Tercer prueba: aprovechando que tas en casa, sigui col to trabayu d’investigador/a y pregunta-y a to ma (o to güela) si dalguna vez usaron estes espresiones que vas ver darréu y si puen apurrite algunes nueves. Apúntales nel cuadernu y coméntales en clase
Si te duel ye que ta curando ¡Mira qué traces! ¿Vas salir vestíu/ida con esa pinta? Bebi’l zumu que marchen les vitamines. Nun tragues el chicle que va pegase a la barriga. Pue más el güeyu que’l butiellu, ¿eh? Lo gordo la carne ye lo más rico. Lo negro del plátanu ta buenísimo. ¿Quies berrar por algo? Si yes grande pa salir, yes grande pa madrugar. Gárrame’l cosu esi que ta onde aquel bichu.. ¡Nin peros, nin peres! ¡NUN M’ALCES LA VOZ!!! ¿EEEHHHH???? Comi qu’enfría. Sopla que ta caliente. ¡Toi negra! ¡Tas volviéndome lloca! ¿Qué tienes na cara? (y col deu llímpiate) ¡Saluda! Pero ¿d’ónde saquesti esos modales na mesa? ¿Tas pa comer nuna corripa! ¡Anda derecha que te va salir chepa! ¿Quedóte’l teléfonu pegáu a la oreya? ¡Nun me contestes! ¡Que nun me contestes! ¡La última palabra téngola yo! ¡Que sía la última vez que…! ¡Venga, a planchar la oreya! (Cuando te manda dir pa la cama a dormir) ¡Con tolo lo que fici yo por vós y páguesmelo asina!
Y ¡cómo non!, nun pue faltar la famosa frase de madre “¿AYÚDOTE YO?” que-y da’l nome al proyectu. Cuando oigas esa frase, nun dudes, ¡cuerri!
Ficha 3/4