Türkmenistanyň Prezidenti Gurbanguly BERDIMUHAMEDOW: — Ýaşlar guramasynyň wezipesi syýasy taýdan sowatly, raýat garaýşy bolan, öz jogapkärçiligini duýýan ýaş raýatlary, täzeçe pikirlenýän, ýaramaz endikleri bolmadyk, diňe öz bähbitlerini aramaýan, durmuşa diňe sarp ediji hökmünde garamaýan, zähmetsöýer we geljege uly ynamy bolan, beden we ruhy taýdan sagdyn, hakyky watançylary terbiýelemekdir.
www.gn.edu.tm
Sene: 03.07.2017
ILKINJI ÝAŞLAR GURAMASY AÇYLDY Berkarar döwletimiziň Bagtýarlyk döwründe atawatanymyzyň her bir güni toýdyr baýramlara, zähmet üstinliklere beslenýär. Häzirki wagtda Milli Lidermiziň başda durmagynda Türkmenistan diýarymyzyň ähli ulgamlarynda ägirt uly işler alnyp barylýar. Ýurdumyzyň nebit-gaz ulgamynda, oba-hojalygynda, lukmançylykda, senagatda, ylaýta-da ylym we bilim ulgamlarynda gysga wagtyň dowamynda asyrlara barabar işler ýerine ýetirilýär. Güneşli ülkämiziň ähli künjeklerinde ylym we bilim ulgamyna degişli binalaryň sany gün saýyn artýar, olar diňe bir gurlup ulanylmaga berilmän, eýsem dünýä ülňülerine laýyk gelýän ýokary hilli enjamlar bilen enjamlaşdyrylan ak mermere bürelen mekdepdir, ýokary okuw mekdepleri, ylmy barlag institutlary mysal alsak bolar. Bulardan başga-da, raýatlarymyzyň, hususan-da ýaşlaryň işden, okuwdan boş wagtlary özüniň höwes bildirýän daşary ýurt dillerini, kompýuter programmalaryny, dürli dersleri çuň öwrenmeklik üçin niýetlenen okuw merkezleri bar. Paýtdagtymyzda kompýuter, matematika we dürli diller boýunça bilim berýän “Gujurly Nesil” atly okuw merkezi hem şolaryň biri bolup durýar. Häzirki wagtda Gujurly Nesil merkezinde Ilkinji Ýaşlar guramasynyň açyldy. Hemmämiziň bilşimiz ýaly, Türkmenistanyň Magtymguly adyndaky Ýaşlar guramasy ýurdumyzyň ýaşlarynyň arasynda iň söýgüli gurama bolmak bilen, ol päk ahlakly, watany söýüji ýaşlary ýetişdirmek babatynda uly işler alyp barýar. Okuw merkeziniň Ilkinji Ýaşlar guramasynyň guramaçylygynda, okuw merkeziniň diňleýjileriniň peýdaly we gyzykly wagt geçirmegine gönükdirilen çäreler tapgyrlaýyn geçirilip durýar. Okuwçylar bilen dürli muzeýlere, taryhy ýadygärliklere, çagalar dynç alyş merkezlerine gidilýär, sport çäreleri gurnalýar we birnäçe gurnak hereket edýär. Ylmy-amaly maslahatlardyr, duşuşyklar hem ýygy-ýygydan gurnalýar. Ýene bir nygtap geçilmeli zatlaryň biri hem,
“Gujurly Nesil” okuw merkezine her möwsümde gatnaýan ýaşlaryň sany artýar. Bu bolsa biziň ýaşlarymyzyň bilim almaga höwesli, gujurly ýaşlaryň ýetişýändigini aňladýar. Bu ýagdaý öz gezeginde okuw merkeziniň mugallymlaryny we işgärlerini diýseň buýsandyrýar. Okuw merkeziniň ýolbaşçylary, mugallymlary we diňleýjileri Gahryman Arkadagymyzyň ýaşlar üçin döredýän mümkinçilikleri üçin öz alkyş sözlerini aýdýarlar. 2017-njy ýylyň mart aýynyň 23-ne "Gujurly Nesil" okuw merkezinde direktoryň orunbasary M. Durdyýewiň başlylyk etmeginde Ilkinji Ýaşlar guramasyny açmak barada ýygnak geçirildi. Ýygnaga okuw merkeziniň 21 işgäri we TMÝG-nyň Aşgabat şäher geňeşiniň 2 wekili gatnaşdy. Ýygnaga M. Aşyrow kätiplik etdi. Ýygnagyň netijesinde "Gujurly Nesil" Ilkinji Ýaşlar guramasyny açylmagyna we başlygy hökmünde M. Ataýewi saýlamaklyk baradaky teklip bir agyzdan kabul edildi.
Agzalaryň şahadatnamasy dabaraly ýagdaýda gowşuryldy 2017-nji ýylyň aprel aýynyň 22-ne "Gujurly Nesil" okuw merkeziniň ýaşlary bilen wagyz-nesihat duşuşygy geçirildi. "Bagtyýarlyga buýsanýan ýaşlar " şygar bilen geçirilen duşuşykda TMÝG-nyň Aşgabat şäher Geňeşiniň wekilleri P. Poladow we B. Saparow ülkämizde alnyp barylýan oňyn içeri we daşary syýasat barada giňişleýin maglumat berdiler. Ýygnagyň dowamynda agzalyga kabul edilen ýaşlaryň şahadatnamalary dabara bilen gowşuryldy. Yzýanyndan bolsa ilkinji guramanyň başlygyň orunbasary wezipesine dalaşgärleri saýlamak dabarasy geçirildi. Köpçüligiň ses bermegi esasynda D. Ahatowa bu wezipä saýlandy.
Aşgabat 2017 tanyşdyryş oýunlary geçirildi Diýarymyzyň ähli künjeklerinde Sagdynlygyň we ruhubelentligiň ýylynda paýtagtymyz Aşgabatda geçiriljek Ýapyk binalarda we söweş sungaty boýunça V Aziýa oýunlaryny mynasyp garşy almak maksady bilen reňkli çäreler geçirilýär. Şeýle çäreleriň biri Aşgabat şäheriniň 37-nji ýöriteleşdirilen orta mekdebinde geçirildi. Bu çärede Aşgabat 2017 oýunlarynyň dürli iş pudaklary oýunlar arkaly tanyşdyryldy. Ýaryşa gatnaşan okuwçy toparlary mekdebiň sport zalynda ýerleşdirilen dürli tanyşdyryş nokatlarynda görkezme ýumuşlary ýerine ýetirip utuk jemlediler. Akreditasiýa nokadynda türgenler hasaba aldyndy we gatnaşyjy ýurtlar barada maglumat berildi. Žurnalistika nokatlarynda teleýaýlym, gazet we terjimeçilik pudaklarynyň işleýişi bilen tanyş boldular. Sport menzillerinde bolsa toparlar sportuň basketbol, stol üstünde oýnalýan tennis, bouling, küşt ýaly görnüşlerinde kiçi ýumuşlar arkaly öz ukyp-başarnyklaryny görkezdiler. Çäräniň maksady, Hormatly Prezidentimiziň sagdyn we ruhubelent nesilleri ýetişdirmek barada beren sargytlaryny durmuşa geçirip, ýaşlarda sporta bolan höwesi artdyrmak we Aşgabat-2017 oýunlaryny gyzykly, interaktiw oýunlar arkaly tanyşdyrmak boldy. Bäsleşigiň ýeňijilerine ýadygärlik sowgatlar gowşuryldy. 18.04.2017 - Synag hökmünde geçirildi. Aşgabat teleýaýlymynyň wekili Seýran hem syn berdi 19.04.2017 - Çäre hakyky manyda geçirildi. “Watan” habarlar gepleşigi ýazga geçirdi. Guramaçylykdaky hyzmatdaşlar: 1) Aşgabat şäheriniň 37-nji ýöriteleşdirilen orta mekdep 2) Aşgabat şäher Baş bilim müdirligi 3) Türkmenistanyň Sport komitetiniň “Türkmenistan” ýaşlar bedenterbiýe-sport guramasy 4) “Gujurly Nesil” HK Ilkinji Ýaşlar guramasy
Saglykly iýmitleniş barada Bütindünýä saglyk güni mynasybetli wagyz-nesihat çäresi geçirildi. Mugallym Rustam Babakuliýew sagdyn durmuş ýörelgeleri, bedenterbiýe, sport we saglykly iýmitleniş barada gyzykly gürüňler berdi. 07.04.2017
Ýaş alym bilen duşuşyk Ylymlar akademiýasynyň ýanyndaky Tehnologiýalar merkeziniň ylmy işgäri we Ilkinji Ýaşlar guramasynyň başlygy Halmyrat Orunbaýew mekdep okuwçylary bilen duşuşyk geçirdi. Duşuşykda ylmyň täze gazananlary barada gyzykly gürrüňler edildi. 29.03.2017
“Watan” habarlar gepleşiginde çäre barada beýan: “...Paýtagtymyzda mugallymlaryň we okuwçylaryň arasynda Ýapyk binalarda we söweş sungaty boýunça Aşgabatda geçiriljek V Aziýa oýunlaryny mahabatlandyrmak maksady bilen geçirilen maslahat örän netijeli boldy...”
"Intellektual zehin" paneli Ylymlar güni mynasybetli panel duşuşyk geçirildi. Mugallym Kakajan Agajykow intellektual zehiniň artdyrmak barada gyzykly we peýdaly maglumatlary ýaşlar bilen paýlaşdy. 06.06.2017
Medeniýete syýahat “Gujurly Nesil” okuw merkeziniň mekdep ýaşdaky diňleýjileri paýtagtymyzyň muzeýlerini gezip gördüler. Şekillendiriş sungaty muzeýindäki ýörite sergi, ülkämizdäki şekillendiriş sungatynyň taryhy we gelip çykyşy barada berlen gyzykly maglumatlar, ýaşlaryň aňynda uly täsir galdyrdy. Şeýle-de, Türkmenistanyň Döwlet medeniýet merkeziniň Etnografiýa muzeýinde, ýaşlar türkmeniň milli medeni mirasy bilen tanyş boldular. Ekerançylyk, binagärlik, dokmaçylyk, çaphnalar, saz sungaty, türkmen toýy ýaly eksponatlarda dürli maglumatlary öwrenip bellige aldylar. Jykyr, juwaz, degirmen, haraz ýaly gadymy türkmen oba-hojalyk gurallarynyň işleýiş usullaryny görüp tanyş boldular. Soňra ýaş myhmanlar Magtymguly Pyragy zalyna geçip, beýik akyldaryň “Göze myhmandyr”, “Şasy galandar”, “Irnip durupdyr”, “Joşy ýandyrar”, “Ýetişdi salym”, “Bir-birine bezenip” we “Badysabany görsem” atly goşgularynyň golýazmasynyň şeklini görüp, olary okap many mazmuny barada pikir alyşdylar. Bu zalda gezelenji tamamlap, taryh bölümine geçdiler. Türkmenistanyň topragynda dörän medeniýetleri yzgiderlikde öwrenmäge mümkinçilik tapdylar. Jeýtun, Änew, Nusaý medeniýeti barada giňişleýin maglumat alandan soň, soňky müňýyllykda taryhda uly yz galdyran Seljuk Türkmen döwletiniň eksponatlary sergilenen zalda gezelenç dowam etdi. Bu ýerde gadymy Merw topragynda ýerleşýän ýadygärlikleriň kiçeldilen maketleri, şol döwre ser salmaga, hyýal güýjüni ulanmak arkaly öwrenmäge ýardam berdi.
Çagalaryň baýramy TMÝG MG-niň ýanyndaky Çagalar gaznasy çagalar üçin baýramçylyk çäreler toplumy gurnady. Çärä gatnaşan çagalar we ene-atalary 27.05.2017 güni Ertekiler dünýäsinde, 31.05.2017 güni bolsa Aşgabat seýilgähinde dynç aldylar. Şeýle-de çagalar üçin gyzgyn nahar we näznygmatly saçak giňden ýazyldy. Okuw merkezimiziň işjeň ýaşlary öz meýletin goşantlaryny goşdy.
Futzal kubogy Sagdynlygyň we Ruhubelentligiň ýylyna bagyşlap geçirilýän GN Cup futzal ligasynyň 2017-nji ýaz möwsüminiň ýeňijisi GeoMat topary boldy. Ol Görogly toparyny uly tapawut bilen ýeňmegi başardy. (28.05.2017). Ýylyň dowamynda 3 gezek geçirilýän kuboga her möwsüm 60-dan gowrak topar gatnaşýar. Dynç günleri geçirilýän çäre 6-7 hepdäniň dowamynda ýeňijini belli edýär. Çäre «Sport we saglyk» gurnagynyň guramaçylygynda geçirilýär.
Suw damjasy - altyn dänesi Baýrak gowşurmak dabarasy 2017-nji ýylyň ýaz möwsümünde geçirilen öňe saýlanan ýaşlara baýrak gowşurmak dabarasy geçirildi. Ýeňijiler gymmat bahaly sowgat bilen TMÝG-nyň Aşgabat şäher Geňeşiniň adyndan hormat hatlary bilen sylaglandyryldy. 28.05.2017
Türkmenistanyň Döwlet medeniýet merkezinde apreliň ilkinji ýekşenbe güni geçirilýän “Suw damjasy altyn dänesi” baýramçylygy mynasybetli maslahat we sergi çäresi geçirildi. Maslahatda ylym, döredijilik, syýasat pudaklarynyň tejribeli wekilleri çykyş etdi. Çärä “Gujurly Nesil” okuw merkezinden hem wekil gatnaşdy. 01.04.2017
ÇAGALAR ÜÇIN BAÝRAMÇYLYK ÇÄRESI Çagalaryň tomus möwsüminde medeni dynç almaklary, wagtlaryny gyzykly we peýdaly geçirmekleri üçin ýurdumyzyň ähli künjeklerinde dürli çäreler geçirilýär. Şol sanda paýtagtymyzyň “Bagtyýarlyk” söwda – dynç alyş merkezi we Türkmenistanyň Magtymguly adyndaky ýaşlar guramasynyň Merkezi Geňeşiniň ýanyndaky Türkmenistanyň Çagalar gaznasynyň bilelikde guramagynda baýramçylyk çäresi geçirildi. Oňa paýtagtymyzyň ýaşaýjylary, myhmanlary bolan takmynan 150 çaga we olaryň ene atalary gatnaşdylar. Bu çäräniň çäklerinde çagalar üçin baýramçylyk atmosferasy döredildi. Onda çagalaryň dürli wideo oýunlaryny oýnamaga, attraksionlarda aýlanmaga mümkinçilik berildi.
Aşgabat şäheriniň dürli mekdeplerinden gelen zehinli ýaş okuwçylaryň aýdym–sazly çykyşlary çärä aýratyn öwüşgün berdi. Isleg bildiren çagalara bolsa akwa grim edildi. Wagtlaryny şadyýan geçiren myhmanlara çäräniň ahyrynda dürli näznygmatlar, süýjülikler we içgiler hödür kerem edildi. Körpelere doňdurma paýlandy. Bu özara dostlaşan çagalar üçin ýatdan çykmajak pursata öwrüldi. Çuňňur hormatlanýan Prezidentimiz Gurbanguly Berdimuhammedowyň ýurdumyzyň çagalar we ýaşlar baradaky aladalaryna gönükdirilen tagallaryndan ugur alyp, Türkmenistanyň Çagalar gaznasy çagalaryň we eneleriniň sagdyn kemala gelmegine özüniň mynasyp goşandyny goşýar. 28.06.2017
Çagalar “Bagtyýarlyk” söwda-dynç alyş merkeziniň oýun meýdançasynda gyzykly wagt geçirdiler.
Okuw merkezimiziň meýletin ýaşlary bu baýramçylyk çäresine öz mynasyp goşantlaryny goşdylar.
Türkmenistanyň Konstitusiýasynyň we Magtymguly Pyragynyň şygryýet güni mynasybetli
GOŞGY OKAMAK BÄSLEŞIGI Türkmenistanyň Magtymguly adyndaky Ýaşlar guramasynyň Aşgabat şäher Geňeşi we “Gujurly Nesil” okuw merkeziniň bilelikde guramagynda Türkmenistanyň Konstitusiýasy we Magtymguly Pyragynyň şygryýet günine bagyşlap paýtagtymyzyň mekdep okuwçylarynyň arasynda goşgy okamak boýunça bäsleşik geçirildi. Bäsleşige paýtagtymyz mekdeplerinden dürli ýaşlardan okuwçylar gatnaşdy. Bäsleşikde ýaşlar gündogaryň beýik akyldary Magtymguly Pyragyny şygyrlaryny ýatdan we labyzly okadylar. Şahyryň şygyrlary ýaňlanan mejlisler otagynda tomaşaçylarda uly tolgunma döretdi. Watançylyk, edermenlik, zähmetsöýerlik ýaly adam gymmatlylaryny öňe sürýän setirleri ynsan kalbyny joşa getirýär.
Emin agzalary: Türkmenistanyň halk ýazyjysy Atamyrat Atabaýew, Türkmenistanyň halk ýazyjysy Nobatguly Rejepow, Laçyn Pürjäýewa, Aýgül Garaýewa, Sungat Gurbangeldiýew, Seýran Otuzow. Dabaranyň myhmanlary: Şahyr Güljahan Garaýewa, TMÝG-nyň Aşgabat şäher Geňeşiniň wekilleri Gülälek Ataýewa we Enejan Dolaýewa. Ýeňijilere höweslendiriji sowgatlar we TMÝG-nyň Aşgabat şäher Geňeşiniň hormat hatlary dabaraly ýagdaýda gowşuryldy.
KITAPSÖÝERLERIŇ BAÝRAMY
Sagdynlygyň we ruhubelentligiň ýyly ýaşlaryň giň dünýegaraýyşly, ahlak taýdan kämil, ruhy taýdan arassa, beden taýdan sagdyn bolup ýetişmeklerine gönükdirilen dürli medeni we sport çäreleri bilen baý mazmuna eýe bolýar. Ülkämiziň ähli künjeklerinde çagalar üçin niýetlenen dynç alyş merkezleri täze möwsüme başlady. Bu toplumlarda ýaşlar sportuň futbol, basketbol, woleýbol, küşt, tennis ýaly ugurlary boýunça öz aralarynda ýaryşýarlar, çeperçilik sungaty, el hünär işlerini öwrenmek, interaktiw multimediýa arkaly öwrenmek, kitap okamak ýaly peýdaly pişeler bilen meşgullanýar. Tomus aýlarynda okuwçylaryň muzeýlere, teatrlara, medeni dynç alyş merkezlerine, tebigata we taryhy ýadygärliklere gezelençleri hem ýygy-ýygydan geçirilýär. Bu möwsüm ýaşlaryň wagtyny gyzykly hem-de peýdaly geçirmekleri iň esasy maksat bolup durýar. Paýtagtymyzdaky “Gujurly Nesil” okuw merkezi öz diňleýjileriniň arasynda kitap okamak boýunça bäsleşik geçirildi. Test synag görnüşinde geçirilen bäsleşik üç dilde dürli eserler esas alyndy. Okyjylara türkmen we dünýä klassikasyna giren Çary Aşyrowyň “Göreş”, Mark Tweniň “Heklberri Finniň başdan geçirenleri” we Iwan Turgenewiň “Kakalar we ogullar” romanlary arasyndan saýlamak teklibi berildi. Aşgabat şäheriniň 28-nji orta mekdebiniň okuwçysy Muhammetmyrat Ýazmuhammedow, Aşgabat şäheriniň 64-nji orta mekdebiň okuwçysy Süleýman Kulumow, Aşgabat şäheriniň 39-njy orta mekdebiň Ýuliýa Gluhowa bäsleşigi baş baýragynda mynasyp boldular. Ikinji orny bolsa deň utuk bilen ýedi okuwçy paýlaşdy, ýagny Anew şäheriniň 16-njy orta mekdebiniň okuwçysy Altynaý Metdaýewa, Aşgabat ş. 70-nji orta mekdebiniň okuwçysy Arzuwmyrat Orazmyradow, Aşgabat ş. 6-njy orta mekdebiniň okuwçysy Aýgül Garryýewa, Aşgabat ş. 60-njy orta mekdebiniň okuwçysy
Aziza Madsoýunowa, Aşgabat ş. 64-nji orta mekdebi Bäşim Ataýew, Aşgabat ş. 57-nji orta mekdebiniň okuwçysy Ahmet Ýaýlymow. Üçünjilik baýragy bolsa Aşgabat ş. 32-nji orta mekdebiniň okuwçysy Bezirgen Orazmyradow we Aşgabat şäheriniň 64-nji orta mekdebiniň okuwçysy Abdylla Parahadowyň paýyna düşdi. Bäsleşigiň ikinji bölüminde bolsa okuw merkeziniň mugallymlarynyň arasynda geçirildi. Bu bäsleşikde mugallymlar Gurbanguly Berdimuhamedowyň “Älem içre at gezer” romany mazmuny esasy alyndy. Uly mugallym, halypa Berdimuhammet Annaýewiň zähmet ýoly, mugallymlar üçin baş görelde mekdebi bolup durýar. Halypanyň gujur-gaýraty, edermenligi uly-kiçi herkimde watanperwerlik, halallyk, işeňňirlik ýaly duýgulary oýarýar. Kynçylykda-da öz bähbidini araman zähmet çeken, we gahryman adyny alan Berdimuhammet Annaýewiň geçen ýoly, bugünki bagtyýar durmuşyň özenine aýratyn orun eýeleýär. “Gujurly Nesil” okuw merkeziniň mugallymlarynyň arasyndaky bäsleşikde Toýly Gurdow, Eziz Durdyýew , Wepamuhammet Nazarow degişlilikde birinji, ikinji we üçünji baýraklara mynasyp boldular. Çäräniň çäklerinde kitapsöýüji ýaşlar Türkmenistanyň Döwlet medeniýet merkeziniň Döwlet kitaphanasyna gezelenç çäresine gatnaşdylar. Berkarar Döwletimiziň bagtyýarlyk döwründe kitaphanalarda amala aşyrlan özgerişler, täze neşriýat önümleri bilen içgin tanyş boldular. Hormatly Prezidentimiziň: “Kitap adamzadyň köňül nagşydyr” diýen pähimli parasatyndan ruhlanan ýaşlarda döwrüň ösüşlerine garşy buýsanç duýgusy döretdi. Bäsleşigiň ýeňijilerine gymmat bahaly sowgatlar we Türkmenistanyň Magtymguly adyndaky Ýaşlar guramasynyň Aşgabat şäher Geňeşi tarapyndan hormat hatlary gowşuryldy.
GOLDEN BOOKMARK KITAP OKAMAK BÄSLEŞIGINIŇ HASABATY
1 2 3
Gurbanguly BERDIMUHAMEDOW
Mark TWAIN
«ÄLEM IÇRE AT GEZER»
«Adventures of Huckleberry Finn»
Toýly Gurdow
mugallymlar we işgärler
Eziz Durdyýew gatnaşyjy sany
Wepamuhammet Nazarow
19
1 2 3
Ýuliýa Gluhowa
Ahmet Ýaýlymow gatnaşyjy sany
11
Abdylla Parahadow
Иван ТУРГЕНЕВ
Çary AŞYROW
«Отцы и дети»
«GÖRES» ,
1 2
Dünýägözel Amanmuhammedowa Güljan Nazarowa Muhammetmyrat Ýazmuhammedow
3
Bezirgen Orazmyradow
Altynaý Metdaýewa Arzuwmyrat Orazmyradow Bagtygözel Amandurdyýewa Mahym Amangulyýewa
1
Jeren Hudaýbergenowa Nurgözel Gurbansähedowa Ogulbibi Babaýewa Süleýman Kulumow
2
Aýgül Garryýewa Aziza Madsoýunowa Bäşim Ataýew Gasan Abdullaýew Maksat Hojanyýazow
gatnaşyjy sany
123
3
gatnaşyjy sany
Annadursun Meretjäýewa
92
BÄSLEŞIK BILEN BAGLANŞYKLY KÄBIR MAGLUMATLAR BÄSLEŞIGIŇ yglan edilen güni: geçirilen güni: sylaglandyryş dabarasy:
10.04.2017 21.05.2017 27.05.2017
Hyzmatdaşlar: Türkmenistanyň Döwlet medeniýet merkezi
GATNAŞYJYLAR: näçe adama habar edildi: näçe adam ýazyldy: näçe adam gatnaşdy: sylagly orun eýelänler:
TMÝG-nyň Aşgabat şäher Geňeşi
diňleýji
işgärler
~1,800 442 226 21
70 19 19 3
«Gujurly Nesil» okuw merkezi
«Gujurly Nesil» hususy kärhanasynyň ilkinji Ýaşlar guramasynyň gatnaşan medeni çäreleriniň hasabaty. Agzalar üçin niýetlenendir.