maribolheras precarias

Maribolheras Precárias nascem na Corunha, no bairro de Monte Alto (High Mountain). É umha rede intermitente, informal, variável, dinámica, múltipla e inestável. É umha rede precária, como as nossas vidas. Em MBP confluem performers, escultoras, dj´s, alfareiras, fotógrafas, desenhadoras, etc, todas activistas que querem denunciar de maneira directa, festiva e radical a homofobia, o heterosexismo e a precariedade. Queremos potenciar as vidas alternativas e os espaços autónomos. Nom somos um colectivo formal, nem um grupo de pressom ao estilo do actual movimento GLTB, mas um grupo de intervençom artística e social similar a primeira época de ACT UP. . Desconfiamos da “igualdade” que nos oferecem por indesejável e irreal, ao estar confinada e amordaçada polos límites de umha heterossexualidade onipresente.