sa P50-M gigahin sa siyudad sa nasunog nga tunghaan sa CdO mabasa pahina 2
Inadlaw’ng Kasayuran ug Kalingawan sa Masa VOL. I
No.28
Cagayan de Oro City
Martes
Agosto 14, 2012
P8.00
Video Karera gipangsunog Sinulat ni PJ TREMEDAL, Western Mindanao Bureau
Ang biktima nga bata igo na lamang sa pagsud-ong sa nagdilaab nga Video Karera. Ning adlawng Lunes, Gipangsunog sa kagamhanang Almonte sa City of Good Life ang mga nadakpang Video Karera nga makabu-ang sa kabataan kung dili apil na ang mga ulitawo ug bisan pay pamilay na. Kini ang gip[alig-on gayud sa kapolisan ang pagpangdakop diin kini usab ang gimando sa City Mayor. “Sa pakighinabi sa Mindanao STAR Balita ngadto sa maong bata, matud pa niini..daghan na kayo ug kwarta nga gitaya sir…gipaundang ko sa akong nanay sa pag-eskwela kay sige na lang ko ug absent kay sige man ko dula sa Video Karera..salamat na lang nga akong nakat-onan nga dili gyud diay mayo magdula ug Karera…maayo rang gipang-sunog makabalos na gyud ko sa mga tawo nga miguba sa akong pagkabata.” litrato kuha ni PJTREMEDAL, Western Mindanao Bureau.
Lima ka ‘wildlife smugglers’ gipriso Sinulat ni ARJAY FELICILDA News Editor
G
IPRISO na ang lima ka tawo, lakip ang usa ka Indonesian, nga mi-‘smuggle’ sa 17 ka Sulawesi bear cuscus pasulod sa dakbayan General Santos.
Matud ni Police Supt. Edgardo Cuanan sa PNPMaritime Group, ang maong mga mananap nga gikan sa isla sa Sulawesi, Indonesia – gipamaligya sa kantidad nga P7,000 ngadto sa P8,000 matag usa. Ang mga mananap nadiskobre sa mga tinugyanan sa Department of Environment and Natural Resources (DENR) ug PNP Maritime Group kaniadtong kaadlawon sa petsa-6 ning bulana sakay sa bangka nga iyaha sa sinumbong nga Indonesian. Dihadiha, gipaagi sa routine check-up ug quarantine service ang mga hayop, apan
usa ang namatay kaniadtong Miyerkules. Gipasabot ni Regional Technical Director Geronimo Sequito sa Protected Areas, Wildlife and Coastal Zone Management Service nga dili pa “endangered species” ang Sulawesi bear cuscus, apan giisip nga “vulnerable species”, ubos sa Convention on International Trade of Endangered Species (CITES). Ang Sulawesi bear cuscus, sakop sa pamilyang marsupial nga naglakip sa mga kangaroo. (uban sa report ni Danilo E. Doguiles, PIA-12)
ORO QUIETA CIT Y – MOKA BAT sa napulo ka mga dinakpang Video Karera ang Gipangsunog sa kagamhanang Syudad sa Oroquieta kagahapon aron ipakita nga wala sila magdumili sa pagwagtang sa mga dulang makabuang sa kabataan. Ang maong mga Video Karera ang gipangdakop sa kapolisan sa pagpangulo ni Superintendent Benjamin Talpis Jr. aron ipadayon ang kampamnya sa kagamhanan batok sa mga illegal nga buhat ug kinatibuk-an kampanya batok kriminalidad. Sa iyang pamahayag, gipadayag ni City Mayor Jason Paredes Almonte nga dili na gayud mamahimong magpiyong nalang gihapon ang kagamhanan sa mga ngil-ad ug makadaut nga
mga butang sama sa mga dula ilabi na gayud ang illegal nga video Karera sa mga nagtubo nga mga kabataan. Sa maong pagsunog ning milabay nga Lunes human sa flag raising sa City Hall, gimando gilayon ni City Mayor Almonte ang pagsunog sa tanang nadakpan nga Video Karera kay gusto niya makit-an sa katawhan nga dili gayud siya mosugot nga makalusot pa ang mga nanag-iya sa maong illegal nga dula. Gani, human sa maong pagsunog gmando gilayon niini sa kapolisan nga sikopon gayud ang gipangtago nga mga video Karera sulod sa suidad. Dugang niini nga palig-onon gayud ang kampanya sa mga kampanay dili lang sugal kun dili KARERA /P2
Duha ka drug den sa CdO gironda, 12 suspek dakpan Sinulat ni FRED B. DELLAVA,Associate Editor
C AG AYA N DE ORO CITY- PATUNG-PATONG nga kaso ang atubangon sa 12 ka mga suspek nga nadakpan samtang mihikay sa ilang pagpahigayon og pot session sa duha ka drug den sa dalang Dabatian, Barangay Carmen, ning siyudad. Sa report sa Philippine Drug Enforcement Agency (PDEA) rehiyon 10, target matod pa sa ilang operasyon ang magtiayon nga giilang sila si Michael ug Maria Cristina Marquez, nga misilbeng drug pusher ug runner. Lakip sa nasikop ang tag-iya sa giingong drug den nga si Valentino Acapulco, 59, minyo. Lain pang mga suspek giilang sila si Qinn Feliciano, Aquino Acapulco,
Jr., Aquino Acapulco, Sr., Allan de Guzman, Michael Acosta, Virgilio Acosta, Jun Nino Baryoga, Brian Acosta ug Markin Acapulco. Sa interbyu sa mga tigbalita kang PDEA agent Ben Calibre niingon nga dugay nang gipanid-an sa ilang kalihokan ang mga suspek. “Pagsulod gyud namo, amo silang naaktuhan nga nag-prepare na alang sa ilang pagahimuong potsession,” butyag ni Calibre. Narekober sa mga otoridad gikan sa posisyon sa mga suspek ang 14 ka sachet sa gituohang shabu nga gibana-banang dunay market value nga kapin P30, 000; siyam ka cellphone, pitaka ug daghan pang mga drug paraphernalia.
Police escorts ni Gov. Matugas sa Surigao samaran sa pagpamusil Sinulat ni MANUEL M. EGAY JR., Caraga Regional Editor ug FRED DELLAVA, Associate Editor
SURIGAO DEL NORTE – SAMDAN apan anaa na sa luwas nga kahimtang ang duha ka mga Police escorts nga na assign kang Gobernador Sol Matugas human sa pakyas nga pagpusil ngadto sa gobernador sa usa ka kanhi barangay kapitan didto mismo sa gawas sa kapitolyo ning probinsiya. Ang maong mga escorts naila nga si PO2 Ronnie Febra Golez. 34 anyos og PO2 Jerson Camingue Guidulman, 35 anyos. Samtang usa usab ka Raymar Aguilar Quiñonez, 38 anyos og se-
curity guard nga na assign sa Bulwagan ng Katarungan sa probinsya ang na igo usab sa maong pagpamusil ni Samuel Lapac, 69 anyos og kanhi barangay kapitan sa barangay Luna, dakbayan sa Surigao. Ang maong panghitabo maoy naka bulabog usab sa mga empleyado sa kapitolyo tungod kay nahitabo ang pagpamusil sa gobernador niadtong gipahigayon usab ang flag ceremony. Gamit ang usa ka kalibre 45, gipuntirya ni Lapac ang iyang armas ngadto sa
gobernador apan dali kining gigakos ni Golez ang maong gobernador hinungdan sa pagka igo sa maong escort sa iyang liog, abaga og lawas samtang si Guidulman naigo usab sa iyang paa. Si Quiñonez naigo usab sa iyang abaga. Ang maong mga nasamdan gidala gilayon sa Surigao Medical Center apan gibalhin kini didto sa Miranda Family Hospital. Samtang ang suspetsado gidala usab sa tambalanan. Matud pa ni Bise GoberMATUGAS /P2
Si Gobernador Sol Matugas sa Probinsya sa Surigao del Norte nga maoy gituohang target sa suspetsado nga si Samuel Lapac sa pagpamusil sa miaging adlaw didto sa kapitolyo sa maong probinsya. Hinuon luwas ang maong gobernador apan samdan usab ang duha ka mga escorts og usa ka security guard
Editorial: 857-8447, e-mail: mindanaostarbalita@gmail.com • Advertising: 0917-7121424