༄༅། །བོད་ཀྱི་སྐྱེ་ཁམས་རིག་པ་སྤྱི་བཤད་འཛམ་གླིང་སྐྱེ་དགུའི་སྤྱི་ནོར།

༄༅། །བོད་ཀྱི་སྐྱེ་ཁམས་རིག་པ་སྤྱི་བཤད་འཛམ་གླིང་སྐྱེ་དགུའི་སྤྱི་ནོར།

བསམ་གྲུབ་ཚེ་རིང་གིས་གཙོ་སྒྲིག་བྱས།

ལེའུ་དང་པོ། སྐྱེ་ཁམས་རིགས་པའི་རྣམ་གཞག་སྤྱིར་བསྟན་པ། རབ་དཀར་གངས་རིའི་ཕྲེང་མཛེས་བྷོ་ཊའི་ལྗོངས། ། ལུགས་གཉིས་གསེར་ལྡན་མ་ཡི་ན་དར་བས། ། ཡིད་འོང་ཁོར་ཡུག་མར་གད་གོས་གྱོན་ཏེ། །

ཉམས་དགུའི་གར་སྟབས་སྐྱེ་དགུའི་གསོས་སུ་བསྒྱུར། ། ས་བཅད་དང་པོ། སྐྱེ་ཁམས་རིག་པའི་མཚན་ཉིད།

༄༅། །སྐྱེ་ཁམས་རིག་པ་སྲུང་སྐྱོབ་ཀྱི་ལྟ་བ་ནི་རིག་གནས་དང་རང་བྱུང་ཁམས་གཉིས་ཕན་ཚུན་མཐུན་པར་བྱེད་པའི་བྱེད་ནུས་ལ་ཟེར། རིག་གནས་ ནི་མི་རིགས་ཤིག་གིས་རང་གི་མཐའ་སྐོར་གྱི་རང་བྱུང་ཁོར་ཡུག་དང་སྤྱི་ཚོགས་ཁོར་ཡུག་ལ་མཐུན་གནས་བྱེད་པའི་རིགས་ལམ་གཏན་ཆགས་ཅན་ ཞིག་ཡིན་པར་འདོད། དེ་ཡང་མི་རིགས་དེའི་འཇིག་རྟེན་ལྟ་ཚུལ་དང་། ཐོན་སྐྱེད་འཚོ་བའི་བྱེད་སྟངས། སྤྱི་ཚོགས་རྩ་འཛུགས། ཆོས་ལུགས་དད་མོས། ཡུལ་སྲོལ་གོམས་འདྲིས་སོགས་འདུས་ཡོད། སྐྱེ་ཁམས་རིག་པ་ནི་ (生态学)སྐྱེ་དངོས་རིག་པ་ཕྱོགས་ཡོངས་ནས་འཕེལ་རྒྱས་སུ་སོང་བའི་གལ་ཆེའི་རིག་གཞུང་ཁག་ཅིག་ཡིན། དེ་ནི་ ད་ལྟའི་འཛམ་གླིང་ལ་ཐེབས་བཞིན་པའི་སྤྱི་ཚོགས་ཀྱི་གནད་དོན་ཆེན་པོ་ལྔ་སྟེ། འབྲུ་རིགས། མི་གྲངས། ཐོན་ཁུངས། ནུས་ཤུགས་ཐོན་ཁུངས། ཁོར་ ཡུག་བཅས་ལ་ཐད་ཀར་འབྲེལ་བ་ཡོད་པ་དང་། སྤྱི་ཚོགས་ཀྱི་གནད་དོན་ཆེན་པོ་དེ་དག་སེལ་བྱེད་ཀྱི་རྩ་བའི་གཞུང་ལུགས་ཡིན་ཟེར།

ཡང་སྐྱེ་ཁམས་རིག་པ་ནི་སྐྱེ་དངོས་དང་དེ་ཉིད་འཚོ་གནས་ཀྱི་ཁོར་ཡུག་བར་གྱི་ཕན་ཚུན་འབྲེལ་བ་ཅན་གྱི་ཚན་རིག་ཅིག་ཡིན། དེ་ཡང་སྐྱེ་དངོས་ ཀྱི་ཁོངས་སུ་སྲོག་ཆགས་དང་རྩི་ཤིང་། ཕྲ་བའི་སྐྱེ་དངོས་འདུས་ཡོད། སྐྱེ་དངོས་རིག་པ་བའི་བསྡོམས་རྩིས་བྱས་པ་ལྟར་ན། དེབ་ཐེར་དུ་བཀོད་པའི་ སྲོག་ཆགས་རིགས་ཕལ་ཆེར་ཁྲི་༢༠༠ལྷག་དང་། ཤིང་རགས་ཕལ་ཆེར་ཁྲི་༣༠ལྷག་ཕྲ་བའི་སྐྱེ་དངོས་རིགས་ཕལ་ཆེར་ཁྲི་༡༠ལྷག་ཡོད་ཟེར།

ཡང་སྐྱེ་ཁམས་མ་ལག་(生态系统)ཅེས་པའི་ཐ་སྙད་འདི་དབྱིན་ཇིའི་སྐྱེ་ཁམས་རིག་པ་བ་ཐན་སི་ལས(坦斯利)ནས་སྤྱི་ལོ་༡༩༣༥ལོར་ཐེངས་ དང་པོར་བཏོན་པ་ཡིན། སྐྱེ་ཁམས་མ་ལག་གི་མཚན་ཉིད་ཁ་གསལ་ཞིག་སྤྱི་འགྲོས་ལྟར་བཤད་ན། སྐྱེ་ཁམས་མ་ལག = སྐྱེ་དངོས་སྐོར་ཁག + ཁོར་ ཡུག་ཆ་རྐྱེན། སྐྱེ་དངོས་སྐོར་ཁག་དེའི་འཚོ་གནས་ཁོར་ཡུག་ཏུ་གྱུར་པའི་བར་གསེང་གི་རང་བྱུང་དངོས་གཟུགས་ལ་སྐྱེ་ཁམས་མ་ལག་ཟེར། དཔེར་ན། རང་བྱུང་ཁམས་ཀྱི་སྐྱེ་ཁམས་མ་ལག་ནི་རིགས་མང་དཔེ་མང་ཅན་ཞིག་ཡིན་ཏེ། ཆུའི་ཐིགས་པ་གཅིག མཚེའུ་ཞིག ནགས་ཚལ་གྱི་ཀློངས། ཡངས་ པའི་རྩྭ་ཐང་། ཆུ་མཛོད། གྲོང་ཁྱེར་བཅས་ནི་སྐྱེ་ཁམས་མ་ལག་ཅིག་ཏུ་གྱུར་ཡོད།

ཁོར་ཡུག་ཅེས་པ་ནི་རང་བྱུང་ཁོར་ཡུག་དང་སྤྱི་ཚོགས་ཁོར་ཡུག་གི་བསྡུས་མིང་ཡིན་ལ། རང་བྱུང་ཁོར་ཡུག་ནི་མཁའ་དབུགས་དང་ཆུ། སྲོག་ཆགས་ དང་རྩི་ཤིང་། ས་ཆ་དང་གཏེར་རྫས། བྲག་རྡོ་དང་ཉི་མའི་འགྱེད་འཕྲོ་སོགས་འདུས། སྤྱི་ཚོགས་ཁོར་ཡུག་ནི་འགྲོ་བ་མིའི་རིགས་རང་སྟེང་གི་དངོས་ པོའ་ི དཔལ་ཡོན་དང་བསམ་པའི་དཔལ་ཡོན་ཡར་རྒྱས་སུ་བཏང་བའི་ཆུ་ཚག་ཅིག་སྟེ། ལོ་རྒྱུས་དུས་ཡུན་རིང་མོའ་ི ནང་དམིགས་ཡུལ་ཡོད་པ་དང་ འཆར་གཞི་ཡོད་པའི་སྒོ་ནས་གསར་གཏོད་དང་འཛུགས་སྐྲུན་བྱས་པའི་མིའི་རིགས་ཀྱི་འཚོ་གནས་དང་བྱ་འགུལ། འཕེལ་རྒྱས་ཀྱི་མིས་བཟོས་ཁོར་ ཡུག་ལ་ཟེར། དེ་ཡང་ཁོར་ཡུག་ཅེས་པ་མིའི་རིགས་སྙིང་བོར་བྱས་པའི་གོ་ལའི་སྐྱེ་འགྲོ་ཡོངས་ཀྱི་འཚོ་གནས་དང་བྱ་འགུལ་སྤེལ་སའི་གནས་ལ་གོ་བར་འདོད་པ་ ཁྱབ་ཆུང་བར་བདག་གིས་སེམས་ཏེ། ང་ཚོ་བོད་ཀྱི་སྐྱེ་ཁམས་རིག་པ་སྲུང་སྐྱོབ་ཀྱི་ཡན་ལག་སྐར་རྩིས་རིག་པ་ལས་སའི་གོ་ལ་སྙིང་བོར་བྱས་པའི་ མཐའ་སྐོར་གྱི་ཁྱིམ་བཅུ་གཉིས། གཟའ་བཅུ། རྒྱུ་སྐར་ཉེར་བརྒྱད་སོགས་ཀྱིས་ཁོར་ཡུག་སྙོམས་སྒྲིག་སྲུང་སྐྱོབ་བྱེད་པ་ལས་འཇིག་རྟེན་ལ་ཕན་བདེ་ འབྱུང་བ་དང་། དེ་དག་གི་འགལ་འདུ་ལས་འཇིག་རྟེན་གྱི་སྣོད་བཅུད་གཉིས་ཆར་མི་བདེ་བ་འབྱུང་བར་བསམ་བློ་གཏོང་བཞིན་ཡོད།

དེང་རབས་སྐྱེ་ཁམས་མ་ལག་གི་ཞིབ་འཇུག་གི་ནང་དོན་གཙོ་བོ་ལྔ་ནི། ༡ རང་བྱུང་སྐྱེ་ཁམས་མ་ལག་གི་སྲུང་སྐྱོབ་དང་བཀོལ་སྤྱོད་ཞིབ་འཇུག ༢ སྐྱེ་ཁམས་མ་ལག་གི་རང་འགུལ་སླར་གསོའ་ི ལུགས་སྲོལ་ཞིབ་འཇུག ༣ སྐྱེ་ཁམས་མ་ལག་ཉམས་རྒུད་ཀྱི་གནས་ལུགས་དང་དེ་སླར་གསོའ་ི རྣམ་པ་ དང་བསྐྱར་གསོ་ཞིབ་འཇུག ༤ གོ་ལ་ཁྱོན་ཡོངས་ཀྱི་སྐྱེ་ཁམས་གནད་དོན་ཞིབ་འཇུག ༥ སྐྱེ་ཁམས་མ་ལག་རྒྱུན་མཐུད་འཕེལ་རྒྱས་ཀྱི་ཞིབ་འཇུག་གོ

ས་བཅད་གཉིས་པ། དེང་རབས་མིའི་རིགས་ཀྱི་མདུན་ལ་ལྷགས་པའི་དཀའ་ལས་ཆེན་པོའ་ི སྐོར་རགས་ཙམ་གླེང་བ། ༡ འཛམ་བུ་གླིང་པར་གནོད་པའི་དོན་རྐྱེན་ཆེན་པོ་བརྒྱད།

༄༅། །དུས་ཡུན་རིང་པོ་ཞིག་ཏུ་མིའི་རིགས་ཀྱིས་དཔལ་འབྱོར་གོང་སྤེལ་གཏོང་སླད་ཤུགས་ཆེན་པོ་བརྒྱབ་པ་དང་ཆབས་ཅིག་ཁོར་ཡུག་སྲུང་སྐྱོབ་ དང་གཅེས་སྤྲས་བྱེད་པའི་གནད་དོན་དེ་རྒྱ་ཡན་དུ་བཏང་བས་ཁོར་ཡུག་འབག་བཙོག་ཏུ་གྱུར་ཅིང་། དེ་ལས་བྱུང་བའི་གནོད་འཚེ་ཡིས་མིའི་རིགས་ ཀྱི་འཚོ་གནས་དང་འཕེལ་རྒྱས་ལ་འཇིག་ཉིན་རེ་ལས་ཉིན་རེ་ཚབས་ཆེ་བ་བཟོ་ཡི་འདུག ཡིན་ན་ཡང་ཁོར་ཡུག་གནད་དོན་དེར་དུས་ཡུན་ཧ་ཅང་ རིང་བོ་ཞིག་གི་ནང་དུ་མི་གཅིག་གིས་ཀྱང་དོ་སྣང་མ་བྱས། དུས་རབས་ཉི་ཤུའི་ལོ་རབས་༣༠—༦༠ནང་དུ། ཡོ་རོབ་དང་ཨ་རི། ཉི་ཧོང་སོགས་བཟོ་ལས་ དར་རྒྱས་ཆེ་བའི་དོན་རྐྱེན་བརྒྱད་ཀྱིས་མིའི་རིགས་ལ་ཁོར་ཡུག་གནད་དོན་གྱི་ཉེན་བརྡ་བཏང་བ་རེད། ། (༡) པེ་ལི་ཧྲི[Bekiumཔིར་ཀྲེམ]མ་སི་ལུང་བར་དུད་སྨུག་གིས་མི་བསད་པའི་དོན་རྐྱེན།

དེ་ཡང་སྤྱི་ལོ་༡༩༣༠ལོའ་ི ཟླ༡༢པའི་ཚེས༡—༤ཉིན་བར་མ་སི་ལུང་བའི་བཟོ་ལས་ས་ཁུལ་གྱི་བར་སྣང་དུ་དུད་སྨུག་གིས་ཁེབས་ཏེ་མི་སྟོང་ཕྲག་དུ་མར་ གློ་བུར་དུ་བྲང་ཁ་ན་བ་དང་གློ་ལུ་བ། སྐྱུག་པ། མགྲིན་པ་འགགས་པ་སོགས་ཚོར་སྣང་མི་ལེགས་པ་བྱུང་བས་མི་དྲུག་ཅུ་རེ་གསུམ་ཚེ་ལས་འདས། འདི་ ནི་འཛམ་བུ་གླིང་པར་ཁོར་ཡུག་འབག་བཙོག་ལས་བཟོས་པའི་དོན་རྐྱེན་ཆེན་པོ་ཞིག་གོ (༢) ཨ་རིའི་དོ་ནོ་ལ་གྲོང་དུ་དུག་ལྡན་རྫས་འགྱུར་གྱིས་མི་བསད་པའི་དོན་རྐྱེན།

དེ་ཡང་དུས་རབས་ཉི་ཤུ་བའི་ལོ་རབས་བཞི་བཅུའི་མགོར་དོ་ནོ་ལ་གྲོང་དུ་དུག་ལྡན་རྫས་འགྱུར་གྱི་འབག་བཙོག་གི་དབང་གིས་ལོ་དྲུག་ཅུ་རེ་ལྔའི་ ཡན་གྱི་རྒན་པ་བཞི་བརྒྱ་ལྷག་འདས་བཀྲོངས་བྱུང་། ། (༣) ཨ་རིའི་ལོ་ཧྲན་ཅི་གྲོང་ཁྱེར་དུ་དུད་སྨུག་འཐིབ་པའི་དོན་རྐྱེན།

དེ་ཡང་སྤྱི་ལོ་༡༩༤༨ ཟླ༡༠ཚེས་༢༦ཉིན་ནས་བཟུང་ཉིན་ལྔའི་རིང་ལོ་ཧྲན་ཅི་གྲོང་ཁྱེར་དུ་དུད་སྨུག་འཐིབ་པའི་རྐྱེན་བྱས། མི་ ༤༩༡༡ལ་ནད་ཐེབས་པ་ དང་མི་ ༡༧ གྱི་ཚེ་སྲོག་ཤོར། ཆ་སྙོམས་ལོ་གྲངས་༡༤ཡིན། (༤) དབྱིན་ཇིའི་རྒྱལ་ས་ལུན་ཏུན་དུ་དུད་སྨུག་འཐིབ་པའི་དོན་རྐྱེན།

སྨུག་པའི་རྒྱལ་ས་ཞེས་འབོད་སྲོལ་ཡོད་པའི་དབྱིན་ཇིའི་རྒྱལ་ས་ལུན་ཏུན་དུ་ ༡༩༤༢ ལོའ་ི ཟླ་ ༡པའི་ཚེའི་ ༤ཉིན་བྱུང་བའི་དུད་སྨུག་ཁྲོད་དུ་མི་ཆིག་ ཁྲི་ལ་ཉེ་བ་ཞིག་ཚེ་ལས་འདས། ། (༥) ཉིན་ཧོང་གོ་ཧྲན་རྫོང་དུ་བྱུང་བའི་རུས་པ་ན་བའི་ནད།

དེ་ཡང་༡༩༥༥ལོར་ཉི་ཧོང་ཧྥུའུ་ཧྲན་རྫོང་ཧྲིན་ཐུང་ཁྲོན་གཙང་བོའ་ི སྟོད་རྒྱུད་དུ་གཏེར་ཁ་སྔོག་འདོན་གྱིས་ཆུ་སྙིགས་གཙང་བོར་བཏང་སྟེ་འབག་ བཙོག་བཟོས་པ་དང་། གཙང་བོའ་ི རྒྱུད་ཀྱི་མི་རྣམས་ཀྱིས་གཙང་ཆུ་འཐུང་བས་རྐང་ལག་གི་ཚིགས་ན་བ། ལོ་འགའི་རྗེས་སུ་ལུས་ཡོངས་ཀྱི་རྩ་རྒྱུས་ དང་རུས་པ་ན་ནས་འགྲོ་བསྐྱོད་མི་ནུས་ཤིང་དབུགས་ཀྱང་རྔུབ་མི་ནུས་པ། ལུས་ཀྱི་རུས་པ་སྙི་མོར་གྱུར་ནས་རང་བྱུང་གས་ཆག་ཏུ་གྱུར་པ། ཐ་མར་ཟ་ མ་ཁར་མི་འགྲོ་བ་དང་མྱུར་མོར་འཆི་མི་ཐུབ་པའི་དཀའ་ལས་ཆེན་པོར་འཕྲད། འདི་ལ་ཟུག་གཟེར་གྱི་ནད་ཅེས་འཛམ་བུ་གླིང་པའི་སྤྱི་གནོད་ཅིག་ཏུ་ གྱུར། ཤི་བའི་རོ་ལ་བརྟག་དཔྱད་བྱས་པ་ལྟར་ན། རུས་པ་གས་ཆག་དོན་གསུམ་ལྷག་བྱུང་ཡོད་ཅིང་། ལུས་པོ་ལིས་མུས་སུམ་ཅུར་བསྐུམས་པ་སོགས་ མིག་གིས་བལྟར་མི་བཟོད་པར་གྱུར་འདུག ༡༩༦༨ལོའ་ི ཟླ་ ༥བར་ས་ཁུལ་འདིའི་ནད་པ ༢༥༨ དང་ཤི་ཚད་༡༢༨ བྱུང་། ༡༩༧༢་ ཟླ་ ༡༢བར་ཤི་བའི་ གྲངས་ཀ་ ༧༩འཕར་སྣོན་བྱུང་། ། (༦) ཉི་ཧོང་གི་ཧྲེའེ་བོའུ་གྲོང་ཁྱེར་དུ་ཆུ་དང་ཟ་མར་དུག་ཕོག་པའི་རྐྱེན་གྱིས་ཧྲེའེ་བོའུ་ནད་བྱུང་བའི་དོན་རྐྱེན།

དེ་ཡང་༡༩༦༤ལོར་ཉི་ཧོང་ནུབ་ཕྱོགས་མཚོ་འགྲམ་གྱི་ཞིན་ཞེ་རྫོང་གི་ཨ་ཧུ་ཡེ་ཁྲོན་ཆུ་རྒྱུད་ཀྱི་ཀུང་ཟི་ཞིག་གིས་ཆུར་འབག་བཙོག་བཏང་བས་རྐྱེན་ བྱས་དུས་ཡུན་ཐུང་ངུའི་ནང་མི་༤༥ལ་ནད་ཐེབས་པ་དང་མི་བཞི་ཚེ་ལས་འདས། ། (༧) ཉི་ཧོང་སི་རི་གྲོང་ཁྱེར་དུ་མཁའ་དབུགས་བཙོག་པར་བཏང་བའི་རྐྱེན་གྱིས་མགྲིན་ནད་བྱུང་བའི་དོན་རྐྱེན།

དེ་ཡང་༡༩༦༡ལོར་ཉི་ཧོང་སི་རི་གྲོང་ཁྱེར་གྱི་རྡོ་སྣུམ་བཟོ་ལས་ཆུ་སྙིགས་ཀྱི་རྐྱེན་བྱས་ནས་མགྲིན་པའི་ནད་བྱུང་བ་དང༌། ༡༩༧༠ལོར་ནད་འདི་ཐེབས་ པའི་མི་གྲངས་ ༥༠༠ལྷག་དང་མི་ ༡༠ཚེ་ལས་འདས། དེ་ནས་ ༡༩༧༢ལོའ་ི བར་དུ་ཉི་ཧོང་རྒྱལ་ཡོངས་སུ་ནད་འདི་ཐེབས་པའི་མི་གྲངས་ ༦༣༧༦ ལ་བུད། འདི་ནི་ཉི་ཧོང་རྒྱལ་ཁབ་གཅིག་པུ་མ་ཡིན་པར་འཛམ་བུ་གླིང་པར་གྲགས་པའི་སྤྱི་གནོད་ཆེན་པོ་ཞིག་ཏུ་གྱུར།། (༨) ཨ་རིའི་སྲིད་གཞུང་གིས་ཐེངས་དང་པོར་རྫས་འགྱུར་གད་སྙིགས་ཀྱི་ཉེན་བརྡ་ཁྱབ་བསྒྲགས་བྱས་པ།

དེ་ཡང༡༩༧༧ནས་བཟུང་རྫས་འགྱུར་གད་སྙིགས་ཀྱིས་མཁའ་དབུགས་དང་ཆུ། ས་གཞི་བཅས་ལ་འབག་བཙོག་བཟོས་པས་བྱིས་པ་མངལ་དུ་མི་གནས། རྒྱུ་མའི་ནང་དུ་ཁྲག་འབབ་པ། བྱིས་པ་ཁྱད་མཚར་བ་བཙས་པ་སོགས་ངོ་མཚར་བའི་ནད་རྟགས་བྱུང༌། ༡༩༧༨ལོའ་ི ཟླ༨པར་ཨ་རིའི་སྲིད་བློན་ཁ་ཐིག་ གིས་ས་དེ་གའི་སློབ་གྲྭ་དང་ཁྱིམ་ཚང་གི་སྒོ་རྒྱག་པ་དང་མི་རིང་བར་མི་དམངས་གནས་སྤོར་བྱེད་རྒྱུ་ཁྱབ་བསྒྲགས་མཛད། འདི་ནི་འཛམ་བུ་གླིང་ལ་

གཡོ་འགུལ་ཐེབས་པའི་ཨ་རིའི་སྲིད་གཞུང་གིས་ཐེངས་དང་པོར་རྫས་འགྱུར་གད་སྙིགས་ཀྱི་ཛ་དྲག་གི་ཉེན་བརྡ་ཁྱབ་བསྒྲགས་བྱས་པའི་ལོ་རྒྱུས་ཀྱི་ དོན་རྐྱེན་གལ་ཆེན་ཞིག་རེད།

ཁོར་ཡུག་གནད་དོན་ལ་རྐྱེན་བྱས་ནས་བྱུང་བའི་གནོད་པའམ་ཆག་སྒོ་མི་འདྲ་བ་འདི་དག་མི་རྣམས་ཀྱིས་རིམ་བཞིན་ངོས་ཟིན་གྱིན་ཡོད། འཛམ་ གླིང་གི་དཔལ་འབྱོར་མགྱོགས་མྱུར་ངང་འཕེལ་རྒྱས་སུ་འགྲོ་བཞིན་པའི་གོ་རིམ་ཁྲོད་དུ་ཁོར་ཡུག་ལ་སྲུང་སྐྱོབ་དང་གཅེས་སྤྲས་བྱེད་དགོས་པའི་ གནད་དོན་རྒྱ་ཡན་དུ་གཏོང་བཞིན་ཡོད་དེ། ཚན་རིག་ལག་རྩལ་དང་བཟོ་ལས་དེང་རབས་ཅན་དུ་བསྒྱུར་བ་ལ་བརྟེན་ནས་དཔལ་འབྱོར་དར་རྒྱས་ སུ་བཏང་སྟེ་མིའི་རིགས་ཀྱི་འཚོ་བར་སྟབས་བདེ་དང་སྤྲོ་སྣང་སྣ་ཚོགས་སྦྱིན་པ་དང་ཆབས་ཅིག མིའི་རིགས་འཚོ་གནས་བྱ་བའི་ཁོར་ཡུག་ལ་གཏོར་ བརླག་ཚབས་ཆེན་བཟོ་བཞིན་ཡོད།

༡༩༨༣ ལོའ་ི ཟླ་ ༡༡ པར་མཉམ་འབྲེལ་རྒྱལ་ཚོགས་ཀྱིས་མགོ་འཛིན་མཛད་དེ་འཛམ་གླིང་ཁོར་ཡུག་དང་འཕེལ་རྒྱས་ཨུ་ཡོན་ལྷན་ཚོགས་དབུ་བརྙེས། ཨུ་ཡོན་ལྷན་ཚོགས་འདིས་ ༡༩༨༧ ལོར་མཉམ་འབྲེལ་རྒྱལ་ཚོགས་ལ་༼ང་ཚོའི་ཐུན་མོང་གི་འབྱུང་འགྱུར༽ཞེས་པའི་སྙན་ཞུ་ཕུལ། དེའི་ནང་ཁོར་ ཡུག་སྲུང་སྐྱོབ་དང་རྒྱུན་བསྲིང་ཆོག་པའི་འཕེལ་རྒྱས་ཀྱི་གནད་དོན་གསལ་བོར་བཏོན་ཡོད། སྙན་ཞུ་འདིའི་ནང་རྒྱུན་བསྲིང་ཆོག་པའི་འཕེལ་རྒྱས་ ཞེས་པ་ནི་དེང་དུས་མི་རྣམས་ཀྱི་དགོས་མཁོ་སྐོང་ཐུབ་པ་མ་ཟད་མི་རབས་རྗེས་མའི་རང་སྟེང་གི་དགོས་མཁོ་སྐོང་བའི་ནུས་པར་གནོད་པ་མི་སྐྱེལ་བ་ ལས། གཞན་མི་གྲངས་འཕེལ་བ་དང་སྐྱེ་ཁམས་མ་ལག་ཁྲོད་འགྱུར་བཞིན་པའི་མི་མངོན་པའི་ཐོན་སྐྱེད་ནུས་ཤུགས་སྙོམས་སྒྲིག་བྱས་པའི་འཕེལ་རྒྱས་ ལ་གཟོད་རྒྱུན་བསྲིང་ཆོག་པའི་འཕེལ་རྒྱས་ཟེར་ཅེས་བསྟན་ཡོད། རྒྱུན་བསྲིང་ཆོག་པའི་འཕེལ་རྒྱས་ལ་དབྱེ་ན། དཔལ་འབྱོར་འཕེལ་རྒྱས་དང༌། མུ་ མཐུད་གོང་འཕེལ་དང་གཏན་འཇགས་སུ་འགྲོ་བའི་མི་གྲངས། ཅུང་ལེགས་པའི་སྐྱེ་ཁམས་ཁོར་ཡུག་གི་རྨང་གཞིའམ་ནུས་པ། རང་བྱུང་ཐོན་ཁུངས་ཀྱི་ ལག་རྩལ་འཕེལ་རྒྱས་ཐད་ཀྱི་གྲོན་ཆུང་སོགས་ཕྱོགས་གང་ཐད་ནས་མཉམ་འབྲེལ་འཕེལ་རྒྱས་གཏོང་བ་བཅས་སོ།། རྒྱུན་བསྲིང་ཆོག་པའི་འཕེལ་རྒྱས་ཀྱིས་དེང་རབས་ཀྱི་མིའི་རེ་འདོད་སྐོང་བ་དང་ཆབས་ཅིག་རྗེས་རབས་པའི་རང་མཁོ་རང་སྐོང་བྱེད་པའི་ནུས་པ་ལ་ གནོད་འཚེ་མི་གཏོང་ཞིང༌། རྒྱལ་ཁབ་ཅིག་གམ་ཡང་ན་ས་ཁུལ་ཞིག་གི་འཕེལ་རྒྱས་ལ་རྒྱལ་ཁབ་གཞན་དང་ས་ཁུལ་གཞན་གྱིས་ངན་ཤུགས་བཟོ་མི་ ཆོག་པའི་རེ་སྙེག་བྱེད་བཞིན་ཡོད། ཀྲུང་གོ་རྒྱལ་ཁབ་ལ་མཚོན་ན་མི་གྲངས་མང་ཞིང་མི་རེའི་ཆ་སྙོམས་ཐོན་ཁུངས་ཉུང་བའི་རྒྱལ་ཁབ་ཅིག་ཡིན་ལ། དཔལ་འབྱོར་ཆུ་ཚད་དམའ་ཞིང་ ཚན་རིག་ལག་རྩལ་ཞན་པའི་ཆ་རྐྱེན་འདི་འདྲའི་འོག་ཏུ་དཔལ་འབྱོར་མྱུར་བར་འཕར་སྣོན་བྱེད་དགོས་ན། ངེས་པར་དུ་མ་གཞི་ནས་མི་འདང་བའི་ ཐོན་ཁུངས་ཁོར་ཡུག་གཉོམ་པོ་འདི་ལ་གནོན་ཤུགས་ངན་པ་འབྱུང་ངེས། དེ་བས་ཕྱོགས་རེས་པའི་སྒོ་ནས་དཔལ་འབྱོར་གྱི་མགྱོགས་མྱུར་འཕེལ་རྒྱས་ ལ་བརྩོན་ལེན་གྱིས་ཁོར་ཡུག་སྲུང་སྐྱོབ་ལ་མཉམ་འཇོག་མི་བྱེད་པ་ནི་གཏན་ནས་མི་འགྲིག་པས། ངེས་པར་དུ་དཔལ་འབྱོར་འཕེལ་རྒྱས་གཏོང་ བ་དང་ཆབས་ཅིག དེང་རབས་ཚན་རིག་ལག་རྩལ་ལ་བརྟེན་ནས་ཁོར་ཡུག་སྲུང་སྐྱོབ་དང་ལེགས་བཅོས་གང་ལེགས་བྱས་ཏེ་མི་གྲངས་དང་དཔལ་ འབྱོར། སྤྱི་ཚོགས་དང་ཁོར་ཡུག ཐོན་ཁུངས་བཅས་མཉམ་དུ་འཕེལ་རྒྱས་མངོན་འགྱུར་བྱས་ཤིང༌། ངེས་པ་དོན་གྱིས་གཅིག་ནས་དེང་རབས་མིའི་རེ་ འདོད་སྐོང་ཞིང་གཉིས་ནས་རྗེས་རབས་པའི་འཚོ་གནས་ལ་གནོད་འཚེ་མི་ཡོང་བ་བཟོ་རྒྱུ་ནི་གལ་བོ་ཆེ་ལ་ནན་ཏན་དང་དམ་པའི་ཆོས་ལ་བརྒྱ་ཚར་ གྱི་ཚུལ་དུ་ཞུས་ཡོད་པ་ཡིན།

ཁོར་ཡུག་ལ་སྲུང་སྐྱོབ་དང་གཅེས་སྤྲས་བྱེད་པའི་གནད་དོན་ཐག་གཅོད་ལེགས་པོ་བྱེད་ཆེད་ཁོར་ཡུག་གནད་དོན་གྱི་དོན་དངོས་ལ་རྒྱུས་ལོན་ བྱེད་དགོས་པ་འདི་ནི་རང་བྱུང་ཁམས་ཀྱི་སྐྱེ་ཁམས་མ་ལག་སྙོམས་སྒྲིག་གི་གནད་དོན་ཡིན། རྒྱུན་ལྡན་གྱི་གནས་ཚུལ་ལྟར་ན་རང་བྱུང་ཁམས་ནི་ སྲོག་ཆགས་དང་རྩི་ཤིང་ཡོད་ཚད་དམ་ཡང་ན་དེ་ལ་བརྟེན་ནས་འཚོ་གནས་བྱ་བའི་དངོས་པོ་ཡོད་ཚད་ཀྱིས་གྲུབ་པའི་མ་ལག་ཅིག་ཡིན། དེ་ནི་ འབྱེད་འཛུམ་འཁོར་བསྐྱོད་བྱེད་པའི་མ་ལག་ཅིག་སྟེ་སྐྱེ་ཁམས་མ་ལག་ཁྲོད་ཀྱི་དབྱང་དབུགས་དང་དབྱང་གཉིས་ཐའན་རྫས་གཉིས་འཁོར་བསྐྱོད་ བྱེད་པ། དཔེར་ན། རྩི་ཤིང་གིས་ཕྱོགས་གཅིག་ནས་ཉིན་མོར་འོད་སྦྱོར་ནུས་པ་བརྒྱུད་ནས་དབྱང་གཉིས་ཐཱན་རྫས་འབྱིན་རྔུབ་དང་དབྱང་དབུགས་ཕྱི་ ལ་གཏོང་བར་བྱེད་ཅིང༌། ཕྱོགས་གཞན་ཞིག་ནས་མཚན་མོ་དབྱང་དབུགས་འབྱིན་རྔུབ་དང་དབྱང་གཉིས་ཐཱན་རྫས་ཕྱིར་གཏོང་བྱེད། སྲོག་ཆགས་ རྣམས་ཀྱིས་དུས་ཚོད་སྐར་ཆ་རེའི་ནང་དུ་དབྱང་དབུགས་འབྱིན་རྔུབ་དང་དབྱང་གཉིས་ཐཱན་རྫས་ཕྱིར་གཏོང་བྱེད་པ་དང་ཆབས་ཅིག སྲོག་ཆགས་ཀྱི་ རོ་དང་རྩི་ཤིང་གི་སྙིགས་རོས་ཀྱང ་དབྱང་གཉིས་ཐཱན་རྫས་ཕྱིར་གཏོང་བྱེད་བཞིན་ཡོད། རྒྱུན་ལྡན་གྱི་གནས་ཚུལ་ལྟར་ན་འབྱིན་རྔུབ་དང་ཕྱིར་གཏོང་ བྱེད་པ་ཆ་སྙོམས་སྲུང་འཛིན་བྱས་པ་ཡིན་མོད། འོན་ཀྱང་ཕྱི་རྐྱེན་གང་རུང་ཞིག་གིས་གེགས་བྱས་ཚེ་དེའི་ཆ་སྙོམས་ཀྱི་རྣམ་པ་འདི་ལ་གཏོར་བརླག་ ཐེབས་སྲིད། གལ་ཏེ་དེའི་བཀག་རྒྱ་ཚབས་ཆེན་མིན་ན། མ་ལག་དེས་རང་སྟེང་གི་ནུས་པ་བཏོན་ནས་སྙོམས་སྒྲིག་བྱེད་པ་ལ་བརྟེན་ནས་ཡང་བསྐྱར་ ཆ་སྙོམས་གསར་བ་ཞིག་ཏུ་སླེབས་ངེས། འདིའི་ཆ་སྙོམས་ལ་འགུལ་ཚུལ་དོ་མཉམ་པ་ཟེར་ཞིང་དེ་ནི་གཏན་འཇགས་ཤིག་ཡིན། གལ་ཏེ་མ་ལག་གི་ཕྱིའི་བཀག་རྒྱ་ཚད་ཆེ་ན་ཆ་སྙོམས་པ་འདི་ལ་གཏོར་བརླག་ཐེབས་སྲིད་ཅིང་མ་ལག་རང་སྟེང་གི་ནུས་པ་ཉམས་ནས་དོ་མཉམ་ པའི་རྣམ་པ་གསར་བ་ཞིག་ཏུ་སླེབས་མ་ཐུབ་པས་ཁོར་ཡུག་གི་གནད་དོན་བྱུང་བ་ཡིན། དཔེར་ན། བཟོ་ལས་ཐོན་སྐྱེད་ཁྲོད་དུ་དབྱང་གཉིས་ཐཱན་རྫས་ མཁའ་དབུགས་ཁྲོད་དུ་གཏོང་བ་ཚད་ལས་བརྒལ་བ་དང༌། ནགས་ཚལ་དང་ལྗང་མདོག་གི་རྒྱ་ཁྱོན་ཆུང་བས་དབྱང་གཉིས་ཐཱན་རྫས་འདི་དག་འོད་ སྦྱོར་ནུས་པ་བརྒྱུད་ནས་དབྱང་དབུགས་སུ་གཏོང་ཐུབ་ཀྱིན་མེད་ཚེ། སྐྱེ་ཁམས་མ་ལག་ཁྲོད་དབྱང་གཉིས་ཐཱན་རྫས་དང་དབྱང་དབུགས་གཉིས་ཀྱི་ འགུལ་ཚད་དོ་མཉམ་པ་སླར་གསོ་བྱུང་དཀའ། མཁའ་དབུགས་ཁྲོད་རྒྱུ་བའི་ཚད་བརྒལ་དབྱང་གཉིས་ཐཱན་རྫས་ཀྱིས་ས་ངོས་དང་རྒྱ་མཚོའི་དྲོད་ནུས་ ཁྱབ་ཚུལ་ལ་གནོད་པ་བྱུང་བས་ས་ངོས་དང་རྒྱ་མཚོའི་དྲོད་ཚད་ཡར་འཕེལ་བཞིན་ཡོད། དེ་ལྟར་བྱེད་པའི་མཇུག་འབྲས་ནི་གནམ་གཤིས་ངན་པར་ འགྱུར་བ་ཙམ་མ་ཡིན་པར་རང་བྱུང་གི་གནོད་འཚེ་རྒྱུན་མི་ཆད་ལ་མཚོ་ངོས་མཐོ་ཚད་ཀྱང་ཡར་འཕགས་སྲིད་དོ། །

༢ སྐྱེ་ཁམས་ཁོར་ཡུག་གི་ཉེན་ཁ་ཆེན་པོ་དྲུག

འཛམ་གླིང་ཡོངས་ཀྱི་ཁོར་ཡུག་འབག་བཙོག་གི་གནད་དོན་ཧ་ཅང་རྙོག་འཛིང་ཅན་ཞིག་ཏུ་གྱུར་ཡོད་པ་ལས་གཙོ་བོ་གཤམ་གྱི་ཕྱོགས་དྲུག་སྟེ། (༡) གོ་ལའི་ཁྱོན་ཀྱི་གནམ་གཤིས་ཇེ་དྲོར་འགྲོ་བཞིན་པ།

མཁའ་དབུགས་ཁྲོད་རང་བཞིན་གྱིས་གནས་པའི་རླུང་གཟུགས་དང་ཆུའི་རླངས་པའམ་ཡང་ན་དམར་ཕྱིའི་འོད་བསྡུ་ལེན་བྱེད་པའི་རླུང་གཟུགས་ བཅས་ཀྱིས་ས་ངོས་ཀྱི་དྲོད་ཚད་ཁྱབ་པར་བཀག་འགོག་བྱེད་པའི་དྲོད་རླུང་སྲུང་འཛིན་གྱི་ནུས་པ་ཐོན་ཡོད། འདི་ནི་དྲོ་ཁང་ཕན་ནུས་ཞེས་པ་དེ་ ཡིན། དྲོ་ཁང་ཕན་ནུས་ནི་སའི་གོ་ལའི་དྲོད་ཚད་སྲུང་སྐྱོབ་བྱེད་པར་མེད་ཐབས་བྲལ་བའི་ལག་ཆ་གལ་ཆེན་ཞིག་ཡིན། གལ་ཏེ་དྲོ་ཁང་ཕན་ནུས་འདི་ མེད་ཚེ་སའི་གོ་ལའི་དྲོད་ཚད་ད་ལྟ་དང་བསྡུར་ན་༤℃ཡས་མས་ཀྱིས་དམའ་བ་ཡིན། དྲོ་ཁང་ཕན་ནུས་དང་འབྲེལ་བ་ཡོད་པའི་དབུགས་གཟུགས་ ནི་མཁའ་རླུང་ཁྲོད་ཀྱི་དབྱང་གཉིས་ཐཱན་རྫས་དང་ཡང་ན་ཆུའི་རླངས་པ། ཀ་ཝོན། དབྱང་འགྱུར་འབྲིང་ཏན། དྲི་ངན་དབྱང་རླུང༌། ཁིལ་ཧྥུལ་ཝོན་ ཐིང་སོགས་ཡིན། དེ་དག་གི་སྤྱི་མིང་ལ་ཕན་ནུས་དབུགས་གཟུགས་ཟེར། རྒྱུན་ལྡན་གྱི་གནས་ཚུལ་ལྟར་ན། དབུགས་གཟུགས་འདི་དག་མཁའ་རླུང་ ཁྲོད་དུ་འདུས་ཚད་ཅུང་ཉུང་བ་ཡིན། གལ་ཏེ་མི་རྣམས་ཀྱིས་མཁའ་རླུང་ཁྲོད་དུ་དྲོ་ཁང་ཕན་ནུས་ཡོད་པའི་དབུགས་གཟུགས་འདི་དག་བཏང་བ་མང་ དྲགས་ན་དྲོ་ཁང་གི་ཕན་ནུས་ཇེ་དྲགས་སུ་འགྲོ་བས་སའི་གོ་ལའི་དྲོད་ཚད་ཇེ་དྲོར་འགྱུར་བཞིན་ཡོད། འདས་པའི་ལོ་བརྒྱ་ལྷག་གི་ཁྲོད་དུ་སའི་གོ་ ལའི་ས་ངོས་ཀྱི་དྲོད་ཚད་ཆ་སྙོམས་བྱས་ན༠.༣- ༠.༦℃ཡར་འཕེལ་བཞིན་ཡོད། གལ་ཏེ་མཁའ་དབུགས་ཁྲོད་དབྱང་གཉིས་ཐཱན་རྫས་ཀྱི་འདུས་ཚད་ མིག་སྔར་གྱི་མྱུར་ཚད་ལྟར་འཕེལ་བ་ཡིན་ན། དུས་རབས་ ༢༡པའི་དུས་མཇུག་ཏུ་སླེབས་ཚེ་ལྡབ་གཅིག་འཕེལ་ཡོད་པས་སའི་གོ་ལའི་དྲོད་ཚད་ཀྱང་ ༢-༥℃འཕེལ་ཡོད། འདི་ནི་འདས་པའི་ལོ་ཆིག་ཁྲི་ལྷག་གི་ཁྲོད་དུ་མཐོང་དཀོན་པའི་མྱུར་ཚད་ཅིག་རེད། སའི་གོ་ལའི་དྲོད་ཚད་ཇེ་དྲོར་འགྲོ་བ་དང་བསྟུན་ནས་བྱང་སྣེ་དང་ལྷོ་སྣེ་ཡི་འཁྱགས་རི་རིམ་བཞིན་ཞུ་ཡི་ཡོད་པས་མཚོ་ངོས་ཉིན་བཞིན་ཡར་ འཕགས་བཞིན་ཡོད། ཚན་རིག་པ་དག་གི་ཚོད་དཔག་ལྟར་ན། གལ་ཏེ་གནམ་གཤིས་མིག་སྔར་གྱི་མྱུར་ཚད་ལྟར་ཇེ་དྲོར་སོང་བ་ཡིན་ན། རྒྱ་མཚོའི་ ཆུ་ངོས་ཡར་འཕགས་པས་ ༢༠༥༠ལོའ་ི ཡས་མས་སུ་གྲོང་ཁྱེར་ཉི་གཡོག་དང་བེའེ་ཉི་སུ། མན་ཀུག ལོན་ཏོན། ཧྲང་ཧའེ། ཡ་ཅ་ཏ། ཐའེ་པའེ། སའེ་སྡུན་ ནེ། ཐོའ་ོ ཁོའ་ོ སོགས་གྲོང་ཁྱེར་ཆེན་པོ་དག་རྒྱ་མཚོས་བསྣུབ་པའི་ཉེན་ཁ་ཡོད་པ་དང༌། ཉི་ཧོང་དང་ཧོ་ལན་རྒྱལ་ཁབ་གཉིས་ ༢༡༠༠ ལོར་རྒྱ་མཚོས་ ཡོངས་སུ་བསྣུབ་པའི་ཉེན་ཁ་ཡོད།

༢༠༠༡ ལོའ་ི ཟླ་ ༡༡པའི་ཚེས་ ༡༥ཉིན་ཨ་རིའི་རྒྱལ་ས་ཧྭ་ཧྲིན་ཐོན་གྱི་སའི་གོ་ལའི་སྲིད་ཇུས་ཞིབ་འཇུག་ཁང་གི་གསལ་བསྒྲགས་ནང་བསྟན་དོན། ཐུ་ཝ་ ལུ་རྒྱལ་ཁབ་ཀྱི་མགོ་ཁྲིད་པས་ཉིན་བཞིན་ཡར་འཕགས་པའི་རྒྱ་མཚོའི་ཆུ་འགོག་ཐབས་བྲལ་བ་དངོས་སུ་ཁས་ལེན་བྱས་ཏེ། ཁོ་ཚོས་རང་གི་ཕ་ས་མི་ བསྐྱུར་ཐབས་མེད་དུ་གྱུར་ནས་༢༠༠༢ལོར་རྒྱལ་འབངས་རྣམས་ནིའུ་ཙི་ལན་དུ་གནས་སྤོར་བྱེད་མགོ་ཚུགས། ཐུ་ཝ་ལུ་ནི་རྒྱ་མཚོ་ཆེན་པོའ་ི གླིང་ཆེན་ གྱི་ཁོངས་སུ་གཏོགས་པའི་གླིང་ཕྲན་རྒྱལ་ཁབ་ཅིག་ཡིན་ལ། ཐུ་ཝ་ལུ་ཞེས་པ་ནི་ས་དེའི་སྐད་དུ་གླིང་ཕྲན་བརྒྱད་འདུས་ཞེས་པའི་དོན་ཡིན་ཞིང་དོན་ དངོས་སུ་གླིང་ཕྲན་དགུ་ཡོད་ཀྱང་དེ་ལས་བརྒྱད་མ་གཏོགས་མི་གནས་ཐུབ་མེད། རྒྱལ་ཁབ་སྤྱིའི་རྒྱ་ཁྱོན་ལ་ ༢༦km༢ (སྟོང་རྨི་གྲུ་བཞི)དང་མི་གྲངས་ ༡༡༠༠༠ཡོད། དེ་སྔོན་ཐུ་ཝ་ལུ་སྲིད་གཞུང་གི་མགྲིན་ཚབ་པས་གསུང་མྱོང་བ་སྟེ། རྒྱལ་ཁབ་འདིའི་གླིང་ཕྲན་དག་མ་འོངས་པའི་ལོ་༥༠ནང་དུ་མཚོ་ཆུས་ བསྣུབ་རྒྱུ་རེད། མིག་སྔར་གླིང་ཕྲན་སྟེང་གི་ཁུག་གཞུང་དང་ཕུག་པ་རྣམས་མཚོ་ཆུས་བཀང་བས་མི་གནས་ཆོག་པའི་ཁོར་ཡུག་ཇེ་ཆུང་དུ་འགྱུར་ བཞིན་ཡོད་པ་དང་འཚོ་གནས་ཁོར་ཡུག་ཉིན་བཞིན་ཇེ་ངན་དུ་འགྱུར་བཞིན་ཡོད་པ་རེད། དེ་ལས་གཞན་ད་དུང་གནམ་གཤིས་ལ་འགྱུར་ལྡོག་བྱུང་བའི་རྐྱེན་གྱིས་ཆར་ཆུ་འབབ་ཚད་ཀྱི་མང་ཉུང་དང་ས་ཁུལ་རང་བཞིན་གསར་དུ་བསྐྱར་ བགོས་བྱས་པས་སྐྱེ་དངོས་རིགས་ཀྱི་ལེགས་པའི་ཆ་འགྱུར་ཏེ་སྐྱེ་དངོས་རིགས་ཁ་ཤས་རྒྱུད་ཆད་པ། རང་བྱུང་གནོད་འཚེ་རྒྱུན་མི་ཆད་པ་སོགས་སྐྱེ་ ཁམས་ཁོར་ཡུག་ལ་འགྱུར་ལྡོག་ངན་པ་བྱུང་བ་དང༌། འགྱུར་ལྡོག་འདི་དག་གིས་ཕལ་ཆེར་དེང་སྐབས་ཡོད་པའི་སའི་གོ་ལའི་ཐོན་ཁུངས་དང་མི་ གྲངས། འཛད་སྤྱོད་སོགས་ཀྱི་འབྲེལ་བ་ཧ་ཅང་དོ་མི་མཉམ་པ་སྔར་ལས་ཛ་དྲག་ཏུ་འགྱུར་ཉེན་ཆེ། (༢) དྲི་ངན་དབྱང་རླུང་རིམ་པར་གཏོར་བརླག་ཐེབས་པ།

དྲི་ངན་དབྱང་རླུང་ནི་སའི་གོ་ལའི་མཁའ་དབུགས་ཁྲོད་རང་བཞིན་དུ་གནས་པའི་དབུགས་གཟུགས་ཤིག་ཡིན་པ་དང༌། དྲི་ངན་དབྱང་རླུང་གི་འདུས་ ཚད་དེ་མཐོ་ཚད་དང་བསྟུན་ནས་འགྱུར་བ་ཡིན་ཞིང༌། གཙོ་བོ་སའི་གོ་ལའི་ངོས་ལས་མུས་ ༢༥ - ༣༠ མཚམས་ཀྱི་མཁའ་དབྱིངས་སུ་ཁྱབ་ཡོད། དྲི་ ངན་དབྱང་རླུང་ཁྱབ་པའི་བར་གསེང་ལ་དྲི་ངན་དབྱང་རླུང་རིམ་པ་ཟེར།

དྲི་ངན་དབྱང་རླུང་རིམ་པའི་བྱེད་ནུས་ནི། ཕྱོགས་གཅིག་ནས་ཚད་བརྒལ་དམར་ཕྱིའི་འོད་སའི་གོ་ལའི་ངོས་སུ་འཕྲོ་བར་བཀག་འགོག་བྱེད་ཐུབ་པས། སའི་གོ་ལའི་སྟེང་གི་མི་དང་སྲོག་ལྡན་གཞན་པ་དག་ཚད་བརྒལ་དམར་ཕྱིའི་འོད་ཀྱི་གནོད་འཚེ་ལས་སྐྱོབ་པ་དང༌། ཕྱོགས་གཞན་ཞིག་ནས་དྲི་ངན་ དབྱང་རླུང་དེ་དབྱང་གཉིས་ཐཱན་རྫས་དང་འདྲ་བར་དྲོ་ཁང་ཕན་ནུས་ཡོད་པའི་དབུགས་གཟུགས་ཤིག་ཡིན། དེ་བས་དྲི་ངན་དབྱང་རླུང་གིས་སའི་ གོ་ལའི་ངོས་ནས་ཕྱིར་བར་སྣང་ལ་ལྡོག་འཕྲོ་བྱེད་པའི་དམར་ཕྱིའི་འོད་ཀྱི་དྲོ་ནུས་བསྡུ་ཐུབ་པས། ས་ངོས་ཀྱི་དྲོ་གྲང་སྙོམ་སྒྲིག་བྱེད་པར་ནུས་པ་གལ་ ཆེན་འདོན་ཐུབ། མཁའ་དབུགས་ཁྲོད་ཀྱི་དྲི་ངན་དབྱང་རླུང་གི་འདུས་ཚད་ལ་འགྱུར་ལྡོག་བྱུང་ཚེ་སའི་གོ་ལའི་ས་ངོས་ཀྱི་གནམ་གཤིས་ལ་ཤན་ཤུགས་ ཐེབས་ཀྱིན་ཡོད། དེ་བས་དྲི་ངན་དབྱང་རླུང་རིམ་པ་ནི་སའི་གོ་ལའི་སྟེང་གི་སྲོག་ལྡན་དག་ལ་དབྱང་དང་ཆུ་བཞིན་གལ་ཆེ། གལ་ཏེ་དྲི་ངན་དབྱང་ རླུང་རིམ་པའི་འགོག་སྲུང་མེད་ཚེ་སའི་གོ་ལའི་ཚེ་སྲོག་ལ་རྨེག་མེད་དུ་འགྲོ་བའི་གནོད་འཚེ་ཐེབས་སྲིད།

༡༩༥༨ ལོ་མི་རྣམས་ཀྱིས་མཁའ་དབྱིངས་སུ་དྲི་ངན་དབྱང་རླུང་རིམ་པ་ཇེ་ཉུང་དུ་འགྲོ་བཞིན་པའི་རྣམ་པ་རྟོགས་མགོ་བརྩམས་ཤིང་དུས་རབས་ཉི་ ཤུ་བའི་ལོ་རབས་བདུན་ཅུ་ནས་བཟུང་རྣམ་པ་འདི་ཧ་ཅང་མངོན་གསལ་ཡིན། ༡༩༨༥ ལོར་ལྷོ་སྣེའི་མཁའ་དབྱིངས་སུ་ཐོག་མར་དྲི་ངན་དབྱང་རླུང་ གི་ཁུང་བུ་བརྟོལ་བ་སའི་གོ་ལའི་ལྡབ་གཉིས་ལས་ཀྱང་ཆེ་བར་མཐོང༌། ལོ་རབས་དགུ་བཅུ་བར་སླེབས་དུས་ལྷོ་སྣེ་མཁའ་དབྱིངས་ཀྱི་དྲི་ངན་དབྱང་ རླུང་གི་ཁུང་བུ་ཇེ་ཆེ་རུ་འགྲོ་བཞིན་པར་མ་ཟད་ཟབ་ཚད་ཀྱང་ཧ་ལམ་ཇོ་མོ་གླང་མའི་མཐོ་ཚད་དང་འདྲ་བ་རྟོགས། རྗེས་སུ་བྱང་སྣེའི་མཁའ་དབྱིངས་ སུའང་དྲི་ངན་དབྱང་རླུང་གི་ཁུང་བུ་མངོན།

སའི་གོ་ལའི་ངོས་ནས་མཁའ་དབྱིངས་བར་ཐག་ ༡༥ -༥༠km ལ་སྙོམས་རྒྱུག་བང་རིམ་ཟེར། སྙོམས་རྒྱུག་བང་རིམ་ནི་སའི་གོ་ལའི་ངོས་ཀྱི་སྲོག་ལྡན་ ཡོད་ཚད་ཀྱི་མགོན་སྐྱབས་ལྟ་བུ་ཡིན། སྙོམས་རྒྱུག་བང་རིམ་གྱི་དྲི་ངན་དབྱང་རླུང་གི་འདུས་ཚད་ནི་ ༡༠% ཇེ་ཉུང་དུ་སོང་ན་གོ་ལའི་ངོས་ཀྱི་བསྡུ་ ལེན་བྱེད་པའི་དམར་ཕྱིའི་འོད་འཕྲོས་དྲགས་ཚད་ ༢༠% ཡར་འཕེལ་བཞིན་ཡོད། འདིས་མིའི་རིགས་ཀྱི་བདེ་ཐང་དང་སྐྱེ་དངོས་གཞན་པའམ་ཡང་ ན་སའི་གོ་ལའི་སྐྱེ་ཁམས་མ་ལག་ཡོངས་ལ་ངན་འབྲས་ཆེན་པོ་འབྱུང་སྲིད་པ་དང༌། མིའམ་སྲོག་ཆགས་ཀྱི་ལུས་ཐོག་གི་ཕྲ་ཕུང་སོ་སོས་ཚད་ལས་ བརྒལ་བའི་དམར་ཕྱིའི་འོད་བསྡུ་ལེན་བྱས་རྗེས་སྐྱེ་ལུས་ཕན་ནུས་མི་ལེགས་པར་འགྱུར་བར་མ་ཟད། སྤྲི་དཀར་རྫས་དང་ཕྲ་ཕུང་ཉིང་རྡུལ་སྐྱུར་རྫས་ ཀྱི་སྒྲིག་གཞི་ལ་གཏོར་བརླག་ཐེབས་སྲིད་པས་ད་ཡོད་ཀྱི་སྐྱེ་དངོས་ནུས་པ་མང་བོ་ཤོར་འགྲོ། དེ་ལྟར་གྱུར་ཚེ་མིའི་རིགས་ལ་མིག་ནད་དང་པགས་ ནད་རིགས་ཇེ་མང་དུ་འགྲོ་བར་མ་ཟད་སྐྱེ་དངོས་རིགས་ལའང་ཉེན་ཁ་འབྱུང་སྲིད། ཞིང་ཕྱུགས་ནགས་གསུམ་ལ་གནོད་འཚེ་ཕོགས་པའི་རྐྱེན་གྱིས་ ཐོན་ཚད་ཇེ་ཉུང་དུ་འགྲོ་བ་དང༌། ཆུའི་སྐྱེ་ཁམས་ཁོར་ཡུག་གི་མ་ལག་ཡོངས་ལ་ངན་ཤུགས་ཐེབས་སྲིད་པའི་ཁྲོད་དུ་ང་ཚོའི་ཁ་ཟས་སུ་སྤྱོད་པའི་ ཉའི་རིགས་ཀྱང་འདུས། རྒྱུ་མཚན་ནི་རྒྱ་མཚོའི་མཚོ་བལ་ལ་དམར་ཕྱིའི་འོད་འཕྲོས་པའི་ཤུགས་རྐྱེན་སྐྱེན་པོར་ཐེབས་སླ། མཚོ་བལ་ལ་འགྱུར་ལྡོག་ བྱུང་བ་དེས་རྒྱ་མཚོ་ཆེན་པོའ་ི བཟའ་ཆས་རིགས་སུ་གྱུར་པར་ཤན་ཤུགས་ཐེབས་འགྲོ། དྲི་ངན་དབྱང་རླུང་རིམ་པར་གཏོར་བརླག་བྱེད་སླ་ཤོས་ཀྱི་རྫས་ འགྱུར་དངོས་རྫས་ནི་ C、H、Nསོགས་རྒྱུ་དུ་མ་འདུས་པའི་རྫས་དངོས་ཡིན། དེའི་ཁོངས་སུ་ CFCS.、NO、 CCI ༤ CH ༤ སོགས་ཀྱང་འདུས། དངོས་པོ་འདི་དག་ནི་དམའ་རིམ་མཁའ་དབུགས་ཁྲོད་ཕལ་ཆེར་གཏན་འཇགས་ཡིན་མོད། འོན་ཀྱང་བར་སྣང་མཐོངས་སུ་དམར་ཕྱིའི་འོད་ཀྱི་ནུས་ པ་ཕར་སྐྱེལ་བྱས་རྗེས་དྲི་ངན་དབྱང་རླུང་དང་བསྡེབས་ནས་འགྱུར་ལྡོག་འབྱུང་ཐུབ། དཔེར་ན་ CFCS སྙོམས་རྒྱུག་བང་རིམ་དུ་འཛུལ་རྗེས། དམར་ ཕྱིའི་འོད་དྲག་པོར་འཕྲོས་པ་བསྡུ་ལེན་བྱས་པས། CFCs ཁ་ཐོར་དུ་འགྲོ་བ་ཡིན། ཁ་ཐོར་རྗེས་ཀྱི་དངོས་པོ་དེ་རིམ་བཞིན་དྲི་ངན་དབྱང་རླུང་གི་ཆ་རྡུལ་ གྱི་ནུས་པར་བརྟེན་ནས་འཕོ་འགྱུར་རིམ་པ་ཞིག་འབྱུང་བཞིན་ཡོད། CFCs ཆ་རྡུལ་གཅིག་སྙོམས་རྒྱུག་བང་རིམ་ཁྲོད་དུ་འཛུལ་ན་ཕལ་ཆེར་དྲི་ངན་ དབྱང་རླུང་གི་ཆ་རྡུལ་ཁྲི་སྟོང་མང་པོ་ཞིག་མེད་བརླག་ཏུ་གཏོང་སྲིད། དེ་བས་མིག་སྔར CFCsནི་དྲི་ངན་དབྱང་རླུང་བང་རིམ་ལ་གཏོར་བརླག་བྱེད་ མཁན་གཙོ་བོ་ཞིག་ཡིན་པར་མ་ཟད་མཁའ་དབུགས་ཁྲོད་དུ་ལོ་བཅུ་ཕྲག་གམ་ཐ་ན་ལོ་བརྒྱ་ཕྲག་ལ་གནས་ཐུབ། དེ་བས་མིག་སྔར་མཁའ་དབུགས་ ཁྲོད་དུ་གནས་པའི་ CFCs པས་བྱུང་བའི་གནོད་འཚེ་དེ་དུས་རབས་གཅིག་ལྷག་ལ་རྒྱུན་བསྲིངས་བྱེད་ཐུབ། (༣) མཁའ་དབུགས་བཙོག་པར་བཟོས་པ།

གལ་ཏེ་དངོས་པོ་ཞིག་མཁའ་དབུགས་ཁྲོད་དུ་སླེབས་ཚེ། དེས་མིའི་རིགས་སམ་ཡང་ན་ཁོར་ཡུག་ལ་མིག་མཐོང་ལག་ཟིན་གྱིས་དུས་ཡུན་རིང་ཐུང་ གང་རུང་ཞིག་ལ་ངན་ཤུགས་གང་མང་ཞིག་ཐེབས་སྲིད། དངོས་པོ་དེའི་མིང་ལ་མཁའ་དབུགས་འབག་བཙོག་ཟེར་བ་ཡིན། མཁའ་དབུགས་འབག་ བཙོག་ལ་གཙོ་བོ་རིགས་གཉིས་ཡོད་དེ། རིགས་དང་པོ་ནི་དབུགས་གཟུགས་ཡིན་ཏེ་དཔེར་ན་དབྱང་གཉིས་ཟེ་འགྱུར་དང་ཏན་དབྱང་འགྱུར་རྫས། དབྱང་གཅིག་ཐཱན་འགྱུར། ཆིན་དབྱང་འགྱུར་རྫས།ཐིང་སོགས་ཡིན། རིགས་གཉིས༌པ་ནི་རིལ་བུའི་རིགས་ཅན་གྱི་དངོས་པོ་སྟེ། དཔེར་ན། ཐཱན་རིལ་ དང་ཐལ༌།རྡུལ།དུ་རྡུལ་སོགས་ཡིན། མཁའ་དབུགས་ཁྲོད་ཀྱི་ཏན་དབྱང་འགྱུར་རྫས་དང་ཐཱན་ཆིན་འགྱུར་རྫས་གཉིས་ཀའི་འབྱུང་ཁུངས་གཙོ་བོ་ནི། རླངས་འཁོར་གྱིས་ཕྱིར་གཏོང་བྱས་པའི་དབུགས་གཟུགས་ལས་གཞན་རྡོ་སྣུམ་དང་རྡོ་སོལ༌འབར་བ་ལས་བྱུང་བའི་སྙིགས་མའི་རླུང་གཟུགས་ཡིན། སྙིགས་མའི་རླུང་གཟུགས་ཁྲོད་ཀྱི་ཏན་དབྱང་འགྱུར་རྫས་ནི་གཙོ་བོ་དབྱང་གཅིག་ཐཱན་འགྱུར་ཡིན། དབྱང་གཅིག་ཐཱན་འགྱུར་དང་མཁའ་དབུགས་ ཁྲོད་ཀྱི་དབྱང་གཉིས་ཟུང་འབྲེལ་བྱས་པ་ལས་དབྱང་གཉིས་ཏན་འགྱུར་བྱུང་བ་ཡིན། དབྱང་གཉིས་ཏན་འགྱུར་དེ་ཉི་མའི་དམར་ཕྱིར་འོད་འཕྲོ་བའི་ འོག་ཏུ་འོད་རྫས་འགྱུར་འགྱུར་ལྡོག་དུ་མ་ཞིག་བྱུང་བ་ཡིན། འོད་རྫས་འགྱུར་འཕོ་འགྱུར་འབྱུང་བའི་ཐོན་དངོས་པོའ་ི ཁྲོད་དུ་། དྲི་ངན་དབྱང་རླུང་གིས་ ༨༠%ཟིན། འོད་རྫས་འགྱུར་འགྱུར་ལྡོག་བྱུང་བའི་ཐོན་དངོས་ལས་གྲུབ་པའི་དུ་སྨུག་ལ་འོད་འགྱུར་གྱི་དུ་སྨུག་ཟེར། ས་གཤིས་ཁྱད་པར་ཅན་ཡིན་པའི་ ཆ་རྐྱེན་འོག་དུ་སྨུག་དེ་གང་སར་ཁྱབ་མི་ཐུབ་པའི་གནམ་གཤིས་ལ་འཕྲད་ཅིང་འོད་རྫས་འགྱུར་དུ་སྨུག་ཕྱོགས་གཅིག་ཏུ་འདུས་ནས་གང་སར་མ་ཁྱབ་ པས་མཁའ་དབུགས་འབག་བཙོག་གི་དོན་རྐྱེན་བྱུང་བ་སྟེ། མིའི་མིག་དང་མགྲིན་པར་ནད་སྣ་ཚོགས་བྱུང་སྟེ་མི་ལུས་བདེ་ཐང་ལ་ཉེན་ཁ་འབྱུང་བ་ དང་ལོ་རྒྱུས་སྟེང་ལོ་ཧྲན་ཅི་གྲོང་ཁྱེར་གྱི་འོད་རྫས་འྭགྱུར་དུ་སྨུག་དོན་རྐྱེན་གྱིས༡༠༠kmལྷག་ལས་མཐོ་བའི་རི་སྟེང་གི་ཚ་ལུ་མའི་ཐོན་ཚད་ཇེ་ཉུང་དུ་ བཏང་བར་མ་ཟད་གསོམ་སྡོང་ཡང་སྐམ་པར་བྱས།

བཟོ་ལས་ཀྱི་འཕེལ་རྒྱས་དང་བསྟུན་ནས་མིའི་རིགས་ཀྱིས་ནུས་ཁུངས་བེད་སྤྱོད་བྱེད་པ་དང་ཆབས་ཅིག་མཁའ་དབུགས་ཁྲོད་དུ་དུ་རྡུལ་རིལ་ གཟུགས་ཅན་གྱི་དངོས་རྫས་མང་བོ་བཏང་བས་མཁའ་དབུགས་ཁོར་ཡུག་ལ་འབག་བཙོག་བཟོས་ཡོད། རྡུལ་རིལ་འདི་དག་ལས་ཅུང་ཆེ་བ་དང་ཅུང་ ཙམ་ལྕི་བ་དག་ས་ངོས་སུ་ལྷུང་བས་ས་རྡུལ་གྲུབ་པ་དང༌། ཅུང་ཆུང་བ་དག་ཡང་དྲགས་པས་མཁའ་ལ་འཕྱོ་ཞིང་མཁའ་གཡེང་རིལ་རྡུལ་དུ་འགྱུར། དེ་ མིའི་ལུས་ཁམས་ཀྱིས་བསྡུ་ལེན་བྱས་པས་མིའི་གློ་བ་དང་དབུགས་ལམ་དག་ལ་གནོད་པ་ཕོག་པ་ཡིན། མཁའ་ལ་གཡེང་བའི་རིལ་རྡུལ་འདི་དག་མང་ ཆེ་བར་དུག་ལྡན་དངོས་པོ་མང་བོ་འདུས་པས། མི་ལུས་བདེ་ཐང་ལ་གནོད་འཚེ་ཆེན་པོ་ཕོག་པ་དང་ནད་རིགས་སྣ་མང་འབྱུང་བའི་རྒྱུ་རྐྱེན་དུ་གྱུར་པ་ རེད། གོང་ནས་གླེང་བའི་འཛམ་བུ་གླིང་ལ་གནོད་པའི་དོན་རྐྱེན་བརྒྱད་ཀྱི་གཅིག་སྟེ་མ་སི་ལུང་བའི་དུ་སྨུག་དོན་རྐྱེན་དེ་ནི་མ་སི་ལུང་བའི་ས་ཁུལ་ གྱི་མི་སྟོང་ཕྲག་དུ་མའི་བྲང་ཁ་ན་བ་དང་གློ་ལུ་བ། མགྲིན་པ་འགགས་པ་སོགས་ཚོར་སྣང་མི་ལེགས་པ་བྱུང་བས་གཟའ་འཁོར་གཅིག་གི་ནང་དུ་མི་

༦༠ཤི་བ་རེད། སྨུག་པའི་རྒྱལ་ས་ཞེས་འབོད་སྲོལ་ཡོད་པའི་དབྱིན་ཇིའི་རྒྱལ་ས་ལོན་ཏོན་དུ་ ༡༩༥༢ ལོའ་ི ཟླ་༡པོའ་ི ཚེས་༥ཉིན་བྱུང་བའི་དུ་སྨུག་དོན་ རྐྱེན་ཁྲོད་དུ་མི་ཆིག་ཁྲི་ལ་ཉེ་བ་ཞིག་ཚེ་ལས་འདས། བརྟག་དཔྱད་བྱས་པའི་མཇུག་འབྲས་ལྟར་ན༩༠%ཡན་གྱི་གློ་བའི་སྐྲན་ནད་ནི་རྒྱུན་དུ་མཁའ་ དབུགས་འབག་བཙོག་བྱས་པ་ལས་བྱུང་བ་རེད་ཟེར། (༤) སྲ་གཟུགས་སྙིགས་མའི་འབག་བཙོག

སྲ་གཟུགས་སྙིགས་མ་ཞེས་པ་ནི་གཙོ་བོ་བཟོ་ལས་གད་སྙིགས་དང་འཚོ་བའི་གད་སྙིགས་གཉིས་སྟོན་པ་ཡིན། དེང་སྐབས་འཛམ་གླིང་ཡོངས་སུ་ སྙིགས་དངོས་ཕྱིར་གཏོང་བྱེད་པའི་ཚད་ཉིན་རེར་ཇེ་མང་དུ་འགྲོ་བཞིན་ཡོད། སའི་གོ་ལ་ཧྲིལ་བོའ་ི ལོ་རེའི་གད་སྙིགས་ཏུན་དུང་ཕྱུར་༡༠༠གསར་དུ་ ཇེ་མང་ལ་འགྲོ་བཞིན་ཡོད། གད་སྙིགས་འདི་དག་གི་ཁྲོད་དུ་༣ - ༥%ཉེ་བ་ཞིག་དུག་ལྡན་དང་གནོད་པ་ཡོད་པའི་སྙིགས་དངོས་ཡིན། དུག་ལྡན་ དང་གནོད་པ་ཡོད་པའི་སྙིགས་དངོས་འདི་དག་གིས་མིའི་རིགས་སམ་ཡང་ན་སྲོག་ཆགས་དང་རྩི་ཤིང་ཚང་མར་གནོད་འཚེ་སྐྱེལ་བ་དང་ཐ་ན་སྲོག་ གཅོད་པའང་ཡོད་པས་མིའི་རིགས་ཀྱི་སྤྱི་ཚོགས་ལ་འཇིགས་སྣང་ཚབས་ཆེན་སྐུལ་བཞིན་ཡོད། དུས་རབས་ཉི་ཤུ་བའི་ལོ་རབས་ལྔ་བཅུ་བ་ནི་དུག་ ལྡན་རྫས་འགྱུར་དངོས་པོས་ཐེངས་དང་པོར་གནོད་པ་ཚབས་ཆེན་བཏང་བའི་རྒྱལ་སྤྱི་རང་བཞིན་གྱི་ཆག་སྒོ་ཆེན་པོ་བྱུང་བའི་ལོ་ཞིག་རེད། སྐབས་ དེར་ཉི་ཧོང་ཧྲེའེ་བུའུ་རྫོང་གི་མི་མང་བོ་ཞིག་ལ་སྲིད་ན་མཐོང་དཀའ་བའི་ནད་ཅིག་བྱུང་བ་དང་སྲོག་ཆགས་འགའ་ཞིག་ཀྱང་དེ་ལས་མ་འདས། དཔེར་ན་བྱི་ལ་སྨྱོན་པ་ཆུར་མཆོངས་པའི་མཚར་སྣང་བྱུང་བ། དེར་ཞིབ་འཇུག་བྱས་པའི་མཇུག་འབྲས་ནི་གནས་དེའི་མི་རྣམས་ལ་དངུལ་ཆུའི་དུག་ ཕོག་པའི་ནད་བྱུང་བ་རེད། རྒྱུ་མཚན་ནི་གནས་དེའི་དངུལ་ཆུ་བཟོ་ལས་ཀྱི་སྙིགས་ཆུ་གཙང་བོ་རུ་འཕོ་རྗེས་གཙང་བོར་འཚོ་བའི་ཉའི་རིགས་ཀྱི་ལུས་ སུ་དུག་ལྡན་དང་གནོད་པ་ཡོད་པའི་དངུལ་ཆུའི་ནད་ཕོག མི་རྣམས་ཀྱིས་དུག་ལྡན་ཉ་དེ་ཟོས་རྗེས་དངུལ་ཆུའི་དུག་དེ་མིའི་རིགས་ལ་འགོས་བས་ཡ་ མཚན་ཅན་གྱི་ཧྲེའེ་བུའུ་ནད་དེ་བྱུང་བ་རེད། ཉི་ཧོང་དུ་ད་དུང་རུས་རྐང་ན་བའི་ནད་ཅིག་ཀྱང་བྱུང་བ་དེས་ནད་པར་ན་ཟུག་དྲག་པོ་བཟོད་དཀའ་བ་ ལངས་ནས་འཆི་བ་སོགས་བྱུང་ཡོད། (༥) རྒྱ་མཚོ་འབག་བཙོག་ཏུ་བཏང་བ།

རྒྱ་མཚོས་སའི་གོ་ལ་ཧྲིལ་བོའ་ི ཁྱོན་གྱི་ ༧༡%ཟིན་པ་དང༌། རྒྱ་མཚོའི་ཆུ་ཡིས་འཛམ་གླིང་ཆུའི་ཐོན་ཁུངས་ཀྱི་༩༧%ཟིན་ཡོད། འཛམ་གླིང་ཡོངས་ཀྱི་མི་ གྲངས་ ༦༠%ལྷག་རྒྱ་མཚོ་དང་བར་ཐག་ ༦༠ km ཡོད་པའི་ནང་རོལ་དུ་འཚོ་བཞིན་ཡོད། རྒྱ་མཚོ་ཆེན་པོར་གཏེར་དངོས་ཐོན་ཁུངས་དང༌། སྐྱེ་དངོས་ ཐོན་ཁུངས། རྫས་འགྱུར་ཐོན་ཁུངས།སྒུལ་ཤུགས་ཐོན་ཁུངས།མཚོ་ཆུའི་ཐོན་ཁུངས་སོགས་ཡོད། རྒྱ་མཚོའི་སྐྱེ་དངོས་ཀྱིས་བཟའ་ཆས་ལ་མཁོ་སྤྲོད་བྱེད་ པའི་ནུས་པ་ནི་སྐམ་སའི་སྐྱེ་དངོས་དང་བསྡུར་ན་ལྡབ་སྟོང་ཕྲག་གིས་མཐོ། རྒྱ་མཚོའི་སྐྱེ་དངོས་ཀྱིས་མཁོ་སྤྲོད་བྱེད་བཞིན་པའི་བཟོ་ལས་རྒྱུ་ཆ་དང་ སྨན་གྱི་རིགས་ལ་དཔལ་འབྱོར་རིན་ཐང་ཆེན་པོ་ཡོད། རྒྱ་མཚོ་འབག་བཙོག་ཏུ་གཏོང་བ་ནི་གཙོ་བོ་སྐམ་སའི་སྙིགས་རོ་དང་འབག་བཙོག་དངོས་པོ་རྒྱ་མཚོར་ཞུགས་པ་ལས་བྱུང་བ་ཞིག་རེད། མཚོ་ཐོག་ གི་ཐོན་སྐྱེད་བྱེད་སྒོ་སྟེ་དཔེར་ན་རྡོ་སྣུམ་སྔོག་འདོན་བྱེད་པ་དང་གྲུ་གཟིངས་བསྐྱོད་པ་སོགས་ཀྱིས་རྒྱ་མཚོ་ཆེན་པོར་ཐད་ཀར་སྙིགས་རོ་ཞུགས་པ་ རེད། རྒྱ་མཚོ་ཆེན་པོ་འབག་བཙོག་ཏུ་གཏོང་བར་གནོད་པ་ཆེ་ཤོས་ནི་རྡོ་སྣུམ་དང་སྐྱེས་ལྡན་བཅུད་རྫས་ཚྭ་དང་ལྕི་བའི་ལྕགས་རིགས་དག་ཡིན། རྒྱ་ མཚོ་ཆེན་པོར་སྙིགས་རོ་དང་འབག་བཙོག་དངོས་པོ་ཞུགས་པ་དེས། རྒྱ་མཚོ་ཆེན་པོའ་ི སྐྱེ་ཁམས་མ་ལག་དང་ལྷག་པར་དུ་རྒྱ་མཚོའི་སྲོག་ཆགས་ལ་ འཇིགས་སྣང་ཆེན་པོ་སྐུལ་བཞིན་ཡོད། བཟོ་ལས་སྙིགས་རོས་བྱང་གི་རྒྱ་མཚོ་ཆེན་པོའ་ི མཚོ་གཟིག་སྟོང་ཕྲག་དུ་མའི་ཚེ་སྲོག་ལ་གནོད་པ་བཏང་བ་ དང༌། སྲོག་ཤོར་བའི་མཚོ༌གཟིག་དེ་དག་གི་ཁོག་པའི་ནང་དུ་དངུལ་ཆུའི་འདུས་ཚད་རྒྱུན་ལྡན་ལས་ལྡབ་ ༦༠༠ལྷག་གིས་མཐོ། རྒྱལ་ཁབ་མང་བོ་ཞིག་ གི་མཚོ་རྒྱུད་ཁུལ་གྱི་ཉ་དང་འགྲོན་བུའི་རིགས་ལ་ལྕི་བའི་ལྕགས་རིགས་དང་ཞིང་སྨན། ཡང་ན་དུག་ལྡན་དངོས་པོས་འབག་བཙོག་ཐེབས་ནས་ཟ་མི་ ཆོག་པ་བཟོས་ཡོད།

སྣུམ་གྱི་འབག་བཙོག་གིས་རྒྱ་མཚོའི་སྐྱེ་ཁམས་ལ་གཏོར་བརླག་ཚབས་ཆེན་བཟོས་པ་ཡིན། སྣུམ་རྒྱ་མཚོ་ཆེན་པོའ་ི ངོས་སུ་གཡེང་བས་མཚོ་ངོས་སུ་ གཡེང་ཞིང་འཕྱོ་བའི་སྐྱེ་དངོས་དག་གི་སྲོག་འཕྲོག་པའམ་ཡང་ན་གནོད་འཚེ་ཚབས་ཆེན་ཕོག་ནས་རྒྱ་མཚོ་ཆེན་པོའ་ི སྐྱེ་དངོས་ཕྲེང་བར་གཏོར་ བརླག་ཐེབས། ནང་སྒོས་སུ་རུས་ལྐོགས་ཅན་གྱི་སྲོག་ཆགས་ཀྱི་རིགས་དང་མཚོ་ཞབས་ཀྱི་སྐྱེ་དངོས་སྐོར་ཞིག་ལ་སྣུམ་གྱི་འབག་བཙོག་གིས་གནོད་པ་ ཐེབས་སླ་བས་སྣུམ་གྱི་འདུས་ཚད་བརྒྱ་ཆའི་ཁ་ཤས་ལས་མེད་པའི་སྣུམ་གྱིས་ཀྱང་སྐྱེ་དངོས་འདི་དག་གི་སྲོག་འཕྲོག་ཐུབ། འོ་འཐུང་སྲོག་ཆགས་དང་ བྱའི་རིགས་ནི་སྣུམ་གྱི་འབག་བཙོག་ཅུང་ཙམ་གྱིས་ཀྱང་གནོད་པར་འགྱུར་བའི་སྲོག་ཆགས་ཡིན། འཛམ་གླིང་སྟེང་དུ་ཐེངས་མང་པོར་སྣུམ་ཤོར་བས་ མཚོ་བྱ་དང་འོ་འཐུང་སྲོག་ཆགས་མང་པོའ་ི སྲོག་ཤོར་བའི་དོན་རྐྱེན་བྱུང་མྱོང༌། (༦) ཆར་བ་སྐྱུར་མོའ་ི འབབ་རྒྱུན་བསྲིངས་པ།

གཤེར་གཟུགས་སྐྱུར་གཤིས་ཀྱི་ཚད་ནི་ pH གྲངས་ཐང་གིས་འཇལ་བ་དང་ pH ཡི་གྲངས་ཐང་ཇི་ལྟར་ཆུང་ན་སྐྱུར་གཤིས་དེ་ལྟར་ཆེ། སྤྱིར་བཏང་ གི་ཆར་ཆུ་ལའང་སྐྱུར་གཤིས་ཅུང་འདྲེས་མོད། འོན་ཀྱང་རྒྱུན་ལྡན་གྱི་ཆར་ཆུའི་གྲངས་ཐང་སྤྱིར་བཏང་དུ་ ༥.༦ ལས་ཆེ་བ་ཡིན། བཟའ་བྱའི་སྐྱུར་ རིགས་ཀྱི་ pH གྲངས་ཐང་ནི་སྤྱིར་བཏང་དུ་༤.༠ཡིན། pHགྲངས་ཐང་ ༥.༦ ལས་དམའ་བའི་ཁ་ཆར་རམ་ཡང་ན་རྣམ་པ་གཞན་གྱི་རླུང་ཁམས་ཆེན་ པོའ་ི ཆར་ཆུ་འབབ་པའི་གནམ་གཤིས་ནི་ཆར་བ་སྐྱུར་མོ་ལ་ངོས་འཛིན་གྱིན་ཡོད། ཆར་བ་སྐྱུར་མོའ་ི ཁྲོད་དུ་ཟི་སྐྱུར་དང་ཟེ་སྐྱུར་འདུས་ཡོད་ཅིང༌། དེ་ ནི་གཙོ་བོ་རྡོ་སོལ་དང་རྡོ་སྣུམ་འབར་བའི་བརྒྱུད་རིམ་ཁྲོད་ཀྱི་དུ་བ་མཁའ་དབུགས་ཁྲོད་བཏང་བ་དབྱང་གཉིས་ཟི་སྐྱུར་དང་ཏན་དབྱང་འགྱུར་རྫས་ སོགས་དང་འཕོ་འགྱུར་བྱུང་བ་ལས་གྲུབ་པ་ཡིན། ཆར་བ་སྐྱུར་མོ་དེ་ཆུ་བོ་དང་རྫིང་ངོགས་སུ་བབས་ཚེ་ཆུ་ནང་གི་ཉ་རིགས་ཁྱུ་དང་ཁྱུ་བྱས་ནས་ཤི་

འགྲོ། རྩི་ཤིང་གི་རིགས་ལ་ཆར་བ་སྐྱུར་མོ་བབས་ཚེ་སྐམ་པར་འགྱུར་བ་དང༌། ཁང་བ་སོགས་ཨར་ལས་དངོས་པོའ་ི སྟེང་ལ་བབས་ཚེ་ཨར་ལས་རྒྱུ་ཆ་ ཞིག་རུལ་དུ་འགྲོ་བ་ཡིན། ཆར་བ་སྐྱུར་མོའ་ི རུལ་སུངས་དབང་གིས་ཀྲི་ལེས་རྒྱལ་ཁབ་ཀྱི་འདས་ལོག་དུས་ཆེན་ཞེས་པའི་གླིང་ཕྲན་སྟེང་གི་རྡོ་སྐུ་དག་ རུལ་སུངས་དང་འཐོར་ཞིག་ཏུ་འགྱུར་བའི་ཉེན་ཁ་ལྷགས་ཡོད། ཆར་བ་སྐྱུར་མོས་ཨར་ལས་རྒྱུ་ཆ་འཐོར་ཤིག་ཏུ་བཏང་བའི་རྐྱེན་གྱིས་ཨ་མེ་རི་ཁས་ལོ་ རེར་གནའ་ཤུལ་ཞིག་གསོ་ཕྱོགས་ལ་ཨ་སྒོར་དུང་ཕྱུར་ ༥༠ ལྷག་གཏོང་བཞིན་ཡོད།

ཆར་བ་སྐྱུར་མོ་ཚོད་འཛིན་བྱེད་པའི་རྩ་བའི་བྱེད་ཐབས་ནི་མཁའ་དབུགས་ཁྲོད་ཀྱི་དབྱང་གཉིས་ཟི་སྐྱུར་དང་ཏན་དབྱང་འགྱུར་རྫས་ཇེ་ཉུང་དུ་གཏོང་ རྒྱུ་དེ་ཡིན། དེ་བས་རྡོ་སོལ་འབར་རྫས་བྱེད་པའི་བཟོ་གྲྭ་དང་ཁེ་ལས་དག་གིས་ཟི་གཏོར་རྡུལ་འཇོམས་སྒྲིག་ཆས་བཀོལ་སྤྱོད་དགོས་པ་ལས་གཞན་ རླངས་འཁོར་སྟེང་ལའང་ཕྱིར་གཏོང་དབུགས་གཟུགས་གཙང་བཟོ་བྱེད་པའི་སྒྲིག་ཆས་བཀོལ་སྤྱོད་བྱེད་དགོས་སོ།། ས་བཅད་གསུམ་པ། འཛམ་གླིང་ཚོགས་པ་སོས་སྐྱེ་ཁམས་རིག་པ་དར་སྤེལ་གནང་ཚུལ་མདོ་ཙམ་གླེང་བ།

༄༅། །དུས་རབས་ཉི་ཤུ་བའི་ལོ་རབས་བཞི་བཅུའི་ནང་ཨ་མེ་རུ་ཁའི་དངོས་རིག་སྨྲ་པ་ཀླུ་མཆོག་མཁར་ཟིན་དང་མོའ་ི ལས་གྲོགས་ཁ་ཤས་ནས་སྲིད་ གཞུང་གིས་འབུ་གསོད་སྨན་གསར་ DDT བག་མེད་སྤྱོད་པ་ལ་སྒྲོག་གཏམ་སྤེལ། སྤྱི་ལོ་༡༩༥༥ནས་བཟུང་མོས་ལོ་ངོ་བཞིའི་རིང་ལ་འབུ་གསོད་རྫས་ འགྱུར་སྨན་གསར་ནས་སྐྱེ་ཁམས་ཁོར་ཡུག་ལ་ཐེབས་པའི་གནོད་སྐྱོན་ཞིབ་འཇུག་སྒོས་༼ལྷིང་འཇགས་ཀྱི་དཔྱིད་ཀ་༽ ཞེས་པའི་དཔེ་དེབ་པར་ སྐྲུན་འགྲེམས་སྤེལ་བྱས་པས་མི་རྣམས་གཉིད་ལས་སད་པ་ལྟར་འབག་བཙོག་དང་སྤྱི་དགྲར་ངོ་རྒོལ་གྱིས་ཁོར་ཡུག་སྲུང་སྐྱོབ་ཀྱི་བྱ་འགུལ་སྤེལ། སྤྱི་ ལོ་༡༩༧༠ ལོའ་ི ཟླ་༤ཚེས་༢༢ཉིན། ཨ་རིའི་སློབ་གྲྭ་ཆུང་འབྲིང་ཁྲི་གཅིག་དང་མཐོ་རིམ་སློབ་གྲྭ་ཉིན་སྟོང་། རྒྱལ་ཡོངས་ཀྱི་ཚོགས་པ་ཆེན་པོ་ཚང་མ་ བསྡོམས་འབོར་མི་གྲངས་ཁྲི་ཉིས་སྟོང་ལྷག་རྒྱལ་ཚོགས་ཀྱི་མི་སྣ་དང་སྤྱི ཚོགས་སྟེང་གི་མི་སྣ་གྲགས་ཅན། ཁོར་ཡུག་སྲུང་སྐྱོབ་བྱ་བ་བྱེད་མཁན་ བཅས་ཀྱི་སྣེ་ཁྲིད་འོག་གཞི་རྒྱ་ཆེ་བའི་སྐོང་འཚོགས་དང་ཁྲོམ་སྐོར་གྱི་དྲིལ་བསྒྲགས་བྱ་འགུལ་སྤེལ་ཏེ་སྲིད་གཞུང་ལ་ཁོར་ཡུག་སྲུང་སྐྱོབ་ཀྱི་རེ་བ་ ནན་མོར་བཏོན་པ་དང་། དུས་ཡུན་ཐུང་ངུའི་ནང་འཛམ་གླིང་ཡོངས་ནས་རྒྱབ་སྐྱོར་གྱིས་ངོ་རྒོལ་ཤུགས་ཆེར་བཏང་། དེ་བས་ཟླ་༤བའི་ཚེས་༢༢ཉིན་ནི་ འཛམ་གླིང་ཁོར་ཡུག་སྲུང་སྐྱོབ་ལོ་རྒྱུས་སྟེང་གལ་ཆེ་བའི་ཉིན་མོ་ཞིག་ཡིན་པས་སའི་གོ་ལའི་ཉིན་མོར་གཏན་འཁེལ་མཛད།

ཐེངས་དང་པོའ་ི སའི་གོ་ལའི་ཉིན་མོའ་ི བྱ་འགུལ་སྤེལ་བས་ཨ་རི་གཙོས་འཛམ་གླིང་ཁོར་ཡུག་སྲུང་སྐྱོབ་བྱ་གཞག་ལ་སྐུལ་འདེད་དང་དར་སྤེལ་ གྱི་གྲུབ་འབྲས་ཆེན་པོ་ཐོབ། ལོ་དེའི་གའི་རྗེས་སུ་ཨ་རིའི་རྒྱལ་ཚོགས་ནས་སྔ་རྗེས་སུ་ཁོར་ཡུག་སྲུང་སྐྱོབ་ཐད་ཀྱི་ཁྲིམས་ཡིག་ཉེར་བརྒྱད་བཟོས་ཏེ་ ༡༩༦༣ལོར་རྒྱལ་ཁབ་ཁོར་ཡུག་སྲུང་སྐྱོབ་ཅུས་བཙུགས། འཛམ་གླིང་ཡོངས་སུ་སའི་གོ་ལའི་ཉིན་མོའ་ི བྱ་འགུལ་སྤེལ་བས་སྤྱི་ལོ་༡༩༦༢ལོར་མཉམ་ འབྲེལ་རྒྱལ་ཚོགས་ནས་ཐེངས་དང་པོའ་ི འགྲོ་བ་མིའི་རིགས་ཀྱི་ཁོར་ཡུག་སྲུང་སྐྱོབ་ཚོགས་འདུ་ཐེངས་དང་པོ་སུའུ་ཏེན་གྱི་རྒྱལ་ས་སི་ཐོག་ཁོར་མོ་ རུ་བསྡུས་ཤིང་རྒྱལ་ཁབ་༡༡༢ཚོགས་འདུར་ཞུགས། ཚོགས་འདུའི་སྟེང་སའི་གོ་ལ་གཅིག་ལས་མེད་ཅེས་པའི་དངངས་སྐྲག་ཅན་གྱི་ཐ་ཚིག་བསྒྲགས། ༼འགྲོ་བ་མིའི་ཁོར་ཡུག་བསྒྲགས་གཏམ་༽སྤེལ་ཅིང་༼བསྒྲགས་གཏམ་༽ལས་ཐུན་མོང་གི་ལྟ་ཚུལ་བདུན་དང་ཐུན་མོང་གི་རྩ་འཛིན་ཉེར་དྲུག་བཏོན་ ཏེ་འཛམ་གླིང་མི་དམངས་ཡོངས་ལ་ཁོར་ཡུག་སྲུང་སྐྱོབ་དང་ཡག་བཅོས་ཐད་རང་ནུས་ཡོད་རྒུ་འདོན་པར་སྣེ་ཁྲིད་དང་སྐུལ་འདེད་བྱས། ༼འགྲོ་བ་ མིའི་ཁོར་ཡུག་བསྒྲགས་གཏམ་༽ལས་འགྲོ་བ་མིའི་རིགས་ལ་ཁོར་ཡུག་སྲུང་སྐྱོབ་ཐད་ཀྱི་ཁེ་དབང་དང་འགན་ཁུར་གཏན་འཁེལ་བྱས། དེ་མིན་ཁོར་ ཡུག་ཡག་བཅོས་དང་སྲུང་སྐྱོབ་བྱ་རྒྱུ་ནི་མི་རབས་འདི་དང་མ་འོངས་པའི་མི་རབས་ཚ་རྒྱུད་ཀྱི་ཆེད་དུ་འགྲོ་བ་མིའི་རིགས་ལ་ལྷག་པའི་རྔམས་ཅན་གྱི་ དམིགས་འབེན་རེད་ཅེས་དང་། འདི་ནི་ཞི་བདེ་བརྩོན་ལེན་དང་འཛམ་གླིང་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་གཉིས་ཀའི་གཞི་རྩའི་ དམིགས་འབེན་ཡིན་པས་འཛམ་གླིང་ཡོངས་ཀྱི་ཐུན་མོང་གི་དམིགས་འབེན་དུ་གཏན་འཁེལ་བྱས་པ་ཡིན། ཡང་རྒྱལ་ཁབ་སོ་སོའ་ི སྲིད་གཞུང་དང་ མི་དམངས་ནས་འགྲོ་བ་མིའི་རིགས་ཀྱི་ཁོར་ཡུག་ཡག་བཅོས་དང་སྲུང་སྐྱོབ་བྱས་ཏེ་དམངས་ཡོངས་དང་མི་རབས་ཚ་རྒྱུད་ལ་བདེ་སྐྱིད་བསྐྲུན་ཆེད་ འབད་བརྩོན་གྱིས་ཞེས་པའི་འབོད་སྐུལ་བཏང་། ཚོགས་འདུའི་སྟེང་ཚོགས་མགོ་རྩོམ་པའི་ཉིན་མོ་འདི་འཛམ་གླིང་ཁོར་ཡུག་ཉིན་མོར་གཏན་འབེབས་ དགོས་པའི་བསམ་ཚུལ་བཏོན་པ། ལོ་དེའི་ཟླ་བཅུ་བའི་ནང་སྐབས་ཉེར་བདུན་པའི་མཉམ་འབྲེལ་རྒྱལ་ཚོགས་ཀྱི་ཚོགས་འདུའི་སྟེང་ལོ་རེའི་ཟླ་༦པའི་ ཚེས་༥ཉིན་ནི་འཛམ་གླིང་ཁོར་ཡུག་དྲུན་སྐུལ་གྱི་ཉིན་མོར་གཏན་འཁེལ་བྱས། དེའི་ཕྱིར་འཛམ་གླིང་རྒྱལ་ཁབ་སོ་སོའ་ི མི་དམངས་ཡོངས་ནས་ཉིན་མོ་ འདི་ལ་རྗེས་དྲན་གྱིས་འགྲོ་བ་མིའི་འཚོ་རྟེན་དུ་གྱུར་པའི་ཁོར་ཡུག་གནས་བབ་དང་། མིའི་རིགས་ཀྱི་བྱ་འགུལ་གྱིས་ཁོར་ཡུག་ལ་ཐེབས་པའི་གནོད་ སྐྱོན་དྲིལ་བསྒྲགས་སྒོས་ཁོར་ཡུག་ཡག་བཅོས་དང་སྲུང་སྐྱོབ་ཐད་ཀྱི་བྱ་འགུལ་རབས་དང་རིམ་པ་སྤེལ་བཞིན་མཆིས། གོང་གསལ་གྱི་ཁོར་ཡུག་སྲུང་སྐྱོབ་ཐད་ཀྱི་གལ་ཆེའི་རྗེས་དྲན་ཉིན་མོ་གཉིས་ལས་གཞན་འཛམ་གླིང་རང་བཞིན་གྱི་ཁོར་ཡུག་སྲུང་སྐྱོབ་ཐད་ཀྱི་ཉིན་ མོ་གཤམ་གསལ་ལྟར། སྤྱི་ཟླ་༢པའི་ཚེས་༢ཉིན་ནི་འཛམ་གླིང་བརླན་སའི་ཉི་མོ། སྤྱི་ཟླ་༣པའི་ཚེས་༢༢ཉིན་ནི་འཛམ་གླིང་འཐུང་ཆུའི་ཉིན་མོ། སྤྱི་ཟླ་ ༣པའི་ཚེས་༢༣ཉིན་ནི་འཛམ་གླིང་གནམ་གཤིས་ཉིན་མོ། སྤྱི་ཟླ་༤པའི་ཚེས་༢༢ནི་འཛམ་གླིང་སའི་གོ་ལའི་ཉིན་མོ། སྤྱི་ཟླ་༥བའི་ཚེས་༡༧ཉིན་མི་འཛམ་ གླིང་སྦྲགས་ཟམ་ཉིན་མོ། སྤྱི་ཟླ་༥བའི་ཚེས་༣༡ཉིན་ནི་འཛམ་གླིང་དུ་མེད་ཉིན་མོ། སྤྱི་ཟླ་༦པའི་ཚེས་༥ཉིན་ནི་འཛམ་གླིང་ཁོར་ཡུག་ཉིན་མོ། སྤྱི་ཟླ་ ༦པའི་ཚེས་༡༦ཉིན་ནི་རྒྱལ་སྤྱིའི་དུག་འགོག་ཉིན་མོ། སྤྱི་ཟླ་༦པའི་ཚེས་༡༧ཉིན་ནི་འཛམ་གླིང་ས་རྒོད་ཅན་དང་ཐན་སྐམ་སྔོན་འགོག་ཉིན་མོ། སྤྱི་ཟླ་ ༧པའི་ཚེས་༡༡ཉིན་ནི་འཛམ་གླིང་མི་གྲངས་ཉིན་མོ། སྤྱི་ཟླ་༩བའི་ཚེས་༢༧ཉིན་ནི་རྒྱལ་སྤྱིའི་དྲི་ངན་དབྱང་རླུང་སྲུང་སྐྱོབ་ཉིན་མོ། སྤྱི་ཟླ་༡༠བའི་ཚེས་ ༡༦ཉིན་ནི་འཛམ་གླིང་འབྲུ་རིགས་ཉིན་མོ། སྤྱི་ཟླ་༡༢བའི་ཚེས་༢༩ཉིན་རྒྱལ་སྤྱིའི་སྐྱེ་དངོས་རིགས་མང་རང་བཞིན་ཅན་གྱི་ཉིན་མོ་བཅས་ཡིན་ནོ། གཞན་ཡང་འཛམ་གླིང་གི་སྲིད་གཞུང་མ་ཡིན་པའི་རྩ་འཛུགས་དང་ཚོགས་པ་མང་པོ་ཞིག་ནས་ཁོར་ཡུག་སྲུང་སྐྱོབ་ཐད་དོ་སྣང་བྱེད་བཞིན་ཡོད་པ་ ལས་གཞི་རྒྱ་ཆེས་ཆེ་ཞིང་ཉམས་མྱོང་ཆེས་ཕྱུག་པ། སྐད་གྲགས་ཆེས་ཆེ་བའི་རང་བྱུང་ཁོར་ཡུག་སྲུང་སྐྱོབ་རྩ་འཛུགས་ནི་འཛམ་གླིང་རང་བྱུང་ཐེབས་ རྩ་ཚོགས་པ་ཡིན། World wide fund for Nature བསྡུས་མིང་ WWF ཞེས་བྱ། དེའི་དམིགས་ཡུལ་ནི་མིའི་རིགས་ཀྱིས་ས་གཞི་ལ་གནོད་པ་

བཀག་འགོག་སྒོས་མིའི་རིགས་དང་རང་བྱུང་གཉིས་མཉམ་གནས་འཆམ་མཐུན་གྱི་མ་འོངས་པ་ཞིག་གསར་བཟོ་བྱ་རྒྱུ་དེ་ཡིན། དེ་བས་ན། ཚང་མས་ འབད་བརྩོན་སྒོས་འཛམ་གླིང་ཡོངས་ཀྱི་སྐྱེ་དངོས་ཀྱི་སྣ་མང་རང་བཞིན་ལ་སྲུང་སྐྱོབ་དང་། སླར་སྐྱེས་ཆོག་པའི་ཐོན་ཁུངས་ཀྱི་རྒྱུན་སྲིང་ཆོག་པའི་ བཀོལ་སྤྱོད་ལ་ཁག་ཐེག ཁོར་ཡུག་བཙོག་བཟོ་དང་ཆུད་ཟོས་ཅན་གྱི་མཛད་སྤྱོད་ཇེ་ཉུང་དུ་གཏོང་བར་སྐུལ་འདེད་བྱེད་དགོས། རྩ་འཛུགས་འདིའི་ ཚོགས་རྟགས་ནི་མི་ཀུན་ལ་ཆ་རྒྱུས་ཡོད་པའི་ཀྲུང་གོའ་ི ཁྱད་ཡོད་ཀྱི་དོམ་ཁྲའི་གཟུགས་རིས་ཤིག་ཡིན།

ཐེབས་རྩ་ཚོགས་པ་འདི་ནི་སྤྱི་ལོ་ ༡༩༦༡ ལོར་གསར་དུ་བཙུགས་ཤིང་། དེ་ནི་ཐོག་མར་ཚན་རིག་པ་དང་། ཁེ་ལས་པ། དངུལ་གཉེར་བ་འགའ་ཤས་ དང་སྐྱེ་དངོས་སྲུང་སྐྱོབ་ལ་སྙིང་ནས་འཇུག་པའི་ཚོགས་པ་འགའ་ཤས་ཀྱིས་མཉམ་དུ་གསར་འཛུགས་བྱས་པའི་འཛམ་གླིང་རི་སྐྱེས་སྐྱེ་དངོས་ཀྱི་ ཐེབས་རྩ་ཚོགས་པ་ཞིག་ཡིན་ལ། སྤྱིའི་ལས་ཁུངས་རོས་ཧྲི་རྒྱལ་ཁབ་ཏུ་བཙུགས་ཡོད། བྱ་བའི་ཁྱབ་ཁོངས་ཀྱི་འཕེལ་རྒྱས་དབང་གིས་སྤྱི་ལོ་༡༩༨༨ལོར་ ཐེབས་རྩ་ཚོགས་པའི་མིང་བརྗེ་སྟེ་འཛམ་གླིང་རང་བྱུང་ཐེབས་རྩ་ཚོགས་པ་ཞེས་པར་བཏགས།

ཐེབས་རྩ་ཚོགས་པ་འདི་གསར་དུ་བཙུགས་པ་ནས་བཟུང་། དེས་རྒྱལ་ཁབ་དང་ས་ཁུལ་༡༣༠ལྷག་ལ་རོགས་སྐྱོ་གནང་བའི་ལས་འགུལ་༥༠༠༠ལྷག་སྤེལ་ བར་མ་ཟད་གྲུབ་འབྲས་ཀྱང་གཡུར་དུ་ཟ་བ་བླངས་ཡོད། དེ་ཡང་དཔེར་ན། སྟག་ལ་སྲུང་སྐྱོབ་བྱེད་པའི་སྤྱིའི་ལས་འགུལ། བསེ་རུ་ལ་སྲུང་སྐྱོབ་བྱེད་ པའི་ལས་འགུལ། དོམ་ཁྲར་སྲུང་སྐྱོབ་བྱེད་པའི་ཞིབ་འཇུག་འཆར་གཞི། ས་བརླན་སྐྱོབ་པའི་ལས་འགུལ་དང་འཛམ་གླིང་ལ་གནང་བའི་ལེགས་སྐྱེས་ ཞེས་པའི་ལས་འགུལ་སོགས་སོ། ཐེབས་རྩ་ཚོགས་པ་འདིས་རང་བྱུང་སྐྱེ་ཁམས་ལ་སྲུང་སྐྱོབ་དང་སླར་གསོ་བྱེད་པའི་ལས་འགུལ་སྤེལ་བ་དང་དུས་ མཚུངས་སུ། དོ་གལ་ཆེན་པོས་རྒྱལ་སྤྱིའི་སྤྱི་ཆིས་དང་། ཁྲིམས་འཛུགས། གསོ་སྦྱོང་། སློབ་གསོ་བཅས་ཀྱི་བྱ་བ་ལའང་ཞུགས་ནས་གྲུབ་འབྲས་འབུར་ དུ་ཐོན་པ་བླངས་ཡོད། ༡༩༨༦ ལོར་ཐེབས་རྩ་ཚོགས་པས་དབྱི་ཐ་ལིའི་རྒྱལ་ཁབ་ཏུ་ལས་འགན་དང་འོས་འགན་ཞེས་པའི་རང་བྱུང་སྲུང་སྐྱོབ་ཚོགས་ འདུ་ཞིག་བསྡུས་པ་དང་། དེའི་དམིགས་ཡུལ་ནི་འཛམ་བུ་གླིང་པ་ཀུན་ལ་སྐུལ་སློང་གིས་རི་སྐྱེས་སྐྱེ་དངོས་ལ་ལ་སྲུང་སྐྱོབ་བྱེད་པའི་བྱ་འགུལ་ཁྲོད་ དུ་ཞུགས་རྒྱུ་དེ་ཡིན། ཚོགས་འདུ་དེར་སངས་རྒྱས་ཆོས་ལུགས་དང་། ཡེ་ཤེས་ཆོས་ལུགས། རྒྱ་གར་ཆོས་ལུགས། ཁ་ཆེའི་ཆོས་ལུགས། ཡིག་ཐེའུ་ཆོས་ ལུགས་བཅས་ཆོས་ལུགས་རྩ་འཛུགས་ལྔའི་འཐུས་མི་གདན་དྲངས་ཡོད། ཚོགས་འདུའི་ནང་དོན་ལྟར་ན་ཆོས་ལུགས་རྩ་འཛུགས་ནི་༼འཛམ་གླིང་ རང་བྱུང་ཐོན་ཁུངས་ཀྱི་སྲུང་སྐྱོབ་གལ་གནད་༽ཞེས་པའི་མངོན་འགྱུར་བྱེད་པའི་རྒྱབ་སྐྱོབ་བ་ཞིག་ཡིན་པར་མ་ཟད། རང་བྱུང་སྲུང་སྐྱོབ་བྱ་གཞག་ གོང་དུ་སྤེལ་བར་ནུས་པ་ཆེན་པོ་དང་ལྡན་པ་ཡིན་ཞེས་བསྟན་ཡོད། ཚོགས་འདུའི་རྗེས་སུ། ཆོས་ལུགས་རྩ་འཛུགས་ལྔའི་འགོ་ཁྲིད་པས་༼ཆོས་ལུགས་ ཀྱིས་རང་བྱུང་སྲུང་བའི་བསྒྲགས་གཏམ་༽ཞེས་པ་ཞིག་སྤེལ་བ་དང་། ལས་འགུལ་འདིས་ཆོས་ལུགས་དང་རང་བྱུང་གི་སྲུང་སྐྱོབ་འབྲེལ་བ་ཚགས་ཇེ་ དམ་དུ་བཏང་ཡོད། ལོ་ངོ་བཞི་བཅུ་ལྷག་གི་མུ་མཐུད་འཕེལ་རྒྱས་དང་རྒྱ་བསྐྱེད་བརྒྱུད་ཐེབས་རྩ་ཚོགས་པ་ནི་འཛམ་གླིང་སྟེང་གཞི་རྒྱ་ཆེས་ཆེ་ཞིང་ ཉམས་མྱོང་ཆེས་ཕྱུག་པའི་རྩ་འཛུགས་ཤིག་ཏུ་གྱུར། ད་ལྟའི་བར་དུ་རང་བྱུང་སྲུང་སྐྱོབ་རྣམ་གྲངས་འདིར་རྒྱལ་ཁབ་བརྒྱ་ལྷག་གི་ལག་ཏུ་བསྟར་ཅིང་ འཛམ་གླིང་ཡོངས་ཀྱི་མི་གྲངས་ས་ཡ་ལྔ་ལྷག་གིས་རྒྱབ་སྐྱོར་བྱས། དུས་མཚུངས་སུ་འཛམ་གླིང་ཡོངས་ལ་སྔར་ལས་གཞི་རྒྱ་ཆེ་ཞིང་འཁོར་སྐྱོད་ནུས་པ་ སྔར་ལས་ལེགས་པའི་རྒྱལ་སྤྱིའི་སྲུང་སྐྱོབ་དྲ་རྒྱ་ཞིག་གསར་དུ་བཙུགས། དེའི་ཁྲོད་དུ་གླིང་ལྔར་ཁྱབ་པའི་ཚོགས་མི་༼ཡང་ན་རྒྱལ་ཁབ་༽རྩ་འཛུགས་ ༢༣འདུ་ལ། རྒྱལ་ཁབ་རིམ་པའི་ལས་ཁུངས་༤༠ལྷག་དེར་ཞུགས་ཡོད། ཀྲུང་གོར་གནས་བའི་WWFཐེབས་རྩ་ཚོགས་པས་སྤྱི་ལོ་༡༩༧༩ལོར་ཀྲུང་གོའ་ི དོམ་ཁྲར་སྲུང་སྐྱོབ་བྱེད་པའི་ཞིབ་འཇུག་བྱ་བ་ཞེས་པའི་ཐོག་མའི་མཉམ་འབྲེལ་རྣམ་གྲངས་སྤེལ་བ་དང་། དེའི་ཕྱི་ལོར་ཀྲུང་གོའ་ི རྣམ་གྲངས་ཞེས་ པ་གསར་དུ་བཙུགས། ༡༩༨༡ ལོར་དེས་ཀྲུང་གོའ་ི འབྲེལ་ཡོད་ལས་ཁུངས་དང་མཉམ་འབྲེལ་གྱིས་དོམ་ཁྲའི་ཞིབ་འཇུག་རྣམ་གྲངས་ཞེས་པའི་ལས་ འགུལ་སྤེལ་བས། ཀྲུང་གོའ་ི དོམ་ཁྲའི་སྲུང་སྐྱོབ་བྱ་བ་ལ་སྐུལ་སྤེལ་ཆེན་པོ་བྱུང་བར་མ་ཟད། དེའི་རོགས་སྐྱོར་ལ་བརྟེན་ནས་ཀྲུང་གོས་དོམ་ཁྲར་སྲུང་ སྐྱོབ་བྱེད་པའི་ཞིབ་འཇུག་ལྟེ་གནས་ཞེས་པ་ཞིག་གསར་དུ་བཙུགས། ༡༩༩༦ལོར། ཐེབས་རྩ་ཚོགས་པས་པེ་ཅིན་དུ་དོན་གཅོད་ལས་ཁུངས་དངོས་ སུ་བཙུགས་རྗེས། སྔ་རྗེས་སུ་ཧུའུ་ནན་དང་། ཟིན་ཁྲོན། ཡུན་ནན། ལྷ་ས། ཧུའུ་པེ་དང་ཧྲན་ཞི་བཅས་ཞིང་ཆེན་དྲུག་ཏུ་གཞུང་ལས་ཁང་བཙུགས་པ་ ཡིན། ལོ་ངོ་ཉི་ཤུ་ལྷག་གི་རིང་། ཀྲུང་གོའ་ི རྣམ་གྲངས་ཀྱིས་ཀྲུང་གོའ་ི སྲིད་གཞུང་ལས་ཁུངས་དང་ཞིབ་འཇུགན་ལས་ཁུངས། ཡང་ན་རྒྱལ་ཁབ་ཕྱི་ནང་ གི་སྲུང་སྐྱོབ་དང་འཕེལ་རྒྱས་ཀྱི་རྩ་འཛུགས་གཞན་པར་འབྲེལ་བ་དམ་པོར་བཟུང་ནས་མཉམ་འབྲེལ་ལས་གྲོགས་ཀྱི་འབྲེལ་བ་མང་པོ་གསར་དུ་ བཙུགས་པ་མ་ཟད། སྲུང་སྐྱོབ་དང་སློབ་གསོའ་ི བྱ་བ་སྣ་ཚོགས་སྤེལ། WWF ཡི་ཀྲུང་གོའ་ི རྣམ་གྲངས་གཞུང་ལས་ཁང་གིས་གཙོ་བོ་དངོས་རིགས་ སྲུང་སྐྱོབ། ནགས་ཚལ་སྲུང་སྐྱོབ་དང་དེའི་རྒྱུན་སྲིང་བཀོལ་སྤྱོད། ཚྭ་མེད་ཆུ་དང་མཚོའི་སྲུང་སྐྱོབ། གནམ་གཤིས་དང་ཐོན་ཁུངས་རྒྱུན་བསྲིངས་ཆོག་ པའི་འཕེལ་རྒྱས་སློབ་གསོ་བཅས་ཁྱབ་ཁོངས་ལྔའི་བྱ་བ་སྒྲུབ་ཀྱིན་ཡོད། WWF ཡི་ཀྲུང་གོའ་ི སློབ་གསོའ་ི རྣམ་གྲངས། རྒྱུན་སྲིང་ཆོག་པའི་འཕེལ་རྒྱས་སློབ་གསོ་ནི་སྔ་མོ་ནས་ཀྲུང་གོའ་ི སློབ་གསོའ་ི རྣམ་གྲངས་ཀྱི་རྩ་བའི་ གྲུབ་ཆ་གལ་ཆེན་ཞིག་ཡིན་ལ། དེ་ཉིད་ཀྲུང་གོའ་ི ལག་བསྟར་གོང་སྤེལ་གཏོང་ཆེད་ཐེབས་རྩ་ཚོགས་པས་སྤྱི་ལོ་༡༩༩༦ལོ་ནས་བཟུང་། ཀྲུང་གོའ་ི སློབ་ གསོའ་ི ལས་ཁུངས་བརྒྱུད་དེ་རྒྱལ་ཁབ་ཀྱི་ཁོར་ཡུག་སྲུང་སྐྱོབ་སྤྱི་ཁྱབ་ཅུའུ། རྒྱལ་ཁབ་ནགས་ལས་ཅུའུ། ལས་ཁུངས་ཁག་དང་མི་དམངས་ཚོགས་པར་ མཉམ་འབྲེལ་སྒོས་བར་མ་ཆད་པའི་བྱ་འགུལ་མང་པོ་སྤེལ། དེའི་ཁྲོད་ཀྱི་ཤམ་བྷ་ལའི་རྫོང་དང་འཇོལ་སྒང་གསུམ་ཁུལ་དུ་སྤེལ་བའི་རྒྱུན་སྲིང་ཆོག་ པའི་འཕེལ་རྒྱས་རྣམ་གྲངས་ནི་སློབ་གསོའ་ི རྣམ་གྲངས་ཀྱི་རྩ་བའི་གྲུབ་ཆ་ཡིན། ཡང་རྣམ་གྲངས་འདིའི་དམིགས་ཡུལ་གཙོ་བོ་ནི་སློབ་གསོ་དང་རང་ བྱུང་སྲུང་སྐྱོབ་ཀྱི་ལས་འགུལ་སྣ་ཚོགས་བརྒྱུད། སྲུང་སྐྱོབ་ཁུལ་མཐའ་འཁོར་གྱི་མི་སྒེར་དང་སྤྱིའི་ཚོགས་པ་རྣམས་རྣམ་གྲངས་འདིར་འཇུག་པའི་ནུས་ པ་མཐོར་འདེབས་བྱས་ཏེ་ས་ཁུལ་དེའི་རྒྱུན་སྲིང་ཆོག་པའི་འཕེལ་རྒྱས་ལ་སྐུལ་འདེད་གཏོང་བའི་ནུས་ཤུགས་ཆེན་པོ་ཞིག་ཏུ་འགྱུར་རྒྱུ་དེའ།ོ སྤྱི་ལོ་༡༩༩༦ནས་བཟུང་། ཐེབས་རྩ་ཚོགས་པས་ཡུན་ནན་བདེ་ཆེན་བོད་རིགས་རང་སྐྱོང་ཁུལ་དུ་དོན་གཅོད་ཁང་བཙུགས་ཏེ་འཇོལ་སྒང་གསུམ་ རང་བྱུང་སྲུང་སྐྱོབ་ཁུལ་ལ་རྒྱབ་སྐྱོར་གྱིས་དོན་འགྲུབ་གླིང་དགོན་པ་བརྒྱུད། ཆོས་ལུགས་མི་སྣ་བཀོལ་ནས་རང་བྱུང་སྲུང་སྐྱོབ་ཀྱི་ལས་འགུལ་སྤེལ། དེ་བས་རྣམ་གྲངས་འདིར་སྔར་ལས་ལྷག་པའི་འཕེལ་རྒྱས་ཆེན་པོ་བྱུང་། མིག་སྔར། WWF ཡི་སློབ་གསོའ་ི རྣམ་གྲངས་ཀྱིས་སྲུང་སྐྱོབ་ཀུལ་མཐའ་

སྐོར་གྱི་སྡེ་བ་བཞིར་རྒྱབ་སྐྱོར་བྱས་ཏེ་ས་ཁུལ་སློབ་སྦྱོང་ལྟེ་གནས་ཤིག་བཙུགས་པ་མ་ཟད། ལྟེ་བའི་རྩ་འཛུགས་བརྒྱུད་ཁུལ་དེའི་མི་དམངས་ཀྱིས་རི་ རྒྱ་ནགས་གསོ་དང་། སྔོ་འཛུགས་ནགས་སྐྲུན། ཕྱུགས་ཟོག་སྨན་པའི་གསོ་སྦྱོང་། ཀྲའོ་རླངས་དང་ཉི་འོད་ནུས་པ་མིག་དཔེར་སྟོན་པ་སོགས་བྱ་འགུལ་ མང་པོ་སྤེལ། དེའི་ཁྲོད་དུ་ཕྱུགས་ཟོག་སྨན་པའི་གསོ་སྦྱོང་གིས་མཐའ་འཁོར་གྱི་སྡེ་བ་༢༠ལྷག་ལ་ཕན་པ་ཆེན་པོ་བྱུང་། ས་ཁུལ་སློབ་གསོ་རྣམ་གྲངས་ ཀྱི་ནང་དོན་གཞན་ཞིག་ནི་ས་དེ་གའི་སྲིད་གཞུང་དང་ཆོས་ལུགས་ཁག་གི་མི་སྣའི་མཉམ་འབྲེལ་བརྒྱུད། ས་དེའི་ཕུལ་དུ་བྱུང་བའི་ས་གནས་རང་གི་ ཤེས་བྱ་དང་མི་རིགས་རིག་གནས་ཀྱི་སྲོལ་རྒྱུན་དེ་སྔོག་འདོན་དང་དག་སྒྲིག་བྱས་ཏེ་ཁུལ་དེའི་རྒྱུན་སྲིང་འཕེལ་རྒྱས་ཁྲོད་དུ་ནུས་པ་གལ་ཆེན་འདོན་ རྒྱུ་དེའ།ོ དེ་ཡང་མིག་སྔར་སྤེལ་ཟིན་པའི་བྱ་འགུལ་ལ་དབྱེ་ན་དོན་འགྲུབ་གླིང་དགོན་པར་མཉམ་འབྲེལ་སྒོས་རྒྱུན་སྲིང་ཆོག་པའི་འཕེལ་རྒྱས་སློབ་ གསོའ་ི ལྟེ་གནས་བཙུགས་པ། ཁ་བ་དཀར་པོའ་ི རིག་གནས་ཁང་ལ་རྒྱབ་སྐྱོར་གྱིས་བདེ་ཆེན་ཉེ་འདབས་ཀྱི་ལྷ་རིར་མཆོད་པའི་བསང་ཡིག་འཚོལ་ སྡུད་བྱས་ཏེ་ས་དེ་གའི་མི་དམངས་ལ་སྐུལ་ལྕགས་ཆེན་པོས་སངས་རྒྱས་ཆོས་ལུགས་ཁྲོད་ཀྱི་རང་བྱུང་སྲུང་སྐྱོབ་ཀྱི་ཕུལ་བྱུང་སྲོལ་རྒྱུན་རྒྱུན་འཛིན་ བྱས་པར་གདམས་པ་བཅས་སོ།། ཡང་ཐེབས་རྩ་ཚོགས་པས་ས་དེ་གའི་སྲིད་གཞུང་དང་ཆོས་ལུགས་ཁག་གི་མི་སྣར་མཉམ་འབྲེལ་བྱས་ཏེ་འཇོལ་སྒང་གསུམ་བོད་ཡིག་སློབ་གྲྭ། ཡུ་རུ་ ཡངས་འདུས་སློབ་སྦྱོང་ལྟེ་གནས། ཆུ་མིག་གྲོང་རིག་གནས་བརྒྱུད་སྤེལ་ལྟེ་གནས། སྔ་མོ་གྲོང་སྐྱེ་ཁམས་སློབ་གསོ་ལྟེ་གནས་བཅས་བཙུགས་པ་དང་། རྒྱལ་ཐང་དུ་ཐོག་དང་པོའ་ི སློབ་ཆུང་གི་བོད་ཡིག་འཛིན་གྲྭ་སྒྲུབ་པ་ཡིན། གང་ལྟར་ཐེབས་རྩ་ཚོགས་པའི་དམིགས་ཡུལ་ནི་རྗེས་ཕྱོགས་སྔར་ལས་མང་ བའི་ལས་ཁུངས་དག་ལ་མཉམ་འབྲེལ་སྒོས། ག་འདྲ་བྱས་ནས་སྔར་ལས་ནུས་པ་ཆེན་པོའ་ི སྒོ་ནས་སློབ་གསོ་འདི་ལག་ཐབས་ཤིག་ཏུ་བལྟས་ཏེ་ཁུལ་དེ་ གའི་རང་བྱུང་སྲུང་སྐྱོབ་ཀྱི་རྒྱུན་སྲིང་ཆོག་པའི་འཕེལ་རྒྱས་ཀྱི་ཐབས་ལམ་ཞིག་མཉམ་འཚོལ་བྱ་རྒྱུ་དེ་ཡིན།

སྤྱི་ལོ་༡༩༨༧ལོར་འཛམ་གླིང་ཁོར་ཡུག་དང་འཕེལ་རྒྱས་ཨུ་ཡོན་ལྷན་ཚོགས་ནས་མཉམ་འབྲེལ་རྒྱལ་ཚོགས་ལ་༼ཐུན་མོང་གི་མ་འོངས་པ་༽ཞེས་ པའི་སྙན་ཞུ་ཞིག་བཏོན་པ་ལས་དེང་རབས་མིའི་དགོས་མཁོ་སྐོང་ཐུབ་པར་མ་ཟད་མི་རབས་རྗེས་མའི་དགོས་མཁོ་སྐོང་བར་གནོད་པའི་བྱེད་ནུས་ མི་སྟེར་བ་ཞིག་ལ་རྒྱུན་བསྲིང་ཆོག་པའི་འཕེལ་རྒྱས་ཟེར། དེ་ལ་ནང་དོན་གཉིས་འདུས་ཡོད་པ་གཅིག་ནི་དེང་རབས་མི་དང་ནང་སྒོས་སུ་དབུལ་ ཕོངས་རྣམས་ཀྱི་འཚོ་བའི་དགོས་མཁོ་ཡིད་ཚིམ་པ་ཞིག་ངེས་པར་དུ་སྐོང་ཐུབ་དགོས་ལ། ཅིག་ཤོས་ནི་དེ་རིང་གི་འཕེལ་རྒྱས་ཀྱིས་མི་རབས་རྗེས་མའི་ དགོས་མཁོ་སྐོང་བའི་བྱེད་ནུས་ལ་གནོད་པ་མི་གཏོང་བ་ཞིག་ཡིན། རྒྱུན་བསྲིང་ཆོག་པའི་འཕེལ་རྒྱས་ཀྱི་དམིགས་ཡུལ་ནི་འགྲོ་བ་མིའི་རིགས་ཀྱིས་ དཔལ་འབྱོར་འཕེལ་རྒྱས་ལ་ཆོག་ཤེས་སྒོས་སྐྱེས་ཁམས་སྲུང་སྐྱོབ་ལ་མཉམ་འཇོག་བྱེད་རྒྱུ་དང་། སྤྱི་ཚོགས་འདྲ་མཉམ་ལ་རེ་སྙེག་བྱས་ཏེ་འགྲོ་བ་མིའི་ རིགས་ཕྱོགས་ཡོངས་ནས་འཕེལ་རྒྱས་སུ་འགྲོ་དགོས་པ་དེའ།ོ འདི་ནི་དུས་རབས་ཉེར་གཅིག་པའི་འགྲོ་བ་མིའི་རིགས་འཕེལ་རྒྱས་སུ་འགྲོ་བའི་སློབ་ སྟོན་གཞུང་ལུགས་ཤིག་དང་ཁོར་ཡུག་གི་གནད་དོན་དང་འཕེལ་རྒྱས་ཀྱི་གནད་དོན་མཐུན་སྦྱོར་མཉམ་སྤེལ་གྱིས་གོ་ལ་ཡོངས་ཀྱི་སྤྱི་ཚོགས་དཔལ་ འབྱོར་འཕེལ་རྒྱས་ཐད་ཀྱི་འཐབ་ཇུས་གལ་ཆེན་ཞིག་ཡིན། མདོར་ན། དཔལ་འབྱོར་རྒྱུན་བསྲིང་འཕེལ་རྒྱས་ནི་དེའི་ཆ་རྐྱེན་ཡིན། དམིགས་ཡུལ་ནི་ སྤྱི་ཚོགས་རྒྱུན་བསྲིང་འཕེལ་རྒྱས་སུ་གཏོང་རྒྱུ་དེའ།ོ སྤྱི་ལོ་༡༩༩༢ཟླ་༦པར་མཉམ་འབྲེལ་རྒྱལ་ཚོགས་ཀྱི་ནས་པར་ཙིར་རྒྱལ་ས་ནས་ཁོར་ཡུག་དང་འཕེལ་རྒྱས་ཀྱི་ཚོགས་ཆེན་བསྡུས། མཉམ་འབྲེལ་རྒྱལ་ ཚོགས་ཁོངས་ཞུགས་རྒྱལ་ཁབ་༡༧༠ཡི་འཐུས་ཚབ་ཚོགས་པ་དང་རྒྱལ་ཁབ་ཀྱི་མགོ་གཙོ་དང་དབུ་བཞུགས་བློན་ཆེན་༡༠༢ཚོགས་ཞུགས་གནང་ཡོད། ཚོགས་ཆེན་འདི་ནི་མཉམ་འབྲེལ་རྒྱལ་ཚོགས་ཚུགས་ནས་ད་བར་གྱི་ཚོགས་རྒྱ་ཆེས་ཆེ་ཤོས་དང་རིམ་པ་ཆེས་མཐོ་ཤོས་ཀྱི་རྒྱལ་སྤྱིའི་ཚོགས་འདུ་ཞིག་ དང་འགྲོ་བ་མིའི་རིགས་ཀྱི་ཁོར་ཡུག་དང་འཕེལ་རྒྱས་ཀྱི་ལོ་རྒྱུས་སྟེང་གི་ཚོགས་ཆེན་ཐེངས་དང་པོ་ཡིན། ས་བཅད་བཞི་བ། གངས་ཅན་བོད་ཀྱི་ཡུལ་དུ་སྐྱེ་ཁམས་རིག་པ་དར་བའི་ལོ་རྒྱུས་མདོ་ཙམ་གླེང་བ།

༡ རང་བྱུང་ཁསམ་ལ་དད་ཅིང་ཞེན་པ་ནི་བོད་ཀྱི་རང་བྱུང་སྐྱེ་ཁམས་སྲུང་སྐྱོབ་བསམ་བློའ་ི རྟེན་གཞི་ཡིན།

༄༅། །བོད་མི་རིགས་ལོ་ཁྲི་༦༠སྔོན་གྱི་གདོད་མའི་རུས་རྒྱུད་ཚོ་བའི་དུས་སྐབས་སུ་སླེབས་དུས། ཁོ་ཚོར་རང་བྱུང་ཁམས་ཆེན་པོར་རྒྱུས་ལོན་ཆེས་ཉུང་ བར་མ་ཟད། རང་བྱུང་སྣང་ཚུལ་ལ་ཤེས་རྟོགས་མི་ཟབ་པའམ་ཐ་ན་ཅི་ཡང་མི་ཤེས་པ་ཡིན་ཏེ། དཔེར་ན་གློག་འཁྱུག་ནས་ཐོག་རྒྱག་པ། ཤྭ་འོད་རྡོལ་བ། རི་ལུང་མེ་འབར་བ། དུས་བཞིའི་འགྱུར་ལྡོག ཉི་ཟླ་སྐར་གསུམ་གྱི་འཆར་ནུབ་སོགས་རང་བྱུང་ཁམས་ཆེན་པོའ་ི སྣང་ཚུལ་སྣ་ཚོགས་ལ་ཚན་རིག་དང་ མཐུན་པར་འགྲེལ་ཐབས་བྲལ་བ་དང་། ལྷག་པར་དུ་རང་བྱུང་གནོད་འཚེ་དང་། དུག་སྦྲུལ་དང་གཅན་གཟན་སྣ་ཚོགས་ཀྱིས་མིའི་ཚེ་སྲོག་ལ་གནོད་ འཚེ་ཐེབས་པ་འགོག་ཐབས་བྲལ་བས། རང་བྱུང་ཁམས་ཆེན་པོར་དད་ཅིང་ཞེན་པའི་འཇིགས་སྣང་གི་བསམ་བློ་ལྷན་སྐྱེས་སུ་གྲུབ་ལ། ཁོ་ཚོས་ལས་སླ་ མོས་འདབ་ཆགས་རི་དྭགས་དང་། རྩྭ་ལྗང་མེ་ཏོག ལྗོན་ཤིང་ནགས་ཚལ། རི་ཀླུང་མཚེའུ་བཅས་ལ་ཉེ་བར་འཚེ་མི་ཐུབ་པ་དེས་དོན་དངོས་ཐོག་རང་ བྱུང་སྐྱེ་ཁམས་ཁོར་ཡུག་ལ་སྲུང་སྐྱོབ་བྱེད་པའི་ཕན་ནུས་ཐོན་པ་དང་། འདི་ནི་གདོད་མའི་དུས་སྐབས་སུ་བོད་མིའི་སྐྱེས་ཁམས་སྲུང་སྐྱོབ་ལྟ་བའི་ ཐོག་མའི་ཆགས་ཚུལ་ཡིན། ༢ བོད་མི་རིགས་ཀྱི་འཇིག་རྟེན་ལྟ་ཚུལ་དང་རང་བྱུང་སྐྱེ་ཁམས་སྲུང་སྐྱོབ་ཀྱི་ལྟ་བ་གཉིས་ཕན་ཚུན་འབྲལ་མེད་གཅིག་གྱུར་ཡིན།

༄༅། །བོད་མི་རིགས་ཀྱི་འཇིག་རྟེན་གདོད་སྐྱེས་དངོས་པོའ་ི འཇིག་རིམ་དེ་ལྷ་སྒྲུང་གི་རྣམ་པས་འགྲེལ་བཤད་བྱས་ཡོད་པ་དང་། ལྷ་སྒྲུང་འདི་ནི་དོན་ དངོས་སྟེང་བོད་མི་རིགས་ཀྱི་འཇིག་རྟེན་ཆགས་ཚུལ་གྱི་ལྷ་སྒྲུང་འགྲེལ་བཤད་དང་མིའི་རིགས་ཀྱི་འབྱུང་ཁུངས། མི་རབས་རྒྱུད་འཛིན་བཅས་ཀྱི་ཟིན་ ཐོ་ཡིན་ལ། དེའི་བརྗོད་སྙིང་དུ་མིའི་རིགས་ཀྱིས་རང་ཉིད་དང་ཁོར་ཡུག རང་བྱེ་བྲག་པ་དང་ཁོར་ཡུག འདུས་གྲུབ་སྤྱི་ཚོགས་བཅས་ཀྱི་འབྲེལ་བར་

བཟུང་བའི་རྩོད་སྒྲུབ་དངོས་གཙོ་སྨྲ་བའི་མཚན་ཉིད་རིག་པའི་ལྟ་ཚུལ་མངོན་ཡོད།

བོད་ཀྱི་འཇིག་རྟེན་གདོད་སྐྱེས་དངོས་པོའ་ི འཇིག་རིམ་གྱི་ལྷ་སྒྲུང་དེ་སྤྱི་ལོ་ཚུགས་པའི་སྔ་གཞུག་ཏུ་བྱུང་བར་བོན་གྱི་བསྟན་བཅོས་༼མགོ་ནག་མིའི་ བྱུང་བ་༽དང་ཕག་གྲུ་བྱང་ཆུབ་རྒྱལ་མཚན་གྱི་མཛད་པའི་༼རླངས་ཀྱི་པོ་ཏི་བསེ་རུ་རྒྱས་པ་༽གཉིས་སུ་གསལ། ཀློག་པ་པོ་རྣམས་ལ་ལྷ་སྒྲུང་འདིའི་སྐྱ་ ཐིག་གསལ་པོ་ཞིག་ཡོད་ཆེད། བོན་གྱི་བསྟན་བཅོས་༼མགོ་ནག་མིའི་བྱུང་བ། ཕྱི་རྒྱལ་གྱི་བོད་རིག་ཞིབ་འཇུག་སྐོར་གྱི་བསྒྱུར་ཡིག་གཅེས་བསྡུས་༽ དེབ་༥ པ། བོད་ལྗོངས་མི་རིགས་དཔེ་སྐྲུན་ཁང་གིས་ ༡༩༩༩ ལོའ་ི ཟླ་ ༡༢ པར་དཔར་དུ་བསྐྲུན་ལ། མཛད་པ་པོའ་ི མཚན་བཀོད་མེད། དེར་བཀོད་པའི་ ལྷ་སྒྲུང་མདོར་བསྡུས་ན་གཤམ་གསལ།

སྲིད་པ་མ་ཆགས་པའི་སྔོན་ལ། འཇིག་རྟེན་སྟོང་བར་གནས་པ་དང་། རིམ་གྱིས་འོད་བྱུང་། འོད་ཀྱིས་བར་སྣང་སྟོང་བར་དྲོད་འཁྱག་གི་ཁྱད་ཡོད་པར་ གྱུར་ཏེ་ཟིལ་བ་བྱུང་ཞིང་། ཟིལ་བ་ཆུ་ཐིགས་སུ་གྱུར་ནས་རྫིང་བུར་གྲུབ། ཆུར་ཆུ་ཤུན་ཆགས་ཤིང་རྦ་རླབས་ཆིལ་ཆིལ་བྱུང་བས་སྒོ་ང་ཞིག་ཏུ་གྱུར་པ་ དང་། སྒོ་ང་དེ་ནི་སྲིད་པའི་ཆེས་གདོད་མའི་སྐྱེ་དངོས་ཡིན་ལ། དེ་རྒོད་དཀར་ནག་གཉིས་སུ་གྱུར་ཅིང་དེ་གཉིས་ཀྱང་ཕན་ཚུན་སྡེབ་སྦྱོར་བྱས་ནས་ སྒོ་ང་དཀར་ནག་ཁྲ་གསུམ་བྱུང་། དེ་ལས་སྒོ་ང་དཀར་ནག་གཉིས་ལ་སོ་སོར་སྣང་བ་དང་མུན་པའི་ལྷག་དག་སྐྱེས་པ་དང་། སྒོ་ང་ཁྲ་བོར་ཁམས་ཀྱི་ ཚུལ་དུ་གནས་པའི་ཤའི་རྣམ་ཤེས་ཤིག་སྐྱེས་པར་སྨོན་བླུམ་བླུམ་ལུམ་ལུམ་དུ་བཏགས། རྣམ་ཤེས་དེས་བསམ་པའི་སེམས་ལ་བརྟེན་ནས་ལུས་ཀྱི་དབང་ བོ་བྱུང་བ་དང་། གང་བསམ་བསམ་འགྲུབ་རྗེས་གསོལ་འདེབས་དང་རེ་སྨོན་གྱི་སྟོབས་ལ་བརྟེན་ནས་མི་ལྷ་དང་། ཆབ་ལྷ། གཙོ་ལྷ་བཅས་ལྷའི་གདུང་ རབས་ཆེན་པོ་གསུམ་དང་དེ་དག་གི་གནས་གསར་གཏོད་བྱས་ནས་འཇིག་རྟེན་གྱི་གྲུབ་ཚུལ་ཡང་བྱུང་བ་ཡིན། མི་ལྷའི་གདུང་རབས་ལས་གཤེན་ རབ་བོན་ཆོས་བྱུང་བ་དང་། ཆབ་ལྷའི་གདུང་རབས་ལས་མགོ་ནག་མི་བྱུང་ལ། གཙོ་ལྷའི་གདུང་རབས་ལས་དུད་འགྲོ་བྱུང་། དེའི་ཕྱིས་སུ། ཆབ་ལྷའི་ གདུང་རབས་ཁྲོད་ཡར་ལྷ་བསྟན་སྐྱོང་གི་བུ་སོ་བདུན་པ་མི་ཡུལ་དུ་བབས་ནས་མིའི་རིགས་ཀྱི་གདུང་རབས་གསར་གཏོད་བྱས་ཤིང་། ཁོས་སྔར་རས་ བཀོལ་ནས་སྤྲེའུ་ཡི་རྣམ་པ་ཞིག་བཟོས་ཏེ་འབྱུང་འགྱུར་མིའི་རིགས་ཀྱི་ཚབ་ཏུ་གནོད་འཚེ་བཟོད་པའི་བུ་མོ་༼མོ་ལྷ་ཞིག་ཡིན་༽ཞིག་ཆུང་མར་བླངས་ ནས་རྒྱལ་བུ་མཐིང་གེ་འཁྲུངས། རྒྱལ་བུ་མཐིང་གེས་སྔ་གཞུག་ཏུ་ལྷ་ལྕམ་དཀར་མོ་དང་རྨུ་ཟ་མཐིང་སྒྲིལ་མ་། མཐིང་མོ་སོགས་ཁབ་ཏུ་བཞེངས་ཏེ་ སོ་སོར་བོད་དང་རྒྱ། ཧོར། མྱཱ། ལི་ཡུལ་བཅས་ཀྱི་སྤུན་རྒྱུད་སྐྱེས། རྒྱལ་བུ་མཐིང་གེས་སྙན་ཟ་ཤ་མིག་མ་ཁབ་ཏུ་བཞེས་ནས་མིའི་རིགས་ཀྱི་ཤ་ཉེ་སྤུན་ བཞི་སྟེ་སྤྲེའུ་དང་། གྲུམ་པ། དྲེད་མོང་སོགས་སྐྱེས། ཉིན་ཞིག་རྒྱལ་བུ་མཐིང་གེ་ཁོང་གི་མིའི་རིགས་ཀྱི་བུ་བཞིས་གསོལ་ཇར་གདན་དྲངས་པ་དང་། བུ་ རྣམས་ཀྱི་བར་དུ་དེ་དང་འབྲེལ་ནས་འགལ་བ་འབྱུང་བར་རྟོགས་ནས་རང་སྲོག་བཅད། ཁོང་གཤེགས་རྗེས་བུ་རྣམས་ཀྱི་འགལ་བ་སྔར་བཞིན་གནས་ ཕྱིར་ཡབ་ཀྱི་བེམ་པོ་བགོ་རྒྱུ་བརྩད་དེ་མཐར་ལྷའི་འདུམ་གཅོད་འོག་ཡབ་ཀྱི་དབུ་དང་བཅས་པའི་བེམ་པོའ་ི ཁོག་སྟོད་བོད་ལ་ཐོབ་པ་དང་། བེམ་པོའ་ི དཀྱིལ་དང་མཐེ་བོང་ཧོར་ལ་ཐོབ། སྙིང་དང་བེམ་པོའ་ི ཁོག་སྨད་རྒྱ་ལ་ཐོབ། གཅོད་གཏུབ་ཀྱི་བྱ་སྤྱོད་འདིའི་རྐྱེན་གྱིས་བོད་ས་དབྱིབས་ཅུང་མཐོ་བར་ ༼མཐོ་སྒང་ས་ཁུལ་༽གནས་པ་དང་མེ་མཆོད་གོམས་སྲོལ་དུ་གྱུར། ཧོར་༼སོག་པོ་༽ས་གཤིས་གཤིན་པོའ་ི རྩྭ་ཐང་ཆེན་པོར་གནས་ལ་མདའ་རྩལ་ལ་ མཁས་༽མདའ་རྩལ་གྱི་གནད་མཐེབ་རྩལ་ཡི​ིན་༽ རྒྱ་ས་དབྱིབས་ཅུང་དམའ་བར་གནས་ལ་སྐྱེ་འཕེལ་མཁས་༼ཁོག་སྨད་ཀྱི་གྲུབ་ཆ་གལ་ཆེན་ནི་ཕོ་ མོའ་ི མཚན་མ་ཡིན་པས་རྒྱ་ཡུལ་དུ་མི་ཧ་ཅང་མང་༽ཡབ་ཀྱི་བེམ་པོ་བགོས་ཚར་རྗེས་སྤུན་ཟླ་ཚོར་རང་རང་གི་འདུག་གནས་དང་གདུང་རབས་ཡོད་ པ་དང་། འཇིག་རྟེན་གྱི་གྲུབ་ཚུལ་ཡང་བྱུང་། གཏམ་རྒྱུད་འདི་བསྡུས་ན་གཤམ་གྱི་རི་མོས་མཚོན་པ་ཡིན་ཏེ། ༡་ སྲིད་པའི་སྒོ་ང་༼སྟོང་ཁམས་༽རྒོད་ཐང་དཀར།་་་་སྒོང་དཀར་་་་་གནམ་ལྷ། ་་་་སྒོང་ནག་་་མགོ་ནག་མི།

རྒོད་ཐང་ནག་་་་་་་སྒོང་ཁྲ་་་་་ཡེ་སྨོན་རྒྱལ་པོ།

༢་ ཡེ་སྨོན་རྒྱལ་པོ་༼ལྷའི་ཁམས་༽ ཆབ་ལྷའི་གདུང་རྒྱུད་་་་གཤེན་རབ་བོན་ཆོས། མི་ལྷའི་གདུང་རྒྱུད་་་་་མགོ་ནག་མི།

གཙོ་ལྷའི་གདུང་རྒྱུད་་་་་་་དུད་འགྲོ།

༣་ རྒྱལ་བུ་མཐིང་གེ བོད་་་སྟོད་བོད་མི་གདུང་དྲུག རྒྱ་་་་སྨད་རྒྱ་ཡུལ་རིགས་རྒྱུད།

ཧོར་་་་བར་སོག་པའི་རིགས་རྒྱུད།

མྱཱ་ལི་ཡུལ་་་མཐའི་མྱཱ་དང་ལི་ཡུལ།

བོད་ཀྱི་སྲོལ་རྒྱུན་འཇིག་རྟེན་ལྟ་ཚུལ་གྱིས་རང་བྱུང་ཡུལ་ཁམས་དེ་རང་བྱུང་དང་ལྷ། མི་གསུམ་གཅིག་འདུས་ཀྱི་ཕུང་བོ་ཞིག་ཏུ་འདོད་པ་དང་། འཇིག་རྟེན་སྟེང་ཕྱོགས་ལྷའི་སྲིད་པ་དང་། བར་མིའི་སྲིད་པ། འོག་ཀླུའི་སྲིད་པ་བཅས་སྲིད་པ་གསུམ་གྱིས་གྲུབ་པར་མ་ཟད། སྲིད་པ་གསུམ་པོ་ཕན་ ཚུན་འབྲེལ་ཞིང་བརྟེན་ཏེ་གནས་པར་འདོད། མི་ནི་རང་བྱུང་ལས་སྐྱེས་ཤིང་ལྷའི་བདག་པོ་ཡང་ཡིན་པས། ལྷ་མི་རང་བྱུང་གསུམ་གྱི་བར་གདུང་རྒྱུད་ འབྲེལ་བ་ཟབ་མོ་ཡོད་ལ། ཁོ་ཚོ་ཕན་ཚུན་འདི་གཞིར་བཟུང་ན་མིའི་རིགས་ཀྱིས་ངེས་པར་དུ་རང་ལུས་རང་བྱུང་ལ་ཕུལ་ཅིང་། རང་བྱུང་ལ་ཤ་ཚ་བ། རང་བྱུང་སྐྱོབ་ཅིང་སྲུང་བ། རང་བྱུང་དང་བསྟུན་པ། རང་བྱུང་ལ་བརྟེན་པ་བཅས་བྱས་ནས་མི་དང་རང་བྱུང་མཐུན་སྦྱོར་མཉམ་འདྲེས་ཡོང་བ་བྱེད་

དགོས། འདི་ནི་བོད་ཀྱི་སྲོལ་རྒྱུན་འཇིག་རྟེན་ལྟ་ཚུལ་དང་རང་བྱུང་སྐྱེ་ཁམས་སྲུང་སྐྱོབ་ལྟ་ཚུལ་གྱི་མཐུན་སྦྱོར་གཅིག་གྱུར་གཞུང་ལུགས་ཡིན་ལ། འཇིག་རྟེན་ལྟ་ཚུལ་དང་སྐྱེས་ཁམས་ལྟ་ཚུལ་དུས་མཉམ་དུ་བྱུང་བར་བརྗོད་ཆོག་པ་དང་། སྐྱེ་ཁམས་ལྟ་ཚུལ་འདི་ཕལ་ཆེར་སྤྱི་ལོ་སྔོན་གྱི་དུས་རབས་ ༩ པ་ནས་སྤྱི་ལོ་དུས་རབས་༩ པའི་བར་བྱུང་བ་ཡིན། ༣། བོན་གྱི་དངོས་པོ་ཀུན་ལ་རྣམ་པར་ཤེས་པ་ལྡན་ཞིང་དངོས་པོ་ཀུན་ལྷ་རུ་སྨྲ་བ་ཡིས་བོད་ཀྱི་རང་བྱུང་སྐྱེས་ཁམས་སྲུང་སྐྱོབ་འདུ་ཤེས་དངོས་སུ་ ཆགས་པ་མཚོན།

ལོ་ངོ་སུམ་སྟོང་ལྷག་གི་སྔོན་དུ་བྱུང་བའི་བོད་ཀྱི་གདོད་མིའི་ཆོས་ལུགས་སྟེ། བོན་ཆོས་ནི་ཆེས་ཐོག་མར་གདོད་མའི་དངོས་པོ་ལྷར་བཀུར་ཆོས་ལུགས་ ཤིོག་ཡིན་ལ། དེས་ཕྱི་སྣོད་ཀྱི་འཇིག་རྟེན་ལ་རང་བྱུང་ལས་བརྒལ་བའི་སྟོབས་ཤུགས་སྟེ། ལྷ་ཡོད་པར་འདོད། མི་རྣམས་ཀྱིས་རྟག་པར་ལྷ་ཡིས་རང་ བྱུང་ཁམས་ཆེན་པོ་ཡོངས་སུ་ཚོད་འཛིན་བྱེད་པ་དང་། ལྷ་ཡིས་མིའི་རིགས་ལ་བདེ་སྡུག་ལེགས་ཉེས་གནང་བར་འདོད་ཕྱིར། ལྷ་ལ་དད་ཅིང་ཞེན་ པའི་བསམ་ཚུལ་སྐྱེས་ནས་མཆོད་འབུལ་དང་གསོལ་བ་བཏབ་སྟེ་གནོད་འགོག་བདེ་ཐོབ་དང་། ནད་འཇོམས་བགེགས་བསྐྲད་བྱས་ནས་མི་རྣམས་ ལ་བདེ་སྐྱིད་ཕུན་ཚོགས་ཐོབ་པར་རེ་བར་བརྟེན། གདོད་མའི་དངོས་པོ་ལྷར་བཀུར་ཆོས་ལུགས་བྱུང་བ་ཡིན། རང་བྱུང་དད་མོས་ཀྱི་ཆོས་ལུགས་འདུ་ ཤེས་འདིས་བོད་མི་རིགས་ཀྱི་ལྷན་སྐྱེས་སུ་གྲུབ་པའི་རང་བྱུང་ཁམས་ཆེན་པོར་དད་ཅིང་ཞེན་པ་དེ་སྐྱབས་རེ་ཡུལ་ཞིག་ཏུ་བསྒྱུར་ནས་ཚེ་སྲོག་ལ་སྲུང་ སྐྱོབ་བྱེད་པ་ཡིན།

གནའ་སྔ་མོའ་ི དངོས་པོ་ལྷར་བཀུར་ཆོས་ལུགས་དེ་རིམ་བཞིན་ཆོས་ལུགས་ཀྱི་གཞུང་ལུགས་དང་ནང་དོན། ཆོས་ཁྲིམས་ངེས་ཅན་ཞིག་ལྡན་པའི་ གཡུང་དྲུང་བོན་དུ་གྱུར་པ་དང་། དེའི་ཆོས་ལུགས་འདུ་ཤེས་ཁྲོད་བྱ་དངོས་ཡོད་ཚད་ལ་དད་ཅིང་བྱ་དངོས་ཡོད་ཚད་ལྷ་རུ་འཛིན་པའི་བསམ་བློ་ གནས་པ་ཡིན། བོན་གྱི་གཞུང་ལུགས་འདི་བྱུང་རྗེས་བོན་ཆོས་ལ་དད་པའི་བོད་མི་རིགས་ཀྱིས་འཇིག་རྟེན་ནི་རྒྱུ་མང་གིས་གྲུབ་ཅིང་། མིའི་རིགས་ རང་ཉིད་དངོས་པོའ་ི འཇིག་རྟེན་གྱི་ཐོན་རྫས་དང་། བྱ་དངོས་ཀུན་ལ་རྣམ་པར་ཤེས་པ་ལྡན་ཞིང་ལྷ་ཡིན་པ་དང་། མི་བྱ་དངོས་མང་པོ་དང་ལྷ་མང་པོའ་ི ཁྲོད་འཚོ་ཞིང་གནས་པར་འདོད། བྱ་དངོས་ཀུན་ལ་རྣམ་ཤེས་ཡོད་པར་སྨྲ་བར་ཡིས་རྣམ་ཤེས་ཡོད་པར་འདོད་པའི་དད་མོས་ཤིག་བསླངས་པ་ལ་བརྟེན་ནས་རང་བྱུང་གི་སྟོབས་ཤུགས་ ལས་བརྒལ་བའི་ལྷ་ལ་དད་ཅིང་ཡིད་ཆེས་པ་ནི་ལྡོག་ཏུ་མེད་པ་ཞིག་ཡིན་ལ། དེ་ལ་བརྟེན་ནས་མིས་ལྷ་ལ་དད་ཅིང་བྱ་དངོས་ལ་སྲུང་སྐྱོབ་བྱས་ན་ད་ གཟོད་དུས་བདེ་ལྷིང་འཇགས་དང་བདེ་སྐྱིད་ཕུན་སུམ་ཚོགས་པ་ཡོང་བའི་འདུ་ཤེས་བྱུང་བ་ཡིན། ༡ རང་བྱུང་ཁམས་ག་ས་གང་དུ་ལྷ་འཚོ་གནས་བྱེད་པར་ངོིས་འཛིན་པ།

བྱ་དངོས་ཀུན་ལྷ་རུ་སྨྲ་བ་ཡིས་རི་ལ་གཞི་བདག་དང་ཆུ་ལ་ཆུ་ལྷ། ཤིང་ལ་ཤིང་ལྷ། ཁྱིམ་ལ་ཁྱིམ་ལྷ་ཡོད་པར་གྱུར། བོད་མིས་ལྷ་འདི་དག་གི་མདུན་ དུ་གསང་བ་མེད་པར་མིས་རང་བྱུང་ཁམས་སུ་དོན་ཅི་ཞིག་བསྒྲུབ་པ་དང་དོན་ཅི་ཞིག་བསམ་ཡང་རང་བྱུང་ལྷས་གསལ་བོར་མཁྱེན་པར་འདོད། མི་ རང་བྱུང་ཁམས་སུ་འཚོ་གནས་དང་བྱ་སྤྱོད་ཅི་སྤེལ་རུང་ཧ་ཅང་གཟབ་དགོས། ལྷས་མི་སྲུང་ལ་འཚེ་བའང་ཡིན། དཔེར་ན། ཁྱོད་གཅིག་པུ་ལུང་ཟབ་ ནགས་སྟུག་གམ་དབེན་གནས་མཚན་སྟུག་ཏུ་འདུག་པའམ་བཞུད་དུས་ལྷ་ཁྱོད་དང་མཉམ་དུ་གནས་ཤིང་སྐྱོབ་པ་ཡིན། གལ་ཏེ་ཁྱོད་ཀྱིས་རང་བྱུང་ ཁམས་ཀྱི་རི་ཆུ་ནགས་ཚལ་དང་འདབ་ཆག་རི་དྭགས་སོགས་སྲོག་ལྡན་གཞན་ལ་མ་བཀུར་བའམ་ཐ་ན་གང་འདོད་དུ་གནོད་འཚེ་བཏང་ན་ལྷས་ཁྱོད་ ལ་གནོད་པ་སྐྱེལ་ངེས་ཡིན། དེའི་ཕྱིར། བོད་མིའི་བསམ་པའི་འདུས་ཤེས་ཁྲོད་སྐྱེ་ཁམ་བདག་གཅེས་དང་། སྐྱེས་ཁམས་སྲུང་སྐྱོབ། རང་བྱུང་ཁམས་ཀྱི་ སྲོག་ལྡན་ཀུན་ལ་གཅེས་སྐྱོང་བྱེད་པའི་ལྟ་བ་རང་བཞིན་གྱིས་ཆགས་ཡོད། ༢ རིའི་ཆགས་ཚུལ་དང་རྣམ་ཤེས་ཤིག་ཕུན་ཚུན་འབྲེལ་ཡོད་པར་ངོས་འཛིན་དགོས།

བོད་མི་རིགས་ཀྱི་གདོད་མའི་མེས་པོ་རྣམས་ཀྱི་ཆེས་གནའ་སྔ་མོའ་ི ལྷ་སྒྲུང་༼སྲིད་པ་ཆགས་གླུ་༽(ཏུན་ཅིན་ཧྭ་) ༼བོད་ཀྱི་དམངས་ཁྲོད་རྩོམ་རིག་༽ བོད་༼ལྗོངས་མི་དམངས་དཔེ་སྐྲུན་ཁང་གིས་༡༩༩༡ལོར་དཔར་༽ཡི་ཤོག་ངོས་༣པར་རི་ཇི་ལྟར་ཆགས་པར་དྲི་བ་དྲིས་ལན་ཁྱད་དུ་འཕགས་པ་ཞིག་ ཡོད་དེ། དང་པོ་སྲིད་པ་ཆགས་དུས་ན། གནམ་ས་གཉིས་ག་འདྲེས་བསྡད་ཡོད། གནམ་ས་འབྱེད་མཁན་སུ་ཡིན་ཤོད། དང་པོ་སྲིད་པ་ཆགས་དུས་ན། ཉིན་སྲིབ་གཉིས་ག་འདྲེས་བསྡད་ཡོད། ཉིན་སྲིབ་འབྱེད་མཁན་སུ་ཡིན་ཤོད། ལན་དུ། གནམ་ས་འབྱེད་མཁན་ཁྱུང་ཆེན་ཡིན། ཉིན་སྲིབ་འབྱེད་མཁན་ཉི་མ་ཡིན།

དྲི་བ་དྲིས་ལན་འདིས་སྲིད་པའི་བྱ་དངོས་ཀུན་གྱི་ཁུངས་དང་གནམ་ས་ཉི་ཟླའི་ཆགས་ཚུལ་གསལ་བཤད་བྱས་ཡོད་པ་དང་། དེར་མཐུད་ནས་རི་དང་ ནགས་ཚལ་ས་གཞིའི་ཆགས་ཚུལ་དྲིས་ཡོད་དེ། དྲི་བ། སྲིད་པའི་བ་ཆུང་བཤའ་དུས་སུ། བ་མགོ་བླངས་ནས་གང་ལ་བཞག སྲིད་པའི་བ་ཆུང་བཤའ་དུས་སུ། བ་རྔ་བཅད་དེ་གང་ལ་བཞག སྲིད་པའི་ བ་ཆུང་བཤའ་དུས་སུ། བ་ཀོ་བཤུས་ནས་གང་ལ་བཞག ངས་མ་ཤེས་གླུ་བ་དྲིས་ནི་ཡིན། ལན་དུ། བ་མགོ་བླངས་ཏེ་ཐོད་པ་བཞག ཐོད་འབུར་འབུར་ཡིན་ནོ་དེ་དོན་ཡིན། བ་རྔ་བཅད་དེ་ལམ་ལ་བཞག ལམ་འཁྱོག་འཁྱོག་ཡིན་ནོ་དེ་དོན་ ཡིན། བ་ཀོ་བཤུས་ཏེ་ཐང་ལ་བཏིངས། ཐང་བདེ་བདེ་ཡིན་ནོ་དེ་དོན་རེད།

དྲི་བ་དྲིས་ལན་འདིས་རི་ནགས་ས་གཞིའི་ཆགས་ཚུལ་དང་ཚེ་སྲོག་སྦྲེལ་ཡོད་པ་དང་། རང་བྱུང་གི་བྱ་དངོས་ཀུན་ཚེ་སྲོག་གསོན་པོ་ལས་འཕོ་འགྱུར་

བྱུང་བར་འདོད།

བོད་ལྗོངས་ལྷོ་ཁར་གནས་པའི་བོད་ཀྱི་ཆེས་ཆེ་བའི་བླ་རི་ཡར་ལྷ་ཤམ་པོ་ནི་བོད་ཡོངས་ཀྱི་གཞི་བདག་གི་བདག་པོ་ཡིན་པར་མ་ཟད། ས་བདག་དང་ རྩི་ཤིང་གི་ལྷ། ཀླུ་སོགས་ཆེད་ལྷའི་བདག་པོའང་ཡིན། བོད་ལྗོངས་མངའ་རིས་ས་ཁུལ་གྱི་གངས་ཏེ་སེ་༼གངས་རིན་པོ་ཆེ་༽ནི་འཛམ་གླིང་གི་གནས་ རི་ཡིན་ལ། དེ་བོན་ཆོས་རིག་གནས་ཁྲོད་སྲིད་པ་གསུམ་༼ལྷའི་སྲིད་པ། མིའི་སྲིད་པ། ཀླུའི་སྲིད་པ་༽གྱི་ལྟེ་གནས་སུ་མཐོང་བ་དང་། བོན་གྱི་སྟོན་ པ་གཤེན་རབ་མི་བོ་ཆེ་སྔར་གནས་དེར་སྒོམ་ཞིང་ཆོས་སྤེལ། གངས་ཏེ་སེ་ནི་བོད་དང་། རྒྱ་གར། བལ་པོ། སོག་པོ་བཅས་དང་། ད་དུང་སངས་རྒྱས་ ཆོས་ལུགས་པ་དང་རྒྱ་གར་ཆོས་ལུགས་པ་གཞན་དག་གིས་ཐུན་མོང་གིས་དད་པའི་མིང་དུ་གྲགས་པའི་གནས་རི་ཡིན། བོད་ཁུལ་དུ་ད་རུང་བོད་ ལྗོངས་དང་མཚོན་སྔོན་བར་གྱི་གཉན་ཆེན་ཐང་ལྷ་དང་། ཨ་མདོའ་ི ཨ་མྱེས་རྨ་ཆེན། རྒྱལ་རོང་གི་དམུ་བོད། ཁམས་ཀྱི་གངས་དཀར་རི་བོ། ཡུན་ནན་ བདེ་ཆེན་གྱི་ཁ་བ་དཀར་པོ་སོགས་ཡོད། གོང་གི་བོད་དུ་སྐད་གྲགས་ཆེ་བའི་གནས་རི་དེ་དག་ལས་གཞན་བོད་ཀྱི་ཚོ་བ་སོ་སོ་དང་སྡེ་བ་སོ་སོ་ཚང་ མར་རང་རང་གི་གནས་རི་དང་ལྷ་ཤིང་། ལྷ་རྡོ། ལྷ་མཚོ་ཡོད་པ་དང་། ཁྱིམ་ཚང་སོ་སོར་རང་རང་གི་གནས་རི་དང་ལྷ་ཤིང་། ལྷ་རྡོ། ལྷ་ཆུ་ཡོད་པ་ཡིན། གནས་རི་དེ་དག་གི་རིའི་དབྱིབས་ནི་སྲོག་ལྡན་གྱི་དངོས་པོ་ག་གེ་མོ་ཞིག་གམ་ཡང་ན་སྲོག་ལྡན་གྱི་དངོས་པོ་ག་གེ་མོའ་ི ལུས་ཚུགས་སུ་གྲུབ་པར་ འདོད་པ་དང་། རྣམ་ཤེས་འདི་དག་ལ་ལུས་གཞན་ལ་བཅོལ་བའི་ཚེ་སྲོག་ཡོད་ལ། གནས་རིའི་གངས་ཆར་སྤྲིན་སྨུག་གི་གནམ་གཤིས་འགྱུར་ལྡོག་ནི་ སྐྱེ་དངོས་ཀྱི་ལུས་སམ་ཚེ་སྲོག་གི་ལུས་ཁམས་འགུལ་སྐྱོད་ཀྱིས་བསླངས་པ་ཡིན། འདུ་ཤེས་འདིས་མི་རྣམས་ལ་གནས་རིར་དད་ཞེན་གྱི་སེམས་ཁམས་ ཤིག་སྦྱིན་པས། བོད་སྤྱི་ལ་གཏོགས་པའམ་ས་ཁུལ་ག་གེ་མོར་གཏོགས་པའི་གནས་རི། ཡང་ན་ཚོ་བ་དང་། སྡེ་བ། ཁྱིམ་ཚང་གི་གནས་རི་གང་ཡིན་ རུང་རིའི་སྟེང་གི་རྩྭ་ཤིང་ཉག་གཅིག་ཀྱང་བརླག་མི་ཆོག་ལ། གནས་རིའི་འདབ་ཆགས་རི་དྭགས་ཡོད་ཚད་ལ་འཚེ་མི་ཆོག་པར་མ་ཟད། གནས་རིའི་ ས་རྡོ་བརྐོ་མི་ཆོག་པ་དང་། ཐ་ན་མི་ཕྱུགས་གནས་རིར་སོང་མི་ཆོག་པ་ཡིན། རང་རྟོགས་སྒོས་མི་རེ་རེས་སྲོག་ལྡན་ལ་གཅེས་ཤིང་། སྲོག་ལྡན་སྐྱོབ་པ། ཚེ་སྲོག་ལ་གཅེས་ཤིང་། ཚེ་སྲོག་སྐྱོབ་ཐུབ་པ་དང་། ལྷར་དད་བསམ་བློ་འདིས་དོན་དངོས་ཐོག་རང་བྱུང་སྐྱེ་ཁམས་ལ་སྲུང་སྐྱོབ་བྱེད་པའི་ནུས་པ་ཐོན་ ཡོད། ༣ གནས་རི་ལ་བསམ་པའི་ཚེ་སྲོག་གི་རང་བཞིན་མངའ་བ། གནས་རི་ནི་ཡ་མཚན་ཆེ་ཞིང་མཐོ་བ་དགུང་ལ་བསྙེགས་པ་ཞིག་ཡིན་པ་དང་། དངོས་གཙོ་སྨྲ་བའི་ཕྱོགས་ནས་བཤད་ན་ཚེད་སྲོག་ཡོད་མི་སྲིད། འོན་ཀྱང་བོད་མིས་འདི་འདྲའི་རི་ལ་མཐུ་སྟོབས་དང་རྣམ་ཤེས་མངའ་བ་དང་། མཐུ་སྟོབས་དང་རྣམ་ཤེས་དཀྱུས་གཅིག་ཏུ་མངོན་པ་ནི་ལྷ་དང་ལྷ་རི། རིའི་ཕུང་བོ་ནི་གཞི་བདག་གི་གནས་ཡུལ་ཡིན་པས་རི་ལྷ་རིར་གྱུར་པ་ཡིན།

གཞི་བདག་ནི་གནས་རིའི་རྣམ་ཤེས་དང་ས་འཛིན་གྱི་སྟོབས་ཡིན་པ་དང་། དེ་ནམ་ཡང་གང་ཟག་རབ་བཏགས་པ་གང་རུང་ངམ་སྲོག་ཆགས་ག་གེ་ མོའ་ི གཟུགས་སུ་མངོན་པ་ཡིན། དཔེར་ན། ཡར་ལྷ་ཤམ་པོའ་ི གཞི་བདག་ནི་གཡག་དཀར་པོ་ཞིག་ཡིན་པ་དང་། གཉན་ཆེན་ཐང་ལྷའི་གཞི་བདག་ནི་ གོས་དཀར་པོ་གྱོན་པའི་དྲང་སྲོང་ཞིག ཨ་མྱེས་རྨ་ཆེན་ནི་དཔའ་རྒོད་གཅིག རྒྱལ་མོ་དམུ་བདོ་ནི་མཛེས་ལྡན་ལྷ་མོ་ཞིག སྡེ་རོང་གི་སྟག་ཆེན་ཐང་ ཕུན་གཞི་བདག་ནི་སེར་སྐྱ་བོན་གསུམ་གྱི་རྣམ་མཉམ་གནས་ཤིག་ཡིན།

གནས་རི་ནི་སྐྱེ་དངོས་སྣ་ཚོགས་སམ་ཚེ་སྲོག་གི་རྣམ་ཤེས་གནས་ཡུལ་ཡང་ཡིན་ཏེ། རྣམ་ཤེས་ཀྱི་འགྱུར་བར་ངེས་གཏན་མེད་པར་གང་སར་བསྐྱོད་ ཆོག་ཀྱང་མཐར་ངེས་པར་དུ་བྱ་དངོས་ཤིག་ལ་ཞུགས་དགོས། དཔེར་ན། རི་རྡོ་ཤིང་གནས་ཚང་མ་རྣམ་ཤེས་ཀྱི་གནས་བཅའ་ས་ཡིན་པ་དང་། བྱ་དངོས་ འདི་དག་ལ་ཚེ་སྲོག་ཡོད་པར་གྱུར་པ་ཡིན། དེའི་ཕྱིར་གནས་རི་ནི་བོད་མིའི་རྣམ་ཤེས་བཅོལ་ཡུལ་དུ་གྱུར་ཡོད། གཞི་བདག་ག་གེ་མོ་ནི་ས་ཁུལ་ག་ གེ་མོའ་ི མགོ་བའི་རྣམ་ཤེས་དང་། ཚོ་བ་ག་གེ་མོའ་ི མགོ་བའི་རྣམ་ཤེས། ཡང་ན་ཚོ་བ་ག་གེ་མོའ་ི དཔའ་བོའ་ི རྣམ་ཤེས་དང་ཕུལ་བྱུང་མི་སྣའི་སྐྱེ་སྤྲུལ་ ཡིན། གཞི་བདག་ཚང་མར་གཏན་འཁེལ་གྱི་བཅིབས་པ་ཡོད་ལ། བཅིབས་པ་མང་ཆེ་ཤོས་འབྲོང་དང་། སེང་གེ། སྟག ཤྭ གླ། གནའ་སོགས་སྲོག་ཆགས་རྩ་ ཆེན་གྱི་རིགས་ཡིན་པ་དང་། སྲོག་ཆགས་འདི་དག་གནོད་འཚེ་བཏང་མི་ཆོགས་ཆ་སོ་སོའ་ི གནས་རི་ལ་བསམ་པའི་ཚེ་སྲོག་གི་རང་གཤིས་ཞུགས་པ་ ནས་བཟུང་གནས་རིའི་སྟེང་གི་རྩྭ་རྩི་རྐང་གཅིག་ཀྱང་གཅོད་ཐུབ་མཁན་མེད་པས་སྲོག་ཆགས་རྩི་ཤིང་ཡོངས་ལ་བདག་སྐྱོང་བཟང་པོ་ཐོབ། ༤ ནང་ཆོས་ཀྱི་བྱམས་སྙིང་རྗེ་ལས་བྱུང་བའི་སྲོག་གཅོད་མི་ཆོག་པ་དེས་བོད་ཀྱི་རང་བྱུང་སྐྱེ་ཁམས་སྲུང་སྐྱོབ་ལྟ་བ་བརྟན་བརླིང་དུ་བཏང་བ།

སྤྱི་ལོ་དུས་རབས་བདུན་པར་སངས་རྒྱས་ཆོས་ལུགས་བོད་དུ་དར་རྗེས། བོད་མི་དམངས་ཀྱིས་དད་ཡུལ་དུ་བཟུང་ནས་ནང་ཆོས་ཀྱི་བྱམས་སྙིང་རྗེ་ ལྡན་ཞིང་སྲོག་མི་གཅོད་པའི་གཞུང་ལུགས་དང་ལེན་བྱས། དེར་བརྟེན་ནས་བོད་ཀྱི་རང་བྱུང་སྐྱེ་ཁམས་སྲུང་སྐྱོབ་ལྟ་བའི་གཞི་བརྟན་པར་གྱུར་ཏེ་ མིའི་སེམས་གཏིང་ལ་འཇགས་ཤིང་བསམ་བློའ་ི འདུས་ཤེས་སུ་ཆགས་ནས་སྲོག་རྒྱུན་གྱི་གོམས་སྲོལ་དུ་གྱུར་ཡོད། (༡) སྲོག་གཅོད་སྤངས་ནས་བྱམས་སྙིང་རྗེ་ལྡན་པའི་འདུ་ཤེས་མིའི་སེམས་གཏིང་ལ་འཇགས་པ།

ནང་ཆོས་ཀྱི་ཚེ་སྲོག་གི་ལྟ་བ་ནི་མི་དང་སྲོག་ལྡན་བྱ་དངོས་གཞན་དག་ཚེ་སྲོག་གི་མ་ལག་གཅིག་ཏུ་གནས་པ་དང་། མི་ནི་སྲོག་ལྡན་བྱ་དངོས་མ་ ལག་ཁྲོད་ཀྱི་ཁག་ཅིག་ཡིན་པས། སེམས་ཅན་ལ་བྱམས་སྙིང་རྗེ་དང་བདེ་སྐྱིད་ལྡན་པ། སྲོག་མི་གཅོད་པ། འགྲོ་བ་རིགས་དྲུག ལས་འབྲས། སེམས་ ཅན་སྡུག་བསྔལ་ལས་སྒྲོལ་བའི་སྙིང་རྗེ་ཆེན་པོའ་ི གཞུང་ལུགས་བཏོན་པ་དང་། མི་སེམས་གཙང་མ། སེམས་ཅན་གཙང་མ། ཁོར་ཡུག་གཙང་མའི་ འཇིག་རྟེན་གསར་བ་ཞིག་སྒྲོག་སྤེལ་བྱེད་པ་ཡིན།

ནང་བསྟན་ཆོས་ལུགས་ཀྱི་བྱམས་སྙིང་རྗེ་ལྡན་པ། སྲོག་མི་གཅོད་པ། སེམས་ཅན་སྡུག་བསྔལ་ལས་སྒྲོལ་བ། སེམས་ཅན་ལ་བདེ་སྐྱིད་ལྡན་པའི་བསམ་

སྦྱོར་འོག་ཤུགས་ཆེན་གྱིས་དོན་གང་ལའང་བྱམས་སྙིང་རྗེ་ལྡན་དགོས་པར་མ་ཟད། རང་ཉིད་ཀྱི་དགེ་སེམས་ཀྱིས་སྡུག་བསྔལ་རྒྱ་མཚོར་གནས་པའི་ སེམས་ཅན་ཅི་ནུས་ཀྱིས་སྐྱབས་ཏེ་བདེ་སྐྱིད་དང་ལྡན་པར་བྱ་དགོས། བསམ་བློ་འདིའི་བག་ཆགས་བཟང་བོར་བརྟེན་ནས་རྒྱ་ཆེའི་བོད་རིགས་ལ་དགེ་ བར་དགའ་ཞིང་འཇུག་པ། ཆེ་བཀུར་ཆུང་བྱམས། བབ་ཆགས་གཤིས་འཇམ་གཞུང་དྲང་། ཟོལ་མེད་རྟུལ་ཕོད། གཞོམ་གཞིག་མེད་པ། འབད་བརྩོན་ ལྷོད་མེད། ཡར་སྐྱེད་ལ་སྤྲོ་བའི་གཤིས་སྤྱོད་ལེགས་པོར་ཞིག་ཆགས་པར་མ་ཟད། ད་དུང་སྲོག་གཅོད་སྤངས་པའི་བསམ་བློ་མིའི་སེམས་སུ་འཇགས་ ནས་ཚེ་སྲོག་ལ་བདག་སྐྱོང་ལེགས་པོ་བྱེད་པ་དེ་གོམས་སྲོལ་དུ་གྱུར་ཡོད། བོད་མི་དམངས་གི་སེམས་ཁོངས་སུ་བགྲང་གིས་མི་ལང་བའི་མཚོ་དང་མཚེའུ་ཡིས་མངའ་ཞིང་དྭངས་པའི་ཆུ་རྒྱུན་གནང་བ་དང་། མཐའ་ཡས་པའི་རི་ ཀླུང་བདེ་ཐང་དུ་རྩ་ཆེའི་ལོ་ཏོག་རྩི་ཤིང་སྐྱེས་ལ། སྔོ་ཞིང་སྟུག་པའི་གནས་ཚལ་དང་རྩྭ་ཐང་གིས་འདབ་ཆགས་རི་དྭགས་དང་རྟ་ནོར་ལུག་སོགས་གསོ་ བའི་ཕྱིར། མི་ཕྱུགས་དར་ཞིང་འབྲུ་སྣ་རྒྱས་ཏེ་ཁོ་ཚོའི་བུ་རབས་ཚ་རྒྱུད་འཕེལ་ཞིང་དར་བའི་འཚོ་གནས་ཕྱུག་པོ་ཞིག་ཡོད་པར་གྱུར་པ་ཡིན། དེའི་ ཕྱིར། བོད་རིགས་མི་དམངས་ཀྱིས་ཁོང་ཚོར་རི་ཀླུང་དང་གཙང་བོ། ནགས་ཚལ་དང་རྩྭ་ཐང་། ས་ཞིང་དང་ཕྱུགས་ས་གནང་བའི་བཀའ་དྲིན་སེམས་ ལ་བཅངས་ནས་རྔམ་ཞིང་བརྗིད་པའི་གནས་རི་དང་ལྷ་རྡོ། དྭངས་ཤིང་གཙང་བའི་ལྷ་མཚོར་དུས་བཅད་བཞིན་མཆོད་འབུལ་མཇལ་སྐོར་ལ་འགྲོ་བ་ སྟེ། མི་ཕྱུགས་ཀྱི་བདེ་སྡུག་ལ་སྐྱབས་འཇུག་ཞུ་བ་དང་། རི་ཀླུང་དང་གཙང་བོ། ནགས་ཚལ་དང་རྩྭ་ཐང་། གནས་རི་དང་ལྷ་མཚོར་གནས་པའི་སྲོག་ ཆགས་རྩི་ཤིང་ཡོངས་ལ་ལྡབ་འགྱུར་གྱིས་བདག་སྐྱོང་བྱེད་པ་ཡིན། ཚོད་འཛིན་མེད་པར་ཤིང་ནགས་གཅོད་པ་དང་སྲོག་ཆགས་བསད་ན། གནམ་ སའི་ལྷའི་ཐུགས་ཁྲོས་ནས་གནོད་འཚེ་གཏོང་བར་འདོད། དེའི་ཕྱིར། བོད་ཁུལ་གྱི་གདོིད་མའི་ནགས་ཚལ་དང་འདབ་ཆགས་རི་དྭགས་བཅས་ཀྱི་སྐྱེ་ ཁམས་བདག་སྐྱོང་ཧ་ཅང་ལེགས། (༢) སེམས་ཅན་སྡུག་བསྔལ་ལས་སྒྲོལ་ཞིང་རི་སྐྱེས་སྲོག་ཆགས་གཅེས་སྐྱོང་བྱེད་པར་གོམས་སྲོལ་དུ་གྱུར་པ།

བོད་པས་ནང་བསྟན་ཆོས་ལུགས་ཀྱི་འགྲོ་བ་རིགས་དྲུག་གི་ལྟ་བས་སེམས་ཅན་སྡུག་བསྔལ་ལས་སྒྲོལ་བའི་ཤེས་རྟོགས་བྱེད་ལ། སེམས་ཅན་ལ་འགྲོ་ བ་རིགས་དྲུག་ཏུ་གནས་པའི་སྲོག་ལྡན་བྱ་དངོས་ཡོད་ཚད་གཏོགས་པར་འདོད། དེའི་ཕྱིར། སེམས་ཅན་ཐམས་ཆད་རང་གི་མ་ལྟར་ཤེས་ནས་ཁོ་ཚོའི་ དྲིན་དྲན་ཞིང་དྲིན་མཇལ་བར་སེམས་ཐག་གཅོད་དགོས། འདི་ནི་བོད་ཡོངས་ལ་སྙིང་རྗེ་ཆེན་པོའ་ི བསམ་བློའ་ི རྨང་གཞི་ཡོད་པའི་རྒྱུ་རྐྱེན་ཡིན། སྙིང་ རྗེ་ཆེན་པོའ་ི སེམས་པ་འདི་ཡོད་པ་ན་ད་གཟོད་སེམས་ཅན་ཐམས་ཅད་ལ་ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཀྱི་བསམ་བློ་ཞིག་ འབྱུར་ཐུབ་པ་དང་། བྱ་དངོས་ཀུན་ལ་རྣམ་ཤེས་ཡོད་པར་སྨྲ་བ་གཞིར་བཟུང་ནས་མི་དང་སྲོག་ཆགས་ངོ་བོའ་ི སྟེང་ངམ་ལྷག་པར་དུ་རྣམ་ཤེས་ཀྱི་ངོ་ བོའ་ི སྟེང་ནས་ཁྱད་པར་མེད་པར་སྙམ་སྟེ་གང་འདོད་དུ་གནོད་པ་འགོག་པ་ཡིན་པས། སྲོག་ཆགས་ཀུན་ལ་འདྲ་མཉམ་གྱི་འདུ་ཤེས་འཛིན་པར་མ་ ཟད་རི་སྐྱེས་སྲོག་ཆགས་ལ་ལྷག་ཏུ་གཅེས་སེམས་བཟུང་ནས་སྲུང་སྐྱོབ་བྱེད་པ་ཡིན། སེམས་པ་འདི་ནི་སྙིང་རྗེ་ཆེན་པོ་སྟེང་སེམས་ཅན་སྡུག་བསྔལ་ ལས་སྒྲོལ་བའི་བསམ་བློའ་ི འོག་བྱུང་བའི་མི་དང་སྲོག་ཆགས་འདྲ་མཉམ་དུ་གནས་ཤིང་ཕན་ཚུན་གཅིག་ལ་གཅིག་བརྟེན་གྱི་བསམ་བློ་ཡིན་པ་དང་། ལྷག་པར་དུ་གནས་རི་དང་ལྷ་མཚོ། ནགས་ཚལ། དགོན་པ་སོགས་སུ་སྲོག་ཆགས་ལ་ལྷག་ཏུ་གཅེས་སྐྱོང་བྱེད་པ་ཡིན། (༣) མི་དང་སྐྱེ་དངོས་གཞན་པ་ཚེ་སྲོག་མ་ལག་གཅིག་ཏུ་གནས་པར་འདོད་པ།

མི་ལ་ལས་སངས་རྒྱས་ཆོས་ལུགས་ཀྱིས་ཚེ་སྲོག་ཐམས་ཅད་ལ་སྲུང་སྐྱོབ་བྱེད་པའི་མི་ཆོས་ཀུན་སྤྱོད་དང་སྐྱེ་དངོས་རིག་པའི་དྲག་རྒྱལ་ཞན་འཇིག་ གི་ཆོས་ཉིད་དང་མི་མཐུན་པར་འདོད། ནུས་སྟོབས་ཞན་པ། ཕུང་བོ་སྐྱོན་ཅན། ནད་པ་རྣམས་ངེས་པར་དུ་འདོར་བ་དང་མེད་པར་བཟོ་བ། མིའི་ རིགས་ཀྱིས་རང་ཉིད་རང་བྱུང་ཁམས་ཀྱི་བདག་པོ་ཡིན་པ་དང་། སྐྱེ་དངོས་གཞན་པ་ཐམས་ཅད་མི་རྣམས་ཀྱི་འདུལ་སྦྱོང་དང་ལོངས་སྤྱོད་བྱེད་པའི་ དངོས་ཆས་ཡིན་པར་འདོད། མིའི་རིགས་ཀྱིས་རང་གི་འདོད་པ་ལྟར་རང་བྱུང་ཁམས་ལ་གཏོང་བརླག་དང་བསྒྱུར་བཀོད་བྱས་ཤིང་། རང་བྱུང་ཁོར་ ཡུག་རང་གིས་འདོད་འདོད་དུ་རྡོག་རིལ་གཏོང་ཆོག་པར་བསམ། སངས་རྒྱས་ཆོས་ལུགས་ཀྱི་སྟོན་པ་ཤཱཀྱ་ཐུབ་པ་ཡུལ་གྲུ་མང་པོ་འགྲིམ་པའི་དུས་ནས་ བྱ་སྤྱོད་འདིའི་རིགས་ལས་བྱུང་བའི་འབྲས་བུ་ངན་པ་རྟོགས་ཡོད་དེ། སྐྱེ་དངོས་ཁ་ཤས་ལ་ཅི་མི་སྙམ་པར་གཏོར་བརླག་བྱས་པ་དང་། མིའི་རིགས་རང་ ཡང་མུ་གེ་དང་ནད་ཡམས་ཀྱི་སྡུག་བསྔལ་དུ་ལྷུང་བས། ཁོའ་ི ཚོར་བ་ནི་སྙིང་རྗེ་ཁོ་ན་མ་ཡིན་པར་སྐྱེ་དངོས་ཀྱི་འཇིག་རྟེན་ཧྲིལ་བོའ་ི ཉམས་རྒུད་ལ་ མྱོང་ཚོར་ཟབ་མོ་བྱུང་། མིའི་རིགས་ཀྱིས་གནད་དོན་འདིར་འགན་གཙོ་བོ་འཁུར་དགོས། དེ་བས་སངས་རྒྱས་ཆོས་ལུགས་ཀྱིས་མི་དང་ཚེ་སྲོག་གཞན་ པ་མ་ལག་གཅིག་ཏུ་གནས་པ་དང་། མི་ནི་སྐྱེ་དངོས་མ་ལག་ཁྲོད་ཀྱི་ཁག་གཅིག་ཡིན་པར་བཤད། དུས་རབས་བདུན་པར་སངས་རྒྱས་ཆོས་ལུགས་ཁ་ བ་ཅན་དུ་དར་བ་ནས་བཟུང་། བོད་རིགས་དད་ལྡན་རྣམས་ཀྱི་སྟོན་པའི་བཀའ་གསུང་ལ་སོམ་ཉི་ཐེ་ཚོམ་སྤུ་ཙམ་ཡང་མི་བྱེད་པར་ཚེ་རབས་ཕྲེང་བར་ སྟོན་པའི་དགོངས་དོན་འདི་བརྩི་སྲུང་ལག་ལེན་བྱེད་པ་ཡིན། གཅིག་ནས་རང་དགར་སྲོག་གཅོད་པ་འགོག་པ་དང་། གཉིས་ནས་ནགས་ཚལ་དང་བྱ་ བྱིའུ་གཅན་གཟན་རི་དྭགས་ལ་སྲུང་སྐྱོབ་བྱེད་པའོ། རི་ན་རྒྱུ་བའི་རི་དྭགས་གཅན་གཟན་དང་ཐ་ན་གྲོག་མ་སྲིན་འབུར་ཡང་སྙིང་རྗེ་སྲུང་སྐྱོབ་བྱེད་ པ་ལས་འཛིན་བཟུང་གནོད་པ་མི་བྱེད་པར་མ་ཟད་སྲོག་ལ་འཚེ་བ་དེ་བས་ཀྱང་མི་བྱེད་པ། ཁོ་ཚོས་ནགས་ཚལ་དུ་ཚེ་སྲོག་གྲངས་མེད་པ་ཡོད་པ་དང་ ། གལ་ཏེ་ནགས་ཚལ་བརླག་པ་ན་སྐྱེ་དངོས་དེ་དག་ལ་ཡང་གནོད་འཚེ་ཐེབས་པ་གསལ་བོར་ཤེས། འདིས་དོན་དངོས་སུ་རང་བྱུང་ཁོར་ཡུག་དང་སྐྱེ་ ཁམས་དོ་མཉམ་ལ་སྲུང་སྐྱོབ་ཀྱི་ནུས་པ་ཐོན་ཡོད། དེའི་རྒྱུ་མཚན་གྱིས་བོད་རིགས་མི་དམངས་ཀྱིས་སྣ་མང་རང་བཞིན་གྱི་མཐོ་སྒང་གི་རི་སྐྱེས་འཇིག་ རྟེན་ཞིག་གནས་པར་བྱས། ཡིན་ན་ཡང་དུས་རབས་ཉི་ཤུ་བའི་དཀྱིལ་སྨད་ནས་བཟུང་། འདོད་མཐུན་གྱི་སྤྱི་ཚོགས་ཤིག་འཛུགས་སྐྲུན་བྱེད་ཆེད། མི་རྣམས་ཀྱི་རྣམ་ཤེས་གཙོ་བོར་ རང་བྱུང་ཐོན་ཁུངས་ཀྱི་སྔོག་འདོན་ལ་གཏད་ནས་སྐྱེ་ཁམས་ཁོར་ཡུག་གི་དོ་མཉམ་ལ་མཐོང་ཆེན་མ་བྱས་པས། མིག་སྔར་ཁོ་ན་ལས་མ་འོངས་པ་མི་ བསམ་པ། སྔོག་འདོན་ཁོ་ལ་བྱེད་པ་ལས་སྲུང་སྐྱོབ་མི་བྱེད་པའི་ནོར་འཛོལ་གྱི་བྱ་བ་མང་པོ་བྱས། རང་བྱུང་ཁོར་ཡུག་ལ་གཏོང་བརླག་བྱས་པས་ཆུ་

ལོག་དང་ཞོད་སྐྱོན། ཐན་པའི་གནོད་འཚེ་མྱོང་དགོས་བྱུང་། འདི་ནི་རང་བྱུང་ཁམས་ཆེན་པོས་མི་རྣམས་ཀྱི་ཀླད་མེད་དང་རྨོངས་རྟུལ། མིག་རྒྱང་ཐུང་ བར་སློག་པའི་འཁོན་ལན་ཚ་མོ་ཞིག་རེད། ༥ སྲོལ་རྒྱུན་རིག་གནས་ཀྱིས་རང་བྱུང་དང་སྐྱེ་ཁམས་དོ་མཉམ་ལ་སྲུང་སྐྱོབ་བྱེད་དགོས་པའི་རེ་བ་བཏོན།

བོད་ཀྱི་སྲོལ་རྒྱུན་རིག་གནས་ནི་རང་ཡུལ་གྱི་བོན་པོའ་ི རིག་གནས་རྨང་གཞི་དང་འབྱུང་ཁུངས་བྱས་ཤིང་། ཕྱི་ནས་འོངས་པའི་སངས་རྒྱས་ཆོས་ ལུགས་ཀྱི་རིག་གནས་ཀྱིས་ཇེ་ཕྱུག་ཇེ་རྒྱས་སུ་བཏང་བར་མ་ཟད་སྣེ་ཁྲིད་ཀྱི་ནུས་པ་ཐོན་པའི་ལོ་རྒྱུས་རིང་ཞིང་། རྣམ་པ་ཕུན་སུམ་ཚོགས་པ། ནང་ དོན་གྱིས་ཕྱུག་པ། ཁྱད་ཆོས་འབུར་དུ་ཐོན་པའི་གངས་ལྗོངས་རིག་གནས་སོ། རིག་གནས་འདིའི་འཕེལ་རྒྱས་དང་ལེགས་གྲུབ་ལ་གདོད་མིའི་རུས་ རྒྱུས་ཚོ་བའི་སྤྱི་ཚོགས་དང་གནའ་བོའ་ི སྤྱི་ཚོགས། ཉེ་རབས་སྤྱི་ཚོགས་བརྒྱུད་པ་དང་། དེ་ནི་བོད་རིགས་མི་དམངས་ཀྱི་མེས་པོ་རྣམས་ཀྱིས་ཐོན་ སྐྱེད་འཐབ་རྩོད་དང་སྤྱི་ཚོགས་ལག་ལེན་གྱི་བྱ་འགུལ་ལས་གསར་གཏོད་བྱས་པ་ཡིན། དེ་བས་བོད་ཀྱི་སྲོལ་རྒྱུན་རིག་གནས་ལ་མིའི་རིགས་ཀྱི་རིག་ གནས་ཀྱི་ཐུན་མོིང་གི་ཁྱད་ཆོས་ཡོད་པར་མ་ཟད། ད་རུང་རང་གི་ཐུན་མོང་མ་ཡིན་པའི་ཁྱད་ཆོས་ཀྱང་ཡོད་དེ། ཡུལ་གྲུའི་རང་བཞིན་དང་། མི་རིགས་ རང་བཞིན། སྣ་མང་རང་བཞིན། བརྟན་འཇགས་རང་བཞིན། གཞན་འགོག་པའི་རང་བཞིན། སྤྱི་ཚོགས་ཀྱི་རང་བཞིན། ཕྱོགས་ཁྲིད་ཀྱི་རང་བཞིན། རྒྱལ་སྤྱིའི་རང་བཞིན་སོགས་ཡོད། དེ་ནི་བོད་མི་རིགས་ཀྱི་བསམ་བློ་འདུ་ཤེས། མི་རིགས་སེམས་ཁམས། སྐད་ཆ་བྱ་སྤྱོད། དཔལ་འབྱོར་འཚོ་བ། སྤྱི་ཚོགས་སྒྲིག་གཞི། ཡུལ་སྲོལ་གོམས་ གཤིས། ཆོས་ལུགས་དད་མོས། རིག་གནས་སྒྱུ་རྩལ་སོགས་ཕྱོགས་ཐམས་ཅད་ལ་སིམ་ནས་ཡོད། བོད་ཀྱི་སྲོལ་རྒྱུན་རིག་གནས་ཁྲོད་ཀྱི་རང་བྱུང་ཁམས་ ཀྱི་ལྟ་བ་ནི། མིའི་རིགས་དང་རང་བྱུང་ཁམས་དབྱེར་མེད་གཅིག་ཏུ་གནས་པ་དང་། མི་ནི་རང་བྱུང་ཁམས་ལས་བྱུང་བ་དང་། མིའི་རིགས་དང་སྲོག་ ཆགས་སྐྱེ་དངོས་ཀྱང་སོ་སོ་དགར་ཐུབ་པ་མ་ཡིན། དེ་ཚོ་ཚང་མ་འདྲ་མཚུངས་ཀྱི་ཚེ་སྲོག་རྣམ་པ་ཡིན་ལ། སའི་གོ་ལ་གཅིག་ཏུ་གནས་ཤིང་། མཉམ་ དུ་འཚོ་གཞེས་གནང་བ་དང་མཉམ་དུ་འཕེལ་རྒྱས་སུ་འགྲོ་བས། དེ་གཉིས་ཀྱི་བར་དུ་ཁྱད་པར་ཅན་གྱི་འབྲེལ་བ་ཞིག་ཆགས་འདུག བོད་ཀྱི་སྲོལ་ རྒྱུན་རིག་གནས་ཀྱིས་ད་རུང་བོད་མི་རིགས་འཚར་ལོངས་བྱུང་བའི་ཡུན་རིང་གི་ལོ་རྒྱུས་གོ་རིམ་ཁྲོད། སྲོག་ཆགས་རྩི་ཤིང་མང་པོ་དང་བོད་མིའི་བར་ འབྲེལ་བ་ཟབ་མོ་ཞིག་ཆགས་ཡོད་པར་འདོད། རང་བྱུང་ཁམས་ཀྱི་དངོས་པོ་མང་པོའ་ི ཁྲོད་བོད་མི་དམངས་དང་འབྲེལ་འདྲིས་ཆེས་ཟབ་པ་དང་། རང་ ཉིད་ཀྱི་ཁེ་ཕན་དང་འབྲེལ་བ་ཆེས་ཆེ་བའི་ཆུ་ཆེན། མཚོ་དང་མཚེའུ། རི་ཆེན་རྩྭ་ས། ནགས་ཚལ་ཐང་ཆེན། རྟ་ནོར་ལུག་གསུམ་དང་དྲེའུ། སེང་གེ སྤྲེལ། སྟག གཟིག དོམ་དྲེད། རྨ་བྱ། གླང་ཆེན། ཤྭ། ཁྱུང་ཆེན། གླག་སོགས་བྱ་རིགས་དང་ཉ་རིགས་སྲུང་སྐྱོབ་བྱེད་པ་ཡིན། གོང་གི་འདི་དག་ཚང་མ་ བོད་མི་རིགས་ཀྱི་བྱུང་བ་དང་འཚོ་གཞེས། འཕེལ་རྒྱས་དང་འབྲེལ་བ་ཧ་ཅང་དམ་པོ་ཡོད། དེ་བས་བོད་མི་རིགས་ཀྱིས་རང་བྱུང་སྐྱེ་དངོས་སྣ་ཚོགས་ ལ་ཚོར་བ་དང་འདུ་ཤེས་ཡོད་པར་བྱས་ཡོད་དེ། དམངས་གླུ་སྙན་ངག་མང་པོ་རུ་གངས་རི་དང་སེང་གེ། རྩྭ་ཐང་དང་གཡག ཆུ་བོ་དང་ཉ་རིགས། ལྗོན་ ཤིང་དང་བྱ་བརྒྱ། བྲག་ཐེམ་དང་བྱ་རྒོད་ཕན་ཚུན་སྦྱར་ནས་བསྟོད་པ་བྱེད་ཅིང་། སེང་གེ་དང་རྨ་བྱ། གླང་ཆེན། རྟ་མཆོག་བཀྲ་ཤིས་པའི་སྲོག་ཆགས་ སུ་བྱས་ནས་བསྟོད་བསྔགས་བྱེད། བོད་ཀྱི་རྩོམ་རིག་ཁྲོད་སྲོག་ཆགས་དང་རྩི་ཤིང་མང་པོར་ཁྱད་པར་ཅན་གྱི་ཤེས་རབ་དང་ནུས་པ་ཡོད་པར་བྱས་ཏེ་ ལྷ་རུ་བརྩིས་ནས་སྲོག་ཆགས་རྩི་ཤིང་ལ་བཅངས་པའི་བརྩེ་དུང་དེ་བརྗོད་ཡོད། དཔེར་ན། འཛམ་གླིང་དུ་ཆེས་རིང་བའི་དཔའ་བོའ་ི ལོ་རྒྱུས་སྙན་ངག་ གེ་སར་རྒྱལ་པོའ་ི སྒྲུང་དུ་བྱ་བྱིའུ་རི་དྭགས་སྣ་ཚོགས་ལ་མིའི་རིགས་དང་འདྲ་བའི་ཤེས་རབ་ཡོད་པར་བྱས་ཡོད་དེ། ཧོར་གླིང་གཡུལ་འགྱེད་དུ་ཧོར་གྱི་ རྒྱལ་པོ་གུར་དཀར་གྱི་བཙུན་མོ་འདས་པའི་རྗེས་སུ། གསོས་བྱ་མི་སྐད་སྨྲ་ཤེས་པ་རྒྱ་བྱ། རྨ་བྱ། ནེ་ཙོ། ཁྭ་ཏ་བཞི་བོ་ཕྱོགས་བཞིར་བཙུན་མོར་སུ་འོས་ འཚོལ་དུ་སོང་བ་དང་། མཐའ་མ་ཁྭ་ཏས་གླིང་ཡུལ་ན་གེ་སར་རྒྱལ་བོའ་ི བཙུན་མོ་སྒ་སྐྱ་ལོའ་ི སེང་ལྕམ་འབྲུག་མོ་ཡོད་པ་མཐོང་བས་གུར་དཀར་ལ་ ཞུས་པ་དང་། བཙུན་མོ་འཕྲོག་པས་ཧོར་གླིང་གཡུལ་འགྱེད་བྱུང་བའོ། བོད་མི་རིགས་འཕེལ་རྒྱས་འཚར་ལོངས་བྱུང་བའི་དུས་ཡུན་རིང་བོའ་ི ཁྲོད་སྲོག་ཆགས་རྩི་ཤིང་སྣ་ཚོགས་འབྲེལ་བ་མང་པོ་བྱུང་ལ། ཁྲིམས་ལུགས་ཀྱི་ བྱེད་ཐབས་དང་། དེ་ལས་ཀྱང་གཙོ་བོ་སྤྱོད་ལམ་གྱི་བཅས་པ་བརྒྱུད་ནས་ཅི་ནུས་ཀྱིས་སྲོག་ཆགས་རྩི་ཤིང་སྣ་ཚོགས་འཚོ་གཞེས་དང་འཕེལ་བར་བྱས། བོད་ཀྱིས་འགར་བ་དང་། ཤན་པ། རྔོན་པ། ཉ་པ་རྣམས་དམན་པར་བརྩི་ལ། འདི་ནི་གཙོ་བོ་སྲོལ་རྒྱུན་རིག་གནས་ཁྲོད་ཀྱི་རང་བྱུང་སྐྱེ་ཁམས་ལྟ་ཚུལ་ ལས་བྱུང་བ་ཡིན་པ་ལས་མིའི་མཆོག་དམན་མཐོ་དམའ་དགར་བ་མིན། དེ་ནི་མགར་བས་སྲོག་གཅོད་བྱེད་ཀྱི་མཚོན་ཆ་སྣ་ཚོགས་བཟོ་བས་སེམས་ ཅན་ལ་གནོད་འཚེ་དང་མེད་བརླག་བྱེད་པ་དང་། ཤན་པའི་ལས་ནི་ཕྱུགས་ཟོག་བཤའ་བ་ཡིན་པས་སྲོག་གཅོད་པའི་གཏེ་བོ་ཡིན་པར་འདོད། རྔོན་པ་ དང་ཉ་པས་རི་སྐྱེས་སྲོག་ཆགས་དང་ཉ་རིགས་ལ་གནོད་ཅིང་འཚེ་བས་ཁོ་ཚོའི་བྱ་བ་ནི་ཀུ་ཡངས་གཏོང་མི་ཆོག་པའི་སྡིག་ལས་ཤིག་ཡིན་པར་འདོད། དེ་ནི་བོད་མིས་གོང་གི་མི་སྣ་བཞི་བོ་དམན་པར་བརྩི་བའི་རིག་གནས་ཀྱི་རྒྱུ་མཚན་ནོ། བོད་ཀྱི་སྲོལ་རྒྱུན་རིག་གནས་ཀྱིས་རང་མི་རིགས་ཀྱི་སྐྱེ་ ཁམས་ཁོར་ཡུག་ལ་ངེས་ཤེས་ཅུང་ཙམ་གསལ་བོ་ཡོད་དེ། དེས་མིའི་རིགས་ཀྱིས་མི་དང་ཁོར་ཡུག་བར་ཀྱི་དོ་མཉམ་ལ་མཉམ་འཇོག་བྱེད་པ་དང་། སྐྱེ་ ཁམས་ལ་སྲུང་སྐྱོབ། ཐོན་ཁུངས་ལ་གཅེས་སྤྲས། ནམ་ཡང་བུ་དང་ཚ་བོ་ཕྱི་རབས་པའི་ཁེ་ཕན་ལ་འདང་རྒྱག་པར་སྐུལ་སློང་བྱེད། བོད་ཀྱི་ལོ་རྒྱུས་ཐོག་ སྐྱེ་ཁམས་སྲུང་སྐྱོབ་བྱེད་པའི་ཁྲིམས་ཡིག་ཁྱབ་བསྒྲགས་བྱས་པ་ཧ་ཅང་ཉུང་ལ། གཏམ་བཤད་ཆེན་པོ་ཁྱབ་བསྒྲགས་གནང་བའང་མེད། ཡིན་ཡང་ སྲོལ་རྒྱུན་གྱི་གོམས་གཤིས་དང་སྤྱོད་ལམ་གྱི་བཅས་པ། ཆོས་ལུགས་དད་མོས། འཛེམ་བྱའི་གོམས་སྲོལ་སོགས་ལ་བརྟེན་ནས་རང་བྱུང་ཁམས་དང་སྐྱེ་ ཁམས་སྲུང་སྐྱོབ་བྱེད་བཞིན་ཡོད། དུས་མཚུངས་སུ་ཡི་གེར་མ་བཀོད་པའི་ཁོར་ཡུག་སྲུང་སྐྱོབ་ཀྱི་ཡུལ་སྲོལ་གོམས་གཤིས་ལ་བརྟེན་ནས་སྤྱི་ཚོགས་ ཡོངས་ཀྱི་མི་རྣམས་ཀྱི་བྱ་སྤྱོད་ལ་ཡོ་བསྲང་བྱེད་བཞིན་ཡོད། ༦ ཡུལ་སྲོལ་གོམས་གཤིས་ལས་འཛེམ་བྱ་དང་རང་བྱུང་སྐྱེ་ཁམས་ཀྱི་སྲུང་སྐྱོབ།

ཡུལ་སྲོལ་གོམས་གཤིས་ལས་འཛེམ་པར་བྱ་བའི་སྐོར་ནི་སྲོལ་རྒྱུན་རིག་གནས་ཁྲོད་ཀྱི་དམངས་སྲོལ་གྱི་རྣམ་པར་གཏོགས་ཤིང་། དེ་ལ་སྲོལ་རྒྱུན་རིག་

གནས་དང་དཔལ་འབྱོར་འཚོ་བ། མི་རིགས་ཀྱི་སེམས་ཁམས། ཆོས་ལུགས་དད་མོས། སྤྱི་ཚོགས་སྒྲིག་གཞི། གཞིས་སྡོས་ཡུལ་ཁོངས་བཅས་ཀྱི་ཤུགས་ རྐྱེན་ཐེབས་པས་ན་མངོན་པར་གསལ་བའི་མི་རིགས་ཀྱི་ཁྱད་ཆོས་ལྡན་པ་རེད། བོད་མི་རིགས་ཡང་དུས་ཡུན་རིང་བའི་འཚོ་གནས་རྒྱུད་སྤེལ་ཀྱི་གོ་ རིམ་ཁྲོད་སྲོག་ཆགས་རིགས་མང་བོ་དང་འབྲེལ་འདྲིས་རབ་དང་རིམ་པ་བྱས་པར་མ་ཟད། རང་ངོས་ཀྱི་འཚོ་གནས་དང་འཕེལ་རྒྱས་ཀྱི་ཕན་འབྲས་ ལ་འབྲེལ་བ་ཡོད་པ་རྟོགས་པ་ལས་གཞན། རང་ངོས་ཀྱི་འཚོ་གནས་ཁོར་ཡུག་ལ་ངེས་ཤེས་གསལ་བོ་འདྲོངས་པར་བརྟེན། རང་བྱུང་སྐྱེ་ཁམས་སྲུང་ སྐྱོབ་ཀྱི་ཕྱོགས་སུ་ཡུལ་སྲོལ་གོམས་གཤིས་ལས་འཛེམ་བྱ་མང་བོ་ཞིག་གྲུབ་པར་མངོན། (༡) རྩི་ཤིང་ནགས་ཚལ་གཞོམ་པར་འཛེམ་པ།

བོད་མི་རིགས་ཀྱིས་ནགས་ཚལ་དང་སྡོང་བོར་ཕྱོགས་ཡོང་ནས་སྲུང་སྐྱོབ་བྱེད་ཅིང་། ལྷག་དོན་ས་ཁུལ་དང་འཚོ་ཁག རུ་སྡེ། ཁྱིམ་ཚང་སོགས་ཀྱིས་ བཀུར་བར་བྱེད་པའི་བླ་རིར་མཚོན་ན་ནང་དུ་འགྲོ་འོང་བྱས་མི་ཆོག་པའི་དུས་མཚུངས་སུ། རི་ངོས་ཀྱི་རྩི་ཤིང་གང་ཡིན་ཡང་འབྲེག་གཅོད་ཡེ་ནས་ བྱ་མི་རུང་། སྒོས་སུ་རུ་སྡེའི་ནང་གི་སྡོང་བོ་རྒས་པ་དག་ནི་གཏན་ནས་གཅོད་མི་ཆོག་པར་མ་ཟད། དེའི་སྟེང་དུ་གྱོན་ཆས་འགེལ་མི་ཆོག་ལ་ཆུ་བཙོག་ པའང་སྡོང་རྩར་འབོ་མི་རུང་ངོ་།། (༢) སེང་གེ་དང་སྟག གླང་བོ་ཆེ། རྐྱང་། རྨ་བྱ་སོགས་གསོད་པར་འཛེམ་པ།

སེང་གེ་ནི་གངས་རིའི་རྒྱལ་པོ་སྟེ། དེ་ཉིད་ཀེ་ལ་ཤ་རིའི་སུལ་དུ་འཚོ་ཞིང་ཁྱད་དུ་འཕགས་པའི་སྲོག་ཆགས་ཤིག་ཡིན་པས་སུས་ཀྱང་གནོད་འཚེ་ གཏོང་མི་སྲིད། གཞན་དུ་ན་སེང་གེ་ནི་བོད་ཀྱི་དཔའ་བོའ་ི མི་སྣ་དང་ཀུན་གྱིས་རེ་བཞག་བྱེད་སའི་ཕུལ་བྱུང་མགོ་ཁྲིད་དམ་མཁས་གྲུབ་ཆེན་པོའ་ི མཚོན་བྱེད་དུ་འཇོག་པའང་ཡོད།

སེང་གེ་དང་གླང་བོ་ཆེ། རྐྱང་། རྨ་བྱ་སོགས་ནི་བཀྲ་ཤིས་མཚོན་བྱེད་ཀྱི་སྲོག་ཆགས་ཡིན་པར་བརྟེན། བོད་རིགས་མི་དམངས་ཀྱིས་དེ་ལ་དད་གུས་ དང་དགའ་ཞེན་བྱེད་ངེས། ལྷག་པར་སྟག་ནི་བོད་མི་དག་གི་མིག་ལམ་དུ་གཅན་གཟན་གྱི་རྒྱལ་པོ་སྟེ། བུ་དཔའ་བོའ་ི མཚོན་བྱེད་དུ་འཇོག་ཅིང་། དེ་ ལ་བརྟེན་ནས་རི་བོ་དང་མཚོ་མོ། ཆུ་བོ་སོགས་ལ་མིང་བཏགས་པའང་ཡོད་པ་རེད། དེ་བས་གོང་གསལ་གྱི་སྲོག་ཆགས་དེ་དག་གསོད་མཁན་ཡེ་ནས་ མེད་དོ།། (༣) འདབ་ཆགས་ཀྱི་རིགས་གསོད་པར་འཛེམ་པ།

འདབ་ཆགས་ཀྱིས་མིའི་རིགས་ལ་བདེ་སྐྱིད་དང་འཚོ་བ་བཟང་བོའ་ི སྨོན་འདུན་ཁྱེར་ཡོང་བར་བྱེད། དེ་ལས་རྨ་བྱ་ནི་བཀྲ་ཤིས་པ་དང་མཛེས་སྡུག་ ལྡན་པའི་མཚོན་བྱེད་དང་། ཁུ་བྱུག་ནི་གླུ་བ་དག་གི་མཚོན་བྱེད། ཁྱུང་ཆེན་ནི་མིའི་རིགས་འཚོ་གནས་རྒྱུད་སྤེལ་བྱུང་བའི་མེས་པོ། བྱ་རྒོད་ནི་ལྷ་བྱ་ཡི་ མཚོན་བྱེད། སྐྱ་ཀ་ནི་འཕྲིན་གསར་སྐྱེལ་བའི་ཕོ་ཉ་བཅས་སུ་འཇོག་པས། སྲོག་ཆགས་འདི་དག་འཛིན་པ་དང་གསོད་པའི་ཆ་ལ་ཧ་ཅང་འཛེམ་པར་ མངོན། ལྷག་དོན་བོད་མི་རིགས་ཀྱིས་རི་མཆོད་སོགས་བྱེད་དུས། འབྲུ་རིགས་སྣ་ལྔ་བཟུང་ནས་རི་སུལ་དུ་གཏོར་ཏེ་འདབ་ཆགས་ཀྱི་རིགས་ལ་སྦྱིན་ པ་གཏོང་བར་མ་ཟད། རྒན་པ་དག་གིས་བྱིས་པ་ཚོར་བྱ་ཚང་སློག་ཏུ་མི་འཇུག་ལ། བྱིའུ་ཕྲུག་ལ་རྩེ་བ་སོགས་འགོག་པ་ལས་གཞན་དེ་དག་གསོད་དུ་ གཏན་ནས་མི་འཇུག་གོ། (༤) ས་བརྐོ་རྡོ་སློག་བྱེད་པར་འཛེམ་པ།

ཡུལ་གྲུ་སོ་སོའ་ི བླ་རི་དང་དགོན་པའི་ཉེ་འཁོར་དུ། རིའི་སྟེང་གི་སྲོག་ཆགས་སྣ་ཚོགས་སྲུང་ཞིང་སྐྱོབ་ཆེད་ཡི་གེར་མ་ཕབ་པའི་སྒྲིག་སྲོལ་ཡོད་དེ། དཔེར་ན་རི་ལས་སྨན་རྩྭ་བརྐོ་བ་དང་ཤིང་སྡོང་གཅོད་པ། རི་དྭགས་རྔོན་པ། ཟོག་འཚོ་བ། གཏེར་འདོན་པ་སོགས་བྱས་མི་ཆོག་པ་ལས་གཞན། བླ་རིའི་ སྟེང་གི་འདེབས་པ་དང་འུར་རྒྱག་པ་བཅས་ཀྱང་སྤངས་པར་བྱས་ནས་ཡུལ་ལྷ་གཞི་བདག་ལ་ཕོག་ཐུག་གཏོང་མི་སྲིད། གལ་ཏེ་ས་བརྐོ་རྡོ་སློག་བྱས་ཏེ་ ཡུལ་ལྷ་གཞི་བདག་ལ་ཕོག་ཐུག་བཏང་ཚེ་རྐྱེན་ངན་བར་ཆད་འབྱུང་ངེས་པར་བཤད་དོ།། (༥) ཆུ་མགོ་འབག་བཙོག་གཏོང་བར་འཛེམ་པ།

ཆུ་ནི་མིའི་རིགས་ཀྱི་འཚོ་བའི་ཁྲོད་མེད་ཐབས་མེད་པ་ཞིག་སྟེ། བོད་རིགས་མི་དམངས་ཀྱིས་དུས་ཡུན་རིང་བོར་ལྟ་ཞིབ་བྱས་པ་བརྒྱུད། རྩི་ཤིང་ ནགས་ཚལ་གྱིས་ཆུ་མགོ་གསོ་བར་ནུས་པ་ཆེས་ཆེར་འདོན་བཞིན་པ་རྟོགས་ཡོད་པ་རེད། དེ་བས་བོད་མི་དག་གིས་ཆུ་ནི་ཨ་མའི་གྲང་གི་འོ་མར་དཔེ་ འཇོག་ཅིང་། ད་དུང་འཇིག་རྟེན་ཐོག་གི་ཆེས་གཙང་བ་ནི་ཆུ་དང་ཨ་མ་གཉིས་ཡིན་ཞེས་པའི་གཏམ་དཔེ་ཡང་ཡོད། དེ་བས་ཁོ་ཚོས་ཆུ་མགོའ་ི ཉེ་ འཁོར་གྱི་རྩི་ཤིང་དང་བྲག་རྡོ་ནི་ལྷ་རུ་བརྩིས་ཏེ་སྲུང་ཞིང་བསྐྱབས་ཏེ་གཞན་ལ་གཏོར་བརླག་བྱེད་དུ་མི་འཇུག ཆུ་མགོ་ཁ་རུ་གྱོན་ཆས་དང་རྐང་བ་ བཀྲུ་མི་རུང་ལ། ཁྲུས་ཀྱང་བྱེད་མི་ཆོག དེ་རུ་གད་སྙིགས་དང་མི་གཙང་བའི་དངོས་པོ་བཅས་སྤུངས་མི་རུང་བར་མ་ཟད། ཆུ་མགོའ་ི ནང་དུ་དེ་བས་ ཀྱང་འདོར་བར་མི་བྱེད་དེ། གཞན་དུ་ན་མི་གཙང་བའི་དངོས་པོ་དང་གཅིན་སྐྱག ལྕི་བ། སྲོག་ཆགས་ཀྱི་བེམ་རོ་སོགས་ནི་ཆུ་མགོའ་ི ནང་དུ་གཏན་ ནས་མི་འཕེན་ལ། ཐ་ན་ཆུ་མགོའ་ི ཉེ་འཁོར་དུ་གཅིན་སྐྱག་གཏོང་བའང་མི་རུང་སྟེ། དེ་ལྟར་བྱས་ཚེ་འདག་ཐབས་མེད་པའི་ཉེས་པ་བསགས་ཡོད་པར་ སེམས་པ་རེད། དེ་བས། ཆུ་མགོ་འབག་བཙོག་ཏུ་མི་གཏོང་བ་ནི་བོད་མི་རིགས་ཀྱི་འཛེམ་བྱ་ཆེས་ཆེ་བ་ཞིག་ཡིན་པར་སེམས། ༧ ངན་འགྲོའ་ི ལྟ་བས་མི་རྣམས་སྡིག་སྤོང་དགེ་སྒྲུབ་བྱེད་པར་ནུས་པ་འདོན་པ།

བོད་བརྒྱུད་ནང་བསྟན་གྱི་དགོངས་པ་ལྟར་ན། སྐྱེ་བོ་རྣམས་སྐྱེ་བའི་ཐོག་མ་མེད་པར་ལས་ཀྱི་དབང་གིས་རིགས་དྲུག་གང་རུང་དུ་སྐྱེ་ཞིང་འཕོ་བར་

བྱེད་དེ། ལས་དགེ་བ་སྤྱད་པས་ལྷ་མི་དང་། སྡིག་པ་སྤྱད་པས་ངན་འགྲོར་ལྷུང་སྟེ་དགེ་སྡིག་ལས་བདེ་སྡུག་ཉམས་སུ་མྱོང་ཚུལ་རྒྱ་ཆེ་འབྱུང་ཞིང་། དེ་ བཞིན་དུ་ནང་བ་པ་བྱིངས་ཀྱི་འདོད་པར། འགྲོ་བ་རིགས་དྲུག་གང་ཡིན་ཡང་བདེ་སྡུག་གི་ཚད་གཅིག་ཏུ་མ་ངེས་ནའང་། རྒྱུ་ཉོན་མོངས་དུག་གསུམ་ དང་བཅས་པའི་ཟག་པ་མ་ཟད་པ་ལས་འཁོར་བའི་བཙོན་ར་ནས་སྐྱེ་རྒ་ན་འཆི་དང་གསོད་འཕྲོག་འཐབ་རྩོད་བཀྲེས་སྐོམ་སོགས་ཀྱི་སྡུག་བསྔལ་ཟད་ དུ་མེད་པ་ཇི་སྲིད་འཁོར་བ་ལས་མ་ཐར་བ་དེ་སྲིད་དུ་མྱོང་དགོས་པར་གསུངས། དེ་ཡང་གཞན་སྲོག་འཕྲོག་པ་སོགས་ཚད་མེད་ཀྱི་ཉེས་དམིགས་རྔམ་པོ་ཆེ་བསགས་པའི་སྐྱེ་བོ་སུ་ཞིག་ཚེ་ཚད་རྫོགས་ཏེ་འཆི་འཕོའ་ི གནས་སྐབས་ མངོན་དུ་གྱུར་པ་ན། དམྱལ་བའི་ཡུལ་དུ་སྡུག་བསྔལ་གྱི་ཚོར་བ་ཇི་ལྟར་མྱོང་ཚུལ་ནི། ༼དམྱལ་གླིང་མུན་པ་རང་གསལ་༽ལས། ལྕགས་སྲེག་ཐང་ན་ ཚེ་འདས་ཕོ་མོ་རྣམས། ལུས་པོ་ཚིག་ནས་ཨ་ཚ་ཟེར་བ་འདི། འཇིག་རྟེན་མི་ཡུལ་གསོན་པོར་འདུག་པའི་དུས། ར་ལུག་གསོན་པོར་བཟུང་ནས་གསུར་ ལ་འདྲེན། ཆུ་ནང་ཉ་མོ་བཟུང་ནས་སྐམ་ལ་ཕུད། དགུན་གསུམ་རི་བོ་ཆེན་པོ་མེ་ལ་བསྲེགས། ལས་ངན་དེ་འདྲ་བྱས་པའི་རྣམ་སྨིན་རེད། ལས་མཁན་ མཚོན་ཆ་ཐོགས་པ་འབུམ་ཕྲག་གིས། ཚེ་འདས་ཕོ་མོ་བགྲང་ལས་འདས་པ་གསོད། ཡང་ཤི་ཡང་སོས་སྡུག་བསྔལ་བརྒྱ་རེ་མྱོང་། འཇིག་རྟེན་མི་ཡུལ་ གསོན་པོར་འདུག་པའི་དུས། ཉེས་མེད་རི་དྭགས་མང་པོ་མདའ་ཡིས་བསད། རྐུན་ཇག་བྱས་ནས་མི་རྟ་མང་པོ་བསད། བྱ་ཚང་བྱིའུ་ཚང་སྒོ་ང་རྡོ་ལ་ བརྒྱབ། གཡུ་སྤྱང་ཝ་མོ་དར་མ་མང་པོ་བསད། འཕྱི་བ་རི་བོང་ཤྭ་རྐྱང་མདའ་ཡིས་བསད། ན་ཁའི་སྦལ་བ་ཚྭ་ཆུ་བཏབ་ནས་བསད། ས་འོག་དུག་སྦྲུལ་ གླ་རྩི་དུག་གི་བསད། ལས་ངན་དེ་འདྲ་བྱས་པའི་རྣམ་སྨིན་རེད། ཅེས་སོགས་མང་དུ་འབྱུང་ལ། བོད་ཁམས་ཀྱི་དགོན་སྡེ་ཁག་གི་འདུ་ཁང་གི་ཁྱམས་ རའི་ལྡེབས་རིས་སུ་རྒྱུན་དུ་མཐོང་བའི་སྲིད་པའི་འཁོར་ལོ་ལས་ཀྱང་དེའི་སྐོར་གྱི་གནས་ལུགས་གསལ་བོར་བསྟན་ཡོད་པ་རེད། ང་ཚོས་ཤེས་ཐུབ་པ་ ནི། སྐྱེ་བོ་སྔ་ཕྱི་ནི་ཆོས་ལུགས་ལས་བསྟན་པའི་ལྟ་བ་ཙམ་དང་། དམྱལ་བ་ཞེས་པ་དེ་ཡང་། དེ་ལས་བསྟན་པའི་སྐྱི་གཡའ་བའི་ལྐོག་གྱུར་གྱི་གནས་ ཤིག་ཡིན་པའི་ཆ་ནས་མིའི་རིགས་སྤྱི་ལ་ཤུགས་རྐྱེན་ཟབ་མོ་ཞིག་འཇོག་ཐུབ་མེད་ན་ཡང་། ནང་བསྟན་ལ་དད་པའི་བོད་རིགས་མང་ཚོགས་རྣམས་ ལ་མཚོན་ནས་བཤད་ན། དམྱལ་བའི་སྡུག་བསྔལ་གྱི་ལྟ་བ་དེས་ཐོན་པའི་ནུས་པ་ནི་ཧ་ཅང་ཆེ་ལ། དེ་ལ་བརྟེན་ནས་སྐྱེ་བ་འདིའི་བདེ་བའི་ཆེད་དུ་ ལུས་རྟེན་འདིས་དཀའ་བ་ཅི་ཡང་བཟོད་པར་བྱེད་ཅིང་སྐྱེ་བ་ཕྱི་མའི་ཆེད་དུ་ནང་སེམས་འདུལ་བ་དང་སྒོ་གསུམ་ཞི་ཞིང་དུལ་བའི་ཡ་རབས་མི་ཆོས་ བཟང་བོའ་ི གཤིས་སྤྱོད་ལྷུར་ལེན་གང་ཐུབ་བྱེད་པ་དང་ཆབས་ཅིག སྡིག་པའི་ལས་ཆེ་ཕྲ་གང་ཡིན་ལ་མ་ལྟོས་པར་ཐམས་ཅད་སྤོང་ཐབས་ལ་འབད་ པའི་སྲོལ་མ་ནུབ་པར་ཡོད། དེ་ཡང་ལོ་རྒྱུས་ཀྱི་སྟེང་ནས་བཤད་ན། སྲོག་ཆགས་གང་ཞིག་ལ་བསམ་བཞིན་སྲོག་གཅོད་པའམ་མནར་གཅོད་གཏོང་བའི་སྲོལ་མེད་ལ། སྲོག་འཚོ་ བ་ལ་ཐབས་གཞན་མེད་པར་རྔོན་ལས་དང་བཤན་པ་བྱེད་དགོས་བྱུང་ན་མ་གཏོགས་ལས་དེ་ལྟ་བུར་འཇུག་སྲོལ་མ་མཆིས་ཤིང་། དོན་དེ་ལྷུར་ལེན་ མཁན་ནི་སྤྱི་ཚོགས་སྟེང་གོ་ས་མེད་པར་བཤན་པའམ་ལག་དམར་བ་ཞེས་ཐ་ཤལ་རིགས་དམན་གྲས་སུ་བརྩི་བ་འདི་ལྟ་བུར་མཚོན་ན་དམྱལ་བའི་ སྡུག་བསྔལ་སོགས་དགེ་སྡིག་ལས་འབྲས་ཀྱི་ལྟ་བས་ཐོན་པའི་ནུས་པ་བསྙོན་དུ་མེད་དོ། དོན་དེའི་ངོས་ནས་བཤད་ན། བོད་མི་རྣམས་ལས་དེ་ལྟ་བུར་ འཛེམ་པའི་རྣམ་པར་སྣང་ན་ཡང་། དོན་དུ་ཡ་རབས་ཀྱི་ཆོས་བཟང་བོ་ཞིག་གི་རྐང་བཟུང་ནས་ཡུན་རིང་མོ་ནས་གྲུབ་པའི་ཀུན་སྤྱོད་བཟང་བོ་ལས་ ངང་གིས་ཐོན་པ་ཞིག་རེད། སྐབས་རེར་མི་སུ་ཞིག་གིས་སྲོག་ཆགས་གང་ཞིག་ལ་གནོད་པའི་ལས་བྱས་ཚེ། མཐོང་ཐོས་སུ་མྱོང་བའི་མི་ཐམས་ཅད་ ཀྱིས་བློས་མི་བཟོད་པའི་གླེང་མོལ་དང་སྡིགས་དམོད་བྱེད་དེ། ལས་རྒྱུ་འབྲས་རང་མགོར་འཁོར་ངེས་པའི་ལྡོག་མེད་ཀྱི་ཆོས་ལ་ཡིད་ཆེས་པའི་སྟེང་ ནས་ལུས་ངག་གི་སྤྱོད་པ་སྣ་ཚོགས་ཤིག་བྱེད་སྲོལ་ཡོང་འདུག་པ་ནི་རི་སྐྱེས་སྲོག་ཆགས་ཀྱི་ངོས་ནས་བཤད་ན། དེས་ནི་སྲོག་ཆགས་རྣམས་ལ་སྲུང་ སྐྱོབ་བྱེད་པའི་ནུས་པ་ཆེས་ཤོས་ཐོན་གྱིན་ཡོད། ༨ ཚེ་ཐར་གཏོང་བའི་ཡུལ་སྲོལ་གྱིས་གསོན་པོའ་ི ཆོས་དེ་སླར་ཡང་རང་བྱུང་ཁམས་ཆེན་པོར་བསྟིམས་པ།

འདོད་ཆུང་ཆོག་ཤེས་དང་བྱམས་སྙིང་རྗེའི་ས་བོན་དང་བཅས་པའི་བྱང་ཆུབ་ཀྱི་སེམས་མཆོག་བླ་ན་མེད་པ་ལ་བརྟེན་ནས་མི་རྣམས་ཀྱིས་གཞན་སྲོག་ འཕྲོག་པའི་བསམ་སྤྱོད་གང་ནུས་ཀྱིས་སྤོང་ཞིང་། དེ་ལས་བོད་མི་རྣམས་ཀྱིས་སྒོ་ཕྱུགས་དང་རི་སྐྱེས་སྲོག་ཆགས་ཚེ་ཐར་དུ་གཏོང་སྲོལ་རྒྱུན་འབྱམས་ སུ་ཡོད། དེར་མ་ཟད་བོད་ཁྱིམ་དུ་ཡོད་པའི་ཆེ་ཟོག་ཆུང་ཟོག་གང་ཡིན་ཡང་བལ་རྩིས་མར་ཆུར་དང་ཁལ་འགེལ་ཞོན་པ་སོགས་བེད་སྤྱོད་བྱས་པ་ལ་བསམ་ ནས་དྲིན་ཅན་གྱི་བློས་གང་ཕན་བྱམས་པས་སྐྱོང་བ་དང་། ཤ་ཁྲག་ཟ་བ་ཕར་ཞོག་རང་དབང་གི་གོ་སྐབས་ཅི་ཐུབ་ཀྱིས་བྱིན་ཏེ་དམིགས་བསལ་ཚེ་ ཐར་དུའང་གཏོང་སྲོལ་ཡོད།

ཡང་རི་སྐྱེས་སྲོག་ཆགས་ཀྱི་རིགས་རྣམས་ཀྱང་ཁོར་ཡུག་དང་སྲོག་ལྡན་ཀུན་གཅེས་པར་འཛིན་ཆེད་ཚེ་ཐར་དང་སྲོག་བླུ་བྱེད་སྲོལ་འདི་ལྟར་ཡོད་དེ། ཁ་ཅིག་གིས་གཞན་ལ་སྲོག་ཆགས་ཀྱི་རིགས་མི་གསོད་པའི་ཁ་ཏ་བསླབ་བྱ་གཏོང་ཞིང་། ས་ཆ་མང་པོ་ཞིག་ཏུ་ཕྱོགས་བཞིའི་སྲོག་ཆགས་ཆེ་ཕྲ་མང་ པོའ་ི སྲོག་བསྲུང་ཕྱིར་རི་རྒྱ་ཀླུང་རྒྱ་བྱས་ཏེ། བྱ་ར་བ་ཆེད་དུ་བཀོད་སྒྲིག་གིས་སྲུང་སྐྱོབ་བྱེད་བཞིན་པ་སྟེ། སུས་ཀྱང་རྔོན་བྱེད་པ། ཉ་འཛིན་པ། རྩྭ་རྩི་ ཤིང་ནགས་གཅོད་པ་སོགས་སེམས་ཅན་གྱི་སྲོག་ལ་གནོད་པའི་ལས་གང་ཡང་བྱེད་དུ་མི་འཇུག་པ་དང་། ཁ་ཅིག་གིས་རྨས་པའང་ན་བའི་རི་དྭགས་ མཐོང་ན་གསོད་པ་ཕར་ཞོག ཟས་དང་སྨན་གྱིས་གསོས་ཏེ་སོས་པའི་གནས་སྐབས་སུ་ཕྱིར་གཏོང་བ། ཡང་ཁ་ཅིག་གིས་ནི་གཞན་གྱིས་བཟུང་སྟེ་སྲོག་ ལ་ཉེན་པའི་སྲོག་ཆགས་མང་པོ་རིན་གྱིས་བླུས་ཏེ་རི་དང་ཆུའི་རང་གནས་སུ་ཕྱིར་གཏོང་བ་སོགས་མང་དུ་མཆིས་སོ། ཚེ་ཐར་སྲོག་བླུ་ལ་བརྟེན་ནས་ གསོན་པོའ་ི ཚེ་སྲོག་དེ་སླར་ཡང་རང་བྱུང་ཁམས་ཆེན་པོར་བསྟིམས་ཏེ། བཙན་ཐབས་ཀྱིས་འཇོམས་པའི་ནག་པོའ་ི ལས་སྤོང་བའི་ཡུལ་སྲོལ་བཟང་བོ་ འདི་འདྲ་ནི་འཛམ་གླིང་གི་མི་རིགས་གཞན་གྱི་ཁྲོད་ན་ཆེས་མཐོང་དཀོན་པའི་གནས་སོ།

ས་བཅད་ལྔ་བ། གངས་ཅན་བོད་ཀྱི་སྐྱེ་ཁམས་རིག་པའི་འདོད་ཚུལ་སྤྱི་དང་དེའི་འབྲས་བུ་མདོ་ཙམ་གླེང་བ།

༄༅། །ཧིན་རྡུའི་ས་ལེབ་ཆེན་པོ་ཐོ་གཏུགས་ཀྱིས་ལོ་རེར་བྱང་ཕྱོགས་སུ་ལིས་མུས་ལྔ་ཡར་སྐྱེས་བྱུང་བས་མདོ་དབུས་མཐོ་སྒང་གྲུབ་པ་དང་མདོ་དབུས་ མཐོར་སྒང་ཡོངས་རྫོགས་ལོ་རེར་ཆ་སྙོམས་ཀྱིས་ཧོ་མུས་༤་་་་༦ཡར་སྐྱེས་པ་དང་། དེའི་ནང་ཁུ་ནུ་རི་རྒྱུད་ལོ་རེར་ཆ་སྙོམས་ཧོ་མུས་༦་་་་༨ཡར་སྐྱེས། ཇོ་ མོ་གླང་མའི་རི་རྒྱུད་ལོ་རེར་ཆ་སྙོམས་ཧོ་མུས་༨་་་༡༠ཡར་སྐྱེས་འབྱུང་བཞིན་ཡོད། དེ་ཡང་སྤྱི་ལོ་སྔོན་གྱི་ལོ་༧༠༠ཡི་དུས་སུ་མཐོ་སྒང་གི་ནམ་ཟླ་ཇེ་དྲོར་ གྱུར་པ་དང་རྩྭ་ཆུ་ཕུན་སུམ་ཚོགས་པས་བོད་ཀྱི་མངའ་རིས་ཞང་ཞུང་གི་ཡུལ་དུ་སྲིད་འབྱོར་རིག་གསུམ་འཕེལ་རྒྱས་ཆེན་པོ་བྱུང་བ་དང་། ནང་སྒོས་ སུ་བོན་གྱི་རིག་པ་དར་རྒྱས་ཆེན་པོ་བྱུང་། དེ་ལས་རང་བྱུང་ཁམས་ལ་དད་མོས་དང་དེ་ལ་རྣམ་པར་ཤེས་པའི་ཕུང་བོ་ཡོད་པའི་འདུན་པ་བཅངས། དེ་ དག་ལ་རིམ་གྱིས་དད་མོས་ཀྱི་ཆོ་ག་སྣ་ཚོགས་སྤེལ་ཏེ་གནའ་བོའ་ི གདོད་མའི་ཆོས་ལུགས་བྱུང་། དེ་ཡང་སྟེང་ན་ལྷ། བར་ན་བཙན། འོག་ལ་ཀླུ་ཡོད་ པའི་ལྟ་བ་ལས་མཆེད་དེ་མདོ་དབུས་མཐོ་སྒང་གི་རི་མཐོན་པོ་ར་རེར་སྲིད་པ་ཆགས་པའི་ལྷ་དགུ་གནས་པའམ་རྗེ་ཡི་མགུར་ལྷ་བཅུ་གསུམ་གནས་ པར་བཤད། དེ་བས་མཐོ་སྒང་གི་རི་མཐོན་པོར་ཐམས་ཅད་ལྷ་གནས་པས་ལྷ་རི་དང་། མཚོ་ཐམས་ཅད་ལ་ཀླུ་གནས་པས་ལྷ་མཚོའམ་ཀླུ་མཚོར་འབོད་ པ་དང་། གནམ་སྔོན་པོ་ནི་གནམ་རྒན་མས་བདག་སྐྱོང་དང་བཀའ་ལུང་བསྒྱུར་བར་འདོད་པས། ཁོང་ནི་རང་བཞིན་གྱི་རང་བྱུང་ཁམས་ཤིག་མ་ཡིན་ པར་མིའི་རིགས་རིག་པའི་རང་བྱུང་ཁམས་(人类学的自然界)ཤིག་ཡིན་པར་འདོད། དེ་ཡང་གནམ་གཤིས་འགྱུར་ལྡོག་དབང་གིས་མི་རིགས་ལོ་རྒྱུས་ལ་དར་རྒུད་ཐེབས་པ་ནང་བཞིན་ཞང་ཞུང་ཡུལ་གྱི་དཔལ་འབྱོར་ཉམས་ཆག་པ་དང་ མི་གྲངས་ཇེ་ཉུང་། ས་ཆ་གནས་སྤོར་སོགས་བྱུང་སྟེ་ཉམས་རྒུད་དུ་གྱུར། སྤྱི་ལོ་དུས་རབས་༦་་་་༡༡པའི་ནང་དུ་ཡར་ཀླུང་ས་ཁུལ་གྱི་ནམ་ཟླ་ཇེ་དྲོར་ གྱུར་པས། ཡར་ཀླུང་ལྷོ་ཁ་ཁུལ་དུ་ཞིང་ལས་དར་རྒྱས་སུ་སོང་བ་དང་ལག་རྩལ་བཟོ་ལས་དང་ཚོས་ལས་དར་རྒྱས་ཆེན་པོ་བྱུང་། ཐུ་བྷོད་རྒྱལ་རབས་ རིམ་བྱུང་ནས་རིག་གནས་ལ་མཐོང་ཆེན་པོར་བྱས་ནས་རང་རིགས་མེས་པོའ་ི རིག་གནས་ཤུལ་བཞག་རྒྱུན་འཛིན་ཐོག་མི་རིགས་གཞན་གྱི་རིག་པའི་ ལེགས་ཆ་བསྡུ་ལེན་གྱིས་བོད་དུ་ནང་བའི་བསྟན་པ་དར་རྒྱས་གོང་འཕེལ་བྱུང་བ་དང་། ཆོས་ཀྱི་རྒྱལ་བོ་སྲོང་བཙན་སྒམ་པོ་ནས་ནང་བསྟན་གྱི་དགེ་ བ་བཅུ་གཞིར་བྱས་མི་ཆོས་གཙང་མ་བཅུ་དྲུག་གི་ཁྲིམས་བཅས་ཏེ་ཁྱབ་བསྒྲགས་བྱས་པ་དང་། དེས་མི་དང་མིའི་བར་དང་མི་དང་སྤྱི་ཚོགས་བར། མི་ དང་རང་བྱུང་ཁམས་ཀྱི་འབྲེལ་བར་སྐུལ་འདེད་ཆེན་པོ་ཐེབས། དེ་ཡང་ནང་བསྟན་པའི་སྐྱབས་འགྲོ་སེམས་བསྐྱེད་ཀྱི་སྐབས་སུའང་སྐྱབས་གནས་ དཀོན་མཆོག་གསུམ་པོ་ཡིན་པར་ཐག་བཅད་པ་དང་སེམས་བསྐྱེད་ཀྱི་དུས་སུ་འགྲོ་བ་རིགས་དྲུག་སེམས་ཅན་ཐམས་ཅད་མར་ཤེས། དྲིན་དྲན་པ། དྲིན་གཟོ་བའི་སྟེང་ནས་མི་དང་མིའི་བར་དང་། མི་དང་དུད་འགྲོ་སོགས་རིགས་དྲུག མི་དང་རང་བྱུང་ཁམས་བར་གྱི་འབྲེལ་བར་ཐག་གཅོད་ཡང་ དག་པར་གནང་ཡོད་པས་ལོ་ངོ་སྟོང་ཕྲག་མང་པོའ་ི རིང་ལ་མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་ནི་ཐོག་མའི་རྣམ་པར་གནས་པ་དང་། དེའི་ སྟེང་གི་སྐྱེ་དངོས་དང་འོག་གི་ས་གཤིས་ལ་གནོད་སྐྱོན་སྤུ་ཙམ་ཡང་བཏང་མེད། ནང་སྒོས་སུ་ཕྱུགས་ལས་ས་ཁུལ་དུ་ས་འགུལ་ཐེབས་པའམ། ཆུ་ལོག་ རྒྱུག་པ། ས་ཉིལ་པ་ལས་གཞན་དུས་རབས་ཉི་ཤུའི་བར་དུ་ས་ཁམས་ཀྱི་ཆེས་ཐོག་མའི་རྣམ་པར་གནས་ཡོད།

དེ་ཡང་བོད་ཀྱི་ཕྱུགས་ལས་ས་ཁུལ་དུ་དུས་བཞིའི་རྩྭ་ས་ཐག་གཅོད་ཀྱིས་གནས་སྤོར་ཕྱུགས་སྐྱོང་སྒོས་འཚོ་བ་རོལ་བ་ཡིན། རྩྭ་ས་བརྗེ་སྤོར་གྱིས་རྩྭ་ སའི་ཁུར་བོ་ཇེ་ཡང་དང་ངལ་གསོའ་ི དུས་ཚོད་ཡག་པོ་སྤྲད་པ་ནི་ཕྱུགས་སྐྱོང་ཚན་རིག་གི་རང་བཞིན་དང་སྐྱེ་ཁམས་སྲུང་སྐྱོབ་དང་མཐུན་པ་ཞིག་ རེད། གཞན་ཡང་རི་ལ་གཞི་བདག་གནས་པས་གཞི་བདག་ལ་ལྷ་གསོལ་བསང་གཏོང་གིས་རི་ལ་གཏོར་བརླག་མི་ཐེབས་པ། རི་དེར་གནས་པའི་ གནས་ཚལ་མི་གཅོད་པ། རི་དེར་གནས་པའི་རི་དྭགས་ནི་གཞི་བདག་གི་སྒོ་ཟོག་ཡིན་པས་གསོད་མི་ཆོག་པ། མཚོ་ཐམས་ཅད་བླ་མཚོའམ་ལྷ་མཚོ་ ཡིན་པས་དེའི་ནང་གི་ཉ་རིགས་སོགས་ལ་སྲུང་སྐྱོབ། དེ་ལ་འབྲུ་རིགས་སྣ་ལྔ་དང་གསེར་དངུལ་ཟངས་ལྕགས་སོགས་རིན་པོ་ཆེའི་གཏེར་སྦས་པ། ཆུ་ མགོ་ཐམས་ཅད་དུ་ཀླུ་གནས་པས་ཀླུ་ལ་དཀར་བསང་མཆོད་པ་ལས་དམར་གསང་ཏིལ་འབྲུ་ཙམ་ཡང་བཏང་མི་ཆོག་པ། ས་བརྐོ་རྡོ་སློག་བྱས་མི་ཆོག་ པ། གལ་ཏེ་སུས་བྱས་ན་དེ་ལ་ཀླུས་གནོད་པ་གཏོང་བའམ་ཀླུ་ནད་ཐེབས་ངེས་ཡིན་པ། ནགས་ཚལ་གཅོད་མི་ཆོག་པ། བཅད་རུང་བསྐྱར་འཛུགས་བྱེད་ རྒྱུ་གལ་ཆེ་བ། ཤིང་ནགས་ཀྱིས་རང་བྱུང་མཁའ་དབུགས་ལ་ཕན་ནུས་དང་ཆར་ཆུ་སྙོམས་སྒྲིག་གིས་ལོ་ཕྱུགས་རྟག་ཏུ་དར་ཞིང་འཕེལ་བ་སོགས་ཀྱི་ དགེ་མཚན་ལྡན་པ། དེ་ཡང་ས་གནས་བརྗེ་སྤོར་གྱིས་རི་རྒྱ་དང་ཀླུང་རྒྱ་བསྡོམས་སྲོལ་ཡོད་པ། ཐ་ན་མི་གཅིག་སྐྱེས་ཕྱིན། མི་དེར་བླ་གནས་སའི་བླ་ དངོས་ཤིག་ཡོད་དགོས་པ། བླ་དེར་གནས་པའི་ཤིང་ནགས་སམ། རི། བྲག་རྡོ། མཚོ། ཡང་ན་ཟོག་ལུག་གང་རུང་ཡིན་པ་དེའི་ལེགས་ཉེས་ནི་མི་རང་གི་ རླུང་རྟའི་དར་རྒུད་དང་འབྲེལ་ཆེ་བས་རང་བྱུང་ཁམས་ལ་གནོད་སྐྱོན་གཏོང་བ་ནི་རང་ཉིད་ལ་གནོད་འཚེ་གཏོང་བ་དང་ཁྱད་མེད་པས་དེ་ལ་སྲུང་ སྐྱོབ་བྱེད་རྒྱུར་ཧ་ཅང་དོ་སྣང་བྱེད་པ་རེད། དེ་ལ་བརྟེན་ནས་བོད་ཀྱི་ཆོས་རྒྱལ་རིམ་བྱོན་ནས་རི་དྭགས་རྔོན་མི་ཆོག་པ་དང་ནགས་ཚལ་གཅོད་མི་ ཆོག་པ། གཏེར་ཁ་སློག་མི་ཆོག་པའི་རི་རྒྱ་ཀླུང་རྒྱའི་བཀའ་ལུང་ཡང་ཡང་བསྩལ་བ། དེ་ལ་བརྟེན་ནས་བོད་ཀྱི་ས་གནས་ཁག་སོ་སོར་ཡང་རང་རང་ལ་ཁྲིམས་སྲོལ་ཡོད་པ་དཔེར་ན། ཟིན་ཁྲོན་ཞིང་ཆེན་འབའ་ལི་ཐང་དུ་རི་དྭགས་རྔོན་ མི་ཆོག་པ་དང་ཚེ་སྲོག་ཡོད་པའི་སྐྱེ་དངོས་ལ་གནོད་པ་བྱེད་མི་ཆོག གལ་ཏེ་ཕོ་གླ་གཅིག་བསད་ན་བོད་ཊམ་བརྒྱའི་ཆད་པ་དང་། མོ་གླ་ཞིག་ཡིན་ན་ བོད་ཊམ་ལྔ་བཅུའི་ཆད་པ། ཕག་རྒོད་དམ་གནའ་བ་ཞིག་ལ་ཆད་པ་དངུལ་ཊམ་བཅུ། ཝ་མོར་སུམ་ཅུ། ཆུ་སྲམ་ལ་ཉི་ཤུའི་ཆད་གཅོད་བྱེད་ངེས། ཀན་ སུའུ་ཞིང་ཆེན་རྒན་ཀྱའི་ཡུལ་དུ། རྒན་ཀྱའི་རྩྭ་ཐང་དུ་རི་དྭགས་རྔོན་མི་ཆོག གལ་ཏེ་ཕྱི་ཕྱོགས་ཀྱི་མིས་སྲམ་ཞིག་བཟུང་ན་སྒོར་༡༠་་་༣༠ ཡི་ཆད་པ། རང་རེའི་ཚོ་བའི་འབྲོག་དམངས་ཀྱིས་སྲམ་ཞིག་བཟུང་བ་ཤེས་ཚེ་དེ་ལ་ནས་བྲེ་སུམ་ཅུའི་ཆད་པ་ཡོད། མཚོ་སྔོན་ཞིང་ཆེན་རྐང་ཚའི་ཚོ་བས། ལོ་ གཅིག་དུས་ཚིགས་བཞིའི་རིང་རི་དྭགས་རྔོན་མི་ཆོག རྐྱང་གཅིག་བསད་ན་སྒོར་མོ་དཀར་པོ་བཅུའི་ཆད་པ་དང་རི་བོང་གཅིག་གམ་སྲམ་གཅིག་ བསད་ན་དངུལ་སྒོར་ལྔའི་ཆད་པ་ཡོད་ཅེས་ས་གནས་ཚོ་བའི་ཁྲིམས་སྲོལ་དུ་དར་བ་སོགས་ཡ་རབས་ལུགས་སྲོལ་དང་ཆོས་སྲིད་ཟུང་འབྲེལ་ཀྱིས་ སྐྱེ་ཁམས་སྲུང་སྐྱོབ་དང་ཁོར་ཡུག་དོ་སྙོམས་ལ་རྟིང་སྐུལ་ཡག་པོ་ཐེབས་པས་བོད་ཀྱི་ཡུལ་འདི་ནམ་མཁའ་སྔོ་ཞིང་བསངས་པ། སྤྲིན་པ་དཀར་ཞིང་ གསལ་བ། ཆུ་བོ་དྭངས་ཤིང་གཙང་བ་ཞིག་ཆགས་པ་མ་ཡིན་ནམ། དེ་ཡང་(ཏུན་ཧོང་གཏེར་ཡིག་)ལས། གནམ་གྱི་ནི་དབུས། སའི་ནི་དཀྱིལ། གླིང་

གི་ནི་སྙིང་བོ། གངས་ཀྱི་ནི་ར་བ། ཆུ་བོ་ཀུན་གྱི་ནི་མགོ་བ། རི་མཐོ། ས་གཙང་། ཡུལ་བཟང་། མི་མཛངས་ཤིང་དཔའ་རུ་སྐྱེ། ཆོས་བཟང་དུ་བྱེད། རྟ་ མགྱོགས་སུ་འཕེལ་བའི་གནས་ཞེས་དང་། ཡང་(བཀའ་གདམས་གླེགས་བམ་)ལས། ཤར་རྡོ་རྗེ་གདན་གྱི་བྱང་ཕྱོགས་ན། གནས་པུར་རྒྱལ་བོད་ཅེས་བྱ་ བ་ཡོད། མཚོ་དམ་མོ་གཡུ་ཡི་མཎྜལ་ཡོད། གངས་དཀར་པོ་ཤེལ་གྱི་མཆོད་རྟེན་ཡོད། སྤང་སེར་པོ་གསེར་གྱི་ལྷུན་པོ་ཡོད། དྲི་ཞིམ་པོ་སྨན་གྱི་བདུག་ སྤོས་ཡོད། སྟོན་བཀྲ་བ་གསེར་གྱི་མེ་ཏོག་ཡོད། དབྱར་བཀྲ་བ་གཡུ་ཡི་མེ་ཏོག་ཡོད། ཅེས་བོད་ཀྱི་ཡུལ་རི་མཐོ་ཞིང་ས་གཙང་བ། ཆུ་བོ་དྭངས་ཤིང་ བསིལ་བ། སྟོད་ན་གཡའ་རི་བྲག་རི། བར་ན་རྫ་རི་སྤང་རི། སྨད་ན་རྩི་ཤིང་དང་ནགས་ཚལ་སོགས་ཀྱིས་བརྒྱན་པ། དེ་ལ་གནས་པའི་བྱ་བྱིའུས་སྐད་ སྙན་སྒྲོག་པ། རི་དྭངས་བག་ཡངས་སུ་རྩེན་པ། འབབ་ཆུའི་སྒྲ་ལྷུང་ལྷུང་དུ་སྒྲོག་པ་སོགས་ཀྱིས་སྐྱེ་བོའ་ི ཡིད་དབང་ཅིས་མི་ཕྲོགས།

བོད་གངས་ཅན་པོ་ཞིག་ལ་མཚོན་ན། ནངས་མོ་ནམ་མཁའ་གསལ་ལ་མ་གསལ་ནས་ཡར་ལངས་ཏེ་ཆུ་ལེན་དུ་འགྲོ་བ་དང་། ཆུ་བཅུ་དུས་ཀྱང་རྙོག་མི་ བཟོ་བ། ཁ་ནས་མ་ཎི་འདོན་པ། ཆུ་ཁྱིམ་དུ་ཁུར་ཡོང་ནས་ཞལ་ལག་བཀྲུ་བའི་དུས་སུའང་ཆུ་ཉུང་བཀོལ་བྱེད་པ། དེ་ནས་ཆུའི་མཆོད་པ་ལྷ་རྟེན་མདུན་ དུ་བཀྲམ་དུས་ཀྱང་ཆུའི་ནང་དུ་བཟང་དྲུག་འདེབས་པ། མེ་བཏང་ནས་ཇ་བསྐོལ་དུས་ཀྱང་ཤིང་ངམ་ལྕི་བ་གང་རུང་འབུད་པ་ལས་ཤིང་སྡོང་སོགས་ མི་འབུད་པར་ནགས་ཀྱི་ཡལ་གའམ་ལོ་མ། ནགས་ནང་གི་ཤིང་སྐམ་པོ་སོགས་བཏུས་ནས་འབུད་པ། ཡང་ན་ཟོག་གི་ལྕི་བ་འབུད་པ། དེ་དུས་ཀྱང་མེ་ ནང་དུ་རས་ཆད་དང་རུས་པ་སོགས་མི་འབུད་པ། བུས་ན་ཐབ་ལྷ་མནོལ་འགྲོ་ཟེར། དེ་བ་ཡིན་རྒྱུ་ནི་མཁའ་དབུགས་གཙང་མར་བཟོ་བའོ། དེ་ནས་ ཞིང་ཕྱུགས་ཀྱི་ལས་ཀ་བྱེད་དུས་སུའང་ཕྱུགས་ལས་ནི་དབྱར་དགུན་སྟོན་དཔྱིད་ཀྱི་རྩྭ་རྭ་སྲུང་སྐྱོབ་དང་ཁོར་ཡུག་དོ་སྙོམས་པའམ་རྒྱུན་བསྲིང་ཆོག་ པའི་འཕེལ་རྒྱས་ལ་དམིགས་ནས་རུ་བ་བཀའ་འགེལ་གྱིས་བསྐོར་བསྐྱོད་བྱེད་པ། ཞིང་ལས་ནས་ཞིང་ས་ལོ་གསུམ་ལ་བཏབ་ནས་ལོ་གཅིག་ལ་བསྐྱུར་ བའམ་ལོ་གཉིས་ལ་བཏབ་ནས་ལོ་གཅིག་ལ་བསྐྱུར་བ། ཡང་ན་ལོ་དང་པོར་བཏང་ན། ལོ་གཉིས་བར་ཡུངས་མ་འདེབས་པ་དང་། ལོ་གསུམ་པར་ལོག་ ཀར་བཏབ། ལོ་བཞི་བར་མ་བཏབ་བསྐྱུར་རྒྱུ་སོགས་ཞིང་སའི་ས་གཤིས་སྲུང་འཛིན་དང་ཞིང་ནང་གི་སྐྱེ་དངོས་ཕན་ཚུན་གྱི་ནུས་ཤུགས་བརྗེ་སྤེལ་ སོགས་ཞིང་སའི་ཁོར་ཡུག་དོ་སྙོམས་ལ་དོ་སྣང་ཤུགས་ཆེར་བྱེད་པ་ཡིན། ཐ་ན་གསང་སྤྱོད་དུ་འགྲོ་ནའང་མི་མེད་སའི་ས་འགོང་བོར་སོང་ནས་གཅིན་ སྐྱག་བཏང་བའི་སྟེང་ལ་ས་གཙང་མ་འགེབས་པ་དང་རྐུབ་ཕྱི་སྤྱད་རྡོའམ་ཡང་ན་ས་ཡི་སྤོ་ཐོ་ནས་ཕྱིས་ཏེ་དེ་ས་སྟེང་ལ་བརྡར་ནས་བཞག རྗེས་སུའང་ བཀོལ་སྤྱོད་ཆོག་པ་ལ་ད་ལྟའི་ནང་བཞིན་གང་སར་ཤོག་བུ་གཏོང་བ་མ་ཡིན་ནོ། ཡང་རྒོན་པོ་རྣམས་ཀྱི་སྣབས་ཕྱིས་སྟེང་ནས་ཀྱང་ཁོར་ཡུག་སྲུང་སྐྱོབ་ཀྱི་དོ་སྣང་མཚོན་ཐུབ་པ། བོད་ཀྱི་རྒན་པོ་རྣམས་ཀྱི་ཁུག་མའི་ནང་དུ་རང་རང་ གི་སྣབས་ཕྱིས་གོས་ཡུགས་རེ་བཟུང་ཡོད་ལ། སྣབས་འབྱིད་དུས་གོས་ཡུགས་དེའི་ཁུགས་ལ་འབྱིད་པ་དང་དེ་ཡང་སྣབས་མང་པོ་གསོག་ཚེ། དེ་ཉིད་ ཉི་མར་བསྐམ་ནས་ཧྲུག་ཧྲུག་བཅས་ཏེ་རླུང་ལ་སྤུར་བ་ལས་དེ་ཉིད་ཆུ་ལ་འཁྲུད་པ་སོགས་གཏན་ནས་མི་བྱེད་པའམ་ཁོར་ཡུག་སྲུང་སྐྱོབ་ཅིག་མ་ཡིན་ ནམ། དགེ་སློང་རྣམས་ཀྱིས་མིག་གིས་འདོམས་གང་གི་སར་བལྟས་ནས་རྐང་འོག་སོགས་ལ་འབུ་ཚུད་པར་གཟབ་གཟབ་བྱེད་པ། རྐང་ལག་ཤུགས་ ཆེན་གྱིས་གཡུག་ན་འབུ་ཕྲ་སོགས་གསོད་པར་འཛེམ་པ། ཆུ་བཙག་བཀོལ་སྤྱོད་ཀྱིས་ཆུ་འཐུང་བའམ་ཆུའི་ནང་དུ་འབུ་ཕྲ་མང་པོ་ཡོད་པའི་སྲོག་ གཅོད་ལ་འཛེམ་པ། ཟ་མ་ཟ་དུས་ཀྱང་ཁ་བཙུམས་ནས་ཟ་བ་དང་སྒྲ་མི་འབྱིན་པ་ལྟ་བུ། ཕོ་མོ་རྒན་གཞོན་ནངས་སྔ་བར་ལངས་ནས་ལྷ་གསོལ་བསང་ གཏོང་བྱེད་པ། ཡིན་རྒྱུ་ནི་ཤུག་པ། བ་ལུ། མཁན་དཀར་སོགས་དྲི་ལྡན་སྨན་སྣའི་རིགས་བསྲེགས་ནས་མཁའ་དབུགས་གཙང་མར་བཟོ་བ་མ་ཡིན་ནམ། ཁ་ཟས་ཟ་དུས་སུའང་། ཁ་ཟས་སྨན་དང་འདྲ་བར་རིག་པ་ཡིས། འདོད་ཆགས་ཞེ་སྡང་མེད་པར་བསྟེན་བགྱི་སྟེ། རྒྱགས་ཕྱིར་མ་ལགས་བསྙེམས་པའི་ ཕྱིར་མ་ལགས། འཚག་ཕྱིར་མ་ལགས་ལུས་གནས་འབའ་ཞིག་ཕྱིར། ཞེས་གསུངས་པ་ལྟར་ལུས་ཀྱི་སྲིན་འབུ་བརྒྱད་ཁྲི་བཞི་སྟོང་འཚོ་ཕྱིར་དང་ཡང་ན་ ལུས་གནས་འཚོ་བས་སེམས་ཅན་གྱི་དོན་བྱེད་ཐུབ་པར་འདོད་པས་ཟ་བ་ལས་དེ་ཡང་ཟས་གང་ཡག་དང་གང་ཞིམ་ཧབ་ཐོབ་ཀྱིས་ཟ་བ་མ་ཡིན་ནོ། དེ་ལས་བོད་ཀྱི་སྤྱི་ཚོགས་ལ་ཟས་གོས་ངན་ངོན་དང་འཚོ་བ་གྲོན་ཆུང་བྱེད་པའི་སྲོལ་རྒྱུན་བཟང་པོ་དར་ཡོད་པ་ཤེས་ཐུབ་བོ། ། ­

ལེའུ་གཉིས་པ། བོད་ཀྱི་རིག་གཞུང་རྣམས་སུ་སྐྱེ་ཁམས་རིག་པའི་བརྗོད་བྱ་དོན་ལ་གནས་ཚུལ། ས་བཅད་དང་པོ། བོན་གྱི་ཆོས་ལུགས་སུ་གནས་པའི་སྐྱེ་ཁམས་རིག་པ་མདོ་ཙམ་གླེང་བ། སྐྱེ་ཁམས་རིག་པའི་ནོར་བུའི་དོ་ཤལ་ནི།།

བསིལ་ལྡན་གཡུང་དྲུང་གཤེན་བོན་སྒེག་པ་མོས།། སྤུད་པའི་ལང་ཚོ་དར་བབས་མཚར་སྡུག་གིས།། ཡིད་རབ་མི་འཕྲོག་འཛམ་གླིང་ཤེས་ལྡན་སུ།།

༄༅། །དེ་ཡང་ཧི་མ་ལ་ཡ་གཙོ་བྱས་ཁ་བ་རི་བོས་བསྐོར་བའི་ཡུལ་ཁམས་འདི་ནི་རང་རེ་བོད་ཀྱི་ལོ་རྒྱུས་ཆོས་འབྱུང་དག་དང་ད་ལྟ་ཚན་རིག་པའམ་ གསར་བྱུང་རིག་པ་སྨྲ་བ་ལ་ལས་ཀྱང་རྒྱ་མཚོའི་དཀྱིལ་འཁོར་ཆེན་པོ་ལས་བྱུང་བའི་སྐམ་སའི་ཐོག་མར་བཤད་པའམ་མིའི་རིགས་སྐྱེ་འཕེལ་བྱུང་བའི་ མ་མ་ལྟ་བུར་བརྗོད་བཞིན་ཡོད་པ་དང་། དེང་གི་དུས་འདིར་འཛམ་གླིང་ན་ཁོར་ཡུག་ལ་བསམ་གཟས་ནས་གཏོར་བརླག་བྱས་པ་ཅུང་ཚབས་ཆེ་ཞིང་ ཡུལ་གྱི་སྐྱེ་ཁམས་དོ་མ་མཉམ་པ་དང་ཁོར་ཡུག་སྲུང་སྐྱོབ་བྱས་པ་ཅུང་ལེགས་པའི་གནས་ཁོ་ན་ཉིད་དུ་བརྗོད་དོ། །

འདི་ནི་ཡུལ་ཁམས་འདི་ལ་གཞི་རྟེན་བཅོས་ཏེ་འཚོ་ཞིང་གཞེས་པའི་མི་རིགས་འདིས་འཛམ་གླངི་གོ་ལ་ཟླུམ་པོར་གཟེངས་སུ་བསྟོད་འོས་པའི་ལག་ སྐྱེས་ཤིག་དང་རྗེས་སུ་བསླབ་འོས་པའི་མིག་དཔེ་ཞིག་ཕུལ་བ་ཡང་། སྟེང་དབང་ངམ་ཡང་ན་བོད་མིས་རང་བྱུང་ཁམས་ལ་སྒྱུར་བཀོད་མ་ནུས་པར་ ཅི་བྱ་གཏོལ་མེད་དུ་ལུས་བྱུང་བ་ཞིག་མ་ཡིན་པར་གཏིང་ཟབ་ཅིང་རྔམ་མཐུག་པའི་རིག་གནས་བསམ་བློའ་ི རྨང་རྡོ་ཞིག་གིས་གཞི་བཟུང་བའི་རྗེས་ འབྲས་ཡིན་ཏེ། གཡུང་དྲུང་བོན་ནི་རང་རེའི་བོད་ཀྱི་གནའ་བོའ་ིཤེས་རིག་མཐའ་དག་གི་རྨང་རྡོ་ཉག་ཅིག་ཡིན་པར་མ་ཟད་བོད་ཀྱི་རིག་གནས་བང་ མཛོད་ཁྲོད་ཆེས་གཟི་བརྗིད་ལྡན་ཞིང་འོད་ཟེར་ཆེམ་ཆེམ་འཕྲོ་བའི་རིན་ཆེན་ནོར་བུ་ཞིག་ཀྱང་རེད། རྒྱུ་མཚན་ནི་གནའ་བོའ་ི བོད་ཀྱི་ཤེས་རིག་གི་ དྭངས་མ་འདིས་ཕྱི་རབས་བོད་མིས་ཕྱིའི་འཚོ་བ་རོལ་སྟངས་དང་ནང་བསམ་བློ་འཛིན་སྟངས་སོགས་སྤྱི་ཚོགས་ཀྱི་ཕྱོགས་སོ་སོ་ལ་ཤུགས་རྐྱེན་གཏིང་ ཟབ་ཐེབས་ཡོད་པས་སོ། དེང་འདིར་སྐབས་སུ་བབ་པའི་བརྗོད་བྱ་བོད་མིའི་སྐྱེ་ཁམས་ལྟ་ཚུལ་དང་ཁོར་ཡུག་གི་འདུ་ཤེས་ཀྱི་ཐད་ལའང་གཡུང་དྲུང་ བོན་གྱི་ལྟ་བ་མར་ལ་ཏུལ་མར་བཞིན་གནས་ཏེ་ཤན་ཤུགས་གཏིང་ཟབ་ཐེབས་ཡོད་པའི་དབང་གིས་གཡུང་དྲུང་བོན་ལ་ཞིབ་འཇུག་གནང་བ་བརྒྱུད་ དེ་བོད་མིའི་སྐྱེ་ཁམས་ཀྱི་ལྟ་ཚུལ་དེའི་རྟེན་གཞི་འཚོལ་བ་སོགས་ལ་དགོས་སྙིང་ཆེན་པོ་ལྡན་ནོ། ༡ གཡུང་དྲུང་བོན་གྱི་ཚེ་སྲོག་གི་ལྟ་ཚུལ་དང་བོད་ཡུལ་གྱི་སྐྱེ་ཁམས་ཁོར་ཡུག

གཡུང་དྲུང་བོན་གྱི་ཚེ་སྲོག་(སེམས་ཅན་)གྱི་ལྟ་ཚུལ་ག་འདྲ་ཡིན་ལུགས་གླེང་སྐབས་མི་མང་པོ་ཞིག་གི་སེམས་ལ་རང་ཤུགས་སུ་དམར་མཆོད་ཅེས་ པའི་ཐ་སྙད་འདི་འཁོར་འོང་པར་མ་ཟད། (མཁའ་འགྲོ་ཡེ་ཤེས་མཚོ་རྒྱལ་གྱི་རྣམ་ཐར་)ལས་བོན་པོ་རྣམས་ཀྱིས་དུས་ཆེན་གྱི་སྐབས་སུ་ཤ་དང་ཡེ་མོ་ སྟོང་ཕྲག་འགའ་དུས་གཅིག་ལ་བསད་དེ་མཆོད་པ་ལས་བོན་པོ་རྣམས་ཀྱིས་སྨྲ་ཤེས་ཤིང་དོན་གོ་བའི་མི་རྣམས་མ་གཏོགས་སེམས་ཅན་གཞན་དག་ གི་ཚེ་སྲོག་རིན་ཐང་བརྩི་འཇོག་མེད་པ་དང་། དེ་དག་གི་འཚོིས་གནས་ཀྱི་དབང་ཆ་འཕྲོག་སྟེ་སྙིང་རྗེ་དང་སེམས་བསྐྱེད་ཀྱི་ཡུལ་ལས་དོར་ཡོད་པ་ གསལ་ལེར་མཁྱེན་པ་རེད། དེས་ནས་གཡུང་དྲུང་བོན་གྱི་སྐྱེ་ཁམས་ཀྱི་ལྟ་ཚུལ་ཡོངས་སུ་རྟོགས་པ་ལ་ཐོག་མར་བོན་དང་གཡུང་དྲུང་བོན་གཉིས་ཀྱི་ ཁྱད་པར་ཞིག་སྔོན་འགྲོའ་ི ཚུལ་དུ་ངོ་སྤྲོད་མི་བྱེད་ཐབས་མེད་རེད། (༡) བོན་དང་གཡུང་དྲུང་བོན་གཉིས་ཀྱི་ཁྱད་པ།

ཐ་སྙད་ཀྱི་ཁྱད་པར། སྤྱིར་བོན་ཞེས་པའི་ཐ་སྙད་འདི་ནི་དགེ་བཤེས་འཇིགས་མེད་དམ་ཆོས་ཀྱི་དག་ཡིག་(ཤེས་བྱ་རབ་གསལ་)དང་སྐྱོགས་སྟོན་རིན་ ཆེན་བཀྲ་ཤིས་ཀྱི་(བརྡ་གསར་རྙིང་གི་རྣམ་གཞག་ལི་ཤིའི་གུར་ཁང་)དབྱི་ཐ་ལིའི་མཁས་དབང་ནམ་མཁའི་ནོར་བུ་སོགས་ཀྱིས་བཟླ་ཞེས་པའི་དོན་དུ་ འཇུག་པར་གསུངས་ཏེ། བརྡ་དེ་ལས་འཕྲོས་ཏེ་བོན་ཞེས་པ་ནི་བོད་ས་གནས་ཀྱི་གདོད་མའི་ཆོས་ལུགས་ཤིག་ཏུ་ངོས་འཛིན་ཏེ། མིང་དེའི་ཐོག་མའི་ འབྱུང་ཁུངས་ཀྱི་དབང་དུ་བྱས་ན། གནའ་དུས་སུ་བོན་པོ་དེ་ཚོ་སྔགས་མང་དུ་བཟླས་པའི་སྒོ་ནས་རང་དང་གཞན་གྱི་ནད་སོགས་འགལ་རྐྱེན་རྣམ་ བསལ་བ་དང་གནོད་བྱེད་ལ་མཐུ་གཏོང་བ་སོགས་དྲག་པོའ་ི ལས་མཐའ་དག་བསྒྲུབ་ཀྱིན་ཡོད་པས་མིང་དེ་འདྲ་ཞིག་བྱུང་བ་རེད། ཡིན་ནའང་གཡུང་ དྲུང་བོན་གྱི་ཡིག་ཚང་ལ་བལྟས་ན་ཐ་སྙད་འདི་ལ་ད་དུང་སྐབས་དོན་ལྟར་འཇུག་ཡུལ་དུ་མ་ཞིག་ཡོད་པར་སྣང་སྟེ། (རྣམ་བཤད་)ལས་བོན་ཞེས་པའི་ ཐ་སྙད་ཤེས་བྱ་དང་ལྟ་བ་དང་གསུང་རབས་དང་། ལམ་དང་འཁོར་བ་དང་མྱང་འདས་དང་། དོན་དང་ཐེག་པ་ཆེན་པོ་དང་། བསོད་ནམས་དང་། གྲུབ་ མཐའ་དང་རྣམ་ཤེས་ཚོགས་དྲུག་ཡིད་ཀྱི་རྣམ་པར་ཤེས་པའི་ཡུལ་བཅས་དོན་བཅུ་ལ་འཇུག་པར་བཤད་པ་དང་། མཉམ་མེད་ཆེན་པོ་ཤེས་རབ་རྒྱལ་ མཚན་གྱི་(ས་ལམ་འཕྲུལ་གྱི་སྒྲོན་མེའི་རང་འགྲེལ་)ལས་དོན་བདུན་ལ་འཇུག་པར་གསུངས་སོ། ། དེ་ལྟར་ན་སྟོན་པ་གཤེན་རབ་མ་བྱོན་ཡར་སྔོན་ན་བོད་ཁམས་སུ་ལས་དང་ཆོ་ག་འདྲ་མིན་སྣ་ཚོགས་བྱེད་པའི་བོན་པོའ་ི རིགས་མང་བས་དེ་དག་ ཐམས་ཅད་ལ་བོན་པོ་ཞེས་འབོད་དེ་དཔེར་ན་བཙན་བོན་དང་བདུད་བོན་དང་། དུས་ཕྱིས་སྟོན་པ་གཤེན་རབ་ཀྱིས་གསར་དུ་བཏོད་པའི་གཡུང་དྲུང་ གི་བོན་སོགས་ཡོད་པས་བོན་ཞེས་པ་གྲུབ་མཐའ་གཅིག་ལ་ངོས་བཟུང་ན་མི་རུང་ངོ་།

ལྟ་བའི་ཁྱད་པར། (བོན་ཆོས་ཀྱི་རྣམ་པར་དབྱེ་བ་)ལ་བོན་ལ་རིགས་མང་དུ་གསུངས་ཡོད་པ་གོང་གི་བཙན་བོན་དང་བདུད་བོན་སོགས་ལས་གཞན་ དཔེར་ན། སྲིད་པ་རྒྱུད་ཀྱི་བོན་ཞེས་པ་ཞང་ཞུང་དང་བོད་རྒྱ་ནག་སོགས་སུ་ལྷ་ལ་མཆོད་པ་དང་འདྲེ་ལ་བཀུར་བའི་ཆོས་ཤིག་དང་། འབྱུང་བོ་ཀླ་ཀློའ་ི བོན་ཞེས་པ་ཨུ་རྒྱན་གྱི་ཡུལ་ཕྱོགས་སྟག་གཟིག་ཡུལ་གྱི་བྱེ་བྲག་ལ་ཁའི་ཡུལ་དུ་སྟོན་པ་རཱ་ཧ་མ་ཎ་སོགས་ཀྱིས་བསྟན་པའི་འཚེ་བ་བོན་དུ་སྨྲ་བའི་ཀླ་ ཀློའ་ི ལུགས་བྱུང་ཞིང་། དུས་ཕྱིས་དེ་ལས་འཕྲོས་པའི་བྱང་ཕྱོགས་ཀྱི་སོག་པོ་ཨོ་ལ་གོང་མཆོད་པ་སོགས་དང་། བོད་ཡུལ་དུ་གཙང་གི་བྱིས་པས་བསྟན་ པའི་ལྷ་འདྲེ་མཆོད་ཐབས་ཀྱི་དམར་བོན་(འདི་ནི་ད་ལྟའང་ཡོད་སྐད་)། རྡོ་ཐབས་ལྷ་འདྲེའི་བོན་ཞེས་པ་སྟག་གཟིག་གི་ཡུལ་དུ་གཤེན་ཆུང་གོ་བོས་ བདུད་ཀྱི་བོན་ལོག་ལྟ་བུ་སོགས་གང་ཡིན་ཀྱང་སྐྱེ་བ་སྔ་ཕྱི་ཁས་མི་ལེན་པའམ་དཀོན་མཆོག་གསུམ་ལ་སྐྱབས་སུ་མི་འགྲོ་བ་དང་འཚེ་བ་སྨྲ་བ། གཞུང་ ལུགས་གང་ཡང་མེད་པ་ཤ་སྟག་རེད། སྟོན་པ་གཤེན་རབ་ཀྱིས་བསྟན་པའི་གཡུང་དྲུང་གི་བོན་ནི་ཐེག་དགུའི་ཡང་རྩེའམ་བསྟན་པའི་སྙིང་བོ་རྫོགས་ ཆེན་གྱིས་མཚོན་པས་ལྟ་བ་བཀར་བཏགས་ཀྱི་ཕྱག་རྒྱ་བཞི་ཁས་ལེན་ན་ནང་བ་སངས་རྒྱས་པ་ཡིན་དགོས་ལ། དེ་ཡིན་ན་སྟོན་པ་ཤཱཀྱ་ཐུབ་པའི་རྗེས་ འཇུག་པ་ཡིན་དགོས་པས། གཡུང་དྲུང་བོན་ནི་དེ་ལྟར་ཡིན་པས་ལས་རྒྱུས་འབྲས་བརྩི་བ་དང་སྐྱེ་བ་སྔ་ཕྱི་ཁས་ལེན་པ་ཡིན་ནོ། (༢) གཡུང་དྲུང་བོན་གྱི་ཚེ་སྲོག་(སེམས་ཅན་)གི་ལྟ་ཚུལ།

སྤྱིར་སྐྱེ་ཁམས་ཁོར་ཡུག་སྲུང་སྐྱོབ་ཀྱི་ལྟ་བ་ནི་ནུབ་ཕྱོགས་ཕྱི་གླིང་དུ་དུས་རབས་ཉེར་གཅིག་པའི་ལོ་རབས་དྲུག་ཅུ་ནས་བཟུང་གླེང་མགོ་བརྩམས་པ་ རེད། དེའི་འབྱུང་རྐྱེན་ནི་ནུབ་ཕྱོགས་ཕྱི་གླིང་དུ་བཟོ་ལས་ཤེས་རིག་དར་ནས་ལོ་ངོ་སུམ་བརྒྱ་ལྷག་གི་རིང་ལ་རྫས་འགྱུར་སྣ་ཚོགས་བག་མེད་དུ་ཞིང་ ལས་ཐོན་སྐྱེད་དུ་བཀོལ་བས་བྱ་བྱིའུ་འབའ་འབུ་སོགས་ཀྱི་འཚོ་གནས་ལ་ཉེན་ཁ་ཐེབས་པ་དང་ཁོར་ཡུག་ལ་བཙོག་བཟོ་གཏོར་བརླག་བྱས་པས་མིའི་ རིགས་དང་སྐྱེ་དངོས་ཐ་དག་གི་ཚེ་སྲོག་མཉམ་དུ་རོལ་བའི་བདེ་འཇགས་ལ་གཏོང་བརླག་ཚབས་ཆེན་ཐེབས་པ་རེད། དེ་མཐར་གཏུགས་ན་ཚན་

རིག་ལག་རྩལ་ལས་བྱུང་བ་སྟེ། ནུབ་ཕྱོགས་ཚན་རིག་པ་དེ་དག་གིས་རང་བྱུང་ཁམས་འདུལ་བ་དང་དེ་ལས་དབང་སྒྱུར་བའི་བསམ་བློའ་ི བག་ཆགས་ ནི་མི་དང་ཁོར་ཡུག་གཉིས་ཁ་བྲལ་དུ་ལྟ་བའི་ཡེ་ཤུ་མ་ཤི་ཀའི་ཆོས་ལུགས་ལས་བྱུང་བའི་དབང་ཕྱུག་གིས་འཇིག་རྟེན་བསྐྲུན་པའི་བཤད་རྒྱུན་དེ་ཡིན་ པར་དེང་དུས་ཀྱི་སྐྱེ་ཁམས་ཁོར་ཡུག་སྲུང་སྐྱོབ་སྨྲ་བ་རྣམས་ཀྱིས་འདོད་དེ། ཡེ་ཤུ་མ་ཤི་ཀའི་(དམ་པའི་གསུང་རབ་)ལས་གནམ་གོང་མས་རང་གི་ གཟུགས་བརྙན་ལྟར་མི་བཟོས་རྗེས་རང་བྱུང་ཁམས་ན་གནས་པའི་ཚེ་སྲོག་ཐམས་ཅད་ལ་དབང་སྒྱུར་བའི་དབང་ཆ གནང་བ་རེད།

མི་མ་ཡིན་པའི་ཚེ་སྲོག་དང་རང་བྱུང་ཁམས་ཀྱི་དངོས་པོ་ཐམས་ཅད་མིའི་དགོས་མཁོ་སྐོར་བ་དང་མིའི་དབང་སྒྱུར་ལ་བརྩི་བ་སྟེ། ཐ་གཅིག་ཏུ་མི་ རྣམས་ལ་ཞབས་ཞུ་གནང་བར་འཇིག་རྟེན་དུ་གནས་པ་ལས་དམིགས་ཡུལ་གཞན་ཅི་ཡང་མེད་པར་འདོད་དོ། དེ་དང་བསྡུར་ན་རང་རེ་བོད་ཀྱི་ ཡུལ་འདིར་རྟོག་ཞིབ་བྱས་པ་ལྟར་ན་ད་ལྟ་འཛམ་གླིང་ན་མགོ་གནམ་ན་བྱ་རིགས་སྣ་ཚོགས་ཀྱིས་གཤོག་འགྱུར་མངོན་པ་དང་བར་ས་གཞིའི་རི་དང་ ནགས་ཚལ་དག་ན་རི་དྭགས་སྣ་ཚོགས་བག་ཡངས་སུ་རྒྱུ་བ། རྟིང་མཚོ་དང་ཆུ་བོ་རྣམས་སུ་ཉ་རིགས་སྣ་ཚོགས་འཁྱུག་འཁྱུག་བྱེད་པ་མཁའ་དབུགས་ ལ་བཙོག་བཟོ་དང་ཁོར་ཡུག་ལ་གཏོང་བརླག་མེད་པར་སྐྱེ་ཁམས་ལ་སྲུང་སྐྱོབ་བྱས་པ་ཅུང་ལེགས་ཤིང་ཕལ་ཆེར་མི་དང་སྲོག་ཆགས་ཀྱི་སྐྱེ་འཕེལ་ དོ་མཉམ་དུ་གནས་པ་ནི། གཅིག་ཏུ་ན་ཚན་རིག་ལས་བྱུང་བའི་བཟོ་ལས་སམ་རྫས་འགྱུར་སྨན་རྫས་རིགས་སྣ་ཚོགས་ཀྱིས་ཉེན་ཁ་ཐེབས་མེད་པ་སྟེ་ ཕྱི་རྐྱེན་ལས་གཞན། ཆེས་གལ་འགངས་ཆེ་བའི་རྒྱུ་གཙོ་བོ་ཞིག་ནི་ནང་གི་རྐྱེན་ཏེ་བོད་མི་རྣམས་ལ་སྲོལ་རྒྱུན་གྱི་ཚེ་སྲོག་གི་ལྟ་བའམ་འདུ་ཤེས་ཁྱད་ པར་ཅན་ཞིག་ཡོད་པས་རེད། གཡུང་དྲུང་བོན་གྱི་ཚེ་སྲོག་གི་ལྟ་ཚུལ་དེ་ནི་ཁ་བ་ཅན་གྱི་སྲོལ་རྒྱུན་གྱི་འཇིག་རྟེན་ལྟ་ཚུལ་ཞིག་རེད་ལ། འཇིག་རྟེན་ ན་མི་རིགས་མི་གཅིག་པའི་སྐྱེ་ཁམས་མི་ཆོས་ཀྱི་སྲོལ་རྒྱུན་ཐམས་ཅད་མི་དང་རང་བྱུང་ཁམས་བར་གྱི་འབྲེལ་བ་གཅིག་ལ་གཅིག་བརྟེན་དུ་མཐུན་ འགྱུར་བྱུང་བའི་ཐོན་དངོས་རེད། དེས་ན་གཡུང་དྲུང་བོན་རྣམས་ཀྱིས་འཇིག་རྟེན་གྱི་ཁམས་འདི་ལ་ཕྱི་སྣོད་ཀྱི་འཇིག་རྟེན་དང་ནང་བཅུད་ཀྱི་སེམས་ ཅན་གཉིས་སུ་དབྱེར་ཡོད། སྤྱིར་ཕྱིའི་སྣོད་དང་ནང་གི་བཅུད་གཉིས་ནི་གཅིག་ལ་གཅིག་བརྟེན་གྱི་འབྲེལ་བ་སྟེ། ཕྱིའི་འཇིག་རྟེན་རིལ་རིལ་བོ་འདི་ ནང་སེམས་ཅན་གྱི་སྤྱི་མཐུན་གྱི་བསོད་ནམས་ལས་བྱུང་བར་འདོད་དེ་(བཀའ་ལུང་རྒྱ་མཚོ་)ལས། འདི་ལྟར་སྤྱི་མཐུན་གྱི་བསོད་ནམས་ལས་གྲུབ་པའི་ ཕྱི་སྣོད་ཀྱི་འཇིག་རྟེན་རི་རབ་གླིང་མཚོ་དང་བཅས་པ་སྲ་ཞིང་འཐས་པ་ལྟར་སྣང་བ་འདི་དག་ཀྱང་ཞེས་སོ། ནང་བཅུད་ཀྱི་སེམས་ཅན་ཀུན་ཀྱང་གོང་ གི་ཡེ་ཤུ་མ་ཤི་ཀའི་ཆོས་ལུགས་ཀྱི་ཚེ་སྲོག་གི་ལྟ་ཚུལ་དེ་དང་མི་འདྲ་བར་ཐམས་ཅད་མཉམ་པ་ཉིད་དུ་སེམས་ཅན་ཅིག་ཤོས་ཀྱི་འཚོ་ཐབས་ལ་སེམས་ ཅན་གཞན་དག་གསོད་པར་མི་རུང་བར་འདོད་པ་གཤམ་ནས་བོན་གཞུང་ལྟར་ཕྱོགས་གསུམ་ནས་བསྒྲུབ་པར་བྱའོ། ། (༡) འཁོར་བའི་མཚན་ཉིད་ཀྱི་སྟེང་ནས་སེམས་ཅན་ཐམས་ཅད་འདྲ་མཉམ་དུ་འདོད་པ།

བོན་གྱི་སྐྱེས་ཆེན་མཉམ་མེད་ཤེས་རབ་རྒྱལ་མཚན་གྱི་(ས་ལམ་འཕྲུལ་གྱི་སྒྲོན་མ་)ལས། བདག་འཛིན་དབང་གི་སྡུག་བསྔལ་དང་། བཅས་པ་དེ་ནི་ འཁོར་བ་ལ། ཞེས་དང་། སྡིག་དང་དགེ་བ་ཟག་བཅས་འཁོར། ཞེས་དང་། ཤར་རྫ་བཀྲ་ཤིས་རྒྱལ་མཚན་གྱི་(སྡེ་སྣོད་མཛོད་)ལས་ཀྱང་། སྒྲ་དོན་ནི་སྡིག་ པ་དང་དགེ་བ་ཟག་བཅས་ཀྱིས་ངན་འགྲོ་དང་བདེ་འགྲོ་གཉིས་ཀྱི་ཁར་བརྒྱུད་ནས་ཡང་ཡང་འཁོར་བས་ན་འཁོར་བ་ཞེས་བྱའོ། འཁོར་བ་དེ་ལ་གནས་ པའི་སེམས་ཅན་ཐམས་ཅད་རིགས་དྲུག་ཏུ་འདོད་དེ། ལྷ་དང་ལྷ་མ་ཡིན། མི་གསུམ་ལ་བདེ་འགྲོ་དང་། བྱོལ་སོང་དང་ཡི་དྭགས་དམྱལ་བ་གསུམ་ལ་ ངན་སོང་ཞེས་སོ། ཡང་ན་རིགས་དྲུག་གི་སེམས་ཅན་རྣམས་ཁམས་གསུལ་འདུ་བར་གསུངས་ཏེ། འདོད་ཁམས་དང་གཟུགས་ཁམས་དང་གཟུགས་ མེད་ཀྱི་ཁམས་སོ། སྤྱིར་ཁམས་གསུམ་དང་རིགས་དྲུག་གི་སེམས་ཅན་ཐམས་ཅད་མཉམ་པ་ཉིད་དུ་འདོད་པ་ནི། གཅིག་ཏུ་ན་རིགས་དྲུག་གང་རུང་ གི་སྐྱེ་བ་བླངས་ཕྱིན་ཐམས་ཅད་སྡུག་བསྔལ་གྱི་རང་བཞིན་དུ་འདོད་དེ། (དྲང་དོན་མུན་སེལ་སྒྲོན་མེ་)ལས། རིགས་དྲུག་གཡང་སར་ལྟུང་བས་སྡུག་ བསྔལ་ཆད་མི་མྱོང་། འཁོར་བའི་བཙོན་རར་གཟུང་འཛིན་ཐག་པས་བཅིངས། གཉིས་སུ་ན་རིགས་དྲུག་གི་སྐྱེ་བ་ནི་འགྱུར་བ་མེད་པ་ཞིག་མ་ཡིན་ པར་སྐྱེ་བ་གཅིག་ནས་གཅིག་ཏུ་བརྒྱུད་དེ་ཟོལ་ཆུ་འཁོར་ལོ་ལྟར་གནས་མ་ངེས་པར་ལེན་པར་གསུངས་ཏེ། (བཀའ་ལུང་རྒྱ་མཚོ་)ལས། འཁོར་ཚུལ་ལ་ དཔེ་འདྲེན་ན་དྲི་མེད་ལས། གཅིག་ནས་གཅིག་བརྒྱུད་ཟོ་ཆུན་བརྒྱུད་མ་འདྲ། གཅིག་ནས་གཅིག་འཁོར་ཤིང་རྟའི་འཁོར་ལོ་འདྲ། ཞེས་སོ། དཔེར་ན་ དེ་ཉིད་ལས། སྔོན་འཕགས་པ་ཀ་ཏ་ཡ་ན་བསོད་སྙོམས་ལ་ཕེབས་པས་ཁྱིམ་བདག་མོ་ཞིག་གིས་བུ་ཞིག་པང་ན་བཟུང་། ཉ་ཤ་ཞིག་ཞིམ་ཞིམ་ལྟར་ཟ། ཁྱི་མོ་ཞིག་རུས་པ་འཆའ་བ་ལ་རྡོ་བརྡེག་པར་འཕགས་པས་མངོན་ཤེས་ཀྱིས་གཟིགས་པས། ཉེ་དེ་སྐྱེ་བ་ད་རེས་ཀྱི་ཕ་དང་། ཁྱི་མོ་དེ་མའི་སྐྱེ་བ་ཡིན་ ཞིང་། ཚེ་སྔོན་རང་གསོད་པའི་དགྲ་དེ་སྲོག་ལན་ཆགས་ནས་བུར་སྐྱེས་པ་ཡིན་པར་གཟིགས་ནས། ཕ་ཤ་ཟ་ཞིང་མ་ལ་བརྡེག གསོད་པའི་དགྲ་བོ་པང་ ན་བཟུང་། ཆུང་མས་ཁྱོ་ཡི་རུས་པ་འཆའ། འཁོར་བའི་ཆོས་ལ་གད་མོ་བྲོ། ཞེས་གསུངས་པ་ལྟར་ཡིན། གདོད་མའི་ཆོས་ལུགས་ཀྱི་བསམ་བློ་འདི་དང་ དུས་ཕྱིས་རྒྱ་གར་ཐུབ་པའི་བསྟན་པ་བོད་ལ་དར་བའི་ཤུགས་རྐྱེན་དེ་དག་གི་དབང་གིས་བོད་མི་རྣམས་ཀྱིས་གནའ་ནས་ཆུང་རྐང་འོག་གི་གྲོག་མ་ མན་ཆད་ཀྱི་འབའ་འབུ་དང་། ཆེ་སྒོ་ཁྱི་ཡན་ཆད་ཀྱི་དུད་འགྲོའམ་སྲོག་ཆགས་ཐམས་ཅད་མཉམ་པ་ཉིད་དུ་བལྟས་ཏེ་རང་དགར་དུ་ཚེ་སྲོག་ལ་གནོད་ པ་མི་གཏོང་བའི་འཚོ་བའི་གོམས་སྲོལ་ཆགས་ཡོད་དོ། (༢) ལས་རྒྱུ་འབྲས་ཀྱི་སྟེང་ནས་སེམས་ཅན་ཐམས་ཅད་འདྲ་མཉམ་དུ་འདོད་པ།

གཡུང་དྲུང་བོན་གྱིས་འགྲོ་བ་རིགས་དྲུག་གི་བདེ་སྡུག་གང་ཡིན་ཀྱང་ལས་ལས་བྱུང་བར་འདོད་དེ། (བཀའ་ལུང་རྒྱ་མཚོ་)ལས།་འདི་ལྟར་འགྲོ་དྲུག་གི་ སེམས་ཅན་དང་འཕགས་པ་གང་ཡིན་ཀྱང་བདེ་སྡུག་གི་ཚོར་བ་ཅུང་ཟད་དང་བཅས་པ་ཐམས་ཅད་ནི་རྒྱུ་མེད་པ་དང་དབང་ཕྱུག་སོགས་མི་མཐུན་ པའི་རྒྱུ་ལས་བྱུང་བ་མ་ཡིན་པར་སྔོན་རང་རང་གིས་བསགས་པའི་ལས་ཁོ་ན་ལས་བྱུང་བའི་འབྲས་བུའི་རང་གཟུགས་ངེས་པར་ཡིན་པར་བདག་ཅག་ གི་རྒྱལ་བ་ཐམས་ཅད་མཁྱེན་པ་ཉིད་ཀྱིས་ཐེག་པ་ལྔ་དགེ་བསྙེན་གྱི་ཐེག་པར་བསྟན། ཞེས་སོ། དེས་ན་ལས་རྒྱུ་འབྲས་ཀྱི་རྒྱ་མ་འདིའི་སྟེང་དུ་ཐམས་ ཅད་འདྲ་མཉམ་ཡིན་པར་འདོད་དེ། སེམས་ཅན་གང་ཡིན་ཀྱང་རྒྱུ་དགེ་བ་ལས་འབྲས་བུ་བདེ་བདང་རྒྱུ་མི་དགེ་བ་ལས་འབྲས་བུ་སྡུག་བསྔལ་འབྱུང་ བ་སྟེ་རང་གིས་གང་བསགས་པའི་ལས་ནི་དུས་ནམ་ཡང་ཆུད་མི་ཟ་ཞིང་རང་ཐོག་ཏུ་སྨིན་པར་འགྱུར་རོ། སྔ་མ་ལས། དགེ་བསྙེན་ཐེག་པའི་མདོ་ལས། བོན་ཐམས་ཅད་ཀྱི་རྒྱུ་དང་འབྲས་བུ་ནི། དཔེར་ན་ཞིང་ས་ལ་སོ་ནམ་བྱས་པ་ལྟ་བུའོ། ཞེས་དཔེར་ན་རྐྱེན་དྲོད་གཤེར་ཕྲད་པའི་ཞིང་ས་ལ་ས་བོན་

ནས་བཏབ་པ་ལས་ནས་སྐྱེ། སྲན་མ་བཏབ་པ་ལས་སྲན་མ་སྐྱེ། ནས་དང་སྲན་མ་བསྲེས་པ་བཏབ་པ་ལས་འབྲས་བུའང་འདྲེས་མ་སྐྱེ་བཞིན་དུ། འདིར་ དཀར་པོ་དགེ་བའི་ལས་བྱས་པའི་འབྲས་བུ་ཕྱི་མར་བདེ་བ་ཐོབ་པ་དང་། ནག་པོ་སྡིག་པའི་ལས་བྱས་པའི་འབྲས་བུ་ཕྱི་མར་སྡུག་བསྔལ་སྨིན་པ་དང་ ། རྒྱུ་དགེ་སྡིག་བསྲེས་པའི་ལས་བྱས་པའི་འབྲས་བུ་ཕྱིར་མར་བདེ་སྡུག་འདྲེས་མར་སྨིན་པ་སྟེ། ཞེས་སོ། བསམ་བློ་འདིའི་བག་ཆགས་ཀྱིས་བོད་པ་ རྣམས་ཀྱིས་འཚོ་བའི་ཆེད་དུ་ཕལ་ཆེར་ནོར་ལུག་གི་ཤ་མ་གཏོགས་སྲོག་ཆགས་གཞན་མི་གསོད་པ་དང་ཁ་ཟས་ཀྱི་ཆེད་དུ་ནོར་ལུག་བཤའ་སྐབས་ སུའང་དེའི་དགེ་རྩར་མ་མཐའ་ཡང་མཆོད་མེ་རྐོང་གཅིག་སྒྲོན་པའམ་མ་ཏྲི་(མ་ཎི་)ཚར་གཅིག་མི་འདོན་པ་མི་སྲིད་དོ། རྒྱུ་མཚན་ནི་སྲོག་བཅད་པའི་ ལས་འབྲས་ནི་ཚེ་ཕྱི་མར་དམྱལ་བར་སྐྱེ་བར་གསུངས་བའི་སངས་རྒྱས་ཀྱི་གསུང་ལ་སུས་ཀྱང་ཡིད་ཆེས་ཤིང་དེ་ལ་འཇིགས་སྐྲག་སྐྱེ་བར་མ་ཟད། བོན་ གྱི་བླ་མ་རྣམས་ནས་ཀྱང་དད་ལྡན་མང་ཚོགས་ལ་ལས་རྒྱུ་འབྲས་བརྩི་ཞིང་སེམས་ཅན་གྱི་སྲོག་གཅོད་མི་རུང་ཞིང་དེའི་རྣམ་སྨིན་ལྕི་བའི་ཁ་ཏ་སློབ་ གསོ་རྒྱུན་དུ་གནང་བཞིན་ཡོད་དེ། དཔེར་ན་ཤར་རྫ་བཀྲ་ཤིས་རྒྱལ་མཚན་གྱི་ཞལ་ནས་ཀྱང་། ཁྱིམ་པ་ལ་སོགས་སྲོག་གཅོད་ཀྱི་ལས་གཏན་དུ་སྤང་མི་ ནུས་པ་རྣམས་ནས་ཀྱང་། ལོ་རེའི་ནང་ནས་ཧོར་ཟླ་དང་པོ་རྟ་བ་ཟླ་བ་དང་། བཞི་བ་ས་ག་ཟླ་བ་དང་། དྲུག་པ་ཆུ་སྟོད་ཟླ་བ་ལྟ་བུ་ལ་སྲོག་མི་གཅོད་པ་ སོགས་དམ་བཅའ་བའམ། ཡང་ན་ཟླ་བ་བྱུང་ངོ་ཅོག་གི་བཅོ་ལྔ་དང་། གནམ་སྟོང་དང་། ཚེས་བརྒྱད་དང་། ཉི་ཤུ་གཉིས་སོགས་ལ་སྲོག་མི་གཅོད་པ་ དང་། གཞན་ཡང་ལོ་དང་ཟླ་བ་དང་ཞག་དང་ཐང་ཅིག་ཡུད་ཙམ་ལ་སྲོག་མི་གཅོད་པ་དང་ཐ་ནའང་མཚན་མོ་སྲོག་མི་གཅོད་པ་དང་། སྟག་དང་སེང་ གེ་ཆུ་སྲིན་ལ་སོགས་ཡུལ་ཕྱོགས་ན་དཀོན་པ་རྣམས་མི་གསོད་པ་དང་། རི་རབ་དང་གླིང་གཞན་ན་ཡོད་པ་རྣམས་མི་གསོད་པ་དང་། ཞེས་སོགས་ གདམས་པ་དེས་ཚེ་སྲོག་འདྲ་མཉམ་གྱི་སྟེང་ནས་མི་རྣམས་ཀྱི་ཀུན་སྤྱོད་འཆིང་ཞགས་ཀྱིས་བསྡམས་པས་སྐྱེ་ཁམས་སྲུང་སྐྱོབ་ཀྱི་ལམ་ལ་མ་སྐུལ་རང་ ཤུགས་སུ་སོང་བ་ཡིན་ནོ། (༣)གཞི་ལ་བདེ་གཤེགས་ཀྱི་སྙིང་བོ་ཡོད་པའི་ཆ་ནས་སེམས་ཅན་ཐམས་ཅད་འདྲ་མཉམ་དུ་འདོད་པ།

མཉམ་མེད་ཤེས་རབ་རྒྱལ་མཚན་གྱི་(ས་ལམ་འཕྲུལ་གྱི་སྒྲོན་མ་)ལས། རང་བཞིན་རིག་ནི་འགྲོ་ཀུན་ལ། ཞེས་དང་(སྡེ་སྣོད་མཛོད་)ལས། བདེ་གཤེགས་ སྙིང་བོས་འགྲོ་བ་ཡོངས་ལ་ཁྱབ། ཞེས་གསུངས་པའི་རང་བཞིན་གྱི་གནས་རིག་དང་ཀུན་གཞི་ཡེ་ཤེས། བདེ་གཤེགས་སྙིང་བོ་དྲི་བཅས་ཀྱི་སེམས་ དབྱིངས་སོགས་དོན་གཅིག་ཏུ་གསུངས་ཏེ། བདེ་གཤེགས་སྙིང་བོ་དེ་ལ་གཞི་དུས་ཀྱི་བདེ་གཤེགས་སྙིང་བོ་དང་། འབྲས་དུས་ཀྱི་བདེ་གཤེགས་སྙིང་ བོ་གཉིས་ཡོད་པས། གཞི་དུས་ཀྱི་བདེ་གཤེགས་སྙིང་བོ་འགྲོ་བ་རིགས་དྲུག་སེམས་ཅན་གྱི་རྒྱུད་ལ་ཏིལ་དང་ཏིལ་མར་བཞིན་ཁྱབ་པར་གསུངས་པར་ སེམས་ཅན་ཐམས་ཅད་འདྲ་མཉམ་དུ་འདོད་དེ། (ཞང་ཞུང་སྙན་བརྒྱུད་)ལས། བྱང་ཆུབ་སེམས་ཉིད་རིན་པོ་ཆེ། ཀུན་ཏུ་བཟང་བོའ་ི ཐུགས་ཉིད་ཀྱི། སངས་རྒྱས་སེམས་ཅན་ཀུན་ལ་ཁྱབ། དཔེར་ན་ནོར་བུ་རིན་ཆེན་འདྲ། ཞེས་དང་། སེམས་ནི་རང་བཞིན་འོད་གསལ་ལ། རྟོགས་པའི་ཤེས་རབ་སྐྱེས་པ་ ཡིས། རྟོགས་པའི་ཀུན་བཟང་ཡེ་སངས་རྒྱས། སེམས་ནི་རང་བཞིན་འོད་གསལ་ལ། རྟོགས་པའི་ཤེས་རབ་མ་སྐྱེས་པས། སེམས་ཅན་འཁོར་བར་ཡེ་ནས་ འཁྲུལ། དེ་མ་ཡིན་ལ་དེར་བཟུང་བས། ཐག་པ་སྦྲུལ་དུ་འཁྲུལ་དང་འདྲ། གསུམ་དུ་བསྟན་ཡང་ངོ་བོ་གཅིག དབྱིངས་ཆེན་གཅིག་གིས་ཀུན་ལ་ཁྱབ། ཅེས་དང་། (རྫོགས་ཆེན་མདོ་འགྲེལ་གསལ་སྒྲོན་)ལས། རང་བྱུང་སེམས་ཉིད་ཡེ་ནས་སྟོང་བ་ལས། མཐོ་དམན་ཡངས་དོག་དངོས་ཉིད་ཡེ་ནས་མེད། རིགས་དྲུག་སྐྱེ་འགྲོ་ཀུན་གྱི་སེམས་དེ་ལ། འཁོར་འདས་མ་ལུས་དུས་གཅིག་རྫོགས་པ་ཡང་། འདས་པ་རང་རྒྱུད་གནས་ཏེ་འཁོར་བ་གློ་བུར་བ། ཞེས་ སེམས་ཅན་གྱི་རྒྱུད་ལ་སངས་རྒྱས་ཀྱི་འབྲས་རང་ཆས་སུ་གནས་པ་མང་དུ་གསུངས་ཤིང་། དེ་ཡང་སེམས་ཅན་གྱི་སེམས་ཉིད་སྟོང་བ་ཀ་དག་ཏུ་ཤེས་ པའི་ཆ་ནས་སངས་རྒྱས་དང་། མ་རྟོགས་པའི་ཆ་ནས་སེམས་ཅན་དུ་འཁྲུལ་བར་གསུངས། དེས་ན་གཞི་བདེ་གཤེགས་སམ་རང་བྱུང་ཡེ་ཤེས་ཀུན་ལ་ ཡོད་པའི་ཆ་ནས་སེམས་ཅན་ཐམས་ཅད་མཐོ་དམན་དང་བཟང་ངན་མི་འབྱེད་པར་མཉམ་པ་ཉིད་དུ་ལྟའོ། (རྫོགས་ཆེན་གཟེར་བུ་)ལས། ཀུན་གཞིའི་ དབྱིངས་ལ་རྒྱ་ཆད་ཕྱོགས་ལྷུང་མེད། རིག་པའི་ཡེ་ཤེས་སྤྱད་མེད་བརྗོད་དུ་མེད། དྲན་པའི་བློ་ལ་གཞི་མེད་འགག་པ་མེད། སྒྲོ་འོད་ཟེར་གསུམ་ཆགས་ མེད་སྡང་དུ་མེད། ཟག་བཅས་ཟག་མེད་དམན་དང་མཆོག་མི་བཟུང་། དྭངས་དང་སྙིགས་མ་ཡོན་ཏན་སྐྱོན་མེད་ལྟ། འཁོར་དང་མྱང་འདས་དབྱེར་ མེད་བཅད་དུ་མེད། སངས་རྒྱས་སེམས་ཅན་གཉིས་མེད་ཐ་དད་མེད། རིག་པའི་ལམ་ལ་འཇུག་མེད་བགྲོད་དུ་མེད། བྱང་ཆུབ་སེམས་ལ་གྲུབ་མཐའ་ ཐེག་པ་མེད། མཉམ་པའི་གནས་ལ་བཟང་ངན་མཐོ་དམན་མེད། ཅེས་གཞི་ལ་སེམས་ཅན་དང་སངས་རྒྱས་གཉིས་སུ་མེད་པར་འདོད་པ་དང་། བོན་ བརྒྱ་རང་ཤར་རིག་གྲོལ་རྩལ་གྱི་(དགོངས་གཏེར་གཅོད་གདམས་)ལས་ཀྱང་། སེམས་ཅན་ཐམས་ཅད་བདེར་གཤེགས་སྙིང་བོས་ཁྱབ། ལྷ་དང་ལྷ་མོའ་ི རང་བཞིན་ཡིན་པ་ལ། དགྲ་ཞེས་བྱ་བའི་གཟུང་ཡུལ་ག་ལ་ཡོད། མཉམ་པར་བསམ་ཞིང་སྟོང་ཉིད་ངང་ལ་བཞག ཅེས་སོ། ༢ གཡུང་དྲུང་བོན་གྱི་ཁོར་ཡུག་འདུ་ཤེས་དང་བོད་ཡུལ་གྱི་སྐྱེ་ཁམས་ཁོར་ཡུག

རང་རེ་བོད་མི་རིགས་འདི་ནི་གནའ་ནས་བཟུང་ཁོར་ཡུག་སྲུང་སྐྱོབ་བྱེད་པའི་གོམས་གཤིས་བཟང་བོ་ཞིག་ཆགས་ཡོད་པ་ནི། མི་སུ་ཡིན་རུང་རང་ དགར་རི་དྭགས་མི་གསོད་པ་དང་ཤིང་སྡོང་མི་གཅོད་པ། རྩི་ཤིང་མི་བསྲེགས་པ། ནམ་མཁའི་བྱ་རིགས་མི་གསོད་པ། ཆུ་ནང་གི་ཉ་རིགས་མི་འཛིན་ པ། རྩྭ་ཐང་དུ་ཞིང་རྨོ་མི་བྱེད་པ། ས་བརྐོ་རྡོ་སློག་བྱས་ནས་ཁོར་ཡུག་ལ་གཏོང་བརླག་མི་བྱེད་པ། ཆུ་བོའ་ི གཞུང་དང་ཆུ་མགོ་ཆུ་མིག་སོགས་སུ་འབག་ བཙོག་མི་བྱེད་པ་སོགས་ཀྱི་གོམས་གཤིས་བཟང་བོ་ཞིག་ཆགས་ཡོད། བོད་ཀྱི་གོམས་གཤིས་དེ་དག་ནི་གོང་དུ་བརྗོད་པའི་བོན་(བན་བོན་)གྱི་ཚེ་སྲོག་ ལྟ་ཚུལ་དེའི་འབྲས་བུ་ཡིན་པ་ལས་གཞན་ཆེས་གལ་འགངས་ཆེ་བ་ནི་གཡུང་དྲུང་བོན་གྱི་ཁོར་ཡུག་གི་འདུ་ཤེས་ཁྱད་པར་ཅན་གྱི་ཤན་ཤུགས་ཐེབས་ པའི་འབྲས་བུ་རེད། (༡) རང་བྱུང་ཁོར་ཡུག་དང་བོན་གྱི་ས་བདག་ཀླུ་གཉན་གྱི་ལྟ་ཚུལ།

གཡུང་དྲུང་བོན་གྱི་ཁོར་ཡུག་གི་འདུ་ཤེས་ཁྱད་པར་ཅན་ཞེས་པ་ནི་བོན་པོ་རྣམས་ཀྱིས་སྟེང་བར་སྣང་གི་ཁམས་དང་བར་རི་བོ་དང་ནགས་ཚལ་ས་ གཞི་ཐམས་ཅད། འོག་ཆུ་བོ་དང་རྒྱ་མཚོ་དང་རྩི་ཤིང་ལ་སོགས་རང་བྱུང་ཁམས་ལ་ཀླུ་དང་གཉན་དང་ས་བདག་ཅེས་པས་བདག་ཏུ་བཟུང་ཡོད་པར་

འདོད་དོ། འོ་ན་ས་བདག་ཀླུ་གཉན་ཞེས་པ་དེ་གང་ལ་ཟེར་ཞེ་ན། བོན་གྱི་(གཙང་མ་ཀླུ་འབུམ་དཀར་པོ་)ལས། ཀླུ་ཞེས་བྱ་བ་དང་པོ་རྒྱུ་འབྲས་འདི་ལྟར་ བསྟན། སེམས་ཅན་རྣམས་ཀྱང་མ་ཡེངས་དད་པས་ཉོན། འཇིག་རྟེན་ཁམས་ན་རིགས་དྲུག་སེམས་ཅན་གནས། གཟུགས་མེད་ལྷ་དང་གཟུགས་ཁམས་ ལྷ་ལ་ཀླུ་མི་གནས། ཡི་དྭགས་གནས་ན་འདུག་པ་དང་། དམྱལ་བ་གཉིས་ལ་ཀླུ་མི་གནས། བསོད་ནམས་དབང་གིས་ཕྱི་མ་ཡོད་ན་ཁྱབ་པར་གནས། དེ་ ལ་ཡང་གཉན་ཞེས་བྱ་བ་ནི་ནམ་མཁའ་ལ་གནས། ས་བདག་ཅེས་བྱ་བ་ནི་ས་ལ་གནས། ཀླུ་ཞེས་བྱ་བ་ནི་ཆུ་ལ་གནས། དང་པོ་ཆད་པའི་ཁུངས་ནི་ནམ་ མཁའ་སྟོང་ལྡན་དང་། གསལ་བ་འོད་ལྡན་དང་མུན་པ་ཟེར་ལྡན་དེ་གསུམ་འདུས་པའི་གཞི་ལས་བྱུང་། ནམ་མཁའ་སྟོང་ལྡན་ནི་ནམ་མཁའ་ཡིན་པས་ མཚོན་པའི་དཔེ་དཔེར་རུང་ལ། སྟོང་བར་ལྡན་པས་ནི་གཟུང་བའི་ཡུལ་ལས་འདས། གསལ་བ་འོད་ལྡན་ནི་གསལ་བ་ཡིན་པས་ན་གང་དག་སྒོ་རྣམས་ འབྱེད། འོད་དང་ལྡན་པས་ན་ཆོ་འཕྲུལ་ཅིར་ཡང་སྟོན། མུན་པ་ཟེར་ལྡན་ནི་མུན་པ་ཡིན་པས་ན་རྨོངས་པའི་གཞི་རྣམས་བྱུང་། ཟེར་དང་ལྡན་པས་ ན་གནོད་པ་སྣ་ཚོགས་བྱུང་། དེ་ལྟར་རྣམ་པ་གསུམ་གཅིག་གིས་གཅིག་བསྐྱེད་ནས་གཉན་ཁམས་བསམ་མེད་བྱུང་། གཉན་ཞེས་བྱ་བ་ནི་ནམ་མཁའ་ དང་འོད་དང་ཟེར་ལ་གནས་ཏེ། རྫུ་འཕྲུལ་སྣ་ཚོགས་ཕྱོགས་གཅུར་ཡོངས་སུ་འགྱེད་ཅིང་ཐམས་ཅད་ཡོངས་སུ་གཉན་པས་གཉན་ཞེས་བྱའོ། སྤྱིར་ན་ གཉན་ཁམས་བསམ་གྱིས་མི་ཁྱབ་ཀྱང་། གཉན་གྱི་གཙོ་བོ་གཉན་སྤར་བ་དུང་མགོ་གཡུའི་ཐོར་ཚུགས་ཅན་ཞེས་བྱ་བ་སྤྲུལ་བ་བསམ་གྱིས་མི་ཁྱབ་ པ་དང་། ས་བདག་ཅེས་བྱ་བ་ནི་ས་གཞི་ལ་གནས་ཤིང་མེ་ཏོག་དང་རྩི་ཤིང་དང་གངས་བྲག་གི་བདག་པོ་བྱེད་པ། ས་བདག་བསྟན་མ་གསེར་མདོག་ གསེར་གྱི་བུམ་པ་ཅན་ཞེས་བྱ་བ་ས་རྣམས་དག་ལ་དབང་བསྒྱུར་བ་དང་། དེ་གཉིས་མ་འཁྲུལ་ཡིད་ཀྱིས་སྟེང་འོག་གཉིས་ནས་སྤྲུལ་བ་ལས་ཕྱོགས་ བཞི་མཚམས་བརྒྱད་སྟེང་འོག་ཏུ་ཀླུའི་རིགས་ནི་བསམ་གྱིས་མི་ཁྱབ་ཅེས་དང་། ཡང་། བྲག་ནག་པོ་བྱ་རོག་གི་གདོང་བ་འདྲ་བའི་སྣ་ལ་ཀླུ་གནས་སོ། དུར་ཕག་པ་ནག་པོའ་ི སྣ་འདྲ་བའི་གདོང་ལ་ཀླུ་གནས་སོ། བ་ལང་ཉལ་བ་འདྲ་བའི་ལྟེ་བ་ལ་ཀླུ་གནས་སོ། རྔ་མོང་གི་མཇིང་ལྡེབས་འདྲ་བའི་སྣ་ལ་ཀླུ་ གནས་སོ། འབྲོང་དར་མའི་རུ་ཕྲག་ལ་ཀླུ་གནས་སོ། སྟག་སེང་མཆོངས་པ་འདྲ་བའི་བྲག་དབར་ལ་གཉན་གནས་སོ། མཆོད་རྟེན་འདྲ་བའི་རི་སྣ་ལ་ ས་བདག་གནས་སོ། ཆེ་གཉན་བྲག་ལ་གནས་པ་འདྲ་བའི་ས་དབྱིབས་ལ་ས་བདག་གནས་སོ། ཆབ་སྤྲུལ་ནག་མཐུར་ལ་དཀྱུས་པ་འདྲ་བ་ལ་ཀླུ་གནས་ སོ། བྲག་ནག་པོ་རུས་སྦལ་གབ་པ་འདྲ་བ་ལ་ཀླུ་གནས་སོ། རྒྱུད་ནགས་དྲེད་མོ་ཁྲོས་པ་འདྲ་བ་ལ་ཀླུ་གནས་སོ། ཤིང་ལ་གཉན་གནས་སོ། དོམ་ནག་པོ་ ཁྲོས་པ་འདྲ་བའི་རི་རྒྱུད་ནགས་ལ་ཀླུ་གཉན་ས་བདག་གནས་སོ། མདོག་སོ་སོར་ཕྱེ་བའི་ཆུ་བོ་དང་མཚེའུ་རྒྱ་མཚོ་ལ་ཀླུ་བདུད་མོ་གནས་སོ། བ་དམར་ གླང་དམར་ཉལ་བ་འདྲ་བའི་རི་ལ་ཀླུ་གནས་སོ། བྲག་དང་ཤུག་པ་དང་། ཚལ་པ་དང་སྟག་པ་དང་། པེའུ་དང་ཐང་ཤིང་དང་། ཤིང་རྐང་གཅིག་ཏུ་གྱུར་ པ་དང་། རི་ངོ་བོར་གྱུར་པ་དང་། རི་བྲག་ངོ་བོར་གྱུར་པ་དང་། གངས་ངོ་བོར་གྱུར་པ་དང་། ཆུ་མིག་མདོག་གསལ་ལ་དྭངས་པ། སེམས་ཅན་ཉ་ལྕིབས་ སྔོ་དམར་ལྡིང་བ། རི་དྭགས་དང་འདབ་ཆགས་ཆུ་མི་འཐུང་བས་འཇིགས་པ་དེ་ན་གྱིམ་ཟངས་ཉག་གཅིག་ཀླུའི་སྡེ་གནས་སོ། བྲད་པའི་སྡེར་མོ་འདྲ་ བའམ། ངུས་པའི་མཆི་མ་འདྲ་བའམ། གྲོག་པོ་ཤར་ཤར་ལ་ལྷ་སྲིན་གནས་སོ། སྙིང་དང་མཁལ་མ་འདྲ་བའི་ཆུ་མིག་ལ་ཀླུ་གནས་སོ། སྐད་འདོན་པའི་ཆུ་ མིག་ལ་ཀླུ་གནས་སོ། ཆུ་མིག་ལྐུགས་པ་ལ་ཀླུ་གནས་སོ། གོང་གསུམ་བཙན་རྒྱུ་བའི་ཆུ་མིག་ལ་ཀླུ་གནས་སོ། གོམ་གསུམ་ལམ་གསུམ་གྱི་རི་བྲག་ལ་ཀླུ་ གནས་སོ། ས་རྒོད་དང་། རྡོ་རྒོད་དང་ཤིང་རྒོད་དང་། རྩི་རྒོད་དང་། ཆུ་རྒོད་སྐྱོགས་ཀྱིས་མ་བཅུས་པ་ལ་ཀླུ་གནས་སོ། རྫིང་རྙིང་བ་ལ་ཀླུ་གནས་སོ། དེ་ ལྟར་གནས་པར་གྱུར་པར་རྣམས་ཀྱི་སར། ས་གཉན་བརྐོ་བ་དང་། རྡོ་གཉན་འདོན་པ་དང་། ཤིང་གཉན་བཅད་པ་དང་། ཆབ་གཉན་བཅུས་པ་དང་། རྩི་ གཉན་བྲེགས་པ་དང་། ཤིང་གཉན་བཅད་ནས་འདོན་པ་དང་། ས་ལ་གཏར་ག་དང་། སའི་མེ་བཙའ་དང་། ས་གསེངས་པ་དང་། སའི་སྐར་ཁུང་དང་ ། ས་ལ་ཚ་བའི་ཐུར་མ་དང་། གྲང་བའི་ཐུར་མ་དང་། རྒྱ་མཚོའི་གོས་བཤུས་པ་དང་། རི་བོའ་ི སྟོབས་དབུག་པ་དང་། ཕྱོགས་མཚམས་འཁྲུལ་པའི་མཁར་ ལེན་དང་། དྲག་པོའ་ི ལས་བྱས་ནས་ལུས་འཛའ་བ་རེངས་པར་བྱེད་དོ། ཞེས་རང་བྱུང་གི་ཁོར་ཡུག་དག་ལ་ས་བདག་ཀླུ་གཉན་གྱིས་བདག་ཏུ་བཟུང་ ཡོད་པ་གསལ་བོར་བརྗོད་ཡོད། དེ་རྣམས་ཀྱང་མི་ལ་ཕན་པའི་རིགས་དང་གནོད་པའི་རིགས་དང་ཕན་གནོད་གང་ཡང་མེད་པའི་རིགས་གསུམ་ དུ་དབྱེ་ཡོད་དེ། སྔ་མ་ལས། དེ་ལྟར་ཕན་པའི་གཉན་བསམ་གྱིས་མི་ཁྱབ་པ་དགེ་བ་ལ་དད་པ་ཡོད་དོ། དེ་མཆོད་ཅིང་བསྟེན་པར་བྱའོ། གནོད་པའི་ གཉན་ཁམས་བསམ་གྱིས་མི་ཁྱབ་པ་སྡིག་པ་ལ་དད་པ་ཡོད་དོ། དེ་བྲིད་ཅིང་ཁོལ་བར་བྱའོ། ཕན་པའི་ས་བདག་བསམ་གྱིས་མི་ཁྱབ་པ་དགེ་བ་ལ་དད་ པ་ཡོད་དོ། དེ་མཆོད་ཅིང་བསྟེན་པར་བྱའོ། གནོད་པའི་ས་བདག་བསམ་ཀྱིས་མི་ཁྱབ་པ་སྡིག་པ་ལ་དད་པ་ཡོད་དོ། དེ་བྲིད་ཅིང་ཁོལ་བར་བྱའོ། ཞེས་ སོ། དེ་ལྟར་བོད་མི་རྣམས་ས་བདག་ཀླུ་གཉན་དེ་རིགས་ལ་བྲེད་འཁྲེམས་སྐྱེས་ཤིང་མཆོད་བཀུར་བྱས་པའི་བསམ་བློ་དེས་ཀུན་སྤྱོད་ལ་ཚོད་འཛིན་ ཐེབས་པའི་འབྲས་བུ་ལས་རང་རེ་ཁ་བ་ཅན་གྱི་ཡུལ་ཁམས་འདི་རང་རྒྱལ་གྱི་ཡུལ་ཁམས་གཞན་དག་ལས་ཁོར་ཡུག་སྲུང་སྐྱོབ་བྱས་པ་བལྟས་བཅོས་ སུ་ཅུང་ལེགས་པའི་དགེ་མཚན་འདི་བྱུང་། (༢) བོན་གཞུང་ནས་ས་བདག་ཀླུ་གཉན་(སྐྱེ་ཁམས་ཁོར་ཡུག་)ལ་ཕོག་ཐུག་བཏང་བའི་ཉེས་དམིགས་དང་དེ་ལེགས་པར་བསྟེན་པའི་ཕན་ཡོན་སྐོར་ དཔེ་མཚོན་གྱི་སྟེང་ནས་བཤད་པ།

གཡུང་དྲུང་བོན་གྱི་གཞུང་རྣམས་སུ་འཇིག་རྟེན་ཁམས་འདི་གནའ་བསྐལ་བར་ས་གཞི་མེ་ལོང་ཁ་སྦུབ་པ་ལྟར་ཁོད་སྙོམས་པ། འབྱུང་བ་ཆ་སྙོམས་ཤིང་ དུས་བཞི་གསལ་བ། རྩི་ཤིང་ནགས་ཚལ་རྒྱས་པ། ཆུ་བོ་ཆུ་ཕྲན་མང་བ། ཡུལ་ཁམས་གཙང་ཞིང་དག་པ། མི་ནད་ཕྱུགས་ནད་ཉུང་བ། ཆར་ཆུ་དུས་སུ་ འབེབས་པ། ལོ་ཕྱུགས་རྟག་ཏུ་ལེགས་པར་བཤད་ལ། ཕྱིས་སུ་མི་རྣམས་ཀྱི་རྒྱུད་ཀྱི་དུག་ལྔ་ཤུགས་ཇེ་ཆེར་གྱུར་ཅིང་འདོད་ཆུང་ཆོག་ཤེས་མེད་པར་རང་ ཉིད་འཚོ་གནས་ཀྱི་དོན་དུ་རང་འདོད་དུ་ས་བརྐོ་རྡོ་སློག་དང་བསྲེག་གཅོད་གསོད་གསུམ་སོགས་རང་བྱུང་ཁམས་ལ་ཕོག་ཐུག་བཏང་བས་ད་ལྟའི་ རྣམ་པ་ལྟར་ས་གཞི་ཁོད་མི་སྙོམས་པ་དང་རི་ལུང་གཡང་གཟར་མང་བ། གང་ས་གང་དུ་བྱེ་ཐང་དང་གྲོག་རོང་དུ་གྱུར་པའི་སྣང་ཚུལ་འདི་བྱུང་བར་ བཤད་དོ། (ནོར་བུ་འོད་འབར་)ལས། འཇིག་རྟེན་མི་ཡང་མ་རིག་འཁྲུལ། རྩོག་སྨེ་འཁོན་འཐབ་རྐོ་སློག་དང་། དུག་སྤྱོད་མེ་ལྕེ་རྦབ་སྒྲིལ་དང་། གདུག་ རྩུབ་དཔག་ཏུ་མེད་པ་བྱས། ཀླུ་རིགས་རྣམས་ཀྱང་འཁྲུག་རྐྱེན་སྐྱེས། འཇིག་རྟེན་མི་ལ་ཆོ་འཕྲུལ་བཀྱེ། ཞེས་དང་(ས་བདག་ཀླུ་གཉན་གཏོད་འབུམ་ བཞི་བཞུགས་)ལས། མི་ཡིས་གདུག་ཏུ་གཏོང་ཐབས་ལྔ། གང་ཡང་དུག་ལྔའི་རྒྱུ་རུ་འབྱུང་བ་དེ། དུག་དང་མཚོན་དུ་ཐབ་དང་མེ་མནོལ་དང་། བ་སྨེ་སློ་ རིས་སྣ་ཚོགས་དང་། རྐང་འགྲོ་འཕྲུལ་འདུལ་གཉེན་དགུ་བཏུལ། དེ་ལྔ་བྱས་ན་གདུག་པ་སྟོན། ཞེས་སོ། དེར་མ་ཟད་རང་བྱུང་ཁམས་སམ་ས་བདག་ཀླུ་

གཉན་ལ་ཕོག་ཐུག་བཏང་པའི་ཉེས་དམིགས་དང་དེ་ལེགས་པར་བསྟེན་པའི་ཕན་ཡོན་སོགས་མང་དུ་གདམས་ཡོད་པ་དཔེར་ན་(གཙང་མ་ཀླུ་འབུམ་ དཀར་པོ་)ལས། དེ་ལྟར་བར་སྣང་ལ་གནས་པའི་སེམས་ཅན་ལ་ཀླུ་གཉན་ས་བདག་གིས་དབང་བྱས་པའི་སེམས་ཅན་ཡོད་དོ། ས་གཞི་ལ་གནས་པའི་ སེམས་ཅན་ལ། ཀླུ་གཉན་ས་བདག་གིས་དབང་བྱས་པའི་སེམས་ཅན་ཡོད་དོ། དེ་ལྟར་དབང་བྱས་པའི་སེམས་ཅན་ལ་བཟུང་ངམ་བསད་ན་མི་དགེ་ བར་འགྱུར་རོ། ཞེས་དང་། ཡང་སྐྱོན་ནི་དུས་དང་མི་མཐུན་པའི་ནད་ཡམས་དྲག་པོ་དང་། མཛེ་དང་ཤུ་བ་དང་། གཡན་པ་དང་། དྲེག་དང་། གྲུམ་བུ་ དང་། འབྲས་དང་ཆུ་སེར་དང་། དམུ་ཆུ་སྐྱ་སྒང་དང་སྐྲན་ནད་དང་ཕོལ་དང་། མཁྲིས་པ་གཤའ་ཡ་དང་། འབྲུམ་བུ་དཀར་ནགས་དང་། སྐེམ་བྱེད་ ཞ་གྲུམ་གཞོིགས་སྐམས་དང་། སད་དང་སེར་བ་དང་མེའི་བསྐལ་བ་དང་། ཆུའི་བསྐལ་བ་དང་། རླུང་གི་བསྐལ་བ་ལ་སོགས་ཏེ། གཙང་མ་ཀླུ་འབུམ་ དཀར་པོ་གསུང་མ་བསྒྲགས་ན། རིམས་ཉིན་གཅིག་པ་དང་རིམས་ཉིན་གཉིས་པ་དང་། གསུམ་པ་དང་། རིམས་དྲག་པ་འོང་ངོ་། ཡོན་ཏན་བསྟན་པ་ནི། གཙང་མ་ཀླུ་འབུམ་གསུང་བསྒྲགས་ན། དུས་དང་མི་མཐུན་པའི་རྐྱེན་དབང་དྲག་པོ་བཟློག་པར་འགྱུར་རོ། པེའུ་ལུག་བྲན་ཁོལ་འབེལ་བར་འགྱུར་རོ། ཡུལ་ཁམས་གཙང་ཞིང་དག་པར་འགྱུར་རོ། ཞེས་དང་། (ས་བདག་ཀླུ་གཉན་གཏོད་འབུམ་བཞི་བཞུགས་)ལས། ཡོན་ཏན་ཐམས་ཅད་ཀླུ་ལས་བསྐྱེད། གདུག་པ་ཐམས་ཅད་ཀླུ་ལ་ཤར། དེ་བས་ཀླུ་ལ་ཁོང་ཁྲོ་མེད། མི་ཡིས་གདུག་པ་མ་བྱས་ན། ཀླུ་ཡིས་གདུག་པ་མི་བྱེད་དོ། གལ་ཏེ་མི་ཡིས་གདུག་བྱེད་ན། ཀླུས་ཀྱང་གདུག་པ་འཕྲལ་དུ་གཏོང་། ཞེས་སོ། བོན་གཞུང་ནས་སྐྱེ་ཁམས་ཁོར་ཡུག་ལ་དེ་ལྟར་སྲུང་སྐྱོབ་བྱེད་པའི་གནས་ལུགས་དེ་ངོ་སྤྲོད་དང་མི་ རྣམས་ལ་སློབ་གསོ་དང་ཞལ་གདམས་གནང་ཆེད་དེའི་རྒྱབ་སྐྱོར་དུ་གསོན་ཉམས་ལྡན་པའི་གཏམ་རྒྱུད་མང་པོར་སྦྱར་ནས་གསལ་བཤད་བྱས་ཡོད་པ་ འདིར་དཔེ་མཚོན་ཙམ་བཀོད་ན། (༡) ཁོར་ཡུག་ལ་གཏོལ་བརླག་བྱས་པའི་ཉེས་དམིགས་ཐད་ཀྱི་དཔེ་མཚོན།

(སྤང་སྐོང་ནི་ར་བརྒྱད་གསུམ་གྱི་ཀླུའི་སྤང་སྐོང་)ལས། འདི་སྐད་བདག་གིས་ཐོས་པ་དུས་གཅིག་ན། བྱང་ཕྱོགས་མུ་ཁུམ་རིའི་བྱང་ཕྱོགས། རི་བོ་སྤོས་ ངད་དང་ལྡན་པའི་རྩ་བ། རྟ་མཆོག་ཁ་འབབ་བག་ཤུའི་འགྲམ་དུ། ཁྱིམ་བདག་གཡུང་དྲུང་གསལ་ཁྱབ་ཞེས་པ་དེ་ཡིས་ཀླུ་གཉན་ས་བདག་གནས་པའི་ ས་དེ་རུ་ཕྱིན་ནས་ན་མ་ནེའུ་སེང་དང་། མེ་ཏོག་སྤང་བཀྲ་ལེགས་པའི་དཀྱིལ་དུ་ན། ཁང་ཁྱིམ་གསར་དུ་ཕུགས། རྟ་དང་གླང་པོ་ཡིས་རི་དམར་ཕུག་ལ་ ལྷས་ཀ་རྒྱབ། རྟ་གླང་ལྷས་སུ་བཅུག གཏེར་ཁ་མེ་ཡང་རྒྱབ། ཡུལ་ལ་རྫིང་དུ་སྐྱིལ། ནགས་སྤང་མེ་ལ་སྲེགས། ཀླུ་གཉན་གཏོད་དང་བཙན། ས་བདག་ སྤྲུལ་བའི་སྡེ། འཁྲུགས་ཤིང་ནད་ཡམས་དར། ཡུལ་དེ་མི་རྣམས་ཁོང་ལྷོག་གཉན་ནད་དྲེགས་དང་གྲུམ་བུ་འབམ་ནད་དང་། ཆུ་སེར་གནད་ཡ་དང་ འབྲུམ་བུ་དཀར་ནག་དང་མཛེ་དང་ཤུ་བ་ཕོལ་དང་སྐྲན། དམུ་ཆུ་སུར་ཡ་གཉན་ནད་མེ་ལྕེའི་འཁོར་ལོའ་ི ནད། སྨྱོ་བ་བརྒྱལ་དང་སྔངས་ཤིང་འདར། མི་ བདེ་སྡུག་བསྔལ་རབ་ཏུ་དར། མི་ནོར་ཡུལ་ཁམས་སྟོང་ལ་ཁད། ཞང་ཞུང་ཁྱིམ་བདག་གསལ་ཁྱབ་ཀྱིས་རྟ་ངང་བ་ཐོད་དཀར་ལ་དར་སྣ་ལྔ་བཏགས་ ནས་སྟོན་པ་ལ་ཕུལ་ནས་མདུན་དུ་པུས་མོ་བཙུགས་ཐལ་མོ་སྦྱར། གུས་པའི་ཚུལ་གྱིས་འདི་སྐད་ཞུ། རྣམ་མཁྱེན་སྟོན་པ་ཡང་དག་གཤེན་རབ་ལགས། བདག་ཅག་ཞང་ཞུང་ཡུལ་འདིར་ཕེབས་པ་ངོ་མཚར་ཆེ། མི་བདེ་ཀླུ་གཉན་ས་བདག་གཏོང་དང་གཟེད། ཡུལ་ལྷ་བཙན་དང་སྨན་མོའ་ི ཁ་རླངས་ཀྱིས། ནད་ཡམས་གདུག་པའི་མྱང་ངན་གདུང་བ་འདི། སྔོན་གྱི་ལས་དབང་ཡིན་ནམ་ད་ལྟའི་འཕྲལ་རྐྱེན་ཡིན། གང་ཡིན་བདག་ལ་གསལ་ལེར་བཤད་དུ་ གསོལ། རྣམ་མཁྱེན་སངས་རྒྱས་ཡང་དག་གཤེན་རབ་མཆོག མ་རྨོངས་ས་ལེ་ཐུགས་ལ་གསལ། བདག་ཅག་རྣམས་ལ་བཀའ་བསྩལ་འཚལ། དེ་ལ་སྟོན་ པས་བཀའ་སྩལ་པ། ཉོན་ཅིག་དད་པ་ཅན་གྱི་ཁྱིམ་བདག་དང་། ཞང་ཞུང་ཡུལ་ན་གནས་པའི་འཁོར་ཚོགས་ཐམས་ཅད་ཀུན། མ་གཡེང་དད་པའི་ སེམས་ཀྱིས་ཉན་པར་གྱིས། ཞུས་པའི་དོན་དེ་སྐབས་དང་དུས་ལ་བབ། ང་ནི་དགྲ་བཅོམ་སྟོན་པ་ཀླུ་འདུལ་ཡིན། སྟེང་འོག་བར་ན་གནས་པའི་ཀླུ་གཉན་ ས་བདག་གཏོད། འཇིག་རྟེན་ཁམས་ན་འདི་ལས་དབང་ཆེ་མེད། ས་བརྐོ་རྡོ་སློག་ཆུ་བསྒྱུར་མཁར་ལས་དང་། རོ་སྲེགས་ཡུལ་མཁར་བརྩིགས་དང་ གཏོར་ཟོར་དང་། དེ་དག་བྱས་པའི་ཀླུ་གཉན་ས་བདག་ལ་ཕོག དེ་དག་ཐམས་ཅད་གཟུངས་ཀྱིས་བཅོས་པར་གསུངས་སོ། (ས་བདག་སྤང་སྐོང་)ལས། འདི་སྐད་བདག་གི་ཐོས་པ་དུས་གཅིག་ན། ཞང་ཞུང་མལ་གྲོས་ན། གཡུ་ཡི་རྫིང་བུ་ཡོད་པའི་ས་དེ་རུ། དེད་དཔོན་ཟླ་བའི་ དབང་བོ་ཞེས་བྱ་བས་ཡུལ་མཁར་གསར་དུ་བཟུང་། མཁར་བརྩིགས་ཞིང་རྨོས་ས་རྒོད་བཏུལ། སྤང་ལ་མེ་རྒྱབ། མཚོ་དང་ཆུ་མིག་ལ་རྫིང་དང་ཡུར་བ་ སློག་ནས་ཡོད་པས། དུས་རེ་ཞིག་ནས་གནམ་ནས་ཆར་བ་ཆད། ས་ལ་རྩི་ཤིང་སྐམ། མི་ནད་ཕྱུགས་ནད་དང་། ཤིན་ཏུ་སྡུག་བསྔལ་བ་ཉམ་ཐག་ནས་ ཡོད་པས། དུས་རེ་ཞིག་ན་ཡུལ་དེའི་ལྷོ་ནུབ་རྟ་སྒོ་གངས་ཀྱི་ར་བ་ན། སྒྲ་སྙན་པ་དང་འོད་གསལ་བ་མང་པོ་ཤར་རོ། དེ་ལ་ཀུན་གྱིས་དད་པ་དང་མོས་ གུས་སྐྱེས་ནས་ལྷ་ཕྱག་ཡང་འཚལ་ནས་ཡོད་ཙམ་ན། གསེར་གྱི་འཁོར་ལོ་དུས་བཞི་རྒྱལ་མོ་བཞིའི་སྒྱུར་བའི་སྟེང་ན། སྐྱེས་བུ་ཆེན་པོ་མཚན་བཟང་ དང་དཔེ་བྱད་ཀྱིས་བརྒྱན་པ་འཁོར་ལྷ་ཀླུ་མིའི་དབང་བོའ་ི བསྐོར་ནས་ཕེབས་སོ། ཕེབས་མ་ཐག་ཏུ་ཁྱིམ་བདག་དེད་དཔོན་ཟླ་བ་དབང་བོ་ཞེས་པས་ ཤེལ་དཀར་ཟོ་བ་ཞོ་ཡིས་བཀང་ནས་ཕུལ་ལོ། དེ་ལ་གཤེན་རབ་ཀྱིས་བཀའ་སྩལ་པ། ཁྱིམ་བདག་ལ་སོགས་དད་པ་ཅན་སྔོན་ནས་ལས་ཀྱི་འབྲེལ་བ་ ཡོད། ད་ལྟ་ཁྱོད་ལ་སྡུག་བསྔལ་སྣ་ཚོགས་མྱོང་། དེ་ཡི་སྡུག་བསྔལ་སྐྱབས་སུ་འོང་། ཤེལ་དཀར་ཞོ་ཡིས་བཀའ་བ་འདི་ཤིན་ཏུ་ལེགས་པའི་བརྡ་ལགས་ སོ། ཡུལ་འདི་ཡི་མི་བདེའི་སྡུག་བསྔལ་དང་། ཐན་པ་དང་སད་སེར་ཁ་བ་སོགས་ས་བདག་གཏོད་ཀྱི་ཆོ་འཕྲུལ་ཡིན། དེ་དག་ཞི་བའི་གཟུངས་འདི་ གསུངས་སོ།། (༢) སྲོག་ཆགས་བསད་པའི་ཉེས་དམིགས་སྐོར་གྱི་དཔེ་མཚོན།

(གཉན་གྱི་སྤང་སྐོར་)ལས། སྔོན་རྩང་ཡུལ་བསྐོར་རྙིང་མོིའི་ཡུལ་ན། ཁྱིམ་བདག་དད་པ་དང་ལྡན་པའི་བཀྲ་ཤིས་ལྷ་རྒྱལ་ཆེ་ཞེས་བྱ་བ་དེ་ཡི་རིང་ལ། ཡུལ་དེ་ན་སྔར་ནས་མ་མཐོང་བའི་རུ་གླང་དཀར་པོ་དམར་ལ་མདངས་ཆགས་པ། རྭ་རྨུག་པ་གཡུའི་འོད་ཟེར་དང་ལྡན་པས་ཡུལ་དེ་ཡི་ཕུག་གི་རྩ་ ཟོས། མདོ་ཡི་ཆུ་འཐུང་ནས་ཡོད་ཙམ་ན། ཁྱིམ་བདག་བཀྲ་ཤིས་དཔལ་མཁར་ཞེས་པ་དེས་གླང་དེ་ལ་མདའ་བརྒྱབ་ནས་ཤ་དང་ཁྲག་འཐོར་བ་དེ་ལ་ གཉན་ལྷོག་ནག་པོ་ཇག་ཤི་དང་། ལྷོད་པ་ས་འཛིན་དང་ཁོང་ལྷོག་ནག་པོ་ལངས་ཤི་དང་། ལྷོག་གཟེར་མགོ་ཀས་དང་། ལྷོག་བདུད་མཁལ་མ་སུར་ཡ་ དང་དེ་དག་ལ་སོགས་པའི་གཉན་ནད་སྣ་ཚོགས་ཀྱི་དེ་ཡི་མི་རྣམས་མི་བདེ་བ་དང་། སྡུག་བསྔལ་ནང་ན་ཡོད་ཙ་ན། ཡུལ་དེར་གཙང་གཤེན་སྙན་

ངག་རྒྱལ་བ་བཞུགས་པ་དེ་ལ་རིན་པོ་ཆེའི་མཎྜལ་ཕུལ་ནས། འགྲོ་ལ་ཕན་སེམས་བསྐྱེད་པའི་དབང་གཤེན་ལགས། བདག་གིས་གླང་གཅིག་བསད་ པའི་རྐྱེན་བྱས་ད་ལྟ་མི་བདེ་གཉན་ནད་སྣ་ཚོགས་དར། མི་ནོར་ཡུལ་མཁར་འདི་ཡང་སྟོང་ལ་ཁད། འདི་ལ་ཐབས་དང་ཐུགས་རྗེས་གདམས་ངག་ བསྟན་དུ་གསོལ། དེ་ལ་གཙང་གཤེན་བདག་གིས་ལན་གསུངས་པ། གླང་དང་བྱི་བ་བསད་དུ་མི་རུང་། གཉན་གྱི་བུ་དང་བུ་མོའ་ི སྤྲུལ་བ་ཡིན། དེ་ལ་ ཞི་བའི་ཐབས་ཀྱིས་མི་སླུ་ཞིང་། དྲག་པོའ་ི ལས་ནི་ཤིན་ཏུ་སྤངས་པར་བྱ། བདག་གིས་ས་སྔགས་རིགས་གཟུངས་གྱི་བཅོས་པར་བྱ། གཉན་གྱི་རྒྱལ་བློན་ རྣམས་ལ་འགྱོད་བཤགས་འབུལ། དེས་ཡུལ་འདིའི་ནད་ཡམས་ཞི་བར་འགྱུར་རོ་ཞེས་གསུངས། (བཙན་དང་ཆུ་བདུད་ཞགས་བཀྲོལ་)ལས། ཡུལ་སུམ་པ་གླང་གི་གྱིམ་ཤོད། ཤེལ་བྲག་དཀར་པོའ་ིཤར་ཕྱོགས། རི་ནག་དགུ་འདུལ་དཔག་ཕུག་འགྲམ། ཁྱིམ་བདག་བྷུརཧ་ཛཉ་ན་ཞེས་བྱས་བ་ཞིག་གིས་བཙན་ཤ་དམར་པོ་བསད། ཁ་ཤ་རྒྱ་ལ་བཟུངས། འུག་པའི་ཚངས་བཤིགས། ཆུ་གཉན་མིག་ཏུ་མེ་ཐབ་ སོང་། ས་གཉན་འོག་ཏུ་དུད་འགྲོ་དང་མིའི་རོ་སྦས། ས་དཀྲེས་དཀྱུལ་ནས་གས། ཡུལ་དེ་རུ་ཁྲག་གི་ཆར་བ་བབས། བཙན་ནད་སྦས་ཤི་དང་ཆུ་བདུད་ ཀྱི་ནད་སྦུད་གྱེས་སོགས་བཏང་ནས། ཡུལ་དེ་ན་མི་བདེ་བ་དང་སྡུག་བསྔལ་བ་བྱུང་ངོ་། དེའི་ཡུལ་དེ་རུ་བཙན་བོན་རུམ་པོ་བཞུགས་པའི་འདི་སྐད་ གསུངས་སོ། དེ་འགྱོད་བཤགས་བྱ། གཟུངས་སྔགས་འདི་ཡིས་མི་མཐུན་ནད་ཡམས་དང་གདུག་པ་ཐམས་ཅད་ཞི་བར་འགྱུར་རོ། ཞེས་གསུངས་སོ། ༣ གཡུང་དྲུང་བོན་གྱི་མི་དང་ཁོར་ཡུག་བར་གྱི་འབྲེལ་བའི་ཐད་ཀྱི་ལྟ་ཚུལ།

གོང་དུ་བརྗོད་པའི་བོན་གྱི་ཚེ་སྲོག་གི་ལྟ་ཚུལ་དང་སྐྱེ་ཁམས་ཁོར་ཡུག་གི་འདུ་ཤེས། སྟོན་པ་གཤེན་རབ་ཀྱི་སྐྱེ་ཁམས་ཁོར་ཡུག་སྲུང་སྐྱོབ་ཐད་ཀྱི་ཞལ་ གདམས་དང་དཔེ་དོན་ཟུང་ལྡན་སྒོས་བསླབ་བྱ་གནང་བ་དེ་དག་ལས་མི་དང་ཁོར་ཡུག་བར་གྱི་འབྲེལ་བ་ཕྱོགས་ཙམ་རྟོགས་ནུས་ཏེ། མི་དང་སྐྱེ་འགྲོ་ ཐམས་ཅད་འདྲ་མཉམ་ཡིན་པའི་གནས་ལུགས་སྟེང་ནས་རི་དྭགས་སོགས་སྲོག་ཆགས་རང་དགར་གསོད་མི་རུང་ཞིང་། ལྷག་པར་དུ་རི་དྭགས་དཀོན་ པོ་གསོད་མི་རུང་བ། རྩི་ཤིང་དང་ནགས་ཚལ་སོགས་གཅོད་པ་དང་བསྲེག་མི་རུང་བ། ཆུ་མགོ་དང་ཆུ་བོར་བཙོག་བཟོ་མི་རུང་བ། རོ་སོགས་བསྲེགས་ ནས་དྲི་མ་ངན་པས་མཁའ་དབུགས་མནོལ་མི་རུང་བ། གལ་ཏེ་མི་རྣམས་ཀྱིས་ཕར་རང་བྱུང་ཁམས་ལ་གསོད་གཅོད་བསྲེག་གསུམ་དང་བསྐོ་སློག་ བཙོག་མནོལ་བྱས་ན་ཚུར་མི་རང་ཉིད་ལའང་ནད་སོགས་མི་བདེ་བ་སྣ་ཚོགས་འབྱུང་བའི་ཕན་གནོད་ཀྱི་འབྲེལ་བ་ཙམ་རྟོགས་ནུས་ནའང་། གཡུང་ དྲུང་བོན་གྱི་མི་དང་ཁོར་ཡུག་བར་གྱི་འབྲེལ་བའི་ལྟ་ཚུལ་ནི་ཕན་གནོད་ཀྱི་འབྲེལ་བ་དེ་ཙམ་མ་ཡིན་པར་རྟེན་ཅིང་འབྲེལ་བའམ་རྩོད་སྒྲུབ་གཅིག་ གྱུར་ཏུ་འདོད་པ་གཤམ་ནས་ཕྱོགས་གསུམ་ནས་བརྗོད་པར་བྱའོ། (༡) འབྱུང་ལྔའི་སྟེང་ནས་མི་དང་ཁོར་ཡུག་གཅིག་ཏུ་ལྟ་བ།

དེ་ཡང་(ལེགས་བཤད་རིན་པོ་ཆེའི་གཏེར་མཛོད་)ལས། དང་པོ་ནི། བསྐལ་བ་སྔ་མའི་སྟོང་བསྐལ་ཉི་ཤུའི་ཡུན་འདས་ནས་ཕྱོགས་སོ་སོ་ནས་རླུང་ ལངས་པ་གཅིག་ཏུ་སྤུངས་པའི་རླུང་གི་རང་བཞིན་སྲ་ལ་ཡང་ཞིང་འདེགས་པ་དབྱིབས་རྒྱ་གྲམ་དུ་ཆགས། དེའི་སྟེང་སྤུངས་པ་ཆེན་པོ་ལས་ལྷུན་པོ། འབྲིང་ལས་རི་བདུན། ཐ་མ་ལས་གླིང་བཞི། དེའི་ཐ་མ་ལས་གླིང་ཕྲན་བརྒྱད་སོགས་ཆགས་སོ། ཞེས་དང་། (སྙན་བརྒྱུད་སྒྲོལ་མ་དྲུག་གི་གདམས་པ་) ལས། མ་ཡི་མངལ་དུ་ལུས་སེམས་འདུས་པའི་ཚེ། ནམ་མཁས་གོ་འབྱེད། ས་ཡིས་བསྐྱེད་ཅིང་བརྟེན། ཆུ་ཡིས་གཅིག་ཏུ་བསྡུས་ནས་གསོས་ཀྱང་བཏབ། མེ་ཡིས་དྲོད་སྐྱེད་ལུས་སེམས་སྨིན་པར་བྱས། རླུང་གི་དྭངས་སྙིགས་འབྱེད་ཅིང་རྩ་སྦུགས་སེལ་བར་བྱེད། ཕྱི་ལུས་ཀྱི་སྲིད་པ་ལྟེ་བ་ནས་ཆགས། ནང་ སེམས་ཀྱི་སྲིད་པ་ཙི་ཏ་ནས་ཤར་ཏེ། དཀར་དམར་འདྲེས་པའི་ནང་དུ་དང་པོ་སྙིང་ཆགས་ཏེ་འབྱུང་བ་ནམ་མཁའི་རྟེན་ནོ། ཞེས་སོ། གོང་གི་ལུང་འདི་ གཉིས་ལས་ཕྱི་སྣོད་ཀྱི་འཇིག་རྟེན་དང་ནང་བཅུད་ཀྱི་སེམས་ཅན་གང་ཡིན་ཀྱང་ཐོག་མར་འབྱུང་ཁུངས་ནི་ནམ་མཁའ་དང་ས་དང་རླུང་དང་ཆུ་དང་ མེ་བཅས་འབྱུང་བ་ལྔ་ཡིན་པར་འདོད་ལ། འབྱུང་བ་ལས་མ་བྱུང་བའི་དངོས་པོ་གང་ཡང་མེད་པར་དང་འབྱུང་ཐབས་ཀྱང་མེད་འདོད་པ་དང་། (སྲིད་ པའི་མཛོད་ཕུག་)ལས་ཀྱང་། ཐེག་ཆེན་ས་གཞི་སྐྱེད་པའི་ཡུམ་ཞེས་པ། ཐེག་ཆེན་ནི་རླུང་མེ་ཆུ་གསུམ་གྱིས་ས་གཞི་སྐྱིེད་པ་ཡིན་ལ། ས་གཞི་ནི་གླིང་ བཞི་དང་རི་རབ་རྩི་ཤིང་དང་རི་བྲག་ཆུ་བོ་དང་ལྟེང་ཀ་རྣམས་སྐྱེད་པའི་གཞི་བྱེད་པའོ། ཡུལ་ནི་སྐྱེ་འགྲོ་སེམས་ཅན་ཐམས་ཅད་ཀྱི་གསོས་གཞི་ཡིས་ བསྐྱེད་ནས་གསོ་བས་ཡུམ་ཞེས་བྱའོ། ཞེས་དང་། ཡང་དེ་ཉིད་ལས། བོན་ཐམས་ཅད་སྲིད་པ་ལས་བྱུང་བས་མ་སྲིད་པ་མེད། སྲིད་པ་འབྱུང་བ་ལས་ བྱུང་བས་མ་བྱུང་བ་མེད། འབྱུང་བ་ནམ་མཁའ་ལས་བྱུང་བས་མི་གསལ་བ་མེད། ཅེས་སོ།

དེ་བལྟས་བཅོས་དང་རྒྱུ་མ་ཆུ་འདེད་ཀྱི་རིགས་པས་དེད་ན་འབྲས་བུ་སའི་གོ་ལ་ཟླུམ་པོ་འདི་རྒྱུ་འབྱུང་བ་ལྔ་ལས་བསྐྱེད་ཅིང་། འབྲས་བུ་སྐྱེ་དངོས་ འདི་རྒྱུ་ས་གཞི་ལས་བསྐྱེད་པ་དང་། འབྲས་བུ་རང་རེ་སྨྲ་ཤེས་ཤིང་དོན་གོ་བའི་མིའི་རིགས་འདི་རྒྱུ་ཁོར་ཡུག་སྐྱེ་ཁམས་ལས་བྱུང་བའི་རྒྱུ་འབྲས་དང་ ཨན་སེ་ཐན་གྱི་བལྟས་བཅས་སྨྲ་བའམ་སྐྱེ་དངོས་འཕེལ་བྱུང་སྨྲ་བའི་སྟེང་ནས་བཤད་ནའང་གཅིག་ལས་གཅིག་བྱུང་བ་སྟེ། ནམ་མཁའི་ཁམས་འདི་ན་ གནས་པའི་དངོས་པོ་ཐམས་ཅད་ཀྱི་འབྱུང་ཁུངས་ནི་མེ་ཆུ་ས་རླུང་ལས་མ་འདས་ཤིང་དེར་འབྲེལ་ནས་སྲིད་པ་འདི་བྱུང་བར་འདོད་ལ། དེ་བཞིན་དུ་ མཐར་སྣོད་བཅུད་ཀྱི་འཇིག་རྟེན་ཆགས་གནས་ཀྱི་བསྐལ་བ་རྫོགས་ནས་འཇིག་སྐབས་སུའང་འབྱུང་བ་ནས་འཇིག་ཅིང་འབྱུང་བ་ལ་ཐིམ་པའི་གནས་ ལུགས་དེའི་སྟེང་ནས་གཡུང་དྲུང་བོན་གྱིས་མི་དང་སྐྱེ་ཁམས་ཁོར་ཡུག་གཉིས་བྱུང་གནས་འགྲོ་གསུམ་གང་གི་སྟེང་ནས་ཀྱང་ཐ་དད་མེད་པར་གཅིག་ ཏུ་འབྲེལ་བར་ལྟའོ། དཔེར་ན། མི་ཞིག་ཚེ་ལས་འདས་ཚེ་མར་མེ་རླུང་གིས་གཟིམ་པ་ལྟར་ནག་ཐིབ་བེ་མེད་པར་འགྲོ་བ་མི་འདོད་པར་རྣམ་ཤེས་དེ་ ལས་ཀྱིས་སྐུལ་ནས་རིགས་དྲུག་གི་གནས་སམ་ཁོར་ཡུག་གི་ས་བདག་ཀླུ་གཉན་གང་རུང་དེ་སྐྱེ་བ་ལེན་པའི་ཉེར་ལེན་གྱི་རྒྱུ་ནི་གོང་དུ་སྨྲས་པ་ལྟར་གྱི་ འབྱུང་བ་ལྔ་བོ་ཡིན་པར་བཤད་དོ། (༢) རྟེན་ཅིང་འབྲེལ་བར་འབྱུང་བའི་ལྟ་བའི་སྟེང་ནས་མི་དང་སྐྱེ་ཁམས་ཁོར་ཡུག་(ས་བདག་ཀླུ་གཉན་)གཅིག་ཏུ་ལྟ་བ།

གོང་དུ་བརྗོད་པ་ལྟར་མིའི་གོམ་གསུམ་ལམ་གསུམ་གྱི་ཁོར་ཡུག་ཐམས་ཅད་ན་ས་བདག་ཀླུ་གཉན་གནས་ཡོད་པས་མི་དང་སྐྱེ་ཁམས་ཁོར་ཡུག་

གཉིས་སོ་སོའམ་ཁ་བྲལ་དུ་གནས་པ་མ་ཡིན་པར་གཅིག་ལ་གཅིག་བརྟེན་ནམ་རྩོད་སྒྲུབ་གཅིག་གྱུར་ཏུ་འདོད་དེ། (ས་བདག་ཀླུ་གཉན་གཏོད་འབུམ་ བཞི་བཞུགས་)ལས། ཀླུ་ཞེས་བྱ་བའི་ངེས་ཚིག་ནི། ཐམས་ཅད་འབྱུང་བའི་ཡུལ་ལ་བྱ། ཞེས་པ་ལ་སོགས་པ་མང་དུ་གསུངས་པ་དང་། ཡང་དེ་ཉིད་ལས། ཡང་དེ་ཉིད་ལས། སྟོན་པ་གཤེན་རབ་ཀྱིས་བཀའ་སྩལ་པ། འཇིག་རྟེན་གྱི་ཁམས་འདི་ན། སེམས་ཅན་ཐམས་ཅད་བྱེད་པ་ཡང་ཀླུ་ཡིན། སེམས་ཅན་ ཐམས་ཅད་སྨིན་པར་བྱེད་པར་ཡང་ཀླུ་ཡིན།་སེམས་ཅན་ཐམས་ཅད་གསོ་བར་བྱེད་པ་ཡང་ཀླུ་ཡིན། སེམས་ཅན་ཐམས་ཅད་ཀྱི་རྒྱུ་ཡང་ཀླུ་ཡིན། སེམས་ ཅན་ཐམས་ཅད་ཀྱི་འབྲས་བུ་ཡང་ཀླུ་ཡིན། སེམས་ཅན་ཐམས་ཅད་ཀྱང་ཀླུ་ཡིན། ཞེས་པ་དེ་ལས་མི་དང་རང་བྱུང་ཁམས་ནི་རྟེན་ཅིང་འབྲེལ་བ་ཡིན་ ཚུལ་གོམ་གང་མདུན་སྤོས་སྒོས་གསལ་བཤད་བྱས་ཡོད་དེ། ཚང་མས་མཁྱེན་གསལ་ལྟར་མི་དང་བཅས་པའི་ཚེ་སྲོག་ཐ་དག་གི་བྱེད་པའམ་རྒྱུ་ནི་རང་ བྱུང་ཁམས་འདི་ལས་མ་འདས་ཏེ། ཕྱི་ནང་གི་ཆ་རྐྱེན་ངེས་ཅན་འཛོམས་པའི་རང་བྱུང་གི་ཁོར་ཡུག་འོག་ཏུ་ད་གཟོད་ཚེ་སྲོག་བྱུང་བ་ནི་ཚན་རིག་ པས་ད་ལྟའི་ཆུ་ཚད་འདིའི་སྟེང་ནས་བར་སྣང་གི་ཁམས་ཆེན་པོར་བརྟག་ཞིབ་བྱས་ཀྱང་སའི་གོ་ལ་ཁོ་ན་ཉིད་ལས་མ་རྙེད་པ་དང་། ཚེ་སྲོག་གང་ཞིག་ ཡིན་ཀྱང་དེ་ཐོག་མར་བྱུང་ཁུངས་དང་བར་དུ་གནས་ས། མཐའ་མར་ཐིམ་ས་ཐམས་ཅད་རང་བྱུང་གི་ཁམས་འདི་ཡིན་པའི་གནས་ལུགས་དེ་དག་གི་ སྟེང་ནས་སྟོན་པ་གཤེན་རབ་ཀྱིས་གོང་གི་སྡོམ་ཚིག་དེ་གསུངས་པ་རེད། དེས་ན་མི་དང་རང་བྱུང་ཁམས་གཉིས་མཐུན་སྦྱོར་དུ་གནས་དགོས་པ་རྒྱུ་ འབྲས་སམ་ཆོས་ཉིད་དུ་འདོད་དེ། (སྲིད་པའི་མཛོད་ཕུག་)ལས། སྲིད་པ་ཞེས་པ་ནི་རྦད་དོན་ངེས་ཚིག་སྲིད་ནས་བྱུང་བའི་ངེས་ཚིག་ཏུ་བསྟན་པའོ། དེའི་དབྱེ་དོན་གྲངས་རིམ་ཇི་ལྟར་འབྲེལ་ཞེ་ན། དབྱེ་བ་ནི་གནས་དང་གནས་པའི་སྣོད་བཅུད་གཉིས་ཏེ། བེམ་རིག་ཐ་དད་དུ་གནས་པའོ། རྒྱུ་འབྲས་ ནི་རང་བཞིན་དུ་འབྲེལ་བའོ། གནས་སྐབས་ནི་བསྐལ་པས་བསྡུས་པའོ། ཞེས་སོ། གལ་ཏེ་མི་རྣམས་ཀྱིས་རྒྱུ་འབྲས་སམ་ཆོས་ཉིད་དེ་མ་བརྩིས་པར་ འཁོན་ན་མི་ལ་འགྲས་ཤིང་མི་བདེ་བ་སྣ་ཚོགས་འབྱུང་ཞེས་གོང་དུ་བཀོད་པ་དེ་ལྟར་ལགས་ཤིང་། ཡང་(གཙང་མ་ཀླུ་འབུམ་དཀར་པོ་)ལས། སྔོན་སྲིད་ པ་རྒྱལ་བུ་མཐེང་གེས་ཡུལ་བཟུང་ས་བཅད། ཡེ་མཁྱེན་རྒྱལ་པོས་ཡུལ་ལ་རྐོས་བཏབ་འི་དུས་སུ་འགྲས་བ་དང་འཁོན་པ་ནི། རྡོ་གཉན་པོ་གཟུ་རུ་བཏོན་ ནས་རྡོ་ལ་མཁར་དུ་བརྩིགས་པས་གཏོད་རྡོའ་ི བདག་པོ་དང་འཁོན་ནོ། རྩི་གཉན་པོ་ཟོར་གྱིས་བྲེགས་ནས་རྩི་ཤིང་གི་སྤྱིལ་བུ་ཕུབ་པས། གཟེད་རྩིའི་ བདག་པོ་དང་འཁོན་ནོ། ས་གཉན་པོ་རྟོག་གིས་བརྐོས་ནས་ས་ལ་མཁར་དུ་བརྩིགས་པས། ས་བདག་ས་གཞི་དང་ཚོན་གྱི་བདག་པོ་དང་འཁོན་ནོ། ས་ བདག་འབྲོང་ནག་པོའ་ི སྤུ་བལ་ནས་སྤུ་ལ་ཁྱིམ་དུ་བྱས་པས། ས་བདག་སྒོ་སྲུང་བཞི་དང་འཁོན་ནོ། ས་ལ་མེ་བཙའ་དང་གཏར་ག་བྱས་པས་འགྲས་པ་ ཡོད་དོ། ས་ལ་མེ་བཙའ་ཞེས་བྱ་སྟེ། སའི་སྙིང་ལ་མཆོད་རྟེན་དང་། གསས་མཁར་དང་མནན་པ་བྱས་པས། ས་བདག་ཀླུ་གཉན་དང་འགྲས་པ་ཡོད་དོ། སའི་གཏར་ག་ཞེས་བྱ་སྟེ། སའི་ལྟེང་ཀ་ནས་བྲུས་ནས་ཆུ་བཏོན་པས་འགྲས་པ་ཡོད་དོ། ས་བསངས་པ་དང་ས་ལ་སྐར་ཁུང་བཏོད་པ་དང་། ས་བཞར་བ་ དང་ས་ཁོལ་དུ་ཕྱུང་བས་འགྲས་པ་ཡོད་དོ། ཀླུའི་ཕོ་བྲང་གཉན་པོ་ལ་དུར་བཏབ་པ་ནི་སའི་རོ་བྱ་སྟེ། དུར་ཆད་སློག་པས་འགྲས་པ་ཡོད་དོ། ཆབ་མིག་ གཉན་པོ་ལ་མི་གཙང་བའི་སྐྱོགས་ཀྱིས་བཅུས་པས་འགྲས་པ་ཡོད་དོ། ཀླུའི་ཐོག་ཏུ་དུར་བཏབ་པས་འགྲས་པ་ཡོད་དོ། ཀླུའི་ཐོག་ཏུ་སྟེགས་བུ་བརྩིགས་ པ་དང་རོ་བསྲེག་པས་འགྲས་པ་ཡོད་དོ། ཡུངས་ཀར་གྱི་མདའ་དང་ཁྲག་གི་ཟོར་ཐུན་འཕངས་པས་འགྲས་པ་ཡོད་དོ། ། ཐབ་གཞོབ་མནོལ་གསུམ་བྱས་པས་འགྲས་པ་ཡོད་དོ། ཀླུ་གཉན་ས་བདག་སྡེ་རིགས་དང་དེ་ལྟར་འགྲས་པ་ཡོད་དོ། ཞེས་དང་(ནོར་བུ་འོད་འབར་)ལས་ ཀྱང་། ཀླུ་རྣམས་ཐམས་ཅད་མེད་གྱུར་ན། འཇིག་རྟེན་མི་ཡང་བདེ་དུས་མེད། ཞེས་སོ། རང་བྱུང་ཁམས་ལ་གཏོར་བརླག་བྱས་པའི་མཇུག་འབྲས་ད་ལྟ་ སྤྱི་ཚོགས་ཡོངས་ལ་ངོས་ཟིན་ཟབ་མོ་ཐོབ་ཡོད་པས་མིའི་རིགས་སྤྱི་ཚོགས་འདི་དང་བུ་རབས་ཚ་རྒྱུད་སོགས་མི་རབས་རྗེས་མ་རྣམས་བདེ་ཞིང་སྐྱིད་ པ་ཞིག་ཡོང་དགོས་ན་སྐྱེ་ཁམས་ཁོར་ཡུག་ལ་སྲུང་སྐྱོབ་ལེགས་པོ་བྱེད་དགོས་ཤིང་། སྐྱེ་ཁམས་ཁོར་ཡུག་ཆ་སྙོམས་ཤིང་འོས་མཐུན་ཞིག་ཡོང་ན་གཞི་ ནས་མིའི་རིགས་སྤྱི་ཚོགས་འདི་གཏན་དུ་གནས་ཤིང་གོང་ནས་གོང་འཕེལ་དུ་འགྲོ་སྲིད། གནས་ལུགས་དེ་ལ་བལྟས་ཏེ་(ས་བདག་ཀླུ་གཉན་གཏོིད་ འབུམ་བཞི་བཞུགས་)ལས་ཀྱང་། ཀླུ་ཕྱུག་ན་མི་ཕྱུག ཀླུ་དར་ན་མི་དར། ཀླུ་འཕན་ན་མི་འཕན། ཀླུ་རྨང་ན་མི་རྨང་། ཀླུ་ཡི་དངོས་གྲུབ་ཐམས་ཅད་མི་ལ་ སྦྱིན་པ་དེ་ལྟར་ལགས། ཞེས་འབྱུང་ངོ་།། (༣) ཐིག་ལེ་ཉག་གཅིག་གི་ལྟ་བའི་སྟེང་ནས་མི་དང་སྐྱེ་ཁམས་ཁོར་ཡུག་གཉིས་འདུ་འབྲལ་མེད་པ་ལྟ་བ།

གཡུང་དྲུ་བོན་གྱི་བསྟན་པའི་སྙིང་བོ། ཐེག་དགུའི་ཡང་རྩེ་རྫོགས་པ་ཆེན་པོས་ཡུལ་དང་ཡུལ་ཅན། ཕྱི་དང་ནང་། བདེ་བ་དང་སྡུག་བསྔལ། འཁོར་ བ་དང་མྱང་འདས་སོགས་ཐམས་ཅད་གཞི་ཡེ་ཤེས་ཆེན་པོའ་ི ཀླུ་དུ་མ་རྩོལ་མེད་ལྷུན་འགྲུབ་ངང་གནས་ཤིང་ཐམས་ཅད་མཉམ་པ་ཉིད་དུ་ལྟའོ། སློབ་ དཔོན་བསྟན་འཛིན་རྣམ་དག་གི་(མ་རྒྱུད་ཡེ་ཤེས་ཐིག་ལེའི་མཆན་འགྲེལ་ཐར་ལམ་རབ་གསལ་)ཞེས་པ་ལས། དེས་ན་ཐེག་པ་ཆེན་པོ་རྫོགས་ཆེན་ ནི། ལྟ་བས་འཁོར་འདས་ཀྱི་བོན་ཐམས་ཅད། སྤང་གྲུབ་མེད་པར་ཡེ་ནས་ཐིག་ལེ་ཆེན་པོ་གཅིག་གི་རང་བཞིན་དུ་རྟོགས་པས། ཡིད་ཀྱི་ཡུལ་དམིགས་ པ་ཞིག་ལ། བློས་ཆེད་དུ་གཏད་ནས་སྒོམ་མི་དགོས་པས། མཉམ་བཞག་དང་རྗེས་ཐོབ་དབྱེར་མེད་དོ། དེས་ན་ཐམས་ཅད་མཉམ་པ་ཉིད་དུ་གསལ་ལོ། (གཡུང་དྲུང་ཡེ་རྫོགས་)ལས། བོན་རྣམས་ཐམས་ཅད་མ་ལུས་ཀུན། ཐིག་ལེ་ཆེན་པོ་ཡེ་ཡིན་ཕྱིར། ད་ལྟའི་དུས་ཉིད་ཡངས་མེད་ཕྱིར། མཉམ་བཞག་ རྗེས་ཐོབ་དབྱེར་མེད་ཕྱིར། དེས་ན་ཀུན་ཀྱང་མཉམ་ཉིད་དོ། ཞེས་དང་། ཡང་དེ་ཉིད་ལས། སེམས་ཉིད་མན་ངག་རྫོགས་ཆེན་ནི། ཐམས་ཅད་ངོ་བོ་ ཉིད་ཡིན་རྟོགས། དེས་ན་ཡིད་ཡུལ་སྒོམ་མི་དགོས། སྤང་བླང་མེད་ཕྱིར་མཉམ་པ་ཉིད། ཏིང་འཛིན་རྟག་ཏུ་ཉམས་པ་མེད། ཅེས་སོ། (རྫོགས་པ་ཆེན་པོ་ སྐུ་གསུམ་རང་ཤར་)ལས་ཀྱང་། ཕྱི་སྣང་བ་འདི་དག་བྱང་ཆུབ་སེམས་ཀྱི་ངང་ལ་བདག་ཏུ་བཟུང་བའི་རྩལ་ལས་ཤར་བ་ལ། ཤར་དུས་ཉིད་ནས་རྩལ་ གྱི་རོལ་བ་ཙམ་ལས། ཕྱི་ནང་གང་ན་ཡང་མེད་པ་གསལ་སྣང་དང་རང་སེམས་ལས་གཞན་དུ་མ་གྲུབ་པའི་བོན་ཅན། རྐྱེན་སྣང་རྟེན་འབྲེལ་ལས་སྣང་ བ་ཙམ་དུ་ངོ་ཤེས་དགོས། ཕྱི་སྣང་བ་འདི་དང་སེམས་ཉིད་སྟོང་བ་གཉིས་ལ་ཐ་དད་དབྱེར་མེད་དེ་ཐམས་ཅད་བོན་ཉིད་ཆ་ལ་དབྱེ་བསལ་བྲལ་བར་ གནས་པའོ། ཞེས་སོ། མདོར་ན་གོང་གི་ལྟ་བ་དེ་དག་གི་སྟེང་ནས་གཡུང་དྲུང་བོན་རྣམས་ཀྱིས་གང་ཟག་བདག་དང་སྐྱེ་ཁམས་ཁོར་ཡུག་(ཡུལ་དང་ ཡུལ་ཅན་)གཉིས་སྣང་བའི་ཕྱོགས་ནས་དངོས་པོ་ཐམས་ཅད་རང་གི་ཚན་ཉིད་གསལ་ལ་མ་འདྲེས་པར་སོ་སོར་འདུག་ཀྱང་སྟོང་བའི་ཕྱོགས་སམ་རང་ འབྱུང་ཡེ་ཤེས་ཀྱི་ངོས་ནས་མཚན་མས་སྤུ་ཙམ་མ་གྲུབ་པར་ངོ་བོ་དབྱེར་མེད་དེ། དངོས་སྣང་ཐམས་ཅད་འདུ་འབྲལ་མེད་པ་གསལ་སྟོང་གཉིས་མེད་

ཐིག་ལེ་ཉག་གཅིག་ཏུ་འདོད་དོ།

ཞར་བྱུང་དུ་འདིར་གཡུང་དྲུང་བོན་གྱི་སྐྱེ་ཁམས་ཁོར་ཡུག་ཐད་ལ་འབྲེལ་བ་ཡོད་པའི་དཔེ་ཆ་ཁག་ཅིག་མཚམས་སྦྱོར་བྱས་ན། མཁན་ཉི་མའི་དཀར་ ཆག་(གཤེན་བསྟན་པད་མོ་རྒྱས་བྱེད་ཉི་འོད་)ལས། ས་བདག་བཅོས་པའི་བོན་སྐོར་རྒྱས་པ་(སྟོང་གསུམ་འཁྲུག་པ་ཡོ་བཅོས་)དང་། ཁྱུང་རྒོད་རྩལ་གྱི་ དངོས་གྲུབ་ཏུ་རྙེད་པའི་(ས་བདག་ནེ་ལམ་སྡེ་བཞི་)། བསྡུས་པ་གོ་སྡེ་འཕགས་པས་གོ་ཡི་ཕ་བོང་གཡག་རོ་ནས་དངོས་གྲུབ་ཏུ་རྙེད་པ་(ས་བདག་གོ་ སྡེ་མར་)གྲགས་པ་དང་། དེ་དག་ཀོང་ཙེའི་བསྡུས་པ་(ས་བདག་འཁྲུག་བཅོས་རིན་ཆེན་ཕྲེང་བ་)དང་། བསམ་ཡས་དཀོར་ཁང་ནས་ཨ་ཙ་ར་མི་གཉིས་ ཀྱིས་རྙེད་པའི་(རྟེན་འཛུག་)དང་། (འོ་མའི་རྒྱ་མཚོ་)། ཡང་བན་སྐྱིད་པོ་གསུམ་གྱིས་དངོས་གྲུབ་ཏུ་རྙེད་པའི་(གཙང་མ་ཀླུ་བརྒྱད་ཀླུ་ཆོག་གཙོ་འཁོར་ བཅུ་གསུམ་པ་)། (དེང་དུས་ཀླུ་བརྒྱད་དུ་གྲགས་པ་)དང་། དེ་དག་གི་ཆ་ལག་(གདོན་ཁྲོལ་གཡང་སྐྱབས་སྲིད་སྤེལ་)དང་(ཀླུ་གཉན་ས་བདག་གི་སྤང་ ཀོང་)རྣམས་དང་། གྲུབ་ཐོབ་ཤེས་རབ་རྒྱལ་གྱིས་གཉན་རྗེ་གབ་ཏོག་ནས་དངོས་གྲུབ་ཏུ་རྙེད་པའི་(ཆར་འབེབ་གཡུང་མཚོ་མེར་བ་)སོགས་ཤིན་ཏུ་མང་ ངོ་། ། ས་བཅད་གཉིས་པ། ནང་དོན་རིག་པར་གནས་པའི་སྐྱེ་ཁམས་རིག་པ་མདོ་ཙམ་གླེང་བ། རྒྱལ་བསྟན་ཁྲི་གདུག་ཉི་མ་འོད་པོ་ཆེ།།

གངས་ཅན་ཡིད་མཁར་ཐབས་ཤེས་སྐྱ་རེངས་ཀྱིས།།

ཉེར་དྲངས་ཕུན་ཚོགས་བརྟན་གཡོའ་ི དགའ་ཚལ་ཆེ།། བཞད་པའི་དཔལ་འདི་སྔོན་མེད་འཛམ་གླིང་རྒྱན།།

༄༅། །དེ་ཡང་རྒྱལ་སྲས་ཆེན་པོ་ཞི་བ་ལྷས། འགྲོ་བའི་སྡུག་བསྔལ་སྨན་གཅིག་པུ། བདེ་བ་ཐམས་ཅད་འབྱུང་བའི་གནས། བསྟན་པ་ཞེས་གསུངས་པ་ ལྟར། དེ་ལ་འདིར་སའི་གོ་ལར་གནས་སྡོད་བཅས་པའི་འགྲོ་བ་མིའི་རིགས་ཡོད་དོ་ཅོག་གི་གནས་སྐབས་དང་མཐར་ཐུག་གི་ཕན་པ་དང་བདེ་བ་མ་ ལུས་པ་འབྱུང་བའི་གནས་གཅིག་པུ་ནི། འཛམ་བུ་གླིང་གི་འགྲོ་བ་མིའི་རིགས་སྤྱི་དང་ཁྱད་པར་དུ་བོད་གངས་ཅན་པ་རྣམས་ཀྱི་ཁྱད་ཆོས་སམ་རང་ བཞིན་མཚོན་པའི་ནང་བ་སངས་རྒྱས་པའི་དམ་པའི་ཆོས་ལུགས་འདི་ཉིད་ཡིན་ནོ། དེ་ནི་ལོ་ངོ་སུམ་སྟོང་ལྷག་གི་རིང་རྩ་ཆེ་བའི་ལོ་རྒྱུས་རང་བཞིན་ ལྡན་པ། འཇིག་རྟེན་འདིར་རྙེད་དཀའ་ཞིང་རྙེད་ན་དོན་ཆེ་བ་ཆེས་དཀོན་པའི་རིན་ཐང་དང་ལྡན་པ། གཏིང་ཟབ་ཅིང་རྒྱ་ཆེ་བས་མཆོག་དམན་ཀུན་ གྱི་སྨྲ་བསམ་གྱི་ཡུལ་ལས་འདས་པའི་ཡོན་ཏན་གྱི་ཁྱད་པར་གོང་ན་མེད་པ། འགྲོ་བ་མིའི་རིགས་སུ་ཞིག་གིས་དེ་ལ་ཡིད་ཆེས་ཏེ་ཚུལ་བཞིན་ཉམས་སུ་ ལེན་ནུས་ན་འཇུག་ངོགས་བདེ་བས་ཚེ་འདི་དང་ཕྱི་མའི་དགོས་དོན་མ་ལུས་པ་བདེ་བླག་ཏུ་འགྲུབ་པ་ཐེ་ཚོམ་མེད་དོ། །

དེས་ན་འདིར་ནང་བའི་བསྟན་པའི་བདག་པོ་སྟོན་པ་བཅོམ་ལྡན་འདས་ཤཱཀྱ་ཐུབ་པའི་རིག་གཞུང་ཐུན་མོང་མ་ཡིན་པ་ནང་དོན་རིག་པ་དང་ཕྱི་ དངོས་པོའ་ི ཚན་རིག་ཟུར་འབྲེལ་སྒོས། དེང་རབས་སྤྱི་ཚོགས་གསར་བའི་དངོས་ཡོད་ཇི་མ་ཇི་བཞིན་དུ་བདེན་པ་ར་སྤྲོད་དང་། འཛམ་གླིང་ཁྱོན་ ཡོངས་ཕན་ཚུན་འཚེ་མེད་ཞི་བའི་ལམ་ལ་གོམ་པ་རིམ་བགྲོད་ཀྱིས་རང་རྒྱལ་གཞན་ཕམ་གྱི་སྤྱི་ཚོགས་ལས་བརྒལ་ཏེ། འགྲོ་བ་མིའི་རིགས་ཡོངས་ཀྱི་ ཪིན་ཐང་བྲལ་བའི་བསམ་སྤྱོད་བཟང་བོའ་ི གོ་རྟོགས་རྣམས་མངོན་དུ་སྤྱོད་པ་དང་ལྷན་དུ་ཕན་ཚུན་མཛའ་བརྩེ་ལྡན་ཞིང་ཕན་སེམས་ཆེ་བ། གཡོ་སྒྱུར་ བྲལ་ཞིང་དྲང་བདེན་གྱི་ལམ་ལ་བློ་ཕུགས་བཅོལ་བ། ལུས་སེམས་བདེ་ཞིང་སྐྱིད་པ། དུས་བདེ་གནས་འཇམ། ཞི་བདེ་ལྷིང་འཇགས་ཁོར་ཡུག་སྲུང་ སྐྱོབ་སོགས་ཆེས་མཐོ་བའི་ཚད་ངེས་ཅན་གྱི་སྤྱི་ཚོགས་གསར་བ་ཞིག་ཐབས་བརྒྱ་ཇུས་སྟོང་གིས་མངོན་སྤེལ་བྱ་རྒྱུ་ནི། དུས་རབས་ཉེར་གཅིག་པར་ བསྐྱོད་པའི་འཛམ་གླིང་སྐྱེ་འགྲོ་ཡོངས་ཀྱི་སྐབས་བབ་ཀྱི་མེད་མི་རུང་གི་འོས་འགན་བླ་ན་མེད་པ་ཡིན་ནོ། དེའི་སྟབས་ཀྱིས་འདི་བརྗོད་བྱའི་དོན་གྱི་ སྙིང་བོ་ཡང་དེ་ལྷག་མ་མཆིས་སོ། ། ཕྱི་དངོས་པོའ་ི ཚན་རིག་དར་མའི་ལུས་ལ། ནང་སེམས་བཟང་པོའ་ི ཚན་རིག་གི་ཟུངས་ཁྲག་དྲོན་མོ་མ་རྒྱས་པར། ཞི་བདེ་ངོས་གཙང་གི་འཕར་རྩ་ལྡང་ མི་ནུས་པས་ན། འཛམ་གླིང་གི་ཤེས་ནས་སྨྲ་བ་དག་དེ་ལ་མི་བརྩོན་པར་ཕངས་མེད་དུ་རང་དགར་སུ་ཞིག་གནས་ཕོད། ང་ཚོ་ད་ལྟ་འཇིག་རྟེན་གྱི་ གཡོ་སྒྱུར་ཁྲམ་གསུམ་ལས་རྣམ་པར་རྒྱལ་ངེས་པའི་སྨྲ་བྱེད་ཀྱི་ལྕེ་དང་། བསམ་ངན་སྦྱོར་རྩུབ་ཀྱི་རི་བོ་རྨང་ནས་སྙིལ་བྱེད་ཀྱི་ལུས་རྩལ་ཞན་ན་ཡང་། ལྷག་བསམ་གྱི་ཟླ་གཞོན། ལོག་ལྟའི་དཔུང་ཚོགས་ཀྱི་ཆོས་མིན་བྱེད་ལས་ལ། ཡིད་སེམས་སྐྱོ་བའི་མིག་ཆུ་དང་བཅས་དྲང་བདེན་གྱི་བསིལ་ཟེར་སྤྲོས་ པ་ལས། རང་དབང་གི་གསེར་ལྡན་མའི་ལྷུམས་སུ་ཆགས་པའི་བདེན་དོན་གྱི་ཀུན་ད་ལྷུག་པར་བཞད་པ་ལ་བརྟེན་ནས། འཛམ་གླིང་སྐྱེ་དགུ་མཐའ་ དག་ཞི་བདེའི་དཔལ་ལ་རོལ་བའི་དུས་སྐབས་བཟང་བོ་ཞིག་ངེས་ཅན་དུ་འོང་ངེས་སོ། དེ་ལྟར་ན་ཕན་བདེའི་གཞི་རྩ་ཐུན་མིན་གྱི་ཁྱད་ཆོས་རང་ བཞིན་ལྡན་པའི་སངས་རྒྱས་ཆོས་ལུགས་ཀྱི་སྲོལ་ཀ་བཟང་བོ་དང་། སྤྱི་ཚོགས་གསར་བའི་དངོས་པོའ་ི ཚན་རྩལ་བཅས་ལ་གཞིགས་ཏེ་ལྷག་བསམ་ གྱིས་རང་བློས་དཔོག་ཚོད་ཙམ་ཅུང་ཟད་གླེང་བར་བྱ་བ་ལ་དྲུག་ལས། ༡ ཕྱིའི་དངོས་པོ་དང་ཚན་རིག་གི་འབྲེལ་བ་ལ་དཔྱད་པ།

དེ་ཡང་འཁོར་འདས་ཀྱི་ཤེས་པར་བྱ་བ་མཐའ་དག་མ་ལུས་པར་གཏན་འབེབས་བྱ་བ་ལ། དེང་རབས་ཀྱི་སྤྱི་ཚོགས་སྟེང་ཚན་རིགས་པའི་ལམ་ནས་ ལོ་རབས་དུ་མར་རྟོག་དཔྱོད་ཞིབ་འཇུག་ཇི་ལྟར་བྱེད་ཀྱང་། ལོ་ངོ་སྟོང་ཕྲག་དུ་མ་འདས་པའི་སྔ་རོལ་དུ་བྱོན་པའི་ཚན་རིག་གི་དེད་དཔོན་ཆེན་པོ། འཇིག་རྟེན་ཕྱི་ནང་གི་ཤེས་བྱ་མཐའ་དག་སོ་སོར་མ་འདྲེས་པར་མངོན་སུམ་དུ་རྟོགས་པའི་སྟོན་པ་སངས་རྒྱས་བཅོམ་ལྡན་འདས་ཁོ་ན་མ་གཏོགས་

གཞན་གང་གིས་ཀྱང་ཇི་བཞིན་གཏན་འབེབས་བྱེད་མི་ནུས་སོ། དེའི་རྒྱུ་མཚན་ནི་དེང་སྐབས་འཛམ་གླིང་གི་ཆོས་ལུགས་ཁག་དང་ཚན་རིག་པ་ རྣམས་ཀྱིས་མི་ཚེ་གཅིག་གི་ཡུན་ཙམ་ལ་ཤེས་བྱར་སྦྱངས་ཏེ། ཕྱིའི་རྫས་དངོས་དང་རྡུལ་ཕྲན་ནུས་ཤུགས་སོགས་ལ་བརྟེན་ནས་ཕྱིའི་དངོས་པོ་རགས་ པའི་གཤིས་ལུགས་ཙམ་ལས་ཕྱི་ནང་གི་ཤེས་བྱ་མཐའ་དག་རྟོགས་མ་ཐུབ་པ་ནི། སྦྱངས་སྟོབས་ཀྱི་ཡོན་ཏན་ཆེས་དམན་ཞིང་ཕྱི་ནང་གི་རྒྱུ་རྐྱེན་མ་ཚང་ བས་ཚད་ངེས་ཅན་ཞིག་ལ་མ་ཐོན་པའི་སྟོབས་ཀྱིས་རེད། ཚད་མའི་སྟོན་པ་མཐར་ཐུག་སངས་རྒྱས་ཤཱཀྱ་ཐུབ་པའི་ཡོན་ཏན་ནི་མི་ཚེ་གཅིག་གཉིས་ ཙམ་ལ་སྦྱང་ཤིང་འབད་པའི་འབྲས་བུ་མ་ཡིན་པར། དང་པོ་གཞན་དོན་ཁོ་ནའི་ཆེད་བྱང་ཆུབ་མཆོག་ཏུ་སེམས་བསྐྱེད། བསྐལ་ཆེན་གྲངས་མེད་ གསུམ་གྱི་ཡུན་ལ་གཞན་གྱི་ཕྱིར་དཀའ་བ་བརྒྱ་ཕྲག་དུ་མས་ཚོགས་གཉིས་བསགས་ཤིང་ཤེས་བྱའི་གནས་མཐའ་དག་ལ་སྦྱངས་པ་མཐར་ཕྱིན་པ་ལ་ བརྟེན་ནས། མཐར་མཚན་དོན་མཐུན་པའི་འབྲས་བུ་ཐམས་ཅད་མཁྱེན་པའི་གོ་འཕངས་མཆོག་བརྙེས་པ་ཡིན་ཏེ། ཇི་སྐད་དུ། དང་པོ་བྱང་ཆུབ་མཆོག་ ཏུ་སེམས་བསྐྱེད་དེ། བསྐལ་བ་གྲངས་མེད་གསུམ་དུ་ཚོགས་གཉིས་བསགས། བར་དུ་གཅོད་པའི་བདུད་བཞི་འཇོམས་མཛད་པ། བཅོམ་ལྡན་ལྷ་ཡི་ལྷ་ ལ་ཕྱག་འཚལ་ལོ། ཞེས་གསུངས་པ་ལྟར་རོ། དེས་ན་འཛམ་གླིང་སྟེང་ཆོས་ལུགས་ཁག་མི་འདྲ་བ་དང་དེང་རབས་ཀྱི་ཚན་རིག་ལག་རྩལ་ཅན་རྣམས་ ཀྱི་སྦྱངས་ཡོན་ནི། སངས་རྒྱས་བཅོམ་ལྡན་འདས་ཀྱི་ཡོན་ཏན་དང་བསྡུར་ན་བརྒྱ་ཆས་ཟིན་དཀའ་བས་ས་གནམ་གྱི་ཁྱད་པར་དང་། ཉི་མའི་དྲུང་ན་ སྲིན་བུ་མེ་འཁྱེར་གྱི་དཔེ་ལས་མ་མཆིས་སོ། ཡིན་ཡང་དེ་ལྟར་ཤེས་བྱར་སྦྱངས་པའི་ཡོན་ཏན་གྱི་ཚད་ངེས་ཅན་ཞིག་ལ་ཐོན་ན་ཕྱི་ནང་གི་ཤེས་བྱའི་བྱེ་བྲག་རྣམས་ཀྱི་རང་བཞིན་ཇི་ལྟ་བ་བཞིན་ དུ་རྟོགས་ཐུབ་པ་ཚད་གྲུབ་ཡིན་པ་དང་། ནང་ཤེས་བ་ལ་ཡང་ངེས་ཤེས་ཁྱད་པར་ཅན་ཞིག་ཐོབ་ནས། མ་འོངས་པའི་ཞི་བདེ་ལྷིང་འཇགས་ཀྱི་སྤྱི་ ཚོགས་གསར་བསྐྲུན་ལ་དགོས་ངེས་ཀྱི་རིན་པོ་ཆེའི་གཏེར་ཁ་འདོན་པ་དང་། ཕྱི་ནང་གི་དངོས་པོ་རྣམས་ལ་མངོན་ལྐོག་བྲལ་ཞིང་དེ་ཉིད་གསལ་བར་ རྟོགས་པ། ན་རྒ་འཆི་བ་སོགས་ལ་མི་འཇིགས་པའི་གདེང་ཐོབ་པ། མངོན་ཤེས་དང་རྫུ་འཕྲུལ་ལ་དབང་སྒྱུར་བ། བྱམས་སྙིང་རྗེ་བྱང་ཆུབ་ཀྱི་སེམས་ཀྱི་ སྟོབས་ཀྱིས་འཐབ་རྩོད་འཁྲུག་ལོང་ཁོར་ཡུག་གཏོར་བརླག་སོགས་འཇིག་རྟེན་གྱི་རྒུད་པ་མཐའ་དག་རང་སར་ཞི་ནས། མཁའ་ཁྱབ་ཀྱི་སེམས་ཅན་ ཐམས་ཅད་ཀྱི་རེ་འདོད་མཐའ་དག་སྐོང་བར་བྱེད་པའི་ཡོན་ཏན་བསམ་གྱིས་མི་ཁྱབ་པ་མངའ་བ་ལ་བརྟེན་ནས། འཚེ་མེད་ཞི་བའི་ལམ་ནས་གནས་ སྐབས་དང་མཐར་ཐུག་གི་བདེ་བ་ངོས་གཙང་ཞིག་བསྐྲུན་ཐུབ་པའི་ཕྱི་ནང་གི་ཆ་རྐྱེན་ཐམས་ཅད་ཡར་ལྡན་དུ་མཆིས་སོ། འོན་ཀྱང་དེང་རབས་ཚན་ རིག་ལག་རྩལ་དར་དྲགས་པས་གཏེར་ཁ་སྔོག་འདོན་དང་། ནད་བརྒྱ་གསོ་བ་དང་། གློག་ཀླད་འཕྲུལ་ཆས་དང་། རྡུལ་ཕྲན་མཚོན་ཆ་དང་། ཕྲ་མཐོང་ དངོས་ཆས་རིགས་དང་། གནམ་གྲུ་དང་མཚོ་གྲུ་སོགས་ཕལ་བའི་བློ་ཡུལ་ལས་འདས་ཤིང་ཧ་ལས་པའི་དེང་རབས་འཕྲུལ་ཆས་ཀྱི་རིགས་འདྲ་མིན་སྣ་ ཚོགས་གྲངས་མེད་པ་ད་ལྟ་འཛམ་གླིང་གི་སྔོན་ཐོན་རྒྱལ་ཁབ་སོ་སོས་ཤེས་རིག་གི་རྩལ་ཡོད་དགུ་བཏོན་ནས་ཚན་རིག་ལག་རྩལ་ཕྱོགས་ལ་འབད་ པ་ཆེར་བསྐྱེད་ཀྱིས་བསྐྲུན་དང་སྐྲུན་བཞིན་པ་དག་ནི་ཀུན་གྱིས་ངོ་མཚར་ཞིང་དགའ་འོས་པའི་གནས་ཤིག་ཡིན་ནའང་། དེང་དུས་འཛམ་གླིང་སྤྱིའི་ གནས་ཚུལ་ལ་དཔག་ན་ཕྱི་ཡི་འཇིག་རྟེན་བརྟན་པ་སྣོད་དང་། ནང་གཡོ་བ་བཅུད་ཀྱི་སེམས་ཅན་འགྲོ་བ་མིའི་ཚེ་སྲོག་དང་བདེ་སྡུག དཔལ་འབྱོར། སྐྱེ་དངོས་ཁོར་ཡུག་དང་བཅས་པ་ཉམས་ཤིང་རྒུད་པའི་སྔ་ལྟས་སུ། ཕྱི་ནང་གི་འབྱུང་བ་ས་ཆུ་མེ་རླུང་རྣམས་འཁྲུགས་པ་ལ་བརྟེན་ནས་མིའི་འཇིག་ རྟེན་འདིར་རྐྱེན་ངན་པ་མཐའ་དག་རང་བྱུང་དུ་བརྡོལ་ཏེ། ནང་གི་འབྱུང་བཞིན་འཕེལ་འགྲིབ་ཀྱི་ཁྱད་པར་གྱིས་མིའི་རྒྱུད་ཀྱི་དུག་གསུམ་དྲག་པོའ་ི བྱེད་ལས་ཀྱིས་ནད་རིགས་བཞི་བརྒྱ་རྩ་བཞིའི་ངོ་བོ་མཆེད་དེ། ཡུལ་གྲུ་ལ་ལར་སྨན་གྱིས་བཟློག་མེད་ཀྱི་ནད་ཡམས་གློ་བའི་ཚ་ནད་གྱིས་དཔལ་ འབྱོར་གྱི་གྱོང་གུད་ཕར་ཟད་མིའི་ཚེ་སྲོག་ལ་གནོད་པ་ཚབས་ཆེན་བྱུང་བ་དང་། ལ་ལར་སྔོན་ཐོན་གྱི་རྒྱལ་ཁབ་ལ་ཕྲག་དོག་གི་སྡུག་བསྔལ་སྙིང་ལ་ ཟུག་ནས། རྒྱལ་ཁབ་དང་རྒྱལ་ཁབ་བར། མི་དང་མིའི་བར་དག་ལ་འཐབ་རྩོད་འཁྲུག་ལོང་བསམ་བཞིན་བསླངས་ཏེ་རང་གཞན་ཕུང་ལ་སྦྱོར་བ་དང་། ལ་ལར་རང་རྒྱལ་གཞན་ཕམ་གྱི་ཕུགས་བསམ་ངན་པས་ཡུལ་ཁམས་དཀྲུགས་པའི་བྱེད་སྒོ་སྣ་ཚོགས་པ་བཙལ་ཏེ། ཡ་ང་ཞིང་ཤིན་ཏུ་འཇིགས་སུ་རུང་ བའི་དུག་རྫས་དང་མཚོན་ཆའི་རིགས་མངོན་ལྐོག་གང་རུང་དུ་སྤེལ་ཏེ་ངན་རྫས་རྣམས་ས་སྟེང་ཁྱབ་པ་སོགས་ཀྱི་རྒྱུ་རྐྱེན་མང་པོ་ཞིག་གིས་འགྲོ་བ་ མིའི་འཚོ་རྟེན་རང་བྱུང་ཁམས་ལ་གནོད་འཚེ་ཆེན་པོ་ཕོག་པར་བརྟེན། ཕྱིའི་འབྱུང་བཞི་འཁྲུགས་ཏེ་རྒྱལ་ཁབ་ཕྱི་ནང་ཀུན་ལ་སྔར་བྱུང་མ་མྱོང་བའི་ ས་འགུལ་གྱི་གནོད་པས་དུས་རབས་འདིའི་སྔ་གཞུག་ཏུ་འགྲོ་བ་གྲངས་མེད་པའི་ཚེ་སྲོག་ཤོར་ཏེ། མིའི་འཚོ་རྟེན་ཕངས་ཆེ་བའི་རིགས་ལ་གྱོང་གུད་ ཆེན་པོ་བྱུང་བ་དང་། ཆུ་འཇོགས་སོགས་ཀྱི་གནོད་པས་ལོ་རེར་གྲོང་ཁྱེར་སོགས་རྟེན་བརྟེན་པ་བཅས་ལ་གནོད་ཚབས་མི་ཉུང་བ་དང་། ཆར་ཆུ་དུས་ འབབ་མ་ཡིན་པས་དུས་བཞིའི་ཁྱད་ཆོས་འགྱུར་ཏེ་གནམ་གཤིས་འགྱུར་ལྡོག་མང་པོས་ལོ་ཏོག་ལ་ཐན་སེར་དང་། ཕྱུགས་ཟོག་གི་འཕེལ་ཁ་སོགས་ལ་ གནོད་པ་དང་། ཉི་ཟླ་འཆར་ནུབ་དང་དེའི་ཚ་གྲང་གི་འཕེལ་འགྲིབ་ཀྱིས་བརྟན་པ་སའི་བཅུད་ཉམས་ཏེ་རྩྭ་ཆུ་ཤིང་གསུམ་སོགས་ལོ་རེ་ནས་ལོ་རེར་ ཐན་སྐམ་ཇེ་ཆེར་དང་ཇེ་དྲག་ཏུ་སོང་བར་བརྟེན། མཐར་འཛམ་གླིང་ཧྲིལ་བོ་འདི་ཅི་འགྱུར་ལ་ངེས་པ་མེད་པའི་ཚོད་དུ་གདའོ།

དེའི་རྐྱེན་གྱིས་སའི་གོ་ལར་ཆགས་པའི་སྲོག་ལྡན་ཀུན་གྱི་འཚོ་བའི་རྟེན་གཞིར་གྱུར་པའི་ཁོར་ཡུག་གི་གནས་སྟངས་ཉམས་རྒུད་ཆེས་ཆེར་འགྲོ་ བཞིན་པའི་དུས་འདིར། ཕྱིའི་སྐྱེ་དངོས་སོགས་ཁོར་ཡུག་སྲུང་སྐྱོབ་ནི་ཤིན་ཏུ་ནས་ཀྱང་གལ་ཆེ་བ་ཞིག་ཡིན་པས། དུས་དང་རྣམ་པ་ཀུན་ཏུ་མི་འོས་ ཤིང་གནོད་ངེས་པའི་བྱ་འགུལ་སྣ་ཚོགས་སྤེལ་བ་རྣམས་མཚམས་འཇོག་དགོས་པར་མ་ཟད། རང་ཅག་འགྲོ་བ་མི་རེ་རེས་ཀྱང་ནུས་ཤུགས་ཡོད་དགུ་ བཏོན་ནས་སྣོད་བཅུད་རྣམས་ཉམས་པ་སོར་ཆུད་དང་མ་ཉམས་གོང་འཕེལ་གྱི་ཐབས་ཚུལ་ལ་འབད་པར་རིགས་པས། ཕྱིའི་འབྱུང་བཞི་ཆ་སྙོམས་པས་ སའི་བཅུད་སོགས་སྣོད་ཀྱི་ཡོན་ཏན་ཆུ་ཀླུང་རྩི་ཤིང་ནགས་ཚལ་མེ་ཏོག་འབྲས་བུ་སོགས་འཕེལ་རྒྱས་བྱུང་བའི་རྟེན་འབྲེལ་གྱིས། ནང་གི་འདུ་བ་ཆ་ སྙོམ་པར་བརྟེན་འཛམ་གླིང་གི་སྐྱེ་འགྲོ་ཡོངས་ལ་རྒས་མེད་ཚེ་རིང་ནད་མེད་བདེ་སྐྱིད་ཕུན་ཚོགས་འབྱུང་བ་ཆོས་ཉིད་ཡིན་པས། དེ་ནི་ཕྱི་སྣོད་དང་ ནང་བཅུད་སེམས་ཅན་གཉིས་ཕན་ཚུན་རྟེན་བརྟེན་པ་ཡིན་པའི་རྟེན་འབྲེལ་གྱི་གནད་ཀྱིས་ཡིན་ནོ།། དེ་ལྟར་ཡིན་པའི་སྟབས་ཀྱིས་བདག་ཅག་གི་སྟོན་པ་ཤཱཀྱ་ཐུབ་པས་ཀྱང་ཤིང་ལྗོན་པའི་དྲུང་དུ་སྐུ་འཁྲུངས་ཤིང་། དེའི་དྲུང་དུ་མངོན་པར་རྫོགས་པར་ སངས་རྒྱས། མཐར་དེའི་དྲུང་དུ་སྐུ་ཞི་བར་གཤེགས་ཚུལ་བསྟན། ཁྱད་པར་དུ་ཆོས་འདུལ་བར་དགེ་སློང་རྣམས་ལ་ལྗོན་ཤིང་སོགས་སྐྱེ་དངོས་རིགས་

སྲུང་སྐྱོབ་ཇི་ལྟར་བྱེད་དགོས་ཚུལ་ལས་བརྩམས་ཏེ་སྡོང་འཛུགས་ནགས་སྐྲུན་ཕྱོགས་ལ་བཀའ་མཆེད་ལྷུ་འཐེངས་པ་བསྩལ་ཡོད། དེས་ན་ཕྱིའི་དངོས་ རྣམས་སྐྱེ་ཞིང་མཆེད་དེ་ཁོར་ཡུག་སྐྱོན་མེད་གཙང་མར་གནས་པའི་དགེ་མཚན་ནི། ཇི་སྐད་དུ། དཔེར་ན། ལྗོན་ཤིང་བཟང་པོས་རླུང་ཁམས་གཙང་ མར་བྱེད་ཅིང་། དེས་སྐྱེ་འགྲོའ་ི སྲོག་རླུང་གཏོང་ལེན་ལ་རམ་འདེགས་ཀྱིས་འབྱུང་ཁམས་ཆ་སྙོམས་ཚེ་སྲིང་བར་བྱེད་པ། གྲིབ་བསིལ་སྣུམ་པོ་ངལ་ གསོའ་ི གནས་སུ་གྱུར་ཅིང་། ཆར་ཆུ་དུས་སུ་འབེབས་པ། ལོ་ཕྱུགས་ལེགསཔ། ཚ་གྲང་སྙོམས་པ། ཡུལ་ཁམས་ཀྱང་ལྟ་ན་སྡུག་པ་ལས་ཕྱིའི་ལྗོངས་རྒྱུ་བ་ དག་རྒྱུན་མི་ཆད་དུ་ཡོང་ནས་ཤེས་རིག་དང་། དཔལ་འབྱོར་གྱི་འདུ་འགོད་སོགས་རང་བཞིན་གྱིས་འཕེལ་བར་བྱེད་དོ། ཁོར་ཡུག་མི་གཙང་བ་འབག་ བཙོག་བཟོས་པའི་ཉེས་སྐྱོན་ནི། མཚོ་དང་མཚེའུའི་དྭངས་བསིལ་གྱི་ཡོན་ཏན་ཉམས་ཤིང་དེ་དག་ལ་གནས་པའི་སྲོག་ཆགས་ལ་གནོད་པ། རྩི་ཤིང་ ནགས་ཚལ་སོགས་སྐྱེ་དངོས་ཀྱི་རིགས་རྣམས་རིམ་གྱིས་སྟོང་བས་ས་ཡི་བཅུད་ཉམས་ཤིང་། ཆར་ཆུ་དུས་སུ་མི་འབབ། སྔོན་མེད་ཀྱི་རླུང་འཚུབ་དྲག་ པོ་ལྡང་བ་སོགས་ཐན་ལྟས་ཀྱི་རིགས་མཐའ་ཡས་སོ། ཞེས་གསུངས་པ་ལྟར་ཁོར་ཡུག་སྲུང་སྐྱོབ་བྱས་པའི་ཕན་ཡོན་དང་། སྲུང་སྐྱོབ་མ་བྱས་པའི་ཉེས་ དམིགས་རྣམས་ལེགས་པར་བསམས་ཏེ་སྣོད་བཅུད་རྟེན་ཅིང་འབྲེལ་བའི་ཚུལ་རྣམས་བློར་ངེར་གནས་པའི་སྒོ་ནས་རང་བྱུང་ཁམས་ཆེན་པོ་ཡར་རྒྱས་ སུ་འགྲོ་བའི་རྒྱུ་རྐྱེན་དེ་དག་གཅེས་པར་འཛིན་པའི་ཐབས་ཚུལ་ལ་གང་ནུས་ཀྱིས་ལག་ལེན་དོན་འཁེལ་ཡོང་བ་ཞིག་མ་བྱས་ཕྱིན། མིའི་འཇིག་རྟེན་ ཕུང་ལ་སྦྱར་བའི་རྒྱུར་འགྲོ་ཉེན་ཆར་བར་སྣང་ངོ་། གཞན་ཡང་འཛམ་གླིང་ཧྲིལ་བོར་ཞི་བདེ་ལྷིང་འཇགས་ཡོང་བར་ཤེས་ལྡན་ཀུན་གྱིས་རེ་སྨོན་ཉག་ གཅིག་བྱས་ཀྱང་། དེའི་རྒྱུ་རྐྱེན་གཙོ་བོའམ་གཞི་རྩ་དམ་པ་ནི། ཕྱི་ནང་གི་ཚན་རིག་གཉིས་ལས་ནང་གི་ཚན་རིག་དར་ཞིང་མཆེད་པ་ལ་ཐུག་ཡོད། ནང་སེམས་ཀྱི་རྒྱུ་འབྲས་འཕེལ་འདྲ་བ་ནི། ཕྱི་རོལ་གྱི་ཡུལ་ལ་མེད་པའི་རྒྱུ་མཚན་གྱིས། སྟོན་པ་བཅོམ་ལྡན་འདས་ཀྱིས་ཀྱང་གཙོ་བོར་ནང་སེམས་ ཀྱི་ཚན་རིག་གལ་ཆེ་བར་གསུངས། ད་ལྟ་རྒྱལ་ཁབ་ལ་ལར་དེང་རབས་ཀྱི་ཚན་རིག་དང་དངོས་པོའ་ི དཔལ་ཡོན་ཇི་ལྟར་དར་རྒྱས་སུ་སོང་བ་དེ་ཙམ་ གྱིས་ལུས་སེམས་ལ་གདུང་བ་སྐྱེད་བྱེད་མི་འདོད་པ་རྒྱུན་མར་འབྱུང་བ་མངོན་སུམ་དུ་གྲུབ་ལ། སངས་རྒྱས་བཅོམ་ལྡན་འདས་ཀྱང་། སྤྱིར་ཕྱི་ནང་གི་ དངོས་པོ་ཐམས་ཅད་མི་རྟག་པའི་རང་བཞིན་དང་། ཕྱི་རོལ་གྱི་ཆོས་ཐམས་ཅད་ནང་སེམས་ཀྱི་བདག་ཉིད་ཅན་ཡིན་པར་གསུངས་ཏེ། (ས་བཅུ་བའི་ མདོ་)སོགས་ལས་ཕྱི་རོལ་གྱི་དངོས་པོ་རྣམ་པ་སྣ་ཚོགས་པ་འདི་སེམས་ཀྱིས་བྱས་པ་ཡིན་པས་སེམས་འདི་ཉིད་སྣོད་བཅུད་ཀྱི་བྱེད་པ་པོ་ཡིན་པར་ གསུངས་པ་དང་། (དཀོན་བརྩེགས་ཀྱི་མདོ་)སོགས་ལས་ཀྱང་དངོས་པོ་ཐམས་ཅད་ཀྱི་རྩ་བ་སེམས་ཡིན་པས་ཕྱི་རོལ་གྱི་དངོས་པོ་རྣམས་ལ་དགག་ སྒྲུབ་བྱེད་པ་ལས་ནང་སེམས་ལ་དགག་སྒྲུབ་བྱ་དགོས་ཚུལ་སོགས་གསུང་རབ་རྣམས་ལས་རྒྱས་པར་གསུངས་པ་ལྟར་རོ།

དེའི་ཕྱིར་སྤྱི་ཚོགས་སྟེང་ནང་སེམས་ཀྱི་བསམ་པའི་དཔལ་ཡོན་ཡར་རྒྱས་གོང་འཕེལ་མ་བྱུང་བར་ཕྱི་རོལ་གྱི་དངོས་པོའ་ི དཔལ་ཡོན་དར་རྒྱས་བྱུང་ བ་ཙམ་གྱིས་འཛམ་གླིང་ཞི་བདེ་ཐོབ་པ་ལ་རེ་བ་ནི། དཔེར་ན། ལོང་བ་རྐང་རྒན་གྱིས་གསེར་འཚོལ་བ་དང་། ནམ་མཁའི་ཁ་དོག་ལ་དཔྱད་པ་དང་ འདྲ་བར་སེམས། ཡང་ན་རྟོགས་དཀའ་བའི་རིགས་གསལ་བར་གསུངས་པ་དག་ནི་སྔར་བྱུང་སྲོལ་རྒྱུན་གྱི་ཚན་རིག་དང་། ཚན་རིག་པ་ཕལ་བ་ཕལ་ མོ་ཆེས་རྩ་བ་ནས་ཤེས་རྟོགས་བྱེད་མ་ནུས་མོད། འོན་ཀྱང་ཚན་རིག་གི་ཤེས་ཡོན་ཅན་མང་པོས་ཆེས་ཆེར་བསྔགས་པའི་འཛམ་གླིང་ན་སྐད་གྲགས་ ཆེ་བ་ཡེ་ཧྭན་ཅང་ཉོས་མན་ཞེས་པ་དེ་ཡིས་མིའི་ལུས་ཀྱི་ནང་ན་བེམ་པོ་མ་ཡིན་པའི་རྣམ་ཤེས་ཀྱི་ང་ཞིག་འདུག་པ་དེས་ལུས་ཀྱི་ཀླད་ཆེན་ལ་ཚད་ འཛིན་བྱེད་ཅིང་དེར་མ་ཟད་ཕྱི་རོལ་གྱི་དངོས་པོ་རྣམས་ལའང་རྒྱང་རིང་མོ་ནས་ཚད་འཛིན་བྱེད་ནུས་ཞེས་བཤད། མིང་དུ་གྲགས་པའི་དངོས་ཁམས་ རིག་བ་ཧྥེ་ལེ་ཙུ་ལོན་ཏོན་གྱིས། ཅང་ཉོས་མན་གྱི་ཤིན་ཏུ་ཟབ་པའི་ཚད་རྡུལ་གྱི་རིག་པ་འདིས་ནི། དངོས་པོ་རྫས་སུ་གྲུབ་པ་ནི་མིའི་རིགས་ཀྱི་བསམ་ པས་བཟོས་པ་ཙམ་ཞིག་སྟེ། རྫས་གྲུབ་དངོས་ནི་བསམ་པ་ཉིད་ཡིན་ཞེས་བསྟན་པ་རེད་ཅེས་བཤད་དོ། དུས་རབས་འདིའི་ཕུལ་དུ་བྱུང་བའི་དངོས་ ཁམས་རིག་པ་བ། སྤྱི་ལོ་༡༩༦༣ ལོར་དངོས་ཁམས་རིག་པའི་གསར་གཏོད་ཀྱི་ནོ་པེ་ཨེར་བྱ་དགའ་ཐོབ་མཁན་ཡོས་ཅུན་ཝེ་ཀུ་ལ་ཞེས་པས་ཀྱང་གོང་ གི་ཚད་རྡུལ་རིག་པ་ཁས་བླངས་ཏེ་མིའི་རིགས་ཀྱི་བསམ་པའི་ནུས་ཤུགས་ཀྱིས་བེམ་པོ་ལ་འགྱུར་ལྡོག་གཏོང་ནུས་པར་བཤད་པ་དང་། དེ་མཚུངས་སུ་ དེང་གི་ཕུལ་དུ་བྱུང་བའི་ཚན་རིག་པ་ཟབ་གསལ་མྱུར་གསུམ་གྱི་ཤེས་རབ་ལྡན་པ་མང་དག་གིས་ཪིག་ཤེས་ཀྱིས་ངེས་པ་རྙེད་དེ། ནང་བ་སངས་རྒྱས་ པའི་ཆོས་གཞུང་དུ་ལོ་ངོ་སྟོང་ཕྲག་དུ་མ་འདས་པའི་སྔ་རོལ་ནས་དེ་དག་གསལ་བར་བཤད་པ་འདི་ཅི་འདྲའང་ཞེས་ངོ་མཚར་བའི་གནས་སུ་འཛིན་ ཏེ། གཞན་ཡང་སྟོན་པ་བཅོམ་ལྡན་འདས་ཀྱིས་ཕྱིའི་དངོས་པོ་རྣམས་ནི་རང་གི་ངོ་བོས་གྲུབ་པ་མ་ཡིན་གྱི་ནང་སེམས་ཀྱི་བག་ཆགས་གོམས་ཚུལ་གྱིས་ སྣ་ཚོགས་སུ་བྱུང་བ་ཡིན་ཞེས་ཡང་ཡང་གསུངས་པ་ནི་ཤིན་ཏུ་མང་དེ། དེ་ནི་ད་ལྟ་མངོན་སུམ་གྱིས་ཀྱང་གྲུབ་སྟེ། འགྲིམ་འགྲུལ་པ་ཧྥ་རན་སུའི་ལའེ་ ལོའུ་ཟེར་བ་སྤྱི་ལོ་༡༩༣༦ ལོར་རྒྱ་མཚོའི་ནང་དུ་གྲུ་འགྱེལ་ཏེ་མཚོ་རླབས་ཀྱིས་ཁོ་རང་གླིང་ཕྲན་ཞིག་གི་སྟེང་དུ་འཕངས། དེར་ཆུ་ཕྲན་ཞིག་གི་ནང་དུ་ ཉ་རོ་མང་ཙམ་མཐོང་བ་བླངས་ནས་མེ་བུས་ཏེ་བཙོས། དེ་རྣམས་ཚོས་པའི་ཚོད་དུ་སྣོད་ཁ་ཕྱེ་ནས་བལྟས་པས་ཉ་དེ་དག་གསོན་པོར་གྱུར་ཏེ་ལྷོག་ལྷོག་ ཁོལ་བཞིན་པའི་ཆུ་ནང་ན་ཕར་འགྲོ་ཚུར་འོང་བྱེད་པ་མཐོང་འཕྲལ་ཁོ་རང་ལ་སྐྲག་སྣང་ཆེན་པོ་བྱུང་། ཕྱིས་གནའ་རྫས་རྟོག་ཞིབ་པ་རྣམས་ཀྱིས་ཞིབ་ འཇུག་བྱས་ཏེ་དེ་དག་མེ་རི་འབར་གས་སུ་གྱུར་པའི་སྟོབས་ཀྱིས་ཚ་བོར་གྱུར་པའི་ཆུ་ནང་དུ་སྡོད་རྒྱུར་གོམས་པས། ཕྱིས་ཆུ་ཕལ་བའི་ནང་དུ་འབྱོར་ཚེ་ འཁྱགས་རེངས་སུ་གྱུར་ཅིང་ཆུ་ཚ་བོར་བཙོས་པས་སླར་གསོན་པ་རེད་ཟེར། དེ་ལྟར་ཤིན་ཏུ་ཚ་བའི་ཆུ་ཁོལ་དེ། ཉ་དེ་དག་ལ་ཅུང་ཟད་ཀྱང་མི་ཚ་བའི་ རྒྱུ་མཚན་ཡང་། གཙོ་བོ་ནང་སེམས་ཀྱི་བག་ཆགས་གོམས་ཚུལ་གྱིས་དེ་ལྟར་སྣང་བ་ལས་གཞན་ལ་དམིགས་སུ་མེད་པར་གསུངས་པ་དེ་ཁོ་ན་ལྟར་ ཡིན་ནོ། དེང་སྐབས་མེ་རིའི་ནང་དང་། དུག་ཆུའི་ནང་དུའང་སྲོག་ཆགས་ཡོད་པར་མཐོང་ཞེས་བཤད་པ་དང་། སེམས་ཅན་འགའ་རེར་རོ་ཞིམ་པོར་ སྣང་བ་དེ་འགའ་ཞིག་ལ་མི་ཞིམ་པར་སྣང་བ་དང་། འགའ་ཞིག་ལ་ཤིན་ཏུ་སྲ་བར་སྣང་བ་དེ་འགའ་ཞིག་ལ་སྙི་བར་སྣང་བ་དང་། ལ་ལར་ཤིན་ཏུ་དཀའ་ བར་སྣང་བའི་ལས་དེ་ལ་ལར་ལས་སླ་བར་སྣང་བ་སོགས་སྣང་བ་མ་ངེས་པ་སྣ་ཚོགས་ཞིག་ཡོད་པ་ནི་འཇིག་རྟེན་ན་མངོན་སུམ་ཚད་གྲུབ་ཡིན་པ་ ལྟར་རོ། དེ་དག་ཐམས་ཅད་ཀྱང་འགྲོ་བ་སོ་སོའ་ི ལས་ཀྱི་དབང་གིས་བག་ཆགས་གོམས་པའི་སྟོབས་མ་གཏོགས་གཞན་ཅི་ཡང་མ་ཡིན་པར་སྣང་བས། སེམས་ཉིད་ཀྱིས་ནི་སེམས་ཅན་འཇིག་རྟེན་དང་། སྣོད་ཀྱི་འཇིག་རྟེན་ཤིན་ཏུ་སྣ་ཚོགས་བཀོད། ཅེས་སོགས་རྒྱས་པར་གསུངས་པ་རྣམས་འདིར་བརྗོད་ ཀྱིས་མི་ལང་ངོ་། འདིའི་ཕྱོགས་ལ་ཞིབ་འཇུག་བྱེད་པར་འདོད་པའི་ཤེས་རིག་ཅན་རྣམས་ཀྱིས་ཐུན་མོང་མ་ཡིན་པའི་ནང་དོན་རིག་པའི་གཞུང་དང་ ། ལྟ་སྤྱོད་དང་ཆོས་ལུགས་མི་གཅིག་པ་དག་གིས་བཤད་པའི་གཞུང་གཉིས་བསྡུར་ཏེ་མནོ་བསམ་ཞིག་བཞེས་དང་དེ་གཉིས་ཀྱི་ཁྱད་པར་ཤེས་ཡོང་ངོ་

། སྤྱིར་འཛམ་གླིང་ཧྲིལ་བོར་ཚན་རིག་ལག་ཤེས་དར་ཁྱབ་བྱུང་བས་ཕྱི་རོལ་གྱི་དངོས་པོའ་ི དཔལ་ཡོན་འཕེལ་རྒྱས་བྱུང་བར་བརྟེན། རླབས་ཆེན་ཡ་ རབས་སྤྱི་ཕན་གྱི་ལས་དོན་བཟང་པོ་རྣམས་ཁ་བཤད་ཚིག་ཙམ་དུ་ཟད་དེ། འཛམ་གླིང་ཞི་བདེའི་སྲོག་རྩ་གཅོད་བྱེད་རྣོ་ངར་ཅན་ནང་སེམས་ཀྱི་རྣམ་ རྟོག་འདོད་ཆགས་དང་ཞེ་སྡང་། གཏི་མུག་སྟེ་དུག་གསུམ་སོགས་མ་རུངས་པ་ཉོན་མོངས་པའི་རིགས། ནགས་ཚལ་དུ་མེ་མཆེད་པ་ལྟར་ཇེ་རྒོད། ཇེ་ཆེ། ཇེ་དྲག་ཏུ་སོང་སྟེ་མཐར་འགྲོ་བ་མིའི་རིགས་མཐའ་དག་གི་ཚེ་སྲོག་ནི་རླུང་གསེབ་ཀྱི་མར་མེ་བཞིན་ཉམ་ཆུང་ཞིང་ཤིན་ཏུ་ཡ་ང་བའི་དུས་སྐབས་ཤིག་ ཏུ་གྱུར་ཡོད་སྨོས་ཅི་དགོས། དེའི་རྩ་བ་ཡང་སྤྱི་ཚོགས་སྟེང་བྱམས་སྙིང་རྗེ་བྱང་ཆུབ་ཀྱི་སེམས་སོགས་ནང་གི་ཚན་རིག་གི་སྟོབས་མ་རྒྱས་པར། ཕྱིའི་ ཚན་རིག་དངོས་པོ་ཁོ་ན་འཕེལ་རྒྱས་ཀྱི་ཐབས་ལ་འབད་པའི་སྟབས་ཀྱིས་རེད་སྙམ། ཡིན་ནའང་མི་སྒེར་རམ། སྤྱི་ཚོགས། རྒྱལ་ཁབ་སྟེང་སུ་ཞིག་གིས་ འཛམ་གླིང་ཞི་བདེ་དོན་དུ་གཉེར་ཕྱིར། འཕྲལ་ཕུགས་གཉིས་ཀར་ཕན་པའི་སྟོན་པ་བཅོན་ལྡན་འདས་ཀྱིས་གསུངས་པའི་ཡང་དག་པའི་ཟབ་ལམ་ ཁྱད་པར་ཅན་དེར་ལག་ལེན་མཐར་ཕྱིན་ཞིག་མ་བྱས་ཕྱིན། རང་སེམས་ཉོན་མོངས་པའི་གཞན་དབང་དུ་གྱུར་ཏེ་བསམ་བཞིན་ལོག་ལམ་དུ་འཁྱམས་ པ་ལས་འོས་མེད། སེམས་ཅན་གྱི་ཕན་བདེ་སྒྲུབ་བྱེད་ནང་བསྟན་ཆོས་གཞུང་ལས་ཕྱིར་ལོག་པའི་ལམ་ལ་ཅི་ཙམ་འབད་ཀྱང་བཟང་འབྲས་མི་སྨིན་ ཏེ། དཔེར་ན། སྣུམ་འདོད་ནས་ཕྱེ་མ་བཙིར་བ་དང་ཆེས་མཚུངས་པས་དེ་འདི་དང་ཕྱི་མ་མ་འོངས་པ་གཉིས་ཀར་ཉམ་ཉེས་ཆེན་པོར་གྱུར་ཏེ་གཞན་ དོན་ཕུན་ཚོགས་ལྟ་ཅི་རང་དོན་ཙམ་ཡང་སྒྲུབ་མི་ནུས་སོ། དེས་ན་མ་འོངས་པའི་མདུན་ལམ་བསྐྲུན་པར་རྩོན་ལེན་བྱེད་པ་ནི་མི་རེ་གཉིས་ཀྱི་དོན་ ཙམ་མ་ཡིན་པར་འགྲོ་བ་མིའི་རིགས་སམ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་རེ་སྨོན་བྱེད་ས་ཉག་གཅིག་ཡིན་ལ། འབུ་སྲིན་ཕྲ་ མོ་ཡན་ཆད་གང་ཟག་སུ་ཞིག་ཡིན་རུང་བདེ་བ་འདོད་ཅིང་སྡུག་བསྔལ་མི་འདོད་པ་མཚུངས་ན་ཡང་། བདེ་བ་དམ་པ་འབྱུང་བའི་རྒྱུ་གཅིག་པུ། སྟོན་ པ་བཅོམ་ལྡན་འདས་ཀྱིས་གསུངས་པའི་ཡ་རབས་གཞན་ཕན་གྱི་བྱ་བ་རྣམས་ལ་ཡིད་མ་ཆེས་པར་རིས་སུ་བོར་ནས། ལོག་པའི་ལམ་ལ་སྔོན་གོམས་ བག་ཆགས་ཀྱི་དབང་གིས་སྡུག་བསྔལ་རྒྱུན་མར་འབྱུང་བའི་རྒྱ་མ་རབས་མི་དགེ་བའི་བྱ་བ་ལ་ཆུ་བོ་ཐུར་དུ་རྒྱུག་པ་ལྟར་ངང་ངམ་ཤུགས་ཀྱིས་གཞོལ་ བ་ན། དེའི་འབྲས་བུ་ནི་གནས་མེད་ཀྱང་གོ་སྐབས་མ་མཆིས་སོ། དཀར་ནག་གི་ལས་གང་བསགས་པ་ལ་བདེ་སྡུག་གི་འབྲས་བུ་མ་འཆོལ་བར་འབྱུང་ བ་ནི་རྟེན་འབྲེལ་གྱི་ཆོས་ཉིད་ཡིན་ནོ། དེའི་རྐྱེན་གྱིས་འཛམ་གླིང་ན་སྤྱི་ཚོགས་ཀྱི་ངོ་བོ་མི་འདྲ་བ་དང་། ལམ་ལུགས་མི་འདྲ་བ། གོམས་སྲོལ་མི་འདྲ་ བ། དད་པ་བྱེད་ཡུལ་གྱི་ཆོས་ལུགས་མི་འདྲ་བ། སྐད་རིགས་དང་ཡིག་རིགས་མི་འདྲ་བ་སོགས་ཀྱི་རྒྱལ་ཁབ་དང་མི་རིགས་སྣ་ཚོགས་ཤིག་མཆིས་ཀྱང་ ། དེ་དག་ཐམས་ཅད་ཡང་དག་པའི་དོན་ལ་མ་རིག་པར་ཕལ་ཆེར་རིགས་པ་ལྟར་སྣང་ཙམ་ལ་བརྟེན་ནས་རང་དོན་ཡིད་བྱེད་ཀྱིས་ཕྱི་དངོས་པོའ་ི ཚན་ རིག་ལག་ཤེས་ཀྱི་ཕྱོགས་ཁོ་ན་ལ་བརྩོན་ལེན་བྱས་པའི་རྐྱེན་གྱིས་རེད་སྙམ།

གལ་སྲིད་དུས་རབས་ཉེར་གཅིག་པའི་རིག་པ་གསར་བའི་ཤེས་ལྡན་གཞོན་ནུ་རྣམས་ཀྱི་མི་ཚེའི་ལྟ་བ་རྣམ་དག་ཅིག་ལ་མ་བརྟེན་པར་ཚེ་གང་གི་ འབད་བརྩོན་གྱི་ཁ་ཕྱོགས་འཁྲུལ་མེད་ཡང་དག་གཅིག་གཏན་ནས་ཡོང་མི་སྲིད། དེ་མ་སྲིད་ན་མ་འོངས་པའི་མདུན་ལམ་གཏན་བརླགས་བྱས་པར་ མ་ཟད། རང་ཤུགས་ཀྱིས་མི་ཚེ་གང་བོ་དོན་མེད་ཆུད་ཟོས་སུ་གྱུར་ནས་འཇིག་རྟེན་འདིའི་ཟོས་རིན་ཙམ་ཡང་འཇལ་མི་ཐུབ་ཚོད་དུ་གྱུར། དེའི་གཞི་ རྩ་ཡང་ཚན་རིག་གི་བྱ་བ་ལ་ཕལ་མོ་ཆེ་ནི་རང་ཕྱོགས་ལ་གནས་སྐབས་སུ་ཕན་པ་ཙམ་ལས་འཛམ་གླིང་སྤྱི་ལ་ཕན་པ་ལས་གནོད་ཚབས་ཆེ་བ་མ་ གཏོགས་པར། འཕྲལ་གྱི་བྱ་བ་ཙམ་ལ་ཞིབ་འཇུག་གིས་མི་ཚེ་འདས་ནས་ཡང་དག་པའི་ལམ་རྒྱབ་ཀྱིས་ཕྱོགས་ཏེ། ནང་བསྟན་གྱིས་ཕྱི་ནང་གི་ཆོས་ ཐམས་ཅད་ཀྱི་རང་རང་གི་ངོ་བོ་དང་བྱེད་ལས། ཁྱད་ཆོས་གནས་ལུགས་མཐར་ཐུག་རྣམས་ཟུང་འབྲེལ་བྱས་ཏེ་དངོས་སྟོབས་རིག་པའི་ལམ་ནས་ གསལ་བར་བསྟན་པ་ལ་བློ་ཁ་མ་ཕྱོགས་པར་ཤེས་བྱ་མཐའ་དག་ལ་ཁྱབ་བྱེད་ཀྱི་ཤེས་རིག་དབེན་པའི་སྟབས་ཀྱིས་ཚེ་སྔ་ཕྱི་དང་ལས་འབྲས་སོགས་ ལ་ཡིད་ཆེས་ཀྱི་ངེས་པ་བརྟན་པོ་ཞིག་མ་རྙེད་པའི་རྒྱུ་མཚན་གྱིས་རེད། ང་རང་བོད་མི་ནང་བ་པ་ཞིག་ཡིན་པའི་ཆ་ནས་མ་ཡིན་པར་དངོས་གནས་ ལྟར་ན། གངས་ཅན་བོད་ཀྱི་ངོ་བོ་མཚོན་པའི་ཞི་བདེའི་ལམ་སྟོན། ནང་ཆོས་ཀྱི་བདག་པོ་སྟོན་པ་སངས་རྒྱས་བཅོམ་ལྡན་འདས་ཤཱཀྱ་མུ་ནེ་ཐམས་ཅད་ མཁྱེན་པ་འགྲོ་བ་ཡོངས་ཀྱི་མ་འདྲིས་པའི་མཛའ་བཤེས་ཆེན་པོ་དེ་ཉིད་ཀྱི་ལུང་གིས་ཟིན་ཅིང་། ཐུགས་རྗེ་གཏེར་ཆེན་འཕགས་མཆོག་ཕྱག་ན་པདྨའི་ གདུལ་ཞིང་དུ་གྱུར་པ་གངས་ཅན་གྱི་ལྗོངས་ཞེས་པ་འཛམ་གླིང་གི་སའི་ཡང་རྩེར་གྱུར་པའི་གནས་འདིར། ལོ་ངོ་སྟོང་ཕྲག་དུ་མ་འདས་པའི་སྔོན་རོལ་ ནས་དཔའ་མཛངས་བརྟུལ་ཕོད་ལྡན་ཞིང་། བྱམས་བརྩེ་དྲང་བདེན་ཅན། ཡ་རབས་ཚུལ་མཐུན་གྱི་སྤྱོད་པ་རྣམས་རང་ཆས་སུ་མངའ་བའི་ཆོས་ལྡན་གྱི་ མི་རིགས་ལོ་རྒྱུས་ཀྱི་རང་བཞིན་དང་ལྡན་པ་ཞིག་གནའ་སྔ་མོ་ཞིག་ནས་གཞི་ཆགས་ཡོད་པ་ལ་ཆོས་ལྡན་གྱི་མི་རིགས་བོད་ཀྱི་རྒྱལ་ཁམས་ཞེས་ཀུན་ ལ་རླུང་ལྟར་གྲགས། དེ་ཡང་ནང་བ་སངས་རྒྱས་པའི་བསྟན་པ་རིན་པོ་ཆེ་ནི། བོད་ཀྱི་རྒྱལ་རབས་ཉེར་བདུན་པ་ལྷ་ཐོ་ཐོ་རི་སྙན་ཤལ་གྱི་སྐུ་རིང་ལ་བོད་ བྱིངས་ཀྱི་བསོད་ནམས་ཀྱི་ཟོང་གིས་རྙེད་དེ་སངས་རྒྱས་ཀྱི་བསྟན་པའི་དབུ་བརྙེས། ཆོས་རྒྱལ་སྲོང་བཙན་སྒམ་པོའ་ི སྐུ་རིང་ལ་བསྟན་པའི་སྲོལ་བཏོད། རྒྱལ་བོ་ཁྲོ་སྲོང་ལྡེའུ་བཙན་གྱི་སྐུ་དུས་སུ་བསྟན་པ་དར་ཞིང་རྒྱས་པར་མཛད་དེ་ནུབ་ཀྱི་ཆུ་བོ་གངྒཱའི་འགྲམ་ནས་ཤར་རྒྱ་ནག་ཁྲང་འན་ཡན་ལ་དབང་ བསྒྱུར་ཅིང་ཆབ་སྲིད་མངའ་ཐང་སྟོབས་འབྱོར་དར་དྲགས་པས་རྒྱལ་ཁབ་སུ་ལའང་ངོ་གནོང་མི་དགོས་པར་མ་ཟད། དེ་དུས་བོད་དུ་ནང་བསྟན་ཆོས་ ལུགས་དར་བ་ཙམ་ནི་སྔོན་རྒྱ་གར་དུའང་དར་ཡོད་ཚོད་མི་འདུག་ཅེས་རྒྱ་གར་གྱི་པཎྚི་ཏ་ཀུན་གྱི་གཙུག་རྒྱན་དཔལ་མཉམ་མེད་ཨ་ཏི་ཤ་སོགས་ཀྱིས་ དོན་དངོས་ཀྱི་བསྔགས་བརྗོད་མཛད་པ་ལྟར། ཆོས་སྲིད་གཉིས་ལྡན་བོད་ཀྱི་རྒྱལ་ཁབ་ཅེས་ཀུན་གྱི་སྨོན་ཡུལ་དུ་གྱུར་ཞིག་བྱུང་ངོ་།

དེ་ལྟར་གྱུར་པ་ཡང་ཆོས་རྒྱལ་རིན་བྱོན་དང་ལོ་པཎ་སྐུ་དྲིན་ཅན་རྣམས་དང་བོད་རྒྱ་ཆེའི་མང་ཚོགས་ཀྱི་འབད་བརྩོན་ཁོར་ན་ལས་གཞན་མ་ དམིགས་སུ་མེད། དེར་བརྟེན་བོད་མི་དམངས་ཡོངས་ཀྱི་སེམས་གཏིང་ལ་དམ་པའི་ཆོས་དང་འབྲེལ་བའི་བག་ཆགས་དམ་ཟབ་ཅིག་ཆགས་ཡོད་པའི་ རྐྱེན་གྱིས། སངས་རྒྱས་ཆོས་ལུགས་ནི་བོད་ཁམས་ཡོངས་ཀྱི་ཐུན་མོང་མ་ཡིན་པའི་རིག་གཞུང་བླ་ན་མེད་པ་དང་། འདི་ཕྱི་གཉི་ཀར་སྐྱིད་སྡུག་ལེགས་ ཉེས་ཅི་བྱུང་ཡང་བློ་ཕུགས་བཅོལ་ས་དང་། གཏན་གྱི་སྐྱབས་གནས་གཅིག་པུར་བཀུར་ཏེ་མཁའ་ཁྱབ་ཀྱི་སེམས་ཅན་ཐམས་ཅད་ཀྱི་ཕན་བདེ་སྒྲུབ་བྱེད་ ས་སྟེང་ན་ཆེས་དཀོན་པའི་ཁྱད་པར་ཅན་གྱི་ཚན་རིག་ཅིག་ལ་ངོས་འཛིན་དོ། འོ་ན་འཛམ་གླིང་ན་ཆོས་ལུགས་ཁག་དུ་མ་ཡོད་པའི་ནང་ནས་ནང་ བ་སངས་རྒྱས་པའི་ཆོས་ལུགས་ལ་དེ་འདྲའི་ཡིད་ཆེས་ཀྱི་ངེས་པ་ཅི་ཡིས་རྙེད་ཅེ་ན། སངས་རྒྱས་ཆོས་ལུགས་ལས་ཕྱི་རོལ་ཏུ་གྱུར་པའི་ཆོས་ལུགས་ གཞན་པ་དག་ནི། སྣོད་བཅུད་ཀྱིས་བསྡུས་པའི་འཇིག་རྟེན་མཐའ་དག་གི་ཆགས་གནས་འཇིག་སྟོངས་ཀྱི་རང་བཞིན་རྣམས་ལྷ་ཚངས་པ་དང་ཁྱབ་

འཇུག་ཉི་ཟླ་སོགས་ཀྱིས་བྱེད་པར་འཁྲུལ་ཏེ། དེ་དང་དེར་དད་མོས་ཙམ་གཙོ་བོར་བྱེད་པ་དང་། རང་གཞན་ཕན་ཚུན་ཉེ་རིང་ཆགས་སྡང་གིས་བདག་ ཏུ་འཛིན་ཅིང་། གནས་སྐབས་ཙམ་གྱི་བདེ་བ་ལ་ཞེན་ནས་བླང་དོར་གྱི་གནས་ལ་རྨོངས་པའི་སྒོ་ནས་རྨང་གཞི་མེད་པས་འཁྱགས་པའི་སྟེང་དུ་མཁར་ བརྩིགས་པ་ལྟར། འཛམ་གླིང་ཞི་བདེར་མངོན་དུ་བསྐྱོད་པའི་སྟོང་སེམས་བཅངས་པ་རེད། སངས་རྒྱས་ཆོས་ལུགས་ནི། དེ་ལྟ་མ་ཡིན་ཏེ། ང་ཚོས་ད་ སྐབས་ཀྱི་ཚན་རིག་ཚོད་ལྟའི་དཔེ་ཆ་ཞིག་ལ་ཆ་བཞག་ན། དེའི་དམིགས་ཡུལ་དང་བེད་སྤྱོད་བྱེད་པའི་རྒྱུ་ཆ་དང་དཔྱད་ཆས་ཅ་ལག དེའི་རྒྱབ་རྟེན་ གྱི་གཞུང་། ཐབས་ཚུལ་དང་གོ་རིམ། དགོས་འབྲས། འགལ་རྐྱེན་སྔོན་འགོག་དང་མཐུན་རྐྱེན་སྒྲུབ་ལུགས་སོགས་མགོ་ནས་མཇུག་བར་གསལ་བཤད་ བྱེད་པ་རྣམས་ཡོད་ཕྱིན་བཀོལ་སྤྱོད་བྱེད་ན་ཕན་པ་ཡོད་པར་བདེན་དཔང་བྱེད་ཐུབ་པ་ལྟར། གཞན་ལ་གནོད་པའི་གཞི་སེམས་ཀྱི་ཉེ་རིང་ཆགས་ སྡང་གི་ཕྱོགས་གཏན་སྤངས་ཀྱིས་དངོས་ཐོག་བདེན་འཚོལ་བྱེད་པ་དང་། གཞན་དོན་རྐྱང་བ་སྒྲུབ་པ་རྨང་གཞི་བྱས་ནས་ཕྱི་ནང་གི་ཆོས་མཐའ་དག་ རྟེན་ཅིང་འབྲེལ་བར་འབྱུང་བའི་ལྟ་བ་ལས། དེ་ཐམས་ཅད་གཞན་གྱིས་སྤྲུལ་བ་དང་རྒྱུ་མེད་ལས་གྲུབ་པ་གཏན་ནས་མ་ཡིན་པའི་སྒོ་ནས་ཤེས་བྱ་ མཐའ་དག་གི་གནས་ལུགས་ཇི་ལྟ་བ་བཞིན་མ་འཁྲུལ་མ་ནོར་བའི་ཤེས་བྱེད་གསལ་བཤད་ཀྱི་གོ་རིམ་རྣམས་ཡར་ལྡན་དུ་རྫོགས་པ་རེད། ཚན་རིག་ ཚོད་ལྟའི་སློབ་དེབ་ཅིག་ཡིན་ན་དེའི་ཤེས་བྱ་གསལ་བྱེད་ཀྱི་གཞུང་ཞིག་ཡིན་དགོས་པ་ལྟར། སངས་རྒྱས་ཆོས་ལུགས་ནི་དེང་རབས་ཀྱི་ཚན་རིག་གི་ དམིགས་ཡུལ་མཐའ་དག་ཤེས་བྱེད་ཀྱི་ལག་ཆ་ཞིག་ཡིན་པར་མ་ཟད། རང་གཞན་འགྲོ་བ་མཐའ་དག་གི་གནས་སྐབས་དང་མཐར་ཐུག་གི་དོན་ཡོངས་ སུ་འགྲུབ་བྱེད་མེད་མི་རུང་གི་ཆོས་རྣམ་དག་ཅིག་རེད། དེའི་རྐྱེན་གྱིས་སངས་རྒྱས་ཆོས་ལུགས་ནི་ཆོས་ལུགས་གཞན་པ་ལྟར་དད་པ་དང་མོས་པ་ཙམ་ གཙོ་བོར་བྱེད་པ་དང་། ད་ལྟའི་ཚན་རིག་པ་ལྟར་རང་ཕྱོགས་ཁོ་ན་གནས་སྐབས་ཀྱི་བདེ་སྐྱིད་ཙམ་གཉེར་བ་ལྟ་བུ་གཏན་ནས་མ་ཡིན་པར། རིགས་ པ་འབའ་ཞིག་གཙོ་བོར་བྱས་ཏེ་རང་གཞན་གྱི་ལུགས་ལ་ཕྱོགས་ལྷུང་དང་སྡང་ཞུགས་སྤངས་ནས་རྒྱུ་མཚན་ཡང་དག་གིས་ངེས་པ་བཙལ་དགོས་པ་ དང་། (རྣམ་འགྲེལ་)ལས། གཙོ་བོའ་ི དོན་ལ་མི་བསླུའི་ཕྱིར། །གཞན་ལ་རྗེས་སུ་དཔག་པ་ཡིན། ཞེས་གསུངས་པའི་བསྟན་དོན་ ནི་ཐོབ་བྱའི་ཐར་པ་དང་ ཐམས་ཅད་མཁྱེན་པ་ལམ་དང་བཅས་པ་ལ་མི་བསླུ་བར་རིགས་པས་བསྒྲུབས་ནས། དེ་ནས་གནས་སྐབས་མངོན་མཐོ་ལ་མི་བསླུ་བར་དཔོག་དགོས་པ་ ཡིན་པའི་ཕྱིར། དེས་ན་དངོས་སྟོབས་ཀྱི་རིགས་པས་སྒྲུབ་པའི་ཚུལ་ཇི་ལྟར་གསུངས་པའི་རྗེས་སུ་འབྲངས་ཏེ་ངེས་པ་བཙལ་ན་ནི། ནང་བ་སངས་རྒྱས་ ཆོས་ལུགས་ཁོ་ན་འཛམ་གླིང་ཞི་བདེ་ཐོབ་པར་འདོད་པ་རྣམས་ཀྱི་བསྟན་བྱའི་གནས་བླ་ན་མེད་པར་རྟོགས་པར་འགྱུར་རོ། གཞན་ཡང་སངས་རྒྱས་ཆོས་ལུགས་ཀྱི་བསྟན་དོན་ཚང་མའང་སྤྱི་ཚོགས་ལ་ཕན་ཐོགས་བྱེད་དང་སྤྱི་ཚོགས་སྟེང་གནས་ཡོད་པ་དེ་ཚོ་དང་དེང་ རབས་ཀྱི་ཚན་རིག་རྒྱས་པར་བྱེད་ཆེད་ཡིན་པ་མ་གཏོགས། དམིགས་ཡུལ་གཞན་པ་གང་ཡང་མ་མཆིས་པས། ལྷ་སྒོམ་སྤྱོད་གསུམ་གང་ལའང་རིགས་ པ་ཡང་དག་གིས་ལམ་ནས་ངེས་ཤེས་བསྐྱེད་དགོས་པར་གསུངས་པ་ཡིན་ཏེ། སྟོན་པ་བཅོམ་ལྡན་འདས་ཀྱིས། དགེ་སློང་དག་གམ་མཁས་རྣམས་ཀྱིས། བསྲེགས་བཅད་བརྡར་བའི་གསེར་བཞིན་དུ། ལེགས་པར་བརྟགས་ལ་ང་ཡི་བཀའ། བླང་བར་བྱ་ཡི་གུས་ཕྱིར་མིན། ཞེས་ཤེས་ལྡན་སློབ་མ་ཁྱེད་རྣམས་ ཀྱིས་ངས་བཤད་པའི་ཆོས་ཀྱི་གཞུང་ལུགས་རྣམས་ལ་ཕྲ་ཞིབ་རིགས་པའི་ལམ་ནས་ཡང་ཡང་བརྟགས་ཤིང་དཔྱད་དེ་བདེན་པར་མཐོང་བ་ན་དེ་ལྟར་ ལག་ཏུ་ལོངས། དེ་མིན་ཁྱོད་ཚོས་ང་སངས་རྒྱས་ཡིན་པའི་རྒྱུ་མཚན་གྱིས་རློམས་ནས་མ་དཔྱད་པར་ཉམས་སུ་བླང་བར་བྱ་བ་མ་ཡིན་ཞེས་གསུངས་པ་ ལྟར། རྟོག་དཔྱོད་ཞིབ་འཇུག་ཡང་དག་པ་ཞིག་བྱས་ཏེ་བདེན་པ་བདེན་ཐོག་ཏུ་ངེས་ནས་འཇུག་དགོས་པར་གསུངས་པས་ན། ཁོང་སངས་རྒྱས་ཤཱཀྱ་ ཐུབ་པ་ནི་དོན་དངོས་ཐོག་ཚན་རིག་གི་དེད་དཔོན་ཆེན་པོ་དང་། ཁོང་གི་ཆོས་ལུགས་ནི་སྔ་ན་མེད་པའི་ཚན་རིག་གི་གཞི་རྩ་རེད་སྙམ། གལ་སྲིད་ ནང་བ་སངས་རྒྱས་ཀྱི་ཆོས་ལུགས་ལའང་འཁྲུལ་བ་སྲིད་ན་དེ་རིགས་དོར་བྱ་ཡིན་པ་ལས་སྨྲ་བརྗོད་ལེགས་པས་ཅི་ཞིག་བྱ། གཞན་དག་གིས་ནི་རྟོག་ སྣང་ཙམ་གཙོ་བོར་བྱས་ནས་རིགས་པ་ལྟར་སྣང་ལ་བརྟེན་ནའང་རང་གི་བསྟན་དོན་ལ་ཚད་མ་གསུམ་པོ་གང་གིས་ཀྱང་མི་གནོད་པར་རང་སྨྲ་བ་ བོའ་ི གང་ཟག་གིས་རང་གི་བསྟན་དོན་ལ་ཚད་མས་གྲུབ་པའི་ཆོས་ཡིན་ན། དཔྱད་གསུམ་གྱིས་དག་པའི་ཆོས་ཡིན་པས་དེ་དག་གིས་སྨྲ་བ་རྣམས་ ཅིའི་ཕྱིར་ཁས་མི་ལེན་ཏེ་མ་བླངས་ན་རང་གི་དེ་ཉིད་བསྟན་པ་ཡིན་པས་ཤེས་ལྡན་ཀུན་གྱིས་སྨད་པའི་གནས་སོ། །

གཞན་དག་ལྷ་མི་སོགས་འགྲོ་བ་རིགས་དྲུག་གི་སེམས་ཀྱི་རང་བཞིན་འདྲ་མཉམ་མ་ཡིན་པར་ཐག་གཅོད་འདུག ནང་བ་སངས་རྒྱས་པས་སངས་རྒྱས་ དང་སེམས་ཅན་གཉིས་ལ་ཡང་རང་རང་གི་སེམས་ཀྱི་ངོ་བོའམ་ཆོས་ཉིད་ཀྱི་སྟེང་ནས་འདྲ་མཚུངས་ཡིན་ཀྱང་། དེ་གཉིས་ཀྱི་སེམས་ཀྱི་ངོ་བོར་གློ་བུར་ དྲི་མས་བསྒྲིབས་མ་བསྒྲིབས་ཀྱི་སྒོ་ནས་ཁྱད་པར་འཇོག་པ་རེད། དེའི་ཕྱིར་སེམས་ཅན་སུ་ཞིག་ཡིན་རུང་རང་དོན་དོར་ནས་གཞན་དོན་དུ་སེམས་ བསྐྱེད་ནས་ཉོན་མོངས་པའི་སྒྲིབ་པ་དང་ཤེས་བྱའི་སྒྲིབ་པ་གཉིས་ཟད་པར་སྤངས་ཐུབ་ན། སངས་རྒྱས་པར་འགྱུར་བའི་ཆ་རྐྱེན་ནི་སེམས་ཅན་མཐའ་ དག་གི་རྒྱུད་ན་ཡོད། སེམས་ཅན་ཡིན་ན་སངས་རྒྱས་ཐུབ་པ་དང་། སངས་རྒྱས་རུང་ཞེས་གསུངས་པ་ནི་ཚན་རིག་གི་ལྟ་བ་རང་རེད། སེམས་ཅན་ ཐམས་ཅད་ཀྱི་དོན་དུ་སྙིང་རྗེ་ཆེན་པོའ་ི གཞན་དབང་དུ་གྱུར་ཏེ། མ་གྱུར་འགྲོ་བ་མཐའ་དག་སྡུག་བསྔལ་ལས་སྐྱོབ་པའི་དམིགས་པ་མེད་པའི་བརྩེ་བ་ ཆེན་པོ་དང་ལྡན་པ་དག་ནི། བཅོམ་ལྡན་འདས་ཤཱཀྱ་ཐུབ་པའི་ཆོས་ལུགས་ལས་ཕྱི་རོལ་བའི་ཆོས་ལུགས་གཞན་དག་ལ་དེའི་དྲི་ཙམ་ཡང་མེད་དོ། སྤྱིར་འགྲོ་བ་མིའི་རིགས་ཀྱི་མི་ཚེ་གང་བོར་འབད་བརྩོན་བྱེད་པ་ལ་རང་དོན་དང་གཞན་དོན་གཉིས་ལས་མེད་ལ། རང་དོན་ལས་གཞོན་དོན་གཙོ་ བོར་བསྟན་པའི་ལྟ་བ་མཆོག་ཏུ་གྱུར་པ་ནི་སངས་རྒྱས་ཆོས་ལུགས་ཀྱི་ཁྱད་ཆོས་ཁོའ།ོ རང་གི་བདེ་བ་རྣམས་གཞན་ལ་སྦྱིན་ཏེ། གཞན་གྱི་སྡུག་བསྔལ་ མཐའ་དགརང་སྟེང་དུ་ལེན་པའི་ཕུལ་བྱུང་གི་མཛད་པ་ནི་ནང་བ་སངས་རྒྱས་པའི་མི་ཚེའི་ལྟ་བ་མཐར་ཐུག་ཡིན། དེ་ལྟར་ན་དེང་རབས་ཀྱི་ཤེས་ ཡོན་ཅན་ཐམས་ཅད་ཀྱིས་རྡོག་རྩ་གཅིག་སྒྲིལ་གྱིས་ཉིན་མཚན་ཀུན་ཏུ་འབད་བརྩོན་གྱི་ཁ་ཕྱོགས་གཙོ་བོ་ནི། གཞན་ལ་ཕན་སེམས་ཀྱིས་ཀུན་ནས་ བསླངས་ཏེ་མི་དགེ་བ་སྡིག་སྤྱོད་ཀྱི་ལས་དང་ཁོར་ཡུག་ལ་གནོད་པའི་བྱ་བ་རྣམས་སྤོང་ཅི་ཐུབ་དང་། འཛམ་གླིང་ཞི་བདེར་དགོད་པའི་རྒྱུ་བླ་ན་མེད་ པ་ཡ་རབས་དཀར་བོ་དགེ་བའི་ལས་དང་ཁོར་ཡུག་སྲུང་སྐྱོབ་ཀྱི་བྱ་བ་རྣམས་སྒོ་གསུམ་འབད་པས་སྒྲུབ་པ་ལ་བརྩོན་དགོས་པ་ནི་མེད་དུ་མི་རུང་བའི་ དེང་རབས་ཚན་རིག་གི་བླ་སྲོག་ཡིན་ནོ། མདོར་བསྡུས་ན་གཙོ་བོར་ཞིབ་འཇུག་གི་ལམ་ནས་ཆོས་ཐམས་ཅད་རང་རང་གི་ངོ་བོ་དང་བྱེད་ལས། ཁྱད་ ཆོས་དང་གནས་ལུགས་རྣམས་དངོས་ཡོད་གནས་ཚུལ་དང་ཟུང་འབྲེལ་སྒོས། དེང་རབས་ཀྱི་སྤྱི་ཚོགས་དང་ཚན་རིག་ལག་ཤེས་སོགས་ལ་ཕན་ནུས་

ཁྱད་པར་ཅན་ཞིག་སྟེར་ཐུབ་པར་མ་ཟད། གཞི་རྩའི་ཐོག་སངས་རྒྱས་ཆོས་ལུགས་ནི་འགྲོ་བ་ཀུན་གྱི་གཏན་གྱི་སྐྱབས་གནས་མཐར་ཐུག་ཡིན་ནོ། དེའི་ ཕྱིར་བདག་ཅག་གི་སྟོན་པའི་ཞལ་ནས། སྣོད་བཅུད་འབྱོར་རྒུད་ལ་རྟོགས་ཤིག་ཅེས་བཀའ་བསྩལ་བ་ལྟར་གཙིགས་འཛིན་བྱེད་དགོས་པ་གནད་དུ་ ཆེའ།ོ ༡ སྣོད་ཀྱི་འཇིག་རྟེན་ལ་དཔྱད་པ།

དེ་ཡང་འཁོར་བ་ཇི་སྲིད་མ་སྟོངས་ཀྱི་བར་དུ་རྒྱུན་མི་ཆད་པའི་ཐུགས་རྗེའི་འཇུག་བྱ་བཅུད་ཀྱི་སེམས་ཅན་གྱི་ཁམས་ལ་ཚད་བཟུང་བར་མི་ནུས་པས་ དེ་ཉིད་ལ་སྣང་བའི་སྣོད་ཀྱི་འཇིག་རྟེན་ལ་ཡང་གྲངས་དང་དབྱིབས་སོགས་མ་ངེས་པར་གསུངས། གཞན་ཆོས་ལུགས་ཁག་ཕལ་ཆེར་གྱིས་བརྟན་པ་ སྣོད་ཀྱི་འཇིག་རྟེན་གྱི་ལྟ་ཚུལ་དང་བཤད་ཚུལ་མི་མཐུན་པ་ཞིག་རེད། ཆོས་ལུགས་ལ་ལས་ལྷ་ཚངས་པ་སོགས་ཀྱིས་ཉིན་དྲུག་གི་ནང་ཉི་ཟླ་གཟའ་ སྐར་སའི་གོ་ལ་དང་བཅས་པ་གསར་སྐྲུན་བྱས་པར་བཤད་པ་དང་། ལ་ལར་གཞན་གྱི་ཟེར་སྒྲོས་ཙམ་ལས་དོན་གྱི་ཆ་འཇོག་མེད་པ་སོགས་སྤྱི་བརྟོལ་ སྨྲ་བ་མང་ཙམ་མཆིས། དེང་རབས་ཀྱི་གནམ་རིག་པ་ཚོས་ཚན་རིག་གི་དཔྱད་ཆས་ཀྱིས་དངོས་ཡོད་ཞིབ་འཇུག་བྱས་པ་ལྟར་ན། སའི་གོ་ལའི་དབྱིབས་ ཟླུམ་པོར་སྣང་སྟེང་འཇིག་རྟེན་གྱི་ཁམས་ལ་མུ་དང་མཐའ་མེད་པར་ཁས་ལེན་པ་རེད། གནམ་རིག་པ་དག་གིས་སྔོན་ཆད་འཇིག་རྟེན་ལ་མཐའ་ཡོད་ པར་ཚོད་དཔག་བྱས་ན་ཡང་། ད་ལྟ་ཚད་མཐོན་པའི་གནམ་རིག་རྒྱང་མཐོང་གི་ནུས་ཤུགས་ཀྱིས་དེ་རྩིས་མེད་དུ་བཏང་སྟེ་འཇིག་རྟེན་ལ་མུ་མེད་པར་ རྟོགས་ནས། སངས་རྒྱས་ཆོས་ལུགས་དང་མཐུན་པར་གྱུར། ཡིན་ནའང་དུས་རབས་བཅུ་དྲུག་པའི་སྟོད་ཕྱོགས། སྤྱི་ལོ་༡༥༢༡ལོར་འཛམ་གླིང་གི་ཚན་ རིག་པ་སྤྱི་དང་ཁྱད་པར་དུ་སི་པ་ནེ་ཞིའི་(ཞི་པན་ཡ་) ཚན་རིག་བརྟག་དཔྱད་རུ་ཁག་ཅིག་འཕུར་གྲུར་བསྡད་ནས་འཛམ་གླིང་ལ་བསྐོར་བ་གཅིག་ བརྒྱབ་སྟེ་འདྲ་པར་གྱི་གཟུགས་རིས་ནི་ཟླུམ་པོར་མཐོང་ནས་འཛམ་གླིང་གི་ས་དབྱིབས་ཟླུམ་པོར་ཚན་རིག་པ་སྤྱིས་གཏན་ཁེལ་བྱས་པར་གྲགས་པ་ དང་། ད་ལྟ་འཛམ་གླིང་སྟེང་ཚན་རིག་གི་ལག་རྩལ་ཆེས་ཕུལ་དུ་བྱུང་བ་དག་གིས་ཀྱང་ནུས་ཤུགས་ཡོད་དགུ་བཏོན་ནས་གསར་གཏོད་བྱས་ཟིན་ པའི་གནམ་རིག་དཔྱད་ཆས་དག་གི་རྙེད་དོན་དེ་ཡང་སངས་རྒྱས་བཅོམ་ལྡན་འདས་ཀྱིས་གཟུངས་པའི་འཇིག་རྟེན་གྱི་ཆགས་གནས་འཇིག་སྟོངས་ བཞིའི་དུས་རིམ་གྱི་གནས་ལུགས་དང་། ཆགས་འཇིག་གི་འཕོ་འགྱུར་རང་བཞིན་སོགས་དང་བསྡུར་ན་ཕྱོགས་མཚུངས་ཙམ་དང་། གནམ་སའི་ཁྱད་ པར་ཡོད་པས་བར་ཐག་ཧ་ཅང་རིང་བ་རེད། འཇིག་རྟེན་ཁམས་ཀྱི་གྲུབ་ལུགས་ཀྱང་སངས་རྒྱས་ཆོས་ལུགས་ལས་ཉི་མའི་ཁྱིམ་རྒྱུད་དང་བཅས་པའི་ སྐྱོར་བྱེད་རླུང་གི་དཀྱིལ་འཁོར་སོགས་ལྷ་མིའི་རྟེན་གནས་ཀྱི་འཇིག་རྟེན་ཧྲིལ་བོ་སྟོང་གཅིག་ལ་སྟོང་དང་པོ་སྤྱི་ཕུད་ཀྱི་འཇིག་རྟེན་གྱི་ཁམས་ཞེས་ ཟེར། སྟོང་དང་པོ་སྤྱི་ཕུད་ཀྱི་འཇིག་རྟེན་སྟོང་ལ་སྟོང་གཉིས་པ་བར་མའི་འཇིག་རྟེན་གྱི་ཁམས་ཟེར། སྟོང་སྟོང་གཉིས་པ་བར་མའི་འཇིག་རྟེན་སྟོང་ ལ་ནི་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཟེར། སྟོང་གསུམ་གྱི་སྟོང་ཆེན་པོའ་ི འཇིག་རྟེན་གྱི་ཁམས་དེ་བྱེ་བ་ཕྲག་བརྒྱར་རབ་འབྱམས་ ཀྱི་མཚམས་སྦྱོར་གཅིག དེ་བྱེ་བ་ཕྲག་བརྒྱར་རབ་འབྱམས་ཀྱི་རྒྱུད་གཅིག དེ་བྱེ་བ་ཕྲག་བརྒྱར་རབ་འབྱམས་རྒྱ་མཚོའི་བར་མའི་རྒྱུད་གཅིག དེ་བྱེ་བ་ ཕྲག་བརྒྱར་གཞི་དང་སྙིང་བོ་མེ་ཏོག་གིས་བརྒྱན་པའི་འཇིག་རྟེན་གྱི་ཁམས་ཆགས་འཇིག་གནས་སྟོང་བཞི་ཅིག་ཅར་དུ་བྱེད་པ་རྣམ་སྣང་གངས་ཆེན་ མཚོ་ཞེས་བདག་ཅག་གི་སྟོན་པ་ལོངས་སྐུར་བཞེངས་པའི་ཞིང་ཡིན་པར་གསུངས་པ་རེད། (བརྒྱད་སྟོང་འགྲེལ་ཆེན་)ལས། འོན་ཀྱང་ཡུལ་གྱི་བཀོད་ པ་མཐའ་ཡས་པ་ཉིད་ཀྱིས་སྣོད་ཀྱི་འཇིག་རྟེན་མཐའ་ཡས་པ་ཡིན་ལ། སེམས་ཅན་གྱི་འཇིག་རྟེན་ནི་གྲངས་མཐའ་ཡས་པ་ཉིད་ཀྱིས་ཀྱང་ཡིན་ནོ། ཞེས་ གསུངས་པ་ལྟར་སེམས་ཅན་ལ་ཚད་དང་གྲངས་གཞལ་དུ་མེད་པ་དང་དེ་དག་གི་མོས་པའི་བྱེ་བྲག་བསམ་གྱིས་མི་ཁྱབ་པས་འཇིག་རྟེན་གྱི་ཁམས་ ཀྱང་མཐའ་དང་མུ་མེད་པ་རེད། (དཔལ་དུས་ཀྱི་འཁོར་ལོ་)ལས། ནམ་མཁའི་ཁམས་ཀྱི་དབུས་སུ་རླུང་དཀྱིལ་མུན་པ་ཅན་རྔམས་སུ་དཔག་ཚད་ལྔ་བཅུ་བ། དེའི་སྟེང་ནས་རིམ་བཞིན་ མེ་ཆུ་སའི་དཀྱིལ་འཁོར་རྣམས་ཀྱང་དབྱིབས་ཀུན་ནས་ཟླུམ་པོ་ཚད་མཉམ་པའོ། ལྷུན་པོའ་ི རྭ་དང་བསིལ་རི་ཕྲད་པའི་ཕྱི་མཐའ་ནས་མེ་རིའི་མཐའི་ བར་གྱི་ནམ་མཁའ་ལ་ཁྱབ་པའི་གོ་ལའོ། ཞེས་ས་གཞིའི་དབྱིབས་ཟླུམ་པོར་ཆགས་ཡོད་པར་གསུངས་པ་དང་། དེ་བཞིན་དུ་(མདོ་དྲན་པ་ཉེར་བཞག་ )དང་། (ཕལ་བོ་ཆེ་) (རྨད་དུ་བྱུང་བ་ཞེས་བྱ་བ་ཆོས་ཀྱི་རྣམ་གྲངས་ཀྱི་མདོ་)སོགས་ལས་ཀྱང་དེ་ལྟར་གསུངས། གཞན་ཡང་(ཆོས་མངོན་པ་འོག་མ་) སོགས་ལས་དེ་དང་མི་འདྲ་བར་གསུངས་པ་ཕལ་ཆེར་ཕྱི་རིལ་བྲམ་ཟེ་བ་རྣམས་ཀྱི་འདོད་ཚུལ་དང་སྣང་ཚུལ་ཇི་ལྟར་བར་དགོས་དབང་གིས་བཞག་ པ་གོར་མ་ཆག སྤྱིར་དེ་ལྟར་སྟོན་པ་ཤཱཀྱ་ཐུབ་པ་ཐབས་མཁས་ལ་ཐུགས་རྗེ་ཆེན་པོ་དང་ལྡན་པ་དེ་ཉིད་ཀྱིས་འཇིག་རྟེན་གྱི་བཀོད་པ་མི་འདྲ་བ་དུ་མ་ ཞིག་བཀའ་བསྩལ་པ་ནི། འཇིག་རྟེན་གྱི་སྣང་བ་མཐའ་དག་གཅིག་ཏུ་མ་ངེས་པར་སྣ་ཚོགས་སུ་སྣང་རུང་བ་ལ་དགོངས་ཏེ་གསུངས་པ་རེད། ཡིན་ཡང་ དེ་ལྟར་གསུངས་པ་ལ་ད་ལྟ་སྤྱི་ཚོགས་སྟེང་མཁས་བླུན་ཕལ་མོ་ཆེའི་བློ་ངོར་མ་འབྱོར་བར་ལྟ་ཚུལ་བཟུང་ཡོད་ཚོད་འདུག དེ་ལ་བློ་གྲོས་ཞིབ་མོས་ དཔྱད་ན་དངོས་གནས་ལ་ལོག་རྟོག་དེ་འདྲ་འཆར་སྲིད་ཀྱི་རེད་སྙམ། ཅི་ཞེ་ན། ཁོ་ཚོ་ད་དུང་སྦྱངས་ཡོན་ཚད་ངེས་ཅན་ཞིག་ལ་མ་ཐོན་པར་སོ་སྐྱེ་ ཡིན་པས་ཤེས་བྱ་མཐའ་དག་གི་གནས་ལུགས་མ་རྟོགས་པ་དང་གཅིག་ཚན་རིག་གི་དེད་དཔོན་ཆེན་པོ་སངས་རྒྱས་ཤཱཀྱ་མུ་ནེའི་ཆོས་ལུགས་ལ་ཡིད་ ཆེས་ཏེ་གཟབ་ནན་སྒོས་ཞིབ་འཇུག་གི་ལམ་ནས་ངེས་པ་ཞིག་ཨེ་རྙེད་ལ་མ་བལྟས་པའི་གནད་འགག་གཉིས་ཀྱི་སྒོ་ནས་དེ་འདྲ་འཆར་བ་རེད་ཅེས་ བཤད་པ་ཡིན། དེ་འདྲའི་གནས་དོན་གྱི་མདུད་རྒྱ་གྲོལ་བ་ལ་སངས་རྒྱས་ཆོས་ལུགས་ཀྱི་གཞུང་ལ་ཐོས་བསམ་སྒོམ་གསུམ་ཡ་མ་བྲལ་བར་བརྩོན་པ་ ཆུ་བོའ་ི རྒྱུན་བཞིན་བརྟེན་ནས། སྦྱངས་པ་མཐར་ཐོན་པ་དེའི་ཚེ་རྟོགས་པ་ཀློང་དུ་བརྡོལ་ཏེ་ཇི་ལྟ་བ་དང་ཇི་སྙེད་པའི་ཆོས་མཐའ་དག་མངོན་དུ་གྱུར་ པ་ལས། ཚན་རིག་པ་ལྟར་ཕྱི་རོལ་ཡུལ་རྐྱང་བ་ལ་ཞིབ་འཇུག་བྱས་པ་ཙམ་གྱིས་གར་ཡང་མི་འགྱུར་རོ། ས་གཞིའི་ཆགས་ཚུལ་ཡང་འགྲོ་བ་མི་ལ་ལར་ རིལ་ལི་མར་སྣང་ལ། ལ་ལར་ལེབ་ལེབ་དང་། ལ་ལར་ཚད་ཆེན་པོ་དང་། ལ་ལར་ཚན་ཆུང་ངུ་ལ་སོགས་པར་སྣང་བ་གང་ཡིན་ཀྱང་། སོ་སོར་ཇི་ལྟར་ སྣང་བ་དེ་རེ་ཞིག་འཐད་ལྡན་དུ་འཇོག་དགོས་པ་ལས། རང་ཅག་ལ་གང་སྣང་འདི་ལས་གཞན་དུ་སྣང་མི་སྲིད་ལ། གལ་སྲིད་སྣང་ནའང་རྫུན་པ་རང་ རེད་ཅེས་བསྣད་ན་མངོན་སུམ་དུ་འགལ་ཞིང་ཤིན་ཏུ་མི་འོས་པར་འགྱུར། སྟོན་པ་སངས་རྒྱས་ཀྱིས་འཇིག་རྟེན་ཐོག་མར་ཆགས་ཚུལ་གྱི་རང་བཞིན་ དང་རྒྱུ་རྐྱེན། རྒྱ་ཚད་ཀྱི་ཁྱད་པར། ཕྱི་དབྱིབས་མི་འདྲ་བ་སྣང་ཚུལ་སོགས་ལ་ཆགས་ཐོགས་མི་མངའ་བས་འཇིག་རྟེན་གྱི་མིའི་སྤྱོད་ཡུལ་དུ་མ་གྱུར་

པ་མཐའ་དག་གསལ་བཤད་བྱས་ཡོད་པའི་དགོས་པཡང་གཙོ་བོ་གདུལ་བྱ་རྣམས་མ་རྟོགས་ལོག་རྟོགས་ཐེ་ཚོམ་གྱི་དབང་གིས་རང་རང་ལ་གང་སྣང་ མཐའ་དག་གཅིག་ཏུ་བདེན་པར་ཞེན་པ་བཟློག་པའི་ཕྱིར་དུ་དང་། སྐབས་ཀྱི་གདུལ་བྱ་འགའ་ཞིག་ལ་མཐོང་ཚུལ་དང་སྣང་ཚུལ་མི་འདྲ་བས་དེ་ལྟར་ གསུངས་བ་ཡིན་ནོ།

འོན་ཀྱང་དེང་སངས་ཚན་རིག་ཤེས་ཡོན་དར་རྒྱས་སུ་ཕྱིན་ནས་འཇིག་རྟེན་ཆགས་ཚུལ་སོགས་ཀྱི་གནས་རགས་པ་རྣམས་མངོན་སུམ་དུ་མཐོང་ནས་ ཇི་སྐད་བཤད་པ་རྣམས་ཀྱང་། སངས་རྒྱས་བཅོལ་ལྡན་འདས་དང་ཁོང་གི་རྗེས་འཇུག་མཁས་གྲུབ་ཕལ་མོ་ཆེས་ལོ་ངོ་སྟོང་ཕྲག་མང་བོའ་ི སྔ་རོལ་ནས། ད་ལྟའི་ཚན་རིག་གི་ཤེས་བྱེད་འདི་འདྲ་རྡུལ་ཙམ་ཡང་མ་མཆིས་ཀྱང་། གནས་འདི་དག་ཕར་ཟད་འཁོར་འདས་ཀྱི་རྣམ་གཞག་མཐའ་དག་ལྐོག་ཏུ་མ་ གྱུར་པར་མངོན་སུམ་དུ་མཁྱེན་ཅིང་གཟིགས་པ་ཆེན་པོའ་ི སྒོ་ནས་གང་ལ་གང་འཚམ་གྱི་ཐབས་མཁས་སྤྱོད་པས་གདུལ་བྱ་དབང་བོ་རབ་འབྲིང་ཐ་ གསུམ་ལ་ཕན་བྱེད་ཚད་མའི་ལམ་ནས་གསལ་བཤད་བྱས་ཟིན་པ་ཡིན་ཏེ། དཔེར་ན། (པད་མ་རྣམ་པར་རོལ་བ་ཞེས་བྱ་བའི་མདོ་)ལས། ལྷའི་པད་མ་ རྣམ་པར་རོལ་བས་འཇམ་དཔལ་ལ་སྨྲས་པ། ལྷའི་བུ་ཕྱི་རོལ་གྱི་ཡུལ་འདི་དག་བྱེད་པ་པོས་བྱས་བའམ། ཇི་ལྟར་བལྟ་བར་བགྱི། འཇམ་དཔལ་གྱིས་ སྨྲས་པ། ལྷའི་བུ་ཕྱི་རོལ་གྱི་ཡུལ་འདི་དག་བྱེད་པ་པོས་བྱས་པ་མ་ཡིན་ཏེ། སེམས་སམ་རྟོག་པའི་བག་ཆགས་ཀྱིས་སྣང་བ་ཡིན་ནོ། ལྷའི་བུས་སྨྲས་པ། བག་ཆགས་ཇི་ལྟར་བརྟས་ཀྱང་རི་དང་རྒྱ་མཚོ་དང་། ཉི་མ་དང་། ཟླ་བ་ལ་སོགས་པ་སྲ་ཞིང་འཐས་པ་ལྟར་གྱུར་པ་སྣང་ག་ལ་རུང་། འཇམ་དཔལ་གྱིས་ སྨྲས་པ། ལྷའི་བུ་སྣང་དུ་རུང་སྟེ། གྲོང་ཁྱེར་ཆེན་པོ་ཝ་རཱ་ཎཱ་སཱི་ན་བྲམ་ཟེར་མེ་སྦྱིན་ཞེས་བྱ་བས་རང་གི་ལུས་སྟག་ཏུ་བསྒོམས་པས་གྲོང་ཁྱེར་གྱི་མི་ རྣམས་ཀྱིས་སྟག་ཏུ་མཐོང་ནས་བྲོས་པས་གྲོང་ཁྱེར་སྟོང་པར་བྱུང་ངོ་། ཟད་པར་ས་ཆུ་བསྒོམས་པས་ས་དང་ཆུར་སྣང་དང་། རྣོར་སྤྱོད་པའི་དགེ་སློང་ གིས་མི་གཙང་བ་དང་རྒྱུས་གོང་གི་འདུ་ཤེས་བསྒོམས་པས་དེར་སྣང་བ་ཡིན་ན་ཐོག་མ་མེད་པའི་བག་ཆགས་བརྟས་པས་ཅི་སྟེ་མི་སྣང་། ལྷའི་བུས་ སྨྲས་པ། བག་ཆགས་བརྟས་པའི་དབང་གིས་རྣམ་པ་སྣ་ཚོགས་པ་དག་ཅིའི་ཕྱིར་སྣང་བ་ཡིན། འཇམ་དཔལ་གྱིས་སྨྲས་པ། སྣང་བ་ཐམས་ཅད་མ་ངེས་ པ་ཡིན་ཏེ། ལ་ལའི་སྣང་བ་ནི་ལ་ལའི་མུན་པ་ཡིན་ནོ། འདི་ལྟར་ས་འབའ་ཞིག་ལའང་། ས་ལ་སར་འདུ་ཤེས་པའང་ཡོད། ས་ལ་ལོངས་སྤྱོད་དུ་འདུ་ཤེས་ བའང་ཡོད། ས་ལ་སྡུག་བསྔལ་དུ་འདུ་ཤེས་པའང་ཡོད། མེ་ལ་མེར་འདུ་ཤེས་པའང་ཡོད། མེ་ལ་ལོངས་སྤྱོད་དུ་འདུ་ཤེས་པའང་ཡོད། མེ་ལ་གནས་སུ་ འདུ་ཤེས་པའང་ཡོད། མེ་ལ་ཟས་སུ་འདུ་ཤེས་པའང་ཡོད། ཆུ་ལ་ཆུར་འདུ་ཤེས་པའང་ཡོད། ཆུ་ལ་མེར་འདུ་ཤེས་པའང་ཡོད། ཆུ་ལ་སར་འདུ་ཤེས་པའང་ ཡོད། ཆུ་ལ་བདུད་རྩིར་འདུ་ཤེས་པའང་ཡོད། ཆུ་ལ་གནས་སུ་འདུ་ཤེས་པའང་ཡོད། ནམ་མཁའ་ལ་ནམ་མཁར་འདུ་ཤེས་པའང་ཡོད། ནམ་མཁའ་ལ་ གནས་སུ་འདུ་ཤེས་པའང་ཡོད། ནམ་མཁའ་ལ་སར་འདུ་ཤེས་པའང་ཡོད། དེ་བས་ན་དེ་ངེས་པར་མེད་པའི་ཕྱིར་བག་ཆགས་ཀྱི་དབང་གིས་གང་ལྟར་ ཡང་སྣང་བ་ཡིན་ནོ། ཞེས་སོགས་མཐའ་ཡས་པ་གསུངས་སོ། གཞན་ཡང་འཇིག་རྟེན་གྱི་སྣང་བ་རྣམས་གཅིག་ཏུ་མ་ངེས་པར་གསུངས་པ་རྣམས་ཤིན་ ཏུ་མེད་དེ། ཧྥ་རན་སིའི་མི་ཤེར་ལོ་དུས་ཏོ་ཞེས་པ་དེས་སྤྱི་ལོ་༡༩༦༦ལོ་ནས་བཟུང་འཇིག་རྟེན་ན་སྲ་ཞིང་མཁྲེགས་པའི་དངོས་པོ་ལྕགས་དང་ཤེལ་གྱི་ རིགས་རྣམས་མི་གཞན་གྱིས་ཡོས་འཆའ་བ་བཞིན་དུ་ཟོས་ཏེ་མེད་པར་བྱེད་པ་ལ་ངོ་མཚར་ཏེ། རྒྱལ་ཁབ་མང་བོའ་ི གསོ་བྱེད་ལ་མཁས་པ་རྣམས་ཀྱིས་ བརྟག་དཔྱད་ཇི་ལྟར་བྱས་ཀྱང་གནས་ཚུལ་གསལ་བོ་ཞིག་སྨྲ་རྒྱུ་མ་བྱུང་བ་རེད། དེ་ལྟར་མོ་ལོ་ཀའི་རྒྱལ་ཁབ་ཀྱི་ཨ་ཏིས་ཞེས་པ་དེས་རྒྱུན་པར་ཤེལ་ བཟའ་བར་བྱེད་ལ་ཤེལ་རྣམས་ཁོ་རང་ལ་ཤིང་ཏོག་གི་རོ་བཞིན་ཞིམ་པོར་སྣང་། ཟོས་རྗེས་ཕོ་བའི་ནང་ཤེལ་ཅུང་ཟད་ཀྱང་མཐོང་རྒྱུ་མེད་པ་ལ། རྒྱལ་ ཁབ་དེའི་སྨན་པ་རྣམས་ཀྱིས་འདི་ནི་དཔྱད་མི་བཟོད་པའི་གནས་ཚུལ་ཡ་མཚན་ཅན་ཞིག་རེད་ཅེས་བཤད། གཞན་ཡང་ལ་ལར་རོ་ཞིམ་པོར་སྣང་བ་དེ་ཉིད་ལ་ལར་རོ་མི་ཞིམ་པར་སྣང་བ་དང་། ཁ་ཅིག་ལ་མཛེས་པར་སྣང་བའི་དངོས་པོ་དེ་ཁ་ཅིག་ལ་མི་ མཛེས་པར་སྣང་། བལྟ་བྱའི་གཟུགས་གཅིག་ལ་ཁ་ཅིག་གིས་ཆེན་པོ། ཁ་ཅིག་གིས་ཆུང་ངུ་། ལ་ལས་མདུན་དུ་གནས་ཀྱང་མི་མཐོང་བ་སོགས་གང་ ཟག་རང་རང་གི་སྣང་བ་ཤིན་ཏུ་མ་ངེས་པ་དུ་མ་ཞིག་ད་ལྟ་འཛམ་གླིང་ན་མངོན་སུམ་དུ་མིག་མཐོང་ལག་ཟིན་དུ་བྱུང་དང་འབྱུང་བཞིན་པ་འདི་དག་ ལ་བློ་གྲོས་ཞིབ་མོས་དཔྱོད་དང་རང་རང་ལ་གང་སྣང་དེ་ལས་གཞན་ལ་མི་སྣང་བའི་ངེས་པ་ཨེ་འདུག དེའི་རྐྱེན་གྱིས་འཇིག་རྟེན་ཆགས་དབྱིབས་ ཟླུམ་པོར་མཐོང་བས་འཇིག་རྟེན་ལེབ་ལེབ་མོར་སྣང་དུ་རུང་བ་མི་ཁེགས་ལ། ལེབ་ལེབ་མོར་སྣང་བས་རིལ་རིལ་བོར་སྣང་དུ་རུང་བ་མི་ཁེགས་སོ། འོན་ཀྱང་དེ་ལྟ་མ་ངེས་པར་ཡང་གཙོ་བོ་སེམས་ཅན་གྱི་ལས་སྣང་སྣ་ཚོགས་པའི་ཕྱིར་རོ། འཇིག་རྟེན་གྱི་རྣམ་གཞག་མཐའ་དག་ལ་དེ་འདྲའི་གོ་བ་ ཟབ་མོ་ཞིག་ཨེ་ལོན་ལ་མི་བལྟ་བར་རང་སྣང་གང་ཤར་ལ་མཁྲེགས་བཟུང་བྱས་ན་ནི་འཇིག་རྟེན་རྨོངས་པའི་རྒྱུ་ལས་ཕན་བྱེད་དུ་མི་འགྲོ་བར་ཐག་ གཅོད་ཐུབ་བོ།

དེས་ན་སྟོན་པ་བཅོམ་ལྡན་འདས་ཀྱིས་ལོ་སྟོང་ཕྲག་དུ་མའི་སྔ་རོལ་ནས་འཇིག་རྟེན་གྱི་ཆགས་དབྱིབས་ད་ལྟའི་སྣང་ཚུལ་ལྟར་གསལ་བོར་གསུངས་ ཟིན་ནའང་དེ་ནི་ངོ་མཚར་དེ་འདྲ་མི་ཆེ་སྟེ། དེ་ཙམ་རྟོགས་སླ་བའི་ཕྱིར་རོ། ཚན་རིག་གིས་ཀྱང་གཏན་ནས་གཞལ་མི་ནུས་པའི་ཟབ་པ་དང་རྒྱ་ཆེ་ བའི་འཁོར་འདས་ཀྱི་གནས་ལུགས་ཟབ་མོ་འདི་མངོན་སུམ་དུ་མཁྱེན་ནས་འཇིག་རྟེན་གྱི་ཆགས་ཚུལ་སྣ་ཚོགས་ཤིག་བཀའ་བསྩལ་པ་ནི་ངོ་མཚར་ ལས་ཀྱང་ཆེས་ངོ་མཚར་ཚན་རིག་ལས་ཀྱང་ཆེས་ཚན་རིག་ཡིན་པའི་ཕྱིར་ཏེ། སྐུ་ཞབས་སུང་ཀྲུང་ཧྲན་གྱིས་ཀྱང་། སངས་རྒྱས་ཀྱི་རིག་པ་ནི་མཚན་ ཉིད་རིག་པའི་མ་ལྟ་བུ་རེད། སངས་རྒྱས་ཀྱི་རིག་པར་ཞིབ་འཇུག་བྱས་ན་ཚན་རིག་གི་འཁྱོག་པ་བསྲང་ཐུབ་པ་རེད། ཅེས་གསུངས། དེ་བཞིན་དུ་ དབྱིན་ཅིའི་མཚན་ཉིད་རིག་པ་བ་ལོ་ཧྲོས་ཀྱིས་ཀྱང་། འཛམ་གླིང་སྟེང་གི་ཆོས་ལུགས་རྣམས་ལས། ང་རང་གིས་ཆེས་ཡི་རངས་བྱེད་པ་ནི་སངས་རྒྱས་ ཀྱི་ཆོས་ལུགས་ཡིན། ཞེས་དང་། ཀྲུང་གོའ་ི ཚན་རིག་པ་དབྱིག་ཀྲིའུ་པོས་ཀྱང་། སངས་རྒྱས་ཆོས་ལུགས་ནི་ཕུལ་དུ་བྱུང་བའི་ཚན་རིག་ཅིག་རེད། ཅེས་ དང་། རླབས་ཆེན་གྱི་ཚན་རིག་པ་ཨེ་དབྱིན་སུ་ཐན་གྱིས་ཀྱང་། དེང་རབས་ཚན་རིག་གི་གནད་གལ་ཆེན་པོ་ལ་རམ་འདེགས་བྱེད་ནུས་པའི་ཆོས་ཤིག་ ཡོད་ན་དེ་ནི་སངས་རྒྱས་ཆོས་ལུགས་ཡིན་ཞེས་དེང་རབས་ཀྱི་ཚན་རིག་ཤེས་ཡོན་རྩེར་སོན་པ་མང་བོས་ནང་ཆོས་ལ་ཚན་རིག་ལས་ཀྱང་ཆེས་ལྷག་ པའི་ཁྱད་ཆོས་ཀྱིས་འཕགས་ཚུལ་རྣམས་ཞིབ་རྒྱས་སུ་བཀོད་པའི་གཞུང་མང་དུ་བརྩམས་ཡོད་པ་རེད། སྤྱིར་བཅོལ་ལྡན་འདས་ཀྱིས་དངོས་གཙོའི་ ལམ་ནས་འཇིག་རྟེན་ཕྱིའི་ཆགས་དབྱིབས་ཀྱི་རྒྱ་ཁྱོན་དཔག་ཚད་འབུམ་ཕྲག་བཅུ་དང་། མཐའ་བསྐོར་དུ་རྒྱ་ཚད་སུམ་འགྱུར། ལྷུན་པོའ་ི དཔངས་སུ་

དཔག་ཚད་ཁྲི་ཕྲག་ཉི་ཤུ་ཐམ་པ། དེ་དང་ཟླ་བའི་བར་ལ་དཔག་ཚད་བཞི་ཁྲི་ཉིས་སྟོང་ངོ་ཞེས་གསལ་བར་གསུངས་པ་ལ། དེང་རབས་ཀྱི་ཚན་རིག་པ་ རྣམས་ཀྱིས་ད་ལྟའི་ཚད་མཐོ་བའི་བརྟག་བྱེད་འཕྲུལ་ཆས་དང་འཕུར་གྲུས་ཚོད་དཔག་དངོས་སུ་བྱས་པ་ལྟར་ན་ནི། གོ་ལ་དང་ཟླ་བའི་བར་དུ་སྤྱི་ལེ་ ཁྲི་ལྔ་བཅུ་ང་གསུམ་དང་སྟོང་བདུན་ཡོད། འདི་དང་ནང་བའི་ཆོས་གཞུང་ནས་བཤད་པའི་དཔག་ཚད་བཞི་ཁྲི་ཉིས་སྟོང་རྩིས་གྲངས་བརྒྱབ་ན་ཏག་ ཏག་རེད་ཅེས་རྒྱལ་སྤྱིའི་ཚན་རིག་ཤེས་བྱའི་རྒྱང་བསྒྲགས་ལེ་ཚན་དུ་སྤྱི་ལོ་༢༠༠༠ལོའ་ི ཟླ་༥བའི་ཚེས་༨ལ་བཤད་པ་འདི་ནི་དེང་རབས་ཚན་རིག་གི་ འཕྲུལ་ཆས་དང་དཔྱད་གཞིའི་ནང་ཆོས་གཉིས་ཀའི་བཤད་ཚུལ་གཅིག་མཚུངས་རེད་ཅེས་བཤད་པ་ལ་སོགས་པ་དེ་དང་དེ་འདྲའི་རིགས་ཆེས་མང་ བས་འདིར་ཡི་གེར་འཇིགས་ནས་མ་བྲིས་སོ།།

གཞན་ཡང་དེང་དུས་ཀྱི་ཤེས་ལྡན་གཟུར་གནས་ཡོངས་ཀྱིས་མནོ་བསམ་ཞིག་བཞེས་དང་སྟོན་པ་སངས་རྒྱས་ཀྱིས་ལོ་ཉིས་སྟོང་དགུ་བརྒྱའི་གོང་རོལ་ ནས་བཟུང་སྟེ། གནམ་རིག་རྒྱང་མཐོང་མེ་ལོང་མ་བཀོལ་བར་གཟའ་སྐར་ཉི་ཟླ་འབྱུང་བཞིའི་གནས་ལུགས་གཏན་ལ་ཕབ་པར་མ་ཟད། སྣོད་བཅུད་ཀྱི་ གནས་བབ་མཐའ་དག་ལ་སྒོམ་སྟོབས་ཀྱིས་མངོན་སུམ་དུ་མཁྱེན་ཏེ་ནང་སེམས་ཀྱིས་ཐག་གཅོད་ཐུབ་པ་སོགས་ཀྱིས་ཡོན་ཏན་རྣམས་བསམ་གྱིས་མི་ ཁྱབ་པ་དང་། བརྗོད་ཀྱིས་མི་ལང་བ་ཞིག་མ་ཡིན་ནམ། ཤེས་བར་བྱ་བའི་གནས་མཐའ་དག་ལ་མ་འཁྲུལ་བའི་ཡེ་ཤེས་ཀྱི་སྤྱན་མངའ་བ་ཚད་མའི་སྐྱེས་ བུ་མཐར་ཐུག་སྟོན་པ་སངས་རྒྱས་མ་གཏོགས། འཇིག་རྟེན་ན་ཆོས་ལུགས་མི་འདྲ་བ་མང་བོ་སུ་ཞིག་དང་ཚན་རིག་ཤེས་ཡོན་ཆེས་མཐོ་བ་གང་ཞིག་ གིས་དེ་ལྟར་བཤད་ཐུབ་བམ། ང་རང་ནང་བ་སངས་རྒྱས་པ་ཡིན་པའི་ཆ་ནས་ཕྱོགས་རིས་ཀྱིས་བཤད་པ་ལྟ་བུ་གཏན་མ་ཡིན་པར་བོད་གངས་ཅན་ གྱི་ངོ་བོར་མཚོན་པའི་སངས་རྒྱས་ཆོས་ལུགས་ནི་འཛམ་གླིང་ཐོག་ཞིབ་འཇུག་གི་གཞིར་གྱུར་པའི་རིན་ཐང་འབྲ་བའི་རིན་པོ་ཆེའི་བང་མཛོད་བླ་ན་ མེད་པ་ཞིག་ཏུ་གྱུར་ཡོད། འདི་ལ་དགོངས་ནས་རྒྱ་ནག་གི་ཚན་རིག་མཁས་དབང་དབྱིག་ཀྲིའུ་པོ་ལགས་ཀྱིས། ཚན་རིག་པ་སུ་ཞིག་ཡིན་རུང་བཅོམ་ ལྡན་འདས་ཀྱིས་གསུངས་པའི་དུས་ཀྱི་འཁོར་ལོའ་ི རྣམ་གཞག་དང་། ཐ་ན་དེའི་འཕོ་བཅས་ཟུར་ཙམ་ཁོང་དུ་ཆུད་ནའང་གླེགས་བམ་དེ་སྙིང་ཁར་མི་ བཅངས་ཟེར་ན་ངས་སྟོང་གདབ་པ་ཡིན་ཞེས་བཤད་པ་ནི་གཟུར་གནས་མཁས་པའི་གཏམ་ཁོ་ནའོ། འོན་ཀྱང་ཚན་རིག་གིས་གཏན་ནས་དཔོག་མི་ ནུས་པ་ཐམས་ཅད་ནི་རྒྱལ་བའི་གསུང་རབ་རིམ་པོ་ཆེའི་སྟེང་ནས་བརྟག་ན་ད་གཟོད་ཡིད་ཆེས་པར་གྱུར་པ་ཡིན་ནོ། དེས་ན་འཇིག་རྟེན་གྱི་བདེན་ དོན་མ་ནོར་མ་འཁྲུལ་བར་གཏན་ལ་འབེབས་པ་ལ་སངས་རྒྱས་ཆོས་ལུགས་ལ་མ་བརྟེན་པར་བྱ་ཐབས་བྲལ་བ་ཞིག་ཡིན་པ་ནི་སྨོས་མ་དགོས་སོ། གཞན་ཡང་འདིར་དཔྱད་གཞི་ཙམ་དུ་དམིགས་ཏེ། རོམ་ཙམ་ཞིག་བྲིས་པ་ཡིན་མོད། ཞིབ་པར་གཞུང་གཞན་ལས་ཤེས་པར་བྱའོ། ༣ སངས་རྒྱས་ཆོས་ལུགས་དང་ཚན་རིག་པ་དཔྱད་པ།

དེ་ཡང་སྟོན་པ་བཅོམ་ལྡན་འདས་ཤཱཀྱ་ཐུབ་པའི་བསྟན་པའམ་ཆོས་ལུགས་ནི། འཛམ་གླིང་འགྲོ་བ་མིའི་རིགས་ཡོངས་ཀྱི་འབྱུང་འགྱུར་གྱི་བདེ་སྐྱིད་ དང་དམངས་གཙོ། ཞི་བདེ། འདྲ་མཉམ། མཐུན་སྒྲིལ་སོགས་ཀྱི་རྨང་གཞི་ཡིན་པར་མ་ཟད། ད་ལྟ་ཡ་མཚན་ཅན་གྱི་ཕྱི་དངོས་པོའ་ི ཚན་རིག་དང་དེ་ ལས་ཀྱང་ཆེས་ལྷག་པའི་ནང་སེམས་ཀྱི་ཚན་རིག་མཐའ་དག་མ་འཁྲུལ་བར་གསལ་བོར་སྟོན་བྱེད་དང་ཤེས་བྱེད་ཀྱི་ཆ་རྐྱེན་ཀུན་ཚང་བའི་ཚད་ལྡན་ གྱི་གཞུང་བླ་ན་མེད་པ་ཞིག་ཡིན། སངས་རྒྱས་ཀྱི་བསྟན་པ་ཞེས་པ་ནི། ནམ་མཁར་བླ་བྲེ་བྲས་པ་ལྟ་བུ་དང་། ཡང་ན་སྐྱེ་བོ་མང་པོས་ཤུགས་བསྐྱེད་ དེ་ཕོན་ཆེ་བའི་དངོས་པོ་ཞིག་འཁུར་རྒྱུ་ཡོད་པ་ལྟ་བུ་ཞིག་མ་རེད། གཙོ་བོ་སེམས་ཅན་རང་རང་གི་རྒྱུད་སྟེང་ན་གནས་པ་ཞིག་ཡིན། མདོར་བསྡུས་ ན་གནོད་པའི་ལས་མི་དགེ་བ་གཞན་གྱི་སྲོག་གཅོད་པ་སོགས་ལུས་ཀྱི་རྣམ་པ་གསུམ་དང་། རྫུན་གྱི་གཞན་བསླུ་བ་སོགས་ངག་གི་རྣམ་པ་བཞི་དང་ ། གཞན་གྱི་རྒྱུ་ནོར་ལ་བརྣབ་སེམས་སོགས་ཡིད་ཀྱི་རྣམ་པ་གསུམ་སྟེ། ལུས་ངག་ཡིད་གསུམ་གྱི་སྟེང་གི་མི་དགེ་བ་བཅུ་བོ་དངོས་དང་ཕྱོགས་གཏོགས་ ཀྱི་སྡིག་པ་ཆེ་ཕྲ་ཅི་ཡང་མི་བྱེད་པ་དང་གཅིག་རང་ཉིད་སྡུག་བསྔལ་ཕྲ་མོ་ཙམ་ཡང་མི་འདོད་ཅིང་བདེ་བ་ལ་ཅི་ཙམ་ལོངས་སྤྱད་ཅིང་ཆོག་ཤེས་མེད་ པ་བཞིན་དུ་རིགས་དྲུག་གི་འགྲོ་བ་རྣམས་སུ་ཡིན་ཀྱང་རང་དང་མཚུངས་པས་ན། སྡུག་བསྔལ་བྲལ་ཞིང་བདེ་བ་ཐོབ་པའི་ཐབས་མཆོག་ཏུ་གྱུར་པའི་ རྣམ་དཀར་གྱི་ལས་ལམ་བཅུ་བོ་སྟེ། དགེ་བ་ཕུན་སུམ་ཚོགས་པ་གང་ཡོད་ལག་བསྟར་བྱེད་དགོས་པ་དང་གཉིས། གཞན་གྱི་སེམས་བཏུལ་ནས་ཕན་ པ་སྒྲུབ་པ་ལ་ཐོག་མར་རང་གི་སེམས་རྟ་རྒོད་དང་འདྲ་བ་འདི་ཉིད་འདུལ་དགོས་པ་དང་གསུམ་སྟེ། ཁྱད་ཆོས་འདི་གསུམ་དང་ལྡན་པ་ལ་སངས་རྒྱས་ ཀྱི་བསྟན་པ་ཞེས་བྱའོ། མདོ་ལས། སྡིག་པ་ཅི་ཡང་མི་བྱ་ཞིང་། དགེ་བ་ཕུན་སུམ་ཚོགས་པར་སྤྱད། རང་གི་སེམས་ནི་ཡོངས་སུ་འདུལ། འདི་ནི་སངས་ རྒྱས་བསྟན་པ་ཡིན། ཞེས་གསུངས་པ་རེད།་དེ་མཚུངས་སུ་ཁྱད་པར་(འཕགས་བསྟོད་)ལས། གང་སླད་ཁྱོད་ཀྱི་བསྟན་པ་ནི། བདེ་བས་བདེ་ཉིད་འཐོབ་ བགྱིད་པ། དེ་སླད་སྨྲ་བའི་སེང་ཁྱོད་ཀྱི། གཞུང་ལུགས་ལ་ནི་འགྲོ་འདི་དགའ། ཞེས་པ་ལྟར་སངས་རྒྱས་ཀྱི་བསྟན་པ་ནི་ལམ་བདེ་བའི་བདག་ཉིད་ཅན་ ལ་བརྟེན་ནས་འབྲས་བུ་ཟག་མེད་ཀྱི་བདེ་ལ་ལོངས་སྤྱོད་པའི་ཁྱད་ཆོས་དང་ལྡན་པ་ཞིག་སྟེ། ཇི་སྐད་དུ། དེ་ཡིན་ན་སེམས་ཅན་ཉི་ཚེ་བ་ཙམ་གྱི་གོ་ དོན་མ་ཡིན་པར་མཁའ་ཁྱབ་ཀྱི་སེམས་ཅན་ཐམས་ཅད་ཀྱི་སྡུག་བསྔལ་དང་སྒྲིབ་པ་ཟད་པའི་ཐབས་དང་། དེའི་འབྲས་བུ་ཅི་རིགས་པའང་དེ་དག་ བརྗོད་བྱར་བྱེད་པ་གང་རུང་གི་ཆ་ནས་བཞག་པའི་དམ་ཆོས་ཡིན་དགོས་པའི་ཕྱིར། ཞེས་གསུངས། དེའི་ཕྱིར་འདི་ཉིད་མི་སྒེར་རམ། སྤྱི་ཚོགས་ཀྱི་ ཚོགས་པའམ། རྒྱལ་ཁབ་གང་ཡང་རུང་བ་ཞིག་གིས་ཚུལ་བཞིན་ཉམས་སུ་ལེན་ནུས་པ་དེ་དག་ཚེ་འདི་དང་ཕྱི་མ་གཉིས་ཀར་བདེ་བ་ནས་བདེ་བར་ འགྲོ་བ་ལ་ཐེ་ཚོམ་མེད། ཡིན་ནའང་དེང་དུས་སྤྱི་ཚོགས་སྟེང་སྡུག་བསྔལ་གྱི་རྒྱུ། དམ་པ་མ་ཡིན་པའི་ཕྱོགས་ཡོངས་སུ་བཟུང་ནས་དངོས་པོའ་ི ཚན་ རིག་རྐྱལ་བ་ལ་ཤ་ཐང་གིས་འབད་པ་དང་། དེའི་ཕྱོགས་ལ་བརྩི་མཐོང་ཧ་ཅང་ཆེ་ཞིང་དེ་ཡིས་གྲུབ་དོན་ལ་ཡིད་ཆེས་པའི་གནས་སུ་བྱེད་པའི་སྒོ་ནས། འཛམ་གླིང་ཞི་བདེ་ནི་ཕྱི་དངོས་པོའ་ི དཔལ་ཡོན་ཁོ་ན་ལ་རག་ལས་པ་མ་གཏོགས་གཞན་གང་གིས་ཀྱང་ཞི་བདེ་སྐྲུན་མི་ཐུབ་ཅེས་ཆེས་ཆེར་འཁྲུལ་ ཞིང་། མི་ཚེ་གང་བོར་དམངས་དོན་རླབས་ཆེན་སྒྲུབ་པར་རློམས་ནས་གཞན་ཕམ་རང་རྒྱལ་གྱི་མི་དམངས་ཁྲིམས་ཁང་བྱ་བ་ངན་པ་རྣམས་ལྷུར་བླངས་ ཏེ། ཚེ་སྔ་ཕྱི་དང་ལས་རྒྱུ་འབྲས་ཀྱི་རྣམ་གཞག་རྣམས་རིས་སུ་བོར་ནས་དེ་ལ་ཡིད་མི་ཆེས་པར་མ་ཟད། སྐུར་འདེབས་བྱེད་པ་ཆེས་མང་བར་སྣང་། དེ་ འདྲའི་རིགས་མཐའ་དག་ཚེ་འདིའི་བདེ་བ་ཕྲན་ཚེགས་ལྟོ་གོས་ཙམ་གྱི་ཆེད་ཡིན་པས། ཤེས་རབ་ཅན་དང་ཚན་རིག་ཅན་ཡིན་ན་ཡང་སངས་རྒྱས་ ཆོས་ལུགས་ཏེ། འཁོར་བ་སྡུག་བསྔལ་གྱི་རྒྱ་མཚོ་ལས་བདེ་བླག་ཏུ་ཐར་པའི་ཐབས་ཕྱིན་ཅི་མ་ལོག་པར་སྟོན་པའི་ལེགས་པར་བཤད་པ་དག་ལས་རིང་

དུ་འཁྱམས་པ་ཡིན་པས། དེ་འདྲའི་བདེ་ཐབས་འཚོ་ཐབས་ཙམ་ནི་སྨྲ་མི་ཤེས་པའི་དུད་འགྲོ་ལ་ཡང་ཡོད་པས་འཛམ་གླིང་སྟེང་ཧ་ཅང་དཀོན་པའི་ ཆེས་ཡ་མཚན་པོ་ཞིག་གཏན་ནས་མིན་ནམ་སྙམ། ཅི་ཞེ་ན། སྟོན་པ་སངས་རྒྱས་ཀྱིས་བསྐལ་བ་དཔག་ཏུ་མེད་པར་སེམས་ཅན་ཐམས་ཅད་ཀྱི་དོན་ རྐྱང་བ་ཐུགས་ལ་དགོངས་ནས། དཀའ་བ་བརྒྱ་ཕྲག་དུ་མ་ཁྱད་དུ་བསད་ནས་རང་གི་ལུས་སྲོག་ལ་ཡང་མ་འཛེམ་པར་བསོད་ནམས་ཀྱི་ཚོགས་དང་ཡེ་ ཤེས་ཀྱི་ཚོགས་གཉིས་ཡོངས་སུ་རྫོགས། ཉོན་མོངས་པའི་སྒྲིབ་པ་དང་ཤེས་བྱའི་སྒྲིབ་པ་གཉིས་ཟད་པར་སྤངས་པ་ལ་བརྟེན་ནས་སྐུ་གསུམ་ངོན་དུ་གྱུར་ པ་དང་། ཐམས་ཅད་མཁྱེན་པའི་ཡེ་ཤེས་བརྙེས་ནས་ཤེས་བྱ་མཐའ་དག་ལག་མཐིལ་དུ་སྐྱུ་རུ་ར་རློན་པ་བཞག་པ་ལྟར་མངོན་སུམ་དུ་གཟིགས་ནས། འཇིག་རྟེན་གྱི་རང་བཞིན་དང་། མིའི་འགྲོ་བ་རྣམས་ཀྱིས་ལས་གང་དག་བྱས་ནས་གདུལ་བ་དང་། ལས་གང་དག་བྱས་ན་མི་གདུང་ཞིང་བདེ་བ་ཐོབ་ བྱེད་ཀྱི་ལམ་རྣམས་སྦ་གསང་མེད་པར་ལྷུག་པར་འདོམས་པ་དག་ལས་ཕྱིར་ཕྱོགས་ཏེ། རྟགས་ལྟར་སྣང་ཙམ་ལ་བརྟེན་ནས་ལམ་གོལ་བར་འཁྱམས་ པ་ཡིན་ནོ། དེའི་རྐྱེན་གྱིས་ལོག་པའི་ལམ་ལ་ཅི་ཙམ་འབད་ཀྱང་འབྲུ་གཉེར་ནས་སྦུན་པ་འཕྱར་བ་དང་འདྲ་བས་ངལ་བ་དོན་མེད་གྱུར་ནས་གཞན་ དོན་ཕར་ཞོགས་རང་དོན་ཙམ་ཡང་འགྲུབ་དཀའ་བས་ན། འཛམ་གླིང་གི་ཤེས་ནས་སྨྲ་བ་ཡོངས་ཀྱིས་ནང་བ་སངས་རྒྱས་པའི་གསུང་རྣམས་ནི་དངོས་ པོའ་ི སྟོབས་ཤུགས་ཀྱི་རིགས་པའི་ལམ་ནས་བསྒྲུབ་རྒྱུ་ཡོད་པ་ལ་རིག་ཤེས་ཀྱིས་ངེས་པ་དྲངས་ཏེ། ཚེ་འདིའི་རང་ཕྱོགས་ཁོ་ན་དོན་གཉེར་གྱི་བསམ་བློ་ ངན་པའི་ཉེས་དམིགས་དང་། གཞན་ཕྱོགས་ཁོ་ན་དོན་གཉེར་གྱི་བསམ་བློ་བཟང་པོའ་ི ཕན་ཡོན་རྣམས་ལེགས་པར་བསམས་ནས། ཚེ་འདི་མནོག་ཆུང་ ཞིང་ཉེན་ཆེ་བའི་ཕན་ཡོན་རྣམས་ལེགས་པར་བསམས་ནས། ཚེ་འདི་མནོག་ཆུང་ཞིང་ཉེ་ཆེ་བའི་ལས་རིགས་མི་འོས་པ་རྣམས་ཤི་སྦར་བྱས་ནས་ཅུང་ གློད་དེ། ཁ་ཕྱོགས་ཀྱི་གཙོ་བོ་ནི་ཕན་རླབས་ཆེ་བའི་གཞན་ཕན་གྱི་བསམ་པས་ལུས་ངག་ཡིད་གསུམ་གྱི་སྤྱོད་པ་ངན་པ་མི་དགེ་བའི་ལས་མཐའ་དག་ སྤོང་ཅི་ཐུབ་དང་། རང་གཅིག་པུ་ཙམ་མ་ཡིན་པར་མཁའ་ཁྱབ་ཀྱི་སེམས་ཅན་ཐམས་ཅད་ཞི་བདེར་འགོད་པའི་རྒྱུ་བླ་ན་མེད་པ་སྤྱོད་བཟང་དགེ་བའི་ ལས་རྣམས་འབད་པས་སྒྲུབ་པ་ལ་བརྩོན་དགོས་པ་ནི་རང་ཅག་གི་ཕྲག་པར་བབས་པའི་མེད་མི་རུང་གི་ལས་སུ་བྱ་བ་ཤ་སྟག་ཡིན་ནོ། གཞན་ཡང་ ཚན་རིག་མི་མཁོ་ཟེར་བ་མིན་ཏེ་ཚན་རིག་གི་ཁྱད་ཆོས་ནི། སྤྱིར་འདི་ལ་བཟང་ཆ་དང་ངན་ཆ་ཟུང་འབྲེལ་དུ་གནས་ཡོད། བཟང་བའི་ཆ་ནི་འཇིག་ རྟེན་འདིར་འཚོ་ཐབས་ཀྱི་ཕྱོགས་ལ་ཧ་ཅང་མཁོ་གལ་ཆེ་བའི་བྱ་བ་སྣ་ཚོགས་ཤིག་དཀའ་ཚེགས་མེད་པར་གང་འདོད་དུ་བསྒྲུབ་ཆོག་པ་དེ་ག་ཡིན་ ཏེ། འཇིག་རྟེན་འདིར་ཚན་རིག་དར་ནས་ལོ་སུམ་བརྒྱ་ཡས་མས་ལས་མ་འདས་པའི་སྔ་རོལ་ཏུ་ལོ་དང་ཟླ་བ་དུ་མའི་བར་འགྲུབ་དཀའ་བའི་བྱ་བའི་ རིགས་དེང་སང་ཆུ་ཚོད་སྐར་ཆ་དུ་མའི་ཡུམ་ཙམ་རེས་བདེ་བླག་ཏུ་འགྲུབ་པ་དང་། སྔོན་ཆད་མི་རང་ཁས་ཤིག་གི་བློ་ཡུལ་དུ་གཏན་ནས་མི་ཤོང་བ་ རྣམས་ཀྱང་དེར་སྐབས་རྩོལ་བ་ཆེར་མ་བརྟེན་པར་མི་དཀྱུས་མ་དག་གིས་ཀྱང་བེད་སྤྱོད་བྱེད་ཤེས་པར་མ་ཟད། ཧ་ཅང་སྟབས་བདེ་ཡིན་པ་དང་། འཚོ་ བའི་ནང་ཉེར་སྤྱོད་ཕལ་བའི་ཚོད་ཙམ་དུ་ལོངས་སྤྱོད་པར་གྱུར་པ་དང་། འཇིག་རྟེན་མི་ཆོས་ཕར་ཟད་དམ་པའི་ལྷ་ཆོས་ཀྱི་ཕྱོགས་ལའང་བཀོལ་སྤྱོད་ མང་དུ་བྱ་རྒྱུ་ཡོད་པ་དང་། འཛམ་གླིང་ཧྲིལ་བོར་ཕྱི་རོལ་གྱི་དངོས་པོའ་ི འཚོ་བ་མཐའ་དག་ཡར་རྒྱས་ཆེན་པོ་བྱུང་སྟེ་འཇིག་རྟེན་འཕུར་གྲུ་བཟོས་ཏེ་ཟླ་ བའི་སྟེང་བགྲོད་ཅིང་དེའི་གནས་ཚུལ་རྣམས་ལ་ནི་རྨི་ལམ་ཙམ་ཡང་འབྱུང་དཀའ་བའི་མིག་འཕྲུལ་ལྟར་གང་འདོད་ཀྱི་ཡོད་བྱད་སྣ་ཚོགས་བསྐྲུན་པ་ སོགས་ལ་བལྟ་རིས་ན་དངོས་གནས་ཧ་ལས་པ་ཞིག་རེད། ངན་པའི་ཆ་ནི་ལས་འབྲས་ལ་ཡིད་མི་ཆེས་པའི་ཚན་རིག་ལག་ཤེས་ཅན་འགའ་རེས་རྡུལ་ ཕྲན་མཚོན་ཆ་དང་དུག་དང་རྫས་འགྱུར་གྱི་མཚོན་ཆ་སྣ་ཚོགས་པ་བགྲང་གི་མི་ལང་བ་ཞིག་བཟོས་ཏེ། ས་འོག་ས་སྟེང་ཐམས་ཅད་བཀང་བས་འཛམ་ གླིང་ཧྲིལ་བོ་སྐད་ཅིག་ཉིད་ལ་བརླག་པའི་ཉེར་བསྡོམས་བརྩམས། བར་སྣང་དང་རླངས་རིམ་དང་སྐམ་ས་རྒྱ་མཚོ་དང་བཅས་པའི་ཁོར་ཡུག་མ་ལུས་ པ་མི་གཙང་བ་འབག་བཙོག་གིས་གཏོར་བརླག་ཚད་མེད་པ་བྱས་པས་མཐར་འགྲོ་བ་མིའི་རིགས་དང་སྲོག་ལྡན་ཀུན་ས་སྒང་འདིར་འཚོ་ཐབས་བྲལ་ བ་ཞིག་ཏུ་བསྒྱུར་དང་སྒྱུར་བཞིན་ཡོད་པ་དང་། ཚན་རིག་གིས་ཕྱིའི་དངོས་པོ་འབའ་ཞིག་ཡར་རྒྱས་སུ་བཏང་བཔའི་རྐྱེན་གྱིས་ནང་ཉོན་མོངས་པའི་ རིགས་ནི་ཕྱིའི་དངོས་པོའ་ི དཔལ་ཡོན་ཇི་ལྟ་ཇི་ལྟར་འཕེལ་བ་དེ་ལྟ་དེ་ལྟར་ཁྲེལ་དང་ངོ་ཚ་བོར་ནས། ལས་རྒྱུ་འབྲས་མི་བརྩི་བར་གཡོ་སྒྱུ་ཁྲམ་གསུམ་ གྱིས་མི་ཚེ་བསྐྱལ་བ་དང་། འཇིག་རྟེན་གྱི་ཆེ་རྒན་པོ་རྣམས་ལ་བརྩི་བཀུར་དང་། ཆུང་གཞོན་པ་རྣམས་ལ་བྱམས་སྐྱོང་བྱེད་པར་ཕར་ཟད། རང་བསྐྱེད་ པ་པོ་དྲིན་ལྡན་ཕ་མ་ལ་ཡང་སྟེང་ཚིག་སྨྲ་ནས་ལྐོག་གཡོས་སྲོག་ལ་རྒོལ་བ་མང་བ་དང་། རང་མཐོ་རང་ཆེ་བསམ་པས་ཇི་ལྟར་ན་རང་ཁོ་ན་འཇིག་ རྟེན་འདིར་འཚོ་བ་སྐྱིད་པོ་ཞིག་རོལ་བ་ལ་ཐབས་བརྒྱ་བཙལ་ཏེ་འབད་པ་མ་གཏོགས། རྒྱལ་གཅེས་ཆོས་གཅེས་དང་འཛམ་གླིང་ཞི་བདེའི་མིང་ཙམ་ ཡང་ཡིད་ཀྱི་དགུ་ལ་མི་འཆར་བར་དེའི་ཕྱོགས་ལ་འགལ་རྐྱེན་བཟོ་བ་ནི་ས་ཆེན་པོའ་ི རྡུལ་གྲངས་དང་མཉམ་པ་ལྟར་ཆེས་མང་བས། སྤྱི་ཚོགས་ཧྲིལ་ བོའ་ི མི་ཆོས་གཙང་མའི་སྲོལ་བཟང་ཡ་རབས་ཀྱི་བྱ་བ་རྣམས་ཆེས་ཆེར་ཉམས་རྒུད་ཆེན་པོ་ཐེབས་པས་མི་ཕལ་མོ་ཆེའི་བྱ་སྤྱོད་རྣམས་ཤིན་ཏུ་ཡི་མུག་ པའི་གནས་སུ་གྱུར་པ་དག་ཡིན་ནོ།། དེས་ན་དེང་རབས་ཚན་རིག་གི་ལག་རྩལ་དར་བ་ལས་སྐྱེ་འགྲོ་ཡོངས་ཀྱི་ལུས་སྲོག་ལ་གནོད་པ་ཚད་མེད་པ་བྱེད་པ་དང་ཁོར་ཡུག་གཏོར་བརླག་ ཚབས་ཆེན་གཏོང་བ་སོགས་འདི་སྡུག་ཕྱི་སྡུག་བྱེད་པ་དག་ནི་ཕན་པ་ལས་གནོད་ཚབས་ཆེ་བས་གནས་སྐབས་ཀྱི་ཁེ་ཕན་ཕྲན་བུ་ཙམ་ལ་མི་བལྟ་ བར་འགྲོ་བ་མིའི་རིགས་ཀྱི་མ་འོངས་པའི་མདུན་ལམ་ལ་ཕྱི་མིག་ཅིག་བལྟས་ཏེ་རྒྱང་རིང་དུ་དོར་བར་བྱ་བ་ལ། དེ་ལྟ་མ་ཡིན་པའི་འཇིག་རྟེན་ལ་ཕན་ ངེས་པའི་ཚན་རིག་ལག་རྩལ་རྣམས་ནི་ལེགས་པར་སྦྱངས་ནས་ལག་བསྟར་བྱས་ན་འཛམ་གླིང་ཧྲིལ་བོར་རྒྱུ་ནོར་ལོངས་སྤྱོད་ཡར་རྒྱས་གོང་འཕེལ་དུ་ འགྲོ་བ་ལ་ཕན་པ་ལེགས་པོ་འབྱུང་བས་སྦྱང་བར་བྱ་བ་ལ་བརྩོན་པར་རིགས་སོ། སྤྱིར་མི་རང་རང་གི་མདུན་ལམ་ཇི་འདྲ་ཞིག་ཏུ་འགྱུར་བ་ནི་སེམས་ ཅན་གཞན་ལ་གནོད་འཚེ་མི་བྱེད་པ་དང་། གཞན་ཕན་སྒྲུབ་པའི་བསམ་པ་བཟང་བོ་འདི་གཉིས་ཡོད་མེད་ཀྱི་རྗེས་སུ་འགྲོ་ལྡོག་བྱེད་པ་ཁོ་ན་ལས་ གཞན་དམིགས་སུ་མེད་པས་ན་ཤེས་ནས་སྨྲ་བ་ཡོངས་ཀྱིས་འདི་གཉིས་ལ་གཟབ་ནན་བྱེད་པ་ཤིན་ཏུ་ནས་ཀྱང་གལ་འགངས་ཆེ་བར་སྙམ། གཞན་ ཡང་མི་རིགས་དང་སྤྱི་ཚོགས་ཡར་རྒྱས་ཟེར་བ་དེ་ཡང་ཕྱིའི་ལོངས་སྤྱོད་ཡར་རྒྱས་སུ་འགྲོ་དགོས་ནའང་གཙོ་བོ་ནང་སེམས་ཀྱི་བསམ་བློའ་ི འཁྱེར་སོ་ ཇེ་བཟང་དུ་འགྲོ་དགོས་པ་ལས། རང་ཁོ་ན་བདེ་བའི་ཆེད་དུ་གཞན་མི་བདེ་བར་འདོད་པ་དང་། རང་འབྱོར་བ་ལྡན་པའི་ཕྱིར་དུ་གཞན་ཕོངས་པར་ འདོད་པ་དང་། དེ་བཞིན་དུ་གནོད་སེམས། ལོག་ལྟ། གཡོ་སྒྱུ། ཧམ་སེམས་སོགས་བསམ་ངན་གྱིས་ཀུན་ནས་བསླངས་ཏེ་འཇིག་རྟེན་ཧྲིལ་བོ་སྤྱོད་ངན་ སྣ་ཚོགས་ཀྱིས་གང་ན་ཕྱིའི་ལོངས་སྤྱོད་ནི་ཇི་ལྟར་འཛོམས་ཀྱང་ཕན་པ་སྤུ་རྩེ་ཙམ་ཡང་མེད་པར་མ་ཟད་ཚེ་འདི་ཕྱི་གཉིས་ཀར་སྡུག་བསྔལ་སྐྱེ་བྱེད་

གྱི་སྣ་འདྲེན་དང་ཕུང་འདྲེ་ཙམ་དུ་འགྱུར་རོ། དེའི་རྐྱེན་གྱིས་སྐྱེ་འགྲོ་སུ་ཞིག་གིས་འདི་ཕྱི་ཀུན་ལ་བདེ་ཞིང་སྐྱིད་པར་འདོད་ཕན་ཆད་རང་སེམས་གྱོང་ པོ་འདི་མི་འཆོས་ཐབས་མེད་ཡིན་ནོ། འདི་འཆོས་པ་ལ་ཐོག་མར་རང་ཉམས་ལ་དཔགས་ཏེ་གཞན་ལ་དངོས་སུ་འཚེ་བ་ཕར་ཞོག་གནོད་པའི་བསམ་ པ་ཙམ་ཡང་སྤོང་དགོས་པར་མ་ཟད། ལྷག་བསམ་རྣམ་པར་དག་པས་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་གནས་སྐབས་ཀྱི་བདེ་ བ་དང་། མཐར་ཐུག་གཏན་གྱི་བདེ་བའི་གོ་འཕང་མཆོག་ལ་ཅི་ནས་ཀྱང་འགོད་པར་བྱའོ་སྙམ་པའི་སྒོ་ནས་བྱང་ཆུབ་མཆོག་ཏུ་སེམས་བསྐྱེད་ཅིང་ ། བདེ་བ་ཐོབ་བྱེད་དང་སྡུག་བསྔུལ་སེལ་བྱེད་ཀྱི་ཐབས་ལམ་ཟབ་མོ་ཚང་ལ་མ་ནོར་བ་ཡང་དག་པ་ཞིག་སྟོན་པ་སངས་རྒྱས་ཀྱིས་བསྟན་པ་ལྟར་ལག་ ཏུ་ལེན་དགོས་པ་ཡིན། དེ་ལྟར་ལྷུར་ལེན་གྱིས་ཐ་ན་འབུ་སྲིན་ཚུན་ཆད་རང་དབང་དུ་འཚོ་ཞིང་གནས་ལ། མིའི་རིགས་མཐའ་དག་ལ་འདྲ་མཉམ་གྱི་ ཐོབ་ཐང་ངོས་གཙང་ཞིག་ཐོབ་ནས་སེམས་ཅན་ཐམས་ཅད་ཞི་བདེ་མཆོག་ལ་འགོད་པར་མཛད་དགོས་པ་ནི་མེད་མི་རུང་གི་སངས་རྒྱས་ཆོས་ལུགས་ ཀྱི་དམིགས་ཡུལ་མཐར་ཐུག་ཡིན། དེ་འདྲའི་དམིགས་ཡུལ་རྣམས་མངོན་གྱུར་བྱེད་པ་ལ་གོ་རིམ་ངེས་ཅན་ཞིག་ལ་མ་བརྟེན་པར་མི་འགྲུབ་པས་ན། ཐོག་མར་རང་རྒྱུད་ལ་སྡུག་བསྔལ་སྐྱེད་བྱེད་ཀྱི་རྒྱུ་ཉོན་མོངས་པ་སྤོང་བའི་ཐབས་བཅོས་ནས་རང་གི་བསམ་སྤྱོད་ཀྱི་གོ་རྟོགས་ཇེ་བཟང་དུ་གཏོང་རྒྱུ་ ཤིན་ཏུ་གལ་ཆེ། དེ་འདྲའི་གོ་རྟོགས་ལེགས་པོ་ཞིག་ཆགས་ན་གཞན་ལ་ཆེས་ཆེར་བརྩེ་བ་སྙིང་རྗེ་ཆེན་པོ་སོགས་ཐབས་མཁས་ཀྱི་བྱ་བ་དང་། གཞན་ དོན་རྐྱང་བ་སྒྲུབ་པ་ལ་ཞུམ་མེད་འགྱུར་མེད་ཀྱི་སྙིང་སྟོབས་ཆེན་པོ་དང་། བླང་བྱ་དང་དོར་བྱའི་གནས་རྣམས་ལ་མ་འཁྲུལ་མ་ནོར་བར་སོ་སོར་རྟོགས་ པའི་ཆོས་རབ་ཏུ་རྣམ་འབྱེད་ཀྱི་ཤེས་རབ་མཆོག་ཀྱང་རིམ་བཞིན་འབྱུང་ལ། དེ་ལྟར་གྱུར་ཚེ་མ་འོངས་པར་དཀའ་ངལ་ཅི་ལ་ཐུག་ན་མི་སྐྲག་པ་དང་། འགྲོ་བའི་བདེ་སྐྱིད་ལ་ཧུར་བརྩོན་བྱེད་པའི་སྤོབས་པ་བླ་ན་མེད་པ་ཐོབ་སྟེ། ཁོར་ཡུག་སྲུང་སྐྱོབ་སོགས་རླབས་ཆེན་གྱི་ལས་དོན་གང་བསྒྲུབ་པ་ལ་མཐུ་ ཐོགས་པ་མེད་ཅིང་མིང་དོན་མཐུན་པའི་སྐྱེས་བུ་ཕུལ་བྱུང་ཅན་ཞིག་ཏུ་འགྱུར་བ་ལ་ཐེ་ཚོམ་མེད་དོ།།

སྔོན་སངས་རྒྱས་ཤཱཀྱ་ཐུབ་པས་ཐོག་མར་མཁའ་མཉམ་སེམས་ཅན་ཐམས་ཅད་རིས་སུ་མ་ཆད་པར་མ་གཅིག་ལ་བུ་གཅིག་ཡོད་པ་ལྟར་གཅེས་ལ་ ཕངས་པའི་རྣམ་པ་ཅན་གྱིས་ཐུགས་བརྩེ་བ་སྙིང་རྗེ་ཆེན་པོའ་ི གཞན་དབང་དུ་གྱུར་ཏེ། དེ་དག་ཐམས་ཅད་གཏན་གྱི་བདེ་བ་ལ་འགོད་པའི་ཕྱིར་དུ་ བྱང་ཆུབ་མཆོག་ཏུ་སེམས་བསྐྱེད་པ་ནི་ནམ་མཁའ་བཞིན་དུ་མཐའ་མེད་པ། རྒྱ་མཚོ་བཞིན་དུ་གཏིང་ཟབ་པ། རི་རབ་བཞིན་དུ་བརྗིད་ཆགས་ཤིང་འགྲོ་ དོན་རླབས་པོ་ཆེ་བྱ་དཀའ་ལ་གྲངས་མང་བ་བསྐལ་ཆེན་དུ་མར་ཐུགས་ཉམས་སུ་བསྟར་བ་ལ་བརྟེན་ནས། མཐར་སྐྱོན་ཀུན་ཟད་ཡོན་ཏན་ཀུན་རྫོགས་ ཀྱི་ངོ་བོར་གྲུབ་པའི་རྣམ་པ་ཐམས་ཅད་མཁྱེན་པའི་གོ་འཕང་མངོན་དུ་བྱས་པ་དེ་ཡང་ལག་རྩེར་སོན་པ་ཞིག་ངེས་པར་འོང་ངོ་། ཡོན་ཏན་དེ་དག་ཀྱང་དངོས་པོའ་ི ནུས་ཤུགས་ཀྱིས་ཡིན་པ་མ་གཏོགས་རྒྱུ་འབྲས་ཀྱི་ཆོས་ཉིད་ལས་བརྒལ་ཏེ་འདོད་པ་ཙམ་གྱིས་དེ་དག་རང་བརྡོལ་ དུ་སོང་བ་གཏན་ནས་མིན་པ་ཤེས་པར་གྱིས། གཞན་ཡང་ཚན་རིག་གི་རིགས་པ་འདི་འཛམ་གླིང་གི་ཆོས་ལུགས་ནི་དད་མོས་ཙམ་མ་ཡིན་པར་ རིགས་པ་འབའ་ཞིག་གཙོ་བོར་གྱུར་པས། གཞི་ལམ་འབྲས་གསུམ་དང་། ལྟ་སྒོམ་སྤྱོད་གསུམ་གང་ལའང་རིགས་པ་རྣམ་དག་མེད་པ་མེད། ཇི་ལྟར་ ཡང་ཚན་རིག་གི་རིགས་པ་ཙམ་ལ་བ་སྤུ་ཙམ་ཡང་འགུལ་དོན་མེད། ཅི་ཞེ་ན། རིགས་པ་གསར་བས་ཇི་སྙེད་ཅིག་བཤད་པ་ཐམས་ཅད་སངས་རྒྱས་ ཆོས་ལུགས་ཀྱི་ནང་དུ་མ་འདུས་པ་མེད། ལོ་སུམ་བརྒྱ་ཡར་མར་གྱི་ནང་བྱུང་ཟིན་པའི་ཚན་རིག་གི་རྙེད་དོན་མཐའ་དག་ལས་ཆེས་ཡ་མཚན་པའི་ རིགས་པ་ནི་ལྟོས་གྲུབ་རིགས་པ་དང་ཚད་རྡུལ་ནུས་ཤུགས་ཀྱི་རིགས་པ་འདི་དག་ཡིན། དེ་གཉིས་སངས་རྒྱས་ཆོས་གཞུང་གི་བརྗོད་བྱ་རྒྱ་མཚོར་ཆུ་ ཕྲན་ལྟར་འདུས་པ་ལས་ཨེན་ཙམ་ཡང་བརྒལ་མི་ཐུབ་སྟེ། དེ་དག་སྟོན་པ་སངས་རྒྱས་ཀྱིས་གནའ་སྔ་མོ་ནས་གསུང་ཟིན་པའི་ཕྱིར་རོ། དེའི་ཕྱིར་ཚན་ རིག་ཞིབ་འཇུག་གི་གྲུབ་འབྲས་བཟང་བོ་འཁྲུལ་མེད་ཀྱི་ཆ་རྣམས་ནི་འཇིག་རྟེན་གནོད་མེད་ཀྱི་ཤེས་རིག་གི་རྙེད་དོན་ཡིན་པས། དེའི་ཚུལ་ནི་བདག་ ཅག་གི་བསྟན་པའི་བདག་པོ་སྟོན་པས་ཀྱང་ཞལ་གྱིས་བཞེས་ཏེ། ཁོང་གིས་འཇིག་རྟེན་ང་དང་ལྷན་ཅིག་རྩོད་ཀྱི། ང་ནི་འཇིག་རྟེན་དང་མི་རྩོད་དེ། གང་འཇིག་རྟེན་ན་ཡོད་པར་འདོད་པ་དེ་ནི་ངས་ཀྱང་ཡོད་པར་བཞེད་དོ། ཞེས་ཤིན་ཏུ་གསལ་བར་གསུངས་པས་ན་གསར་མཐོང་གི་གྲུབ་དོན་ཆེས་ ངོ་མཚར་བ་དག་ཀྱང་ཕར་དེད་ན་ཕྱིའི་དངོས་པོ་རྣམས་ཀྱི་གནས་ཚུལ་རགས་པ་ཞིག་གི་ཐོག་ནས་བཤད་པ་ཡིན་ལ། ནང་བ་སངས་རྒྱས་པའི་གྲུབ་ མཐའ་ལས་ཇི་ལྟ་བ་དང་ཇི་སྙེད་པའི་ཤེས་བྱ་མཐའ་དག་དངོས་གཙོ་རིགས་པའི་ལམ་ནས་ཞིབ་འཇུག་བྱས་ཏེ་གསལ་བར་གཏན་ལ་འབེབས་ཚུལ་ལ་ བལྟོས་ན་ཚན་རིག་གི་རིགས་པས་གཏན་ཕབ་བྱས་པ་རྣམས་གཏིང་མི་ཟབ་ཅིང་གནས་སྐབས་ཀྱི་སྣང་ཚུལ་ཙམ་ཞིག་ཏུ་ཟད་དོ།

འོན་ཀྱང་ཁ་ཅིག་གིས་ཚན་རིག་ལག་རྩལ་ཆེས་ཆེར་དར་ན་དེས་མ་ཆོག་པ་མེད་པས། འཇིག་རྟེན་སྲོལ་རྒྱུན་གྱི་རིགས་པ་སྤྱི་དང་། ཁྱད་པར་དུ་ སངས་རྒྱས་ཆོས་ལུགས་འདི་མི་དགོས་པར་མ་ཟད་རྗེས་ལུས་དང་རྙིང་ཞེན་གྱི་བསམ་པ་ཡིན་པས་འདོར་བར་བྱ་དགོས་ཞེས་ཟེར་བ་དག་ནི། འཇིག་ རྟེན་མི་ཆོས་དང་དམ་པའི་ལྷ་ཆོས་ཟུང་གི་གནས་ལུགས་ཡེ་ནས་མ་རྟོགས་པས་རང་གི་དེ་ཉིད་གསལ་བར་བསྟན་ཅིང་མཁས་པའི་མདུན་སར་དབྱུང་ དུ་མི་རུང་བའི་འཆོལ་གཏམ་ཁོ་ནའོ། འོ་ན་ཚན་རིག་ལག་རྩལ་ཤིན་ཏུ་དར་བའི་ནུབ་ཕྱོགས་ཀྱི་རྒྱལ་ཁབ་ཁག་མང་བོས་ཆོས་ལུགས་སྣ་ཚོགས་པ་ལ་ དད་མོས་བྱེད་པ་ལ་ལྟོས་དང་། དེ་དག་གིས་དམ་པའི་ཆོས་ལུགས་ལ་མ་བརྟེན་པར་ཚན་རིག་ཁོ་ནས་འཛམ་གླིང་ཞི་བདེ་བསྐྲུན་མི་ཐུབ་པ་མ་རྟོགས་ པར་འོལ་ཚོད་ཀྱིས་ཆོས་ལུགས་ལ་ཞུགས་པ་ཨེ་རེད། ཚན་རིག་ལག་རྩལ་ནི་ཇི་ལྟར་དར་རྒྱས་སུ་སོང་ཡང་དེས་སངས་རྒྱས་ཆོས་ལུགས་ཀྱི་ཚབ་བྱེད་ ཐབས་གཏན་ནས་ཡོད་པ་མ་རེད། ཚན་རིག་པ་ལ་འཇིག་རྟེན་གྱི་སྐྱེ་རྒ་ན་འཆིའི་སྡུག་བསྔལ་རྩ་བ་ནས་ཞི་བར་བྱེད་པའི་ནུས་པ་གཏན་ནས་མེད་ པར་མ་ཟད། ཚེ་འདིར་ནང་སེམས་ཀྱི་ཞི་བདེ་ཁྱད་པར་བ་ཙམ་ཡང་སྒྲུབ་པར་བྱེད་པའི་ནུས་པ་རི་བོང་རྭའི་མཆེད་ཟླར་གྱུར་ཏོ།། དེ་ཕྱིར་ནུབ་ཕྱོགས་ཀྱི་ཚན་རིག་པ། ཨ་མེ་རི་ཁའི་རབ་འབྱམས་པ་ཝེ་ཧྲི་ན་རེ། ལོ་བརྒྱ་ཕྲག་ཁ་ཤས་ཀྱི་རིང་ལ་འགྲོ་བ་མིའི་རིགས་ཀྱིས་ཚན་རིག་ ལག་རྩལ་ལ་དོན་དང་མི་མཐུན་པའི་ཡིད་ཆེས་བྱས་ཏེ། ཚན་རིག་ལག་རྩལ་འདི་ཁྱོན་ཡོངས་ནས་འཕེལ་རྒྱས་བྱུང་བའི་རྗེས་སུ་མིའི་རིགས་ཀྱི་ནད་ ཀྱི་སྡུག་བསྔལ་ཐག་གཅོད་བྱེད་ཐུབ་པ་དང་། དེར་མ་ཟད་མིའི་རིགས་དམུ་རྒོད་ཀྱི་ནགས་ཁྲོད་སྟུག་པོ་ལས་ཐར་པར་བྱེད་པའི་ལམ་བསྐྲུན་ནས་ནད་ དང་དབུལ་ཕོངས་དང་སྐྱོ་གདུང་དང་སྡུག་བསྔལ་རྣམས་ལས་རྒྱང་རིང་དུ་འབྲལ་བར་བྱེད་དོ་སྙམ་དུ་བསམས་སོ། འོན་ཀྱང་ཚན་རིག་ལག་རྩལ་ལ་ བརྟེན་པ་རྐྱང་བས་ནི་མིའི་རིགས་ཀྱི་གནད་དོན་ཐག་གཅོད་བྱ་མི་ནུས་པར་ང་ཚོས་ད་ལྟ་ཤེས་ཏེ། ཚན་རིག་ལག་རྩལ་ལ་བརྟེན་ནས་བྱ་བ་བཟང་

པོའང་བསྒྲུབ་ཆོག་ལ་ངན་པའང་བསྒྲུབ་ཆོག་གོ། མཛངས་པ་དང་ཤེས་རབ། འདྲ་མཉམ་ཀྱི་བློ་ཁོ་ནས་ཚན་རིག་ལག་རྩལ་སྤྱད་ན། ད་གཟོད་ཚན་རིག་ ལག་རྩལ་གྱིས་ང་ཚོ་ལ་རོགས་རམ་བྱེད་ཐུབ། དེས་ན་ང་ཚོས་ངེས་པར་དུ་ཡང་དག་པའི་འདྲ་མཉམ་གྱི་བསམ་པ་དེ་རྙེད་དགོས། བྱམས་པའི་སེམས་ ནི་འདྲ་མཉམ་དེའི་རྩ་བ་ཡིན་ཞེས་དང་། ཚན་རིག་པ་རྣམས་ཀྱི་གཙུག་རྒྱན་ཨོལ་བྷིལ་ཐུ་ཨན་ཤི་ཐན་གྱིས་ཀྱང་ཆོས་ལུགས་མི་ལྡན་པའི་ཚན་རིག་ ནི་ཞ་བོ་ཡིན། ཞེས་སྨྲས་སོ། དེ་ལྟར་ཚན་རིག་པ་ཕལ་མོ་ཆེའི་བཞེད་ཚུལ་ནི། ཚན་རིག་གིས་ཕྱིའི་དངོས་པོ་རྣམས་ཀྱི་ངོ་བོ་ཇི་ལྟར་ཡིན་པ་གཏན་ལ་ འབེབས་ཐུབ་ཀྱི། ནང་ཀུན་སློང་དང་ཀུན་སྤྱོད་ལེགས་ཉེས་ཀྱི་རྣམ་གཞག་རྣམས་གཏན་ལ་འབེབས་མི་ཐུབ། གལ་ཏེ་ཀུན་སློང་དང་ཀུན་སྤྱོད་ལེགས་ ཉེས་ལ་ཚད་གཞི་ངེས་ཅན་ཞིག་མེད་ན། མི་རྣམས་ཀྱི་སྤྱོད་པ་ཡ་མ་ཟུང་དུ་གྱུར་ནས་ཚད་གཟུང་ཅི་ཡང་མེད་ལ། དེ་ལྟར་མཐར་སྤྱི་ཚོགས་ཧྲིལ་པོ་ འཆོལ་ཉོག་ཏུ་འགྱུར་སྙམ་དུ་སེམས་སོ། དེས་ན་འཛམ་གླིང་ཞི་བདེ་དང་། འཇིག་རྟེན་བདེ་སྐྱིད་ཡོང་རྒྱུའི་གཞི་རྩ་ཡང་ནང་བསམ་པའི་ཀུན་སློང་ལ་ རག་ལས་པ་ཡིན་པས་ཚན་རིག་གི་དམིགས་ཡུལ་འགྲུབ་བྱེད་མཐར་ཐུག་ནི་སངས་རྒྱས་ཆོས་ལུགས་ཀྱི་བསྟན་དོན་ནང་སེམས་ལ་ཞིབ་འཇུག་བྱེད་ ཚུལ་འདི་ཁོ་ན་ལ་ཐུག་ཡོད་དོ།

བོད་ཀྱི་རྒྱལ་རབས་སོ་གཉིས་པ་ཆོས་རྒྱལ་ཆེན་པོ་སྲོང་བཙན་སྒམ་པོ་ཞེས་མཚན་སྙན་གྱི་བ་དན་ས་གསུམ་ན་གཡོ་བ་གང་གིས་ཀྱང་། ལྷ་ཆོས་དགེ་ བ་བཅུ་དང་མི་ཆོས་གཙང་མ་བཅུ་དྲུག་གི་ཁྲིམས་མཛད་དེ་བསྟན་སྲིད་གཉིས་ཀ་སྟབས་གཅིག་ཏུ་བསྐྱངས་པ་ལ་བརྟེན་ནས་བོད་ཀྱི་ལུགས་སྲོལ་ མངའ་ཐང་ཁྱད་པར་བ་ཞིག་གསར་གཏོད་གནང་བ་དེ་འདྲ་རེད། ཡང་མཁས་པར་རློམ་པ་འགའ་ཞིག་གིས་སངས་རྒྱས་ཆོས་ལུགས་ལ་ཞིབ་འཇུག་ གཟབ་ནན་བྱ་མ་ནུས་པར་གཞན་གྱི་ཟེར་སྒྲོས་ཙམ་གྱི་རྗེས་སུ་འབྲངས་ཏེ། སངས་རྒྱས་ཆོས་ལུགས་ནི་སེམས་ཀྱི་དྲན་ཚུལ་ཙམ་དུ་གདའ། ནང་དོན་ ཅི་ཡང་མེད་པས་སེམས་གཙོ་རེད་ཟེར་མོད། ཁོས་བཤད་པའི་སེམས་དང་། སངས་རྒྱས་ཆོས་ལུགས་ལས་གསུངས་པའི་སེམས་གཉིས་ལ་ཡིན་མིན་ དང་གོ་དོན་གྱི་ཁྱད་ཡོད་པར་མ་ཟད། ཚན་རིག་པས་བཤད་པའི་སེམས་དང་། སངས་རྒྱས་ཆོས་ལུགས་ལས་གསུངས་པའི་སེམས་གཉིས་ལ་ཡང་ གནམ་སའི་ཁྱད་པར་ཡོད་དེ། ཚན་རིག་པས་བཤད་པའི་སེམས་དེ་ནང་བ་སངས་རྒྱས་པ་ལྟར་ན་འདུ་ཤེས་ཀྱི་དོད་ཐུབ་ཙམ་མ་གཏོགས་སངས་རྒྱས་ ཆོས་ལུགས་ལས་བཤད་པའི་ཕྱོགས་ཙམ་ཡང་མ་རེད། ད་དུང་ཤིན་ཏུ་རྟོགས་དཀའ་བ་ལྟ་བ་རྣམ་པར་དག་པའི་མཐའ་ལས་གྲོལ་ཚུལ་ལ། ཚན་རིག་པ་ རྣམས་མ་རིག་པའི་སྦུབས་སུ་ཚུད་དེ་རང་གི་འདོད་པའི་འདུ་ཤེས་ཀྱི་འཆར་སྣང་དེས་སྐྱོན་བརྗོད་བྱེད་པ་ནི། འདྲེ་ཤར་སྒོར་གནས་པ་ལ། གླུད་ནུབ་ སྒོར་སྐྱེལ་བ་དང་དཔེར་མཚུངས་པས་ཆེས་འཁྲུལ་བ་ཡིན་ནོ། ཤེས་བྱ་མཐའ་དག་ལག་མཐིལ་དུ་བཀྲམ་པ་ལྟ་བུའི་ངེས་ཤེས་འདྲེན་བྱེད་མཆོག་ཏུ་ གྱུར་པ་ནི། ནང་བ་སངས་རྒྱས་པའི་ཚད་མ་རིག་པ་ཡིན། དེས་མ་རྟོགས་ལོག་རྟོག་གི་མགོ་ལ་གནམ་ལྕགས་ཐོག་མདའ་ལས་ཀྱང་གཟི་དཔལ་ཆེ་བ་ གཏན་ཚིགས་ཡང་དག་གི་ལམ་ནས་རྣོ་རྡོ་རྗེ་ཕ་ལམ་གྱི་རིགས་པའི་མཚོན་ཆ་བརྒྱ་ཕྲག་གིས་བསྣུན་པ་ན་སྐད་ཅིག་ཉིད་ལ་བརླགས་ཏེ་ཤུལ་མེད་དུ་ གཏོང་ནུས། རིགས་པ་དེས་བརྟག་དཔྱད་ཞིབ་འཇུག་བྱེད་མི་ནུས་པའི་ཤེས་བྱ་ཞིག་འཇིག་རྟེན་ན་གཅིག་ཀྱང་མེད་ལ། དེས་སྤྱད་བསྡུར་ཟབ་བརླིང་ རྒྱ་ཆེ་བ་དེ་འདྲ་འཇིག་རྟེན་མེས་པོའ་ི བློ་རིག་ལས་ཀྱང་སྤྲུལ་ཐུབ་པ་མ་རེད། དེའི་རྐྱེན་གྱིས་ད་ལྟའི་ཚན་རིག་པ་རྣམས་ཀྱིས་ཀྱང་རང་གི་བློ་རིག་ དང་ཞིབ་འཇུག་གི་ཁྱབ་ཁོངས་རྒྱ་བསྐྱེད་དེ། ལོག་རྟོག་གི་དྲི་མ་ངན་པ་རྣམས་དམ་ཆོས་ལྷ་ཆོས་ཀྱིས་དག་པར་བྱས་ཏེ་མིག་གིས་འཛམ་གླིང་དང་ ། བློས་ཁམས་གསུམ་མཐོང་བ་ལ་བརྟེན་ནས་ལོ་ངོ་སུམ་སྟོང་ལྷག་གི་སྤྱི་ཚོགས་དེའི་འགྲོ་སྟངས་དང་གནས་སྟངས། རང་རང་གི་ཁམས་དང་བསམ་ པ་ལ་གཞིགས་ཏེ་གདུལ་བྱའི་ཞུས་ངོར་སྟོན་པ་བཅོལ་ལྡན་འདས་ཀྱིས་ཕྱི་སྣོད་ཀྱི་འཇིག་རྟེན་ཆགས་ཚུལ་དང་རྔམས་དཔངས་རྣམས་རྒྱུ་གང་ལས་ གྲུབ་ཚུལ་སོགས་དང་། ནང་བཅུད་སེམས་ཅན་གྱི་ཟག་བཅས་ཉེར་ལེན་གྱི་ཕུང་བོ་འདི་རྒྱུ་རྐྱེན་ཚོགས་པ་ལས་གྲུབ་ཚུལ་སོགས་དངོས་ཡོད་ངོ་མ་ ཞིག་ད་ལྟའི་ཚན་རིག་དང་མཐུན་པར་གསུངས་པ་ལ་ཡིད་ཆེས་བསྐྱེད་དེ། ཡང་དག་པའི་སངས་རྒྱས་ཆོས་ལུགས་ཀྱི་ལྟ་བ་འདི་ལམ་གྱི་སྲོག་ཏུ་བྱས་ ནས། འཇིག་རྟེན་ཡ་རབས་ཀྱི་སྤྱོད་པ་བཟང་པོའ་ི གྲུབ་ཆ་རྣམས་གཞིར་བཞག་ཐོག་དེང་རབས་ཀྱི་ཚན་རིག་གི་ལེགས་ཆ་གཉིས་ཟུང་དུ་སྦྲེལ་བའི་ སྒོ་ནས་མ་འོངས་པའི་འགྲོ་བ་མིའི་རིགས་ལ་བསམ་སྤྱོད་ཀྱི་ཁྱད་ཆོས་ལྡན་ཞིང་། འཚོ་གནས་ཉེས་པ་མེད་པ། མཛེས་སྡུག་གི་ཁོར་ཡུག་ལྡན་པ་ཞིག་ བསྐྲུན་རྒྱུ་ནི་སྙིང་ཁྲག་གི་དྭངས་མ་དང་། ནང་ཆོས་ཀྱི་རྨང་རྡོ་ཡང་དེ་ཡིན། ཡང་གཅིག་བཤད་ན་རང་ཅག་རྣམས་ཚེ་རབས་ཐོག་མ་མེད་པ་ནས་ད་ ལྟའི་བར་མ་རིག་པའི་དབང་གིས་རང་ཁོ་ན་གཅེས་པར་བཟུང་ནས་སེམས་ཅན་གཞན་ཡལ་བར་དོར་ནས། ལས་འབྲས་ཀྱི་རྣམ་གཞག་སོགས་ལ་བློ་ ཁ་མ་ཕྱོགས་པར་ཁྱད་བསད་ཀྱིས་ཡང་དག་པར་རྫོགས་པའི་སངས་རྒྱས་ཀྱི་ལམ་ལ་རྒྱབ་ཀྱིས་ཕྱོགས་ཏེ། འདི་ཕྱིའི་བདེ་སྐྱིད་ཀྱི་གཤེད་དུ་གྱུར་པའི་ འདོད་ཆགས་ཞེ་སྡང་གཏི་མུག་ང་རྒྱལ་ཏེ་ཉོན་མོངས་པའི་གཞན་དབང་དུ་གྱུར་ཏེ། ཚིག་འཁྲི་སྐམ་པོས་སྤྱི་ཚོགས་བདེ་འཇགས་དང་། དམངས་གཙོ། མཐུན་སྒྲིལ། ཡར་རྒྱས། འཛམ་གླིང་ཞི་བདེའི་ཆེད་དུ་སྨྲ་བྱེད་བརྒྱ་སྟོང་དུ་སྤྲུལ་ནས་འུར་སྒྲོག་ཇི་ལྟར་བྱེད་ཀྱང་ངལ་བ་དོན་མེད་དང་། དེའི་ཆེད་ཚན་ རིག་ལག་རྩལ་གྱིས་ཕྱིའི་བཟོ་སྐྲུན་སྣ་ཚོགས་ས་སྟེང་བཀང་བར་བྱས་ཀྱང་། འགྲོ་བ་མིའི་ནང་སེམས་ཀྱི་བདེ་སྐྱིད་དང་འཛམ་གླིང་ཞི་བདེའི་རྒྱུར་འགྲོ་ བ་ཕར་ཟད། འཐབ་རྩོད་འཁྲུག་ལོང་སོགས་འཇིག་རྟེན་ཕུང་བྱེད་ཀྱི་གཞིར་གྱུར་ཏེ། མཐར་སའི་གོ་ལ་ཧྲིལ་བོ་འདི་ཇི་ལྟར་འགྱུར་སྙམ་པས་འགྲོ་བ་ ཡོངས་ཀྱི་སེམས་ཁོང་ཆུ་ལྟར་གྲང་བཞིན་སོམ་ཉིའི་དྲ་བར་ཚུད་དེ་འཇིགས་ཡེ་རེ་གནས་དགོས་པ་ནི། གནའ་མི་བོད་ཀྱི་གཏམ་དཔེར། འཆི་བ་རང་ ལ་གསལ་གསལ། མ་ཎི་རང་གིས་ཤེས་ཤེས་ཞེས་བཤད་པ་ལྟར་བསམ་བཞིན་ཤེས་བཞིན་དུ་འཕྲལ་གྱི་བདེ་བ་ཙམ་གྱི་ཕྱིར་དུ་རང་གཞན་ཀུན་གྱི་མ་ འོངས་པའི་མདུན་ལམ་རྩ་བ་ནས་མེད་བརླག་བྱས་པ་མ་ཡིན་ནམ། དེས་ན་འཛམ་གླིང་གི་ཡར་སྐྱེས་ན་གཞོན་ཤེས་ལྡན་མཐའ་དག་གིས་རང་ཅག་གིས་མདུན་ལམ་བརླག་བྱེད་ནང་གི་བཀྲ་མི་ཤེས་པའི་རིགས་གཏན་ འགོག་བྱས་ཏེ། སངས་རྒྱས་ཆོས་ལུགས་ཀྱི་དགོངས་དོན་ལྟར་ལག་ལེན་གནད་འགྲོ་ཞིག་བྱ་དགོས་པ་ནི་གནད་ཀྱི་དོན་པོ་རང་ཡིན་ནོ། དེང་སང་ལ་ ལས་ཡང་དག་པའི་ལམ་གྱི་གནད་འགགས་ལ་ཐུག་ཚེ་དེའི་ཕྱོགས་མི་འཛིན་པར་གང་སླ་སར་བསྙེགས་ཏེ། དམ་པའི་ཆོས་ལས་དེང་རབས་ཀྱི་ཚན་ རིག་འདི་ཡ་མཚན་དུ་བརྩིས་ནས་མཐོ་སྙེག་བྱེད་པ་ན་ཡང་། སྤྱིར་དེ་དག་རྣམས་ལ་ཡ་རབས་ཀྱི་གོམས་སྲོལ་ཧ་ཅང་ཞན་ཏེ་བག་ཆགས་སྲབ་པའི་ སྟབས་ཀྱིས་ལམ་སྲོལ་བཟང་བོར་ཡིད་མ་ཆེས་པ་རེད་སྙམ། འོལ་ཚོད་ཀྱིས་མ་ཡིན་པར་ཡང་དག་པའི་དོན་ལ་ཚད་མའི་ལམ་ནས་ངེས་ཤེས་འདྲེན་པ་ ལ་འབད་པས་གོམས་ན་དཀའ་བར་མི་འགྱུར་བས། དཔེར་ན། རྒྱ་གར་དུ་པཱ་ལའོ་ཏོ་པཱ་པའི་ཟེར་དམག་དཔོན་ཞིག་ཡོད་པ་དེས་དམག་ནས་དགོངས་

པ་འཁྲོལ་ཏེ་ཕྱིར་ཐོན་རྗེས་ནང་བ་སངས་རྒྱས་པའི་ཡོ་གའི་རྒྱུད་ལ་ལོ་བཅུ་ལྷག་ཙམ་རིང་སྦྱངས་བརྩོན་ཆེན་པོ་མཛད་དེ། རྣམ་པར་མི་རྟོག་པའི་ཏིང་ ངེ་འཛིན་གྱི་འཚོ་གནས་ཀྱིས་ཟས་དང་གཉིད་དང་དབུགས་གཏོང་ལེན་མི་དགོས་པར་ལྕགས་སྒམ་སྲུབས་མེད་ཅིག་གི་ནང་དུ་ཉིན་སུམ་ཅུ་སོ་གཉིས་ ཀྱི་རིང་ལ་མཉམ་པར་བཞག་པ་སོགས་ངོ་མཚར་བའི་གྲུབ་རྟགས་སྣ་ཚོགས་བསྟན་པ་ལ། ནུབ་བྱང་རྒྱལ་ཁབ་སོ་སོས་ཐབས་ཤེས་རྩལ་སྤྲུགས་ཀྱིས་ ཞིབ་འཇུག་བྱེད་བཞིན་ཡོད་པ་རེད། སྤྱི་ལོ་༡༩༨༢ ཟླ་ ༥ ཚེས་ ༢༠ ཉིན་གྱི་མཚོ་སྔོན་བོད་ཡིག་གསར་འགྱུར་ན་གསལ། འདིས་མཚོན་པའི་གནའ་ ནས་ད་ལྟའི་བར་སངས་རྒྱས་ཆོས་ལུགས་ཀྱི་དགོངས་དོན་ལག་བསྟར་གྱིས་ངེས་པ་རྙེད་དེ་ས་ལམ་གྱི་རྟོགས་པ་བརྙེས་པ་འཛམ་གླིང་ན་བགྲང་ལས་ འདས་པ་ཡོད་པ་རེད། ད་ལྟ་རང་གིས་དངོས་སུ་མ་མཐོང་མ་ཐོས་པར་ཡིད་མི་ཆེས་ཤིང་དེ་དག་སྒྲུང་གཏམ་ལྟ་བུ་ཞིག་ཏུ་བཟུང་བ་ལ། (རྣམ་འགྲེལ་) ལས། མ་མཐོང་ཕྱིར་ན་མེད་པ་མིན་ཞེས་གསུངས་པ་ལྟར་ཁྱོད་ཀྱིས་མ་མཐོང་ན་མེད་པ་གཏན་ནས་མ་ཡིན་ཏེ། མན་ཆིང་རྒྱལ་རབས་ཀྱི་དུས་མཇུག་ གི་དགེ་སློང་སྙན་ངག་པ་པོ་ཏོ་པྱག་མཛུབ་བརྒྱད་པར་གྲགས་པ་དེས་ཀྱང་རང་གི་ཉམས་མྱོང་གསུང་དོན། བསམ་གཏན་ཉིད་ཉིན་གཅིག་བསྒོམས་པ་ དེ། སེ་གོལ་གཏོགས་ལྟར་སྐད་ཅིག་ཙམ། ཞེས་པ་ལྟར་གྱི་ཚད་མེད་པའི་ཡོན་ཏན་རྣམས་ལ་ད་ལྟ་ཚན་རིག་པས་ཇི་ལྟར་དཔྱད་ཀྱང་གྲོག་མ་ཐང་ཆེན་ དུ་ལྷུང་བ་ལྟར་ངལ་བ་ཙམ་ལས་གར་ཡང་མི་ཕྱིན་ཏོ། དེས་ན་སངས་རྒྱས་ཆོས་ལུགས་ནི་ཆོས་ལུགས་གཞན་པ་ལྟར་གཏན་ཚིགས་ལྟར་སྣང་བ་བདེན་ཞེན་གྱིས་རྨོངས་རྟགས་མཚོན་པ་ལྟ་བུར་གཏན་ནས་ མ་ཡིན་པར་ཡང་དག་རིགས་པའི་རྨང་གཞིའི་སྟེང་ནས་བསྐྲུན་པའི་ཚན་རིག་དངོས་གནས་འཇིག་རྟེན་ན་བསྒྲུན་དུ་མེད་པ་ཞིག་རེད་ཅེས་ཚད་མར་ བཟུང་ན་ཆོག་ང་ཚོའི་ད་ལྟའི་ཚན་རིག་གི་ཞིབ་འཇུག་བྱ་ཡུལ་ནི། ཡུལ་རགས་པ་ཕྱིའི་དངོས་པོ་གཅིག་པུ་ཙམ་ལས་ཀྱང་གཟུགས་སྒྲ་གཉིས་སུ་ཟད་ དེ། དེ་གཉིས་ཀྱང་ཞིབ་འཇུག་གི་ཁྱབ་ཁོངས་སུ་གྱུར་ཡོད་པ་དཀོན་ཚོད་དུ་གདའ། ཡིན་ཡང་ཐུན་མོང་དུ་བེད་སྤྱོད་པའི་ཚན་རིག་གི་དངོས་ཀྱི་ལག་ ལེན་འདི་དག་ནི་སྔ་ན་མ་བྱུང་བའི་ཁྱད་ཆོས་ཡིན་པ་ལ་ཡི་རང་བྱེད་པའི་གནས་ཁོ་ནར་མཆིས། སྤྱིར་ཤེས་བྱའི་ཡུལ་རྒྱ་ཆེ་བས་ད་ལྟའི་ཚན་རིག་ གིས་འདི་ཙམ་ཞིག་ལས་གཞལ་རྟོགས་མ་ནུས་པར་ཤེས་བྱ་ལྷག་ལུས་སུ་གྱུར་ན། ང་ཚོའི་དམིགས་ཡུལ་གྱི་གཙོ་བོ་འཛམ་གླིང་ཞི་བདེའི་འབྲས་བུ་ མངོན་གྱུར་བྱེད་མི་ནུས། དེ་མ་ཐུབ་ཕྱིན་འཕྲལ་གྱི་བྱ་བ་ཟས་གོས་ཙམ་གྱི་ཆེད་དུ་སྲོག་བསྡོས་ཀྱིས་མི་ཚེ་ཟད་པར་གདོན་མི་ཟའོ།།

གང་ལྟར་ཀྱང་ཞི་བདེ་ཐོབ་པ་ལ་ཆ་རྐྱེན་ངེས་ཅན་ཞིག་ལ་བརྟེན་དགོས་པ་རེད། དེ་ཐོབ་བྱེད་ཀྱི་ཆ་རྐྱེན་གང་དུ་འཛོམས་ན་སངས་རྒྱས་ཆོས་གཞུང་ ལས་འཇིག་རྟེན་ན་གཞན་དམིགས་སུ་མེད་པ་རེད། སྟོན་པ་སངས་རྒྱས་ཀྱིས་ཕྱི་ནང་གི་ཆོས་མཐའ་དག་མངོན་སུམ་དུ་གསལ་བར་གཟིགས་ནས་ མིའི་འགྲོ་བ་རབ་འབྲིང་ཐ་གསུམ་གྱི་ཁམས་དང་བསམ་པ་བག་ལ་ཉལ་བ་ཇི་ལྟ་བ་བཞིན་གང་ལ་གང་འདུལ་གྱི་ཐབས་མཁས་སྤྱོད་པས་འཁོར་བ་ སྡུག་བསྔལ་གྱི་རྒྱ་མཚོ་ལས་བདེ་བླག་ཏུ་ཐར་བའི་ཐབས་བླ་ན་མ་མཆིས་པ་ཚང་ལ་མ་ནོར་བ། འགྲོ་བ་སུས་ཀྱང་ཉམས་སུ་ལེན་ནུས་ན་ཞི་བདེའི་ འབྲས་བུ་མངོན་གྱུར་བྱེད་པ་ལ་ཐེ་ཚོམ་མེད་པ་ཞིག་བསྟན་ཡོད་པ་རེད། དེའི་ཕྱིར་སྟོན་པ་སངས་རྒྱས་ནི་འཇིག་རྟེན་ན་འགྲན་ཟླ་མེད་པ་ཞིག་དང་ ། དེའི་གསུང་གི་ཆ་ཤས་ཙམ་ལའང་འཛམ་གླིང་སྐྱེ་དགུའི་ལྕེ་རྩེ་ཙམ་ཡང་གཡོ་མ་ནུས་པར་ཧ་ལས་པ་ཞིག་ཡིན་པའི་སྟབས་ཀྱིས་འཇིག་རྟེན་གྱི་རྣམ་ འདྲེན་ཐམས་ཅད་མཁྱེན་པའི་ཡེ་ཤེས་ཀྱི་གཟི་འོད་ལ་མ་བརྟེན་པར་ཞི་བདེར་བགྲོད་པའི་ལམ་མི་རྙེད་པས་ན། ཤེས་པར་བྱ་བ་ལ་རྨོངས་པའི་དབང་ གིས་མ་བཤད་ལོག་བཤད་ཉོག་བཤད་ཀྱིས་འཇིག་རྟེན་རྨོངས་པར་བྱེད་པ་དག་གི་རྗེས་སུ་མ་འབྲངས་པར་འཛམ་གླིང་གི་ཤེས་ནས་སྨྲ་བ་དག་གིས་ སྤྱི་ཚོགས་སྟེང་སྔ་རྗེས་ལ་གང་ཕན་དང་། དྲང་བདེན་གྱི་ལམ་ལ་ཞུགས་ཏེ་འུ་ཅག་ཚང་མ་དཔུང་བ་མཉམ་གཤིབས་དང་། གོམ་གང་མདུན་སྤོས་ཀྱིས་ སངས་རྒྱས་ཆོས་གཞུང་ལས་སློབ་སྟོན་ཇི་ལྟར་གནང་བ་ལྟར་ལག་ལེན་ལ་འབད་པར་རིགས་སོ། དེ་ལྟར་ན་ཚན་རིག་གི་དེད་དཔོན་བླ་ན་མེད་པ་ སངས་རྒྱས་ཤཱཀྱ་མུ་ནེ་ཡིས། སེམས་ཅན་གྱི་རྒྱུད་ཀྱི་ཉོན་མོངས་བརྒྱད་ཁྲི་བཞི་སྟོང་གི་གཉེན་པོའམ་དེ་འདུལ་ཐབས་སུ་ཆོས་ཕུང་བརྒྱད་ཁྲི་བཞི་སྟོང་ གསུངས་པ་རྣམས་ཀྱི་བསྟན་དོན་མཐའ་དག་ད་ལྟའི་ཚན་རིག་དང་སྦྱར་ནས་རྣམ་གསལ་ཞིག་བཤད་པ་ལ་འདི་ཙམ་གྱིས་རྔོ་མི་ཐོགས་མོད། འོན་ཀྱང་ འདིར་མཛུབ་མོས་རི་སྟོན་གྱི་ཚུལ་དུ་མགོ་འབུས་ཙམ་བརྗོད་པ་ལས། སྤྲོ་ན་སངས་རྒྱས་ཆོས་གཞུང་ལ་ཞིབ་འཇུག་གི་གོ་རིམ་བརྒྱུད་དེ་མཁྱེན་པར་ མཛོད་ཅིག་ཅེས་ཞུའོ། ༤ ནང་ཆོས་དེ་ལྟར་ཡིན་ན་དེ་མཛད་པ་པོ་ཇི་ལྟར་དཔྱད་པ།

དེས་ན་ནང་བ་སངས་རྒྱས་པའི་དམ་པའི་ཆོས་ལུགས་ནི་དེ་ལྟར་ལགས་ན། དེ་གསུང་པ་པོ་སངས་རྒྱས་ཤཱཀྱ་ཐུབ་པ་ནི་ཚད་མའི་སྐྱེས་བུར་ཇི་ལྟར་ སྒྲུབ་ཅེ་ན། (རྣམ་འགྲེལ་)ལས། ཚད་མ་བསླུ་མེད་ཅན་ཤེས་པ། ཞེས་གསུངས་པ་ལྟར་ཚད་མ་ཞེས་པ་ནི། ཤེས་བྱ་རྟོགས་པ་ལ་ཡང་དག་པའམ་བསླུ་བ་ མེད་པ་ཞིག་ལ་ཟེར། མི་བསླུ་བ་ལ་ཁྱད་ཆོས་གསུམ་དང་ལྡན་པ་ཞིག་དགོས་ཏེ། ཇི་སྐད་དུ། མི་བསླུ་ལས་དང་བྱེད་པོ་དང་། བྱ་བ་གསུམ་གྱི་བདག་ ཉིད་ཅན། ཞེས་པ་དེ་ལྟ་མིན་ན་མཐའ་གཅིག་ཏུ་མི་བསླུ་བར་མི་འགྲུབ་པའི་ཕྱིར་རོ། དེ་ལྟ་བུའི་ཚད་མས་གཞལ་བའི་རྣམ་གཞག་རྣམས་བདེན་པ་དང་ ། དོན་ལ་གནས་པ་དང་། ཡང་དག་པ་དང་། བསླུ་བ་མེད་པའི་ཆ་ནས་ཡིན་པ་དང་། (རྣམ་འགྲེལ་)ལས། དེ་ལྡན་བཅོམ་ལྡན་ཚད་མ་ཉིད། ཅེས་པ་ལྟར་ སྟོན་པ་ཤཱཀྱང་ཐུབ་པའང་མི་བསླུ་བར་ངེས་པའི་ཕྱིར། ཁོང་གིས་གསུངས་པའི་རྣམ་གཞག་རྣམས་ཀྱང་བདེན་པ་དང་། དོན་ལ་གནས་པ་དང་། ཡང་ དག་པ་དང་བསླུ་བ་མེད་པ་ཡིན་ནོ། དེ་ལྟ་བུའི་ཡོན་ཏན་ཁྱད་པར་ཅན་རྣམས་དངོས་གཙོ་སྨྲ་བའི་ལམ་ནས་རིགས་པ་ཡང་དག་པས་གཏན་ལ་ཕབ་པ་ལས། འཛམ་གླིང་གི་གྲུབ་མཐའ་ གཞན་པ་ལྟར་རྟགས་ལྟར་སྣང་ཙམ་ལ་བརྟེན་ནས་འཇིག་རྟེན་གྱི་བྱ་དངོས་རྣམས་རྒྱུ་རྐྱེན་གཞན་ལ་རག་མ་ལས་པར་གྲུབ་པའམ། ལྷ་ཚངས་པ་ དང་ཉི་ཟླ་སོགས་འཇིག་རྟེན་བྱེད་པ་པོ་ཡིན་པས་དེ་དག་གིས་བསྐྲུན་པར་འདོད་པ་རྣམས་དང་། ཁྱད་པར་དུ་ཚན་རིག་ལག་རྩལ་གྱི་ཤེས་ཡོན་གྱིས་ འཇིག་རྟེན་དངོས་པོའ་ི བྱེ་བྲག་ཀྱང་མཚར་བསྐྲུན་དང་སྐྲུན་བཞིན་པ་རྣམས་ཀྱིས་ཀྱང་། རང་བློས་དཔོག་ཚོད་ཀྱིས་ཞིབ་འཇུག་བརྒྱུད་དེ་ནང་བསམ་ བློའ་ི འཁྱེར་སོ་ལ་དོ་སྣང་མ་བྱས་པར་རང་སེམས་ཉོན་མོངས་པའི་གཞན་དབང་དུ་གྱུར་ཏེ། གཙོ་བོར་རང་ཕྱོགས་ཀྱི་ཁེ་ཕན་སྒྲུབ་པ་ལ་ཉེ་བར་ཕྱོགས་ ནས་ཚེ་འདིའི་ཕུན་ཚོགས་ཀྱི་ཆེད་དུ་ལུས་སྲོག་ལའང་མ་བལྟས་པར་ངལ་བ་དོན་མེད་དུ་མི་ཚེ་ཟད་ནས་གཞན་དོན་རླབས་ཆེན་སྒྲུབ་པར་རློམ་པ་

རྣམས་ཀྱི་ངང་ཚུལ་ལྟར་གཏན་ནས་མ་ཡིན་ཏེ། (ཚད་མ་མདོར་)ཚད་མར་གྱུར་པ་འགྲོ་ལ་ཕན་བཞེད་པ། བསྟོན་པ་བདེ་གཤེགས་སྐྱོབ་ལ་ཕྱག་འཚལ་ ཏེ། ཞེས་སོགས་གསུངས་པ་ལྟར་བདག་ཅག་གི་སངས་རྒྱས་བཅོམ་ལྡན་འདས་ཚད་མའི་སྟོན་པར་གྱུར་པ་ནི། རྒྱ་མེད་རང་བྱུང་གི་ཚད་མ་མ་ཡིན་གྱི། རྒྱུ་ཕུན་སུམ་ཚོགས་པ་ལས་ཚད་མར་འཁྲུངས་པར་གྱུར་པ་ཞིག་ལའོ། རྒྱུ་ཇི་ལྟ་བུ་ལས། ཚད་མ་ཇི་ལྟ་བུའི་ངོ་བོ་འཁྲུངས་པ་ལ་ཞེ་ན། རྒྱུ་བསམ་སྦྱོར་ ཕུན་ཚོགས་ལས། འབྲས་བུ་དོན་གཉིས་ཕུན་ཚོགས་ཀྱི་ཚད་པར་འཁྲུངས་པ་ལའོ། དེ་ཡང་རྒྱུ་བསམ་པ་ཕུན་ཚོགས་ནི། ཕྱོགས་རེ་བ་ཙམ་མ་ཡིན་པར་ མཁའ་ཁྱབ་ཀྱི་འགྲོ་བ་མཐའ་དག་སྡུག་བསྔལ་ལས་སྒྲོལ་བར་བཞེད་པའི་ཐུགས་རྗེ་ཆེན་པོའ།ོ རྒྱུ་སྦྱོར་བ་ཕུན་ཚོགས་ནི། བདག་མེད་མངོན་སུམ་དུ་ རྟོགས་པའི་ཤེས་རབ་འཁོར་དང་བཅས་པ་སྟེ་རྒྱུ་བསམ་སྦྱོར་གཉིས་དང་། འབྲས་བུ་རང་དོན་ཕུན་ཚོགས་ནི། ཁྱད་པར་གསུམ་ལྡན་གྱི་སྤངས་པ་ཕུན་ ཚོགས་ངོ་བོ་ཉིད་སྐུ་དང་། ཁྱད་པར་གསུམ་ལྡན་གྱི་རྟོགས་པ་ཕུན་ཚོགས་ཟག་པ་མེད་པའི་ཡེ་ཤེས་གཉིས་ཏེ་སྤངས་རྟོགས་ཀྱི་ཡོན་ཏན་ཕུན་ཚོགས་ གཉིས་དང་ལྡན་པ་དང་། འབྲས་བུ་གཞན་དོན་ཕུན་ཚོགས་ནི། ཁོང་རང་ཉིད་ཀྱིས་གཟིགས་པའི་མངོན་པར་མཐོ་བ་དང་ངེས་པར་ལེགས་པའི་ལམ་ མཐའ་དག་རང་ཉིད་ཀྱིས་ཇི་ལྟར་གཟིགས་པའི་ཉམས་མྱོང་ཚད་གྲུབ་ལྟར་གཞན་ལ་ལེགས་པར་བསྟན་པའི་སྒོ་ནས། འགྲོ་བ་མཐའ་དག་སྡུག་བསྔལ་ ལས་སྒྲོལ་བའི་ཕྱིར་སྐྱོབ་པ་ཞེས་གསལ་བར་བསྟན་དོ།

དེས་ན་སྟོན་པ་ཤཱཀྱ་ཐུབ་པ་ནི། ཚད་མར་གྱུར་ཚུལ་དང་། འགྲོ་ལ་ཕན་པར་བཞེད་ཚུལ། རང་དོན་ཕུན་ཚོགས་ཀྱིས་བདེ་བར་གཤེགས་པ་ཡིན་ཚུལ། གཞན་དོན་ཕུན་ཚོགས་ཀྱིས་འགྲོ་བ་རྣམས་སྐྱོབ་ཚུལ་སོགས་ཀྱི་ཡོན་ཏན་མཐའ་དག་པར་ཇི་ལྟར་བརྗོད། འདིར་ནང་བསྟན་ལ་ཞིབ་འཇུག་གི་ལམ་ ནས་གོ་བ་ཟབ་མོར་ཆགས་ཏེ། ཡིད་ཆེས་ཀྱི་རྒྱུ་འགྲོ་བ་རེ་ཨེ་སྲིད་སྙམ་ནས་ཕན་སེམས་ཀྱིས་ངོ་སྤྲོད་རགས་ཙམ་བྱས་པ་ཡིན་གྱི། གཞན་དུ་ན། ནོར་ ལྷའི་ཕྱོགས་སུ་ཁ་བལྟས་བྲག་ཕུག་ལ། ཉིན་བྱེད་འོད་སྟོང་ལྡན་ཡང་ཅི་ཞིག་བྱ། གསུངས་པ་ལྟར་ཚེ་སྔ་ཕྱི་དང་ལས་རྒྱུ་འབྲས་མེད་པར་འཛིན་པའི་ ལོག་པར་ལྟ་བ་དང་། ཕན་བདེའི་འབྱུང་གནས་སངས་རྒྱས་ཀྱི་བསྟན་པ་དང་སྟོན་པ་ལ་ཡིད་ཆེས་ཡེ་ནས་མེད་པའི་ཚན་རིག་ཅན་ནམ་ཡོན་ཏན་ཅན་ ཡིན་ཡང་དེ་དག་ལ་དོན་དུ་འགྱུར་བ་ཧ་ཅང་དཀའ་བས་བྱ་ཐབས་བྲལ་བ་ཡིན་ནོ། འོན་ཀྱང་སྟོན་པ་བཅོམ་ལྡན་འདས་ཀྱི་གསུང་རབ་ལས་བརྗོད་བྱ་ གཏིང་ཟབ་ཅིང་ཆེས་རྟོགས་པར་དཀའ་བ་རྣམས་མཐོང་བ་མངོན་གྱུར་ལ་མངོན་སུམ་དང་། མཐོང་བ་ལྐོག་གྱུར་ལ་རྗེས་དཔག་དང་། མ་མཐོང་བ་ཤིན་ ལྐོག་ལ་ཡིད་ཆེས་རྗེས་དཔག་གིས་གནོད་པ་མེད་ཅིང་རང་ཚིག་སྔ་ཕྱི་དང་། དངོས་ཤུགས་འགལ་བའི་གནོད་པ་མེད་པ་རྟོགས་པའི་ཚེ་ན། གསུང་ རབ་རྣམས་དཔྱད་གསུམ་གྱིས་དག་པའི་ལུང་ཡིན་པར་ཚད་མས་རྟོགས་པ་ཡིན་པས། དེ་ལྟར་རྟོགས་པ་ལ་ཞིབ་འཇུག་གི་ལམ་ངེས་ཅན་ཞིག་ལ་མ་ བརྟེན་པར་གསལ་བོར་རྟོགས་ཐབས་མེད་དོ། དེ་མ་རྟོགས་ཕྱིན་སྟོན་པ་སངས་རྒྱས་བཅོམ་ལྡན་འདས་ཀྱང་ཚད་མའི་སྐྱེས་བུ་ཐམས་ཅད་མཁྱེན་པ་ ཡིན་པར་གྲུབ་པའི་ཤེས་རྟོགས་སྐྱེ་མི་ནུས་སོ། ལར་སྟོན་པ་བཅོམ་ལྡན་འདས་ཚད་མའི་སྐྱེས་བུ་ཡིན་པའི་རྣམ་གཞག་འདི་ཐུན་མོང་ཚད་གྲུབ་ཀྱི་སྟེང་ ནས་འཇོག་དགོས་པ་ལས། རང་ནང་བ་ཡིན་པ་དང་། སྟོན་པ་ཤཱཀྱ་མུ་ནེ་ནང་བའི་སྟོན་པ་ཡིན་པའི་ཆ་ནས་མ་ཡིན་ཏེ། སྟོན་པ་ཐུགས་རྗེ་ཅན་གྱི་ཞལ་ ནས། ངའི་བསྟན་པ་འདི་ལ་རིགས་མི་གཙོ། རུས་མི་གཙོ། བསླབ་པ་གཙོ་ཞེས་གསུངས་ཏེ། ཡབ་རྒྱལ་བོ་ཟས་གཙང་གིས་ཀྱང་། ང་ཡི་བུ་ནི་རིགས་ དག་དང་། རུས་ལ་ངོ་མཚར་འཛིན་མ་ཡིན། ཡོན་ཏན་བདེན་པ་ཆོས་ཀྱི་རྣམ། དེ་ལ་འདི་ཡི་ཡིད་དགའ་འོ། ཞེས་ཆེད་དུ་བརྗོད་པ་ལྟར། ལུང་རྟོགས་ ཀྱི་ཡོན་ཏན་གང་ཆེ་དང་དེ་ལས་ཀྱང་བསླབ་པ་གང་མཐོ་གཙོ་ཞིང་། བསླབ་པ་རིན་པོ་ཆེ་རྣམ་པ་གསུམ་སྟེ། ལྷག་པ་ཚུལ་ཁྲིམས་ཀྱི་བསླབ་པ། ལྷག་ པ་ཏིང་ངེ་འཛིན་གྱི་བསླབ་པ། ལྷག་པ་ཤེས་རབ་ཀྱི་བསླབ་པ་རྣམས་ཀྱིའང་ཕྱི་མ་ཕྱི་མ་ལྷག་པར་གཙོ་ཆེ་བ་སོགས་ཀྱི་སྒོ་ནས་འཇིག་རྟེན་གྱི་འགྲོ་བ་ མིའི་རིགས་མཐའ་དག་ལ་འཕྲལ་ཕུགས་གཉིས་ཀར་ཕན་པ་དང་བདེ་བ་མ་ལུས་པ་སྒྲུབ་པར་བྱེད་པའི་ཡོན་ཏན་ཚད་མེད་པས་མངོན་པར་མཐོ་བའི་ སྒོ་ནས་ཚད་མའི་སྐྱེས་བུ་མཐར་ཐུག་ཏུ་འཇོག་དགོས་པ་ལས། ཚེ་འདིའི་མངའ་ཐང་གིས་མཐོ་བ་དང་། རིགས་རུས་ཀྱིས་མཐོ་བ་སོགས་རྙིང་ཞེན་དང་ རྨོངས་དད་ཀྱི་སྒོ་ནས་འཇོག་པ་ཞིག་གཏན་ནས་མ་ཡིན་ནོ། དེ་ལྟར་ཡིན་ཀྱང་འཛམ་གླིང་གི་མཁས་པ་སྔ་ཕྱི་ཕལ་མོ་ཆེས་རང་གཞན་སེམས་ཅན་ ཐམས་ཅད་སྡུག་བསྔལ་དང་བྲལ་ཞིང་། བདེ་བ་ཐོབ་བྱེད་ཀྱི་ཐབས་གཙོ་བོ་འཇིག་རྟེན་གྱི་བླང་དོར་གྱི་གནས་མཐའ་དག་གསལ་བར་བསྟན་པའི་ སངས་རྒྱས་ཆོས་ལུགས་ལ་ཡིད་མ་ཆེས་པ་དང་དེ་ལ་བློ་ཁ་ཙམ་ཡང་མ་ཕྱོགས་པར། རང་རང་གི་བློ་སྟོབས་ཀྱིས་འཇིག་རྟེན་བྱ་དངོས་ལ་ནུས་པ་རྩལ་ སྤྲུགས་ཀྱིས་ཚན་རིག་ཞིབ་འཇུག་གི་ཚོད་ལྟའི་ལམ་བརྒྱུད་དེ། ལག་རྩལ་འདྲ་མིན་སྣ་ཚོགས་ཀྱིས་འཇིག་རྟེན་འཚོ་ཐབས་ཀྱི་ཆ་རྐྱེན་ཆེས་མང་དུ་ བསྐྲུན་དང་སྐྲུན་བཞིན་པ་དག་ནི་ཆེས་ངོ་མཚར་ཞིང་བཀའ་དྲིན་ཆེ་བའི་གནས་ཡིན་མོད། འོན་ཀྱང་དེ་དག་ནི་གནས་སྐབས་ཀྱི་གཞན་དོན་ཉི་ཚེ་ བ་ཙམ་ལས་རླབས་ཆེ་བའི་དམངས་དོན་བསྒྲུབ་པའི་ཐབས་བཟང་བོ་ཞིག་དང་། འགྲོ་བ་མིའི་རིགས་ཀྱི་མདུན་ལམ་ཀྱི་མཐུན་རྐྱེན་དུ་མི་འགྲོ་བར་མ་ ཟད། ལས་ཉོན་གྱིས་བསྐྱེད་པའི་འཁོར་བ་སྡུག་བསྔལ་གྱི་རྒྱ་མཚོར་ཟོ་ཆུན་རྒྱུད་མོ་ལྟར་རང་དབང་མེད་པར་འཁོར་ཏེ་མུ་མཐའ་བྲལ་བའི་སྡུག་བསྔལ་ མྱོང་བྱེད་ཀྱི་རྒྱུ་འབའ་ཞིག་ཏུ་ཟད་དོ། དེ་ལྟ་མ་ཡིན་ན་ཐམས་ཅད་མཁྱེན་པའི་ཡེ་ཤེས་ཀྱིས་གསུངས་པ་མཐའ་དག་བསླུ་ཆོས་སུ་འགྱུར་དགོས་ཀྱང་ ། དེ་མི་འགྱུར་བ་ནི་མདོ་(ཏིང་ངེ་འཛིན་རྒྱལ་བོ་)ལས། ཟླ་བ་སྐར་མར་བཅས་པ་གནས་སྟོང་ཞིང་། རི་དང་གྲོང་དུ་བཅས་པའི་ས་ཞིག་ལ། ནམ་མཁའི་ ཁམས་ནི་རྣམ་པ་གཞན་གྱུར་ཀྱང་། ཁྱོད་ནི་མི་བདེན་པ་ཡི་ཚིག་མི་གསུངས། ཞེས་གསུངས་པ་ལྟར་ཚད་མའི་ལམ་ནས་དེ་བཞིན་གཤེགས་པའི་ གསུང་ལ་ཡིད་ཅེས་ཀྱིས་ངེས་ཤིས་བསྐྱེད་དེ་མྱོང་གྲུབ་ཀྱིས་གསུངས་པ་ཡིན་པས། འོན་ཀྱང་དེ་འདྲ་ཡིན་མིན་གཟུར་གནས་བློ་ལྡན་རྣམས་ཀྱིས་ཞིབ་ འཇུག་གི་ལམ་ནས་ཚོད་ལྟ་བྱས་ཆོག་གོ། འདིར་སྣང་གི་བྱ་གཞག་ལ་བདེན་ཞེན་གྱིས་འབད་པས་བསྒྲུབས་ནས་ཆེས་ཆེར་རློམ་པ་རྣམས་ལ་དཔལ་ འབྱོར་གྱིས་བསླུས་ནས་ངལ་བ་འབྲལ་མེད་དུ་སོང་བ་རྣམས་ད་ལྟ་རང་ཅག་གི་མིག་ལམ་དུ་མངོན་སུམ་དུ་གྲུབ་པ་དེས་ཀྱང་འཁུངས་སོ། དེ་ལྟ་སྟོན་པ་བཅོམ་ལྡན་འདས་ཤཱཀྱ་ཐུབ་པས། སྒྲིབ་གཉིས་ཟད་པར་སྤངས་པ་ལ་བརྟེན་ནས་སྐུ་ལ་མཚན་བཟང་སོ་གཉིས་དང་། དཔེ་བྱད་བརྒྱད་ཅུ་ ཚང་བ་དང་། གསུང་ལ་ཡན་ལག་དྲུག་ཅུ་རྩ་བཞིའི་ཡོན་ཏན་ལྡན། ཐུགས་ལ་ཇི་ལྟར་བ་དང་ཇི་སྙེད་པའི་ཆོས་ཐམས་ཅད་ལག་མཐིལ་གྱི་རྫས་བཞིན་ དུ་གསལ་བར་གཟིགས་པའི་མཁྱེན་པ་མངའ་བ་ཞིག་ཡིན་པའི་ཆ་ནས་རྐང་གཉིས་རྣམས་ཀྱི་མཆོག་སངས་རྒྱས་ཤཱཀྱ་ཐུབ་པ་ནི། འགྲོ་བ་མིའི་རིགས་ གཙོ་བོར་གྱུར་པའི་སྐྱེ་འགྲོ་ཡོངས་ཀྱི་མཐར་ཐུག་གི་སྐྱབས་གནས་བླ་ན་མེད་པ་ཞིག་དང་། མི་སུ་ཞིག་གིས་ཁོང་ལ་ཞེ་ཐག་པ་ནས་བློ་སྙིང་བྲང་ གསུམ་གཏོད་ཐུབ་ན་ནམ་ཡང་མི་བསླུ་སྙམ་ནས་འཇིག་རྟེན་གྱི་བདེ་འབྱོར་མཐའ་དག་ཆེད་དུ་མ་བསྒྲུབས་པར་སངས་རྒྱས་ཆོས་ལུགས་ཁོ་ན་གཅེས་

པར་བཟུང་བ་ཞིག་ཡིན་ལ། ལོ་ངོ་སུམ་སྟོང་གི་རིང་ལ་མཁས་བླུན། དྲག་ཞན། དབུལ་ཕྱུག་སྣ་ཚོགས་པའི་སྐྱེ་འགྲོ་བགྲང་ལས་འདས་པ་ཞིག་གིས་རང་ གི་ལུས་དང་སྲོག་ལས་ཀྱང་གཅེས་པར་བཟུང་བའི་རྒྱུ་མཚན་ཡང་དེ་ག་ཡིན་གྱི། དེ་མིན་གཞན་གྱི་ཁ་བཤད་ཙམ་མ་གཏོགས་ཕན་བདེའི་འབྲས་བུ་ རང་ལ་མྱོང་རྒྱུ་ཅི་ཡང་མེད་པ་ཞིག་ཡིན་ན་དེ་འདྲའི་ཕངས་སེམས་ཅི་ལ་བྱེད། དེའི་ཕྱིར་དེང་རབས་ཀྱི་རྩོམ་རིག་པ་དང་། བསམ་བློ་བ། གསར་བརྗེ་ བ་ཞེས་སྙན་གྲགས་ཤིན་ཏུ་ཆེ་བའི་རྒྱ་ནག་གི་སྐུ་ཞབས་ལུའུ་ཞུན་གྱིས་(མདོ་མཛངས་བླུན་)དང་། (རྣམ་འབྱོར་སྤྱོད་པའི་ས་)(དགའ་བོ་མངལ་འཇུག་ )དང་། (དཀོན་བརྩེགས་)(དུས་ཀྱི་འཁོར་ལོའ་ི ཕྱི་ནང་གསང་གསུམ་)སོགས་བཀའ་དང་བསྟན་བཅོས་མང་བོར་གཟིགས་ཏེ། ཁོང་གི་གྲོགས་པོ་ཞིའི་ ཧྲེག་ཁྲང་ལ་གསུངས་རྒྱུར། སངས་རྒྱས་ཤཱཀྱ་ཐུབ་པ་ནི་དངོས་གནས་ལ་མཁྱེན་དཔྱོད་ཆེན་པོ་དང་ཐམས་ཅད་མཁྱེན་པ་རང་རེད། ང་ཚོས་རྟག་ཏུ་ བགྲོད་དཀའ་བའི་མི་ཚེའི་དཀའ་གནད་མཐའ་དག་ཁོང་གིས་གནའ་སྔ་མོ་ཞིག་ནས་གསུངས་འདུག་ཅེས་བསྙད་པ་དང་། གཞན་ཡང་(བསྔགས་འོས་ བསྔགས་བསྟོད་)ལས། བདག་ནི་སྟོན་པ་གཞན་སྤངས་ནས། བཅོམ་ལྡན་ཁྱོད་ལ་བདག་སྐྱབས་མཆི། དེ་ཅིའི་སླད་དུ་ཞེ་ན་ཁྱོད། སྐྱོན་མི་མངའ་ལ་ཡོན་ ཏན་ལྡན། ཞེས་སོགས་གསུངས་པ་ལྟར་སྟོན་པ་དང་བསྟན་པའི་ཁྱད་པར་ཚད་མས་ངེས་ནས། གསུང་རབ་ཀྱི་དོན་ཉམས་སུ་བླངས་ཏེ་རང་རྒྱུད་ལ་ རྟོགས་པ་ཁྱད་པར་ཅན་སྐྱེས་པ་སྔོན་བྱུང་མུ་སྟེགས་པ་དང་ད་ལྟའི་ཚན་རིག་ཤེས་ཡོན་ཅན་ཆེས་མང་བོས་སྟོན་པའི་གསུང་བཞིན་རང་གི་ཉམས་མྱོང་ ཚད་གྲུབ་ཀྱི་སྟེང་ནས་ནང་ཆོས་ཀྱི་རང་རྐང་ཚུགས་པ་དང་། དབྱེར་མི་ཕྱེད་པའི་དད་པ་ལྡོག་ཏུ་མེད་པས་དེ་ལྟར་བསྔགས་བརྗོད་གནང་བ་ཡིན་ནོ། མདོར་བསྡུས་ན་དེའི་རྒྱུ་མཚན་མང་དུ་བཤད་ལྟ་ཅི་དགོས་ཏེ། སའི་གོ་ལ་ཧྲིལ་བོ་འདིའི་སྟེང་དུ་ཆགས་པའི་མི་རིགས་གཞན་དང་གཞན་སུ་ལའང་ མེད་པའི་གསུང་རབ་དགོངས་འགྲེལ་དང་བཅས་པ་ཇི་སྙེད་ཅིག་བཞུགས་པ་ལ་ཞིབ་གཟིགས་གནོང་དང་རྟོགས་པར་འགྱུར་རོ། འོན་ཀྱང་ནང་བ་ སངས་རྒྱས་པས་བསམ་པའི་དཔལ་ཡོན་ལས་དངོས་པོའ་ི དཔལ་ཡོན་ལ་དོ་སྣང་མི་བྱེད་པ་གཏན་ནས་མ་ཡིན་ཏེ། རྣམ་སྨིན་གྱི་འབྲས་བུར་གྱུར་པའི་ སྣོད་བཅུད་ཀྱི་ཡོན་ཏན་སྐྱེད་བྱེད་རྒྱུའི་རྣམ་གཞག་དང་། སྡུག་བསྔལ་གྱི་མིང་ཙམ་ཡང་མེད་པའི་དག་པའི་ཞིང་ལྟ་བུའི་སྣོད་ཀྱི་བཀོད་པ་ཕུན་སུམ་ ཚོགས་པ་འཛུགས་སྐྲུན་བྱེད་པའི་ཐབས་ཚུལ་གྱི་རྣམ་གཞག འདུས་བྱས་ཀྱི་ཆོས་ཐམས་ཅད་ཀྱི་རྒྱུ་རྐྱེན་བླ་ན་མེད་པ་གསོག་ཚུལ་དང་། དེའི་འབྲས་བུ་ ལོངས་སྤྱོད་གྱ་ནོམ་པ་ཇི་ལྟར་སྤྱད་ཚུལ་སོགས་མ་འཛིངས་པར་འདི་མ་གསུངས་བྱ་བ་ཞིག་གཅིག་ཀྱང་དབེན་པས། འགྲོ་བ་མིའི་རིགས་སུ་ཞིག་ཡིན་ རུང་སངས་རྒྱས་ཀྱི་གོ་འཕང་ཐོབ་པར་འདོད་ན་དཀོན་མཆོག་གསུམ་སྟེ། སངས་རྒྱས་དཀོན་མཆོག ཆོས་དཀོན་མཆོག དགེ་འདུན་དཀོན་མཆོག་ རྣམས་ལ་དད་པ་ཙམ་བྱས་ཀྱང་། དམ་པའི་ཆོས་ཚུལ་བཞིན་དུ་མ་བསྒྲུབས་པར་སོས་དལ་ཀུ་ཡངས་ངང་ནས་བསྡད་པས་མི་ཡོང་། ངེས་པར་དུ་རིག་ པའི་གནས་ཆེན་ལྔ་སྟེ། སྒྲ་རིག་པ་དང་། ཚད་མ་རིག་པ་དང་། བཟོ་རིག་པ་དང་། གསོ་བ་རིག་པ་དང་། ནང་དོན་རིག་པ་རྣམས་ལ་ཚུལ་བཞིན་དུ་ སྦྱངས་པ་གཤིས་ཕྱིན་པ་ཞིག་མ་བྱས་ཕྱིན། སངས་རྒྱས་ཀྱི་གོ་འཕང་ཕར་ཟད། ཚེ་འདིའི་འཚོ་ཐབས་ཕུན་སུམ་ཚོགས་པ་ཙམ་ཞིག་ཀྱང་སྒྲུབ་མི་ནུས་ པར་གསུངས་ཡོད་དེ། ཇི་སྐད་དུ། རིག་པའི་གནས་ལྔ་དག་ལ་བརྩོན་པར་མ་བྱས་ན། འཕགས་མཆོག་གིས་ཀྱང་ཐམས་ཅད་མཁྱེན་ཉིད་མི་འགྱུར་ཏེ། ཞེས་སོགས་གསུངས་པ་ལྟར་རོ། དེ་ལྟར་ཤེས་བྱ་མཐའ་དག་རྟོགས་བྱེད་ཀྱི་རིག་པའི་གནས་ལྔ་ལ་སྦྱངས་པ་ཙམ་གྱིས་མི་ཆོག་པར་གཙོ་བོར་རང་གིས་ གང་ཤེས་པ་རྣམས་ཅི་ནུས་ཀྱིས་ལག་བསྟར་བྱེད་པ་གལ་ཆེ། སེམས་ཅན་ལ་ཕན་འདོགས་བྱེད་ཀྱི་སྤྱོད་པ་རྣམ་དག་ཅིག་ཡོང་དགོས་ན། ནང་སེམས་ སྟེང་གི་ཀུན་སློང་བཅོས་མ་མ་ཡིན་པ་དངོས་མ་ཞིག་ཤིན་ཏུ་གལ་ཆེ། དེ་མ་ཡོང་ཕྱིན་ལུས་ངག་གི་སྤྱོད་པའི་སྟེང་ནས་ངལ་བ་ཅི་འདྲ་བརྟེན་ཀྱང་ དགོས་པ་ཆུང་བར་འགྱུར་རོ། དེས་ན་ནང་བ་སངས་རྒྱས་པས་སེམས་ཅན་ལ་སྦྱིན་པ་གཏོང་བ་དང་། སྡོམ་ཁྲིམས་སྲུང་བ། བཟོད་པ་སྒོམ་པ། བསམ་ གཏན་སྒོམ་པ། ཤེས་རབ་བསྐྱེད་པ་སྟེ་བྱང་ཆུབ་སེམས་དཔའི་སྤྱོད་པ་ཕར་ཕྱིན་དྲུག་ལ་སོགས་པ་ཉམས་ལེན་གྱི་མཐིལ་དུ་བྱས་ནས་སྒྲུབ་པ་རྣམས་ ཀྱང་། ཐོག་མར་རང་རྒྱུད་མ་བཏུལ་བར་གཞན་རྒྱུད་འདུལ་ཐབས་མེད་པ་ལ་དགོངས་ནས་བྱ་བའི་ཁྲོད་ཁེ་དང་རྒྱལ་ཁ་ཐམས་ཅད་གཞན་ལ་བྱིན། གྱོང་དང་ཕམ་ཁ་མཐའ་དག་རང་གིས་བླངས་ཏེ་བདག་འཛིན་གྱིས་རང་གཅེས་འཛིན་གྱི་བློ་ངན་སོགས་ཀྱི་གཉེན་པོར་བསྟེན་པ་རེད། དུག་གསུམ་ གྱིས་ཀུན་ལ་ཕན་བྱེད་ཀྱི་གཞི་རྩའི་བསམ་པ་བཟང་པོར་གནོད་ཅིང་། སྣམ་སྨིན་ཡིད་དུ་མི་འོང་བའི་རྒྱུ་བྱས་ཏེ་རང་འབྲས་ཚོར་བ་སྡུག་བསྔལ་འབྱིན་ པའི་རྒྱུ་མཚན་གྱིས་དུག་སྔོག་གི་ཡལ་ག་ཙམ་མ་ཡིན་པར་དེ་རྩ་བ་ནས་གཅོད་དགོས་པ་ལྟར་དཀའ་སྤྱད་ཀྱིས་ཉམས་སུ་ལེན་པ་རེད། ད་ལྟའི་སྤྱི་ ཚོགས་ཁྲོད་འཛམ་གླིང་སྤྱིས་ཚན་རིག་ལག་རྩལ་ལ་དོ་སྣང་ཧ་ཅང་ཆེན་པོ་བྱས་ཏེ་འཚོ་ཆས་སྐོར་སྐྲུན་པ་ལ་བལྟས་ན་ངོ་མས་བློའ་ི ཡུལ་དུ་མི་ཤོང་བ་ ཞིག་རེད་མོད། ཡིན་ན་ཡང་ནང་བསྟན་ཕྱོགས་ལ་ཞིབ་འཇུག་བྱེད་པ་ཕར་ཟད་འགྲོ་བ་མིའི་རིགས་ཀྱི་མི་འདྲ་བའི་གོམས་སྲོལ་སོགས་ལའང་མིག་ རྒྱང་ཧ་ཅང་ཐུང་བ་ཤེས་ཡོན་ཅན་དུ་རློང་པ་ཕལ་མོ་ཆེའི་དྲན་རྟོགས་ཡིད་ཀྱི་འཆར་སྣང་ལ། ཕན་པ་དང་བདེ་བ་མ་ལུས་པ་འབྱུང་བའི་སྒོ་གཅིག་པུ། ནང་བ་སངས་རྒྱས་པའི་བསྟན་པའི་གཞི་རྩ་ཐུན་མོང་བ་དང་ཐུན་མོང་མ་ཡིན་པའི་རིག་གནས་རྣམས་དར་སྤེལ་བྱེད་སའི་དགོན་པ་སྟེ། ཆོས་གྲྭའམ་ སློབ་གྲྭ་ནི། འཇིག་རྟེན་འཚོ་ཆས་ཙམ་གྱི་ཆེད་དུ་ཤེས་ཡོན་གྱིས་དབེན་ཞིང་། མི་གྲལ་ཁྱི་གྲལ་ན་མེད་པའི་མི་སྐོར་ཞིག་དེར་འཚོགས་ནས་ལོག་འཚོ་ ཁོ་ན་ལྷུར་ལེན་བྱེད་གྱིན་ལོས་ཡོད་བསམ་ཚོད་འདུག དེ་འདྲ་ཞིག་གཏན་ནས་མ་ཡིན་ཞིང་དེ་ནི་ལོག་རྟོག་འབའ་ཞིག་སྟེ། སྔོན་སྟོན་པ་སངས་རྒྱས་ ཐམས་ཅད་མཁྱེན་པས་འཛམ་གླིང་སྐྱེ་འགྲོ་ཡོད་དོ་ཅོག་སྡུག་བསྔལ་མཐའ་དག་ལས་བསྒྲལ་ཏེ། ཐར་པ་དང་ཐམས་ཅད་མཁྱེན་པའི་སར་བགྲོད་བྱེད་ ཕྱིན་ཅི་མ་ལོག་པའི་ཐབས་ལམ་ཟབ་མོ་འདི་གཏན་ལ་ཕབ་པ་ལ། སློབ་པ་ལམ་གྱི་གནས་སྐབས་སུ་དཀའ་སྤྱད་དཔག་ཏུ་མེད་པས་བསྐལ་ཆེན་གྲངས་ མེད་གསུམ་གྱི་ཡུན་ལ་འགྲོ་བ་སེམས་ཅན་ཐམས་ཅད་སྙིང་སྡུག་གི་བུ་ལ་མ་ཡིས་ཇི་ལྟར་བརྩེ་བ་ལས་ཀྱང་བརྒྱ་འགྱུར་སྟོང་འགྱུར་གྱིས་བརྩེ་བ་སྙིང་ རྗེ་ཆེན་པོས་རྒྱུ་ནོར་ལོངས་སྤྱོད་དང་བུ་དང་ཆུང་མ་རྣམས་ཕར་ཞོག་རང་གི་ལུས་སྲོག་ལ་ཡང་ཕངས་སེམས་མེད་པ་སྦྱིན་པ་བཏང་སྟེ། མཐར་ཚོགས་ གཉིས་རྫོགས་ནས་སྐྱོན་ཀུན་ཟད་དང་ཡོན་ཏན་ཀུན་རྫོགས་ལ་བརྟེན་ནས་ཐམས་ཅད་མཁྱེན་པའི་ཡེ་ཤེས་ཀྱིས་འཇིག་རྟེན་ཀུན་ལ་གཟིགས་ནས། རང་གི་ཉམས་མྱོང་ཚད་གྲུབ་ཀྱི་སྟེང་ནས་གཞན་ལ་མ་དཔེ་བསྟན་པའི་དམ་པའི་ཆོས་ཚུལ་རྣམས་མདོར་བསྡུས་ན། ལུང་རྟོགས་ཀྱི་བསྟན་པ་གཉིས་ཏེ། ལུང་གི་བསྟན་པ་སྡེ་སྣོད་གསུམ་དང་། རྟོགས་པའི་བསྟན་པ་ལ་བསླབ་པ་གསུམ་གྱི་ནང་དུ་མ་འདུས་པ་མེད་དེ་(མཛོད་)ལས། སྟོན་པའི་དམ་ཆོས་ རྣམ་གཉིས་ཏེ། ལུང་དང་རྟོགས་པའི་བདག་ཉིད་དོ། དེ་འཛིན་བྱེད་དང་སྨྲ་བྱེད་དང་། སྒྲུབ་པར་བྱེད་པ་ཁོ་ནའོ། ཞེས་གསུངས་པ་ལྟར་ལུང་གི་ཆོས་སྡེ་ སྣོད་གསུམ་ལ་འཆད་ཉན་བྱེད་ས་དང་། རྟོགས་པའི་བསྟན་པ་བསླབ་པ་གསུམ་གྱི་ཉམས་ལེན་བྱེད་སའི་ཆོས་གྲྭའམ་སློབ་གྲྭ་ཆེན་མོ་སྟེ། དགོན་སྡེ་

བཏབ་པ་ལ་བརྟེན་ནས་ཤཱཀྱ་ཐུབ་པའི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་བྱེད་པ་རེད། སྤྱིར་དགོན་པ་ཞེས་པ་ནི་འ་འུར་ཟང་ཟིང་དང་འདུ་ འཛི་མེད་པའི་ས་ཕྱོགས་དབེན་པའི་དོན་ལ་འཇུག་པ་དང་། དེ་ཆགས་སའམ་འཛུགས་ས་ནི། གྲོང་སྡེའམ་མི་མང་པོའ་ི འདུ་འཛིའི་ཁྲོམ་ར་ལས་རྒྱང་ གྲངས་གཅིག་བརྒལ་བའི་ཡུལ་ཚད་ལ་བྱེད། ཚེ་འདིའི་འཚོ་ཐབས་ཙམ་གྱི་ཆེད་དུ་འཐབ་རྩོད་འཁྲུག་ལོང་སོགས་སྡུག་བསྔལ་གྱི་ཀློང་བརྡོལ་བ་དང་། སྡར་བྱས་ཀྱི་སྡིག་འབྲས་སྨིན་པ་དག་ལས་ཅུང་ཙམ་རིང་བར་གནས་སྤར་ཏེ། དེ་དག་ཁོ་ནའི་དོན་རྐྱང་བ་སྒྲུབ་བྱེད་ཀྱི་ཐབས་འབའ་ཞིག་སྒྲུབ་པ་ལ་ ཉིན་མཚན་བར་མེད་དུ་འབད་འབུངས་བྱེད་ས་ཞིག་ལ་དགོན་པ་ཟེར། འདིར་དེའི་ཁྱད་པར་ཚིག་ཉུང་ཉུང་ཞིག་བརྗོད་པས་རྔོ་མི་ཐོགས་ཀྱང་ཞིབ་ པར་ནང་ཆོས་ལ་ཞིབ་འཇུག་གི་ལམ་ནས་ངེས་ཤེས་སྐྱེ་དགོས་མོད། ཡིན་ཡང་འདིར་དེའི་དོན་གོ་ཐོབ་ཙམ་རྒྱ་ཆེའི་མང་ཚོགས་ཀྱི་སྙན་ལམ་དུ་འབུལ་ བ་ལ། སྤྱིར་སངས་རྒྱས་ཤཱཀྱ་ཐུབ་པས་དམངས་དོན་ཁོ་ནར་དམིགས་ཏེ་འགྲོ་བ་སུ་ཞིག་ཡིན་ཀྱང་སྡུག་བསྔལ་མི་འདོད་པར་བདེ་བ་དོན་དུ་གཉེར་ ནས་ང་ལ་ཡིད་ཆེས་བྱེད་པ་རེ་སྲིད་ན། ངས་བསྟན་པའི་དམ་པའི་ཆོས་ཚུལ་འདི་རྣམས་ངེས་པར་དུ་ཉམས་ལེན་བྱེད་དགོས་ཞེས་སེམས་ཅན་བློ་རབ་ འབྲིང་ཐ་གསུམ་ལ་ཕན་བྱེད་ཐབས་ཚུལ་རྒྱ་ལམ་ལས་ཡངས་པ་ཞིག་བསྟན་ཡོད་པ་རེད། དཔེར་ན། མི་ཞིག་ལ་ན་ཚ་སོགས་ཅི་ཡང་མེད་པའི་ཚེ་ན་ སྨན་པ་ཞིག་ལ་བརྟེན་འདོད་མི་སྐྱེ། གལ་ཏེ་གློ་བུར་དུ་ན་ཚ་དྲག་པོ་ཞིག་བྱུང་ནས་དོ་གལ་ལ་ཐུག་པ་ན། ཚད་ལྡན་གྱི་སྨན་པ་མཁས་པ་ཞིག་མགྱོགས་ མྱུར་གྱིས་བཙལ་ནས་དེའི་ངག་བཞིན་ནད་ཀྱི་གཉེན་པོ་སྨན་བསྟེན་ནས་ནད་ལས་བདེ་བླག་ཏུ་གྲོལ་བ་བཞིན། འདོད་ཆགས་སོགས་ཉོན་མོངས་པའི་ ནད་ཀྱིས་གཟིར་ཏེ་བླང་དོར་གྱི་རྣམ་གཞག་ལ་བློ་གྲོས་ཀྱི་མིག་དང་བྲལ་ཞིང་། འཁོར་བ་སྡུག་བསྔལ་གྱི་རྒྱ་མཚོར་ལྷུང་ནས་སྡུག་བསྔལ་མུ་མཐའ་ མེད་པར་མྱོང་བ་དག་ལ། སྡུག་བསྔལ་ལས་ཐར་བྱེད་ཀྱི་ཐབས་འཇིག་རྟེན་ན་བཙལ་དུ་མེད་ཅིང་ཧ་ཅང་དཀོན་པའི་དམ་པའི་ཆོས་ཀྱི་ཐབས་ལམ་ ཟབ་མོ་སྨན་དཀར་བོ་ཆིག་ཐུབ་ལྟར་འདི་གནང་བ་རེད། འདི་ཚུལ་བཞིན་དུ་སུས་བསྟེན་ནུས་ན་དེ་ཉིད་ཉོན་མོངས་པའི་ནད་ལས་བདེ་བླག་ཏུ་གྲོལ་ ངེས་པ་ཡིན་ནོ། གཞན་ཡང་སྨན་པ་མཁས་པའི་ངག་བཞིན་མ་བྱས་པར་ནད་ཀྱི་གཉེན་པོ་སྨན་དེ། ནད་པས་མ་མཐུང་མ་གཉེར་ན་ནད་ལས་མི་ཐར་ བ་ཡིན་པས། ཇི་སྐད་དུ། སྨན་པས་མ་ལན་སྨན་གྱིས་མ་ཉེས་ཏེ། ནད་པ་དེ་ཉིད་ཀྱིས་ནི་ཉེས་པ་ཡིན། ཞེས་གསུངས་པའི་དཔེ་ལྟར་སངས་རྒྱས་ཀྱིས་ ཡང་དག་པའི་ལམ་བཟང་བསྟན་པ་འདི་ལ་ཡིད་མ་ཆེས་ཏེ། ཉོན་མོངས་པའི་དབང་གིས་ཚུལ་བཞིན་དུ་མ་བསྒྲུབས་ཕྱིན། སྡུག་བསྔལ་ལས་ཐར་བའི་ གོ་སྐབས་མཆིས་པ་ཡིན་ནོ། དེའི་ཕྱིར་ནང་བསྟན་གྱི་བདག་པོ་སངས་རྒྱས་ཤཱཀྱ་ཐུབ་པའི་བསྟན་པ་རིན་པོ་ཆེ་ནི་དེ་ལྟར་རིམ་གྱིས་བོད་གངས་ཅན་ གྱི་ལྗོངས་འདིར་ཆོས་རྒྱལ་མེས་དབོན་རྣམ་གསུམ་གཙོ་བྱས་ནས་ཆོས་བློན་རྣམས་དང་། མཁན་སློབ་རྣམ་པ་དང་ལོ་ཙཱ་བ་པཎྚིཏ་སྐུ་དྲིན་ཅན་རྣམས་ ཀྱི་ཐུགས་བསྐྱེད་སྨོན་ལམ་གྱིས་ལུང་རྟོགས་ཀྱི་བསྟན་པ་འདི་ཉིད་དར་ཞིང་རྒྱས་པར་མཛད་པ་ལ་བརྟེན་ནས། བོད་གངས་ཅན་པ་སྤྱིས་ཚེ་སྔ་ཕྱི་དང་ ལས་འབྲས་ཀྱི་རྣམ་གཞག་ལ་ཡིད་ཆེས་བརྟན་པོ་ཐོབ་སྟེ། ཁོང་ཡུག་སྲུང་སྐྱོབ་སོགས་བླང་དོར་གྱི་ཁྱད་པར་དང་དེའི་རྣམ་དབྱེ་ལ་བློ་ཁ་ཕྱོགས་པའི་ བསྐལ་བ་བཟང་པོ་རྙེད་པ་རེད། དེའི་སྟབས་ཀྱིས་གངས་ཅན་པ་རྣམས་ལ་སྲིད་འབྱོར་ཧ་ཅང་ཆེར་མི་ལྡན་ཡང་རང་སེམས་དམ་པའི་ཆོས་ཀྱིས་ཕྱུག་ ཅིང་ལུས་སེམས་ལ་བདེ་སྐྱིད་ལྡན་པས་ཆོས་སྲིད་གཉིས་ཀའི་ཆ་ནས་གཞན་ལ་འགྲམ་ཆུ་ལྡང་དགོས་པ་ཞིག་གཏན་ནས་མ་ཡིན་པར་མ་ཟད། འཛམ་ གླིང་གི་སྔོན་ཐོན་རྒྱལ་ཁབ་མང་པོའ་ི སྨོན་ཡུལ་དུ་གྱུར་ཡོད། དེའི་རྩ་བའང་གཙོ་བོ་ནང་ཆོས་དར་བ་ལ་བརྟེན་ནས་ཕྱི་ནང་གི་སྣོད་བཅུད་ཀུན་ལ་ བཀྲ་ཤིས་ཀྱི་དགེ་མཚན་ཡོད་པའི་སྟབས་ཀྱིས་རེད། དེ་ལྟར་དམ་པའི་ཆོས་ནི་སྲིད་ན་རིན་ཐང་ཆེ་བའི་རིན་ཆེན་ནོར་བུ་ལས་ཀྱང་ལྷག་པར་འགངས་ ཆེ་བའི་འདུ་ཤེས་ཀྱིས་གཅེས་པར་བཟུང་ནས་ཁྱབ་གདལ་དུ་གཏོང་ཆེད་ལྷ་སའི་སེ་འབྲས་དགེ་གསུམ་གཙོས་གྲུབ་མཐའ་མི་འདྲ་བ་མང་པོས་བོད་ ཆོལ་ཁ་གསུམ་གྱི་ཡུལ་གྲུ་སོ་སོར། བཤད་སྒྲུབ་ཀྱི་སྡེ་ཆེ་ཆུང་མང་དུ་བཙུགས་ནས་རིག་གཞུང་གི་སྙིང་བཅུད་སྤེལ་སའི་རྨང་གཞི་བརྟན་པོ་ཚུགས། ད་ ལྟ་ཐུན་མོང་བའི་རིག་གཞུང་སྤེལ་ནས་འཕྲལ་གྱི་བདེ་ཐབས་ཙམ་གྱི་ཆེད་གང་ས་གང་ལ་སློབ་གྲྭ་ཆེ་ཆུང་མང་དུ་བཙུགས་ནས་སློབ་པ་མཐར་ཕྱིན་པ་ ན། རང་དོན་རྐྱང་བ་དོན་གཉེར་གྱིས་གཞན་དོན་སྒྲུབ་པར་ཁ་འཕངས་ནས་རང་ཉིད་ཉོན་མོངས་པའི་བྲན་གཡོག་ཏུ་གྱུར་པ་མ་ཚོར་བར་མི་ཚེ་འདས་ ནས་མཐར་འཆི་བའི་དུས་ལ་བབ་པ་ན། རང་གི་ལུས་ལོངས་སྤྱོད་བུ་དང་ཆུང་མ་སོགས་གང་གིས་ཀྱང་མི་ཕན་པར་བསླུས་པ་དང་། མཆོག་གསུམ་ལ་ ཡིད་མ་རྟོན་པར་གཞན་ཕན་གྱི་བྱ་བ་རྣམས་ལ་མ་འབད་པས་དོན་མེད་དུ་མི་ཚེ་འདས་པ་ཤེས་ནས་ཡིད་ལ་གདུང་བ་ཚད་མེད་པ་སྐྱེས་ཏེ། འགྱོད་པ་ དང་བཅས་ཚེ་ཕྱི་མར་རང་གཅིག་པུར་ག་ཤེད་དུ་དཀར་ནག་གི་ལས་ཀྱི་རྗེས་སུ་འབྲངས་ནས་བྱ་སྤུ་རླུང་གིས་གཏོང་བ་བཞིན་གར་སོང་ཆ་མེད་དུ་ གདབ་ནས་སྡུག་བསྔལ་ལས་ཐར་དུས་མེད་པ་ཞིག་རང་གིས་རང་ལ་བྱས་པ་ལྟ་བུ་མ་ཡིན་པར། སློབ་གྲྭའམ་བཤད་སྒྲུབ་ཀྱི་སྡེ་ཆེན་པོར་ཞུགས་ཏེ་ནང་ བསམ་པའི་ཆ་ནས་ངན་སོང་བསུམ་གྱི་སྡུག་བསྔལ་ལ་འཇིགས་ཤིང་སྐྲག་པའི་སྒོ་ནས་དཀོན་མཆོག་གསུམ་ལ་དེ་ལས་སྐྱོབ་པའི་ནུས་པ་ཡོད་པར་ ཡིད་ཆེས་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། སོ་ཐར་གྱི་སྡོམ་པ་སོགས་ཁས་བླངས་ནས་བཅས་མཚམས་ལས་སྲོག་གི་ཕྱིར་ཡང་མི་གཏོང་ སྙམ་པའི་སྡོམ་སེམས་ཡང་ཡང་བསྟེན་ཏེ། གཞན་དོན་རྐྱང་བ་སྒྲུབ་བྱེད་གྱི་ཐབས་གཙོ་བོ་ནང་དོན་རིག་པ་དང་། གཞན་ཐུན་མོང་བའི་རིག་གནས་སྒྲ་ རིག་པ་སོགས་ལ་སྦྱང་སའི་མཐིལ་དུ་བཟུང་ནས་དཔྱིས་ཕྱིན་པ་ཞིག་སྦྱངས་དགོས་པ་རེད། སྦྱང་བའི་ཚེ་ཡང་གང་བྱུང་བྱུང་གིས་མི་ཆོག་པར་གྲངས་ དང་གོ་རིམ་ངེས་ཅན་ཞིག་གི་སྟེང་ནས་གཞུང་པོད་ལྔ་ལ་སྦྱངས་པ་མཐར་ཕྱིན་ནས། སྔགས་ཕྱོགས་རྡོ་རྗེ་ཐེག་པར་སྦྱང་དགོས་པའི་ཕྱག་སྲོལ་བླ་ན་ མེད་པ་སྔོན་འདས་ལོ་སྟོང་ཕྲག་དུ་མ་ནས་ད་ལྟའི་བར་དགོན་སྡེ་སོ་སོར་གནས་ཡོད་པ་ཡིན། དེ་ལྟར་གནས་པའི་ཚེ་ཡང་ཧ་ཅང་གལ་ཆེ་བ་ནི་གཞན་ ལ་ཕན་པ་སྒྲུབ་བྱེད་ཀྱི་བསམ་པ་བཟང་བོར་གཞི་བྱས་ཏེ། མ་མཐའ་འབུ་ཕྲན་སོགས་ཀྱི་ཚེ་སྲོག་ལ་ཡང་མི་གནོད་པའི་ཆུ་ཚགས་ཀྱི་སྤྱོད་ལམ་གྱིས་ འཚེ་མེད་ཞི་བའི་ལམ་ནས་ཞི་དུལ་བག་ཡོད་ཀྱི་བྱ་བ་ཕན་འབྲས་བཟང་པོའ་ི གོམས་འདྲིས་ཀྱི་ཕྱོགས་ལ་འབད་པ་ལས། ཚུལ་མིན་ཡིད་བྱེད་ཀྱི་བྱ་བ་ ངན་པ་རྣམས་གཏན་ནས་བྱེད་མི་རུང་། གལ་ཏེ་ལུས་ངག་ཡིད་གསུམ་གྱི་སྟེང་ནས་ཉེས་པ་རེ་བྱུང་ན་འཕྲལ་དུ་འགྱོད་བཤགས་ཀྱིས་དག་པར་བྱེད་ དགོས་པའི་མན་ངག་གནང་བ་ལྟར་ལག་ཏུ་ལེན་དགོས། ཡང་ན་ཚད་དེ་ལས་བརྒལ་ཏེ་ཕམ་པ་བྱུང་ནས་བཅས་མཚམས་ལས་བརྒལ་ན་གནས་དབྱུང་ བྱེད་དགོས་པ་སྟོན་པས་བཅས་ཁྲིམས་མཛད་ཡོད་དོ། བཅས་ཁྲིམས་དེ་དག་སྲུང་ཤིང་ན་ཧ་ཅང་བདེ་ཞིང་ཕན་ཡོན་ཆེ་བ་དང་། མ་ཐུབ་ན་ཧ་ཅང་ དཀའ་ཁག་ཆེན་པོ་ཡོད། དེ་ནི་རྒྱལ་བོའ་ི བཀའ་ཁྲིམས་ལས་ཀྱང་ཚགས་དམ་ཞིང་ཕྲ་ཞིབ་ལྡན་པ་ཞིག་ཡིན། དེ་ལྟར་དཀའ་ཐུབ་ཀྱི་སྡོམ་པ་ལ་གནས་ ནས་འགྲོ་བ་མིའི་རིགས་ཀྱི་ཕན་པ་དང་བདེ་བ་མ་ལུས་པ་འབྱུང་བའི་གཞི་གཅིག་པུ་རྒྱལ་བའི་བསྟན་པ་རིན་པོ་ཆེར་ཐོས་བསམ་སྒོམ་གསུམ་ཡ་མ་ བྲལ་བར་སྟབས་གཅིག་ཏུ་བྱེད་པའི་དགོན་པའང་སློབ་གྲྭ་ཆེན་པོ་སྲིད་ན་དཀོན་པ་ཞིག་ཏུ་གདའ། དེ་ལྟ་མ་ཡིན་པས་ད་ལྟའི་སྤྱི་ཚོགས་ཀྱི་སློབ་གྲྭར་

འགྲིམས་པ་ལྟར་ལས་སླ་བོ་ཞིག་ཡེ་ནས་མ་ཡིན་པ་ཤེས་པ་གྱིས། དེས་ན་ལུང་རྟོགས་ཀྱི་བསྟན་པ་དང་འགྲོ་བའི་བདེ་སྐྱིད་ལ་ཕན་ངེས་པའི་ཆོས་ སྡེའམ་སློབ་གྲྭ་བཙུགས་པའི་དགོས་པ་ནི། མི་རང་ཉིད་འཚོ་ཐབས་དང་བདེ་ཐབས་ཙམ་གྱི་ཆེད་མ་ཡིན་པར་མཁའ་ཁྱབ་ཀྱི་སེམས་ཅན་ཐམས་ཅད་ཀྱི་ དོན་ཁོ་ནའི་ཕྱིར། ཟས་གོས་སོགས་འཚོ་རྟེན་ངན་ངོན་ཙམ་ལ་བརྟེན་ནས་ཚེ་འདིའི་བདེ་བ་མ་ལུས་པ་སྤངས་ནས་གཏན་གྱི་བདེ་བ་བསྒྲུབ་པའི་ཕྱིར་ དུའོ། དམ་པའི་ཆོས་ཉམས་སུ་ལེན་ཚུལ་ལ་བྱེད་སྒོ་གསུམ་སྟེ། ཐོས་པ་དང་བསམ་པ་དང་། སྒོམ་པ་རྣམས་སུ་ཡོད། ཐོག་མར་བཀའ་བསྟན་དགོངས་ འགྲེལ་གྱི་གསུང་རབ་དོན་ལ་ལུང་རིགས་དཔེ་གསུམ་གྱི་སྒོ་ནས་ཐོས་པ་གཙོ་བོར་བྱེད། དེ་ནས་གང་ཐོས་པ་རྣམས་འཆད་རྩོད་རྩོམ་གསུམ་གྱིས་ གསུང་རབ་གྱི་དགོངས་དོན་རྣམས་ཚད་མའི་ལམ་ནས་ངེས་པ་ཅི་འདྲོང་ལ་ལྟ། དེ་ནས་བསམ་པའི་འཁྱེར་སོ་གཞན་ཕན་ཁོ་ནའི་ཕྱིར་ཐོས་དོན་རྣམས་ རང་རྒྱུད་འདུལ་བའི་ཐབས་སུ་འཁྱེར་ཤེས་པ་བྱ་དགོས། དེ་ལྟར་ཐོས་བསམ་གནད་འགྲོ་ཞིག་བྱས་ནས་སངས་རྒྱས་ཀྱི་བཀའི་དགོངས་དོན་ལྟར་ཉམས་ ལེན་ལ་མཐའ་གཅིག་ཏུ་འབད་པའི་འབྲས་བུ་མངོན་དུ་བྱས་པ་གནམ་གྱིས་ས་བཀབ་པ་ལྟ་བུའི་མཁས་གྲུབ་གཉིས་ལྡན་གྱི་སྐྱེས་བུ་ཇི་སྙེད་ཅིག་བྱོན་ པ་རྣམས་ཀྱིས་ལུང་རྟོགས་ཀྱི་བསྟན་པ་རིན་པོ་ཆེ་འཛིན་སྐྱོང་སྤེལ་གསུམ་བྱེད་པ་ལ་བརྟེན་ནས། ནུབ་རྒྱ་གར་ཛ་ལན་དྷར་ནས་ཤར་རྒྱ་ནག་གི་མཐའ་ རྒྱ་མཚོ་ཆེན་པོའ་ི བར་ཡུལ་གྲུ་ཀུན་ལ་འཚེ་མེད་ཞི་བའི་ལམ་ནས་བསྟན་འགྲོར་སྨན་པའི་ཐབས་ཚུལ་གྱི་ལག་ལེན་མི་འདྲ་བའི་དབང་གིས་གྲུབ་ མཐའ་སྣ་ཚོགས་བྱུང་བ་དང་། དེར་བརྟེན་ལྟ་སྒོམ་སྤྱོད་གསུམ་དང་གཞི་ལམ་འབྲས་གསུམ་གྱི་ཐ་སྙད་མི་འདྲ་བ་དུ་མ་བྱུང་ཡང་གནད་འགག་ཧྲིལ་དུ་ དྲིལ་ན་དེ་དག་དགོངས་དོན་གཅིག་ཏུ་མ་འཁྲུལ་བ་ཡིན། སྤྱིར་དེ་དག་གཙོ་བོར་ཞིབ་འཇུག་གི་ལམ་ནས་ཆོས་ཐམས་ཅད་ཀྱི་ངོ་བོ་དང་བྱེད་ལས་ གནས་ལུགས་སོགས་ཚད་མའི་ལམ་ནས་གཏན་ལ་ཕབ་སྟེ། མིའི་འཇིག་རྟེན་གྱི་སྤྱི་ཚོགས་དང་དེང་དུས་ཀྱི་ཚན་རིག་ལ་ཕན་ནུས་ངེས་ཅན་ཞིག་ སྟེར་བའི་སྒོ་གཅིག་པུར་གྱུར་པ་བསྙད་ཅི་དགོས། རྣམ་པ་ཐམས་ཅད་དུ་བདེ་བ་ཐམས་ཅད་མཁྱེན་པའི་གོ་འཕང་འཐོབ་པར་འགྱུར་ངེས་པས་ན་ཚེ་ འདི་ཙམ་གྱི་བྱ་དངོས་རྣམས་ཞོར་ལ་འགྲུབ་བོ། ཚན་རིག་དང་སངས་རྒྱས་ཆོས་ལུགས་གཉིས་ཀྱི་ཕན་ནུས་དང་དམིགས་ཡུལ་མི་འདྲ་སྟེ། ཚན་རིག་གི་ ཞིབ་ཚགས་དང་ནན་ཏན་སྒོས་ཞིབ་འཇུག་བྱེད་ཡུལ་ནི་དངོས་པོའ་ི འཇིག་རྟེན་གྱི་འགྱུར་ལྡོག་ཁོ་ན་ཡིན་པས་དེར་ཚོད་ལྟ་བྱས་པ་ལ་བརྟེན་ནས་ ཕྱིའི་འཛུགས་སྐྲུན་སྣ་ཚོགས་ཁྱབ་གདལ་དུ་བཏང་བ་མ་གཏོགས་ནང་སེམས་ཀྱི་ཁྱད་པར་ལ་ཕན་ནུས་གང་ཡང་མེད། ཆོས་ལུགས་ནི་དེ་ལས་ལྡོག་སྟེ། ནང་སྒོས་སུ་སངས་རྒྱས་ཆོས་ལུགས་ནི་འགྲོ་བ་མིའི་ནང་སེམས་ཀྱི་འཇིག་རྟེན། ཀུན་སྤྱོད། སེམས་ཤུགས་སོགས་ལ་ཞིབ་འཇུག་གཙོ་བོར་བྱེད་པའི་ གྲུབ་མཐའ་ཞིག་སྟེ། ཁྱབ་ཁོངས་རྒྱ་ཆེ་ཞིང་ཕྱོགས་ཡོངས་ནས་མིའི་སེམས་ཁམས་ལ་དག་ཐེར་དང་སྦྱོང་བརྡར་བྱེད་ཐུབ། ནང་སེམས་ཀྱི་འཇིག་རྟེན་ ལ་བརྟག་དཔྱད་སྒོས་མིའི་ཕྱི་ནང་གི་ཀུན་སྤྱོད་དང་བསམ་བློའ་ིཤེས་རྣལ་དུ་ཕབ་ནས་སྒོམ་སྒྲུབ་ལ་རྩེ་གཅིག་ཏུ་གཞོལ་བས་མཐར་སྒོ་གསུམ་གྱི་སྒྲིག་ པ་དག་སྟེ་བླ་མེད་བྱང་ཆུབ་ཀྱི་གོ་འཕང་ཐོབ་པ་སོགས་ནི་བསམ་བརྗོད་ལས་འདས་པ་ཞིག་ཏུ་ངེས། དེ་ལྟ་བུའི་བསམ་པའི་དཔལ་ཡོན་སྲོག་དབང་ ཁྱད་པར་ཅན་དེ་གསོས་ཏེ། ཕྱིའི་ཚན་རིག་དངོས་ཁམས་རིག་པའི་ལུས་ཁམས་རྒྱས་པར་བྱེད་པའི་ཆ་རྐྱེན་ཞིག་འཛོམས་རྒྱུ་བྱུང་ན་ཅི་མ་རུང་སྙམ་ པའི་སྨོན་འདུན་ལྷད་མེད་ཅིག་ཀུན་ལ་ཡོད་ངེས་རེད། དེང་དུས་ཀྱི་ཚན་རིག་པ་རྣམས་ཀྱིས་རང་ནུས་རྩལ་སྤྲུགས་ཀྱིས་དངོས་པོའ་ི དཔལ་ཡོན་དར་ རྒྱས་གོང་འཕེལ་དུ་གཏོང་བའི་བྱས་རྗེས་ནི་བརྗོད་ཀྱིས་མི་ལང་མོད་ནང་བ་སངས་རྒྱས་པའི་བསྟན་པའི་བདག་པོ་དང་དེའི་རྗེས་འཇུག་བུ་སློབ་ རྣམས་ཀྱིས་འཇིག་རྟེན་གྱི་སྐྱེ་འགྲོ་ཡོངས་ལ་བསམ་གྱིས་མི་ཁྱབ་པའི་ཕྱག་རྗེས་བླ་ན་མེད་པ་བསྐྲུན་པ་དག་ནི་ཧ་ཅང་རླབས་ཆེ་བ་ཞིག་ཡིན་ནོ།། གལ་ཏེ་ང་ཚོས་ནང་བསྟན་གྱི་བསྟན་དོན་བསམ་སྤྱོད་ཀྱི་བགྲོད་ལམ་བཟང་བོ་དེ་བརླགས་པའམ་མེད་པར་བཟོས་ན། ནམ་ཞིག་གི་ཚེ་འཇིག་རྟེན་ མིའི་རིགས་ཀྱི་ཡ་རབས་ཀྱི་གོམས་གཤིས་རྣམས་རིང་དུ་དོར་ཏེ། རང་ཁོ་ན་མ་གཏོགས་གཞན་ཕ་རོལ་མཐའ་དག་ཁྲིམས་མེད་ལུགས་མེད་ཀྱིས་སྐད་ ཅིག་ཉིད་ལ་བརླག་པར་ཀྱི་རྩོམ་ངེས། ཅི་ཞེ་ན། ད་ལྟ་རྒྱུ་འབྲས་སོགས་ཁས་མི་ལེན་པའི་མི་ཕལ་མོ་ཆེའི་བྱ་སྤྱོད་ལ་ལྟོས་དང་། འཇིགས་ཤིང་སྐྲག་པའི་ སྒོ་ནས་བློ་ཕམ་སྐྱེ་བ་ཞིག་མ་ཡིན་ནམ། ངས་བལྟས་ན་ད་ལྟ་མི་འགྱངས་པར་ལོ་རེ་ནས་ལོ་རེར་མིའི་རིགས་ཀྱི་ཀུན་སྤྱོད་ཀྱི་འདུ་ཤེས་བྲལ་བའི་དངོས་ པོའ་ི ཚན་རིག་རྐྱང་བ་འཕེལ་རྒྱས་ཀྱི་གོམ་པ་འདེགས་འཇོག་གིས་ཐ་མར་རང་ཉིད་མེད་བརླག་ཏུ་བཟོ་བའི་ཆ་རྐྱེན་མཐའ་དག་ཡར་ལྡན་དུ་མཆིས་ པས་ཡིད་སྐྱོ་བའི་གནས་སུ་ལྷུང་ངེས་པ་རེད། ༥ ནང་བསྟན་གྱི་ལྟ་སྤྱོད་གཉིས་ལ་དཔྱད་པ།

དེས་ན་ནང་བ་སངས་རྒྱས་ཤཱཀྱ་ཐུབ་པའི་ཆོས་ལུགས་ཀྱི་ཁྱད་ཆོས་ནི། ལྟ་བ་རྟེན་འབྱུང་དང་། སྤྱོད་པ་ཡ་རབས་འཚེ་བྲལ་གཉིས་སུ་འདུ་བར་ གསུངས། སྤྱིར་དམ་པའི་ཆོས་ཞེས་པ་ནི་དགུ་གསུམ་ཀྱིས་བསྐྱེད་པའི་བག་ཆགས་ངན་པའི་རིགས་མཐའ་དག་བསྒྱུར་ནས། ནང་སེམས་ཀྱི་འཁྱེར་སོ་ གཞན་ཕན་གྱི་བསམ་པས་ཀུན་ལས་བསླངས་ཏེ། ཞི་བདེ་ལྷིང་འཇགས་དང་། འཚེ་མེད་ཕན་སྒྲུབ། གཡོ་སྒྱུར་དང་ངན་སེམས་སྤངས་པ། དྲང་བདེན་ ལ་ཞེ་ཕུགས་བཅོལ་བ། རང་གཞན་གཉིས་ལས་གཞན་གཅེས་པར་བཟུང་ནས་གཞན་གྱི་གོ་སར་རང་ཉིད་འཇོག་པ། ཁ་ཞེ་གཉིས་མེད་ཀྱིས་གཞན་ ཕན་ལ་བརྩོན་དགོས་པར་གསུངས་པའི་གཞུང་ལུགས་ཤིག་ལ་དམ་པའི་ཆོས་ཞེས་བྱ་ལ། ཡིན་ནའང་གནའ་ནས་ད་ལྟའི་བར་འཛམ་གླིང་གི་ས་སྒང་ འདིར་ཆོས་ལུགས་འདྲ་མིན་སྣ་ཚོགས་ཤིག་དར་ཡོད་ཀྱང་། སེམས་ཅན་ལ་ཕན་བདེ་དངོས་གནས་ཞིག་དང་། འཛམ་གླིང་གི་སྤྱི་ཚོགས་དང་དེང་ རབས་ཀྱི་ཚན་རིག་ལ་དགོས་མཁོ་ཁྱད་པར་བ་ཞིག་ཡེ་ནས་མེད་པར་སྣང་། དེ་ལྟ་ན་ནང་བ་སངས་རྒྱས་པའི་ཆོས་ལུགས་ནི་གཞན་ལ་མེད་པའི་ཁྱད་ ཆོས་དུ་མས་ཁྱད་པར་དུ་འཕགས་ཤིང་། འགྲོ་བ་ཀུན་གྱི་ཁོང་གི་སྙིང་དང་། གདོང་གི་མིག འཇིག་རྟེན་གྱི་སྒྲོན་མེ་ལྟར་གྱུར་ཏེ་ཤེས་བྱའི་གནས་མཐའ་ དག་ལ་ཆགས་ཐོགས་མི་མངའ་ཞིང་མངོན་སུམ་དུ་དེའི་གནས་ལུགས་རྣམས་གསལ་བར་སྟོན་པ་དང་། འཇིག་རྟེན་གྱི་ཆགས་འཇིག་གནས་གསུམ་ དང་། འཇིག་རྟེན་གྱི་ཆོས་ཐམས་ཅད་ཀྱི་རང་བཞིན་དང་ངོ་བོ། ནུས་ཤུགས་ཀྱི་ཚད་དང་རགས་ཕྲའི་ཁྱད་པར་སོགས་ཕྲ་ཞིབ་ལྡན་ཞིང་མ་འཛིངས་ པར་གསལ་བར་བསྟན་ཡོད་པ་ལ་བལྟས་ན་ངོ་མས་འགྲན་ཟླ་མེད་པ་ཞིག་ཏུ་ངེས་སོ། དེས་ན་ལྟ་བ་རྟེན་འབྱུང་གི་སྒོ་ནས་གཏན་ལ་ཕབ་པ་ནི། ནང་ བསྟན་གྱིས་ཆོས་ཐམས་ཅད་གྱི་རང་བཞིན་གཏན་ལ་ཕབ་པ་ལ་རིགས་པའི་རྒྱལ་བོ་རྟེན་འབྲེལ་གྱི་གཏན་ཚིགས་གྱིས་ཆོས་རྣམས་རང་བཞིན་མེད་ པར་གཏན་ཕབ་བྱས་ཡོད། ཕྱི་ནང་གི་ཆོས་ཐམས་ཅད་རྟེན་ཅིང་འབྲེལ་བར་འབྱུང་བ་ཙམ་ལས། ཆོས་ཐམས་ཅད་ཀྱི་སྐྱེད་བྱེད་རང་ག་བ་ཞིག་གམ།

རང་རྐྱ་བ་ཞིག་དང་། རང་ཚུགས་ཐུབ་པའི་རྫས་ཤིག་མེད་པར་གསུངས། འཇིག་རྟེན་སའི་གོ་ལ་འབྱུང་བཞིའི་དཀྱིལ་འཁོར་དང་རི་རབ་ཁང་ཁྱིམ་ཁོར་ ཡུག་ཕྱིའི་སྐྱེ་དངོས་ཉི་ཟླ་གཟའ་སྐར་ལ་སོགས་པ་དང་། ནང་སེམས་ཅན་འགྲོ་བ་ལྷ་མི་དམྱལ་བ་ཡི་དྭགས་དུད་འགྲོ་རྣམས་ཀྱང་རང་རྐྱ་བར་ཚུགས་ ཐུབ་ཏུ་གྲུབ་པ་ཞིག་གཏན་ནས་མེད་པ་དང་། རང་བཞིན་གྱིས་གྲུབ་པའང་རང་ངོས་ནས་གྲུབ་པའི་རྫས་སམ་རྒྱུ་འདི་ཡིན་ཞེས་པ་རྣམ་པ་ཐམས་ཅད་ དུ་མེད་པ་རེད། འོ་ན་ཕྱི་ནང་གི་དངོས་པོ་མཐའ་དག་མིག་ལམ་དུ་ཁྲ་ལམ་མེར་མངོན་སུམ་དུ་གྲུབ་པ་འདི་ཅི་ལྟར་ཡིན་ཞེ་ན། དེ་དག་ཐམས་ཅད་རང་ རང་གི་རྒྱུ་རྐྱེན་རྣམས་ལྷན་ཅིག་ཏུ་འཚོགས་པ་ལ་བརྟེན་ནས་བྱུང་བ་ཙམ་ཡིན་གྱི། དེ་དག་འགྲུབ་བྱེད་ཀྱི་ཉེར་ལེན་དང་། ལྷན་ཅིག་བྱེད་རྐྱེན་མེད་ པར་རང་ངོས་ནས་གྲུབ་པ་རྡུལ་ཙམ་ཡང་མ་མཆིས་སོ། དེའི་ཕྱིར་ཕྱི་ནང་གི་ཆོས་མཐའ་དག་མིང་གིས་ཕར་བཏགས་པ་ཙམ་མ་གཏོགས་དོན་རང་ངོས་ནས་མ་གྲུབ་པའི་དབང་གིས་དེ་དག་སྒྱུ་མ་དང་། རྨི་ ལམ། གཟུགས་བརྙན་ལྟ་བུའི་རང་བཞིན་ལས་མ་འདས་པ་དང་། འཁོར་འདས་ཀྱི་ཆོས་མཐའ་དག་ལ་བདེན་འཛིན་གྱི་དམིགས་གཏད་བྱ་ས་རྡུལ་ཙམ་ ཡང་མ་གྲུབ་ཀྱང་། རྒྱུ་འབྲས་ཀྱི་བྱ་བྱེད་ཐམས་ཅད་མཉམ་པར་རྟེན་ཅིང་འབྲེལ་བར་འབྱུང་བ་ནི་ཆོས་ཉིད་ཡིན་ནོ། དེ་མཚུངས་སུ་རྒྱ་ནག་གི་ཚན་ རིག་མཁས་པ་སྐུ་ཞབས་དབྱིན་ལགས་ཀྱིས་ཀྱང་། དཔེར་ན་རྔ་ལྟ་བུ་ལ་མཚོན་ན་དང་པོར་རྡུང་མཁན་གྱིས་དབྱུ་གུས་རྔ་པགས་སྟེང་ལ་བསྣུན་ན། རྔའི་པགས་པ་འདར་ཤུགས་ཀྱིས་རྔ་ཡི་ནང་གི་ཕྱོགས་བཞིའི་མཁའ་རླུང་ལ་གནས་པའི་རྡུལ་ཕྲན་རྣམས་དཀྲུགས། དེ་མ་ཐག་གཅིག་གིས་གཅིག་སྒུལ་ ཏེ་རྣ་བའི་རྩ་རྣམས་སྒུལ། དེའི་འདར་ཤུགས་ཀྱིས་རྣ་བའི་དབང་རྩའི་ནང་གི་མཁའ་རླུང་ལ་གྲུབ་པའི་རྫས་རྡུལ་ཕྲན་ནམ་ངོ་བོ་ཕན་ཚུན་འབྲེལ་ཏེ་སྒྲ་ ཐོས་ཚོར་བྱུང་བ་མ་གཏོགས། སྒྲ་ངོ་བོ་ཉིད་ཀྱིས་གྲགས་པ་དང་། རྒྱུ་རྐྱེན་གང་ལའང་མ་བལྟོས་པར་གྲགས་པ་ཞིག་མ་རེད་ཅེས་ནང་ཆོས་དང་མཐུན་ པར་བཤད། གཞན་ཡང་བེམ་གཟུགས་གང་ཞིག་ཡིན་རུང་འབྱུང་བཞིའི་རྡུལ་བསགས་པས་གྲུབ་པ་དང་། དེ་ཡང་འབྱུང་བཞིའི་རྫས་ལས་གྲུབ་པ། དེ་ ཡང་རྡུལ་ཕྲན་དང་། དེ་ཡང་བར་རྡུལ་དང་། བར་རྡུལ་ཡང་གློག་རྡུལ་སོགས་བསགས་པ་ལས་གྲུབ་པར་ད་ལྟའི་ཚན་རིག་པ་རྣམས་ཀྱིས་ཀྱང་ཁས་ ལེན། རྡུལ་ཕྲན་དེ་དག་ཀྱང་འགས་གཏོང་གྱི་དོན་བྱེད་ནུས་པའི་རྒྱུ་དང་རྐྱེན་འཚོགས་པ་ལ་བརྟེན་ནས་ནུས་ཤུགས་སྟོབས་ཆེན་དུ་གྱུར་པ་རེད་མ་ གཏོགས། དེའི་རྒྱུ་རྐྱེན་ཚང་བ་ལ་མ་བལྟོས་པར་འགས་གཏོང་བྱེད་པའི་རྒྱུ་རང་ཚུགས་ཐུབ་ཏུ་གྲུབ་པ་ཞིག་གིས་དོན་བྱེད་པ་ཡིན་ཞེས་ཚན་རིག་ཤེས་ ཡོན་ཅན་རྣམ་པས་ཀྱང་བཤད་སྲོལ་མེད་པར་སྣང་། ཚན་རིག་པ་དག་གིས་ཀྱང་ཞིབ་འཇུག་གི་ལམ་ནས་རྟེན་འབྱུང་གི་དོན་ཤིན་ཏུ་རྟོགས་དཀའ་ བས། བཤད་སྲོལ་ཙམ་དུ་གནས་སམ་སྙམ། གང་ལྟར་ན་སྟོན་པའི་གསུང་གི་སྙིང་བོ་ནི་རྟེན་ཅིང་འབྲེལ་བར་འབྱུང་བ་འདི་ཉིད་ཡིན་ལ། ཆེས་ཤིན་ཏུ་ རྟོགས་དཀའ་བའི་གནས་ཀྱང་འདི་ལས་ལྷག་མེད་དེ། སྔོན་བྱུང་ཕྱི་རོལ་བའི་སྟོན་པ་རྣམས་ནས་དེང་དུས་སྤྱི་ཚོགས་ཚན་རིག་པ་ཡན་ཆད་སུས་ཀྱང་ སྟོང་ཉིད་ཀྱི་དོན་གང་ཡིན་སྨྲ་མ་ནུས་པ་ནི་དེ་དག་གི་གཞུང་ལུགས་ལ་ལྟོས་དང་འཁུངས་སོ།

རྟེན་ཅིང་འབྲེལ་འབྱུང་གི་དོན་ཡང་གནས་ཚུལ་ལ་ཆོས་ཐམས་ཅད་རང་བཞིན་གྱིས་སྟོང་པས་ཡོད་པའི་མཐའ་ཐམས་ཅད་སེལ་བ་དང་། སྣང་ཚུལ་ལ་ སྒྱུ་མ་མཁན་གྱིས་སྤྲུལ་བའི་དངོས་པོ་ལྟར་མེད་བཞིན་དུ་སྣ་ཚོགས་སུ་སྣང་བས་མེད་པའི་མཐའ་ཐམས་ཅད་སེལ་ལ། དེའི་ཕྱིར་སེམས་ཀྱིས་བྱས་ཤིང་ སེམས་ལ་སྣང་བ་ཙམ་ལས་ཕྱི་རོལ་ཏུ་བདེན་པར་མ་གྲུབ་པ་ཉིད་ཡིན་ནོ། དེས་ན་ཕྱིའི་ཚན་རིག་སོགས་ཀྱི་སྤྱོད་ཡུལ་དུ་གཏན་ནས་མ་གྱུར་ཅིང་དེས་ ཕྱོགས་ཙམ་ཡང་ཤེས་མི་ནུས་སོ།

སྤྱོད་པ་ཡ་རབས་འཚེ་བྲལ་གྱི་བྱ་བ་ནི། འཇིག་རྟེན་ན་ཧ་ཅང་རིན་ཐང་དང་བྲལ་བ་ཞིག་རེད། དེ་མདོར་བསྡུས་ན་ལུས་ངག་ཡིད་གསུམ་གྱི་སྤྱོད་པ་ བཟང་དགོས་པ་ལ་ཐུག་ཡོད། དེ་ཇི་ལྟར་བཟང་ན་དམ་པའི་ལྷ་ཆོས་དགེ་བ་བཅུ་དང་། མེས་པོ་སྲོང་བཙན་སྒམ་པོས་ཕྱག་རྒྱས་བཏབ་པའི་མི་ཆོས་ གཙང་མ་བཅུ་དྲུག་གི་རྩ་ཁྲིམས་ཚུལ་བཞིན་སྲུང་བ་ཞིག་ལ་སྤྱོད་པ་ཡ་རབས་ཅན་ཞེས་ཟེར་བ་ཡིན། འདི་ནི་མི་སུ་ལ་ལྡན་ན་དེ་ནི་འཇིག་རྟེན་ན་ ཧ་ཅང་རླབས་ཆེན་པོ་རེད། མི་རིགས་དང་རྒྱལ་ཁབ་གང་ཞིག་ཡིན་ཀྱང་ཤེས་ཡོན་དང་ལག་རྩལ་རིག་གནས་སོགས་ཇི་ལྟར་འཛོམས་རུང་། ནང་ བསམ་པ་ཕན་སེམས་དང་ལྷག་བསམ་གྱི་རྩིས་མ་ཟིན་ན། ད་ལྟའི་སྤྱི་ཚོགས་ཁྲོད་གསེར་དངུལ་དང་ཤོག་སྒོར་སོགས་རྒྱུ་ནོར་ལོངས་སྤྱོད་ཀྱི་ཆེད་དུ་ ཕ་བུ་ཡིན་ཡང་འདྲ། མིང་སྲིང་དང་ཕུ་ནུ། མཛའ་བཤེས། སྙིང་གྲོགས་ཤིག་ཡིན་ན་ཡང་སྔར་གྱི་འབྲེལ་བ་རྣམས་སྣང་མེད་དུ་དོར་ནས་ཕན་ཚུན་སྲོག་ འཕྲོག་པ་དང་མཚོན་གྱིས་འདེབས་པ། ཕན་ཚུན་ཁ་བསྲེས་མེད་པ་སོགས་ཀྱི་སྡུག་བསྔལ་བརྗོད་ཀྱིས་མི་ལང་བས་ལུས་སེམས་ལ་གནོད་པ་དང་མི་ བདེ་བར་བྱེད་པ་དག་ནི་མངོན་སུམ་གྱིས་གྲུབ་པ་དེ་ལྟར་རེད་དོ། ཇི་ལྟར་བཤད་ཀྱང་ནང་བསམ་བློའམ་སེམས་ཁམས་ཀྱི་སྟེང་ནས་བདེ་སྐྱིད་གཙང་ མ་ཞིག་མ་འོང་ཕྱིན། ཕྱི་རོལ་གྱི་སྣང་བ་འདོད་པའི་ཡོན་ཏན་ལྔ་ལ་སོགས་པར་བདེན་ཞེན་གྱིས་རྩོལ་སྒྲུབ་དང་། དེ་དག་ལ་སྲེད་ལེན་གྱིས་དོན་གཉེར་ ཇི་ཙམ་ཆེ་ན་དེ་ཙམ་གྱིས་ཡིད་དུ་མི་འོང་བའི་རྣམ་སྨིན་སྡུག་བསྔལ་ནི་རྒྱ་མཚོའི་རླབས་བཞིན་བར་མ་ཆད་པར་འགྲོ་བ་མིའི་རིགས་ཀྱིས་མི་འདོད་ བཞིན་དུ་མྱོང་བཞིན་པ་འདི་རེད། རྒྱལ་ཁབ་སྲུང་སྐྱོབ་ཀྱི་ཆེད་དུ་དམག་མི་དང་གོ་མཚོན། མེ་ཤུགས་འཕུར་མདའ་དང་འབར་རྫས། རྡུལ་ཕྲན་མཚོན་ ཆ་དང་དེ་འགོག་སྲུང་མ་ལག དུག་རླངས་དང་ནད་འབུ་ཕྲ་རབ་ཀྱི་མཚོན་ཆའི་རིགས་སོགས་ལ་འགྲོ་གྲོན་མི་ཉུང་བ་བཏང་སྟེ། བཀོད་སྒྲིག་བྱས་པ་ དེ་དག་རྒྱལ་ཁབ་དེ་དང་དེའི་མང་ཚོགས་ལ་ཕན་པ་སྒྲུབ་ཆེད་དུ་བསམས་ནས་བཟོས་མོད། འོན་ཀྱང་དེ་དག་ཐམས་ཅད་རང་གཞན་གཉིས་ཀ་ཕུང་ བྱེད་དམ། སྡུག་བསྔལ་ཚད་མེད་པ་འབྱིན་བྱེད་ཀྱི་རྒྱུར་འགྲོ་བ་མ་གཏོགས་རང་གཞན་ཀུན་ལ་ཞི་བདེ་ཐོབ་བྱེད་ཀྱི་རྒྱུར་འགྲོ་ཐབས་གཏན་མི་སྲིད། དེའི་ཕྱིར་འཛམ་གླིང་གི་ཤེས་ནས་སྨྲ་བ་དག་སྡུག་བསྔལ་གཏན་ནས་མི་འདོད་པར་བདེ་བ་འདོད་ཕྱིན་ནང་སེམས་ཀྱི་བསམ་པ་བཟང་བོ་འདི་ལ་ནན་ ཏན་མི་བྱ་ཐབས་མེད་ཡིན་ཏེ། ཁམས་གསུམ་བླ་མ་ཆོས་ཀྱི་རྒྱལ་བོ་ཤར་ཙོང་ཁ་པ་ཆེན་པོའ་ི ཞལ་ནས། བསམ་པ་བཟང་ན་ས་དང་ལམ་ཡང་བཟང་ ། བསམ་པ་ངན་ན་ས་དང་ལམ་ཡང་ངན། ཐམས་ཅད་བསམ་པ་དག་ལ་རག་ལས་པས། རྟག་པར་བསམ་པ་བཟང་ལ་འབད་པར་བྱ། ཞེས་གསུངས་པ་ ལྟར་སྐྱེ་བོ་ཕོ་མོ་རྒན་གཞོན་བར་གསུམ་མཐོ་དམན་སུ་ཞིག་ཡིན་རུང་གཙོ་བོ་སྤྱོད་པ་ཡ་རབས་བསམ་པ་བཟང་པོ་ལ་བསླབ་པ་ཤིན་ཏུ་ནས་ཀྱང་གལ་ ཆེ། བསམ་པ་བཟང་ན་བྱ་བ་ཆེ་ཆུང་ཅི་བྱས་ན་འབྲས་བུ་བཟང་ཞིང་མང་བ་དང་། བསམ་པ་ངན་ན་བྱ་བ་ཆེ་ཆུང་ཅི་བྱས་ན་འབྲས་བུ་ངན་ཞིང་ཉུང་ བ་སྟེ། འཁོར་འདས་ཀྱི་རྣམ་གཞག་རྣམས་གཙོ་བོ་བསམ་པའི་བཟང་ངན་གྱི་རྗེས་སུ་འགྲོ་ལྡོག་བྱེད་པས་ན་ཐམས་ཅད་བསམ་པ་དག་ལ་རག་ལས་

པར་གསུངས། དེའི་རྒྱུ་མཚན་ནི། ཀུན་ལ་ཡ་རབས་ཀྱི་སྤྱོད་པ་བསམ་པ་བཟང་པོ་ཕན་སེམས་ཀྱིས་ལས་གང་བྱས་པའི་འབྲས་བུ་བདེ་བ་འབྱུང་བ་དང་ ། མ་རབས་ཀྱི་སྤྱོད་པ་བསམ་པ་ངན་པ་གནོད་སེམས་ཀྱིས་ལས་འདུ་བྱས་པའི་འབྲས་བུ་སྡུག་བསྔལ་འབྱུང་བ་རྣམས་ནི་ཆོས་ཉིད་ཡིན་པས། རྒྱུ་རྐྱེན་ འཚོགས་ཏེ་མཐར་དུས་ལ་བབ་པ་ན་མ་འཆོལ་མ་ནོར་བར་གང་ཟག་གཞན་ལ་མ་སྨིན། ས་ལ་མ་སྨིན། རྡོ་ལ་སོགས་པ་ལ་མ་སྨིན་པར་ལས་གསོག་པ་ པོ་རང་ཁོ་ནའི་སྟེང་དུ་འབབ་པ་ལས་འོས་མེད་པར་གསུངས། ཕྱི་ནང་གི་ཆོས་ཐམས་ཅད་རྟེན་འབྲེལ་གྱི་རང་བཞིན་ལས་མ་འདས་པས་ན། དཔེར་ན་ སོ་ནམ་པ་ཚོས་དཔྱིད་དུས་སུ་གྲོ་འབྲས་སོགས་ཀྱི་ས་བོན་གང་བཏབ་སྟེ་གཉེར་བ་ལས། སྟོན་དུས་སུ་མ་འཆོལ་བར་འབྲས་བུ་དེ་ཁོ་ན་ལྟར་འབྱུང་བ་ རྣམས་ནི་མངོན་སུམ་ཡིན་པ་ལྟར་རོ། གཞན་ཡང་དེ་ལྟར་ཞིང་མ་རྨོས་མ་གཉེར་བར་འབྲས་བུ་བདེ་སྡུག་གི་འབྲས་བུ་ཅི་ཡང་མྱོང་ཚོར་མེད་པ་ནི་ཆོས་ཉིད་ཡིན་ནོ། དེས་ན་གྲོག་སྦུར་ཡན་ ཆད་སྐྱེ་འགྲོ་གང་གིས་ཀྱང་བདེ་བ་འདོད་པ་དང་སྡུག་བསྔལ་མི་འདོད་པ་གཅིག་མཚུངས་ཡིན་པས་ན། རང་སྟེང་ལ་གློ་བུར་དུ་མི་འདོད་པའི་སྡུག་ བསྔལ་དྲག་པོ་ཞིག་བྱུང་བ་ན་དེ་མི་བཟོད་པ་ལྟ་ཅི། ཐ་ན་དབྱར་དགུན་དུས་ཀྱི་འགྱུར་ལྡོག་ཚ་གྲང་དང་། ཉིན་ཞག་གཅིག་གི་བཀྲེས་སྐོམ་ཙམ་དང་ ། གཞན་གྱི་ཚིག་ངན་ཙམ་ཡང་ཐོས་པར་མི་འདོད་པ་དང་མི་བཟོད་པ་དེ་བཞིན་དུ། རང་ཅག་འགྲོ་བ་མིའི་རིགས་ཙམ་དུ་མ་ཟད་འབུ་སྲིན་ཡན་ཆད་ ཀྱང་དེ་ག་རང་ཡིན་པས། གཙོ་བོ་རང་ཉམས་ལ་དཔགས་ཏེ་མངོན་ལྐོག་གང་དུའང་རུང་རང་དགར་གྱིས་གང་ཟག་གཞན་འགྲོ་བ་སུ་ཞིག་ལ་དངོས་ སུ་གནོད་པ་ལྟ་ཅི། གཞན་འབྱོར་བ་ལ་མི་དགའ་བ་དང་ཕྲག་དོག་གིས་ཞེ་སྡང་བའམ་གནོད་པ་བྱ་བའི་སེམས་ངན་སོགས་སྤང་བར་བྱ་སྟེ། དཔེར་ ན་རང་སྡུག་བསྔལ་གྱིས་མནར་ཏེ་དཀའ་ཁག་ཅིག་ལ་ཐུག་ཡོད་པའི་ཚེ། སྔོན་ཆ་རྒྱུས་མེད་པའི་གཞན་ཕན་ཅན་གྱི་མི་ཞིག་གིས་རམ་འདེགས་གང་ དྲགས་ཀྱིས་དཀའ་ཁག་རྣམས་སེལ་བ་ན། རང་ཉིད་རྒྱུས་མེད་ཀྱི་མི་དེ་ལ་ཇི་ལྟར་དགའ་བ་ལྟར་ཐོག་མར་སྐྱབས་མེད་མགོན་མེད་ཀྱི་འགྲོ་བ་མཐའ་ དག་ལས་ཉོན་གྱི་དབང་གིས་ཁམས་གསུམ་འཁོར་བར་འཁྱམས་ཏེ་སྡུག་བསྔལ་གསུམ་གྱིས་རྒྱུན་ཆད་མེད་པར་མནར་ཚུལ་བསམས་པ་དང་། དེ་ འདྲའི་སྡུག་བསྔལ་མྱོང་བ་པོ་སེམས་ཅན་ཐམས་ཅད་ནི་རང་ཁས་གཞན་པ་ཞིག་མ་ཡིན་པས་རང་གི་དྲིན་ཅན་གྱི་མི་ཤ་སྟག་ཡིན་པ་དང་། མི་ཇི་ལྟར་ ཡིན་ཞེ་ན། སེམས་ཅན་ལ་ཐོག་མ་མེད་པའི་དབང་གིས་འཁོར་བ་ལ་ཡང་ཐོག་མ་མ་མཆིས་པའི་རྐྱེན་གྱིས་རང་ཉིད་ཀྱང་དེ་དུས་སུ་འདིར་སྐྱེས་དང་ འདིར་མ་སྐྱེས་བྱ་བ་གཅིག་ཀྱང་མེད་པ་དང་། འཁོར་བར་སྐྱེ་བ་བླངས་པའི་གྲངས་དང་ཚད་ནི་ཐམས་ཅད་མཁྱེན་པའི་ཡེ་ཤེས་ཀྱིས་ཀྱང་གཞལ་བར་ མི་ནུས་པའི་སྐྱེ་བ་གྲངས་མེད་པ་ཞིག་བླངས་མྱོང་བས་ན། དེ་དུས་ཀྱི་མ་རྣམས་ད་ལྟ་སྐྱེ་བ་སྔ་ཕྱིའི་ཁྱད་པར་གྱིས་ངོ་མ་ཤེས་པ་ཙམ་མ་གཏོགས་ཚེ་ འདིའི་ཕ་མ་རྣམས་རང་ལ་ཇི་ལྟར་དྲིན་ཆེ་བ་དེ་ལྟར་དུ་བཀའ་དྲིན་ཆེ་བ་ནི་གོར་མ་ཆག་གོ། རང་གི་ཚེ་འདིའི་མ་དང་། དེའི་མ་དང་། དེའི་མ་ཞེས་ མཐར་གཏུགས་དུས་མེད་པར་བགྲང་གིས་མི་ལང་བ་ཞིག་ཏུ་གྱུར་པའི་དབང་གིས་འགྲོ་བ་རྣམས་མར་མ་གྱུར་པ་གཅིག་ཀྱང་མེད་པ་ཚད་མའི་ལམ་ ནས་རྟགས་ཡང་དག་གིས་རྗེས་སུ་དཔོག་པ་ཡིན་ནོ། དེ་ལྟར་ངེས་ཤེས་སྐྱེས་པ་ལ་བརྟེན་ནས་དྲིན་ཅན་གྱི་མ་དེ་རྣམས་སྐྱེ་རྒ་ན་འཆིའི་སྡུག་བསྔལ་གྱི་དྲ་བར་ཚུད་དེ་ཅི་བྱ་གཏོལ་མེད་དུ་གྱུར་པའི་ཚེ། མ་ དེ་རྣམས་ཀྱང་རང་གི་བུ་ལ་མ་རེ་ན་སུ་ལ་རེ། བུས་ཀྱང་དེ་དུས་སུ་མ་རྣམས་སྡུག་བསྔལ་ལས་གྲོལ་ཏེ་གཏན་གྱི་བདེ་བ་ཐོབ་པའི་ཐབས་ལ་མ་འབད་ པར་རང་དགར་བསྐྱུར་ག་ལ་ཕོད། དེ་ནི་མི་ཕོད་དེ། བུའི་ཤ་གསིང་ན་རུས་པ་ཞིག་ཡོད་ཚེ་མ་དེ་དག་རྣམས་ལ་ཚེ་འདིའི་ལྟོ་གོས་ཀྱི་ཕན་བདེ་སྒྲུབ་ པ་ཙམ་ནི་དུད་འགྲོ་ལའང་ཡོད་པས་དེ་ཙམ་གྱིས་རྔོ་མི་ཐོགས་ཤིང་འཁོར་བ་སྡུག་བསྔལ་གྱི་རྒྱ་མཚོ་ལས་སྒྲོལ་མི་ནུས། དེ་དག་གཏན་ཀྱི་བདེ་བར་ དགོད་པ་ལ་ཅི་ནས་ཀྱིས་ཡང་དག་པར་སངས་རྒྱས་ཀྱི་གསུང་རབ་ལ་མ་བརྟེན་པར་བྱ་ཐབས་བྲལ་བར་ཤེས་ནས། ཐོག་མར་ཡང་དག་པར་རྫོགས་ པའི་སངས་རྒྱས་ལ་སྙིང་ཐག་པ་ནས་སྐྱབས་སུ་སོང་བའི་སྒོ་ནས་གཞན་ཕན་གྱི་བསམ་པས་ཀུན་ནས་བསླངས་ཏེ། རང་ལ་ཕན་གནོད་གང་ཡང་མ་ བྱས་པའི་མི་བར་མ་ཉམ་ཐག་ཅིག་ལ་དམིགས་ཏེ་ཐོག་མར་དེ་ལ་གང་འབྱོར་གྱིས་དངོས་རྫས་ཡོ་བྱད་སྦྱིན་པར་བྱེད་པ་དང་། དེ་ནས་ཕན་སེམས་ ཀྱིས་ཚེ་འདིའི་འཚོ་ཐབས་སོགས་བསྟན་ནས་རིམ་གྱིས་ཡ་རབས་ཀྱི་གྲལ་དུ་ཚུད་ཅི་ཐུབ་བྱས་ནས་སྙིང་རྗེ་བསྐྱེད་པ་དང་།་འདིས་མཚོན་ནས་མཁའ་ ཁྱབ་ཀྱི་འགྲོ་བ་སེམས་ཅན་ཐམས་ཅད་སྡུག་བསྔལ་དང་བྲལ་ཞིང་། བདེ་བ་མཆོག་དང་ལྡན་ན་ཅི་མ་རུང་། ཅིས་ཀྱང་ལྡན་པར་བྱའོ་སྙམ་ནས་སངས་ རྒྱས་ཀྱི་དགོངས་དོན་ལྟར་གཙོ་བོ་འགྲོ་བ་མིའི་རིགས་སྤྱི་ལ་ཕན་སེམས་ཆེ་ཞིང་། བློ་དཀར་གཞུང་དྲང་གི་བསམ་པ་བཟང་པོས་ཟིན་པར་བྱས་ནས། དེང་རབས་ཀྱི་སྤྱི་ཚོགས་སྟེང་འཕྲལ་ཕུགས་གཉིས་ཀར་ཕན་འབྲས་ཆེ་བའི་རིགས་ཡ་རབས་ལུགས་མཐུན་གྱི་བྱ་བ་རྣམས་བདག་གིར་མཛད་དེ། དེ་ དང་མི་མཐུན་པའི་རིགས་མི་དགེ་བ་རྣམས་སྤང་ཅི་ཐུབ་ཀྱིས་བཟང་ངན་འདོར་ལེན་གྱི་ཕྱོགས་ལ་འབད་དགོས་པ་ནི་འཛམ་གླིང་སྟེང་མེད་ཐབས་ མེད་པའི་བྱ་བ་གནད་འགག་ཅིག་ཏུ་ངེས། ཡང་གཅིག་བཤད་ན་སའི་གོ་ལར་ཆགས་པའི་འགྲོ་བ་མིའི་རིགས་ཡོངས་ཀྱིས་འཛམ་གླིང་ཞི་ཞིང་བདེ་ བའི་ཕྱོགས་ལ་བསམ་བློ་ཞིབ་ཚགས་ཤིག་བཏང་སྟེ། ནང་སེམས་ཀྱི་ལྟ་བ་དང་སྤྱོད་པ་ཡང་དག་པའི་རིགས་བསམ་བློ་ཆ་རྣམས་ནང་གི་ཚན་རིག་དང་ ། ཕྱི་དངོས་པོ་གསར་སྐྲུན་ལག་རྩལ་བཟང་པོའ་ི ཆ་རྣམས་ཕྱིའི་ཚན་རིག་དང་། དེ་གཉིས་ཟུང་འབྲེལ་གྱིས་གནས་སྐབས་དང་མཐར་ཐུག་གི་བདེ་བ་ བསྐྲུན་པ་ལ་ཐབས་རྒྱ་ཇུས་སྟོང་གིས་ལག་བསྟར་རྣམ་དག་ཅིག་བྱ་རྒྱུ་ནི་འགྲོ་བ་མི་རེ་རེས་ཀྱང་མི་བྱེད་ཐབས་མེད་ཀྱི་ཚོད་དུ་གནས། ནང་གི་ཚན་ རིག་བསམ་པ་བཟང་པོའ་ི ཆ་རྩ་བར་བཟུང་ནས་ཞེ་ཕུགས་ཀྱང་དེ་ལ་གཏད་པ་དང་། གནས་སྐབས་སུ་ཚན་རིག་ལག་ཤེས་བཟང་པོ་ལ་བརྟེན་ནས་ དེ་གཉིས་མི་འགལ་ཞིང་། གཅིག་གྲོགས་སུ་གཅིག་སོང་བའི་ཐབས་ཤེས་ཡ་མ་བྲལ་བ་ཞིག་ལ་མ་བརྟེན་ན་འཛམ་གླིང་ཞི་བདེ་ཟེར་བ་དེ་ཨ་ཐག་ཤིན་ ཏུ་རིང་ཞིང་རི་བོང་རྭའི་མཆེད་ཟླར་འགྱུར་པར་མ་ཟད། འགྲོ་བ་མིའི་འབྱུང་འགྱུར་སྐྱིད་སྡུག་ལེགས་ཉེས་ཅི་འབྱུང་བའི་ཆ་མ་འཚལ་ཏོ། འཛམ་གླིང་ ཞི་བདེ་དང་ལྷིང་འཇགས་ཤིག་འོང་དགོས་ན། བསམ་སྤྱོད་བཟང་བོ་དེ་གཙོ་བོར་བྱས་ནས། སའི་གོ་ལ་ཧྲིལ་བོར་ཕན་པ་ཡོད་པའི་ཚད་ལྡན་གྱི་རིག་ གཞུང་དག་ལ་བསླབས་ཏེ་ཚུལ་བཞིན་སྒྲུབ་དགོས་པ་ལས། འཕྲལ་གྱི་བྱ་བ་ཚེ་འདིའི་ལྟོ་གོས་ཙམ་ཆེད་དུ་གཉེར་བྱ་སྟོན་པའི་རིག་གནས་ཉི་ཚེ་བ་ ཙམ་ལ་སྦྱང་གཞིར་བཟུང་ནས་ཆོག་ཤེས་བསྟེན་པ་ནི། དཔེར་ན་ཆུ་ཐོམ་གང་གི་ནང་དུ་ཉ་འདོམ་གང་གི་དཔེ་ལས་མེད་པས་གར་ཡང་མི་ཕྱིན་ཏོ། དེའི་རྐྱེན་གྱིས་འཛམ་གླིང་ཞི་བདེ་ཟེར་བ་ནི་གཙོ་བོ་ནང་སེམས་ཀྱི་བདེ་སྐྱིད་ཀྱི་ཆ་ནས་འཇོག་དགོས་པ་ལས། ཕྱིའི་དངོས་པོའ་ི ཚན་རིག་དར་རྒྱས་

རྐྱང་བའི་ཆ་ནས་འཇོག་དགོས་པར་འདོད་པ་ནི་ཆེས་ཆེར་འཁྲུལ་བར་ཟད་དོ། དེས་ན་ཀུན་ལ་སྙིང་བརྩེ་བའི་བསམ་པ་བཟང་པོ་དེ་ལྡན་གྱི་མི་དེ་ གང་དུ་བསྡད་ཀྱང་རྟག་ཏུ་སྣང་བ་སྐྱིད་ཅིང་བདེ་བས་ཞི་དུལ་གྱི་ངང་བདེ་འབོལ་ལེར་གནས་པ་དང་། གང་དུ་ཕྱིན་ཀྱང་གནོད་པ་མེད་པར་སྐྱེ་བོ་ རྣམས་ངང་གིས་འདུ་སྟེ་གཞན་ཕན་འབྱུང་བ་དང་། སུ་དང་འགྲོགས་ཀྱང་མི་མཐུན་པ་མེད་ཀྱང་བཀུར་སྟིའི་ཞིང་དུ་གྱུར་ཏེ། གང་བསམ་པའི་དོན་ རྣམས་ཡིད་བཞིན་དུ་འགྲུབ་ནས། འདི་སྐྱིད་ཕྱི་སྐྱིད་ཅིག་འོང་བར་གདོན་མི་ཟའོ། དེ་བཞིན་དུ་རིན་ཐང་བྲལ་བའི་བསམ་པ་བཟང་པོ་དེ་མི་ཁྱིམ་ གཅིག་ལ་ལྡན་ན་ཁྱིམ་མི་དེ་ཚོ་ལ་ཆུ་རྐྱང་དང་རྩམ་རྐྱང་ཞིག་ལས་བཏུང་རྒྱུ་མེད་ནའང་ཧ་ཧ་ཧོ་ཧོ་བྱས་ནས་མི་ཚེ་བསྐྱལ་བ་ཞིག་ངེས་པར་འོང་ངོ་། དེ་ནི་བདེ་སྐྱིད་ཀྱི་རྩ་བ་ནང་སེམས་ལ་ཐུག་ཡོད་པའི་དབང་གིས་ཡིན་པ་འདིས་འཁུངས་སོ།

དེ་བཞིན་དུ་བསམ་པ་བཟང་བོ་དེ་གྲོང་དང་གྲོང་བརྡལ་གྲོང་ཁྱེར་རྒྱལ་ཁབ་སའི་གོ་ལར་གནས་པའི་སེམས་ཅན་ཐམས་ཅད་ལ་ཡོད་ན་ནི། འཛམ་ གླིང་ཧྲིལ་བོ་བདེ་ཞིང་སྐྱིད་པའི་དགའ་སྟོན་གྱི་འཚོ་བ་ལ་རོལ་ཐུབ་པ་ཞིག་ངེས་པར་འོང་ངོ་། དེ་ལྟ་མིན་ན་ད་སྔ་ཡན་ཆད་ཀྱི་འདསཔའི་ལོ་རྒྱུས་ རྣམས་ལ་ཤེས་ལྡན་རྣམ་པས་མནོ་བསམ་བཟང་བོ་ཞིག་བཞེས་དང་། འཛམ་གླིང་སྤྱི་དང་བྱེ་བྲག་གི་སྣོད་དང་བཅུད་ལ་ཆག་ཆེ་ཉམ་ང་བྱུང་བ་རྣམས་ རང་རྒྱལ་གཞན་ཕམ་གྱི་བསམ་སྤྱོད་ངན་པས་བྱས་པ་འབའ་ཞིག་ལས་གཞན་ཅི་ཡང་མ་ཡིན་ཏེ། འཛམ་གླིང་འཁྲུག་ཆེན་དང་པོ་དང་གཉིས་པའི་ སྐབས་སུའང་སྐྱེ་བོ་མ་རུང་བ་སྦྲུལ་གདུག་ཅན་ལོག་པར་ལྟ་བ་ཅན་དག་གི་དབང་ཤུགས་དང་ཇུས་ཉེས་ཀྱིས་འགྲོ་བ་སེམས་ཅན་བགྲང་གི་མི་ལང་བ་ ཐལ་བའི་རྡུལ་ཕྲན་མཚོན་ཆ་དང་དུག་རྫས་སོགས་ཡ་ང་ཞིང་འཇིགས་སུ་རུང་བའི་ལག་ཆ་འདྲ་མིན་སྣ་ཚོགས་བཀོལ་ནས། མི་ཚེ་གང་བོར་དཀའ་ སྤྱད་འབད་བརྩོན་གྱིས་བསགས་པའི་རྒྱུ་ནོར་ཡོ་བྱད་རྣམས་དང་། ཁྱད་པར་དུ་རིན་ཐང་བྲལ་བའི་འགྲོ་བ་མིའི་ཚེ་སྲོག་ལ་གནོད་པ་ཚབས་ཆེན་ ཐེབས་ནས་སྡིག་ལ་སྦྱར་བ་རྣམས་ཤིན་ཏུ་མི་འོས་ཤིང་སྨྲ་མི་ནུས་པ་ཞིག་མ་ཡིན་ནམ། དེར་བརྟེན་རྒྱལ་ཁབ་དང་རྒྱལ་ཁབ་བར། མི་རིགས་དང་མི་ རིགས་བར་གང་ཡིན་ཀྱང་ནང་ཕན་ཚུན་ལ་དམའ་འབེབས། བརྙས་བཅོས། བཙན་གནོན་བྱས་ནས་སུ་ཐུབ་གང་ཐུབ་ཀྱིས་གནོད་པ་ཚབས་ཆེན་ བཟོས་པ་རྣམས་རང་ཅག་གི་མངོན་སུམ་གྱི་མིག་ལམ་དུ་བསྟར་བ་དེ་ལྟར་རེད་དོ། དེ་དག་གི་རྩ་བ་ཡང་གཙོ་བོ་དམ་པའི་ཆོས་ཀྱི་ཡང་སྙིང་བྱམས་ སྙིང་རྗེ་བྱང་ཆུབ་ཀྱི་སེམས་བཟང་བོ་དང་ཁ་བྲལ་ཏེ་སྤྱི་སེམས་མེད་པར་རང་ཁོ་ན་དོན་གཉེར་གྱི་བསམ་པ་ངན་པ་འདི་ཁོ་ན་ལ་ཐུག དེ་མིན་ད་ལྟའི་ སྤྱི་ཚོགས་གོང་འཕེལ་དུ་སོང་ཞིང་དེང་རབས་ཀྱི་ལག་ཆ་ས་སྟེང་ཁྱབ་པ་ཞིག་བཟོས་ནས་གང་འདོད་དུ་ལོངས་སྤྱད་ཆོག་པའི་དུས་སྐབས་ཤིག་ལ་ སླེབས་ཡོད་ནའང་། དེ་ནི་དོན་ལ་མ་གནས་པར་གསོན་རྐྱེན་འཆི་རྐྱེན་དུ་འགྲོ་བ་མཐའ་ཡས་ཤིང་འཇིག་རྟེན་ཕུང་ལ་སྦྱོར་བའི་གནས་ཚུལ་ལ་བལྟོས་ ན་ཅི་འདྲ་སྙམ། གཙོ་བོ་སེམས་ཀྱི་ཁྱད་པར་བསམ་པ་བཟང་པོ་སོགས་ཀྱི་ཤེད་ཤུགས་མ་རྒྱས་པར་ནང་གི་ཚན་རིག་གི་དཔྱང་ཐག་ཆད་ན། འཇིག་རྟེན་ འདིའི་སྟོབས་འབྱོར་མངའ་ཐང་སོགས་ཕར་ཟད། འཇིག་རྟེན་འདིར་འགྲོ་བ་མིའི་ཚེ་སྲོག་ཀྱང་འཚོ་ཐབས་ཀྱི་རེ་ཐག་ཆད་པ་ཤ་སྟག་རེད། དེ་བས་ན་ འཛམ་གླིང་གི་ཤེས་ནས་སྨྲ་བ་ཐམས་ཅད་ཀྱིས་ཕྱི་དངོས་པོའ་ི ཚན་རིག་ཁོ་ན་ལ་ཞིབ་འཇུག་རྐྱང་བས་འཛམ་གླིང་ཞི་བདེ་འོང་བ་ལ་ཕན་ཐོགས་འོང་ དཀའ་བར་སྣང་སྟེ། གཞན་ཕན་གྱི་བསམ་པ་བཟང་བོ་དང་ཀུན་སྤྱོད་བཟང་བོ་སོགས་གལ་ཆེ་བར་སྟོན་པའི་སྟོན་པ་ཤཱཀྱ་ཐུབ་པའི་ཆོས་ལུགས་ལ་ ཡིད་ཆེས་ཏེ་ཚད་མའི་ལམ་ནས་ཞིབ་འཇུག་ནན་ཏན་སྒོས་བཤད་ཡམ་ཙམ་དུ་མ་སོང་བར་ལག་སྟར་མཐར་ཕྱིན་ཞིག་མ་བྱས་ན། མ་འོངས་པར་ཡང་ གནས་སྐབས་ཀྱི་བདེ་བ་ཙམ་མ་གཏོགས་མཐར་ཐུག་གི་བདེ་བ་མཆོག་བོར་ཏེ་སྡུག་བསྔལ་མུ་མཐའ་མེད་པར་མྱོང་བ་ལས་འོས་མེད་དོ། དེའི་རྐྱེན་གྱིས་ལས་དང་ཉོན་མོངས་པའི་དབང་གིས་བསྐྱེད་པའི་འཇིག་རྟེན་ཀྱི་ཆོས་མཐའ་དག་བདག་འཛིན་གྱིས་ཇི་ལྟར་བདེན་པར་ཞེན་ན་ཡང་ ། དོན་དམ་པར་སྙིང་པོ་ཅི་ཡང་མེད་པར་སྟོང་བ་ཙམ་ཡིན་པ་དང་། རྟེན་འབྲེལ་གྱི་དབང་གིས་རང་རང་གི་རྒྱུ་རྐྱེན་ལྷན་ཅིག་འཚོགས་པ་ཙམ་ལས་ འབྱུང་བ་ལས། རྒྱུ་རང་ངོས་ནས་གྲུབ་པ་ཞིག་གཏན་ནས་མེད་པར་གསུངས་པ་སོགས་ཀྱི་དགོས་པ་ཡང་འཁོར་བ་ལ་ཞེན་ཆགས་སྤངས་ཏེ། ཕྱིའི་ འཇིག་རྟེན་ལ་སྙིང་བོ་མེད་པར་མཐོང་ནས་གཞན་ཕན་གྱི་བསམ་པ་བཟང་བོ་སྤྱོད་པ་ཡ་རབས་ཀྱིས་འཇིག་རྟེན་པ་ཕན་པ་དང་བདེ་བ་སྒྲུབ་ནུས་ པའི་སྒོ་ནས། ལྟ་བ་རྟེན་འབྱུང་དང་སྤྱོད་པ་ཡ་རབས་གཉིས་ཤིན་ཏུ་ནས་ཀྱང་གལ་ཆེ་བ་ཡིན་ནོ། ༦ ཚེ་སྔ་ཕྱི་དང་རྒྱུ་འབྲས་ལ་དཔྱད་པ།

འདིར་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པའི་བསྟན་པ་ལས། ཁམས་གསུམ་འཁོར་བ་གང་དུ་སྐྱེ་བ་ལེན་ཚུལ་གྱི་རྣམ་གཞག་རྣམས་ གསལ་བར་གསུངས་པ་ལ་ཡིད་ཆེས་ཀྱིས་ངེས་ཤེས་བསྐྱེད་པར་བྱ་དགོས་ཏེ། འདིའི་ཚུལ་ལ་བློ་ཁ་མ་ཕྱོགས་པར་སྣང་མེད་དུ་བཏང་བའི་དབང་གིས་ མིའི་རིགས་ཀྱི་མ་འོངས་པའི་མདུན་ལམ་ལ་ཤིན་ཏུ་གནོད་ཚབས་ཆེའ།ོ གལ་སྲིད་རང་ཅག་རྣམས་མི་ཚེ་གཅིག་པུ་འདི་ལས་ཚེ་ཕྱི་མར་སྐྱེ་བ་གཞན་ ལེན་མི་དགོས་པར་མེད་འགྲོ་བ་ཞིག་ཡིན་ན་ནི་ཚེ་འདི་ཁོ་ནའི་ཕྱིར་བྱ་བར་འབད་པ་དེ་ལས་བསམ་བློ་གཞན་གང་ཡང་གཏོང་མི་དགོས་མོད། འོན་ ཀྱང་དེ་འདྲའི་ལས་སླ་བོ་ཞིག་གཏན་ནས་མ་ཡིན་ཏེ། ལས་དང་ཉོན་མོངས་པའི་དབང་གིས་འཁོར་བར་སྐྱེ་བ་བླངས་ཕྱིན་ཆད་བདག་མེད་རྟོགས་ པའི་ཤེས་རབ་ཀྱིས་ཉོན་མོངས་པའི་སྒྲིབ་པ་མ་སྤངས་པ་དེ་སྲིད་དུ་སྐྱེ་འཆི་ལ་རང་དབང་མེད་པའི་རྐྱེན་གྱིས་ཟོ་ཆུན་ཁྱུད་མོ་ལྟར་རྒྱུན་ཆད་མེད་པར་ འཁོར་ཏེ་སྐྱེ་བ་བླང་དགོས་པ་ཡིན་ནོ། རང་ཅག་གི་ཟག་བཅས་ཉེར་ལེན་གྱི་ཕུང་བོ་ནི་ཤི་བའི་སྐྱེ་བ་ཕྱི་མར་མི་འགྲོ་བར་ཤུལ་དུ་ལུས་པས་རྒྱུན་ཆད་པ་ བདེན་མོད་ཀྱི། འོན་ཀྱང་ལུས་ཕུང་ནི་བརྟེན་པ་སེམས་སམ་རྣམ་ཤེས་གནས་སའི་རྟེན་ཁང་བ་ལྟ་བུ་སྟེ་གནས་སྐབས་ཀྱི་གཡར་མ་ཙམ་ཡིན་ཏེ། དཔེར་ ན་ཚོང་དཔོན་ཞིག་གིས་ཚོང་ཟོང་བཀྲམ་ཕྱིར་གཞན་ལས་མགྲོན་ཁང་ཞིག་ལོ་གཅིག་གི་ཡུན་ཚད་ལ་གཡར་ནས་ཚོང་ལས་བསྒྲུབ་ཏེ་དུས་ཚོད་ལྟར་ ཕྱིར་སྤྲོད་དགོས་པ་ལྟར། ལུས་ཕུང་དང་སེམས་གཉིས་ནི་རེ་ཞིག་ལྷན་ཅིག་ཏུ་འཚོགས་པ་ཙམ་ལས་དེ་གཉིས་ཀྱི་ངོ་བོ་དང་སྐྱེ་ཚུལ་སོགས་ཐ་དད་ ཡི​ིན་པས་ལུས་ཕུང་ཤུལ་དུ་ལུས་ཡོད་པ་ཙམ་ལས་སེམས་ཕ་རོལ་ཏུ་མ་སོང་བར་ཤུལ་དུ་ལུས་ས་གཏན་ནས་མེད་དོ། ལུས་ཞིག་པའི་ཚེ་ལུས་འདི་ལ་སེམས་མི་གནས་པ་ཙམ་ཞིག་ཡིན་ནའང་། སེམས་གཏན་མེད་དུ་གྱུར་པ་མི་སྲིད་དོ། འཆི་བའི་ཚེ་སྒོ་ལྔའི་རྣམ་ཤེས་ རགས་པ་རྣམས་འགགས་ནས་ཡིད་ཀྱི་རྣམ་ཤེས་ཀྱི་སྟེང་དུ་བསྡུས། དེ་ནས་རིམ་གྱི་རྣམ་ཤེས་འཕོས་མ་ཐག་སྲང་མདའི་མཐོ་དམན་བཞིན་བར་སྲིད་ ཀྱི་སྣང་བ་ཤར་ཏེ་ཐོགས་རེག་དང་བྲལ་བའི་ལུས་དང་ལྡན་ཞིང་། ཚེ་ཚད་ལའང་ངེས་པ་མེད་པས་ཇི་ལྟར་ཚེ་རིང་ན་ཡང་བདུན་ཕྲག་བདུན་ལས་

བར་སྲིད་འགགས་ཏེ་ལས་དཀར་ནག་གིས་ཇི་ལྟར་འཕངས་པ་བཞིན་ལས་ཀྱི་རྗེས་སུ་འབྲངས་ནས་སྐྱེ་བ་ཞིག་བླང་དགོས་སོ། ཚན་རིག་པ་ཁ་ཅིག་ གིས་རྫས་འགྱུར་གྱི་འགྱུར་རིམ་ལས་སྲོག་ཆགས་བྱུང་བ་ཡིན་ཟེར། དེ་ཡང་གདོད་མའི་རླུང་ཁམས་ཆེན་པོ་ནང་ན་གནས་པའི་སྐྱེ་མེད་དངོས་པོ་ རྣམས་འདུས་པ་ལས་སྐྱེ་ལྡན་དངོས་པོར་གྱུར། དེ་ཆར་བའི་རྒྱུན་དང་འགྲོགས་ཏེ་རྒྱ་མཚོར་ཕྱིན། རྒྱ་མཚོ་ནས་རིམ་བཞིན་འཕེལ་ཏེ་ཕྲ་ཕུང་ཉིང་ རྡུལ་གྱི་སྐྱུར་རྫས་དང་། སྤྲི་དཀར་གྱི་བཅུད་དུ་གྱུར་ཅིང་མཐར་སྲོག་ཆགས་སུ་གྱུར་པས་ཚེ་སྲོག་ནི་སའི་གོ་ལ་རང་ནས་བྱུང་ཞེས་ཟེར། ཁ་ཅིག་གིས་ གཞན་དུ་བཤད་པ་སོགས་རང་རང་གིས་བློས་དཔྱད་པ་རེ་བྱས་ནས་བཤད་པ་ཤིན་ཏུ་མང་བས་སོ། གཞན་ཡང་དངོས་གཙོའི་ཚན་རིག་པ་འགའ་རེས་ མིའི་བསམ་གཞིག་བྱེད་པའི་རྣམ་ཤེས་འདི་བེམ་པོ་དང་སོ་སོར་འབྱེད་རྒྱུ་མེད་པས་བེམ་པོའ་ི ཆ་ཤས་ཤིག་རེད། རྣམ་ཤེས་ཀླད་ཆེན་ལ་བརྟེན་དགོས་ དེའི་ཕྱིར་མི་ཤི་བའི་ཚེ་ལུས་ཞིག་ནས་མེད་པར་གྱུར་པས་རྣམ་ཤེས་ཀྱང་རྒྱུན་ཆད་པར་འགྱུར་ཟེར། ཡང་དབྱིན་ཇིའི་ཚན་རིག་པ་མང་བོ་ཞིག་གིས་ ནི་མིའི་ལུས་ཀྱི་ནང་བེམ་པོ་མ་ཡིན་པའི་དངོས་པོ་སྟེ་རྣམ་ཤེས་ཤིག་ཡོད་ལ། དེ་མིའི་ལུས་ཞིག་པའི་འོག་ཏུའང་རྟག་པར་གནས་ཡོད། ཀླད་ཆེན་ནི་ དཔེར་ན་འཕྲུལ་ཆས་ཀྱི་ཀློག་གི་ཀླད་པ་ལྟ་བུ་དང་། རྣམ་ཤེས་ནི་དེ་ལ་བཀོད་འདོམ་བྱེད་པའི་མིའི་ཀླད་པ་ལྟ་བུ་རེད་ཅེས་ཟེར་རོ། དེ་དག་ལས་སྔ་ མ་དག་གིས་བཤད་པ་ནི་ཕྱིན་ཅི་ལོག་ཁོ་ན་སྟེ། ད་ལྟ་འཛམ་བུ་གླིང་ན་སྐྱེ་བ་སྔ་མ་ནས་ཕྱི་མར་འཕོ་ཚུལ་བར་སྲིད་དང་བཅས་བདེན་དཔང་ཚད་མ་ དང་ལྡན་པའི་སྒོ་ནས་དྲན་མཁན་སྐྱེ་བོ་སྟོང་ཕྲག་དུ་མ་ཐམས་ཅད་ལ་མཐུན་སྣང་དུ་ཡོད་པས་ན། མངོན་སུམ་ལ་སྐུར་བ་བཏབ་པས་དགོས་པ་ལྷག་པོ་ ཅི་ཡང་མེད་སྙམ། གཞན་ཡང་འདིའི་ཕྱོགས་ལ་དཔྱད་པ་མང་ཡང་ཡི་གེར་འཇིགས་ནས་མ་བྲིས་པས་རྒྱས་པར་གཞན་ལས་ཤེས་པར་བྱོས། དེ་ལྟར་སྐྱེ་ བ་སྔ་ཕྱི་ཞེས་པ་འདི་ནི་ནང་བ་སངས་རྒྱས་པའི་བཤད་སྒྲོས་ཙམ་མ་ཡིན་པའི་སྟབས་ཀྱིས་དེང་སང་ཕྱི་རྒྱལ་གྱི་ཚན་རིག་པ་རྣམས་གནས་འདི་ལ་ལྷག་ པར་མོས་པ་སྐྱེས་ཏེ་བརྩོན་ལེན་བྱེད་པ་ཤིན་ཏུ་མང་ངོ་། རྒྱུ་འབྲས་ཀྱི་རྣམ་གཞག་ནི་དེ་ལྟར་ཤི་ནས་མེད་དུ་མི་འགྲོ་བར་ཕ་རོལ་ཏུ་འགྲོ་དགོས་པ་ཚད་མས་གྲུབ་ཅིང་། དེ་ཡང་ལས་ཀྱི་གཞན་དབང་གིས་འགྲོ་ བ་རིགས་དྲུག་གི་གནས་གང་དུ་སྐྱེ་བ་བླང་བ་ལ་རང་དབང་ཅུད་ཟད་ཀྱང་མེད་དེ། དཀར་ནག་གི་ལས་གང་བསགས་རྒྱ་ཆེ་བ་དེའི་དབང་གིས་སྐྱེ་བ་ བླང་དགོས་སོ།

དེའི་ཕྱིར་འདུས་བྱས་ཀྱི་ཆོས་ཐམས་ཅད་རྒྱུ་རྐྱེན་གཞན་ལ་བརྟེན་ནས་བྱུང་ཞིང་འཇིག་རྟེན་ཐམས་ཅད་ལས་ཀྱི་འབྲས་བུ་ཡིན་པར་གསུངས། སེམས་ སམ་བསམ་བློ་ནི་དངོས་པོའ་ི ཁྱབ་ཁོངས་སུ་མཐོང་བ་རེད། ད་ལྟའི་ཚན་རིག་གི་ལྟ་ཚུལ་ལྟར་ན་བསམ་བློ་ནི་ཚན་རིག་ཞིག་འཇུག་གི་ཡུལ་མིན་པར་ འདོད། འཇིག་རྟེན་གྱི་འགྲོ་བ་མིའི་རིགས་མཐའ་དག་གིས་སྣོད་བཅུད་ཀྱི་ཁྱད་པར་དང་རང་བཞིན་ངོ་བོ་བྱེད་ལས་སོགས་ལ་བློས་དཔྱད་པ་ཙམ་ ཡང་མ་མཆིས་པར་རང་དོན་དོན་གཉེར་གྱི་ཤེས་ཁོ་ནས་འཚོ་ཐབས་ཙམ་གྱི་ཆེད་ལས་ངན་པ་ཚབས་ཆེན་བསགས་ཏེ་རང་གཅིག་པུ་བདེ་འདོད་དང་ སྐྱིད་འདོད་བསམས་ནས་མི་ཚད་འདའ་བ་རེད། མི་སུ་ཞིག་ཡིན་ནའང་མ་རྒན་སེམས་ཅན་གཞན་དཀའ་ཁག་ཅི་འདྲ་ཞིག་མྱོང་ནའང་དེའི་ཕྱོགས་ ལ་ལྟ་རྟོགས་ཙམ་ཡང་མེད་པར་ནམ་ལའངས་ནས་རུབ་ན་རང་རྒྱལ་གཞན་ཕམ་གྱི་བྱ་བ་ལ་འབད་འབད་དུང་དུང་གིས་མི་ཚེ་འདས་པ་ཙམ་ནི་ཅི་ འདྲ་སྙམ། ཚེ་འདིར་དཀའ་ངལ་ཆེར་མེད་པར་ལུས་ཕུང་འཚོ་ཞིང་བདེ་བར་གནས་པ་ནི། ཚེ་རབས་སྔ་མའི་ཡ་རབས་དགེ་བའི་ལས་བསགས་པའི་ འབྲས་བུ་སྨིན་པ་ལས་སྔ་མའི་རྒྱུ་ལ་མ་བརྟེན་པར་གློ་བུར་དུ་འབྲས་བུ་སྨིན་པ་ཞིག་འཇིག་རྟེན་ཕྱི་ནང་གི་རྒྱུ་འབྲས་གང་གི་ཆ་ནས་དཔྱད་ན་ཡོད་མི་ སྲིད་དམ། སངས་རྒྱས་བཅོམ་ལྡན་འདས་ཀྱིས་ལས་འབྲས་ཀྱི་རྣམ་གཞག་ལ་རྨོངས་ཏེ། གང་དྲན་དྲན་གྱི་བྱ་གཞག་ཁོ་ན་ལྷུར་བླངས་ན་འཇིག་རྟེན་ ཕྱི་མར་རང་ཉིད་མེད་ནས་མི་འགྲོ་བར་སྐྱེ་བ་ཞིག་བླང་དགོས་པས། དེའི་ཚེ་སྡིག་པའི་འབྲས་བུ་མི་འདོད་བཞིན་དུ་རང་ཐོག་ཏུ་བབས་པ་ན་ཇི་ལྟར་ བཟོད་དམ། ཚེ་ཕྱི་མར་བདེ་སྡུག་གང་མྱོང་བར་འདོད་ན་ད་ལྟ་རང་ལག་ན་ཡོད་པའི་སྐབས་ཡིན་པས། དཔེར་ན་ཞིང་རྨོ་བ་རྣམས་ཀྱིས་དཔྱིད་དུས་ སུ་ཞིང་མ་རྨོས་པར་སོས་བདེར་བསྡད་ནས་སྟོན་དུས་འབྲས་བུ་བཟང་བོར་རེ་ནས་ཞིང་བསྡུ་བར་རྩོམ་པ་ལྟར། རང་ཉིད་ཀྱང་ཚེ་འདིར་ཉོན་མོངས་ པའི་དབང་གིས་དགེ་བའི་ལས་བཟང་པོ་མ་བསགས་པར་དོན་མེད་དུ་མི་ཚེ་འདས་ནས་ཕྱི་མར་ལག་སྟོང་དུ་སོང་ནས་མི་བཟད་པའི་རྣམ་སྨིན་མྱོང་ བའི་ཚེ་ཇི་ལྟར་བྱེད། (ཤེར་ཕྱིན་གྱི་མདོ་)ལས། སེམས་ཅན་ཐམས་ཅད་ལ་ཕར་འདུ་ཤེས་པ་དང་། མར་འདུ་ཤེས་པ། བུར་འདུ་ཤེས་པ་དང་། བུ་མོར་འདུ་ ཤེས་འཇོག་དགོས་ཞེས་གསུངས་པ་ནི། འཁོར་བའི་ཉེས་དམིགས་བསམས་ནས་རང་ཉིད་གཅེས་འཛིན་གྱི་འདུ་ཤེས་བསྒྱུར་ཏེ་རིམ་གྱིས་ཡ་རབས་ཀྱི་ བྱ་བར་གོམས་སྟོབས་ཀྱིས་མ་སེམས་ཅན་ཐམས་ཅད་ལ་བརྩེ་སེམས་ཁྱད་པར་ཅན་དང་ཁ་ཞེ་གཉིས་མེད་ཀྱི་ངང་ནས་བྱ་བ་ཞིག་སྒྲུབ་ན། སེམས་དེའི་ སྟོབས་ཀྱིས་གཞན་ལ་གང་ཅིའི་ཐད་ཕན་འདོགས་པ་དང་། དངོས་པོས་རོགས་སྐྱོར་བྱེད་པ་དང་། བཀྲེས་སྐོམ་གྱིས་མནར་བའི་ཉམ་ཐག་པའི་སེམས་ ཅན་མཐོང་བ་ན་སྙིང་ནས་མ་བཟོད་པར་ལུས་ཀྱི་ཤ་དང་སྲོག་ཀྱང་སྦྱིན་པར་བྱེད་ནུས་པ་ནི། དཔེར་ན། སྔོན་རྒྱ་གར་ན་རྒྱལ་སྲས་སྙིང་སྟོབས་ཆེན་ པོས་སྟག་མོར་ལུས་བཏང་བ། འཕགས་པ་ཐོགས་མེད་ཀྱིས་བརླ་ཤ་བཅད་དེ་ཁྱི་མོར་བྱིན་པ། དུས་རབས་ཉི་ཤུ་བའི་མཇུག་ཏུ་སེམས་དཔའ་ཐུབ་བསྟན་ དངོས་གྲུབ་ཀྱིས་རང་གི་མཁལ་མ་བློ་གྲོས་བཟང་མོར་བྱིན་པ་སོགས་ཀྱིས་མཚོན་དགེ་མི་དགེ་བྱ་བ་བཟང་ངན་གང་ཡིན་ཡང་གཙོ་བོ་ནང་སེམས་ཀྱི་ བག་ཆགས་གོམས་སྟོབས་དང་རང་ཤུགས་ཀྱི་གྲུབ་ཆ་ལས་བྱུང་བ་རྣམས་ནི་ཡང་དག་པར་རྫོགས་པའི་སངས་རྒྱས་ཀྱིས་སྔ་མོ་ནས་གསུངས་པ་ཡིན་ པས། དེ་ཚོ་ལ་ཡིད་ཆེས་ཀྱིས་ང་ཚོས་དོན་དུ་གཉེར་བྱའམ་ལག་ལེན་གྱི་གཙོ་བོ་ཡང་རླབས་ཆེན་གྱི་བྱ་བ་བཟང་པོའ་ི གྲུབ་ཆ་ལ་གཙིགས་འཛིན་བྱེད་ དགོས། དེ་ནི་འཛམ་གླིང་གི་ཆོས་ལུགས་སྤྱི་དང་ཁྱད་པར་དུ་གངས་ཅན་བོད་ཀྱི་ངོ་བོར་གྲུབ་པ་ནང་བསྟན་གྱི་སྙིང་བོ་དང་། འཛམ་གླིང་ཞི་བདེ་མཉམ་ གནས་ཀྱི་གཞི་རྩའི་ས་བོན་ལྟ་བུ་རེད། ཡིན་ན་ཡང་ལས་དབང་ཟེར་བ་དེ་ཚོ་ལ་བསམ་བློ་དང་ཞིབ་འཇུག་རྣལ་མ་ཞིག་མ་བྱས་པར་ལས་དབང་ཞེས་ པ་སྒྲ་སྤྱི་ཙམ་གྱི་འཆར་སྣང་དངོིས་པོ་ལིང་ལིང་བ་ཞིག་ལ་དམིགས་ནས་བཤད་ཡམ་ཙམ་དུ་འཛིན་པ་ནི་རྨོངས་དད་རང་རེད། དེའི་རྐྱེན་གྱིས་བློ་ ལྡན་རྣམས་ཀྱིས་ལས་རྒྱུ་འབྲས་ཀྱི་རྣམ་གཞག་ལ་སློབ་སྦྱོང་དང་ཞིབ་འཇུག་བཟང་བོ་ཞིག་བྱས་ན། ད་གཟོད་ལས་ཞེས་པ་ནི་བདེ་སྡུག་གི་རྒྱུ་ཡིན་ པ་དང་། དབང་ཞེས་པ་ནི་ནུས་པའམ་སྟོབས་ཡིན་པའི་གོ་བའམ་ངེས་ཤེས་རྣལ་མ་ཞིག་རྙེད་ནས། སངས་རྒྱས་ཐམས་ཅད་མཁྱེན་པས་འཇིག་རྟེན་

གྱི་བྱ་དངོས་ཡོད་དོ་ཅོག་ལས་སམ་རྒྱུ་དང་། འབྲས་བུའམ་སྟོབས་ཤུགས་ཀྱིས་བསྐྱེད་དེ་སྨིན་པར་གསུངས་པ་རྣམས་ལ་སྙིང་ཐག་པ་ནས་ཡིད་ཆེས་ བརྟན་པོ་ཞིག་རྙེད་ཐུབ་བོ། དེ་ལྟར་རྒྱུ་སྔོན་དུ་མ་སོང་བར་འབྲས་བུ་ལ་ལོངས་སྤྱོད་པར་འདོད་པ་དག་ནི་འཇིག་རྟེན་ན་རྒོད་བྲོ་བ་དང་འདོད་པ་ཙམ་ དུ་ཟད་དོ། སྤྱིར་ང་ཚོའི་སྤྱི་ཚོགས་སྟེང་ཞི་བདེ་དངོས་མ་ཞིག་ཡོང་མི་ཐུབ་པའི་རྒྱུ་རྐྱེན་མང་དག་ཅིག་མཆིས་ཀྱང་། མང་ཚོགས་ཀྱི་ཁྲོད་དུ་གནས་ བཞིན་པའི་གེགས་རྐྱེན་གཙོ་བོ་ནི། འགྲོ་བ་མིའི་རིགས་ཀྱི་སྤྱི་ཚོགས་ཀྱི་གནས་བབ་ག་འདྲ་ཡིན་པ་དང་འགྲོ་བ་མིའི་རིགས་འདི་ཉིད་འབྱུང་འགྱུར་ འཕྲད་སྲིད་པའི་དཀའ་གནད་གང་ལའང་བློ་གྲོས་ཞིབ་མོས་མ་དཔྱད་མ་བརྟགས་མ་སེམས་པར་རང་ཁོ་ནའི་འཚོ་ཐབས་ཙམ་ལ་འབད་པ་ནི་སེམས་ ཅན་བརྒྱ་ཆའི་གོ་དགུ་ཟིན་ཡོད་པ་དེ་རེད། དེའི་རྩ་བ་ཡང་གཞན་ཕན་གྱི་བྱ་བ་རྣམས་དོར་ནས་ལས་འབྲས་ལ་ཡིད་མ་ཆེས་པའི་རྐྱེན་གྱིས་ཡིན་པར་ མངོན། རྩ་བའི་ཆ་ནས་འགྲོ་བ་མིའི་རིགས་སུ་ཞིག་ཡིན་རུང་། མི་རིགས་དེའི་ལུས་ངག་ཡིད་གསུམ་ལ་ཞི་བའི་གོ་སྐབས་ཐོབ་ཐང་ཞིག་ཡོང་དགོས་ ན། མི་རིགས་དེི་ངོ་བོར་གྱུར་པའི་ཆོས་ལུགས་དང་རིག་གནས། སྐད་ཡིག་དང་དཔལ་འབྱོར་ཚོང་འབྲེལ་སོགས་ལ་ཐོབ་ཐང་གི་རྨང་གཞི་བརྟན་པོ་ ཞིག་དགོས། དེ་ལྟར་གྲུབ་པ་ལ་འཚེ་མེད་ཞི་བའི་ལམ་ལ་མངོན་དུ་བསྐྱོད་དེ་གཞན་གྱི་ཐེ་གཏོགས་མེད་པར་ཁོར་ཡུག་ལའང་རང་དབང་གཙང་མ་ ཞིག་མཁོ་གལ་ཆེ་ཞིང་། དེ་ལྟར་མ་བྱུང་ཚེ་མི་རིགས་ག་འདྲ་ཞིག་ཡིན་ཡང་མདུན་སྐྱོད་ཀྱི་གོམ་པ་སྔོན་དུ་སྤོ་རྒྱུ་ཟེར་བ་ནི་ཁ་ཙམ་ཚིག་ཙམ་དུ་གྱུར་ པ་མ་གཏོགས་དོན་སྟེང་ནས་ཧ་ཅང་དཀའ་མོ་ཞིག་རེད། ལས་རྒྱུ་འབྲས་ཀྱི་རྩ་བའི་ཕྱོགས་ནས་སྟོན་པ་ཐུགས་རྗེ་ཅན་གྱིས་ལས་ངེས་པའི་ཚུལ་དང་ ། ལས་འཕེལ་ཆེ་བ་དང་། ལས་མ་བྱས་པ་དང་མི་འཕྲད་པ་དང་། ལས་བྱས་པ་ཆུད་མི་ཟ་བ་སྟེ་བཞིའི་སྒོ་ནས་གཏན་ཕབ་བྱས་པའི་དང་པོ་ནི་དཀར་ ནག་གི་ལས་གང་བྱས་ཀྱང་མ་འཆོལ་བར་དུས་ལ་བབ་པ་ན་བདེ་སྡུག་གི་འབྲས་བུ་ངེས་པར་སྨིན་པ་རེད། གཉིས་པ་ནི་རྒྱུ་དགེ་སྡིག་གང་བྱས་ཀྱང་དེ་ ཙམ་དུ་མ་བསྡད་པར་དུས་ཚོད་རེ་རེ། ཉི་མ་རེ་རེ། ལོ་རེ་རེ་སྐད་ཅིག་སྐད་ཅིག་ལ་འགྱུར་ཏེ་གོང་དུ་འཕེལ་བའི་སྒོ་ནས་རྣམ་སྨིན་གྱི་འབྲས་བུའི་ནུས་ པ་དང་སྟོབས་སོགས་བརྗོད་ཀྱིས་མི་ལང་བ་ཞིག་ཏུ་འགྱུར་ངེས་པ་རེད། གསུམ་པ་ནི་ལས་དཀར་ནག་གི་རྒྱུ་སྔོན་དུ་མ་བྱས་ཤིང་མ་བསགས་པར་ཕྱིས་ བདེ་སྡུག་གི་འབྲས་བུ་སྨིན་པ་གཏན་ནས་མེད་པར་སྣང་། དཔེར་ན། ཞིང་ལས་མ་གཉེར་བར་ཞིང་ཐོག་ཏུ་འབྲས་བུ་མེད་པར་ལྟར་ཕྱི་ནང་གི་ཆོས་ ཐམས་ཅད་རྒྱུ་རྐྱེན་གཞན་ལ་རག་མ་ལས་པར་བདག་སྐྱེའམ་རྒྱུ་མེད་ལས་སྐྱེ་བ་ཞིག་ཡོད་པར་འདོད་མི་ནུས་སོ། བཞི་བ་ནི་ལས་དགེ་སྡིག་གང་བྱས་ ཀྱང་དེ་འཇོམས་བྱེད་ཀྱི་གཉེན་པོ་དང་མ་ཕྲད་ན་ཆུད་ཟོས་སུ་འགྲོ་བ་ནི་གཏན་མི་སྲིད། ཕྱི་རོལ་གྲོ་ནས་སོགས་ཀྱི་ས་བོན་ལྟ་བུ་ལོ་རབས་མང་བོ་ཞིག་ འདས་ན་མྱུ་གུ་སྐྱེད་བྱེད་ཀྱི་ནུས་པ་ཉམས་སྲིད་ཀྱང་། ནང་སེམས་ཀྱིས་བྱས་ཤིང་བསགས་པའི་ལས་རྣམས་ལ་བསྐལ་བ་བརྒྱ་འགོར་ནའང་ནུས་ཉམས་ པ་དང་རུལ་སྐྱོན་སོགས་ཡེ་ནས་མེད་པས་རྒྱུ་རྐྱེན་འཚོགས་ཏེ་དུས་ལ་བབ་པ་ན་མ་འཆོལ་བར་འབྲས་བུ་སྨིན་པ་རེད། དེ་འདྲ་ཡིན་པའི་སྟབས་ཀྱིས་ འཇིག་རྟེན་གྱི་ཆོས་ལུགས་གཞན་པ་དང་ཚན་རིག་ཤེས་ཡོན་ཅན་རྣམས་ཕར་ཟད། སར་གནས་ཀྱི་སེམས་དཔའ་རྣམས་ཀྱིས་ཀྱང་ལས་འབྲས་ཕྲ་ཞིང་ ཕྲ་བ་རྣམས་ཇི་ལྟ་བ་བཞིན་རྟོགས་མི་ནུས་པས་སྟོན་པ་སངས་རྒྱས་ཁོ་ནའི་སྤྱོད་ཡུལ་ཡིན་པར་གསུངས། དེ་ལྟར་སངས་རྒྱས་བཅོམ་ལྡན་འདས་ལ་ མཁྱེན་སྟོབས་དང་སྙིང་རྗེ་བསམ་གྱིས་མི་ཁྱབ་པ་མངའ་ན་ཡང་། སེམས་ཅན་ཐམས་ཅད་ཀྱིས་བསགས་པའི་ལས་ཀྱང་བསམ་གྱིས་མི་ཁྱབ་པའི་དབང་ གིས། སྟོན་པ་སངས་རྒྱས་ཀྱིས་སེམས་ཅན་གྱི་སྡིག་པ་མི་དགེ་བའི་ལས་རྣམས་ཆུ་ཡིས་འཁྲུ་བར་བྱེད་མི་ནུས་པ་དང་། དེ་དག་གི་སྡུག་བསྔལ་མཐའ་ དག་ཕྱག་གིས་སེལ་མི་ནུས་པ་དང་། སངས་རྒྱས་རང་རྒྱུད་ཀྱིས་བསྡུས་པའི་ལུང་རྟོགས་ཀྱི་ཡོན་ཏན་རྣམས་སེམས་ཅན་གཞན་རྒྱུད་ལ་སྤོ་བར་མི་ནུས་ སོ། འོན་ན་ཅི་ཞེ་ན། སེམས་ཅན་ལ་ཞི་བདེ་ཐོབ་བྱེད་ཀྱི་ལམ་དང་ལམ་མ་ཡིན་པའི་ཁྱད་པར་སོགས་དང་དམ་པའི་ཆོས་མ་གཏོགས་འཇིག་རྟེན་ན་ གང་གིས་ཀྱང་ཕན་བདེ་སྐྱེད་པར་བྱེད་མི་ནུས་པར་གསལ་བོར་བསྟན་པ་རྣམས། སེམས་ཅན་ཐམས་ཅད་རང་རང་གིས་ཡང་དག་པའི་ལམ་དེ་ཚུལ་ བཞིན་དུ་ཉམས་སུ་བླངས་པ་ལ་བརྟེན་ནས་འཁོར་བ་ལས་གྲོལ་ཏེ། མཐར་གཏན་གྱི་བདེ་བ་ཐོབ་པ་ཞིག་མ་གཏོགས་ཐབས་གཞན་མ་མཆིས་པར་ གསུངས་པ་ཡིན་ཏེ། ཇི་སྐད་དུ། ཐུབ་རྣམས་སྡིག་པ་ཆུ་ཡིས་མི་འཁྲུལ་ཞིང་། འགྲོ་བའི་སྡུག་བསྔལ་ཕྱག་གིས་མི་སེལ་ལ། ཉིད་ཀྱི་རྟོགས་པ་གཞན་ལ་ སྤོ་མིན་ཏེ། ཆོས་ཉིད་བདེན་པ་བསྟན་པས་གྲོལ་བར་མཛད། ཅེས་གསུངས་པ་ནི་རྟག་བརྟན་མི་འགྱུར་བའི་རྡོ་རྗེའི་ཚིག་ཡིན་ནོ། དེས་ན་ཤེས་བྱའི་རྣམ་པ་ཐམས་ཅད་མཁྱེན་པའི་སྟོན་པ་སངས་རྒྱས་ཀྱི་ཆོས་ལུགས་ལ་ཕྲ་ཞིབ་རིགས་པའི་ལམ་ནས་སློབ་སྦྱོང་དང་ཞིབ་འཇུག་བརྒྱུད་ དེ། ཐེ་མི་ཚོམ་པའི་ཡིད་ཆེས་པ་ལ་བརྟེན་ནས་ཐོག་མར་རང་གིས་གང་ཤེས་རྣམས་ལག་ལེན་ལ་འབད་ནས་སེམས་ཅན་གཞན་དོན་བསྒྲུབ་པ་ལ་ འཇུག་པར་བྱ་དགོས་སོ། སྤྱིར་ན་ད་ལྟ་འཛམ་གླིང་ཞི་བདེ་དང་། སྐྱེ་དངོས་དོ་མཉམ་བྱེད་དགོས་ཚུལ་སོགས་ཀུན་གྱིས་ཁ་ནས་བཤད་པ་དང་དེའི་ ཕྱོགས་ཀྱི་རྩོམ་རིགས་མི་འདྲ་བ་མང་དུ་སྤེལ་ན་ཡང་དོན་དུ་ན་ཇི་བཞིན་བྱེད་པ་གཏན་ནས་མི་འདུག་དེའི་གནད་འགག་གཙོ་བོ་ནི་ཚེ་རབས་སྔ་ ཕྱི་དང་ལས་རྒྱུ་འབྲས་ཀྱི་རྣམ་གཞག་ལ་ཡིད་ཆེས་དང་གདེང་འཇོག་མེད་པ་འདི་ཁོ་ན་ལ་ཐུག་སྟེ། རང་འཚོ་ཐབས་ཀྱིས་གཞན་རླག་པར་བྱེད་པའི་ སྦྱོར་བ་ངན་པ་མཚོན་ཆའི་རིགས་སྣ་ཚོགས་གཅིག་ལས་གཅིག་ལྷག་ལོ་རེ་ནས་ལོ་རེར་བརྩོན་པ་ཆེར་བསྐྱེད་ཀྱིས་བསྒྲུབས་ནས་འགྲོ་བ་མིའི་རིགས་ ཀྱི་ཚེ་སྲོག་འཇོམས་བྱེད་ཀྱི་ཉེར་བསྡོགས་རྩོམ་པ་ལ་བལྟས་ན་ཧ་ཅང་ཡ་ང་བའི་བློ་ཕམ་སྐྱེ་བ་ཞིག་རེད། དེའི་ཕྱིར་འཛམ་གླིང་སྟེང་ལ་རྒྱུ་འབྲས་དང་ ཚེ་སྔ་ཕྱི་སོགས་ཡ་རབས་ཀྱི་ཕྱོགས་ལ་ཆེས་ཆེར་འདུན་པའི་རྒྱ་ཆེའི་ཆོས་དད་མང་ཚོགས་ཡོད་དོ་ཅོག་གིས་ལྡོག་རྩ་གཅིག་སྒྲིལ་གྱིས་གཞན་ཕན་གྱི་ བསམ་པ་བཟང་བོ་དང་། ལས་འབྲས་སོགས་ཀྱི་རྨང་གཞི་འདིའི་སྟེང་ནས་འགྲོ་བ་མིའི་རིགས་ཀྱི་མདུན་ལམ་ལ་བྱས་རྗེས་འཇོག་ཆེད་འབད་པ་ལྷོད་ མེད་ཅིག་བྱ་རྒྱུ་ནི་ཤིན་ཏུ་ནས་ཀྱང་གལ་འགངས་ཆེ་བས་རྩ་བའི་དམ་བཅར་བཟུང་བར་བྱ་སྟེ། གཞན་དུ་ཤིན་ཏུ་ཉམ་ཆུང་སྤྲང་བོས་ཀྱང་རྒོད་དྲགས་ ན་རང་གི་དབྱུག་པས་རང་གི་མགོ་གཅོག་གི་དཔེ་ལྟར་དེང་རབས་ཚན་རིག་འདི་ཡང་དར་དྲགས་ན་རང་གིས་རང་རླག་བྱེད་ཀྱི་རྐྱེན་དུ་མི་འགྲོ་བའི་ ངེས་པ་མེད་པ་ནི་ཤེས་པར་གྱིས། དེ་ལྟར་ནང་བ་སངས་རྒྱས་པའི་ཆོས་ལུགས་དྲི་མ་མེད་པའི་སྙིང་བོ་ལྟ་བ་རྣམ་པར་དག་པ་དང་། སྤྱོད་པ་རྣམ་པར་ དག་པ་རྣམས་གོང་ཞུས་ལྟར་གཞན་ལ་འཚེ་བ་སྤངས་ནས་བསམ་པ་བཟང་པོ་ཕན་སེམས་ཀྱིས་འཛམ་གླིང་མིའི་འགྲོ་བ་རྣམས་གཙོར་བྱས་ནས་སྐྱེ་ འགྲོ་ཡོངས་ལ་ཞབས་འདེགས་ཕུལ་དུ་ཕྱིན་པ་རྒྱལ་སྲས་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་རྣམས་ཚུལ་བཞིན་ཉམས་སུ་བླང་བ་ལ་བག་ཁུམ་ དང་རྙིང་ཞེན། ལེ་ལོ། གཡོ་སྒྱུར་སོགས་ཀྱི་བྲན་གཡོག་ཏུ་མ་གྱར་པའི་སྒོ་ནས་ལྷག་བསམ་འཁོར་བའི་ངང་འཛམ་གླིང་ཞེ་བདེའི་གཞི་རྩ་ཤཱཀྱ་ཐུབ་ པའི་བསྟན་པ་རིན་པོ་ཆེ་དང་། ད་ལྟའི་ཚན་རིག་གཉིས་ཟུང་འབྲེལ་སྒོས་ཁོར་ཡུག་སྲུང་སྐྱོབ་ཐད་ལ་ལག་ལེན་མཐར་ཕྱིན་ཞིག་བྱེད་པ་ལ་ཅིས་ཀྱང་

འབད་པར་སོར་བཅུའི་ཡལ་འདབ་སྙིང་གར་ཟུམ་སྟེ་མཁྱེན་མཁྱེན་ཅེས་ཞུའོ།

ས་བཅད་གསུམ་པ། བཟོ་རིག་པར་གནས་པའི་སྐྱེ་ཁམས་རིག་པ་མདོ་ཙམ་གླེང་བ། དེང་འདིར་ཚན་རིག་ལག་རྩལ་སྲིད་པ་ཡིན།། ཁོང་ལས་བརྒལ་ཀྱང་སྐྱེ་ཁམས་ཁོར་ཡུག་ལ།། རྟག་ཏུ་དགེ་ཞིང་ཐུན་མིན་ཁྱད་ལྡན་པའི།། ཕུལ་བྱུང་བོད་ཀྱི་བཟོ་རིག་འདི་ཅི་ཞིག།

༄༅།།བོད་ཀྱི་རིག་གནས་སྤྱི་དང་འདྲ་བ། བཟོ་རིག་པ་ལའང་སྐྱེ་ཁམས་ཁོར་ཡུག་སྲུང་སྐྱོབ་ཀྱི་ནུས་པ་ཤིན་ཏུ་མང་སྟེ། མདོར་བསྡུས་ཏེ་བརྗོད་ན། རང་ བྱུང་རྒྱུ་ཆས་ཀྱི་སྒོ་ནས་སྲུང་སྐྱོབ། སྣོད་བཅུད་མཐུན་སྦྱོར་གྱི་སྒོ་ནས་སྲུང་སྐྱོབ། ནང་དོན་བསླབ་བྱའི་སྒོ་ནས་སྲུང་སྐྱོབ། ལག་ལེན་མན་ངག་ལ་བརྟེན་ ནས་སྲུང་སྐྱོབ། བཟོ་དངོས་ཁྱད་ཆོས་ཀྱི་སྒོ་ནས་སྲུང་སྐྱོབ་བྱེད་པ་ལྔར་འདུས་སོ། དེའང་བོད་ཀྱི་གཙུག་ལག་ཁང་རྟེན་དང་བརྟེན་པ་བཅས་གསར་དུ་བཞེངས་པའི་གོ་རིམ་ཐོག་ནས་མཚོན་པར་བྱ་སྟེ། དང་པོ་ཡུལ་གང་དུ་བཞེངས་ པའི་གནས་གཞི་ས་དཔྱད་ཀྱི་སྒོ་ནས་ས་དགྲའི་གནོད་སྤང་ལེགས་སྦྱོར་སྒོས་གེགས་མེད་ཡུན་དུ་གནས་པའི་ཐབས་བྱེད་པ། གཉིས་པ་རྨང་འདིང་ བར་གཟའ་སྐར་འཕྲོད་སྦྱོང་སྒོ་ནས་གནོད་སྤང་ལེགས་སྦྱོར་གྱིས། ཕྱི་རི་གླིང་གཟའ་སྐར་གྱི་འགྲོས་ནམ་མཁའི་ཁམས་ཀྱི་ཁོར་ཡུག་ཆེན་པོ་དང་མཐུན་ སྦྱོར་བྱེད་པ། གསུམ་པ་རང་བྱུང་གི་རྒྱུ་ཆས་རྡོ་དང་ཤིང་ཆ་སོགས་བེད་སྤྱོད་བྱས་ནས་རྨང་བརྟན་པོ་འདིང་བ་དང་། རྩིག་པ་བརྩིག་པ། གྱང་རྡུང་བ། ཤིང་བཟོ་བ། གྱོ་མོ་རྩི་ཅན་དང་སོ་ཕག་སོགས་ཀྱི་བཟོ་བ་དང་། ལྡེབས་ཞལ་བྱེད་པ། སའི་ཨར་ཀའི་བཟོ་བ་སོགས་ལ་བརྟེན་ནས་བཟོ་སྐྲུན་གྱི་དངོས་ པོ་མི་འཇུག་ཡུན་དུ་གནས་པ་མི་ལོ་ཉིས་སྟོང་སྔོན་ནས་བཟོས་ཤིང་དུས་ད་ལྟའི་བར་འགྱིང་ངེར་གནས་པ་ཡུལ་བུ་བརླ་སྒང་ལྟ་བུ་དང་། གལ་ཏེ་ ནམ་ཞིག་གི་ཚེ་འཇིག་པར་གྱུར་ནས་ཀྱང་རང་བྱུང་གི་རྒྱུ་ཆས་ཐམས་ཅད་རང་བྱུང་གི་ཁམས་ལ་ཐིམས་པས་ཁོར་ཡུག་ལ་གནོད་པ་མེད་པ། བཞི་པ་ ཚོམས་ཆེན་གྱི་ལྡེབས་སུ་རི་མོ་འབྲི་བ་དང་། ཤིང་ཚོན་ཚར་དུ་དངར་བ་བཀྱེ་བར་ཚོན་རྒྱུ་རིན་པོ་ཆེ་གསེར་དང་མཚལ་དང་། རྡོ་ཚོན་གྱི་རིགས་སྤུས་ ལེགས་ལས་བྲིས་པས་མི་ལོ་བརྒྱ་ཕྲག་དུ་མར་ཁ་དོག་མི་ཡལ་བཀྲ་ལམ་མེར་གནས་པ། ལྔ་བ་འབྲི་བྱ་རི་མོ་ལ། བོད་བརྒྱུད་ནང་བསྟན་གྱི་དགོན་པའི་ གཙུག་ལག་ཁང་ཞིག་ཡིན་ཕྱིར་གྲུབ་མཐའ་གང་ཞིག་ཡིན་རུང་། ལྡེབས་རིས་ཀྱི་གཙོ་བོ་སྟོན་པ་ཤཱཀྱ་ཐུབ་པ་སྟེ། ཁོང་གི་སྐྱེ་བའི་ཕྲེང་བ་ཐམས་ཅད་ དུ་ཁོར་ཡུག་སེམས་ཅན་ལ་ཕན་པའི་བྱ་བ་གྲངས་མེད་པ་མཛད་པའི་རྣམ་སྨིན་ཡོན་ཏན་གྱི་འབྲས་བུ་མཚན་བཟང་སོ་གཉིས་དཔེ་བྱེད་བརྒྱད་ཅུས་ སྤྲས་པ། ཕྱག་གཡས་ཉོན་མོངས་པ་དང་བཅས་པའི་བདུད་བཞི་ཟིལ་གྱིས་གནོན་པའི་བརྡ་ས་གནོན། ཕྱག་གཡོན་ཐུགས་མཉམ་པར་མ་བཞག་པ་མི་ མངའ་བའི་བརྡ་མཉམ་བཞག ལྡེབས་ཀྱི་ཕྱོགས་ཐམས་ཅད་དུ་སྐྱེས་རབས་དཔག་བསམ་འཁྲི་ཤིང་ལ་སོགས་མཛད་བཟང་གི་རྣམ་ཐར་བཀོད་དེ་ཁོར་ ཡུག་དང་སེམས་ཅན་ལ་ཕན་པའི་བྱ་བ་བསྒྲུབ་དགོས་པར་བསྐུལ་བ་དང་། མཐུན་པ་སྤུན་བཞི་སོགས་བཀོད་དེ་གཞོན་པས་རྒན་རབས་ལ་བཀུར་ཏེ། ཡ་རབས་ཀྱི་སྤྱོད་པས་མི་དང་མིའི་བར་གྱི་འབྲེལ་བཟང་མཐུན་སྦྱོར་བྱེད་པ། ཚེ་རིང་རྣམ་དྲུག་སོགས་བྲིས་ཏེ་ཕན་ཚུན་གནོད་པ་མེད་པ་ཕྱིའི་སྤྱོད་ བཟང་དང་། ནང་འཆི་མེད་ཚེ་དཔག་མེད་ལ་སོགས་ཀྱི་སྒོམ་སྒྲུབ་ལ་བརྟེན་ནས་མི་རྣམས་ཚེ་རིང་ནད་མེད་ཅིང་སྣོད་བཅུད་མཐུན་པར་བྱེད་པའོ། དྲུག་བ་པོ་ཏི་གསུང་གི་རྟེན་བཞེངས་པ་ལ། འབྲི་གཞི་ཤོག་བུ་རེ་ལྕག་ལས་བྱས་པས་རྒྱུ་ཁྱད་པར་ཅན་གྱི་སྒོ་ནས་འབུ་དང་བྱི་བས་མི་ཟ་བ་དང་། རླན་ གྱིས་མི་རུལ་བ་སོགས་ཀྱིས་ཡུན་དུ་གནས་པར་བྱེད་པ། འབྲི་བྱེད་སྣག་ཚ་ལ་གླ་རྩི་སོགས་བསྲེས་སྦྱོར་གྱིས་འབུས་མི་གནོད་མི་རུལ་ཞིང་། གསེར་ལ་ སོགས་རིན་པོ་ཆེའི་རིགས་ལས་བྲིས་པས་རིན་ཐང་ཆེ་ཞིང་ཡུན་དུ་གནས་པར་བྱེད་པ། པར་ཤིང་མར་ཁུར་བཙོ་བའི་བཟོ་གནས་མན་ངག་གི་ལག་ ལེན་ལ་བརྟེན་ནས་ཡུན་དུ་གནས་པར་བྱེད། བདུན་པ་མཆོད་རྟེན་ཐུགས་ཀྱི་རྟེན་བཞེངས་པ། མཆོད་རྟེན་གྱིས་མནན་པས་དམ་སྲི་ལོག་འདྲེ་ཐམས་ ཅད་ཀྱི་གནོད་པ་སྤངས་ཤིང་མཚོན་གྱི་བསྐལ་པ་ཞི་བ། ནོར་རྫས་བང་མཛོད་སོགས་ཀྱིས་ནོར་དང་ལོངས་སྤྱོད་རྒྱས་པར་བྱེད་ཐོག་རབ་ཏུ་བརྟན་པའི་ སྙིང་པོས་ཡུན་དུ་གནས་པར་བྱེད་པ། བརྒྱད་པ་གཙུག་ལག་ཁང་ཕྱི་རོལ་གྱི་སྤེན་རྒྱན་ལ་རྒྱུ་ཟངས་གསེར་ལས་བྱས་པའི་བཀྲ་ཤིས་པའི་རི་མོ་རྣམས་ བཀོད་དེ། སྣོད་བཅུད་ཕྱི་ནང་གཞན་གསུམ་གྱི་སྙིང་བོ་གཅིག་ཏུ་བསྡུས་པའི་རྣམ་བཅུ་དབང་ལྡན་གྱི་རི་མོས་ས་དཔྱད་ངན་པ་དང་། གཟའ་སྐར་ངན་ པ་སོགས་ཀྱི་གནོད་པ་སྲུང་ཞིང་སྣོད་བཅུད་མཐུན་སྦྱོར་བྱེད་པ། མི་མཐུན་གཡུལ་ལས་རྒྱལ་བའི་རི་མོས་མི་མཐུན་པ་མཐུན་པར་བྱེད་པ་དང་། སྒོ་ ཆེན་སྟེང་རྒྱན་རི་དྭགས་ཀྱི་རྒྱལ་པོ་མི་འཇིགས་སེང་གེ་བརྒྱད་ཀྱིས་ཕྱོགས་བཞི་མཚམས་བཞིའི་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ བར་བྱེད་པའོ།

དགུ་བ་གཙུག་ལག་ཁང་གི་སྟེང་རྒྱན་རྒྱ་ཕིབས་ཀྱི་རྩེ་མོ་གཉྫིར་ཡིད་བཞིན་ནོར་བུའི་ཏོག་དང་བཅས་པའི་གཏེར་བུམ་སོགས་གཙུག་ལག་ཁང་གི་ ཏོག་ཏུ་མཛེས་ཤིང་དགོས་འདོད་ཐམས་ཅད་འབྱུང་བར་བྱེད་པ། དེའི་གཟུངས་གཙུག་ཏོར་གདུགས་དཀར་མོ་སོགས་ཀྱིས་ཕ་རོལ་གྱི་རྒོལ་བ་འཇོམས་ པ། མདུན་ཕྱོགས་རི་དྭགས་ཆོས་འཁོར་གྱིས་སྐྱེ་འགྲོ་ཀུན་ལ་ཡང་དག་པའི་ལམ་མ་ནོར་བར་སྟོན་པ། ཕྱོགས་བཞིའི་རྒྱལ་མཚན་གྱིས་ཕྱོགས་ཐམས་ ཅད་ལས་རྣམ་པར་རྒྱལ་བར་བྱེད་པ། དེ་དག་གི་ཚ་གསེར་བཟོ་བར་དངུལ་ཆུའི་གནོད་པ་སྲུང་བའི་མན་ངག་ལས་ཐབས་སོགས་ལ་བརྟེན་ནས་ལུས་ ཁམས་བདེ་སྲུང་བྱེད་པ། རྔ་ཐུག་དང་རླུང་རྟ་སོགས་ཀྱིས་འབྱུང་བཞི་མཐུན་སྦྱོར་སྒོས་རླུང་རྟ་དར་བར་བྱེད་པ། རྒྱལ་མཚན་དང་འཁོར་ལོ་སོགས་ཀྱི་ ནང་རྫོང་གི་ས་གཡོ་བ་དང་། སད་སེར། འབྱུང་འཁྲུག་གི་ནད་ལ་སོགས་ཞི་ཞིང་ཡུལ་ཁམས་བདེ་བར་བྱེད་པ། རྟེན་རབ་གནས་ཀྱི་ཆོ་གས་གོང་གི་ ཕན་བདེ་འབྱུང་བའི་མཐུ་སྟོབས་ནུས་པ་ཐམས་ཅད་བསྐལ་པ་མ་སྟོང་། འབྱུང་བ་མ་ཞིག་གི་བར་དུ་གནས་པར་བྱེད་པ་སོགས་ཡིན་ལ། སྤྱིར་གཙུག་ ལག་ཁང་དང་མཆོད་རྟེན་ནི་རང་བྱུང་མཛེས་ལྗོངས་ཀྱི་རྒྱན་མཆོག་ཏུ་གྱུར་པ་དང་ཡུལ་ཁམས་སྐྱེ་དངོས་ཀྱི་སྲུང་བ་ཆེན་པོ་སྟེ། གཙུག་ལང་ཁང་དང་

མཆོད་རྟེན་ཆེན་པོ་བཞུགས་པའི་སར་མི་བསམ་ཤེས་ཤིག་གིས། རི་དྭགས་གསོད་པ་དང་། ཤིང་གཅོད་པ། གང་བྱུང་དུ་ས་རྡོ་སློག་པ། མཚོ་དང་མཚེའུ་ ནང་ཉ་འཛིན་པ། ཆུ་མིག་དང་འབབ་ཆུ་བཙོག་པ་བཟོ་བ་སོགས་མི་སྲིད་ལ། བོད་ལུགས་ཀྱི་གཙུག་ལག་ཁང་དང་མཆོད་རྟེན་ནི་བོད་ཁམས་ཀུན་ ལ་ཁྱབ་པར་མ་ཟད། རྒྱ་ནག་གི་ས་ཁུལ་དུ་མ་དང་། སོག་ཡུལ། ཧོར། འཇང་ལ་སོགས་མི་རིགས་དུ་མའི་ས་ཁུལ་དང་། བལ་ཡུལ། འབྲུག་པ། འབྲས་ ལྗོངས། ལ་དྭགས། ཐའེ་ཝན་གཙོས་རྒྱལ་ཁབ་དང་ས་ཁུལ་མང་བོར་བོད་ལུགས་ཀྱི་དགོན་པ་དང་མཆོད་རྟེན་མང་པོ་བཞེངས་དང་བཞེང་བཞིན་པ་ ལ། དེའི་བཟོ་ལས་བྱུང་བའི་དངོས་པོ་བག་ཆགས་དང་བཅས་པ་སྣོད་བཅུད་མཐུན་སྦྱོར་གྱིས་ཁོར་ཡུག་སྐྱེ་ཁམས་ལེགས་སྲུང་གི་ནུས་པ་བླ་ན་མེད་པ་ ཐོན་དང་ཐོན་བཞིན་པ་སྟེ། བོད་གངས་ཅན་གྱི་ཡུལ་དུ་ཁྱབ་པ་རྒྱ་ཆེ་ཞིང་བོད་ཀྱི་བཟོ་སྣ་དང་བཟོའ་ི སྙིང་བཅུད་ཀུན་འདུས་པ་གཙུག་ལག་ཁང་རྟེན་ བརྟེན་པ་བཅས་བཞེངས་པར། དེའི་བརྒྱུད་རིམ་ནང་བཞེང་བྱེད་པའི་རྒྱུ་ཆ་དང་། ལག་ལེན། དམིགས་པའི་འདུ་ཤེས་བཅས་ཀྱི་སྒོ་ནས་སྣོད་བཅུད་ ཐམས་ཅད་ཕན་ཚུན་མཐུན་སྦྱོར་གྱིས་ཡུན་དུ་གནས་པ་བྱེད་པར་མཚོན་པ་སོགས་ཀྱི་སྒོ་ནས་ཕན་བདེ་མ་ལུས་པ་སྐྲུན་པར་བྱེད་པའི་ཁྱད་ཆོས་དུ་ མའི་ཁྱད་པར་དུ་འཕགས་པ་རྣམས་འདིར་བརྗོད་ཀྱིས་མི་ལང་བས་ན། རེ་ཞིག་ད་ལྟའི་སྤྱི་ཚོགས་ཀྱི་འགྲོས་དང་བསྟུན་ཏེ་ཁོར་ཡུག་སྲུང་སྐྱོབ་ཀྱིས་ མཚོན་པས་ཕྱི་སྣོད་ཀྱི་འཇིག་རྟེན་དང་ནང་བཅུད་ཀྱི་སེམས་ཅན་ལ་ནང་སེམས་ཀྱི་འཁྱེར་སོ་དང་། ཕྱི་ལུས་ངག་གི་ཀུན་སྤྱོད་རྣམས་ཡ་རབས་ཚུལ་ མཐུན་ལས་བརྩམས་ཏེ་གཅིག་ཤེས་ཀུན་གྲོལ་གྱི་ཚུལ་དུ་དཔེ་མཚོན་ཙམ་བརྗོད་པ་ལ།

གཙུག་ལག་ཁང་གི་ཡང་སྟེང་དུ་བོད་ཡུལ་རང་བྱུང་གི་ཨར་འདམ་གྱི་ཨར་ཀ་བཟོ་བ་དང་། ཨར་ཀ་ནི་བོད་ཡུལ་གྱི་ཁང་བའི་ས་ངོས་དང་ཁང་སྟེང་ གི་ས་གཅལ་ལ་རྡུལ་ཞལ་གཏོང་བྱེད་ཀྱི་ས་མ་རྡོ་མཁྲེགས་པོ་ཞིག་ཡིན། མི་ལ་ལས་རང་བྱུང་གི་རྡོ་ཐལ་ཡང་ཟེར། དེ་ནི་བྲག་རྡོ་དུས་ཡུན་ཧ་ཅང་རིང་ པོར་རླུང་ཟད་ཐེབས་པས་རིམ་གྱིས་ཆགས་པའི་ཚི་དམ་ཟིང་འབྱར་ཤུགས་ཆེན་པོའ་ི ས་མྱངས་ཤིག་ཡིན། ས་མཁྲེགས་པོའམ་ས་མ་རྡོ་འདི་བོད་རིགས་ ས་ཁུལ་མང་བོ་ཞིག་ཏུ་ཐོན་གྱིན་ཡོད་ལ། ཐོན་ཁུངས་ཀྱི་སའི་རྒྱུད་སྤུས་མི་འདྲ་བའི་རྐྱེན་གྱིས་ཨར་ཀའི་ཁ་དོག་ཀྱང་མི་འདྲ་ཞིང་ཕལ་ཆེར་ཐལ་སྐྱ་ ཡིན་པ་དང་། ལ་ལ་དམར་སྐྱ་དང་ཡང་ན་སེར་སྐྱ་ཡིན་ལ་རང་བྱུང་གི་ཨར་འདམ་རྒྱུ་ཆ་ཡིན་པས་ས་གནས་དེ་ཚོའི་དགོན་སྡེ་དང་བོད་རིགས་མང་ ཚོགས་ཀྱི་རྒྱ་ཁྱབ་ཀྱིས་ཁང་པའི་ས་ངོས་དང་ཁང་སྟེང་། ཐོག་ལེབ་བཅས་ཀྱི་ས་གཅལ་ལ་རྡུང་ཞལ་གཏོང་བྱེད་དུ་བེད་སྤྱོད་པ་སོགས་ཨར་ཀ་བཟོ་ བའི་རྩལ་ལ་མཁས་ན་སྤྱོད་སྒོ་རྒྱ་ཆེ་བ་ཡིན། ཨར་ཀ་ཞེས་པའི་ས་མཁྲེགས་སམ་ས་མ་རྡོ་དེ་རིགས་ནི། ཕན་ཚུན་དམ་པོའ་ི ངང་འབྱར་བའི་དབྱིབས་སྒོར་སྒོར་ཅན་ཞིག་ཡིན་ཞིང་། དེ་བརྐོས་ནས་ རེ་རེ་བཞིན་སྟར་གའི་ཆེ་ཆུང་ཙམ་དུ་བཅག་རྗེས་ཨར་ཀ་ས་ཞིབ་དང་ལྷན་དུ་འདུ་ཁང་ངམ་རྡོ་ཁང་གི་ས་གཅལ་ལམ་ཁང་ཐོག་གི་ཡུལ་གཅལ་ཐོག་ རིམ་པ་གཅིག་བཏིང་བའི་སྟེང་། ཆུ་གཏོར་ནས་རྡུང་རྒྱལ་ལེགས་པོ་བྱས་པ་ནི། ཁང་ཐོ་གི་སྟེང་ཁེབས་དང་། ཁང་བའི་ནང་གི་ས་གཅལ་སོགས་ཀྱི་ མཆོག་སྟེ། ཨར་ཀ་ལེགས་པ་ནི། རྡོ་གཅལ་ལྟར་ངོས་འཇམ་ཞིང་ཁོད་སྙོམས་ལ། མིག་ལ་མཛེས་ཤིང་སྲ་བརྟན་ཡུན་དུ་གནས་པ་དང་། དེར་པྲ་ཚིལ་ གྱིས་སྣུམ་བྱུག་བྱས་རྗེས་དེ་བས་ཀྱང་དཀར་ཆ་དོད་ལ་གསལ་ཞིང་གཙང་བར་མ་ཟད། དེང་རབས་ཀྱི་ཨར་འདམ་ས་གཅལ་བཞིན་དེའི་ནང་ཆུ་མི་ སིམ་ཞིང་ཁང་བ་མི་ཟག་པར་མ་ཟད། དེང་གི་ཨར་འདམ་ལས་ལྷག་པར་གས་དཀའ་ཞིང་གསོ་སླ་ལ། ཞིག་རྗེས་རང་བྱུང་གི་ས་དང་དབྱེར་མེད་དུ་ འདྲེས་ནས་ཁོར་ཡུག་ལ་གནོད་པ་མེད་པ་སོགས་ཀྱི་ཁྱད་ཆོས་དུ་མ་ལྡན། ཕོ་བྲང་པོ་ཏཱ་ལ་དང་། གཞིས་རྩེའི་པཎ་ཆེན་རིན་པོ་ཆེའི་བདེ་ཆེན་ཕོ་བྲང་ དང་ཁམས་ཕྱོགས་ཀྱི་འབའ་ཆོས་སྡེ་དགོན་པ་སོགས་དགོན་སྡེ་མང་བོའ་ི ས་གཅལ་དང་ཁང་བའི་ཡང་སྟེང་ཐམས་ཅད་ཨར་ཀ་ལས་བཟོ་བ་ཡིན། ས་ གཅལ་ཐོག་ཨར་ཀ་རིམ་པ་གཅིག་བཏིང་རྗེས་ལེགས་པོར་རྡུང་དགོས་པས་མི་ཚོས་དེ་ལ་ཨར་ཀ་རྡུང་ཞེས་ཟེར། དུད་ཚང་དང་ལྷག་པར་དགོན་པའི་ འདུ་ཁང་སོགས་ཀྱི་ཨར་ཀ་རྒྱ་ཆེན་པོ་རྡུང་དུས། རྡུང་མཁན་གྱི་མི་གྲངས་མང་ཞིང་ཨར་ཀ་རྡུང་གླུ་ལེན་མི་མང་བས་གླུ་གར་གྱི་དུས་ཆེན་རོལ་བ་ དང་འདྲ་སྟེ། མི་རེས་ལག་ཏུ་འཛེང་རྡོ་སྒོར་སྒོར་ལེབ་མོ་ཞིག་གི་དཀྱིལ་དུ་ཨི་ཁུང་ཕུག་ནས་ཤིང་གི་ཡུ་བ་རིང་པོ་སྤྲད་ཡོད་པ་རེ་འཇུས་ཏེ། ཨར་རྡུང་ གླུ་དཔོན་གྱི་གླུ་ཚིག་བསྐྱར་ཟློས་བྱེད་བཞིན་གོམ་སྟབས་འགྲིག་པོའ་ི སྒོ་ནས་གླུ་ལེན་བཞིན་ཡུན་དུ་རྡུང་བ་སྟེ། དཀའ་སྡུག་སུན་སྣང་མེད་ཅིང་ལུས་ ངག་ཡིད་གསུམ་གྱི་བཟོ་གནས་གཅིག་ཏུ་འདུས་པའི་བཟོ་སྐྲུན་གྱི་ལས་ཀ་ཁྱད་པར་ཅན་ཞིག་ཡིན། འདི་ལ་མཚོན་ནའང་ཐུན་མོང་མ་ཡིན་པའི་བོད་ བཟོའ་ི སྟེང་ནས་ཁོར་ཡུག་སྲུང་སྐྱོབ་ཕྱོགས་ལ་ཕན་ནུས་ལེགས་པོ་ཐོན་ཡོད། རྟེན་གཞལ་ཡས་ཁང་གྲུབ་ནས་བརྟེན་པ་ལྷའི་སྐུ་བརྙན་བཞེངས་ཏེ་སྣོད་བཅུད་མཐུན་པར་བྱེད་པ།

དེ་ཡང་གཙུག་ལག་ཁང་གི་རྩིག་པ་དང་གྱང་། སྟེང་འགེབས། ཤིང་གི་གནམ་སའི་གཅལ་དང་རྐོས་རྒྱན་ཐམས་ཅད་ལེགས་པར་གྲུབ་མཐར། གོང་གི་ ལྡེབས་ཞལ་གྱི་སྟེང་ནས་ལྷ་བཟོ་བས། རིན་པོ་ཆེ་གསེར་དང་དངུལ། མཚལ་དང་རང་བྱུང་གི་རྡོ་ཚོན་ལ་སོགས་རྒྱུ་བཟང་ལ་མི་འཇིག་ཡུན་དུ་གནས་ པའི་ཚོན་བཟང་གིས་རི་མོ་འབྲི་བར། བོད་རྒྱུད་ནང་བསྟན་གྱི་གཙུག་ལག་ཁང་ཐམས་ཅད་ཀྱི་ཚོམས་ཆེན་ཁང་གི་ལྡེབས་རིས་ཀྱི་གཙོ་བོ་ནི་ཤཱཀྱ་ཐུབ་ པའི་སྐུ་བརྙན་ཡིན་པ་ཐེ་ཚོམ་མེད་ལ། སྟོན་པ་ཤཱཀྱ་ཐུབ་པའི་སྐུ་བརྙན་ནི། དང་པོར་འགྲོ་ལ་ཕན་ཕྱིར་སྨོན་ལམ་ལྔ་བརྒྱ་བཏབ། བར་དུ་འགྲོ་ཀུན་དོན་ དུ་སྐུ་སྲོག་དཔག་མེད་བཏང་། ཐ་མར་འགྲོ་ཀུན་སྐྱབས་གནས་ཡང་དག་རྫོགས་སངས་རྒྱས་ཞེས། དག་པའི་སྐྱེ་བ་ལྔ་བརྒྱ་དང་མ་དག་པའི་སྐྱེ་བ་ལྔ་ བརྒྱ་བཞེས་རིང་ཁོར་ཡུག་གི་སེམས་ཅན་ཐམས་ཅད་ལ་ཕན་པའི་ལས་ཁོ་ན་བགྱིས་པའི་རྣམ་པར་སྨིན་པའི་འབྲས་བུ་ལས་བྱུང་བའི་དབུ་ལ་གཙུག་ ཏོར། ཞབས་ཕྱག་ལ་འཁོར་ལོ་ལ་སོགས་མཚན་བཟང་བོ་སུམ་ཅུ་སོ་གཉིས་དང་དཔེ་བྱད་བཟང་བོ་བརྒྱད་ཅུ་སོགས་ཀྱིས་བརྒྱན་ལ། ཕྱག་གཡས་ བདུད་བཞི་ཟིམ་གྱིས་གནོད་པའི་བརྡ་ས་གནོན། ཐུགས་མཉམ་པར་མ་བཞག་པ་མི་མངའ་བའི་བརྡ། ཕྱག་གཡོན་ཞབས་སྐྱིལ་མོ་ཀྲུང་གི་སྟེང་མཉམ་ གཞག་མཛད་པ་ཞིག་བྲིས་པ་ནི། སྐྱེ་བོ་ཀུན་ལ་བྱ་བ་གང་ཞིག་བསྒྲུབ་པའི་ཐོག་མར་ལེགས་ཉེས་ཀྱི་བསམ་བློ་ཐོངས་ལ། བདུད་བཞིའི་ཉོན་མོངས་ པའི་འདོད་ཆགས་དང་ཞེ་སྡང་སོགས་དྲག་ཏུ་འཕེལ་ཏེ་སེམས་ཅན་སྲོག་གཅོད་པ་དང་འཕྲོག་པ། ཡུལ་ཁམས་དང་སེམས་ཅན་གཞན་ལ་གནོད་པའི་ ལས་ཐམས་ཅད་རིང་དུ་སྤང་དགོས་པའི་བརྡ་བསྟན་པ་དང་། དེའི་ཉེ་འཁོར་དུ་སྐྱེས་རབས་དཔག་བསམ་འཁྲི་ཤིང་སོགས་འབྲི་བ་ནི། སྔོན་ཚེ་སངས་ རྒྱས་བཅོམ་ལྡན་འདས་སོགས་སངས་རྒྱས་བྱང་སེམས་རྣམས་ཀྱིས་སྐྱེ་བ་དུ་མར་གཞན་ལ་ཕན་པ་དང་བདེ་བའི་ཐབས་འབའ་ཞིག་བགྱིས་པའི་རྣམ་

ཐར་བཀོད་དེ། རྣམ་ཐར་དེ་དག་མིག་དཔེར་བྱས་ཐོག་རང་གི་འདོད་སྲེད་ལ་ཚོད་འཛིན་དང་། ཞེ་སྡང་ལ་བཟོད་སྒོམ་སོགས་ཀྱི་བྱ་བ་བཟང་བོར་ འབད་དེ་བསྒྲུབ་ན་མཐར་རང་གཞན་གཉིས་ཀར་ཕན་པའི་རྒྱུ་ཡིན་པའི་བསླབ་བྱ་བཏང་བ་ཡིན།

གཞོན་པས་རྒན་པར་བཀུར་ནས་མཐུན་སྦྱོར་བཀྲ་ཤིས་པར་བྱེད་པའི་མཐུན་པ་སྤུན་བཞིའི་རི་མོ་ནི། སྔོན་ཝཱ་ར་ནཱ་སིའི་རྒྱལ་པོ་ཚངས་སྦྱིན་གྱི་དུས་ སུ། སངས་རྒྱས་བཅོམ་ལྡན་འདས་དེ་ཉིད་བྱ་སྲེད་པ་ཞིག་གི་སྐྱེ་བ་བཞེས་ཏེ་ནགས་ཚལ་ཆེན་པོ་ཞིག་གི་མཐར་གནས་སོ། དེར་སྤྲེའུ་ཞིག་དང་རི་བོང་ ཞིག་གླང་ཆེན་བཅས་གནས་པ་ཐམས་ཅད་ཀྱང་ཕན་ཚུན་འཚེ་བ་མེད་པར། བཅུད་ལྡན་གྱི་ཤིང་འབྲས་དང་། མ་རྨོས་པའི་ལོ་ཏོག་རང་བྱུང་ཡན་ལག་ བརྒྱད་ལྡན་ལ་སོགས་པར་གང་དགར་ལོངས་སྤྱོད་ཅིང་མཛའ་བར་གནས་པར། ཉིན་ཞིག་ཁོང་བཞི་བགྲོས་ནས། འུ་ཅག་ཕན་ཚུན་བརྩེ་བཞིན་དུ་ཡུན་ རིང་འགྲོགས་ཀྱང་རྒན་གཞོན་དང་བཀུར་བྱ་བཀུར་བྱེད་ཀྱི་དབྱེ་བ་མེད་མོད། ད་ནི་རྒན་ལ་རིམ་གྱིས་བཀུར་བ་བྱའོ་ཞེས། རྒན་གཞོན་གྱི་དབྱེ་བ་ འབྱེད་ཐབས་གྲོས་བསྡུར་མཐར། དེར་སྐྱེས་པའི་ཤིང་ནྱེགྲོདྷའི་སྡོང་བོ་ཆེ་བ་ཞིག་ལ་ཚད་བྱས་པས། གླང་ཆེན་ན་རེ། ང་གཞོན་དུས་སུ་ཤིང་སྡོང་འདི་ ངའི་ལུས་དང་མཉམ་པ་དྲན་ཟེར། སྤྲེའུས་བདག་ཀྱང་དྲན་དུས་ཤིང་འདི་ཆུང་བས་བདག་གི་ལུས་དང་མཉམ་ཟེར། རི་བོང་གིས་ངས་དྲན་དུས་འདབ་ མ་གཉིས་སོར་ལྔ་ཙམ་ཡོད་པ་དེ་ལ་ཟིལ་བ་མངར་མོ་ཆགས་པ་དེ་བདག་གིས་མྱངས་ཟེར། བྱ་སྲེག་པ་ན་རེ། ཤིང་སོན་ས་ལ་ཡོད་པའི་སྟེང་བདག་ གི་གཅིན་དོར་བ་ལ་བརྟེན་ནས་ཤིང་སྡོང་འདི་སྐྱེས་སོ་ཟེར་བས། གཏམ་དེ་རྣམས་ཀྱིས་རྒན་གཞོན་གྱི་གོ་རིམ་ཤེས་ཏེ། རྒན་རིམ་ལ་གཞོན་རིམ་གྱིས་ བསྙེན་བཀུར་དང་གུས་འདུད་བྱེད་ཅིང་། ཁོང་བཞིའི་ནང་རྒན་པ་བྱ་སྲེག་པས་གཞན་གསུམ་ལ་སྤང་བླང་གི་གནས་ཡང་དག་པ་བསྟན། ཐམས་ཅད་ ཀྱང་ཇི་ལྟར་བསྟན་པ་བཞིན་བསྒྲུབས་ཤིང་ཡིད་གཅུགས་པར་གནས་སོ། དེའི་བསོད་ནམས་ཀྱི་མཐུས་ཡུལ་ཁམས་ཀུན་ཏུ་བདེ་ཞིང་ཚེ་བསོད་དཔལ་ འབྱོར་ཐམས་ཅད་ཟླ་བ་ཡར་ངོ་བཞིན་གོང་ནས་གོང་དུ་འཕེལ་འགྱུར་བྱུང་བར་གྲགས་ལ། གོང་གི་རྣམ་ཐར་མཚོན་ལ། རྒྱལ་ཁམས་བདེ་ཞིང་ལས་ བཞི་དགེ་བའི་རྟེན་འབྲེལ་དུ། ཡུལ་ལྗོངས་ཉམས་དགའ་བར་ནྱེགྲོདྷའི་ཤིང་སྡོང་འདབ་མ་རྒྱས་པ་ཞིག་གི་མདུན་ས་ན། གླང་པོ་ཆེ་སྟོབས་དང་ལྡན་པ། དེའི་སྟེང་དུ་སྤྲེའུ་ཤིང་ཏོག་འཛིན་པ། དེའི་སྟེང་དུ་རི་བོང་། དེའི་སྟེང་དུ་བྱ་སྲེག་པ་བཅས་འོག་ནས་གོང་དུ་རིམ་པས་བཀུར་བའི་ཚུལ་དུ་གནས་པ་ ཞིག་འབྲི་སྲོལ་ཡོད་པ་དེའ།ོ །

ཕྱི་ཁོར་ཡུག་ལ་ཕན་པའི་སྤྱོད་པ་བཟང་བོ་དང་ནང་སྒོམ་པ་ཟབ་མོ་ལ་བརྟེན་ནས་སྣོད་བཅུད་མཐུན་འགྱུར་གྱི་རི་མོ་ཚེ་རིང་རྣམ་དྲུག་ནི། ཚེ་རིང་ རྣམ་དྲུག་གི་དང་པོ་བྲག་ཚེ་རིང་ནི། སྔོན་གྱི་དུས་སུ་མ་ཧཱ་ཙི་ནའི་ཡུལ་གྲུ་ཆེན་པོའ་ི རྣམ་དག་བདེ་ཆེན་གྱི་ཚལ་ཞེས་བྱ་བ། དབེན་ཞིང་ཉམས་དགའ་ བ་སྤྲུལ་པའི་བཟོ་བོས་བྱས་པ་བས་ཀྱང་ཆེས་མཛེས་པའི་ཡུལ་དེའི་དབུས་སུ། བསྐལ་བ་ཆགས་པའི་ཐོག་མར་བྱུང་བའི་བྲག་རི་དུང་དཀར་གཡས་ སུ་འཁྱིལ་བའི་དབྱིབས་ཅན། སྲིད་པའི་འཇིག་པ་ལའང་ཅི་མི་སྙམ་པ་ལྟར་བརྗིད་ཅིང་རབ་དུ་བརྟན་པ། སངས་རྒྱས་ཚེ་དཔག་མེད་ཀྱིས་བྱིན་གྱིས་ བརླབས་པའི་གནས། རྩེ་མོ་མཁའ་ལ་བསྙེགས་པ། སྐྱེ་བོ་ཕལ་བ་རྒྱུ་བའི་སྐབས་དང་བྲལ་ཞིང་འཆི་མེད་ཚེའི་སྒྲུབ་ཆུ་རྒྱུན་དུ་འབབ་པ་ཞིག་གནས་སོ། གཉིས་པ་མི་ཚེ་རིང་ནི། གོང་གི་བྲག་དེའི་དྲུང་དུ་འཆི་མེད་ཚེའི་དངོས་གྲུབ་བརྙེས་པ། དབེན་པའི་གནས་དེར་མི་ལོ་སྟོང་ལ་ཉེ་བར་བསྒོམས་པས། འབྱུང་བ་བཞི་ལ་རང་དབང་ཐོབ་པའི་རིག་འཛིན་གྱི་དྲང་སྲོང་ཆེན་པོ་སྨ་ར་དང་སྨིན་མ་དུང་ལྟར་དཀར་ལ། དཀར་ལ་དམར་བའི་མདངས་ཆགས་ པ། རྒྱ་ནག་གི་རིག་འཛིན་གྱི་ཆས་ལ། ཕྱག་གཡས་ཀ་པེད་ཀྱི་ཚེ་བུམ་དར་གྱི་མགུལ་ཆིངས་ཅན་གྱིས་བརྒྱན་པའི་ཕྱག་མཁར་དང་། གཡོན་དུ་མི་ལོ་ སྟོང་ལས་སྨིན་པའི་ལྷའི་ཁམ་བུ་བསྣམས་ཏེ་སྦྱིན་པའི་ཚུལ་དུ་བཞུགས་སོ། གསུམ་པ་ཆུ་ཚེ་རིང་ནི། དྲང་སྲོང་དེའི་མཐུ་བྱིན་ལས། རྒྱབ་ཀྱི་བྲག་རི་དུང་ དཀར་དབྱིབས་འདྲ་བའི་འཁྱིལ་ཁུག་ནས་རྒ་ཤི་མེད་པའི་བཅུད་ལེན། ཡན་ལག་བརྒྱད་ལྡན་ཚེའི་སྒྲུབ་ཆུ་རྒྱུན་མི་ཆད་པར་སྐྱེ་དགུ་ཚེ་སྲོག་འཚོ་བའི་ གཉེན་དུ་བབ་པའོ། བཞི་པ་ཤིང་ཚེ་རིང་ནི། ཚེ་རིང་བའི་ལྗོན་པ་མྱ་ངན་མེད་པའི་ཤིང་(རྒྱ་ནག་རང་ལུགས་སུ་སྒྲོན་ཤིང་ངོ་)རྩ་བ་བརྟན་ཅིང་ཡལ་ག་ དང་ལོ་འདབ་རྒྱས་པ། མེ་ཏོག་དང་འབྲས་བུའི་ཁུར་གྱིས་ལྕི་བ། འགྲོ་ཀུན་ཚ་གདུང་སེལ་བའི་མཆོག་ཏུ་གྱུར་པ། དེའི་གྲིབ་མས་རིག་པ་དང་འབྲས་བུ་ མྱོང་བ་ཙམ་གྱིས་ཀྱང་ཚེ་བསྲིངས་ཤིང་ཚེ་མཐཪ་ཕྱིན་པར་གྱུར་པ་དེའ།ོ ལྔ་བ་བྱ་ཚེ་རིང་ནི། དྲང་སྲོང་དེའི་ཁྱམས་ཀྱི་ར་བ་ན། རྒྱུན་པར་ཟང་ཟིང་གི་ སྦྱིན་པ་དང་མི་འཇིགས་པ་སྐྱབས་གྱི་སྦྱིན་པའི་གཡབ་མོ་ལ་རྟེན་ནས། སྤུ་སྡུག་འདབ་ཆགས་ཚོགས་ཀྱང་འདུ་བར་གྱུར་པ་ལས་ལྷ་བྱ་ཁྲུང་ཁྲུང་གངས་ ལ་ཟླ་བའི་འོད་ཀྱིས་ཁྱབ་པ་ལྟར་མཛེས་ཤིང་མགྲིན་པ་དང་རྐང་པ་རིང་བ། དཀར་ནག་མངོན་པར་བཀྲ་ཞིང་རིན་ཆེན་གྱི་མེ་ཏོག་དམར་པོས་གཙུག་ བརྒྱད་པ་གཉིས་ཡོད་པ་དེའ།ོ དྲུག་པ་རི་དྭགས་ཚེ་རིང་ནི། དྲང་སྲོང་གི་བཞུགས་གནས་དང་ཉེ་བའི་སྤང་གཡུའི་མེ་ལོང་འདྲ་བར་རི་དྭགས་ར་རུའམ་ ཤྭ་བ་རྭ་བཅུ་ཡོངས་སུ་རྒྱས་པ་ཡུ་མོ་དང་རྩེན་བཞིན་དུ་འགྲོགས་ཤིང་བག་ཕེབས་ཏེ་ཅི་དགར་རང་བྱུང་གི་ཟས་དང་ཆུ་ལ་ལོངས་སྤྱོད་པ་རྣམས་ཀྱང་ གནས་དང་དྲང་སྲོང་གི་བྱིན་རླབས་ལས་རྒ་ཤི་སྤང་བའི་བདེ་བ་ལ་མངོན་སུམ་རེག་པར་གྱུར་པས་ཚེ་རིང་རྣམ་དྲུག་ཏུ་བརྗོད་ལ། རྒྱ་ནག་གི་སྐད་དུ་ དབང་ཐང་གི་སྲོག་ཡིག་ལུའུ་དང་ཤྭ་བའི་མིང་ལུའུ་ཞེས་པའི་ཡི་གེ་གཉིས་ཀྱི་སྒྲ་གཅིག་པས་རི་དྭགས་གཉིས་དབང་ཐང་རྒྱས་པའི་རྟེན་འབྲེལ་དུ་ བྲིས་པ་ཡིན་ཚུལ་ཡང་རྒྱ་ནག་གི་ཡིག་རྙིང་ལས་འབྱུང་ངོ་། ཁོར་ཡུག་དང་སྲོག་ཆགས་ཆུང་ཕྲ་ལའང་གནོད་པ་སྤང་བར་བསྐུལ་བའི་རི་མོ་དགེ་སློང་གི་འཚོ་བའི་ཡོ་བྱད་དྲུག དགེ་སློང་གི་ལོངས་སུ་སྤྱོད་པའི་ འཚོ་བའི་ཡོད་བྱད་དྲུག་ནི། གདིང་དང་། ཐང་གོས། བླ་གོས། སྣམ་སྦྱར། ལྷུང་བཟེད། ཆུ་ཚགས་བཅས་དྲུག་ཡིན་ལ། དང་པོ་གདིང་བ་ནི་དགེ་འདུན་ གྱིས་རྩའི་གདན་མ་གཏོགས་གནས་མལ་དང་ཁྱིམ་པའི་སྟན་དཀར་པོ། གང་ཟག་གི་ཁྲ་བོ་སོགས་ཕལ་ཆེར་མ་ཉམས་པ་ལ་ལོངས་སྤྱོད་པའི་དུས་སུ་ འདིས་སྐྱབས་ནས་ལོངས་སུ་སྤྱོད་དགོས་པ་ཡིན། གཉིས་པ་ཐང་གོས་ནི་སྨད་དུ་གྱོན་རྒྱུ་ཡིན་པས་སྨད་གཅེར་བུ་དང་། ངོ་ཚ་བའི་གནས་ལས་སྐྱོབ་ པ་དང་། སྦྲང་བུ་དང་། ཤ་སྦྲང་། རླུང་དང་ཉི་མ་སོགས་ཀྱི་གནོད་པ་ལས་སྐྱོབ་པར་མ་ཟད། ཁྱིམ་པ་དང་མུ་སྟེགས་ཅན་རྣམས་ལ་རྟགས་ཁྱད་པར་དུ་ འཕགས་པ་ཡིན་ཞིང་། དགེ་སྦྱོང་གི་དྲན་པ་གསོ་བའི་གོས་སུ་བཅོམ་ལྡན་འདས་ཀྱིས་གནང་བ་ཡིན་པས། རྒྱུན་དུ་སྨད་གཡོག་འདི་ལྟ་བུ་རེ་ངེས་པར་ འཆང་སྙམ་པ་དང་། རྒྱ་གར་ན་དགེ་སློང་རྣམས་ལ་རུང་བའི་ཆོས་གོས་གསུམ་ལ་ཁ་དོག་ངན་པ་བྱེད་པས་དེ་ལས་རྒྱགས་པ་དང་། དྲེགས་པ་མི་འབྱུང་ ཞིང་། སྟོན་པ་ཐུགས་རྗེ་ཅན་གྱིས་ཀྱང་དགོས་པའི་དབང་གིས་སྨད་གཡོག་འདི་ལྟ་བུ་བསྣམས་ནས་འདིའི་ལམ་ལ་བསླབས་ཤིང་། སངས་རྒྱས་པའི་

རྗེས་འཇུག་རྣམས་ཀྱིས་ཀྱང་གོས་འདི་གྱོན་ནས་སེམས་ཅན་ཞི་བ་དང་དུལ་བར་བྱེད་པའི་ཕྱིར་དུའོ། གསུམ་པ་བླ་གོས་དང་བཞི་པ་སྣམ་སྦྱར་ནི་སྟོད་ དུ་གྱོན་ནས། ཁྱིམ་པ་དང་རབ་བྱུང་དམན་པ་དང་གཞན་མི་སྟེགས་པ་སོགས་ལས་ཁྱད་པར་དུ་འཕགས་པ་དང་། དགེ་སྦྱོང་གི་དྲན་པ་གསོ་རྒྱུ་དང་ཁ་ དོག་དབྱིབས་སོགས་ཚད་དང་ལྡན་པ་འདི་གནས་སྐབས་འབུ་དང་ཚ་གྲང་གི་རེག་བྱ་ལས་སྐྱོབ་པའི་སྟོད་གཡོག་འདི་རྒྱུན་དུ་བཅང་ནས་སྔོན་གྱི་དེ་ བཞིན་གཤེགས་པ་རྣམས་ཀྱི་དོན་དམ་པའི་དགེ་བ་ཐར་པ་མྱ་ངན་ལས་འདས་པའི་སར་གཤེགས་པ་ལྟར་བདག་ཀྱང་བདེ་བར་གཤེགས་པའི་བསླབ་ པའི་གཞི་མ་ལྷག་པ་ཚུལ་ཁྲིམས་ཀྱི་བསླབ་པ་རིན་པོ་ཆེའི་མི་མཐུན་པའི་ཕྱོགས་སུ་ཚུལ་མཐའ་དག་ལས་སྡོམ་པ་ཆུ་ལོན་ལྟ་བུ་སོ་ཐར་སྤང་བདུན་ འཁོར་བཅས་ཀྱི་ཚུལ་ཁྲིམས་རྣམ་པར་དག་པ་སྲུང་ནས་ཐར་བ་མྱ་ངན་ལས་འདས་པ་ལ་འཇུག་པར་བྱ་སྙམ་མོ། ལྔ་བ་ལྷུང་བཟེད་ནི་ཁྱིམ་པའི་ཁ་ཕོར། མུ་སྟེགས་ཅན་གྱི་སློང་ཕོར། རབ་བྱུང་དམན་པ་གཞན་དག་ལས་སྣོད་སྤྱད་ཀྱི་རྟགས་ཁྱད་པར་ཅན་དུ་གྱུར་པ་ཡིན། འདི་ཟས་ཀྱིས་འགེངས་པ་བཞིན་ དུ་རང་གི་ཤེས་རྒྱུད་ཡོན་ཏན་གྱིས་འགེངས། འདིའི་ནང་ནས་ཟས་ལ་ལོངས་སྤྱོད་པ་བཞིན་དུ་ཆོས་ལ་ལོངས་སྤྱོད། མཐའ་གཉིས་སྤངས་པའི་བསོད་ སྙོམས་སྤྱོད་པའི་སྣོད་དུ་སྟོན་པས་གནང་བ་ཡིན་པས་དུས་རྒྱུན་དུ་སྣོད་སྤྱད་འདི་ལྟ་བུ་རེ་འཆང་སྙམ་པ་དང་། དྲུག་པ་ཆུ་ཚགས་ནི། སངས་རྒྱས་ཀྱི་ བསྟན་པ་སྙིང་རྗེས་རབ་ཏུ་ཕྱེ་བ་ཡིན་ཞིང་སོ་སོར་ཐར་པའི་སྡོམ་པ་གཞན་ལ་གནོད་པ་ཞིག་དང་བཅས་པ་ལས་ལྡོག་པ་ཡིན་པས། སེམས་ཅན་ཐམས་ ཅད་ལ་གནོད་པ་སྤང་དགོས་ལ། ཁྱད་པར་ཆུ་འདི་འབྲེལ་ཆེ་འབྱུང་ཉེ། ཉིན་དང་ནུབ་མོ་ཆུ་ལ་ལོངས་སྤྱོད་དགོས་པས་ཆུ་ཚགས་འདི་འདྲ་རེ་ངེས་ པར་དུ་འཆང་ཞིང་། དེས་མཚོན་ཡོ་བྱད་གང་གིས་ཀྱང་སྲོག་ཆགས་མི་གནོད་པ་བྱ་དགོས་སྙམ་པའི་སྒོ་ནས་བཅང་རྒྱུ་བཅས་ཡིན་པར་གསུངས་སོ། སྔོན་བྱོན་དམ་པ་རྣམས་ཀྱི་བཀའ་དྲིན་རྗེས་སུ་དྲན་ནས་མི་རབས་བར་མཐུན་སྦྱོར་དང་མེའི་འཇིག་པ་ཞི་བའི་རི་མོ་སྡོམ་བརྩོན་དམ་པ།

ཕྱག་མཚན་རི་མོའ་ི སྡོམ་བརྩོན་དམ་པར་གྲགས་པའི་མཁན་སློབ་ཆོས་གསུམ་སོགས་མཚོན་བྱེད་ཀྱི་རི་མོ་མཚོ་མེ་ལོང་འདྲ་བའི་དབུས་ཀྱི་པདྨའི་ སྡོང་བོའ་ི སྟེང་དུ་རལ་གྲིས་མཚན་པའི་གཡས་སུ་ངང་པ་སེར་པོ་མགྲིན་པ་གཉིས་ཅན། གཡོན་དུ་ནེ་ཙོ་མགྲིན་པ་གཉིས་ཅན། པདྨའི་འདབ་མ་ཤིན་ ཏུ་ཡངས་པ་ལ་ལོ་འདབ་དང་མ་སྨིན་པའི་པདྨའི་ཟེའུ་སོགས་ཀྱིས་མཛེས་པར་བརྒྱན་པ་ཞིག་འབྲི་སྲོལ་ཡོད་པ་དེ་ནི། སྔོན་ས་སྐྱ་པཎྚི་ཏ་ཀུན་དགའ་ རྒྱལ་མཚན་དེ་ཉིད་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་ཆོས་ཀྱི་འཁོར་ལོ་བསྐོར་བའི་སྐབས་ཤིག་ཏུ། གོང་གི་སྔོན་བྱོན་དམ་ པ་རྣམས་ཀྱི་སྐུ་དྲིན་དང་རྣམ་ཐར་རྗེས་སུ་དྲན་ནས། དེ་དག་གི་མཚོན་བྱེད་རི་མོ་དང་། བསྟོད་པ་སྡོམ་བརྩོན་དམ་པ་དཔལ་ལྡན་ཞི་བ་མཚོ་སོགས་ ཕྱག་མཚན་རི་མོར་བསྟོད་པའི་ཚིགས་སུ་བཅད་པ་དང་བཅས་མཛད་པ་ཡིན་ལ། དབུས་ཀྱི་པདྨ་སྡོང་བོས་སློབ་དཔོན་ཆེན་པོ་པདྨ་འབྱུང་གནས་ཀྱི་ མཚན་དང་། ཁོང་གི་སྐུའི་ཆེ་བ་བརྒྱད་ལས་ཕ་མའི་རྒྱུ་རྐྱེན་མ་བསྐྱེད་སྐུ་བལྟམས་ཚེ། ཞེས་པ་ལྟར་པདྨའི་རྡུས་ལས་འཁྲུངས་པས་མཚོན་ཆོས་གཉིས་ ཀ་མཚུངས་པས་དེ་མཚོན་པ་དང་། པདྨའི་ལྟེ་བའི་རལ་གྲི་ཡིས། མ་རིག་པའི་མུན་པ་ཐམས་ཅད་རྩད་ནས་གཅོད་བྱེད་ཀྱི་རལ་གྲི་ཡིས། མ་རིག་པའི་ མུན་པ་ཐམས་ཅད་རྩད་ནས་གཅོད་བྱེད་ཀྱི་རལ་གྲི་འཛིན་པ་བྱང་ཆུབ་སེམས་དཔའ་འཆམ་པའི་དབྱངས་ཀྱི་རྣམ་འཕྲུལ་ཆོས་རྒྱལ་ཁྲི་སྲོང་ལྡེའུ་ བཙན་མཚོན་ཏེ་སྤྲུལ་གཞིའི་མཚན་མ་ཉིད་ཡིན། ཁོང་གཉིས་ཡོན་མཆོད་ཀྱི་རྣམ་པ་ཐ་དད་ཀྱང་ཡེ་ཤེས་གཅིག་པའི་ཕྱིར་རྟེན་དང་བརྟེན་པའི་ཚུལ་ དུ་བཀོད་པ་དང་། ཡང་ན་སློབ་དཔོན་ཆེན་པོའ་ི ཐུགས་ལས་འཁྲུངས་པའི་ཐུགས་སྲས་རྗེ་འབངས་ཉེར་ལྔའི་གཙོ་བོ་ཡང་མངའ་བདག་ཁྲི་སྲོང་ལྡེའུ་ བཙན་ཡིན་ཕྱིར་པདྨའི་ཟེའུ་འབྲུ་ཐོན་པའི་ཚུལ་དུ་བཀོད་པ་གསུངས་པ་དང་། པད་སྡོང་སྟེང་གཡས་ཀྱི་ངང་པ་སེར་པོ་མགྲིན་པ་གཉིས་དང་ལྡན་པ་ དེས་མཁན་ཆེན་ཞི་བ་མཚོ་དང་ཀ་མ་ལ་ཤཱི་ལ་སྟེ་པདྨའི་ངང་ཚུལ་གཉིས་མཚོན་ཏེ། ཐུགས་ཀྱི་ལྟ་གྲུབ་དགོངས་པ་གཅིག་པས་ལུས་གཅིག་ལ། གསུང་ གི་ཆོས་སོ་སོ་སྟོན་པས་མགྲིན་པ་གཉིས་ཅན་དང་། མཁན་པོ་གཉིས་ཀ་ངུར་སྨྲིག་རྒྱལ་མཚན་འཛིན་པའི་གཙུག་རྒྱན་དུ་བཞུགས་པས་ངང་སེར་གྱི་ གཟུགས་སུ་བཀོད་པའོ། གཡོན་གྱི་ནེ་རྩོ་མགྲིན་པ་གཉིས་ཅན་གྱིས་སྤྲུལ་པའི་ལོ་ཙཱ་བ་སྐ་པ་དཔལ་བརྩེགས་དང་ཅོག་རོ་ཀླུའི་རྒྱལ་མཚན་གཉིས་ མཚོན་ཏེ། ཐུགས་དགོངས་གཅིག་ལ་ཆོས་སོ་སོར་སྟོན་པས་ལུས་གཅིག་ལ་མགྲིན་པ་གཉིས་ཅན། ནེ་ཙོས་བྱ་སྐད་དང་མི་སྐད་གཉིས་སྨྲ་བ་ཇི་བཞིན་ ལོ་ཙཱ་བས་ཀྱང་རྒྱ་བོད་ཀྱི་སྐད་གཉིས་སྨྲ་བས་ནེ་ཙོའི་གཟུགས་སུ་བཀོད་པའོ། དེ་ཐམས་ཅད་མཚོའི་དབུས་སུ་གནས་པ་ནི། གངས་ཅན་བོད་ཀྱི་ཡུལ་ གྲུ་འདིར་སྤྲུལ་པའི་རྒྱལ་བོ་དང་ལོ་པཎ་འདི་རྣམས་ཀྱི་འཕྲིན་ལས་ཀྱང་གུ་རུ་མཚོ་སྐྱེས་རྡོ་རྗེའི་ཐུགས་རྗེ་དང་མཐུ་བྱིན་ལ་བརྟེན་ནས་འགྲུབ་པ་ཡིན་ ལ། འདི་དག་གིས་སྤེལ་བའི་ཆོས་ཟབ་མོ་དང་མཚན་སྙན་ཐམས་ཅད་དྲི་མེད་ཆུའི་པད་མོ་ཇི་བཞིན་སྐྱོན་གྱིས་མ་གོས་ཤིང་ཟབ་ཅིང་རྒྱ་ཆེ་བ་ཆུ་བོའ་ི གཏེར་ཆེན་པོ་དང་ཀུན་ནས་མཚུངས་པ། བསམ་ཡས་ཀྱི་གཙུག་ལག་ཁང་ལ་ནམ་ཞིག་དུས་ཀྱི་དབང་གིས་མེའི་གནོད་པ་འབྱུང་བ་ལུང་བསྟན་པ་ཞི་ བ་བཅས་ཀྱི་རྟེན་འབྲེལ་དུ་མཛད་པ་ཡིན་ནོ། ས་པཎ་རང་ཉིད་ཀྱིས་རི་མོ་འདི་དག་དང་མཉམ་དུ་མཛད་པའི་ཕྱག་མཚན་རི་མོའ་ི བསྟོད་ཚིག་ནི། སྡོམ་བརྩོན་དམ་པ་དཔལ་ལྡན་ཞི་བ་མཚོ། བརྟུལ་ ཞུགས་གྲུབ་པ་པདྨ་འབྱུང་གནས་དཔལ། བློ་བསལ་དབང་པོ་པདྨའི་ངང་ཚུལ་སོགས། སྙིགས་མའི་དུས་ཀྱི་རྒྱལ་བ་གཉིས་པ་ཡིན། བདེ་བར་གཤེགས་ པའི་རིང་ལུགས་བླ་ན་མེད། ཞུ་ཆེན་སྒྱུར་བྱེད་མཆན་བུའི་གནས་འདུག་པའི། སྐད་གཉིས་སྨྲ་བ་བློ་གྲོས་གསལ་ལྡན་པ། དེ་དག་བདག་ཅག་རྣམས་ཀྱི་ མིག་ཏུ་གྱུར། མི་ཡི་དབང་བོ་ཆོས་བཞིན་ས་སྐྱོང་པ། རྣམ་དཔྱོད་བློ་ཅན་དེས་པས་འགྲོ་བ་འདུལ། དཔའ་མཛངས་བློན་པོའ་ི ཚོགས་ཀྱིས་ཡོངས་བསྐོར་ ཏེ། སྐྱེ་དགུ་འདི་དག་བུ་བཞིན་ལེགས་པར་བསྐྱངས། བདག་ཀྱང་སྔོན་སྦྱངས་ལས་ཀྱིས་འཕེན་པ་ཡིས། སྙིགས་མའི་དུས་སུ་གངས་རིའི་ཁྲོད་འདིར་ སྐྱེས། འོན་ཀྱང་ཚེ་རབས་སྔོན་མའི་བསོད་ནམས་མཐུས། ཤེས་བྱ་ཕལ་ཆེར་འབད་པ་ཆུང་ངུས་ཤེས། རྩོད་དུས་འདི་ནི་མཁས་པ་ཁས་འཆེ་ཞིང་། ལན་ བརྒྱར་འཆད་དང་ཉན་ལ་མངོན་བརྩོན་པ། དེ་དག་གིས་ཀྱང་ཤེས་བྱའི་གནས་རྣམས་ལ། རྣམ་པ་དཔྱད་ན་ཕྱོགས་རེའི་མིག་ཅན་ཡིན། འཕགས་པ་ འཇམ་དཔལ་གྱི་ཕྱག་མཚན་རི་མོ་འདི། གཙུག་ལག་ཁང་ལ་ཕན་པའི་རྟེན་འབྲེལ་ཞིག་ཡོད་པས། དཔལ་ལྡན་སསྐྱ་པཎྚིཏས་བྲིས་པ་ཡིན། ཅུང་ཟད་ རི་མོ་མི་མཛེས་ཀྱང་། མཚན་མོར་བྲིས་པ་དང་། པིར་ལ་སོགས་མ་འཛོམས་པས་ལན། འོན་ཀྱང་བཀྲ་ཤིས་པའི་རྟེན་འབྲེལ་ཞིག་ཡོད། ཅེས་པའི་ཡི་ གེ་འདི་དང་ཕྱག་མཚན་གྱི་རི་མོ་འདི་བསམ་ཡས་ཀྱི་འཁོར་ས་བར་བའི་གཡས་ཕྱོགས་སུ་བཞུགས་པ་ལགས། བཀྲ་ཤིས་པར་གྱུར་ཅིག་ཅེས་ས་པཎ་ གསུང་འབུམ་ལས་གསལ་བས་རི་མོ་འདིའི་བྱུང་ཚུལ་དང་དགོས་པ་མཚོན་བྱ་ཐམས་ཅད་ཤེས་སླའོ།

གཙུག་ལག་ཁང་གི་སྤེན་རྒྱན་རྣམ་བཅུ་དབང་ལྡན་གྱིས་སྣོད་བཅུད་ཕྱི་ནང་གཞན་གསུམ་གྱི་གེགས་མེད་མཐུན་སྦྱོར་བྱེད་པ།

རྣམ་བཅུ་དབང་ལྡན་ནི། དཔལ་ལྡན་དུས་ཀྱི་འཁོར་ལོའ་ི སྣོད་བཅུད་ཕྱི་ནང་གཞན་གསུམ་གྱི་སྙིང་བོ་གཅིག་ཏུ་བསྡུས་པའི་ལཉྫའི་ཡི་གེ་ཡ་ར་བ་ལ་ མ་ཀྵ་ཧ་བཅས་ཡེ་གེ་བདུན་དང་ཡི་གེ་གཟུགས་འགྱུར་བ་ལས་སྣ་ལྡན་ནམ་ཟླ་ཚེས། ཐིག་ལེ། སྲོག་ཡིག་ཨ་མཚོན་པའི་ནཱ་ད་དང་བཅས་པའི་ཡི་གེ་ བཅུ་བརྩེགས་མར་གནས་པ་སྣ་ཚོགས་པདྨ་གདན་བཞི་དང་བཅས་པ་སྟེ། དེའི་རིམ་པ་སྣ་ཚོགས་པདྨའི་སྟེང་དུ་ཟླ་བ་དཀར་པོ། ཉི་མ་དམར་པོ། སྒྲ་ ཅན་སྔོན་པོ། དུས་མེ་སེར་པོ་བཅས་ཀྱི་གདན་བཞིར་འབྱུང་བ་རིམ་བརྩེགས་ཀྱི་རང་འདོག་སྟེ། རླུང་གི་ས་བོན་ཡ་ནག་པོ་(འདི་ལ་ལྗང་ཁུ་ཞེས་ཀྱང་ གསུངས་)མེའི་ས་བོན་ར་དམར་པོ། ཆུ་ཡི་ས་བོན་བ་དཀར་པོ། སའི་ས་བོན་ལ་སེར་པོ། མ་འདོད་ཁམས་འདོད་ཡོན་ལྔ་མཚོན་བྱེད་ཁ་དོག་ལྔ་ལྡན་ ནམ་བརྟན་པ་རི་རྒྱལ་གྱི་ས་བོན་ཕྱོགས་མདོག་སྟེ་ཤར་ནག་ལྷོ་དམར། བྱང་དཀར། ནུབ་སེར། དབུས་ལྗང་ཁུའོ། གཡོ་བ་འདོད་གཟུགས་དང་སྣ་ཚོགས་ པདྨའི་ས་བོན་ཀྵ་ལྗང་གུ་(དཀར་པོ་ཡང་གསུངས་)གཟུགས་མེད་བཞི་ནི་ས་བོན་ཧ་མགོ་བོ་དང་བཅས་པ་སྔོན་པོ་ཟླ་ཚེས་སྣ་ལྡན་སྲོག་ཟླ་བའི་ས་ བོན་དཀར་པོ། ཐིག་ལེ་རོ་ཉི་མའི་ས་བོན་དམར་པོ། ནཱ་ད་ནམ་མཁའི་ས་བོན་སྔོན་པོས་མཚོན་པའོ། ཡང་རྟེན་གཞལ་ཡས་ཁང་གི་འོག་བཞི་རླུང་མེ་ ཆུ་སའི་དཀྱིལ་འཁོར་བཞི་ཡ་ར་ལ་བ། རི་རབ་གཞལ་ཡས་ཁང་བཅས་པ་མ། བརྟེན་སྐུ་གསུང་ཐུགས་ཀྱི་ལྷ་རྣམས་ཀྵ། ཐུགས་དཀྱིལ་གྱི་ལྷ་རྣམས་ཧ། བདེ་ཆེན་འཁོར་ལོའ་ི ལྷའི་སྐུ་གསུང་ཐུགས་ཟླ་ཚེས་ཐིག་ལེ་ནཱན་ད་སྟེ་བརྟེན་པའི་ལྷ་ཚོགས་མཚོན་ཏེ། རི་མོ་འདིས་སྣོད་བཅུད་ཕྱི་ནང་གཞན་གསུམ་ གེགས་མེད་ལྷུན་འགྲུབ་ངང་རབ་ཏུ་བརྟན་ཅིང་དབང་དང་ལྡན་པར་བྱེད་དོ་ཞེས་སོ། གཙུག་ལག་ཁང་གི་སྤེན་རྒྱན་མི་མཐུན་ཐམས་ཅད་མཐུན་པར་བྱེད་པའི་རི་མོ་མི་མཐུན་གཡུལ་རྒྱལ། དགྲ་གཤེད་དུ་གྱུར་པའི་སྲོག་ཆགས་རིགས་ གཉིས་རེ་ཕྱོགས་གཅིག་ཏུ་སྡེབས་ནས། མི་མཐུན་པ་ཐམས་ཅད་མཐུན་པར་བྱེད་པའི་མི་མཐུན་ཕྱོགས་ལས་རྣམ་པར་རྒྱལ་བའི་མཚན་མའང་མི་ མཐུན་གཡུལ་ལས་རྣམ་པར་རྒྱལ་བའི་རི་མོ་ནི། སེང་གེ་དང་བྱ་ཁྲུང་འདུས་པ་ལས་བྱུང་བའི་གངས་ཀྱི་སེང་གེ་ཁྱུང་གི་མགོ་བོ་དང་གཤོག་པ་ཅན་ ཁྱུང་ཪྭ་ནོར་བུ་འབར་བས་བརྒྱན་པ། ཆུ་སྲིན་དང་དུང་འདུས་པ་ལས་བྱུང་བའི་ཆུ་སྲིན་དུང་གི་མཇུག་མ་ཅན་ནམ། ཆུ་སྲིན་དུང་ན་གནས་པའི་ཚུལ་ ལ་མཇུག་མ་པ་ཏྲ་འཁྱིལ་བས་སྤྲས་པ། ཉ་དང་སྲམ་འདུས་པ་ལས་སྲམ་གསེར་ཉའི་མགོ་ཅན་ལ་ཁ་སྤུ་དཀར་པོས་མཛེས་པ་བཅས་གསུམ་ཡིན་ཞིང་ ། གཞན་ཡང་སྟག་དང་འབྲུག་འདུས་པ་ལས་རྒྱ་སྟག་ཁྲ་བོ་འབྲུག་གི་མགོ་བོ་ཅན་གཅིག་བསྣན་པས་བཞི་བྱེད་པ་དང་། སྟག་འབྲུག་འདུས་པ་མི་འབྲི་ བའི་ལུགས་གཉིས་སྣང་ཡང་དེའི་འབྱུང་ཁུངས་དང་བཤད་པ་སོགས་ཀྱི་དཔྱད་གཞི་ཁུང་བཙན་མ་མཐོང་བས་ཕྱིས་ཀྱི་མཁས་པས་བསྣན་པའང་སྲིད་ པས་དཔྱད་གཞི་རྩམ་མོ།

གཙུག་ལག་ཁང་ཁོར་ཡུག་དང་བཅས་པའི་མཛེས་རྒྱན་ཟངས་གསེར་གྱི་རྒྱ་ཕིབས། བོད་དུ་འབྱོར་བ་དང་ལྡན་པའི་དགོན་པ་ཆེ་གྲས་ཀྱི་གཙུག་ལག་ ཁང་ལ་ཟངས་གསེར་གྱི་རྒྱ་ཕིབས་དང་། རེ་འགའ་ལ་གྱོ་མོ་རྩི་ཅན་གྱི་རྒྱ་ཕིབས་ཟངས་གསེར་གྱི་ཏོག་དང་བཅས་པ། དགོན་པ་ཆུང་འབྲིང་ལ་རྫ་གྱོ་ དཀྱུས་མ། ཤིང་ལེབ་དང་རྡོ་གཡའ་མ་སོགས་ཀྱིས་ཐོག་ཕིབས་པར། ཐམས་ཅད་ལ་ཚད་དང་དབྱིབས་ཀྱི་ངེས་པ་མེད་མོད་ཀྱང་། ཟངས་གསེར་དང་གྱོ་ མོ་རྩི་ཅན་གྱི་རྒྱ་ཕིབས་སོགས་ལ་ནི་(ཀྲི་ཡ་ས་མུ་ཙྪའི་ས་དཔྱད་རེ་གཅིག་པ་)ལས། གསུམ་གྱི་ལྷ་རྣམས་གནས་པའི་ཕྱིར། རྒྱ་ཕིབས་འགའ་ཡང་དགོད་ བྱ་སྟེ། བ་རེན་དྲའམ་ཌ་བིཌའི། ཉེ་བར་བརྟེན་པ་ཇི་བཞིན་བྱ། ལྔ་ཡི་ཆའམ་དྲུག་གི་ཆ། རྒྱ་ཕིབས་ཡང་དག་གནས་པར་འདོད། འདེགས་པའི་ཆ་དང་ མཉམ་པའི་དཔངས། བ་རེག་ཌ་གནས་སྟེང་དུའོ། རྒྱ་ཕིབས་དབུས་ཀྱི་ལུས་ལ་ནི། ཌ་བི་ཌ་བ་དུམ་བུ་གཉིས། དུམ་བུ་གཅིག་པའི་རྒྱ་ཕིབས་ནི། བ་རེན་ ཌ་དང་གོ་ཌའི་ལུགས། རྒྱབ་ཀྱི་རྩེ་མོ་ཡང་དག་བསྡུས། ངེས་རྣམས་རྣམ་དག་མཁས་པ་ཡིས། དབུས་སུ་གཞུང་ཤིང་སྣམ་བུ་རྣམས། མཐོང་ན་མཛེས་ པར་འགྱུར་བར་བྱ། རྔ་ཟླུམ་མཚུངས་པ་དབུས་ཀྱི་སྟེང་། ངོས་གཉིས་གཞུང་ཤིང་མཐོ་བ་སྟེ། ཌ་བི་ཌ་བ་གཞུང་ཕྱེད་ཀྱིས། བུམ་པ་སེང་གེ་རབ་མཛེས་ འདོད། ཅེས་པའི་ཁུངས་དང་མི་འགལ་བར་ཐོག་ཕིབས་པའི་སྲོལ་རྒྱ་དཀར་ནག་དང་བལ་ཡུལ་ཀུན་ལ་ཡོད་ཀྱང་། དེ་དག་ལ་གྱོ་མོ་རྩི་ཅན་གྱི་ཕིབས་ ཙམ་ལས་ཆེ་མ་དར་ཞིང་། དེ་ལའང་ཆུ་སྲིན་དང་། གཉྫིརའི་རྩེ་རྒྱན་སོགས་རྒྱས་སྤྲས་མ་དར་བ་འདྲ་ཡང་། བོད་ལ་ནི་ཤིན་ཏུ་རྒྱས་པ་བསྐྲུན་ཚུལ་སྡེ་ སྲིད་སངས་རྒྱས་རྒྱ་མཚོས་མཛད་པའི་(གསེར་གདུང་འཛམ་གླིང་རྒྱན་གཅིག་གི་རྟེན་དང་བརྟེན་པ་བཅས་ཀྱི་དཀར་ཆག་གི་རྒྱ་ཕིབས་ཀྱི་བཀོད་ པ་)ལས། རྒྱ་ཕིབས་ཀྱི་བྲེ་འདེགས་གླང་སྣ་སུམ་འཁོར། དེ་སྟེང་བྲེ་སྤུངས་སུམ་འཁོར། དེ་སྟེང་བྲེ་སྟེགས་བྱ་འདབས་གདུང་མ། ཤར་ནུབ་ཏུ་བྲེ་སྤུངས་ གླང་སྣ་སུམ་བརྩེགས་སྟེང་། ཕག་སྣ་རེ་བཅས་བྲེ་སྤུངས་ལྔ་རེ། ལྷོ་བྱང་བྲེ་སྤུངས་གསུམ་ལ་གླང་སྣ་སུམ་བརྩེགས་སྟེང་ཕག་སྣ་རེ་བཅས། ཟེ་ཏོག་དང་ ཆུ་འཛར། རྩེ་དབུས་སུ་གཉྫིར་བབས་ལེ་པད་བཅས། དེའི་ཕྱོགས་གཉིས་སུ་ལྕགས་ཐག་འཛིན་བྱེད་ཤང་ཤང་ཟུང་། དེའི་འོག་གི་ཟུར་བཞིར་ཆུ་སྲིན་ རེ། སྒོ་བཀག་ནོར་བུ་འབར་བ་པདྨ་དང་བཅས་པ། ཕྱོགས་བཞིར་རླུང་དྲིལ་ཉེར་བཞི་དྲིལ་ལྕེ་རླུང་གིས་བསྐྱོད་པ་ལ་རྒྱལ་ཁམས་བདེ་ཞིང་སྐྱིད་པ་ དང་། རྒྱལ་བསྟན་དར་ཞིང་རྒྱས་པའི་བདེན་ཚིག་ཤིས་སྨོན་རྐོ་དཀྲོལ་ཅན་བཅས་རིན་པོ་ཆེ་ཟངས་དམར་ལ་གསེར་བཟང་སྦྱངས་པ་ལན་མང་བྱུགས་ པ་ཁྱད་མཚར་ཅན་དུ་བྱས་ཚུལ་འཁོད་པ་ལྟར་ལ། དགོན་པ་ཐམས་ཅད་དེ་མཚུངས་ཀྱི་བསམ་པའི་སྟོབས་དང་། འབྱོར་བའི་སྟོབས། རིག་པའི་སྟོབས་ བཅས་དཀོན་ནའང་། གཙུག་ལག་ཁང་སྤྱིའི་འགྲོས་གོང་དང་མི་གཉིས་ཤིང་ཁོར་ཡུག་ཡུལ་ལྗོངས་སོ་སོའ་ི རྒྱན་དང་ཕུད་དུ་མཛེས་པའོ།། གཙུག་ལག་ཁང་གི་རྩེ་རྒྱན་ནོར་བུའི་ཏོག་ཏུ་མཛེས་པའི་གཉྫིར། གཉྫིར་ནི་ལེགས་སྦྱར་གྱི་སྐད་དེ། གཙུག་ལག་ཁང་གི་ཡང་རྩེའི་ཏོག་ཏུ་རྣམ་པར་ མཛེས་པའི་རྒྱན་གྱི་བྱེ་བྲག་ཅིག་སྟེ། རྒྱུ་ཕལ་ཆེ་བ་ཟངས་གསེར་ལས་བསྒྲུབས་པས་བོད་དུ་གསེར་ཏོག་ཅེས་པའི་ཐ་སྙད་ཆགས།

དེའི་ཁུངས་ནི་མཛོད་ལྡན་ལས་བྱུང་ཞིང་། གཟུངས་དང་ཐམས་ཅད་མཆོད་རྟེན་དང་ཕྱོགས་མཚུངས་ལ། གཙུག་ཏོར་གདུགས་དཀར་མའི་གཟུངས་ མཛེས་ཚོན་རབ་གནས་ཚད་ལྡན་ཅན་དགོས་པ་དམིགས་གསལ་དུ་གསུངས་པ་བཞིན་ཏེ། དབྱིབས་ལ་དྲིལ་བུའི་དབྱིབས་དང་བུམ་པའི་དབྱིབས་ གཉིས་སུ་གསུངས་པར། བོད་ལུགས་སུ་དེ་གཉིས་ཕྱོགས་གཅིག་ཏུ་སྡེབ་ནས། འོག་ནས་གོང་གི་རིམ་པར། གདན་པད་ཕྲེང་ཆེ་བ་མུ་ཁྱུད་དང་བཅས་ པ། དེ་སྟེང་དྲིལ་བུའི་ཟེའུ། དེ་སྟེང་པད་ཕྲེང་ཆུང་བ། དེ་སྟེང་བུམ་པ། བུམ་པའི་ཁ་རྒྱན་རིན་པོ་ཆེའི་ཏོག་དང་བཅས་པའོ། གཞན་ཡང་སྡེ་སྲིད་སངས་ རྒྱས་རྒྱ་མཚོ་སོགས་ཀྱིས། གཉྫིར་ནི་ཁང་བཟང་གི་རྩེ་རྒྱན་རྒྱལ་མཚན་གྱི་བྱེ་བྲག་ཏུ་གཏོགས་ཕྱིར་འདིའི་ནང་གཞུག་ཀྱང་རྒྱལ་མཚན་དང་ཕྱོགས་

མཚུངས་སུ་བྱེད་ན་ཆོག་པར་བཞེད་དེ། དེ་ལ་གོང་གི་རྒྱ་ཕིབས་སྐབས་བཤད་ཟིན་པ་ལྟར་ཕྱོགས་གཉིས་སུ་གསེར་ཏོག་འཛིན་བྱེད་ཀྱི་ཤང་ཤང་ སོགས་བཀོད་པ་དང་མ་བཀོད་པའི་རྒྱས་བསྡུས་སྣ་ཚོགས་ཡོད་དོ། གཙུག་ལག་ཁང་གི་སྟེང་རྒྱན་སྐྱེ་འགྲོ་མཐར་ཐུག་གི་བདེ་བར་འགོད་པའི་ཐབས་ བསྟན་པའི་རི་དྭགས་ཆོས་འཁོར། (རི་དྭགས་ཆོས་འཁོར་)ལས། ཆོས་ཀྱི་འཁོར་ལོའ་ི གྲུབ་ཆ་ནི། འཁོར་ལོ་འཛིན་བྱེད་ཀྱི་ལྟེ་བ་དང་། གཅོད་བྱེད་ཀྱི་ རྩིབས་དང་། སྡུད་བྱེད་ཀྱི་མུ་ཁྱུད་གསུམ་སྟེ། དེ་ལས་མང་མི་དགོས་ཤིང་ཉུང་ནའང་མིན་ཏེ། འདིས་མཚོན་བྱ་ནི། སྔོན་སངས་རྒྱས་བཅོམ་ལྡན་འདས་ ཀྱིས་རྡོ་རྗེ་གདན་དང་ཡངས་པ་ཅན་སོགས་ཀྱི་གནས་མཆོག་ཏུ་སྲིད་པའི་ནད་ཐམས་ཅད་འཇོམས་ཤིང་བླ་ན་མེད་པའི་བྱང་ཆུབ་ཐོབ་པའི་ཐབས་ དང་སྨན་མཆོག་དམ་པ་སྟེ། གདུལ་བྱ་རིགས་ཅན་གསུམ་ལ་རང་རང་གི་སྐལ་བ་དང་འཚམ་པའི་ཆོས་ཀྱི་འཁོར་ལོ་རིམ་པ་གསུམ་དུ་བསྐོར། དེའང་ ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་སྟེ་ལམ་བསླབ་པ་རིན་པོ་ཆེ་རྣམ་པ་གསུམ་དུ་བསྡུས་ན། འདུལ་བ་དང་། མདོ་སྡེ་དང་། མངོན་པ་ བཅས་ཆོས་སྡེ་སྣོད་གསུམ་དུ་འདུས་ཤིང་། གདུལ་བྱའི་རྒྱུད་ཀྱི་ཉོན་མོངས་ཐམས་ཅད་རྩད་ནས་འབྱིན་པའི་གཉེན་པོའང་འདི་གསུམ་ཁོ་ན་ཡིན་པ་ བཅས་མཚོན།

རི་དྭགས་ཕོ་མོ་གཉིས་ཀྱིས་ཆོས་འཁོར་གྱི་རྩེ་མོ་ལ་རྩེ་གཅིག་ཏུ་ལྟ་བ་ནི། ཕྱི་ནང་གི་གྲུབ་མཐའ་འཛིན་པ་ལ་སོགས་སྐྱེ་བོ་མཆོག་དམན་སུ་ལྟ་བུ་ཞིག་ ཡིན་ཡང་། མཐར་ཐུག་འབྲས་བུ་སྐུ་གསུམ་ལ་དམིགས་ཤིང་བགྲོད་པའི་ལམ་ནི་སངས་རྒྱས་བཅོམ་ལྡན་འདས་ཀྱིས་བསྟན་པའི་ལམ་བསླབ་པ་གསུམ་ ལས་གཞན་དུ་མ་མཆིས་པ་མཚོན་པ་ཡིན་ནོ། གཙུག་ལག་ཁང་གི་སྟེང་རྒྱན་ཕྱོགས་ལས་རྣམ་པར་རྒྱལ་བའི་རྒྱལ་མཚན། (ཀྲི་ཡའི་ས་དཔྱད་ཉེར་ བརྒྱད་པ་)ལས། གཙུག་ལག་ཁང་དང་། ཁང་བཟང་རྣམས་ཀྱི་རྩེར་རྒྱལ་མཚན་གཟུག་པར་བཤད་པ་ནི། གསེར་དང་ནོར་བུ་ཉི་མའི་ཤེལ་དང་དངུལ་ དང་ནི། འཇིམ་པ་མཆོག་དང་ཤིང་ལས་བྱས་པ་ཉིད་ཀྱང་སྟེ། ལེགས་པར་གནས་པ་དྲང་ཞིང་བརྟན་པ་རབ་འབར་བ། ཆ་གསུམ་མཉམ་པ་ལེགས་པ་ ཡང་དག་དགོས་པར་བྱ་ཞེས་དང་། ཡང་། ཡེ་ཤེས་མི་ལོང་ཆེན་པོ་རབ་འབར་བ། རྡོ་རྗེ་བདག་ཉིད་མཛེས་པའི་ཡུ་བར་གནས། རི་རབ་པདྨ་གདན་ དང་སེང་གེ་ལ། སོགས་པའི་རྒྱལ་མཚན་ཆེན་པོ་དགའ་བ་ཆེ། ཨ་ག་མ་ག་སི་ཡི་ས་བོན་ལས་བྱུང་བའི། གཞན་གྱིས་མི་ཐུབ་བུམ་པ་མཁའ་ལྡིང་ཆུ་སྲིན་ སོགས། ཉ་དང་རྨ་བྱ་རི་དྭགས་ནོར་བུ་སེང་གེ་མཚན། ཟླ་བའི་ཐིག་ལེ་དམ་པའི་གཟུགས་དང་ལྡན་པ་ཉིད་ཅེས་རྒྱལ་མཚན་གྱི་ཚད་དང་། རི་མོ་དགོད་ ཚུལ་དང་། རིན་པོ་ཆེའི་ཏོག་བཅས་གསལ་བར་བསྟན་པ་དང་། རྗེ་བཙུན་ཙོང་ཁ་པ་ཆེན་པོས་ཀྱང་། དྲང་ཞིང་ལྡེམ་པའི་རིན་ཆེན་ཡུ་བ་ནི། ཟླ་ཕྱེད་ རྡོ་རྗེ་རིན་ཆེན་རྩེ་མོ་ཅན། དར་ལྕེ་གསུམ་པ་རླུང་གིས་བསྐྱོད་པ་ན། སིལ་སིལ་འཁྲོལ་བའི་དྲིལ་ཆུང་སྒྲ་སྒྲོག་ཅིང་། སུམ་ཁུག་འཁྱོག་གི་འགྱིང་དང་ རབ་ཏུ་ལྡན། མཛེས་པའི་མཚན་མ་སྲོག་ཆགས་ཡོད་མེད་ཀྱི། མི་མཐུན་ཕྱོགས་ལས་རྒྱལ་བའི་རྒྱལ་མཚན་དང་། ཞེས་གསལ་བར་གསུངས་པ་བཞིན། སྤྱིར་རྒྱལ་མཚན་ནི་དར་གྱི་ཤམ་བུ་རིམ་པ་གསུམ་ཅན་གྱི་སྟེང་དུ་གཞན་གྱིས་མི་ཐུབ་པའི་མཚན་མའི་རི་མོའ་ི རིགས་དང་། དྲ་ཕྱེད་པདྨ་འཕུལ་མ། ཟེ་ ཏོག་ནོར་བུ་པ་ཏྲའི་རྣམ་པ་ཅན་ཕྱོགས་གསུམ་དྲིལ་ཆུང་བརྒྱན་པ། རྩེ་རྒྱན་ནོར་བུའི་ཏོག་དང་བཅས་པ་གསུངས་ཀྱང་། ཕྱི་ཚེ་བོད་ཀྱི་མཁས་པས་བཀྲ་ ཤིས་དགུ་བརྩེགས་སུ་གྲགས་པ་དང་། དབྱིབས་དང་རི་མོ་སོགས་མཛེས་ཆ་གཙོ་བོ་བཏོན་པར་བཤད་ལ། དར་གོས་ཀྱི་རྒྱལ་མཚན་མ་ཡིན་པའི་ཟངས་ གསེར་དང་། དངུལ་དང་ཤེལ་སོགས་ལྷབ་ལྷུབ་ཏུ་གཡོ་བ་མ་ཡིན་པའི་རྒྱུ་སྲ་མཁྲེགས་ཀྱི་རང་བཞིན་ཅན་གྱི་རྒྱལ་མཚན་ནི། ཤམ་བུ་སུམ་བརྩེགས་ སྟེང་ཁེབས་མཐའ་འོག་གི་ཕྱོགས་མཚམས་ཀུན་ཏུ་ཙི་པ་ཏྲ། ཙི་པ་ཏྲའི་ཁ་ནས་དྲ་བ་དྲ་ཕྱེད་རིམ་པས་བརྒྱན་པ། སྟེང་ཁེབས་སྦུབས་དང་འདྲ་བའི་སྟེང་ ནས་ནོར་བུའི་པ་ཏྲ་ཕྱོགས་བཞིར་ཐུར་ནས་གྱེན་དུ་འཁྱིལ་བ། པ་ཏྲ་གྱེན་དུ་འཁྱིལ་ཁུག་ཏུ་དྲིལ་བུ་བརྒྱན་པ་དང་། ཡང་ན་དྲ་བ་དྲ་ཕྱེད་ཀྱི་མཚམས་སུ་ དྲིལ་ཆུང་གི་རི་མོ་བཀོད་ཅིང་། རྒྱལ་མཚན་གྱི་འོག་མཐར་དྲིལ་བུའི་ཁ་ལྟར་ཅུང་ཟད་གཡེལ་བས་མཛེས་པར་བྱའོ། གཙུག་ལག་ཁང་དང་ཁང་བཟང་གི་སྟེང་རྒྱན་རྔ་ཡབ་དང་བ་དན་ཟུང་དུ་འཇུག་པའི་རྔ་ཐུག

གཙུག་ལག་ཁང་དང་ཁང་བཟང་སྟེང་གི་ཕྱོགས་མཚམས་སུ་བཙུགས་པའི་རྔ་ཐུག་གམ། ཡང་ན་གཞི་རྩིད་སྐུད་ནག་པོ་འཁེལ་བ་ལས་བཟོས་ཕྱིན་ ཐུག་ནག་ཅེས་འབོད་པ་དེ་ནི། བོད་སྔ་རབས་ཀྱི་ལུགས་ཏེ། བ་དན་དང་རྔ་ཡབ་ཟུང་ཏུ་འཇུག་པའི་རྒྱན་གྱི་བྱེ་བྲག་ཅིག་ཡིན་ཚུལ་སྡེ་སྲིད་སོགས་ ཀྱིས་གསུངས་ལ། ཐུག་ནག་གི་རྩེ་ནི། རྒྱུ་ཉེམ་ལྕགས་ལས་གྲུབ་པའི་ཁཊཱཾག་ལྟ་བུ་རྩེ་མོ་མེ་འབར་བ་བརྒྱད་དམ། བཞིའམ། གསུམ་སོགས་ལ། ཕྱོགས་ ཀྱི་རྭ་མང་ཉུང་དང་མཚུངས་པའི་ཨ་ལོང་གིས་བརྒྱན་པ་དང་། ཐུག་ཁེབས་སྦུབས་ལྟ་བུ་མཐའ་རའི་ནང་ལོགས་ཀྱི་ཕྱོགས་ཐམས་ཅད་ནས་རྔ་རྩིད་ཀྱི་ སྐུད་པ་སྦོམ་པོ་ཐུར་དུ་གྲོལ་བ་དབྱིབས་རྒྱལ་མཚན་ལྟ་བུ་ལ། ཕྱོགས་བཞིར་རས་དཀར་པོའ་ི འཕན་ཡོད་པར། ཐུག་གི་ཕྱེད་མཚམས་སུ་རས་དཀར་གྱི་ རྐེད་བཅིངས་འཕན་གྱི་རྒྱ་དང་མཚུངས་པ་དཀྲིས་པ་ཅན་ནོ།

འབྱུང་བཞི་མཐུན་སྦྱོར་གྱིས་རླུང་རྟ་དར་བར་བྱེད་པའི་རླུང་རྟའི་རི་མོ། དེ་ལྟར་གཙུག་ལག་ཁང་རྟེན་དང་བརྟེན་པ་སྟེང་རྒྱན་དང་གཅས་ཡོངས་ སུ་གྲུབ་ནས་ཕྱོགས་མཚམས་ཀུན་ཏུ་རླུང་རྟ་འཛུགས་པ་ནི་བོད་ཀྱི་ཁྱད་ཆོས་དང་། བོད་ཁམས་ཀུན་ཏུ་ཁྱབ་པའི་དམངས་སྲོལ་ཞིག་སྟེ། དབུས་སུ་ རྟ་མཆོག་མདུན་དུ་བསྐྱོད་པའི་ཉམས་ལྡན་ལ་རིན་པོ་ཆེ་རྒྱན་གྱིས་བརྒྱན་པ། གསེར་སྒའི་སྟེང་དུ་ལྷ་ཀླུ་མི་གསུམ་གྱི་ནོར་བུ་རིན་པོ་ཆེ་མེ་འབར་བ་ བཀལ་བ། ཟུར་བཞིར་སྟག་དང་། སེང་གེ ཁྱུང་། འབྲུག་བཅས་འབྱུང་བ་བཞིའི་མཚོན་བྱེད་དམ་དགྲ་ལྷ་བཞི། རྟ་མཆོག་གི་སྟེང་འོག་ཕྱོགས་བཞིར་ རིག་གསུམ་མགོན་པོ་སོགས་ཀྱི་བསྙེན་པ་དང་། མཐར་རྒྱུ་སྦྱོར་ཡོན་གྱི་བདག་པོའ་ི ཚེ་བསོད་རླུང་རྟ་ཡར་བསྐྱེད་པའི་བཀྲ་ཤིས་འདོད་གསོལ་དང་ བཅས་པ་ཞིག་སྟེ། དེའི་མཚོན་དོན་ནི། སྟག་ནགས་ཚལ་དུ་གནས་པའི་འབྱུང་བ་ཤིང་གི་ཁམས་མཚོན་པ་དང་སེང་གེ་རི་བོར་གནས་པས་སའི་ཁམས་ མཚོན་པ་དང་། ཁྱུང་བར་སྣང་དུ་གནས་པས་རླུང་གི་ཁམས་མཚོན་པ་དང་། འབྲུག་རྒྱ་མཚོར་གནས་པས་ཆུའི་ཁམས་མཚོན་པ་དང་། ཅང་ཤེས་རྟ་ མཆོག་གི་སྟེང་དུ་ནོར་བུ་མེ་འབར་བས་བརྒྱན་པས་མེའི་ཁམས་མཚོན་པ་བཅས་ཏེ། སྟག་སེང་ཁྱུང་འབྲུག་བཞིས་མི་འཇིགས་པ་བཞི་དང་དགྲ་ལྷ་ བཞི། འབྱུང་བ་བཞི་སོགས་མཚོན་ལ་འབྱུང་བཞི་མཐུན་སྦྱོར་གྱིས་ཕྱོགས་ཐམས་ཅད་ལས་རྣམ་པར་རྒྱལ་པའི་རྟགས་མཚན་དང་། ཅང་ཤེས་རྟ་མཆོག་ མདུན་དུ་བསྐྱོད་པ་ནི་ཉེས་པ་ནས་ལེགས་པར་བགྲོད་པ་དང་། ལྟས་ངན་པ་ནས་བཀྲ་ཤིས་པར་བགྲོད་པར་མཚོན་པ་དང་། དེ་ཐམས་ཅད་ཕྱོགས་ གཅིག་ཏུ་བཀོད་པ་ནི། སྙིང་རྗེའི་དབང་ཕྱུག་སྤྱན་རས་གཟིགས་དང་། ཤེས་རབ་ཀྱི་དབང་ཕྱུག་འཇམ་པའི་དབྱངས། མཐུ་སྟོབས་ཀྱི་དབང་ཕྱུག་ཕྱག་

ན་རྡོ་རྗེ་སོགས་ཀྱི་མཐུ་སྟོབས་ནུས་པ་བསམ་གྱིས་མི་ཁྱབ་པ་དང་། རྒྱུ་སྦྱོར་ཡོན་གྱི་བདག་པོ་བདེན་ཚིག་འདོད་གསོལ་སྨོན་ལམ་གྱི་སྟོབས་ལ་བརྟེན་ ནས་འབྱུང་བཞིའི་མི་མཐུན་པ་ཐམས་ཅད་མཐུན་པར་བྱེད། མི་མཐུན་ཕྱོགས་ཐམས་ཅད་ལས་རྣམ་པར་རྒྱལ། ལེགས་པ་དང་བཀྲ་ཤིས་པའི་ཕྱོགས་སུ་ ཐོགས་པ་མེད་པར་འགྲོ་ཞིང་ཡིད་བཞིན་གྱི་ནོར་བུ་དབང་གི་རྒྱལ་པོ་ལྟར་སྐྱེ་རྒུའི་དགོས་འདོད་ཡོངས་སུ་སྐོང་བའོ། གཙུག་ལག་ཁང་གི་སྟེང་གི་རྒྱལ་མཚན་སོགས་ཀྱི་ནང་གཞུག་ལ་བརྟེན་ནས་ལྷ་ཀླུ་མིའི་དགེ་ལེགས་འདུ་བར་བྱེད་པ།

རྒྱལ་མཚན་དང་འཁོར་ལོ་གཉྫི་ར་སོགས་ཀྱི་ནང་གཞུག་ལ། རྒྱལ་མཚན་འཛུགས་པའི་ཆོ་ག་འཕགས་བོད་ཀྱི་གཞུང་གྲགས་ལྟར་ན། གཙོ་བོ་གདུགས་ དཀར་གྱི་འཁོར་ལོ་རྫས་ཚོན་རབ་གནས་ཚུལ་ལྡན་བྱས་པ་དང་། མཆོག་གྲུབ་གཟུངས་ཀྱི་གླེགས་བམ་གཟུངས་རིང་ཐུང་ཅི་མང་། ཕ་རོལ་གྱི་རྒོལ་བ་ ལས་རྒྱལ་བར་བསྔགས་པའི་རྒྱལ་མཚན་རྩེ་མོའ་ི དཔུང་རྒྱན་གྱི་གཟུངས་མདོ་དར་རས་ལ་བྲིས་པ་སོགས་གྲངས་མང་འབུལ་བར་འཇོག་བདེ་བའི་ཆེད་ དུ་སྲོག་ཤིང་ངམ་ཚུགས་ཤིང་ལ་བརྟེན། གཞན་ཡང་རྟེན་སྤྱི་ལ་བསྔགས་པའི་གཟུངས་ཆེན་སྡེ་ལྔ་བཞུགས་ན་ལེགས་ཤིང་། ཇོ་བོ་ལུགས་ཀྱི་གྲོང་ཁྱེར་ སྒྲོལ་འཁོར། ཐུགས་ཆེན་རྒྱལ་པོ་ལུགས་སོགས་ཀྱི་མཐོང་གྲོལ་དང་བུ་སྟོན་ལུགས་ཀྱི་ཐོག་དང་ས་གཡོས་སྲུང་བའི་འཁོར་ལོ་ཆེན་མོ། གཉན་རིམ་སྲུང་ བ་གུ་གེ་ཆིག་དྲིལ་དང་རྡོ་རྗེ་ཁྲབ་རིང་། གསར་རྙིང་ཐ་འཁོར་དང་རང་ལུགས་ལྟར་བསྐྱེད་བསྟིམ་མཆོད་བསྟོད་བཟླས་སྒྲུབ་བརྟན་བཞུགས་སྨོན་ལམ་ ཤིས་བརྗོད་རྒྱས་པར་བྱའོ། འཁོར་ལོ་ནི། ཟངས་ཀྱི་བྱང་བུ་དབུ་ཅན་གྱི་ཐ་ཡིག་ཆེན་པོ་བྲིས་པའི་ཁོང་དུ་སརྦ་ཨ་ནྲྀ་ཏྲི་བ་སུ་སིདྡྷི་ས་མ་ཡ་སྡུས་སྡུས་ ཧྲཱིཾ་ཧྲཱིཾ་ཛཿཛཿཞེས་འཕྲེད་དུ་འབྲི། དེ་རྒྱབ་འཁོར་ལོ་རྩིབས་བཞི་ལ་མདུན་ནས་རིམ་བཞིན་ཨེ་ཝཾ་མཱ་ཡཱ་ཞེས་འབྲུ་བཞི་ལ་གོང་གི་སརྦ་ཨ་ཎིར་སོགས་ ཀྱིས་རེ་རེ་བཞིན་བསྐོར། རྩིབས་མཆན་བཞི་ལ་འཁོར་ལོ་དང་། རིན་པོ་ཆེ་དང་། པདྨ། རལ་གྲི་རྣམས་འབྲི། དེ་རྒྱབ་མུ་འཁྱུད་ལ་རྟེན་འབྲེལ་སྙིང་བོ་ དང་། དེ་རྒྱབ་བཀྲ་ཤིས་རྫས་བརྒྱད་སྤེལ་མ་བྲིས་པས་བསྐོར། སྦྱོང་ཁྲུས་རབ་གནས་བྱས་ལ། གཙུག་ཏོར་དྲི་མེད། རྣམ་རྒྱལ་མ། གདུགས་དཀར་རྣམས་ ཀྱི་གཟུངས་རིང་གཟུངས་ཐུང་དང་། འབྲུ་སྣ་སྨན་སྣ། རིན་པོི་ཆེ་བཅས་རྒྱལ་མཚན་ལ་སོགས་ཏོག་གི་ནང་དུ་གཞུག རྩ་གསུམ་སྤྱི་དང་བྱེ་བྲག་བསྐྱེད་ བསྟིམ་བརྟན་བཞུགས་བྱས་ནས་ཡུལ་ཕྱོགས་དེར་གནོད་པ་ཐམས་ཅད་ཞི་ཞིང་ལྷ་ཀླུ་མིའི་དགེ་ལེགས་ཀྱི་འདུ་བ་རྒྱ་ཆེ་ལ་རྒྱུན་མི་འཆད་པར་གསུངས་ སོ། ཁོར་ཡུག་གི་ཡོན་ཏན་ཕུན་སུམ་ཚོགས་པའི་ཉེ་བའི་རིན་ཆེན་བདུན་ནི། སྐྱེ་དགུ་རྩེད་འཇོ་ལ་རོལ་བའི་ཡུལ་བཀོད་ཕུན་སུམ་ཚོགས་པའི་སྐྱེད་མོལ་ ཚལ་ལ་སོགས་པའི་རིན་ཆེན་སྣ་བདུན་ནི། (མངོན་བྱུང་གི་མདོ་)ལས། འོད་ཟེར་གྱི་སྔོ་རལ་གྲི་པགས་པ་འཇམ། དགའ་བའི་ནགས་ཚལ་གོས་ནི་ཡིད་ རྗེས་འགྲོ། མཐུ་ལྡན་མཆིལ་ལྷམ་ཁང་ཁྱིམ་གཞན་དུ་མེད། རིག་འཇམ་གཟིམས་ཆས་ལ་གོས་རྣམ་པ་བདུན། ཞེས་པ་ལྟར། རལ་གྲི་རིན་པོ་ཆེ་ཡུ་བ་ གསེར་གྱི་པ་ཏྲ་ལ་རིན་པོ་ཆེའི་ཕྲ་ཚོམ་ཀྱིས་མཛེས་ཤིང་འོད་སྔོན་པོ་འཕྲོ་བ་དང་གཅིག པགས་པ་རིན་པོ་ཆེ་ཡངས་ཤིང་འཇམ་ལ་གསེར་གྱི་སྤུ་རིས་ ཅན་དང་གཉིས། རིན་པོ་ཆེ་ནགས་ཚལ་ལམ་སྐྱེད་མོས་ཚལ་ཤིང་འབྲས་ལྡན་གྱི་ལྗོན་པ་དང་མེ་ཏོག་སྣ་ཚོགས་ཀྱིས་མཛེས་ཤིང་བྱ་དང་རི་དྭགས་ རྣམས་རྒྱུ་བ། འབབ་ཆུ་དྭངས་མས་སྙན་པའི་སྒྲ་དབྱངས་བར་མེད་དུ་སྒྲོག་པ་ཉམས་དགའ་བ་དང་གསུམ། གོས་རིན་པོ་ཆེ་ཕུ་ཐུང་ཅན་གྱི་གསེར་གྱི་རི་ མོ་ལ་ནང་འཇམ་པ་དང་བཞི། ལྷམ་རིན་པོ་ཆེ་གོས་སྐུད་དང་པ་ཏྲ་ཕྲ་ཚོམ་གྱིས་སྤྲས་པའི་མཆིལ་ལྷམ་དང་ལྔ། ཁང་ཁྱིམ་རིན་པོ་ཆེ་བཀོད་ལེགས་རིན་ པོ་ཆེའི་རྟ་བབས་ཀྱི་སྣམ་བུ་ལ་སོགས་ཀྱིས་མཛེས་ཤིང་གསལ་ལ་རྒྱ་ཆེ་བ་དང་དྲུག མལ་རིན་པོ་ཆེའི་གཟིམ་ཁྲིའི་སྟེང་དུ་དར་འབོལ་སྔས་བཟང་བོ་ དང་ཉལ་གཟན་ལྟ་བུ་རེག་འཇམ། འཕར་དང་བཅས་པའི་མལ་སྟན་ཅན་ཏེ་བདུན་ནོ།།

དེ་དག་གི་ཡོན་ཏན་ནི། དང་པོ་རྒྱལ་པོའ་ི ཁོ་ལག་ཏུ་བཟོས་པའི་རལ་གྲི་འོད་ཟེར་སྔོན་པོ་འཕྲོ་བ་ལ་ཡུལ་འཁོར་གང་དག་རྒྱལ་པོའ་ི ཡིད་དང་ཚིག་ ལས་འགལ་འདོད་དེའི་སར་འགྲོ་སྟེ་བཏབ་པ་མེད་ཀྱང་ཡུལ་འཁོར་ཀུན་འདུད་པར་བྱེད་པ་དང་། གཉིས་པ། ཀླུའི་པགས་པ་ཚོང་བས་ཕུལ་བ་ཞེང་དུ་ དཔག་ཚད་ལྔ། ཆུར་དཔག་ཚད་བཅུ་པ་ཆར་གྱིས་མི་བརླན། རླུང་གིས་མི་སྐྱོན། མེས་མི་ཚིག གྲང་ན་དྲོ་བར་བྱེད་པ། དྲོ་ན་བསིལ་བར་བྱེད་པ། འཁོར་ ལོས་བསྒྱུར་བའི་རྒྱལ་པོ་གང་ན་འགྲོ་བ་དེར་བློན་པོ་རིན་པོ་ཆེས་ཁྱེར་ཞིང་དེས་ཁྱིམ་གྱི་བྱ་བ་ཐམས་ཅད་བྱེད་པ་དང་། གསུམ་པ། རྒྱལ་པོ་སྐྱེད་ཚལ་ དགའ་བར་གྱུར་པ་དེར་ཉེ་བར་འགྲོ་ན། ཚལ་དེའི་ཡོན་ཏན་དང་རྒྱལ་པོའ་ི ལས་ཀྱིས་ལྷའི་འཇིག་རྟེན་གྱི་དགའ་ཚལ་གྱི་རྣམ་པའི་ལྗོན་ཤིང་དང་མེ་ ཏོག་འབྲས་བུ། བཀོད་པ་མཛེས་པའི་ར་བ་དང་། སྤང་ལྗོངས་ཡངས་ཤིང་རྒྱ་ཆེ་བའི་གནས་ཚལ་ཉམས་དགའ་བར་རི་དྭགས་དང་གཡང་དྭགས་སོགས་ རྩེན་པར་འཚེ་བ་མེད་པ། མཚམས་སུ་ཁང་བཟང་དང་། དྭངས་བསིལ་ཆུ་ཕྲན་གྱི་ཟམ་པ་ལ་རྨ་བྱ་ལ་སོགས་པའི་བྱ་དང་། ལུ་མ་དང་། ཁྲུས་ཀྱི་རྫིང་བུ་ ལྟེང་ཀ་ལ་སོགས་པ་དང་། ལྷའི་བུ་མོས་དགའ་བར་བྱེད་ཅིང་འཛུམ་མདངས་དང་བཅས་རྩེད་འཇོ་ལ་རོལ་བས་རྒྱལ་པོ་བདེ་བར་འགྱུར་བ་དེ་དང་ ། བཞི་བ། གོས་ནི་ཐགས་བཟང་པོ་མཆོག་ཏུ་འཇམ་པ་དྲི་མས་མ་གོས་པ་ཡིན་ཏེ། ལུས་ལ་གྱོན་ན་གྲང་བ་དང་དྲོ་བ་དང་། བཀྲེས་པ་དང་སྐོམ་པ་དང་ དུབ་པའི་གནོད་པ་མེད་ལ་མེ་དང་མཚོན་གང་གིས་ཀྱང་བསྲེག་པ་དང་གཅོད་པར་མི་ནུས་པ་དེ་དང་། ལྔ་བ། ལྷམ་ནི་འཁོར་ལོས་བསྒྱུར་བའི་རྐང་པ་ ལ་གྱོན་པ་ན་ཇི་ལྟར་སྐམ་ལ་རྐང་པ་མི་འབྱིང་བ་དེ་བཞིན་དུ་ཆུ་ལ་ཡང་མི་འབྱིང་བ། གལ་ཏེ་དཀྱིལ་འཁོར་གྱི་སྔོན་ལ་འགྲོ་བ་ན་དཔག་ཚད་བརྒྱར་ ཡང་འགྲོ་བར་འགྱུར་ཞིང་ལུས་ལ་ངལ་བ་མི་འབྱུང་བ་དེ་དང་། དྲུག་པ། ཁང་ཁྱིམ་ནི་དེའི་ནང་དུ་མཚན་མོ་ཟླ་བ་ལྟར་འོད་སྣང་ཞིང་གཟའ་དང་རྒྱུ་ སྐར་དང་སྐར་མདའ་དག་ཀྱང་དེའི་ཁྱིམ་དེར་ལྟ་བར་འདོད་ཚེ་ཉེ་བར་འོང་བར་འགྱུར་ཞིང་། དགུན་སོགས་གྲང་དུས་སུ་དྲོ་བ་དང་། སོས་སོགས་ཚ་ དུས་སུ་བསིལ་བའི་རླུང་ལྡང་བ་ཡིད་དུ་བདེ་བ་དང་། བདུན་པ། མལ་ཆ་ནི་སྔས་མཐོ་ལ་གཞན་ཁོད་སྙོམ་ཞིང་མཐོ་དམའ་མེད་པ། མནན་ན་ནེམ་ཞིང་ འཕར་བ། འཇམ་ཞིང་བདེ་བ་གལ་ཏེ་བསམས་ན་དེའི་བསམ་པའི་བློ་གྲོས་རྣམ་པར་གྲོལ་ཞིང་འོད་གསལ་བ། ཉོན་མོངས་པའི་འདོད་ཆགས་ཟིལ་གྱིས་ གནོན་ཅིང་བྲལ་བ་བཅས་སོ།། རྒྱལ་ཁམས་དགེ་ཞིང་བཀྲ་ཤིས་པར་བྱིན་གྱིས་བརླབས་པའི་རྫས་མཆོག་བརྒྱད་ནི། (འདུལ་བ་)དང་(མདོ་དྲན་པ་ཉེ་བཞག་)སོགས་ལས་གསུངས་ པའི་བཀྲ་ཤིས་པའི་རྫས་མཆོག་བརྒྱད་ཀྱི་བྱུང་ཚུལ་དང་དེ་དག་གིས་མཚོན་བྱ་ལ། སྔོན་སངས་རྒྱས་བཅོམ་ལྡན་འདས་ཞལ་བཞུགས་པའི་དུས་སུ། ལྷ་ དང་མིའི་སྦྱིན་བདག་རྣམས་ཀྱིས་སྟོན་པ་ལ་ཕུལ་བའི་རྫས་རྣམས་སངས་རྒྱས་ཀྱིས་བཀྲ་ཤིས་པའི་རྫས་སུ་བྱིན་གྱིས་བརླབས་པ་དང་། རྫས་ལ་བརྟེན་

ནས་རྒྱལ་ཁམས་བཀྲ་ཤིས་པར་བྱུང་ཚུལ་འདི་ལྟར་སྣང་སྟེ། དང་པོ་མེ་ལོང་ནི། གཟུགས་ཀྱི་ལྷ་མོ་འོད་འཆང་མས་སངས་རྒྱས་ལ་མེ་ལོང་ཞིག་ཕུལ་ བར། སངས་རྒྱས་བཅོམ་ལྡན་འདས་ཀྱིས་ལུས་ཐམས་ཅད་རྒྱལ་བའི་ཡེ་ཤེས་སྒྲིབ་བྲལ་མངོན་གྱུར་གྱི་རྣམ་དག་ཆོས་ལ་ལོངས་སྤྱོད་པའི་བཀྲ་ཤིས་ཀྱི་ རྫས་སུ་བྱིན་གྱིས་བརླབས་པ་དེ་དང་། གཉིས་པ་གི་ཝང་ནི། གླང་པོ་ཆེ་ནོར་སྐྱོང་དང་ཡང་ན་གཉིས་འཐུང་གི་ས་སྲུང་གིས་སྟོན་པར་གི་ཝང་ཕུལ་ བས་ཉོན་མོངས་ཟུག་རྔུའི་ཚ་གདུང་གི་ནད་དང་སྡུག་བསྔལ་དག་པའི་སྨན་ཆོས་ཉིད་ཀྱི་དོན་རབ་ཏུ་རྟོགས་པར་གྱུར་པ་དེ་དང་། གསུམ་པ་ཞོ་ནི། ཁྱིམ་བདག་བཟང་སྐྱོང་དང་། ཡང་ན་ཞིང་པའི་བུ་མོ་ལེགས་སྐྱེས་མས་ཞོ་ཕུལ་བས། དུག་གསུམ་ཞི་ཞིང་སྙོང་བོ་རྣམ་དག་མཆོག་རབ་ཏུ་རྟོགས་པར་ གྱུར་པ་དེ་དང་། བཞི་བ་རྩྭ་དུརྦ་ནི། བྲམ་ཟེ་ཀུན་རྡ་ལི་དང་ཡང་ན་རྩྭ་འཚོང་བཀྲ་ཤིས་ཀྱིས་རྩྭ་དུརྦ་ཕུལ་བས། ཉོན་མོངས་སྐྱེ་ཤི་རྒྱུན་ཆད་པའི་རྡོ་རྗེ་ སེམས་དཔའི་ཚེ་སྟེ་འཆི་མེད་ཀྱི་ཚེ་ཐོབ་པ་དེ་དང་། ལྔ་བ་ཤིང་བིལ་བ་ནི། ཤིང་གི་ལྷ་མོ་དང་ཡང་ན་ཚངས་པས་ཤིང་བིལ་བ་ཕུལ་བས་འཇིག་རྟེན་ ལས་འདས་པའི་བྱང་ཆེན་ཆུབ་པའི་རྒྱུ་རྐྱེན་རྣམ་པར་དག་པའི་འབྲས་བུར་སངས་རྒྱས་ཀྱི་གོ་འཕང་མངོན་གྱུར་གྱི་དོན་ཀུན་འགྲུབ་པ་དེ་དང་། དྲུག་ པ་དུང་དཀར་ནི། ལྷའི་དབང་བོ་བརྒྱ་བྱིན་གྱིས་དུང་དཀར་གཡས་སུ་འཁྱིལ་བ་ཕུལ་བས་ཐེག་གསུམ་ཆོས་འཁོར་གང་འདུལ་མ་ནོར་ཡོངས་སུ་བསྟན་ པ་དེ་དང་། བདུན་པ་ལི་ཁྲི་ནི། སའི་ལྷ་མོ་བསྟན་མ་དང་ཡང་ན་བྲམ་སེ་སྐར་རྒྱལ་གྱི་ལི་ཁྲི་ཕུལ་བས་སྲིད་ཞིའི་དཔལ་འབྱོར་ཀུན་ལ་ཆོས་ཀྱི་རྒྱལ་ སྲིད་ཆེན་པོར་དབང་བསྒྱུར་བ་དེ་དང་། བརྒྱད་པ་ཡུངས་དཀར་ནི། གསང་བའི་བདག་པོ་ཕྱག་ན་རྡོ་རྗེས་ཡུངས་དཀར་ཕུལ་བར་བརྟེན་ནས་བདུད་ བགེགས་བར་ཆད་མཐའ་དག་གི་གཡུལ་ལས་རྒྱལ་བའི་མཐུ་སྟོབས་ལ་དབང་འབྱོར་བ་དང་བཅས་རྫས་བརྒྱད་པོ་འདི་དག་ཡིན་ཏེ། མི་མཐུན་པའི་ ཕྱོགས་མཐའ་དག་ཞི་ཞིང་། ལས་བཞི་ལྷུན་གྲུབ་དགེ་ཞིང་རྒྱལ་ཁམས་བཀྲ་ཤིས་པར་བྱེད་པའི་རྟེན་འབྲེལ་དུ་རྫས་འདི་དག་རི་མོར་བཀོད་དེ་བཤམ་ སྲོལ་ཡོད་ཅིང་། བཀྲ་ཤིས་པའི་རྫས་མཆོག་བརྒྱད་ཅེས་ཡོངས་སུ་གྲགས་པ་དེ་ཡིན་ནོ། ས་བཅད་བཞི་བ། གསོ་བ་རིག་པར་གནས་པའི་སྐྱེ་ཁམས་རིག་པ་མདོ་ཙམ་གླེང་བ། དུགས་གསུམ་གཅོང་རོང་སྦུབས་ཚུད་སྐྱེ་འགྲོ་ཀུན།།

དབུགས་དབྱུང་གཞན་ཕན་ཐུན་མིན་གསོ་རིག་གཞུང་།། སྤེལ་བའི་དགེ་མཚན་རང་བྱུང་ཁམས་འདི་ལ།།

སྨན་པའི་དཔལ་ཡོན་སྲིད་ཞིའི་ཁོངས་ལས་བརྒལ།།

༄༅། །དེ་ཡང་བོད་ཀྱི་རིག་པའི་གཞུང་ལུགས་ཁུངས་ཐུབ་རྣམས་སུ། འཇིག་རྟེན་ཞེས་པ་དེ་ཕྱི་སྣོད་ཀྱི་འཇིག་རྟེན་དང་ནང་བཅུད་ཀྱི་སེམས་ཅན་ གཉིས་སུ་དབྱེ་བར་མཛད་ནས། ཕྱི་སྣོད་ཅེས་པ་ས་ཆུ་མེ་རླུང་ནམ་མཁའ་ཞེས་རྒྱུ་འབྱུང་བ་ལྔའི་རང་བཞིན་དུ་གཏན་ལ་ཕབ། ནང་བཅུད་ཀྱིས་སེམས་ ཅན་ཞེས་པ་ལུས་ཅན་རྣམས་ཀྱི་ལུས་ལ་རིགས་མི་གཅིག་པ་དང་གཟུགས་ཕྲ་རགས་རྣ་ཚོགས་པ་དཔག་ཏུ་མེད་པ་རང་བྱུང་བ་ཐམས་ཅད་ལ་འབྱུང་ བ་ལས་གྱུར་པའི་གཟུགས་ཞེས་འབྲས་བུའི་རང་བཞིན་དུ་གཏན་ལ་ཕབ་པ་སྟེ། དེ་ཡང་རྒྱུའི་འབྱུང་བ་དེ་དག་གིས་འབྲས་བུའི་རང་བཞིན་དུ་གཏན་ ལ་ཕབ་པ་སྟེ། དེ་ཡང་རྒྱུའི་འབྱུང་བ་དེ་དག་གིས་འབྲས་བུའི་གཟུགས་དེ་དག་ཇི་ལྟར་བསྐྱེད་ན། རྒྱུ་རྣམ་པ་ལྔའི་སྒོ་ནས་སྐྱེད་པ་སྟེ། དང་པོ་ས་བོན་ མེད་ན་མྱུ་གུ་མི་སྐྱེ་བ་བཞིན་དུ་འབྱུང་བ་ཆེན་པོ་ལྔ་མེད་ན་འབྲས་བུའི་གཟུགས་དེ་དག་མི་སྐྱེ་བས་ན་སྐྱེད་པའི་རྒྱུ་བྱེད་དོ། འབྱུང་བ་ཆེན་པོ་ལྔ་ལ་མ་བརྟེན་པར་འབྲས་བུའི་གཟུགས་རྣམས་ལོགས་ཤིག་ཏུ་གནས་པའི་མཐུ་མེད་དེ། དེ་བས་བརྟེན་པའི་རྒྱུ་བྱེད་དོ། ཤིང་བཅད་ ན་དེའི་གྲིབ་མེད་པར་འགྱུར་བདེ་བཞིན་དུ་འབྱུང་བ་ཆེན་པོ་རྣམས་ཉམས་སམ་སྣད་རྨས་ན་རྒྱུར་བྱས་པའི་གཟུགས་རྣམས་ཀྱང་ཉམས་པར་འགྱུར་ བས་ན་གནས་པའི་རྒྱུ་བྱེད་དོ། འབྱུང་བ་ཆེན་པོ་ལྔ་དཔེར་ན་རྒན་པོ་འཁར་བ་ལ་བརྟེན་ནས་འགྲོ་བ་དང་འདྲ་བར་སྐད་ཅིག་མའི་རྒྱུན་གྱིས་སྐྱེ་བ་ དང་། འབྲས་བུའི་གཟུགས་རྣམས་ཀྱང་སྐད་ཅིག་མའི་རྒྱུན་གྱིས་རྒྱུན་མི་འཆད་པར་སྐྱེད་པར་བྱེད་པས་ན་རྟེན་པའི་རྒྱུ་བྱེད་དོ། རྒྱུ་འབྱུང་བ་ཆེན་པོ་ ལྔ་བརྟས་ཤིང་སྨིན་ན་འབྲས་བུའི་གཟུགས་རྣམས་ཀྱང་བརྟས་པར་བྱེད་པས་ན་འཕེལ་བའི་རྒྱུ་བྱེད་དོ། ཞེས་པ་བསྟན་པ་ལྟར་ཕྱི་ཁོར་ཡུག་གི་འབྱུང་ བ་ཆེན་པོ་རྣམས་དང་། ནང་བཅུད་སེམས་ཅན་གྱི་ལུས་ཕྲ་རགས་རྣམས་ལ་རྒྱུ་མཚན་རྣམ་པ་ལྔ་ཡི་སྒོ་ནས་འབྲེལ་བ་གྲུབ་པའི་ཕྱིར་ན་སྐྱེ་ཁམས་ཁོར་ ཡུག་སྲུང་སྐྱོབ་ཀྱི་ལས་དོན་དེ་རང་གི་ལུས་ལ་གཅེས་པ་ལྟར་གཙིགས་ཆེན་བྱ་དགོས་སོ།

གསོ་བ་རིག་པའི་གཞུང་དུའང་། འགྲོ་བའི་ལུས་འདི་འབྱུང་བ་བཞི་ལས་གྲུབ། གསོ་བྱའི་ནད་ཀྱང་འབྱུང་བ་བཞི་ཡིས་སྐྱེད། གཉེན་པོའ་ི སྨན་ཡང་ འབྱུང་བཞིའི་ངོ་བོ་ཉིད། ལུས་ནད་གཉེན་པོ་བདག་ཉིད་གཅིག་པར་འབྲེལ། ཞེས་བསྟན་པ་སྟེ། ལུས་ཅན་རྣམས་ཀྱི་ལུས་འབྱུང་བ་བཞི་ལས་གྲུབ་ ཀྱང་འབྱུང་བཞིའི་ནུས་པ་མི་འདྲ་བའི་དབང་གིས་ལུས་ཀྱི་རང་བཞིན་དུའང་། ཡང་རྩུབ་གྲང་ཕྲ་ས་གཡོ་དང་། སྣུམ་རྣོ་ཚ་ཡང་དྲི་འཁྲུ་གཤེར། སྣུམ་ དང་བསིལ་དང་ལྕི་རྟུལ་དང་། འཇམ་དང་བརྟན་དང་འབྱར་བག་ཅན། ཞེས་ནུས་པ་མི་འདྲ་བ་རྣམ་གྲངས་ཉི་ཤུས་གྲུབ་པ་དང་། ནད་ཅེས་པའང་ནུས་ པའི་རིགས་མི་འདྲ་བ་དེ་དག་འཕེལ་ཟད་འཁྲུགས་པ་གང་རུང་དུ་གྱུར་པ་དང་། གཉེན་པོའ་ི སྨན་ཞེས་པ་ཡང་སྨན་རྫས་དང་ཟས་སྐོམ་སོགས་ཀྱི་རང་ བཞིན་དུ་ཡོད་པས། ལྕི་སྣུམ་བསིལ་རྟུལ་ཡང་བ་དང་། རྩུབ་ཚ་རྣོ་བ་བརྟན་པ་དང་། མཉེན་གྲང་འཇམ་པ་གཡོ་བ་དང་། སྐྱ་དང་སྐམ་པ་དྲོ་བ་སླ། ཞེས་ ཡོན་ཏན་བཅུ་བདུན་དུ་བཞག་པ་རྣམས་རིམ་པ་བཞིན་དང་པོ་ལ་མཚན་ཉིད་ཉི་ཤུ་ཞེས་ལུས་ཀྱི་རང་བཞིན་ལྷན་སྐྱེས་ཀྱི་ཚུལ་དུ་གྲུབ་པ་དང་། གཉིས་ པ་ནད་ཅེས་པ་རྐྱེན་དུ་གདོན་ཟས་སྤྱོད་བཞིའི་དབང་གིས་དེ་དག་འཕེལ་ཟད་འཁྲུགས་པ་གང་རུང་དུ་གྱུར་པ་དང་། གསུམ་པ་གཉེན་པོའ་ི ཟས་སྨན་ ཞེས་པའང་ཡོན་ཏན་བཅུ་བདུན་དེ་དག་གིས་ཕན་གནོད་བྱས་པ་སྟེ། གང་ལྟར་དཔྱད་ཀྱང་འབྱུང་བཞིའི་ནུས་པ་ལ་མཐར་ཐུག་པའི་ཕྱིར་ན། སྐྱེ་འགྲོ་ རྣམས་ཀྱི་ཚེ་སྲོག་གི་རིང་ཐུང་དང་ལུས་ཀྱི་བདེ་སྡུག་ཐམས་ཅད། ནང་གི་ཉེར་ལེན་དགེ་སྡིག་གི་ལས་དང་། ཕྱི་འབྱུང་ཁོར་ཡུག་དང་སྐྱེ་ཁམས་ལ་ རག་ལས་པས་ན་ཁོར་ཡུག་སྲུང་སྐྱོབ་དང་། སྐྱེ་ཁམས་སྲུང་སྐྱོང་གི་བྱ་བ་དེ་གཅེས་པའི་སྲོག་ལྟར་དུ་བལྟ་བ་བོད་ཀྱི་གསོ་བ་རིག་པའི་དགོངས་དོན་

ཡིན་པས་གཤམ་དུ་གཞི་བརྟག་གསོ་བ་གསུམ་དུ་བསྡུས་ནས་སྐྱེ་ཁམས་རིག་པ་དང་འབྲེལ་ཡོད་ཀྱི་ནང་དོན་རྣམས་ཇི་བཞིན་འགོད་པ་ལ། ༡ གནས་ལུགས་ནད་གཞི་དང་སྐྱེ་ཁམས་རིག་པ། (༡) རྣམ་པར་མ་གྱུར་པ་ལུས་དང་སྐྱེ་ཁམས་རིག་པ། [༡] ལུས་ཆགས་ཚུལ་དང་འབྲེལ་བའི་སྐོར།

དེ་ཡང་རྒྱུད་ཀྱི་ལུས་ཆགས་ཚུལ་གྱི་སྐབས་སུ། དང་པོ་ཕ་མའི་ཁུ་ཁྲག་སྐྱོན་མེད་པ། རྣམ་ཤེས་ལས་དང་ཉོན་མོངས་ཀྱིས་བསྐུར་ནས། འབྱུང་ལྔ་ཚོགས་ པ་མངལ་དུ་ཆགས་པའི་རྒྱུ། དཔེར་ན་གཙུབ་ཤིང་དག་ལས་མེ་འབྱུང་མཚུངས། ཞེས་གསུངས་པ་ལྟར་ཐོག་མར་ལུས་ཆགས་པའི་ཉེར་ལེན་གྱི་དངོས་ རྒྱུ་ཕའི་ཁུ་བ་དང་མའི་ཁམས་དམར་རམ་ཁྲག་དེ་གཉིས་ལ་རླུང་མཁྲིས་བད་ཀན་རྐྱང་པ་ལྡན་འདུས་སོགས་ཉེས་པ་མ་སྙོམས་པའི་ནད་ཀྱི་སྐྱོན་མེད་ པ་དང་། བར་མ་དོར་རྒྱུ་བའི་རྣམ་པར་ཤེས་པ་མངོན་དུ་གྱུར་ཅིང་སྐྱེ་བའི་གནས་ཡོངས་སུ་མཚོལ་བ་དང་། དེ་ཉིད་འདུ་འཕྲོད་དུ་ཞུགས་པའི་ཕ་མ་ དེ་གཉིས་ཀྱི་བུར་སྐྱེ་བའི་ལས་ཀྱི་འཕྲོ་དང་ལྡན་པས་ལས་ཀྱི་རླུང་ཤུགས་དྲགས་པོས་རབ་ཏུ་བསྐུལ་ནས་ཕ་མ་གཉིས་འདུ་འཕྲོད་བྱུང་བའི་གནས་ དེར་ལྷན་ཅིག་ཏུ་འཛོམས་ནས་འགའ་ཞིག་ནི་འཇིགས་པས་སྐྱབས་འཚོལ་བ་དང་། འགའ་ཞིག་ནི་དགའ་སྤྲོས་འཇུག་པར་འདོད་པ་བཅས་མངལ་དུ་ མཇུག་པ་ལ་མངོན་དུ་ཕྱོགས་པ་དང་། ཕ་མའི་ཁུ་ཁྲག་ལ་རང་ཆས་སུ་ཡོད་པའི་ཤིན་ཏུ་ཕྲ་བའི་འབྱུང་བའི་ཆ་ཤས་བཅས་རྒྱུ་རྐྱེན་མཐའ་དག་གནས་ གཅིག་ཏུ་ཚོགས་ཤིང་འདུས་པ་ལས་མངལ་དུ་བུ་ཆགས་ཡིན་ཏེ། དཔེར་ན་གཙུབ་ཤིང་དང་གཙུབ་གཏན། སྤྲ་བ་དུལ་མ་རླན་མེད་པ། སྐྱེས་བུའི་ལག་ པས་དེ་དག་ལ་རྡེབ་པའི་རྩོམ་བ་བཅས་ལྷན་ཅིག་ཏུ་ཚོགས་པར་གྱུར་ན་མེ་འབྱུང་བ་དང་རྣམ་པ་དུ་མའི་སྒོ་ནས་འདྲ་བ་ཡིན་ནོ། འདི་ལ་ཟུར་མཁར་ བློ་གྲོས་རྒྱལ་པོའ་ི (མེས་ཞལ་)དུ། འདིའི་སྐབས་ཀྱི་འབྱུང་ལྔ་ཞེས་པ་ནི། སྤྱིར་ཁུ་ཁྲག་སེམས་གསུམ་རང་རང་གི་ཆ་ལ་གནས་པའི་འབྱུང་ལྔའི་ཆ་ཤས་ རྣམས་ལ་ཟེར་བ་ཡིན་ཀྱང་། ཁྱད་པར་དུ་བར་དོའ་ི རྣམ་པར་ཤེས་པ་དང་ལྷན་ཅིག་ཏུ་གནས་པའི་བྱུང་བ་ལྔ་ཤིན་ཏུ་ཕྲ་བའི་ཆ་ཞིག་ཡོད་པ་དེ་ལ་ བྱ་ཞིང་། དེ་ཡང་གཞན་རྣམས་དང་མཉམ་དུ་ཚོགས་པར་རུང་བ་ཞིག་གི་དོན་ཡིན་ཏེ། ཞེས་དང་། སློབ་དཔོན་དཔའ་བོས། དང་པོ་ཕ་མའི་ཁུ་ཁྲག་ ལ་རླུང་ལ་སོགས་པའི་སྐྱོན་མེད་པ་དང་། ལས་དང་ཉོན་མོངས་པ་དང་ལྡན་པའི་རྣམ་པར་ཤེས་པ་དང་། དེ་དང་ལྷན་ཅིག་ཏུ་ནམ་མཁའ་ལ་སོགས་ པའི་འབྱུང་བ་ཆེན་པོ་ལྔ་ཤིན་ཏུ་ཕྲ་བ་དབང་པོའ་ི ཡུལ་ལས་འདས་པ་རྣམ་འབྱོར་གྱི་ཡུལ་དུ་གྱུར་པ་དེ་དག་སྐད་ཅིག་མངལ་དུ་ཚོགས་ཤིང་འདུས་ པ་ནི་རུམ་དུ་ཆགས་པ་ཞེས་བྱ་སྟེ། དཔེར་ན། གཙུབ་ཤིང་དང་། སྟན་པ་དང་། སྤྲ་བ་དང་། སྐྱེས་བུའི་རྩོལ་བ་ལག་པ་དང་། འདི་དག་ཚོགས་པ་ལས་ མེ་འབྱུང་བ་བཞིན་ནོ། ཞེས་གསུངས་པ་སོགས་གོང་གི་ལུང་འདི་དག་གིས་མངལ་དུ་ལུས་ཆགས་པ་ལ་རྒྱུ་ཁུ་ཁྲག་སེམས་གསུམ་ཚང་དགོས་པ་དང་ ། ཁྱད་པར་དུའང་འབྱུང་ལྔའི་ཆ་ཤིན་ཏུ་ཕྲ་བ་ཚོགས་དགོས་པ། དེ་དག་གང་ཡང་རུང་བ་མ་ཚང་ན་ལུས་ཆགས་པར་མི་འགྱུར་བར་བསྟན་པ་འདིས་ རང་རེའི་གསོ་རིག་ཏུ་སྐྱེ་ཁམས་རིག་པའི་གཞིར་གྱུར་པའི་འབྱུང་བའི་ནུས་པ་དང་འབྲེལ་བ་ཡོད་པ་དང་། ཕྱི་ནང་གི་འབྱུང་བ་ཕན་ཚུན་བདག་ གཅིག་འབྲེལ་དུ་གྱུར་ཅིང་། ཕན་ཚུན་རག་ལས་པ་ཁོ་ནར་ངེས་པའི་གནས་ལུགས་ཞིབ་ཏུ་གསུངས་ཡོད་དོ། དེ་ལྟར་འབྱུང་བ་དེ་དག་ལས་གང་ཡང་རུང་བ་མ་ཚང་ན་ལུས་མི་འགྲུབ་པར་བསྟན་པ་ལ་(རྒྱུད་)དུ། ས་མེད་མི་འགྲུབ་ཆུ་མེད་སྡུད་མི་ནུས། མེ་མེད་ མི་སྨིན་རླུང་མེད་འཕེལ་མི་འགྱུར། ནམ་མཁའ་མེད་པར་འཕེལ་བའི་གོ་མི་འབྱེད། ཅེས་གསུངས་ཏེ། ཁུ་ཁྲག་གཉིས་ནད་ཀྱི་སྐྱོན་མེད་པ་དང་། ལས་ འཛོམས་ནའང་ས་སོགས་འབྱུང་བ་ལྔ་ཀ་མ་ཚང་ན་ཡང་ལུས་ལྷན་ཅིག་པའི་རྒྱུ་རྐྱེན་མི་འགྲུབ་པ་སྟེ། ཁུ་ཁྲག་གཉིས་ལྷན་ཅིག་ཏུ་ཚོགས་པ་དེའི་ཚེ་ དེར་འབྱུང་བ་ཆེན་པོ་རྣམས་ཀྱི་ནང་ནས་སའི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ཀྱང་ལུས་སུ་མི་འགྲུབ་སྟེ། ལུས་ཀྱི་སྲ་བ་ སོགས་གཟིགས་ཀྱི་རང་བཞིན་ཕ་ཆེར་ས་ལས་གྲུབ་པའི་ཕྱིར་དང་། དེ་བཞིན་དུ་ཆུའི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ ཀྱང་གཅིག་ཏུ་བསྡུ་བར་མི་ནུས་ཏེ་གོར་གོར་མེར་མེར་སོགས་ཆུ་ཡིས་བསྡུས་པའི་ཕྱིར་རོ།

དེ་བཞིན་དུ་མེ་ཡི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ཀྱང་རིམ་པར་མི་སྨིན་ཏེ། སྨིན་པ་ནི་མེ་ཡིས་བྱེད་པའི་ཕྱིར་རོ། དེ་ བཞིན་དུ་རླུང་གི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ཀྱང་ལྕི་ཞིང་འཐས་པར་གནས་ནས་ཆེར་སྐྱེད་ཅིང་འཕེལ་བར་མི་ ནུས་ཏེ་སྐྱེས་ཤིང་འཕེལ་བ་ནི་རླུང་གིས་བྱེད་པའི་ཕྱིར་རོ། དེ་བཞིན་དུ་ནམ་མཁའ་སྟོང་བའི་ཆ་ཤས་ཀྱི་རང་བཞིན་དེ་མེད་ན་འབྱུང་བ་གཞན་རྣམས་ ཡོད་ཀྱང་ཆེར་འཕེལ་བར་མི་འགྱུར་ཏེ་འཕེལ་ཞིང་རྒྱས་པའི་གོ་སྐབས་མི་འབྱེད་པར་བཀག་པའི་ཕྱིར་ན་འབྱུང་བ་ལྔ་པོ་དེ་དག་ལྷན་ཅིག་ཏུ་ཚོགས་ ན་ལུས་ཆགས་པའི་རྒྱུ་རྐྱེན་དུ་འགྱུར་ཡང་། དེ་དག་རེ་རེ་མ་ཚང་བའི་སྲིད་ན་མངལ་དུ་ལུས་ཡོངས་སུ་འགྲུབ་པའི་གལ་རྐྱེན་བྱེད་པ་ཡིན་ནོ།།

སྤྱིར་ཁུ་ཁྲག་ནི་འབྱུང་ལྔའི་རང་བཞིན་ཉིད་ཡིན་ལ། ས་སོགས་འབྱུང་ལྔ་མེད་པའི་དོགས་པ་འདི་མི་དགོས་པས་འདིར་བཤད་པ་ལ་དགོས་ནུས་ལྷག་ པོ་མེད་དོ་སྙམ་པ་དག་ཡོད་སྲིད་མོད། དེ་ནི་རྣམ་དཔྱོད་དང་མི་ལྡན་པ་འགའ་ཞིག་གིས་འབྱུང་བ་ཆེན་པོ་རྣམས་ལ་མ་བལྟོས་པར་ཁུ་ཁྲག་ཁོ་ནས་ ལུས་ཆུགས་པའི་རྒྱུ་དང་འཕེལ་རྐྱེན་བྱེད་པར་འདོད་པ་དང་། ཁུ་ཁྲག་དེ་འབྱུང་ལྔའི་རང་བཞིན་དུ་མི་ཤེས་པ་རྣམས་ཀྱི་ལོག་རྟོག་དགག་པའི་ཆེད་ དང་། ལུས་ཆགས་སྐྱེད་ཐམས་ཅད་ནི་འབྱུང་བ་ཆེན་པོ་ལྔ་ལས་མ་བྱུང་བ་མི་སྲིད་པར་སྟོན་པའི་ཆེད་དུ་སྔོན་གྱི་དྲང་སྲོང་རྣམས་ཀྱིས་ཆེད་དུ་གསལ་ ཁ་མཛད་པ་ཡིན་ནོ།། འབྱུང་བ་ཆེན་པོའ་ི རྒྱུ་དེ་དག་ལས་འབྲས་བུ་སྐྱེད་པའི་ཚུལ་ལ་(རྒྱུད་)དུ། འབྱུང་བ་སའི་རང་བཞིན་གྱི་ཡོན་ཏན་དེ་ལས་ལུས་ཁམས་ཀྱི་ཤ་དང་རུས་ པ་སོགས་སྲ་བའི་ཆ་ཤས་རྣམས་དང་། ཁྱད་པར་དུ་སྣ་དྲི་འཛིན་གྱི་དབང་བོའ་ི རྟེན་གཟུགས་དབྱིབས་ཟངས་ཀྱི་མོ་ཁབ་གཤིབས་པ་ལྟ་བུ་རྣམས་ སྐྱེད། ཆུའི་རང་བཞིན་གྱི་ཡོན་ཏན་དེ་ལས་ལུས་ཁམས་ཀྱི་ཁྲག་དང་ཆུ་སེར་དང་། ཁྱད་པར་དུ་ལྕེ་རོ་འཛིན་གྱི་དབང་བོའ་ི རྟེན་གཟུགས་དབྱིབས་ཟླ་ བ་བཀས་པ་ལྟ་བུ་དང་། རླན་ཞིང་གཤེར་བ་ཆ་ཤས་རྣམས་སྐྱེད། མེའི་རང་བཞིན་གྱི་ཡོན་ཏན་དེ་ལས་ལུས་ཁམས་ཀྱི་དྲོད་ཀྱི་ཆ་ཤས་ཀུན་སྐྱེད་ཅིང་ མདོག་དང་མདངས་རབ་ཏུ་གསལ་བར་བྱེད་པ་དང་། ཁྱད་པར་དུ་མིག་གཟུགས་འཛིན་པའི་དབང་བོའ་ི རྟེན་གཟུགས་དབྱིབས་ཟར་མའི་མེ་ཏོག་

ལྟ་བུ་སྐྱེད། རླུང་གི་རང་བཞིན་གྱི་ཡོན་ཏན་དེ་ལས་ཕྱི་དང་ནང་དུ་རྒྱུ་བའི་དབུགས་དང་དབུགས་ཀྱི་ཆ་ཤས་རྣམས་དང་། ཁྱད་པར་དུ་ལུས་རེག་བྱ་ འཛིན་གྱི་དབང་བོའ་ི རྟེན་གཟུགས་དབྱིབས་རེག་བྱ་འཇམ་གྱི་པགས་པ་ལྟ་བུ་རྣམས་སྐྱེད། ནམ་མཁའི་རང་བཞིན་གྱི་ཡོན་ཏན་དེ་ལས་སྲོག་ཟུངས་ རྒྱུ་བའི་ལུས་ཕྱི་ནང་གི་བུ་ག་རྣམས་དང་། ཁྱད་པར་དུ་རྣ་བ་སྒྲ་འཛིན་གྱི་དབང་བོའ་ི རྟེན་གཟུགས་དབྱིབས་གྲོ་གའི་མཛེར་བུ་གཅུས་པ་ལྟ་བུ་དང་ ། ནང་གི་ཁོང་སྟོང་བ་རྣམས་སྐྱེད་པར་བྱེད་པ་དང་། (རྒྱུད་)དུ། གོམས་པས་བྱ་བ་ལ་འཇུག་སྣང་བ་མཆེད། རྒྱུ་རྐྱེན་རྟེན་འབྲེལ་འཛོམས་པ་ལུས་སུ་ འགྲུབ། ཅེས་གསུངས་ཏེ། ཁུ་ཁྲག་སེམས་གསུམ་དང་། དེ་ལ་གནས་པའི་འབྱུང་བ་དེ་དག་གི་བྱེད་ལས་རྣམས་ཀྱང་སྐྱེ་བ་གཞན་དུ་གོམས་ཤིང་འདྲེས་ པའི་བག་ཆགས་ཀྱི་མཐུ་ཇེ་གསལ་དུ་སོང་བ་ལས་སེམས་ཅན་དེ་ཉིད་མངལ་དུ་གནས་པའི་དུས་སུའང་ཚོར་བ་བདེ་སྡུག་སོགས་ལ་བླང་དོར་གྱི་བྱ་བ་ ལ་འཇུག་པའི་སྣང་བ་རྣམ་པ་སྣ་ཚོགས་པ་འབྱུང་ཞིང་སྐྱེ་བ་དང་། དེ་ཉིད་རིམ་གྱིས་ཇེ་གསལ་དུ་འཕེལ་ཞིང་མཆེད་པ་བཅས་རྒྱུ་རྐྱེན་རྟེན་འབྲེལ་དེ་ རྣམས་གེགས་མེད་པར་ལྷན་ཅིག་ཏུ་འཛོམས་ཤིང་འདུས་པ་ལས་མངལ་དུ་ལུས་ཡོངས་སུ་འགྲུབ་པར་བྱེད་དོ། དེ་ལྟར་ལུས་འདི་ཉིད་ཆགས་པ་དང་ གནས་པ་དང་འཇིག་པའི་གནས་སྐབས་གང་དུའང་ཕྱི་རོལ་གྱི་འབྱུང་བ་ཆེན་པོ་རྣམས་དང་མི་འབྲལ་ཞིང་ཕན་ཚུན་བདག་ཉིད་གཅིག་ཏུ་འབྲེལ་ བས་དེ་དག་དར་རྒུད་ལས་སྐྱེ་དངོས་ཀུན་ལ་བདེ་སྡུག་དང་འཕེལ་འགྲིབ་སྣ་ཚོགས་འབྱུང་བ་མངོན་སུམ་དུ་གྲུབ་བོ།། [༢] ལུས་ཀྱི་མཚན་ཉིད་དང་འབྲེལ་བའི་སྐོར།

རྣམ་པར་མ་གྱུར་པ་ལུས་དང་རྣམ་པར་གྱུར་པ་ནད་ཐམས་ཅད་ཀྱི་གཞི་རྩ་རླུང་མཁྲིས་བད་ཀན་ཡིན་པའི་ཕྱིར་དེ་ཇི་ལྟར་ངེས་དགོས་ཤིང་། རང་གི་ ཐུན་མོང་མ་ཡིན་པའི་འཇོག་བྱེད་དམ་གོ་བྱེད་དོན་གྱི་ཆོས་མཚན་ཉིད་ལ་རག་ལས་ཏེ། རྗེ་ས་པཎ་གྱིས། མཚན་ཉིད་གོ་བྱེད་དོན་གྱི་ཆོས། མཚོན་བྱ་ གོ་བྱ་བློ་ཡི་ཆོས། ཞེས་གསུངས་པ་ལྟར་མཚན་མ་ནི་མཚོན་པར་ནུས་པ་སྟེ་ཕོ་དབང་གིས་ཕོ་མཚོན་པར་ནུས་པ་ལྟ་བུ་དང་། ཉིད་ཅེས་པ་ནི་དེ་ཁོ་ན་ ཉིད་དམ་དངོས་པོའ་ི གནས་ལུགས་ཏེ་དེ་ཉིད་སྒྲ་བསྡུས་པས་མཚན་ཉིད་ཅེས་མཚན་མ་རྟགས་དང་ཉིད་དེ་ཁོ་ན་ལ་འཇུག་གོ།

དེ་ལྟ་བུའི་མཚན་ཉིད་ཀྱང་གཞི་གང་ལ་ཁྱབ་པ་དང་ཁྱབ་ཆེ་བ་མི་སྲིད་པ་གསུམ་གྱི་སྐྱོན་མེད་པར་གཏན་ལ་འབེབས་དགོས་སོ། (རྒྱུད་)ལས། རླུང་ གི་མཚན་ཉིད་རྩུབ་ཅིང་ཡང་བ་དང་། གྲང་ཞིང་ཕྲ་ལ་སྲ་ཞིང་གཡོ་བ་ཡིན། ཞེས་པས་རླུང་ལ་མཚན་ཉིད་ཀྱི་ཟུར་དྲུག་དང་ལྡན་པ་དང་། དེ་ལ་རྩུབ་ པ་ནི་རང་རྒྱུད་གདུག་རྩུབ་པས་ནད་དྲག་ལ་བཟོད་དཀའ་སྟེ། དཔེར་ན་མི་ཐུ་པོ་ལྟ་བུའོ། དེ་དུས་ནད་རྟགས་ཇི་ལྟར་ཡོང་ཞེ་ན། ལྕེ་རྩུབ། པགས་པ་ རྩུབ། ཁྲག་རྩུབ། གོས་འཇམ་པོ་གྱོན་ཡང་རྩུབ་སྣང་སྐྱེའ།ོ ཡང་བ་ནི་རང་རྒྱུད་ཡང་བར་གནས་པས་གཉེན་པོའ་ི ཁ་ནས་ཡང་བ་སྟེ། ནད་རྟགས་ཇི་ལྟ་ བུ་འབྱུང་ཞེ་ན། ལུས་དང་ཤེས་པ་ཡང་། བྱུག་པ་དང་གསུར་དུད་ཙམ་གྱིས་ཀྱང་ངོ་སོ་འབྱུང་བའི་ཕྱིར་རོ། གྲང་བ་ནི་བསིལ་བ་ཙམ་མ་ཡིན་ཏེ། ངོ་བོ་ལ་ དྲོད་མེད་པར་གནས་པའོ། དེའི་ན་དུས་གྲང་ཤུམ་བྱེད། དྲོ་སར་སྙེག ཟས་སྐོམ་དྲོ་བ་ལ་སྲེད་པ་འབྱུང་ངོ་། སྲ་བ་ནི་འདྲུལ་ཞིང་ཕུགས་དཀའ་བའོ། དེའི་ ནད་རྟགས་སུ་སྐྲངས་པ་སྲ་བས་རྟག་ཏུ་འགྲོར་མི་འདོད། ཚ་བ་སྨིན་དཀར། ལྟོ་བ་སྲ་བས་སྦྱོང་མི་ཐེབས་པ་སོགས་སོ། ཕྲ་བ་ནི་རྫས་སུ་མ་གྲུབ་པའི་ ཕྱིར་བུ་ག་ཤིན་ཏུ་ཕྲ་བ་རྣམས་སུའང་འཇུག་ནུས་ཏེ། ནད་རྟགས་སུ་བ་སྤུའི་རྩ་བར་ཞུགས་པས་སྐྲ་ལངས། བ་སྤུ་ལངས། སོ་དང་སེན་མོའ་ི བར་ཚུན་ བརྩེ་བ། སྦྲིད་པ་དང་བེར་བ་སོགས་འབྱུང་ངོ་། ཟུར་མཁར་བློ་གྲོས་རྒྱལ་པོས། ཕྲ་བ་རྫས་སུ་མ་གྲུབ་ན་དངོས་པོ་མ་གྲུབ་པ་ཡིན་པའི་རླུང་དངོས་པོ་མ་ ཡིན་པའི་ཕྱིར་རོ། ཞེས་སྐྱོན་འཕགས་པ་ནི་ཡིག་ནོར་རྒྱུན་འབྱམས་སུ་མ་སོང་ན་དོན་ལ་གནས་ཏེ། རང་ལུགས་འཇོག་སྐབས་སྦོམ་པ་མ་ཡིན་པའི་ ཕྲ་བ་ཞེས་གསུངས་ལ། གང་ལྟར་ཡང་རགས་པའམ་སྦོམ་པར་མ་གྲུབ་པས་ལུས་ཀྱི་བུ་ག་པྲ་རགས་ཀུན་ལ་ཐོགས་མེད་དུ་འཇུག་ནུས་པའོ། གཡོ་བ་ ནི་གཅིག་ཏུ་མི་གནས་པར་འཕོ་འགྱུར་ཆེ་བསྟེ། དེའི་ནད་རྟགས་སུ་སེམས་འཕྱོ། འགྲོ་འདོད། ཁ་སླ། ནད་འཕེལ་འགྲིབ་ཆེ། གཟེར་བ་འཕོ། སྐྲན་འཕོ། འགྱུར་ལྡོག་ཆེ། རྩ་མི་རྟག་པ་སོགས་གཡོ་བའི་མཚན་ཉིད་ཅན་ནོ། མཁྲིས་པའི་མཚན་ཉིད་ལ་ཟུར་བདུན་ཡོད་པ་ལ་(རྒྱུད་)ལས། མཁྲིས་པའི་མཚན་ཉིད་སྣུམ་བཅས་རྣོ་ཞིང་ཚ། ཡང་ཞིང་དྲི་མནམ་འཁྲུ་ཞིང་གཤེར་བ་ ཡིན། ཞེས་གསུངས་པ་ལྟར་དེ་ལ་སྣུམ་བཅས་ཞེས་པ་ནི་ངོ་བོ་སྣུམ་པ་འབའ་ཞིག་མ་ཡིན་ཞིང་ཅུང་ཟད་སྣུམ་པ་དང་ལྡན་པའོ། དེའི་ནད་རྟགས་སུ་ གདོང་སྣུམ་པ། བ་སྤུའི་སྒོ་སྣུམ་པ། པགས་པ་སྣུམ་པར་བྱེད་པ་སོགས་ཚད་ལྡན་མ་ཡིན་པའི་སྣུམ་པའི་རྟགས་སྟོན་པ་དེ་དག་གོ། རྣོ་བ་ནི་ལས་བྱེད་ མྱུར་བས་མཚོན་རྣོ་པོ་ལྟ་བུ་སྟེ། མྱུར་སྲོག་འཕྲོག་ཅེས་དང་། སྤྱིར་རྣོ་བ་འདིས་བདག་རྐྱེན་བྱས་པ་བློ་རིག་ཀྱང་རྣོ་བ་སྟེ། (རྒྱུད་)ལས། བློ་རྣོ་ང་རྒྱལ་ཆེ་ ཞེས་པ་ལྟ་བུའོ། དེའི་ནད་རྟགས་སུ་ཚ་བ་སྨི་སླ། སྐྲངས་པ་རྣག་སླ། ནད་འཕེལ་བ་སྐྱེན། སྲོག་ལ་མྱུར་དུ་རྒོལ་བ་སོགས་གློ་བུར་བའམ་མྱུར་བའི་རང་ བཞིན་ཅན་གྱི་ནད་ཐམས་ཅད་དོ། ཚ་བ་ནི་ངོ་བོ་ཆུ་ཚན་ལྟར་གནས་པས་གནོད་བྱ་འཚིག་ནུས་པ་སྟེ། སྐོམ་འདོད་པ་སོགས་ལྡང་ཚད་དང་ལྡན་པའི་ ཚ་བ་ཐམས་ཅད་དང་། དེའི་ནད་རྟགས་སུ་ལུས་ཚ་བས་གདུང་། ངོ་བོ་རླུང་གི་ཡང་བ་ལྟར་མིན་ཡང་གཉེན་པོའ་ི ཁ་ན་ཡང་བ་སྟེ། དེའི་ནད་རྟགས་སུ་ ཚ་བ་རྐྱང་པ་ལས་མ་འདས་པ་རྣམས་ལ་ཆུ་བཞི་བསྟེན་པས་འཕྲལ་དུ་བཟློག་ནུས་པའོ། ཟུར་བཞི་བོ་འདི་ནི་སྐྱ་བ་ལས་ལྡོག་པས་རྣོ་ཞིང་ཚ་བ། ལྕི་བ་ མེད་པའི་ཡང་བའི་ངོ་བོར་གནས་པ་སྟེ་ངོ་བོའ་ི མཚན་ཉིད་བཞི། ལྷག་མ་གསུམ་ནི་ངོ་བོའ་ི བྱེད་ལས་ལ་བཏགས་པའོ།

བད་ཀན་གྱི་མཚན་ཉིད་ལའང་ཟུར་བདུན་ཡོད་པ་ལ་(རྒྱུད་ལས་)། བད་ཀན་མཚན་ཉིད་སྣུམ་ཞིང་བསིལ་བ་དང་། ལྕི་རྟུལ་འཇམ་བརྟན་འབྱར་བག་ ཅན་དུ་གནས། ཞེས་གསུངས་སྟེ། དེ་ལ་སྣུམ་པ་ནི་ལྕི་བརྟན་གྱི་ཁམས་འཛིན་པ་ཤ་རྒྱས་ཤིང་ཚོ་ལ་སྣུམ་པ་ལྟ་བུ། རྣམ་འགྱུར་ནད་ཀྱི་རྟགས་སྟོན་པའི་ སྐབས་སུ། སྣུམ་པའི་ཟས་སྤྱོད་ཀྱིས་སློང་བ། འཁྲུ་སྐྱུག་གཏན་ཁྲག་སོགས་མདོག་སྣུམ་པའི་རྟགས་དང་ལྡན་པའོ། བསིལ་བ་ནི་ཚ་བ་མེད་ཙམ་མིན་ པར་གྲང་བ་ཕུལ་དུ་ཕྱིན་པ་སྟེ། གཞན་ཡང་གྲང་བར་བསྒྱུར་ནུས་པའོ། གང་དུས་ཐམས་ཅད་དུ་རན་པར་ཟོས་ཀྱང་ཡུན་རིང་བོ་ཞིག་ན་འཇུ་བ་ནི་དྲོད་ ཆུང་བ་ཡིན་ཏེ་མཁྲིས་པའི་རང་བཞིན་ལྟ་བུར་ཉི་ཚན་གྱི་ཐན་པ་དང་ཚད་པ་བཟོད་ཅིང་བསྟེན་ནུས་པའོ། རྣམ་པར་གྱུར་པའི་སྐབས་སུ་ལུས་ཀྱི་ཕྱི་ ནང་གཉིས་ཀ་དྲོད་ལ་སྲེད་པའོ། ལྕི་བ་ནི་རྫས་ཀྱི་ངོ་བོ་ལྕི་བས་གཉེན་པོས་བསྒྱུར་དཀའ་བ་སྟེ། ལུས་སེམས་ལྕི་བ། གཉིད་མཐུག་པར་དང་རྒྱུད་རིང་བ། བྱ་བྱེད་ཉུང་ཞིང་ངག་སྒོ་ལྕི་བ་སྨྲ་བ་ཉུང་བ་སོགས་སོ། ནད་རྟགས་སྐབས་སུའང་ལུས་དང་ཤེས་པ་ལྕི་ལ་གཉེན་པོས་མྱུར་དུ་འཇུ་དཀའོ། རྟུལ་བ་ནི་བུ་ ག་ཕྲ་མོར་མྱུར་དུ་འཇུག་མི་ནུས་པ་སྟེ། ཡུན་རིང་ཞིག་ནས་ལྡང་ཡང་འཕྲལ་དུ་བུལ་ཞིང་གཏིང་མཚན་དང་ལྡན་པ་དང་རྟགས་ཀྱང་གཞན་དུ་མི་འཕོ་

བ། ནད་རྒྱས་པ་དང་སྲོག་གཅོད་པ་བུལ་བའོ། འཇམ་པ་ནི་གཞན་ལ་གནོད་པ་ཉུང་བ་སྟེ། རང་རྒྱུད་འཇམ་པར་གནས་པ། དེ་རྟགས་ལྕེ་དང་གཏར་ ཁྲག་པགས་པ་འཇམ་པ། ནད་དང་ཟུག་གཟེར་གང་ཡང་འཇམ་པའོ། བརྟན་པ་ནི་ནུས་པ་དང་ལྡན་ཞིང་འགྱུར་ལྡོག་ཆུང་བསྟེ། ནད་རྟགས་སྐབས་སུ་ གཞན་དུ་མི་འཕོ་བར་སྐྲངས་བརྟན། སྐྲན་གཟེར་གང་ཡང་བརྟག་ཐུབ་པའོ། འབྱར་བག་ཅན་ནི་རྫས་ཀྱི་ངོ་བོ་སྣ་ཞིང་ཞིང་སྦྱིན་པ་སྟེ། དེའི་རྟགས་སུ་ ན་དུས་ལུད་པ་གཏར་ཁྲག་མཆིལ་སྣབས་སོགས་བེའུ་སྣབས་འབྱར་དམ་ཅན་འོང་ཞིང་ཚགས་དམ་པའོ། [༣] འཆི་ལྟས་དང་འབྲེལ་བའི་སྐོར།

སྤྱིར་འཁོར་བ་འགྲུབ་བྱེད་ཀྱི་རྒྱུ་ལས་དང་ཉོན་མོངས་མ་སྤངས་པར་སྐྱེ་རྒ་ན་འཆིའི་འཇིགས་པ་ལས་མི་ཐར་ལ། གང་ཞིག་སྐྱེ་བ་ཡོད་ན་རྒ་བ་དང་ན་ བ་ཡོད་པར་མ་ཟད། མཐར་འཆི་དགོས་པའང་རྒྱུ་འབྲས་ཀྱི་འཁོར་ཚུལ་ལས་མ་འདས། དེའི་ཕྱིར་འཆི་བའང་ཕྱི་ནང་གི་འབྱུང་བའི་ཁམས་ལ་འགྱུར་ ལྡོག་བྱུང་བ་ཡིན་ལ། ནང་གི་འབྱུང་བའི་ཁམས་བསྡུ་བའི་ཚུལ་ནི་རྒྱུད་ཀྱི་ཉེ་བའི་འཆི་ལྟས་སྟོན་པའི་སྐབས་སུ། ས་ནུས་ཆུ་ལ་ཐིམ་པས་གཟུགས་མི་ མཐོིང་། ཆུ་ནུས་མེ་ལ་ཐིམ་པས་བུ་ག་སྐམ། མེ་ནུས་རླུང་ལ་ཐིམ་པས་དྲོད་རྣམས་སྡུད། རླུང་ནུས་མཁའ་ལ་ཐིམ་པས་ཕྱི་དབུགས་ཆད། ཅེས་འབྱུང་བ་ ལྔའི་རང་བཞིན་ཅན་གྱི་ལུས་འདི་ཉིད་འཆི་བ་ལ་མངོན་དུ་ཕྱོགས་པ་དེའི་ཚེ་ས་ཆུ་མེ་རླུང་ནམ་མཁའ་དང་བཅས་པའི་ནུས་པ་རྣམས་རིམ་པ་བཞིན་ དུ་ཐིམ་པར་འགྱུར་ཞིང་། དེ་ཡང་ས་ཁམས་ཀྱི་ནུས་པ་དེ་ཆུའི་རང་བཞིན་ལ་ཐིམ་པའི་རྟགས་སུ་གཟུགས་ཀྱི་རྣམ་པ་ཕྲ་རགས་རྣམས་མི་མཐོང་བ་དང་ ། དེ་བཞིན་དུ་ཆུ་ཁམས་ཀྱི་ནུས་པ་དེ་ཡང་མེའི་རང་བཞིན་ལ་ཐིམ་པའི་རྟགས་སུ་བུ་ག་སྒོ་དགུ་ལ་སོགས་པ་རྣམས་སྐམ་པར་འགྱུར་ལ། མེའི་ཁམས་ ཀྱི་ནུས་པ་དེ་ཡང་རླུང་གི་རང་བཞིན་ལ་ཐིམ་པའི་རྟགས་སུ་ལུས་ཁམས་ཀྱི་དྲོད་རྣམས་སྡུད་པ་དང་། རླུང་ཁམས་ཀྱི་ནུས་པ་དེ་ཡང་ནམ་མཁའི་རང་ བཞིན་ལ་ཐིམ་པའི་རྟགས་སུ་ཕྱིའི་དབུགས་ཀྱི་རྒྱུ་བ་དེ་ཆད་པར་འགྱུར་བར་ཡིན་ནོ། མཐར་འབྱུང་བ་བཞིའི་ཁམས་དང་ནུས་པ་ཐམས་ཅད་ནམ་ མཁའ་སྟོང་པའི་རང་བཞིན་དུ་འགྱུར་བར་བཤད་དོ། དེ་ལྟ་བུའི་འབྱུང་ལྔའི་རང་བཞིན་གྱི་ལུས་ཀྱི་ཕུང་བོ་འདི་ཉིད་ངེས་པར་འཇིག་པའི་འཆི་ལྟས་ རྣམས་ཤར་བ་དེའི་ཚེ་ནད་དང་ལུས་ཟུངས་དྲི་མ་རྣམས་འཁྲུགས་པར་གྱུར་ནས་ཕན་ཚུན་གཅིག་གི་གཤེད་གཅིག་གིས་བྱས་ཏེ་སྲོག་གི་དབང་བོ་ ལུས་དང་བཅས་པ་འདོར་བའམ་འཇོམས་པར་འགྱུར་བ་ནི། དཔེར་ན་ཕྱིའི་འབྱུང་བ་རྣམས་འཁྲུགས་པས་རང་རང་གི་བྱེད་ལས་གཞན་དུ་གྱུར་པའི་ དུས་ན་རི་རབ་སོགས་ཕྱི་སྣོད་ཀྱི་འཇིག་རྟེན་གྱི་ཁམས་ཆེན་པོ་འཇིག་པའི་ཚུལ་དང་རྣམ་པ་ཀུན་ནས་མཚུངས་པར་བལྟའོ། (༢) རྣམ་པར་གྱུར་པ་ནད་དང་སྐྱེ་ཁམས་རིག་པ། [༡] ནད་ཀྱི་རྒྱུ་དང་འབྲེལ་བའི་སྐོར།

དེ་ཡང་ཐམས་ཅད་ཀྱི་སྤྱི་རྒྱུ་མ་རིག་པ་སྟེ། བདག་མེད་དོན་མ་རྟོགས་པའི་མ་རིག་ཅེས། ཞེས་ལུས་སེམས་ནད་རྣམས་ཀུན་གྱི་ཐུན་མོང་བའི་རྒྱུ་ནི་དེ་ གཅིག་པུ་ཉིད་ཡིན་ཏེ། དེ་ནི་ནད་རྣམས་ཀུན་གྱི་རྩ་བ་ཡིན་པའི་ཕྱིར་རོ། འོ་ན་རྒྱུ་གཅིག་པུ་དེ་གང་ཞེ་ན། དོན་དམ་པར་དངོས་པོ་ཐམས་ཅད་བདག་ མེད་པའི་རང་བཞིན་ཅན་ཁོ་ན་ཡིན་ཡང་། དེའི་དོན་མ་ཤེས་ཤིང་དེ་ལྟར་མ་རྟོགས་པའི་བདག་འཛིན་ལྷན་སྐྱེས་ཀྱི་མ་རིག་པ་ཞེས་པའི་སེམས་ཅན་ ཐམས་ཅད་ཀྱི་རྒྱུད་ལ་ཐོག་མ་མེད་པ་ནས་ཡོད་པའི་མི་དགེ་བ་དེ་ཉིད་གཅིག་པུ་ཡིན་ཏེ། མི་ཕམ་པའི་(མཁས་འཇུག་)ལས་ཀྱང་། མ་རིག་པ་ནི་ལས་ འབྲས་དང་བདེན་པ་དཀོན་མཆོག་རྣམས་ཀྱི་ཚུལ་མི་ཤེས་པ་སྟེ་ཀུན་ཉོན་རྣམས་འབྱུང་བར་བྱེད་པའོ། ཞེས་གསུངས་པའི་མ་རིག་པ་དེ་ཉིད་ལས་ མཚུངས་ལྡན་དུ་འདོད་ཆགས་ཞེ་སྡང་གཏི་མུག་གསུམ་བྱུང་བ་ཡིན་ལ། དེ་དག་མི་རྣམས་ཀྱི་རྒྱུད་ལ་རང་ཆས་སུ་ཡོད་པས་ན་ལུས་དང་ནད་གཉིས་ འབྲལ་བ་མེད་པར་གནས་པ་རེད། དེ་ལས་འདོད་ཆགས་ལས་རླུང་དང་། ཞེས་སྡང་ལས་མཁྲིས་པ། གཏི་མུག་ལས་བད་ཀན་སྐྱེད་པ་བཅས་ནི་ནད་ རྣམས་ཀྱི་དངོས་རྒྱུ་ཡིན་པས་རྐྱེན་དང་ཕྲད་ན་ངེས་པར་དུ་ལྡང་བའི་ནད་དངོས་སོ།

དེ་བཞིན་དུ་(མན་རྒྱུད་)ལས། འགྲོ་མཆོག་གཙོ་བོར་གྱུར་པའི་མི་ལུས་ཀྱང་། མ་རིག་འཁྲུལ་བའི་དབང་གིས་འཁོར་བར་འཁྱམས། གཏི་མུག་དབང་ གིས་སྐྱོན་ཡོན་རྒྱུ་མ་ཤེས། འདོད་པའི་དབང་གིས་སྡིག་པའི་ལས་མང་སྤྱད། ཞེ་སྡང་དབང་གིས་གཞན་ལ་གནད་དུ་བཙུགས། ཕྲག་དོག་དབང་གིས་ མཐོ་ལ་འགྲན་སེམས་བསྐྱེད། ང་རྒྱལ་དབང་གིས་དམའ་ལ་ཁྱད་དུ་བསད། རིག་པ་སྦྱང་པས་རྩོམ་པ་ཀུན་ལ་འཇུག མདོ་དོན་ཆུང་བས་ཡུན་གྱི་སྲིད་ མ་རྙེད། ལས་ངན་བག་ཆགས་རྒྱུན་འཁྲིགས་བསགས་པ་ཡིས། འཁོར་བའི་ཁ་བརྒྱུད་ལུས་ངན་སྣ་ཚོགས་བླངས། ཞེས་ལུས་ལེན་པའི་དུས་སུ་ཉོན་ མོངས་པ་དེ་དག་གིས་གསོས་བཏབ་པ་ལ་བརྟེན་ནས་ལུས་བླངས་པ་དང་། ལུས་འཚོ་བའི་སྐབས་སུའང་དེ་དག་རྒྱུད་ལ་སྐྱེས་ན་དེ་དང་མཚུངས་པའི་ འབྲས་བུ་སྡུག་བསྔལ་བ་སྣ་ཚོགས་སྐྱེད་པར་བྱེད་དེ། (མན་རྒྱུད་)ལས། དེ་ཕྱིར་ལས་དང་ཉེས་པ་ལས་བྱུང་བའི། བཞི་བརྒྱ་རྩ་བཞིའི་ནད་དུ་གྲགས་ པ་ཡིས། བདེ་བའི་བར་སྐབས་མེད་པར་ལུས་སེམས་གདུངས། ཞེས་ལས་དང་ཉེས་པ་ལས་བྱུང་བའི་ནད་དེ་དག་གིས་ལུས་དང་སེམས་གཉིས་ཀ་ གདུངས་པར་འགྱུར་རོ།། དཔེར་ན་རྒྱུད་ལ་ཞེ་སྡང་དྲག་པོ་སྐྱེས་པ་ལ་བརྟེན་ནས་ཁྲག་མཁྲིས་འཁྲུགས་ཏེ་ཚ་བའི་ནད་སྣ་ཚོགས་སྐྱེད་པར་བྱེད་དེ། ཚ་བ་སྤྱིའི་རྒྱུ་སྟོན་པའི་ སྐབས་སུ། རིང་རྒྱུ་མ་རིག་ལས་བྱུང་ཞེ་སྡང་སྟེ། མ་རིག་དབང་གིས་ཉོན་མོངས་དུག་ལྔར་སྨིན། དེ་ལས་ཞེ་སྡང་མཁྲིས་པ་སྐྱེད་རྒྱུ་ཡིན། ཞེས་མཁྲིས་ པའམ་ཚ་བའི་ནད་སྐྱེད་པར་བྱེད་པ་ནི་ཞེ་སྡང་ཡིན་ལ། དེ་ཡང་ལུགས་འབྱུང་དུ་མེད་ན་མི་འབྱུང་གི་འབྲེལ་བ་ནི། ཅི་ཕྱིར་མ་རིག་མེད་ན་ཉོན་ མོངས་མེད། ཉོན་མོངས་མེད་པར་ཞེ་སྡང་མི་འབྱུང་སྟེ། ཞེ་སྡང་མེད་པར་ཚ་བ་འབྱུང་མི་སྲིད། ཅེས་པ་ལྟར་རིང་རྒྱུ་དང་ཉེ་རྒྱུའི་ཁྱད་པར་ཕྱེས་ཏེ་རྒྱུ་ དུག་གསུམ་དང་འབྲས་བུ་རླུང་མཁྲིས་བད་ཀན་གསུམ་ལས་གྱུར་པའི་ནད་གཉིས་ཀ་གསོ་བའི་ཐབས་སྟོན་པ་ནི་བོད་ཀྱི་གསོ་རིག་ལས་གཞན་དུ་མ་ བྱུང་བ་དང་། འདིའི་དོན་རྣམས་ཕྱིན་ཅི་མ་ལོག་པར་རྒྱུད་ལ་འབྱོར་ཚེ། རྒྱུ་འབྲས་ནད་སེལ་སངས་རྒྱས་སྨན་གྱི་བླ། ཞེས་པའི་དོན་སྟེང་ནས་དཔལ་ ལྡན་རྒྱུད་བཞིའི་ཐུན་མོང་མ་ཡིན་པའི་ཁྱད་ཆོས་ལ་ངེས་པ་རྣལ་མ་ཞིག་སྐྱེས་ཡོང་བ་ཡིན་ནོ།

[༢] ནད་ཀྱི་རྐྱེན་དང་འབྲེལ་བའི་སྐོར།

(རྩ་རྒྱུད་)ལས། དེ་ལ་འདོད་ཆགས་ཞེ་སྡང་གཏི་མུག་གསུམ། རླུང་མཁྲིས་བད་ཀན་རིམ་པས་སྐྱེད་པའི་རྒྱུ། དེ་ལ་དུས་གདོན་ཟས་དང་སྤྱོད་ལམ་ བཞིས། དེ་དག་འཕེལ་དང་ཟད་པར་གྱུར་ནས་ནི། ཞེས་གསུངས་པ་ལྟར་གོང་དུ་བསྟན་པའི་ནད་དངོས་སུ་སྐྱེད་པའི་རྒྱུ་རླུང་དང་མཁྲིས་པ་བད་ཀན་ གསུམ་པོ་དེ་རྣམས་སློང་བའི་རྐྱེན་དུ་དམན་ལྷག་ལོག་པ་དང་། གདོན་གློ་བུར་བ། ཟས་དམན་ལྷག་ལོག་པ། སྤྱོད་ལམ་དམན་ལྷག་ལོག་པ་བཞི་བོ་གང་ རུང་དང་འཕྲད་ན་དེ་དག་ལྡང་ཚད་ལས་ལྷག་པས་འཕེལ་བ་དང་། ཟད་ཅིང་འགྲིབ་པ་དང་། ཕན་ཚུན་འཁྲུགས་པ་བཅས་སུ་གྱུར་ནས་ནད་དངོས་སུ་ འབྱུང་བ་ཡིན་ནོ།། ཀ དུས་དམན་ལྷག་ལོག་པ།

བོད་ཀྱི་གསོ་རིག་ཏུ་གནས་སྐབས་སོ་སོའ་ི བརྗོད་བྱ་དང་དགོས་པ་མི་འདྲ་བར་བརྟེན་ནས་དུས་ཀྱི་བརྩི་ཚུལ་མི་འདྲ་བ་འབྱུང་སྟེ། ནད་ཀྱི་རྐྱེན་སྟོན་ པའི་སྐབས་སུ་དུས་གསུམ་དུ་བཤད་པ་དང་། བྱ་བ་སྤྱོད་ལམ་གྱི་གནས་ལས་དུས་སྤྱོད་སྟོན་པའི་སྐབས་སུ་ནམ་ཟླ་དུས་དྲུག་ཏུ་བཤད་པ་དང་། ཕྱི་རྒྱུད་ ཀྱི་རེག་པ་རྩའི་སྐབས་སུ་ནམ་ཟླ་དུས་བཞི་དང་དུས་མཚམས་དང་བཅས་ལྔ་རུ་བསྟན་ནོ།

འདི་ནད་ཀྱི་རྐྱེན་བཤད་པའི་སྐབས་སུ། དུས་ནི་ཚ་དུས་གྲང་དུས་ཆར་དུས་གསུམ། དམན་པ་ཚ་གྲང་ཆར་བ་ཆུང་བ་སྟེ། ལྷག་པ་ཆེ་དྲགས་ལོག་པ་ མེད་པའོ། ཞེས་གསུངས་ཏེ། དུས་ཀྱི་རྐྱེན་ནི་སོས་ཀ་ཚ་བའི་དུས་དང་། དགུན་གྲང་བའི་དུས་དང་། དབྱར་ཆར་གྱི་དུས་ཏེ་གསུམ་ཡོད་པ་དེ་དག་ལས། དུས་ཀྱི་སྦྱོར་བ་དམན་པ་ནི་རང་གི་རང་བཞིན་ལས་ཉམས་པ་སྟེ། དཔེར་ན་ཚ་བའི་དུས་སུ་ཚ་བ་ཆུང་བ་དང་། གྲང་བའི་དུས་སུ་གྲང་བ་ཆུང་བ་དང་ ། ཆར་དུས་སུ་ཆར་བ་ཆུང་བ་ལྟ་བུའོ། ལྷག་པའི་སྦྱོར་བ་ནི་རང་གི་རང་བཞིན་ལས་ལྷག་པར་གྱུར་པ་སྟེ། དཔེར་ན་ཚ་བའི་དུས་སུ་ཚ་བ་ཆེ་དྲགས་པ་ དང་། གྲང་བའི་དུས་སུ་གྲང་བ་ཆེ་དྲགས་པ། ཆར་གྱི་དུས་སུ་ཆར་ཞོད་ཆེ་དྲགས་པ་ལྟ་བུའོ། ལོག་པའི་སྦྱོར་བ་ནི་རང་གི་རང་བཞིན་ལས་ཕྱིན་ཅི་ལོག་ ཏུ་གྱུར་པ་སྟེ། དཔེར་ན་ཚ་བའི་དུས་ཀྱི་གནས་སྐབས་སུ་ཤིན་ཏུ་གྲང་བ་དང་། གྲང་བའི་དུས་ཀྱི་གནས་སྐབས་སུ་ཤིན་ཏུ་ཚ་བ་དང་། ཆར་འབབ་པའི་ དུས་ཀྱི་གནས་སྐབས་སུ་ཆར་མེད་པ་ལྟ་བུའོ།།

དེ་དག་མཉམ་པ་ནི་ཡང་དག་པའི་སྦྱོར་བ་ཞེས་བྱ་སྟེ། རང་བཞིན་ཇི་ལྟ་བ་བཞིན་དུ་གནས་པ་ནི་ནད་མེད་པའི་རྒྱུ་ཡིན་ནོ། གཞན་ཡང་དུས་ཀྱི་སྦྱོར་ བ་དམན་ལྷག་ལོག་གསུམ་ལས་སེམས་ཅན་དང་སྐྱེ་དངོས་ཀྱི་རིགས་ལ་གནོད་པ་སྔར་ལྟར་འབྱུང་བ་ནི་སློབ་དཔོན་དཔའ་བོའ་ི (ཡན་ལག་བརྒྱད་པའི་ རང་འགྲེལ་)ལས། ལོ་གཅིག་ལ་དུས་ཀྱང་གསུམ་དུ་དབྱེ་སྟེ། དགུན་ཟླ་བཞི། དཔྱིད་ཟླ་བཞི། དབྱར་ཟླ་བཞི་སྟེ། དེ་ལ་དུས་འདི་གསུམ་ཚུལ་གྱི་ཡང་ ཆུང་ངུ་དང་ཆེན་པོ་དང་ལོག་པ་རྣམ་གསུམ་ལས་མི་དང་། སྲོག་ཆགས་དང་། ཕྱི་རོལ་གྱི་འབྲུ་འབྲས་དང་། རྩི་ཤིང་ལ་སོགས་པ་ལ་གནོད་པར་འགྱུར་ བར་བལྟ་སྟེ། དགུན་གྲང་བའི་ཚེ་ལྷགས་པར་ཧ་ཅང་ཆུང་ན་ཡང་དུས་ཀྱི་སྦྱོར་བ་ཆུང་བ་ཞེས་བྱ་སྟེ་ཡང་མི་བཟང་ངོ་། ཡང་ན་ལྷགས་པ་ཧ་ཅང་ཆེས་ ན་ཡང་གནོད་དེ་མི་རུང་ངོ་། དགུན་གྱི་ཚུལ་དང་མི་འདྲ་བར་གྱུར་པ་ནི་དུས་ལོག་པ་ཞེས་བྱ་སྟེ། འདི་ལྟ་བུ་ཡང་ནད་དང་གནོད་པར་འགྱུར་བ་ཞེས་བྱའོ། ཞེས་རྒྱ་ཆེར་གསུངས་པ་ ལྟར་དེང་གི་དུས་སུ་ཡང་མིའི་འཚོ་བའི་བདེ་སྐྱིད་ཁོ་ནར་བསམ་ནས་སྲོག་ཆགས་གསོད་པ་དང་། ས་སློག་པ། ཆུ་དཀྲུགས་པ། རྩ་ཤིང་འབྲེག་གཅོད་ སོགས་རང་བྱུང་ཁམས་ཆེན་པོ་འདི་གཏོང་བརླག་མི་ཉུང་བ་ཞིག་ཐེབས་བཞིན་པ་ཀུན་གྱི་མཐོང་སྣང་དུ་གྱུར་པ་འདི་ལགས་ལ། འདིས་ཐད་ཀར་ འབྱུང་བའི་ཁམས་ཆེན་པོ་འཁྲུགས་པ་ལ་བརྟེན་ནས་གོང་དུ་བསྟན་པའི་དུས་དམན་ལྷག་ལོག་གསུམ་འབྱུང་བཞིན་པ་ནི། ང་ཚོའི་མཐོ་སྒང་དུ་མཚོན་ ནའང་དགུན་གྱི་དུས་སུ་ཁ་བ་མི་འབབ་པའམ་ལྷགས་པ་མེད་པ་ལྟ་བུ། ཡང་ན་དེ་ལས་ལྡོག་སྟེ་ཚ་བ་ཆེ་བ་ལྟ་བུ་དང་། དབྱར་ཁའི་དུས་སུ་ཡུལ་གྲུ་ འགའ་རེར་ཆར་མེད་པར་ཐན་གྱི་སྐམ་པ་དང་། ཡང་འགའ་ཞིག་ཏུ་ཆར་ཞོད་ཆེ་དྲགས་པས་ཆུ་ལོག་གིས་གནོད་པ་སོགས་ཀུན་ཀྱང་སྣོད་བཅུད་དོ་མ་ མཉམ་པའི་རྟགས་ལོ་རེ་བཞིན་ཚབས་ཇེ་ཆེར་འགྲོ་བཞིན་པ་འདི་ལས་བདེན་དཔང་འཕེར་བ་ཞིག་གང་ན་ཡོད། ཁ། ཟས་སྤྱོད་དམན་ལྷག་ལོག་པ།

དེ་ཡང་(རྒྱུད་)ལས། འབྱུང་བ་ལྔ་ལྡན་ཟས་ཀྱི་ཡོན་ཏན་གྱིས། ལུས་ཀྱི་འབྱུང་བ་ལྔ་བོ་རྒྱས་པར་བྱེད། ཅེས་གསུངས་པ་ལ་བྱང་པ་རྣམ་རྒྱལ་གྲགས་ བཟང་གིས་མཛད་པའི་(བདུད་རྩིའི་ཆུ་རྒྱུན་)གྱི་འགྲེལ་ཚུལ་ལྟར་བཤད་ན། ས་ལ་སོགས་པ་འབྱུང་བ་ལྔའི་ནང་ནས་འབྱུང་སྟོབས་ཆེ་བ་གང་དང་གང་ དག་ལྡན་པའི་ཟས་ཀྱི་ཡོན་ཏན་གྱིས་ལུས་ཀྱི་འབྱུང་བ་ལྔ་བོ་རྒྱས་པར་བྱེད་པ་ཡིན་ཏེ། དེའང་ཟས་ཀྱི་ཡོན་ཏན་སའི་ཁམས་ཤས་ཆེ་བ་རྣམས་ཀྱིས་ལུས་ ཀྱི་སྲ་བའི་ཆ་རྣམས་དང་། ཆུའི་ཁམས་ཤས་ཆེ་བ་རྣམས་ཀྱིས་ལུས་ཀྱི་བརླན་ཞིང་གཤེར་བའི་ཆ་རྣམས་དང་། མེའི་ཁམས་ཤས་ཆེ་བ་རྣམས་ཀྱིས་ལུས་ ཀྱི་དྲོད་ཚ་བའི་ཆ་རྣམས་དང་། རླུང་གི་ཁམས་ཤས་ཆེ་བ་རྣམས་ཀྱིས་ལུས་ཀྱི་ཡང་ཞིང་གཡོ་བར་བྱེད་པའི ཆ་རྣམས་རྒྱས་པར་བྱེད་ཅིང་། ནམ་མཁས་ ནི་བུ་ག་འགག་པ་རྣམས་སེལ་ཞིང་རྒྱས་པར་བྱེད་དེ་ཞེས་གསུངས་པ་བཞིན་རོ་དྲུག་གང་རུང་དུ་གཏོགས་པའི་ཟས་རྣམས་ལ་འབྱུང་བའི་ཤས་ཆེ་ཆུང་ ལས་འབྱུང་བ་ལྔ་དང་ལྡན་པ་ཁོ་ན་ཡིན་ཞིང་། དེ་དག་གི་ཚུལ་ཤེས་པའི་སྒོ་ནས་ཡང་དག་པར་བསྟེན་པ་ནི་ལུས་དང་སྲོག་འཚོ་ཞིང་ནད་མེད་པའི་ རྒྱུ་རུ་འགྱུར་པ་དང་། གལ་ཏེ་ཟས་དམན་པའམ། ཡང་ན་ལྷག་པ། ལོག་པ་བཅས་ཀྱིས་ནད་སྐྱེད་པ་ཡིན་ནོ། དེ་ཕྱིར་ཟས་རྣམས་ཀྱང་ཕྱི་རོལ་གྱི་འབྱུང་ བའི་ཁམས་ལས་སྐྱེས་པ་ཡིན་པས་ཕྱི་རོལ་གྱི་ཁོར་ཡུག་བཟང་ངན་ལས་ཟས་ལ་བཟང་ངན་འབྱུང་བ་ཡིན་ལ། དེ་ཐད་ཀར་མིའི་ལུས་སྲོག་དང་འབྲེལ་ བས་ཟས་འབྱུང་བའི་གཞི་ཕྱི་རོལ་གྱི་འཇིག་རྟེན་ཁམས་ཆེན་པོ་འདི་སྲུང་སྐྱོབ་བྱས་ཏེ་སྣོད་བཅུད་དོ་མཉམ་པར་གནས་པ་ནི་སེམས་ཅན་དང་སྐྱེ་ དངོས་གང་ལའང་ཕན་པ་རྒྱ་ཆེན་པོ་ཡོད་པ་སྨོས་མ་དགོས་སོ། སྤྱོད་ལམ་དམན་ལྷག་ལོག་པའི་རྐྱེན་ནི་(རྒྱུད་)ལས། སྤྱོད་ལམ་ལུས་ངག་ཡིད་དང་གསུམ་ཡིན་ཏེ། ཆུང་ངམ་མི་སྦྱོར་འཇུག་པ་དམན་པས་དམན།

བརྟུན་ངས་འཇུག་པ་ལྷག་པའི་སྦྱོར་བ་སྟེ། ཤུགས་བཀག་བཙིར་གཅུས་མི་དགེ་ལོག་སྦྱོར་རོ། ཞེས་གསུངས་ཏེ་དུས་རྒྱུན་དུ་ཉེ་བར་སྤྱོད་པའི་སྤྱོད་ལམ་ ནི་ལུས་དང་། ངག་དང་། ཡིད་ཀྱིས་སྤྱོད་ལམ་རྣམ་པ་གསུམ་དུ་ངེས་པ་ཡིན་ཏེ། དེ་དག་རྣམས་རང་རང་གི་ལས་ལ་རྩོལ་བ་ཆུང་བའམ་མི་འཇུག་པ་ དམན་པས་དམན་པ་ཞེས་བྱ་སྟེ། དེ་ཡང་ལུས་ཀྱི་ལས་ཆུང་ངུའང་ཅུང་ཟད་བྱེད་པ་ནི་དམན་པ་དང་། ལས་ལ་མི་སྦྱོར་སྟེ་བྱ་བ་གང་ཡང་མི་བྱེད་པར་ ཉལ་བའམ་འདུག་པ་ཁོ་ནས་དུས་འདའ་བ་ནི་ཤིན་ཏུ་དམན་པ་ཞེས་བྱའོ། དེ་བཞིན་དུ་ངག་གི་ལས་ཆུང་ངུ་ནི་དམན་པ་དང་། ཅི་ཡང་མི་སྨྲ་བ་ལྟ་བུ་ནི་ཤིན་ཏུ་དམན་པ་དང་། ཡིད་ཀྱི་རྟོག་པ་འདུ་འཕྲོ་ཆེར་མི་བྱེད་པ་ནི་ དམན་པ་དང་། ཅི་ཡང་མི་སེམས་པ་ནི་ཤིན་ཏུ་དམན་པའོ། སྒོ་གསུམ་གྱི་བྱ་བ་སྔ་མའི་ངལ་མ་སོས་པར་ཕྱི་མ་བསྟུད་ནས་འཇུག་པ་ནི་ལྷག་པའི་སྦྱོར་ བ་ཞེས་བྱ་སྟེ། དེའང་ལུས་ཀྱི་འགུལ་སྐྱོད་དང་འགྲོ་འཆག་རྒྱུག་མཆོང་སོགས་ཐང་ཆད་ཆད་བར་དུ་བྱེད་པ་ནི་ལུས་ཀྱི་སྤྱོད་ལམ་ལྷག་པ་དང་། དེ་ བཞིན་དུ་ངག་གི་སྨྲ་བརྗོད་དང་། བཟླས་པ། འབེལ་གཏམ་སོགས་ཉིན་མཚན་བསྟུད་ནས་བྱེད་པ་ནི་ངག་གི་སྤྱོད་ལམ་ལྷག་པའི་སྦྱོར་བའོ། ཉིན་མོར་ བཟའ་བཏུང་དང་མཚན་མོར་གཉིད་ཀྱང་མི་དྲན་པར་ཡིད་ཀྱིས་ཆོས་དང་འཇིག་རྟེན་གྱི་བྱ་བ་ཕྲ་རགས་རྣམས་ལ་བསམ་ཞིང་གཞིགས་པ་ནི་ཡིད་ ཀྱི་སྤྱོད་ལམ་ལྷག་པའི་སྦྱོར་བ་ཡིན་ནོ། གཞན་ཡང་བཀྲེས་སྐོམ་སོགས་ཀྱི་ཤུགས་འབྱུང་ལ་ཉེ་བའི་ཚེ་བཀག་པའམ། མི་བྲོ་བཞིན་དུ་ནན་གྱིས་བཙིར་ བ་དང། མི་ཐེག་བཞིན་དུ་འཁུར་བ་སོགས་ཀྱིས་ལུས་གཅུས་པ་དང་། ཚེ་འདི་དང་སྔ་མར་ལུས་ངག་ཡིད་གསུམ་གྱིས་སྒོ་ནས་མི་དགེ་བ་བཅུ་བགྱིས་ པ་ལ་སོགས་པ་རྣམས་ནི་ལོག་པའི་སྦྱོར་བ་ཞེས་བྱ་བ་ཡིན་ཏེ་འདི་དག་ཐམས་ཅད་ཀྱང་ནད་སྐྱེ་ཞིང་མཆེད་པར་བྱེད་པས་ན་འབད་ནས་སྤང་བར་བྱ་ དགོས་པ་ཡིན་ལ། ཤུགས་བསྟན་ལ་དབང་དོན་དང་སྤྱོད་ལམ་དམན་ལྷག་ལོག་པ་རྣམས་དང་བྲལ་ནས་ཡུལ་སོ་སོ་ལ་སྙོམས་པར་འཇུག་པ་ནི་ནད་ མེད་དུ་གནས་པའི་རྒྱུ་གཙོ་བོ་ཡིན་པར་ཤེས་དགོས་སོ།།

གཞན་ཡང་ནམ་ཟླའི་དུས་ཀྱི་འགྱུར་ལྡོག་གིས་ནད་རྣམས་རང་གནས་སུ་གསོག་པ་དང་གཞན་གནས་སུ་ལྡང་བ། རང་གནས་སུ་ཆ་མཉམ་པོར་ནད་ མེད་པར་ཞི་བར་བྱེད་པ་ཡོད་དེ། (རྒྱུད་)ལས། སོས་ཀའི་དུས་སུ་ཡང་ལ་རྩུབ་པ་ཡི། ཡུལ་དང་ལུས་དང་ཟས་སྤྱོད་ཀུན་མཚུངས་པས། རླུང་གསོག་བྱེད་ ཀྱི་དྲོ་བས་ལྡང་མི་འགྱུར། དབྱར་དུས་ཆར་རླུང་གྲང་བ་སྐྱེས་པས་ལྡང་། སྟོན་དུས་སྣུམ་ལ་དྲོ་བས་ཞི་བར་འགྱུར། ཞེས་གསུངས་ཏེ། དཔྱིད་ཀ་འདས་ ཤིང་ཆར་རླུང་མ་རྒྱས་པའི་གོང་གི་སོས་ཀའི་དུས་ནི་ཡང་ལ་རྩུབ་པའི་ངོ་བོར་གྱུར་པས། ཡུག་གང་དང་འདྲ་བ་ཞིག་ཡིན་ཀྱང་ཡང་རྩུབ་ཅན་དུ་གྱུར་ པ་དང་། དེ་བཞིན་དུ་ལུས་དང་། ཟས་དང་སྤྱོད་ལམ་དེ་འདྲ་འཛོམས་ན་ཀུན་མཚུངས་པ་ཡིན་པའི་ཕྱིར་དེས་གནས་སྐབས་སུ་རླུང་ནད་ཁོང་དུ་མི་ མངོན་པའི་ཚུལ་གྱིས་གསོག་པར་བྱེད་ཀྱི་སོས་ཀའི་ནམ་ཟླ་དྲོ་བའི་སྟོབས་ཀྱིས་མངོན་སུམ་དུ་ལྡང་བར་མི་འགྱུར་བ་ཡིན་ནོ། དབྱར་ཁའི་དུས་སུ་ཆར་ བབས་ཤིང་ནམ་ཟླ་གྲང་བ་སྐྱེས་པས་སྔར་བསགས་པའི་ནད་དེ་ལྡང་བར་འགྱུར་ཞིང་། དེ་ཡང་སྟོན་གྱི་དུས་སུ་སྣུམ་ལ་དྲོ་བ་སོགས་རླུང་གི་མཚན་ ཉིད་དང་ཆོས་མི་མཐུན་པ་ཆེར་རྒྱས་པའི་དབང་གིས་ཞི་བར་འགྱུར་པ་ཡིན་ནོ། དེ་ལྟར་སོས་ཀ་ནི་ཉི་མ་བྱང་བགྲོད་ཀྱི་མཐར་ཏུག་པ་ཡིན་པས་དེའི་ ཚེ་རླུང་དང་ཉི་མ་དག་གི་ནུས་སྟོབས་ཀྱི་ཟླ་བ་ས་ཡི་ཡོན་ཏན་ཟད་པར་བྱེད་པ་དང་། ཕྱི་འཇིག་རྟེན་ཁམས་དང་འགྲོ་བའི་ལུས་གཉིས་ཀ་ཡང་ལ་རྩུབ་ པའི་ངོ་བོ་རུ་འགྱུར་མོད། སྐབས་དེར་ཟས་སྤྱོད་ཀྱི་གཉེན་པོ་ཡང་ཡང་ལ་རྩུབ་པ་དང་ལྡན་པ་བསྟེན་ཚེ་རླུང་ནད་འཕེལ་བར་འགྱུར་པ་དང་། གལ་ཏེ་ ནུས་པ་ལྕི་སྣུམ་སོགས་རླུང་གི་གཉེན་པོ་རུ་གྱུར་པའི་ཟས་སྤྱོད་བསྟེན་ན་རླུང་འཕེལ་བར་མི་ནུས་པ་ཡིན་ནོ། དེས་ན་རྐྱེན་དང་འཕྲད་ཚེ་དུས་དེ་དང་ དེ་ཡི་དུས་སུ་རླུང་སོགས་གསོག་ལྡང་བྱེད་ལ། མ་འཕྲད་ན་གསོག་ལྡང་བྱེད་པའི་ངེས་པ་མ་མཆིས་པས་ཉེས་པའི་གསོག་ལྡང་སོགས་ནི་བལྟོས་བཅས་ ཡིན་པར་ཤེས་པ་ནི་གལ་ཆེ་བ་ཡིན་ནོ། དེ་བཞིན་དུ་མཁྲིས་པ་གསོག་ལྡང་ཞི་གསུམ་གྱི་དུས་ལའང་(རྒྱུད་)ལས། དབྱར་དུས་སྣུམ་བསིལ་མཁྲིས་གསོག་ལྡང་མི་འགྱུར། སྣུམ་དྲོས་སྟོན་ལྡང་ དགུན་སྟོད་བསིལ་བས་ཞི། ཞེས་གསུངས་པ་ལྟར་དབྱར་དུས་སྣུམ་པ་ལ་སོགས་པའི་ཡུལ་དང་། ལུས་དང་། ཟས་སྤྱོད་ཀུན་འཛོམས་པས་མཁྲིས་པ་ རང་གནས་སུ་འཕེལ་བར་བྱེད་ཀྱང་། ཆར་རླུང་བསིལ་བས་མངོན་སུམ་དུ་ལྡང་བའི་གེགས་བྱས་ཏེ་སྟོབས་ཇེ་ཞན་དུ་བཏང་བས་མཁྲིས་པ་གསོག་པ་ ཡིན་གྱི་ལྡང་བར་མི་འགྱུར་ལ། དེ་ཡང་སྣུམ་དྲོ་རྣོ་བ་སོགས་ཀྱི་ཡོན་ཏན་དང་ལྡན་པའི་སྟོན་ཀའི་དུས་སུ་མཁྲིས་པའི་མཚན་ཉིད་དང་ཆོས་མཐུན་པས་ ལྡང་ལ། དགུན་སྟོད་ཀྱི་དུས་དེར་བསིལ་བ་ལ་སོགས་པ་མཁྲིས་པའི་མཚན་ཉིད་དང་ཆོས་མི་མཐུན་པའི་ཡོན་ཏན་དང་ལྡན་པའི་དབང་གིས་ཞི་བར་ འགྱུར་བ་ཡིན་ནོ། ཡང་(རྒྱུད་)ལས། དགུན་སྨད་བསིལ་སྣུམ་ལྕི་བས་བད་ཀན་གསོག བསྒོངས་པས་ལྡང་མིན་དཔྱིད་དུས་ཉི་མའི་འོད། དྲོ་བས་ལྡང་ཞིང་སོས་ཀ་ཡང་ རྩུབ་ཞི། ཞེས་གསུངས་ཏེ། དགུན་སྨད་ཀྱི་དུས་སུ་ཕྱི་ཡུལ་དང་ནང་འགྲོ་བའི་ལུས་གཉིས་ཀ་བསིལ་སྣུམ་ལྕི་རྟུལ་སོགས་ཀྱི་རང་བཞིན་དུ་གྱུར་པ་ལ། མི་རྣམས་ཀྱིས་ཀྱང་བསིལ་སྣུམ་ལྕི་རྟུལ་སོགས་ཀྱི་མཚན་ཉིད་དང་ལྡན་པའི་ཟས་དང་སྤྱོད་ལམ་བསྟེན་པར་གྱུར་པས་བད་ཀན་རང་གནས་སུ་གསོག་ པར་བྱེད་པ་ཡིན་གྱི། དེའི་དུས་སུ་ནམ་ཟླ་ལྷག་པར་གྲང་བས་ཆུ་འཁྱགས་རོམ་དུ་སོང་བའམ་ཞུན་མར་འཁྱགས་ནས་གོང་བུར་འདྲིལ་བ་བཞིན་དུ་ བད་ཀན་བསྒོངས་པས་དངོས་སུ་ལྡང་བ་མ་ཡིན་ལ། བསྒོངས་པ་དེ་དཔྱིད་ཀའི་དུས་ཀྱི་ཉི་མའི་འོད་ཤིན་ཏུ་དྲོ་བས་གོང་བུ་བཤིག་ནས་ནད་དུ་ལྡང་ ཞིང་། ལངས་པ་དེ་ཡང་སོས་ཀ་ཡང་ལ་རྩུབ་པ་སོགས་བད་ཀན་གྱི་མཚན་ཉིད་དང་ཆོས་མི་མཐུན་པའི་ཡོན་ཏན་གྱི་དབང་གིས་ཞི་བར་འགྱུར་བའོ། གཞན་ཡང་(མན་ངག་རྒྱུད་)ཀྱི་རིམས་ནད་གསོ་བའི་སྐབས་སུ། རིམས་ཞེས་བྱ་བའི་ནད་འབྱུང་རྒྱུ་རྐྱེན་ནི། ལྔ་བརྒྱ་དུས་ཀྱི་ཐ་མར་གྱུར་ཙ་ན། མི་ རྣམས་འདོད་པའི་དབང་གིས་ལོག་པར་སྤྱོད། སྔགས་པ་རྣམས་ནི་རྡོ་རྗེའི་ནང་དམེ་དར། དགེ་འདུན་བཙུན་པ་རྣམས་ནི་སྡེ་འཁྲུག་བྱེད། མུ་སྟེགས་ བན་བོན་རྣམས་ནི་ཟོར་ཁ་འཕེན། སྐྱེ་བོ་རྣམས་ནི་མནའ་ཐབ་ཤན་དམར་བྱེད། དེ་དུས་མ་མོ་མཁའ་འགྲོ་ཀུན་འཁྲུགས་ཏེ། ནད་ཀྱི་ཁ་རླངས་སྤྲིན་ དུ་ཆགས་པ་ལས། བལ་ནད་རྒྱུ་གཟེར་གག་ལྷོག་འབྲུམ་ནག་འབྱུང་། ཞེས་གསུངས་ཏེ། རིམས་ཞེས་བྱ་བའི་ནད་འདིའི་འབྱུང་རྐྱེན་ནི། ལྔ་བརྒྱ་ཕྲག་ བཅུའི་དུས་ཀྱི་ཐ་མ་ཞེས་རིམ་ཀྱིས་དམན་པའི་སྨད་ཆར་གྱུར་ཙ་ན། མི་རྣམས་ནི་རང་ཉིད་བདེ་འདོད་ཀྱི་དབང་གིས་དམ་པའི་ལམ་ལས་ལོག་པ་མི་ དགེ་བ་བཅུ་སོགས་སྤྱོད་ཅིང་། ཁྱད་པར་དུ་སངས་རྒྱས་ཀྱི་བསྟན་པ་ལ་སྤྱིར་མདོ་སྔགས་གཉིས་ལས། སྔགས་གསར་རྙིང་ལ་ཞུགས་པའི་སྔགས་པ་

རྣམས་ནི་རྡོ་རྗེའི་ཐེག་པར་ཞུགས་པའི་དམ་ཚིག་གཅིག་པ་ཡིན་པ་ལ་བླང་དོར་ནོར་ནས་གཅིག་གིས་གཅིག་ནང་ཁུལ་དུ་ལུས་སྲོག་ལ་གནོད་པའི་ དམེ་སོགས་དར་བ་དང་། མདོ་ལ་ཞུགས་པའི་དགེ་འདུན་བཙུན་པ་རྣམས་ནི་སོ་ཐར་གྱི་སྡོམ་པ་དང་ཐོས་བསམ་དོན་དུ་མི་གཉེར་བར་རང་རང་གི་ལྟ་ གྲུབ་སོགས་ཀྱི་སྡེ་ཚན་ཆེ་ཕྲ་རྣམས་ཕན་ཚུན་འཁྲུགས་པར་བྱེད། གཞན་ཡང་ཕྱི་རོལ་མུ་སྟེགས་པ་དང་བོད་ཀྱི་རྟོགས་ལྡན་དུ་ཁས་འཆེ་བའི་མཆོད་ གནས་གཉིས་ཏེ་བནྡེ་དང་བོན་པོ་སོགས་མངོན་སྤྱོད་འདོད་པ་རྣམས་ནི་བསྟན་ལ་གནོད་ཅིང་ཞིང་བཅུར་མ་བལྟོས་པར་རང་སྣང་ཕྲ་མོས་དྲག་པོའ་ི ལས་ལ་བསྐུལ་བའི་ཟོར་ཁ་འཕེན་རེས་བྱེད་པ་དང་། སྐྱེ་བོ་རྣམས་ཀྱིས་དཀོན་མཆོག་དང་ལྷ་འདྲེ་དཔང་བཙུགས་ཀྱི་མནའ་བོར་ནས་མནའ་ཟ་བ་ དང་། གནས་ཁྱད་པར་ཅན་དང་ཀླུ་གཉན་གནས་སར་དཀར་དམར་གྱི་ཐབ་གཞོབ་དང་། བཤན་དམར་ཞེས་སྲོག་གཅོད་ཤ་ཁྲག་འབག་བཙོག་གི་ལས་ བྱེད་པ་དར་བའི་དུས་སྲིད་པ་སྐྱེ་འཇིག་ལ་དབང་བའི་མ་མོ་དང་རྫུ་འཕྲུལ་གྱིས་མཁའ་ལ་འགྲོ་བའི་མཁའ་འགྲོ་ཀུན་འཁྲུགས་ཏེ། རིམས་གཙོ་བོར་གྱུར་ པའི་ནད་ཀྱི་ཁ་རླངས་མདོག་སེར་པོ་དམར་པོ་ནག་པོ་རྣམས་བཏང་བས་སྤྲིན་པ་ལྟར་ཆགས་པ་ལས་བསོད་ནམས་དམན་པའི་འགྲོ་བ་ལ་ཕོག་ཏེ་སེར་ པོ་ལས་བལ་ནད་དང་ཆམ་པ། དམར་པོ་ལས་རྒྱུ་གཟེར། ནག་པོ་ལས་གག་ལྷོག་དང་འབྲུམ་ནག་སོགས་དུས་སྙིགས་མ་ལ་རིམས་ནད་གྲངས་ཀྱིས་མི་ ལང་པ་འབྱུང་བར་བཤད་དོ། དེ་དང་ཆ་འདྲ་བར་རིམས་ནད་འབྱུང་བའི་རྒྱུ་རྐྱེན་ནི་(རྒྱུད་)ལས། གཞན་ཡང་དུས་བཞིའི་དམན་ལྷག་ལོག དྲག་ཤུལ་དྲི་དུག་ཁྲོ་འཇིགས་མྱ་ངན་ འདོད། ཁ་ཟས་མ་སྙོམས་པ་ཡིས་རིམས་སུ་འགྱུར། ཞེས་གསུངས་ཏེ། གཞན་ཡང་དབྱར་དགུན་སྟོན་དཔྱིད་དེ་ནམ་ཟླ་དུས་བཞིའི་འབྱུང་བ་དམན་ ལྷག་ལོག་པ་དང་། ལུས་ངག་གི་སྤྱོད་ལམ་དྲག་ཤུལ་བྱས་པའི་རིགས་དང་། ནད་དེ་ན་ནས་ཡུན་སོང་ནད་དྲིས་འགོས་པ་དང་། འབྱུང་པོའ་ི དུག་གི་ ཟེར་ཕོག་པ་དང་། རྒྱུད་ལ་ཞེ་སྡང་དྲག་པོ་སྐྱེས་པས་ཁྲོ་བ་དང་། སེམས་ཞུམ་པའི་དབང་གིས་འཇིགས་ཤིང་སྐྲག་པ་དང་། ཡིད་གཅུགས་སོགས་དང་ བྲལ་བས་མྱ་ངན་གྱིས་སེམས་གདུངས་པ་དང་། ཡུལ་ཡིད་དུ་འོང་བ་ལ་ལྷག་པར་འདོད་ཅིང་ཆགས་པའི་རྐྱེན་དང་། ཁ་ཟས་བསིལ་དྲོད་འགྲངས་ ལྟོགས་སོགས་ལ་སྙོམས་ཤིང་ལུས་ཁམས་དང་མི་མཐུན་པ་དེ་ཡི་དབང་གིས་འབྱུང་བ་འཁྲུགས་པའི་རིམས་སུ་འགྱུར་བར་བཤད་དེ། དེང་སང་ཆོས་ བཞིན་མི་སྤྱོད་པ་དང་བསམ་པ་གདོན་གྱིས་བརླམས་ཏེ་འཁྲུག་རྩོད་ཁོ་ནར་འབད་པའི་འཛམ་གླིང་གི་ཡུལ་གྲུ་འགའ་ཞིག་ཏུ་ནད་ཡམས་རྒྱུན་མི་ འཆད་པར་འབྱུང་བའང་ང་ཚོ་ཚང་མའི་མཐོང་སྣང་དུ་གྱུར་པ་འདི་ལགས་སོ།

ཡང་(མན་རྒྱུད་)ཀྱི་ཀླུ་གདོན་གསོ་བའི་སྐབས་སུ། ལན་ཅིག་ལྔ་བརྒྱ་ཐ་མའི་དུས་ཚོད་དུ། བསྐལ་པའི་ཆ་ཉམས་འབྱུང་བའི་བཅུད་ཤོར་བས། མི་རྣམས་ ཟ་ཐང་བྲི་ནས་དབུལ་པོར་འགྱུར། ས་གཉན་རློག་ནས་སྤང་ཐང་ཞིང་དུ་འདྲུ། ཆུ་གཉན་དཀྲུགས་ནས་ནེའུ་གསིང་རྫིང་དུ་བསྐྱིལ། ཤིང་གཉན་འདེགས་ ཅིང་རྡོ་གཉན་རྩ་བ་འདེགས། མི་གཙང་ཐབ་གཞོབ་ཤན་དམར་འཇོལ་ཉོག་སྤྱོད། བན་བོན་ནུས་པ་སྒྲུབ་པའི་ལོང་མེད་ནས། གཉན་ས་དཀྲུགས་པས་ དགྲ་རྣམས་ཐུལ་ལ་རེད། དེ་ཚེ་ཀླུ་གཉན་ས་བདག་ལྷ་སྲིན་འཁྲུགས། རེག་མཐོང་ཁ་རླངས་བསམ་པའི་དུག་འཕྲོས་པས། ཙི་ཏི་ཛ་ལ་འབར་བའི་བསྐལ་ པ་དར། མཐོང་བས་སྐྱུག་བྲོ་བསམ་པས་སྐྱི་འཇིགས་ཤིང་། ཐོས་ན་ཡ་ང་རང་རོ་རང་གིས་མཐོང་། ཚེ་འདིའི་གཉེན་འདུན་ཀུན་དང་གསོན་འབྲལ་བྱེད། དེ་འདྲའི་ནད་ཀྱི་གསོ་ཐབས་ངས་བསྟན་གྱིས། དྲང་སྲོང་ཆེན་པོ་མ་ཡེངས་གུས་པས་ཉོན། ཞེས་པ་རང་ཅག་རྣམས་འཚོ་ཞིང་གནས་པའི་འཇིག་རྟེན་ འདི་གཏོར་བརླག་དང་མི་གཙང་བར་བཟོས་པས་ཡ་ང་བའི་ནད་རིགས་སྣ་ཚོགས་འབྱུང་བར་བསྟན་ནོ། ༢ ངོས་བཟུངས་རྟགས་དང་སྐྱེ་ཁམས་རིག་པ། ནམ་ཟླ་དུས་བཞིའི་རྩ་དང་འབྲེལ་བའི་སྐོར།

(རྒྱུད་)ལས། དུས་བཞི་ཁམས་ལྔའི་འབྱུང་བ་བརྩི་བ་ནི། དང་པོ་དུས་དོན་ཁམས་དང་རྩ་རུ་སྦྱར། མ་བུ་དགྲ་གྲོགས་བཞི་ཡིས་སྐོར་འགོ་བརྩི། ཞེས་ གསུངས་ཏེ། དུས་བཞི་ཁམས་ལྔའི་འབྱུང་བ་བརྩི་བ་ནི་འདི་ལྟ་སྟེ། དང་པོ་གང་སྔོན་དུ་འགྲོ་བ་ཕྱི་ནམ་ཟླ་དུས་བཞི་དང་། ནང་དོན་ལྔ། གསང་བ་ ཁམས་རྣམས་དང་། དེ་གསུམ་གྱི་རང་བཞིན་རྩ་རུ་སྦྱར་བའི་ཚུལ་རིམ་བཞིན་འགོད་པ་ལ། དཔྱིད་དང་དབྱར་སྟོན་དགུན་བཞི་དུས་མཚམས་ལྔ། ཞེས་ འབྱུང་བ་ལྟར་དུས་དོན་ཁམས་དང་རྩ་རུ་སྦྱར་བ་ལ་དཔྱིད་ཤིང་ཁམས་མཆིན་རྩ་བཤད་པ་དང་། དབྱར་མེ་ཁམས་སྙིང་རྩ་བཤད་པ། སྟོན་ལྕགས་ ཁམས་གློ་རྩ་བཤད་པ། དགུན་ཆུ་ཁམས་མཁལ་རྩ་བཤད་པ། མཚམས་བཞི་ས་ཁམས་མཚེར་རྩ་བཤད་པ་བཅས་ལྔའོ། (༡) དཔྱིད་ཤིང་ཁམས་མཆིན་རྩའི་ཁྱད་ཆོས།

(རྒྱུད་)ལས། དཔྱིད་ཟླ་གསུམ་ནི་ཤིང་རྩ་ཁ་འབུས་དུས། རྟ་པ་དབོ་དང་ནག་པས་ནམ་ཚོད་འཛིན། བྱེའུ་ཅོ་ག་རང་སྐད་འབྱིན་པའི་དུས། བདུན་ཅུ་ རྩ་གཉིས་ཤིང་ཁམས་མཆིན་རྩ་རྒྱུ། ཅོ་གའི་སྐད་ལྟར་ཕྲ་ལ་གྲིམས་པར་འཕར། ལྷག་པ་བཅོ་བརྒྱད་ས་ཁམས་མཚེར་རྩ་རྒྱུ། ཞེས་གསུངས་ཏེ། དེ་ཡང་ དཔྱིད་ཀྱི་ཟླ་བ་གསུམ་ནི་ས་མི་འགྱུར་བའི་རྟག་སུ་ཤིང་རྩི་ཁ་འབུས་པ་དང་། གནམ་མི་འགྱུར་བའི་རྟགས་སུ་སྐར་མ་རྟ་པ་དང་དབོ་དང་ནག་པ་ གསུམ་གྱིས་ནམ་ཚོད་འཛིན་པ་སྟེ་བོད་ཟླ་དང་པོར་སྐར་མ་རྟ་པ། གཉིས་པར་དབོ། གསུམ་པ་ནག་པ་བཅས་ཀྱིས་ཟླ་འདི་དག་གི་ཉ་སྐར་བྱས་ནས་ སྐར་མ་དེ་དང་དེ་སར་བ་ན་མཚན་གྱི་ཐོག་མ་ཟུག་ལ་ནུབ་པ་དང་ནམ་ལངས་པ་འབྱུང་བའི་ཕྱིར་རོ། བར་མི་འགྱུར་བའི་རྟགས་སུ་བྱེའུ་ཅོ་ག་རྣམས་ ནམ་མཁའ་ལ་འཕུར་རྩལ་སྦྱོང་ཞིང་རང་སྐད་འབྱིན་པར་བྱེད་པའི་དུས་ཡིན་ལ། དེ་ལྟར་དཔྱིད་ཀྱི་ཟླ་བ་གསུམ་ལ་ཞག་དགུ་བཅུ་ཡོད་པ་ལས་རག་ རྩིས་སུ་དཔྱིད་རྭ་བོད་ཟླ་དང་པོའ་ི ཚེས་གཅིག་ནས་འགོ་བརྩམས་ཏེ་ཞག་བདུན་ཅུ་རྩ་གཉིས་བར་དུ་ཤིང་ཁམས་མཆིན་པའི་རྩ་རྒྱུ་བའི་དུས་ཡིན་ཏེ་ ཤིང་ཁམས་ཀྱི་རྩ་འདི་དར་བའི་རང་དུས་ཡིན་ནོ། ཤིང་ཁམས་མཆིན་རྩ་དར་བའི་དུས་དེའི་རྩའི་འཕར་ལུགས་ནི་དཔེར་ན་བྱེའུ་ཅོ་གའི་སྐད་ལྟར་ཕྲ་ ལ་གྲིམས་པར་འཕར་བ་ཞིག་འོང་བ་ཡིན་ནོ། ཞག་དོན་གཉིས་པོ་དེའི་ལྷག་པ་བཅོ་བརྒྱད་པོ་ནི་ས་ཁམས་མཚེར་བའི་རྩ་རྒྱུ་བའི་དུས་སུ་ཤེས་པར་བྱའོ། (༢) དབྱར་མེ་ཁམས་སྙིང་རྩའི་ཁྱད་ཆོས།

ཡང་(རྒྱུད་)ལས། དབྱར་ཟླ་གསུམ་ནི་འདབ་རྒྱས་ཆར་གྱི་དུས། ས་ག་སྣོན་དང་ཆུ་སྟོད་ནམ་ཚོད་འཛིན། བྱ་ཡི་རྒྱལ་པོ་ཁུ་བྱུག་སྐད་འབྱིན་དུས། བདུན་ ཅུ་རྩ་གཉིས་མེ་ཁམས་སྙིང་རྩ་རྒྱུ། ཁུ་བྱུག་སྐད་ལྟར་སྦོམ་ལ་རིང་བར་འཕར། ལྷག་མ་བཅོ་བརྒྱད་ས་ཁམས་མཚེར་རྩ་རྒྱ། ཞེས་གསུངས་ཏེ། དབྱར་ ཟླ་གསུམ་སྟེ་བོད་ཟླ་བཞི་བ་དང་ལྔ་བ་དྲུག་པ་གསུམ་ལ་ས་མི་འགྱུར་བའི་རྟགས་སུ་རྩྭ་དང་རྩི་ཤིང་སོགས་ཀྱི་ལོ་འདབ་རྒྱས་ཤིང་ཆར་འབབ་པ་དང་ ། གནམ་མི་འགྱུར་བའི་རྟགས་སུ་སྐར་མ་ས་ག་དང་། སྣོན་དང་། ཆུ་སྟོད་བཅས་ཀྱིས་རིམ་པ་བཞིན་ཟླ་བ་དེ་དག་གི་ཚེས་བཅོ་ལྔའི་ནམ་དང་འགྲོགས་ ནས་སྲོད་ནམ་གུང་ཐོ་རངས་སོགས་ཚོད་འཛིན་པ་དང་། བར་མི་འགྱུར་བའི་རྟགས་སུ་བྱ་ཡི་རྒྱལ་པོ་ཁུ་བྱུག་གིས་རང་སྐད་འབྱིན་པའི་དུས་ཡིན་ལ། དེའི་ཚེ་བོད་ཟླ་བཞི་བའི་ཚེས་གཅིག་ནས་བརྩིས་པའི་ཞག་ལ་བདུན་ཅུ་རྩ་གཉིས་ཀྱི་རིང་ལ་མེ་ཁམས་སྙིང་རྩ་རྒྱུ་བ་སྟེ། ཕྱི་དུས་ཀྱི་འགྱུར་བས་འབྱུང་ བ་མེ་ཡི་ཁམས་དར་བ་དང་ནང་མིའི་ལུས་ཁམས་ཀྱི་འབྱུང་བ་ཡང་མེ་ཁམས་དར་བའི་དུས་ཡིན་ནོ། མེ་ཁམས་སྙིང་གི་རྩ་དེའི་འཕར་ལུགས་ནི་བྱ་ རྒྱལ་ཁུ་བྱུག་གིས་སྐད་འབྱིན་པ་ལྟར་རྩ་རྒྱུད་སྦོམ་ལ་རིང་བར་འཕར་བ་ཞིག་འབྱུང་བ་དང་། དེའི་ལྷག་མ་བཅོ་བརྒྱད་པོ་ནི་ས་ཁམས་མཚེར་རྩ་དར་ ཞིང་རྒྱུ་བའི་དུས་ཡིན་ནོ། (༣) སྟོན་ལྕགས་ཁམས་གློ་རྩའི་ཁྱད་ཆོས།

(རྒྱུད་)ལས། སྟོན་ཟླ་གསུམ་ནི་རྩི་ཐོག་སྨིན་པའི་དུས། གྲོ་ཞུན་ཁྲུམས་སྟོད་དབྱུག་པས་ནམ་ཚོད་འཛིན། བྱེའུ་འུར་པ་གཤོག་སྒྲ་འབྱིན་པའི་དུས། བདུན་ ཅུ་རྩ་གཉིས་ལྕགས་ཁམས་གློ་རྩ་རྒྱ། བྱིད་པོའ་ི སྐད་ལྟར་ཐུང་ལ་རྩུབ་པར་འཕར། ལྷག་པ་བཅོ་བརྒྱད་ས་ཁམས་མཆེར་རྩ་རྒྱ། ཞེས་གསུངས་ཏེ། སྟོན་ཟླ་ གསུམ་སྟེ་བོད་ཟླ་བདུན་པ་དང་བརྒྱད་པ། དགུ་བ་གསུམ་པོར་ས་མི་འགྱུར་བའི་རྟགས་སུ་རྩི་ཤིང་ལོ་ཏོག་ལ་སོགས་པའི་འབྲས་བུ་སྨིན་པའི་དུས་ཡིན་ ལ། གནམ་མི་འགྱུར་བའི་རྟགས་སུ་སྐར་མ་གྲོ་ཞུན་དང་། ཁྲུམ་སྟོད། དབྱུག་པ་གསུམ་གྱིས་ནམ་གྱི་ཚོདའཛིན་པ་དང་། བར་མི་འགྱུར་བའི་རྟགས་སུ་ བྱེའུ་འུར་པ་སྟེ་ཆ་ག་པ་ལ་སྟོན་དུས་གཤོག་པ་སྐྱེས་ནས་ནམ་མཁར་ཚར་ཚར་གྱི་སྒྲ་འབྱིན་པའི་དུས་ཏེ། བོད་ཟླ་བདུན་པའི་ཚེས་གཅིག་ནས་བརྩིས་ པའི་ཞག་མ་བདུན་ཅུ་རྩ་གཉིས་ཀྱི་རིང་ལ་ལྕགས་ཁམས་གློ་བའི་རྩ་རྒྱུ་ལ། ལྕགས་ཁམས་གློ་བའི་རྩ་དེའི་འཕར་ལུགས་ནི་བྱིད་པོ་སྟེ་ཆ་ག་པའི་སྐད་ ལྟར་ཐུང་ལ་རྩུབ་པར་འཕར་བ་དང་། དེའི་ལྷག་མ་བཅོ་བརྒྱད་པོ་ལ་ནི་ཁམས་མཚེར་པའི་རྩ་རྒྱུ་བ་ཡིན་ནོ། (༤) དགུན་ཅུ་ཁམས་མཁལ་རྩའི་ཁྱད་ཆོས།

(རྒྱུད་)ལས། དགུན་ཟླ་གསུམ་ནི་ས་ཆུ་འཁྱུགས་སྒང་དུས། སྨིན་དྲུག་མགོ་རྒྱལ་གསུམ་གྱིས་ནམ་ཚོད་འཛིན། ཤ་བ་ནག་པོ་ངུ་སྐད་འདོན་པའི་དུས། བདུན་ཅུ་རྩ་གཉིས་ཆུ་ཁམས་མཁལ་རྩ་རྒྱུ། མཐིང་རིལ་སྐད་ལྟར་འཇམ་ལ་དལ་བར་འཕར། ལྷག་མ་བཅོ་བརྒྱད་ས་ཁམས་མཆེར་རྩ་རྒྱ། ཞེས་གསུངས་ པ་ལྟར་དགུན་ཟླ་གསུམ་སྟེ་བོད་ཟླ་བཅུ་བ་དང་བཅུ་གཅིག་པ། བཅུ་གཉིས་པ་གསུམ་པོ་ལ་ནི་ས་མི་འགྱུར་བའི་རྟགས་སུ་ས་དང་ཆུ་རྣམས་འཁྱགས་ ཤིང་སྒོང་པའི་དུས་ཡིན་པ་དང་། གནམ་མི་འགྱུར་བའི་རྟགས་སུ་དགུན་ཟླ་རྭ་བ་སྟེ་བོད་ཟླ་བཅུ་བ་སོགས་གསུམ་པོར་རིམ་བཞིན་སྐར་མ་སྨིན་དྲུག་ དང་མགོ་རྒྱལ་བཅས་ཀྱིས་ནམ་ཚོད་འཛིན་པ་དང་། བར་མི་འགྱུར་བའི་རྟགས་སུ་སྲོག་ཆགས་ཤ་བ་ནག་པོས་ངུས་སྐད་འདོན་པའི་དུས་ཏེ། སྐབས་ དེར་ཤ་བའི་ཤ་ཤེད་རྒྱས་ཏེ་ཚིལ་འཕེལ་ནས་མཚན་མ་ཚིལ་གྱིས་གཏུམས་པ་དང་། ཤ་བ་སྦྱོར་བ་བྱེད་པའི་དུས་ཡིན་པས་ཤ་ཕོ་རྣམས་སྦྱོར་བ་བྱེད་པར་ བརྩམ་པ་ན། མཚན་མ་ཕྱིར་ཕྱུང་མ་ཐུབ་པའི་སྡུག་བསྔལ་གྱིས་ངུ་སྐད་འདོན་པའོ། བོད་ཟླ་བཅུ་པའི་ཚེས་གཅིག་ནས་བརྩིས་པའི་ཞག་པོ་བདུན་ཅུ་དོན་གཉིས་ཀྱི་རིང་ལ་ཆུ་ཁམས་མཁལ་མའི་རྩ་རྒྱུ་བ་ཡིན་ཏེ། ཆུ་ཁམས་མཁལ་མའི་ རྩ་དེའི་འཕར་ལུགས་ནི་ཆུ་བྱ་མཐིང་རེལ་གྱི་སྐད་འབྱིན་པ་ལྟར་འཇམ་ལ་དལ་བར་འཕར་བ་དང་། དེའི་ལྷག་མ་བཅོ་བརྒྱད་པོ་ལ་ནི་ས་ཁམས་ མཚེར་བའི་རྩ་རྒྱ་བ་ཡིན་ནོ། (༥) མཚམས་བཞི་ས་ཁམས་མཆེར་རྩའི་ཁྱད་ཆོས།

(རྒྱུད་)ལས། ཉི་མ་གང་ལྡོག་དབྱར་དགུན་འབྲིང་པོར་བརྩི། དུས་མཚམས་བཅོ་བརྒྱད་ཕྲག་བཞི་བདུན་ཅུ་གཉིས། ས་ཁམས་མཚེར་རྩ་དར་ཤིང་རྒྱུ་ དུས་དེར། ནས་ཟན་སྐད་ལྟར་ཐུང་ལ་འཇམ་པར་འཕར། ཞེས་གསུངས་པ་ལྟར་དཔྱིད་ལ་སོགས་པའི་དུས་བཞི་ཡི་དུས་མཚམས་དབྱེ་ལུགས་དང་། ལོ་ མགོ་འཛིན་ཚུལ་ལ་མདོ་རྒྱུད་དང་ནག་རྩིས་སོགས་ཀྱི་ལུགས་མི་འདྲ་བ་མང་དུ་ཡོད་ཀྱང་། གསོ་དཔྱད་ཀྱི་ལུགས་འདིར་ནི་ཉི་མ་གང་དུ་ལྡོག་པའི་ཟླ་ བ་དེ་དབྱར་འབྲིང་པོ་དང་དགུན་འབྲིང་པོར་བརྩི་བ་ལ་འཆུག་པ་མེད་པར་བྱས་པས་ན་མཆུ་ཟླ་དཔྱིད་རྭ་བོད་ཟླ་དང་པོ་ནས་ལོ་མགོ་འཛིན་པ་འདི་ ཡིན་ནོ། དེ་ལྟར་དཔྱིད་ལ་སོགས་པའི་ཞག་དོན་གཉིས་པོའ་ི ལྷག་པ་དུས་མཚམས་ཀྱི་ཞག་བཅོ་བརྒྱད་ཕྲག་བཞི་བསྡོམས་པས་ཞག་དོན་གཉིས་པོ་ལ་ ས་ཁམས་མཚེར་པའི་རྩ་དར་ཞིང་རྒྱུ་བའི་དུས་དེར་ས་ཁམས་མཚེར་རྩའི་འཕར་ལུགས་བྱེའུ་ནས་ཟན་སྟེ་བོད་མཆིལ་གྱི་སྐད་ལྟར་ཐུང་ལ་འཇམ་པར་ འཕར་བ་ཡིན་ནོ། དེ་ཡང་ཉིན་ཞག་དང་ཚེས་ཞག ཁྱིམ་ཞག་གསུམ་རིང་ཐུང་མི་མཉམ་པའི་དབང་གིས་ཚེས་ཀྱི་ཆེད་ལྷག་དང་ཟླ་བཤོལ་འབྱུང་བས་ན་ཞིབ་པར་ནི་ གསེར་རྩིས་ཀྱི་རི་མོ་ལས་ཤེས་དགོས་པ་ཡིན་ཏེ། དཔྱིད་ལ་སོགས་པའི་དུས་བཞིའི་ཞག་མ་བདུན་ཅུ་དོ་གཉིས་གསུངས་པའི་དུས་རྩ་རྒྱུ་བའི་དུས་སོ་ སོའ་ི བརྩི་ལུགས་ནི། དུས་བཞི་སོ་སོའ་ི ཟླ་བ་རྭ་བའི་དབུགས་ཐོབ་ཤར་བའི་ཉིན་དེ་ནས་བཟུང་སྟེ་མཆིན་རྩ་སོགས་རང་རང་གི་དུས་རྩ་རྒྱུ་བའི་དུས་ སུ་བརྩི་བ་དང་། དཔྱིད་ལ་སོགས་པའི་དུས་བཞི་སོ་སོའ་ི ས་བདག་ས་རྒྱལ་འཆར་བའི་དུས་དེར་ས་ཁམས་མཚེར་རྩ་རྒྱུ་བའི་དུས་ཡིན་ཏེ། ཕྱི་དུས་ཀྱི་ དབང་གིས་ས་རྒྱལ་ཤར་བ་དང་། ནང་མི་ཡི་ལུས་ཁམས་ལའང་དཔྱིད་སོགས་དུས་སོ་སོའ་ི མཇུག་གི་ཞག་མ་བཅོ་བརྒྱད་ལ་ངེས་པར་ས་ཁམས་མཚེར་ རྩ་རྒྱུ་བ་ཡིན་ནོ། དེ་ལྟར་ཕྱི་དུས་ཀྱི་འགྱུར་བའི་དབང་གིས་ནང་མིའི་ལུས་ཁམས་ཀྱི་འབྱུང་བའི་ཁམས་ཀྱང་ཤས་ཆེ་ཆུང་དང་། དར་རྒུད་ཀྱི་ཁྱད་པར་འབྱུང་བ་ནི་ཇི་

སྐད་དུ། ཇི་ལྟར་ཕྱི་རིལ་ཇི་བཞིན་ནང་། ཞེས་པ་ལྟར་ཕྱི་ནང་གི་འབྱུང་བའི་དར་རྒུད་གཅིག་ཏུ་བྱུང་བ་ལས་དེ་ལྟར་འཕོ་འགྱུར་འགྲོ་བ་ཡིན་ནོ། ༣ གསོ་བྱེད་ཐབས་དང་སྐྱེ་ཁམས་རིག་པ།

དེ་ཡང་(རྒྱུད་)ལས། ནད་ལ་གསོ་བར་བྱེད་པའི་གཉེན་པོ་ནི། ཟས་དང་སྤྱོད་ལམ་སྨན་དཔྱད་བཞི་ཡིན་ཏེ། ཞེས་གསུངས་པ་ལྟར་སྤྱིར་ནད་གསོ་བར་ བྱེད་པའི་ཐབས་ལ་དཔག་ཏུ་མེད་པ་ཞིག་ཡོད་མོད་ཀྱང་། ཟས་དང་སྤྱོད་ལམ་སྨན་དཔྱད་བཞི་རུ་མ་འདུས་པ་མེད་པས་(རྒྱུད་)ལས། གསོ་བྱེད་གཉེན་ པོ་སྟོང་དང་རྩ་གཉིས་ཏེ། མདོ་རུ་བསྡུས་པས་སྨན་དཔྱད་ཟས་སྤྱོད་བཞི། སྨ་ལ་ཞི་སྦྱང་ཞི་ལ་བསིལ་དྲོད་གཉིས། སྦྱོང་བྱེད་ཀུན་ལ་དྲག་དང་འཇམ་ པ་གཉིས། དཔྱད་ལ་འཇམ་རྩུབ་ཟས་ལ་ཕན་གནོད་གཉིས། སྤྱོད་ལམ་དྲག་དལ་ཟས་སྨན་སྤྱིར་འགྲོའ།ོ དེ་ལྟར་གཉེན་པོ་བཅུ་ཡིས་ནད་ཀུན་འཇོམས། ཞེས་གསུངས་པ་ལྟར་ཤེས་དགོས་སོ། (༡) བྱ་བ་སྤྱོད་ལམ་དང་འབྲེལ་བའི་སྐོར།

སྤྱིར་སྤྱོད་ལམ་ཐམས་ཅད་སྒོ་གསུམ་གྱི་སྤྱོད་ལམ་དུ་མ་འདུས་པ་མེད་དེ། (རྒྱུད་)ལས། ལུས་ཀྱི་ལས་ནི་ལུས་ངག་ཡིད་དང་གསུམ། དགེ་དང་མི་དགེ་ ལུང་མ་བསྟན་ལ་སྤྱོད། ཅེས་གསུངས་པ་ལྟར་ཡིན་ལ། དེ་ཡང་ལུས་ངག་ཡིད་གསུམ་གྱི་སྤྱོད་ལམ་མཐུན་མི་མཐུན་དང་ལེགས་ཉེས་ལས་ནད་སྐྱེད་པ་ དང་འཇོམས་པར་འགྱུར་ཞིང་། དེས་ན་སྤྱོད་ལམ་ཚུལ་བཞིན་བསྟེན་པ་ནད་མེད་བདེ་བར་གནས་པའི་ཐབས་དམ་པ་ཡིན་ནོ། དེ་ལ་ཡང་དུས་རྒྱུན་ དུ་སྤྱོད་པའི་སྤྱོད་ལམ་སྤང་བླང་དང་། ནམ་ཟླའི་དུས་དང་བསྟུན་པའི་སྤྱོད་ལམ། གནས་སྐབས་དེ་དང་དེར་སྤྱོད་པའི་སྤྱོད་ལམ་བཅས་རྣམ་པ་གསུམ་ དུ་རྒྱུད་དུ་རྒྱས་པར་བསྟན། སྐབས་འདིར་ཕྱིའི་འབྱུང་བའི་འཕེལ་འགྲིབ་ཀྱི་དུས་དང་བསྟུན་ནས་ལུས་ངག་ཡིད་གསུམ་གྱི་སྤྱོད་ལམ་ཇི་ལྟར་བྱ་ཚུལ་ ཅུང་རྒྱས་པར་སྤྲོ་ན། ལོ་གཅིག་ལ་ཉི་མ་ལྷོ་བྱང་བགྲོད་པ་གཉིས་ཡོད་པ་དང་། དེ་དག་ཀྱང་ཕྱིའི་འབྱུང་བའི་འགྱུར་ལྡོག་ལས་དུས་ཀྱི་ཁྱད་ཆོས་སོ་སོར་ འབྱུང་སྟེ་(རྒྱུད་)ལས། དེ་ལ་དགུན་ཟླ་ཐ་ཆུང་ལ་སོགས་པ། ཉི་མ་བྱང་དུ་འགྲོ་བའི་དུས་ཀྱི་ཚེ། ཤིན་ཏུ་རྣོ་ཚ་རྩུབ་པའི་ངོ་བོར་འགྱུར། རླུང་དང་ཉི་མ་ དག་གི་ནུས་སྟོབས་ཀྱིས། ཟླ་བ་ས་ཡི་ཡོན་ཏན་ཟད་པར་བྱེད། འདིར་ནི་ཚ་བསྐ་ཁ་བའི་རོ་སྟོབས་ཆེ། མི་རྣམས་ཀྱི་ནི་མཐུ་སྟོབས་ཉིན་རེ་འཕྲོག ཅེས་ གསུངས་ཏེ་དགུན་ཉི་མ་ལོག་མ་ཐག་པའི་དགུན་ཟླ་ཐ་ཆུང་ལ་སོགས་པ་ཉི་མ་བྱང་དུ་འགྲོ་བའི་ཡུན་དབྱར་ཉི་མ་ལོག་བར་གྱི་ཟླ་བ་དྲུག་གི་རིང་ལ་ དུས་ཀྱི་འགྱུར་བའི་དབང་གིས་ཕྱི་ནང་འབྱུང་བའི་ཁམས་ཀྱང་ཤིན་ཏུ་རྣོ་ལ་ཚ་ཞིང་རྩུབ་པའི་ངོ་བོར་འགྱུར་པ་ཡིན་ཏེ། རླུང་དང་ཉི་མ་དག་གི་ནུས་ སྟོབས་འཕེལ་བའི་དབང་གིས་ཟླ་བ་ས་ཡི་རང་བཞིན་ཅན་གྱི་ཡོན་ཏན་བསིལ་ལ་སྣུམ་པ་སོགས་འཇོམས་ཤིང་ཟད་པར་བྱེད་པ་ཡིན་པས་དུས་འདི་ དག་རིང་ལ་ཟས་སྐོམ་ལ་སོགས་པའི་རོ་ཡང་རྩ་བ་དང་ཁ་བ་དང་བསྐ་བ་སྟེ། ལུས་ཁམས་འཚོ་བྱེད་ཀྱི་ནུས་སྟོབས་ཆུང་ལ་ཡོན་ཏན་དམན་པའི་རོ་ དེ་དག་གི་སྟོབས་ཆེ་བར་འཕེལ་བའི་རྐྱེན་གྱིས་མི་ལ་སོགས་པའི་འགྲོ་བ་རྣམས་ཀྱི་མཐུ་སྟོབས་ཀྱང་ཉིན་རེ་བཞིན་དུ་ཟད་ཅིང་འཕྲོག་པར་བྱེད་པ་ ཡིན་ལ། ཡང་(རྒྱུད་)ལས། ཆར་དུས་ལྷོ་ཕྱོགས་འགྲོ་ཚེ་སླར་སྟོབས་སྐྱེད། བསིལ་བ་ཟླ་བའི་སྟོབས་ལྡན་ཉི་མ་འབྲི། ཆར་བབས་རླུང་གིས་ས་སྟེང་ཚ་བ་ ཞི། སྐྱུར་དང་ལན་ཚ་མངར་བའི་རོ་སྟོབས་སྐྱེད། ཅེས་གསུངས་ཏེ། ཆར་གྱི་དུས་དབྱར་ཉི་མ་ལྷོ་ཕྱོགས་སུ་འགྲོ་བའི་ཚེ་ཆར་བབས་པའི་དུས་སུ་སླེབས་ པ་དང་ཉི་མ་ལྷོ་བགྲོད་མཐར་ཐུག་མ་སླེབས་ཀྱི་བར་གྱི་ཟླ་བ་དྲུག་གི་རིང་དེར་སྔར་ཉི་མ་བྱང་བགྲོད་ཀྱི་དུས་སུ་མི་རྣམས་ཀྱི་མཐུ་སྟོབས་ཟད་པ་རྣམས་ སླར་རིམ་བཞིན་སྟོབས་སྐྱེད་པར་འགྱུར་པ་དང་། ཕྱི་ནང་གི་འབྱུང་བའི་ངོ་བོ་ཡང་ས་ཆུའི་རང་བཞིན་ཟླ་བའི་སྟོབས་དང་ལྡན་ལ། ནུས་པ་རྣོ་ལ་ཚ་ ཞིང་རྩུབ་པའི་ཉི་མའི་རང་བཞིན་གྱི་སྟོབས་རྣམས་འབྲི་བར་འགྱུར་བའོ། དེའི་ཚེ་ས་སྟེང་ཆར་བབས་པའི་དབང་གིས་ཆར་རླུང་གི་བརླན་གཤེར་ དང་བསིལ་བའི་རང་བཞིན་གྱིས་ས་སྟེང་གི་ཚ་བ་ཞི་ནས་ཕྱི་ནང་འབྱུང་བའི་རོ་སྟོབས་ཀྱང་རོ་སྐྱར་བ་དང་ལན་ཚ་བ་དང་། མངར་བ་སྟེ་དང་པོའ་ི རོ་ གསུམ་གྱི་སྟོབས་ཤས་ཆེ་བར་སྐྱེ་བར་འགྱུར་པ་ཡིན་ནོ།། མདོར་ན་ཉི་མ་ལྷོ་བྱང་དུ་འགྲོ་བའི་བགྲོད་པ་གཉིས་ཀྱི་དུས་ཀྱི་འགྱུར་བའི་དབང་གིས་ཕྱི་ནང་འབྱུང་བའི་སྟོབས་ཀྱང་འཕེལ་འགྲིབ་འབྱུང་བ་དང་ ། དེའི་དབང་གིས་མི་ལ་སོགས་པའི་འགྲོ་བའི་ལུས་ཁམས་ཀྱི་སྟོབས་ཀྱང་འཕེལ་འགྲིབ་ཆེ་ཆུང་དུ་འགྱུར་ཏེ། དེ་ནི་ཇི་སྐད་དུ། ཇི་ལྟར་ཕྱི་རོལ་ཇི་ བཞིན་ནང་། ཞེས་པ་ལྟར་ཕྱི་ནང་སྣོད་བཅུད་ཀྱི་འབྱུང་བའི་འཕེལ་འགྲིབ་ཀྱང་མཐར་ཐུག་ངོ་བོ་བདག་ཉིད་གཅིག་ཏུ་གྱུར་པས་ཡིན་ལ། དེ་ཡང་སྤྱིར་ ན་རགས་པའི་དབང་དུ་དུས་དྲུག་གི་རིང་ལ་མི་རྣམས་ཀྱི་ལུས་སྟོབས་ཆེ་ཆུང་ནི། དགུན་སྟོད་དང་དགུན་སྨད་གཉིས་སུ་སྟོབས་ཆེ་ལ། སོས་ཀ་དང་ དབྱར་གྱི་དུས་སུ་སྟོབས་ཆུང་བ། སྟོན་ཁ་དང་དཔྱིད་ཀྱི་དུས་སུ་ལུས་སྟོབས་འབྲིང་དུ་འགྱུར་པ་ཡིན་ནོ།

དེ་ལྟར་གོང་དུ་བསྟན་པའི་བགྲོད་པ་གཉིས་ལས་ཅུང་ཟད་བྱེ་བྲག་ཕྱེ་སྟེ་ནམ་ཟླ་དགུན་སྟོད་སོགས་དུས་དྲུག་པོ་སོ་སོའ་ི ཆོས་ཉིད་དང་མཐུན་པའི་ སྤྱོད་ལམ་བསྟེན་ཚུལ་ནི། (རྒྱུད་)ལས། དགུན་སྟོད་གྲང་བས་བ་སྤུའི་སྒོ་བཀག་སྟེ། མེ་ཡི་སྟོབས་ལྡན་རླུང་གིས་སྦར་བ་ཡིས། ཟས་ཉུང་གྱུར་ན་ཁ་ཟས་ འབྲི་བའི་ཕྱིར། ཏིལ་མར་གྱིས་ཕྱུག་ཤ་ཁུ་སྣུམ་པ་བཟའ། ལྤགས་པའི་གོས་དང་ལྷམ་ནི་རྟག་ཏུ་བགོ། དུགས་དང་མེ་ཉིའི་འོད་ལ་རན་པར་བསྲོ། ས་ཡི་ ཁང་པ་ཉིས་རིམ་ནང་དུ་བསྡད། ཅེས་དང་། དགུན་སྨད་དུས་ན་ལྷག་པར་གྲང་བས་ན། དེ་ཡང་སྤྱོད་ལམ་འདི་ཉིད་སྤྱད་པར་བསྔགས། ཞེས་གསུངས་ པ་ལྟར་དགུན་སྟོད་ཀྱི་དུས་སུ་ཕྱི་ཡུལ་དུ་གྲང་ངར་ཤིན་ཏུ་ཆེ་བའི་དབང་གིས་མིའི་ལུས་ཀྱི་བ་སྤུའི་སྒོ་རྣམས་བཀག་སྟེ། ནང་ལུས་ཁམས་ཀྱི་དྲོད་ སྟོབས་དང་ལྡན་པར་གྱུར་ཅིང་། ལྷག་པར་དུ་མེ་མཉམ་རླུང་གིས་ཆེས་ཆེར་བུས་ཤིང་སྦར་བ་ཡིས་ནང་ཁོང་པའི་མེ་དྲོད་ཀྱི་སྟོབས་ཆེ་བར་གྱུར་པས་ དེའི་ཚེ་ཁ་ཟས་ཉུང་བར་གྱུར་པ་དྭངས་མ་ལ་སོགས་པའི་ལུས་ཟུངས་རྣམས་སྐེམ་ཞིང་བསྲེགས་པས་སྟོབས་འགྲིབ་བར་འགྱུར་རོ། དེའི་ཕྱིར་དུས་ འདིར་ལུས་ཟུངས་ཀྱི་སྟོབས་མི་ཟད་ཕྱིར་ཟས་སྐོམ་རོ་མངར་བ་དང་། སྐྱུར་བ། ལན་ཚ་བ་སྟེ་དང་པོའ་ི རོ་གསུམ་བསྟེན་པར་བྱ་བ་དང་། དེའི་དུས་སུ་ མཚན་མོ་ཤིན་ཏུ་རིང་བས་ཐོ་རེངས་ཀྱི་དུས་སུ་བཀྲེས་པར་འགྱུར་ཞིང་། དེས་ལུས་ཟུངས་རྣམས་ཀྱི་སྟོབས་འགྲིབ་བར་འགྱུར་བའི་ཕྱིར་རྒྱུན་དུ་ཏིལ་ མར་གྱིས་ལུས་ལ་བྱུག་པ་བྱེད་པ་དང་། ཤ་ཁུ་ལ་སོགས་པའི་ཁ་ཟས་སྣུམ་ལ་བཅུད་པའི་རིགས་གཙོ་ཆེར་བཟའ་བ་དང་། ལྤགསཔའི་གོས་ལ་སོགས་པ་ རླུང་ཐུབ་ཅིང་དྲོ་བའི་རིགས་དང་། ལྷམ་ཡང་དུས་རྟག་ཏུ་དྲོ་བར་བགོ་བར་བྱ་དགོས་ལ། སྐབས་སྐབས་སུ་ལུས་ལ་དྲོད་དུགས་བྱེད་པ་དང་། མེ་དང་ཉི་

མའི་འོད་ལ་རན་པར་བསྲོ་བ་དང་། ས་ལ་ཟབས་སུ་བརྐོས་པའི་ནང་གྱང་ལས་བྱས་པའི་ཁང་པ་ཉིས་རིམ་ལྟ་བུ་རླུང་དང་གྲང་ངར་མི་ཤོར་བའི་དྲོ་སར་ སྡོད་དགོས་པ་ཡིན་ནོ། དགུན་སྨད་ཀྱི་དུས་སུའང་སྔར་ལས་ལྷག་པར་གྲང་ངར་ཆེར་བར་གྱུར་པས་གོང་གི་སྤྱོད་ལམ་དེ་དག་འཇགས་པ་ཡིན་ནོ། ཡང་(རྒྱུད་)ལས། དགུན་དུས་བད་ཀན་ཁོག་ཏུ་གསོག་པ་སྟེ། དཔྱིད་དུས་ཉི་འོད་དྲོད་པས་མེ་དྲོད་ཉམས། བད་ཀན་ལྡང་ཞིང་ཐ་མའི་རོ་གསུམ་བསྟེན། ནས་རྙིང་སྐམ་སའི་ཤ་དང་སྦྲང་རྩི་དང་། ཆུ་སྐོལ་སྒ་ཐང་བཏང་ཞིང་རྩུབ་པ་བསྟེན། རྩོལ་བས་བཅག་དང་དྲིལ་ཕྱིས་བད་ཀན་བསལ། དྲིལ་ཞིམ་སྐྱེད་ མོས་ཚལ་གྱི་ཉི་གྲིབ་འདུག ཅེས་གསུངས་ཏེ། དཔྱིད་དུས་ཀྱི་སྤྱོད་ལམ་ནི། སྤྱིར་དགུན་གྱི་དུས་སུ་ནང་མི་ཡི་ལུས་ཁམས་ཀྱི་རང་བཞིན་ལྕི་ལ་སྣུམ་ པའི་ངོ་བོར་གྱུར་ལ་ཕྱི་འབྱུང་བའི་ཁམས་ཤིན་ཏུ་བསིལ་བའི་དབང་གིས་ནང་གི་བད་ཀན་ཁོག་ཏུ་གསོག་པ་ཡིན་ལ། དཔྱིད་ཀྱི་དུས་སུ་ཤིན་ཏུ་དྲོ་ལ་ ཉི་མའི་འོད་ཟེར་ཚ་བའི་རང་བཞིན་གྱིས་ལུས་ཀྱི་བ་སྤུའི་སྒོ་གདངས་ཤིང་ནང་ལུས་ཁམས་ཀྱི་མེ་དྲོད་ཉམས་པ་དང་། སྔར་དགུན་དུས་སུ་བསགས་ པའི་བད་ཀན་གྱི་ནད་རྣམས་མངོན་གྱུར་དུ་ལྡང་བར་བྱེད་པ་ཡིན་པས། དེ་ཞི་བའི་ཐབས་སུ་བད་ཀན་གྱི་གཉེན་པོ་གྱུར་པའི་ཐ་མའི་རོ་ཁ་བ་དང་ ཚ་བ་དང་བསྐ་བ་གསུམ་པོ་ཤས་ཆེ་བར་བསྟེན་པར་བྱ་བ་དང་། ཁྱད་པར་དུ་ནས་རྙིང་པ་ལོ་ལོན་པའི་རྩམ་པ་དང་སྒའི་ཆིག་ཐང་སོགས་བཏང་ཞིང་ ། ཟས་སྐོམ་ངོ་བོ་རྩུབ་པའི་རིགས་རྣམས་བསྟེན་པར་བྱའོ། སྤྱོད་ལམ་ཡང་དུས་རྒྱུན་དུ་རྩོལ་བཅག་རན་པར་བྱ་བ་དང་། དྲིལ་ཕྱིས་བྱ་བ་སོགས་ཀྱིས་ བད་ཀན་གྱི་ནད་བསལ་བའི་ཐབས་བསྟེན་པ་དང་། དྲི་ཞིམ་ལ་ཁོར་ཡུག་དྭངས་ཤིང་གཙང་བའི་སྐྱེད་མོས་ཚལ་གྱི་ཉི་གྲུབ་ནང་དུ་འདུག་པར་བྱའོ།།

སོས་ཀའི་དུས་ཀྱི་སྤྱོད་ལམ་ནི་(རྒྱུད་)ལས། སོས་ཀའི་དུས་སུ་འོད་ཟེར་རབ་ཚ་བས། སྟོབས་འཕྲོག་ཕྱིར་ན་མངར་ཡང་སྣུམ་བསིལ་བཟའ། ལན་ཚྭ་ཚ་ སྐྱུར་རྩོལ་བ་ཉི་འོད་སྤང་། བསིལ་ཆུས་ལུས་བཀྲུ་ཆང་ཆུ་བསྲེས་པ་བཏུང་། རབ་ཕྲའི་གོས་བགོ་བསིལ་ཁང་དྲི་བཟང་བསྟེན། ཤིང་གྲིབ་རྫི་ཆར་བསེར་ བུ་ངད་ལྡན་བྱ། ཞེས་པ་ལྟར་སོས་ཀའི་དུས་ནི་དཔྱིད་ཀ་ལས་ཀྱང་རབ་ཏུ་ཚ་བས་ཕྱི་ནང་གི་མེ་དྲོད་ལྷག་པར་སྐྱེས་ཏེ་ལུས་ཟུངས་སྐམ་པའི་ཚུལ་གྱིས་ སྟོབས་འཕྲོག་ཅིང་ཟད་པར་བྱེད་པའི་ཕྱིར་ན། མར་དཀར་ལ་སོགས་པའི་ངོ་མངར་བ་དང་ནུས་པ་ཡང་ཞིང་སྣུམ་པ་དང་། བསིལ་བའི་ཟས་སྐོམ་གྱི་ རིགས་བསྟེན་ཅིང་དོ་ལན་ཚྭ་བ་དང་ཚ་བ་སྐྱུར་བ་རྣམས་དང་། ནུས་པ་ཚ་ལ་རྣོ་ཞིང་རྩུབ་པའི་རིགས་ཀྱི་ཟས་སྐོམ་དང་དེ་བཞིན་སྤྱོད་ལམ་རྩོལ་ བཅག་བྱེད་པ་དང་། མེ་དང་ཉི་མའི་འོད་ལ་བསྲོ་བ་སོགས་ཀྱིས་ལུས་ཟུངས་འཛད་ཅིང་ཉམས་པར་འགྱུར་བས་སྤང་བར་བྱ་ལ། དུས་དེར་བསིལ་ལ་ གཙང་བའི་ཆུས་ལུས་ཡང་ཡང་བཀྲུ་ཞིང་། ཆང་རག་སོགས་ཀྱང་ཆུ་མང་དུ་བསྲེས་པའི་སླ་མོ་བཏུང་བ་དང་། རབ་ཏུ་ཕྲ་ཞིང་སྲབ་པའི་གོས་ཡང་ཞིང་ བསིལ་བའི་རིགས་བགོ་ལ། ཁང་པ་ཡང་བསིལ་དྲི་བཟང་པོ་དང་ལྡན་པའི་ནང་འདུག་ཅིང་བསྟེན་པ་དང་། ཁང་པའི་ཕྱིར་འགྲོ་འདུག་བྱེད་པའི་ཚེ་ ཡང་ཤིང་གྲིབ་ཡོད་ས་དང་རྫི་ཆར་དང་བསེར་བུའི་གྲང་ངད་ཅུང་ཟད་དང་ལྡན་པར་འདུག་ཅིང་འགྲོ་བར་བྱའོ།། དབྱར་དུས་ཀྱི་སྤྱོད་ལམ་ནི་(རྒྱུད་)ལས། དབྱར་དུས་མཁའ་ལ་སྤྲིན་འདུས་ཆུ་ཡིས་བརླན། རླུང་དང་གྲང་བ་ས་རླངས་ཆུ་རྙོག་ཅན། མེ་དྲོད་གནོད་པས་ མེ་དྲོད་སྐྱེད་པ་བསྟེན། དང་པོའ་ི རོ་གསུམ་ཡང་དྲོ་སྣུམ་བཅས་བཟའ། སྐམ་སའི་ཆང་བཏུང་ཁང་སྟེང་བསིལ་སྤང་གནས། ཞེས་གསུངས་པ་བཞིན་ དབྱར་གྱི་དུས་སུ་ཕྱི་སྣོད་ཀྱི་འཇིག་རྟེན་གྱི་མཁའ་ལ་སྤྲིན་འདུས་ཤིང་ཡུལ་ཁམས་ཕལ་ཆེར་ལ་ཆུ་ཡི་ཁམས་རླན་གཤེར་དང་ལྡན་ལ། བསེར་བུའི་ངད་ དང་གྲང་བའི་ཁམས་རྒྱས་ཤིང་ས་རླངས་དང་བརླན་གཤེར་གྱི་གཞའ་ཚན་འཕེལ་ཞིང་། ལོངས་སུ་སྤྱོད་པའི་ཆུ་རྣམས་ཀྱང་ཅུང་ཟད་རྙོག་པ་ཅན་དུ་ གྱུར་པས་ནང་བཅུད་ཀྱི་སེམས་ཅན་གྱི་ལུས་ཀྱི་མེ་དྲོད་ཀྱི་སྟོབས་ལ་གནོད་པས་དུས་དེའི་ཚེ་ངེསཔར་དུ་མེ་དྲོད་སྐྱེད་ཅིང་འཕེལ་བར་བྱེད་པའི་ཟས་ དང་སྤྱོད་ལམ་བསྟེན་པར་བྱའོ།

ཁ་ཟས་ཀྱི་རོ་ཡང་མངར་སྐྱུར་ལན་ཚ་སྟེ་དང་པོའ་ི རོ་གསུམ་དང་། ངོ་བོ་ཡང་ལ་དྲོ་ཞིང་སྣུམ་དང་ལྡན་པའི་རིགས་བཅས་བསྟེན་ཅིང་བཟའ་བར་བྱ་སྟེ། དཔེར་ན་ཡུལ་སྐམ་སའི་གནས་སུ་སྐྱེས་པའི་འབྲུ་ལས་བཙོས་པའི་ཆང་བཏུང་བ་དང་། རྒྱུན་དུ་འདུག་སའི་ཁང་པ་ཡང་སྟེང་ཁང་བརླན་གཤེར་ཆུང་ བའི་གནས་སུ་འདུག་པ་དང་། སྤྱོད་ལམ་བསིལ་བ་སྤངས་ཏེ་དྲོ་སྤྱོད་རན་པར་གནས་དགོས་སོ།

སྟོན་དུས་ཀྱི་སྤྱོད་ལམ་ནི་(རྒྱུད་)ལས། དབྱར་བསིལ་འཕྲལ་དུ་ལུས་ལ་ཉི་ཟེར་གདུང་། ཆར་དུས་བསགས་པའི་མཁྲིས་པ་སྟོན་ན་ལྡང་། དེ་བསལ་ཕྱིར་ ན་མངར་ཁ་བསྐ་བ་བསྟེན། ག་བུར་ཙན་དན་ཨུ་ཤིར་དྲི་ལྡན་པའི། གོས་བགོ་ཁང་པ་ཆག་ཆག་བཏབ་པར་འདུག ཅེས་གསུངས་པ་ལྟར་དབྱར་གྱི་དུས་ སུ་སྣུམ་ཞིང་རྣོ་བའི་རང་བཞིན་གྱིས་མཁྲིས་པ་འཕེལ་ཡང་ཆར་རླུང་གི་བསིལ་བས་མགོ་མནན་ནས་མཁྲིས་པ་གསོག་པར་བྱེད་པ་དེ། སྟོན་གྱི་དུས་སུ་ སླེབས་པ་དང་ཆར་རྒྱུན་རིམ་བཞིན་ཆད་ཅིང་གྲང་རླུང་ཞི་ནས་འཕྲལ་དུ་སྟོན་ཚད་ཀྱི་ཉི་ཟེར་དང་འཕྲད་པས་ཆར་དུས་སུ་བསགས་པའི་མཁྲིས་པ་ དེ་མགོ་གནོན་མེད་པར་མངོན་སུམ་དུ་ལྡང་བར་བྱེད་དོ། དེ་བས་ན་སྟོན་གྱི་དུས་སུ་མཁྲིས་ནད་ལྡང་བ་དེ་བསམ་ཞིང་ཞི་བར་བྱེད་པའི་ཕྱིར་དུ། ཟས་ སྐོམ་གྱི་རོ་ཡང་མངར་བ་དང་ཁ་བ་དང་། བསྐ་བ་རྣམས་ཤས་ཆེ་བར་བསྟེན་ལ། དེའི་ཚེ་རྒྱུན་དུ་སྨན་མཆོག་ག་བུར་དང་། ཙན་དན། ཨུ་ཤིར་ཏེ་སྔོན་པུ་ ཤེལ་ཙེའི་དྲི་དང་ལྡན་པའི་གོས་བགོ་བ་དང་། ཁང་པའི་ནང་དུའང་སྨན་བཟང་བསིལ་ལ་དྲི་ཞིམ་དང་ལྡན་པ་འདི་དག་གི་དྲི་ཆུས་ཆག་ཆག་བཏབ་ པའི་བསིལ་བའི་གནས་སུ་འདུག་པར་བྱ་བ་ཡིན་ནོ། (༢) འཚོ་བ་ཟས་དང་འབྲེལ་བའི་སྐོར།

དེ་ཡང་ཟས་སྐོམ་གང་དང་ཕན་གནོད་ལེགས་པར་བརྟགས་ནས་ཚུལ་བཞིན་ལོངས་སྤྱད་ན་ལུས་དང་སྲོག་ལ་ཉེ་བར་ཕན་པས་ཡུན་རིང་དུ་འཚོ་ བར་བྱ་ཞིང་། གལ་ཏེ་བབ་ཅོལ་དུ་ཟོས་ཤིང་འཐུང་སྟེ་དམན་ལྷག་ལོག་གང་རུང་དུ་གྱུར་ན་ནད་ཅི་རིགས་པ་སྐྱེད་དེ་འཕྲལ་དུ་ལུས་དང་། སྲོག་ འཇོམས་པར་འགྱུར་བ་དེའི་ཕྱིར་ཟས་སྐོམ་གྱི་སྦྱོར་བ་ལ་མཁས་པ་གཅེས་པར་བྱ་བ་སྟེ། ལུས་སེམས་ལྷན་ཅིག་རིང་དུ་འཚོ་བའི་སྲོག་ནི་ཁམས་སྙོམས་ པའི་ལུས་ཟུངས་ལ་རག་ལས་ཤིང་། ལུས་ཟུངས་ནི་སྐྱེད་བྱེད་ཀྱི་མེ་དྲོད་གསུམ་ལ་རག་ལས་པ་དང་། མེ་དྲོད་དེ་ཡང་ཕན་གནོད་ཀྱི་ཟས་སྐོམ་སོགས་ ལ་རག་ལས་པས་སོ། (རྒྱུད་)ལས། ཟས་ལ་འབྲུ་ཤ་སྣུམ་ངད་གཡོས་སྦྱར་ལྔ། ཞེས་གསུངས་པ་ལྟར་ཟས་སྐོམ་གཉིས་སུ་ཕྱེ་བའི་ཟས་ལ་འབྲུ་རིགས་དང་ ། ཤ་རིགས། སྣུམ་རིགས། སྔོ་ངད་ཀྱི་རིགས། གཡོས་སུ་སྦྱར་བའི་རིགས་དང་ལྔ་རུ་བསྡུས་ནས་བསྟན་ཡོད་ཅིང་། འབྲུའི་རིགས་ལ་(གྲ་མ་ཅན་ནི་རྒྱུད་

)ལས། དེ་ལ་གྲ་མ་ཅན་གྱི་འབྲུ་ཡི་སྡེ། འབྲས་ཁྲེ་ཁྲ་མ་གྲོ་ནས་སོ་བ་དང་། སྲེ་ད་ལ་སོགས་རོ་དང་ཞུ་རྗེས་མངར། རོ་ཙ་རླུང་འཇོམས་ལུས་སྟོབས་བད་ ཀན་སྐྱེད། དེ་ལ་འབྲས་ནི་ལུས་སྟོབས་བད་ཀན་སྐྱེད། དེ་ལ་འབྲས་ནི་སྣུམ་འཇམ་བསིལ་ལ་ཡང་། ཉེས་པ་གསུམ་སེལ་རོ་ཙ་འཁྲུ་སྐྱུག་གཅོད། ཁྲེ་ནི་ ལྕི་བསིལ་བརྟས་བྱེད་ཆག་གྲུགས་སྦྱོར། ཁྲ་མ་བསིལ་ཡང་རྩུབ་ཅིང་ཡི་གར་འཕྲོད། གྲོ་ནི་ལྕི་བསིལ་འཚོ་བྱེད་རླུང་མཁྲིས་སེལ། ནས་ནི་ལྕི་བསིལ་ བཤང་འཕེལ་སྟོབས་སྐྱེད་མཆོག སོ་བ་སྲེ་ད་བསིལ་ཡང་བད་མཁྲིས་སེལ། ཞེས་གསུངས་པ་ལྟར་རོ། གང་བུ་ཅན་གྱི་འབྲུ་ནི་(རྒྱུད་)ལས། །གང་བུ་ཅན་འབྲུ་སྲན་མ་མོན་སྲན་གཉིས། །བསྐ་མངར་བསིལ་ཡང་སྐྱ་ལ་རྩ་སྒོ་འགག །བད་ཀན་ཚ་བ་སེལ་ ཞིང་འཁྲུ་བ་གཅོད། །སྣུམ་སེལ་ཁྲག་མཁྲིས་ཚིལ་ལ་བྱུགས་ན་ཕན། །རྒྱ་སྲན་བད་རླུང་ལུད་པ་དབུགས་མི་བདེ། །གཞང་འབྲུམ་ཁུ་བའི་རྡེ་འཇོམས་ ཁྲག་མཁྲིས་སྐྱེད། །མ་ཤ་རླུང་འཇོམས་བད་མཁྲིས་ཁུ་སྟོབས་འཕེལ། །སྲན་ཆུང་བསྐ་མངར་ཉེས་པ་གསུམ་ག་སྐྱེད། །སྐྱོ་མས་མེ་དབལ་དྲེག་ནད་ཁྲག་ ནད་སེལ། །ཏིལ་འབྲུ་ལྕི་དྲོ་རོ་ཙ་རླུང་ནད་འཇོམས། །ཟར་མ་མངར་ཁ་སྣུམ་འཇམ་རླུང་ལ་ཕན། །བྲ་བོ་བསིལ་ཡང་རྨ་འཇིག་ཉེས་གསུམ་སྐྱེད། ཅེས་ གསུངས་པ་ལྟར་དང་།

སྐོམ་གྱི་རིགས་ལ་འོ་མ་དང་ཆུ་དང་ཆང་ལ་སོགས་པ་རིགས་མང་པོ་ཞིག་ཡོད་པ་ལས་དཔེ་མཚོན་ཙམ་ཞིག་བརྗོད་ན། (རྒྱུད་ལས་) །བ་ཡི་འོ་མ་གློ་ རྡོལ་གཅོང་ལ་ཕན། །རིམས་རྙིང་གཅིན་སྙི་ཡིད་གཞུངས་འཚོ་བྱེད་ཡིན། །ར་ཡི་འོ་མས་དབུགས་མི་བདེ་བ་སེལ། །ལུག་གི་འོ་མས་རླུང་འཇོམས་སྙིང་ ལ་གནོད། །འབྲི་ཡི་འོ་མ་བད་མཁྲིས་ནད་ལ་གནོད། །རྟ་བོང་འོ་མ་གློ་གསོ་རྨོངས་པར་བྱེད། །འོ་རློན་ལྕི་བསིལ་སྲིན་དང་བད་ཀན་སྐྱེད། །བསྐོལ་ན་ ཡང་དྲོ་བསྡུས་ན་འཇུ་དཀའ་ལྕི། །བཞོས་ཐོག་འོ་མ་དྲོན་མོ་བདུད་རྩིར་མཚུངས། ཞེས་པ་ལྟར་སྲོག་ཆགས་འདི་དག་ཀྱང་ཁོར་ཡུག་གཙང་ཞིང་དུག་ ལ་སོགས་པའི་གནོད་པ་མེད་པའི་རྩ་བཟང་པོ་ཟོས་ཤིང་། ཆུ་ཡང་རུལ་བ་སོགས་མི་གཙང་བའི་ཆུ་མ་བཏུང་བ་དང་། རྨོ་འགེལ་སོགས་ལས་ལྕི་བས་མ་ མནར་བ་དང་། རིམས་ནད་སོགས་ནད་ཀྱི་རིགས་མེད་པའི་འོ་མ་ནི་ལུས་ལ་མཆོག་ཏུ་ཕན་པར་སྔ་འགྲེལ་དག་ལས་ཡང་དང་ཡང་དུ་གསུངས་སོ།

(༣) སྤྱིར་གནོད་བྱ་བཅུ་དང་གནོད་བྱེད་ཉེས་པ་གསུམ་གྱི་བདག་ཉིད་དུ་གྱུར་པའི་སྐྱེ་བོའ་ི འདི་ཉིད་འབྱུང་བ་ལྔའམ་ཉེས་པ་གསུམ་པོ་རྣམ་པར་གྱུར་ ཏེ་འཕེལ་ཟད་འཁྲུགས་པའི་དབང་གིས་ནད་རྣམ་པ་སྣ་ཚོགས་སྐྱེད་པ་ཡིན་ལ། དེ་དག་གསོ་བར་གྱུར་པའི་གཉེན་པོ་སྟོང་དང་རྩ་གཉིས་སོགས་མང་ དུ་ཡོད་ཀྱང་། དེ་རྣམས་མདོ་ཧྲིལ་གྱིས་དྲིལ་ན་ཟས་སྤྱོད་སྨན་དཔྱད་བཞི་རུ་མ་འདུས་པ་མེད་པས་སྐབས་སུ་བབས་པའི་སྨན་ཞེས་པ་ནི་ཕན་པའི་ དོན་ལ་འཇུག་སྟེ། དེ་ཡང་སྨན་གྱི་རོ་དང་ནུས་པ། ཞུ་རྗེས་བཅས་དེ་དག་རྐྱང་པའམ་ཕན་ཚུན་སྦྱོར་སྡེབ་བྱས་པ་ལས་བྱུང་བའི་ནུས་པའམ་ཡོན་ཏན་ གྱི་ནད་འཕེལ་བ་འགྲིབ། ཟད་པ་གསོ། འཁྲུགས་པ་སྡེབ་པའི་ཚུལ་གྱི་ས་ནད་ཞི་བར་བྱས་ནས་བདེ་ཐང་དུ་གནས་པར་བྱེད་པ་དང་། ལུས་གསོ་ཞིང་ཚེ་ ཡུན་རིང་དུ་གནས་པར་བྱེད་པ་སོགས་ཀྱི་ཕན་པའི་འབྲས་བུ་ལ་བརྟེན་ནས་སྦྱོར་བ་སྨན་ཞེས་བཏགས་པའོ། དེ་ཡང་རོ་མངར་བ་ལ་སོགས་པའི་རྟེན་ནམ་གཞི་ནི་ས་ཆུ་འབྱུང་བ་ལྔ་ལས་སྐྱེ་བར་འགྱུར་པ་ཡིན་ཏེ། (རྒྱུད་)ལས། ས་ཡིས་གཞི་རྟེན་ཆུས་བརླན་ མེ་ཡིས་དྲོད། རླུང་གིས་སྐྱོད་བྱེད་ནམ་མཁས་གོ་ཕྱེ་བས། དེས་བསྐྱེད་གྱུར་ཀྱང་ཤས་ཆེར་རོ་གཅིག་མིན། ས་ཆུ་མེ་ས་ཆུ་མེ་ཆུ་དང་རླུང་། མེ་རླུང་ས་ རླུང་གཉིས་ཀྱིས་རོ་དྲུག་སྐྱེད། ཅེས་གསུངས་ཏེ་མངར་བ་ལ་སོགས་པའི་རོ་རྣམས་ནི་སྨན་རྫས་བྱེ་བྲག་སོ་སོར་བརྟེན་ནས་འབྱུང་བ་ཡིན་ལ། སྨན་དུ་ གཏོགས་པའི་རྫས་ཕྲ་རགས་ཀུན་ཀྱང་ས་ལ་སོགས་པའི་འབྱུང་བ་ཆེན་པོ་ལྔ་ཆར་འདུས་པ་ཁོ་ན་ལས་ངེས་པར་སྐྱེ་བར་འགྱུར་པ་ཡིན། རྒྱུ་མཚན་དེ་ ལྟ་བས་ན་རོ་རྣམས་གང་ལ་བརྟེན་པའི་མཐར་ཐུག་གི་རྟེན་ནམ་གཞི་ནི་འབྱུང་བ་རྣམ་པ་ལྔ་བོ་ཁོ་ན་ལས་སྐྱེ་བའམ་འབྱུང་བར་འགྱུར་པ་ཡིན་ནོ།།

དེ་ཡང་ཇི་ལྟར་ཞེ་ན། སྨན་ཡིན་ནོ་ཅོག་ཐམས་ཅད་ཀྱི་གཞིའམ་རྫས་ཀྱི་དངོས་པོ་རྣམས་ནི་འབྱུང་བ་ས་ཡིས་གཞི་རྟེན་བྱས་ནས་གྲུབ་ཅིང་ཆགས་པ་ ལ། ཆུ་ཡིས་དེ་ཉིད་རླན་ཞིང་གཤེར་བར་བྱེད་ཅིང་ཕྱོགས་གཅིག་ཏུ་སྡུད་པར་བྱེད་པ་དང་། མེ་ཡིས་དྲོད་སྐྱེད་པར་བྱེད་ཅིང་སྨིན་པར་བྱེད། རླུང་གིས་ གཡོ་ཞིང་བསྐྱོད་པར་བྱས་ནས་ཆེས་ཆེར་འཕེལ་བར་བྱེད། ནམ་མཁས་གནས་ཤིང་སྐྱེ་བར་བྱེད་པའི་ཡུལ་གོ་ཕྱེ་བར་བྱས་པས་ན་འབྱུང་བ་དེ་དག་ ལྷན་དུ་ཚོགས་པའི་རྒྱུ་དེ་དང་དེས་བསྐྱེད་པར་གྱུར་པ་ཡིན་ཡང་། འབྱུང་བ་དེ་དག་ཤས་ཆེ་ཆུང་མི་འདྲ་བར་ཚོགསཔའི་དབང་གིས་རྫས་མཐའ་དག་ རོ་གཅིག་ཁོ་ནར་འབྱུང་བ་མ་ཡིན་ནོ། དེ་ཡང་ཇི་ལྟ་བུ་ཞེ་ན། སྤྱིར་འབྱུང་བ་ལྔ་ཀ་ཚོགས་པ་ཡིན་ཡང་དེ་དག་ལས་འབྱུང་བ་ས་དང་ཆུ་གཉིས་ཤས་ ཆེ་བ་ལས་རོ་མངར་བ་སྐྱེ་བ་དང་། མེ་དང་ས་གཉིས་ཤས་ཆེ་བ་ལས་རོ་སྐྱུར་བ་སྐྱེ་བ། ཆུ་དང་མེ་གཉིས་ཤས་ཆེ་བ་ལས་རོ་ལན་ཚ་སྐྱེ་བ། ཆུ་དང་རླུང་ གཉིས་ཤས་ཆེ་བ་ལས་རོ་ཁ་བ་སྐྱེ་བ། མེ་དང་རླུང་གཉིས་ཤས་ཆེ་བ་ལས་རོ་ཚ་བ་སྐྱེ་བ། ས་དང་རླུང་གཉིས་ཤས་ཆེ་བ་ལས་རོ་བསྐ་བ་སྐྱེ་བ་བཅས་ འབྱུང་བ་གཉིས་ཤས་ཆེ་བ་ལས་རོ་རེ་རེ་བསྐྱེད་པས་རྩ་རོ་དྲུག་ཏུ་འབྱུང་བ་ཡིན་ནོ།།

འབྱུང་བ་དེ་དག་སོ་སོའ་ི ཡོན་ཏན་དང་བྱེད་ལས་ནི། (རྒྱུད་)ལས། ས་སྨན་ལྕི་བརྟན་རྟུལ་འཇམ་སྣུམ་ལ་སྐམ། །མཁྲང་ལ་བརྟས་དང་སྡུད་བྱེད་རླུང་ ནད་སེལ། །ཆུ་སྨན་སླ་བསིལ་ལྕི་རྟུལ་སྣུམ་ལ་མཉེན། །རླན་གཤེར་འཇམ་ལ་སྡུད་བྱེད་མཁྲིས་ནད་སེལ། །མེ་སྨན་ཚ་སྣོ་སྐམ་རྩུབ་ཡང་སྣུམ་གཡོ། །དྲོད་ སྐྱེད་སྨིན་ཅིང་མདོག་བྱེད་བད་ཀན་སེལ། །རླུང་སྨན་ཡང་གཡོ་གྲང་རྩུབ་སྐྱ་ལ་སྐམ། །སྲ་ཞིང་བསྐྱོད་དང་ཁྱབ་བྱེད་བད་མཁྲིས་སེལ། །ནམ་མཁའ་ འབྱུང་བཞིའི་སྨན་ལ་སྤྱིར་ཁྱབ་སྟེ། །ཁོང་སྟོང་ཡངས་པའི་སྒོ་འབྱེད་འདུས་ནད་སེལ། ཞེས་གསུངས་པ་ལྟར་འབྱུང་བ་སོ་སོའ་ི ཡོན་ཏན་དང་དེ་དག་ གི་ཉེས་པ་གང་སེལ་བ་སོགས་ངེས་དགོས་ཤིང་། དེ་དག་རྣམས་ཀྱང་ནད་སེལ་བའི་བདག་ཉིད་ཅན་གྱི་སྨན་དུ་གྱུར་པའི་ཚུལ་ནི། (རྒྱུད་)ལས། དེ་བས་ དངོས་དང་སྦྱར་བའི་དབང་གྱུར་ལས། ས་སྟེང་སྨན་མིན་ཅི་ཡང་ཡོད་མ་ཡིན། ཞེས་གསུངས་ཏེ། སྨན་རྫས་མཐའ་དག་འབྱུང་བ་བཞིའམ་ལྔ་ལས་གྲུབ་ ཅིང་། འབྱུང་བའི་སྤྱི་དང་བྱེ་བྲག་སོ་སོའ་ི རང་བཞིན་དང་ཡོན་ཏན། དེ་དག་གི་ལས་ཀྱི་མཚན་ཉིད་ལས་ཕན་གནོད་ཀྱི་བྱ་བ་ཇི་ལྟར་བྱེད་པའི་རྣམ་ གཞག་གོང་དུ་བཤད་པ་དེ་བཞིན་དུ་ཡིན་པས་ན། རྫས་གཉིས་སམ་གསུམ་ལ་སོགས་པ་ཕན་ཚུན་སྡེབ་ཏེ་སྦྱར་ནས་བཅོས་པ་མ་ཡིན་པར་རྫས་རྐྱང་པ་ རེ་རེ་ནས་སྨན་དངོས་ཡིན་པ་དང་། སྨན་གྱི་འདུལ་སྦྱོང་ལ་སོགས་པའི་ལག་ལེན་ཚད་མར་བསྟེན་ནས་རོ་ནུས་ཞུ་རྗེས་སོགས་མཐུན་སྡེབ་ཚུལ་བཞིན་ བྱས་ཏེ་ཐང་ཕྱེ་རིལ་བུ་སོགས་སྡེ་ཚན་སྣ་ཚོགས་པ་སྨན་སྣ་མང་ཉུང་ཅི་རིགས་པའི་སྒོ་ནས་ཕན་ཚུན་སྦྱོར་སྡེབ་བྱས་ཏེ་བཅོས་པའི་དབང་དུ་གྱུར་པ་ ལས། ས་སྟེང་སྨན་རྫས་མཐའ་དག་ངོ་ཤེས་ཤིང་བེད་སྤྱོད་ལུགས་ཤེས་ན་སྨན་མ་ཡིན་པ་ཅི་ཡང་ཡོད་པ་མ་ཡིན་ཏེ། ས་སྟེང་གི་དངོས་རྫས་མཐའ་དག་

འབྱུང་བ་ལས་གྲུབ་པ་ཡིན་ལ། འབྱུང་བ་གར་ཁྱབ་ཏུ་དེའི་ཡོན་ཏན་དང་བྱེད་ལས་ཀྱིས་ཁྱབ་པ་ཡིན་ཞིང་། སྨན་ཞེས་པ་ནི་འབྱུང་བའི་བྱེད་ལས་དང་ ནུས་པར་བརྟེན་ནས་ནད་སེལ་ཞིང་ལུས་ཁམས་བདེ་བར་བྱེད་པའི་རྫས་ཤིག་ཡིན་པས་སོ།།

དེ་ལྟ་བུའི་སྨན་དག་ཀྱང་རང་རང་གི་སྐྱེ་སེར་སྐྱེས་པ་ཅི་ནས་ཀྱང་ཡིན་དགོས་ཏེ། (ཕྱི་རྒྱུད་)ཀྱི་སྔོ་སྨན་སྟོན་པའི་སྐབས་སུ། སྐྱེ་ས་ས་གཙང་ཉམས་ དགའ་བུད་དྷས་བཅགས། བཀྲ་ཤིས་ཡོན་ཏན་ལྡན་ཞིང་ས་གཞི་གཤིན། གངས་ཅན་འབིགས་བྱེད་བསིལ་དྲོད་རང་གནས་སྐྱེས། ཉི་ཟླའི་སྟོབས་ལྡན་ སྐྱེ་སར་སྐྱེས་ཞེས་བྱ། ཞེས་པ་སྟེ། སྨན་སྐྱེ་བའི་ས་ཕྱོགས་ནི་དུར་ཁྲོད་དང་། འབྲོག་ལྷས་རྙིང་པ་སོགས་མ་ཡིན་པའི་གཙང་ཞིང་ཉམས་དགའ་བ་དང་ ། བུད་དྷས་ས་བཅགས་ཞེས་སངས་རྒྱས་ཀྱིས་མཛད་པ་བཅུ་གཉིས་སོགས་བསྟན་པའི་ས་རྣམས་དང་། སྐྱེས་ཆེན་དམ་པ་རྟོགས་པ་ཁྱད་པར་ཅན་བྱོན་ པའི་ས་དང་། སྐམ་སར་གྱུར་ཅིང་རླན་གྱི་ཤས་ཆུང་བ་དང་། སྨན་གང་སྐྱེས་ཐམས་ཅད་སྐྱེས་བཟང་ལ་དྲི་རོ་རེག་བྱ་མཆོག་ཏུ་གྱུར་ཅིང་བཀྲ་ཤིས་པའི་ ཡོན་ཏན་དང་ལྡན་ཞིང་ཚ་སྒོ་སོགས་མེད་པའི་ས་གཞི་གཤིན་པ། གངས་ཅན་ཏེ་སེ་རི་ལ་བསིལ་བའི་སྨན་སྐྱེ་བ་དང་། འབིགས་བྱེད་ཅེས་གདགས་ ཀྱི་རི་ལ་དྲོད་སྨན་སྐྱེས་པ་ལྟ་བུ་སྟེ། ཁྲག་མཁྲིས་ཚ་བ་བསིལ་བའི་སྨན་གྱི་རིགས་གང་ཡིན་ཀྱང་གངས་རི་དང་། གཡའ་རི། རྫ་རི། སྤང་རི་སོགས་མཐོ་ ཞིང་། ཁྱད་པར་དུ་ཁ་བྱང་དུ་བལྟས་པའི་ཟླ་བའི་འོད་ཕོག་ཆེ་བའི་སྲིབས་རིར་སྐྱེས་པ་དང་། བད་རླུང་གྲང་བ་སེལ་བར་བྱེད་པའི་སྨན་རྣམས་དྲོ་ས་ དང་། ཁ་ལུང་དམའ་བ། ཁྱད་པར་དུ་ཁ་ལྷོར་བལྟས་པའི་ཉི་མའི་འོད་ཕོག་ཆེ་ས་གདགས་རི་རྣམས་ལ་སྐྱེས་པ་དེ་ཉིད་ནི་བསིལ་དྲོད་རང་རང་གི་ གནས་སུ་སྐྱེས་པའི་ཕྱིར་གདགས་སྲིབས་གོ་མ་ལྡོག་པ་བཟང་ལ་དེ་ཡང་ཉི་ཟླའི་འོད་ཕོག་པ་དེ་ཚ་བསིལ་གྱི་ནུས་པ་སྟོབས་དང་ལྡན་པ་ཡིན་ཏེ། དེ་ འདྲ་བར་སྐྱེས་པའི་སྨན་ནི་སྐྱེ་སར་སྐྱེས་པ་ཞེས་བྱ་སྟེ་ཡོན་ཏན་མཆོག་ཏུ་གྱུར་པ་ཡིན་ནོ།། གཞན་ཡང་སྨན་རང་རང་གི་ཁམས་དང་མཐུན་པར་སྐྱེ་སར་སྐྱེས་པ་ནི་(རྩ་བའི་རྒྱུད་)ཀྱི་སྨན་གྱི་གྲོང་ཁྱེར་དང་ཕྱོགས་ཀྱི་རི་བོའ་ི བཀོད་པ་ཇི་ལྟར་ ཡོད་པ་གཞུང་ཚིག་ཇི་བཞིན་དྲངས་ན། དེ་ཉིད་དུ། གྲོང་ཁྱེར་དེའི་ལྷོ་ཕྱོགས་ན་རི་བོ་འབིགས་བྱེད་ཅེས་བྱ་བ་ཉི་མའི་སྟོབས་དང་ལྡན་པའི་རི་ལ་སེ་ འབྲུ་དང་ན་ལེ་ཤམ་དང་པི་པི་ལིང་དང་ཙི་ཏྲ་ཀ་ལ་སོགས་པ་གྲང་བ་སེལ་བར་བྱེད་པའི་སྨན་རོ་ཚ་བ་དང་སྐྱུར་བ་དང་ལན་ཚ་བ་དང་ནུས་པ་ཚ་བ་ དང་རྣོ་བའི་སྨན་གྱི་ནགས་ཚལ། རྩ་བ་དང་སྡོང་བོ་དང་ཡལ་ག་དང་ལོ་མ་དང་མེ་ཏོག་དང་འབྲས་བུར་ལྡན་པའི་སྨན་དྲི་ཞིམ་པ་ལྟ་ན་སྡུག་པ་ཡིད་ དུ་འོང་བ་སྨན་གྱི་དྲིས་ཁྱབ་པ་རྣམས་སུ་གྲང་བའི་ནད་མི་འབྱུང་བ་ཡོད་དོ།།

གྲོང་ཁྱེར་དེའི་བྱང་ཕྱོགས་ན་རི་བོ་གངས་ཅན་ཞེས་བྱ་བ་ཟླ་བའི་སྟོབས་དང་ལྡན་པའི་རི་ལ་ཙན་དན་དང་ག་བུར་དང་ཨ་ག་རུ་དང་ནིལ་པ་ལ་ སོགས་པ་ཚ་བ་སེལ་བར་བྱེད་པའི་སྨན་རོ་ཁ་བ་དང་མངར་བ་དང་བསྐ་བ་དང་ནུས་པ་བསིལ་བ་དང་རྟུལ་བའི་སྨན་གྱི་ནགས་ཚལ། རྩ་བ་དང་སྡོང་ བོ་དང་ཡལ་ག་དང་ལོ་མ་དང་མེ་ཏོག་དང་འབྲས་བུར་ལྡན་པའི་སྨན་དྲི་ཞིམ་པ་ལྟ་ན་སྡུག་པ་ཡིད་དུ་འོང་བ་སྨན་གྱི་དྲིས་ཁྱབ་པ་རྣམས་སུ་ཚ་བའི་ ནད་མི་འབྱུང་བ་ཡོད་དོ།།

གྲོང་ཁྱེར་ཤར་ཕྱོགས་ན་རི་བོ་སྤོས་ངད་ལྡན་ཞེས་བྱ་བའི་རི་ལ་ཨ་རུ་རའི་ནགས་ཚལ། རྩ་བས་རུས་པའི་ནད་སེལ་བ། སྡོང་པོས་ཤའི་ནད་སེལ་བ། ཡལ་གས་རྩ་རྒྱུས་ཀྱི་ནད་སེལ་བ། ཤུན་པས་པགས་པའི་ནད་སེལ་བ། ལོ་མས་སྣོད་ཀྱི་ནད་སེལ་བ། མེ་ཏོག་གིས་དབང་པོའ་ི ནད་སེལ་བ། འབྲས་བུས་ དོན་སྙིང་གི་ནད་སེལ་བ། རྩེ་མོ་ན་ཨ་རུ་ར་རྣམ་པ་ལྔ་སྨིན་པ། རོ་དྲུག་དང་ལྡན་པ། ནུས་པ་བརྒྱད་དང་ལྡན་པ། ཞུ་རྗེས་གསུམ་དང་ལྡན་པ། ཡོན་ཏན་ བཅུ་བདུན་རྫོགས་པ། ནད་ཀྱི་རིགས་སུ་གྱུར་པ་ཐམས་ཅད་སེལ་བ། དྲི་མ་ཞིམ་པ་ལྟ་ན་སྡུག་པ་ཡིད་དུ་འོང་བ་སྨན་གྱི་དྲིས་ཁྱབ་པ་རྣམས་སུ་ནད་ བཞི་བརྒྱ་རྩ་བཞི་མི་འབྱུང་བ་ཡོད་དོ།།

གྲོང་ཁྱེར་དེའི་ནུབ་ཕྱོགས་ན་རི་བོ་མ་ལ་ཡ་ཞེས་བྱ་བ་ལ་བཟང་པོ་དྲུག་གི་སྨན་འཁྲུངས་པ་སྟེ། ནད་ཐམས་ཅད་ཞི་བར་བྱེད་པའི་སྨན་ཅོང་ཞི་རིགས་ ལྔ་དང་། བྲག་ཞུན་རིགས་ལྔ་དང་། སྨན་ཆུ་རིགས་ལྔ་དང་། ཆུ་ཚན་རིགས་ལྔ་དང་ལྡན་པའི་་རི་བོ་ཡོད་དོ། ས་ཕྱོགས་ཐམས་ཅད་གུར་གུམ་གྱི་སྤང་རི་ དང་སྤོས་ཀྱི་ངད་ལྡང་བ། བྲག་ཐམས་ཅད་ལ་རྡོའ་ི སྨན་དང་ཚྭ་སྣའི་རིགས་ཚང་བར་ཡོད་པ། སྨན་གྱི་ནགས་ཚལ་གྱི་རྩེ་ན་རྨ་བྱ་དང་ཤང་ཤང་དང་ནེ་ ཙོ་ལ་སོགས་པ་བྱ་སྐད་སྙན་པར་སྒྲོག་པ། རྩ་བ་ན་གླང་པོ་ཆེ་དང་དོམ་དང་གླ་བ་ལ་སོགས་པ་སྨན་བཟང་པོ་ཡོད་པའི་སེམས་ཅན་ཚང་བར་གནས་པ། སྨན་གྱི་རིགས་སུ་གྱུར་པ་ལ་མ་འཁྲུངས་པའམ་མ་ཚང་བ་མེད་པའི་རྒྱན་གྱིས་སྤྲས་པའོ།།

དེ་ལྟར་བོད་ཀྱི་གསོ་བ་རིག་པའི་གཞུང་དུ་སྐྱེ་ཁམས་རིག་པ་དང་འབྲེལ་བའི་ནང་དོན་ཕུན་སུམ་ཚོགས་པ་ཡོད་ཀྱང་རེ་རེ་ནས་དྲངས་ན་ཡིག་ཚོགས་ ཆེ་བས་འདིར་གཞི་བརྟག་གསོ་བ་གསུམ་དུ་འདུས་པའི་གཞུང་དོན་རྣམས་ཇི་བཞིན་དུ་ཐེར་འདོན་བྱས་ཏེ་ཚང་མའི་སྤྱན་ལམ་དུ་ཕུལ་བ་ལགས། འདི་ལ་བརྟེན་ནས་མ་བཅོས་པའི་རང་བྱུང་ཁམས་ཆེན་པོ་འདི་དང་འགྲོ་བ་མིའི་རིགས་གཙོ་བོར་གྱུརཔའི་སེམས་ཅན་རྣམས་ཀྱི་འབྲེལ་བ་ནི་གོང་ དུ་བསྟན་པ་ལྟར། འགྲོ་བའི་ལུས་འདི་འབྱུང་བ་བཞི་ལས་གྲུབ། གསོ་བྱའི་ནད་ཀྱང་འབྱུང་བ་བཞི་ཡིས་སྐྱེད། གཉེན་པོའ་ི སྨན་ཡང་འབྱུང་བཞིའི་ངོ་ བོ་ཉིད། ལུས་ནད་གཉེན་པོ་བདག་ཉིད་གཅིག་པར་འབྲེལ། ཞེས་གསུངས་པ་ལྟར་ངེས་པའི་སྟེང་ནས་སྐྱེ་ཁམས་ཁོར་ཡུག་སྲུང་སྐྱོབ་དང་ཁྱད་པར་དུ་ རང་རེའི་མདོ་དབུས་མཐོ་སྒང་ཆེན་པོ་འདིའི་བཀོད་པ་ལ་མི་འདོད་པའི་འབག་བཙོག་དང་གཏོར་བརླག་མ་ཐེབས་པར་སྐྱེ་དངོས་ཐམས་ཅད་རང་ རང་དང་འཚམ་པའི་ཁོར་ཡུག་ཅིག་ཏུ་ལུས་ལ་ནད་མེད་ཅིང་བདེ་ཞིང་སྐྱིད་པའི་འཚོ་བར་ལོངས་སྤྱོད་རྒྱུ་ནི་སྐབས་འདིའི་བརྗོད་བྱ་ཐམས་ཅད་ཀྱི་ སྙིང་བོ་ཡིན་ནོ།། ས་བཅད་ལྔ་པ། རྩིས་རིག་པར་གནས་པའི་སྐྱེ་ཁམས་རིག་པ་མདོ་ཙམ་གླེང་བ། གཟའ་སྐར་ལེགས་ཉེས་བརྟག་པའི་འཕྲོ་འདུ་ལས།། རང་བྱུང་ཁམས་དང་ལུས་ཅན་མཐའ་དག་ལ།།

གཅིག་ཏུ་ཕན་བྱེད་སྐར་རྩིས་རིག་པ་ཡིས།། གནམ་སའི་ཁྱད་ཆོས་སྟོན་པ་འདི་ཀོ་རྨད།།

༄༅། །དེ་ཡང་གངས་ཅན་བོད་ཀྱི་སྲོལ་རྒྱུན་རྩིས་ཀྱི་རིག་པ་ནི། རིགས་གནས་ཀྱི་འབྱུང་ཁུངས་རྒྱུ་མཚན་དུ་བྱེད་པའམ། བརྗོད་བྱ་དོན་གྱི་ཁྱད་པར་ ལས་སྐར་རྩིས་དང་། རྒྱ་རྩིས། ནག་རྩིས་སམ་འབྱུང་རྩིས་བཅས་རྩིས་ཀྱི་ཡན་ལག་ཆེན་པོ་གསུམ་དུ་འདུ་ཞིང་། དེ་ལས་སྤྲོས་ཏེ་བརྩམས་པའི་བསྟན་ བཅོས་བགྲང་གི་མི་ལང་ལ། རང་ཅག་གི་སྐལ་བར་གྱུར་པའི་རྩིས་རིག་གི་གཞུང་ད་ལྟའི་བར་དུ་བཞུགས་པའང་མི་ཉུང་བ་ཞིག་དངོས་སུ་མཇལ་རྒྱུ་ ཡོད། འདིར་ཕུག་ལུགས་རྩིས་ཀྱི་ལེགས་བཤད་བཻ་དཀར་དང་སྐར་རྩིས་ཀུན་འདུས་ནོར་བུ་སོགས་ལས་བསྟན་པའི་ཉི་ཟླ་སོགས་གཟའ་སྐར་གོ་ལའི་ འདུ་འཕྲོད་ཀྱི་བྱེད་ལས་ལ་བསྟེན་ནས་སའི་གོ་ལའི་ཕྱི་སྣོད་ཀྱི་རི་ཆུ་ནགས་ཚལ་སོགས་ཀྱི་སྐྱེ་འཇིག་གནས་གསུམ་གྱི་བྱ་བ་བྱེད་ཚུལ་དང་། ནང་ བཅུད་ཀྱི་སེམས་ཅན་མི་དང་དུད་འགྲོ་སོགས་སྐྱེ་འགྲོ་རྣམས་ལ་བདེ་སྡུག་བཏང་སྙོམས་ཀྱི་བྱ་བ་གང་ཞིག་ཕན་ཚུན་རྟེན་ཅིང་འབྲེལ་བར་འབྱུང་བའི་ ལྐོག་གྱུར་གྱི་གནས་རྣམས་སྐར་རྩིས་དང་། རྒྱ་རྩིས་དང་། འབྱུང་རྩིས་བཅས་ལས་རྒྱ་ཆེར་གསལ་བར་བསྟན་ཡོད་ལ། འདིར་སྐར་རྩིས་ཀྱི་གཞུང་ལས་ སྐྱེ་ཁམས་རིག་པ་དང་འབྲེལ་བའི་གཞུང་དོན་ཇི་ལྟར་བསྟན་ཡོད་པ་མདོ་ཙམ་བརྗོད་པ་ལ་བཞི། སྐར་རྩིས་ཀྱི་བྱུང་བ་མདོ་ཙམ་བརྗོད་པ། དེའི་བརྗོད་ བྱ་སྤྱིར་བསྟན་པ། གཟའ་སྐར་འཕྲོད་སྦྱོར་ལ་བརྟེན་ནས་ཕྱི་ནང་ལ་འཕོ་འགྱུར་བདེ་སྡུག་སོགས་འབྱུང་ཚུལ་མདོ་ཙམ་སྟོན་པ། དེ་དག་གི་དོན་བསྡུས་ པའོ།

༡ སྐར་རྩིས་ནི། སྟོན་པ་ཤཱཀྱ་ཐུབ་པ་དགུང་ལོ་བརྒྱད་ཅུ་གྱ་གཅིག་པ་ལྕགས་འབྲུག་སྟེ་སྤྱི་ལོ་སྔོན་གྱི་ལོ་༨༨༠བར། རྒྱ་གར་ལྷོ་ཕྱོགས་དཔལ་ལྡན་འབྲས་ སྤུངས་མཆོད་རྟེན་དུ་སྐུ་མྱ་ངན་ལས་འདའ་ཁར་ཞལ་ཆེམས་ཀྱི་ཚུལ་དུ་གསུངས་ཚུལ་ནི། (བཻ་དཀར་)ལས། དཔའ་བོ་ལྕགས་འབྲུག་ནག་ཉ་ལ། ཤྷདྷཱ་ཎྱ་ ཀ་ཌ་ཀར། རྒྱུད་རྒྱལ་ཡང་སྙིང་དུས་འཁོར་ལོ། གསུངས་ཤིང་ལོ་དེའི་ས་གའི་ཟླའི། བཅོ་ལྔའི་མཚན་གྱི་གུང་ཐུན་ལ། རྩྭ་མཆོག་གྲོང་དུ་ཐུབ་པའི་དབང་། གཟུགས་སྐུ་རྣམ་པར་བསྡུས་ནས་ལོ། དེ་ལ་ཟླས་དམན་ལྕགས་སྦྲུལ་ལ། ཆོས་རྒྱལ་ཟླ་བཟང་རྩ་རྒྱུད་བསྡུས། ཞེས་སོགས་གསུངས་པ་ལྟར། སྐར་རྩིས་ཀྱི་ གཞུང་ནི་རྒྱུད་ཐམས་ཅད་ཀྱི་རྒྱལ་བོ་དཔལ་དུས་ཀྱི་འཁོར་ལོའ་ི རྒྱུད་ལས་བྱུང་ཞིང་། དུས་འཁོར་རྩ་རྒྱུད་དང་དེའི་འགྲེལ་ཆེན་དྲི་མེད་འོད་སོགས་སྤྱི་ ལོ་ ༡༠༢༧ ལོ་སྟེ་རང་བྱུང་དང་པོའ་ི མེ་ཡོས་ལོ་ནས་རིམ་པར་བོད་དུ་དར་ཚུལ་སོགས་ནི། དེ་ཉིད་ལས། དེ་ལ་གཟུགས་ཕྲི་མེ་ཡོས་ལ། རབ་བྱུང་ཐོག་ མར་བརྩིས་པ་དང་། དེས་གསང་སྙིང་བོ་རྒྱུད་ཀུན་རྒྱལ། གཉིས་མེད་དུས་འཁོར་བོད་དུ་ཕེབས། ཞེས་ཕུག་པ་ཡབ་སྲས་བཞེད། ༢ སྐར་རྩིས་ཀྱི་བརྗོད་བྱ་སྤྱིར་བསྟན་པ་དང་། སྐར་རྩིས་ཀྱི་སྔོན་འགྲོ་མདོ་ཙམ་བསྟན་པའོ།

(༡) སྐར་རྩིས་ཀྱི་བརྗོད་བྱ་སྤྱིར་བསྟན་པ་ལ། སྐར་རྩིས་ནི་རྒྱུད་ཐམས་ཅད་ཀྱི་རྒྱལ་བོ་དཔལ་དུས་ཀྱི་འཁོར་ལོ་ལས། ཉི་མ་ལ་སོགས་པའི་གཟའ་བཅུ་ ཐ་སྐར་སོགས་རྒྱུ་སྐར་ཉེ་བརྒྱད་དམ་ལུག་ཁྱིམ་སོགས་ཁྱིམ་བཅུ་གཉིས་སུ་རང་བགྲོད་ཆ་སྙོམས་ཀྱི་དབང་དུ་བྱེད་པའི་རྟག་པའི་ལོངས་སྤྱོད། གཟའ་ རང་རང་གི་ཐུན་མོང་མ་ཡིན་པའི་མྱུར་བུལ་སོགས་རྐང་བའི་འཕེལ་འགྲིབ། གཟའ་སྐར་གོ་ལའི་བགྲོད་ཚུལ་དང་དེ་དག་གི་འབྱུང་བ་ས་ཆུ་མེ་རླུང་ ནམ་མཁའི་ཁམས་ནང་ཕན་ཚུན་དུ་ཕྲད་པའམ་འདུས་པ་ལས་སའི་གོ་ལ་སོགས་ཕྱི་རོལ་སྣོད་ཀྱི་འཇིག་རྟེན་ལ་སྐྱེ་འཇིག་གནས་གསུམ་གྱི་བྱ་བ་བྱེད་ ཚུལ་རྣམས་གསལ་བར་སྟོན་པ་ཕྱི་དུས་ཀྱི་འཁོར་ལོ། མི་དང་དུད་འགྲོ་སོགས་རིགས་དྲུག་གི་ལུས་ཀྱི་ཆགས་ཚུལ། ལུས་ཀྱི་འབྱུང་བའི་ཁམས་དང་རྩ་ རླུང་ཐིག་ལེ་སོགས་རྒྱུ་ཚུལ། དེ་དག་ལ་རྟེན་ནས་འགྲོ་བ་སེམས་ཅན་གྱི་ལུས་དང་སེམས་ལ་བདེ་སྡུག་གི་བྱ་བ་བྱེད་ཚུལ་གསལ་བར་སྟོན་པ་ནང་དུས་ ཀྱི་འཁོར་ལོ། ཕྱིའི་གཟའ་སྐར་གོ་ལའི་བགྲོད་ཚུལ་དང་ནང་གི་རྩ་རླུང་ཐིག་ལེའི་རྒྱུ་ཚུལ་སྦྱར་ཏེ་ལམ་བསྐྱེད་རྫོགས་ཀྱི་རྣལ་འབྱོར་ཉམས་སུ་བླངས་ ནས་ཟུང་འཇུག་རྡོ་རྗེ་འཆང་གི་གོ་འཕང་མངོན་དུ་མཛད་ཚུལ་གསལ་བར་སྟོན་པ་གཞན་དུས་ཀྱི་འཁོར་ལོ་བཅས་བསྟན་ཡོད་པ་ལས། གཞལ་བྱ་ ཕྱིའི་ཉི་ཟླ་སྒྲ་གཅན་གཟའ་ལྔ་སོགས་ཀྱི་རྟག་པའི་ལོངས་སྤྱོད་དང་མྱུར་བུལ་གྱི་རྐང་བའི་འཕེལ་འགྲིབ། བགྲོད་ཕྱོགས་དང་གནས་ཡུལ་སྐར་ཁྱིམ་བཅུ་ གཉིས་སམ་རྒྱུ་སྐར་ཉེར་བརྒྱད་གང་དང་གང་དུ་གཟའ་གང་དང་གང་གནས་ཡོད་པ་ངོས་འཛིན་པ། འཇལ་བྱེད་ཚེས་ཞག་ཁྱིམ་ཞག་ཉིན་ཞག་སྟེ་ཞག་ གསུམ་གྱི་སྒོ་ནས། གཟའ་ཆེན་རྣམས་ནང་ཕན་ཚུན་དུ་ཇི་ལྟར་རྟེན་ཅིང་འབྲེལ་བར་གནས་ཚུལ་དང་གཟའ་དང་རྒྱུ་སྐར་འདུས་པ་ལས་ཕྱིའི་འཇིག་ རྟེན་ལ་ས་ཆུ་མེ་རླུང་གི་འབྱུང་བ་ཆ་སྙོམས་པ་ལས་ཆར་ཆུ་དུས་སུ་འབབ་པ། རྩི་ཤིང་ལོ་ཏོག་རྒྱས་པ། ཡུལ་ལ་བཀྲ་ཤིས། འགྲོ་བ་མི་དང་སྲོག་ཆགས་ གཞན་དང་གཞན་རྣམས་ལ་ནད་ཡམས་འཁྲུག་རྩོད་མུ་གེ་སོགས་མེད་པར་བཅུད་ལ་བྱིན་ཆགས་པ་སོགས་བདེ་སྐྱིད་ཕུན་སུམ་ཚོགས་པ་འབྱུང་ཚུལ་ དང་། དེ་ལས་ལྡོག་སྟེ་ཕྱིའི་གཟའ་སྐར་ཀྱི་འབྱུང་བ་མི་མཐུན་པ་འཕྲད་པ་དང་ནང་བཅུད་ཀྱི་སེམས་ཅན་རྣམས་ཀྱིས་ལོག་པར་སྤྱོད་པ་སྣ་ཚོགས་པའི་ རྟེན་འབྱུང་ཚོགས་པ་ལས་ས་ཆུ་མེ་རླུང་གི་འཇིགས་པ་སྣ་ཚོགས་བསྟན་ཏེ་སྣོད་བཅུད་ཐམས་ཅད་ཉམས་པར་བྱེད་པའི་ཚུལ་རྣམས་རྣམ་པར་དག་ པའི་གྲངས་ཀྱི་རིག་པའི་ལམ་ནས་ཞིབ་མོ་སྟོན་པ་སྟེ། གཟའ་སྐར་འཕྲོད་སྦྱོར་ལས་འཇིག་རྟེན་གྱི་ཁམས་སྤྱི་དང་བྱེ་བྲག་འཛམ་བུ་གླིང་གི་སྐྱེ་ཁམས་ ཁོར་ཡུག་ལ་འགྱུར་ལྡོག་བྱུང་དང་འབྱུང་འགྱུར་གྱི་ལྐོག་གྱུར་གནས་རྣམས་རྗེན་པར་ལོ་རེའི་ལོ་ཐོ་ལ་སོགས་པའི་ཚུལ་གྱིས་སྟོན་པའི་ཐུན་མོང་མ་ ཡིན་པའི་རིག་པའི་གནས་ཤིག་གོ། (༢) སྐར་རྩིས་ཀྱི་སྔོན་འགྲོ་མདོ་ཙམ་བསྟན་པ་ལ། (ཀུན་འདུས་ནོར་བུ་)ལས། སྤྱི་ནི་ཞག་གསུམ་སོ་སོ་ཡི། ཐ་སྙད་ཡིན་ཏེ་ཉིན་ཞག་ནི། ནམ་མཁའི་ཉི་ མས་ས་གླིང་ལ། བྱ་བ་བྱེད་ཚུལ་གྱི་འཇོག་པས། ནམ་ལངས་ནས་ནི་ནམ་ལངས་བར། ཉིན་ཞག་ཕྲུགས་གཅིག་དག་ལ་བརྗོད། ཚེས་ཞག་ཟླ་བའི་དཀར་ ནག་ཆ། འཕེལ་འགྲིབ་བཅོ་ལྔ་བཅོ་ལྔ་ཡི། ཆེ་རེ་ཡུན་ལ་བཏགས་པར་ཟད། ཁྱིམ་ཞག་ཅེས་པ་ཉི་བར་གྱིས། ཁྱིམ་རེར་འཕོ་བའི་ཡུན་ཚད་ལ། སུམ་ཅུ་ བྱས་པའི་ཆ་རེར་བཞག ཅེས་གསུངས་པ་ལྟར། ཚེས་ཞག་དང་ཉིན་ཞག་དང་ཁྱིམ་ཞག་གསུམ་གྱི་སྒོ་ནས། ཉི་མ་ལ་སོགས་པའི་གཟའ་བཅུ། ལུག་ཁྱིམ་ ལ་སོགས་པའི་ཁྱིམ་བཅུ་གཉིས་སུ་གནས་པའི་ཐ་སྐར་ལ་སོགས་པའི་རྒྱུ་སྐར་ཉེར་བརྒྱད་དུ། རང་རང་གི་ཐུན་མོང་མ་ཡིན་པའི་རྟག་པའི་ལོངས་སྤྱོད་ དང་། དལ་བུལ་གྱི་རྐང་བ་མི་འདྲ་བ། བགྲོས་བཞི་ལ་སོགས་པའི་སྒོ་ནས་ཇི་ལྟར་རྒྱུ་ཚུལ་རྣམས་རང་རང་གི་དཀྱིལ་འཁོར་དང་འཁོར་གྲངས་རེའུ་ མིག་ཏུ་བཀོད་པ་ལྟར། རྣམ་པར་དག་པའི་གྲངས་ཀྱི་རིགས་ལམ་ནས་གསལ་བར་ཡང་དག་པར་བསྟན་པ་ཡིན་ཏེ། (ཀུན་འདུས་ནོར་བུ་)ལས། ཉི་ཟླ་

དམར་ལྷག་ཕུར་སངས་སྤེན། རེས་ལ་འཆར་བའི་གཟའ་བདུན་ཏེ། སྒྲ་གཅན་དུས་མེ་འཇུག་རིང་བཅས། བསྣན་པས་གཟའ་ནི་བཅུ་རུ་འགྱུར། ཞེས་ དང་། ཡང་། ཐ་སྐར་བྲ་ཉེ་སྨིན་དྲུག་དང་། སྣར་མ་མགོ་ལག་ནབས་སོ་རྒྱལ། སྐག་མཆུ་གྲེ་དབོ་མེ་བཞི་ནག ས་རི་ས་ག་ལྷ་མཚམས་སྣོན། སྣུབས་དང་ ཆུ་སྟོད་ཆུ་སྨད་དང་། གྲོ་བཞིན་མོན་གྲེ་མོན་གྲུ་དང་། ཁྲུངས་སྟོད་ཁྲུམས་སྨད་ནམ་གྲུ་བཅས། རྒྱུ་སྐར་ཉི་ཤུ་རྩ་བདུན་ཏེ། བྱི་བཞིན་ཞེས་པ་གྲོ་བཞིན་ མཐར། སྦྱར་བས་ཉི་ཤུ་རྩ་བརྒྱད་འབྱུང་། འོན་ཀྱང་རྒྱུ་སྐར་དེ་གཉིས་ལ། སྐར་ཁྱོན་གཅིག་ལས་ལྷག་པ་མེད། དེ་ཕྱིར་ལུགས་འདིར་སྐར་མའི་གྲངས། ཉེར་བདུན་ཡིན་ནོ་རྒྱུ་སྐར་རེར། སྐར་ཆུང་རེ་ཡི་རྗེས་འབྲང་བཅས། དེ་ཡང་ཕལ་བའི་སྐར་མ་ལ། དུང་ཕྱུར་གཉིས་དང་བྱེ་བ་བརྒྱད། ས་ཡ་ལྔ་དང་ བཅས་པ་ཡོད། ལུག་གླང་འཁྲིག་ཀ་ཀརྐཊ། སེང་གེ་བུ་མོ་སྲང་སྡིག་གཞུ། ཆུ་སྲིན་བུམ་པ་ཉ་རྣམས་ནི། གཟའ་བཅུའི་རྒྱུ་ལམ་ཁྱིམ་གྱི་མིང་། རྒྱུ་སྐར་ཉི་ ཤུ་རྩ་བདུན་གྱི། སྐར་མ་རེ་རེའི་ས་ཁྱོན་ནི། ཆ་མཉམ་དྲུག་ཅུར་བྱས་པ་ལ། ཡུལ་གྱི་ཆུ་ཚོད་ཅེས་སུ་བཏགས། དྲུག་ཅུ་བཞི་ཅར་བྱས་པ་ཡི། ཆ་རེར་ཆུ་ ཚོད་བཅོ་ལྔ་སྟེ། རྒྱུ་སྐར་རྐང་བ་ཞེས་སུ་གྲགས། དེ་འདྲའི་སྐར་བ་དགུ་དགུ་ལ། ཁྱིམ་གཅིག་ཅེས་གྲགས་འདི་ལྟ་སྟེ། ཐ་སྐར་དང་ནི་བྲ་ཉེ་དང་། སྨིན་ དྲུག་རྐང་གཅིག་ལུག་གི་ཁྱིམ། སྨིན་དྲུག་རྐང་གསུམ་སྣར་མ་དང་། མགོ་ཡི་ཕྱེད་ནི་གླང་ཞེས་བྱ། མགོ་ཕྱེད་ལག་དང་ནབས་སོ་ཡི། རྐང་བ་གསུམ་ནི་ འཁྲིག་པར་དྲན། ནབས་སོའ་ི རྐང་གཅིག་རྒྱལ་དང་སྐག རྫོགས་པ་ཀརྐཊ་ཞེས་བརྗོད། མཆུ་གྲེ་དབོ་ཡི་རྐང་བ་གཅིག སེང་གེའི་ཁྱིམ་ཞེས་བརྗོད་པ་ ཡིན། དབོ་ཡི་རྐང་གསུམ་མེ་བཞི་དང་། ནག་པོའ་ི ཕྱེད་བཅས་བུ་མོའ་ི ཁྱིམ། ནག་པའི་ཕྱེད་དང་ས་རི་དང་། ས་གའི་རྐང་གསུམ་སྲང་ཁྱིམ་ཡིན། ས་ གའི་རྐང་གཅིག་ལྷ་མཚམས་དང་། སྣོན་རྫོགས་སྡིག་པའི་ཁྱིམ་ཞེས་བྱ། སྣུབས་དང་ཆུ་སྟོད་ཆུ་སྨད་ཀྱི། རྐང་གཅིག་གཞུ་ཡི་ཁྱིམ་དུ་ངེས། ཆུ་སྨད་རྐང་ གསུམ་གྲོ་བཞིན་དང་། མོན་གྲེའི་རྐང་གཉིས་ཆུ་སྲིན་ཁྱིམ། མོན་གྲེའི་ཕྱེད་དང་མོན་གྲུ་དང་། ཁྲུངས་སྟོད་རྐང་གསུམ་བུམ་པར་བརྗོད། ཁྲུམས་སྟོད་ བཞི་ཆ་ཁྲུམས་སྨད་དང་། ནམ་གྲུ་རྫོགས་པ་ཉ་ཡི་ཁྱིམ། ཉི་མས་ཁྱི་ཟླ་བཅུ་གཉིས་པོ། བགྲོས་ཡུན་དུས་བཞི་རྫོགས་པ་ལ། ལོ་གཅིག་ཅེས་པའི་ཐ་སྙད་ བཏགས། ལོ་ཡི་ཐོག་མ་རབ་བྱུང་ཞེས། རིག་བྱེད་གཞུང་ལས་བཤད་པ་བཞིན། སྟོད་འགྲེལ་ལས་ཀྱང་དེ་ལྟར་གསུངས། རྒྱ་ནག་ལུགས་ལ་ལོ་བཅུ་ གཉིས། ཤིང་མེ་ས་ལྕགས་ཆུ་ལྔ་ཡི། དབང་ཐང་ཁམས་དང་ཕོ་དང་མོར། སྦྱར་བས་ལོ་རྒན་དྲུག་ཅུ་འབྱུང་། སྟོད་འགྲེལ་ལུགས་ཀྱི་རབ་བྱུང་དང་། རྒྱ་ རྩིས་པ་ཡི་མེ་མོ་ཡོས། དོན་གཅིག་མིང་གི་རྣམ་གྲངས་ཏེ། ལྷག་རྣམས་རིམ་པར་དེད་དེ་སྦྱར། ཟླ་བའི་དཀར་ཆ་འཕེལ་དང་འགྲིབ། བཅོ་ལྔ་རེ་སྟེ་ ཞག་སུམ་ཅུར། ལོངས་ཚེ་ཟླ་བའི་ཐ་སྙད་བཏགས། ལོ་རེའི་ཟླ་བ་བཅུ་གཉིས་ལས། གང་དང་གང་ལས་ལོ་ཡི་མགོ། འཛིན་ཚུལ་མི་འདྲ་མང་ན་ཡང་ ། སོ་སོས་ལུང་རིགས་ཁུངས་དང་བཅས། ལུགས་འདིར་ཁྱབ་བདག་དུས་འཁོར་ལོ། དཔལ་ལྡན་འབྲས་སྤུངས་མཆོད་རྟེན་ཆེར། གསུངས་པའི་དུས་ཟླ་ ཡིན་པ་དང་། ཁྱད་པར་གཟའ་ཀུན་སྟོང་ཞུགས་མཐར། རབ་བྱུང་ལོ་ཡི་ནག་ཟླ་ཡི། ཡར་ངོའ་ི ཚེས་གཅིག་ནམ་ལངས་དུས། དུས་མེ་མ་གཏོགས་གཟའ་ རྣམས་ཀྱི། རྟག་ལོངས་ཏོག་མར་ལུག་ཁྱིམ་ནས། སྤྱོད་པའི་ཕྱིར་དང་འཇིག་རྟེན་དུ། ཟླ་བ་སྐྱེས་མ་ཐག་པ་ནས། དཀར་ཆ་དང་པོར་འཕེལ་བའི་ཕྱིར། ཡང་ངོ་སྔོན་འགྲོ་ནག་ཟླ་ནས། ལོ་མགོ་འཛིན་པ་གཙོ་བོར་བཞེད། ཅེ་གསུངས་པ་ལྟར་སྐར་རྩིས་ཀྱི་སྔོན་འགྲོ་མདོར་བཤད་ན་ཞག་གསུམ་སྟེ། ཚེས་ ཞག་དང་། ཉིན་ཞག་དང་། ཁྱིམ་ཞག་རྣམས་ཀྱི་སྒོ་ནས་གཟའ་བཅུ་ཁྱིམ་བཅུ་གཉིས་སུ་གནས་པའི་རྒྱུ་སྐར་ཉེར་བརྒྱད་རང་རང་གི་ཐུན་མིན་གྱི་ཁྱད་ ཆོས་བཞིས་རྒྱུ་ཚུལ་བསྟན་པ་ལ་བརྟེན་ནས། ཉི་ཟླ་སྐར་གསུམ་གྱི་བགྲོད་ཚུལ་ལ་མ་རྨོངས་པར་འཇིག་རྟེན་འདིར་དགེ་སྡིག་གི་ཁྱད་པར་ཤེས་ནས་ རང་བྱུང་ཁམས་ལ་གནོད་འཚེ་མི་གཏོང་བ་དང་། སྐྱེ་དངོས་ལ་དོ་དམ་གང་དྲགས་བྱེད་དགོས་པ་གདམས་ཡོད་དོ། ༣ གཟའ་སྐར་འཕྲོད་སྦྱོར་གྱི་དབང་གིས་ཕྱི་ནང་སྐྱེ་ཁམས་ལ་འཕོ་འགྱུར་བདེ་སྡུག་སོགས་འབྱུང་ཚུལ་སྟོན་པ་ལ།

(༡) དེ་ལ་(བཻ་དཀར་)ལས། འཇམ་མགོན་ཟུར་ཕུད་ལྔ་པ་ཡི། ཕྱག་གཡས་ཤེས་རབ་རལ་གྲི་འདི། མཚོན་ཕྱིར་མུན་པའི་སྨག་གི་རུམ། སྣང་བས་ཡོངས་ བསྐྲད་ལྷ་དེར་འདུད། ལོ་སོགས་བཟང་ངན་འབྲས་བུ་ཇི་སྙེད་པ། གསལ་པོར་སྟོན་པས་གཡའ་བྲལ་མེ་ལོང་ངམ། ཡང་ན་མ་འོངས་ཀུན་གསལ་བཀའ་ བསྟན་གྱི། དགོངས་དོན་ཕྱོགས་སུ་བསྡེབས་སམ་འཕྱང་མོ་ཉུག དུས་བསྟན་པའི་མེ་ལོང་ལས་བྱུང་བའི། ལོ་ཡི་འབྲས་བུ་འདི་ལྟ་སྟེ། རབ་བྱུང་ལོ་ལ་ ཐང་ཞིང་རྒྱས། ཆར་འབབ་རླུང་དང་མེ་ཡིས་འཇིག ཚ་བའི་ནད་འབྱུང་འཚོང་འཕེལ་ལ། ཡུལ་ནི་ཁ་ཅིག་ཆར་མི་འབབ། རྣམས་བྱུང་ནད་རིམས་ འཁྲུག་པ་དག ཅུང་ཟད་འབྱུང་ཡང་འབྲུ་འཕེལ་བཟང་། དཀར་པོ་ཆར་འབབ་ལོ་མཇུག་ངན། རབ་མྱོང་ཆར་ཆེ་འབྲུ་རྒྱས་ཤིང་། ནད་ལས་ཐར་བས་ བཟང་བ་ཡིན། སྐྱེས་བདག་ཆར་ཆེ་ཆུ་ཉེན་འབྱུང་། འབྲུ་འཕེལ་རེས་འགའ་ཐན་པ་སྲིད། ཨདྒི་ར་དང་དཔལ་གདོང་དང་། དངོས་པོ་རྣམས་ལ་ལོ་ ལེགས་ཤིང་། ཕྱུགས་ནད་འབྱུང་ལ་ཡུལ་འགའ་ཞིག འཁྲུག་ཅི་ལ་ལ་བདེ་བར་སྤྱོད། ན་ཚོད་ལོ་འབྲིང་སྔ་ཆར་འབབ། རེས་འགའ་ཐན་ཞིང་ནད་མེད་ དོ། འཛིན་བྱེད་གནག་འབྲིང་དཀར་མོ་ལེགས། འཐབ་རྩོད་མང་ཞིང་རིམས་ཕྲན་དང་། སྔ་ཐན་ཕྲན་བུ་འབྱུང་བར་འགྱུར། དབང་ཕྱུག་ཆར་ཆུ་ནད་ མེད་བདེ། འབྲུ་མང་རླུང་ལྡང་ཆ་འབབ་ཅིང་། འབྲུ་འཕེལ་ཕྱུགས་ནི་འབྲིང་དུ་འགྱུར། མྱོས་ལྡན་རླུང་ལྡང་ཆར་འབབ་ཅིང་། འབྲུ་འཕེལ་ཕྱུགས་ནི་ འབྲིང་དུ་འགྱུར། མྱོས་ལྡན་རྩོད་ཅིང་ཆར་མེད་ངན། རྣམ་གནོན་དང་ནི་ཁྱུ་མཆོག་ལ། ཀུན་ལ་བཟང་བས་ལེགས་པ་ཡིན། སྣ་ཚོགས་འབྲིང་ལ་ཉི་མ་ ངན། ཉི་སྒྲོལ་ལ་ནི་ནད་འཇིགས་འབྱུང་། འབྲུ་རྣམས་ཉམས་པར་འགྱུར་བ་ཡིན། ས་སྐྱོང་ཆར་འབབ་ལོ་ལེགས་བཟང་། མི་ཟད་དང་ནི་ཐམས་ཅད་ འདུལ། ལོ་ལེགས་ཕྱུགས་འཕེལ་འཇིགས་པ་འབྱུང་། ཀུན་འཛིན་ཤིན་ཏུ་བཟང་བ་ཡིན། འགལ་བ་ལ་ནི་འཇིགས་པ་འབྱུང་། ཐན་པ་ཆེ་ཞིང་འབྲུ་རྣམ་ འབྲིང་། རྨ་འགྱུར་ལོ་ལེགས་འཇིགས་པ་འབྱུང་། བོང་བུ་འཇིགས་འབྱུང་ལོ་རྣམས་འབྲིང་། དགའ་བ་རྣམ་རྒྱལ་རྒྱལ་བ་ལ། རྩོད་པ་བག་ཙམ་འབྱུང་ ནའང་། ནད་མེད་ལོ་ལེགས་ཀུན་ལ་བཟང་། མྱོས་བྱེད་ལ་ནི་ལོ་ལེགས་ཤིང་། ཆར་དང་ནད་མོད་འབྲིང་པོར་དཔྱད། གདོང་ངན་ལ་ནི་ངན་པར་བཤད། གསེར་འཕྱང་ལོ་ཉེས་ཆར་མི་འབབ། འབངས་ཀྱི་རྗེ་ལ་རྒོལ་བས་ངན། རྣམ་འཕྱང་ལོ་དང་ཕྱགས་གཉིས་ངན། སྒྱུར་བྱེད་ལ་ནི་ཁ་ཆར་ཆེ། ལོ་འབྲིང་ སྐྱ་རྒྱལ་ཕྱགས་ནད་འོང་། སྤྱི་ལ་འབྲིང་པོ་ཉིད་དུ་འབྱུང་། ཀུན་ལྡན་དགྲ་དང་རྐུན་པོ་དར། མུ་གེ་འོང་བས་ངན་པ་ཡིན། འཕར་བ་སྐྱ་རྒྱལ་མཚོན་དར་ ཡང་། སྤྱི་ལ་བཟང་བར་བཤད་པ་ཡིན། དགེ་བྱེད་མཛེས་བྱེད་ཀུན་ཏུ་བཟང་། ཁྲོ་མོ་ལོ་ལེགས་སྔ་ཐན་འོང་། ཞོད་ཆེ་རྩོད་འཁྲུག་དར་བས་ངན། སྣ་ ཚོགས་དབྱིག་དང་ཟིལ་གནོན་འབྲིང་། སྤྲེའུ་ཕུར་བུ་ལོ་སྤྱི་ལེགས། ཁྱད་པར་བོད་ཡུལ་བདེ་བར་བྱེད། ཞི་བ་ནད་དང་འཁྲུག་རྩོད་འོང་། སྐྱ་འཕམ་ ངན་པར་བཤད་པ་ཡིན། ཐུན་མོང་ཆར་མེད་སྐྱ་རྒྱལ་བཟང་། འགལ་བྱེད་ཡུལ་ཁམས་ཆར་མི་སྙོམས། སྐྱ་རྒྱལ་པོ་འབྲིང་ཞེས་སུ་བཤད། ཡོངས་འཛིན་ རྒྱ་གར་རྒྱལ་བློན་ངན། ཆར་འབྲིང་ཤྭ་འོད་སྐྱ་རྒྱལ་འོང་། བག་མེད་ཆར་དང་ལྷགས་པར་ཆེ། སྐྱ་རྒྱལ་འཁྲུག་པ་འོང་བ་ཡིན། ཀུན་དགའ་ཐན་ཆེ་ཡུལ་

དཔོན་རྩོད། སྐྱ་རྒྱལ་མེ་ཏོག་དམར་འབྲས་ཉམས། སྲིན་པོ་སྤྱིར་བཟང་སྔ་ཐན་ཆེ། ཕྱི་ཞོད་གཤོངས་ཞིང་ལེགས་པ་དང་། སྐྱ་རྣམས་རྒྱལ་བར་བཤད་པ་ ཡིན། མེ་ལ་རིམས་འོངས་སྐྱ་ཅུང་འཕམ། དམར་སེར་སྐྱ་རྒྱལ་ཆར་ཆེ་ན། རིམས་འབྱུང་ཐན་ན་ནད་མེད་དོ། དུས་ཀྱི་ཕོ་ཉར་སྔ་ཐན་དང་། ཕྱུགས་ཉེས་ ལོ་ལེགས་སད་ཕྲན་འབྱུང་། དོན་གྲུབ་ལོ་ལེགས་ནད་རིམས་དང་། སྔ་ཐན་རྟ་ལ་རིམས་ནད་འབྱུང་། དྲག་པོ་ལོ་ལེགས་འཁྲུག་པ་འོང་། ལོ་སྤྱིར་ཉེས་ ཀྱང་ཕྱི་བཏབ་ལེགས། ནད་མེད་ཆུ་ལོག་འཁྲུག་པ་འོང་། རྔ་ཆེན་ལོ་ལེགས་ཆར་པ་ཆེ། ཁྲག་སྐྱུག་ནམ་སྨད་ཞེད་ཆེ་ཞིང་། འཁྲུག་པ་ཐོག་སར་རྒོད་པ་ དང་། མཐའ་ཡུལ་སད་འོང་ཨ་ལེགས་བཟང་། མིག་དམར་ལོ་ལེགས་འཁྲུག་པ་འོང་། ཁྲོ་བོ་སྔ་ཐན་ཕྱི་ཞོད་བཟང་། ཟད་བྱེད་ལོ་འབྲིང་ཕྱུགས་ཉེས་ངན། (༢) ལོ་བདག་གཟའ་ཡི་འབྲས་བུ་ནི། ཉི་མ་ལོ་བདག་གྱུར་པའི་ཚེ། ཆར་ཆུ་རྩི་ཤིང་ལོ་ཏོག་ངན། སྲོག་ཆགས་ལོར་གཟན་དུད་འགྲོ་རྣམས། ནད་ཀྱིས་ འཚེ་ལ་ཉི་ཟླ་དང་། རྒྱུ་སྐར་འོད་དམན་སྨན་སྟོབས་ཆུང་། སྐྱ་རྒྱལ་འཁྲུགས་པ་དར་བ་སྟེ། འོན་ཀྱང་དམངས་རིགས་བདེ་ཞེས་གྲགས། ཟླ་བའི་ལོ་ལ་ ཆར་ཆེ་ཞིང་། རྩི་ཤིང་འབྲུ་ཡི་རིགས་རྣམས་རྒྱས། མ་ཧེ་ལ་སོགས་བཞོན་རྒྱས་ཤིང་། མི་རྣམས་གླུ་གར་རོལ་མོས་རྩེ། ཁྱད་པར་རྗེའུ་རིགས་རྣམས་བདེ། མིག་དམར་ལོ་ཉེས་ཆོམ་རྐུན་དར། ཐན་ཆེ་ནད་མང་རྐུན་པོ་བདེ། རྒྱལ་པོ་རྩོད་ཅིང་འབངས་རྣམས་སྡུག འོན་ཀྱང་རྐུན་པོ་བདེ་བར་བྱེད། ལྷག་པའི་ ལོ་ལ་ཆར་ཆུ་ཆེ། ལོ་ལེགས་འོངས་འབྲིང་མཁལ་ནད་འབྱུང་། རྒྱལ་པོ་འབངས་དང་བྱིས་བཅས་བདེ། མཁས་རྣམས་རིག་འཕེལ་ནད་མེད་དོ། མ་ཧེ་ བཞོན་བཟང་རྗེ་རིགས་བདེ། ཕུར་བུ་ཆར་ཆེ་ལོ་ཏོག་མཛེས། མི་ཕྱུགས་ཀུན་ལ་ནད་མེད་ཅིང་། མཁས་པ་རྒྱལ་པོ་བྲམ་ཟེ་བདེ། དཀར་པོ་ཤིང་ཏོག་ ལོ་ཏོག་རྒྱས། རྒྱལ་པོ་མངའ་རིས་བཅས་པ་འཕེལ། དམངས་རིགས་བདེ་ལ་དགའ་སྟོན་སྲེད། བུད་མེད་སྦྲུམ་སོགས་སྐྱེ་འགྲོ་བདེ། སྤེན་པ་རྒྱལ་པོ་རྒྱལ་ ཕྲན་རྩོད། ཡོན་ཏན་ཅན་ཉམས་གདོལ་པ་བདེ། ཆར་མེད་ལོ་ཏོག་ཀུན་ཉམས་ཤིང་། སྐྱེ་བོ་ཉོན་མོངས་མུ་གེ་འབྱུང་། རྐུན་པོའ་ི ཚོགས་ནི་བདེ་བར་བྱེད།

(༣) ལོ་བདག་སྐར་མའི་འབྲས་བུ་ནི། ཐ་སྐར་དང་ནི་བྲ་ཉེ་ལ། ཆར་མང་རྒྱལ་པོ་སྟོབས་ཆེ་ཞིང་། འབྲུ་རྒྱས་རྒྱལ་ཁམས་བདེ་བར་སྤྱོད། སྨིན་དྲུག་སྣར་ མ་ཤིང་མཁན་དང་། མགར་བ་བ་ལང་ནད་ཀྱིས་འཇིག མེ་ཏོག་དཀར་སེར་འབྲུ་རྣམས་འཕེལ། རྒྱལ་པོ་རྩོད་ཅིང་སེམས་ཅན་འཇིགས། མགོ་ལག་ཆར་ མེད་རྒྱལ་པོ་རྩོད། སྒོང་སྐྱེས་རིར་གནས་སེམས་ཅན་ངན། སྐྱ་ཡང་བག་ཙམ་འཕམ་པར་འགྱུར། ནབས་སོ་རྒྱལ་ལ་ཕན་ཚུན་འདུམས། འབྲུ་འཕེལ་ སྔགས་བོན་རྣམས་ལ་དགེ། ཝ་དང་རྟ་ཆེན་རྟ་ཆུང་ལ། ཆར་འབབ་ལོ་འཕེལ་སེམས་ཅན་ཀུན། མཛའ་ཞིང་དགའ་ལ་བདེ་བར་སྤྱོད། དབོ་དང་མེ་བཞི་ ཡུ་ལ་ལར། ལོ་ལེགས་ལ་ལར་འབྲུ་མི་སྨིན། ནག་པ་དང་ནི་ས་རི་ལ། རྐུན་མ་རྒྱལ་པོའ་ི འཇིགས་པ་འབྱུང་། ས་ག་ལག་སོར་ལོ་ལེགས་ཤིང་། ཆོས་སྤྱོད་ འགྲོ་ལ་འཇིགས་པ་མེད། སྣོན་སྣུབས་བཤེས་གཉེན་དམ་པ་དང་། རིགས་བཟང་འགྲོ་རྣམས་ལོངས་སྤྱོད་རྒྱས། སེམས་ཅན་ཀུན་བདེ་ལོ་ལེགས་འབྱུང་ ། ཆོས་སྤྱོད་འགའ་ལ་ནད་འཇིགས་འབྱུང་། ཆུ་སྟོད་ཆུ་སྨད་ཆར་མི་སྙོམས། དགེ་སྡིག་འདྲེས་མར་སྤྱོད་པ་ཡིན། གྲོ་བཞིན་མོན་དྲེ་ལོ་ལེགས་ཤིང་། ནད་ ཀྱི་འཇིགས་འབྱུང་གཞན་རྣམས་བདེ། མོན་གྲུ་ཁྲུམས་སྟོད་ནད་མེད་ཅིང་། ལོ་ལེགས་སྐྱ་རྒྱལ་བཀྲ་ཤིས་དགེ། ཁྲུམས་སྨད་ནམ་གྲུ་སྲན་མ་སོགས། ལོ་ ལེགས་ཡུལ་འགར་ལོ་མི་སྨིན། རྒྱལ་པོ་རྒྱལ་ཁྲིམས་བསྲུང་ཞིང་དགེ།

(༤) གཞན་ཡང་བྱེད་པ་ལོ་བདག་འབྲས། ཉི་མ་འབྲུ་དཀོན་ནགས་ཚལ་དང་། ཆུ་ཀླུང་ལྟེང་ཀ་སྐྱེམས་པའང་སྐམ། སྦྲུལ་སོགས་སྲོག་ཆགས་གདུག་པས་ འཚེ། ཚད་ནད་ལ་སོགས་མི་ནད་དར། སྨན་རྣམས་སྟོབས་དང་མི་ལྡན་ཞིང་། ཆར་རྒྱུན་ཉི་མས་ལྷག་པར་གདུང་། ཉི་ཟླ་ཟླ་སྐར་མདངས་དང་བྲལ། དཀར་ཐུབ་ལྡན་པ་ཕྱུག་པར་བྱེད། ཡུལ་དབུས་དམག་གིས་འཁྲུག་པར་བྱེད། ཟླ་བ་ཆར་འབབ་སྨན་བཅུད་ལྡན། ཆུ་ཀླུང་ལྟེང་ཀ་འཕེལ་བར་འགྱུར། ནགས་ཚལ་མེ་ཏོག་ལོ་ཏོག་རྒྱས། བཞོན་རྣམས་འོ་མ་མང་བ་དང་། གཞོན་ནུ་རྣམས་ནི་རྩེ་ཞིང་རོལ། མི་བདག་བྱམས་པས་ཡུལ་འཁོར་སྐྱོང་། མིག་ དམར་མེ་ཡི་སྟོབས་འཕེལ་ཞིང་། མི་རྣམས་དབུལ་པོས་འགྱུར་བ་དང་། རྐུན་མ་ལྷག་པར་འཕེལ་གྱུར་ཞིང་། ཡུལ་འགར་ཆར་བ་ལྷག་པར་འཆགས། ལ་ ལ་ཐན་པས་གདུང་བར་བྱེད། འབྲུ་རྣམས་འཕེལ་བ་རྐྱེན་གྱིས་ཉམས། མཁྲིས་ནད་འཕེལ་ཞིང་འཐབ་རྩོད་དར། རྒྱལ་པོ་ཡུལ་འཁོར་བཏང་སྙོམས་དོར། ལྷག་པ་རིགས་པའི་ཚོགས་དང་ནི། འཇིག་རྟེན་རྒྱས་པར་འགྱུར་བ་དང་། ལོ་ཏོག་དང་ནི་རྩི་ཤིང་རྒྱས། འགྲོ་རྣམས་ཆོས་སྤྱོད་མི་རྣམས་འདུ། བརྟུལ་ ཞུགས་ལྡན་པ་བསྙེན་བཀུར་ཐོང་། རྒྱལ་པོ་རྣམས་ཀྱི་སྟོབས་འཕེལ་འགྱུར། ཕུར་བུ་མཆོད་སྦྱིན་གཉིས་འཕེལ་ཞིང་། ཆོས་དང་ལྡན་པ་གྲགས་པ་ཐོབ། འཇིག་རྟེན་ལྷ་ཡིས་སྐྱོང་བ་དང་། འབྲུ་སོགས་རྩི་ཤིང་རྒྱས་འགྱུར་ཞིང་། རྟ་དང་གླང་པོ་བ་ལང་འཕེལ། ཆར་བ་དུས་སུ་འབབ་པ་དང་། བློ་ལྡན་རིག་པ་ རྒྱས་པར་འགྱུར། པ་སངས་ནད་མེད་རྒྱལ་རིགས་རྒྱལ། གདུགས་འཇོམས་མགྲོན་པོ་དགེ་བར་བྱེད། ཚོང་པ་ནོར་རྒྱས་རིན་ཆེན་འཕེལ། ལུས་ལ་ནད་ མེད་བདེ་བར་བཙའ། སྤེན་པ་གདོན་བགེགས་ཡུལ་འཁོར་འཚེ། མི་རྣམས་ནད་འཚེ་ནོར་ཕྱུགས་འབྲལ། དུས་མིན་རླུང་གིས་ས་དང་མཁའི། མདངས་ འཕྲོག་ཆར་མེད་ཆུ་བོ་འབྲི། ཉི་ཟླ་འོད་མེད་འབྲུ་མི་སྨིན། བུད་མེད་བུས་འཆི་བུ་ཚ་བླུན། གཞན་ཡང་ཕུར་བུ་བྱང་སྐར་སྤྱོད། རྒྱལ་པོ་བདེ་ཞིང་ལོ་ ལེགས་ལ། སྐྱ་རྒྱལ་བཀྲ་ཤིས་ནད་མེད་བདེ། ལྷོ་སྐར་ལ་ཞུགས་གོང་ལས་ལྡོག ཤར་ནུབ་སྐར་མར་འདྲེས་མར་སྤྱོད། མིག་དམར་གང་སྤྱོད་སྐྱེ་སྐར་ཅན། ངན་ལ་ལོ་ནང་འགྲོས་འཕོ་བ། མྱུར་ན་བོད་ལ་མི་བདེ་འོང་། ཕྱིར་ལོག་ཆར་མེད་ལོ་སྐམ་ཞིང་། མཚོན་གྱིས་རྨས་པ་ཕལ་ཆེར་འཆི། གླང་ཆེན་སྦྲུལ་དང་ བཅས་པར་འཆི། ཡང་ན་ཉི་མ་ལྷན་ཅིག་ཐོག འཁྱོག་པོར་འགྲོ་ན་འགར་བ་ངན། གྲེ་ནས་འཁྱོག་ཞུགས་ལོ་ཏོག་ཉམས། མེ་བཞི་ནག་ནས་འཁྱོག་འགྲོ་ ན། སེང་གེ་རི་དྭགས་དུག་སྦྲུལ་གནོད། ས་ག་ལྷ་མཚམས་འཁྱོག་འགྲོ་ན། མཁལ་རྐེད་ནད་འབྱུང་སྦྲུལ་ལ་འཚེ། ལྡེ་གུ་སོག་པར་ཕྱིར་ལོག་ན། ཆར་མེད་ རྐུན་པོའ་ི འཇིགས་པ་འབྱུང་། གྲོ་བཞིན་ཉི་གནས་དམག་དཔོན་ལ། འདོད་ཁམས་མན་ཆད་ཀུན་ལ་ངན། ཡང་ན་ཉི་མ་གྲོ་བཞིན་གནས། མིག་དམར་ རྒྱལ་ཡོད་རྒྱལ་པོར་ངན། མཆུ་ནས་གྲོས་འགྱུར་པཎྜི་ཏ། རྒྱལ་པོའ་ི ཚོགས་ལ་གནོད་པ་སྟེ། མཆུ་ནས་ས་གའི་མཚམས་འགྱུར་ན། མུ་གེའི་འཇིགས་པ་ ཆེན་པོ་འབྱུང་། བི་རྫི་འགྲོས་འགྱུར་ཆར་མི་འབབ། ལྡེ་གུར་ཕྱིར་ལོག་རྒྱལ་པོ་འཇིགས། འཁྱོག་འགྲོས་མུ་ནས་ཕྱིར་ལོག་ན། རྒྱལ་པོ་འཆི་བའི་མཚན་མ་ ཡིན། སྣར་མར་དལ་འགྲོ་མུ་གེ་འོང་། སྣར་མ་སྣོན་སྣུབས་སྦོ་ཆུ་སྨད། ཁྲུམས་སྨད་གྲོ་བཞིན་གནས་པ་ན། ཆར་མེད་ནབས་སོ་མེ་བཞི་སྣུབས། ཁྲུམས་ སྟོད་སྣར་མ་མྱུར་འགྲོས་བཟང་། ཁྱད་པར་སྨིན་དྲུག་སྐག་གི་བར། རང་སྟོབས་ཆེ་ལ་གནས་པ་ན། རྒྱལ་པོ་འབངས་དང་བཅས་པ་བདེ། ལྷག་པ་ཕྱིར་ ལོག་ཆར་ཆེན་ནམ། ཡང་ན་ཆར་མེད་མུ་གེ་འབྱུང་། ལོག་འགྲོ་སྐར་མར་ཆར་མི་འབེབས། གྲོ་བཞིན་མོན་དྲེ་སྣར་མ་མགོ། ཆུ་སྨད་ལྷ་མཚམས་འཁྱོག་ པོར་འགྲོ། ཆར་འབབ་ཆུའི་འཇིགས་མུ་གེ་འོང་། ལག་ནས་མཆུའི་བར་འགྲོ་འགྱུར་ན། འཐབ་རྩོད་མུ་གེ་ནད་ཆར་དཀོན། གོ་རིམས་སེམས་ཅན་སྡུག་

བསྔལ་བྱེད། འཁྱོག་པོར་འགྲོ་ན་སེམས་ཅན་གནོད། དེ་བཞིན་མེ་བཞི་སྣོན་གྱི་བར། སྐར་དྲུག་བ་ལང་རྣམས་ལ་གནོད། ཏིལ་ལ་སོགས་པའི་འབྲུ་མར་ དང་། འབྲས་བུ་དཀོན་པར་འགྱུར་བ་ཡིན། སྦྲང་དཀར་ལ་སོགས་མངར་རོ་ཉམས། ཐ་སྐར་མོན་དྲེ་སྣུབས་ཕྱིར་ལོག ཚོང་པ་སྨན་པ་གྲུ་མཁན་དང་། ཆུ་ ལ་གནས་པའི་སེམས་ཅན་ཉམས། གྲེ་སྒྲོག་ཆུ་སྟོད་ཁྲུམས་སྟོད་ཀྱི། སྐར་མའི་མཚམས་ཕྱེད་ནས་ལོག་ན། གོ་རིམ་བཞིན་དུ་མུ་གེ་དང་། འཐབ་རྩོད་རྐུན་ པོ་ནད་ཀྱིས་འཇིག དེ་ཡང་དྲང་སྲོང་འདི་ལ་ནི། ཐ་མལ་རྣམ་པར་འདྲེན་པ་དང་། མདོར་བསྡུས་པ་དང་རྣོ་བ་དང་། སྦྱོར་བའི་མཐའ་ལས་འབྱུང་བ་ དང་། དྲག་པོ་སྡིག་པའི་སྤྱོད་པ་སོགས། སྤྱོད་པ་བདུན་གྱི་འབྲས་བུ་བརྗོད། དེ་ཡང་ས་རི་བྲ་ཉེ་དང་། སྨིན་དྲུག་སྣར་མ་ཐ་མལ་ཏེ། ནད་མེད་ཆར་ཆེ་ལོ་ ལེགས་དང་། ལག་མཆུ་སྐག་གསུམ་རྣམ་པར་འདྲེན། ནབས་སོ་གྲེ་དབོ་མདོར་བསྡུས་པའི། རྣམ་འདྲེན་མདོར་བསྡུས་སྤྱོད་པའི་དུས། ནད་འོང་ལོ་དང་ ཆར་ཆུ་འབྲིང་། ལྷག་ཞི་ནད་འཕེལ་ཆར་མེད་སོགས། སྤྱི་ལ་ངན་པར་བྱེད་པའོ། གཞན་ཡང་སྤྱོད་པ་བཞི་ཡི་ནི། གཅིག་ནས་དྲུག་བར་སེམས་ཅན་ རྣམས། ནད་ངན་སྣ་ཚོགས་འཕེལ་བར་དཔྱད། བདུན་ནས་བཅུ་གཉིས་བར་དུ་ནི། ཡོན་པོ་ཞེས་གྲགས་ཐམས་ཅད་རྩོད། བཅུ་གསུམ་ཉེར་ཧ་བར་རྗེས་ ཡོན། ཞེས་གྲགས་མུ་གེ་འབྱུང་བར་བཤད། ཉི་ཤུ་ལྔ་ནས་སུམ་ཅུའི་བར། དྲང་པོ་སྤྱོད་པས་འགྲོ་ཀུན་བདེ།། ཕུར་བུ་མིག་དམར་རྒྱུ་བའི་སྐར། ཤྲ་ཝ་ཎའི་སྟེང་འཛོམ་པ་ན། ལོ་གསུམ་བར་དུ་ཡུལ་དེ་ལ། མི་བདེ་གནོད་པ་ཆེན་པོ་འོང་། ཕུར་སྤེན་ས་ཀ་པུ་ཤ་ཀའི། སྟེང་འཛོམ་མི་མང་གཡུལ་འཁྲུག་གིས། འཆི་བར་བྱེད་དོ་ལུས་སྐར་དང་། ལྟེ་བ་མེ་ཏོག་སྐར་མ་ལ། སྨིན་དྲུག་སྣར་མ་ལུས་སྐར་ཏེ། ཕུར་བུ་སྡིག་ཅན་ གཟའ་འཛོམ་ན། མེ་དང་ཆུ་རླུང་འཇིག་པ་དང་། ལུས་ཅན་སྤྱིར་ངན་བྲེ་ཕུལ་གཉིས། ལྟེ་བར་གོང་བཞིན་མུ་གེ་འོང་། སྐག་དང་མཆུ་གཉིས་མེ་ཏོག་སྟེ། གོང་བཞིན་རྩ་བར་འབྲས་བུ་ཉམས།

དྲང་སྲོང་པ་སངས་ཕུར་བུ་གཉིས། ཁྱིམ་གྱི་བདུན་ཟུར་སོང་བ་ན། ནད་དང་རྐུན་པོའ་ི འཇིགས་པ་དང་། ཆར་བ་མེད་ཅིང་ལྷག་སྤེན་གཉིས། པ་ཝ་ སངས་ཀྱི་མདུན་སྤྱོད་པ། ཡི་དྭགས་ཀླུ་གནོད་རླུང་ཆེན་ལྡང་། མཛའ་བོ་གསོད་ཅིང་བྲམ་ཟེར་དང་། དགེ་སློང་ཆོས་སྤྱོད་ཉམས་པ་དང་། ཆར་དཀོན་ ཐོག་གློག་འབབ་པར་བྱེད། སྤེན་པ་གཅིག་པུས་ཀླ་ཀློ་དང་། བྱི་ལ་གླང་ཆེན་བོང་བུ་དང་། མ་ཧེ་འབྲས་དམར་ཕག་མི་ཤ། ཟ་བའི་ཡུལ་པ་རྣམས་ལ་ ངན། མིག་དམར་ཡོད་ན་འཁྲུག་པ་དང་། མེ་ཡི་འཇིགས་པ་འོང་བ་ཡིན། ཆར་མེད་རྐུན་པོ་འབྱུང་པའོ། ཕུར་བུ་ཡོད་ན་རྩ་བ་དང་། འབྲས་བུ་དཀར་པོ་ བཅས་རྣམས་ཉམས། ལྷ་དང་བྲམ་ཟེ་བ་ལང་ངན། ཤར་ཕྱོགས་པར་གནོད་ཐོག་གློག་དང་། ལྐོག་མའི་ནད་དང་ལོ་ལེགས་འབྱུང་། ལྷག་པ་ཡོད་ན་ཆར་ བ་ཆེ། སོས་ཀ་སྨིན་པའི་ལོ་ཏོག་ལེགས། མཁྲིས་པའི་ནད་ལྡང་བཙུན་པ་དང་། བྲམ་ཟེ་སྨན་པ་རྟ་དྲེའུ། བ་ལང་གར་མཁན་རྒྱལ་པོ་དང་། མདོག་སེར་ ཅན་གྱི་རྩ་བ་དང་། འབྲས་བུ་ཉམས་ཤིང་ངན་པ་བསྟན།།

སྤེན་པ་སྨིན་དྲུག་ལ་སྤྱོད་ན། གསེར་སོགས་མགར་བའི་རིགས་རྣམས་དང་། ཡུལ་གྱི་མི་ཆེན་རྣམས་ལ་གནོད། སེམས་ཅན་ཀུན་ལ་ངན་པ་ཡིན། ཁྱད་ པར་སེར་ན་སྨད་འཚོང་མ། གཞོན་ནུ་མ་དང་རྒྱལ་པོར་གནོད། ཐ་སྐར་ལ་སྤྱོད་སྡེབ་སྤྱོད་མཁན། པཎྜིཏ་དང་བློན་པོ་དང་། གྱི་ལིང་རྟ་ཡི་ཚོགས་ལ་ ངན། བྲ་ཉེ་གླུ་གར་མཁན་པོ་དང་། མི་ཤ་ཟ་བ་རྣམས་ལ་ངན། སྣར་མ་ཀོ་ས་ལི་པ་དང་། མ་ཏྲ་པ་དང་ཀ་ལ་ཤ། ལྔ་སྡེ་པ་དང་ཐ་མལ་ངན། མགོ་ལ་ མཆོད་སྦྱིན་མཁན་པོ་དང་། ཡུལ་དབུས་པ་རྣམས་ཉམས་པ་དང་། ལག་ལ་ཉུང་ཏི་གཞོན་ནུའི་ཞབས། པཎྜིཏ་དང་རྐུན་མར་ངན། ནབས་སོ་ལྔ་སྡེ་ མཐའ་འཁོབ་དང་། སཽརཱཥྚ་པ་མང་ཡུལ་ངན། རྒྱལ་ལ་དྲིལ་བུ་མཁན་པོ་དང་། འབྲོག་པ་ཏ་ཟིག་རྣམས་ལ་ངན། སྐག་ལ་སྦྲུལ་དང་ཆུར་གནས་ངན། མཆུ་ལ་ཡ་ཙེ་རྒྱ་དཀར་ནག བྷ་ར་བྷ་པ་ཡི་ཡུལ་ཁམས་དང་། རྟ་རྫི་སྨན་པ་ཚོང་པར་ངན། བྲུ་ཤའི་རྒྱལ་པོའ་ི སྲིད་འབངས་ཉམས། གྲེ་ལ་ཆང་མར་རོ་ མངར་བའི། ཟས་དང་སྨད་འཚོང་བུ་མོར་ངན། རྒྱལ་པོ་ལ་ཡང་ཅུང་ཟད་འཚེ། དབོ་ལ་བཙུན་པ་བུ་རམ་ཚྭ། ངན་ཅིང་མེ་བཞིར་སྤྱོད་པ་ན། བྲིས་མཁན་ ཤིང་རྟས་འགྲོ་བ་དང་། ཏིལ་འཚོང་སྨན་པ་གླང་པོ་དང་། ཀོ་སའི་ཡུལ་པ་མེ་ཏོག་འཚོང་། ཆུ་སྲིད་རྣམས་ལ་ངན་པ་ཡིན། ནག་པ་ཡ་བ་ནཱ་པ་དང་། ཀ་ ཀྦེ་རྩེ་དང་ཀལིངྐ། ཉམས་ཤིང་ཚོང་པ་ལ་སོགས་པའི། བྱེས་འགྲོའ་ི ཚོགས་ལ་ངན་པ་ཡིན། ས་རི་ས་གར་ཆུར་གནས་པའི། སེམས་ཅན་ཉམས་ཤིང་ཆར་ ཡང་དཀོན། ཞིང་པ་མཁར་མཁན་རྣམས་ལ་ངན། ལྷ་མཚམས་སྨན་པ་ལྟས་མཁན་དང་། ལྷོ་རོང་འབྲོག་པ་རྣམས་ལ་ངན། སྣོན་སྣུབས་སཽརཱཥྚ་པ་དང་ ། མཐའ་འཁོབ་མང་ཡུལ་རི་རོང་དང་། སྨན་པ་ནད་པ་རྣམས་ལ་གནོད། ཆུ་སྟོད་ཁ་ཆེ་བལ་པོ་དང་། ཞིང་ལས་པ་དང་མེ་ཏོག་དམར། འབྲུ་ཡི་ཚོགས་ ཀྱང་ཉམས་པའོ། ཆུ་སྨད་འབྲུ་དང་མེ་ཏོག་ཉམས། བོད་དང་ཁྱིམ་གསུམ་རི་རོང་པ། ཡ་བ་ནཱ་དང་ལོ་ཙོ་བ། རྒྱ་མཚོའི་འགྲམ་ན་གནས་པ་དང་། ཀུཎྡྲི་པ་ རྣམས་ཉམས་པ་ཡིན། གྲོ་བཞིན་སེར་རྗེ་བྲམ་ཟེ་དང་། སྨན་པ་རྒྱལ་པོའ་ི བླ་མར་བཀུར། ཀལིངྐ་པ་རྣམས་ཉམས་སོ། མོན་གྲེ་ཟ་ཧོར་རྒྱལ་པོ་ངན། མོན་ གྲུ་ཁྲུམས་སྟོད་སྨན་པ་དང་། ཚོང་པ་པཎྜིཏ་ལ་སོགས། སྡེབ་སྦྱོར་མཁན་པོ་རྣམས་ཉམས་སོ། ཁྲུམས་སྨད་ཆུ་སྐམས་ཤིང་མཁན་དང་། བུད་མེད་གསེར་ པ་ལ་སོགས་བདེ། ནམ་གྲུ་རྒྱལ་པོའ་ི འཁོར་རྣམས་དང་། རྒྱ་མཚོའི་འགྲམ་ན་ཡོད་པ་དང་། སྟོན་ཀའི་ལོ་ཏོག་ཏ་ཟིག་ཉམས།། རཱ་ཧུ་ཤར་ཕྱོགས་སྐར་མར་སྤྱོད། རྒྱལ་པོར་གནོད་ཅིང་དབུས་མ་ལ། བྲམ་ཟེའི་ཚོགས་དང་རྒྱལ་ཁམས་བདེ། ལོ་ལེགས་ཕུན་སུམ་ཚོགས་པར་འགྱུར། དྲང་སྲོང་ཆེན་པོ་བླ་མ་ཡིས། དྲུག་ཅུའི་ལོ་ཡི་བཟང་ངན་རྣམས། སྐྱེ་བོ་རྣམས་ལ་ཕན་ཕྱིར་བཤད། རབ་བྱུང་ལ་ནི་ཆར་བ་ཆེ། ནམ་མཁའ་སྤྲིན་གྱིས་ ལེགས་པར་མཛེས། ལོ་ཏོག་རྣམས་ནི་ལེགས་པར་སྨིན། འབྲུ་རྣམས་མོད་ཅིང་མུ་གེ་བྲེལ། བ་ལང་མ་ཧེ་ལ་སོགས་པའི། རྐང་འགྲོས་རྣམས་ཀྱང་བཞོ་ཆུ་ མང་། མི་ནད་ཕྱུགས་ནད་འབྱུང་མི་འགྱུར། རྣམ་བྱུང་ལ་ནི་སྐྱ་རྒྱལ་ཆེ། སྐྱེ་བོ་ཕན་ཚུན་མཐུན་ཞིང་བྱམས། ནད་མེད་ཚེ་རིང་བཀྲ་ཤིས་འཕེལ། ས་སྟེང་ འདིར་ནི་འབྲས་བུ་བཟང་། ལོ་ཏོག་བཟང་པོ་རྣམ་པར་འཕེལ། སྐྱེ་རྒུ་ནད་མེད་ཕུན་སུམ་ཚོགས། དཀར་པོ་ལ་ནི་ནད་མང་འབྱུང་། རིམས་སོགས་ནད་ ཀྱིས་སྐྱེ་བོ་གཟིར། རྟ་དང་གླང་ཆེན་ལ་སོགས་པའི། རྐང་བཞི་རྣམས་ལ་ཕྱུགས་ནད་འོང་། སྔར་མེད་ཡ་མཚན་ཆེ་བ་ཡི། ལྟད་མོ་རྣམས་ནི་འབྱུང་བར་ འགྱུར། རབ་མྱོས་ལ་ནི་སྐྱེ་བོ་ཀུན། ཆང་གིས་བཟི་བ་ལྟ་བུར་མྱོས། ནོར་དང་ལོངས་སྤྱོད་རྣམ་པར་འཕེལ། སྐྱེ་བོ་རྣམས་ནི་བདེ་ཞིང་སྐྱིད། འབྲུ་དང་མེ་ ཏོག་སྨིན་ཞིང་རྒྱས། སྐྱེས་བདག་ལ་ནི་མི་ནད་དང་། ཕྱུགས་ནད་ཐམས་ཅད་ཞི་ཞིང་མེད། ཕན་ཚུན་རྩོད་པ་ཞི་ཞིང་མཐུན། བ་དང་འབྲི་སོགས་བཞོ་ ཆུ་འཕེལ། ཨངྐིར་ལ་སྐྱེ་བོ་རྣམས། ཐམས་ཅད་བདེ་ཞིང་གཞོན་མདོག་ལྡན། ནོར་དང་ལོངས་སྤྱོད་འཕེལ་ཞིང་རྒྱས། ལོ་ཏོག་བཟང་ཞིང་འབྲུ་རྣམས་ འཕེལ། བདེ་དང་སྐྱིད་པས་ཕན་ཚུན་རོལ། དཔལ་གདོང་ལ་ནི་ཆར་བ་རྣམས། དུས་སུ་འབབ་ཅིང་ས་ལས་ཀྱང་། འབྲུ་དང་ལོ་ཏོག་བཟང་པོ་འཁྲུངས།

བཀྲ་ཤིས་ནད་མེད་སྐྱ་རྒྱལ་ཆེ། དངོས་པོ་ལ་ནི་བ་ལང་དང་། མ་ཧེ་ལ་སོགས་བཞོ་ཆུ་རྒྱས། ལོ་ཏོག་བཟང་ཞིང་འབྲུ་རྣམས་རྒྱས། འོན་ཀྱང་འབྲུ་བཅུད་ འབྱུང་བོས་བརྐུ། མི་རྣམས་མུ་གེས་གཟིར་བར་བྱེད། ན་ཚོད་ལྡན་ལ་མུ་གེ་འབྱུང་། འོ་མ་མར་དང་མར་ཁུ་རྣམས། ཤིན་ཏུ་དཀོན་ཞིང་མེད་པར་འགྱུར། མི་རྣམས་བུ་དང་ཚ་བོ་འཕེལ། འཛིན་བྱེད་ལ་ནི་ལོ་ཏོག་དང་། ཤིང་ཏོག་བུར་ཤིང་ལ་སོགས་པ། སེར་བའམ་ཐན་པ་ལ་སོགས་པའི། བར་ཆད་རྣམས་ ཀྱིས་ལོ་འབྲས་ཉེས། དབང་ཕྱུག་ལ་ནི་སྐྱ་རྒྱལ་ཆེ། མི་ནད་ལ་སོགས་ནད་རྣམས་ཞི། འོན་ཀྱང་རས་དང་ཚྭ་དང་ནི། སྦྲང་བུར་ཆང་རྣམས་དཀོན་པ་ ཡིན། འབྲུ་མང་ལ་ནི་སྐྱ་རྒྱལ་ཆེ། མི་རྣམས་ཕན་ཚུན་བྱང་སེམས་ལྡན། རྒྱལ་པོའ་ི རྒྱལ་སྲིད་ཞི་བས་སྐྱོང་། མི་རྣམས་ལ་ནི་ནད་མེད་ཅིང་། འབྲུ་དང་ ཟས་ནི་ཤིན་ཏུ་མོད། འོན་ཀྱང་ཆོམ་རྐུན་དར་བ་ཡིན། མྱོས་ལྡན་ལ་ནི་གཞན་གྱི་དགྲས། ཡུལ་རྣམས་འཇོམས་ཤིང་དགྲ་རྐུན་མང་། སྐྱེ་བོ་ནང་འཁྲུག་མུ་ གེ་དར། རྣམ་གནོན་ལ་ནི་ལོ་ཏོག་ལེགས། དགྲ་དང་ཆོམ་རྐུན་འཇིགས་པ་མེད། ཚྭ་དང་མར་དང་སྦྲང་རྩི་དང་། ཟོང་རྣམས་དཀོན་པར་འགྱུར་བ་ཡིན། ཁྱུ་མཆོག་ལ་ནི་བྲོ་བོ་དང་། གྲོ་དང་ཉུང་མ་ལ་སོགས་པ། འབྲུ་རྣམས་དཀོན་པར་འགྱུར་བ་ཡིན། སྣ་ཚོགས་ཉི་མར་འབྲུ་རྣམས་མོད། བཟའ་བཏུང་ནོར་ དང་ལོངས་སྤྱོད་རྒྱས། ཕ་རོལ་དགྲ་ཡི་འཇིགས་པ་མེད། སྐྱེ་བོ་ཡིད་ལ་འདོད་བཞིན་གནས། བུ་ལོན་འཇལ་ལེན་རྩིས་ལ་མཁས། ཉི་སྒྲོལ་ཆར་པ་ཤིན་ ཏུ་ཆེ། ལོ་ཏོག་རླན་གྱིས་རྒྱས་པར་འགྱུར། འབྲས་བུ་འབྲིང་པོ་ཙམ་དུ་སྐྱེ། ས་སྐྱོང་ལ་ནི་སྐྱ་རྒྱལ་ཆེ། ཡུལ་ཕྱོགས་མི་རྣམས་བདེ་ཞིང་སྐྱིད། འོན་ཀྱང་ སཽརཱཥྚ་དང་ནི། མ་ཊའི་རྒྱལ་པོ་རྣམས་ལ་ངན། མི་ཟད་ཅེས་པའི་ལོ་ལ་ནི། མུ་གེ་ཆེན་པོ་མི་ཟད་འབར། དགྲ་དང་འཇིགས་པ་སྣ་ཚོགས་འོང་། ཐན་པ་ ཆེ་ཞིང་འབྲུ་མི་སྐྱེ། ཐམས་ཅད་འདུལ་ལ་ནམ་མཁའ་ལ། སྤྲིན་ཚོགས་འཁྲིགས་ཀྱང་ཆར་མི་འབབ། ས་ལ་ལོ་ཏོག་འབྲས་མི་སྨིན། འབྲས་བུ་རྙེད་དཀའ་ མུ་གེ་ཆེ། ཀུན་འཛིན་ལ་ནི་ནད་རིམས་མེད། འབྲུ་རྣམས་མོད་ཅིང་སྐྱ་རྒྱབ་ཆེ། སྐྱེ་བོ་ཚེགས་ཆུང་བསམ་པ་འགྲུབ། འགལ་བ་ལ་ནི་ཚད་པ་ཡིས། རི་ ཀླུང་མེད་པར་སྐེམ་འགྱུར་ཞིང་། ཆུ་དང་ཆར་པ་མི་འབྱུང་བས། ས་ལ་ལོ་འབྲས་སྨིན་མི་འགྱུར། མི་ལ་སྡུག་བསྔལ་སྣ་ཚོགས་འབྱུང་། རྣམ་འགྱུར་ལ་ནི་ སྐྱེ་བོ་རྣམས། སྣ་ཚོགས་ནད་རིམས་ནད་ཀྱིས་གཟིར། ཁྱད་པར་རིམས་ནད་མིག་ནད་དང་། སྐྱེ་བོ་གཅིག་གིས་གཅིག་ལ་འཚེ། བོང་བུ་ཞེས་བྱའི་ལོ་ལ་ ནི། ས་ལ་ལོ་ཏོག་བཟང་གྱུར་ཀྱང་། བྱ་དང་བྱི་བ་ཆ་ག་སྡང་། སད་སེར་ལ་སོགས་ལོ་ཏོག་འཇོམས། ཆོམ་རྐུན་འཕྲོག་དང་ལོ་ནད་འབྱུང་། དང་པོ་བཟང་ ཡང་ཐ་མ་བརླག དགའ་བ་ལ་ནི་སྐྱ་རྒྱལ་ཆེ། བ་དང་འབྲི་སོགས་བཞོ་མར་མང་། ནད་རིགས་ལ་སོགས་མི་འབྱུང་ཞིང་། སྐྱེ་བོ་ཡིད་ལ་ཅི་འདོད་འགྲུབ། རྣམ་རྒྱལ་ཉིད་ལ་ཐན་པ་ཆེ། བརྒྱ་བྱིན་ཆར་བ་གཏོང་མི་བྱེད། འབྲུ་རྣམས་དཀོན་པར་ཤེས་པར་བྱ། རྒྱལ་བ་ལ་ནི་རྒྱལ་རིགས་དང་། དམངས་རིགས་རྗེ་ རིགས་བྲམ་ཟེའི་རིགས། གླུ་གར་མཁན་ལ་ནད་རྣམས་དང་། སྡུག་བསྔལ་སྣ་ཚོགས་འབྱུང་བར་འགྱུར། མྱོས་བྱེད་སྐྱེ་བོ་འདུས་ནད་དང་། ལྷོག་ཚད་ལ་ སོགས་ནད་རྣམས་འབྱུང་། མི་རྣམས་མི་མཐུན་གནོད་པ་བྱེད། གདོང་ངན་ཞེས་པའི་ལོ་ལ་ནི། གཏེར་དང་སྡིག་རྣམས་དམ་པར་འགྱུར། ནས་དང་ འབྲས་ལ་སོགས་པ་ཡི། འབྲུ་རྣམས་ཐམས་ཅད་དཀོན་པར་འགྱུར། ཕན་ཚུན་བུན་ལ་འཇལ་ལེན་མེད། གསེར་འཕྱང་ཞེས་པའི་ལོ་ལ་ནི། འབྲུ་དང་ བཟའ་བཏུང་ཐམས་ཅད་མེད། རིམས་སོགས་ནད་ཀྱིས་སྐྱེ་བོ་འཆི། རྣམ་འཕྱང་ཞེས་པའི་ལོ་ལ་ནི། སྐྱེ་བོའ་ི ནོར་རྣམས་རྒྱལ་པོས་འཕྲོག དེ་རྗེས་ཆོམ་ རྐུན་སྣ་ཚོགས་དང་། ནོར་དང་འབྲུ་རྣམས་རིན་ཐང་ནི། འབྲིང་པོ་ཙམ་དུ་འཇལ་ལེན་བྱེད། སྒྱུར་བྱེད་ལ་ནི་སྐྱེ་བོ་རྣམས། རང་རང་ཡུལ་དུ་སྡོད་དབང་ མེད། ནད་འཁྲུག་འབྱུང་ཞིང་གཞན་གྱི་དགྲས། འཇིགས་ཤིང་འཚེ་ལ་གནོད་པ་འབྱུང་། ཀུན་ལྡན་ལ་ནི་ཆར་བ་ནི། ཡུལ་དུ་ཐོར་བུ་ཐོར་བུ་འབབ། ཟོང་ རྣམས་ཕན་ཚུན་ཉོ་ཚོང་མེད། འབྲུ་རྣམས་དཀོན་ཞིང་མུ་གེ་འབྱུང་། འཕར་བ་ལ་ནི་ཐན་པ་ཆེ། རེས་འགའ་ཧ་ཅང་ཆར་ཆེ་ནས། འབྲུ་རྣམས་བརླག་ པས་མུ་གེ་འབྱུང་། དགེ་བྱེད་ལ་ནི་གསེར་དངུལ་སོགས། རིན་ཆེན་ཐམས་ཅད་འཕེལ་ཞིང་མོད། འབྲུ་རྣམས་འཕེལ་ཞིང་སྐྱ་རྒྱལ་ཆེ། སྐྱེ་བོ་ཐམས་ཅད་ དགེ་སེམས་ཆེ། བདེ་སྐྱིད་ཕུན་སུམ་ཚོགས་པ་འབྱུང་། མཛེས་བྱེད་ལ་ནི་སྐྱ་རྒྱལ་ཆེ། མི་རྣམས་ནད་མེད་ལུས་སེམས་བདེ། རྒྱལ་པོ་བྲམ་ཟེ་རྗེ་དཔོན་ དང་། བླ་མ་ལ་སོགས་མགུ་བ་སླ། བ་ལང་ལ་སོགས་རྐང་འགྲོས་རྣམས། འཚོ་བ་ཉུང་ངུས་ཚིལ་ཞིང་རྒྱས། སྐྱེ་བོ་རྒྱན་དང་ཕྲེང་བས་བརྒྱན། སྔོན་ཆད་ མེད་པའི་གླུ་གར་འབྱུང་། ཡ་མཚན་སྤྱོད་པ་སྣ་ཚོགས་བྱེད། ཁྲོ་མོ་ལ་ནི་སྐྱེ་བོ་རྣམས། བཀྲེན་དང་ནད་ལ་སོགས་པ་དང་། དགྲ་རྐུན་ལ་སོགས་འཚེ་བ་ མང་། ཕན་ཚུན་མཚོན་གྱིས་འདེབས་ཤིང་གསོད། དེར་ནི་སྡུག་བསྔལ་སྣ་ཚོགས་འབྱུང་། སྣ་ཚོགས་དབྱིག་གི་ལོ་ལ་ནི། ནད་དང་འཐབ་རྩོད་མེད་པར་ བྱེད། སྐྱེ་བོ་ཐམས་ཅད་བདེ་ཞིང་སྐྱིད། འོན་ཀྱང་རས་དང་བལ་རས་དང་། སྲིན་དང་འབྲུ་ཟན་དཀོན་པར་འགྱུར། འགྲོ་འདི་མུ་གེས་འཚེ་བར་བྱེད། ཟིལ་གནོན་ལ་ནི་ནད་རིགས་དང་། མུ་གེ་མེད་པར་སྐྱེ་བོ་བདེ། འོན་ཀྱང་རྒྱལ་པོའམ་རྗེ་དཔོན་གྱིས། ཕལ་བ་ཆད་པས་རྩོད་དང་འཁོལ། སྤྲེའུ་ཞེས་ པའི་ལོ་ལ་ནི། དབྱར་སྟོད་ཆར་བས་ལོ་ཏོག་གི། ལྗང་པ་སྡོང་བོ་ཤིན་ཏུ་ལེགས། དབྱར་སྨད་ཐན་པ་ཆེན་པོ་ཡིས། འབྲུ་རྣམས་སྐེམ་ཞིང་ཤིན་ཏུ་ཉེས། འབྲུ་དཀོན་མུ་གེ་ཤིན་ཏུ་ཆེ། སྣ་ཚོགས་ནད་ཀྱིས་སྐྱེ་བོ་ཉམས། ཕུར་བུ་ལ་ནི་འབྲུ་ཟན་མོད། སྐྱ་རྒྱལ་ཆེ་ཞིང་སྐྱེ་བོ་ལྡན། ཕན་ཚུན་བྱམས་ཤིང་འཚེ་བ་ མེད། རྒྱལ་པོ་ཐམས་ཅད་དགེ་སེམས་ལྡན། མཁར་ལ་སོགས་པ་བྱ་བ་བྱེད། རྒྱལ་པོ་རྗེ་བོ་བྲམ་ཟེ་སོགས། འབངས་རྣམས་ཞི་བས་སྐྱོང་ཞིང་ཕན། གཞན་ རྒོལ་དགྲ་མེད་ཤིན་ཏུ་བདེ། ཞི་བ་ལ་ནི་འབྲུ་རྣམས་མོད། སྐྱ་རྒྱལ་ཆེ་ཞིང་སྐྱེ་བོ་རྣམས། ཕན་ཚུན་བྱམས་ལྡན་འཚེ་བ་མེད། རྒྱལ་བོ་ཐམས་ཅད་དགེ་ སེམས་ལྡན། འཁོར་འབངས་རྣམས་ལ་བྱམས་ཤིང་ཕན། ཐུན་མོང་ལ་ནི་དུས་ཀུན་ཏུ། ནམ་མཁའ་སྤྲིན་གྱིས་ཁེངས་པ་དང་། དེ་མ་ཐག་ཏུ་ཆར་བ་ འབེབས། ཧ་ཅང་ཆར་བ་ཆེས་གྱུར་ཀྱང་། ལོ་ཏོག་བཟང་ཞིང་འབྲུ་རྣམས་མོད། འོན་ཀྱང་རྒྱལ་པོས་དམངས་རྣམས་ལ། ཆད་པ་ལ་སོགས་ཤིན་ཏུ་སྡང་། འགལ་བྱེད་ལ་ནི་སོས་ཀའི་དུས། ཡུལ་དུ་རླུང་དང་ཆར་བ་འབྱུང་། རི་དང་ནགས་ལ་ཆར་བ་མེད། དབྱར་སྨད་སྟོན་ཀ་ཆར་པ་ཆེ། གལ་ཏེ་ཆར་བ་ བབས་གྱུར་ཀྱང་། ཡུལ་ཁམས་རྣམས་སུ་ཐོར་བུ་འབབ། ཨབྷིཙིཏྟའི་ཡུལ་ཕྱོགས་སུ། ཐན་པ་ཆེན་པོ་འབྱུང་བར་འགྱུར། ཀ་ན་ཚུ་ལ་ཙ་རྒྱུ་ཡང་། ཐན་པ་ ཆེན་པོས་ལོ་ཏོག་ཉེས། ཡོངས་འཛིན་ལ་ནི་སྐྱེ་བོ་རྣམས། དུས་ངན་སེམས་ངན་སྡུག་བསྔལ་འབྱུང་། ཉིན་མོ་ཚད་པ་ཚ་ཞིང་གདུང་། མཚན་མོ་རླུང་ ཆར་ཤིན་ཏུ་གྲང་། བག་མེད་ལ་ནི་བ་ལང་སོགས། ཕྱུགས་རྣམས་ཐམས་ཅད་ཤི་ཞིང་མེད། གླུ་གར་མཁན་དང་བྲམ་ཟེ་སོགས། མི་ཆེན་རྣམས་ཀྱང་འཆི་ བར་འགྱུར། དཔྱིད་དང་སོས་ཀ་ཆར་བ་འབྱུང་། དགུན་དང་དབྱར་ཁ་ཐན་པ་ཆེ། ལོ་ཏོག་མ་རུང་འབྲུ་རྣམས་ངན། བ་དང་འབྲི་སོགས་ཕྱུགས་མ་རྣམས། འོ་མ་ཞོ་མར་མི་འབྱུང་དཀོན། ཟངས་ལྕགས་ལ་སོགས་རིན་ཆེན་ཉུང་། ཞིང་རྣམས་ལྗང་པ་སྡོང་བོ་ལེགས། སྟོན་དུས་འབྲས་བུ་འབྱུང་མི་འགྱུར། མུ་གེ་ ཆེ་བས་ནོར་གྱི་དབྱིག རྟེན་སོགས་འཚོང་ཞིང་མེད་པར་བྱེད། ཀུན་དགའ་ལ་ནི་ནས་དང་འབྲས། འབྲུ་ཆེན་ཐམས་ཅད་མེད་པར་འགྱུར། ཤིན་ཏུ་ དཀོན་ཞིང་མུ་གེ་ཆེ། བྲ་བོ་སྲན་མ་ཏིལ་ལ་སོགས། འབྲུ་བྲན་རྣམས་ནི་མོད་པ་ཡིན། སྐྱེ་བོ་བཀྲེས་པས་འཆི་བ་མོད། སྲིན་པོ་ལ་ནི་ནས་འབྲས་དང་། སྲན་ཆུང་ཏིལ་ལ་སོགས་པ་ཡི། འབྲུ་རྣམས་ཉེས་ཤིང་བརླག་པར་འགྱུར། སྨན་གྱི་རིགས་རྣམས་དཀོན་པ་དང་། སྐྱེ་བོ་བརྩེ་མེད་རྐུ་འཕྲོག་བྱེད། མེ་ལ་

མུ་གེ་ཆེ་བ་དང་། གྲོང་ཁྱེར་མེ་ཡིས་འཚིག་པ་དང་། དབྱར་ཀ་ཐན་པས་འབྲུ་མི་སྐྱེ། བག་རེ་སྐྱེས་ཀྱང་སེར་བ་སོགས། འབྱུང་ཞིང་ལོ་ཏོག་མ་རུང་ འགྱུར། དམར་སེར་ཅན་ལ་ཡུལ་གྲོང་དུ། རྒྱལ་པོ་གཞན་གྱི་དམག་གིས་འཇིག ནད་རིགས་མུ་གེ་ལ་སོགས་པས། སྐྱེ་བོ་རྣམས་ནི་ཉོན་མོངས་འགྱུར། དུས་ཀྱི་ཕོ་ཉའི་ལོ་ལ་ནི། དཔྱིད་སོས་ཆར་པ་བག་ཙམ་འབྱུང་། དབྱར་སྟོན་ཆར་བ་ཤིན་ཏུ་ཆེ། འོན་ཀྱང་ལོ་ལེགས་འབྲུ་རྣམས་མོད། ཡུན་རིང་ན་བའི་ ནད་སོགས་ཀྱིས། མི་རྣམས་ཤིན་ཏུ་མི་བདེར་བྱེད། དོན་གྲུབ་ལ་ནི་རྒྱལ་པོ་རྣམས། ང་རྒྱལ་དྲེགས་པ་ཤིན་ཏུ་ཆེ། སྐྱེ་བོ་རྣམས་ལ་སྙིང་རྗེ་མེད། སྤྲིན་ རྣམས་ཆུང་དང་ལྡན་པ་སྟེ། མྱུར་དུ་མྱུར་དུ་ཆར་བ་འབེབས། དྲག་པོ་ལ་ནི་ཆར་བ་མེད། ཐན་པས་ལོ་ཏོག་སྐྱེར་མི་བྱེད། བག་རེ་སྐྱེ་པའི་ལོ་ཏོག་ཀྱང་། སེར་བ་འབུ་ལ་སོགས་པས་ཟ། བློ་ངན་ཞེས་བྱའི་ལོ་ལ་ནི། ཆར་བ་རན་པ་ཙམ་དུ་འབབ། མུ་གེ་བག་ཙམ་འབྱུང་བས་ཏེ། ཟོང་རྣམས་ཉོ་ཚོང་མང་བྱེད་ ཅིང་། ཕན་ཚུན་བུ་ལོན་འཇལ་མི་བྱེད། རྔ་ཆེན་ཞེས་བྱའི་ལོ་ལ་ནི། འདོད་རྒྱུ་མེད་ཀྱང་གད་རྒྱངས་ཆེ། སྐྱེ་བོ་རང་ཡུལ་གནས་སུ་འདོར། བདེ་ཞིང་ ཕན་ཚུན་གནོད་པ་མེད། བ་ལང་ལ་སོགས་ཕྱུགས་རྣམས་བདེ། ཁྲག་སྐྱུག་ལ་ནི་འབྲུ་ཟན་རྣམས། དང་པོ་དཀོན་ཅིང་མེད་པ་འབྱུང་། སྐྱེ་བོས་འབྲུ་ཆབ་ བྱས་པ་ཡིས། ཕྱིས་ནི་འབྲུ་ཟན་མོད་པ་ཡིན། མི་རྣམས་ཁེ་ཚོང་རྒྱལ་ལ་རྒྱུག རྒྱལ་པོ་རྣམས་ནི་བླུན་ཞིང་རྨུགས། སྐྱེ་བོས་རྒྱལ་བོ་སླུ་བར་བྱེད། རྒྱལ་པོ་ རྣམས་ནི་འཐབ་ཅིང་རྩོད། མིག་དམར་ཤིང་བྱིར་རིམས་ནད་དང་། མུ་གེ་ཆེ་ཞིང་འབྲུ་རྣམས་དཀོན། སྐྱེ་བོ་དུ་མ་འཆི་བར་བྱེད། སྐྱེ་བོ་སེམས་མི་དགེ་ ལྡན་ཅིང་། ཕན་ཚུན་འཕྲོག་འཇོམས་གནོད་པ་བྱེད། ཁྲོ་བོ་ལ་ནི་རིམས་ནད་ཀྱིས། སྐྱེ་བོ་དུས་མིན་འཆི་ཞིང་འཐབ། མུ་གེས་འགྲོ་འདི་འཚེ་བར་བྱེད། ཟད་བྱེད་མེ་སྟག་འཇིག་རྟེན་དུ། ས་རྣམས་གཡོ་ཞིང་མི་ལ་ཡིན། འདྲེ་དང་སྤྱང་ཀི་ལ་སོགས་པས། མི་རྣམས་མ་ཤི་ཟ་བར་བྱེད། ཕག་གི་གདོང་པས་ གྲོང་ཁྱེར་འཇིག མུ་གེས་འཇིགས་ཤིང་སྐྱེ་བོ་འཆི། གོ་ར་མཐའ་ཡི་ཡུལ་དང་ནི། ལྷ་ཕྱོགས་ཀོང་ཁའི་རྒྱལ་པོ་རྣམས། ཤི་ཞིང་མ་རུངས་བྱེད་པར་འགྱུར། སིངྒལ་དང་བོད་ཡུལ་དང་། ཀི་ལི་རྩ་ཡུལ་རྣམས་སུ་ནི། མི་རྣམས་སུམ་གཉིས་འཆི་བར་འགྱུར།

(༥) དེ་ནས་མདོ་སྡེ་གསང་བ་ལས། མིག་དམར་ཤིང་ཕོ་བྱི་ལ་ནི། གནག་འབྲིང་འབྲས་དང་མཐའ་འཁོབ་ལེགས། དབྱར་ཟླ་འབྲིང་ལ་འབྲུ་ཟན་དཀོན། ལོ་ཏོག་ལ་ནི་ཟད་འབྱུང་ཞིང་། ཆོམ་པོ་རྐུན་མ་རྒོད་ཡིན། ཁྲོ་བོ་ཤིང་གླང་སོ་ཟར་བཟང་། འཁྲུག་པ་ལྡང་ཞིང་རྐུན་མ་རྒོད། དཔྱིད་ཐ་མི་བདེ་སྣ་ཚོགས་ འབྱུང་། ནོར་དང་ཕྱུགས་ལ་རིན་ཆུང་ཞིང་། ནད་རིམས་ཁྲེར་འོང་བ་ཡིན། ཟད་པ་མེ་སྟག་དཀར་མོ་ནད། གནམ་དམག་བཞེངས་དང་འབྲས་སོགས་ ལེགས། བྱང་དུ་མི་ནི་ཁྲེལ་ཤོར་མང་། སྔ་ཐན་དཔྱིད་ལྷགས་འབྱུང་བ་ཡིན། རབ་བྱུང་མེ་མོ་ཡོས་བུ་ནི། བྲ་དང་སྲན་བཟང་དཀར་མོ་བཙོན། ནད་ རིམས་ཁྲེར་འོང་བ་དང་། ཆར་ཆུང་རྒྱལ་བློན་འཁྲུག་པ་སོགས། དམག་འཁྲུག་ཕྱི་ཡི་རྒྱ་མཚོ་སྐེམ། རྣམ་བྱུང་ས་འབྲུག་སོ་ཟར་དང་། གནམ་འབྲིང་རྗེ་ བློན་གཡོ་བ་དང་། ཡུལ་ཐོན་འཕོ་སྐྱས་བྱེད་པ་དང་། ཡམས་ཀྱི་ནད་རིགས་མང་བ་ཡིན། དཀར་པོ་ས་སྦྲུལ་འཁྲུག་པ་ལྷོག མང་ལ་སྲིད་བཟང་བློན་ རྒྱལ་རྒོལ། ནམ་སྟོད་ཐན་ལ་ནམ་སྨད་ཞོད། བྲ་བོ་དང་ནི་སྲན་མ་སོགས། མི་སྨིན་དཀར་མོ་ལེགས་པ་ཡིན། རབ་མྱོས་ལྕགས་ཕོ་རྟ་ཞེས་པ། ཁྲེ་ནོངས་ གནམ་ནས་དམག་བཞེངས་ཤིང་། ཆར་ཆེ་སྐྱ་རྒྱལ་ཤིང་ཏོག་གཡེར། སད་དང་ཆོམ་རྐུན་རྒོད་པ་དང་། སོ་བ་དང་ནི་ཟར་མ་བཙོན། སྐྱེས་བདག་ལྕགས་ ལུག་གྲོ་ནས་བཙོན། གཤོངས་ཞིང་ལ་ནི་མིག་སྐྱོན་འབྱུང་། ནད་རིམས་མང་ཞིང་ཏིལ་འབྲས་ལེགས། ཆར་ཆེ་ལོ་ནི་ངང་གིས་བཟང་། ཨངྐིར་ཞེས་ཆུ་ ཕོ་སྤྲེལ། ཇུ་ཙེ་རྒྱལ་ཞིང་འབྲས་སོ་བཙོན། ཁྲེ་ཞིང་གནམ་རྣམས་ལེགས་པ་དང་། ནུབ་ཏུ་འཁྲུག་འོང་ནམ་སྟོད་ཐན། མཐའ་འཁོར་མུ་གེ་ནམ་སྨད་ཞོད། བསོད་ནམས་ལས་ཀུན་བྱ་བ་བཟང་། དཔལ་གདོང་ཆུ་མོ་བྱ་ཞེས་པ། གྲོ་དང་ནས་ཤི་བློན་རྒྱལ་རྒོལ། དབྱར་འབྲིང་སྐྱ་རྒྱལ་སྤྱོད་ངན་མང་། མུ་གེ་ལ་ སོགས་འབྱུང་བ་དང་། ནད་དང་རིམས་ནི་ཁོལ་བུར་འོང་། དངོས་པོ་ཤིང་ཁྱིམ་འབྲས་སོ་ལེགས། རྒྱལ་བློན་འཁྲུག་ཅིང་དཔྱིད་ལྷགས་ཆེ། སྔ་མ་བཏབ་ པའི་ལོ་ཏོག་ལེགས། ནམ་སྨད་ཞོད་ལ་སྐྲངས་འབུར་འཕེལ། ན་ཚོད་ལྡན་ཞེས་ཤིང་མོ་ཕག མུ་གེ་འབྱུང་ཞིང་ནུབ་བྱང་འཁྲུག གནག་ལེགས་དཀར་ འབྲིང་ཁྲེ་ནོངས་སོ། ནད་རིམས་ཁོལ་བུ་བློན་རྒྱལ་རྒོལ། འཛིན་བྱེད་མེ་བྱི་འབྲས་སོ་བཙོན། གྲོ་དང་ནས་གཉིས་འབྲིང་པོར་བྱེད། དགྲ་རྐུན་ནད་རིམས་ འཇིགས་པ་མང་། སྟོན་རྭ་འབྲིང་ལ་ཐན་པ་འོང་། ལྡུམ་རར་བྱི་བ་གཟན་པར་འགྱུར། དབང་ཕྱུག་མེ་མོ་གླང་གི་ལོ། བྲ་སྲན་རློན་ལ་དཀར་མོ་སྦྱང་། མཚོན་དུ་ཆུ་དང་ས་རླུང་ཆེ། གློ་བུར་དུ་ནི་འཁྲུག་པ་འབྱུང་། ཇུ་ཙེ་རྒྱས་ལ་ཁྲེ་ནི་ནོངས། འབྲུ་མང་པོ་ཞེས་ས་ཕོ་སྟག བཀྲེས་འགྲངས་ཁོལ་བུ་ལྷགས་པ་ སྔ། གནམ་འབྲིང་མི་འཁྱམས་འཁོན་ཅན་མང་། བློན་གྱིས་རྒྱལ་རྒོལ་རིམས་ནད་དམ། བྱང་བྱིང་གནམ་ཞག་ས་ལ་ལྷུང་། ཐོན་བུ་སྙིང་ཐག་རིང་བར་ བསྟན། མྱོས་ལྡན་ས་ཡོས་སོ་ཟར་བཙོན། གནམ་འབྲིང་ཡུངས་དཀར་བཟང་བ་དང་། བློན་གྱིས་རྒྱལ་རྒོལ་ཡམས་ནད་མང་། ཞག་ས་ལ་ལྟུང་དཀོན་ ནས་བཟང་། རྣམ་གནོན་ཡིན་པ་ལྕགས་ཕོ་འབྲུག གྲོ་དང་དཀར་མོ་ལེགས་པ་དང་། སོ་ཟར་འབྲིང་ལ་བྲ་སྲན་རློན། ཆོམ་རྐུན་རྒོད་ལ་དགྲ་ནི་རྔམས། ནམ་སྟོད་ཐན་ལ་ནམ་སྨད་ཞོད། ཁྱུ་མཆོག་ཡང་དག་ལྕགས་མོ་སྦྲུལ། འབྲས་དང་སོ་བ་བྲ་སྲན་ལེགས། མཐའ་འཁོར་ཇུ་ཙེ་རྒྱས་པ་དང་། ཁྲེ་ནོངས་ནད་ རིམས་མང་བ་ཡིན། སྣ་ཚོགས་མིང་ལྡན་ཆུ་ཕོ་རྟ། སོ་བ་ཟར་མ་ཇུ་ཙེ་རྒྱས། དཀར་མོ་གནག་ཤི་ཁོལ་བུར་རིམས། ལྷོ་ཡི་ཕྱོགས་སུ་བཀྲེས་འགྲངས་ འབྱུང་། ཉི་མ་ཞེས་བྱ་ཆུ་མོ་ལུག དམག་འགུལ་རྗེ་བློན་འཁྲུག་པ་དང་། མི་ཕྱུགས་ནད་འོང་བྲ་སྲན་རློན། སད་འོང་འབྲས་སོ་ཁྲེ་ནི་ལེགས། ཉི་སྒྲོལ་བྱེད་ ཅེས་ཤིང་ཕོ་སྤྲེལ། སོ་བ་ཟར་མ་ཇུ་ཙེ་བཟང་། ནམ་གཞུག་ཆར་ཆེ་རྐུན་མ་རྒོད། གནམ་ལེགས་ཁྲེ་ནི་ནོངས་པ་དང་། ནམ་སྟོད་ཐན་དང་བྱང་ཤར་དུ། མུ་གེ་ནད་རིམས་ཁོལ་བུར་འོང་། ས་སྐྱོང་སྟོབས་ལྡན་ཤིང་མོ་བྱ། གྲོ་དང་ནས་དང་གནམ་ནི་འབྲིང་། མི་ཕྱུགས་ནད་རིམས་ཁྲེའུར་འོང་། སད་འབྱུང་ཁྲེ་ ནི་ལེགས་པར་འགྱུར། མི་ཟད་གཏེར་མཛོད་མེ་ཕོ་ཁྱི། སྔ་ཐན་དང་ནི་རིམས་ནད་འབྱུང་། མུ་གེ་རྐུན་མ་འབྱུང་བ་དང་། འབྲས་སོ་བྲ་སྲན་རློན་པ་ཡིན། ཐམས་ཅད་འདུལ་ཞེས་མེ་མོ་ཕག ས་ལ་ཆར་ཐན་སྙོམས་པ་དང་། ཁྲེ་ནོངས་ལོ་ནི་ངང་གིས་ལེགས། ནང་འཁྲུག་འོང་ལ་སོ་ཟར་འབྲིང་། ཀུན་འཛིན་ ས་ཕོ་བྱི་བ་ལ། ཆོམ་པོ་དང་ནི་རྐུན་མ་སོགས། ཡམས་ཀྱི་ནད་ཀུན་མང་བ་ཡིན། འབྲས་དང་སོ་བ་བཙོན་པར་འགྱུར། གནག་འབྲིང་ལོ་ལེགས་སྟོན་ འབྲིང་བཀྲེས། འགལ་བ་ས་གླང་སོ་ཟར་ཤི། ཤར་གྱི་གནམ་དམག་ནམ་སྟོད་ཐན། ནད་རིམས་ཁྲེའུར་འོང་ཇུ་ཙེ་རྒྱལ། བྱིས་པ་སྙིང་ཐག་རིང་བ་ཡིན། རྣམ་འགྱུར་ལྕགས་སྟག་གྲོ་ནས་འབྲིང་། བྲ་སྲན་ནོངས་ལ་སོང་བ་དང་། ཟར་མ་རྣམས་ནི་ཤི་བ་ཡིན། ལྷོ་ཡི་ཕྱོགས་སུ་དུས་འཁྲུག་དང་། ལྷོ་ནུབ་བཀྲེས་ འགྲངས་བུད་མེད་བདེ། བོང་བུ་ཞེས་བྱ་ལྕགས་མོ་ཡོས། འབྲས་དང་སོ་བ་ལེགས་ཙམ་སྟེ། ངང་གིས་ལོ་ལེགས་ཤུལ་རིང་བསྲིང་། དཀར་མོ་ཤི་ལ་སྔ་ ཐན་འོང་། བྲ་སྲན་ནོངས་ལ་ཡུལ་ཤོར་མང་། དགའ་བ་ཆུ་འབྲུག་ནད་འཁྲུག་འོང་། སྟོན་ཟླ་རྭ་འབྲིང་གནམ་དམག་རྒོད། རྒྱལ་ལ་བློན་གྱིས་རྒོལ་བ་ འབྱུང་། ཁྲེ་ལེགས་དཀར་མོ་གྲོ་ནི་ཤི། ཆར་ལ་ཕེབས་ལ་བྲ་སྲན་བཙོན། རྣམ་རྒྱལ་ཆུ་མོ་སྦྲུལ་ཞེས་པ། ཡམས་ནད་ཁྲེར་འོང་ཁྲེ་འབྲུ་བཟང་། ནམ་སྟོད་

ཐན་ལ་ནམ་སྨད་ཞོད། གནག་ལེགས་གྲོ་དང་དཀར་མོ་འབྲིང་། རྒྱལ་གྱིས་བློན་ལ་རྒོལ་བར་འགྱུར། རྒྱལ་བ་ཤིང་རྟ་ལོ་མགོ་ནས། རྒྱལ་ཞིང་སྒོ་ཡི་ བཀྲེས་སྐོམ་དང་། སད་འབྱུང་གཤོངས་ཞིང་ནས་མི་འབྱིན། དཔྱིད་རྭ་འབྲིང་ལ་ཡམས་ནད་འོང་། འཁྲུག་པ་མང་བར་འབྱུང་ཞེས་བཤད། སྨྱོས་བྱེད་ ཤིང་ལུགས་འབྲས་སོ་བཙོན། ཆར་ཆུང་མཐའ་ལེགས་སད་ནི་འབྱུང་། འབྲུ་དཀོན་རྗེ་བློན་འཁྲུག་པ་དང་། ཤར་ཕྱོགས་བཀྲེས་འགྲངས་གནམ་འབྲིང་ འབྱུང་། གདོང་ངན་ཞེས་བྱ་མེ་ཕོ་སྤྲེལ། ཏིལ་རྒྱས་གྲོ་དང་ནས་གཉིས་འབྲིང་། གནམ་ལེགས་དགྲ་ནི་མང་བ་དང་། དྭ་ཕྲུག་གླུ་ལེན་ནམ་སྨད་ཞོད། གསེར་འཕྱང་མེ་བྱ་གནམ་ཤར་ཚེ། ཉུང་རྒྱལ་ཁྲེ་ཤི་སོ་ཟར་བཙོན། མི་ནད་ཕྱུགས་ནད་ཁྲེའུར་འབྱུང་། ལོ་ཏོག་མཐར་ནི་བཟང་བ་ཡིན། བྲ་སྲན་རློན་ལ་ སྲིད་འཁོར་ལྡོག རྣམ་འཕྱང་ཞེས་ནི་ས་ཕོ་ཁྱི། གནམ་རྣམས་འབྲིང་ཞིང་དཀར་མོ་ཤི། ས་རླུང་ཆེ་ལ་ཟད་ནི་འབྱུང་། འཁྲུག་པ་ཡམས་ནད་འོང་བ་དང་། དཀར་ཤི་རྒྱལ་ཁྲིམས་ཉམས་པ་ཡིན། སྒྱུར་བྱེད་ས་ཕག་ལྷགས་པ་སྔ། ནམ་སྟོད་ཐན་ལ་ནམ་སྨད་ཞོད། མཚོན་དང་གྲིར་ཤི་མང་བ་དང་། གནམ་ལེགས་ སོ་བ་ཟར་མ་འབྲིང་། ལོ་ཕྱུགས་དག་ནི་ཕྱི་ལོ་བཟང་། ཀུན་ལྡན་ལྕགས་ཕོ་བྱི་བ་ནི། སོ་བ་ཟར་མ་དཀར་མོ་བཙོན། བྲ་སྲན་རློན་ལ་ནད་རིམས་འོང་། སྟོན་ཟླ་འབྲིང་ལ་ཐང་བུད་གནད། ནམ་སྨད་ཞོད་ལ་མི་རྒོད་འབྱུང་། འཕུར་བ་ལྕགས་གླང་འབྲས་སོ་བཙོན། གྲོ་ནས་འབྲིང་ལ་ཡམས་ནད་འོང་། གངས་དཀར་ཉི་ཤར་བྲ་སྲན་རློན། ཁྲེ་ཏིལ་འབྲིང་ལ་ནང་འཁྲུག་འབྱུང་། དགའ་བྱེད་དཔལ་ལྡན་ཆུ་ཕོ་སྟག དཀར་མོ་རྣམས་ནི་སྤྱང་བ་དང་། ནུབ་ ནས་བཀྲེས་འགྲངས་ཇུ་ཙེ་འབྲིང་། གནག་འབྲིང་རྒྱལ་གྱིས་བློན་ལ་རྒོལ། ཤིང་སད་ཁྲེ་ནོངས་སྔོ་ངད་རྒྱལ། མཛེས་བྱེད་མཛེས་མ་ཆུ་མོ་ཡོས། བཀྲེས་ འགྲངས་ཁོལ་བུར་འབྱུང་བ་དང་། རིམས་འབྱུང་འཕོ་སྐྱས་གྲོ་ནས་བཙོན། སྔ་ལོ་ལས་ཀྱང་ཕྱི་མ་བཟང་། འབྲས་སོ་ཤི་ལ་ཇུ་ཙེ་འབྲིང་། གནམ་དམག་ ཅེས་བྱ་ཐན་པ་འབྱུང་། ཁྲོ་མོ་ཤིང་འབྲུག་དཀར་མོ་བཟང་། འབྲས་སོ་བཙོན་ལ་གནག་ནི་འབྲིང་། ཆར་འབབ་སྐྱ་རྒྱལ་ཕ་བུ་འཁྲུག ལོ་ཏོག་མཐར་ནི་ བཟང་བ་ཡིན། སྣ་ཚོགས་དབྱིག་ཅེས་ཤིང་མོ་སྦྲུལ། ཇུ་ཙེ་ཕལ་ཆེར་རྒྱས་པ་དང་། འབྲས་སོ་གྲོ་དང་དཀར་མོ་འབྲིང་། ནམ་སྟོད་ཐན་ལ་ནམ་སྨད་ཞོད། འཁྲུག་པ་མི་བདེ་སྣ་ཚོགས་འབྱུང་། ལྕོག་ལ་ཝ་ཆུ་འཛུགས་པར་འགྱུར། ཟིལ་གནོན་ཞེས་བྱ་མེ་ཕོ་རྟ། ཆར་བ་ཆེ་ཞིང་བྲ་སྲན་རློན། ནས་ཏིལ་ཤི་ལ་ འཁྲུག་པ་དང་། ཤྭ་རགས་དམག་གིས་ཤིང་ལ་གཟན། དཀར་མོ་བཙོན་ལ་འབྲས་འབྲུ་ལེགས། ནད་རིམས་ཁྲེའུར་འབྱུང་བ་ཡིན། སྤྲེའུ་མེ་ལུག་ཇུ་ཙེ་ རྒྱས། ཁྲེ་འབྲིང་ཡམས་ནད་སད་ཀྱང་འོང་། རི་ཞིང་བཟང་ལ་གཤོངས་ཞིང་ངན། ཆར་ཆུ་དག་ནི་སྙོམས་པཡིན། ཕུར་བུ་ས་སྤྲེལ་འབྲས་སོ་འབྲིང་། ཁྲེ་ ནོངས་གནག་རྣམས་ལེགས་པ་དང་། བྱང་ཤར་ནས་ནི་མུ་གེ་འབྱུང་། འཁྲུག་པ་འོང་ལ་ཕྱི་ལོ་བཟང་། ཞི་བ་ས་བྱ་གནག་ནི་འབྲིང་། ནས་བཟང་འབྲས་ ཤིང་སོ་ཟར་བཙོན། བཙས་མ་གོ་ཆ་ཅན་གྱིས་བརྔ། རྨིག་པ་ཁ་དབྲག་རྣམས་ལ་ངན། འཐབ་རྩོད་འབྱུང་ལ་ལོ་མགོ་བཟང་། ཐུན་མོང་ཞེས་བྱ་ལྕགས་ཕོ་ ཁྱི། གྲོ་དང་དཀར་མོ་ཀུན་བཟང་ཞིང་། ནམ་སྟོད་ཆར་ཆུང་བྲ་སྲན་ཁྲེ། འབྲིང་ལ་སོ་ནམ་དཔའ་བོས་བྱེད། འབྲས་དང་སོ་བ་ལེགས་པ་དང་། ད་རིམས་ ཁྲེའུར་འོང་བ་ཡིན། འགལ་བྱེད་ལྕགས་ཕག་སོ་ཟར་བཙོན། བྲ་སྲན་རློན་ཞིང་འབངས་ལ་ངན། ཆར་ཆེ་ལྷོ་རུ་མུ་གེ་འབྱུང་། ཇུ་ཙེ་རྒྱས་ལ་རྒྱལ་ས་ཟིན། ཡོངས་འཛིན་ཆུ་ཕོ་བྱི་བ་ནི། གྲོ་དང་དཀར་མོ་བཙོན་པ་དང་། ཁྲེ་ཟར་འབྲིང་ལ་ཇུ་ཙེ་རྒྱས། འཁྲུག་ལྡང་ནད་རིམས་ཁྲེའུར་འབྱུང་། ས་བོན་དག་ནི་ གྲང་སར་ཐོབ། བག་མེད་ཆུ་གླང་དཀར་མོ་ངན། སོ་བ་དང་ནི་ཟར་མ་བཟང་། གནག་འབྲིང་ཝ་ས་ཝ་རྩེ་བརྡོལ། ལྕོག་ལ་ཝ་ཆུ་ཚུགས་པ་དང་། སད་ ལྡང་ནད་རིམས་ཁོལ་བུར་འོང་། ཀུན་དགའ་ཤིང་སྟག་འབྲས་སོ་རྒྱས། གནམ་ལེགས་ནམ་གཞུག་ཐུང་བ་དང་། ཤར་དུ་མུག་འབྱུང་ཆོམ་རྐུན་རྒོད། བླུན་ པོ་མདངས་འབེབས་ལྷགས་པ་སྔ། ཀླུངས་ཤོད་ལོ་ནི་ལེགས་པ་ཡིན། སྲིན་པོ་ཤིང་ཡོས་ཁྲེའུ་རྒྱས། ཐང་ཞིང་ལེགས་ཤིང་སྐྱ་རྒྱལ་འོང་། སྟོན་ཟླ་འབྲིང་ལ་ ལོ་དགྲ་མང་། བྲ་སྲན་མི་སླེབས་འབྲས་སོ་དཀོན། སྐྱ་རྒྱལ་ལྕགས་ཕྱ་གོ་མཚོན་འགྱུར། མེ་ཞེས་མེ་འབྲུག་སོ་ཟར་ལེགས། ཏིལ་ཤི་གང་བུ་ཅན་རྣམས་ ཉེས། སེར་བ་རྒོད་ཅིང་གནག་རྣམས་འབྲིང་། སོ་ཟར་ལེགས་ལ་དཀར་མོ་འབྲིང་། མུ་གེ་བག་ཙམ་འབྱུང་བར་འགྱུར། དམར་སེར་མེ་སྦྲུལ་ཕྱི་བཏབ་ བཟང་། གནག་ལེགས་ལྟས་ངན་གཟའ་ནི་འཆར། སད་སེར་འོང་ཞིང་ས་རླུང་ཆེ། གྲོ་དང་དཀར་མོ་ཇུ་ཙེ་རྒྱས། ཤར་ཕྱོགས་གནམ་དམག་འཁྲུག་རྩོད་ མང་། དུས་ཀྱི་ཕོ་ཉ་ས་ཕོ་རྟ། སོ་བ་དང་ནི་ཟར་མ་བཙོན། སོས་ཐན་ཆེ་ཞིང་སད་ཀྱང་འབྱུང་། གྲོང་དང་དཀར་མོ་རྒྱས་པ་དང་། གནམ་འབྲིང་རིམས་ ནད་ཁྲེའུར་འོང་། ཁྲེ་ཉེས་གནོད་པས་གཉའ་བ་གཅོག དོན་གྲུབ་ས་ལུག་ཕ་སྤུན་འཁྲུག བཀྲེས་འགྲངས་ཁོལ་བུ་གནག་རྣམས་ཤི། གྲོ་དང་དཀར་བཟང་ ཁྲེའུ་ཉེས། ནད་རིམས་ཁྲེའུར་འོང་བློན་རྒྱལ་རྒོལ། དྲག་པོ་ལྕགས་སྤྲེལ་སོ་ཟར་རྒྱས། དཀར་མོ་འབྲིང་ལ་གནག་རྣམས་ལེགས། འབྲུ་ཟན་དཀོན་ཞིང་ སྐྲངས་འབུར་གྱི། ནད་འབྱུང་གཤོངས་ཞིང་རྒྱས་པ་དང་། ནམ་སྟོད་ཆར་ཆེ་ནམ་སྨད་ཆུང་། གདོང་ངན་ལྕགས་བྱ་ལོའང་ལེགས། ཟོ་ཟར་ནོངས་ལ་ཇུ་ ཙེ་རྒྱས། གོད་དང་རིམས་འོང་ལྷོ་ཕྱོགས་སུ། འབྲུ་ཟན་ཆོམ་རྐུན་འོང་བ་ཡིན། རྔ་ཆེན་ཆུ་ཁྱི་དཀར་མོ་གྲོ། ལེགས་ཤིང་འབྲས་དང་སྲན་མ་རྒྱལ། སོས་ ཐན་རྒྱལ་པོར་དམངས་ཀྱིས་རྒོལ། བཀྲེས་འགྲངས་ནུབ་འབྱུང་ཇུ་ཙེ་འབྲིང་། ཕྱུགས་ནད་ཁྲེའུར་འོང་བ་ཡིན། ཁྲག་སྐྱུག་པ་ཞེས་མུ་མོ་ཕག ནུབ་ནས་ གནམ་དམག་ལྡང་བ་དང་། གནག་ལེགས་ཁྲེའུར་བཙོན་འགྱུར་ཞིང་། རིམས་མང་དཀར་མོ་སྨིན་དཀར་དང་། ཐང་ཞིང་རྒྱས་པ་མཐའ་བཟང་ངོ་།

(༦) བཅུ་གཉིས་ལོ་ཡི་འབྲས་བུ་ནི། བྱི་ལོ་ས་བདག་རྒྱལ་པོར་གནས། གནག་ལུག་བྲ་སྲན་ལེགས་པ་དང་། ནས་དང་དཀར་འབྲིང་རླུང་ཆེན་འོང་། རི་ ཞིང་རྒྱལ་ལ་གཤོངས་ཞིང་འཕམ། དབྱར་རར་འབྲུ་དཀོན་ལྡུམ་ར་ལ། བྱི་གཟན་མཚོན་གྱིས་མི་ཤི་མང་། ནད་རིམས་ཐོར་འོང་ནོར་ཕྱུགས་ཀྱི། རིན་ཐང་ ཆུང་བར་འོང་བ་ཡིན། གླང་ལོ་ས་བདག་བློན་པོར་གནས། བྲ་སྲན་ཇུ་ཙེ་ལེགས་པ་དང་། དཀར་རྣམས་འབྲིང་འོང་སོས་ཆུ་དཀོན། དཔྱིད་ཀ་འཁྲུག་པ་ འབྱུང་བར་འགྱུར། དཔྱིད་ཟླ་ཐ་ཆུང་ལྟོགས་པ་མང་། བུ་མོ་བཙོངས་ནས་ཁྱེའུ་གསོ། ཕྱུགས་དང་བཀྲེས་འགྲངས་མང་པོ་འབྱུང་། སྟག་ལོ་ས་བདག་བློན་ ལ་གནས། གནག་ལེགས་བྱང་ནས་མཐའ་མི་འཇུག མུ་གེ་འབྱུང་ལ་ལུག་རྣམས་ཉེས། དབྱར་ཐ་སྟོན་ཪྭ་ཆུ་ནི་དཀོན། སོ་ཟར་བཙོན་ལ་བྲ་སྲན་རློན། འབངས་ངན་རྒྱལ་པོས་རྒྱལ་ས་ཟིན། ལྷོར་བཀྲེས་པ་དང་ཆར་བ་ཆེ། ཇུ་ཙེ་རྒྱས་བ་འོང་ཞེས་བཤད། ཡོས་བུའི་ལོ་ལ་ས་བདག་གནས། གནག་རྣམས་ ལེགས་ལ་དཀར་མོ་ཉེས། མི་ནད་ལྟས་ངན་སྣ་ཚོགས་འོང་། དབྱར་སྟོད་ཆུ་དཀོན་སེར་ཆོལ་འོང་། མཇུག་ཏུ་ལོ་རྣམས་ངང་གིས་ལེགས། འབྲུག་ལོ་ནས་ དང་ལུག་ལེགས་ཤིང་། སྲན་ཉུང་གནག་རྣམས་ཉེས་པ་དང་། མི་འབྲུ་སྙི་ཞིང་རྒྱལ་ལ་ངན། ཁྲིམས་ཉམས་ཡུལ་དོན་མང་བ་དང་། ཟས་ནོར་རྣམས་ནི་ དཀོན་པ་དང་། དབྱར་སྟོན་ཆུ་ནི་དཀོན་པར་འགྱུར། སྦྲུལ་ལོ་ས་བདག་རྒྱལ་པོར་གནས། རྟ་དང་བོང་བུ་སྒབ་ཉེས་དང་། སྦྲུམ་མ་རི་དྭགས་འབྲུ་སྙི་ཞིང་ ། ལོ་ལེགས་དམེ་བྱེད་མང་བ་དང་། དབྱར་ཪྭ་སྟོན་ཐའི་བར་རིམས་འོང་། བུད་མེད་གཞོན་ནུ་སྨྱོ་འབོག་མང་། ཤར་ཕྱོགས་ནས་ནི་མུ་གེ་འབྱུང་། རོ་ནི་ སྦ་ཉེས་ཕུང་བ་མང་། གྲོ་ནས་བཙོན་ལ་སྲན་གནག་ཉེས། ལྷོ་ནུབ་ནུབ་བྱང་འཁྲུག་ལྟོགས་མང་། ཤར་མཚོ་མཐའ་མེད་ས་ལ་ངན། རྟ་ཡི་ལོ་ལ་ས་བདག་

གནས། རྒྱལ་ཁམས་སུ་ནི་འཁྲུག་ཆེན་འབྱུང་། ཕྱུགས་ཉེས་བཀྲེས་འགྲངས་འོང་བ་དང་། དབྱར་སྟོན་ཆུ་ནི་དཀོན་པ་ཡིན། གྲོ་དང་ནས་ལ་མིག་ནད་ འབྱུང་། གནམ་དམག་སྤྱི་ལ་བཞེངས་པ་དང་། ཁྱད་པར་གཤོངས་ཞིང་ཐན་པས་གནོད། སོ་ཟར་འབྲིང་ལ་ཁྲེ་ཡང་ནོངས། ལོ་འགོ་ནས་ནི་རླུང་འབྱུང་ ལ། དབྱར་རྭ་དགུན་ཐའི་བར་དུ་ནི། ནད་རིམས་ཆེ་ཕྲ་མང་བ་ཡིན། ལུག་ལོ་ས་བདག་བློན་པོར་གནས། ལོ་ཕྱུགས་ལེགས་ཤིོང་སྟོན་རྭ་ལ། ནས་དཀོན་ ནམ་མཇུག་ཐུང་བ་དང་། བྱིས་པར་རིམས་འབྱུང་བུད་མེད་ཀྱི། སྙིང་རིང་གྲོ་ནས་རྒྱལ་བ་དང་། སོ་ཟར་འབྲིང་ལ་ཚན་ཆུ་ཆེ། གཤོངས་ཞིང་སྔ་ཐན་སྟོན་ འབྲིང་ལ། རྒོད་དང་ཡམས་ནད་འོང་བ་ཡིན། བྱིས་པ་མནའ་ཟ་སང་བཏབ་ཉེས། སྤྲེལ་ལ་ས་བདག་རྒྱལ་པོར་གནས། སྟོན་འབྲིང་གནམ་དམག་འོང་ བ་དང་། སོ་ཟར་བཙོན་ལ་གྲོ་ནས་འབྲིང་། བྲ་སྲན་རློན་ཞིང་ཁྲེ་ཤི་ལ། ཡུལ་དབུས་ནུབ་ཏུ་འཁྲུག་པ་འབྱུང་། མི་ལྟོགས་མང་ལ་ཆར་བ་ཆེ། བློན་པོས་ རྒྱལ་པོ་གསོད་པ་དང་། ཕྱུག་པོ་མི་འབྲུ་སྙི་བ་ཡིན། ཇུ་ཙེ་རྒྱལ་ས་ལྟོགས་པ་མང་། དབྱར་སྟོན་ཐན་པ་སྨད་དུ་ཞོད། ནོར་ཕྱུགས་རིན་ཆུང་མི་བདེ་མང་ ། བྱ་ལོ་ས་བདག་རྒྱལ་པོར་གནས། ནས་ལུག་ལེགས་ལ་བྲ་སྲན་དང་། ཇུ་ཙེ་འབྲིང་ལ་གྲོ་ཤི་དང་། དམངས་ཀྱིས་རྒྱལ་པོའ་ི བཀའ་ལ་ཉན། མི་ལ་སྐྲག་ དངངས་འཁོན་ཅན་མང་། དབྱར་རྭ་འབངས་ཀྱིས་རྒྱལ་ལ་རྒོལ། ཤིང་གཅོད་སྔ་ཐན་ཕྱིས་ཀྱང་ཞོད། ལོ་ཕྱུགས་ཀུན་འབྲིང་ཆོམ་རྐུན་རྒོད། སྟོན་ཐ་ཆུང་ ལ་མཐའ་མི་འབུད། རླུང་དང་སད་འོང་སྐམ་ནོར་ཀུན། རིན་ཐང་མེད་པར་མི་བྲིན་འབྱུང་། ཁྱི་ལོ་ས་བདག་བློན་ལ་གནས། སྔ་ཐན་ཕྱི་ཞོད་ལོ་ལེགས་ ཤིང་། གྲོ་ནས་རྒྱས་ལ་སོ་ཟར་རློན། ཇུ་ཙེ་འབྲིང་ལ་འཁོན་ཅན་མང་། ར་གནག་ངན་ལ་ལུག་ལེགས་ཤིང་། བུད་མེད་འབྲུ་སྙིང་ཐན་པ་ཆེ། ནུབ་བྱང་ འཁྲུག་ལ་ལོ་ཕུགས་ལེགས། ཕག་གི་ལོ་ལ་ས་བདག་བཞེངས། ནམ་སྟོད་ཐན་ལ་ནམ་སྨད་ཞོད། ཞེས་གསུངས་པ་ལྟར་དང་། གཞན་ཡང་མདོ་སྡེ་སྟག་ རྣའི་བརྡ་འགྲོལ་དང་། རྒྱ་ནག་སྟག་རྣ་ཆུང་བ་སོགས་ལས་རྒྱས་པར་གསུངས་མོད་ཀྱང་འདིར་ཡི་གེར་འཇིགས་ནས་མ་བྲིས་པས། ཤེས་པར་འདོད་ན་ ལེགས་བཤད་བཻཌཱུརྱ་དཀར་བོ་སོགས་ལ་གཟིགས་པར་ཞུའོ། ། འདིའི་ཐད་ཀྱི་ནང་དོན་ལ་གཟིགས་དང་། ང་ཚོ་བོད་མི་རིགས་བྱིངས་ཀྱིས་སའི་གོ་ལ་སྙིང་བོར་བྱས་པའི་མཐའ་སྐོར་གྱི་ཁྱིམ་བཅུ་གཉིས་སོགས་ཀྱིས་ ཁོར་ཡུག་སྙོམས་སྒྲིག་སྲུང་སྐྱོབ་གང་དྲགས་བྱས་པ་ལས་འཛམ་གླིང་འདིར་ཕན་ཞིང་བདེ་བ་དང་། སྣོད་བཅུད་གང་གི་ཆ་ནས་ཀྱང་དགེ་མཚན་ བསམ་གྱིས་མི་ཁྱབ་པ་འབྱུང་ལ། དེ་ལས་གཞན་རང་བྱུང་ཁོར་ཡུག་དང་སྐྱེ་དངོས་རིགས་ལ་གནོད་འཚེ་བཏང་བས། འཇིག་རྟེན་གྱི་སྣོད་དང་བཅུད་ གཉིས་ཆར་ལ་མི་བདེ་བ་སོགས་བཀྲ་མི་ཤིས་པ་འོང་སྟེ། མཐར་ཅི་བྱ་གཏོལ་མེད་དུ་གྱུར་པ་ལས་འོས་མེད་པའི་ཚུལ་བསྟན་ཡོད་པས་གཟབ་པར་ འཚལ་ལོ།།

༤ དེ་དག་གི་དོན་བསྡུ་བ་ནི། དེ་ལྟར་ཉི་མ་ལྷོ་བགྲོད་དང་བྱང་བགྲོད་ལ་སོགས་པའི་བྱེད་ལས་ཀྱི་དབང་གིས་འཛམ་བུ་གླིང་ལ་དབྱར་དགུན་སྟོན་ དཔྱིད་སོགས་དུས་བཞིའི་འགྱུར་ལྡོག་དང་སྐྱེ་ཁམས་སྣོད་ཀྱི་འཇིག་རྟེན་དང་བཅུད་ཀྱི་སེམས་ཅན་ཡོངས་ལ་སྣང་དྲོད་ཀྱི་ཕན་ནུས་སྦྱིན་པ་ལ་ བརྟེན་ནས་རྩི་ཤིང་ནགས་ཚལ་ལ་སོགས་པ་རྒྱས་པ་དང་། འགྲོ་བ་སེམས་ཅན་ཀུན་ལའང་ཕན་བདེ་རྒྱུན་མི་ཆད་དུ་གནང་བཞིན་པ་ནི་སྐར་རྩིས་ཀྱི་ རི་མོའ་ི ལམ་ནས་གསུངས་ཡོད་པ་རྣམས་མངོན་སུམ་ཚད་མས་གྲུབ། དེ་བཞིན་དུ་ཟླ་བ་སྒྲ་གཅན་གཟའ་ལྔ་སོགས་ཀྱིས་ཀྱང་རང་རང་གི་ཐུན་མོང་ མ་ཡིན་པའི་ནུས་སྟོབས་ཀྱི་མཐུ་ལས་འཇིག་རྟེན་སྤྱི་དང་བྱེ་བྲག་འཛམ་བུ་གླིང་གི་སྐྱེ་ཁམས་ཁོར་ཡུག་ལ་ཕན་གནོད་ཀྱི་བྱ་བ་བྱེད་ཚུལ་སྟོན་པ་ནི་ སྐར་རྩིས་ཀྱི་བརྗོད་བྱ་སྤྱི་ཡིན་ལ། ཕྱིའི་གཟའ་སྐར་གྱི་འཕྲོད་སྦྱོར་དང་ནང་གི་རྩ་རླུང་ཐིག་ལེ་སྦྱར་དེ་བསྐྱེད་རྫོགས་ཀྱི་ལམ་ཉམས་སུ་ལེན་པའི་རིག་ པའི་གཞུང་ལུགས་ལ་ངེས་པ་རྙེད་པར་མ་ཟད། རང་གི་རྒྱུད་དང་འདྲེས་ངེས་སུ་ཚུལ་བཞིན་ཉམས་སུ་བླངས་ཏེ། ལམ་གྱི་རྟོགས་པ་རྒྱུད་ལ་སྐྱེས་པའི་ རྣལ་འབྱོར་བ་རྣམས་ཀྱིས་གསང་བ་བསམ་གྱིས་མི་ཁྱབ་པའི་གསང་སྔགས་ཀྱི་སྦྱོར་བ་ལ་བརྟེན་ནས་མི་མཐུན་པའི་གནོད་ཚེ་ལས་ལྡོག་པ་དངའགྲོ་ བ་སེམས་ཅན་ཐམས་ཅད་ལ་གནས་སྐབས་དང་མཐར་ཐུག་གི་ཕན་བདེ་འབྱུང་བའི་ལམ་སྟོན་པ་དང་། ཕ་མར་གྱུར་པའི་རིགས་དྲུག་གི་སེམས་ཅན་ ཐམས་ཅད་ལ་འཚེ་མེད་ཞི་བདེ་འབྱུང་བའི་བླང་དོར་གྱི་གནས་ལེགས་པར་སྟོན་པ་ནི་གཙུག་ལག་འདིའི་ཁྱད་ཆོས་ཐུན་མོང་མ་ཡིན་པ་ཡིན་ལ། དེ་ ཡང་(བཻ་དཀར་)ལས། ཕྱི་ཡིད་སྣོད་ཀྱང་འབྱུང་བ་ལྔ། སྨེ་བ་དགུ་ཡང་འབྱུང་བ་ལྔ། ལོ་སྐོར་བཅུ་གཉིས་འབྱུང་བ་ལྔ། གཟའ་ཆེན་བརྒྱད་ཀྱང་འབྱུང་བ་ ལྔ། རྒྱུ་སྐར་ཉེ་བརྒྱད་འབྱུང་བ་ལྔ། ཕྱོགས་བཞི་མཚམས་བརྒྱད་འབྱུང་བ་ལྔ། ལ་སོགས་འབྱུང་ལྔར་མ་འདུས་མེད། ཞེས་གསུངས་པ་ལྟར། སྐར་རྩིས་ལྟར་ ན་ས་ཆུ་མེ་རླུང་ནམ་མཁའི་འབྱུང་བ་ལྔ་དང་འབྱུང་རྩིས་སམ་ནག་རྩིས་ལྟར་ན་ཤིང་མེ་ས་ལྕགས་ཆུའི་འབྱུང་བ་ལྔས་མ་བསྡུས་པའི་དངོས་པོ་མེད་ པས། རྩིས་ཀྱི་རིག་སྒོ་སྣ་ཚོགས་པའི་ལམ་ནས་ལོ་གཅིག་གི་སྐྱེ་ཁམས་ཁོར་ཡུག་གི་གནས་ཚུལ་རྣམས་མ་འོངས་ལུང་བསྟན་གྱི་ཚུལ་དུ་ལོ་ཐོའ་ི རྣམ་ པར་བྲིས་ཏེ་མིའི་རིགས་ལ་བླང་དོར་གྱི་གནས་སྟོན་པ་ནི་གཙུག་ལག་འདིའི་ཐུན་མོང་མ་ཡིན་པའི་ཁྱད་ཆོས་ཡིན་ནོ། གཞན་ཡང་འབྱུང་རྩིས་དང་ རྒྱ་རྩིས་སོགས་ལས་བསྟན་པའི་རྩིས་ཀྱི་རིག་སྒོ་ཇི་སྙེད་ཅིག་མཆིས་པ་ཐམས་ཅད་ཀྱང་སྐྱེ་ཁམས་དང་མ་འབྲེལ་བ་གཅིག་ཀྱང་མེད་པར་སྣང་ནའང་། འདིར་ཡི་གེར་འཇིགས་ནས་མ་བྲིས་སོ།། ས་བཅད་དྲུག་པ། རྩོམ་རིག་རྣམས་སུ་གནས་པའི་སྐྱེ་ཁམས་རིག་པ་མདོ་ཙམ་གླེང་བ། འཛམ་གླིང་སྣོད་བཅུད་རྟེན་དང་བརྟེན་པ་བཅས།། ཕུན་སུམ་ཚོགས་ཤིང་ལེགས་ཉེས་སྤང་བླང་གི། རྣམ་གཞག་སྟོན་པའི་གནའ་རྩོམ་རིག་པ་མཆོག། སྣ་ཚོགས་འཕྲུལ་གྱིས་སྤེལ་འདི་ཀུན་དགའི་དཔྱིད།།

༄༅། །བོད་ཀྱི་རིག་གནས་ཀྱི་བྱེ་བྲག་རྩོམ་རིག་རྣམས་སུ་སྐྱེ་ཁམས་ཁོར་ཡུག་སྲུང་སྐྱོབ་ཐད་ལ་འབྲེལ་བ་ཡོད་པ་མདོ་ཙམ་གླེང་བ་ལ། གླེང་སློང་བའི་ སྒོ་ནས་སྤྱིར་བཤད་པ་དང་། བྱེ་བྲག་སོ་སོར་བཤད་པ་དང་གཉིས་ལས། ༡ གླེང་སློང་བའི་སྒོ་ནས་སྤྱིར་བཤད་པ་ནི།

ད་ལྟ་ཚན་རིག་གོང་འཕེལ་དུ་སོང་སྟེ་ཟླ་བའི་འཇིག་རྟེན་དུ་དངོས་སུ་བསྐྱོད་པ་དང་། འཕྲུལ་ཆས་ཀྱི་མི་བཟོ་བ། ཐོག་ཁང་ནམ་མཁའ་ལ་ཟུག་པ། གློག་ཀླད་དང་གློག་གཟུགས་སོགས་སྔོན་གྱི་མི་རྣམས་ཀྱིས་རྨི་ལམ་དུའང་རྨིས་མ་མྱོང་བ་དག་དངོས་སུ་མིག་གིས་མཐོང་བ་དང་ཉམས་སུ་མྱོང་བཞིན་ ཡོད་པས་སྤྱི་ཚོགས་གོང་འཕེལ་དུ་སོང་བ་ལྟར་སྣང་ཡང་། ཕྱིའི་དངོས་པོ་གོང་འཕེལ་དུ་འགྲོ་བ་དང་ནང་བསམ་བློ་གོང་འཕེལ་དུ་འགྲོ་བ་དོ་མི་མཉམ་ པའི་དབང་གིས་མཇུག་འབྲས་ངན་པ་ཇེ་མང་དང་ཇེ་མང་ཡིན། ནང་བསམ་བློ་གོང་འཕེལ་དུ་འགྲོ་བ་ཞེས་པ་ནི་བོད་ཀྱི་རིག་གནས་ལྔའམ་བཅུའི་ནང་གི་ཆེས་མཆོག་ཏུ་གྱུར་པ་ནང་དོན་རིག་པ་ལས་བསྟན་པའི་ བྱམས་པ་དང་སྙིང་རྗེ། གཞན་ཕན་དང་ཆོག་ཤེས་སོགས་ཡིན་ལ། ད་ལྟ་དུས་སྙིགས་མ་ཡིན་པས་རྒྱལ་ཁབ་དང་རྒྱལ་ཁབ་བར། མི་རིགས་དང་མི་ རིགས་བར། གྲོང་དང་གྲོང་གི་བར། མི་དང་མིའི་བར་ལ་བྱམས་སྙིང་རྗེ་དང་། གཞན་ཕན་ཞེས་པ་ལྟར་ཅི། ང་རྒྱལ་དང་ཕྲག་དོག་གནོད་སེམས་དང་ བརྣབ་སེམས། གཡོ་དང་སྒྱུར་སོགས་ཉོན་མོངས་པའི་ཀུན་ནས་བསླངས་ཏེ་འགྲན་རྩོད་དང་རང་རྒྱལ་གཞན་ཕན་གྱི་ཆེད་དུ་མཚོན་ཆ་སྣ་ཚོགས་ གསར་དུ་བསྐྲུན་ཏེ་ཚོད་ལྟ་གང་མང་བྱེད་པ་དང་། ཐ་ན་འཛམ་གླིང་དུས་གཅིག་ལ་རྡུལ་དུ་རློག་ནུས་པའི་རྡུལ་ཕྲན་མཚོན་ཆ་དང་། འཛམ་གླིང་གི་ སྲོག་ལྡན་མཐའ་དག་ལ་འཇིགས་སྐྲག་སློང་བའི་རྫས་འགྱུར་མཚོན་ཆ་སོགས་ཚོད་ལྟ་དང་བཀོལ་སྤྱོད་བྱས་པའི་སྟབས་ཀྱིས་འཛམ་གླིང་གི་སྐྱེ་ཁམས་ ཁོར་ཡུག་གི་རྣམ་པ་ཇེ་རྡུགས་དང་ཇེ་རྡུགས་ཡིན་པ་ཀུན་གྱིས་མཁྱེན་གསལ་ཡིན།

དེ་ཡང་མཚོན་བྱེད་ཙམ་ཞིག་འདིར་བཀོད་ན། (དུས་རབས་ཉེར་གཅིག་པའི་ཚན་རིག་ལག་རྩལ་འཕེལ་ཕྱོགས་)ཞེས་པའི་དཔེ་ཚོགས་དེབ་བཅུ་ གཅིག་པའི་ནང་སའི་གོ་ལའི་ ༡༢ % ཀྱི་ཕྱུགས་རིགས་དང་། ༡༡% གི་བྱ་རིགས་ཀྱི་རྒྱུན་ཆད་ལ་ཉེ་བ་དང་། ཆ་སྙོམས་དུས་ཚོད་ཉེར་བཞིའི་རིང་སྐྱེ་ དངོས་རིགས་བརྒྱ་དང་ལྔ་བཅུ་ནས་ཉིས་བརྒྱ་སའི་གོ་ལའི་སྟེང་མེད་པར་འགྱུར་བཞིན་ཡོད་ལ། འཛམ་གླིང་གི་ནགས་ཚལ་གྱི་རྒྱ་ཁྱོན་ལོ་རེར་ས་ལེ་ བར་ཁྲི་བཞི་བརྒྱ་དྲུག་ཅུའི་ནགས་ཚལ་རིམ་པར་ཉམས་བཞིན་པ་སོགས་ཚན་རིག་པ་རྣམས་ཀྱིས་བདེན་དཔང་དང་བཅས་པའི་སྒོ་ནས་གསལ་བོར་ བསྒྲུབས་ཡོད་པར་བཤད་ཡོད་པ་དང་། ང་ཚོས་མདོ་དབུས་མཐོ་སྒང་འདི་ལ་མཚོན་ནའང་གངས་རི་ཐམས་ཅད་ཉི་མས་བཞུས་ཏེ་ཇེ་དམའ་དང་ཇེ་ ཆུང་ལ་འགྲོ་བ་དང་། ཆུ་མིག་མང་པོ་བསྐམས་ནས་ཆུ་ཀླུང་དག་ཀྱང་ཇེ་ཆུང་དང་ཡང་ན་གཏན་མེད་དུ་འགྲོ་བ་དང་། ནགས་ཚལ་དང་རྩྭ་ས་དག་ཀྱང་ བྱེ་ཐང་དུ་འགྲོ་ཚབས་ཤིན་ཏུ་ཆེ་བ་དང་། རི་སྐྱེས་སྲོག་ཆགས་དག་ཀྱང་ཇེ་ཉུང་དང་ཡང་ན་གཏན་མེད་དུ་འགྲོ་བ་ཀུན་གྱིས་མཐོང་དང་ཐོས་བཞིན་ ཡོད་པ་འདི་ལགས་པས། བློ་ཁ་ནང་དུ་ཕྱོགས་ཏེ་བསམ་བློ་གཏོང་ཤེས་པ་ཞིག་ཡིན་ན་ཅིས་ཀྱང་འགྲོ་བ་མིའི་རིགས་གཙོ་བྱས་པའི་སྲོག་ལྡན་དུང་ཕྱུར་ མང་པོའ་ི ཁྱིམ་གཞི་ཆེན་པོ་སྟེ་སའི་གོ་ལ་འདིར་གཅེས་སྐྱོང་དང་དགའ་ཞེན་ཆེ་དགོས་པ་ཡིན། ང་ཚོའི་མེས་པོ་གོང་མ་དག་ནི་འཛམ་གླིང་ལ་མིའི་ འགྲོ་བ་ཐོག་མར་བྱུང་བའི་དུས་དེ་ནས་བཟུང་སྟེ་མདོ་དབུས་མཐོ་སྒང་འདིར་གནས་བཅས་ཏེ་གངས་རི་དང་རྫ་རི། མཚོ་དང་ཆུ་ཀླུང་། ནགས་ཚལ་ དང་སྤང་ལྗོངས་སོགས་ལ་བརྩེ་དུང་ཟབ་མོ་ལྡན་པ་བོད་ཀྱི་རིག་གནས་ཕལ་མོ་ཆེ་ན་གསལ་བ་དང་། དེ་ལས་རྩོམ་རིག་རྣམས་སུ་སྐྱེ་ཁམས་ཁོར་ཡུག་ སྲུང་སྐྱོབ་དང་དེ་ལ་བརྩེ་དུང་ཟབ་མོ་བཅངས་པའི་ཚུལ་འདིར་མདོ་ཙམ་དགོད་པར་བྱའོ། ༢ བྱེ་བྲག་སོ་སོར་བཤད་པ་ལ། མགུར་གླུ་རྩོམ་རིག་དང་། རྟོགས་བརྗོད་རྩོམ་རིག་དང་། ལེགས་བཤད་རྩོམ་རིག་དང་། སྐྱེ་རབས་རྩོམ་རིག་དང་། རྣམ་ ཐར་རྩོམ་རིག་དང་། སྙན་ངག་རྩོམ་རིག་དང་། (སྙན་ངག་གི་དཔེ་བརྗོད་ཡིན་) ལུགས་ཀྱི་བསྟན་བཅོས་དང་། གཏམ་ཚོགས་རྩོམ་རིག་དང་། གནས་ བསྟོད་རྩོམ་རིག་དང་། བསྔོ་སྨོན་རྩོམ་རིག་རྣམས་སུ་སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་མང་དུ་གསུངས་པ་འདིར་མཚོན་བྱེད་ཙམ་ ཞིག་དགོད་པ་དང་བཅུ་ལས། (༡) མགུར་གླུ་རྩོམ་རིག་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

བོད་གངས་ཅན་གྱི་ལྗོངས་འདིར་རིག་གནས་རྒྱ་ཆེར་དར་བའི་འགྲོས་དང་བསྟུན་ཏེ་བྱ་བཏང་ཆོས་མཛད་དག་གིས་མཛད་པའི་མགུར་གླུའང་མང་པོ་ བྱུང་བ་དང་། དེ་དག་ཐམས་ཅད་ཀྱང་དངོས་དང་བརྒྱུད་པའི་སྒོ་ནས་སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་པས། དེ་དག་ལ་ མཚོན་བྱེད་ཙམ་ཞིག་འདིར་དགོད་པར་བྱ་སྟེ། རྗེ་བཙུན་མི་ལའི་མགུར་འབུམ་ལས་ཁྱི་ར་རས་པ་དང་མཇལ་བའི་སྐོར་ཞེས་པ་རུ། ན་མོ་གུ་རུ། རྗེ་ བཙུན་མི་ལ་རས་པ་དེ་ཉིད་ཀྱིས་ཐུགས་སྲས་རྣམས་རང་རང་སོ་སོའ་ི རི་ཁྲོད་ལ་བཞག་ནས། རྗེ་བཙུན་རང་བལ་བོད་གཉིས་ཀྱི་སོ་མཚམས་དབེན་ གནས་གཉི་ཤང་མགུར་རྟ་ཞེས་བྱ་བའི་རི་མཐོ་ལ་གཞན་པ། སྤྲིན་དང་ན་བུན་འཐིབས་པ་ལས་དུས་རྒྱུན་ཆད་མེད་པར་ཁ་ཆར་འབབ་པ། གཡས་རི་ བྲག་མཐོ་ལ་གཟར་བ། གཅན་གཟན་རྣམས་ངར་སྐད་སྒྲོག་ཅིང་བྱ་རྒྱལ་རྒོད་པོ་ལྡིང་བ། གཡོན་རི་སྤང་རི་སྣུམ་ལ་འཇམ་པ་ལ། རི་དྭགས་ཤ་བ་དང་ ། དགོ་བ། གནའ་བ་རྣམས་རང་བཞིན་གྱིས་བག་ཕེབས་ཏེ་རྩེ་ཞིང་འཕྱོ་བ། མདུན་ན་ནགས་ཚལ་བཟང་པོ་མེ་ཏོག་སྣ་ཚོགས་བཀྲ་བའི་ནང་ན། སྤྲ་ དང་སྤྲེའུ་རྣམས་ཀྱང་རྩལ་སྦྱོང་བ། རྨ་བྱ་དང་འཇོལ་མོ་ལ་སོགས་ཏེ་མཛེས་པའི་བྱ་སྣ་ཚོགས་གསུང་སྙན་སྐྱུ་རུ་རུ་གླུ་ལེན་ཅིང་། སྒྲ་སྒྲོགས་ལ་འདབ་ གཤོག་གི་གར་སྟབས་སྒྱུར་བ། སྒྲུབ་ཕུག་གི་མདུན་ན་མར་གཡའ་ཆུ། གངས་ཆུ། རྫ་ཆུ་རྣམས་དུས་རྒྱུན་ཆད་མེད་པར་ལྷུང་ལྷུང་སྙན་པའི་སྒྲ་སྒྲོག་ ཅིང་འབབ་པ། དབེན་ཞིང་ཉམས་སུ་དགའ་བ། བཙན་ལ་མཐུན་རྐྱེན་འཛོམས་པའི་དབེན་གནས་ཀ་ཏ་ཡ་ཞེས་བྱ་བའི་ཕུག་པ་ན། དཀར་ཕྱོགས་ཀྱི་ མི་མ་ཡིན་རྣམས་ཀྱིས་ཞབས་ཏོག་སྒྲུབ་ཅིང་ཆུ་བོ་རྒྱུན་གྱི་ཏིང་ངེ་འཛིན་གྱི་ངང་ལ་བཞུགས་པ་ལས། དུས་ནམ་ཞིག་གི་ཚེ་གནས་དེའི་ཕུར་ཁྱི་སྐད་ ལྷང་ལྷང་དང་། དེ་རྗེས་ཐུག་སྒྲ་ཆེན་པོ་ཞིག་བྱུང་བས། རྗེ་བཙུན་གྱི་ཐུགས་དགོངས་ལ་སྔར་ཡིན་ན་ངའི་གནས་འདི་བསམ་གཏན་ཤིན་ཏུ་འཕེལ་ བ་ཞིག་ཡིན་ཏེ། ད་ལན་བར་ཆད་ཅིག་ཡོང་བ་ཡིན་ནམ་དགོངས་ནས་ཕུག་པའི་མདོར་བྱོན། ཕ་བོང་ཆེན་པོ་ཞིག་གི་ཁར་དམིགས་པ་མེད་པའི་ སྙིང་རྗེ་ཆེན་པོ་ཞིག་གི་ངང་ལ་བཞུགས་པ་ལས། སྐུ་མདུན་ན་ཚུར་ཤ་བ་ནག་པོ་སྤུ་ཉག་མ་རེའི་རྩ་བ་ལ་རྔུལ་ཐིགས་པ་རེ་འབབ་པ་ཞིག་འཇིགས་ སྐྲག་དངངས་པའི་ཚུལ་དང་བཅས་ཏེ་བྱུང་བ་ལ། རྗེ་བཙུན་གྱི་ཐུགས་ལ་མི་བཟོད་པའི་སྙིང་རྗེ་ཆེན་པོ་འཁྲུངས་ཏེ། སྔོན་གྱི་ལས་དབང་གིས་ལུས་ འདི་ལྟ་བུ་བླངས་པས། ཚེ་འདིར་ཅི་ཡང་མ་ཉེས་རུང་མི་བཟོད་པའི་སྡུག་བསྔལ་འདི་ལྟ་བུ་མྱོང་དགོས་པ་སྙིང་རེ་རྗེ། འདི་ལ་ཐེག་པ་ཆེན་པོའ་ི ཆོས་ བཤད་ནས་དུས་གཏན་གྱི་བདེ་བ་ལ་འགོད་དགོས་དགོངས་ཏེ། ཤ་བ་ལ་མགུར་འདི་གསུངས་སོ། ། རྗེ་ལྷོ་བྲག་མར་པའི་ཞབས་ལ་འདུད། ། སེམས་

ཅན་སྡུག་བསྔལ་ཞི་བར་བྱིན་གྱིས་རློབས། ། ཁྱོད་སེམས་ཅན་ཤ་བའི་ལུས་ལ་ཚེར་མའི་མགོ། ། ཤ་ལུས་ཚེར་མགོ་མི་ལའི་གླུ་ལ་ཉོན། ། ཕྱི་སྣང་བའི་ ཡུལ་ལ་བྲོས་བྲོས་ནས། ། འཁྲུལ་སྣང་མ་རིག་པའི་ནང་ནས་ཐར་དུས་མེད། །ཕྱི་ལུས་སེམས་སྤངས་ཀྱིས་མི་སྤོངས་ཀྱིས། ། འཁྲུལ་སྣང་མ་རིག་སྤོངས་ བའི་དུས་ལ་བབ། ། ལས་རྣམ་སྨིན་བདེན་པ་མགྱོགས་དྲགས་པས། ། ཕྱི་སྒྱུ་ལུས་བྲོས་པས་ག་ལ་ཐར། ། འབྲོས་ན་ནང་གི་སེམས་ཉིད་བྲོས། ། སེམས་ ཉིད་བྱང་ཆུབ་གནས་སུ་བྲོས། ། གཞན་བྲོས་པས་ཐར་འདོད་འཁྲུལ་བ་ཡིན། ། སེམས་འཁྲུལ་བ་ཤིགས་ལ་འདི་རུ་སྡོད། །ད་ལྟ་ཁྱོད་ཀྱི་སྣང་བ་ལ། །འཆི་ བ་སྙིང་ནས་མ་བཟོད་པས། །རི་ཕ་རིའི་ལོགས་ནས་ཐར་དུ་རེ། ། ཚུ་རིའི་ལོགས་ལ་ཟིན་གྱིས་དོགས། ། རེ་དོགས་ངང་ནས་འཁོར་བར་འཁྱམས། ། ཁྱོད་ ལ་ནཱ་རོ་ཆོས་དྲུག་གི་ཁྲིད་ཅིག་འདེབས། ། ཕྱག་རྒྱ་ཆེན་པོའ་ི སྒོམ་ཞིག་སྟོན། ། ཞེས་གསུངས་ཚངས་པའི་དབྱངས་ལྟ་བུ། ཐོས་ན་སྙན་ཞིང་ཡིད་དུ་ འོང་། འགྲོ་བ་གང་གི་རྣ་ལམ་དུ་སོང་ཡང་ཡིད་འཕྲོག་པར་བྱེད་པའི་མགུར་འདི་སྐད་གསུངས་པས། རྗེ་བཙུན་གྱི་ཐུགས་རྗེས་ཤ་བ་དེའི་འཇིགས་ སྐྲག་དང་སྡུག་བསྔལ་ཉེ་བར་ཞི་ནས་མཆི་མ་ཁྲུལ་༼ཕྲུལ༽བཏང་སྟེ་རྗེ་བཙུན་ལ་བག་ཕབ་ནས། ན་བཟའ་ལ་ལྡག་ཅིང་རྗེ་བཙུན་གྱི་གཡོན་ཕྱོགས་སུ་ ཉལ་ནས་བསྡད་འདུག་པ་ལ། རྗེ་བཙུན་གྱི་ཐུགས་དགོངས་ལ། གོང་གི་ཁྱི་སྐད་དེས་ཤ་བ་འདི་ལ་གནོད་ཅིང་འཚེ་བར་བྱེད་པའི་ཁྱི་ཞིག་ཡོད་ངེས་ པས། ཇི་ལྟ་བུ་ཞིག་ཡོད་དམ་དགོངས་པའི་ངང་ལ། ཁྱི་མོ་དམར་མོ་རྔ་མ་ནག་པོའ་ི ཚོམ་བུ་བཏགས་པ་སྡེར་བཞི་ཐམས་ཅད་བྲག་གིས་བཤགས་པ། ལྕེ་དར་ཡུག་ཙམ་རྐྱོང་བ། ཞེ་སྡང་གནོད་སེམས་ཆེན་པོས་སྐད་དྲག་པོ་འདོན་ཅིང་བར་སྣང་ལ་གློག་ལྟར་འཁྱུག་པ་ཞིག་ཤ་བ་དེའི་རྗེས་གཅོད་ཅིང་ བྱུང་བ་ལས། ཤ་བ་ལ་གནོད་ཅིང་འཚེ་བར་བྱེད་པ་དེ་འདི་ཡིན་པར་འདུག་སྟེ། ཁྱི་འདི་ཕྱི་སྣང་བའི་དངོས་པོ་གང་མཐོང་ཡང་དགྲར་ལངས་ཏེ་ཞེ་ སྡང་གི་བསམ་པ་དང་མི་འབྲལ་བ་འདིའི་ཞེ་སྡང་འདི་ཞི་ན་ཅི་མ་རུང་སྟེ་དགོངས་ནས། ཡིད་སྐྱོ་ཤས་ཀྱིས་ཀུན་ནས་བསླངས་ཤིང་སྙིང་རྗེ་མངོན་དུ་ གྱུར་པའི་མགུར་འདི་ཁྱི་མོ་ལ་གསུངས་སོ། །

རྗེ་ལྷོ་བྲག་མར་པའི་ཞབས་ལ་འདུད། ། སེམས་ཅན་ཞེ་སྡང་ཞི་བར་བྱིན་གྱིས་རློབས། ། འགྲོ་བ་ཁྱི་ཡི་ལུས་ལ་སྤྱང་ཀིའི་གདོང་། ། ཁྱི་ལུས་སྤྱང་གདོང་ མི་ལའི་གླུ་ལ་ཉོན། ། ཁྱོད་སྣང་བ་གང་བྱུང་དགྲ་ལངས་པས། ། ཞེ་སྡང་སེམས་ངན་ཡིད་ལ་འཁྲུག ། སྡིག་ཅན་ཁྱི་ཡི་ལུས་སུ་སྐྱེས། ། སྡུག་བསྔལ་ལྟོགས་ པའི་ངང་ལ་སྡོད། ། ཉོན་མོངས་ཟུག་རྔུ་ཞི་དུས་མེད། ། ནང་རང་སེམས་བཟུང་བས་མ་ཟིན་ན། ། ཕྱི་གཞན་ལུས་བཟུང་བས་ཅི་ལ་ཕན། ། འཛིན་ན་ རང་སེམས་འཛིན་པའི་དུས་ལ་བབ། ། སེམས་ཞེ་སྡང་སྤོངས་ལ་འདི་རུ་སྡོད། ། ད་ལྟ་ཁྱོད་ཀྱི་སྣང་བ་ལ། ། ཉོན་མོངས་ཞེ་སྡང་མ་བཟོད་པས། ། རི་ཕ་ རིའི་ལོགས་ནས་ཤོར་གྱིས་དོགས། ། ཚུ་རིའི་ལོགས་ལ་ཟིན་དུ་རེ། ། རེ་དོགས་ངང་ལ་འཁོར་བར་འཁྱམས། ། ཁྱོད་ལ་ནཱ་རོ་ཆོས་དྲུག་གི་ཁྲིད་ཅིག་ འདེབས། ། ཕྱག་རྒྱ་ཆེན་པོའ་ི སྒོམ་ཞིག་སྟོན། ། ཞེས་གསུངས་པས། རྗེ་བཙུན་གྱིས་ཐུགས་རྗེ་ཆེན་པོའ་ི ངང་ནས་ཚངས་པའི་དབྱངས་ཀྱི་ཆོས་གསུངས་ པ་དེས། ཁྱི་མོ་དེ་ཉིད་ཀྱི་ཞེ་སྡང་ཞི་ནས་སྐད་སྣ་ནས་འདོན་ཞིང་། རྗེ་བཙུན་ལ་མཇུག་མ་བསྒྲིལ་བ་དང་། ན་བཟའ་ནས་ལྡག་པ་སོགས་གུས་གུས་ ཀྱི་ཚུལ་དུ་བྱས་ནས། རྗེ་བཙུན་གྱི་གཡས་ཕྱོགས་སུ་ལག་པ་གཉིས་ཀྱི་བར་དུ་མཚུལ་བ་བཅུག་ནས་མིག་མཆི་མ་ཉིལ་ལེ་ཤ་བ་དང་མ་བུའི་ཚུལ་དུ་ ཉལ་ནས་འདུག་གོ ། དེ་ནས་རྗེ་བཙུན་གྱི་ཐུགས་དགོངས་ལ། སེམས་ཅན་འདི་གཉིས་ཀྱི་ཕྱི་ལ་མི་སྡིག་ཅན་ཞིག་ཡོང་གིན་ཡོད་ངེས་ཏེ། བརྩད་ཆོད་ན་འདིར་སླེབ་ སྟེ་ཡོང་དགོངས་པ་ལས། རེ་ཞིག་ནས་མི་ངམ་གནག་ལ་མིག་རྩ་འཁྲུག་པ། སྐྲ་ཐམས་ཅད་སྤྱི་བོར་བཅིངས་པ། ཐུ་བ་གཡས་གཟེད་དང་གཡོན་ གཟེད་བྱས་པ། དགོ་སློག་ཞགས་པ་ལ་བརྒྱུས་ནས་ག་ཤ་ལ་དྲངས་པ། ལག་ན་མདའ་གཞུ་ཐོགས་ཤིང་དབུགས་ཁར་འཚངས་པ་རྔུལ་ནག་ཁྲག་ཏུ་ ཞམ་མེ་བ་ཞིག་སླེབས་བྱུང་བས། ཁྱི་མོ་དང་ཤ་བ་རྗེ་བཙུན་གྱི་དྲུང་ན་མ་བུའི་ཚུལ་དུ་འདུག་པ་དང་། སྒོམ་ཆེན་པ་འདིས་ཁྱི་དང་ཤ་བ་ངན་ཞིག་ བྱས་སམ་སྙམ། ཞེ་སྡང་ལངས་ཏེ་ཁོ་ན་རེ། རས་པ་དང་སྒོམ་ཆེན་པ་འདི་ཚོ་བས་ཁྱབ་ཆེ་བ་མི་འདུག་སྟེ། མཐོ་གངས་དཀར་གྱི་ལྟོངས་སུ་རི་དྭགས་ གསོད་སར་སླེབ་འོང་། དམའ་རྒྱ་མཚོའི་འགྲམ་དུ་ཉ་སྲམ་གསོད་སར་སླེབ་ཡོང་། བར་གྲོང་ཡུལ་དུ་ཁེ་ཚོང་དང་འཐབ་མོ་བྱེད་སར་སླེབ་ཡོང་གིན་ འདུག་པས། རེ་རེ་གཉིས་གཉིས་ཤི་རུང་མི་སྟོ་བ་འདུག ཁྱོད་ཀྱིས་ངའི་ཤ་བ་དང་ཁྱི་མོ་བསྐྱིལ་ཐུབ་འདུག་པས། ཁྱོད་ཀྱི་རས་གོས་ཀྱིས་ངའི་མདའ་ ཡང་ཨེ་ཐུབ་བལྟ་བ་ཡིན་ནོ་ཟེར་ནས་མདའ་བཀང་བྱུང་བ། ལྟོང་ནས་ཡར་སོང་བ་དང་། རྗེ་བཙུན་གྱི་ཐུགས་དགོངས་ལ་དུད་འགྲོ་མ་རིག་པའི་རང་ བཞིན་དུ་གྱུར་པ་ལ་ཡང་ཆོས་བཤད་པས་གོ་ཞིང་འདུག་པས། ཁོ་མི་ལ་ཆོས་བཤད་པས་གོ་སྟེ་ཡོང་དགོངས་པ་དང་། ཞལ་ནས་མི་ཁྱོད་མདའ་ལ་ རྡེག་ལོང་ཡོང་གིས། དེ་བས་ངའི་གླུ་ལ་ཉན་ལོང་ཡོང་དུ་ཆུག་ཅིག་གསུངས། ཐུགས་མཁྱེན་བརྩེའི་ནུས་པ་དང་ལྡན་པའི་ངང་ནས་ཚངས་པའི་ དབྱངས་ཀྱིས་ཁྱི་ར་བ་མགོན་པོ་རྡོ་རྗེ་ལ་མགུར་འདི་གསུངས་སོ། ། རྗེ་གྲུབ་ཐོབ་རྣམས་ལ་གསོལ་བ་འདེབས། ། དུག་ལྔ་ཞི་བར་བྱིན་གྱིས་རློབས། ། འགྲོ་བ་མི་ཡི་ལུས་ལ་སྲིན་པོའ་ི གདོང་། ། མི་ལུས་སྲིན་གདོང་མི་ལའི་གླུ་ལ་ཉོན། ། མི་ལུས་རིན་ཆེན་དཀོན་གསུངས་ཏེ། ། ཁྱོད་འདྲ་མཐོང་ན་དཀོན་ རྒྱུ་མེད། ། སྲིན་པོའ་ི གཟུགས་ཀྱི་སྡིག་པ་ཅན། ། ངན་སོང་སྡུག་བསྔལ་ཁྱད་བསད་ནས། ། ཚེ་འདིའི་འདོད་པ་སྒྲུབ་ལགས་ཀྱང་། ། སྡིག་པས་འདོད་པ་ མི་འགྲུབ་སྟེ། ། ནང་ཞེན་པ་ལོག་ན་དངོས་གྲུབ་འཐོབ། ། ཕྱི་སྣང་བ་བཏུལ་གྱིས་མི་ཐུལ་གྱིས། ། ཁྱོད་རང་སེམས་འདུལ་བའི་དུས་ལ་བབ། ། ཁྱོད་ཤ་བ་ བསད་པས་མི་འགྲངས་ཏེ། ། ནང་དུག་ལྔ་བསད་ན་ཅི་བསམ་གྲུབ། ། ཕྱི་དགྲ་བོ་བཏུལ་ཡང་ཇེ་མང་འགྲོ། ། ནང་རང་རྒྱུད་བཏུལ་ན་དགྲ་བོ་མེད། ། མི་ ཚེ་སྡིག་ལ་མ་བསྐྱལ་བར། ། དམ་པའི་ལྷ་ཆོས་བྱས་ན་ལེགས། ། ཁྱོད་ལ་ནཱ་རོ་ཆོས་དྲུག་གི་ཁྲིད་ཅིག་འདེབས། ། ཕྱག་རྒྱ་ཆེན་པོའ་ི སྒོམ་ཞིག་སྟོན། ། ཞེས་གསུངས་པའི་བར་ལ་ཉན་ཞིང་བསྡད་འདུག་སྟེ་ཁོའ་ི བསམ་པ་ལ་ཚིག་དེ་རྣམས་རང་ལ་ངེས་པ་ཆེས་མེད་དེ། ཁྱི་དང་ཤ་བ་འདི་གཉིས་སྔར་ ཡིན་ན་ཞེ་སྡང་དང་འཇིགས་སྐྲག་གིས་མཐོང་གླགས་མེད་པ་ཡིན་པ་ལ། དེ་རིང་ཁོའ་ི གཡས་གཡོན་ན་ཕན་ཚུན་མ་བུའི་ཚུལ་དུ་བསྡད་འདུག་ཅིང་། ང་རང་ཡང་དགུན་གངས་དཀར་གྱི་ལྟོངས་སུ་ཡང་མདའ་ས་ལ་འགྲིལ་མ་མྱོང་བ་ལ། ད་ལན་རང་དབང་མེད་པར་བྲུལ་སོང་། འདི་ཡང་ན་ངན་ སྔགས་མཁན་ཞིག་ཡིན་པར་འདུག ཡང་ན་བླ་མ་ཁྱད་པར་ཅན་ཞིག་ཡིན་པར་འདུག་པས། སྤྱོད་ལམ་ལ་བརྟག་དགོས་སྙམ་ནས། སྒྲུབ་ཕུག་གི་ ནང་དུ་ཕྱིན་ནས་བལྟས་པས། སྔོའ་ི རྩ་བ་དང་ཁ་ལོ་མིན་པ་འཚོ་བའི་ཡོ་བྱད་ཅི་ཡང་མི་འདུག་པ་ལ། དད་པ་དུང་དུང་བ་ཞིག་སྐྱེས་ནས། བླ་མ་ ལགས་ཁྱེད་ཀྱི་བླ་མ་དང་དམ་ཆོས་ཉམས་ལེན་རྣམས་ཇི་སྐད་བྱ་བ་ཡིན། གནས་དང་གྲོགས་ལོངས་སྤྱོད་རྣམས་ཅི་འདྲ་ཡོད། བདག་ཀྱང་འཐད་པ་ ཞིག་བྱུང་ན་ཤ་བ་འདིའི་སྲོག་ཕུལ་ནས་བླ་མ་ཁྱེད་ཀྱི་ཕྱག་ཕྱིར་འབྲང་བ་ལགས་ཞུས་པས། རྗེ་བཙུན་གྱི་ཞལ་ནས། ངའི་གནས་དང་གྲོགས་རྣམས་

འདི་ལྟར་ཡིན་པས་ངའི་ཕྱིར་འབྲང་ནུས་ན་ཤོག་ཅིག་གསུངས། ཁྱི་ར་བ་མགོན་པོ་རྡོ་རྗེ་ལ་མགུར་འདི་གསུངས་སོ། ། བླ་མ་ཏེ​ེ་ལོ་དང་ནཱ་རོ་མར་པ་ གསུམ། ། དེ་གསུམ་མི་ལའི་བླ་མ་ཡིན། ། བླ་མ་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། བླ་མ་ཡི་དམ་མཁའ་འགྲོ་གསུམ། ། འདི་གསུམ་མི་ལའི་ ཆོས་གནས་ཡིན། ། མཆོད་གནས་འདི་གསུམ་གྱིས་ཆོག་ན་རས་པའི་ཕྱི་ལ་ཤོག ། སངས་རྒྱས་ཆོས་དང་དགེ་འདུན་གསུམ། ། དེ་གསུམ་མི་ལའི་སྐྱབས་ གནས་ཡིན། ། སྐྱབས་གནས་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། ལྟ་བ་སྒོམ་པ་སྤྱོད་པ་གསུམ། ། འདི་གསུམ་མི་ལའི་ཉམས་ལེན་ཡིན། ། ཉམས་ལེན་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། གཡའ་རི་རྫ་རི་གངས་རི་གསུམ། ། འདི་གསུམ་མི་ལའི་སྒྲུབ་གནས་ཡིན། ། སྒྲུབ་གནས་འདི་ གསུམ་གྱིས་ཡོང་ན་རས་པའི་ཕྱི་ལ་ཤོག ། ཤ་བ་དགོ་བ་གནའ་བ་གསུམ། ། འདི་གསུམ་མི་ལའི་སྒོ་ཕྱུགས་ཡིན། ། ཕྱུགས་འདི་གསུམ་གྱིས་ཡོང་ན་རས་ པའི་ཕྱི་ལ་ཤོག ། གཡི་དང་འཕར་བ་སྤྱང་ཀི་གསུམ། ། འདི་གསུམ་མི་ལའི་སྒོ་ཁྱི་ཡིན། ། སྒོ་ཁྱི་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། བྱ་འཇོལ་ མོ་གོང་མོ་རྒོད་པོ་གསུམ། འདི་གསུམ་མི་ལའི་ཁྱིམ་བྱ་ཡིན། ། ཁྱིམ་བྱ་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། ཉི་མ་ཟླ་བ་སྐར་མ་གསུམ། ། འདི་གསུམ་མི་ལའི་སྤྱན་གཟིགས་ཡིན། ། སྤྱན་གཟིགས་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། ལྷ་དང་འདྲེ་དང་དྲང་སྲོང་གསུམ། ། འདི་ གསུམ་མི་ལའི་ཁྱིམ་མཚེས་ཡིན། ། ཁྱིམ་མཚེས་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། སྤྲ་དང་སྤྲེའུ་དང་མི་དྲེད་གསུམ། ། འདི་གསུམ་མི་ལའི་ རྩེ་གྲོགས་ཡིན། ། རྩེ་གྲོགས་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། བདེ་དང་གསལ་དང་མི་རྟོག་གསུམ། ། འདི་གསུམ་མི་ལའི་སྐྱོ་གྲོགས་ཡིན། ། སྐྱོ་གྲོགས་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། ཟྭ་དང་རུག་པ་ཐུལ་བ་གསུམ། ། འདི་གསུམ་མི་ལའི་ཁ་ཟས་ཡིན། ། ཟས་འདི་གསུམ་གྱིས་ ཡོང་ན་རས་པའི་ཕྱི་ལ་ཤོག ། གཡའ་ཆུ་གངས་ཆུ་རྫ་ཆུ་གསུམ། ། འདི་གསུམ་མི་ལའི་བཏུང་ཆུ་ཡིན། ། བཏུང་ཆུ་འདི་གསུམ་གྱིས་ཡོང་ན་རས་པའི་ཕྱི་ ལ་ཤོག ། རྩྭ་དང་རླུང་དང་ཐིག་ལེ་གསུམ། ། འདི་གསུམ་མི་ལའི་གྱོན་རྒྱུ་ཡིན། ། གོས་འདི་གསུམ་གྱིས་ཡོང་ན་རས་པའི་ཕྱི་ལ་ཤོག ། ཅེས་གསུངས་ པས། ཁོའ་ི བསམ་པ་ལ་མཛད་སྤྱོད་གསུང་ལུགས་མཐུན་པར་འདུག་སྙམ། དད་པ་ལྷག་པར་སྐྱེས། མཆི་མ་ལྷུག་པར་ཤོར། ཕྱག་འཚལ་ཞབས་སྤྱི་ བོར་བླངས་ཏེ་རྗེ་བཙུན་རིན་པོ་ཆེ་ལ་ཤ་བ་དང་ཁྱི་མོ་མདའ་གཞུ་ དགོ་སློག་ཞགས་པ་རྣམས་འབུལ་བར་ཕུལ་ནས། དངོས་པོ་འདི་རྣམས་ཀྱང་བླ་མ་ ལ་འབུལ། བདག་དང་ཁྱི་མོ་འདིས་ཀྱང་སྔར་སྡིག་པ་མང་པོ་བྱས། ད་ཕྱིན་ཆད་སྡིག་པ་མི་བགྱིད་པས། ཁྱི་མོ་གློག་སྤྱང་དམར་མོ་འདི་མཐོ་རིས་ཀྱི་ གནས་སུ་འདྲེན་པར་ཞུ། ཤ་བ་ནག་པོ་འདི་བདེ་ཆེན་གྱི་ལམ་ལ་དྲང་དུ་གསོ། བདག་ཁྱི་ར་བ་མགོན་པོ་རྡོ་རྗེ་ལ་ཡང་ཆོས་གནང་ནས་ཐར་པའི་ ལམ་ལ་དྲང་དུ་གསོལ། ཞེས་ཞུ་དོན་འདི་ལྟར་གླུར་ཕུལ་བ། ངའི་གཡས་ན་འདུག་པའི་ཤ་བ་ནག་པོ་དུང་རུའི་ཁ་རྒྱན་ཅན། ། འདི་བསད་ན་ཞག་ བདུན་གྱི་མུ་གེ་སེལ་ཙམ་གདའ་ལགས་ཏེ། ། འདི་མི་བདག་ལ་མི་དགོས་བླ་མ་ཁྱེད་ལ་འབུལ། ། ཤ་བ་ནག་པོ་བདེ་ཆེན་ལམ་ལ་དྲང་དུ་གསོལ། ། གློག་ སྤྱང་དམར་མོ་བྱང་ཆུབ་ལམ་ལ་དྲང་དུ་གསོལ། ། མགོན་པོ་རྡོ་རྗེ་ཐར་པའི་གནས་སུ་དྲང་དུ་གསོལ། ། གཡོན་ན་འདུག་པའི་ཁྱི་མོ་གློག་སྤྱང་དམར་མོ་ འདི། ། བཏང་ན་ནམ་མཁའི་བྱ་ཡང་ཟིན་ཙམ་གདའ་ལགས་ཏེ། ། འདི་མི་ང་ལ་མི་དགོས་བླ་མ་ཁྱེད་ལ་འབུལ། ། ཤ་བ་ནག་པོ་བདེ་ཆེན་གནས་སུ་དྲང་ དུ་གསོལ། ། གློག་སྤྱང་དམར་མོ་བྱང་ཆུབ་ལམ་ལ་དྲང་དུ་གསོལ། ། མགོན་པོ་རྡོ་རྗེ་ཐར་པའི་གནས་སུ་དྲང་དུ་གསོལ། ། ཞགས་པ་ནག་པོ་ཨ་ལོང་གི་ ཁ་རྒྱན་ཅན། ། འདིས་བཀྱིགས་ན་བྱང་ཁའི་འབྲོང་ཡང་ཐུབ་ཙམ་གདའ་ལགས་ཏེ། ། འདི་མི་ང་ལ་མི་དགོས་བླ་མ་ཁྱེད་ལ་འབུལ། ། ཤ་བ་ནག་པོ་བདེ་ ཆེན་གནས་སུ་དྲང་དུ་གསོལ། ། གློག་སྤྱང་དམར་མོ་བྱང་ཆུབ་ལམ་ལ་དྲང་དུ་གསོལ། ། མགོན་པོ་རྡོ་རྗེ་ཐར་པའི་གནས་སུ་དྲང་དུ་གསོལ། ། དགོ་སློག་ ཏིམ་པའི་ཁ་རྒྱན་ཅན། ། འདི་གོན་ན་གངས་དཀར་གྱི་ལྟོངས་སུ་ཡང་དྲོས་ལགས་ཏེ། ། འདི་མི་ང་ལ་མི་དགོས་བླ་མ་ཁྱེད་ལ་འབུལ། ། ཤ་བ་ནག་པོ་ བདེ་ཆེན་གནས་སུ་དྲང་དུ་གསོལ། ། གློག་སྤྱང་དམར་མོ་བྱང་ཆུབ་གནས་སུ་དྲང་དུ་གསོལ། ། མགོན་པོ་རྡོ་རྗེ་ཐར་པའི་གནས་སུ་དྲང་དུ་གསོལ། ། ངའི་ལག་པ་གཡས་ན་བཟུང་བའི་ཉག་ཕྲན་མདའ། ། སྒྲོ་བཞི་མཚལ་གྱི་ཁ་རྒྱན་ཅན། ། འདི་བརྒྱབ་ན་གང་ཕོག་ཕིགས་ཙམ་གདའ་ལགས་ཏེ། ། འདི་ མི་ང་ལ་མི་དགོས་བླ་མ་ཁྱེད་ལ་འབུལ། ། ཤ་བ་ནག་པོ་བདེ་ཆེན་གནས་སུ་དྲང་དུ་གསོལ། ། གློག་སྤྱང་དམར་མོ་བྱང་ཆུབ་གནས་སུ་དྲང་དུ་གསོལ། ། མགོན་པོ་རྡོ་རྗེ་ཐར་པའི་གནས་སུ་དྲང་དུ་གསོལ། ། གཡོན་ན་བཟུང་བའི་མཆོག་དཀར་གྱི་གཞུ། ། རྒྱ་རྒྱུད་གྲོ་གའི་ཁ་རྒྱན་ཅན། ། འདི་བདུངས་ན་ གནམ་གྱི་འབྲུག་ཀྱང་ལྡིར་ཙམ་གདའ་ལགས་ཏེ། ། འདི་མི་ང་ལ་མི་དགོས་བླ་མ་ཁྱེད་ལ་འབུལ། ། ཤ་བ་ནག་པོ་བདེ་ཆེན་གནས་སུ་དྲང་དུ་གསོལ། ། གློག་སྤྱང་དམར་མོ་བྱང་ཆུབ་གནས་སུ་དྲང་དུ་གསོལ། ། མགོན་པོ་རྡོ་རྗེ་ཐར་པའི་གནས་སུ་དྲང་དུ་གསོལ། ། ཞེས་གསོལ་བ་བཏབ། ཤ་བའི་སྲོག་དང་ ཁྱི་མོ་ལ་སོགས་པའི་འབུལ་བ་རྣམས་ཕུལ་ནས། བླ་མ་ལགས་བདག་ཀྱང་ཕྱག་ཕྱིར་འབྲང་བར་ཞུ་ལགས། བུ་སྨད་རྣམས་ཀྱི་ལག་ནས་འཚོ་རྒྱགས་ བླངས་ནས་འོང་བས། བླ་མ་འདི་རང་དུ་བཞུགས་སམ། གང་དུ་བཞུགས་ཀྱི་གསལ་ཆ་ཞིག་གནང་བར་ཞུ་ཞུས་པས། རྗེ་བཙུན་ཡང་ཤ་བའི་སྲོག་ ཕུལ་བ་དང་། ཁོ་རང་བློ་ཆོས་ལ་འགྱུར་བ་ལ་ཐུགས་མཉེས་ནས། ཁྱི་ར་བ་བུ་སྡིག་པ་སྤངས་ནས་དགེ་བ་བསྒྲུབས་པ་ངོ་མཚར་ཆེ་ཕྱིས་གང་སྡོད་ཀྱི་ སར་ཡོང་རུང་བསམ་པ་ཐོག་ཏུ་འཁེལ་བ་དཀའ་ཞིང་། ཐོག་ཏུ་འཁེལ་རུང་ང་གནས་ངེས་མེད་ལ་སྡོད་པས་རྙེད་པར་ཡང་དཀའ་བས་དེ་བས་ཆོས་ བྱེད་ན་བུ་སྨད་ཀྱི་འཁྲི་བ་ཆོད་ལ། ད་ལྟ་རང་ངའི་ཕྱི་བཞིན་ཆོས་ལ་ཕྱིན་ན་ལེགས། ང་གནས་ངེས་མེད་འགྲིམས་པའི་རྒྱུ་མཚན་འདི་ལྟར་ཡིན་ གསུང་མགུར་འདི་གསུངས་སོ། ། ཕོ་ཡ་མཚན་ཅན་རི་ཁྲོད་ཀྱི་རས་པ་ང་། ། དབྱར་ཟླ་གསུམ་རི་ཁྲོད་ཀྱི་གངས་ལ་སྒོམ། ། ཁམས་རྨུགས་པ་བསངས་ བའི་རླུང་དྭངས་ཡིན། ། སྟོན་ཟླ་གསུམ་རོ་སྙོམས་ལྡུམ་བུ་བྱེད། ། ལུས་འབྱུང་བཞི་གསོ་བའི་འབྲུ་ཙམ་མེད། ། དགུན་ཟླ་གསུམ་ནགས་མའི་གསེབ་ཏུ་ སྒོམ། ། རླུང་གདུག་རྩུབ་ཅན་ངར་མའི་སྒྲིལ་ཡོལ་ཡིན། ། དཔྱིད་ཟླ་གསུམ་གཡའ་དང་སྤང་ལ་སྡོད། ། རླུང་བད་ཀན་མཁྲིས་པའི་བཅགས་ས་ཡིན། ། དབྱར་དགུན་མེད་པར་སྒོམ་ལ་གཡེང་མེད་བརྩོན། ། ལུས་འབྱུང་བཞི་འཇིག་པའི་སྡུག་རྩིས་ཡིན། ། དུས་རྒྱུན་དུ་ཡེངས་མེད་བྱ་ར་གཏོང་། ། ཉོན་ མོངས་དུག་ལྔའི་འཇོམས་ཐབས་ཡིན། ། འཚོ་བ་གང་བྱུང་ཟ་བ་དེ། ། འདོད་སྲེད་ཆུང་བའི་སྐྱིད་རྟགས་ཡིན། ། དུས་རྒྱུན་དུ་ཆོས་ལ་འབད་པ་དེ། ། རྣལ་འབྱོར་བརྩོན་འགྲུས་ཆེ་བ་ཡིན། ། ཞེས་གསུངས་པས། ཁྱི་ར་བ་ན་རེ། བླ་མ་དེ་ལྟར་ཡིན་པ་ངོ་མཚར་ཆེ་བདག་སྙིང་ནས་ཆོས་ཤིག་བྱེད་པ་ལ། བུ་སྨད་རྣམས་ལ་ཡང་ཁ་ཏ་ཞིག་བཅུག ཆོས་རྒྱགས་ཤིག་ཀྱང་ཁྱེར་ནས་མྱུར་དུ་འོང་བ་ལགས་པས། དེ་བར་འདི་ཁར་བཞུགས་པ་ཞུ་ཟེར་བ་ལ། རྗེ་ བཙུན་གྱི་ཞལ་ནས་ཁྱོད་སྙིང་ནས་ཆོས་བྱེད་ན། བུ་སྨད་དང་འཕྲད་དོན་ཡང་མེད། སྡུག་ཁུར་བྱས་ཆོས་བྱེད་པ་ལ་ཆོས་རྒྱགས་ལོགས་པ་ཞིག་མི་ དགོས། སྔོ་དང་ཤིང་གི་འབྲས་བུ་ལ་སོགས་ཏེ་དཀའ་ཐུབ་ཀྱི་རྫས་ཀྱིས་ཆོག་པ་ཡིན། མི་ཚེ་ནམ་འཆི་ཆ་མེད་ཡིན་ཞིང་ད་ལྟའི་བསམ་པ་བཟང་པོ་འདི་ འགྱུར་ཉེན་ཡོད་པས། ད་ལྟ་རང་ནས་འདིར་སྡོད། ། བུ་སྨད་ལ་ཁ་ཏ་བཅུག་པའི་ཐོག་མར་ངས་ཁྱོད་རང་ལ་ཁ་ཏ་ཅིག་བྱེད་པས་འདི་ལ་ཉོན་གསུང་

མགུར་འདི་གསུངས་སོ། ། འོ་ན་ཉོན་དང་གསོན་དང་ཁྱི་ར་བ། ། འབྲུག་འུར་སྒྲ་ཆེ་ཡང་སྟོང་སྒྲ་ཡིན། ། འཇའ་ཁ་དོག་ལེགས་ཀྱང་ཡལ་ནས་འགྲོ། ། འཇིག་རྟེན་ཉམས་སུ་དགའ་ཡང་རྨི་ལམ་ཙམ། ། འདོད་ཡོན་བདེ་བ་ཆེ་ཡང་སྡིག་པའི་རྒྱུ། འདུས་བྱས་རྟག་རྟག་འདྲ་ཡང་མྱུར་དུ་འཇིག ། རྫས་ཁ་སང་ ཡོད་པ་དེ་རིང་མེད། ། མི་ན་ནིང་ཡོད་པ་ད་ལོ་ཤི། ། གྲོགས་བཟང་པོ་ཡོད་པ་དགྲ་རུ་ལྡང་། ། ཟས་ཕན་པར་ཟོས་པ་དུག་ཏུ་འགྲོ། ། དྲིན་བཟང་པོས་ བསྐྱངས་པ་ཁ་གྱོད་ཆེ། ། སྡིག་རང་གི་བྱས་པ་རང་ལ་གནོད། ། ཁྱོད་མགོ་བརྒྱའི་ནང་ནས་རང་མགོ་གཅེས། ། ཕྱག་སོར་མོ་བཅུ་ལ་གང་བཅད་ཚ། ། བཟའ་མང་ནང་ནས་རང་ཉིད་གཅེས། ། རང་མགོ་འདོན་པའི་དུས་ལ་བབ། ། ཚེ་འདི་མི་རྟག་མྱུར་དུ་འཆི། ། ཆོས་ལ་ཕྱིར་བཤོལ་བྱར་མི་རུང་། ། བརྩེ་ བའི་གཉེན་གྱིས་འཁོར་བར་འཕེན། ། བླ་མ་བསྟེན་པའི་དུས་ལ་བབ། ། ཚེ་འདི་རུ་བདེ་ལ་ཕྱི་མར་སྐྱིད། ། དམ་ཆོས་བྱེད་པའི་དུས་ལ་བབ། ། ཅེས་ གསུངས་པས། ཁྱི་ར་བ་མགོན་པོ་རྡོ་རྗེ་བློ་ཕྱིན་ཅི་མ་ལོག་པར་དམ་པའི་ཆོས་ལ་འགྱུར་ནས། བུ་སྨད་ཀྱི་སར་མ་ཕྱིན་པར་ཁྲིད་ཞུས་ནས་བསྒོམས་ པས་ཉམས་ཅུང་ཟད་སྐྱེད་པ་རྣམས་ རྗེ་བཙུན་ལ་ཕུལ་ཏེ། ད་དུང་ཉམས་སུ་ལེན་ལུགས་ཀྱི་གདམས་ངག་ཐུགས་རྗེས་འཛིན་པར་ཞུ་ཞེས་ཞུས་པས། རྗེ་བཙུན་མཉེས་ཏེ་ཡོན་ཏན་གྱི་མགོ་མ་སྐྱེས་འདུག ད་ཉམས་སུ་ལེན་ལུགས་འདི་ལྟར་གྱིས་ཤིག་གསུངས་ནས་མགུར་འདི་གསུངས་སོ། ། བླ་མ་དམ་ པ་བསྟེན་པ་ལ། ། བསྐྱེད་རིམ་ཡང་ཡང་གསལ་འདེབས་གྱིས། ། འཆི་བ་མི་རྟག་སྒོམ་པའི་ཚེ། ། ནམ་འཆི་ཆ་མེད་ཡང་ཡང་སོམས། ། ཕྱག་རྒྱ་ཆེན་པོ་ སྒོམ་པའི་ཚེ། ། ཆུང་ངུ་ཆུང་ངུ་ཡང་ཡང་སྒོམས། ། སེམས་ཅན་ཕ་མར་སྒོམ་པའི་ཚེ། ། ཡང་ཡང་དྲིན་ལན་དྲན་པར་གྱིས། ། སྙན་བརྒྱུད་ཟམ་མོ་སྒོམ་ པའི་ཚེ། ། སྙིང་ལ་རུས་པ་ཐོན་པར་གྱིས། ། དམ་ཆོས་མཐའ་རུ་འདོན་པའི་ཚེ། ། མཐོ་དམན་མེད་པར་ནར་རེ་སྐྱོངས། ། ཆོས་དང་ཨེ་མཐུན་ལྟ་བའི་ཚེ། ། རྩབ་རྩུབ་མེད་པར་གཅིག་ལ་དྲིལ། ། སོ་ནམ་ལྷ་ཆོས་བྱེད་པ་ལ། ། འཇིག་རྟེན་བྱ་བ་ཐམས་ཅད་ཐོངས། ། འཚོ་བ་ལྷ་ཡི་སྦྱོར་བ་ལ། ། སྡུག་བསོགས་ བྱས་པས་ཁ་ན་མེད། ། སེར་སྣས་བསགས་ན་མི་འཕེལ་བ། ། མཁའ་འགྲོ་སྤྱི་ཡི་དམ་ཚིག་ཡིན། ། དེ་ཕྱིར་ཕྱིས་ཀྱིས་བསམ་སྦྱོར་བོར། ། དེ་ཕྱིར་ཚེ་འདི་ བློ་ཡིས་ཐོངས། ། ཞེས་གསུངས་ནས། དབང་དང་གདམས་ངག་མཐའ་དག་རྫོགས་པར་གནང་ནས་བསྒོམས་པས། ཉམས་རྟོགས་མཐར་ཕྱིན་པ་ཁྱི་ར་ རས་པ་ཞེས་བྱ་བ་ཐུགས་ཀྱི་སྲས་གཅིག་བྱུང་ངོ་། ། ཁྱི་དང་ཤ་བ་ཡང་དེ་ནས་བཟུང་སྟེ་ངན་སོང་གི་སྡུག་བསྔལ་ལས་གྲོལ་བ་ཡིན་ནོ། ། ཕུག་པ་དེ་ན་ ཁྱི་ར་བས་ཕུལ་བའི་མདའ་གཞུ་ཡང་དུས་ད་ལྟའི་བར་དུ་ཡོད་པར་གྲགས་སྐད། གཉི་ཤང་འགུར་རྟ་རུ་ཐུགས་སྲས་ཁྱི་ར་རས་པ་དང་མཇལ་བའི་སྐོར་ རོ། །

ཞེས་པའི་མགུར་ཚན་འདི་གཅིག་པུའི་དོན་ལ་སོམས་དང་གོ་རྒྱུ་ཆེན་པོ་ཡོད། ཁྱད་པར་དུ་ད་ལྟ་ང་ཚོས་བཤད་བཞིན་པའི་སྐྱེ་ཁམས་ཁོར་ཡུག་སྲུང་ སྐྱོབ་ཅེས་པའི་ཐ་སྙད་དེ་དེ་དུས་མེད་ནའང་། དོན་ནི་ཡར་ལྡན་དུ་ཚང་བ་ཡིན་ཏེ། ང་ཚོ་བོད་ཀྱི་ལོ་རྒྱུས་དེབ་ཐེར་རྣམས་སུ་བོད་ཀྱི་མིའི་འགྲོ་བ་ཐོག་ མར་ཕ་སྤྲེའུ་དང་། མ་བྲག་སྲིན་མོ་(སྤྲ་)གཉིས་འདུས་པ་ལས་བྱུང་བར་གསུངས་པ་དང་། དེ་ལས་ཀྱང་མ་བྲག་སྲིན་མོའ་ི རིགས་སུ་གྱུར་པ་ནི། འདོད་ ཆགས་དང་ཞེས་སྡང་ཆེ་བ། ཚོང་དང་ཁེ་སྤོག་ལ་སེམས་པ། བློ་འདོད་དང་འགྲན་སེམས་ཆེ་བ། གད་མོ་ཆེར་དགོད་པ། ལུས་སྟོབས་དང་སྙིང་སྟོབས་ ཆེ་བ། སྤྱོད་པས་སྐད་ཅིག་ཀྱང་མི་ཚུགས་པ། བློ་སྣ་མང་བ། བྱེད་སྐྱེན་པ། དུག་ལྔ་རྒྱས་པ། གཞན་གྱི་སྐྱོན་ཐོས་ན་དགའ། ཁྲོ་གཏུམ་པ་དེ་ནི་མའི་རིགས་ སོ། ཞེས་གསུངས་པ་ལྟར་ཅུང་གདུག་རྩུབ་ཆེ་བར་བསྟན་པ་དང་། ཡང་བོད་ཀྱི་ཡུལ་འདི་ནི་རྒྱ་མཚོ་ངོས་ལས་ཧ་ཅང་མཐོ་བའི་ཡུལ་ཡིན་པས་གྲང་ ངར་ཧ་ཅང་ཆེ་བ་དང་། དེ་བས་འཚོ་བ་ཤ་ལ་མ་བརྟེན་པར་གནས་ཐབས་བྲལ་བ་ལྟ་བུ་དང་། ཞིང་ལས་རྒྱ་ཆེར་མ་དར་བ་སོགས་རྒྱུ་རྐྱེན་སྣ་ཚོགས་ཀྱི་ དབང་གིས་རི་དྭགས་རྔོན་པའི་སྲོལ་རྒྱ་ཆེར་དར་ཏེ་རི་སྐྱེས་སྲོག་ཆགས་ཀྱི་ཚེ་སྲོག་ལ་གནོད་འཚེ་མང་དུ་བྱས།

སྤྱི་ལོ་དུས་རབས་བདུན་པའི་ནང་དུ་སངས་རྒྱས་བསྟན་པའི་སྲོལ་ཕྱེ་བ་དང་། དེའི་རྗེས་སུ་མཁན་སློབ་ཆོས་གསུམ་གྱིས་ཆོས་རྒྱ་ཆེར་སྤེལ་བ་ནས་ བཟུང་སྟེ་རི་དྭགས་རྔོན་པ་ལ་སོགས་པའི་སྡིག་པའི་ལས་ཀྱང་ཇེ་ཉུང་དུ་སོང་ནའང་། ཡུལ་ཕྱོགས་རེ་འགར་ད་དུར་སྔར་བཞིན་རི་དྭགས་རྔོན་པ་གཙོ་ བྱས་ཏེ་འཚོ་བ་རོལ་བའི་མི་མང་པོ་ཞིག་གནས་ཡོད། དེ་བས་རྗེ་བཙུན་མི་ལའི་མགུར་མ་ལས་(གཉི་ཤིང་མགུར་རྟ་ཐུགས་སྲས་ཁྱི་ར་བ་རས་པ་དང་ མཇལ་བའི་སྐོར་རོ་)ཞེས་པ་འདིའི་བརྗོད་དོན་ནི་རྟོག་བཏགས་ཙམ་མིན་པར་ལོ་རྒྱུས་ཐོག་བྱུང་མྱོང་བའི་དོན་ངོ་མ་ཞིག་ཡིན་པ་དང་། ཁོང་གི་གསུང་ མགུར་འདི་དང་། ཕྱིས་བྱུང་གི་གསུང་མགུར་དག་ལ་བརྟེན་ནས་བོད་ཀྱི་ཡུལ་འདིར་རི་དྭགས་རྔོན་མཁན་ཇེ་ཉུང་ནས་ཇེ་ཉུང་དུ་སོང་སྟེ། མི་སྟོང་ ཕྲག་འགའ་རེའི་ནང་དུ་རི་དྭགས་རྔོན་པ་རེ་ཟུང་མ་གཏོགས་མེད་པའི་ཚོད་དུ་གྱུར། དེའི་སྟབས་ཀྱིས་བོད་ཡུལ་གྱི་རི་ཀླུང་ནགས་ཚལ་རྣམས་སུ་ཤ་ དང་དགོ་བ། རྐྱང་སོགས་ཁྱུ་དང་ཁྱུ་བྱས་ཏེ་ཧ་ཅང་མང་པོ་ཡོད་ཚུལ་རྒན་རབས་དག་གིས་དངོས་སུ་བཤད་བཞིན་ཡོད་པ་དང་། ཐ་ན་དུས་རབས་ཉི་ཤུ་ བའི་ལོ་རབས་ལྔ་བཅུའི་ནང་དུའང་དེ་ལྟར་ཡོད་ནའང་། ད་ལྟ་རྒྱུ་རྐྱེན་སྣ་ཚོགས་ཤིག་ལ་བརྟེན་ནས་ཧ་ཅང་ཇེ་ཉུང་དུ་སོང་བ་དང་། ཡུལ་ལུང་འགར་ གཏན་མེད་དུ་འགྲོ་བཞིན་ཡོད་པ་དང་། དེ་ནི་མིའི་འགྲོ་བ་རང་ཉིད་འཚོ་སྡོད་ཁོ་ནའི་ཆེད་དུ་རི་སྐྱེས་སྲོག་ཆགས་ཀྱི་ཚེ་སྲོག་ལ་གནོད་འཚེ་བྱས་པ་ དང་། སྐྱེ་ཁམས་ཁོར་ཡུག་ལ་གཏོར་བརླག་ཚབས་ཆེན་བཟོས་པའི་དན་རྟགས་ཁོ་ནའོ།། (༢) རྟོགས་བརྗོད་རྩོམ་རིག་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

བོད་གངས་ཅན་གྱི་ལྗོངས་འདིར་རིག་གནས་རྒྱ་ཆེར་དར་བའི་འགྲོས་དང་བསྟུན་ཏེ་རྟོགས་བརྗོད་རྩོམ་རིག་ཀྱང་དར་བ་ཡིན། དེ་ཡང་རྒྱ་གར་ནས་ དར་བའི་རྟོགས་བརྗོད་དང་། བོད་ཀྱི་མཁས་པས་བརྩམས་པའི་རྟོགས་བརྗོད་སྣ་ཚོགས་ཡོད་ལ། དེ་དག་ཐམས་ཅད་དངོས་དང་བརྒྱུད་པའི་སྒོ་ནས་སྐྱེ་ ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་པས། དེ་དག་ལས་མཚོན་བྱེད་ཙམ་ཞིག་འདིར་དགོད་པར་བྱ་སྟེ། རྟོགས་བརྗོད་དཔག་བསམ་འཁྲི་ཤིང་གི་འགྲེལ་བ་ལས་བྱ་སྲེག་པའི་རྟོགས་པ་བརྗོད་པ་རུ། བཅོམ་ལྡན་འདས་ཀྱིས་དགེ་སློང་རྣམས་རྒན་རིམ་གྱིས་ ཕྱག་དང་ཞེ་ས་བཀུར་བསྟི་བྱ་བ་ནི་ཆོས་ཀྱི་སྤྱོད་ལམ་ལེགས་པ་ཞིག་ཡིན་ཏེ། གཞོན་རིམ་གྱིས་རྒན་རིམ་ལ་དེ་ལྟར་བྱའོ། སྔོན་ཝཱ་ར་ཎཱ་སིར་རྒྱལ་པོ་ ཚངས་སྦྱིན་ཞེས་བྱ་བ་བྱུང་ཞིང་། གྲོང་ཁྱེར་རྣམས་བདེ་ཞིང་ཆོས་ཀྱིས་འབྱོར་བ་རྒྱས་པར་གྱུར་པ་ནི། ནམས་མཐའ་ཞིག་ན་སྲོག་ཆགས་མཛའ་བ་བཞི་ གནས་ཏེ། བྱ་སྲེག་པ་དང་། རི་བོང་དང་། སྤྲེའུ་དང་། གླང་ཆེན་ཏེ་བཞིའ།ོ དེ་དག་བསོད་ནམས་ཀྱི་མཐུས་འུ་ཅག་རྒན་རིམ་གྱིས་བཀུར་བ་ལ་རྒན་ གཞོན་ཇི་ལྟར་ཤེས་ཞེས་བློ་བསྡུར་བས། ནྱགྲོདྷའི་སྡོང་བོ་ཆེ་བ་འདབ་མ་ཧྲུལ་པོ་ཞིག་ལ་ཚད་བྱས་པས། གླང་ཆེན་ན་རེ། ཤིང་འདིའི་འདབ་མ་གསར་

པའི་དུས་ངའི་ལུས་དང་མཉམ་པ་དྲན་ཟེར། སྤྲེའུས་བདག་ཀྱང་དྲན་དུས་ཤིང་འདི་ཆུང་བ་བདག་ལུས་དང་མཉམ་ཟེར། རི་བོང་གིས་འདི་བདག་གིས་ དྲན་དུས་འདབ་མ་གཉིས་པ་སོར་ལྔ་ཡོད་པ་དེ་ལ་ཟིལ་བ་མངར་མོ་ཆགས་པ་བདག་གིས་མྱོང་ཟེར། བྱ་སྲེག་པ་ན་རེ། ཤིང་འདི་འབྲས་བུ་ས་ལ་ཡོད་ པའི་སྟེང་དུ་བདག་གིས་གཅི་བ་དོར་དོར་བ་ལ་བརྟེན་ནས་སྐྱེས་སོ་ཟེར། དེ་རྣམས་ཀྱིས་རྒན་གཞོན་གོ་རིམ་ཤེས་ནས་རྒན་རིམ་ལ་གཞོན་རིམ་གྱིས་ ཞེ་ས་དང་བསྙེན་བཀུར་གུས་འདུད་ཆེན་པོ་བྱེད་ཅིང་། བྱ་སྲེག་པས་བསྒོ་བ། སྲོག་གཅོད་པ་དང་། རྐུ་བ་དང་། བགྲོད་བྱ་མ་ཡིན་པ་དང་། རྫུན་སྨྲ་བ་ དང་། ཤི་འབྲས་སྐྱུར་པོ་ཟ་བ་རྣམས་སྤངས་ནས་བསླབ་པའི་གནས་བསྲུངས། དེའི་མཐུས་སྤྲིན་ལས་དུས་སུ་ཆར་བབས། ས་ལས་ལོ་ཏོག་འབྲས་བུ་ ཕུན་སུམ་ཚོགས་པ་བྱུང་བས་ཡུལ་ཕྱོགས་བདེ་སྐྱིད་དཔལ་འབྱོར་ལྡན་པར་གྱུར་ཏོ། དེའི་ཚེ་རྒྱལ་པོ་ཚངས་སྦྱིན་གྱི་བསམ་པར་འདི་དག་ངའི་བསོད་ ནམས་ཀྱི་མཐུའོ་སྙམ་ནས་ཁེངས་དྲེགས་སྐྱེས་པར། དྲང་སྲོང་མངོན་ཤེས་ཅན་ཞིག་གིས་འདི་ནི་རྒྱལ་པོའ་ི མཐུ་མ་ཡིན། ནགས་ཚལ་ན་སྤྲེའུ། གླང་ ཆེན། རི་བོང་། བྱ་སྲེག་པ་རྣམས་རྒན་རིམ་མཆོདཅིང་ཆོས་ཀྱི་སྤྱོད་ལམ་སྐྱོང་བ་དང་འདུག དེའི་མཐུའོ་ཞེས་ཐོས་ནས་ཡ་མཚན་པས། རྒྱལ་པོ་བཙུན་ མོ་བློན་འབངས་དང་བཅས་པ་བལྟ་རུ་ཕྱིན་པས། ཇི་བཞིན་མཐོང་ནས་མཆོག་ཏུ་དད་ཅིང་མི་རྣམས་ཀྱང་རྒམ་རིམ་ལ་ཞེ་ས་དང་གུས་པའི་བཀུར་སྟི་ ལ་མཁས་པར་གྱུར་ཏོ། སྲེག་པ་དེ་ནི་ངའོ། རི་བོང་ཤཱ་རིའི་བུ། སྤྲེའུ་མཽ་འགལ་བུ། གླང་ཆེན་ཀུན་དགའ་བོ་ཡིན་གསུངས་པས། འཁོར་རྣམས་རྒན་རིམ་ ལ་བཀུར་སྟི་སོགས་བསླབ་པའི་གནས་ལ་བརྩོན་པར་གྱུར་ཏོ། འདི་ནི་ཚུལ་ཁྲིམས་ཀྱི་ཆོས་སྐོར་རོ། མཛད་བརྒྱ་དཔག་བསམ་འཁྲི་ཤིང་ལས། བྱ་སྲེག་ པའི་རྟོགས་པ་བརྗོད་པ་སྟེ། ཡལ་འདབ་གྱ་དྲུག་པའོ། ཞེས་པའི་བྱ་སྲེག་པའི་རྟོགས་པ་བརྗོད་པ་འདིའི་དོན་ལ་སོམས་དང་། འདིས་ནི་རྒན་བཀུར་ ཆུང་བྱམས་དང་། ཕན་ཚུན་མཐུན་སྒྲིལ་ཡོང་ན་ངང་ངམ་ཤུགས་ཀྱིས་ཐམས་ཅད་ལ་བདེ་སྐྱིད་ལྡན་པ་བསྟན་ཡོད་དེ། དེང་སྐབས་ཁོར་ཡུག་སྲུང་སྐྱོབ་ དང་འཛམ་གླིང་ཞི་བདེ་ཡོང་ཐུབ་ཀི་མེད་པ་འདི་ཡང་། ཕན་ཚུན་བྱམས་སྐྱོང་དང་མཐུན་སྒྲིལ་མེད་པ་འདི་ལ་ཐུག་པ་ཡིན། རྒྱལ་ཁབ་དང་རྒྱལ་ཁབ་ བར། མི་རིགས་དང་མི་རིགས་བར། མི་དང་མིའི་བར། མི་དང་སྲོག་ཆགས་ཀྱི་བར། མི་དང་སྐྱེ་དངོས་ཀྱི་བར་འདྲ་མཉམ་དང་མཐུན་སྒྲིལ་མེད་པས། རི་བྲག་ནགས་ཚལ་ཆུ་ཀླུང་སོགས་ལ་གནོད་པ་བྱེད་པ་དང་། སྲོག་ཆགས་ཕན་ཚུན་གསོད་རེས་བྱེད་པ་འདིས་ཐམས་ཅད་འཇིགས་ཡེ་རེ་གནས་ཡོད་ པ་ང་ཚོར་མངོན་སུམ་ཡིན། དེས་ནས་རྟོགས་བརྗོད་འདི་ལྟ་བུ་ལ་མ་དཔེ་བྱས་ཏེ་རྒན་བཀུར་ཆུང་བྱམས་དང་ཕན་ཚུན་འགྲིག་མཐུན་གྱི་ལེགས་སྤྱོད་ དར་སྤེལ་བྱ་རྒྱུ་ནི་ཧ་ཅང་གལ་ཆེའ།ོ (༣) ལེགས་བཤད་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

ང་ཚོ་བོད་ལ་རིག་གནས་རྒྱ་ཆེར་དར་བའི་འགྲོས་དང་བསྟུན་ཏེ་ལེགས་བཤད་ཀྱང་མང་དུ་བྱུང་བ་དང་། དེ་རེ་རེའང་དངོས་དང་བརྒྱུད་པའི་སྒོ་ནས་ སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་པས། དེ་དག་ལས་མཚོན་བྱེད་ཙམ་ཞིག་འདིར་དགོད་པར་བྱ་སྟེ། ས་པཎ་ཀུན་དགའ་རྒྱལ་མཚན་གྱིས་མཛད་པའི་ལེགས་པར་བཤད་པ་རིན་པོ་ཆེའི་གཏེར་གྱི་འགྲེལ་བ་རུ།

ངན་པས་ཐོག་མར་ཚིག་གིས་འབྲིད། བག་ཕེབ་གྱུར་ན་ཕྱི་ནས་བསླུ། ཉ་པས་ཟས་ཀྱིས་ཁ་བྲིད་ནས། ཉ་རྣམས་གསོད་པར་བྱེད་ལ་ལྟོས། འདི་དོན་དང་ མཐུན་ཏེ། མངོན་སུམ་དུ་གསལ་བར་མཐོང་བས་སོ། གཞན་ཡང་ཆུ་འགྲམ་ཞིག་ན་ཆུ་སྐྱར་རྒད་པོ་གཅིག་བཀྲེས་པས་ཉེན་ཅིང་ཡོད་པ་ན། དེར་ཉ་ དྲོད་ཆུང་ཞིག་བྱུང་སྟེ། ཁྱོད་ཅི་ཉེས་ངོ་གནག་པར་གདའ་ནས་ལོ། ཉ་ཡིས་སྨྲས་པ། ཅི་བྱུང་། ཆུ་སྐྱར་གྱིས་སྨྲས་པ། ཁྱེད་ཐམས་ཅད་འཆི་བར་གདའ། རྒྱུ་ཅི་སྟེ། ཆུ་འདི་ཐམས་ཅད་སྐམ་པར་འདུག་པས་དེ་ན་ཁོ་བོ་ལ་ཟས་མེད་དོ་ཅེའ།ོ དེར་ཉ་ལ་སོགས་པ་རྣམས་འདུས་ཏེ་ཆུ་སྐྱར་ལ་གསོལ་བ། ཁོ་ན་ རེ་འདིའི་ཕ་རོལ་ན་མཚོ་བཟང་པོ་ཞིག་གདའ། ངས་ལམ་སྣ་བྱ་ཡི་ཐམས་ཅད་དེར་འདོང་ངོ་ལོ། ཉ་དེ་དག་ན་རེ། ངེད་ཀྱིས་དེ་ལྟར་འགྲོ་མི་ནུས་ཀྱིས། འོན་ཀྱང་ཁྱོད་རང་ཤེས་སོ་ཞེའ།ོ དེ་ནས་མཐར་བདག་གིས་རེ་རེ་ཁྱེར་ཅིང་བསྐྱལ་བར་བྱའོ། ཞེས་ཏེ། དེ་ལ་ཐམས་ཅད་གྲོས་མཐུན་ནས་ཁོས་ཉ་རེ་རེ་ ཁྱེར་ཞིང་། རྒྱང་མ་ནས་རྡོ་ལེབ་ཅིག་ཡོད་པའི་ཁར་ཟོས་སོ། དེ་བཞིན་དུ་བྱས་པས་ལན་གཅིག་པུ་ལེར་ཀ་ཞེས་བྱའི་སྦལ་བ་ཞིག་ཡོད་པ་དེས་ཞུས་ཏེ། དེ་ཁྱེར་ནས་སོང་བ་དང་རྡོ་ལེབ་ཀྱི་སྟེང་དུ་བཞག་པ་དང་། སྦལ་པ་དེས་དོན་སྔ་མ་ཤེས་ཏེ། ཆུ་སྐྱར་གྱི་མགྲིན་པར་འཇུས་ཏེ་བསྡམས་པས་བསད་པར་ གྱུར་པ་ན། དེ་ན་གནས་པའི་འབྱུང་པོ་དག་གི་ཐད་དུ་ཆུ་སྐྱར་བརྐམ་ཆགས་ཅན་དེ་བུ་ལེ་ཀས་བསད་དོ་ཞེའ།ོ ཧ་ཅང་གཡོ་སྒྱུར་མང་དྲག་ན།། རེ་ཞིག་གྲུབ་ཀྱང་ཐ་མར་བརླག། གཟིག་ལྤགས་བཀག་པའི་བོང་བུ་ཡིས།། ལོ་ཏོག་ཟོས་མཐར་གཞན་གྱིས་བསད།། ཅེས་ཁྱིམ་བདག་གཡོ་ཅན་གཅིག་ལ་བོང་བུ་ཞིག་ཡོད་པ་གྲོ་གོང་བོས་ཤིང་ཟ་བ་ལས། དེར་རེ་ཞིག་གཟིག་ ཅིག་གི་པགས་པ་རྙེད་དེ། བོང་བུ་ཟས་འཚོལ་བ་ལ་པགས་པ་དེ་བཀབ་ཅིང་བཏང་བས་སྐྱེ་བོ་ཐམས་ཅད་ཀྱིས་ཞིང་ལ་གཟིག་ཞུགས་ཞེས་སྨྲས་པ་ན། ཧ་ཅང་ཞིང་ལ་གནོད་པ་ཆེས་ནས་མཐར་ཐམས་ཅད་འདུས་ཏེ་གཟིག་བསད་པ་ན་སྐྱེས་བུ་གཡོ་ཅན་དེའི་བོང་བུའོ།། བླུན་པོ་གཅིག་གིས་བྷི་ཀ་མ་ཨ་ཏི་ཏ་ཡིས་སྦས་པའི་གཏེར་བུམ་འོད་དང་བཅས་ཏེ་འགྲོ་བ་དང་འཕྲད་ནས། དེས་དེ་བཟུང་སྟེ་ནས་གསེར་ཉུང་ཤས་ ཤིག་ཁྱེར་ཏེ་རང་གི་གྲོགས་པོ་སྤྱང་པོ་ཞིག་ཡོད་པའི་ཐད་དུ་སོང་ནས་དྲིས་པས། འདི་ནི་གསེར་ཞེའ།ོ འོ་ན་ད་དུང་ཡོད་དོ་ཞེས་སོ། དེ་ལྟ་ན་ལེགས་ ཀྱིས་ཐུན་མོང་དུ་བྱའོ། ཞེས་ཏེ། གཉིས་པོ་སོང་ནས་སྡོང་བོ་གཅིག་གི་རྩར་སྦས་ཏེ། ནམ་དགོས་པའི་ཚེ་གཉིས་ཀ་སོང་ཞིང་ལེན་པ་ལས། སྤྱང་པོའ་ི བསམ་པ་ལ་བསླུ་སེམས་སྐྱེས་ཏེ་བུམ་པ་གཞན་ཞིག་ཏུ་སྦས་ནས། བླུན་པོ་དེ་སྦྲན་ནས་སོང་བ་དང་། བུམ་པ་མི་སྣང་བས། སྤྱང་པོ་ན་རེ། བུམ་པ་ཁྱོད་ ཀྱིས་བརྐུས་སོ་ལོ། གླེན་པ་ན་རེ། རྐུ་བ་ལ་ཐུག་ན་དང་པོ་རང་ང་ལ་དབང་པའི་དུས་སུ་ཁྱོད་དང་ཐུན་མོང་དུ་བྱ་དོན་ཅི་ཡོད། དེ་ནས་ངས་མ་བརྐུས་ བྱས་པས། སྤྱང་པོས་མཉན་དེ་ང་ནི་ང་རང་ཡིན། གཞན་ཁྱོད་ལས་འོས་མེད་དོ། ཞེས་ཏེ། སྤྱང་པོ་དེས་གླེང་པ་རྒྱལ་པོའ་ི ཐད་དུ་ཁྲིད་དེ་དོན་སྔ་མ་ བཤད་ནས་འདི་ལ་ཆད་པ་ཆོད་ཅིག་བྱས་པས། རྒྱལ་པོ་ན་རེ། ད་དུང་བརྟག་དགོས་སོ་ཞེས་སོ། ཁོ་ན་རེ། དེ་ལྟ་ན་གསེར་བཅོལ་བའི་ནགས་ཀྱི་ལྷ་ལ་

དྲི་བར་བྱའོ་ཟེར་ཏེ། རྒྱལ་པོས་ཀྱང་ལེགས་སོ་ཞེས་བྱ་བ་བྱིན་ནོ། དེ་ནས་དུས་བཏབ་སྟེ། སྤྱང་པོ་རང་གི་ཕ་རྒད་པོ་གཅིག་ཡོད་པ་ལ་གསེར་བུམ་གླེན་ པས་བརྐུས་སོ་ཞེས་བརྗོད་པའི་ཚུལ་བསླབས་ཏེ། དུས་ལ་བབ་པ་ན་སྡོང་བོའ་ི ཁོག་རུལ་བར་ཕ་སྦས་ཏེ། སྐྱེ་བོ་མང་པོ་གཙོ་བོ་རྒྱལ་པོ་དང་བཅསཔའི་ དབུས་སུ་ལྷ་མཆོད་དེ། རང་གི་མ་ཉེས་པའི་དཔང་གསོལ་བ་དང་། བདེན་པས་སྔར་བཞིན་རྒྱུ་མཚན་སྔ་མ་རྒྱས་པར་བསྙད་དོ། དེ་ནས་ལྷར་བྱས་པའི་ མི་རྒན་དེས་ཤགས་ཕྱེ་བ་དང་། སྤྱང་པོ་ཁོ་ན་རེ། འདི་ལ་ལྟོས་ཤིག་ཅེས་བརྗོད་པ་དང་། རྒྱལ་པོ་ན་རེ། བདེན་པ་ཡང་དག་གི་ཟེར་བ་ན། བླུན་པོ་དེ་ན་ རེ། ཁྱེད་ཐམས་ཅད་བདེན་ན། ང་ཡང་བདེན་པས། སུ་མི་བདེན་ན་ཤིང་གི་ལྷ་འདི་མི་བདེན་པས། ཐོག་མར་ངས་ལྷ་འདི་བསྲེག དེ་ནས་ཁྱེད་རང་ང་ གསོད་ཅིག་ཅེས་སོ། སྤྱང་བོ་ན་རེ། འདི་ལྷ་ཡིན་པས་བསྲེག་ཏུ་མི་རུང་ངོ་། འདི་བསྲེགས་པས་ཁྱེད་རང་ལ་མི་རུང་བ་འོང་ངོ་བྱས་པས། གླེན་པ་ན་རེ། ད་ལྟ་ཉིད་དུ་འཆི་བ་ལས་མི་རུང་བའི་ཚབས་ཆེ་བ་ཞིག་གཞན་མེད་ཟེར་ཏེ་མ་ཉན་པར་ཁོས་ཤིང་གི་ཚོགས་མང་པོ་སྤུངས་ཏེ། དེ་ལ་མེ་བཅུག་པ་དང་ ཕ་རྒད་པོ་དུ་བས་འཚུབས་ཏེ་བྲུལ་ནས་བྱུང་ངོ་། དེས་བལྟས་པས་དེའི་ཕར་འདུག་སྟེ། རྒྱུ་མཚན་དྲིས་པས། རྒད་པོ་དེས་སྨྲས་པ། ཧ་ཅང་སྤྱང་པོའང་ མཁས་པ་མིན། ཧ་ཅང་བླུན་པོའང་བླུན་པོ་མིན། ཧ་ཅང་སྤྱང་པོ་མཁས་ཡིན་ན། ཕ་རྒན་དུ་བས་གསོད་བྱེད་དམ། ཞེས་སོ། དེའི་གཏམ་དེ་ཐོས་པ་དང་། རྒྱལ་པོས་མི་གཡོ་ཅན་དེ་བསད། ཕ་ལ་ཉེས་པ་མེད་པས་བཏང་། གསེར་གྱི་བུམ་པ་བླུན་པོ་ལ་གཏད་དོ། ཞེས་བྱ་བ་ནི་གཏམ་དུ་བྱ་བ་གཉིས་པའོ།། ཞེས་པའི་ལེགས་བཤད་འདིའི་གཏམ་རྒྱུད་ཀྱི་བསྟན་དོན་ནི་རྒྱུ་ནོར་ལ་འདོད་སྲེད་ཆེ་དྲགས་ན་དེ་རང་ལ་འཐོབ་པའི་ཆེད་དུ་གཡོ་སྒྱུར་མང་དུ་བྱས་ ཏེ་སྤྱོད་ངན་ལག་ཏུ་བསྟར་བས། མཐར་མི་འདོད་པ་ཆེན་པོ་རང་ཐོག་ཏུ་བབས་པའི་ཚུལ་བསྟན་པ་འདིས་ནི། ང་ཚོ་སྨྲ་ཤེས་ཤིང་དོན་གོ་བའི་མི་ཞིག་ ཡིན་ན་འདོད་ཡོན་ལ་ཆོག་ཤེས་ཡོད་དགོས་པ་དང་། གནས་ལུགས་བརྩི་ཞིང་དྲང་བདེན་སྐྱོང་བའི་མི་ཞིག་བྱེད་དགོས་པ་བསྟན་ཡོད། ད་ལྟ་མི་མང་ པོ་ཞིག་གིས་སྐྱེ་ཁམས་ཁོར་ཡུག་ལ་གཏོར་བརླག་བྱེད་པ་དེ་ཡང་འདོད་ཡོན་ལ་ཆོག་ཤེས་མེད་པར་ཧམ་སེམས་ཆེ་བ་དང་། དྲང་བདེན་མི་སྐྱོང་བར་ གཡོ་སྒྱུ་ཆེ་དྲགས་པའི་སྟབས་ཀྱིས། རྒྱལ་ཁྲིམས་དང་འགལ་ནས་ངན་གཡོ་འཐེན་ཏེ་ཤིང་སྡོང་གཅོད་པ། རྩྭ་ས་སློག་པ། གཏེར་ཁ་འདོན་པ། རི་དྭགས་ རྔོན་པ་བཅས་ནི་འདོད་སྲེད་ཆེ་བ་དང་། གཡོ་སྒྱུ་ཆེ་བ་དང་། ངོ་ཚ་དང་ཁྲེལ་མེད་པས་བྱ་ངན་ལག་ཏུ་བསྟར་ཏེ་རྒྱལ་ཁྲིམས་ལ་སྦྱོར་བཞིན་ཡོད་པ་ མངོན་སུམ་དུ་མཐོང་རྒྱུ་ཡོད་པ་ལྟར་ཤེས་པར་བྱའོ། (༤) སྐྱེས་རབས་རྩོམ་རིག་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

བོད་གངས་ཅན་གྱི་ལྗོངས་འདིར་རིག་གནས་རྒྱ་ཆེར་དར་བའི་འགྲོས་དང་བསྟུན་ཏེ་སྐྱེས་བུ་དམ་པའི་སྐྱེས་རབས་བརྗོད་པའི་སྐྱེས་རབས་རྒྱ་གར་ ནས་དར་བ་དང་བོད་ཀྱི་མཁས་པས་མཛད་པའི་སྐྱེས་རབས་སྣ་ཚོགས་ཡོད་ལ། དེ་དག་ཐམས་ཅད་ཀྱང་དངོས་དང་བརྒྱུད་པའི་སྒོ་ནས་སྐྱེ་ཁམས་ ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་པས། འདིར་མཚོན་བྱེད་ཙམ་ཞིག་དགོད་པར་བྱ་སྟེ། སྐྱེས་རབས་སོ་བཞི་བ་ལས་བཅུ་དྲུག་པ་བྱ་སྲེག་པའི་ཕྲུ་གུར་སྐྱེས་པའི་རབས་ཞེས་པ་རུ།

བདེན་པའི་ཚིག་བསྒོམས་ནས་མེས་ཀྱང་འདའ་བར་བྱེད་མི་ནུས་སོ། དེ་བས་ན་བདེན་པའི་ཚིག་ལ་བརྩོན་པར་བྱའོ། དེ་ཡང་འདི་ལྟར་བྱང་ཆུབ་ སེམས་དཔའ་དགོན་པའི་གནས་ཤིག་ན། བྱ་སྲེག་པའི་ཕྲུ་གུ་ཞིག་ཏུ་གྱུར་ཏོ་ཞེས་གྲགས་སོ། དེ་ཡང་སྒོ་ངའི་སྦུབས་ལས་བྱུང་ནས་ཞག་གྲངས་མང་པོ་ ནི་མ་ལོན། སྤུ་གསར་པ་ནི་མ་སྐྱེས། རབ་ཏུ་རིད་པས་ཡན་ལག་དང་ཉིང་ལག་གི་ཕྱོགས་རྣམས་ནི་གསལ་བར་མངོན། ཕ་མ་གཉིས་ཀྱིས་རྩྭ་དང་ལྡུམ་ བུ་སྟུག་པོའ་ི ནང་དུ་ཚང་བཅས་པའི་ནང་ན་ཕྲུ་གུ་མང་པོ་སྤུན་དང་ལྷན་ཅིག་ཏུ་འཁོད་དོ། དེ་ལྟ་བུའི་གནས་སྐབས་ན་ཡང་ཆོས་ཀྱི་འདུ་ཤེས་མ་ཉམས་ པའི་ཕྱིར། ཕ་མ་གཉིས་ཀྱིས་ཟས་རྙེད་པ་སྲོག་ཆགས་ཁྱེར་ཏེ་འོངས་པ་ནི་ཟར་མི་བཏུབ་ཅིང་རྩྭའི་ས་བོན་དང་ཤིང་ནྱ་གྲོ་དྷའི་འབྲས་བུ་ཁྱེར་ཏེ་འོངས་ པ་དེ་འབའ་ཞིག་ཟོས་ཏེ། ཕ་མ་གཉིས་ཀྱིས་ཀྱང་དེ་འབའ་ཞིག་གིས་གསོས་སོ། དེ་ཁ་ཟས་རྩུབ་ཅིང་ཆུང་བ་དེས། ལུས་རྒྱས་པར་མ་གྱུར་འདབ་གཤོག་ ཀྱང་མ་རྫོགས་སོ། བྱ་སྲེག་པའི་ཕྲུ་གུ་གཞན་རྣམས་ཁ་ཟས་ཅི་འོངས་པ་ཟོས་པས་མཐུ་ཆེ་ཞིང་འདབ་གཤོག་རྣམས་ཀྱང་རྒྱས་པར་གྱུར་ཏོ། འདི་ནི་ཆོས་ ཉིད་ཡིན་ཏེ། འདི་ལྟར། ཆོས་དང་ཆོས་མིན་མི་འཛེམ་ཞིང་། ཐམས་ཅད་ཟ་བ་བདེ་བར་གནས། ཆོས་དང་ལྡན་པའི་ཚུལ་འདོད་ན། ཆོ་གའི་ཟས་ཟ་ བཞིན་དུ་འདུག བཅོམ་ལྡན་འདས་ཀྱིས་ཀྱང་ངོ་ཚ་མི་ཤེས་པ་ནི་བདེ་བར་འཚོའ།ོ ཞེས་ཚིགས་སུ་བཅད་པ་གཉིས་གསུངས་ཏེ། དེ་ཡང་འཕགས་པ་ གནས་བརྟན་པའི་གཞུང་ལས་འབྱུང་བ། བརྐམ་ཞིང་བྱ་རོག་ལྟར་དཔའ་བ། ངོ་ཚ་མེད་པ་ལེགས་པར་འཚོ། བརྣབ་ཅིང་སྤྱི་རྟོལ་ཆེ་བ་ཡི། འཚོ་བ་ཤིན་ ཏུ་ཉོན་མོངས་ལྡན། རྟག་ཏུ་སྐྱོན་མེད་ཚོལ་བ་དང་། ཞུམ་ཞིང་བག་དང་བཅས་པ་དང་། འཚོ་བ་སྐྱོན་མེད་ལྟ་བ་དང་། ངོ་ཚ་ཤེས་པས་འཚོ་མི་བདེ། དེ་དག་གི་གནས་སྐབས་དང་མི་རིང་བ་ཞིག་ན་ནགས་ཚལ་ཆེན་པོ་མེས་ཚིག་སྟེ། འཇིགས་སུ་རུང་བའི་སྒྲ་ནི་འུར་འུར་ཟེར། དུད་པའི་ཚོགས་ནི་ འཁྱིལ། མེ་ལྕེ་གཡོ་བ་འཁྲིགས་ཤིང་མེ་སྟག་ནི་རྣམ་པར་འཕྲོ། ནགས་ཚལ་ན་རྒྱུ་བར་བྱེད་པ་རྣམས་ནི་སྐྲག་པར་བྱེད་པ། ནགས་ཚལ་སྟུག་པོ་རྣམས་ནི་ འཇིགས་པར་བྱེད་པ་ཅིག་བྱུང་བར་གྱུར་ཏོ། དེ་ནི་རླུང་གིས་བསྐྱོད་པས་རྣམ་པར་འཕྲོ། མེ་ལྕེ་འཁྲུག་པའི་ལག་པ་གར་མཛེས་བྱེད། དུད་པས་འཁྲིགས་ པའི་སྒྲ་ནི་བསྡིགས་པ་བཞིན། སྒྲ་དང་བཅས་པ་དེ་དག་འཇིགས་པ་བསྐྱེད། དྲག་པོའ་ི རླུང་གིས་བསྐྱོད་པས་རབ་ཏུ་གཡོ། ནགས་ཀྱི་རྩྭ་རྣམས་འཇིགས་ པས་ཉེན་པ་འདྲ། མེ་དེ་རྔམ་པ་བཞིན་དུ་མངོན་པར་འོང་། མེ་སྟག་འཕྲོ་བ་མང་པོས་ཁྱབ་པར་བསྲེག བྱ་ཚོགས་མང་པོ་སྐྲག་ནས་རབ་ཏུ་བྱེར། རི་ དྭགས་འཇིགས་པས་རྒྱུ་ཞིང་ཀུན་ཏུ་བྲོས། དུད་པའི་ནང་ནས་མེ་སྒྲ་དྲག་པོ་གྲག དེ་ཡིས་སྐྲག་ནས་ནགས་ཚལ་ངུ་བ་འདྲ། མི་དེ་རླུང་དྲག་པོས་བདས་ པས་གནོད་པ་བཞིན་དུ་རྩྭ་མཐུག་པོ་ལ་མེ་མཆེད་པས་དེ་དག་གི་ཚང་དང་ཉེ་བར་འོངས་སོ།།

དེ་ནས་སྲེག་པའི་ཕྲུག་གུ་དེ་རྣམས་འཇིགས་ཤིང་སྐྲག་པས་འཁྲུག་པའི་སྒྲ་མི་སྙན་པ་འབྱིན་ཅིང་གཅིག་ལ་གཅིག་མི་ལྟ་བར་རྟབ་བཞིན་དུ་འཕུར་ཏེ་ སོང་ངོ་། བྱང་ཆུབ་སེམས་དཔའ་ནི་ཉམ་ཆུང་བས་འདབ་གཤོག་མ་རྫོགས་པར་འཕུར་བར་མ་སྩལ་ཏོ། བྱང་ཆུབ་སེམས་དཔའ་ཆེན་པོ་དེ་བདག་གི་མཐུ་ སྟོབས་ཤེས་པས་མ་འཁྲུགས་པ་ཉིད་དུ་མེ་དེ་བཙན་ཐབས་སུ་འོངས་པ་འདྲ་བ་ལ་ཚིག་འཇམ་པོས་སྨྲས་པ། བདག་གི་རྐང་པའི་མིང་དོན་མེད་ཅིང་ འདབ་མ་མེད། བདག་གི་ཕ་མ་གཉིས་ཀྱང་ཁྱོད་ལ་སྐྲག་ནས་བྲོས། ཁྱོད་ལ་མགྲོན་བྱར་རུང་བ་འདི་ན་ཅི་ཡང་མེད། དེ་བས་མེ་ཁྱོད་འདི་ནས་སླར་ནི་

ལྡོག་པར་རིགས། སེམས་དཔའ་ཆེན་པོ་དེས་བདེན་པ་ཡོངས་སུ་བསྒོམས་པའི་ཚིག་དེ་སྐད་སྨྲས་པ་དང་། རྩྭ་རྣམས་ཚང་ཚིང་སྐམ་པོ་འདབ་ཆགས་ ལ། མེ་དེ་རླུང་གིས་རབ་ཏུ་སྦར་གྱུར་ཀྱང་། འབབ་ཆུ་ཀླུང་ཆེན་འབྲུབ་དང་འཕྲད་པ་བཞིན། དེ་ཡི་ཚིག་ཐོས་དེ་མ་ཐག་ཏུ་ཞི། དེང་སང་དུས་ན་གངས་ རིའི་ཁྲོད་ནས་ས་ཕྱོགས་དེར། དགོན་པའི་མེ་ལྕེ་རླུང་གིས་བསྐྱོད་དེ་རྒོད་པ་ཡང་། མགོ་མང་སྦྲུལ་ནི་སྔགས་ཀྱིས་བཏབ་སྟེ་བཟློབ་པ་བཞིན། མེ་ལྕེ་ གཡོ་བ་དལ་ཞིང་ཞི་བར་འགྱུར་ཞེས་གྲགས། དེ་ཅིའི་ཕྱིར་བསྟན་ཞེ་ན། སྨྲས་པ། རྒྱ་མཚོའི་དུས་ཤུགས་རབ་ཏུ་གཡོ་བའི་གདེངས་ཅན་དང་། བདག་ལ་ ཕན་འདོད་ཐུབ་དབང་བསྟན་པའི་བསླབ་པ་བཞིན། བདེན་པའི་བདག་ཉིད་ཅན་གྱིས་གང་དག་བསྒོ་བ་ནི། མེས་ཀྱང་མི་འདའ་དེ་བས་བདེན་པ་མི་ བཏང་ངོ་། དེ་ལྟར་བདེན་པ་ཡོངས་སུ་བསྒོམས་པའི་ཚིག་ནི་མེས་ཀྱང་འདའ་བར་མི་ནུས་ཏེ། དེ་བས་ན་བདེན་པའི་ཚིག་ལ་བརྩོན་པར་བྱའོ།། དེ་བཞིན་གཤེགས་པའི་ཡོན་ཏན་བསྔགས་པ་ལ་ཡང་བརྗོད་པར་བྱའོ། བྱ་སྲེག་པའི་ཕྲུ་གུར་སྐྱེས་པའི་རབས་ཏེ་བཅུ་དྲུག་པའོ།།

ཞེས་པའི་སྐྱེས་རབས་འདིའི་དོན་ལ་སོམས་དང་། བྱང་ཆུབ་སེམས་དཔའ་བྱ་སྲེག་པའི་ཕྲུ་གུ་དེས་བྱ་ཕྲུག་གཞན་ལྟར་སྲོག་ཆགས་གཞན་གྱི་ཤ་མི་ཟ་ བ་དང་། ནགས་ཚལ་ལ་གཅེས་སྐྱོང་མ་བྱས་པར་མེ་ལ་ཤོར་ན་ནགས་ཚལ་དེར་གནས་པའི་སྲོགས་ཆགས་མཐའ་དག་གི་ཚེ་སྲོག་ལ་གནོད་པ་བྱུང་བ་ དང་ཡུལ་ཕྱོགས་ཉམས་མི་དགའ་བར་འགྱུར་བར་བསྟན་པའི་ཤུགས་ཀྱིས་ནགས་ཚལ་དང་སྲོག་ཆགས་ལ་གཅེས་སྤྲས་དང་བྱམས་སྐྱོང་བྱེད་དགོས་པ་ བསྟན་པ་དང་། བདེན་པའི་ཚིག་ལ་གནས་ཏེ་བདེན་ཚིག་བརྗོད་ན་སེམས་མེད་མེ་ཡི་འཇིགས་པའང་ཞི་བར་འགྱུར་བ་བསྟན་པ་འདིས་འཛམ་གླིང་ གི་མིའི་འགྲོ་བ་གཙོ་བྱས་པའི་སྐྱེ་འགྲོ་ཡོངས་ཀྱིས་རང་རྒྱལ་གཞན་ཕམ་དང་གཡོ་སྒྱུ་ཡི་ངན་སེམས་སྤངས་ཏེ། ཐམས་ཅད་ཀྱིས་བདེན་དོན་ལག་ཏུ་ བསྟར་ན་འདི་ཕྱི་ཀུན་ཏུ་འགྲོ་ཀུན་བདེ་བར་བསྟན་ཡོད་དོ།། (༥) རྣམ་ཐར་རྩོམ་རིག་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

བོད་གངས་ཅན་གྱི་ལྗོངས་འདིར་བོད་རྒྱལ་ལྷ་ཐོ་ཐོ་རི་གཉན་བཙན་གྱི་རིང་ལ་སངས་རྒྱས་བསྟན་པའི་དབུ་བརྙེས། བོད་རྒྱལ་སྲོང་བཙན་སྒམ་པོའ་ི རིང་ལ་སངས་རྒྱས་བསྟན་པའི་སྲོལ་བཙུགས། མཁན་སློབ་ཆོས་གསུམ་སྟེ་མཁན་ཆེན་བྷོ་དྷི་ས་ཏྭ་དང་། སློབ་དཔོན་པདྨ་འབྱུང་གནས། ཆོས་རྒྱལ་ ཁྲི་སྲོང་ལྡེའུ་བཙན་གསུམ་གྱིས་རྒྱ་ཆེར་སྤེལ་བ་ནས་བཟུང་སྟེ་བསྟན་པ་འཛིན་པའི་སྐྱེས་བུ་དམ་པ་མང་དུ་བྱོན་པ་དང་། དེ་རེ་རེ་ལའང་འཁོར་ལོ་ གསུམ་གྱི་བྱ་བས་བསྟན་འགྲོའ་ི དོན་མཛད་པ་ལས་བརྩམས་པའི་རྣམ་པར་ཐར་པ་བརྗོད་པའི་རྣམ་ཐར་རེ་ཡོད་པ་དང་། དེ་ཡང་། སྡིག་པ་ཅི་ཡང་མི་ བྱ་སྟེ། དགེ་བ་ཕུན་སུམ་ཚོགས་པར་སྤྱོད། རང་གི་སེམས་ནི་ཡོངས་སུ་འདུལ། འདི་ནི་སངས་རྒྱས་བསྟན་པ་ཡིན། ཞེས་སོ་སོར་ཐར་པའི་མདོ་ལས་ གསུངས་པ་ལྟར། ཐོག་མར་གཞན་གནོད་གཞིར་བཅས་སྤོང་བའི་སྡོམ་པ་བླངས་ནས་གཙོ་བོར་དགེ་སྡིག་གི་བླང་དོར་ཚུལ་བཞིན་དུ་ཉམས་སུ་ལེན་པ་ ཡིན་ལ། དེ་གསལ་བར་བཤད་ན་སྡིག་སྤོང་དགེ་སྒྲུབ་སངས་རྒྱས་བསྟན་པའི་གནད་ཡིན་པ་དང་། སྡིག་སྤོང་དགེ་སྒྲུབ་ནི་གཞི་སེམས་ཅན་ལ་བརྟེན་ ནས་དངོས་དང་བརྒྱུད་པའི་སྒོ་ནས་ཕན་གནོད་བྱས་པ་ལ་འཇོག་པའི་ཕྱིར་ན། སྔོན་བྱོན་སྐྱེས་བུ་དམ་པ་དག་གི་མཛད་པ་མཐའ་དག་ནི་དངོས་སམ་ བརྒྱུད་པའི་སྒོ་ནས་སེམས་ཅན་ལ་གནོད་པ་སྤངས་པ་དང་དགེ་བ་བསྒྲུབས་པ་ཤ་སྟག་ཡིན་པ་རྣམ་ཐར་དག་ལས་རང་བཞིན་དྲང་བོར་བརྗོད་ཡོད་པ་ དང་། དེ་དག་ལས་མཚན་གཞི་གཅིག་ཙམ་འདིར་དགོད་པར་བྱ་སྟེ། སྙིགས་དུས་འགྲོ་བ་ཡོངས་ཀྱི་སྐྱབས་མགོན་ཞབས་དཀར་རྡོ་རྗེ་འཆང་ཆེན་པོའ་ི རྣམ་པར་ཐར་པ་རྒྱས་པར་བཤད་པ་སྐལ་བཟང་གདུལ་བྱ་ཐར་འདོད་རྣམས་ཀྱི་རེ་བ་སྐོང་བའི་ཡིད་བཞིན་གྱི་ནོར་བུ་བསམ་འཕེལ་དབང་གི་རྒྱལ་བོ་ ཞེས་བྱ་བ་ལས། ངས་(ཇ་མར་དང་རྩམ་པ་)ཐག་ཚོད་ཅིག་ཁུར་ནས་རྔ་མོང་ཐང་དུ་སོང་བས། ཐང་དེ་ལ་གཞན་འགྲུལ་བ་ཞིག་གིས་མེ་བརྒྱབ་སྟེ་རྩྭ་ ཐམས་ཅད་ཚིགས་ནས་ཕྱོགས་ཕྱོགས་ཀྱི་མཚམས་མཚམས་ན་བསང་གི་དུ་བ་འདྲ་བ་བརྒྱ་ལྷག་ཅིག་ཡོང་བར་འདུག ངས་དེ་རྣམས་ཅི་ཡིན་ནམ་སྙམ་ སྟེ་སོང་ནས་བལྟས་པས། གྲོག་ཚང་གི་རྩྭ་ལུད་ཀྱི་ནང་དུ་མེ་ལྷུང་ནས་གྲོག་མ་རྣམས་ཚིག་པར་མ་ཟད། ས་ཐམས་ཅད་ཀྱང་ཚིག་སྟེ་མེ་མ་མུར་དུ་སོང་ བ་མཐོང་བས་སྙིང་རྗེ་ཆེན་པོ་སྐྱེས། ཐང་ཆེན་དེ་ན་ཆུ་མེད་རུང་དཀྱིལ་ནས་ཞག་གཅིག་བསྡད། སྐྱབས་འགྲོ་དང་སེམས་བསྐྱེད་ཡན་ལག་བདུན་པ་ སོགས་ཚོགས་གསོག་སྒྲིབ་སྦྱོང་གང་ཤེས་བྱས། བླ་མ་དཀོན་མཆོག་གསུམ་ལ་ཚེ་འདས་གྲོག་མ་ཇི་སྙིད་ཅིག་མཆིས་པ་འདི་རྣམས་དག་པའི་ཞིང་དུ་ འདྲེན་པར་མཛད་དུ་གསོལ་ཞེས་གསོལ་བ་བཏབ་སྟེ་བདུད་རྩིའི་འབེབས་སྦྱངས་བྱས། དེ་ནས་དགོང་མོ་ལུས་གནད་དྲང་པོར་བསྲང་། དྲན་པ་གསལ་བ་བྱས་ནས་གྲོག་མ་རྣམས་ཀྱི་སེམས་རང་སེམས་ལ་བསྲེས། རང་སེམས་བླ་མ་དང་ དུས་གསུམ་རྒྱལ་བའི་ཐུགས་ལ་བསྲེས་ཏེ། ཐུགས་ཆོས་སྐུ་ནམ་མཁའ་ལྟ་བུའི་ངང་ལ་མཉམ་པར་བཞག་ནས། ཚེ་འདས་གྲོག་མ་རྣམས་ཀྱི་ལས་ཉོན་ སྒྲིབ་གཉིས་བག་ཆགས་དང་བཅས་པ་སྐྱེ་མེད་ཆོས་ཀྱི་དབྱིངས་སུ་བྱང་ཞིང་དག་པར་བྱས་ཏེ། ཐོ་རངས་ཁར་འོད་གསལ་གྱི་ངང་ལས་ཚུར་ཚེ་འདས་ གྲོག་མ་རྣམས་ཤིན་ཏུ་ཕྲ་བའི་རླུང་སེམས་ཙམ་ལ་གྲུབ་པའི་སྒྱུ་ལུས་ཀྱི་སྐུ་ཐུགས་རྗེ་ཆེན་པོ་ཞལ་གཅིག་ཕྱག་གཉིས་མཚན་དཔེ་གཟི་བྱིན་འབར་བ་ རེ་རེའི་རྣམ་པར་བཞེངས་ནས། བྱ་བརྒྱ་འུར་རྡོ་གཅིག་གིས་དེད་པ་ལྟར་ཕཊ་གཅིག་བརྗོད་པའི་སྒྲ་དང་དུས་མཉམ་དུ་རང་རང་གང་འདོད་ཀྱི་སངས་ རྒྱས་ཀྱི་ཞིང་ཁམས་རྣམས་སུ་ཚེ་འདས་གྲོག་མ་ལྷར་གྱུར་པ་རྣམས་གཅིག་ཀྱང་མ་ལུས་པ་ཐམས་ཅད་འུར་དིང་གིས་འཕུར་སོང་སྙམ་པའི་དམིགས་ པ་ཡག་པོ་བྱས། བསྔོ་བ་སྨོན་ལམ་བཏབ། ཅེས་གསུངས་པ་འདིས་རྩྭ་ས་ལ་གཅེས་སྐྱོང་དང་གྲོག་མ་སོགས་སྲོག་ལྡན་མཐའ་དག་བྱམས་དང་སྙིང་རྗེའི་ ཡུལ་དུ་བསྟན་པ་འདི་ལ་དེང་དུས་ཀྱི་སྐྱེ་ཁམས་ཁོར་ཡུག་སྲུང་སྐྱོང་གི་དོན་ཡར་ལྡན་དུ་ཚང་བ་དང་། ཡང་རྣམ་ཐར་དེར། ཡང་གནས་དེར་(མཚོ་སྙིང་)སྡོད་དུས་ཆུ་གླག་སྡིག་ཅན་ཞིག་གིས་སོས་ཀ་ཆུ་བྱའི་ཕྲུག་གུ་འཕུར་མི་ཐུབ་པ་སྟོང་ཕྲག་མང་པོ་ ཡོད་པ་རྣམས་ཀྱི་ནང་ནས་གསུམ་བཞི་རེ་ཉིན་རེ་བཞིན་དུ་བཟུང་ནས་གསོན་པོར་སྙིང་བྲུས་ནས་ཟ་བ་མཐོང་བས་སྙིང་རྗེ་ནས། ལོ་གཉིས་ལ་ཟླ་བ་ གཉིས་རེའི་བར་དུ་བདག་གིས་བྱ་ཕྲུག་ཆུང་ཆུང་དེ་རྣམས་ཆུ་གླག་ལ་གཙོད་དུ་མ་བཅུག་པར་བསྲུངས་པས་བྱ་ཕྲུག་རྣམས་ཀྱིས་ཀྱང་ངས་བསྲུང་བ་ ཤེས་ནས། ཐམས་ཅད་ངའི་ཐག་ཉེའི་མཚོ་ཁར་འོངས་ནས་བསྡད། ཆུ་གླག་ནམ་འོང་དུས་སྐད་ངན་དྲག་པོ་རྒྱག་པ་བྱུང་། ཉིན་ཞིག་འུར་རྡོ་ཞིག་ཁྱེར་ ནས་བརྒྱུགས་པས། ཆུ་གླག་གིས་ང་མཐོང་བ་དང་ཚོད་མ་ཟིན་པར་ཆུ་ནང་དུ་ལྷུང་སྟེ། གཤོག་པ་གཉིས་ཐང་ཤ་བཅད་ནས་ཆུ་ལ་ཅབ་ཅབ་བརྒྱབ་

པས་མར་ཆུ་ནང་ནུབ་ནས་འཆི་ལ་ཁད་བྱས་ཚེ། མིག་ཅི་རེ་ང་ལ་ལྟ་བ་མཐོང་། སྙིང་རྗེ་ནས་མཚོ་ནང་ནས་ཚུར་བླངས་ཏེ། འགྲམ་དུ་བཞག་ནས་ཅུང་ ཟད་སྐམ་ཚེ། རྐེ་ལ་འུར་རྡོ་བསྐོན་དབྱུག་པ་ཆུང་ཆུང་ཞིག་ཁྱེར་ཡོང་ནས་ངའི་བྱ་ཕྲུག་གསོད་དུས་ཁྱོད་དཔའ་ཨང་ཞེས་ཁོའ་ི མཆུ་དང་སྡེར་མོ་ལ་ལན་ མང་པོ་བརྡུངས་ནས་རེ་ཞིག་གི་བར་དུ་བཏགས་ནས་བཞག དེ་ནས་ཁོ་རང་བཏང་བས་རེ་ཞིག་བར་དུ་དེར་མ་འོངས། ཡང་ཉིན་ཞིག་འོང་སྟེ་བྱ་ཕྲུག་ ཅིག་བཟུང་བའི་རྗེས་སུ་བརྒྱུགས་པས། ཁོ་ཡར་སྣེའི་ཕ་བོང་ཞིག་གི་ཐོག་ཏུ་བབས་པ་དང་། ངས་འུར་རྡོ་འཕེན་པ་དུས་མཉམ་བྱུང་བས་རྡོ་ཕོག་སྟེ་ཁོ་ གསོད་ལ་ཁད་བྱས་ཚེ། ཁོས་བྱ་ཕྲུག་བཞག་ནས་འཕུར་སོང་བའི་ཤུལ་ན་བྱ་ཕྲུག་དེ་ད་དུང་གན་རྐྱལ་དུ་ལོག་འདུག་པས། ངའི་བསམ་པ་ལ་ད་སྙིང་ བྲུས་ཚར་བ་ཡིན་ནམ་སྙམ་ལག་ཏུ་བླངས་ནས་བལྟས་ཚེ། ཁོ་སྔར་གླག་ལ་སྐྲག་སྟེ་བརྒྱལ་སོང་བ་རེད། བརྒྱལ་སངས་པ་དང་ང་ལ་བལྟས་ཆུ་ནང་དུ་ བརྒྱུགས་ནས་སོང་། དེ་ལྟར་བསྲུངས་པས་ལོ་དེ་གཉིས་ལ་བྱ་ཕྲུག་སྟོང་ཕྲག་མང་པོའ་ི སྲོག་ཐར་ནས་མཁའ་ལ་འཕུར་ཏེ་འགྲོ་བ་བྱུང་དུས། ངས་འདི་ སྐད་ཅེས་སྨྲས་སོ།།

བྱ་ཕྲུག་གླག་གི་འཇིགས་པ་ལས། བསྒྲལ་ནས་བདེ་བར་འགྲོ་བ་ལྟར། འགྲོ་ཀུན་འཇིགས་པ་མཐའ་དག་ལས། བསྒྲལ་ནས་བདེ་ལ་འགོད་པར་ཤོག ཅེས་ སྨོན་ལམ་ཡང་བཏབ་པོ། ཞེས་པའི་རྣམ་ཐར་འདི་ལ་ལྟོས་དང་། ད་ལྟ་མཚོ་སྔོན་པོའ་ི བྱ་རིགས་དེ་དག་རྒྱལ་ཁབ་རིམ་པའི་སྲུང་སྐྱོབ་ཀྱི་གྲས་སུ་བཞག་ པ་འདི་ནི་ཞབས་དཀར་ཚོགས་དྲུག་རང་གྲོལ་ཚང་གི་མཛད་པ་ལ་རང་ཆས་སུ་ཡོད་པ་ཡིན། ཡང་རྣམ་ཐར་དེར། དེའི་ལོ་དབྱར་ཟླ་དྲུག་པའི་ནང་ ལའང་ཆར་མ་བབས་ཆུ་འཁྱིམ་མང་པོ་བསྐམས་ནས། ཁྱད་པར་ངའི་སྔུན་ན་ཡོད་པའི་མཚོ་ཆུང་དེ་ཡང་བསྐམས་ནས་སོང་ཚེ་ནང་ན་འབུ་ཆེ་ཆུང་ མང་པོ་ཆང་གི་སྦང་མ་བཞིན་དུ་བཅུ་རྒྱུ་འདུག བདག་གིས་རྐྱལ་བ་ཞིག་ཡོད་པ་དེའི་ནང་དུ་མཚོ་ཆེན་པོ་ཞིག་ཡོད་པའི་ནང་ནས་ཆུ་ཁྱེར་འོང་སྟེ། འབུ་རྣམས་ལག་པ་གཉིས་ཀྱིས་བཅུས་ནས་རྐྱལ་བར་བླུགས་ཏེ་མཚོ་ཆེན་པོ་དེའི་ནང་དུ་བསྐྱལ་བས་རྐྱལ་བ་སུམ་ཅུ་ཙམ་ཞིག་བྱུང་། དེ་དུས་འབུ་བྱེ་ བ་དུང་ཕྱུར་མང་པོ་ཞིག་ཚེ་ཐར་རམ་སྙམ་པ་བྱུང་། འབུ་ཁ་ཤས་ཤི་སོང་བ་ལ་ཕན་པའི་བསྔོ་སྨོན་གྱི་རྒྱས་འདི་ལྟར་བཏབ། འདིས་མཚོན་བདག་གི་ དགེ་བའི་མཐུས། སྲིན་བུ་ཤི་ཚད་མ་ལུས་པ། ཕྱིར་མར་ལྷ་མིའི་ལུས་ཐོབ་ནས། ལྷ་ཆོས་བྱས་ནས་སངས་རྒྱས་ཤོག ཅེས་སོ།།

ཞེས་པ་འདི་ལས་སྲོག་ཆགས་སྲིན་འབུ་ཕྲ་མོ་ཡན་ཆད་ཚང་མ་བདེ་བ་འདོད་པ་སྡུག་བསྔལ་མི་འདོད་པ་འདྲ་མཚུངས་ཡིན་པའི་གནས་ལུགས་ རྟོགས་ནས་དེའི་དོན་ལ་བརྩོན་པའི་རྣམ་ཐར་བསྐྱངས་ཡོད་པ་ཡིན། དེ་དག་ཐམས་ཅད་འཚེ་མེད་བདེ་བར་གནས་སུ་འཇུག་རྒྱུའི་བསླབ་བྱའང་ ཤུགས་ཀྱིས་བསྟན་པས། བསླབ་བྱ་འདི་ལ་བརྟེན་ནས་ར་ལུག་བཤའ་བ་དང་རི་དྭགས་རྔོན་པ་སོགས་གཞན་གྱི་ཚེ་སྲོག་ལ་བར་དུ་གཅོད་པའི་བྱ་བ་ཇེ་ ཉུང་དུ་སོང་སྟེ་སྐྱེ་ཁམས་ཁོར་ཡུག་སྲུང་སྐྱོབ་ཐད་ལ་ཕན་ནུས་ངེས་ཅན་ཞིག་ཐོན་པ་ཡིན་ནོ།། འདིར་ཞབས་དཀར་ཚོགས་དྲུག་རང་གྲོལ་མཆོག་གི་རྣམ་ཐར་ལས་མཚོན་བྱེད་ཙམ་ཞིག་དྲངས་པ་ཡིན་ལ། སྐྱེས་ཆེན་དམ་པ་ཧ་ཅང་མང་པོ་བྱོན་པ་ ལ་རྣམ་ཐར་རེ་ཡོད་པ་དང་། རྣམ་ཐར་དེ་རེ་རེ་ན་འདི་དང་འདི་འདྲ་བའི་གསུང་བགྲང་གིས་མི་ལང་ངོ་།། (༦) སྙག་ངག་རྩོམ་རིག་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

དུས་རབས་བཅུ་གསུམ་པའི་ནང་དུ་སྙན་ངག་མེ་ལོང་མ་བོད་དུ་དར་བ་ནས་བཟུང་སྟེ་བོད་ཀྱི་མཁས་པས་མཛད་པའི་སྙན་འགྲེལ་དང་དཔེར་བརྗོད་ ཧ་ཅང་མང་པོ་བྱུང་བ་དང་། སྙན་ངག་གི་དཔེར་བརྗོད་དེ་དག་གི་ནང་དུ་སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་སྟེ་མཚོ་དང་ཆུ་ཀླུང་ ནགས་ཚལ་སོགས་རང་བྱུང་ཁམས་ལ་དུངས་སེམས་ཆེ་བ་མཚོན་པའི་དཔེར་བརྗོད་མང་དུ་ཡོད་པ་ལས་འདིར་མཚོན་བྱེད་ཙམ་ཞིག་དགོད་པར་བྱ་ སྟེ། བོད་མཁས་པ་མི་ཕམ་དགེ་ལེགས་རྣམ་རྒྱལ་གྱི་སྙན་ངག་དཔེར་བརྗོད་སྒྲ་དབྱངས་རྒྱ་མཚོའི་འཇུག་ངོགས་སུ།

དོན་རྒྱན་གཉིས་པ་དཔེ་རྒྱན་ལས་བཅོ་ལྔ་པ་མཉམ་ཉིད་ཀྱི་དཔེ་ལ། རྣམ་འདྲེན་ངག་གི་དབང་ཕྱུག་བུད་པའི་ཞབས། མ་དྲོས་གདེངས་ཅན་བདག་ པོའ་ི ངོ་མཚར་བཞིན། ཕུན་ཚོགས་ཀུན་གྱི་བྱེད་པོ་དེ་དབང་ཆུའི། རྒྱུན་མཆོག་རྣམ་བཞི་འབེབས་ལ་མཁས་པས་སོ། ཞེས་པའི་དོན་ནི་དཔེ་ཅན་འབྲུག་ པ་སངས་རྒྱས་རྡོ་རྗེ་དང་། དཔེ་ཀླུའི་རྒྱལ་པོ་མ་དྲོས་པ་གཉིས་མཚུངས་ཆོས་སྒྲའི་གཟུགས་གཅིག་གིས་བསྟན་པ་ནི། དཔེ་དོན་གཉིས་ཀ་ལ་ཕུན་ ཚོགས་ཀུན་གྱི་བྱེད་པོ། ཞེས་པ་སོགས་མཚུངས་ཆོས་སྒྲའི་གཟུགས་གཅིག་པ་དང་། ཀློག་པའི་ཚེ་ཚིག་གི་གཅོད་མཚམས་ཐ་དད་པའི་ཚུལ་ནི། དཔེ་ ཅན་སྐབས། རང་དོན་སྤངས་པ་ཕུན་ཚོགས་དང་། གཞན་དོན་རྟོགས་པ་ཕུན་ཚོགས་ཏེ་ཕུན་སུམ་ཚོགས་པ་ཀུན་གྱི་བྱེད་པོ་བླ་མ་དེས་གསང་སྔགས་ ཀྱི་དབང་བཞིའི་ཆུ་བོའ་ི རྒྱུན། གདུལ་བྱ་རྣམས་སྨིན་གྲོལ་གྱི་ལམ་ལ་འགོད་པའི་ཆེད་དུ་སྩོལ་བའམ་འབེབས་པར་མཁས་སོ་ཞེས་ཀློག་པའི་ཚེ། ཕུན་ ཚོགས་ཀུན་གྱི་བྱེད་པོ་དེ། དབང་བཞིའི་ཆུ་བོ་སྩོལ་བ་ལ་མཁས་པར་སྦྱར་བ་དང་། དཔེ་ཡི་སྐབས་སུ་ཆུ་ཀླུང་སྨན་འབྲས་ནགས་ཚལ་ལ་སོགས་པ་ འཇིག་རྟེན་བདེ་སྐྱིད་ཀྱི་ཕུན་ཚོགས་ཀུན་གྱི་བྱེད་པོ་ཀླུའི་དབང་པོ་མ་དྲོས་པ་དེས། རང་ལ་དབང་བའི་ཆུའི་རྒྱུན་མཆོག་གངྒཱ་དང་། སིན་དྷུ་དང་། པཀྵུ་དང་། སི་ཏཱ་སྟེ་ཆུ་བོ་ཆེན་པོ་བཞི་འཇིག་རྟེན་དུ་འབེབས་པ་ལ་མཁས་སོ། ཞེས་ཕུན་ཚོགས་ཀུན་གྱི་བྱེད་པོ། མ་དྲོས་པ་དེ་ལ་དབང་བའི་ཆུ་བྱེད་ པ་པོ་ལ་སྦྱར་ནས་ཀློག་པ་ལྟར། དཔེ་ཅན་གྱི་མཚུངས་ཆོས་ཚིག་གི་གཅོད་མཚམས་ཀྱིས་སྒྲའི་ཀློག་ཚུལ་ཐ་དད་པའི་དབང་གིས་མཚུངས་ཆོས་སྒྲའི་ གཟུགས་གཅིག་པོ་དེས་བརྗོད་བྱའི་དོན་ཐ་དད་པར་སྟོན་པ་ལྟ་བུར་གསུངས་སོ། ཞེས་པ་འདི་བོད་མཁས་པའི་མི་ཕམ་དགེ་ལེགས་རྣམ་རྒྱལ་མཆོག་གིས་སྙན་ངག་གི་དོན་རྒྱན་གཉིས་པའི་བཅོ་ལྔ་བ་མཉམ་ཉིད་ཀྱི་དཔེར་བརྗོད་ མཛད་པར། མཁས་པའི་དབང་བོ་བསེ་ཚང་བློ་བཟང་དཔལ་ལྡན་མཆོག་གིས་སྙན་འགྲེལ་ཚངས་སྲས་བཞད་སྒྲར་འགྲེལ་ཡོད་པ་སྐབས་འདིར་ཇི་ བཞིན་བཀོད་པ་ཡིན་ལ། དེ་ཡང་སྙན་ངག་གི་ལུགས་ལྟར་གཙོ་བོར་མཉམ་ཉིད་ཀྱི་དཔེ་མཚན་ཉིད་ཚང་ཚུལ་ལྟར་འགྲེལ་ཡོད། འདིར་སྐབས་སུ་བབ་པ་སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཚུལ་ཇི་ལྟར་ཡོད་ཅེ་ན། དེ་ནི་མཚོ་མ་དྲོས་པ་དང་། མཚོ་དེ་ལས་བྱུང་བའི་ཆུ་

བོ་ཆེན་པོ་བཞི་སྟེ་གངྒའ་དང་། སིན་དྷུ་དང་། བཀྵུ་དང་། སི་ཏཱ་བཞི་ནི་ཕུན་ཚོགས་ཀུན་གྱི་བྱེད་པོར་ངོས་བཟུང་ཡོད་པ་དང་། དེ་ཡང་ཆུ་བོ་དེ་དག་ འབབ་སའི་ཡུལ་ཕྱོགས་ཁག་གི་སྐྱེ་དངོས་དང་སྲོག་ཆགས་དག་གི་རྟེན་གཞིར་གྱུར་པར་ངོས་བཟུང་ཡོད་པ་ཡིན། ད་ལྟ་ང་ཚོས་རྒྱུན་དུ་བཤད་བཞིན་ པ་སྟེ་རྨ་ཆུ་དང་། འབྲི་ཆུ་དང་། རྫ་ཆུ་སྟེ་གཙང་པོ་གསུམ་གྱི་འབྱུང་ཁུངས་ལ་སྲུང་སྐྱོབ་དང་ལེགས་བཅོས་བྱ་དགོས་པ་དང་། གཙང་པོ་གསུམ་ནི་རང་ རང་འབབ་སའི་ཡུལ་ཕྱོགས་ཁག་གི་རྩྭ་དང་རྩི་ཤིང་སོགས་ཀྱི་སྐྱེ་དངོས་རྣམས་སྐྱེ་འཕེལ་འབྱུང་བ་དང་། ས་གནས་དེ་དང་དེར་གནས་པའི་སྐྱེ་འགྲོའ་ི ཡོངས་ཀྱི་ལོངས་སྤྱད་བྱར་གྱུར་པར་ངོས་བཟུང་སྟེ་འདི་ལ་ཧ་ཅང་གཅེས་སྤྲས་བྱ་དགོས་ཚུལ་བསྟན་པ་འདི་ནི། མི་ལ་ལ་ཞིག་གིས་ད་ལྟ་ཚན་རིག་ གོང་འཕེལ་དུ་སོང་བས་ཚན་རིག་པ་དག་གིས་ཤེས་པ་མ་གཏོགས། འདི་འདྲ་སྔོན་དུས་སུས་ཀྱང་བློ་ཡུལ་དུ་ཤར་མ་མྱོང་བའི་དོན་ཞིག་ཡིན་བསམས་ ཡོད། དེ་ནི་རང་ཉིད་མཐོང་རྒྱ་དང་ཐོས་རྒྱ་ཆུང་བའི་དན་རྟགས་ཡིན་ཏེ། ལོ་བརྒྱ་ཕྲག་དུ་མའི་སྔོན་ནས་དེ་འདྲའི་ངོས་འཛིན་བྱས་ཡོད་པའི་མཚོན་ བྱེད་ཙམ་ཞིག་གོང་དེ་མ་ཐག་སྙན་ངག་གི་མཉམ་ཉིད་དཔེར་བརྗོད་འདིས་མཚོན་ཐུབ་པ་དང་། སྙན་ངག་གི་དཔེར་བརྗོད་འདིའི་ནང་དུ་ཆུ་བོ་ཆེན་ པོ་བཞི་ནི་ཕུན་ཚོགས་ཀུན་གྱི་བྱེད་པོར་ངོས་བཟུང་ཡོད་པ་ཤེས་རྗེས། ཆུ་བོ་འདི་དག་གི་འབྱུང་ཁུངས་དང་ཆུ་བོ་དག་ལ་གཅེས་སྤྲས་བྱ་དགོས་པ་ ལས། ཆུའི་མགོ་ཁུངས་ལ་གཏོར་བརླགས་དང་། ཆུའི་འབབ་རྒྱུན་ལ་རྫས་ངན་དོར་ཏེ་མི་གཙང་བར་བྱ་མི་རུང་བ་དོན་གྱི་ཤུགས་ཀྱིས་བསྟན་ཡོད་པས་ སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པར་བཤད་པ་ཡིན།

མདོར་ན་མཚོ་དང་མཚེའུ་ཆུ་ཀླུང་དག་ནི་སའི་གོ་ལ་ཡུན་ནས་ཡུན་དུ་གནས་པའི་རྒྱུ་རྐྱེན་གལ་ཆེན་ཞིག་ཡིན་པས། དཔེར་ན། མིའི་ལུས་རྟེན་ཡུན་ དུ་གནས་པའམ་གནོད་པ་བྱས་ན་ལུས་ལ་ནད་འབྱུང་བ་དང་ཚེ་སྲོག་གི་བར་ཆད་དུ་འགྱུར་བར་གདོན་མི་ཟ་བ་བཞིན་དུ། མཚོ་དང་མཚེའུ་ཆུ་ཀླུང་ སོགས་ཀྱི་ནང་དུ་རྫས་ངན་འདོར་བ་དང་། དེ་དག་འཁྱིལ་སའམ་འབབ་སའི་ས་གནས་ཁག་ལ་ས་བརྐོ་རྡོ་སློག་མང་དུ་བྱས་ན་ས་འགུལ་འབྱུང་བ་དང་ ། ཆར་ཆེན་བབས་ཏེ་ཆུ་ལོག་རྒྱུག་པ། རླུང་ཆེན་གཡུགས་པ་སོགས་འབྱུང་བཞིའི་གནོད་པས་སའི་གོ་ལའི་ཚེ་སྲོག་ཇེ་ཐུང་དུ་འགྱུར་བ་ལ་ཐེ་ཚོམ་མེད་ པས། གོང་དེ་མ་ཐག་མཚོ་དང་ཆུ་བོ་ཆེན་པོ་དག་ནི་ཕུན་ཚོགས་ཀུན་གྱི་བྱེད་པོར་ལོ་བརྒྱ་ཕྲག་དུ་མའི་སྔོན་ནས་ངོས་འཛིན་བྱས་ཡོད་པ་བཀོད་པ་ ལྟར་དུ། དེང་གི་དུས་འདིར་དེ་ལས་ཀྱང་ཐབས་ཤེས་གང་ལེགས་སྤྱད་དེ་མཚོ་དང་ཆུ་ཀླུང་དེ་དག་གནས་སའམ་འབབ་སར་གཅེས་སྤྲས་བྱ་རྒྱུ་གལ་ ཆེའ།ོ ། (༧) ལུགས་ཀྱི་བསྟན་བཅོས་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

བོད་གངས་ཅན་གྱི་ལྗོངས་འདིར་རིག་གནས་རྒྱ་ཆེར་དར་བའི་འགྲོས་དང་བསྟུན་ཏེ་ལུགས་ཀྱི་བསྟན་བཅོས་དེ་དག་ཀྱང་དངོས་དང་བརྒྱུད་པའི་སྒོ་ ནས་འཛམ་གླིང་ཞི་བདེ་དང་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་པས། འདིར་མཚོན་བྱེད་ཙམ་ཞིག་དགོད་པར་བྱ་སྟེ།

དེ་ཡང་འཇུ་མི་ཕམ་རྣམ་པར་རྒྱལ་བའམ་འཇམ་དཔལ་དགྱེས་པའི་རྡོ་རྗེ་མཆོག་གིས་མཛད་པའི་(རྒྱལ་པོ་ལུགས་ཀྱི་བསྟན་བཅོས་ས་གཞི་སྐྱོང་བའི་ རྒྱུན་)ཞེས་བྱ་བའི་རབ་བྱེད་དྲུག་པར་བསྟན་པའི་ཆོས་ལྡན་རྒྱལ་པོའ་ི འདུ་ཤེས་གནས་པ་བརྒྱད་ཀྱིས་གནས་དགོས་པར་གསུངས་པ་འདིར་བཀོད་ན་ གཤམ་གསལ་ལྟར་ཏེ།

ཆོས་ཀྱི་རྒྱལ་པོའ་ི འདུ་ཤེས་དུས། །རྟག་ཏུ་ཇི་ལྟར་གནས་ཤེ་ན། །འདི་ནི་རྣམ་པ་བརྒྱད་ཀྱིས་ཏེ། །དང་པོ་སྐྱེ་རྒུའི་རིགས་གཏོགས་པའི། །འགྲོ་ཀུན་བུ་ཡི་ འདུ་ཤེས་བྱ། །ཕ་ཡིས་བུ་ནི་བཅོས་པ་ལྟར། །མི་བསྲུན་རྣམས་ནི་ཚར་གཅོད་ཀྱང་། །སྙིང་རྗེ་མི་གཏོང་དང་པོ་འོ། །མི་སྲུན་རྣམས་ལ་ནད་པ་ཡི། །འདུ་ ཤེས་ཉེ་བར་བཞག་ནས་སུ། །གནོད་ལ་མི་ཁྲོ་དེ་ཡི་སྐྱོན། །བསལ་སླད་འཇུག་པ་གཉིས་པ་འོ། །སྡུག་བསྔལ་ཅན་གྱི་སེམས་ཅན་ལ། །སྙེང་རྗེའི་འདུ་ཤེས་ བསྐྱེད་ནས་སུ། །གནོད་པ་སྤང་ཞིང་ཕན་པའི་ལས། །མི་ནུས་སྒྲུབ་པ་གསུམ་པ་འོ། །བདེ་འབྱོར་ལྡན་པའི་སེམས་ཅན་ལ། །དགའ་བའི་འདུ་ཤེས་བྱ་བ་ནི། །བརྣབ་སེམས་ཕྲག་དོག་ཡོངས་མེད་པར། །རྗེས་སུ་ཡི་རང་བྱ་བ་བཞི། །དགྲ་རྣམས་བདག་ལ་གནོད་བྱེད་ཀྱང། །དེ་ལ་དབང་མེད་ཁྲོ་བ་སོགས། །ཉེས་ རྒྱུའི་ཉེས་པར་འདུ་ཤེས་ནས། །རྒྱུ་སྤང་མཛའ་བར་བྱེད་པ་ལྔ། །མཛའ་བཤེས་རྗེས་བཟུང་འདུ་ཤེས་ནི། །སྔོན་ཆད་ཇི་ལྟར་མཛའ་རྣམས་ལ། །རྗེས་བརྩེའི་ མཛའ་བ་བརྟན་བྱ་ཞིང༌། །ཀུན་ལའང་མཛའ་བ་བྱ་བ་དྲུག །ལོངས་སྤྱོད་དག་ལ་སྨན་ལྟ་བུའི། །འདུ་ཤེས་ཉེ་བར་བཞག་བྱ་སྟེ། །འདོད་པ་ལོག་པར་མི་ སྤྱོད་ཅིང། །མ་ཆགས་གང་འོས་སྤྱད་བྱ་བདུན། །བདག་ལ་བདག་མེད་འདུ་ཤེས་ནི། །ཆོས་དོན་གཉེར་ཞིང་ཆོས་སྨྲ་བསྟེན། །ཆོས་ལ་ཆོས་ཀྱི་རྗེས་སུ་ ནི། །ནན་ཏན་འཇུག་པ་བརྒྱད་པ་ཡིན། བརྒྱད་པོ་དེ་ཡིས་གནས་པ་ཡི། ཆོས་དང་ལྡན་པའི་རྒྱལ་པོ་ལ། གཞན་གྱི་སྐྱེས་ཕུལ་བ་ཡིས་ཀྱང་། བང་མཛོད་ ཡོངས་སུ་འཕེལ་འགྱུར་དེར། ཆོས་མིན་རྒྱལ་བོ་གཞན་དག་གིས། གཡོ་སྒྱུའི་རྣམ་པ་ཐམས་ཅད་ཀྱིས། འབད་དེ་བསྒྲུབས་པར་གྱུར་པས་ཀྱང་། ཆ་ཙམ་ འགྲན་པར་མི་བཟོད་དོ། གནས་པ་དེ་བརྒྱད་ཀྱིས་གནས་ན། ལྷ་རྣམས་དུས་སུ་ཆར་འབེབས་ཤིང་། ལོ་ལེགས་མུ་གེ་མི་འབྱུང་ལ། ལོངས་སྤྱོད་ཆུད་ནི་ གཟན་མི་འགྱུར། གཅན་གཟན་མ་རུངས་པ་ལ་སོགས། འཇིགས་དང་མི་བདེས་མནར་བ་མེད། རྒྱལ་པོ་དེ་ལ་གནོད་པ་ཡི། དགྲ་རྣམས་རང་བཞིན་ ཚོགས་(ཚེགས་)ཆུང་དུས། ཁོ་རང་ཉེས་པས་ཕུང་འགྱུར་ཞིང་། ཟད་པར་གྱུར་ནས་དགྲ་མི་འབྱུང་། ཞེས་པ་སོགས་ཀྱིས་གནས་པ་བརྒྱད་ཀྱིས་གནས་ པའི་རྒྱལ་པོའ་ི བཞེད་དོན་འགྲུབ་ཅིང་མི་འདོད་པ་མི་འོང་བར་བསྟན་པ་དང་། ཚིགས་བཅད་དེ་དག་གི་དོན་གོ་སླ་བའི་ཆེད་དུ་ཚིག་ལྷུག་ཏུ་འགྲེལ་ ན་འདི་ལྟར་ཏེ། རྒྱལ་སྲིད་ཆོས་བཞིན་དུ་སྐྱོང་བའི་ཆོས་ཀྱི་རྒྱལ་བོའ་ི འདུ་ཤེས་སམ་བསམ་བློ་གཏོང་སྟངས་དུས་རྟག་ཏུ་ཇི་ལྟར་གནས་དགོས་པ་ཡིན་ ཞེ་ན། དེ་ནི་རྣམ་པ་བརྒྱད་ཀྱིས་གནས་དགོས་པ་ཡིན་ཏེ། དང་པོ། སྐྱེ་རྒུའི་རིས་སུ་གཏོགས་པའི་འགྲོ་བ་ཀུན་ལ་རང་ཉིད་ཀྱི་སྙིང་དུ་སྡུག་པའི་བུའི་ འདུ་ཤེས་བྱ་བ་དང་། དེ་ཡང་དཔེར་ན། ཕ་ཡིས་བུའི་བསམ་སྤྱོད་ངན་པ་དྲག་པོའ་ི ཐབས་ཀྱིས་ལེགས་པར་བཅོས་ཏེ་ཚར་གཅོད་ནའང་སྙིང་རྗེས་མི་ གཏོང་བ་ལྟར་དུ། སྐྱེ་བོ་སྲུན་པ་རྣམས་ནི་ཁྲིམས་ཀྱིས་ཚར་གཅོད་ནའང་སྙིང་རྗེས་མི་གཏོང་བ་དེ་ནི་གནས་པ་དང་པོ་ཡིན་ནོ། གཉིས་པ། སྐྱེ་བོ་མི་ སྲུན་པ་རྣམས་ལ་ནད་པ་ལྟ་བུའི་འདུ་ཤེས་ཉེ་བར་བཞག་ནས་སུ། དེས་ཚུར་ལ་གནོད་པ་བྱས་པ་ལ་སླར་མི་ཁྲོ་བར་དེ་ཡི་ཉེས་སྐྱོན་བསམ་བའི་སླད་ དེ་ཉེས་སྐྱོན་ལེགས་བཅོས་བྱེད་པའི་ཐབས་ལ་འཇུག་པའམ་བརྩོན་པ་ནི། དཔེར་ན། ནད་ཀྱིས་མནར་བའི་ནད་པ་སྨན་པའི་ཐོག་ལ་ནད་འཚིག་ཟོས་ ནའང་སྨན་པ་བཟང་པོས་དེ་ལ་ལྷག་པར་སྙིང་རྗེ་སྐྱེས་ནས་ནད་གསོ་བའི་ཐབས་ལ་བརྩོན་པ་ལྟ་བུ་བྱེད་དགོས་པ་ནི་གནས་པ་གཉིས་པ་ཡིན་ནོ།།

གསུམ་པ། དབུལ་ཞིང་ཕོངས་པའི་དབང་གིས་ཚ་གྲང་ལྟོགས་སྐོམ་སོགས་ཀྱི་སྡུག་བསྔལ་མྱོང་བའི་སྡུག་བསྔལ་ཅན་གྱི་སེམས་ཅན་ལ་ནི་སྡུག་བསྔལ་ དེ་དག་ལས་བྲལ་འདོད་ཀྱི་སྙིང་རྗེའི་འདུ་ཤེས་བསྐྱེད་ནས་སུ། སྡུག་བསྔལ་ཅན་གྱི་སེམས་ཅན་རྣམས་ལ་གནོད་པའི་བྱ་བ་སྤང་བར་བྱ་བ་དང་། སེམས་ཅན་དེ་དག་ལ་ཕན་པའི་ལས་ནི་ཅི་ནུས་ཀྱིས་སྒྲུབ་པར་བྱེད་པ་ནི་གནས་པ་གསུམ་པ་ཡིན་ནོ།། བཞི་བ། བདེ་སྐྱིད་དང་འབྱོར་ཕྱུག་ལྡན་པའི་སེམས་ཅན་རྣམས་ལ་དགའ་བའི་འདུ་ཤེས་བསྟེན་པར་བྱ་དགོས་པ་དང་། དེ་ཡང་བདེ་འབྱོར་དེ་ནི་རང་ ལ་འཐོབ་འདོད་ཀྱི་བརྣབ་སེམས་དང་། རང་ལས་བདེ་འབྱོར་ལྡན་ནོ་སྙམ་སྟེ་སེམས་ནས་མི་བཟོད་པའི་ཕྲག་དོག་ཡོང་ཡེ་མེད་པར་ཏེ་གཏན་ནས་ མེད་པར། འདི་འདྲའི་བདེ་འབྱོར་ལྡན་པ་ཨ་རེ་དགའ་སྙམ་པ་དང་། འདི་འདྲའི་བདེ་འབྱོར་ལྡན་པ་ཤིན་ཏུ་ལེགས་སོ་སྙམ་སྟེ་དགའ་བས་རྗེས་སུ་ཡི་ རང་བྱ་བ་ནི་གནས་པ་བཞི་བ་ཡིན་ནོ།། ལྔ་བ། དགྲ་བོ་རྣམས་ཀྱིས་བདག་ལ་གནོད་པ་སྣ་ཚོགས་བྱེད་ནའང་། དགྲ་བོ་དེ་དག་ལ་རང་དབང་མེད་པར་ཁྲོ་བ་ལ་སོགས་པའི་ཉོན་མོངས་པའི་ ཉེས་པའི་རྒྱུས་ཉེས་པར་བྱས་པ་སྟེ་རང་དབང་མེད་པར་དེ་འདྲ་བྱེད་དུ་བཅུག་པ་ཡིན་ནོ་སྙམ་པའི་འདུ་ཤེས་བསྟེན་ནས། གནོད་རྒྱུ་ཁྲོ་བ་སོགས་ཉོན་ མོངས་པ་སྤང་བར་བྱས་བ་དང་། དགྲ་བོ་དེ་ལ་ཐབས་མཁས་པའི་སྒོ་ནས་མཛའ་བར་བྱེད་པ་ནི་གནས་པ་ལྔ་བ་ཡིན་ནོ།།

དྲུག་པ། མཛའ་བཤེས་རྗེས་སུ་བསྲུང་བའི་འདུ་ཤེས་ནི། སྔོན་ཆད་ཇི་ལྟར་མཛའ་བ་རྣམས་ལ་སྟེ་སྔོན་ཆད་མཛའ་གྲོགས་བྱས་མྱོང་བའི་མཛའ་བོ་རྣམས་ ལ་ཕྱི་ཐག་རིང་བ་སྟེ་ནམ་ཡང་འགྱུར་བ་མེད་པར་རྗེས་སུ་བརྩེ་བའི་སྒོ་ནས་མཛའ་བ་བརྟན་པར་བྱ་བ་དང་། དེ་མ་ཟད་སེམས་ཅན་ཀུན་ཏེ་ཕྱིས་སུ་ རང་ལ་འབྲེལ་འདྲིས་བྱ་དགོས་པའི་སེམས་ཅན་གཞན་དང་གཞན་ལའང་མཛའ་བར་བྱ་བ་ནི་གནས་དྲུག་པ་ཡིན་ནོ།། བདུན་པ། ཟས་གོས་སོགས་ཀྱི་ལོངས་སྤྱོད་དག་ལ་རང་ལུས་འཚོ་བའི་སྨན་ལྟ་བུའི་འདུ་ཤེས་ཉེ་བར་གཞག་པར་བྱ་དགོས་པ་ཡིན་ལ། དེ་ཡང་འདོད་ པ་ལ་ལོག་པར་མི་སྤྱོད་པ་སྟེ་ལོག་འཚོ་ལ་མི་སྤྱོད་པ་དང་། ཡང་ན་བག་མེད་ཀྱི་ངང་དུ་སོང་སྟེ་འདོད་འདོད་ལོག་ལ་མི་སྤྱོད་པ་དང་། ཟས་གོས་ གནས་མལ་སོགས་ཧ་ཅང་ཚད་ལས་བརྒལ་བར་ལོངས་མི་སྤྱོད་ཅིང་། ཚུལ་མཐུན་གྱི་ངང་དུ་གནས་ཏེ་འདོད་པའི་ལོངས་སྤྱོད་ལ་མ་ཆགས་ཤིང་ཆོག་ ཤེས་བསྟེན་ཏེ་གང་ལ་གང་འོས་ཤིག་ལོངས་སྤྱད་པར་བྱ་བ་ནི་གནས་པ་བདུན་པ་ཡིན་ནོ།། བརྒྱད་པ། བདག་ཏུ་འཛིན་པ་ལ་བདག་མེད་པའི་འདུ་ཤེས་བསྟེན་པ་སྟེ་སྒོམ་པ་དང་། ཆོས་དོན་དུ་གཉེར་ཞིང་ཆོས་སྨྲ་བ་པོ་བསམ་དང་སྦྱོར་བས་ ཚུལ་བཞིན་བསྟེན་པ་དང་། ཆོས་སྨྲ་བ་པོའམ་གསུང་པ་པོ་དགེ་བའི་བཤེས་གཉེན་གྱིས་གསུངས་པའི་ཆོས་ལ་འདུ་ཤེས་ཏེ་ཆོས་ཀྱི་རྗེས་སུ་ནན་ཏན་ གྱིས་འཇུག་པ་སྟེ་དངོས་སུ་ཉམས་སུ་ལེན་པའམ་སྤང་བླང་གི་ཆ་མ་ནོར་བར་འདོད་ལེན་བྱེད་པ་ནི་གནས་པ་བརྒྱད་པ་ཡིན་ནོ།།

གོང་དུ་བཤད་པའི་གནས་པ་བརྒྱད་པོ་དེ་ཡིས་གནས་པའི་ཆོས་དང་ལྡན་པའི་རྒྱལ་པོ་ལ་ནི། རང་གིས་བསགས་པའི་རྒྱུ་ནོར་གྱིས་བང་མཛོད་བཀང་ བར་མ་ཟད། གཞན་གྱིས་ཕུལ་བའི་སྐྱེས་ཀྱིས་ཀྱང་བང་མཛོད་ཡོངས་སུ་འཕེལ་བ་སྟེ་གང་བར་འགྱུར་བ་དང་། དེ་འདྲའི་ཆོས་ལྡན་གྱི་རྒྱལ་པོ་དེ་ ལ། ཆོས་མིན་རྒྱལ་པོ་སྟེ་གོང་དུ་བཤད་པའི་གནས་པ་བརྒྱད་པོ་དེ་ཡི་ལྡོག་ཕྱོགས་ལ་གནས་པའི་རྒྱལ་པོ་ངན་པ་གཞན་དང་གཞན་དག་གིས་གཡོ་ སྒྱུའི་རྣམ་པ་ཐམས་ཅད་ཀྱིས་འབད་དེ་ལོངས་སྤྱོད་བསྒྲུབས་པར་བྱས་པས་ཀྱང་། ཆོས་ལྡན་རྒྱལ་པོ་དེ་ཡི་ལོངས་སྤྱོད་ཀྱི་ཆ་ཙམ་ལའང་འགྲན་པར་མི་ བཟོད་དོ།།

ཡང་། གནས་པ་བརྒྱད་ཀྱིས་གནས་ན་དཀར་ཕྱོགས་ཀྱི་ལྷ་རྣམས་དགའ་སྟེ་གྲོགས་མཛད་པས་དུས་དང་དུས་སུ་ཆར་བ་འབེབས་ཤིང་ལོ་ལེགས་བྱུང་ ནས་མུ་གེ་ནམ་ཡང་མི་འབྱུང་ལ། རྒྱུ་ནོར་ལོངས་སྤྱོད་ཆུད་གཟན་དུ་མི་འགྲོ་བ་དང་། གཅན་གཟན་མ་རུང་བ་ལ་སོགས་པའི་འཇིགས་པ་དང་མི་བདེ་ བས་ནམ་ཡང་མནར་བ་མེད་པ་དང་། གནས་པ་བརྒྱད་ལ་གནས་པའི་རྒྱལ་པོ་དེ་ལ་གནོད་པ་བྱེད་པའི་དགྲ་བོ་རྣམས་ནི་རང་བཞིན་གྱིས་ཕུང་བ་དང་ ། ཡང་ན་ཚེགས་ཆུང་ངུས་དགྲ་བོ་ཁོ་རང་གི་ཉེས་པས་དགྲ་བོ་རང་ཉིད་ཕུང་བར་འགྱུར་བ་ཡིན། དེ་ལྟར་དགྲ་བོ་ཟད་པར་གྱུར་ནས་ཕྱིས་སུ་དགྲ་མི་ འབྱུང་བ་ཡིན་ནོ། ཞེས་གནས་པ་བརྒྱད་ལ་གནས་པའ་ཡ་རབས་ཚུལ་ལྡན་གྱི་རྒྱལ་བོས་ཆོས་སྲིད་ཆོས་བཞིན་དུ་སྐྱོང་བ་སྟེ་སེམས་ཅན་ཐམས་ཅད་ འཚེ་མེད་བདེ་བར་བསྐྱངས་ནས་རང་དང་གཞན་ལ་གནས་སྐབས་མཐར་ཐུག་གང་ལའང་ཕན་པ་འབྱུང་བར་བསྟན་ཡོད་པ་དང་། གནས་པ་བརྒྱད་ ལ་མི་གནས་པར་དེའི་ལྡོག་ཕྱོགས་སྐྱེ་རྒུ་རང་གི་བྲན་གྱི་འདུ་ཤེས་འཛིན་པ་དང་། སྐྱེ་བོ་མི་སྲུན་པ་ཐབས་ཀྱིས་མི་འདུལ་བར་དྲག་པོའ་ི ལས་ཁོ་ནས་ འདུལ་བ་དང་། སྡུག་བསྔལ་མྱོང་བའི་སེམས་ཅན་སྙིང་རྗེས་མི་སྐྱོང་བར་སྡུག་བསྔལ་གྱི་སྟེང་དུ་སྡུག་བསྔལ་བསྐྱེད་པ་དང་། འབྱོར་ཕྱུག་ལྡན་པ་ཁྱིམ་ མཚེམས་རྒྱལ་ཁབ་དང་། མཐའ་ན་རང་གི་འབངས་འབྱོར་ཕྱུག་ལྡན་པ་དག་ལའང་དགའ་སྒོམ་པ་དང་རྗེས་སུ་ཡི་རང་མི་བྱེད་པར་ཕྲག་དོག་དང་ བརྣབ་སེམས་སྐྱེས་ཏེ་ཧམ་ལེན་བྱེད་པར་བརྩོན་པ་དང་། དགྲ་ཟླས་རང་ལ་གནོད་པ་བྱས་ན་དེའི་ལན་དུ་བཟོད་པ་མི་སྒོམ་པར་གནོད་ལན་དུ་གནོད་ པ་བྱས་ཏེ་འགལ་བ་ཇེ་ཆེར་གཏོང་བ་དང་། མཛའ་བཤེས་ལ་ཕྱི་ཐག་ཐུང་བ་དང་། ཆོག་ཤེས་མེད་པར་འདོད་ཡོན་ལ་ཧམ་པས་ལོངས་སྤྱོད་པ་དང་། མདོར་ན་རྒྱལ་སྲིད་ཆོས་(ཆོས་ཞེས་པ་སྨོན་ལམ་འདེབས་པ་དང་ཆོག་འདོན་པ་ཙམ་ལ་མི་གོ་བར་སེམས་ཅན་ལ་གནོད་པ་མི་བྱེད་པར་མ་ཟད་ཕན་ བདེ་སྒྲུབ་པའི་བསམ་སྤྱོད་ཚད་མཐོན་པོ་ཞིག་ལ་ཟེར་) བཞིན་དུ་མི་སྐྱོང་བར་མ་རིག་རྨོངས་པའི་དབང་དུ་གྱུར་ཏེ་འདོད་ཆགས་ཞེ་སྡང་གཏི་མུག་ ང་རྒྱལ་ཕྲག་དོག་ཧ་ཅང་ཆེ་བའི་མི་གཤིས་ངན་པའི་ལག་ཏུ་རྒྱལ་སྲིད་ཤོར་ན་འཛམ་གླིང་དང་ཡུལ་ཁམས་ཞི་བདེ་མི་ཡོང་བ་དང་། འཛམ་གླིང་ཞི་ བདེ་དང་ཡུལ་ཁམས་ཞི་བདེ་མ་ཡོང་ན་ཁོར་ཡུག་སྲུང་སྐྱོབ་ཅེས་པ་གཏན་ནས་མི་ཡོང་སྟེ། དཔེར་ན། དུས་རབས་ཉི་ཤུ་བའི་དུས་སྟོད་དུ་འཛམ་གླིང་ འཁྲུག་ཆེན་དང་པོ་དང་གཉིས་པ་བྱུང་སྟེ་སྐྱེ་བོ་བགྲང་གིས་མི་ལང་བ་ཞིག་དམར་གསོད་བྱས་པ་དང་། ཨ་རིས་འཇར་པན་གྱི་སྟེང་དུ་རྡུལ་ཕྲན་འབར་ རྫས་འཕངས་ཏེ་མི་འབུམ་གྱི་ཚེ་སྲོག་དུས་གཅིག་ལ་བརླགས་པ་དང་། དུས་རབས་ཉི་ཤུ་བའི་དུས་མཇུག་ཏུ་མཚོ་ཁུག་དམག་འཁྲུག་ལངས་ཏེ་དེང་ རབས་ཀྱི་མཚོན་ཆ་ཡ་ང་བ་རྣམས་སྤྱད་ནས་དཀའ་སྡུག་གིས་བསགས་པའི་ནོར་རྫས་དང་རིན་ཐང་བྲལ་བའི་སྐྱེ་འགྲོའ་ི ཚེ་སྲོག་ལ་གནོད་འཚེ་ཚབས་ ཆེན་བཏང་བ་དང་། ཉེ་ཆར་(༢༠༠༠་་་༢༠༠༢)ཨ་རིའི་འཛམ་གླིང་ཉོ་ཚོང་ཐོག་ཁང་ཆེན་མོར་འཇིགས་སྐུལ་བའི་འཇབ་རྒོལ་ཐེབས་ཏེ་མི་སྟོང་ཕྲག་ལྔ་

ལྷག་གི་ཚེ་སྲོག་དུས་གཅིག་ཏུ་ཤོར་བ་དང་། དེ་ནས་ཨ་ཧྥུ་ཧན་གྱི་དམག་འཁྲུགས་དང་། ད་ལོར་(༢༠༠༣)དབྱི་རག་དམག་འཁྲུག་གིས་ཀྱང་མི་མང་གི་ ནོར་རྫས་དང་ཚེ་སྲོག་ལ་གནོད་འཚེ་ཚབས་ཆེན་ཐེབས་པར་མ་ཟད། ཁ་དབུགས་བཙོག་པར་བཟོས་ཏེ་འཛམ་གླིང་གི་ཡུལ་གྲུ་མང་པོ་ཞིག་ལ་ནད་ ཡམས་དང་མུ་གེ་སོགས་བཀྲ་མི་ཤིས་པ་གཅིག་འཕྲོར་གཅིག་བསྟུད་དེ་བྱུང་དང་འབྱུང་བཞིན་ཡོད་པ་ཀུན་གྱིས་མཁྱེན་གསལ་ཡིན།

དེ་ལྟར་འདོད་ཧམ་དང་ཞེ་སྡང་ཆེ་བ། སྤང་བླང་གི་གནས་ལ་ཤིན་ཏུ་རྨོངས་པ། ང་རྒྱལ་དང་ཕྲག་དོག་གི་དབང་གིས་ལུས་དང་ངག་གི་བྱ་སྤྱོད་ཧ་ཅང་ གདུག་རྩུབ་ཆེ་བའི་མིའི་ལག་ཏུ་དཔོན་གྱི་གོ་གནས་ཤོར་མི་རུང་སྟེ། དེ་འདྲའི་མི་གཤིས་ངན་པའི་ལག་ཏུ་སྡེ་དཔོན་ཤོར་ན་སྡེ་བ་ཕུང་བར་འགྱུར་ བ་དང་། ཡུལ་དཔོན་ཤོར་ན་ཡུལ་ཁམས་ཕུང་བར་འགྱུར་བ་དང་། རྒྱལ་བོའ་ི གོ་གནས་ཤོར་ན་རྒྱལ་ཁབ་ཕུང་བར་འགྱུར་བ་ཡིན་པས། དེ་འདྲའི་མི་ གཤིས་ངན་པའི་མི་ལག་ཏུ་དབང་ཆ་ཤོར་དུ་མི་འཇུག་པར། གོང་དུ་བཤད་པའི་གནས་པ་བརྒྱད་ལ་གནས་པའི་ལུགས་མཐུན་དང་དྲང་བདེན་སྐྱོང་ མཁན་དཔོན་དང་རྒྱལ་བོར་བསྐོས་ན་འཛམ་གླིང་ཞི་བདེ་དང་ཁོར་ཡུག་སྲུང་སྐྱོབ་འབད་མེད་དུ་ཐོན་པ་ཡིན་ལ། དེས་ན་གནའ་ནས་ད་ལྟའི་བར་ འཛམ་གླིང་སྟེང་དམག་འཁྲུག་ཆེ་ཆུང་མང་དུ་བྱུང་སྟེ་འཛམ་གླིང་ཞི་བདེ་དང་ཁོར་ཡུག་ལ་གནོད་པ་བྱུང་དང་འབྱུང་བཞིན་ཡོད་པའི་འབྱུང་རྩ་གང་ ཡིན་ལ་བློ་གཟུ་བོར་གནས་ཏེ་དཔྱད་པ་བྱས་ནས། ཕྱིན་ཆད་དེ་འདྲ་མི་འབྱུང་བའི་ཐབས་ལ་འགྲོ་བ་མི་ཡོངས་ཀྱིས་མ་མཐའ་ཡང་རང་གི་ཆེད་དུ་ འབད་དེ་བརྩོན་དགོས་སོ།། ༨ གཏམ་ཚོགས་རྩོམ་རིག་རྣམས་ལས་སྐྱེ་ཁམས་ཁོར་ཡུག་སྤྲུང་སྐྱོབ་ཕྱོགས་མདོ་ཙམ་གླེང་བ།

བོད་གངས་ཅན་གྱི་ལྗོངས་འདིར་རིག་གནས་རྒྱ་ཆེར་དར་བའི་འགྲོས་དང་བསྟུན་ཏེ་མཁས་པའི་དབང་པོ་དག་གིས་མཛད་པའི་གཏམ་ཚོགས་ཀྱང་ བྱུང་ལ། དེ་དག་ཐམས་ཅད་ཀྱང་དངོས་དང་བརྒྱུད་པའི་སྒོ་ནས་སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་པས། དེ་དག་ལས་ མཚོན་ཙམ་ཞིག་དགོད་པར་བྱ་སྟེ། ཀུན་མཁྱེན་འཇིགས་མེད་གླིང་བའི་གཏམ་ཚོགས་ལས་འདབ་ཆགས་ཀྱི་གཏམ་ཞེས་པ་རུ།

འདབ་ཆགས་ཀྱི་གཏམ། མི་ཁོམ་པའི་གནས་ལ་སྐྱོ་བ་བསྐུལ་བ་ཞེས་བྱ་བ། བླ་མ་ལ་ཕྱག་འཚལ་ལོ། ཡུལ་སྣང་བརྡ་རུ་ཤར་བ་ཡི། ཀློང་ཆེན་ནམ་མཁའི་ རྣལ་འབྱོར་བ། འོག་མིན་དཔལ་གྱི་མཆིམས་ཕུ་ཡི། ཚངས་པ་ལྷ་ཡི་མེ་ཏོག་ཕུབ། སྙིང་པོའ་ི སྒྲུབ་པ་ལྷུར་ལེན་ཚེ། ཡུལ་སྣང་ཕྲད་པའི་གཏམ་ཞིག་མཆི།། དེ་ཡང་འདི་ལྟ་སྟེ། དུས་དེའི་ཚེ་བྱ་དབང་དང་འཇོམ་མོ་ལ་སོགས་པའི་འདབ་ཆགས་བསམ་མེད་ཤིན་ཏུ་རྨོངས་པ་རྣམས། སྙིང་རྗེ་ཆེན་པོའ་ི རྩལ་གྱིས་ རང་དབང་དུ་གྱུར་ནས། འཇིགས་པ་དང་། བག་ཚ་བ་དང་། ཤིན་ཏུ་སྡང་བ་ལ་སོགས་པའི་དོགས་པ་མཐའ་དག་ཡོངས་སུ་བཏང་ནས་བྱིས་པ་ཆུང་ངུ་ མའི་དྲུང་ན་འདུག་པ་བཞིན་ཤིན་ཏུ་བག་ཕེབས་པའི་ཚུལ་དུ་ཟས་ཀྱི་བྱ་བ་ལ་ཡིད་གཏོད། གཏི་མུག་གི་རང་བཞིན་ལ་ཤུགས་ཀྱིས་གོམས་པའི་རྣམ་ འགྱུར་འགོག་ཏུ་མེད་པས་མིག་མ་ལྕིགས་ཀྱིས་འགེབས་ཤིང་བདག་ཉིད་ལ་མེལ་ཚེའི་འདུ་ཤེས་བཞག་ནས་ཉལ་བ་ལ་སོགས་བྱེད་དོ།། རེ་ཞིག་གི་ཚེ་ཆུ་གཏོར་གྱི་རྗེས་ལ་དྲན་རིག་ཀུན་ཏུ་བཟང་པོ་རྣམ་ཀུན་མཆོག་ལྡན་གྱི་སྟོང་ཉིད་ལ་ཆགས་ནས་སྲིད་ཞི་མཉམ་པ་ཉིད་ཀྱི་ངང་དུ་ གནས་པ་ན། གཟུགས་མཛེས་པ་དང་། ཚོར་བ་སྤྱང་བ་དང་། འདུ་ཤེས་གྲུང་བ་དང་། འདུ་བྱེད་སྙོམས་པ་དང་། རྣམ་ཤེས་གསལ་བ་སྟེ་མིང་ཐ་དད་ དུ་བཏགས་པའི་བྱ་དབང་ལྔ་གཏོར་ཟན་ལེན་པ་ལ་འོངས་ནས་སླར་ལོག དེའི་ནང་ནས་རྣམ་ཤེས་གསལ་བ་དེ་ད་དུང་མ་ཕྱིན་པར་མདུན་དྲང་པོར་ ལྷགས་ནས་ངེད་ཀྱི་གདོང་ལ་སྒེག་མོ་མེ་ལོང་ལ་ཟུག་པ་བཞིན་དུ་ལྟ་ཞིང་། མིག་མ་ལྕིགས་ཀྱིས་འགེབས་པ་དང་སྦྲགས་ཤིན་ཏུ་འདྲིས་ཤིང་ཡིད་ གཏོད་པའི་ཚུལ་དུ་ཇ་ཡུན་གཅིག་ཏུ་ཉེ་བར་ཙུག་གེར་བསྡད་སོང་ངོ་།།

དེར་རྣམ་འགྱུར་འཇམ་པའི་སེམས་ཅན་དེ་ལ་སྙིང་རྗེ་བཟོད་གླགས་མེད་པ་ཞིག་སྐྱེས། བུ་ཆུང་མ་དང་བྲལ་བ་བཞིན་དབང་མེད་དུ་མཆི་མ་མི་ཐུབ་པ་ ཙམ་དུ་ཤོར་བར། ཁོ་ཡང་ངེད་ཀྱི་གདོང་ལ་བལྟ་ཞིང་མཆི་མ་བཀུ་བ་སྙམ་བྱེད་དོ།།

དེར་རང་ཉིད་ཀྱང་སྐྱོ་ཤས་ཤིན་ཏུ་ཆེ་བ་འཕེལ་ནས་འདི་སྐད་ཅེས་སྨྲས་སོ། ཀྱེ་ཧོ། ཁྱོད་ལུས་ངན་གྱི་སེམས་ཅན་སྙིང་རེ་རྗེ། སྤྱིར་ཁམས་གསུམ་འཁོར་ བའི་སེམས་ཅན་ཀུན། རྒྱུ་མ་རིག་གསུམ་གྱིས་བསྒྲིབས་པའི་ནང་། རྐྱེན་ཀུན་ཏུ་བརྟགས་པའི་མཚམས་སྦྱོར་ཅན། སྒོས་དུད་འགྲོའ་ི རིགས་རྣམས་སྙིང་ རེ་རྗེ། བཀོལ་ཞིང་སྤྱོད་པའི་སྡུག་བསྔལ་དང་། ཁྱད་པར་སྡིག་ཅན་བཤན་པའི་རིགས། རྔོན་དང་ཉ་པ་བྱ་བ་སོགས། ཁྲེལ་དང་ངོ་ཚའི་གོས་བྲལ་བས། གསོད་པའི་རྣམ་འགྱུར་མཐོང་ན་ལྟ། ལྟ་ཅི་ཡིད་ལ་དྲན་པས་ཀྱང་། རང་དབང་མེད་པར་སྙིང་རྩ་འདར། མིག་ནས་མཆི་མའི་ཆར་རྒྱུན་བཀུ། ཁྱོད་སྤུ་ སྡུག་རྨ་བྱའི་ལང་ཚོ་ཅན། མགུལ་བ་པད་དཀར་ཆུན་པོས་མཛེས། མཇུག་སྒྲོ་ལྔ་ལྡན་འཇའ་རིས་འཁྱིལ། ཡན་ལག་པདྨའི་རྣལ་མ་འདྲ། ངག་སྙན་པའི་ སྒྲ་གདངས་རྣ་བར་འཇམ། དེ་འོན་ཀྱང་བླང་དོར་གནས་ལ་རྨོངས། གཏམ་གླེང་མོས་བརྗོད་པ་འཕྲོད་པ་མེད། ཡི་མུག་གི་དུད་འགྲོ་སྙིང་རེ་རྗེ། ཁྱོད་ གཟུགས་སྡུག་སྤུ་མདངས་མཚར་ཆེ་ཡང་། ཁོང་གཅན་གཟན་གདུག་པའི་ཁ་ཟས་ཡིན། ཚེ་དོ་ནུབ་ཙམ་མི་རྟག་ཡ་མ་བརླ། ལས་རྒྱུ་འབྲས་བཤད་པས་ གོ་བ་མེད། ཆོས་ངེས་དོན་ཉན་པའི་སྐལ་བ་ཆད། མི་ཁོམ་པའི་སྐྱེ་གནས་ཡི་རེ་མུག དབྱིངས་རིག་པ་ཀུན་བཟང་བཟོ་མེད་ཀློང་། ཕྱི་ཡུལ་སྣང་གི་ཞེན་ འཛིན་བཀྲག་མེད་ཞིག མདང་སྙིང་རྗེར་ཤར་བའི་གསལ་ཆ་ཡིས། ཁྱོད་དུད་འགྲོའ་ི སེམས་དང་རྣམ་འབྱོར་ངའི། གནས་ལུགས་ཀྱི་རང་བཞིན་གཅིག་ ཏུ་བསྲེ། ངག་གྲགས་སྟོང་སྐྱེ་འགག་མེད་པའི་གདངས། ཐབས་མྱུར་ལ་ཟབ་མོའ་ི གཟུངས་སྔགས་དང་། ཐོས་གྲོལ་གྱི་སྨོན་པས་མཚམས་སྦྱོར་རེམ། སྤྱིར་ འཇིག་རྟེན་གྱི་མི་རྣམས་གདུག་སེམས་ཆེ། དེས་ཁྱེད་ཅག་གི་སྣང་བ་དོགས་པ་འཆར། གཏད་མེད་ཡོངས་གྲོལ་གྱི་དགོངས་པའི་ཀློང་། བྱ་ཁྱོད་ཀྱི་ཀུན་ གཞིའི་བག་ཆགས་འདྲེས། བློ་བག་ཕེབས་སུ་སྡོད་པ་སྙིང་རེ་རྗེ། སྤྱིར་སེམས་ཅན་ཐམས་ཅད་ཕ་མ་ཡིན། སྒོས་ཁྱོད་ཀྱང་ང་དང་ལས་འབྲེལ་ཅན། དེ་ འོན་ཀྱང་དྲིན་ལན་གཞལ་ཐབས་མེད། ཕྲལ་གཏོར་ཟན་ཆུང་ངུའི་སྦྱིན་པ་ཡིས། ཁྱེད་འཁོིར་བའི་གྲོང་ལས་དབུགས་མི་ཕྱིན། གཞི་བདེ་གཤེགས་སྙིང་ པོའ་ི དགོངས་པ་ལ། ཡུལ་ཐུགས་རྗེས་འདུལ་བའི་མན་ངག་ཡོད། དེང་གནས་ལུགས་གཞི་མེད་རྩ་བྲལ་ལ། ཁྱེད་བློ་རྩེ་གཏོད་ནས་ལྷོད་དེར་སྡོད། ཅེས་

བརྗོད་ནས་ཁོའ་ོ སེམས་དང་རང་གི་རིག་པ་གཉིས་སུ་མེད་པར་བསྲེས་ཏེ་གནས་ལུགས་ཞི་གྲོལ་གྱི་ངང་དུ་ཡུན་རིང་པོའ་ི བར་དུ་མཉམ་པར་བཞག་ པས། ཁོ་ད་དུང་མིག་མ་ལྕིབས་ཀྱིས་འགེབས་ཤིང་གཡོ་འགུལ་མེད་པར་ཙུག་གེ་བསྡད་ནས་སྙིང་རྗེ་བའི་སྐད་དང་རྣམ་འགྱུར་ཅིར་ཡང་སྟོན་གྱིན་ འདུག་པས་བྱང་ཆུབ་སེམས་ཀྱི་རྒྱས་མིག་མཆི་མས་བརླན་ནས་དབུགས་མི་ཐོན་པ་ཙམ་དུ་བརྣངས་ཤིང་ལྷག་པར་སྙིང་རྗེ་བས་འདི་སྙམ་དུ། དུད་ འགྲོ་འདི་ལྟ་བུས་ཀྱང་བསམ་པ་དགེ་མི་དགེའི་རང་བཞིན་ཤེས་ནས་དག་པའི་སྣང་བ་སྦྱོང་ཞིང་བློ་གཏོད་པ་འདི་ངོ་མཚར་ཆེ། འདི་ལ་དཔགས་ན་སྨྲ་ ཤེས་དོན་གོ་བའི་མི་ཁོམ་པ་རྣམས་སུའི་གདུལ་བྱ་ཡིན། ཀུན་མཁྱེན་ཆེན་པོས། འཆིང་བ་དམ་ལྡན་ཀུན་སྤྱོད་ཤིན་ཏུ་ངན། འཁོར་བར་མི་སྐྱོ་དད་པ་ ཅུང་ཟད་མེད། མི་དགེ་སྡིག་སྤྱོད་ཆོས་ལ་སེམས་པ་བྲལ། སྡོམ་དང་དམ་ཚིག་བྲལ་བ་ཞེས་བྱ་སྟེ། རིས་ཆད་བློ་ཡིས་མི་ཁོམ་རྣམ་པ་བརྒྱན། ཅེས་པའི་ གྲལ་རིགས་ལ་ཞུགས་པ་རྣམས་སྡིག་པའི་ལས་ལ་ནི་བརྟུལ་ཞུགས་ཤིན་ཏུ་མྱུར། མི་ལུས་ཐོབ་ཚད་ལ་ཡ་མཚན་ཆེ་རྒྱུ་མི་འདུག ད་ནི་འདི་ལྟ་བུའི་དུད་ འགྲོ་ལ་དག་པའི་བློ་ཡོད་ཀྱང་གཏམ་གྱིས་བརྗོད་པ་གླེང་དུ་མེད་པས་དམ་པའི་ཆོས་ཀྱི་བདེན་པས་ཕན་གདགས་པའི་གོ་སྐབས་མ་རྙེད། དེ་ཡང་འདི་ སྐད་དུ། ད་ནི་ཁྱོད་གཞན་ཅི་ཡང་མ་ཤེས་ཀྱང་སླ་ཡི། ཨོཾམཎིཔདྨེཧཱུྃ། ཞེས་ལན་གཅིག་བརྗོད་དང་། དེ་ཁོ་ནས་ཁྱོད་རྫོགས་པའི་སངས་རྒྱས་སུ་གྱུར་ཏེ་ གཙུག་ཏོར་རོང་ངེར་འགྱུར་རོ་ཞེས་སྨྲས་ཀྱང་། ཁོ་ལ་དེ་དེ་བཞིན་དུ་སྨྲ་བའི་ནུས་པ་མི་འདུག་པས་སྙིང་རེ་རྗེ། ཨ་ཙམ་མ། སྔར་བོད་མུན་པའི་གླིང་དུ་ རྒྱལ་སྲས་རིགས་གསུམ་མགོན་པོའ་ི སྤྲུལ་པའི་རྒྱལ་བློན་ལོ་པཎ་དང་བཅས་པས་དམ་པའི་ཆོས་བསྒྱུར་བ་ལ་དཀའ་ལས་དེ་ཙམ་ཞིག་བྱས་ཏེ་དེང་སང་ ཆོས་དོན་དུ་གཉེར་བ་མི་འདུག་པས་འདི་ལྟ་བུའི་ལུས་རྟེན་ལ་རེ་དུས་ཇི་ལྟར་བྱེད། ད་ནི་སློབ་དཔོན་དབྱིག་གཉེན་གྱིས་དམ་པའི་ཆོས་ཞལ་འདོན་ དུ་མཛད་པ་འདབ་ཆགས་ཕུག་རོན་གྱིས་ཐོས་པས་སྐྱེ་བ་འཕོས་ཏེ་སློབ་དཔོན་བློ་གྲོས་བརྟན་པར་གྱུར་བའི་ལོ་རྒྱུས་ཀྱང་ཡོད་ན། ཟབ་མོའ་ི མན་ངག་ མགུར་གྱི་ཚུལ་དུ་འདིའི་རྣ་བར་གདབ་པར་བྱའོ་སྙམ་ནས་ངེས་དོན་གྱི་ཚིག་ཟབ་མོའ་ི ལས་འབྲེལ་བཞག་པ་ནི།

ཀྱེ་ཁྱོད་འདྲའི་འདབ་ཆགས་སྙིང་རེ་རྗེ། མི་བདག་གི་ཕ་མ་སྙིང་རེ་རྗེ། སྒོས་སེམས་ཅན་ཐམས་ཅད་སྙིང་རེ་རྗེ། ཁོང་ཀུན་ཏུ་བཟང་པོ་སྐད་པ་དང་ ། ཁྱོད་སྲིད་པའི་བློ་ཅན་ཇི་སྙེད་ཀུན། རིག་མ་རིག་གི་ཁྱད་པར་བྱས་པ་ལས། སེམས་ཀུན་གཞིའི་ཁྱད་ལ་རྡུལ་ཙམ་མེད། འཁོར་འདས་གཉིས་ལག་ པའི་ལྟོ་རྒྱབ་འདྲ། ཨེ་མ་ཧོ་སྲིད་ཞིའི་འགལ་འདུ་ལ། རྒྱུ་བདག་ཉིད་གཅིག་པའི་མ་རིག་པ། སེམས་ཅན་ཐམས་ཅད་ཀྱི་འཁྲུལ་ཞིག་ཡིན། རྐྱེན་ཀུན་ཏུ་ བརྟགས་པའི་མ་རིག་པ། གར་མཁན་གྱིས་བྱིས་བློ་འབྲིད་པ་འདྲ། ལྷན་སྐྱེས་ཀྱི་མ་རིག་གཡོ་འཁྲུལ་པོས། ད་དུང་མཐའ་མེད་འཁོར་བ་བཟོས། གཞི་ ལུང་མ་བསྟན་གྱི་གྲོང་ཁྱེར་ནས། གདོད་མའི་མགོན་པོས་ཁྱད་པར་གྱི། ཆོས་ཉིད་དྲུག་བདག་གིར་མདད་པའི་མོད། མིག་འཕྲུལ་པ་ལྟ་བུར་མངོན་ སངས་རྒྱས། དུས་དེང་སང་ཆོས་སྐུའི་རྒྱལ་ས་ཟིན། སྤྲུལ་བ་བྱེ་བ་ཕྲག་བརྒྱ་འགྱེད། སྒོམ་ཡུལ་མེད་སྣང་རིག་ཆམ་བརྡལ་འདི། ཡེ་གདོད་མ་དོན་གྱི་ སངས་རྒྱས་ཡིན། སེམས་མི་འགྱུར་དགུ་འགྱུའི་རྣམ་རྟོག་ལ། འཁོར་བ་མཐའ་མེད་ཀྱི་རྟེན་འབྲེལ་རྫོགས། ཆོས་རྫོགས་པ་ཆེན་པོར་རང་བཞག་ལ། སྤང་ གཉེན་དང་གྲུབ་མཐའི་ཞེན་པ་མེད། བློས་བྱས་ཀྱི་ལྷོ་སྤྲིན་དབྱིངས་སུ་ཡལ། ཤེས་སྒྲིབ་ཀྱི་མུན་པ་བག་ལ་ཞ། ལྟར་མེད་ལ་བལྟ་བའི་རྒྱལ་པོར་གྲགས། ངེད་རྣལ་འབྱོར་གྱི་ལྟ་བའི་སྐལ་བར་བབས། ལྟའོ་སྙམ་པའི་བློ་ཐག་ཆོད། ལྟ་རྒྱུ་མེད་ཀྱང་རང་ངོ་གསལ། དབྱིངས་རྣམས་དག་ནམ་མཁའ་སྒོ་འབྱེད་ ཀློང་། དངོས་མེད་ཀྱི་རིག་པ་མངོན་སུམ་མདངས། རྡོ་རྗེ་ལུ་གུ་རྒྱུད་དུ་མཐོང་། འདི་རྣལ་འབྱོར་སྒོམ་པའི་གྲོགས་སུ་ཤར། སྒོམ་བློའ་ཤ ི ུན་པ་དེ་རུ་དག སྒོམ་རྒྱུ་ཡེ་ཟད་ངོ་མཚར་ཆེ། ལས་བྱ་བྱེད་བཟང་ངན་དྲན་རྟོག་ཀུན། སྲིད་ཞི་དབྱེར་མེད་ཀྱི་མཉམ་རྗེས་འདྲེས། སྤང་བླང་དང་བྲལ་བ་སྤྱོད་པར་ བབས། སྤྱོད་པའི་ཚུལ་འཆོས་རང་སར་ཞིག གཏད་སོ་མེད་པ་འདི་ཉམས་རེ་དགའ། རང་རིག་འདི་ཅེར་ཡན་དུ་གློད་ཙ་ན། དུས་གསུམ་གྱི་རྣམ་རྟོག་ དབྱིངས་སུ་ཞི། བསམ་གྱིས་མི་ཁྱབ་པའི་དུས་ཤིག་ཤཪ། ངེད་རྣལ་འབྱོར་གྱི་འབྲས་བུའི་སྐལ་བར་བབས། འབྲས་བུའི་ཞེ་འདོད་རྨང་ནས་སྟོངས། རེ་ དོགས་མེད་པ་རྒྱན་དུ་ཆེ། འཛིན་མེད་ཀྱི་རིག་པ་ཀློང་ཆེན་འདི། དངོས་པོར་མེད་ལ་ནུས་པ་ཆེ། ལྷོད་ཀྱིས་གློད་པའི་གནས་སྐབས་ན། ཕྱི་ཡུལ་གྱི་སྣང་ བ་དབང་དུ་འདུ། ཁྱོད་དུད་འགྲོའ་ི སེམས་ཀྱང་བསྒྱུར་དུ་བཏུབ། བག་ཆགས་སྲིད་པའི་ཤ་གཟུགས་ཅན། བར་རྡོའ་ི རྣམ་ཤེས་ཀྱང་འདྲེན་པར་ནུས། ཁྱེད་ དུང་སེམས་ཅན་གྱི་བྱ་དབང་མ། མི་ཁོ་བའི་རིག་པ་བློ་འདས་དང་། འཁོར་འདས་བཟང་ངན་མེད་པར་བསྲེ། མཉམ་གཞག་ནམ་མཁའ་ལྟ་བུའི་ངང་ ། རྗེས་ཐོབ་བསྔོ་སྨོན་གྱི་རྒྱ་ཡིས་འདེབས། བདག་དང་དབྱེར་མེད་སངས་རྒྱས་ཤོག ཅེས་སྨྲས་པས་བྱ་དབང་དེ་ཉིད་ཤིན་ཏུ་དགའ་བའི་རྣམ་འགྱུར་ དང་བཅས་རང་གནས་སུ་སོང་བར་གྱུར་ཀྱང་རིང་པོར་མ་ཐོགས་པར་ཨོ་དཀར་གྱིས་མགྲིན་པ་བཅད་དེ་མི་སྣང་བར་གྱུར་ཏོ། གང་ཞིག་འཇིག་རྟེན་ ན་སངས་རྒྱས་འབྱུང་བ་ལ་མཉེས་པར་མི་བགྱིད་པའི་སྐྱེས་བུ་བླུན་པོ་རྣམས་ལ་འཕྲིན་སྒྲོགས་ཤིག་གུ། གཏམ་ཚོགས་ལེའུ་བཅུ་པའོ། ཞེས་པའི་གཏམ་ ཚོགས་ལེའུ་འདིའི་དངོས་བསྟན་ནི། མི་ཁོམ་པའི་གནས་ལ་སྐྱོ་བ་སྐྱེ་བར་བསྐུལ་བ་ཞིག་ཡིན་ནའང་། ཤུགས་ཀྱིས་བསྟན་པ་ནི་རི་སྐྱེས་སྲོག་ཆགས་ ཀྱི་ཚེ་སྲོག་ལ་གནོད་པ་མི་བྱེད་པ་དང་། སྲོག་ཆགས་དེ་དག་འཚོ་གནས་བྱེད་སའི་ནགས་ཚལ་དང་། མཚོ་དང་མཚེའུ། ཆུ་ཀླུང་དང་རི་བྲག་སོགས་ལ་ གཏོར་བརླག་བྱེད་མི་རུང་བར་བསྟན་ཡོད།

དེ་ཡང་ང་ཚོས་རང་གི་བདེ་སྐྱིད་དང་འཚོ་རྟེན་གྱི་ཆེད་དུ་སེམས་ཅན་གཞན་དང་གཞན་ལ་གནོད་པ་བྱེད་པ་དེ་ནི་བྱམས་པ་དང་སྙིང་རྗེ་མེད་པར་ འདོད་སྲེད་ཆེ་བས་ལན་པ་ཚང་མས་ཤེས་ཐུབ་ཀིན་མེད། ཞིབ་མོར་བསམ་བློ་ཐོངས་དང་། བྱམས་པ་དང་སྙིང་རྗེ་མེད་པར་འདོད་སྲེད་ཆེ་བའི་སྟབས་ ཀྱིས། གལ་ཏེ་སྣོད་བཅུད་ཀྱི་འཇིག་རྟེན་ཐམས་ཅད་རིལ་གྱིས་རང་གཅིག་པུས་ལོངས་སྤྱོད་ཚུལ་ཞིག་ཡོད་ན། དེ་ཡང་དོན་གཉེར་མི་བྱེད་པའི་ངེས་པ་ མེད་པའི་ཚོད་ཀྱི་ཧམ་སེམས་ཆེ། དེས་ན་གཏམ་ཚོགས་ཀྱི་ལེ་ཚན་འདིར་བསྟན་པའི་དོན་ལ་ལྟོས་དང་། དུས་དེའི་ཚེ་བྱ་དབང་དང་འཇོམ་ལོ་ལ་སོགས་པའི་འདབ་ཆགས་བསམ་མེད་ ཤིན་ཏུ་རྨོངས་པ་རྣམས། སྙིང་རྗེ་ཆེན་པོའ་ི རྩལ་གྱིས་རང་དབང་དུ་གྱུར་ནས། འཇིགས་པ་དང་། བག་ཚ་བ་དང་། ཤིན་ཏུ་སྡང་བ་ལ་སོགས་པའི་དོགས་ པ་མཐའ་དག་ཡོངས་སུ་བཏང་ནས། བྱིས་པ་ཆུང་ངུ་མའི་དྲུང་ན་འདུག་པ་བཞིན་ཤིན་ཏུ་བག་ཕེབས་པའི་ཚུལ་དུ་ཟས་ཀྱི་བྱ་བ་ལ་ཡིད་གཏོད། གཏི་ མུག་གི་རང་བཞིན་ལ་ཤུགས་ཀྱིས་གོམས་པའི་རྣམ་འགྱུར་འགོག་ཏུ་མེད་པས་མིག་མ་ལྕིགས་ཀྱིས་འགེབས་ཤིང་བདག་ཉིད་ལ་མེལ་ཚེའི་འདུ་ཤེས་ བཞག་ནས་ཉལ་བ་ལ་སོགས་པ་བྱེད་དོ། ཞེས་གསུངས་པའི་དོན་འདི་ལྟར་སེམས་ཅན་ཐམས་ཅད་ཕན་ཚུན་ལ་བྱམས་བརྩེ་འདི་ལྟ་བུ་ལྡན་པ་དང་།

གནོད་འཚེ་གཏན་ནས་མེད་པར་བག་ཡོད་སོས་དལ་གྱི་ངང་དུ་འདུག་བདེ་བོ་ཞིག་བྱུང་ན་འཛམ་གླིང་ཞི་བདེ་དང་། ཁོང་ཡུག་སྲུང་སྐྱོབ་ཅེས་པ་ངང་ ངམ་ཤུགས་ཀྱིས་འབྱུང་བ་ཡིན། ནང་དོན་རིག་པའི་དགོངས་གཞི་ཡང་འདི་ཡིན། ད་ལྟ་ང་ཚོས་བཤད་པའི་ཁོར་ཡུག་སྲུང་སྐྱོབ་ཅེས་པ་ནི་མི་རང་ཉིད་ཀྱི་ཆེད་དང་། དེ་ལས་ཅུང་རྒྱ་ཆེ་བར་བཤད་ན་མིའི་འགྲོ་བ་ཁོ་ནའི་ཆེད་ཡིན་ པར་བཤད་བཞིན་ཡོད། ནང་དོན་རིག་པའི་བསམ་བློའ་ི རང་བཞིན་ལྡན་པའི་བོད་ཀྱི་གཏམ་ཚོགས་རྩོམ་རིག་གི་ནང་དུ་སྣོད་དང་བཅུད་ཀྱི་འཇིག་ རྟེན་ལ་གཅེས་པར་འཛིན་པ་སྟེ་ཁོར་ཡུག་སྲུང་སྐྱོབ་དང་རི་སྐྱེས་སྲོག་ཆགས་སོགས་ལ་གནོད་ཚེ་སྤངས་ཏེ། བྱམས་དང་བརྩེ་བས་ཕན་པ་སྒྲུབ་དགོས་ གསུངས་པ་ནི་མི་རང་ཉིད་ཀྱི་ཆེད་དང་། ཡང་ན་འགྲོ་བ་མིའི་རིགས་ཁོ་ན་ཙམ་གྱི་ཆེད་ཀྱང་མ་ཡིན་པར་འགྲོ་བ་རིགས་དྲུག་སེམས་ཅན་ཐམས་ཅད་ ཀྱི་གནས་སྐབས་དང་མཐར་ཐུག་གི་དོན་ཡིན་པར་གསུངས་ཡོད་པས། བསམ་པའི་འཁྱེར་སོ་གཉིས་ལ་གནམ་ས་ལྟ་བུའི་རྒྱ་ཆེ་ཆུང་གི་ཁྱད་པར་ཡོད། དེས་ན་ང་ཚོས་ཞིབ་མོའ་ི ལུགས་ཀྱིས་གཏམ་ཚོགས་འདིའི་མགོ་ནས་མཇུག་གི་བར་དུ་བལྟས་ཏེ་བསམ་བློ་གཏོང་བ་དང་། དེ་བཞིན་དུ་གཏམ་ཚོགས་ གཞན་དང་གཞན་ལའང་བལྟས་ཏེ་ཁོར་ཡུག་སྲུང་སྐྱོབ་དང་རི་སྐྱེས་སྲོག་ཆགས་ལ་གནོད་འཚེ་མི་བྱེད་པར་བག་ཡངས་སོས་དལ་ངང་བདེ་བར་ གནས་སུ་འཇུག་དགོས་སོ།། ༩ གནས་བསྟོད་རྩོམ་རིག་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

གནས་བསྟོད་ཅེས་པ་ནི། རི་ཆུ་ནགས་ཚལ་སྤང་ལྗོངས་སོགས་ཡུལ་ཕྱོགས་ཉམས་དགའ་བ་ཞིག་གིས་རྩོམ་པ་པོ་གང་རུང་ཞིག་གི་ཡིད་དབང་མེད་དུ་ འཕྲོག་སྟེ་ཁོའ་ི ཡིད་ཀྱི་འགྱུར་བ་མཚོན་པར་བྱེད་པའི་ཚིག་སྦྱོར་ཉམས་ཅན་ཞིག་ལ་གནས་བསྟོད་ཟེར། དེ་ནི་གནས་བསྟོད་རྐྱང་བ་བྱས་ཏེ་བརྩམས་ པའི་གནས་བསྟོད་དང་། ཡང་རྣམ་མགུར་སོགས་ཀྱི་ནང་དུ་བརྩམས་པའི་གནས་བསྟོད་ཡོད་པ་ལས་འདིར་མཚོན་བྱེད་རེ་ཟུང་དགོད་པར་བྱ་སྟེ། རྗེ་མི་ལའི་རྣམ་འགུར་དུ་གངས་ཏེ་སི་དང་མཚོ་མ་ཕམ་ལ་བསྟོད་པ་བྱས་པ་ནི། (རས་ཆུང་པ་དང་མཇལ་བའི་སྐོར་)ཞེས་པར། ན་མོ་གུ་རུ། རྗེ་བཙུན་ མི་ལ་རས་པ་དེ་ཉིད་ཀྱི་ཕྱག་ཕྱི་ཐུགས་སྲས་རས་ཆུང་པས་བགྱིས་ཏེ། འབྲུག་མཚམས་ཀྱི་མཚོ་ལྔ་དེའུ་ཆུང་གི་ཕྱོགས་ན་མར་རོ་སྙོམ་གྱི་ལྡོམ་བུ་དང་ ། སེམས་ཅན་གྱི་འགྲོ་དོན་ལ་བྱོན་པའི་ཚེ། རྗེ་བཙུན་ཡབ་སྲས་ཀྱིས་གངས་ཏེ་སི་དང་། མཚོ་མ་ཕམ་གྱི་ཕྱོགས་སུ་སྒྲུབ་པ་མཛད་འདུག་ཅེས་སྙན་པ་ དང་གྲགས་པ་ཆེན་པོ་བྱུང་བས། ལྕོ་རོ་འབྲུག་མཚམས་ཀྱི་ཉ་མ་རྣམས་ཀྱིས་ཀྱང་སྙན་གྲགས་ཐོས་ནས་ཡ་མཚན་ཞིང་ངོ་མཚར་ཆེ་བ་ཐག་ཆོད་ནས། མོས་གུས་སྐྱེས་ཏེ་གྲུབ་ཐོབ་དཔོན་སློབ་གཉིས་བྱོན་ཡོད་པར་འདུག་པས་ཞལ་བལྟ་རུ་འགྲོ་ཟེར། བསྙེན་བཀུར་གྱི་ཡོ་བྱད་གྱ་ནོམ་པ་ཁྱེར་ནས། རྗེ་ བཙུན་ཡབ་སྲས་ཀྱི་ཞལ་བལྟ་རུ་བྱུང་བ་ལས། ཉ་མ་དེ་རྣམས་ཀྱི་ནང་ནས་རྗེ་བཙུན་གྱི་རྣམ་ཐར་ཐོས་པས་མི་ཕྱེད་པའི་དད་པ་ཐོབ་པའི་བུ་མོ་ཡེ་ཤེས་ ཀྱི་མཁའ་འགྲོའ་ི སྤྲུལ་བ་དད་བརྩོན་ཤེས་རབ་སྙིང་རྗེ་ཆེ་ཞིང་རིགས་དང་སྐལ་བར་ལྡན་པ་གཅིག་འདུག་པ་དེས་གཙོ་བྱས་པའི་བུ་མོ་གཞོན་པ་ལྔས་ མགྲིན་གཅིག་ཏུ་བསྡེབས་ནས། རྗེ་བཙུན་ཡབ་སྲས་ཀྱི་སྙན་གྲགས་དང་མཐུན་པའི་ཐུགས་དམ་གྱི་ཉམས་སད་པའི་ཕྱིར་རྒོལ་བའི་ཞུ་དོན་གླུ་རུ་ཕུལ་ བའི་(གླུ་འདིར་མ་བཀོད་ལ་ཤེས་འདོད་ན་རྣམ་མགུར་དུ་གསལ་བས་དེར་ལྟོས་)ལན་དུ། རྗེ་བཙུན་གྱི་ཞལ་ནས་རས་ཆུང་པ། གངས་རི་མཚོ་གསུམ་འདི་བཅོམ་ལྡན་འདས་ཀྱིས་ལུང་བསྟན་པའི་སྒྲུབ་གནས་ལ། སྨད་ར་བཏང་བ་ལ་ལན་མ་ བཏབ་ན། འདི་རྣམས་ཀྱིས་སྡིག་གསོག་ཅིང་སྒྲུབ་གནས་ཀྱི་ཆེ་བ་ཡང་འཆོར། རང་རེ་རྣལ་འབྱོར་བའི་སྒོ་གསུམ་གྱི་སྤྱོད་པ་མ་བཅོས་པར་སྐྱོང་བ་ལ་ བརྙས་པའི་གནས་སུ་བྱས་བྱུང་བས། རྣལ་འབྱོར་གྱི་ཡིན་ལུགས་ལ་ལན་བཏབ་ནས། ཁོང་ཚོས་སྐྱོན་དུ་བཟུང་བ་རྣམས་རང་རེས་ཡོན་ཏན་དུ་ངོ་སྤྲོད་ པ་ཡིན་པས། ཕའི་རམ་ཐེག་ཅིག་གསུངས། བུ་མོ་རྣམས་ཀྱི་ཞུ་ལན་དུ་མགུར་འདི་གསུངས་སོ།།

ཁྱེད་འདིར་ཚོགས་ཀྱི་དད་འདུས་ཉ་མ་ཚོ། གླུ་གྲེ་འགྱུར་མཐུན་པའི་གཞོན་པ་རྣམས། ཚིག་སྡེབ་སྦྱོར་ལེནཔའི་བུ་ལྔ། དོན་དམིགས་ནས་གླུ་ལེན་གཙོ་ མོ་ཉོན། མི་ང་ངོ་ཁྱོད་ཀྱིས་ཤེས་མ་ཤེས། ངེད་རས་ཆེན་རས་ཆུང་བྱ་བ་ཡིན། ང་མི་རྒན་གཡས་གནས་གླུ་ལེན་པ། མི་ལ་རྣལ་འབྱོར་བྱ་བ་ཡིན། ཁོང་ གཞོན་པ་གཡོན་ནས་རམ་འདེགས་པ། རས་ཆུང་རྡོར་གྲགས་བྱ་བ་ཡིན། སྙན་པའི་ཚིག་དོན་ཟུང་བསྡེབས་ནས། དྲིས་པའི་བརྡ་ལོན་དངོས་རང་ འཆད། ཉམས་རྟོགས་པ་ཁོང་ནས་བརྡོལ་བའི་གླུ། དོན་དགོས་བྱེད་ཅི་འདུག་སེམས་ལ་ཞོག གངས་དཀར་ཏི་སེ་སྐད་པ་དེ། མ་མཐོིང་རྒྱང་ནས་སྒྲ་ཆེ་ བ། ཤེལ་དཀར་གྱི་མཆོད་རྟེན་འདྲའོ་སྐད། མཐོང་ནས་དྲུང་དུ་བསླེབས་ཙ་ན། རི་མགོ་ཁ་བས་གཡོགས་པ་གཅིག རི་མགོ་ཁ་བས་གཡོགས་པ་དེ། སྔོན་ བདེ་གཤེགས་ཉིད་ཀྱིས་ལུང་བསྟན་པ། རི་བོ་གངས་ཅན་བྱ་བ་ཡིན། སྤྱིར་འཛམ་བུ་གླིང་གི་ལྟེ་བ་ཡིན། སེང་གེ་དཀར་མོ་འགྱིང་ས་ཡིན། ཤེལ་དཀར་ གྱི་མཆོད་རྟེན་འདྲ་བ་དེ། དཔལ་འཁོར་ལོ་སྡོམ་པའི་ཕོ་བྲང་ཡིན། དེ་མཐའ་གངས་རིས་བསྐོར་བ་དེ། དགྲ་བཅོམ་ལྔ་བརྒྱའི་བཞུགས་གནས་ཡིན། སྡེ་ བརྒྱད་ཀུན་གྱིས་མཆོད་པའི་རྟེན། དེ་མཐའ་སྤང་རིས་བསྐོར་བ་དེ། སྤོས་ངད་ལྡན་པའི་རི་བོ་ཡིན། སྨན་ཤི་གསོས་ཀྱི་བདུད་རྩི་འཁྲུངས་ས་ཡིན། གྲུབ་ པ་ཐོབ་པའི་གནས་ཆེན་ཡིན། ཟག་མེད་ཏིང་འཛིན་བརྙེས་ས་ཡིན། ངོ་མཚར་དེ་བས་ཆེ་བ་མེད། ཡ་མཚན་དེ་བས་ཆེ་བ་མེད། མ་ཕམ་གཡུ་མཚོ་ སྐད་པ་དེ། མ་མཐོང་རྒྱང་ནས་སྒྲ་ཆེ་བ། མཚོ་གཡུའི་མཎྜལ་འདྲའོ་སྐད། མཐོང་ནས་དྲུང་དུ་བསླེབས་ཙ་ན། ཀོ་མོག་ཆབ་ཀྱི་གང་བ་གཅིག ཀོ་མོག་ ཆབ་ཀྱིས་གང་བ་དེ། སྔོན་བདེ་གཤེགས་ཉིད་ཀྱིས་ལུང་བསྟན་པའི། མཚོ་མ་དྲོས་པ་ཞེས་བྱ་བ་ཡིན། སྤྱིར་ཆུ་བོ་བཞི་འདུས་ཀྱི་མགོ་བོ་ཡིན། ཉ་སྲམ་ རྣམས་ཀྱིས་འཕྱོ་ས་ཡིན། མཚོ་གཡུའི་མཎྜལ་འདྲ་བ་དེ། ཀླུ་ཆེན་བརྒྱད་ཀྱི་ཕོ་བྲང་ཡིན། དེ་ལ་ཆུ་ཐིགས་བཏབ་པ་དེ། བདུད་རྩི་འོ་མ་ཆུ་རྒྱུ་ཡིན། ལྷ་ མཆོད་སྦྱིན་བརྒྱ་བའི་ཁྲུས་ཆབ་ཡིན། ཆུ་ཡན་ལག་བརྒྱད་དང་ལྡན་པ་ཡིན། དེ་མཐའ་སྤང་དང་བྲག་གིས་བརྒྱན། ཀླུ་ཕྲན་རྣམས་ཀྱི་བང་མཛོད་ཡིན། ཤིང་འཛམ་བུ་ཏྲི་ཤའི་སྐྱེ་གནས་ཡིན། ལྷོ་འཛམ་བུ་གླིང་ཞེས་དེ་ལ་དྲས། ངོ་མཚར་དེ་བས་ཆེ་བ་མེད། ཡ་མཚན་དེ་བས་ཆེ་བ་མེད། བྲག་དམར་སྤོ་ མཐོ་སྐད་པ་དེ།་མ་མཐོང་རྒྱང་ནས་སྒྲ་ཆེ་བ། བྲག་རིན་ཆེན་སྤུངས་པ་འདྲའོ་སྐད། མཐོང་ནས་དྲུང་དུ་བསླེབས་ཙ་ན། སྤང་ལ་བྲག་རི་འབུར་བ་གཅིག སྤང་ལ་བྲག་རི་འབུར་བ་དེ། སྔོན་བདེ་གཤེགས་ཉིད་ཀྱིས་ལུང་བསྟན་པ། རི་ནག་པོ་འབིབས་བྱེད་བྱ་བ་ཡིན། ཡུལ་དབུས་འགྱུར་ཚལ་གྱི་བྱང་ཕྱོགས་ ཡིན། སྤྱིར་རྒྱ་བོད་གཉིས་ཀྱི་སོ་མཚམས་ཡིན། རྒྱ་སྟག་ཁྲ་བོའ་ི འགྲིམ་ས་ཡིན། དེ་ལ་གནས་ཚལ་སྐྱེས་པ་དེ། ཙན་དན་སྨན་གྱི་སྡོང་བོ་ཡིན། བཟང་

དྲུག་སྨན་གྱི་ལྗོན་ཤིང་ཡིན། བྲག་རིན་ཆེན་སྤུངས་པ་འདྲ་བ་དེ། ལྷ་དྲང་སྲོང་རྣམས་ཀྱི་ཕོ་བྲང་ཡིན། མཁའ་འགྲོས་ལུང་བསྟན་བདེན་གནས་ཡིན། སྔར་འདས་ཀྱི་གྲུབ་ཐོབ་བཞུགས་ས་ཡིན། དེ་མཐའ་ཆུ་ཡིས་བསྐོར་བ་དེ། ཀུན་གྱིས་བགྲོད་པ་དཀའ་བ་ཡིན། ངོ་མཚར་དེ་བས་ཆེ་བ་མེད། ཡ་མཚན་ དེ་བས་ཆེ་བ་མེད། ཅེས་པ་སོགས་ཀྱིས་གངས་རི་ཆེན་པོ་ཏི་སེ་དང་། མ་ཕམ་གཡུ་མཚོ། རི་བོ་སྤོས་ངད་ལྡན་པ། རི་བོ་འབིབས་བྱེད་སོགས་ལ་ཚད་ མཐོན་པོའ་ི དུངས་སེམས་བཅངས་ཏེ་བསྔགས་བརྗོད་མཛད་ཡོད་དོ། (གངས་ཏེ་སེ་ནི་མངའ་རིས་ས་ཁུལ་སྤུ་ཧྲེངས་རྫོང་དུ་ཡོད་པའི་གངས་རི་ཞིག་གི་ མིང་སྟེ་ཡོངས་གྲགས་སུ་གངས་རིན་པོ་ཆེ་ཟེར། མཐོ་ཚད་རྒྱ་མཚོའི་ངོས་ལས་སྤྱི་ཁྲེ་དྲུག་སྟོང་བདུན་བརྒྱ་བཅུ་བཞི་ཡོད་པ་དང་། མ་ཕམ་གཡུ་མཚོ་ ཡང་དེ་དང་ཉེ་བའི་ས་ན་ཡོད།) རྗེ་བཙུན་མི་ལའི་རྣམ་འགུར་དུ་གངས་མཐོན་མཐིང་རྒྱལ་མོར་བསྟོད་པ་བྱས་པ་ནི། (བོན་པོ་རིའི་སྐོར་)ཞེས་པར། ན་མོ་གུ་རུ། རྗེ་བཙུན་མི་ལ་རས་པ་ དེ་ཉིད་ཆུ་དབར་སྤྲུལ་སྐུའི་ཕོ་བྲང་ན་བཞུགས་པ་ལས། མཉམ་མེད་སྒམ་པ་པོ་དེ་ཉིད་གདམས་ངག་གི་སྒྲོ་འདོགས་རྣམས་ཆོད་ནས། ཤར་ཕྱོགས་ལ་ འབྱོར་ཁར་ཆར་ཆེན་པོ་ཉིན་མཚན་མེད་པར་བབས་པས། བུ་སློབ་འགའ་ཐུགས་དུབ་པའི་རྣམ་པར་གྱུར་པའི་མཐར། ནམ་མཁའ་དྭངས་ཏེ་ཉི་མ་དྲོན་ པོ་ཤར་བའི་ཚེ། སློབ་དཔོན་བརྒྱད་རི་བོན་པོ་རིའི་རྩེ་ལ་སྐུ་ཁམས་བསང་དུ་བྱོན་ཏེ། ཀུན་ལ་ཐུགས་བདེ་བའི་ཉམས་ཤར་བ་ལས། ཆ་མེད་པའི་རས་ པ་རྣམས་ཀྱིས་ཚེ་རིང་མའི་གངས་མཐོང་ནས་གངས་ཕ་གི་ཅི་ལགས་ཞུས་པའི་ལན་དུ། རྗེ་བཙུན་གྱིས་གངས་མཐོན་མཐིང་རྒྱལ་མོའ་ི ཆེ་བརྗོད་འདི་ མགུར་དུ་གསུངས་སོ།།

རི་མཐོན་མཐིང་ལྷ་སྨན་རྒྱལ་མོའ་ི མགུལ། བྲག་བོན་པོ་རི་ཡི་རྩེ་མོ་ན། རང་བྱ་བ་བཏང་བའི་མི་བརྒྱད་ཚོགས། ཁྱེད་སྐྱིད་དུ་ཚོར་རམ་བུ་སློབ་རྣམས། ཕ་ང་ནི་ཉམས་དགའ་ཤེས་པ་བདེ། རྗེ་འབངས་བདེ་སྐྱིད་འཛོམས་དུས་འདིར། ང་མི་རྒན་སྐྱིད་རྟགས་དབྱངས་ཤིག་ལེན། ང་མི་རྒན་གླུ་རྒན་ལེན་ པ་དེ། བཀྲ་རྒན་བཅུ་གསུམ་ཤིས་པའི་རྟགས། བུ་བདེ་བ་སྐྱོང་དང་ཞི་བ་འོད། ཚུར་ཤོག་ཕ་ངའི་རམ་བུ་ཐེག དེ་རྗེས་རས་པ་གླུ་ལ་ཉོན། གདན་གང་ བཞུགས་པའི་རས་པ་རྣམས། གངས་འདི་ཁྱེད་ཀྱིས་མ་ཤེས་ན། ལྷ་སྨན་བཀྲ་ཤིས་ཚེ་རིང་ཡིན། རྐེད་པ་ཡན་ཆད་རྩེ་མོ་མཐོ། ཟུར་གསུམ་དུང་གི་བཤོས་ བཟང་འདྲ། མགུལ་ཆུ་དངུལ་གྱི་དྲ་བ་ལ། ཉི་འོད་འཆར་བ་གཞན་པས་སྔ། ཅོད་པན་ཤེལ་གྱི་ཟུར་ཕུད་ལ། རྒྱུན་དུ་སྤྲིན་དཀར་ལྡིང་བ་ཡིན། རྐེད་པ་ མན་ཆད་རྨང་གཞི་ལ། ན་བུན་སྐྱི་བུན་རྒྱུན་དུ་འཐིབས། ཆར་མི་དྲག་དལ་བུ་རྟག་ཏུ་འབབ། འཇའ་འོད་མཆོད་སྤྲིན་རྟག་ཏུ་འཆར། དེ་ཕྱུགས་ཀྱི་རྨ་ གཡང་འཛོམས་པའི་རྟགས། རི་དྭགས་མང་པོ་རྒྱུན་དུ་འཁོར། མེ་ཏོག་སྤང་རྒྱན་ཚོན་ཚོགས་བཀྲ། སྨན་ནུས་པ་ཅན་རྣམས་དེ་ལ་སྐྱེ། དེ་ལྷ་སྨན་གངས་ ཀྱི་ཆེད་བརྗོད་ཡིན། མི་ང་ཡི་སྒྲུབ་གནས་ཆེ་ཤོས་ཡིན། ཁྱེད་དྲི་བ་མཁན་གྱི་རས་པ་རྣམས། དབྱངས་དེ་ལྟར་སྙན་དུ་འཇོག་པར་ཞུ། ཞེས་གངས་མཐོན་ མཐིང་རྒྱལ་མོ་ལ་དགའ་ཞེན་དང་དུངས་སེམས་ཟབ་མོ་བཅངས་ནས་གངས་དེའི་ཆེ་བ་བརྗོད་ཡོད་དོ། (གངས་མཐོན་མཐིང་རྒྱལ་མོི་ནི། ཇོ་མོ་གླང་མ་རིའི་མིང་གཞན་ཏེ་ཧི་མ་ལ་ཡའི་རི་རྒྱུད་ཀྱི་རི་རྩེ་གཙོ་བོ་ཞིག་ཡིན་ཞིང་། རི་བོ་འདི་ནི་བལ་བོད་ གཉིས་ཀྱི་ས་མཚམས་སུ་ཡོད། དེའི་མཐོ་ཚད་རྒྱ་མཚོའི་ངོས་ལ་སྤྱི་ཁྲེ་བརྒྱད་སྟོང་བརྒྱད་བརྒྱ་བཞི་བཅུ་ཞེ་བརྒྱད་ཡོད་པས་འཛམ་གླིང་ཐོག་གི་རི་མཐོ་ ཤོས་ནི་རི་འདི་ཡིན་ནོ།)

༣ ཡང་ཤར་སྐལ་ལྡན་རྒྱ་མཚོའི་གསུང་མགུར་དུ་(རྫོང་ཉིན་བྲག་) སོགས་གནས་དབེན་པར་བསྔགས་པ་མཛད་པ་ནི། དབྱིངས་ཀུན་ཁྱབ་ཆོས་སྐུའི་ ནམ་མཁའ་ལ། བྱམས་བརྩེ་བའི་སྤྲིན་ཕུང་ཆེ་འཁྲིགས་ནས། གསུང་ལེགས་བཤད་ཆར་ཟིམ་འབེབས་མཁས་པ། ཕ་བློ་བཟང་བསྟན་འཛིན་ཞབས་ལ་ འདུད། བདག་ཕ་ཡུལ་བཞག་ནས་རི་ལ་འོངས། རི་བག་ཕེབས་ཉམས་དགའི་རྩེ་མོ་ནས། ཆོས་ཁ་ཏོན་ཅི་ནུས་བགྱིས་པའི་ཚེ། སེམས་སྐྱིད་པའི་སྣང་ བ་འདི་ལྟར་བྱུང་། བྱ་ཁུ་བྱུག་རི་སྐེགས་འཇོམ་མོ་དང་། བྱིའུ་འདིན་མ་བྱ་ཤང་གོང་མོ་སོགས། སྐད་ཀྱུར་ཀྱུར་སྙན་པའི་སྒྲ་འབྱིན་པས། སེམས་རང་ དབང་མེད་པར་སྐྱིད་དུ་བཅུག མདངས་རབ་མཛེས་མེ་ཏོག་ཚོགས་རྣམས་ལ། རྐང་དྲུག་ལྡན་སྦྲང་མའི་ཚོགས་འདུས་ནས། སྒྲ་དིར་དིར་ཟེར་ཞིང་ གླུ་བླངས་པས། སེམས་རང་དབང་མེད་པར་སྐྱིད་དུ་བཅུག ཤིང་ལྗོན་པའི་ཚོགས་རྣམས་གར་བསྒྱུར་ནས། རེས་མགོས་འདུད་ཤུབ་བུའི་སྔགས་འདྲེན་ ཞིང་། སྐབས་ཕལ་ཆེར་ཟིམ་མེར་འདུག་པ་དེས། སེམས་རང་དབང་མེད་པར་སྐྱིད་དུ་བཅུག སྤང་ལྗང་སེར་སྟེང་དུ་རི་དྭགས་ཚོགས། ཡིད་བག་ཕབ་ ལམ་ལམ་འགྲོ་བཞིན་དུ། བང་ཕན་ཚུན་རྩེ་རིགས་ཆེར་བྱེད་པས། སེམས་རང་དབང་མེད་པར་སྐྱིད་དུ་བཅུག ཆུ་ཧ་ཅང་མི་ཆེ་མི་ཆུང་བ། སྒྲ་མི་མཐོ་ མི་དམའ་རན་ཙམ་དུ། ཐག་ཉེ་རིང་འཚམ་པར་འབབ་པ་དེས། སེམས་རང་དབང་མེད་པར་སྐྱིད་དུ་བཅུག བྲག་ཕྱི་དབྱིབས་རི་ལ་ནང་ཁང་པ། ཆར་ ཁ་བ་བབས་ཚེ་ཆེར་སྲ་ཞིང་། དབྱར་ཉི་མས་གདུངས་ཚེ་བསིལ་སྟེར་བས། སེམས་རང་དབང་མེད་པར་སྐྱིད་དུ་བཅུག དྲི་བཟང་པོས་འཐུལ་བའི་ཤུག་ ཤུན་ལ། སྟན་སྔས་འབོལ་ལ་སོགས་ལེགས་བྱས་ནས། ས་སྲ་རླན་འཇིགས་ལས་བསྐྱབས་པ་དེས། སེམས་རང་དབང་མེད་པར་སྐྱིད་དུ་བཅུག ཀུན་ ཕར་འགྲོ་ཚུར་འགྲོའ་ི གཡེང་བ་མེད། རི་མཐོ་ཞིང་ལ་ཡང་ཆེར་གཟར་བས། སྒྲ་འར་འུར་མེད་པའི་འགོལ་བ་དེས། སེམས་རང་དབང་མེད་པར་སྐྱིད་དུ་ བཅུག ཇ་ཚྭ་མར་གཉིས་ཀྱི་སྡོར་ལྡན་པས། བཞིན་རབ་དཀར་འོ་མའི་དོན་ཆེད་དུ། ནོར་མཛོ་འབྲིའི་སྐུ་གཡོག་མི་དགོས་པས། སེམས་རང་དབང་མེད་ པར་སྐྱིད་དུ་བཅུག མི་གཞན་ལ་རེ་ལྟོས་མི་དགོས་པར། གཉེར་རང་གིས་བྱས་ནས་ནམ་འདོད་དུས། ཟས་བཏུང་བ་ཅི་བདེར་སྤྱད་པ་དེས། སེམས་རང་ དབང་མེད་པར་སྐྱིད་དུ་བཅུག ཅེས་པ་སོགས་ཀྱིས་དམ་པའི་ཆོས་སྒྲུབ་པའི་གནས་ལ་ཟང་ཟིང་འདུ་འཛི་མེད་པའི་གནས་དབེན་པ་ཧ་ཅང་བཟང་ བར་དངོས་སུ་བསྟན་པའི་ཤུགས་ལ། རང་བྱུང་ཁོར་ཡུག་དང་དེ་ལ་གནས་པའི་རི་སྐྱེས་སྲོག་ཆགས་སོགས་ལ་གཅེས་སྐྱོང་དང་བརྩེ་སེམས་ཟབ་མོ་ བཅངས་ཡོད་པ་དང་། ཁོར་ཡུག་དང་རི་སྐྱེས་སྲོག་ཆགས་ལ་གནོད་པ་བྱས་ན་ཧ་ཅང་ཐུགས་མི་དགྱེས་པ་ཤེས་ཐུབ་བོ།། དེས་ན་འདིར་གནས་བསྟོད་རེ་ཟུང་བཀོད་ནས་རྩོམ་པ་པོ་དག་གིས་རང་བྱུང་ཁམས་ལ་བརྩེ་དུངས་ཟབ་མོ་བཅངས་ཏེ་སྲུང་སྐྱོབ་བྱས་པའི་ཚུལ་ལ་ གཞིགས་ནས། འདིར་མ་བཀོད་པའི་གནས་བསྟོད་ཧ་ཅང་མང་པོ་ཡོད་པ་རྣམས་ཀྱང་རྗེས་སུ་དཔག་པའི་ཚཱུལ་གྱིས་ཤེས་པར་བྱ་བ་དང་། ཁྱད་པར་དུ་ འདིར་བཀོད་པའི་གངས་མཐོན་མཐིང་རྒྱལ་མོ་དང་ཕ་ཕམ་གཡུ་མཚོའི་བསྟོད་པའི་ནང་དུ། ཧི་མ་ལ་ཡའི་གངས་རི་ནི་རིན་པོ་ཆེའི་ཕུང་པོ་ཞིག་དང་ འཛམ་གླིང་གི་ལྟེ་བ་ཡིན་པར་བསྔགས་པ་དང་། མ་ཕམ་གཡུ་མཚོའང་ཕུན་སུམ་ཚོགས་པའི་འབྱུང་ཁུངས་ཤིག་ཏུ་ངོས་བཟུང་ནས་དགའ་ཞེན་གཅེས་

སྐྱོང་བྱེད་དགོས་པར་གདམས་ཡོད་པ་ནི། ང་ཚོས་ནམ་ཡང་བསླབ་བྱར་འཛིན་དགོས་པ་ཡིན།

དེར་སྐབས་ས་དཔྱད་རུ་ཁག་གིས་བརྟགས་དཔྱད་བྱས་ཏེ་ཧི་མ་ལ་ཡའི་རི་རྒྱུད་སོགས་ལས་གཏེར་སྣ་མི་འདྲ་བ་བརྒྱ་ལྷག་རྙེད་ཡོད་པ་དང་། དེ་ལས་ གཏེར་སྣ་བཅུ་ཙམ་ཞིག་ཕྱི་རྒྱལ་ནས་ནང་འདྲེན་བྱེད་དགོས་པའི་གཏེར་རྫས་ཧ་ཅང་རྩ་ཆེན་དང་དཀོན་པོ་ཡིན་ཚུལ་བརྙན་འཕྲིན་ནང་དུ་མཚམས་ སྦྱོར་བྱེད་བཞིན་ཡོད། དེ་ནི་དགའ་འོས་པ་ཞིག་ཀྱང་ཡིན་ལ། སྐྱོ་འོས་པ་ཞིག་ཀྱང་ཡིན། རྒྱུ་མཚན་ནི། གཏེར་སྣ་དེ་དག་སྔོག་འདོན་བྱས་ཏེ་བཟོ་ལས་ གོང་འཕེལ་དུ་སོང་ནས་རྒྱལ་ཁབ་ཀྱི་དཔལ་འབྱོར་དང་མི་མང་གི་འཚོ་བ་གོང་དུ་འཕེལ་བར་ཕན་པ་ཡོད་པ་དང་། ཡང་ཕྱོགས་གཞན་ཞིག་ནས་ བཤད་ན་གཏེར་སྣ་དེ་དག་སྔོག་འདོན་བྱས་ཏེ་ས་བཅུད་ཉམས་ཤིང་སྐྱེ་ཁམས་ཁོར་ཡུག་གི་རྣམ་པ་ཇེ་སྡུགས་སུ་གྱུར་ན། བོད་ཁམས་སྤྱི་མ་ཟད། རྒྱལ་ ཁབ་ཡོངས་དང་ཡ་གླིང་གི་ཕྱོགས་ཡོངས། མཐའ་ན་གོ་ལ་ཡོངས་སུ་ཚད་དང་རྣམ་པ་མི་འདྲ་བའི་ས་འགུལ་དང་། ཆུ་ལོག་ཐན་སྐྱོན། ནད་ཡམས་ སོགས་བཀྲ་མི་ཤིས་པ་འབྱུང་བནི་ལྡོག་ཏུ་མེད་པའི་ཆོས་ཉིད་ཅིག་ཡིན་པས། བོད་ཡུལ་མཐོ་སྒང་གི་རི་ཆུ་ནགས་ཚལ་མཚོ་རྫིང་སོགས་ལ་འཛམ་གླིང་ ཐུན་མོང་གིས་སྲུང་སྐྱོབ་བྱས་ནས་ཤིན་ཏུ་དགེ་མཚན་ཆེའ།ོ ། ༡༠ བསྔོ་སྨོན་རྩོམ་རིག་རྣམས་ལས་སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་མདོ་ཙམ་གླེང་བ།

བསྔོ་བ་དང་སྨོན་ལམ་ཞེས་པ་ནི། བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་བཤད་རྒྱལ་སྲས་འཇུག་ངོགས་ལས། བསྔོ་བ་དང་སྨོན་ལམ་ཁྱད་ པར་ཆེར་མེད་མོད་ཀྱི། འདོད་བྱའི་འབྲས་བུ་དོན་གཉེར་གྱི་འདུན་པས་ཁྱད་པར་དུ་བྱས་པ་སྨོན་ལམ་དང་། རྒྱུའི་དགེ་བ་རྣམས་འབྲས་བུ་དེའི་རྒྱུར་ འགྱུར་བའི་འདུན་པས་ཁྱད་པར་དུ་བྱས་པ་བསྔོ་བའོ། ཞེས་གསུངས་པ་དང་།

ཡང་བྱང་ཆུབ་སེམས་དཔའི་སྤྱོད་པ་ལ་འཇུག་པའི་ཚིག་འགྲེལ་འཇམ་དབྱངས་བླ་མའི་ཞལ་ལུང་བདུད་རྩིའི་ཐིག་པ་ལས། དེ་(བསྔོ་བ་དང་སྨོན་ལམ་) གཉིས་ཀྱི་ཁྱད་པར་རང་ལུགས་སུ་དགེ་བ་བསྒྲུབས་ནས་དེ་སེམས་ཅན་གྱི་དོན་དུ་རྫོགས་བྱང་དུ་བསྔོ་བ་དང་། དགེ་རྩ་བསགས་པ་དང་མ་འབྲེལ་བར་ སེམས་ཅན་ཐམས་ཅད་རྫོགས་བྱང་ཐོབ་པར་ཤོག་ཅིག་བསམ་པ་ལྟ་བུ་སྨོན་ལམ་ཡིན་ལ། ཞེས་གསུངས་པ་ལྟ་བུ་ལ་ཁྱད་པར་ཅུང་ཡོད་པ་ལྟར་སྣང་ ཡང་། མཐར་གཏུགས་ན་སྔོན་བྱོན་མཁས་པ་དག་གིས་བསྔོ་སྨོན་གྱི་ཁྱད་པར་གྱི་བཞེད་པ་ལ་མི་འདྲ་བ་ཆེར་མེད་སྙམ། དེས་ན་གངས་ཅན་ལྗོངས་སུ་རིག་གནས་རྒྱ་ཆེར་དར་བ་དང་། ཁྱད་པར་དུ་ནང་དོན་རིག་པ་རྒྱ་ཆེར་དར་བའི་འགྲོས་དང་བསྟུན་ཏེ་སྔོན་བྱོན་སྐྱེས་ བུ་དམ་པ་དག་གིས་དགེ་བའི་བྱ་བ་ཆེ་ཆུང་གང་ཞིག་བྱས་ནའང་། དེའི་དགེ་རྩ་གཞན་དོན་དུ་བསྔོ་བ་མཛད་པ་དང་། ཡང་ན་དབུལ་ཞིང་ཕོངས་ པའི་འགྲོ་བ་ཉམ་ཐག་པ་མཐོང་བ་དང་། ཡུལ་ཕྱོགས་ག་གེ་མོ་ཞིག་ལ་ནད་ཡམས་མུ་གེ་སོགས་བྱུང་ཡོད་པ་མཐོང་བ་དང་ཐོས་ན་དེ་སེལ་བར་སྨོན་ ལམ་འདེབས་པའི་སྲོལ་ཡོད་པས། བསྔོ་བ་དང་སྨོན་ལམ་བཏབ་པའི་རྩོམ་ནི་བགྲང་ལས་འདས་པ་ཞིག་ཡོད་པ་དང་། དེ་ཐམས་ཅད་ཀྱང་དངོས་དང་ བརྒྱུད་པའི་སྒོ་ནས་སྐྱེ་ཁམས་ཁོར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་པས། འདིར་མཚོན་བྱེད་ཙམ་ཞིག་དགོད་པར་བྱ་སྟེ། ཀོང་སྤྲུལ་ ཡོན་ཏན་རྒྱ་མཚོ་མཆོག་གིས་མཛད་པའི་(བོད་ཡུལ་བདེ་བའི་སྨོན་ལམ་)ཞེས་པར།

སྐྱབས་གནས་བསླུ་མེད་དཀོན་མཆོག་རྩ་བ་གསུམ། ཁྱད་པར་གངས་ཅན་མགོན་པོ་སྤྱན་རས་གཟིགས། རྗེ་བཙུན་སྒྲོལ་མ་གུ་རུ་པདྨ་འབྱུང་། གསོལ་ བ་འདེབས་སོ་ཐུགས་དམ་ཞལ་བཞེས་དགོངས། སྨོན་ལམ་ཡོངས་སུ་འགྲུབ་པར་བྱིན་གྱིས་རློབས། སྙིགས་དུས་འགྲོ་རྣམས་བསམ་སྦྱོར་ལོག་པ་དང་། ཕྱི་ནང་འབྱུང་བ་འཁྲུགས་པའི་རྒྱུ་རྐྱེན་གྱིས། སྔར་མ་གྲགས་པའི་མི་ཕྱུགས་དལ་ཡམས་ནད། གཟའ་ཀླུ་རྒྱལ་གདོན་ནག་ཕྱོགས་འབྱུང་པོའ་ི ཟེར། བཙའ་ ཟད་སེར་གསུམ་ལོ་ཉེས་དམག་འཁྲུག་རྩོད། ཆར་ཆུ་མི་སྙོམས་གངས་ཅན་བྲ་བྱའི་ཐན། ས་གཡོས་མེ་དགྲ་འབྱུང་བཞིའི་འཇིགས་པ་དང་། ཁྱད་པར་ བསྟན་ལ་འཚེ་བའི་མཐའ་དམག་སོགས། གངས་ཅན་ལྗོངས་འདིར་གནོད་ཚེའི་རིགས་མཐའ་དག མྱུར་དུ་ཞི་ཞིང་རྩད་ནས་འཇོམས་གྱུར་ཅིག མི་ དང་མི་མིན་འགྲོ་བ་མཐའ་དག་གི། རྒྱུད་ལ་བྱང་ཆུབ་སེམས་མཆོག་རིན་པོ་ཆེ། ངང་གིས་སྐྱེས་ནས་གནོད་འཚེའི་བསམ་སྦྱོར་བྲལ། ཕན་ཚུན་བྱམས་ པའི་སེམས་དང་ལྡན་ནས་ཀྱང་། བོད་ཡུལ་མཐའ་དབུས་བདེ་སྐྱིད་དཔལ་གྱི་འབྱོར། སངས་རྒྱས་བསྟན་པ་དར་རྒྱས་ཡུན་གནས་ཤོག རྩ་གསུམ་རྒྱལ་ བ་སྲས་བཅས་བདེན་པའི་སྟོབས། འཁོར་འདས་དགེ་བའི་རྩ་བ་གང་མཆིས་དང་། བདག་ཅག་ལྷག་བསམ་རྣམ་པར་དཀར་བའི་མཐུས། གསོལ་བཏབ་ སྨོན་པའི་འབྲས་བུ་འགྲུབ་གྱུར་ཅིག། ཅེས་སྨོན་ལམ་བཏབ་པའི་དོན་ལ་སོམས་དང་། སྙིགས་དུས་ཀྱི་འགྲོ་བ་རྣམས་ཀྱི་བསམ་སྦྱོར་ལོག་པ་སྟེ་འདོད་ཆགས་དང་། ཞེ་སྡང་། གཏི་མུག ང་ རྒྱལ། ཕྲག་དོག་ལ་སོགས་པའི་ཀུན་ནས་བསླངས་པའི་བསམ་པ་ངན་པ་དང་། བསམ་པ་དེས་རྒྱུ་བྱས་ཏེ་ཁོར་ཡུག་གི་རི་ཆུ་མཛེས་ལྗོངས་ལ་གཏོར་ བརླག་དང་། རི་སྐྱེས་སྲོག་ཆགས་སོགས་ཀྱི་ཚེ་སྲོག་ལ་གནོད་འཚེ་དང་། ཐ་ན་མིའི་འགྲོ་བ་རང་ཅག་གིས་ཕན་ཚུན་ལ་གནོད་འཚེ་བྱེད་པ་སོགས་ ཀྱི་སྦྱོར་བ་ལོག་པའི་དབང་གིས། ཕྱི་དང་ནང་གི་འབྱུང་བ་ཆ་མི་སྙོམས་པར་འཁྲུགས་པ་དང་། དེའི་རྐྱེན་གྱིས་མི་དང་ཕྱུགས་ལ་སྔར་བྱུང་མ་མྱོང་བའི་ ནད་ཡམས་བྱུང་བ་དང་། མི་མིན་འབྱུང་པོའ་ི རིགས་ཀྱི་གནོད་འཚེ་དང་། བཙའ་སད་སེར་གསུམ་གྱིས་ལོ་ཏོག་ལ་གནོད་པ་དང་། ས་གཡོ་བ་དང་རླུང་ ཆེན་གཡུག་པ། མེ་དགྲ་འབྱུང་བ་དང་ཆུ་ལོག་བརྡོལ་བ་སོགས་འབྱུང་བ་བཞིའི་གནོད་པ་བྱུང་དང་འབྱུང་བཞིན་པ་ཞི་བར་སྨོན་ལམ་བཏབ་པ་འདི་ ལ། དེང་དུས་ཀྱི་ཁོར་ཡུག་སྲུང་སྐྱོབ་ཅེས་པ་དང་། འཛམ་གླིང་ཞི་བདེ་ཡོང་བར་སྨོན་པ་བཅས་ཀྱི་དོན་ཡར་ལྡན་དུ་ཚང་བ་དང་། བོད་ཡུལ་བདེ་བའི་ སྨོན་ལམ་ཞེས་པའི་རྩོམ་ཡིག་འདིའི་དོན་ནང་དོན་རིག་པ་དང་སྦྱར་ཏེ་རྒྱ་ཆེར་བཤད་དུ་ཡོད་ཀྱང་དེ་ཙམ་གྱིས་ཆོག་པར་བྱ་ལ། ཤེས་འདོད་པ་དག་ གིས་རང་དོན་རིག་པའི་གཞུང་དང་སྦྱར་ཏེ་ཞིབ་ཏུ་རྟོགས་པར་བྱ་བ་དང་། སྨོན་ལམ་འདི་བཞིན་དུ་སྔོན་བྱོན་སྐྱེས་བུ་དམ་པ་རྣམས་ཀྱིས་མཛད་པའི་ བསྔོ་སྨོན་གཞན་དང་གཞན་མང་པོ་ཡོད་པ་རྣམས་ཀྱང་རིགས་བསྒྲེ་ཏེ་རྗེས་སུ་དཔག་པའི་ཚུལ་གྱིས་ཁོང་དུ་ཆུད་པར་བྱའོ།། སྤྱིར་རྩོམ་རིག་ནི་རྣམ་པ་མང་ཞིང་ནང་དོན་ཕུན་སུམ་ཚོགས་པ་ཞིག་ཡིན་པ་དང་། དེ་ཡང་རྩོམ་ཡིག་གི་རྣམ་པ་ཇི་འདྲ་ཞིག་ཡིན་ཀྱང་། དེའི་ནང་

དུ་བསམ་བློ་དང་བརྩེ་དུངས་ངེས་ཅན་ཞིག་འདུས་ཡོད་ལ། ལེགས་ཉེས་སྤང་བླང་གི་ཆ་དང་དགའ་སྐྱོ་བསྟོད་སྨད་ཀྱི་འདུ་ཤེས་ངེས་ཅན་ཞིག་འདུས་ ཡོད་པས། རྩོམ་རིག་ནི་སྤྱི་ཚོགས་ཀྱི་འདུ་ཤེས་འཛིན་སྟངས་རིགས་ཤིག་ཡིན་པ་དང་། སྤྱི་ཚོགས་ཀྱི་འཚོ་བ་ངེས་ཅན་ཞིག་མིའི་རིགས་ཀྱི་ཀླད་པའི་ ནང་ཚུར་སྣང་བའི་ཐོན་དངོས་ཤིག་ཡིན་པར་བཤད་ཡོད་པས། ང་ཚོ་བོད་ཀྱི་རྩོམ་རིག་ཀྱང་དེ་ལས་མ་འདས་པ་ཞིག་ཡིན། དེས་ན་ང་ཚོ་བོད་ཀྱི་རྩོམ་ རིག་ལ་དབྱེ་སྒོ་མི་འདྲ་བ་ཡོད་ནའང་། འདིར་རྩོམ་པ་པོས་བརྩམས་པའི་རྩོམ་རིག་དང་། དམངས་ཁྲོད་རྩོམ་རིག་གཉིས་སུ་དབྱེ་ཆོག རྩོམ་པ་པོས་ བསྩམས་པའི་རྩོམ་རིག་ཅེས་པ་ནི། རྩོམ་རིག་ལ་གཏོགས་པའི་བརྩམས་ཆོས་གང་ཞིག་ཡིན་ཀྱང་རྩོམ་པ་པོ་འདི་དང་གན་ཞེས་ངོས་འཛིན་རྒྱུ་ཡོད་ པའི་རྩོམ་རིག་བརྩམས་ཆོས་ཤིག་ལ་ཟེར། དམངས་ཁྲོད་རྩོམ་རིག་ཅེས་པ་ནི། སྤྱིར་རྩོམ་པ་པོ་མེད་པའི་རྩོམ་ཞིག་མི་སྲིད་དེ། དེ་སྲིད་ན་རྒྱུ་མེད་པའི་འབྲས་བུ་ཡོད་པར་འདོད་དགོས་ལ། ཡིན་ ནའང་རྩོམ་རིག་བརྩམས་ཆོས་ལ་ལ་ཞིག་གིས་རྩོམ་པ་པོ་འདི་དང་གན་ཞེས་མཐའ་གཅིག་ཏུ་ངོས་འཛིན་རྒྱུ་མེད་ནའང་། དམངས་ཁྲོད་དུ་ཧ་ཅང་ དར་ཁྱབ་ཆེ་བའི་རྩོམ་གྱི་རིགས་ལ་དམངས་ཁྲོད་རྩོམ་རིག་ཟེར།

དེས་ན་རྩོམ་པ་པོས་བརྩམས་པའི་རྩོམ་རིག་ལ་རྣམ་ཐར་དང་། སྐྱེས་རབས། རྟོགས་བརྗོད། ལེགས་བཤད། མགུར་གླུ། ཀ་བཤད་དམ་ཀ་རྩོམ། བསླབ་བྱ། འབེལ་གཏམ། སྤྲིངས་ཡིག གཏེར་ཡིག སྙན་ངག གནས་བསྟོད། ལུགས་ཀྱི་བསྟན་བཅོས། གཏམ་ཚོགས་སོགས་མང་དུ་ཡོད་པ་དག་ལ་རྩོམ་པ་པོས་ བརྩམས་པའི་རྩོམ་རིག་ཟེར། དམངས་ཁྲོད་རྩོམ་རིག་ལ། སྒྲུང་དང་། གླུ། གཞས། ཁེད། གཏམ་དཔེ་སོགས་མང་དུ་ཡོད་པ་དག་ལ་དམངས་ཁྲོད་རྩོམ་རིག་ཟེར།

དེས་ན་གོང་དུ་མགུར་གླུ་རྟོགས་བརྗོད་སོགས་བཅུ་བཀོད་པ་ནི་རྩོམ་པ་པོས་བརྩམས་པའི་རྩོམ་རིག་ཁག་གཅིག་ཡིན་ལ། ཐམས་ཅད་དགོད་པ་ནི་ ཧ་ཅང་དཀའ་སྟེ། སྔོན་ནས་ད་ལྟའི་བར་དུ་གནམ་གྱིས་ས་བཀབ་པ་ལྟ་བུའི་མཁས་པ་མང་དུ་བྱུང་བ་དང་། མཁས་པ་དེ་དག་གིས་བརྩམས་པའི་རྩོམ་ རིག་གི་གླེགས་བམ་བྲག་རི་བརྩིགས་པ་ལྟ་བུ་ཡོད་པས་སོ།

རྩོམ་རིག་དེ་དག་དངོས་དང་བརྒྱུད་པའི་སྒོ་ནས་སྐྱེ་ཁམས་ཁོིར་ཡུག་སྲུང་སྐྱོབ་ལ་འབྲེལ་བ་ཡོད་པ་ཤ་སྟག་ཡིན་ཏེ། བོད་ཀྱི་རིག་གནས་ཐམས་ཅད་ ཀྱི་རབ་དང་ཕུལ་དང་གཞུང་ཤིང་ལྟ་བུར་གྱུར་པ་ནི་ནང་དོན་རིག་པ་ཡིན་ལ། ནང་དོན་རིག་པའི་བསམ་བློའ་ིཤན་མ་ཞུགས་པའི་བོད་ཀྱི་རྩོམ་རིག་ནི་ ཧ་ཅང་ཉུང་བ་དང་། ནང་དོན་རིག་པའི་བསམ་བློ་ནི། ངེས་འབྱུང་གི་བསམ་པ། བྱམས་སྙིང་རྗེ། བྱང་ཆུབ་ཀྱི་སེམས། ཡང་དག་པའི་ལྟ་བ་སྟེ་ལམ་གྱི་ གཙོ་བོ་རྣམ་གསུམ་གྱི་ཀུན་ནས་བསླངས་ཏེ། གཞན་ལ་གནོད་འཚེ་ཡེ་མི་བྱེད་པ། ཁེ་དང་རྒྱལ་ཁ་གཞན་ལ་སྟེར་བ། གྱོང་དང་ཕམ་ཁ་རང་གིས་ཁུར་ དགོས་པ་སོགས་ཆེས་དཀོན་པ་དང་ཚད་མཐོ་བའི་བསམ་བློ་ཞིག་ཡིན། གཞན་ཞེས་པ་དེ་ཡང་རང་ལ་ཚེ་འདིར་འབྲེལ་འདྲིས་ཡོད་པའི་མི་འགའ་རེ་ ཙམ་ལ་མི་གོ་བ་དང་། སྐྱེ་བ་སྔ་ཕྱི་ཁས་ལེན་པས་ཚེ་རབས་ལ་ཐོག་མ་མེད་པ་དང་། ཚེ་རེ་རེ་ལ་མ་རེ་ཡོད་པ་ཡིན་པས། སེམས་ཅན་ཐམས་ཅད་ཀྱི་ ནང་རང་གི་ཕ་མར་མ་གྱུར་པ་མེད། དེས་ན་ད་རེབ་ཀྱི་ཕ་མ་རང་ལ་དྲིན་ཆེ་བ་བཞིན་དུ་སེམས་ཅན་ཐམས་ཅད་རང་ལ་དྲིན་ཆེ་བ་ཤ་སྟག་ཡིན་པས། སེམས་ཅན་ཐམས་ཅད་ལ་གནོད་འཚེ་མི་བྱེད་པར་ཕན་པ་སྒྲུབ་དགོས་པར་གསུངས་ཡོད་པའི་བསམ་བློས་བོད་ཀྱི་རྩོམ་རིག་ཕལ་མོ་ཆེ་ལ་ཁྱབ་ཡོད་ དོ།། མདོར་ན། སྐྱེ་ཁམས་ཁོར་ཡུག་སྲུང་སྐྱོབ་ཅེས་པ་ནི། སྣོད་དང་བཅུད་ཀྱི་འཇིག་རྟེན་ལ་གཅེས་སྐྱོང་བྱེད་དགོས་པ་དེ་ཡིན་པས། སེམས་ཅན་ཐམས་ ཅད་རང་གི་ཕ་མ་ལྟར་གཅེས་པར་བཟུང་། སེམས་ཅན་ཐམས་ཅད་གནས་སའི་སྣོད་ཀྱི་འཇིག་རྟེན་ལ་ཕ་མ་གནས་སའི་ཁྱིམ་གཞི་ལྟར་དོ་དམ་གང་ ལེགས་བྱེད་རྒྱུ་བྱུང་ན། སྐྱེ་ཁམས་ཁོར་ཡུག་སྲུང་སྐྱོབ་ཅེས་པ་བྱུང་བ་ཡིན་ནོ།།

ལེའུ་གསུམ་པ། ད་ལྟའི་བོད་ཀྱི་སྐྱེ་ཁམས་སྤྱིའི་གནས་བབ། མེས་པོའ་ི འཕྲུལ་གྱིས་རྩེན་པའི་ཡ་རབས་སྲོལ།། དབྱར་མཚོ་ལྟར་རྒྱས་ཁོར་ཡུག་སྲུང་སྐྱོབ་པའི།། ཐབས་ཚུལ་ལོ་རྒྱུས་ཕྲེང་མཛེས་མངོན་སྤེལ་གང་།། ད་ལྟའི་དུས་འདིར་དྲན་པའི་ཡིད་རེ་སྐྱོ།།

༄༅། །འཛམ་གླིང་གི་ཡང་རྩེའི་གོ་ལའི་སྒལ་ཚིགས་ཞེས་གྲགས་པའི་མདོ་དབུས་མཐོ་སྒང་ནི་དུས་རབས་རིང་མོ་ཞིག་ལ་གསང་བའི་ཡོལ་རས་ཀྱིས་ བསྒྲིབས་པའི་ལྷིང་འཇགས་ཀྱི་ཞིང་ཁམས་ཤིག་ཡིན་པས། ནམ་མཁའ་སྔོ་ཞིང་བསངས་པ། ཆུ་བོ་དྭངས་ཤིང་གཙང་བ། ས་གཞི་ལྗང་ཞིང་སྣུམ་པ། ཕལ་ ཆེར་དུས་རབས་ཉི་ཤུ་བའི་ལོ་རབས་དྲུག་ཅུའི་བར་དུ་རང་བྱུང་ཁོར་ཡུག་ལ་དངོས་སུ་གནོད་སྐྱོན་མ་བཏང་བ་འདྲ། ལོ་རབས་དྲུག་ཅུའི་ཚུན་ལ་ས་ རྒོད་སློག་ནས་ཞིང་སར་བསྒྱུར་བ། ནགས་ཚལ་བཅད་ནས་འཛུགས་སྐྲུན་བྱེད་པ། གཏེར་ཁ་སློག་ནས་དཔལ་འབྱོར་སྤེལ་བ། སྨན་རྩྭ་བརྐོས་ནས་ཚོང་ རྭར་འགྲིམས་པ། རི་དྭགས་བསད་ནས་ཤ་ཁྲག་པགས་གསུམ་བཀོལ་བ་སོགས་ཚད་མེད་དང་བག་མེད་ཀྱི་བརྡབ་གསིག་བཏང་བས་རང་བྱུང་ཁམས་ ཆེན་པོས་ཀྱང་དྲིན་ཅན་ལ་དྲིན་ལན་འཇལ་བཞིན་པ་ང་ཚོའི་མངོན་སུམ་དུ་མཐོང་བ་ནི་རྩྭ་ཐང་བྱེ་མ་ཅན་དུ་འགྱུར་བ། ཆུ་སྣ་ཉམས་པས་ལོ་རེ་ལས་ ལོ་རེར་ཐན་སྐམ་དང་ཡང་ན་ཆུ་ལོག་གི་གནོད་འཚེ་ཐེབས་པ། བྱ་རིགས་ཀྱི་གསུང་སྙན་མི་གོ་བ། སྟག་གཟིག་དོམ་དྲེལ་ཕར་ཞོག འབྲོང་། གཙོད། ཤྭ་ བ། གླ་བ། གནའ་བ་སོགས་ཀྱང་མིག་གིས་མཐོང་སར་མེད་པ། སེམས་ཅན་གྲངས་མེད་པའི་ཤ་ཁྲག་ལ་རོལ་བས་ནད་ཡམས་འགོས་པ་སོགས་ཀྱིས་མིའི་ རིགས་ཀྱི་སེམས་ཤུགས་ཉམས་པ་དང་དངངས་སྐྲག་གི་སྡུག་བསྔལ་བཟོད་གླགས་མེད་པ་སྟེར་བ། བཟོ་ལས་དར་སྤེལ་དང་ལྷག་ཏུ་དུག་རྫས་བཟོ་གྲྭ་

སོགས་རྒྱ་ཆེར་བཏང་སྟེ་རང་བྱུང་མཁའ་དབུས་བཙོག་པ་བཟོས་པས་སའི་གོ་ལའི་མཁའ་དབུགས་ཇེ་དྲོར་གྱུར་པ་དང་། སྤྱི་ལོ་༡༩༨༥ལོར་སྣེ་གླིང་གི་ བར་སྣང་དུ་དྲི་ངན་དབྱང་རིལ་གྱི་སྟོང་ཆ་མངོན་པ་དང་། སྤྱི་ལོ་༡༩༩༩ལོར་ཚན་རིག་པས་ཐེངས་དང་པོར་མདོ་དབུས་མཐོ་སྒང་གི་བར་སྣང་དུ་དྲི་ ངན་དབྱང་རིམ་གྱི་སྟོང་ཆ་ཡོད་པ་ཤེས། དེས་མ་འོངས་པའི་སའི་གོ་ལའི་དྲོ་ཚད་ཇེ་མཐོར་འགྱུར་བ་དང་མིའི་རིགས་ལ་བསྐལ་བ་མེ་ཡིས་འཇིགས་ པའི་འཇིག་སྣང་གི་སྔོན་བརྡ་སྟོན་བཞིན་ཡོད། དྲི་ངན་དབྱང་རིམ་བཙོག་འགྱུར་བཟོས་པས་ཉི་མའི་ཚ་ཟེར་གྱིས་རང་བྱུང་ཁམས་ཀྱི་སྐྱེ་དངོས་ལ་ གནོད་སྐྱོན་ཐེབས་པ་དང་། དེས་འཇིག་རྟེན་ཁམས་གྱི་མི་དང་དུད་འགྲོ་སྲོག་ཆགས་ཀྱི་འཚོ་གནས་ལ་ཆག་འཇིག་གཏོང་བ་མི་དང་དུད་འགྲོའ་ི བར་ དུ་ནད་ཡམས་སྣ་ཚོགས་འགོ་བ། པགས་རིགས་ཀྱི་ནད་དང་མིག་ནད་ལིང་ཏོག་གི་ནད་ཐེབས་སླ་བ་སོགས་མངོན་སུམ་དུ་གྲུབ། ད་ནི་མདོ་དབུས་མཐོང་སྒང་གི་སྐྱེ་ཁམས་ཀྱི་གནས་བབ་གླེང་བ་ལ། རྩྭ་སའི་ཐད་ནས་མདོ་དབུས་མཐོ་སྒང་གི་རང་བྱུང་ཁོར་ཡུག་སྡུག་ཅིང་ས་རྒྱའི་ བང་རིམ་སྲབ་པ། འབབ་ཞོད་ཆུང་ལ་བྱེ་རླུང་ཆེ་བས་སྐྱེ་དངོས་མ་ལག་གི་སྐྱེ་སྟོབས་ཉམ་ཆུང་དང་། གལ་སྲིད་དེ་ལ་གཏོར་སྐྱོན་ཐེབས་ན་ཉམས་པ་ སོར་ཆུད་བྱེད་རྒྱུ་ཤིན་ཏུ་ནས་ལས་སླ་བོ་ཞིག་མ་ཡིན་ནོ། །

རྩྭ་སའི་སྐྱེ་དངོས་ལ་བྱེ་རླུང་འགོག་པ་དང་། ས་ཆུ་སྲུང་འཛིན། ས་གཞི་ལེགས་བསྒྱུར། མཁའ་དབུགས་གཙང་བཟོ། ཁོར་ཡུག་མཛེས་འགྱུར་གྱི་ནུས་ པ་ལྡན། སྤྱིར་བཏང་ཀྲུང་གོ་རྒྱལ་ཁབ་ལ་རང་བྱུང་རྩྭ་ས་སྣ་ཚོགས་སྤྱི་ཆིང་༣༩༢༨༣ཡོད་པ་དེས་རྒྱལ་ཁབ་ཀྱི་ས་རྒྱའི་༤༠%ཟིན་པ། ལོ་རབས་དྲུག་ ཅུའི་ཚུན་ལ་བསྡོམས་རྩིས་དཔྱད་གཞི་ལྟར་ན། རྩྭ་ས་ཞན་འགྱུར་གྱི་རྒྱ་ཁྱོན་ལོ་རེར་སྤྱི་ཆིང་ཁྲི་༢༠༠ཇེ་ཆེར་འགྲོ་བ་དང་། ཞན་འགྱུར་གྱི་ཚད་ལོ་རེར་ ༠་༥%ཟིན། རྩྭ་ར་བསྐོར་བ་དང་འཛུག་སྐྲུན་ཐད་ཀྱི་མྱུར་ཚད་ལོ་རེར་༠་༣ལས་མེད། མཚོ་སྔོན་ཞིང་ཆེན་ནི་རང་རྒྱལ་གྱི་ཕྱུགས་ལས་ས་ཁུལ་ལྔའི་ ནང་གི་གཅིག་ཡིན། ཞིང་ཆེན་ཡོངས་ལ་སྤྱི་ལེ་གྲུ་བཞི་མ་ ༧༢ ཡོད་པ་ལས་ཕྱུགས་ལས་ས་ཁུལ་གྱིས་༩༦%ཟིན། རྩྭ་ས་ནི་ཕྱུགས་ལས་ཐོན་སྐྱེད་ཀྱི་ རྟེན་གཞི་ཉག་ཅིག་ཡིན་མོད། དེ་ཡང་མཚོ་སྔོན་ཞིང་ཆེན་ལ་མཚོན་ན། རྩྭ་ས་མུའུ་དུང་ཕྱུར་༡༠༩ཞན་འགྱུར་བྱུང་ཞིང་རྩ་སའི་སྤྱིའི་རྒྱ་ཁྱོན་གྱི་༡༩་ ༩༣%ཟིན། མཚོ་སྔོན་ལྷོ་རྒྱུད་མགོ་ལོག་དང་ཡུལ་ཤུལ། རྨ་ལྷོའ་ོ རྩྭ་ས་ཞན་འགྱུར་གྱིས་འབྲོག་པའི་ཐོན་སྐྱེད་དང་འཚོ་བའི་ཐད་འགལ་རྐྱེན་བཟོ་མུས་ དང་། རྩྭ་ཐང་གི་སྐྱེ་དངོས་ཁྱབ་ཚད་ཇེ་དམའ་རུ་སོང་སྟེ་རྩྭ་སའི་ཆུ་སྲུང་འཛིན་གྱི་ནུས་པ་ཇེ་ཞན་དུ་གྱུར་ཅིང་ས་ཆུ་ཤོར་ཚད་ཇེ་མགྱོགས་སུ་ཕྱིན། རྨ་ ཆུ་དང་འབྲི་ཆུའི་རྒྱུད་དུ་མུའུ་དུང་ཕྱུར་༡་༦༡%ཏུ་སླེབས། གོང་གསལ་རྩྭ་སའི་ཁོར་ཡུག་བཙོག་འགྱུར་གྱི་རྒྱུ་རྐྱེན་གཙོ་བོ་ནི་རང་བྱུང་གི་ས་གཤིས་ ཆ་རྐྱེན་ཅུང་ཞན་པ་དང་། གནམ་གཤིས་སྡུག་པོ་ཡིན་པ། ཨ་བྲའི་གནོད་སྐྱོན་ཚབས་ཆེ་བ། མེ་སྐྱོན་མང་བ། ས་ནག་ཐང་དུ་འགྱུར་ཚད་མགྱོགས་པ་ སོགས་ལས་གཞན། གང་བྱུང་དུ་རྩྭ་ས་སློག་པ་དང་། འོས་མིན་གྱིས་རྩྭ་ས་བེད་སྤྱོད་བྱས་པ་བཅས་ཀྱིས་རེད། རྩྭ་ས་བྱེ་ཐང་ཅན་དུ་འགྱུར་བ་དང་སྐྱེ་ ཁམས་ཁོར་ཡུག་ཞན་འགྱུར་གྱི་རྒྱུ་རྐྱེན་ཁྲོད། ས་རྒོད་གང་བྱུང་དུ་སློག་པ་དེས་༢༥་༤%ཟིན། ཕྱུགས་གྲང་ཚད་བརྒལ་གྱིས་ ༢༨་༣%ཟིན། རྩི་ཤིང་སྨན་ རྩ་བརྐོས་ཚད་ཀྱིས་༣༡་༨%ཟིན། བཟོ་གྲྭ་དང་འགྲིམ་འགྲུལ། གྲོང་བརྡལ་འཛུགས་སྐྲུན་གྱིས་༠་༨༠%ཟིན། སྟོད་རྒྱུད་ཀྱི་རྨང་ཆུའི་ཐོན་ཁུངས་བེད་སྤྱོད་ ཚད་ལས་བརྒལ་བས་སྨད་རྒྱུད་ཀྱི་སྐྱེ་དངོས་ཉམས་ཚད་༨་༣%ཟིན། རྩྭ་ས་མང་པོ་བརླགས་ནས་ས་ནག་ཐང་དུ་བསྒྱུར་བ། ཞིང་ལས་ཀྱིས་ཕྱུགས་ལས་ བཅོམ་པ་དང་བྱེ་རླུང་གིས་ཞིང་ལས་བསྣུབས་པའི་གནས་ཚུལ་གྱིས་རྩྭ་སར་གཏོང་བརླག་ཚབས་ཆེན་ཐེབས་པ། གཞན་ཡང་རྩྭ་སའི་སྟེང་གི་བུད་ཤིང་ གང་རུང་དུ་གཅོད་པ། སྡོང་ཕྲན་ནགས་ཚལ་བརླག་པ། སྨན་རྩྭ་བརྐོ་བ། རི་དྭགས་གསོད་པ་སོགས་ཀྱིས་ཀྱང་རྩྭ་སའི་སྐྱེ་ཁམས་ཞན་འགྱུར་དང་བྱེ་ ཐང་ཅན་དུ་འགྱུར་བའི་ཕྱོགས་ལ་རྐྱེན་ངན་གང་མང་བཏོན་པའོ། (དེང་རབས་མཚོ་སྔོན་ལོ་རྒྱུས་བསྡུས་པ་)ལས། ༡༩༥༩ལོར་མཚོ་སྔོན་ཞིང་ཨུ་ནས་ ས་རྒོད་སློག་རྒྱུའི་རྩ་འཛུགས་ལྟར་འབྲོག་ཁུལ་འབྲུ་རིགས་ཀྱི་ལྟེ་གནས་སུ་བསྒྱུར་བའི་ཞིང་ལས་འཕེལ་རྒྱས་ཀྱི་སྲིད་ཇུས་ལག་བསྟར་བྱས་ཏེ། སྤྱི་ལོ་ ༡༩༥༨་་་༡༩༦༠བར་ས་གནས་ཀྱི་འབྲོག་དམངས་སྐུལ་སློང་སྒོས་ས་རྒོད་སློག་པ་ལས་གཞན་ཧུ་ནན་དང་ཧྲང་ཏུང་ནས་ན་གཞོན་ཁྲི་བཅུ་དང་བཙོན་པ་ མང་པོ་དྲངས་ནས་ཞིང་ལས་རྭ་བ་བཞི་བཅུ་ལྷག་བཙུགས་ཏེ་ཞིང་ཆེན་ཡོངས་ཀྱི་ས་རྒོད་མུའུ་ཁྲི་༦༠༠ལྷག་སློག་པ་ལས་མུའུ་ཁྲི་བརྒྱ་ལྷག་རྩྭ་ས་དང་། མུའུ་ཁྲི་༡༥༠ལྷག་གི་ནགས་ཚལ་བཅད་དེ་ཞིང་སར་བསྒྱུར་བ། མཐོ་སྒང་གི་ནམ་ཟླ་འཁྱག་གྲང་འོག་བྱེ་ཐང་ཅན་དུ་གྱུར་པ་རེད་ཟེར། བོད་ལྗོངས་ལ་མཚོན་ན་བཀོལ་སྤྱོད་བྱས་ཆོག་པའི་རྩྭ་སའི་རྒྱ་ཁྱོན་མུའུ་དུང་ཕྱུར་བརྒྱད་ཡོད་པ་ལས་ ༣༥%རྩྭ་ས་ཞན་འགྱུར་དང་། དེའི་ནང་གི་ཕལ་ ཆེར་མུའུ་དུང་ཕྱུར་༡་༤%རྩྭ་ས་ཞན་འགྱུར་ཚབས་ཆེན་དུ་གྱུར་ཡོད། རྩྭ་ས་བྱེ་འགྱུར་ཅན་མུའུ་ཁྲི་༥༠༠༠རྩྭ་ས་ཞན་འགྱུར་གྱི་སྐྱེ་དངོས་ཉམས་པས་ས་ རྗེན་དུ་གྱུར་ཡོད། བོད་ལྗོངས་ནག་ཆུ་ས་ཁུལ་དུ་ལོ་རབས་དྲུག་ཅུ་བར་རྩྭ་ཐང་གི་རྩྭ་རའི་ནང་སྤྱི་ཆིང་གཅིག་གི་སྟེང་ལ་རྩྭ་སྤྱི་རྒྱ་༢༧༦༠སྐྱེས་པ་དང་ ། རང་བྱུང་རྩྭ་ཐང་དུ་ས་སྤྱི་ཆིང་གཅིག་གི་སྟེང་རྩྭ་སྤྱི་རྒྱ་༡༡༧༥སྐྱེས་ཐུབ། ལོ་རབས་དགུ་བཅུའི་ནང་རྩྭ་རྭ་སྤྱི་ཆིང་གཅིག་ལ་རྩྭ་སྤྱི་རྒྱ་༡༡༠༧ནས་རྩྭ་ཐང་ དུ་སྤྱི་རྒྱ་༥༡༡རུ་མར་བབས་སོ།། གཏེར་ཁ་བརྐོས་ནས་རྩྭ་ཐང་གཏོར་བརླག་ཐེབས་པ།

དཔེར་ན། མཚོ་སྔོན་ཞིང་ཆེན་གྱི་པདྨ་རྫོང་གིས་ལོ་རབས་བརྒྱུད་ཅུའི་མཇུག་ཏུ་ས་འོག་ནས་གསེར་གྱི་གཏེར་ཁ་ཡོད་པ་ཤེས་རྗེས་རྫོང་སྲིད་གཞུང་ ནས་ཐོན་ཁུངས་གསར་གཏོད་ཀྱི་འབོད་སྐུལ་འོག་སྤྱི་ལེ་༡༢༠རྡོ་ཁོག་ཆུའི་བརྒྱུད་དུ་ཡོ་བྱད་ཐབས་ཆག་ཅན་གྱི་གཏེར་ཁ་སྔོག་འདོན་རུ་ཁག་རྩ་ འཛུགས་བྱས་ཏེ། སྤྱི་ལོ་༡༩༩༠་་་༡༩༩༨བར་གསེར་སྤྱི་རྒྱ་༩༥༠བརྐོས། བཟོ་ལས་ཐོན་ཚད་གྱ་ལྔ་ལོའ་ི ཁྲི་༡༨རིམ་འཕར་གྱིས་གྱ་བརྒྱད་ལོར་ཁྲི་༤༢༠༠ལ་ བུད། ས་གནས་ནོར་སྲིད་ཡོང་སྒོ་ཁྲི་༥༠རིམ་འཕར་གྱིས་ཁྲི་༣༠༠བུད། གཞན་ཡང་ནགས་ཚལ་བཅད་ནས་ཤིང་སྣོན་བཟོ་གྲྭ་བཙུགས་པ་དང་སྨན་རྩྭ་ བརྐོས་ནས་ཉོ་ཚོང་ལ་ཧུར་ཐག་བྱས་པས་རྒྱ་ཆེའི་འབྲོག་དམངས་ཀྱི་རྟེན་གཞི་རྩྭ་སར་གཏོར་སྐྱོན་ཚབས་ཆེན་ཐེབས་པ་དང་། རང་བྱུང་གདོད་མའི་ ནགས་ཚལ་བཅད་ནས་རང་བྱུང་ཁོར་ཡུག་ལ་གནོད་འཚེ་ཆེན་པོ་བཟོས་པས་ཕྱུགས་ལས་འཕེལ་རྒྱས་ལ་ཚད་བཀག་ཐེབས་པ་དང་། གངས་ཆག་ སོགས་རང་བྱུང་གནོད་པ་ཐེངས་འགར་བྱུང་བས་རྒྱ་ཆེའི་འབྲོག་པ་མང་ཚོགས་སླར་ཡང་དབུལ་བོར་གྱུར་ནས་སློབ་ལོ་རན་པའི་བྱིས་པ་༦༥%མ་ གཏོགས་སློབ་གྲྭར་འགྲོ་ཐུབ་གྱིན་མེད་པའི་གནས་ཚུལ་སྐྱོ་བོར་གྱུར་འདུག ཆུ་བོའ་ི ཐད་ནས་མདོ་དབུས་མཐོ་སྒང་ནི་ཡ་གླིང་ཆུ་གསོག་མཐོ་ལྕོག་ ཅེས་པའང་དོན་དང་ལྡན་པ། འཛམ་གླིང་ཆུ་བོ་ཆེན་པོ་བཅུ་ཡོད་པའི་ནང་ཚན་གྱི་རྨ་ཆུ།་འབྲི་ཆུ། རྫ་ཆུ་གསུམ་མདོ་དབུས་མཐོ་སྒང་ནས་འབབ་

པ་དང་མིང་དུ་གྲགས་པའི་མཚོ་དང་མཚེའུ། ཆུ་ཀླུང་ཆེ་ཆུང་བགྲང་གིས་མི་ལང་བའི་ཆུའི་ཐོན་ཁུངས་ཕུན་སུམ་ཚོགས་པ་ཞིག་ཡོད། དེ་བས་མདོ་ དབུས་མཐོ་སྒང་ནི་རང་རྒྱལ་དང་། ཡ་གླིང་ལྷོ་མ་དང་། ཡ་གླིང་ཤར་ལྷོ་བཅས་ས་ཁུལ་གྱི་གཙང་བོའ་ི ཆུ་མགོ་དང་སྣོད་བཅུད་ཀྱི་འབྱུང་རྩ་ཡིན་པར་ བཤད། དེ་ཡང་རྨ་ཀླུང་རིང་མོར་མཚོན་ན་གདོད་མའི་དུས་ནས་མདོ་དབུས་མཐོ་སྒང་བརྒྱུད་ནས་སྨད་རྒྱ་མཚོ་ལ་ཐུག་པའི་བར་སེམས་ཅན་གྲངས་ མེད་པའི་མྱ་ངམ་གྱི་སྐོམ་གདུང་གསོ་བ་དང་། མཐའ་ཡས་པའི་མྱ་ངམ་ཐང་ཆེན་ལ་ལྗང་མདོག་གི་ཚེ་སྲོག་བསྐྲུན་མྱོང་ནའང་། ད་ལྟའི་མིའི་འདོད་ པ་ཚིམས་རྒྱུ་མེད་པ་དང་རང་དོན་གཙོར་བཟུང་ནས་སྤྱི་ཚོགས་དང་མི་རབས་རྗེས་མར་བསམ་བློ་མི་གཏོང་བར་ཁོར་ཡུག་སྣོད་བཅུད་ལ་གཏོར་ བརླག་ཐེབས་པས། རྨ་ཆུ་དང་འབྲུ་ཆུ། རྫ་ཆུ་དང་མཚོ་སྔོན་པོ་སོགས་ལ་ཚད་མི་འདྲ་བའི་སྒོ་ནས་འབག་བཙོག་དང་གཏོར་བརླག་ཐེབས་ཀྱིན་འདུག་ སྟེ། སྤྱི་བསྡོམས་བྱས་པ་ལྟར་ན། ༡༩༩༦ལོ་ནས་༡༩༩༩ལོའ་ི ཟླ་༦པའི་བར་རྨ་ཆུའི་མགོ་ཁུངས་མགོ་ལོག་ཁུལ་རྨ་སྟོད་རྫོང་དུ་ཐེངས་གཉིས་ལ་རྨ་ཆུའི་ བཞུར་རྒྱུན་ཆད་པ་དང་། མཚོ་སྔོན་ཞིང་ཆེན་ལ་མཚོན་ན། ལོ་རེའི་ཆུའི་ཐོན་ཚད་ལོ་སྔོན་མ་དང་བསྡུར་ན་༢༣་༢%བྲི་བ་དང་དེའི་ནང་༡༩༥༦་་་་ ༡༩༩༠ལོའ་ི བར་གྱི་ཆ་སྙོམས་བཞུར་ཚད་མུས་རྒྱ་དཔངས་གྲུ་བཟི་མ་༦༧༥་༢ཡིན་པ། ༡༩༩༡་་་་༡༩༩༦ལོའ་ི བར་དུ་མུས་རྒྱ་དཔངས་གྲུ་བཞི་མ་༥༡༦་༨དུ་ བབས། ༡༩༩༡ལོར་རྨ་ཆུའི་བཞུར་རྒྱུན་ཉིན་༡༦རིང་ཆད། ཡང་སྤྱི་ལོ་༡༩༩༦ལོར་ཉིན་༡༣༦ལ་ཆད། བཞུར་རྒྱུན་ཆད་ཚད་སྤྱི་ལེ་༡༥༠རིམ་འཕར་གྱིས་ སྤྱི་ལེ་༧༠༠བུད། ཀན་སུའུ་ཞིང་ཆེན་ལ་མཚོན་ན།་༡༩༤༩ལོར་རྨ་ཆུ་འབབ་པའི་ཆ་སྙོམས་ཀྱིས་མུས་རྒྱ་དཔངས་གྲུ་བཞི་མ་དུང་ཕྱུར་༢༨༥་༠༣ཡིན་མོད། ༡༩༩༦ལོར་མུས་རྒྱ་དཔངས་གྲུ་བཞི་མ་དུང་ཕྱུར་༡༨༧་༨༠ལྷག་བྲི།

ཆུ་དམར་ལེབ་རྫོང་དུ་ལོ་རབས་ལྔ་བཅུ་བར་ཆུ་བོ་༥༠༠ལྷག་ཡོད་པ་དང་ས་འོག་ཁྲེ་ཙི་གསུམ་བརྐོས་ན་དྭངས་གཙང་གི་ཆུ་མིག་འབུད་པ་དང་ལོ་ རབས་དགུ་བཅུ་བར་རྫོང་ཡོངས་ཀྱི་ཆུ་བོ་ཕལ་ཆེར་བསྐམས་ནས་དུས་ཚིགས་རང་བཞིན་གྱི་ཆུ་མེད་པར་གྱུར། ས་འོག་གི་ཆུ་མུས་ལྔ་ནས་དྲུག་མར་ བབས། རྫོང་གི་གྲོང་བརྡལ་དུ་དོང་ཆུ་བརྒྱ་ལྷག་བརྐོས་ནས་ཆུ་འཐུང་བ་དེ་ཡང་ལོ་གཉིས་ནང་བསྐམས། དེ་བས་འཐུང་ཆུ་ས་ལེ་བར་བཅུ་ལྷག་ལ་སོང་ ནས་འཐེན་དགོས་ཚོད་དང་རྫོང་ཡོངས་ཀྱི་རྩྭ་ས་༧༠%བྱེ་ཐང་ཅན་དུ་གྱུར།

རྨ་ཆུའི་མགོ་ཁུངས་སུ་མཚོ་དང་མཚེའུ་མང་པོ་ཡོད་པ་སྐམ་པོར་གྱུར་ཏེ་ཚྭ་འདམ་དང་ཚྭ་སྐོིག་ཏུ་གྱུར་འདུག མཚོ་སྐྱ་རེངས་དང་སྔོ་རེངས་གཉིས་ ༡༩༩༠ལོ་ནས་༡༩༩༩ལོའ་ི བར་ཆུ་མུས་༠་༥མར་བབས། མཚོ་ཁྲི་ཅན་གྱི་ལྗོངས་སུ་འབོད་པའི་རྨ་ཆུའི་མགོ་ཁུངས་ཀྱི་རྫོང་དང་པོ་རྨ་སྟོད་རྫོང་གི་སྤྱི་ལེ་གྲུ་ བཞི་མ་༢་༥ཡོད་པའི་སའི་ཁྱོན་ལ། ལོ་རབས་དྲུག་ཅུའི་ནང་མཚེའུ་༤༠༧༧ཡོད་པ། མཚོ་ངོགས་ཀྱི་རྒྱ་ཁྱོན་སྤྱི་ལེ་གྲུ་བཞི་མ་༡༧༠༠ཡོད། ལོ་རབས་དགུ་ བཅུའི་ནང་མཚེའུ་༡༡༠༠ལྷག་དང་ཆུ་བོ་༡༠༠ཡོད་པ་སྐམ་ལ་ཉེ་བའམ་ཇེ་ཆུང་དུ་གྱུར། འབྲི་ཆུའི་སྟོད་རྒྱུད་དུ་མཚེའུ་༤༠༠༠ཉེ་བ་ཡོད་པ་ལས་༢/༣ཀྱི་ གཙང་བོ་བསྐམས་ཚར། འཛམ་གླིང་གི་ཆེས་ཆེ་བའི་ཚྭ་མཚོ་སྟེ་མཚོ་སྔོན་པོ་ལ་མཚོན་ན། སྤྱི་ལོ་དུས་རབས་བདུན་པ་ནས་དུས་རབས་ཉི་ཤུའི་བར་ གྱི་ལོ་༡༠༠༠ ལྷག་རིང་། ལོ་རེར་ཆ་སྙོམས་ཀྱིས་ཕར་ཆེར་ལིས་མུས་༠་༩མར་བབས་པ་དང་། དུས་རབས་ཉི་ཤུའི་ལོ་རབས་བཞི་བཅུའི་རྗེས་སུ་ཆུའི་མཐོ་ ཚད་མགྱོགས་པོར་མར་བབས་པ། དཔེར་ན། སྤྱི་ལོ་༡༩༥༦ལོ་ནས་༡༩༨༦ལོའ་ི བར་མུས་༣་༣༥མར་འབབ་བཞིན་ཡོད། ཉེ་བའི་ལོ་སུམ་ཅུའི་ནང་ཆུའི་ གསོག་ཚད་ཆ་སྙོམས་ལོ་རེར་མུས་རྒྱ་དཔངས་གྲུ་བཞི་མ་དུང་ཕྱུར་༤་༥འདང་གི་མི་འདུག དེ་བས་མཚོའི་རྒྱ་ཁྱོན་ཇེ་ཆུང་དུ་གྱུར་བ་དང་མཚོ་ཞབས་ ས་ཁར་བུད་པ་སྤྱི་ལེ་གྲུ་བཞི་མ་བརྒྱ་ལྷག་ཏུ་སོན། སྤྱི་ལོ་༡༩༩༧ལོར་མཚོ་སྔོན་པོའ་ི ཆུའི་མཐོ་ཚད་སྤྱི་ལོ་༡༩༠༨ལོ་ལས་མུས་༡༡་༢མར་བབས། མིག་སྔར་ མཚོ་སྔོན་པོའ་ི ཆུ་ལོ་རེར་ལིས་མུས་༡༡མར་འབབ་ཀྱིན་འདུག གཞན་ཡང་མཚོ་སྔོན་པོའ་ི མཚོ་ཉའི་ཉ་ཕྲུག་གཏོང་ས་དེ་གཙོ་བོར་མཐའ་བཞིའི་ཆུ་བོ་ཡིན་ལ། ལོ་རྒྱུས་ཐོག་ཉ་ཕྲུག་གཏོང་སའི་ཆུ་བོ་༡༠༠ཙམ་ཡོད་ པར་བཤད། གནམ་གཤིས་ཀྱི་འགྱུར་བ་དང་མིའི་རིགས་ཀྱི་གཏོར་བརླག་རང་བཞིན་གྱི་བྱ་འགུལ་ཇེ་མང་དུ་སོང་བས་ད་ལྟ་བུ་ཧ་ཆུ་བོ་དང་། ཧྲ་ལིའུ་ ཧི་ཆུ་བོ། མཚོ་འཁྱིལ་ཆུ་བོ། ཧར་དགེ་ཆུ་བོ་སོགས་ཀྱི་བཞུར་རྒྱུན་ཡིན་པ། བུ་ཧ་ཆུ་བོ་ལས་གཞན་དུ་ཆུ་རགས་བརྩིགས་པ་ཚབས་ཆེ་བས་ལོ་རེའི་ཉ་ ཕྲུག་གཏོང་བའི་དུས་ཚིགས་སུ་ཉ་མང་ཆུ་རགས་ཀྱིས་བཀག་ནས་ཉ་ཕྲུག་གཏོང་བར་འགྲོ་མི་ཐུབ་ལ། ཉུང་ཤས་ཤིག་ཆུ་རགས་ལས་ཐར་ཡང་བར་ ལམ་ནས་རྨོ་ཞིང་ལ་དྲངས་པའི་རྐ་ཆུས་ཁྱེར་བ་སོགས་ཉའི་ཐོན་ཁུངས་ལ་གཏོར་བརླག་ཚབས་ཆེན་ཐེབས་བཞིན་ཡོད། ནགས་ཚལ་གྱི་ཐད་ནས་མདོ་ དབུས་མཐོ་སྒང་གྱེན་དུ་འབུར་བཞིན་པའི་སྤྱི་ལོ་སྔོན་གྱི་༦༠༠༠དང་སྔོན་གྱི་༣༠༠༠ལོའ་ི བར་དུ་ནམ་ཟླ་དྲོད་གཤེར་གྱི་དུས་སྐབས་ཡིན་པས། མཐོ་སྒང་ གི་ཤར་ཕྱོགས་ནི་ནགས་ཚལ་སྟུག་པོས་ཁྱབ་པ་དང་། ནུབ་ཕྱོགས་སུའང་ཤིང་རིགས་ཅན་གྱི་རྩྭ་ས་ཡིན་ནོ་ཞེས་ཚན་རིག་པས་བཤད། ལྷག་པར་ཏུ་ ནང་བ་སངས་རྒྱས་པའི་ཆོས་ལུགས་དར་ཁྱབ་བྱུང་བ་དང་ནང་བའི་བསྟན་པའི་བདག་པོ་སྟོན་པ་ཤཱཀྱ་ཐུབ་པ་སྐུ་འཁྲུངས་ས།་མངོན་པར་རྫོགས་པར་ སངས་རྒྱས་ས། ཆོས་གསུངས་ས་བཅས་ལྗོན་ཤིང་རྩར་ཡིན་པས་བོད་མི་དམངས་ནས་ནགས་ཚལ་ལྗོན་ཤིང་ལ་གཅེས་སྐྱོང་ཡག་པོ་གནང་གི་རེད།

དཔེར་ན། ཏཱ་སི་ཏུ་བྱང་ཆུབ་རྒྱལ་མཚན་གྱི་བཀའ་ཆེམས་སུ། རང་རེའི་ས་ཆ་དབང་རིགས་ཐམས་ཅད་དུ་རྩི་ཤིང་ལྕང་མ་སྐྱེ་དངོས་འབུམ་ཕྲག་གཉིས་ རེ་ལོ་རེ་བཞིན་དམ་བཅའ་བྱས་ནས་འཛུགས་དགོས་ལ་ལྕང་ཁྲིམས་པ་བསྐོས་ནས་རྩིས་ལེན་པ་དང་ཞུན་ཐར་བྱེད་དགོས། འདིའི་ཡོན་ཏན་སྡེ་ལྷ་ཁང་ གསོ་བ། ལྷ་སྡེ་མི་སྡེའི་ཁང་བ་ཞིག་རལ་སོང་བ་གསོ་བ། གྲུ་ཤན་གསོ་བ་ལ་སོགས་མི་བྱེད་པའི་ཐབས་མེད་པས་མི་མཛད་པའི་གཏེར། སོ་སོ་ནས་བྱང་ ཆུབ་ཀྱིས་སེམས་བསྐྱེད་ལ་སྐྱེ་ཤིང་འཛུགས་པའི་དོ་དམ་བྱེད་དགོས། ཡུལ་དང་ལུང་བ་ཐམས་ཅད་སྐྱེ་ཤིང་ངན་དུ་སོང་འདུག་པས། བསྙལ་མ་བྱེད་ པ་རྣམས་ཀྱང་ནམ་ཟླའི་དུས་དང་བསྟུན་ནས་ཤིང་ལ་རྩ་བཀོག་མ་བྱེད། ཟོར་བ་དང་ལག་ཆ་རྣོན་པོའ་ི མཚམས་སུ་བཅད་ཅིང་། བཅད་པའི་ཤུལ་དེར། ཤིང་སྐྱེ་པའི་ཐབས་བྱེད་དགོས་གསུངས་པ་ལས་ཀྱང་ཤེས་ནུས། ཕྱིས་སུ་ནམ་ཟླ་ཐན་སྐམ་གྲང་འཁྱག་ཅན་དུ་གྱུར་ཏེ་ཤིང་ནགས་སྐྱེས་མི་ཐུབ་པ་དང་ མིས་བཟོས་གཏོར་བརླག་ཐེབས་པས་ནགས་ཚལ་ཁྱབ་ཚད་གུང་ཆིང་དུར་ཕྱུར་༠་༡༩ཡོད་པ། དེ་ཡང་༩༥%མཐོ་སྒང་གི་ལྷོ་སྣེ་དང་ཤར་སྒོའ་ི ས་ཁུལ་ཁ་ ཤས་ལ་ཁྱབ་ཡོད། བོད་ལྗོངས་ཀྱི་ནགས་ཚལ་ཁྱབ་ཚད་ས་ཁྱོན་གྱི་༥་༨ཟིན། མཚོ་སྔོན་ཞིང་ཆེན་ནགས་ཚལ་ཁྱབ་ཚད་༠་༢༦%ཟིན་པ། དེའི་སྟེང་ཤིང་ རིགས་བསྡུས་ནའང་༢་༨%ལས་མེད། དེ་ནི་རྒྱལ་ཡོངས་ཞིང་ཆེན་ཁག་གི་ཨང་རིམ་གྱི་གྲལ་མཐར་འདུག མིག་སྔར་བོད་ལྗོངས་ཀྱི་གདོད་མའི་ནགས་ ཚལ་ལོ་རེར་གུང་ཆིང་༨༧༠༠བར་འབབ་བཞིན་ཡོད། དཔེར་ན། ཚྭ་འདམ་གཞུང་དུ་སྤྱི་ལོ་༡༩༥༠ནས་༡༩༩༠བར་ནགས་ཚལ་མུའུ་ཁྲི་གསུམ་ལྷག་བཅད་

པ། སྤྱི་ལོ་༡༩༥༠ལོའ་ི ནགས་ཚལ་རྒྱ་ཁྱོན་གྱི་༣༥%ཟིན། ཤིང་ནགས་གསོག་ཚད་༥༠%བར་བབས། གཞན་ཡང་ཟི་ཁྲོན་རྟའུ་རྫོང་གི་གདོད་མའི་ནགས་ ཚལ་དང་ཡུན་ནན་རྒྱལ་ཐང་གི་གདོད་མའི་ནགས་ཚལ་གཅོད་འབྲེག་བྱས་པས་རྫོང་དེ་གཉིས་ཀྱི་ནོར་སྲིད་ལ་ཤིང་ནགས་ནོར་སྲིད་ཅེས་གྲགས་ཡོད། སྒེར་གྱི་ཚོང་དཔོན་ཕལ་ཆེ་བ་ཤིང་ནགས་ཚོང་དཔོན་ཡིན། རི་དྭགས་ཀྱི་ཐད་ནས་ཀྲུང་གོའ་ི སྐྱེ་ཁམས་ཞིབ་འཇུག་ཚོགས་པས་ལོ་བཅུ་ཕྲག་འགའི་རིང་བརྟག་དཔྱད་བྱས་པ་ལྟར་ན། སྔོན་ཆད་མདོ་དབུས་མཐོ་ སྒང་ན་སྲོག་ཆགས་རིགས་༡༠༤༧ཡོད་པ་ལས་ད་ལྟ་མཚོ་སྡོད་བྱེད་པའི་རིགས་༧༡མ་གཏོགས་མེད། མཚོ་སྔོན་གྱི་གངས་གཟིག་དང་ཁ་དཀར། ཤྭ། ཤ་ སྐྱ། འབྲོང་སོགས་ཉེ་བའི་ལོ་ཉི་ཤུའི་རིང་༩༠%རྩ་མེད་དུ་གྱུར་པའོ།།

གཞན་ཡང་། སྤྱི་ལོ་༡༩༨༠་་་༡༩༩༠བར་གྱི་ཞིབ་འཇུག་རྒྱུ་ཆ་ལས། མདོ་དབུས་མཐོ་སྒང་དུ་རི་དྭགས་གཙོད་ཀྱི་འདུས་ཚད་དེ་སྤྱི་ལེ་གྲུ་བཞི་མ་རེར་ ༠་༢་་་༠་༣ཡོད་པ་དང་། རྒྱལ་ཡོངས་སུ་ཁྱུ་ཚོགས་ཧ་ལམ་ཁྲི་༡༢་་་་༡༦ཡོད་ཅིང་། མཚོ་སྔོན་ཞིང་ཆེན་ནི་གཙོད་འདུས་སྡོད་བྱེད་ས་གཙོ་བོ་ཡིན་པ་ གསལ་བོར་མཚོན་པ་སྟེ། ཞིང་ཆེན་ཡོངས་ལ་གཙོད་ཁྲི་༦ལྷག་ཡོད་པ་ལས་ཁི་ཁི་ཞི་ལིས་ས་ཁུལ་དུ་ཧ་ལམ་ཁྲི་ལྔ་ཡོད་པ་རེད། ཡིན་ཡང་། ༡༩༩༢ལོ་ ནས་བཟུང་རི་སྐྱེས་སྲོག་ཆགས་དོ་དམ་ལས་ཁུངས་དང་སྤྱི་བདེ་ལས་ཁུངས་སོ་སོས་གཙོད་བརྐུ་གསོད་བྱེད་པའི་གྱོད་གཞི་༡༡༤རྩད་ཆོད་ཅིང་གཙོད་ པགས་༡༥༢༤༣ལག་སོན་བྱུང་། ད་དུང་ཚོད་རྩིས་བྱས་པ་ལྟར་ན་ཞིང་ཆེན་ཡོངས་སུ་གཙོད་ཁྲི་༣་༥ལྷག་བརྐུ་གསོད་བྱས་པ་དེས་གཙོད་ཀྱི་སྤྱིའི་ཁ་ གྲངས་ཀྱི་༥༨་༣%ཟིན་པ་རེད། རི་དྭགས་སྨྱོ་གསོད་བྱས་པ་དཔེར་ན། (མཚོ་ནུབ་ཁུལ་གྱི་ལོར་རྒྱུས་དེབ་ཐེར་)ལས། སྤྱི་ལོ་༡༩༦༠་་་་༡༩༦༡ལོར་ཁུལ་ ཡོངས་ཀྱི་དམག་སྡེ། སྲིད་གཞུང་། ལས་བཟོ་བ་༣༠༠ལྷག་གི་རྔོན་པའི་རུ་ཁག་རྩ་འཛུགས་བྱས་ནས། འབྲོང་ ༧༠༠༠ རྐྱང་ ༧༥༠༠༠ གཉན་༡༠༠ ལྷག་ འཛིན་གསོད་བྱས། སྐབས་དེར་བཅིངས་འགྲོལ་རྟགས་ཅན་གྱི་རླངས་འཁོར་དང་དཔྱངས་སྤྱད་རླངས་འཁོར། སྐད་མཐོ་རྒྱང་བསྒྲགས་ཡོ་ཆས། མེ་ མདའ་སྣ་ཚོགས་བཀོལ་ནས་བསྐོར་བརྡ་བསྐོར་གསོད་བྱས་པ་རེད། (མཚོ་སྔོན་ཞིང་ཆེན་ལོ་རྒྱུས་དེབ་ཐེར་ནགས་ལས་སྐོར་)ལས་སྤྱི་ལོ་༡༩༦༧ལོར་ ཞིང་ཆེན་ཡོངས་ཀྱི་རྒྱལ་གཉེར་ཚོང་ལས་སྡེ་ཁག་ནས་བསྡུ་ལེན་བྱས་པའི་རི་དྭགས་ཀྱི་ཤ་ཏུན་༦༠རིམ་འཕར་གྱིས་༡༩༧༡ལོར་ཏུན་༡༨༦་༢ ༡༩༧༢ལོར་ ཏུན་༥༧༤་༦དང་། ༡༩༧༣ལོར་ཏུན་༦༠༨ ༡༩༧༤ལོར་ཏུན་༧༩༧ ༡༩༦༦་་་་་་༡༩༨༥ལོ་བཅུའི་ནང་རི་དྭགས་ཀྱི་ཤ་ཏུན་༤༧༠༠དང་། ༡༩༦༧་་་་་༡༩༨༤ ལོའ་ི བར་དུ་རི་དྭགས་པགས་པ་ཁྲི་༡༤༢་༣ཆ་སྙོམས་ལོ་རེར་ཁྲི་༦་༦༥དེའི་ནང་ཆེས་མཐོ་ཤོས་སྤྱི་ལོ་༡༩༨༠ལོར་པགས་པ་ཁྲི་༦༥་༤ཡོད། ལོ་རབས་བརྒྱད་ཅུ་ བའི་རྗེས་སུ་རི་དྭགས་གསོད་ཚུལ་གྱི་གྲངས་འབོར་ཇེ་མཐོར་བཏང་ནས་མཚོ་སྔོན་ཞིང་ཆེན་སྨན་རྩྭ་ཀུན་ཟི་ནས་༡༩༨༥ལོ་ནས་༡༩༨༦ལོའ་ི ལོ་གཉིས་ རིང་ལ། གླ་རྩི་སྤྱི་རྒྱ་༢༠༠༠བསྡུས་པ་དེར་ཕོ་གླ་ཁྲི་༦་་་་༨ལྷག་གསོད་དགོས་ངེས་རེད། དུས་དེར་ཤྭ་རྭ་སྤྱི་རྒྱ་ཁྲི་༡་༤༧བསྡུས། གོང་གི་གྲངས་ཀ་འདི་དག་ རྒྱལ་གཉེར་ཚོང་ལས་སྡེ་ཁག་ནས་བསྡུས་པ་ཡིན་ལ་དམངས་ཁྲོད་སྒེར་གྱི་ཚོང་གཉེར་བྱས་པོའ་ི གྲངས་ཀ་ཐེ་མེད་དོ།། །། སྨྲས་པ།

ག་པུར་རྡུལ་བརྩེགས་ས་འཛིན་གྱིས་འཁྱུད་པའི།། གངས་ཅན་ལྗོངས་ཆེན་ཆོས་ཀྱི་དོ་ར་ན།། ཕུན་ཚོགས་སྡེ་བཞིའི་ལང་ཚོ་དར་བའི་གཏམ།། ཕྱོགས་ཀྱི་བུ་མོའ་ི སྙན་གོང་རྒྱན་དུ་མཆེད།། འོན་ཀྱང་སྲིད་འབྱོར་སྒྱུར་མའི་གྲོང་ཁྱེར་ཆེ།། རང་སྣང་དུས་ཀྱི་འཕོ་འགྱུར་རླབས་ཀྱི་ཕྲེང་།། སྣ་ཚོགས་རྒོད་པའི་མི་རྟག་རོལ་རྩེད་ཀྱིས།། ཡང་བྲན་ཉིད་དུ་འགྱུར་བ་འཁོར་བའི་གཤིས།། དམར་མིན་ལས་སྣང་བསྐྱེད་པའི་མ་མ་ལ།། རིག་གསར་བུ་ཡིས་བྱམས་བརྩེའི་མིག་བགྲད་ཀྱང་།། སྲུང་སྐྱོབ་ལས་ལ་ཞེན་པའི་བུ་ཆུང་ངས།། ཞལ་ལ་བལྟས་ན་ཡི་ག་འཆུས།། དེ་ཕྱིར་ཐ་དད་ལྟ་བའི་རླུང་འཚུབ་ཀྱིས།། གངས་ཅན་རིག་གཞུང་ཕྱག་དར་ཁྲོད་དུ་བསྐྱུར།། འཇིག་རྟེན་སྒྲོན་མེ་ཆུ་ལྷའི་མལ་དུ་ཡིབ།། ཡ་རབས་དྲི་མེད་ལུགས་བཟང་བག་ལ་ཞ། ། འདི་ན་མནོག་ཆུང་ལྟོ་གོས་བྱ་བ་ཙམ།། གཞན་དོན་སྙིང་བོར་རློམ་པའི་ཆེ་དགུ་དག། དེ་ཙམ་ཕྱུགས་ཟོག་གིས་ཀྱང་སྒྲུབ་ནུས་ན།། མི་ཕྱུགས་གཉིས་ཀྱི་བྱེ་བྲག་གང་གིས་འབྱེད།། འོན་ཀྱང་བདེ་གཤེགས་ལམ་བཟང་དཔྱིད་དཔལ་ནི།། འགྲོ་ཀུན་ཞི་བདེར་རོལ་བའི་ཐབས་གཅིག་བདོག།

སྡུག་བསྔལ་མི་འདོད་གཏན་བདེ་འདོད་ཕྱིན་ཆད།། དེ་ལ་མི་བརྩོན་ཤེས་ལྡན་སུ་ཞིག་མཆིས།། ས་གཞི་བརྡབ་གསིག་མི་གཏོང་བཅུད་གསོ་ཞིང་།། ཆུ་བོར་རྫོབ་བཙོག་མི་བསྐྱུར་གཙང་མ་བྱེད།། མེ་ལ་རྫས་སླད་མི་སྦར་དྲི་བཟང་གཏོར།། མཁའ་རླུང་དྭངས་མོར་རང་གི་སྲོག་ལྟར་གཅེས།། ནགས་ཚལ་མི་གཅོད་རྒྱུན་བསྲིང་འཕེལ་རྒྱས་སྙེགས།། རི་དྭགས་མི་གསོད་ཚེ་ཐར་སྲོག་བླུ་བྱེད།། མི་དང་མིའི་བར་ཕན་ཚུན་བྱམས་སྐྱོང་གིས།། རྣམ་དཔྱོད་ཅན་གྱིས་ཚུལ་འདིར་འབད་པར་རིགས།། ཐུབ་པའི་ལེགས་བཤད་ཚན་རིག་ཉིད་ལས་ཀྱང་།། དམན་པར་ལྟ་བའི་ཆེར་རློམ་ཕལ་མོ་ཆེས།། རིག་པའི་རྟ་ཕོའ་ི བང་རྩལ་མགྱོགས་སྐུལ་དང་།། སྔོན་མེད་ལྟད་མོ་འགའ་རེ་སྲིད་ན་ཐང་།། དེ་ལྟར་སྨྲས་པའི་ལྷག་བསམ་ནི།། རབ་དཀར་ཉ་ཟླའི་རྗེས་སྙེགས་པས།། ཆོས་སྲིད་ཟུང་འབྲེལ་ཀུན་དའི་ཚལ།། འཛམ་གླིང་ཁྱོན་ཀུན་ཁྱབ་གྱུར་ཅིག། །