘PA TÉ SA ÈSPLIKÉ SA AH ?
MI ON BITEN KI TÉ-É A GOU A KÈ AN MWEN MENM !
ON BANN MAKAK INITIL
KA PÉPLÉ TI PÉYI-LASA.
AN TÉKÉ FOUTÉ YO-TOUT
ADAN ON TOU ‘MWEN VWÈ
SI MAKAKRI KA POUSÉ…
É !
MISYÉ LOUWA,
SI NOU TÉ KA BAZÉ ANKÈT AN NOU YENKI ASI KANKAN, ONLO MOUN TÉKÉ LAJÒL !
Louwa ?! ééh…
An té vlé di . . . « Koulwa » ...
Koulwa-La, la, i ké menné mwen…
An vlé di : i ké fè mwen jwenn on watè ?
CHÈCHÉ MAKAK AKA MANMAN-W
LOUWAAA... AN KONNÈT AN KI TOU AN TÉ-É FÈ-W RANTRÉ, MWEN !
ÈS OU PÉ
PALÉ MWEN DI FI A LOUWA ?
I TÉ SÒTI RIVÉ ANBALA LÈ-W VWÈ MANMAN-Y MÒ SAN NOU KONPWANN...
ÉBEN… TOUSA KOMANSÉ
LÈ-W VWÈ
I TÉ KA FÈ ÉTID A-Y LÒT
ON MALKADIK !
I TÉ BYEN-PÒTAN, POU SA NOU SAVÉ… ON JOU BOMATEN I DÉSANN PWAN KAFÉ A-Y ‘SI TÉRAS-LA KON I TÉ ABITYÉ FÈ-Y… ÉPI I PA NI TAN PWAN DÉ GÒJÉ...
KA OTÒPSI-LA BA-Y ?
POUKI ?
AN MANDÉ PA FÈ-Y…
I JWENN ÉPI
FIYANSÉ A-Y AN PWÈMYÉ LANNÉ MÈDSIN...
YO TÉ SÈL MOUN-ISI
KI TÉ AN SÉSYON A-YO.
GASON-LA TÉ KA PALÉ BYEN
É I TÉ ON BON-BON-BON ÉTIDYAN.
KITAN
PAPA-LA TOUVÉ-Y SAV YO TÉ ANSANM É
KIJAN I PWAN SA ?
PAPA-LA ?
I TÉ KA KIMÉ !
AN TOUVÉ MWEN PLEN ÉPI ZAFÈ A TI-MAKO A FI-AN-LA. É NOU TÉ JA FÈ BILAN KONPLÉ, PA TÉ NI SI LONTAN, MADANM-LA É MWEN-MENM, PANNAN NOU TÉ AN VWAYAJ AN FLORID… MEN AN MANDÉ ON ÒBSÈK AN FANMI...
AN DI TIBOUG-LA : « TOUT MAKAK SAN PWÈL PÉ PÒTÉ STÉTÒSKÒP JÒDI-JOU, APA POU SA YO SÉ NONM... » KA TIBOUG-A DI ?
AN PÉ KONPWANN... ...ANT PAPA-Y É BOUG A-Y ! É KA TIBOUG-A FÈ ?
PAS’ SÉ LÈ TIFI-LA É TIGASON-LA RANTRÉ POU TÉRÉ MANMAN-LA I APWANN NOUVÈL-LA… I PA TÉ KONTAN MENM-MENM-MENM !
I DI YO SA I KA PANSÉ. MEN GASON-LA PA MACHANDÉ-Y...
KIJAN ?
MHM !... OU TÉ LA ?!
I RÉPONN-LI TOUSUIT DOUVAN FI-LA MENM ! É TIFI-LA APWÉZAN...
I TOUVÉ-Y PWI...
LOUWA TÉRIB OUH !
AN BISTAN, I DI MWEN KONSA
I VOYÉ ON FANM AN KABINÉ A NONM-LA POU CHOFÉ-Y,
ATOUPANNAN ON DÉTÈKTIV
KA PWAN YO AN FOTO.
LÈ FI-LA VWÈ SÉ FOTO-LA
I VIN FÒL . . . TCHIIIP !
Détèktiv Bouk é kolèg a-y
Rivé anlè senn-dè-Krim-la..
Men, yo vwè ON moun ka suiv yo...
Koko sèk
Koko atè
Koko tijé
Koko chouké
Koko fè fèy
Koko wou-chouké
Koko wou-fè fèy
Koko wou-tijé
Koko fwitayé
Koko tonbé
Koko sèk
Koko atè
Koko tijé
Koko tijé
Koko chouké
Koko chouké
Koko wou-tijé
Koko wou-chouké
Koko wou-fè fèy si fèy
Koko fè fwi tayé
Koko fwitayé
Koko tonbé
Koko sèk
Koko atè
Koko tijé
Koko tijé
Koko chouké
Koko chouké
Ou ké touvé imaj ki an komansman a magazin-la adan liv-lasa.
Adan-y, makèdmo-la ka ba-y ola i pwan souch pou kréyé imaj é apwè sa i ka déwoulé on istwa inisyatik i kréyé asi baz a on séri imaj-a-lidé i mété adan on suit byen prési pou pawtajé pou tousa ki bizen.
Ou pé achté-y anlign asi Amazon si ou lwen Karayib-la.
Apadsa ou pé ban nou plis fòs si ou achté-y asi libréri annou-menm.
114 paj an Nwè é Blan
On pakèt imaj
Tala sé on liv élèktwonik a Rémon GAMA.
Istoryen-militan-la ka pawtajé lign, lidé épi dat pou sa ki bizen awgiman é chimen pou lité an politik réyèl (an travay a yo, an asosyasyon a yo, an lari a yo…).
Sé on « e-book » ou ké touvé-y asi Amazon
