The Prophets Speak / Falam Chin

THILCANG MIPAWL AN HMU IH

KHAL KAN MITHMUH AH

K

um 2500 liam zo hnuah khan, profet Jeremiah, Isaiah, Ezekiel le a dang profetpawl tivek in Jew-pawl hnen lawngah thu an sim loih kan hnen khalah in sim a si.

Hi cabu ah, mangbangza simsâwngnakpawl le Pathian in Israel-pawl hnenih a tumtah mi ah ziangtin na nunnak thawn a milaw ti kha zoh aw.

P ROFETT P AWL THU AN S IM

simsawng mi thilcang rero lai mi hmuh a si!

ATU KAN SAN KHALAH AN PHUAN CIA MI LE

Profetpawl

Thu an Sim Pathian Bible Thianghlim Hmangin

www.mediaserve.org

Profetpawl

Thu an Sim Pathian Bible Thianghlim Hmangin

Profetpawl

Thu an Sim Pathian Bible Thianghlim Hmangin

Compiled by Leena Arthur

PROFETPAWL IN THU AN SIM First published in Falam Chin 2019 Copyright © 2019 FL Media All rights reserved ISBN 978-1-906389-72-7 Printed in Myanmar for MediaServe www.mediaserve.org Acknowledgments Scripture quotations are taken from Chin Sttandard Bible © 2019 Bibles International Myanmar Society Jacket illustration, Helena Backmark Graphic design, Jessica Nyström Translated, edtited and formatted by Paul Van Hre

Casiartu hnenah,

A Duhdawt mi Rual, Hi cabu hi leitlun ih um Jew-pawl hmuahhmuah hnenih hlân mi a si.

Kum 2500 liam zo hnuah khan, profet Jeremiah, Isaiah, Ezekiel le a dang profetpawl tivek in Jew-pawl hnen lawngah thu an sim loih kan hnen khalah in sim a si. Atu kan san khalah an phuan cia mi le simsawng mi thilcang cia mi cu an hmu ih thilcang rero lai mi khal an hmu.

• ISRAEL RAM

suahkehnak

• LEITLUN HMUN KILKIP IHSIN JEWPAWLIH suahlannak • A CING MI EDEN HMUAN IHSIN ISAEL RAM

thlengawknak Kum zabi tampi rei hmansehla Pathian thu cu a famkim thluh ding.

A hmaisabikah Jew-pawlih hmailam thu le an ram thu cu Pathian ih thutiamkam hrek khatpawl ah na siar thei.

Thutiamkam tampi cu a famkim thluh zo ih mangbangza zetin kan mithmuh ah a cang lai ding mi khal a um hrih lai. Profet Isaiah hmangin Pathian in hitin a sim, “Ka kâ ihsi suak ka kamsuakthu cu a si; a lakin ka hnenah a kirsal lo ding, Ka duh mi a tuahsuak sawn ding ih, ka thlahnak san hrangah a hlensuak ding.” (Isaiah 55:11).

Hi cabu na siar tikah, Pathian in a mipawl hrangah tumtahnak a nei ih a ṭawng mi vekin a famkimter ding.

Hih catlappawl hi thlacamnak thawn siar awla Pathian in Israel-pawl hnenih a tumtah mi ah ziangtin na nunnak thawn a milaw ti kha zoh aw.

Abraham, Isak le Jakob ih Pathian in malsawmnak lo pe hram seh.

Casuahtu Hnenin

A SUNG UM THU

A 1. JEWPAWL HNENIH PATHIAN IH THUTIAMKAMPAWL

Thutiamkam Ram Israel thawi Kumkhaw Thukham laknak Ram Tundinsalnak Thutiamkam Israel Pehzawmawknak Thutiamkam Hmailam Thu Thutiamkam Jew-pawl hnenih Pathian ih Thutiamkampawl cu Thukham Hlun in a nemhnget

11 13 14 19 29

38

2. PROfet ISAIAH IN MESSIAH THU A PHUANG

Messiah ih Ratsalnak Messiah ih Mission Messiah ih Hminpawl Messiah ih Ziazapawl

45 46 49 52

3. MESSIAH THUHLA PHUAN CIA MIPAWL CU YESHUA AH A FAMKIM

Messiah Thuhla Phuan Cia Mipawl cu Yeshua ah a Famkim

4. MESSIAH THU THEIHNAK

Messiah Thu Theihnak

61 93

1 JEW-PAWL HNENIH PATHIAN IH THUTIAMKAM

TIAMKAM MI RAM

A ABRAHAM HNENAH PATHIAN IH THUKAM

A tu ah Jehovah in Abram hnenah, “Nan ram sung ihsin, na sungkhat hnen ihsin le na paih inn ihsin, ka lo hmuh ding mi ram ah fehsuak aw. Miphun tumpi ah ka lo tuah ding, mal ka lo sawm ding ih, na hmin ka ropitter ding, cule nangmah cu malsawmnak thlentu na si ding. nangmah mal lo sawmtu cu mal ka sawm ding, a lo camsiattu cu ka camsiat ding.

Cule leilung tlun ih hrin hmuahhmuah cu nangmah thawng in malsawm an si ding,” tiah a rak ti.

Semtirnak 12:1-3 “Cule nangmah le na lehhnu ih na cithlahpawlih Pathian si dingah, kumkhaw thukham hrangah keimah le nangmah le na lehhnu ih na cithlahpawl anmai san minungpawl karlakah kei in ka thukham ka dĭn ding. Kumkhuaih colan ta dingah mikhual na sinak ram, Kanaan ram pumpi cu nangmah le na lehhnu ih na cithlahpawl hnenah ka lo pe a si, cule keimah cu an Pathian ka si ding,” tiin a bia.

Semtirnak 17:7,8

PROFETPAWL IN THU AN SIM - JEWPAWL HNENIH PATHIAN IH THITIANKAM

11

ISAK HNENIH PATHIAN THUTIAMKAM

“Cule Pathian in, “Si hlah, na nupi Sarah in fapa a lo hrinsak ding ih, a hmin ah Isak tiah na sak pei.

Amah hnuih a cithlahpawl le amah thawn kumkhaw thukham dingah ka thukham ka dĭn ding.”

Semtirnak 17:19 “Hi ram ah cêng awla, na hnenah ka um ding ih, mal ka lo sawm ding. Ziangahtile na hnen le na cithlahpawl hnenah hi ram hmuahhmuah hi ka lo pe ih, na pa Abraham hnenih sia ka săm mi thukam ka tuahsuak ding.”

Semtirnak 26:3 JAKOB HNENIH PATHIAN THUTIAMKAM

Cun Jakob in Joseph hnenah, “Kanaan ram Luz ah Ziangkimtithei Pathian ka hnenah a rung lang ih thlawsuah i rak pe, cule ka hnenah, ‘Ngai hnik, ci tam zet ka lo zaihter ding ih ka lo karhzaiter ding, cule mipi burpi ah ka lo tuah ding. Kumkhuaih colan ta dingah, na lehhnu ih na cithlahpawl hnenah hi ram hi ka pe ding,’ tiah i ti.”

Semtirnak 48:3,4 MOSI HNENIH PATHIAN THUTIAMKAM

Jehovah in Mosi hnenah cuih ni rori ah, “Jeriko khat lam, Moab ram ih a um mi, himi tlang Abarim tlangtluan ih Nebo Tlang ah hung kai aw.

An ta dingih Israel tefapawl ka pek mi Kanaan ram cu va cuan aw.”

Danpeksalnak 32:48,49 12

PROFETPAWL IN THU AN SIM - JEWPAWL HNENIH PATHIAN IH THITIANKAM

ISRAEL hnenih kumkhaw thukham thutiamkam

A “Hi minungpawl cu keimai hrang rori ih ka rak dĭnsuak mi an si.”

Isaiah 43:21 “Cule leilung tlunih hrin hmuahhmuah cu nangmah thawngin malsawm an si ding.”

Semtirnak 12:3 “Jehovah na Pathian thupekpawl na thlun ih, a lamzinpawl na zawh asile, na hnenah sia a rak săm vekin, Jehovah in amah hrangih miphun thianghlim ah a lo dinhnget ding. Cun leilung miphun hmuahhmuah in Jehovah hmin putu na si kha an hmu ding, cule an lo ṭih ding.”

Dānpeksalnak 28:9,10 Hlapi ihsin ka hnenih rung lang Jehovah in hitin a ti, A si, kumkhaw duhdawtnak in ka lo duhdawt; “Curuangah lainatduhdawtnak in ka lo hruai a si. Ka lo dinṭha lehsal ding ih, dinṭhat na si ding, Maw Israel fala him!”

Jeremiah 31:3,4

PROFETPAWL IN THU AN SIM - JEWPAWL HNENIH PATHIAN IH THITIANKAM

13

Sun ih tleu dingah ni petu, zan ih vâng dingah arsipawl le thlapi hrangih dān hnget ruattu, tifinriat hentu le a tisuarpawl awn humhotertu Jehovah in hitin a ti, a hmin cu ralkap rualpawlih Jehovah a si. Hi dān hnget hi ka hmaika ihsin a hlorál asile, Israel ci cu miphun pakhat sinak ihsin ka hmaika ihsin a hlorál kumkhua ve ding, Jehovah in a ti.

Jeremiah 31:35,36 “Maw Jakob, hipawl hi cîng ringring aw, Israel khal in, ziangahtile nang cu ka siahhlawh na si; ka rak lo dĭnsuak, nang cu ka siahhlawh na si; Maw Israel, nang cu ka lo hngilh dah lo ding!”

Isaiah 44:21

MIPHUN TUNGDINGSAL DINGAH THUTIAMKAM

A “Thlangam uh, a si, ka mipawl thlangam uh,” nan Pathian in a ti. Duat takin: A ṭawng hrampi ah cun, “thinlung ah” ti a si.

Duat takin Jerusalem hnenah thusim uhla, 14

PROFETPAWL IN THU AN SIM - JEWPAWL HNENIH PATHIAN IH THITIANKAM

A raldonak cu a cem, A mawhsualnak ngaithiam a si, tiah ausuak uh; “Ziangahtile a sualpawl hmuahhmuah hrangah alet in Jehovah kut ihsin anih cun a rak tuar,” tiin.

Isaiah 40:1,2 “Ziangahtile nanmah hrangih ka ruah mi khawruahnak cu ka thei, hmakhua le ruahsannak lo pe dingin, khawruahnak ṭhalo si loin hamṭhatnak khawruahnak sawn a si, Jehovah in a ti.”

Jeremiah 29:11 Pathian mi, Jewpawl cu tundinsal aN si ding

... Hamath ihsin le tifinriat tikulhpawl ihsin tān mi, a minung tāngsŭnpawl la leh dingin, Bawipa in a vei hnihnak a bân a pharsal ding.

Miphunpawl hrangah thantar a tar ding ih, Israel-mi lakih dawisuak mipawl cu a khawm ding, Cule leilung kil li ihsin, Judah-mi lakih a ṭekdarh mipawl cu a fĭnkhawm ding.

Isaiah 11:11,12 “Miphunpawl lak ihsin ka lo lasuak ding ih, ram kip ihta ka lo fĭnkhawm ding, cule nanmai ram ah ka lo hruai ding. Cun nan parah tidai fimte ka lo theh ding ih, nan fai ding; nan thianlonak hmuahhmuah le nan milempawl lak ihsin ka lo thianfai ding.

Thinlung thar ka lo pe ding ih, nan sungah lungthin thar ka ret ding; nan titsa ihsin lungto thinlung cu ka lahlo ding ih, titsa thinlung ka lo pe ding. Cule PROFETPAWL IN THU AN SIM - JEWPAWL HNENIH PATHIAN IH THITIANKAM

15

nan sungah ka thlarau ka ret ding ih, ka sakhaw dānpawl ka lo thlunter ding, cule ka cīn le dānpawl nan thlun ding ih nan tuah ding. Cun nan pupápawl ka pek mi ram ah nan cêng ding; nannih cu ka mi nan si ding ih, kei cu nan Pathian ka si ding.”

Ezekiel 36:24-28 “Cuih cān ah, ka lo fĭnkhawm tikah, ka lo hruailut hai ding; ziangahtile leilung miphunpawl hmuahhmuah lakah, na mithmuhih na vanneihnak ka tundinsal tikah, hminthannak le thangṭhatnak ka lo pe ding,” tiah Jehovah in a ti.

Zephaniah 3:20 ISRAEL RAM SUAHKEHNAK

“Zo in so cuvek thil a hna in a thei dah?

Cubangtuk thilpawl cu zo in so hmu dah?

Leilung hi ni khat ih hrinsuah a si pei maw?

Asilole hmakhatteah miphun a suak pei maw?

Ziangahtile Zion cun fahrinnat a tuar veten, a fātepawl a hring.”

Isaiah 66:8 JERUSALEM din a si ding

Maw Jerusalem, na hruangpawl parah ralvengtupawl ka ret zo; A sun a zanin daiten an um men lo ding.

16

PROFETPAWL IN THU AN SIM - JEWPAWL HNENIH PATHIAN IH THITIANKAM

Nannih Jehovah a hlâmtupawl daiten um hlah uhla, leilung ah Jerusalem cu thangṭhatnak ih a tuah hlanlo le, A dĭnngah hlanlo anih cu cawlter hlah uh.

Isaiah 62:6,7 Jerusalem daihnak hrangah thlacam uh: “Nangmah duhdawtupawl cu hmuingil hai seh.”

Jehovah kan Pathian inn ruangah Na ṭhatnak ka hawl ding.

Sam 122:6,9 Zentelpawl cān a kim hlanlo Jerusalem cu an ke hnuaiah an palbĕt ding.

Luke 21:24 RO NGAHSAL DING

Cuih cān ah Judah sungza cu Israel sungza thawn an kăwpaw ding ih, sak lam ram ihsin, nan pupápawl ro ih ka rak pek mi ram ah an ratlāng ding.

Jeremiah 3:18 Cule hi Israel tefa ralkaihpawl hin Kanaanmipawlih ram Zarefath tiang an co ding. Sefarad ih um Jerusalem ralkaihpawl in Negev khuapawl an co ding.

Obadiah 1:20

18

PROFETPAWL IN THU AN SIM - JEWPAWL HNENIH PATHIAN IH THITIANKAM

ISRAEL LAKHAWM DINGIH THUTIAMKAM

A Maw nannih miphunpawl, Jehovah kamsuakthu hi ngaithla uhla, a hla zet mi tipi kap tluanah thăn uh, ‘Israel ṭekdarhtertu in amah cu a fĭnkhawm leh ding ih, tuukhāltu in a rante rual a kilhim bangin a kilhim ding,’ tiah ti uh.

Ziangahtile Jehovah in Jakob a runsuak ih, amah hnakih caksawn kut ihsin a tlen.

Curuangah Zion Tlang parah an ra ding ih hla an sak ding, Jehovah ṭhatnak ah cun an lêngza ding, sangvut le sabitzu thar le hriak ruangah, rante rual le ranpi rual fātepawl ruangah; an nunnak cu hmuan ti tawih mi vek a si ding ih, an riah a sia nawn hrimhrim lo ding.

Jeremiah 31:10-12 Asinan ka rak dawisuak hainak ram hmuahhmuah ihta a tāngsŭn ka rante rual cu ka khawm ding ih, an hruang sungah ka hruaikirsal hai ding, cule ci tampi an thlah ding ih, an karh ding.

Jeremiah 23:3

PROFETPAWL IN THU AN SIM - JEWPAWL HNENIH PATHIAN IH THITIANKAM

19

PATHIAN IN A MIPAWL A THEIHHNGILH THEI LO

“Ngai hnik, hipawl cu a hlatnak ihsin an ra ding, Zoh hnik! Khipawl cu sak lam le nitlak lam ihsin le, Hipawl cu Sinim ram ihsin an si,” tiin.

Maw vanpawl, aipuangin au uh! Maw leilung, lungawiaipuangin um aw! Maw tlangpawl tla, aipuangin ausuak uh! Ziangahtile Jehovah in a minungpawl a hnem ih, zăwnzaih tuar a mipawl parah zahngainak a nei. Pathian in Zion a Máng Ding, asinan Zion in, “Jehovah in i thlauthla zo ih, Ka Bawipa in i hngilh zo,” tiah a ti. “Nunau in hnawi a fawh lai mi a fa a hngilh in, a rilrah a fapa lainat loin a um thei pei maw? A si, an hngilh tla a si thei, cutisikhalsehla kei cun ka lo hngilh lo ding. Ngai hnik, ka kut zaphak ah ka lo ngan; na khawkulhpawl cu ka hmaiah an um ringring.”

Isaiah 49:12-16 ram ah jew-pawl hruai dingah ZENTELpawl in an bawm

Bawipa Jehovah in hitin a ti: “Ngai hnik miphunpawl hnenah ka kut ka thlir ding ih, minung hmuahhmuah hrangah thantar ka phun ding; Na fapapawl cu an bân in an hruai ding ih, na fanupawl cu an liang in an pungpucuan ding.”

Isaiah 49:22

20

PROFETPAWL IN THU AN SIM - JEWPAWL HNENIH PATHIAN IH THITIANKAM

Ziangahtile Jehovah in Jakob parah zahngainak a nei ding ih, Israel cu a hril leh ding, cule anmai bul ram ah umhmun a khuarter ding. Ram dang mipawl in an run fîn ding ih, Jakob sungza an runkăwp ding.

Isaiah 14:1,2 “Ram dang mipawl in na hruangkulh an dâwl ding ih, an siangpahrangpawl in na rawng an bawl ding; ziangahtile ka thinlingnak in ka rak lo vua, Asinan ka duhsaknak in na parah zahngainak ka rak nei.”

Isaiah 60:10 “Siangpahrangpawl cu nangmah kiltu an si ding ih, an siangpahrang bawinupawl cu a lo kilkhawitu an si ding; annih cu na hmaiah leisin bihin an kûn ding ih, na ke ih leivut an liak ding. Cun keimah cu Jehovah ka si ti na thei ding, ziangahtile keimah hngaktu cu an mualpho lo ding,” tiin.

Isaiah 49:23 “Ṭih hlah, ziangahtile ka lo umpi a si; nisuahnak lam ihsin na tesinfapawl ka hruai ding ih, nitlaknak lam ihsin ka lo fĭnkhawm ding, sak lam hnenah, ‘Thlah hai aw!’ ka ti ding ih, Thlang lam hnenah, ‘Kaitâng hai hlah!’ ka ti ding.

Hmun hlapi ihsin ka fapapawl rak hruai uhla, Leilung dĕngpawl ihsin ka fanupawl rak hruai hai uh, ka ti ding. Ka hmin ih kawh mi pauhpauh, ka 22

PROFETPAWL IN THU AN SIM - JEWPAWL HNENIH PATHIAN IH THITIANKAM

sunlawinak ding hrangih ka rak sersiam mi, ka rak dĭnsuah mi, ka rak tuah mi rori cu,” tiin. Mit nei si mitcawpawl le hna nei si hnasetpawl cu rak hruaisuak uh.

Isaiah 43:5-8 Cun anih in ka hnenah, “Minung fapa, hih ruhkolpawl hi Israel sungza zate an si, ngai hnik, annih cun, ‘Kan ruhpawl an ro, kan ruahsannak a hlo ih, kanmah rori khal thah kan si!’ tiah an ti. Curuangah thuphuang awla an hnenah, ‘Bawipa Jehovah in hitin a ti: ngai hnik, Maw ka minungpawl, nan thlānpawl ka áwng ding ih, nan thlānpawl ihsin ka lo suakter ding, cule Israel ram ah ka lo hruai hai ding. Cun Maw ka minungpawl nan thlānpawl ka ăwn ih, nan thlānpawl ihsin ka lo hruaisuah hai tikah nannih in keimah cu Jehovah ka si ti nan thei ding. Nan sungah ka thaw ka ret ding ih, nan nung ding, cule nanmai ram ah ka lo ret ding. Cule nannih in keimah cu Jehovah ka si ti nan thei ding, cumi cu ka ṭawngsuak ih, ka tuah ding, Jehovah in a ti,’ ti aw,” tiah i ti.

Ezekiel 37:11-14 ZiOn ah lungawinak thawn

Cutin Jehovah ih tlen cia mipawl cu an ra kirsal ding ih, Hla sak phahin Zion ah an ra ding, An lupawl parih catuan aipuannak thawn an ra ding.

PROFETPAWL IN THU AN SIM - JEWPAWL HNENIH PATHIAN IH THITIANKAM

23

Aipuannak le lungawinak an congah ding; riahsiatnak le aihramnak cu an tlânhlo ding.

Isaiah 51:11 NKJV

A Runsuahnak Hna Ropi ruangih Jehovah Thangṭhatnak aw, Jehovah hnenah lungawi thu sim uh, ziangahtile anih cu a ṭha a si!

Ziangahtile a lainatduhdawtnak in kumkhua a daih. Ral kut sung ihsin a tlen zo mipawl, Jehovah ih a tlen zo mipawl khal in cutivek thothoin sim hai seh, cule nisuah, nitlak, sak lam le thlang lam rampawl ihsin a hruaikhawm mipawl khal in.

Sam 107:1-3 LĀWNG LE VANZAMLENG CUN MI HARSAPAWL A HRUAI

“Na kimvel vun cuan awla, zoh hnik; An zaten an pungkhawm ih na hnenah an ra; Na fapapawl cu a hlatnak ihsin an ra ding ih, Na fanupawl cu na cawi hai ding.”

Tipi kap tluanpawl cun in hngak tengteng ding; cule Jehovah na Pathian hmin hrangah le, Israel-ih mi Thianghlim hrangah, hla zetih um na fapapawl, an sui le an ngun pawl an zawngih rak keng dingin, Tarshish lăwngpawl cu a hmaisabikah an ra ding, ziangruangahtile anih in a lo sunlawih zo.

Isaiah 60:4,5,8,9

PROFETPAWL IN THU AN SIM - JEWPAWL HNENIH PATHIAN IH THITIANKAM

25

LAMZIN TIMTUAH aw

“Lamzin hminsinnak tuah aw, Ramri tuah aw; Na fehnak lamzin, Zinpi lamah na thinlung ret aw.

Maw Israel fala him, ra kir aw, Hih na khawpipawl ah hin kirsal aw.”

Jeremiah 31:21 Fehtlăng uh, kăwtkapawl ihsin fehtlăng uh! Mipi hrangah lamzin sial uh; Sûngpâwng uh, Zinpi kha sûngpâwng uh! Lungtopawl kha hlăwn uhla, miphunpawl hrangah thantar khaisâng uh! Ngai hnik uh, Jehovah in leitlun dĕng hnenah, “Zion fanu hnenah, ‘Ngai hnik, na runsuahnak a nâi zo, ngai hnik, lawmman cu amai hnenah a um ih, Ṭuan man cu a zawngah a um,’ ti aw,” tiah a phuang.

Isaiah 62:10,11

26

PROFETPAWL IN THU AN SIM - JEWPAWL HNENIH PATHIAN IH THITIANKAM

THILMAK: RUSSIA JEW-PAWL CU ISRAEL RAM AH AN KIR

“Curuangah ngai hnik uh, ‘Israel tefapawl Izip ram ihsin hruaisuaktu Jehovah a nun rori vekin,’ an ti nawn lo ding cān a ra thleng thlang, Jehovah in a ti, cuhnakin, ‘Sak lam ram le a rak dawisuah hainak ram hmuahhmuah ihsin Israel tefa hruaisuaktu Jehovah a nun rori vekin,’ tiah an ti sawn ding.

Ziangahtile an pupápawl ka rak pek mi anmai ram ah ka hruaikir hai ding. Ngai hnik uh, ngakaitu mi tampi ka cah ding, Jehovah in a ti, cule anmah an kai ding, cuihhnu ah ramtawi mi tampi ka cah leh ding ih, tlang kip le tlangmual kip ah le lungpi kâkpawl ah anmah an pêl ding.”

Jeremiah 16:14-16 “Khai law, khai law! Sak lam ram ihsin tlân aw, Jehovah in a ti, ziangahtile nang cu van ih thli pali vekin kau pin ka lo darhter zo, Jehovah in a ti. Khai law, Zion! Nang Babilon fanu hnenih cêng, tlânsuak aw.”

“Ziangahtile ralkap rualpawlih Jehovah in hitin a sim: sunlawinak hnuah nanmah a lo rămtu miphunpawl hnenah amah in i thlah, ziangahtile nangmah a lo tăwktu cu amai mitmu a tăwk tinak a si.”

Zekhariah 2:6-8

PROFETPAWL IN THU AN SIM - JEWPAWL HNENIH PATHIAN IH THITIANKAM

27

“Curuangah ngai hnik, ‘Israel tefapawl Izip ram ihsi hruaisuaktu Jehovah a nun rori vekin,’ tiih an ti nawn lo ding cān a thleng ding, Jehovah in a ti. Cuhnakin, ‘Sak lam ram ihta le ka dawisuak hainak ram hmuahhmuah ihta Israel sungza tesinfa hruaisuak ih hruaikir lehtu Jehovah a nun rori vekin,’ an ti sawn ding. Cule anmai ram ah an cêng ding,” tiin.

Jeremiah 23:7,8

hmai lam hrang thutiamkam

A Jehovah in hitin a ti: “Ṭahnak ihsin na aw sūp awla, Mitthli lak ihsin na mit; Ziangahtile na hnaṭuan cu lawmman pek a si ding, Jehovah in a ti, Cule ral ram ihsin an ra tlungkir ding.

Nan hmakhua ruahsan ding a um, Jehovah in a ti, nan falepawl tla anmai ram ah an kirsal ding.”

Jeremiah 31:16,17

PROFETPAWL IN THU AN SIM - JEWPAWL HNENIH PATHIAN IH THITIANKAM

29

MALSAWM RAM

“Cuih cān ah, ka lo f nkhawm tikah, Ka lo hruailut hai ding; Ziangahtile leilung miphunpawl hmuahhmuah lakah Na mithmuhih na vanneihnak ka tundinsal tikah, Hminthannak le thang hatnak ka lo pe ding,” tiah Jehovah in a ti.

Zefaniah 3:20 “Cuih ni ah a tlu zo mi David-ih puanthlam ka tungding ding ih, A băl mipawl ka rĕm ding; A siatnakpawl ka rĕmṭha ding ih, hlanlai vekin ka dĭnsal ding.

Cutin Edom tāngsŭnpawl le ka hmin ih kawh mi, Miphunpawl an congah thei ding,” tiah himi tuahtu Jehovah in a phuang.

“Ngai hnik, lei lettu in fâng attu a dawiman ding cān le Sabit palsawrtu in a ci tuhtu a dawiman ding cān a thleng ding, Jehovah in a ti.

Tlangpawl ihsin sabitzu thlum a fawr ding ih, Tlangmualpawl hmuahhmuah cu a ciapter thluh ding. Ka minung Israel-ih vanneihnak ka tungdingsal ding; Annih in khawpi ṭhingpawl an sakṭha ding ih, an luah ding.

Sabit hmuan khal an tuah ding ih, cumi ihsin sabitzu an in ding; Hmuanpawl khal an tuah ding ih, cumi ihsin a rah an ei ding.

30

PROFETPAWL IN THU AN SIM - JEWPAWL HNENIH PATHIAN IH THITIANKAM

Photo: Røhr Productions

Annih cu anmai ram ah ka phun hai ding ih, Anmah ka pek mi ram ihsin phawi an si dah nawn lo ding,” tiah Jehovah na Pathian in a ti.

Amos 9:11-15

RAMT . HING CU A LUNGAWI DING

“Asinan nannih, Israel tlangpawl, ka mi Israel hrangah nan hngeṭek nan suah pei ih rah nan suah pei, ziangahtile annih cu an ra thleng cing ding.

Ziangahtile zoh hnik, kei cu nan lamah ka ṭang a si, nan hnenah ka kir ding ih, nannih cu cawhlet nan si ding, cule nan parah an tuh ding. Nan parah minung ka karhzaiter ding, Israel sungza hmuahhmuah, an zaten; cule khawpipawl luah an si ding ih, a siat mipawl dĭnṭhatsal an si ding.”

Ezekiel 36:8-10 Ramṭhing le nelrawn cu anmai hrangah an lung a awi ding ih, Arabah cu a ai a puang ding, cule rose pangpar vekin a par ding; Cumi cu hlaw zetin a par ding ih, lungawiaipuangin a um ding, Cule aipuangin hla a sak ding. Lebanon ropitnak cu a hnenah pek a si ding, Karmel le Sharon ṭhatnakbik khal. Annih in kan Pathian cungcuannak, Jehovah ropitnak an hmu ding. Kut caklopawl cu cakter uhla, Khuk ṭawnṭaipawl cu cakter uh. Thinlung thlaphângpawl hnenah, “Cak zetin um uh, ṭih hlah uh! Ngai hnik uh, phuba la dingin PROFETPAWL IN THU AN SIM - JEWPAWL HNENIH PATHIAN IH THITIANKAM

33

nan Pathian a ra ding, Pathian lehrulhnak a thleng ding; Anih cu a ra ding ih a lo run hai ding,” tiah sim uh.

Isaiah 35:1-4 “Hmun sâng kawlh ah tivapawl ka luangsuakter ding, Phaikuampawl laiah tihnapawl ka pûtter ding, Ramṭhing cu tili ah le, Ramcar cu tihna ah ka tuah ding.

Ramṭhing ah sidar le akasia thing, Hadas le hriak thing ka phun ding, Nelrawn ah mirang far thing le far thing le tidhar thing pawl ka khotlangter hai ding, Cutin hihi Jehovah kut in a rak tuah ih, Israel-ih Mi Thianghlim in a rak sersiam ti an hmu ding ih an thei ding.

Cule an ngaihtuah ding ih an theithiamtlang ding.”

Isaiah 41:18-20 KHUAHLAN KHAWPIPAWL CU SAKSAL A SI DING

Bawipa Jehovah Thlarau cu ka parah a um, Ziangruangahtile mifarahpawl hnenih thuthangṭha sim dingah Jehovah in hriak i thih; anih in thinlung kekkuaipawl damter dingah le, sáltangpawl hnenih zalĕnnak phuang dingah le, thawngtlapawl hnenah zalĕnnak thu phuang dingah, Jehovah duhsak kum le, ka Pathian phulei samnak thu phuang dingah, a ṭap mipawl hmuahhmuah thlangăm dingin, 34

PROFETPAWL IN THU AN SIM - JEWPAWL HNENIH PATHIAN IH THITIANKAM

Zion ih a ṭap mipawl hnem dingah, vutcâm aiah lu ceimawinak pe dingah le, ṭahnak aiah aipuannak hriak pe dingah, nguinak thlarau aiah thangṭhatnak sinfen pe dingah i rak thlah.

Cutin annih cu dingfelnak thingkung tiih kawh an si ding, amah sunlawih a si theinak dingah, Jehovah phŭn mi ti an si ding. Cule annih in a siat mi hmunpawl an dĭnsal ding, hlanih a răm zo mipawl an tungding ding ih, san tampi a răm zo mi, khawpi siatpawl an rĕmsal ding.

Isaiah 61:1-4 “Bawipa Jehovah in hitin a ti: nan mawhsualnakpawl ihsi ka lo thianfai ni ah, khawpipawl ah mi ka cêngter fawn ding ih, a siat mipawl cu dĭnṭhatsal an si ding. A páltu hmuahhmuah mithmuhih khaw răm a si ding can aiah, ram lawnglak cu leh a si ding.

Cule annih in, ‘A răm mi hi ram cu Eden hmuan vekah a cang; a răm mi le a ṭhing mi, a siat mi khawpipawl cu atu ah cun kulh le luah an si thlang,’ tiah an ti ding.”

Ezekiel 36:33-35 “Cun nan pupápawl an rak cēnnak hmun, ka siahhlawh Jakob ka pek mi ram ah an cêng ding, anmah le an fātepawl le an tesin-faparpawl thawn kumkhuain an cêng ding, cule ka siahhlawh David cu anmah uktu a si kumkhua ding.”

Ezekiel 37:25

36

PROFETPAWL IN THU AN SIM - JEWPAWL HNENIH PATHIAN IH THITIANKAM

THUKHAM CU THARTERSAL A SI

“Ngai hnik, Israel sungza le Judah sungza thawi thukham thar ka tuah ding cān a thleng zik thlang, Jehovah in a ti, Izip ram ihsin kut in ka hruaisuah hai laiih an pupápawl thawi ka tuah mi thukham, an pasal ka si ko na cingih an rak pahbăl mi ka thukham vek si lo, Jehovah in a ti. Himi hi, cumi hnuih anmah thawi ka tuah ding mi thukham cu a si, Bawipa in a ti: an thinlung ah ka Dānpawl ka ret ding ih, cupawl cu an ruahnak ah ka ngan ding. Mi kip in, ‘Jehovah thei aw,’ tiin anmai innhnen le an unau an zirh nawn lo ding, ziangahtile an lakih a tebik ihsin a tumbik tiangin an zaten keimah in thei ding, Jehovah in a ti. Ziangahtile an mawhsualnak ka ngaidam hai ding ih, an sual ka cîng nawn lo ding,” tiin.

Jeremiah 31:31-34

PROFETPAWL IN THU AN SIM - JEWPAWL HNENIH PATHIAN IH THITIANKAM

37

JEW-PAWL HNENIH PATHIAN IH THUTIAMKAMPAWL CU THUKHAM THAR IN A NEMHNGET

A “Nannih cu profetpawlih tefa le Pathian in kan pupápawl hnenih a tuah mi thukham ro cotu nan si.

Abraham hnenah, ‘Na cithlah ah leilung tlunih hrin hmuahhmuah thlawsuah an si ding,’ tiah a sim.”

Apostol 3:25 Annih cu Israel-mi an si ih, fa sinak, ropitnak, thukhampawl, Dān peknak, Pathian rawngbawlnak le thutiamkampawl tla anmai ta a si.

Rom 9:4 Asile Pathian in a minungpawl cu a hnáwng maw si? Hnáwng lamlam hlah! ... Asinan hrilnak lam thu ah cun pupápawl ruangah annih cu Pathian-ih duhdawt mi an si. Ziangahtile Pathian thilpekpawl le a kawhnak cu hiah theih a si lo.

Rom 11:1,28,29

38

PROFETPAWL IN THU AN SIM - JEWPAWL HNENIH PATHIAN IH THITIANKAM

Cuti asile Jew-mi in ziang hlawknak a nei? Asilole serh zim tannak in teh ziang ṭhathnemnak a nei? A ṭhathnemnak phun tampi a um! A hmaisabikah Pathian kamsuakthupawl kilter an si ruangah a si. Ziangahtile mi hrekkhat in an zum lo ah teh ziang a cang ding? An zumlonak cun Pathian rinumnak cu ṭhahnem lo ah a cangter ding maw? Cangter lamlam hlah!

Rom 3:1-4 Cule anih cu a ra ih hla zetih um nanmahpawl hnenah le nâi teih a um mipawl hnenah remawknak thuthangṭha a sim. Ziangahtile amah thawngin Thlarau pakhat hmangin Pa hnenih luh theinak kan nei veve.

Efesa 2:17,18

PROFETPAWL IN THU AN SIM - JEWPAWL HNENIH PATHIAN IH THITIANKAM

41

2 PROFET ISAIAH IN MESSIAH THU A PHUANG

Photo: Røhr Productions

MESSIAH A RAT DING THUHLA

A a suahnak thu

“Ngai hnik fala him in fapa a vun ding ih, fapa a hring ding, cule a hmin ah Immanuel: Hihi Messiah ih sinak dinhmun a si, a sullam cu “Pathian kan hnenah a um” tinak a si. Immanuel tiah a ko ding.”

Isaiah 7:14 A INSANG THU

Jessi búlhram ihsin Cerhno a hung suak ding ih, A hram ihsin Hngeṭêk a cerhsuak ding, Isaiah 11:1 A HRIAKTHIHNAK

Amai parah Jehovah Thlarau a fu ding, Fimnak le theihthiamnak Thlarau, Thurawnpeknak le cahnak Thlarau, Theihnak le Jehovah ṭihnak Thlarau cu.

Isaiah 11:2

PROFETPAWL IN THU AN SIM - PROFET ISAIAH IN MESSIAH THU A PHUANG

45

MESSIAH-IH MISSION HNA

A THIM lakIH TLEU DINGAH

Thim lakih a rak um mipawl in Tleu nasazet an rak hmu; Thimkhawzing ram ih a cêngtupawl, An parah êng a ra suak.

Isaiah 9:2 DIK ZETIH THU T . HEN DINGAH A lungsinak cu Jehovah ṭihnak ah a si ih, A mit ih a hmuhnak zulhin thu a ṭhen lo ding ih, A hna ih a theihnak zulhin thutluknak a tuah fawn lo ding; asinan dingfelnak hmangin mifarahpawl thu a ṭhen ding ih,

Isaiah 11:3,4 DĀN DIN DINGAH

“Leilung tlunah diknak a dĭnsuak hlanlo, A cau lo ding ih, a tha khal a ṭum lo ding, Cule tipi kap tluan in a dān an hngak ding,” tiin.

Isaiah 42:4 LUATTER DINGAH

Kei, Jehovah in… minungpawl hrangih thukham dingah le... thawnginn ihsin thawngtlapawl suaktertu dingah le... thawnginn thim sungih a to mipawl suahtu dingah a si.

Isaiah 42:6,7 46

PROFETPAWL IN THU AN SIM - PROFET ISAIAH IN MESSIAH THU A PHUANG

Photo: Samuel Ekman

KAN RIAHSIATNAKPAWL PHUR DINGAH

Anih cun kan thinnatnak a phur taktak ih, kan riahsiatnak khal a phur. Sikhalsehla kannih cun Pathian ih vuak ah le, vĕlh mi ah le zăwnzaihter mi ah kan ruat.

Isaiah 53:4 KAN SUAL LAHLO DINGIH

Kan zaten tuu bangin kan fehpêng ṭheh, Mi kip mai lamzin cio ah kan pial; Jehovah in kan zateih mawhsualnak cu a parah a ṭhum.

Isaiah 53:6 KAN PALAI SI DINGAH

Curuangah miropipawl zawngah covo amah ka zem ding ih, Anih cu micakpawl thawn ralthillawn an zemaw ding, Ziangruangahtile anih in thihnak tiang a nunnak a sûngbung ih, Dānpahbăltupawl lakih siar a si.Cule anih in mi tampi sual a phur ih, Thilsual tuahtupawl hrangah thla a cam.

Isaiah 53:12 In RUNDAMTU SI DINGAH

Asinan anih cu kanmai dānpahbălnakpawl ruangah hriamhma putter a si; kan mawhsualnakpawl hrangah hmabaihin a um, kan hnangamnak dingih nunsimnak cu a parah a tla ih, an vuaknak vualpawl in tidam kan si.

Isaiah 53:5 48

PROFETPAWL IN THU AN SIM - PROFET ISAIAH IN MESSIAH THU A PHUANG

MESSIAH ih hminpawl

A IMMANUEL

Fala him in fapa a vun ding ih, fapa a hring ding, cule a hmin ah Immanuel tiah a ko ding.

Isaiah 7:14 MANGBANGZA THURAWNPETU, PATHIAN CAK, KUMKHAW PA, REMNAK LAL

“Kan hrangah naute a suak, kan hrangah Fapa pek kan si, cule uknak cu a liang parah a um ding. Cule a hmin cu Mangbangza Thurawnpetu, Pathian Cak, Kumkhaw Pa, Remnak Lal tiih kawh a si ding.”

Isaiah 9:6 a dingfel mi siangpahrang

Ngai hnik, siangpahrang pakhat in dingfelnak in a uk ding ih, uktupawl in diknak in an uk ding.

Isaiah 32:1 NKJV

PROFETPAWL IN THU AN SIM - PROFET ISAIAH IN MESSIAH THU A PHUANG

49

sal

“Ngai hnik! Ka kaihhnget mi ka siahhlawh, ka hril mi, a parih ka lungsinak um mi! A parah ka Thlarau ka ret; anih in miphunpawl hnenah diknak a thlĕn ding.”

Isaiah 42:1 (Isaiah 53:11 khalah) JEHOVAH-IH BĀN

Zo in so kan thuthan mi a zum? Zo hnenah so Jehovah-ih bân lăngter a si?

Isaiah 53:1 hriakthih mi

Bawipa Jehovah Thlarau cu ka parah a um, ziangruangahtile mifarahpawl hnenih thuthangṭha sim dingah Jehovah in hriak i thih; anih in thinlung kekkuaipawl damter dingah le, sáltangpawl hnenih zalĕnnak phuang dingah le, thawngtlapawl hnenah zalĕnnak thu phuang dingah, Isaiah 61:1 cahnak nei a dingfel mi a si

Himi Bozrah khua ihsi a tle mi sinfen thawi Edom ram ihsi a ra mi, cuvek sinfen hruh ih ropi tak, a cahnak ropitnak thawi a ratu hi zo so a si? “Mi runsuak dingih, dingfelnak ih thusimtu keimah hi ka si,” tiin.

Isaiah 63:1

PROFETPAWL IN THU AN SIM - PROFET ISAIAH IN MESSIAH THU A PHUANG

51

MESSIAHih ziazapawl

A FIMNAK

Amai parah Jehovah Thlarau a fu ding, Fimnak le theihthiamnak Thlarau, Thurawnpeknak le cahnak Thlarau, Theihnak le Jehovah ṭihnak Thlarau cu.

Isaiah 11:2 THEIHTHIAMNAK THLARAU

A lungsinak cu Jehovah ṭihnak ah a si ih, a mit ih a hmuhnak zulhin thu a ṭhen lo ding ih, a hna ih a theihnak zulhin thutluknak a tuah fawn lo ding.

Isaiah 11:3 diknak

Asinan dingfelnak hmangin mifarahpawl thu a ṭhen ding ih, dik zetin leilung minunnempawl hrangah thutluknak a tuah ding; a kâ ih fungfek in leilung a vaw ding ih, a hmur ih thaw in misualrálpawl a that hai ding.

Isaiah 11:4

52

PROFETPAWL IN THU AN SIM - PROFET ISAIAH IN MESSIAH THU A PHUANG

DINGFELNAK

Dingfelnak cu a taibawr khapnak a si ding, rinumnak cu a taikhap a si ding.

Isaiah 11:5 mi zaidam

Anih cu a ausuak lo ding ih, a aw khal a suah fawn lo ding, lamzin ih theih dingin a aw a suah fawn lo ding.

Isaiah 42:2 Gentleness

Câlte kiak mi hman anih in a tán lo ding ih, meica thi zikte a mitter lo ding; Thutak hrangah diknak a keng ding.

Isaiah 42:3 taimatnak

“Leilung tlunah diknak a dĭnsuak hlanlo, a cau lo ding ih, a tha khal a ṭum lo ding, cule tipi kap tluan in a dān an hngak ding,” tiin.

Isaiah 42:4 lainatnak

Anih cun kan thinnatnak a phur taktak ih, kan riahsiatnak khal a phur. Sikhalsehla kannih cun Pathian ih vuak ah le, vĕlh mi ah le zăwnzaihter mi ah kan ruat.

Isaiah 53:4

54

PROFETPAWL IN THU AN SIM - PROFET ISAIAH IN MESSIAH THU A PHUANG

ZAIDAMNAK

Anih cu palbĕt a si ih anih cu zăwnzaihter a si, sikhalsehla anih cu a kâ a âng lo; anih cu ranthattu hnenih hruai mi tuufa no vek a si ih, a hmul mettu hmaiih cāng lo teih a um mi tuu vekin a kâ a âng lo.

Isaiah 53:7 SUALNAK NEILO

Cule a thlān cu misualrálpawl lakah ruahman a si nân, a thih tikah cun milian zawngah tuahsak a si, ziangruangahtile anih cun thilsual zianghman a tuah dah lo ih, a kâ khalah bumnak pakhat hman a um dah lo.

Isaiah 53:9 AIAWH TUARNAK

Sikhalsehla amah vuakdurh ding cu Jehovah-ih lunghmui zawng a si; anih in amah cu thinna ko a tuah. A nunnak cu mawh thilhlăn ih tuah a si tikah, Amai cithlah a hmu ding ih, a damsung kumpawl a sauter ding, cule Jehovah lunghmuizawng cu a kut ah a hmuingil ding.

Isaiah 53:10 RUNDAMNAKIH HUHAM

Anih in a nunnak ih ṭuanbăng rah a hmu ding ih, a di a riam ding. Amai theihnak in a dingfel mi ka Siahhlawh in mi tampi thiam a coter ding, ziangahtile anih in an mawhsualnakpawl a phur ding.

Isaiah 53:11 PROFETPAWL IN THU AN SIM - PROFET ISAIAH IN MESSIAH THU A PHUANG

55

ROPITNAK

Curuangah miropipawl zawngah covo amah ka zem ding ih, anih cu micakpawl thawn ralthillawn an zemaw ding, ziangruangahtile anih in thihnak tiang a nunnak a sngbung ih, Dānpahbăltupawl lakih siar a si. Cule anih in mi tampi sual a phur ih, thilsual tuahtupawl hrangah thla a cam.

Isaiah 53:12 RSV

56

PROFETPAWL IN THU AN SIM - PROFET ISAIAH IN MESSIAH THU A PHUANG

3 MESSIAH THUHLA PHUAN CIA MIPAWL CU YESHUA AH A FAMKIM

MESSIAH THUHLA PHUAN CIA MIPAWL CU YESHUA AH A FAMKIM

A NUNAU CITHLAH

Profet Thuphuan “Na cithlah le nunau Cithlah lakah Ralawknak ka ret ding, Anih in na lu hma a baih ding ih, nang in a kedil hma na baih ve ding,” tiah a ti.

Semtirnak 3:15 Famkim Zo Sikhalsehla a tikcucān a kim tikah, Pathian in a Fapa a run thlah ih, nunau sungin Dān hnuaiah a suak.

Galatia 4:4 (Luke 2:7; Thuphuan 12:5 khal)

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

61

ABRAHAM ih thutiamkam cithlah

Profet Thuphuan Abraham cu miphun cak zet le tumpi ah a cang tengteng ding ih, leilung tlunih miphun hmuahhmuah cu amah thawngin thlawsuah an si ding si khawh?

Sem 18:18 (Sem 12:3 khal) Famkim Zo “Nannih cu profetpawlih tefa le Pathian in kan pupápawl hnenih a tuah mi thukham ro cotu nan si.

Abraham hnenah, ‘Na cithlah ah leilung tlunih hrin hmuahhmuah thlawsuah an si ding,’ tiah a sim.’ ”

Apostol 3:25

(Mathai 1:1; Luke 3:34 khal) isaK IH thutiamkam cithlah

Profet Thuphuan Cule Pathian in, “Si hlah, na nupi Sarah in fapa a lo hrinsak ding ih, a hmin ah Isak tiah na sak pei.

Amah hnuih a cithlahpawl le amah thawn kumkhaw thukham dingah ka thukham ka dĭn ding.”

Sem 17:19 Famkim Zo Himi hi Abraham-ih Fapa, David-ih Fapa, JesuKhrih cithlahsâwngawkdān cazual a si. Abraham cu Isakih pa a si, Isak cu Jakob-ih pa a si, Jakob cu Judah le a unaupawl ih pa a si.

Mathai 1:1,2 62

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

Jacob ih thutiamkam cithlah

Profet Thuphuan “Amah ka hmu ding, atu ah si sawn loin, amah ka cuan ding, naite mi si sawn loin, Jakob ihsin Arsi a ra suak ding, Israel ihsin Siangpahrang Kianghrăwl a ra thosuak ding, Moab caldar a sawhkek ding, mi bur fapapawl hmuahhmuah a ṭhekdarh ṭheh ding.”

Mipum 24:17 Famkim Zo Judah cu Jakob-ih fapa a si, Jakob cu Isak-ih fapa a si, Isak cu Abraham-ih fapa a si, Abraham cu Terahih fapa a si, Terah cu Nahor-ih fapa a si.

Luke 3:34 JUDAH HNAM IHSIN A RASUAK DING

Profet Thuphuan Siangpahrang kianghrăwl in Judah a suahsan lo ding ih, Dān petu khal in a ke karlak ihsin a suahsan lo ding. Cule mipi in a thu an lung ding.

Sem 49:10 Famkim Zo Nahshon cu Amminadab-ih fapa a si, Amminadab cu Ram-ih fapa a si, Ram cu Hezron-ih fapa a si, Hezron cu Perez-ih fapa a si, Perez cu Judah-ih fapa a si.

Luke 3:33 (Mathai 1:2,3 khal) PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

63

DAVID ih ro laltohhkham

Profet Thuphuan A uknak le daihnak a kauhdān cu: cem ti a nei lo ding, David laltokham par le a lalram tlunah a to ding ih, cuih cān ihsin kumkhua tiangin, thuṭhennak le diknak in a lalram cu a dĭnhnget ding. Ralkap rualpawlih Jehovah-ih ṭhahnemngainak cun hihi a tuahsuak ding.

Isaiah 9:7 (Isaiah 11:1-5; 2 Samuel 7:13 khal) Famkim Zo Himi hi Abraham-ih Fapa, David-ih Fapa, Jesu Khrih cithlahsâwngawkdān cazual a si.

Mathai 1:1 (Luke 1:32,33 khal) a suahnak hmun

Profet Thuphuan “Asinan nang, Bethlehem Efrathah, Judah ram hrin tampi lakah fate zet hman awla, Israel Uktu ding Pa cu na sung ihsin ka hrangah a ra ding. Amai thăwknak cu hlanlaipi ihsin, Catuan ihsin a si.”

Mikah 5:2 Famkim Zo Siangpahrang Herod san laiah Judia peng Bethlehem ah Jesu a suak. Ngai hnik, mifimpawl cu nisuahnak lam ihsin Jerusalem ah an ra thleng.

64

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

Annih in, “Jew-pawlih Siangpahrang a suak mi cu khuiah a um? Ziangahtile nisuahnak lamah a arsi kan hmu ih, amah be dingah kan ra a si,” tiah an ti.

Mathai 2:1,2 (Luke 2:4,5,7 khal) a suah can

Profet Thuphuan “Curuangah Jerusalem remṭha dingin le sakṭha dingin thupek a suah ihsin Hotu Messiah a rat tiang zarh sarih le zarh sawmruk le zarh hnih a si ding ti cu thei awla theithiam aw; harsat cān hmanah lamzin le phăr khal sakṭhatsal a si ding.”

Daniel 9:25

Famkim Zo Cu laiah hitin a rak si, Kaisar Augasṭas in leitlun mi hmuahhmuah hmin khum thluh dingin thu a pe.

Cucu Siria ram ah Kurinia ram uktu a si laiih hmin khum hmaisabik a si.

Luke 2:1,2 (Luke 2:3-7 khal)

66

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

FALAM HIM IH SUAK A SI

Profet Thuphuan Curuangah Bawipa amah rori in hminsinnak a lo pe hai ding: ngai hnik fala him in fapa a vun ding ih, fapa a hring ding, cule a hmin ah Immanuel tiah a ko ding.

Isaiah 7:14 Famkim Zo Jesu Khrih suahnak cu hitin a si: a nu Mary cu Joseph thawn an hamaw, an umtlang hlanah Mary cu Thlarau Thianghlim in fa a vunter ti hmuh a si.

Mathai 1:18 (Luke 1:26-35 khal) nauhak tampi thah a si

Profet Thuphuan Jehovah in hitin a ti: “Ramah ah aw theih a si, mithi ṭah le nasazetih ṭahnak, Rachel in a falepawl a ṭah, A fale an um nawn lo ruangah hnĕm theih khal a si lo,” tiin.

Jeremiah 31:15 Famkim Zo Cun Herod in mifimpawl in in bum ti a theih tikah, a thin a heng tuk lawmmam. Cule anih in mi a thlah ih, mifimpawl hnen ihsin ngunngaih zetih a suhhliah mi cān thawn dengawin, Bethlehem le a khaw kiangkapih kum hnih le a hnuai lam mipa nauhak zaten a that thluh.

Mathai 2:16 (Mathai 2:17,18 ) PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

67

EGYPT RAMIH TLANNAK

Profet Thuphuan Nauhak a si laiah, Israel cu ka rak duhdawt, Cule Izip ihsin ka fapa ka kosuak.

Hosea 11:1 Famkim Zo Joseph cu a tho ih, naute le a nu cu a hruai hai, cule a zanzanin Izip ram ah an tlân. “Izip ihsin ka fapa ka kosuak,” tiih Bawipa in profet hmangih a rak sim mi a thlenkim theinak dingah Herod a thih hlanlo cu tawkah an va um.

Mathai 2:14,15 MESSIAH IH THUPUANGT

Profet Thuphuan “Zoh hnik, ka palai ka thlah ding ih, Anih in ka hmaiah lamzin a timtuah ding. Cule na hawl rero mi Bawipa cu a temple ah a ra lohli ding, A parih na lunghmui mi, thukham phurtu cu. Zoh hnik, anih cu a ra a si, ralkap rualpawlih Jehovah in a ti.”

Malaki 3:1 (Isaiah 40:3 khal)

68

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

Famkim Zo “ ‘Ngai hnik, na hmaiah ka palai ka thlah ding, anih in na lamzin cu na hmaiah a sial ding,’ tiih a thuhla an ngan mi pa cu hi pa hi a si.”

Luke 7:27 (Luke 1:17; John 1:23 khal) GALILI ih rawngbawlnak

Profet Thuphuan Cutisikhalsehla vansannak a tuartu ram parah nguinak a um nawn lo ding, Hi hlanah cun Zebulun ram le Naftali ram cu a rak ngainep, Sikhalsehla lehhnu ah cun Jordan tiva ral, Tipi lamzin ih um, miphunpawl umnak Galili a sunlawih ding. Thim lakih a rak um mipawl in tleu nasazet an rak hmu; thimkhawzing ram ih a cêngtupawl, an parah êng a ra suak.

Isaiah 9:1,2 Famkim Zo Nazareth khua suahsanin Jesu cu a feh ih, Zebulun le Naftali ram, tili kapih um Kapernaum khua ah a va um.

Mathai 4:13,14

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

69

PROfet vekin

Profet Thuphuan “Jehovah na Pathian in na unaupawl hnen ihsin, nanmah sungin keimah vek Profet na hrangah a suakter ding. A ṭawngkam nan ngaithla pei.”

Dan Peksalnak 18:15 Famkim Zo Cun mipi in Jesu ih tuah mi hminsinnak an hmuh tikah, “Lei tlunih a ra ding mi profet cu hi pa hi a si rori,” tiah an ti.

John 6:14 (Apostol 3:19-26 khal) MELKIZEDEK SIDĀN VEKIH PUITHIAM

Profet Thuphuan Jehovah in sia a săm ih A lung a thleng lo ding, “Nangmah cu Melkizedek-ih sidān vekin Kumkhuain puithiam na si,” tiah a ti.

Sam 110:4 Famkim Zo Melkizedek-ih sidān bangbukin kumkhaw Puithiam lubik, hmaihruaitu, Jesu cu kan hrangah cu tawkah cun a lut a si.

Hebru 6:20 (Hebru 5:5,6; 7:15-17 khal)

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

71

A NUNCAN ZIAZA HREKKHATPAWL

Profet Thuphuan Amai parah Jehovah Thlarau a fu ding, Fimnak le theihthiamnak Thlarau, Thurawnpeknak le cahnak Thlarau, Theihnak le Jehovah ṭihnak Thlarau cu.

Isaiah 11:2 (Isaiah 61:1 khal)

Famkim Zo Cule Jesu cu fimnak ah le pumrua ah le Pathian le minung duhsaknak ah a ṭhang.

Luke 2:52 (Luke 4:18 khal) A MIPAWL IN AN HNAWNG

Profet Thuphuan Anih cu milaipawl in an hmuhsuam ih an hnáwng, miriahsia le thinnat thei mi a si. Cule mi in an hmai an huhsan mi pa bangin, anih cu hmuhsuam a si ih, amah cu kan rak ngaisang lo.

Isaiah 53:3 Famkim Zo Amai mipawl hnenah a ra nân, amai mipawl in amah cu an cohlang lo.

John 1:11 (John 5:43; Luke 17:25; 23:18 khal)

72

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

Photo: Samuel Ekman

NEHNAK THAWN LUT

Profet Thuphuan Maw Zion fanu, nasazetin lungawiaipuangin um aw! Maw Jerusalem fanu, au aw! Zoh hnik, na Siangpahrang cu na hnenah a ra; anih cu midik a si ih runsuahnak a nei, anih cu minunnêm a si ih lāk parah a to, cumi cu lākfano, lāknote a si.

Zekariah 9:9 Famkim Zo Ṭhulhfau hnah an khiak, cule amah hmuak dingah an feh. “Hosana! Bawipaih hmin ih ra cu mi thlawsuak a si! Israel Siangpahrang cu!” tiah an au.

Cun Jesu in lāknote a táwng ih, a parah a to.

John 12:13,14 (Mathai 21:1-11 khal) RUALPI IH HNAWL A TAWNG

Profet Thuphuan Ka sang eitu, ka rak rinsan mi ka rualpi nēl mi hman in, keimah dokalhin a kedil a rak khai.

Sam 41:9 Famkim Zo Cun a dungthluntu hleihnih lakih mi pakhat Judas Iskariot cu an hnenih Jesu pe dingah puithiam sângpawl hnenah a feh.

Mark 14:10 (Luke 22:47,48 khal)

74

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

ngun paisa 30 ih zuar a si

Profet Thuphuan Cun kei in an hnenah, “Nan lungkim asile, ka hlawhman i pe uhla nan lungkim lole in pe hlah uh,” tiah ka ti. Cule ka hlawhman hrangah ngun paisa 30 an thlai.

Zekariah 11:12 Famkim Zo Cun a dungthluntu hleihnih lakih pakhat, Judas Iskariot an ti mi pa cu puithiam sângpawl hnenah a va feh ih,”Nan hnenih Jesu ka lo pek asile, ziang in pe ding?” tiah a ti hai. Cule annih in ngun paisa 30 pe dingin an lung a kim.

Mathai 26:14,15 beltuahtu pai lO cu paisa ih lei a si

Profet Thuphuan Cule Jehovah in ka hnenah, “Ka man hrangih tam lutuk ih an ruah mi cu, beltuahtu hnenah hlăwn aw,” tiah i ti. Cun ngun paisa 30 cu ka la ih, beltuahtupa hnenah Jehovah inn sungah ka hlăwn.

Zekariah 11:13 Famkim Zo Cule ngun paisapawl cu temple hmun thianghlim sungah a hlăwn ih a suak. Cule a va feh ih amah le amah a thlaithataw... “Himi cu thisen man a si ruangah temple sung hlawnthil bawm ih ret ding cu

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

75

kan dān in a siang lo,” tiah an ti. Cule an relkhawm ih, cuih paisa in beltuahtupaih ló an lei. Cumi cu ram dang mipawl phumnak hmun ah an hmang.

Mathai 27:5-7 PHATSAN TUI HMUN CU MIDANGIH LAKSAK A SI DING

Profet Thuphuan Thuṭhensak a si tikah, mimawh a sizia hmuh si seh, cule a thlacamnak kha sual ah cang seh. A san tawi sehla, a dinhmun cu mi dang in luah seh.

Sam 109:7,8 Famkim Zo Cule annih in, “Mi hmuahhmuah thinlung theitu Bawipa, amai hmun ih a feh theinak dingah Judas in a tluksăn mi hi rawngbawlnak le Apostol hna luah dingin hi mi pahnih lakah zo deuh na hril ti in hmuh aw,” tiah thla an cam. Cule an pahnih hrangah camcawhfung an zûk ih, cuih fung cu Mathias parah a tla. Cule amah cu apostol hleikhat lakih siartel a si.

Apostol 1:24-26

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

77

THUTHEITU DIKLOPAWL IH DOKALHNAK

Profet Thuphuan I dotupawlih duhnak ah i thlĕn hlah aw; ziangahtile thutheitu diklopawl cu keimah dokalhin an tho ih, Hrohrang zetin an thaw an suah.

Sam 27:12 (Sam 35:11 khal) Famkim Zo Cuih cān ah puithiam sângpawl, miupapawl le Sanhedrinpawl hmuahhmuah cun Jesu dokalhin amah thah theinak ding theihpinak diklo an hawl rero. Asinan zianghman an hmu lo. Theihpitu diklo tampi hmai lamah an ra suak ko nân, zianghman an rak hmu lo. A netnakah theihpitu diklo mi pahnih an ra suak ih, “Hi pa hin, ‘Pathian temple ka ṭiatbăl thei ih, ni thum sungah ka saksal thei,’ a ti,” tiah an ti.

Mathai 26:59-61 SUAL PAWHMAWH A SI TIKAH DAITEN A UM

Profet Thuphuan Anih cu palbĕt a si ih anih cu zăwnzaihter a si, Sikhalsehla anih cu a kâ a âng lo; Anih cu ranthattu hnenih hruai mi tuufa no vek a si ih, A hmul mettu hmaiih cāng lo teih a um mi tuu vekin a kâ a âng lo.

Isaiah 53:7 (Sam 38:13,14 khal) 78

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

Famkim Zo Cule puithiam lubik cun a sâng ih a hnenah, “Nangmah cu Pathian Fapa, Khrih na si le si lo in sim dingin a nung mi Pathian sālin ka lo ngen a si!” tiah a ti.

Mathai 26:62,63 SAN UMLOPIN HUAT A SI

Profet Thuphuan Săn um lopiih i huatupawl hi ka lu parih sám hnakin an tamsawn; diklo zetih i siatsuah duhtu ka ralpawl cu an cak tuk; ka rûk lo mi thil, ka rulhsal thotho a ṭul.

Sam 69:4 (Sam 109:3-5 khal) Famkim Zo Keimah i huatu cun, ka Pa khal a hua a si. An lakah zohman ih an tuah dah lo mi hna ṭuan lo ningla cu, sual an nei lo ding; asinan atu ah cun keimah le ka Pa cu in hmu zo ih, a huat khal in hua zo. ‘Săn um lopiin in hua,’ tiih an Dān cazual sungih ngan mi kamsuakthu a famkim theinak dingah in hua a si.

John 15:23-25

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

79

KAN HRANGAH A TUAR

Profet Thuphuan Anih cun kan thinnatnak a phur taktak ih, Kan riahsiatnak khal a phur. Sikhalsehla kannih cun Pathian ih vuak ah le, vĕlh mi ah le zăwnzaihter mi ah kan ruat. Asinan anih cu kanmai dānpahbălnakpawl ruangah hriamhma putter a si; kan mawhsualnakpawl hrangah hmabaihin a um, kan hnangamnak dingih nunsimnak cu a parah a tla ih an vuaknak vualpawl in tidam kan si.

Isaiah 53:4,5 (Isaiah 53:6,12 khal) Famkim Zo Zan lam a thlen tikah khawse pawlh mi, mi tampi Jesu hnenah an ratpi. Cule anih in khawse ṭhalo pawl cu a ṭawngkam khat in a dawisuak hai ih, mina hmuahhmuah a damter. Cumi cu profet Isaiah ih a sim mi a kim theinak dingah a si. Isaiah in, “Kan cahlonakpawl tla a la ih, kan natnakpawl tla a phur,” a ti a si.

Mathai 8:16,17 (Rom 4:25; 1 Korinthmi 15:3 khal)

80

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

MISUALPAWL THAWI KHENBEH A SI

Profet Thuphuan Curuangah miropipawl zawngah covo amah ka zem ding ih, Anih cu micakpawl thawn ralthillawn an zemaw ding, ziangruangahtile anih in thihnak tiang a nunnak a sûngbung ih, Dānpahbăltupawl lakih siar a si. Cule anih in mi tampi sual a phur ih, thilsual tuahtupawl hrangah thla a cam.

Isaiah 53:12 Famkim Zo Cun amah thawn suamhmang pahnih, a vawrh lamah pakhat, a keh lamah pakhat an khengbĕt.

Mathai 27:38 A KUT LE A KE AH AN SUN

Profet Thuphuan Ziangahtile uicopawl in in kulh, misualrál umkhawm in in kulhpit ṭheh. Annih in ka kut le ka ke an sŭn.

Sam 22:16 (Zekariah 12:10 khal) Famkim Zo Cun Thomas hnenah, “Na kutzung in thâm awla, ka kutpawl hi zoh hnik; cule na kut suah awla, ka hnak hi thâm aw. Zum loin um hlah, zum aw,” tiah a ti.

John 20:27 (John 19:37; 20:25,26 khal) 82

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

HMUHSUAM LE NAUTAT A SI

Profet Thuphuan Asinan kei cu pangāng men ka si ih, minung ka si lo; mi ih hmuhsuam le minungpawl ih nautat mi ka si. Keimah i hmutu hmuahhmuah in hnihsuahsainak ah in hmang; an hmur an kû ih, an lu an thing.

Sam 22:6-8 Famkim Zo Cule a kiangih a fehtupawl in Jesu cu an zăwkzet, an lu an thinhnawh. Cule, “Nang temple ṭhiatbăl ih, ni thum sungih a saksaltupa, nangmah le nangmah run aw hnik! Pathian Fapa na si ahcun, khraws parin rung ṭum aw,” tiah an ti.

Mathai 27:39,40 (Mathai 27:41-44; Mark 15:29-32 khal) A AU IH SABIT TI THUR AN PE

Profet Thuphuan Ka rawl dingah thil khâ in pe ih, ka ti a hāl tikah sabit ti thûr in dingah in pek.

Sam 69:21 Famkim Zo Cu tawkah sabitzu thûr ih khat bêl a um; cuih sabitzu thûr sungah an hnim ih hissop fung zimah an ṭawn, cule a kâ ah an hun ret.

John 19:29 (Mathai 27:34,48)

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

83

PROFET SIM MI CU NGAI HNIK AW

Profet Thuphuan “Anih in Jehovah a rinsan, amah cun runsuak hnik seh; amah cun runsuak hnik seh, a parih a lungsi ruangah,” tiah an ti.

Sam 22:8 Famkim Zo “Anih cun Pathian a rinsan a si; Pathian in a duh asile, atu rori ah runsuak seh, ziangahtile amah in, ‘Keimah cu Pathian Fapa ka si,’ a ti,’’ tiah an ti.

Mathai 27:43 A RALPAWL HRANGAH THLA A CAM

Profet Thuphuan Ka duhdawtnak cu annihpawl in sualpuhnak in in thungrūl, asinan kei cu thlacam dingin ka peaw.

Sam 109:4 (Isaiah 53:12 khal) Famkim Zo Cun Jesu in, “Ka Pa, annihpawl hi ngaidam aw, ziangahtile ziang an tuah ti an thei lo,” tiah a ti.

Cule a sinfen cu an thlek ih, camcawhfung zûkin an zemaw.

Luke 23:34

84

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

A HNAK AH AN DAWT

Profet Thuphuan “Cule David sungza parah le Jerusalem luahtupawl parah zangfahnak Thlarau le zangfah dilnak ka burh ding; cun an sŭn mi keimah in zoh ding. A si, mi in a fapa neihsŭn a ṭah vekin amah an ṭah ding ih, mi in a fatir ruangih a thin a nat vekin amah ruangah an thin a na ding.”

Zekariah 12:10 Famkim Zo Asinan ralkappawl lakih pakhat in Jesu-ih hnak kha a feipi in a hun dawt ih, hmakhatteah thisen le ti a suak.

John 19:34 A HNIPUAN HRANGAH RALKAPPAWLIN CAMCAWHFUNG AN ZUK

Profet Thuphuan Anmah lakah ka sinfen an ṭhenaw ih, Ka hnipuan hrangah camcawhfung an zûk.

Sam 22:18 Famkim Zo An khĕnbet hnuah, a sinfen cu an ṭhen ih, pakhat ciar ih an co ding mi thei dingin camcawhfung an zûk.

Mark 15:24 (John 19:24 khal) PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

85

LIAN ZETIH PHUM A SI

Profet Thuphuan Cule a thlān cu misualrálpawl lakah ruahman a si nân, A thih tikah cun milian zawngah tuahsak a si, Ziangruangahtile anih cun thilsual zianghman a tuah dah lo ih, A kâ khalah bumnak pakhat hman a um dah lo.

Isaiah 53:9 Famkim Zo Zan lam a hung si tikah, Arimathia khua ihsin cu tawkah milianpa pakhat a ra thleng. A hmin cu Joseph a si ih, anih khal Jesu dungthluntu pakhat a rak si ve. Cu pa cu Pilat hnenah a feh ih, Jesu-ih ruang cu a dil. Pilat in a ruang cu amah pe dingin thu a rak pe. Joseph in Jesu-ih ruang cu a la ih, a fai zet mi puan nem pte in a tuam. Cule lungpi a virh mi amai thlān thar sungah a vui. Cule lung tûm zet thlankâ ah a hril ih a fehsan.

Mathai 27:57-60 A THAWHSALNAK

Profet Thuphuan Ziangahtile nang cun ka thlarau Sheol ah na tân ta lo ding ih, na Mi Thianghlim cu a ṭawihral khal na siang lo ding.

Sam 16:10

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

87

Famkim Zo Cule a dungthluntupawl va sim dingih an feh laiah, ngai hnik, Jesu in a rak táwng hai ih, “Cibai!” tiah a ti. Cule an va pan ih a ke an pawm, cule amah cu an bia.

Mathai 28:9 (Luke 24:36-48; Mathai 16:21 khal) VAN AH LAKSOH IN A UM

Profet Thuphuan Jehovah Pathian cu cutawk hmun ih a cēn theinak dingah, Nang cu a sannak ah na rak kai, ralkaihpawl cu ralkaih ah na hruai Sáltāngpawl cu sál ah a hruai; minungpawl lakah thilpek tampi na ngah, mihĕlpawl hnen ihsi khalin.

Sam 68:18 Famkim Zo Cule Jesu in Bethany khua tiang a hruaisuak hai, cule a kut a thlir ih anmah cu thlawsuah a pe. Cule hitin a si, mal a sawm hai laiah, an hnen ihsin anih cu ṭhen a si ih, van ah laksohin a um.

Luke 24:50,51 Famkim Zo An hnenih thu a sim ṭheh hnuah, amah cu van ah laksohin a um ih, Pathian vawrh lamah a to.

Mark 16:19 (Apos 1:9 khal)

88

PROFETPAWL IN THU AN SIM - MESSIAH THUHLA PHUAN CIA MIPAWL CU YESHUA AH A FAMKIM

4 MESSIAH THEIH HRAMTHAWHNAK

MESSIAH THEIH HRAMTHAWHNAK

A Bible in hitin a sim: Ziangahtile nanmah hrangih ka ruah mi khawruahnak cu ka thei, hmakhua le ruahsannak lo pe dingin, khawruahnak ṭhalo si loin hamṭhatnak khawruahnak sawn a si, Jehovah in a ti. Cun nannih in in ko ding, nan ra ding ih ka hnenah thla nan cam ding, cule kei in ka lo ngaithla ding. Cule nannih in in hawl ding, nan thinlung zateih in hawl tikah in hmu ding.

Jeremiah 29:11-13 Pathian hawl na duh ngai asile, a tluangtlam mi thlacam hi na cam thei: Duhdawtmi Bawipa Pathian, Misual ka si ti ka thei aw. Zangfahten i ngaidam hram aw. Jesu in ka tuar aiah i tuarsak ti ka thei. Ka hrangah a thi, asinan thihnak ihsin na kaitho zo. I ngaithiam ih mifel ah i tuah ruangah ka lungawi. Atu ah cun na thu ka lung ding, ziangahtile i duhdawtih ka hrangah thilṭha na theih ruangah.

PROFETPAWL IN THU AN SIM - MESSIAH THEIH HRAMTHAWHNAK

93

A dānpahbălnak ngaithiamsak si ih, A sualnak khuhsak a si mi cu mithlawsuak a si. Jehovah in mawh ih a puh lo mi le, A thinlung ih mi bumnak a um lo mi milai cu mithlawsuak a si.

Sam 32:1,2 Curuangah runsuahnak tikhurpawl ihsin Aipuang zetin tidai na khai ding. Cule cuih ni ah cun nang in, “Jehovah cu thangṭhat uh, a hmin ko uh; miphunpawl lakah a thil tipawl thăn uh, A hmin cu khaisanin a um ti tarlang uh. Jehovah hnenah hla sak uh, ziangahtile anih cun thil ṭha cungcuangpawl a tuah; cumi cu leilung pumpi ah theihter uh. Ausuak uhla aipuang zetin au uh, Maw Zion luahtupawl; Ziangahtile nan lakih a um mi Israel-ih Mi Thianghlim cu a ropi a si!” tiah na ti pei.

Isaiah 12:3-6

94

PROFETPAWL IN THU AN SIM - MESSIAH THEIH HRAMTHAWHNAK

THUANTHU DUNGLAM “PROFETPAWL IN THU AN SIM”

A Profetpawl in Thu an Sim timi cabu hi Russia ih um Jewpawl hrangah danglam hleice in le, thinlung lalut zet David ih Arsi tiin tahṭhimnakpawl thawi suah a si.

“David ih Bible Arsi” tiin duhkawhnakih kawh a si, cui ruahnak idea cu 1993 kum ah a thawk.

Russia Jew-pawl in Pathian in ziangtluk a duhdawt hai ti le an hrangah mangbangza tumtahnak a neih zia thei sehla cu maw. Anmah rori in Pathian thu tal siar sehla cu maw...

Cui ruahnak cun zamrangten midang hnenah a thleng: Cucu Bible tampi an ṭul, asinan a danglam mi BibleCuih Bible lawng in an thinlung a pem.

Russia Jew-pawl cu leitlun mipawl in an thei thluh ih anmai hrangah Bible vawi khatte hman siar dah lo tla an si thei. Bible famkim bu 500,000 cu zem a si zo.

Profetpawl in Thu an Sim timi cabu sungih Bible cang hril mipawl hi Semtirnak hlan le Thuphuan hnuih telh a si. Tuih ni ah cun “David ih Bible Arsi” cu Aramic ṭawng khalin um zo.

Profetpawl in Thu an Sim timi cabu cu Burmese, Chinese, Dutch, English, Falam Chin, Finnish, German, Hebrew, Mizo, Russian and Spanish in nam a si zo.

THUHLA THEIH BET NA DUH ASILE, ZANGFAHTEN HI WEBSITE HI ZOH AW:

W W W.MEDIASERVE.ORG

THILCANG MIPAWL AN HMU IH

KHAL KAN MITHMUH AH

K

um 2500 liam zo hnuah khan, profet Jeremiah, Isaiah, Ezekiel le a dang profetpawl tivek in Jew-pawl hnen lawngah thu an sim loih kan hnen khalah in sim a si.

Hi cabu ah, mangbangza simsâwngnakpawl le Pathian in Israel-pawl hnenih a tumtah mi ah ziangtin na nunnak thawn a milaw ti kha zoh aw.

P ROFETT P AWL THU AN S IM

simsawng mi thilcang rero lai mi hmuh a si!

ATU KAN SAN KHALAH AN PHUAN CIA MI LE

Profetpawl

Thu an Sim Pathian Bible Thianghlim Hmangin

www.mediaserve.org