The Secret of True Life / Sora

Postcard

Mandrengnan apsele a murda garamgaman saile a hangben erre guijle po ?

Place Stamp Here

To: ______________________________________________________ ______________________________________________________ ______________________________________________________

Yan gamle sakkai sanabyun hangtai ?

Janardi

Mandrengnan

Apsele Anualberan

Iteja apsele er kudilinben kuddub janab apsele garbera, sanaisai-nam ji Kitungan ado’ng gadlama do a hanglen a kuddub sanayamanji apsele Gamangtungan ado’ng sina, atteden aman Kitugan a sanabyun imlin raptite. Anin a sanabyun, Jisun kristun amang lingan dernan batte anogal-nam do uggarnam eridnagi abmete.

Pilipi 4: 6-7

Janardi

Mandrengnan

Apsele Anualberan

Tanakud ayam lingan Iten dete aman apsele antate galamte po ?

Aman bo surda langgin kanudije’e lingan daku po ?

Mandrengnan apsele a murda garamgaman saile a hangben erre guijle po?

Yan gamle sakkai sanabyun hangtai?

Janardi

Mandrengnan Apsele

Tanakud ayam lingan Iten dete aman apsele antate galamte po?

Anualberan Aman bo surda langgin kanudije’e lingan daku po?

S aile

amdungba

Kitungan a itsuman ambrij yan gamle mandrengna-nam abhanaben dete.

Aboi bangsa mandrengnan do manoih amandrengnan abhanaben asan aman ganardin delam. Antin asan Gabdiltungan atam itsuman ambrij yan gamle mandrengnan abhanaben dete. Antate a galamben asan kan sanna kambolan batte aman sanayaman hangte.

Ordarlingan aur taniman a deten a kambolan Roitad Baibolan.

Kani abirnanji tidnelingan anidolan daku. Manrengnan apsele jaru anualan do danukkan saring manoih janalangan ahangbin asan kan ordar lingan lokhyo lokhyo mandranji kan kambolan saring sanayaman hangteji. Susunan saring tanakkud sikkoija kan sanna kambol lingan satta Gamangtungan apsele anidolan daku, butinti ordaran gabdiletin bar murda sanegsengan pangle Anindaman anokkimukkan ambrij mandran ado’ng gardietin.

Atteden uan anardodan dakule?

Aman yanti gamle abyerje’lin ruang Kitungan ampara mainan dakkute,kun abernaji sanle tidne lingan anidan daku.

2

A p e

A k li a g e

A ‘‘ m m li jo d

K in

K a d

A

.

n

n e

Ruang Kitungan riangan do ordaran gabdile

Antatiki Gamangtungan gametin, da’ lingan abasuten ameng purardanji da’ lingan banarijan deeti do rianglingan ontidanji engdaneteji.

Antatiki Kitungan gametin ordar lingan kuddub Jatti, lanu jontunji, asarsol lingan kampungan batti hatinan a purardanji do tulab jontunji ganadilan deete. A jardi na ettegoi na deli.

Anta tabdong Kitungan gametin ‘‘Anlen anokki mukka-len ambrij mandran ado’ng gabdilneti do mandranji da’ lingan ayonji, riang lingan ontidanji, lanu jontunji, tulab jontunji, do erandij janab alanankalingan dane godeteji.’’

Kitungan riangan do ordaran gabdile

Kitungan anokki mukkan ambrij mandran ado’ng manan, ongeran do insalon gabdileten.

Kitungan aninji ado’ng absittale gametin, ‘‘ganirsain dean dele ateng birindan deba,bar ordar lingan badrijan badrijle daneling-ben dakkuba.’’

Aparmangtan.1:1,20,24,26-28 3

Kuddub Saring

Lananka Kitungan

E d p

Tanimyem Ua’-len

‘’Hen amben apsele Ua’n detai do amben hen apsele onggeronan do insalo-onanji a dete.’’ kan a birnan barij ranaptidam Gamangtungan gamte.

2 Koronti 6:18

A a li d

M

A b m A d 1 4

E Ua’ yanganji mangling-ben saring ednegoi a mandran buten daku, bogad a onan rutipun garlenden arengan tiyte po? orde ayon garlenden ja’dan tiyte po?

gan Aren

Ambin pansardidage amandra a dele janagden on-benji ado’ng bangsa bangsa taniytiyan a tiyben a galamlenden ruang lingan a dakutenan Ua’ben amang a garbertenji a mandranji a do’ng bangsa bangsa taniytiyanji dajing aur attiye po?

Mattiu 7:9-11

Anlenji apsele aboi Kitungan maih daku. Anin Ua’Kitunglen butente batte kuddub janabanji deli do butente amang saring mandrengnan hanglabe. Anin Gamangtung Jisu kristun na, Anin batte kuddub janabanji dele bar anlen janang Anin batte delabe.

1 Koronti 8:6 5

Danukka Biran Mandran Gamangtungan saring sangai yereten

Kuddublen murkundardan ambrij ardodgodlabe. Anlen kuddublen Gamangtungan agodan omdale anlen-daman agod lingan hatinbe.

Jisayo. 53:6

K a b

K s r ta b

S

6

Kitungan Tangar a tangaran hen r ga Tan gnam lin ana h

Kekamaran a je’dam lingan gamdamten, ‘‘Kitungan agassa’’ aninji a lanumanji pansardidam na, aninji paranskijdage a baran lumteji buteja bangsa baran adlume.

Kitungan abmele buteja ogandite orde ijja, buteja Anin ado’ng saijte orde ijja gamle antate a gijben asan Gamangtungan ruangan saring permudle mandranji ado’ng gijte. Kuddubanji tangoran saring larlenji, kuddubanji er-marid deleji buteja bangsa baran adlume bo mandran janang adlume.

Saninkin 53:1-3

7

Aman Kitungan ado’ng galamle raptite

Gamang Jisun Batte

Kristun er ganittan a Kitungan a anabjong mukkado’ngge, do kuddub ganabdelan saring Anin a debasijan dele.

Kuddub ganadil janabanji, manan itente ruanglingan daku orde itente ordar lingan daku, itente gittati orde itente aggittae, raja-garobgobanji orde gamanggodanji orde danegodanji, kristun batte do kristun apsele ganabdelan dele.

MA

Kolosi 1:15-16

A ta il k 1

Ji ta b a

E

B a a 1 8

MANDRAN

KITUNGAN

Bo Kitungan satta maih daku do bo tarangdi-maran satta maih daku Aboihidam Kitungan daku do kitungan bar mandranji atarangdi-lingan bo tarangdimaran na daku manan anta mandra kristu Jisun, butinti mandra ildamnetin do mandranji ado’ng Kitungan ampra abmainaben asan Anin kubdamneten.

1 Timoti. 2:5-6

Jisun Kitungan a gugu panemeng a tana’ran a panuangan do Kitungan a taramtaman a sakkai mukka lanadladan na dele. Anin a banaihan a ranaptin batte barij purtin abhanate, Pintu-lenji a tabmadben asan a purardan tieten, anta tiki ruang lingan ganugu Kitungan ajandrumsengban gobeten.

Ebri 1:3

Butente Kitungan a o’n Kristun amang lingan adderne, anin Kitungan ado’ng adhangad, bindo butente Kitungan a o’n Kristun ado’ng hangle anin ua’n ado’ng janang hangle.

1 Jon 2:23 9

Gamangtung Jisun pangle yeraiten

Bangsa Anob Lingan kan aninji apsele...

banagginji, barondi maranji, lanattin maranji rugam maranj Najarita a Jisun, maridjangardan a ranaptin batte janabboban dele. Anin kuddub maneng endungle bangsa baran lumetin bar hamkul maranji ado’ng absamangeten, Iten asan gamlenden Kitungan Anin ampara dakuneten.

Anappai. 10:38 10

U n li ta ta

“G d a A a a r G a

A m s k ta a a a

Lu

Uanti Jisun aparassijan ayam lingan marangle, kun a najaritaban yeretin do Anin anukkan ambrij layumna dinna lingan sanenpur sobasingban yerre kambolan a kinolben asan tanangeten. Tungmadgij mar jisayo a kambolan Anin ado’ng taniyan dele do kun a kambolan abkudle kinolben asan uneten.

“Gamangtungan a jangardan mangling-Hen daku. Iten asan gamlenden banagge maranji ado’ng bangsa anoblingan a opungben asan Anin do’ng-Hen jabobbinten. Analding je’ maranji ado’ng absamangben, barondi maranji ado’ng anuran atiyben, kardu maranji ado’ng gijben a ranaptin, lanadtin maranji ado’ng a burbin asan do Gamangtungan a tungna jana minhuman abmele a oblingben asan Anin do’ng-Hen appailih.”

Anin kambolan ededlen a tiki antate gangkil maran a si’ lingan surpidle Anin gobeten. Bar sanenpur sobasi’ng lingan a kuddub mandranji Anin ado’ng tangtangmadleji. Bar Anin aninji ado’ng gameten “Nami dinnan amben a lu’d lingan kan a roitad anidolanji anojoraen dele.”

Luko 4: 16-20

ng

11

Jisun amang lingan daku

Absamang-ben a Ranaptin Oruban ganyungan adnang mandranji bimbim maranji ado’ng, hamkul maranji ado’ng Jisun amangban urunglaji do kan a baranji a gijben asan kaper naum lingan barij gardan a mandranji si’ngan a garannaban rukkulinji. Kun a dinnan oruban ayam lingan Jisu ateng rugam maranji adong absamangeten do mandranji amang saring kulmanji ado’ng dungnaben asan banaihan tieten, bar kulmanji ado’ng bernaben asan anordin adtiad iten asan gamlenden Jisun buten, antate aninji galamleji.

Marku 1:32-34

K b re a k li g ja h

T g ja

A a o

B y b b d s

M

12

Kunin na a onla marlingan saring miggal minhum sikkoi ja jarammi bimbim boi dakuli. Anin minhum minhum sikkoi ja ateng tiyre maranji batte regaman tanian deli. Kuddub a mandrengna bittin absi’deten janangden anin sanamangan adhangad osantan a banim biman aur dele. Jisun a kuddub rubmang lanumanji anin amdangeten. Antin asan anin onlamar lingan Jisun a kandungban iyan iyle a muttikaban jabeten.Iten asan gamlenden anin a lung je’ lingan gameten, Bogad Anin a sindrin maih jablaenden hen sanamangan hangtai. Bar tabdong anin sanamangan hangle, antate anin imneten.

Tabdong Jisun, hen saring ranaptin dungle, gamle a je’ lingan galaman galamle onla mar lingan dayargudlen gameten, “buten sindrin-Hen jabeten ?”

A hanangna maranji Anin ado’ng opungleji “dijne a onla maranji arrungdangrungdangtamji, antati Aman gijte, do buten jablih gamle Aman opungte po ?”

Bindo buten Anin ado’ng jabeten, kan ate a galamben asan Anin yaryar maneng melmelle gijeten. Kun ayam lingan insaloboijan karran banantongan do tanakaran batte Jisun ajing-ban turdumle do kuddub birnan Anin ado’ng opungeten. Bar Jisun anin ado’ng gameten, “E salo derna-nam absamanglam sanabyu lingan ma yera do rugam-nam saring sanamangan hanga.”

Mark. 5:25-34

13

Gamang Jisun

ersi jangardanji a lanankka lingan a danen daku

Aninji Abbantongteji !

14

a

Jisun do a turdu maranji kapernaum gardaban arduleji. Aninji layumna dinnan a tagaldan judanji a sanenpursobasi’ngban yerreji. Tette lingan Jisun hanagan tiyeten. Ganangkil maranji a hanangan amdangle rubmangdaleji, iten asan gamlenden Anin Kitungan saring danen hangle hanagan tiyetenji. Anin anosai hanghang maranji ambrij hanangan attiyad.

Kun a darakuna lingan bo hamkulmar dakuli do anin surda sarrangan batte uai logi gametin, ”E najarita bai Jisu iten asan aman do’nglen abkalkaltelen? Aman do’nglen absi’d ben yerrai po? Aman buten antate hen galam, Aman Kitungan a marid maran na!”

Jisun irsi jangardan ado’ng battong kaihle gametin kardinga, do anin amang saring dunglen yera, bar er marid kulman kun mandran a do’ng podded murdele surda sarrangan batte guan gule anin amang saring dunglen yereten.

Ganijgij maranji rubmangdaleji do kan a tanangadan apsele arberreji, bar di dargam aroppungleji, “kan iten ambrij a tabme hanangan? kulmanji janang Anin a birnan mannitej.”

Mark 1:21-27

Rubmangdagi!

15

Jisun amang lingan daku

ganadilanji a lanangka lingan a danen

16

Bo dinnan Jisun a hanangna maranji ampara bungsang lingan goble gameten, “maba, mittal pardiban a yerba.” Aninji yirata yirata Jisun dimaddali, anta ayamlingan abubmung bya ringan deli. Bungsang lingan barijdaben susule do aninji ganege banontongan deleji.

Aninji a duduge yerre Jisun ado’ng tartarre gudingle gamleji “E hanghangmar anlen tabubtilen !”

Bar Jisun dian dilen ranggen do kutsalai d’an battong kaihle gameten kardinga rangin do kuslai da’n ringnten ! anta tiki aninji ado’ng ualeten, “derna-ben uan daku ?”

Aninji rubmangdale banantongan batte di dargam argamleji, “kan a mandra buten do Anin a banaihan rangin do kuslai da’n janang manniteji ?”

Luk 8:22-25

17

Gamang Jisun amang daku

pintun a tabmaben a danen Anin kan a baran yan gamle lumeten ?

D A e a s k m

B m b

Ji a a p d s s

B d a ru a

Lu

18

Dajigante mandranji bo rabod-dung maran ado’ng sandi lingan panglaiji.

Aninji onlamar lingan kun a mandran ado’ng jisun amangban a urungben erreji guileji bindo aninji alungsi’ng lingan amganle adraptiadji, antin asan balingan a lankan dajan daile garijan tabtabban tabtable patudan saring mandranji a timangban sarigoi Jisun amangban amparasandin kun bimbim maran ado’ng abladsoleji. Jisun aninji a dernan gijan gijle kun mandran ado’ng gametin, pintunamji tanabmadan dele.

Bar parisinji do anosai hanghang maranji aninjidaman argamleji, “kan a mandra Anindaman iten agandidamten Kan ate Anin Kitungan ado’ng bobberte! Kitungan sadan sadle buteja pintun tabmadle raptite po!”

Jisun aninji anogandi galaman galamle gameten, iten asan amben anogandi lingben a badiberte? Iten do pintu-nam tanabmadan dele gamle a opungben a pan-gam? ordi‘ tananga do hana, gamle a opungben a pan-gam? Bindo ordar lingan pintun a tabmadben asan Kristun adenen daku.’’ Anta tiki rabodtdung maran ado’ng gijle gametin. “tananga, sandi-nam hamle si’ngba-nam ma yera,iten asan gamlenden aman sanamangan hangle!”

Bar anta tabdong mandranji a timanglingan kun mandran tanangle do anin a sandin haman hamle Kitungan ado’ng sinle sinle asi’ngdamban yereten. Tettelingan adakulinanji amandranji rubmangdaleji do batongleji bar aninji Kitungan ado’ng sinleji, “nami dinna anlen rubmangdaman a baran a gijlai gamle oblingleji!”

Luk. 5:18-26

19

Heni pintumar bindo bo mandran yan gamle do’ng hen timyimte do pintu hen asan kahidte?

20

Gamang Jisun yeraiten

pintulenji apsele kahidben asan Bindo anlen pintu maranji a delaben adnang anlen a panardu Kristun kahidle, kun abmele Kitungan a tanimyemdaman apsuilalen.

Romi 5:8

Jisun ampra bagu dusa maranji janang kanabhidan a hangbin asan anurungan deleji. Aninji “ajang-bob” ahiman a darakunaban aninji yeraeanji adnang tetten yaginji ado’ng arakaddang lingan amdaileji, bar dusa maranji ado’ng, bo mandra anin a jandrumsengban do bo mandra a kandrabardisengban amdaileji.

Luk. 23:32-33

Anin a do’ng-daman batte arakaddang lingan pintu-lenji tambedle pangeten, yanti gamle anlen pintun abmele kahiddam dean dele ranoitadan apsele mandrengnan rapti abhanatabe. Anin a panaranji batte anlen sanamangan hanglabe.

1 Pitor 2:24 Iten asan gamlenden yante gamle Kristun Kitungan amangban rapti urungtalen, kun asan Anin roitaddam dean dele erroitad maranji apsele pintun asan bo tara kahidle. Anin kanabhidan hangle, bindo jangardan batte anabme’ngan dele.

1 Pitor 3:18

21

Gamang Jisun

karahidan ado’ng abladnale bar nami Anin ameng daku

Adiaran rayil tagaldan aninji sarum miholan donsile tariltil lu’ngban iyleji. Bar aninji tariltil lu’ngan saring surda arengan anabkudan delen ate gijleji, bindo alu’ng lingan Jisun a mardun adrabangadji. Aninji kan a tanagadan gijan gijle rubmangdage a delenji ayam , abubmung aninji a mukkabanji tana’r sindrin a rotudlinanji a bagu mandran aninji amangban tanangleji.

22

ar o

Saletten aninji barij banontongan batte turkurdubleji adnang ruang pisirdianji gamleji, “karahid maranji amang lingan iten asan amben ame’ng maran ado’ng a saijte? Anin tidne agassa, bindo Anin yerme’ngle dineten. Amben galili disa lingan a dakulen adnang yante gamle Anin opunglaben antate ayemba. Seletten Anin gameten do a on Maran duahai maranji a si’ lingan sanurpidan adeben dete, do arakaddang lingan kanabhidan a deben dete. Bar bagu saring anabyagi dinnalingan anabdinan a deben dete na. kan a kuddub bernan do’ng-ben opungbenten kan a birnan adnayeme po.”

Luk. 24:1-7

Itente a bangsa hanangan hen jalai antate hen hanghanglaben, yanti gamle a tam roitad anidan ambrij Kristun pintulen asan kahidle bar yante gamle Anin tariltilan dele do a tam anidan ambrij bagu saring anab-yagi dinnalingan Anin yanarmeng anabdinan dele. Anin Pitor amang do hanangna maranji amangban apsuidamneten. Anta tiki Anin monloi soa saring aur derna buhanganji amangban apsuidamnetin.

1 Koronti 15:3-6

23

Gamang Jisun

pintundamlenji a panaradan anindaman tambedetin

Kitungan a ganugu drakunan

Kuddub mandran pintun lumleji; Bar Kitungan a ganugu panemengan amangban er ardulabe g’ungleji. Deli janangden Kitungan er janattidage asuyeman asan pintulenji sangaijetin. Jisun kristun amang a dirtinben batte Kitungan donglen roitadmar gamle disamaiten. Iten asan gamlenden pintulenji a panaradan tambedben do anlenji apsele Kitungan abananraban ablaggad bin asan anindaman a onan jisu kristun ado’ng appayaiten. Kitungan abananraban saring anablun a hangben asan kristun adong a dirnabin deti.

Rumi. 3:23-25

Jisun gameten, “Tangoran,Janardin bar Mandrengnan hen na.

Hen sadan sadle buteja U’an amangban adniyaiji.”

Jon 14:6

Mandran Adrakunan

Ambendaman a erna guinan batte kitungan amangban ardule adraptie orde anin adong sayemlen adraptie. Jisun sadan sadle butija donglen tandile adraptie, ambendaman a sanaisaijan jisu kristun batte lumle araptite.

Kitungn amangban aiben asan Jisun sattan tongaran.

24

K a d

Kristun na sanle Kitungan a drakunaban ardutabe.

Kitungan a ganugu drakunan

Pol gamte, Kani a birnan dernadage do a jaben asan barij tungna daku, manan, pintu maranji a rabrabben asan kristu jisun ordar lingan yeraiten. Bar aninji amanglingan hen abmang pintu maran na. Bindo er ahidan a mandrengnan a hangben asan a julu lingan anin amang lingan a derten a mandranji apsele bo arapsuijan a debin asan, yante gamle jisu kristu abmangiten atengayam-sanayen manglinghen rapti apsuite, kun asan hen anabasuyeman hanglai.

1 Timothy 1:15-16

Bar janang anin sadan sadle bigarda buteja amang lingan anablun agassa, iten asan gamlenden anlenji anablun a hangben asan riangan a jaitan mandranji amang lingan ednegoi bigarda ahiman taniyan addead.

Anappai 4:12

25

Gamang Jisun batte aman

er-ihidan amandrengna

Tanamadan

labamle raptite

D Mandrengna

a g g g ro a

R

Iten asan gamlenden pintun a badin karahidan, bindo Kitungan asuyem taniyan gamantungan-len jisu kristun lingan er ahidan a mandrengnan na.

Rumi 6:23

Kitungan saring er janatte anablun taniytiyan jabba Kitungan ordaran diyne timyimeten do anin a min tum onan tiyeten,yante gamle bute dele janang anin amang lingan a derten a mandra rapti adside,bindo er ahidan a mandrengnan hangte. Kan ordaran a bitsaraben asan ted,bindo yante gamle ordaran anin batte anablun rapti hangte, kun asan kitungan a onan a dong appaiyaiten.

Jon 3:16-17 26

G

D K

Jo

A

B

Ji N d ta s ja a

Jisun ado’ng purarda lingnam aiyben asan tiya

a

e n.

Jisun gamte, “Gija,hen sanangban tanangle debsangtai. bogad butija sarrang-hen amdanglenden do sanangan risanglenden, atteden hen anin amangban gantai do anin gardimaran ambrij henampara anin a gagatenai” Anappungi 3:20

Dirna do jisun aman apsele purardan tieten aman bogad biggardanji a timang lingan jisu kristun adong ablumar hen gamle appimingte do kitungan anin adong karahidan saring abyermengten gamle uggarlingnam dirten, atteden aman anablun hangte. Iten asan gamlenden uggarlingan a dirnan batte mandranji Kitungan a ginijgijlingan roitad maran gamle danisaman dete. Bar dernanam toadnam batte appimingten batte mandreng nan hangeten gamle ganalaman dete.

Rumi 10:9-10

Galama do aman bo Kitungan a’on Dajingante Anin ado’ng jaleji, Anin aninji ado’ng Kitungan ao’nanji a deben asan danen tietenji.

Jon 1:12

Aman namin na Jisu ado’ng jale raptite Barij uggaran batte garbira –

Jisu, Aman hen apsele arakkadang lingan purardan tiyle antin asan do’ng Nam sintai. hen pingbatai do manarid banam ardule adraptiai orde hen daman rabrabdamlin adraptiai. Jisu, hen do’ngnam saijtai, pintu- hen tabmadih do do’ng hen rabrabih ! kan ayam lingan hen siling-Nam surpidamtinai. Do’ng hen a timyemten asan do Amandaman abmele a jalihen asan do’ng-Nam sintai. Hen nami Kitungan a bo o’nan delih anten asan hen do’ng-Nam sintai! Amen 27

Gamang Jisun

A

daina a hangben asan Anin do’nam sayamte

A K o A s a

kanalkal-namji apsele tiyji’ten Bogad aman 27 page lingan anidan a delin a garbiran alung je’n batte garbirlin. Aman derna kuddub pintu-nam ji tanabmadan dele. Nami aman Kitungan a o’nan delam.

Kitungan a marid jangardan mang-nam basute. Jisun a sanandung mar a deben asan Anin do’ng-nam sayamte do aman a dile dinnan mandrengna anabhana ling-nam do’ngnam abumengte do hadab god lingan abhanate. Jisun gameten, “Angante marid jangarda manan janardin a jangardan yertai . Anin do’ngnam kuddub janardi lingan abanjingtam.” Jon 16:13 Marid jangardan do’ng-nam Kitungan a beran abayemte do sagalte.

Danukkan angante yertai saletten ayema aman tangsoi-nam ted , bindo aman ampara Kitungan a sanibdai beran antate do’ng-nam sanabyun, banuddi do anabumeng lingan badrijte. Kun a sanibdai beranji saring dajingante jaitan anidolan dele:-

Banantongan a yertaien ayam.

Bantong dong! Hen aman ampra daku.

Er der der nagi dedong , Hen Kitung-nam. Hen do’ngnam rabdutam do sayamtam. Hen do’ng-nam ranoitad jandrumsi-Hen batte hamle dakkutam.

Jisayo 41:10

Aman er der der nagi a detaman ayam Angante roitad maranji garberteji, seletten Gamangtugan amdangte,do kuddub kanalkalanji saring Anin aninji ado’ng rabrabte. Palang uggar maranji adamban Gamangtungan dakuten do tunggerder-je’ maranji ado’ng Anin ablute.

28

Saninken 34:17-18

Ji

K

E y it b It d k 1

J B m d

Jo

n

e

Aman Banimbiman a detaman ayam Anin kanalkal-lenji do anusuda-lenji a birdaran tambedeten, deli janang Kitungan saring Anin ado’ng kanalkalan do danukkan hangle gamle anlen ogandilabi. bindo anosai manedde-len apsele Anin ado’ng panopon dele. Anin a langka, sanabyu-len asan panadradan hangle bar anlen sanamangan detabe.

Jisayo 53:4-5

Mangale lingkij onkijge a delangten ayam Jisun gamte, “E manangga maranji, mangba-Hen yeraiba, do Hen ablulunataben. Raong-Hen galdamnaba bar Mangling-Hen hanghangnaba, Bar purarda-benji apsele amben lulunan a hangte. Iten asan gamlenden birder-Hen liyardam.”

Mattiu 11:28-30

Karahidan adam a dakutaman ayam E buhanganji, kindumdalen a mandranji abmele yante gamle amben er galamge a dete. Antate itsum-len ted, yante gamle daner der tedan a bigarda maranji ambrij amben maledage addee.

Iten asan gamlenden Jisun kahidle do bar okij dineten, antate bogad anlen a derrenaienden, ettegoi na Jisun batte kindumlen a mandranji ado’ng Kitungan Jisun ampara urung tai.

1 Tessaloniki 4:13-14

Jisun gameten, “yanarmengan do mandreng nan-Hen na.

Butente mangling-Hen derten, anin kahidlin janang den me’ng te. Bar butente me’ngan me’ngle mangling-Hen derten, anin angaja enga dele janang akkahide.”

Jon. 11:25-26 29

Ranabrab-hen agassa gamle a oganditen ayam

A

Kan a birnan abmele anlen iten gamtabe? Bogad Kitungan do’ng-len dandrablenden, buten rapti asanggemtalen? butente a Ondaman a do’ ng er rab rablabe kuddub-len apsele Anin a do’ng surpideten, Anin yan gamle a Onan ampara do’ng-len kuddub janabanji janang abasuyemle attiye po? Romi 8:31-32

A h ru ta a u

Aman kalai bilai ge a detaman ayam Bogad aman Kitungan a ranaptidam a s’in a dane lingan lagaddamle dakulinanden, tungna ayam lingan Anin rapti do’ng nam abgugute. Anin amangban kuddub kanudi-nam pidna, iten asan gamlenden Anin aman abmele kudite. 1 Petor 5:6-7

Kanudilingan a dakutaman ayam Pol gamte, “Kristu lingan a ganugu panemeng lingan a tam bittin ambrij Kitung-ben kuddub sanaisai-ben badrijte.” Pilipi 4:19

Aman bananrab lingan a dakutaman ayam Monna ling-ben bananraban delenden pintun a lum-dong. Endrang bubyungan adnang banandrab-ben umdrengba.

b a 1

J

A d d

Epiisi 4:26

Hen ampara buteja agassa gamle a oganditen ayam Jisun gamte, “ Hen itente baihlaben , anta kuddub mandranji ad’ong a manneben asan hanghangbaji.

Bar gijba, kan a ordaran ayaman a tanakkudan sikkoija tordong ayam amben ampara Hen dakutenai.”

Mattiu 28:20 30

Dusam

m

Aman panuyengan a hangten ayam Ayengan a mandranji ronoitadan abmele tanamderan hangteji, aninji man’oihdam, iten asan gamlenden ruang rajaman aninjiate. Hen apsele mandranji angante tamdertabenji, bar bukkaile eldageberran opungteji, seletten amben man’oihdam, iten asan gamlenden ruang lingan uhulkui-ben murdadam dete. Mattiu 5:10-12

Er dussa lingan abkalkaltamanji ayam

Bogad buteja dernanam a galamben itsumlenden etteden anin annual beran ajanalang atiyben Er-jana asan oskaidam dea, bindo lanagadan batte anin rdi ad’ong janalangan tiya. Itente hadab antate luma ,bogad mandranji er garamgaman batte do’ngnam bodteji do kristu janardi taramtamnam asan do’ng nam pudhingteji, etteden aninji ganarojan hangteji.

1 Pet. 3:15-17

Jee-nam analdingan a deten ayam Ayengan a mandran a j’en Kitungan amangling eritnage dakute, Kitungan anin ad’ng barij sanabyu lingan dakkute. Jisayo 26:3-4

Hen dussamar gamle a oganditen ayam Bogad anlen a pintun abpengba-labenden, pintu-lenji a tabmadben asan do kuddub er ranoitadan saring do’ng-len abmaridben asan Anin dernadage do roitaddage na.

1 Jon 1:9

Dusamar

Gamangtungan gamte, Jaba, anlen arogandile argabriba, pintulenji je’dam janang den kani arelan a palu ambrij dete; kani iderale janang den murkundarda-uppurge dete. Jisayo 1:18 31

Aman er-uyubge a detaman ayam Gamangtungan amanglingan ringnaba do sayele Anin ad’ng omdeba. Ayengan a mandran bittite,anin abmele kudidong, orde ayengan a mandra anin a er bangsa anogandinji saring banangsan hangte, anin abmele sintadong.

Sk. 37:7

Aman aur logi agalamben itsumlenden: SBCMS , At/Po- Serango, Dist- Gajapati-761207, kan adresson batte sittin appaiyai.

Scripture quotations are taken from Raitad Bible in Soura Language, Published by The Bible Society of India

Copyright©2015 FL Media All rights reserved Printed in India for Mediaserve, 2015, www. mediaserve.org

Soura

E u’a Kitung ! hen do’ng-nam U’ang gamle a gudingben a danen a hanglaen asan hen do’ng-Nam sintai.

Pintu hen saring rabrable er dusa mar abmeben asan Aman hen apsele Jisun ado’ng a kahid ben asan kan ordarban appailai anten asan hen boi boi sintam.

Hen apsele tanimyem-Nam do sanagal-Nam asan do’ng-Nam sintam.

Aman sanna surda kanalkalanji sabngaiben asan mangling-Nam ranaptin daku.

Baibol lingan murda sanibdaiber-Nam ji asan hen do’ng-Nam sintai.

Hen garberre gadlamtam yante gamle marid jangardan dile tordong mangling-hen basuan basule dile mangdrengnaling-hen abhanatih do babyetih, hen mang ling-Nam derderan derderlin mano’han do sanabyun a hanglaen asan do’ng-Nam sintam.

Amen

Cartoons by alfred luther

Bo sanensen garberan

Janardi

Mandrengnan Apsele

Anualberan Aman bogad Kitungan a bernan apsele bar mandrengnanam apsele iten Kitungan aitsuman daku. Kan a birnanji sanle aur a galamben asan itsumlenden kan a porom lingan badrijle: SBCMS, At/Po-Serango, Via-Gumma, Dist-Gajapati-761207 Address lingan (post Card lingan. idolle appaile raptite).

Ijjaden phone No- 9439045697 lingan SMS batte gudlamle araptite.

Bible sanle do mandrengna linghen iten Kitungan a itsuman daku kan a birnan galamben asan our itsum hen daku.

4 Atam itsumhen ambrij: Sinon tiylai Bible hanagan apsele-ahimhen abidolba Jisun asilingan mandrengnahen Surpidlai, Butija mangbahen iyan iyle Jisun abernan oblingte kan ate itsumhen daku.

Bangsale ahiman idolle appaiyai (English batte a idollenden bangsa) Ahiman:

!

Address: Po: Dist:

Via: PIN:

Postcard

Mandrengnan apsele a murda garamgaman saile a hangben erre guijle po ?

Place Stamp Here

To: ______________________________________________________ ______________________________________________________ ______________________________________________________

Yan gamle sakkai sanabyun hangtai ?

Janardi

Mandrengnan

Apsele Anualberan

Iteja apsele er kudilinben kuddub janab apsele garbera, sanaisai-nam ji Kitungan ado’ng gadlama do a hanglen a kuddub sanayamanji apsele Gamangtungan ado’ng sina, atteden aman Kitugan a sanabyun imlin raptite. Anin a sanabyun, Jisun kristun amang lingan dernan batte anogal-nam do uggarnam eridnagi abmete.

Pilipi 4: 6-7

Janardi

Mandrengnan

Apsele Anualberan

Tanakud ayam lingan Iten dete aman apsele antate galamte po ?

Aman bo surda langgin kanudije’e lingan daku po ?