HISGOT-HISGOT Septiembre 13, 2013, Auckland, New Zealand
MGA INIT NGA ISYU HISGOTAN Human sa malampuson nga pasundayag sa “Drama’g Pelikula” kagahapon (Sept 12), ang KBNZ nanawagan sa mga Bisaya sa Auckland, labi na ang taga-South, sa pagtambong sa “Hisgot-Hisgot” karong Biyernes Septiembre 30, alas 7 sa gabii. Ang magtiayon Leo og Inday Ramirez ning-abli sa ilang panimalay (30 Amaretto Avenue, Botany, Auckland) diin adto pagabuhaton ang tulumanon. Ingon si Bise Presidente Elmer Cerna nga tulo ka isyu ang paggatukion sa “Hisgot-Hisgot” mao ang mosund: -Angay 'ba magbinisaya ang banay sa talad kan-anan; -Angay 'ba nga wagtangon ang pork barrel; -Angay ba nga mangayog hinabang ang Pilipinas sa Estados Unidos kon ang Tsina mangangkon sa Spratlys? Ang isyu gipili tungod kay kadaghanan sa mga bata nga Bisaya na natawo o nagtubo sa New Zealand dili na kahibalo molitok og Binisaya. Gani ang kagamhanan sa New Zealand naggahin og pundo para ang mga bata makat-on og Ininglis og ikaduhang sinultian. Ang KBNZ nagsaulog sa Semana sa Pinulungang Binisaya para ang mga kabataan makat-on og Binisaya. Apan daghan sa mga batan-on wala na’y intiris niini. Tungod sa anomaliya mahitungod ni Janet Napoles diin usa ka bilyon ka pesos nga gigahin sa mga senador gigamit personal, ang katawhang Pilipino nagprotesta aron nga mawala ang ‘pork barrel’. Duna’y mga senador og kongresista nga dili gusto nga mawala ang ‘pork barrel’ kay wala na sila’y magamit para sa kaayohan sa katawhan nga nanginahanglan. Ang South China Sea giingon nga duna’y daghang ‘petroleum deposit’. Mao nga ang Pilipinas nagpadayon og pagbantay sa mga isla unahan sa Palawan. Ang mga Insik sa People’s Republic of China nangangkon sa maong mga isla. Gani gihimo kining isyu aron sa wala pagtugot nga pagbisita ni Pangulo Noynoy Aquino karong tuiga. Ang Estados Unidos miingon nga andam sila’g tagana sa pagtabang sa Pilipinas kon ang Tsina mokuha sa mga isla. Nindot kaayo ‘ning mga isyuha nga hisgotan. Mao nga giawhag ang tanan sa pag-apil.
Mas Lingaw Gyud sa
KBNZ